I gjithë vendi është përfshirë nga stuhi dhe reshje të dendura shiu, pas ditëve të nxehta të gushtit. Reshjet kanë shkaktuar problemet e para në disa qytete, si edhe vonesa me fluturimet në aeroportin e Rinasit. Në Tiranë, Durrës, Vlorë e Lezhë, raportohet për dëme materiale, më të shumta dhe për shkak të pranisë së ujit në rrugë ka probleme në qarkullim, rrugë të përmbytura e mungesë energjie.

Stuhia ka goditur edhe kryeqytetin, në Tiranë kanë nisur gjithashtu reshje intensive të shiut. Stuhia e forta ka shkaktuar probleme në qarkullim, por edhe dëme. Për shkak të rrëzimit të disa pemëve nga era e fortë siç shihet edhe në pamje janë dëmtuar disa automjete.

Stuhia e fortë goditi fillimisht Durrësin, Golemin, Kavajën, ndërsa rrebeshet e shiut shkaktuan probleme në qarkullim për shkak edhe të përmbytjes së rrugëve. Edhe Lezha u përfshi nga moti i keq dhe me përmbytje në disa rrugë.

Vlora u përball me një tjetër fenomen një stuhi rëre dhe erë njëkohësisht, për t’ia lënë më pas vendin rrebesheve të shiut dhe rrugëve të bllokuara nga shirat e dendur. Në Fier nuk u raportuan përmbytje masive, ndërsa qyteti u përfshi nga reshje shiu. Por në fshatrat përreth u raportua ndërprerje e energjisë elektrike. Aktualisht pa energji janë të gjithë fshatrat e zonës bregdetare si dhe disa fshatra në Mallakastër.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Reshjet e shiut shkaktuar probleme në lëvizjen e qytetarëve si edhe të automjeteve. Sipas meteorologëve, një mot i tillë do të na shoqërojë gjatë ditës, por edhe përgjatë ditës së nesërme. Gjithahstu Autoritetet kanë bërë apel për kujdes të shtuar nga ana e qytetarëve dhe drejtuesve të automjeteve nga rënia e inerteve, pemëve apo sendeve nga lartësitë e pallateve.

Reshjet e dendura të shiut kanë shkaktuar probleme të mëdha në rrugën nacionale Burrel-Milot, duke bllokuar trafikun dhe krijuar rrezik për përdoruesit e saj. Sipas informacionit të fundit, në segmentin nga sektori C deri te tuneli i vogël i Shkopetit, ka pasur rrëshqitjesh guresh, pavarësisht përpjekjeve të punëtorëve të firmës që po punonin për pastrimin e rrugës.

Situata ka bërë që rruga të mbetet e bllokuar për rreth një orë, duke shkaktuar vonesa dhe shqetësime për drejtuesit e mjeteve. Autoritetet e trafikut njoftojnë se njëra krah rrugës ka mbetur e bllokuar, duke e vështirësuar kalimin e mjeteve, si ato që levizin drejt Milotit, ashtu edhe ato që udhëtojnë drejt Burrelit.

Ky fenomen nuk është i ri për këtë aks, pasi çdo herë që shira të dendura bien, rruga përballet me të njëjtën situatë. Drejtuesit e mjeteve janë duhet të tregojnë kujdes të shtuar gjatë udhëtimit në këtë segment të rrugës, për të shmangur rrezikun dhe për të siguruar kalimin pa probleme.

Mëngjesi me diell i së shtunës në Lezhë u pasua nga reshje të rrëmbyeshme shiu, të cilat nisën rreth mesditës dhe vazhduan me intensitet për rreth 45 minuta. Trafiku u bllokua, veçanërisht për automjetet që lëviznin drejt e nga Shëngjini, ndërsa rrugët kryesore u përmbytën nga vërshimi i ujërave.

Në qytet, disa hyrje pallatesh u izoluan pasi niveli i ujit arriti mbi 30 cm, duke e bërë pothuajse të pamundur lëvizjen e banorëve, ndërsa pas orës 13:00, intensiteti i reshjeve u ul, duke sjellë një normalizim të pjesshëm të situatës.

