Mbretëria e Bashkuar, Franca dhe Gjermania kanë filluar procesin e rivendosjes së sanksioneve të mëdha të OKB-së ndaj Iranit. Masat ishin hequr sipas një marrëveshjeje të vitit 2015.

Kjo lëvizje vjen në një kohë, kur tensionet po përshkallëzohen përsëri mbi programin bërthamor të Iranit.

Ky veprim do të aktivizojë të ashtuquajturin mekanizëm rikthimi, i cili mund të rezultojë në rikthimin e sanksioneve brenda 30 ditësh.

Të treja vendet, pjesëmarrëse në marrëveshjen e vitit 2015, paralajmëruan dy javë më parë se ishin gati ta bënin këtë nëse Irani nuk pranonte një “zgjidhje diplomatike” deri në fund të gushtit.

Bisedimet midis Iranit dhe SHBA-së mbi programin e tij bërthamor nuk kanë rifilluar që nga qershori, kur SHBA-të bombarduan 3 baza bërthamore iraniane dhe Teherani u ndaloi inspektorëve të mbështetur nga OKB-ja të hynin në objektet e tij.

Sipërmarrësi Behgjet Pacolli ka reaguar pas aludimeve mediatike që erdhën për shkak të një vizite të tij të papritur në Kryeministri ku takoi shefin e qeverisë, Edi Rama.

Në media u pretendua se Pacollit po i bëjnë presion për t’i marrë aeroportin e Vlorës, por biznesmeni i njohur i rrëzon këto pretendime. Pacolli thotë se artikulli është i pavërtetë dhe se “aeroporti tashmë po hyn në një fazë të re zhvillimi profesional, Mabco ka nisur procesin e riorganizimit të brendshëm, që lidhet vetëm me menaxhimin normal”.

Reagimi i Pacollit:

Është e padrejtë të krijohen histori me insinuata. Artikulli i gazetës Kapitali është po aq i shtrembëruar sa edhe i padrejtë.

Unë, së bashku me drejtorin e kompanisë Mabco, koncesionare shumicë e Aeroportit të Vlorës, kemi qenë në Kryeministri thjesht për një vizitë kortezie, ku informuam për ecurinë e punimeve në aeroportin e Vlorës.

Nuk është aspak e vërtetë, as korrekte, të thuhet se ka pasur ndonjë presion apo kërkesë për t’u përfshirë qeveria, ashtu siç raportojnë disa media.

Në fakt, duke qenë se aeroporti tashmë po hyn në një fazë të re zhvillimi profesional, Mabco ka nisur procesin e riorganizimit të brendshëm, që lidhet vetëm me menaxhimin normal.

Duke marrë shkas nga leximi me i thellë i  një shkrimi në  media, dua të konfirmoj që puna për përfundimin e aeroportit të Vlorës po ecën përpara me sukses dhe me mbështetjen e plotë të qeverisë shqiptare! Ne mezi presim që ta përfundojmë aeroportin në afat për ti dhënë Shqipërisë dhe bregdetit të saj të bukur dhe një destinacion tjetër.

Vendimet e aksionerit te VIA nuk janë asgjë tjetër përveçse procedura rutinë që kanë të bëjnë me procese normale qe kane lidhje me garancine ndaj institucioneve financiare për mos transferimin e kuotave sa kohe qe kreditë e marra apo që do merren në lidhje me zhvillimin e aeroportit nuk janë shlyer.

Ylli Manjani ka ironizuar deklaratën e Fatmir Mediut, i cili tha se opozita do të ngjallet nga Berisha sicc ndodhi me Krishtin.

Në një postim të tij, Manjani shkruan:

“Ndoshta gaboj po sa herë dëgjoj fjalën “ringjallje” më vjen ndërmend pamja e lugatit.

