Ajo që për shumë vetë ngjan si zgjidhje e ngërçit institucional në Kosovë, në fakt është fillimi i krizës së mosformimit të institucioneve dhe shkuarjes në zgjedhje të jashtëzakonshme që mbahen brenda 45 ditëve nga dita që Kuvendi vendos të shpërndahet. Dimal Basha mund të mbetet në histori si kryetari i Kuvendit më jetëshkurtër në Kosovë. Arsyet janë të qarta. Albin Kurti nuk është i interesuar për një qeveri në pakicë, prandaj nuk është i interesuar të formojë një qeveri të Vetëvendosjes që nuk i ka votat, duke marrë disa vota hua nga ndonjë parti tjetër, qoftë Limaj, PDK apo LDK. Ai e di që në atë moment është në dorë të tyre dhe deliri i udhëheqësit të gjithpushtetshëm nuk e lejon të ulet të bëjë marrëveshje politike.

Për këtë arsye nga ana procedurale do të kemi 15 ditë kohë që Albin Kurti të djegë shansin për të formuar qeverinë. Pas 15 ditësh ky shans i kalon PDK-së. PDK mund të formojë një qeveri të opozitës, pasi ata janë në shumicë, por acarimi i sotëm me LDK-në dhe perspektiva vetëm njëvjeçare e asaj qeverie do të ngrejë dyshime dhe për këtë…

Kështu që gjithë objektivi i Albin Kurtit dhe opozitës tani është se kur do të bëhen zgjedhjet e jashtëzakonshme.

Albin Kurti do të synojë që zgjedhjet e jashtëzakonshme të bëhen më 12 tetor, në një ditë me zgjedhjet lokale, ku Albin Kurti ka vetëm dy bashki të mëdha. Kjo do t’i japë atij mundësi që, duke përdorur fuqinë që ka në pushtetin qendror, të përforcojë dhe rezultatin në zgjedhjet lokale, duke mundur opozitën.

Por për këtë i duhen votat e PDK-së dhe është e sigurt që PDK nuk ia jep këtë shans. PDK dhe opozita do të synojnë që Kuvendi të shpallë zgjedhjet e jashtëzakonshme pas zgjedhjeve lokale.

Nuk është se zgjedhjet e jashtëzakonshme do të prodhojnë ndonjë realitet shumë të ndryshëm nga ky që është, por nëse në zgjedhjet lokale Vetëvendosje del dobët, rriten shanset për një shumicë më të qëndrueshme opozitare.

Rruga më e sigurt është që opozita të gjejë fuqi të bashkohet dhe të formojë një qeveri që të zgjasë deri në krizën e presidentit dhe t’i lërë kohë vetes të organizohet për zgjedhjet parlamentare pas një viti.

Por duket se gjasat janë të pakta.

E vetmja gjë e sigurt është që Kosova do të jetë në zgjedhje në tetor për komunat e saj dhe në nëntor për parlamentin e ri që do të prodhojë përsëri një rezultat të vjetër. Arsyeja është se Albin Kurti nuk pranon një qeveri të varur nga të tjerët. Ai do ose gjithçka vetë në dorë, ose asgjë, duke mbajtur Kosovën në krizë të përhershme, pasi sipas teorisë leniniste, kriza permanente hapte mundësi për revolucion.

Spartak Ngjela thotë se nëse Sali Berisha largohet nga drejtimi i Partisë Demokratike, atëhere demokratët vijnë në pushtet për 4 muaj.

“Berisha vijon të mos i njohë zgjedhjet; edhe pse i ka humbur shumë thellë zgjedhjet e majit të këtij  viti me Partinë Demokratike.

Dhe Saliu është edhe nongrata në Shtetet e Bashkuara të Amerikës me arsyen: për korrupsion me gjithë pjesëtarët e familjes së tij.

Kurse shqiptarët e Partisë Demokratike, heshtin.

Ndërsa Berisha po thotë se nuk i njeh zgjedhjet se janë farsë..

Po kush ia vërteton manipulimin.