Situata e rënduar nga moti i keq ka sjellë edhe ndërprerje të furnizimit me energji elektrike, ku probleme janë raportuar edhe në zonën turistike të Shëngjinit. Autoritetet lokale po ndjekin nga afër zhvillimin e situatës për të marrë masat e nevojshme.

Nisur nga moti i keq me erë të fortë, shi e stuhi në disa qarqe të vendit, Policia e Shtetit apelon edhe njëherë për të gjithë përdoruesit e rrugës që të tregojnë kujdes maksimal dhe të respektojnë me rigorozitet rregullat e qarkullimit rrugor.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Drejtuesit e automjeteve dhe motomjeteve të qarkullojnë ngadalë, po ashtu edhe këmbësorët të tregojnë kujdes nga rënia e inerteve, pemëve apo sendeve nga lartësitë e pallateve.

Punonjësit e Policisë në të gjitha Drejtoritë Vendore të Policisë janë prezentë kudo në terren, për të ofruar ndihmë dhe mbështetje qytetarëve, për shkak të motit të keq.

Qytetarët dhe përdoruesit e rrugës të bashkëpunojnë me Policinë, në rastet e bllokimit të rrugëve apo problemeve të tjera për shkak të motit të keq, me qëllim koordinimin e veprimeve me gjithë strukturat e tjera shtetërore.

Telefononi në 112 për çdo rast nevoje dhe respektoni udhëzimet e Policisë.

Reshje te dendura shiu, erë e fortë dhe stuhi godit Tiranës mesditën e sotme, duke shkaktuar jo pak probleme rrugëve të kryeqytetit.

Në disa zona për shkak të erës së fortë pemët janë thyer dhe kanë rënë mbi automjetet e parkuara në anë të rrugeve duke bllokuar qarkullimin. Deri më tani nuk raportohet për njerëz të lënduar.

Qyteti u mbulua nga një mjegull e dendur dhe erë e fortë, e cila siç shihet edhe nga pamjet, vështirësoj qarkullim e qytetarëve si me mjete ashtu edhe në këmbë.

Vlora është përfshirë gjatë ditës së sotme nga erëra shumë të forta që kanë sjellë një stuhi rëre, duke mbuluar qytetin bregdetar.

Pamjet tregojnë rrugë të mbushura me pluhur dhe dukshmëri të ulët, ndërsa era e fortë ka krijuar vështirësi për qytetarët.

Situata është shoqëruar edhe me trafik të rënduar, pasi shumë pushues kanë zgjedhur të largohen me shpejtësi nga qyteti, duke bllokuar akset hyrëse dhe dalëse të Vlorës.

Ndërkohe kanë tashmë kanë nisur edhe reshjet intesive në qytet.

Autoritetet u bëjnë apel drejtuesve të mjeteve që të tregojnë kujdes të shtuar në qarkullim, ndërsa qytetarët këshillohen të shmangin lëvizjet e panevojshme deri në përmirësimin e kushteve atmosferike.

Durrësi dhe qytetet të tjera në vend, janë goditur sot nga një stuhi e fuqishme, e shoqëruar me erë të fortë dhe reshje të dendura shiu, duke sjellë një ndryshim të papritur të kushteve atmosferike.

Pas goditjes nga stuhia, qyteti po përballet me përmbytje të rrugëve kryesore, duke vështirësuar ndjeshëm qarkullimin e automjeteve dhe këmbësorëve.

Ndërsa stuhia ka zbrazur plazhet dhe ka detyruar pushuesit të kërkojnë strehim në ambiente të mbyllura, gjithashtu ka krijuar vështirësi të mëdha edhe për ata që po udhëtonin drejt shtëpive ose destinacioneve të tjera në qytet.

I gjithë vendi është përfshirë nga reshje të dendura shiu, pas ditëve të nxehta të gushtit. Në Tiranë stuhia shkaktoi rrëzimin e disa pemëve në zona të ndryshme, si te ish-stacioni i Trenit, Shkolla e Bashkuar apo tek zona e oxhakut, ku qarkullimi është bllokuar për shkak të rrëzimit të një pemë.

Vlora është përfshirë gjatë ditës së sotme nga erëra shumë të forta që kanë sjellë një stuhi rëre, duke mbuluar qytetin bregdetar. Pamjet tregojnë rrugë të mbushura me pluhur dhe dukshmëri të ulët, ndërsa era e fortë ka krijuar vështirësi për qytetarët.