Ndjesë për këdo që beson në ringjallje, po unë këtë përfytyrim kam. Lugatin…

Madje më vjen ndërmend edhe një barcaletë me këtë rast:

Një hebre nga Shqipëria u sëmur dhe shkoi në Jeruzalem për të marrë ndihmë mjeksore.

Pas përpjekjeve të shumta nuk ia doli dot. Spitali atje i thotë të shoqes se rasti qe shumë i rëndë dhe nuk kishin ç’ti bënin më shumë. Por e lidhën me një agjensi funerale atje.

Agjensia i tha gruas së të ndjerit se mund ta varrosnin në Jeruzalem meqë kushtonte me pak.

Gruaja i tha, “ma sillni në Tiranë, sado që të jenë shpenzimet, se kam dëgjuar se këtu në Jeruzalem është ngjallur njëherë dikush”

Nikoll Lesi ka replikuar me Fatmir Mediun, pas deklaratës së këtij të fundit, se pa Sali Berishën, nuk ka PD dhe opozitë.

Shkrimi i Lesit

“Nëse kërkohet të largohet Berisha, nuk mendoj se ka një autoritet që mund ti bashkojë në një front të vetëm. Nuk mund të kryejmë vetëvrasje sepse do ringjallemi si Krishti”- tha Fatmir Mediu, kryetar i PR, partia aleate tradicionale e PD.

Ndërkohë PD-ja ka humbur, paçka se çfarë thonë në selinë blu.

Nëse ua mori votat Rama, atëhere pse Berisha dhe PD hynë në zgjedhje me kryeministër Ramën, kur para një viti deklaronin e përbetoheshin se “do të krijojmë qeveri teknike zgjedhore” dhe se “nuk futemi në zgjedhje me Edi Ramën si kryeministër”, etj.

Ishte PD që pranoi pazar me PS që të ndryshonin Kodin Zgjedhor para zgjedhjeve, ku të kishin në dorë pikërisht kryetarët e partive listën e mbyllur, pra listën e deputetëve të sigurtë.

Pse PD e pranoi?! Apo ua caktoi Rama listën e tyre?!

Berisha deklaron se nuk do ti njohë zgjedhjet.

Berisha thotë se me Ramën nuk ka zgjedhje.

Por Berisha sot është 81 vjeç dhe pas katër viteve, kur të jenë zgjedhjet e tjera, kap 85 vjeç.

Që do të thotë nuk ka asnjë shans të fitojë as në vitin 2029.

Ai nuk jep dorëheqjen nga kryetar i PD.

Ai nuk ikën!

Le të rrijë siç do, por zgjedhje nuk fiton PD me Berishën.

Fatmir Mediu ka të drejtë se pa Berishën PD-ja përçahet. Por me Berishën nuk fitohen zgjedhjet. PD ka zgjidhje nëse duhet mbiemër Berisha që të mbajë bashkuar ato vota demokrate. Eshtë Argita Berisha, juriste korrekte dhe demokrate 24 karatshe.

Atëhere si do të bëjë PD dhe opozita?

Apo do presin kur Zoti të shikojë nga oborri i PD-së….

Komisioni Rregullator i mbledhur sot certifikoi rezultatin e zgjedhjeve të 11 majit, duke i hapur kështu rrugën Presidentit Bajram Begaj të thërrasë seancën e parë të Kuvendit. Në mbledhje, dy përfaqësuesit e PD-së, Muharrem Ccakaj dhe Helga Vukaj votuan kundër, duke mbajtur të njëjtin qëndrim si forca që përfaqësojnë që e cilëson procesin një farsë zgjedhore.

Çakaj tha se Komisioneri Shtetëror ka ndjekur dy standarde të ndryshme kur ishte rasti i Zegjine Çaushit që u fut në Kuvend dhe kandidatëve të koalicionit Nisma Shqipëria Bëhet.

Ndërkohë anëtarja tjetër e propozuar nga opozita, Helga Vukaj hodhi akuza të fortë për përfaqësuesit e PS-së, në Komisionin Rregullator, të cilët sipas saj i kanë kërcënuar për të votuar siç ata kanë dashur.