Këtë injorancë në lidhje me njohjen e shtetit, Saliut nuk ia pranon as Partia Demokratike.

Po çfarë kërkon të bëjë; dhe çfarë e ka gjithë këtë betejë injorante që thotë më kanë manipuluar votat; duke mos pasur asnjë provë?

Po pse e bën?

Sepse po të mos pretendonte në mënyrë banale se ia kanë manipuluar zgjedhjet; Saliu dihet të jepte dorëheqjen si humbës i zgjedhjeve.

Komedi.

Është komedi se zgjedhjet rrëzohen për manipulim me vendimin e një gjykate. Pa vendimin e gjykatës; ato kuptohet se  kanë qenë të lira dhe sigurisht që mbeten në fuqi. Pio Saliu?

Saliu e di që nuk i janë manipuluar zgjedhjet në muajin  maj të këtij viti.

Po krerët e Partisë Demokrarike nuk e kuptojnë që u ka ardhur çasti ta rrëzojnë Saliun dhe të krijojnë Partinë Demokratike që fiton zgjedhjet?

Po nuk e bënë këtë; ata janë të gjithë jashtë kohës dhe hapësirës në Shqipëri. Por nëse Partia Demokratike e bën këtë procedurë që ia imponon statuti i saj; Edi Rama dhe Partia Socialiste rrëzohen për katër muaj.

Të shohim; kush do të fitojë në shtator të këtij viti: Partia Demokratike që pa Berishën vjen në pushtet në Shqipëri; apo Sali Berisha që e dënon Partinë Demokratike që ajo të rrijë gjithmënë jashtë pushtetit politik në Shqipëri”, shkruan Ngjela.

Një “poshtërim”, “dorëzimi ekonomik” dhe retorikë që “duket se është vjedhur nga industria e argëtimit për të rritur”.

Ylli Manjani thotë se Shqipëria ka nevojë për një qeverisje të djathtë.

Por sipas tij, me këtë opozitë, kjo gjë nuk ka gjasa të ndodhë.

“Problemi është ç’do bëhet, jo kush do e bëjë!

Shumë muaj më parë se të fillonte fushata zgjedhore, fushatë i thënçin, shpreha pikpamjen se Shqipëria ka nevojë për një qeverisje të djathtë.

Kisha e kam parasysh një të djathtë që:

1. Ti lërë më shumë para në xhep njerëzve, veçanërisht sipërmarrëave.

2. Të marrë nën mbrojtje të fortë ligjore e shtetërore çdo mbajtës të një NIPTI.

3.  Të shpallë Shqipërinë një zonë të lirë investimi.

4. Të krijojë një ekonomi të matshme strikt mbi baza prodhimi dhe jo thjesht konsumi.

5. Të marrë nën mbrotje të shenjtën pronë private.

6. Të vendosë paprekshmërinë e lirive dhe të drejtave themelore.

7. Të ndërtojë një shtet shërbëtor dhe me pushtete të ndara.

Shkurt na duhet një qeverisje që të bazojë shtetin e fortë mbi

Presidenti i SHBA-së, Donald Trump, u shpreh më i rezervuar në lidhje me një takim të mundshëm midis Presidentit rus Vladimir Putin dhe Presidentit ukrainas Volodymyr Zelenski. “Nuk e di nëse ata do të takohen. Ndoshta do të takohen. Ndoshta jo”, tha Trump në Uashington në përgjigje të pyetjeve të gazetarëve. Trumpi u tha gazetarëve se pas takimit për Ukrainën në Shtëpinë e Bardhë kishte folur në telefon me Putinin dhe se çdo bisedë që ka pasur me Putinin ka qenë “një bisedë e mirë”. Gjatë bisedës me gazetarët ai megjithatë shprehu zemërimin e tij për sulmet ruse ndaj qyteteve ukrainase dhe kërkoi njëtakim të drejtpërdrejtë midis Putinit dhe Zelenskyt.