Situata është shoqëruar edhe me trafik të rënduar, pasi shumë pushues kanë zgjedhur të largohen me shpejtësi nga qyteti, duke bllokuar akset hyrëse dhe dalëse të Vlorës.

Policia e Tiranes ka arrestuar një 30-vjeçar të shpallur në kërkim për tentativë vrasje dhe armëmbajtje pa leje, si dhe një 31-vjeçar të dyshuar për ndihmë në fshehjen e të arrestuarit. Arrestimet u realizuan në Tiranë, në zonën e njohur si “Komuna e Parisit”, pas një hetimi dhe informacionesh të siguruara në rrugë operative.

Shtetasi i arrestuar, Kid Kazazi, 30 vjeç, banues në Kavajë, ishte shpallur në kërkim pasi Gjykata e Durrësit kishte caktuar ndaj tij masën e sigurimit “Arrest në burg” për veprat penale “Vrasja në rrethana cilësuese” mbetur në tentativë dhe “Armëmbajtja pa leje”. Ky i fundit akuzohet se, më 30 maj 2025, në fshatin Fllakë, ka qëlluar me armë drejt një automjeti ku udhëtonin tre shtetas, ndër ta dhe Arbër Goreja, i cili fatmirësisht i shpetoi atentatit.

Sipas policisë, atentati kishte ndodhur për hakmarrje, pasi babai i autorit, Eqerem Kazazi, ishte goditur nga viktima Arbër Goreja. Ky sherr kishte shpërthyer në një atentat që Kid Kazazi kishte organizuar për të marrë hak.
Eqerem Kazazi ka qene ai, i cili në biseda informale mes miqsh dhe të njohurish, ndër ta edhe bashkëpunëtor policie, ka përmendur se plagosja është kryer nga djali i tij, Kid Kazazi. Ai është shoqëruar më pas në Komisariatin e Kavajës dhe ka rrëfyer gjithçka, edhe goditjen sipas tij me grusht në fytyrë nga Goreja.

Eqerem dhe Kid Kazazi, babë e bir, nuk janë të panjohur për policinë. Në vitin 2016, atëherë 21 vjeçar Kid Kazazi u plagos pas një konflikti për parkim përpara lokalit të familjes së tij në Kavajë. Përplasja, ku mori pjesë edhe babai Eqeremi ndodhi me ish-drejtorin e Zyrës së Punës, Sajmir Kurti, i cili qëlloi me armë zjarri.

Pas arrestimit të 30-vjeçarit, është arrestuar gjithashtu edhe Ferhat Kaja, 31 vjeç, i cili dyshohet se ka ndihmuar të fshehte 30-vjeçarin pas krimit. Ferhat Kaja eshte i riut që dhunoi pronarin e lokal ‘Tokyo’ në Tiranë, pas sherrit për aksionin e lirimit të hapësirave publike. Laert Kasaj, u sulmua brutalisht nga disa persona në ambientet e kompleksit “Delijorgji” dh ender personat qe dhunuan Kasajn ishte dhe pronari i lokalit “Stockholm” Ferhat Kaja.

Policia ka gjetur gjatë kontrolleve dy dokumente identifikimi të dyshuara si të falsifikuara, një kartë identiteti dhe një leje drejtimi të personit tjetër, që 30-vjeçari përdori për të shmangur identifikimin. Po ashtu, gjatë kontrollit fizik të 31-vjeçarit, u gjet dhe një sasi municioni luftarak.

Operacioni vijon për të zbardhur më tej të tjera detaje lidhur me këtë rast, ndërsa dy të arrestuarit pritet të dalin para drejtësisë për akuzat që rëndojnë ndaj tyre.

Regjistrimet për nxënësit e klasave të para dhe klasave të dhjeta për vitin e ri shkollor do të jenë të hapura në platformën e-Albania deri më 1 shtator.

Kështu bëri të ditur nëpërmjet një postimi në rrjetet sociale ministrja e Arsimit dhe Sportit Ogerta Manastirliu, e cila iu bëri thirrje prindërve që të përfundojnë procesin e regjistrimit sipas afatit të përcaktuar.