Muharrem Cakaj: Në listën e Fierit, Komisioneri ka miratuar dorëheqjen e kandidates për deputete, Maldrita Bardha dhe ka hyrë kandidatja Zegjine Caushi. Referuar Kodit Zgjedhor, emrat në listën e kandidatëve nuk ndryshohen pas miratimit nga KQZ. Marrëveshjet kolektive apo deklaratat paraprake nuk përbëjnë shkak për ndërprerjen e mandatit. Mandati sipas kushtetutës ndërpritet pasi është fituar. Komisioni i cili i vë vulën rezultatit është Komisioni Rregullator. Si mund të heqësh dorë nga mandati që nuk e ke fituar? Ndërkohë që në rastin e koalicionit Shqipëria Bëhet është mbajtur tjetër standard.

Drejtoresha e KQZ: KQZ ka mbajtur të njëjtin standard për shpërndarjen e mandateve të deputetëve. Mandati fillon ditën kur e shpall komisioni i Zgjedhjeve, pra jemi ne.

Cakaj: Po pra po, atë u lexova dhe unë por komisioni përkatës i zgjedhjeve nuk është Komisioneri Shtetëror, është Komisioni Rregullator. Si mund të japësh dorëheqjen nga një gjë që nuk e ke fituar.

KQZ: Komisioneri ka pranuar dorëheqjen, ku Zegjineja është futur në vend të Maldritës kur do ti kalonte mandati. Është aplikuar neni 71, pika 1 e Kushtetutës.

Helga Vukaj: Paraardhësi juaj (i drejtohet përfaqësueses së PS në Komisionin Rregullator Elena Xhina) solli precedentin më të keq në historinë e KQZ-së, arriti dhe guxoi të na kërcënonte haptas ne dy anëtarëve, në imponim të dëshirës së tij apo vullnetit të tij partiak për të votuar sicc donte ai për zgjedhjet e Himarës. Kjo ishte e rëndë.

Muharrem Cakaj: Mandati i deputetit fillon ditën që rezultati shpallet nga KQZ. A mund të ushtrojë detyrën e deputetit një deputet vetëm me vendimin e Komisionerit pa kaluar nga Komsioni Rregullator? E merr dot Presidenti vendimin për thirrjen e Kuvendit? Jo. Vota ime është kundër këtij propozimi. Do të doja shumë pas 5 vitesh që së paku njëherë KQZ, partitë politike dhe e gjithë politika të kishte plotësuar standardet zgjedhore. KQZ është kthyer në një KQZ tenderash. Përballë potencës së maxhorancës, kemi një KQZ impotente. Por kur vjet puna te tenderat, KQZ bëhet aq potente saqë i bën tenderat edhe me negociim të drejtpërdrejtë.

Helga Vukaj: A janë të vërteta këto shifra? A vijnë ato sipas një procesi real, të një vote të pacenuar, a u kryen të gjitha procedurat ligjore siç parashikon Kodi Zgjedhor? Aspak! Administrata e KQZ është e njëanshme, e partizuar dhe e sugjestionuar nga jashtë për të ndjekur interesat e partisë-shtet. Shikoni mbledhjet tona kur kemi ekspozuar shkelje të natyrave të ndryshme apo kapje të momenteve kur administrata merrte përsipër të dilte mbi komisionin rregullator me qëllim që procesi i votës nga jashtë të ishte ashtu siç donin të ishte.

E mbani mend debatin disaditor të Kryeministrit Edi Rama dhe kreut të Partisë Reformiste të Britanisë Nigel Farage për emigrantët e paligjshëm shqiptarë? Zhurma që u bë në rrjete, deri edhe në mediat kryesore britaniket. Ja ku erdhëm në kulmin e debatit, ku Farage ka publikuar një listë të vendeve që do të vendosen në listën e zezë ku shqiptarët nuk janë. Ndryshim mendje apo kërkon votat e emigrantëve tanë? Ku i dihet?