Javën e kaluar, zëdhënësja e tij Karoline Leavitt, kishte deklaruar pas pyetjeve të përsëritura nga ana e gazetarëve, se Putini kishte rënë dakord për një takim të drejtpërdrejtë me Zelenskin gjatë javëve të ardhshme. Pas takimit Trump-Putin u fol shumë se një takim midis Putinit dhe Zelenskit mund të zhvillohet së shpejti, por që atëherë Kremlini i ka minimizuar këto pritshmëri. Ministri i Jashtëm Sergei Lavrov deklaroi së fundmi se Moska dhe Kievi duhet së pari të bien dakord për paqen dhe pastaj një takim midis presidentëve mund të vulosë marrëveshjen.

Zelenski njofton për një raund të ri bisedimesh me SHBA-në

Presidenti ukrainas Volodymyr Zelenski tha se në fund të javës do të zhvillojë bisedime me përfaqësuesit e SHBA-së në lidhje me negociatat e mundshme me Rusinë për t’i dhënë fund luftës. Ai u takua në Kiev me të dërguarin special të SHBA-së, Keith Kellogg, me të cilin njoftohet se diskutoi për sanksione të mundshme kundër Rusisë.

Në një deklaratë online Zelenski tha se me Kellogg kishte folur për mënyrat se si “mund të detyrohet Moska që të hyjë në negociata të vërteta dhe për t’i dhënë fund luftës”. Zelenski tha se me të dërguarin special të SHBA-së Kellogg kishte diskutuar edhe për garancitë e sigurisë, në rast të një marrëveshjeje paqeje me Rusinë. Zelenski pret që aspektet më të rëndësishme të garancive të tilla për sigurinë të negociohen “së shpejti”. Ekipet negociuese ukrainase dhe amerikane planifikohet të takohen në fund të javës.

“Dialogu të kthehet te parimet themelore mbi të cilat bazohet, kryesisht në detyrimin për të formuar Asociacionin e Komunave Serbe, si dhe për të mbrojtur të drejtat e qytetarëve tanë në Kosovë”, shkruan Vuçiç në një deklaratë pas takimit.

Shqetësimi tjetër që ngriti ishte ai i ndalimit të pjesëmarrjes së Listës Serbe në zgjedhjet lokale. “Politika jonë është një politikë paqeje, e përkushtuar fuqimisht në kërkimin e zgjidhjeve kompromisi përmes dialogut, por edhe në një luftë vendimtare dhe të përgjegjshme për të ruajtur interesat shtetërore dhe kombëtare”, theksoi presidenti serb.

Ai deklaroi se vetëm me respekt të ndërsjellë, përgjegjësi të qartë dhe zbatim të plotë të asaj që është rënë dakord mund të flitet për stabilitet të vërtetë për të gjithë rajonin. Sorensen është takuar edhe me ministrin e jashtëm, Marko Gjuriç. Ky i fundit njofton se pritet të zhvillohet një takim mes kryenegociatorëve të Prishtinës dhe Beogradit së shpejti në Bruksel. Gjuriç e ka ngritur si shqetësim hapjen e urës së re të ndërtuar mbi Ibër.

Të gjithë shtetasit shqiptarë të cilët kanë mbushur moshën 18 vjeç deri në arritjen e moshës për pension pleqërie kanë të drejtë të paguajnë sigurim vullnetar. Instituti i Sigurimeve Shoqërore njofton se sigurimi vullnetar mund të kryhet për vitin aktual, për periudha të kaluara, ose për më shumë të ardhura.

Sipas ISSH-së sigurimi kryhet përmes pagesave mujore, tremujore ose vjetore duke bërë të ditura edhe pagesat, ndërsa për kontributet e parapaguara të periudhave të ardhshme bëhen zbritje.

Nga sigurimi vullnetar përjashtohen ata që kanë përfituar nga skema e sigurimit të detyruar, si edhe të vetëpunësuarit në bujqësi, të cilët përfitojnë subvencione nga buxhetit i shtetit.

Njoftim i ISSH-së

Kanë të drejtë të paguajnë SIGURIM VULLNETAR shtetasit shqiptarë të cilët kanë plotësuar moshën 18 vjeç deri në arritjen e moshës për pension pleqërie.