Pezullimi i traktateve kryesore të të drejtave të njeriut dhe deportimi i afërsisht 600,000 emigrantëve të paligjshëm në pesë vitet e tij të para në pushtet, me “stimuj financiarë” për individët dhe vendet nga vijnë. Ky është program i Farage.

I cili njoftoi planet e partisë së tij për t’u përballur me “plagën” e emigracionit të paligjshëm në një fjalim të gjatë në një aeroport pranë Oksfordit. Udhëheqësi i Reformës – duke kryesuar në sondazhe ndaj Partisë Laburiste dhe Konservatorëve – përshkroi platformën e tij për atë që është gjithnjë e më shumë një temë e nxehtë në politikën britanike.

Fjalët e tij shpejt kaluan kufijtë dhe nga Afganistani, talebanët iu përgjigjën atij në faqet e Telegraph: “Ne jemi të gatshëm të mirëpresim dhe përqafojmë këdo që Farage dëshiron të na dërgojë”, i tha një anëtar i grupit gazetës britanike. “Ne jemi të gatshëm të punojmë me këdo që dëshiron t’i japë fund gjendjes së vështirë të refugjatëve afganë.” “Ne nuk do të pranojmë para për të kthyer njerëzit tanë”, shtoi burimi, “por nuk do të refuzojmë kontributet për të ndihmuar të sapoardhurit”.

Nga “Më në fund një politikan që kupton” e Daily Mail deri te “Britania meriton më mirë” e Mirror, qëndrimi i Farage – i shpallur me një flamur të madh të Union Jack pas tij – po ndan opinionin publik, me deputetët e Partisë Laburiste dhe Konservatore që e quajnë atë “populizëm të shëmtuar” dhe “plane të pazbatueshme”, dhe Ministrin e Bashkimit Evropian Nick Thomas-Symonds që sot i quajti propozimet e Reformës “të çuditshme”. Një zëdhënës i Kryeministrit Keir Starmer, i cili është në pushim deri në fundjavë, theksoi se kryeministri “e kupton mirë zhgënjimin” që vendi po ndjen për shkak të emigracionit të paligjshëm. Traktate si Konventa Evropiane për të Drejtat e Njeriut, të cilën Farage propozon ta pezullojë, “janë një element thelbësor në shumë marrëveshje ndërkombëtare”, siç është Traktati i Paqes i së Premtes së Madhe në Irlandën e Veriut, dhe “nuk është e vërtetë – siç pretendon deputeti i Reformës – se vendi është në prag të trazirave të mëdha civile”.

Megjithatë, është e qartë, duke pasur parasysh vëmendjen që ka fituar fjalimi i tij, se Farage mund t’i flasë drejtpërdrejt fisit të tij të madh kur të dëshirojë: me vetëm katër deputetë në Ëestminster, ai është një forcë në peizazhin politik. Këmbëngulja e tij për emigracionin ka formësuar axhendën e qeverisë dhe të Konservatorëve të Kemi Badenoch. Ndërsa zgjedhjet mund të mos zhvillohen para shtatorit 2029, Reforma padyshim që po ecën lart, falë pjesërisht shumë grupeve të krahut të djathtë që mobilizojnë popullsinë dhe shtyjnë retorikën nacionaliste, me protesta ndonjëherë të dhunshme para strehimoreve të emigrantëve dhe një fushatë të dukshme për të shfaqur flamuj që mbajnë Kryqin e Shën Gjergjit, Union Jack, në disa pika strategjike.

Në zemër të suksesit të tij është një kontradiktë që, siç e theksoi sot edhe Financial Times, qeveria refuzon me kokëfortësi ta adresojë. Brexit-i që ai shtyu ka varfëruar vendin dhe ka përkeqësuar problemin e imigracionit, si të paligjshëm ashtu edhe të ligjshëm. Një realitet që, si një komunikues i aftë, Farage arrin ta anashkalojë dhe që partitë e tjera nuk guxojnë ta përmendin. Shifrat nuk e justifikojnë plotësisht alarmizmin. Ardhjet e paligjshme janë të ulëta krahasuar me totalin: 55,000 në vit, ndërsa afërsisht 852,000 viza u dhanë në 12 muajt deri në qershor 2025, pa llogaritur lejet e studimit. Mbretëria e Bashkuar ka disa qindra mijëra banorë pa dokumente, duke përfshirë njerëz që ishin të ligjshëm kur mbërritën dhe nuk janë më të tillë. Një total i saktë është i vështirë për t’u llogaritur, por sipas Observatorit të Migracionit në Universitetin e Oksfordit, ai arrin në afërsisht 700,000 njerëz, ose rreth 1% të popullsisë.

Policia e Durrësit ka zbardhur ngjarjen e 13 gushtit, ku në banesën e shtetasit I. Gjeçi në lagjen nr. 14 në Shkozet u vendos një sasi e konsiderueshme lënde plasëse. Si autorë të dyshuar u arrestuan Erald Mustafa dhe bashkëpunëtori i tij Arbi Haxhia, gjatë një operacioni të zhvilluar mbrëmjen e djeshme në të njëjtën zonë.

Mustafa, i njohur për precedentë penalë dhe lidhje me grupe kriminale në Durrës, ishte arrestuar më herët pranë Drejtorisë së Policisë me një arsenal armësh, nga pistoleta deri te një mitraloz i lehtë.

Rreth 20 muaj më parë ai i kishte shpëtuar një atentati me lëndë plasëse, pasi mjeti ku udhëtonte shpërtheu pa e lënduar. Aktualisht ai është nën hetim nga Krimet e Rënda për disa ngjarje të tjera.

Prej vitesh tashmë i larguar nga politika aktive, por jo nga ajo publike dhe akademike.

Ish-kreu i diplomacisë shqiptare në qeverinë “Rama”, Ditmir Bushati ka pranuar ofertën e Universitetit të Harvardit që është universiteti më i vjetër në SHBA dhe vlerësohet si një nga më prestigjiozët në botë.

Lajmin e bën me dije vetë Bushati në faqen e tij zyrtare në rrjetin social “Facebook”, ku shprehet se do t’i bashkohet Qendrës për Marrëdhënie Ndërkombëtare të Universitetit të Harvardit të paktën për këtë vit akademik.

Universiteti i Harvardit ???????? është fuqia e mendimit dhe zemra e ideve novatore ????????????

Kam patur fatin të jem dy herë në Harvard. Si ministër, ku kam mbajtur një fjalë me studentët për sfidat me të cilat ndeshet Europa Juglindore, dhe më herët si pjesëmarrës i një programi ekzekutiv për negociatat.

Është nder dhe kënaqësi për mua, që kësaj radhe t’i bashkohem Qendrës për Marrëdhënie Ndërkombëtare të Universitetit të Harvardit për këtë vit akademik, duke u angazhuar në projekte kërkimore dhe në një cikël leksionesh me studentë, pedagogë dhe studiues, mbi rolin e marrëdhënieve SHBA-BE në konsolidimin e paqes dhe prosperitetit në Europën Juglindore.

Qendra për Marrëdhënie Ndërkombëtare, e themeluar në 1958 nga Henry Kissinger dhe Robert Boëie, është institucioni më i madh i kërkimit në Universitetin e Harvardit lidhur me marrëdhëniet ndërkombëtare.

Ajo është pikë takimi e akademikëve dhe njerëzve të praktikës nga e gjithë bota, duke pasqyruar në këtë mënyrë një angazhim të hershëm për të lidhur në jetë studimet me praktikën. Kësisoj, e konsideroj një eksperiencë të vyer pasi jo vetëm do të kem mundësi të kontribuoj bazuar në përvojën time, por edhe të mësoj nga të tjerët.