Cilat fusha mbulohen me sigurim vullnetar?

Sigurim vullnetar për vitin korent

Kanë të drejtë të paguajnë personat që nuk bëjnë pjesë në sigurimin e detyrueshëm. Kontributet mund të paguhen mujore, tremujore ose vjetore dhe për kontributet e parapaguara të periudhave të ardhshme bëhen zbritje të masës së caktuar të kontributeve, si në vijim:

6% mbi shumën për një pagesë vjetore (me kusht që pagesat të realizohen brenda muajit janar)

3% mbi shumën për një pagesë 6-mujore (me kusht që pagesat të realizohen përpara fillimit të periudhës 6-mujore, që do të mbulohet me sigurim vullnetar)

1,5% mbi shumën për një pagesë 3 mujore (me kusht që pagesat të realizohen përpara fillimit të periudhës 3-mujore, që do të mbulohet me sigurim vullnetar)

Sigurim vullnetar për periudha të kaluara

Personat kanë të drejtë të paguajnë sigurim vullnetar për plotësimin e periudhave të kaluara, të pambuluara me sigurim të detyrueshëm, deri në plotësimin e moshës për pension pleqërie.

Sigurim vullnetar për më shumë të ardhura

Kanë të drejtë të paguajnë personat e punësuar, të vetëpunësuar dhe punëdhënësit privatë, për pensione më të larta pleqërie, invaliditeti dhe familjar.

Kontributet vullnetare për më shumë të ardhura, paguhen deri në nivelin maksimal, por vetëm për vitin korrent dhe jo për periudha të mëparshme.

Kuota mujore e sigurimit vullnetar aktualisht është 8,640 lekë,

kuota vjetore është 103.680 lekë

Sigurimi vullnetar nuk mund të bëhet:

Pas lindjes të së drejtës për një përfitim nga skema e sigurimit të detyruar.

Nga të vetëpunësuarit në bujqësi, të cilët përfitojnë subvencione nga buxhetit i shtetit.

Sigurimi vullnetar në çdo rast bëhet nëpërmjet një marrëveshjeje ndërmjet personit që aplikon dhe punonjësit të ngarkuar në strukturat e ISSH – së.

Vijon zjarri për të dytën ditë radhazi në zonën e pyllit të Poros, pranë lagunës së Nartës.

Vatrat e shumta janë përhapur në të gjithë sipërfaqen pyjore, ndërsa forcat zjarrfikëse, ushtria dhe emergjencat civile po punojnë për shuarjen e flakëve.

Në ndihmë janë angazhuar edhe dy helikopterë që po kryejnë ndërhyrje nga ajri. Megjithatë, era e fortë gjatë pasdites ka riaktivizuar disa vatra, të cilat ishin shuar më herët nga zjarrfikësit.

Retë e tymit po mbulojnë zonën duke shkuar drejt qytetit të Vlorës.

Deputeti i zgjedhur i Partisë Demokratike, Klevis Balliu, ka folur me gjuhën e Berishës, teksa është shprehur se zgjedhjet e 11 majit përbëjnë një “masakër elektorale”, duke akuzuar qeverinë dhe Partinë Socialiste për manipulim të rezultatit dhe shkelje flagrante të procesit zgjedhor.

Ndërkohë që më tej Balliu u shpreh se kjo opozitë ka nevojë për protesta dhe jo për mitingje, duke nënkuptuar pakënaqësinë e tij me mitingjet e deritashme të organizuar nga opozita nën drejtimin e Berishës.

“Opozita ka nevojë të bëjë protesta, jo mitingje …Kur një qeveri nuk lejon zgjedhje dhe vjen në pushtet si rezultat i aferave dhe lidhjeve me krimin, ajo i përgjigjet nevojave jo të qytetarëve, por të bandave,” tha Balliu.