Rendi ndërkombëtar i bazuar në rregulla ka pësuar goditje të fortë si pasojë e agresionit rus në Ukrainë dhe konfliktit të ripërtërirë në Lindjen e Mesme.

Për rajonin tonë, pasojat janë të qarta, duke pasur parasysh afërsinë gjeografike dhe çështjet e pazgjidhura të shtetësisë.

Mirëpo momenti aktual është tejet sfidues pasi ekspozon një hendek: nevoja për bashkërendim SHBA-BE në rajonin tonë vijon të jetë e madhe, ndërkohë që hapësira për bashkëpunim mes tyre duket se po ngushtohet.

Ndaj është e rëndësishme të shqyrtohen politikat, instrumentet dhe modelet e bashkëpunimit SHBA-BE në Europën Juglindore, në funksion të një agjende transformuese dhe konsolidimit të projektit europian të rajonit.

Ministri i Blendi Gonxhe ka reaguar ndaj akuzave të deputetit të zgjedhur të PD-së Klevis Balliu, i cili përmes Facebook shkroi se kompania “Albarant Sh.p.k” e bashkëshortes së ministrit është përfshirë në një skandal financiar.

Sipas tij Drejtoria e Përgjithshme e Tatimeve, përmes Drejtorisë së Detyrimeve Tatimore të Papaguara, bllokoi pasuritë e “Albarant Sh.p.k”, pasi kompania nuk kishte paguar detyrimet fiskale për shtatë vite.

Gonxhe i cilëson akuzat gënjeshtër dhe e sfidon Balliun t’i çojë “provat” në Prokurori.

Ai sqaron publikun se shkresa, të cilës i referohen flet për lirim të titujve të pronësisë, por në asnjë rresht të saj nuk flitet për nivelin e detyrimit tatimor.

Reagimi i Gonxhes

Opozitë përtace, kopjace portalesh Gushti, që në gjykatë të mbrohen me “cituam median”, palaço me kollaro, bajatë në shpifje – shkresa të cilës i referohen flet për lirim të titujve të pronësisë, por në asnjë rresht të saj nuk flitet për nivelin e detyrimit tatimor – maksimumi i detyrimeve të prapambetura, gjatë tërë aktivitetit, ka arritur 1.2 milionë Lekë! Është komikisht groteske vlera 1.2 milionë Euro që Balliu Jr. recitoi paturpësisht!

Kush zhvillon biznes të ndershëm, është gjendur përballë mungesës së likuiditetit, sidomos për parapagimet. Ka momente që nuk ke si të paguash edhe pse do. Administrata tatimore ndërmerr masat shtrënguese për garantimin e detyrimit, dhe pas likujdimit të tij, zhbllokon llogaritë dhe titujt e pronësisë, diçka rutinë, njësoj si për të gjithë.

Marrëdhënia e shoqërisë “Albarent”, e drejtuar nga bashkëshortja ime, me fiskun është korrekte. Në vitin 2023 as nuk kam qenë ministër. Në “Librin e Përgjithshëm të Llogarive” jepet se në 15 vite janë derdhur për detyrimet 2.3 milionë Euro, dhe në dokumentin tjetër detyrimet në kohe reale janë 0!

Theksoj faktin që shoqëria “Albarent” nuk ka përfituar nga asnjë amnisti fiskale dhe asnjëherë nuk i është falur as edhe një detyrim tatimor, sikundër pretendon “zëri” për turp i Opozitës!

Sfidoj gënjeshtarin dhe çdo baltosës të provojë akuzat! Çdo person, ler më një Opozitë, duhet t’i çojë faktet në Prokurori, ashtu sikurse çdo informacion tatimor mbi “Albarent” mund të vërtetohet në Zyrat e Tatimeve me lejen time publike!”