Kujtojmë se Berisha u rikthye në krye të PD-së me premtimin se do ta rrëzonte Edi Ramën me mosbindje civile dhe me revoltë popullore, mirëpo humbi zgjedhjet e 11 Majit me rezultatin më të dobët që kishte marrë ndonjëherë Partia Demokratike./ TemA

Policia e Tiranës ka arrestuar shoferin që përplasi për vdekje me makinë këmbësorin një ditë më parë në dalje të Vorës.

Në pranga ra Jani Tanushi 53 vjeç, i cili duke drejtuar automjetin, përplasi këmbësorin Kujtim Luka 66 vjeç. Ky i fundit humbi jetën si pasojë e përplasjes së fortë.

“Specialistët e Qarkullimit Rrugor arrestuan shtetasin J. T., 53 vjeç, pasi ditën e djeshme, në dalje të Vorës, ka përplasur me automjetin që drejtonte këmbësorin shtetasin K. L, 66 vjeç, i cili për pasojë ka humbur jetën”, njofton Policia e Tiranës.

Kujtojmë se aksidenti me vdekje ndodhi rreth orës 20:30 të mbrëmjes të së hënës.

Një incident ndodhi të diel në Liqenin Rosporden të Francës, ku një helikopter tip Morane 29 u rrëzua gjatë një misioni për shuarjen e një zjarri.

Sipas pamjeve të siguruara nga vendngjarja, helikopteri po kryente një manovër për të mbushur një kovë me ujë nga liqeni, kur piloti humbi kontrollin mbi mjetin fluturues.

Helikopteri filloi të rrotullohej në mënyrë të pakontrolluar dhe brenda pak sekondash u përplas me forcë në ujë, duke u shpërbërë në copa.

Autoritetet lokale kanë nisur një hetim për të zbardhur shkaqet e aksidentit.

Shtetet e Bashkuara nuk do të humbim më asnjë dollarë për Ukrainën, por do të mbështesin sigurinë e Kievit. Janë fjalët e presidentit amerikan Donald Trump, i cili shton se nuk janë diskutuar ende garanci të posaçme sigurie për Ukrainën dhe se detajet janë ende duke u shqyrtuar.

“Nuk e dimë ende se cilat do të jenë garancitë pasi nuk kemi diskutuar ende për diçka të tillë. Europa do t’u japë atyre garanci të rëndësishme sigurie, dhe duhet ta bëjnë pasi janë atje. Por ne do të përfshihemi si mbështetës. Do t’i ndihmojmë ata. Mendoj se nëse arrijmë një marrëveshje, ata nuk do të kenë shumë probleme.  Por ne do të mbështesim pasi nuk dua të shoh më njerëz që vriten. Unë nuk dua të bej para me Ukrainën, dua që lufta të marrë fund dhe të shpëtoj jetë njerëzish. Por që ta kuptoni, nuk do të humbim më para. Tani ne u shesim armë”.

Presidenti amerikan iu rikthyer akuzave ndaj Volodimir Zelenski, i cili siç thotë ka qene shitësi më i zoti në botë. Sa herë që largohej nga Shtëpia e Bardhë merrte me vete miliona dollarë, ishin fjalët e tij. Ai po ashtu bëri të ditur se kishte zhvilluar një tjetër bisedë telefonike me Putin, e  cila siç thotë kishte qene e mirë. Por shpresat për një takim Zelenski–Putin veniten edhe më tej, teksa Trump thotë se presidenti rus nuk do ta takojë homologun ukrainas pasi nuk e pëlqen atë.

Nga ana tjetër presidenti Volodimir Zelenski tha se Rusia nuk po bën asnjë lëshim ndaj Ukrainës për t’i dhënë fund luftës, ashtu siç pretendon. “Nuk besoj se fakti që janë të gatshëm të mos pushtojnë zona te tjera të Ukrainës, është një koncesion’, tha ai gjatë një takimi me zv.kancelarin gjerman.

Ai theksoi se Kievi synon të sigurojë të paktën 1 miliardë dollarë çdo muaj nga aleatët për të blerë armët amerikane që i duhen për luftën kundër Rusisë.