“Lutemi në mirëkuptimin e në kërkesën për të përfunduar procesin e regjistrimit, përmes e-Albania, të fëmijës/fëmijëve në shkollë, sipas afatit të mësipërm, një proces që merr vetëm pak minuta nga koha e secilit”, nënvizon Manastirliu.

Viti shkollor nis më 8 shtator 2025 dhe përfundon më 12 qershor 2026.

Një i ri ka rënë në prangat e policisë së Tiranës, pasi ishte shpallur në kërkim për tentativë vrasje. Bëhet fjalë për shtetasin Kid Kazazi.

Bashkë me këtë të fundit u arrestua dhe Ferhat Kaja, i cili akuzohet se ka përkrahur autorin e tentativës për vrasje.

Kapet dhe ndalohet nga shërbimet e Komisariatit të Policisë Nr. 2, një 30-vjeçar me rrezikshmëri të lartë shoqërore, i shpallur në kërkim për vrasje në rrethana cilësuese, mbetur në tentativë dhe armëmbajtje pa leje.

Në pranga dhe 31-vjeçari Ferhat Kaja, pasi dyshohet se ka përkrahur dhe ndihmuar 30-vjeçarin Kid Kazazi të fshihej.

Sekuestrohen dy dokumente identifikimi të dyshuara të falsifikuara, municion luftarak dhe një automjet.

Si rezultat i këtij operacioni, në zonën e quajtur “Komuna e Parisit”, është lokalizuar dhe kapur shtetasi K. K., 30 vjeç, banues në Kavajë. Ky shtetas ishte shpallur në kërkim pasi Gjykata e Durrësit i ka caktuar masën e sigurimit personal “Arrest në burg”, për veprën penale “Vrasja në rrethana cilësuese”, mbetur në tentativë dhe “Armëmbajtja pa leje”. 30-vjeçari, me datë 30.05.2025, në Fllakë, për motive të dobëta, ka qëlluar me armë zjarri drejt një automjeti ku udhëtonin 3 shtetas.

Në vijim të operacionit është arrestuar dhe shtetasi F. K., 31 vjeç, i cili ndodhej bashkë me 30-vjeçarin në një automjet. Nga veprimet hetimore ka rezultuar se ky shtetas ka përkrahur dhe ndihmuar 30-vjeçarin të fshihej.

Në momentin e ndalimit 30-vjeçari i ka paraqitur punonjësve të policisë dy dokumente identifikimi(kartë Id dhe leje drejtimi) me të dhënat e një shtetasi tjetër, të dyshuara të falsifikuara. Ndërsa, gjatë kontrollit fizik 31-vjeçarit i gjetën një sasi municioni luftarak.

Shtetasi K. K, iu kalua DVP Durrës për veprime të metejshme.

Klajdi Zhilla, punonjës i IMT të Tiranës, i cili ishte shpallur në kërkim për marrëveshjen e ryshfetit prej 1 mijë eurosh, ka vendosur të dorëzohet në polici. Ai u paraqit mbrëmjen e së premtes, i shoqëruar nga avokati i tij mbrojtës, në drejtorine e policise se Tiranes . Zhilla u kërkua për një rast ryshfeti që lidhej me mosprishjen e një tende të një lokali në Kombinat, Tiranë.

Në momentin e ndërhyrjes së policisë, Zhilla arriti të largohej, por më pas u shpall në kërkim, si personi që mori paratë nga pronari i subjektit. Gjatë dëshmisë së tij, Zhilla ka pretenduar se nuk kishte dijeni se ishte shpallur në kërkim dhe se e kishte mësuar këtë informacion vetëm nga mediat.

Ndërkohë, autoritetet janë angazhuar në hetime për një tjetër inspektor të IMT-së, Geraldo Fuçia, i cili dyshohet të jetë kërkuesi i ryshfetit. Gjatë seancës dëgjimore në GJKKO, Fuçia ka mohuar akuzat, duke pretenduar se Klajdi Zhilla ishte ai që e mori ryshfetin dhe se ai vetë nuk kishte marrë pjesë në marrjen e parave. Megjithatë, GJKKO ka vendosur të mbajë në fuqi masën e sigurisë “arrest në burg” për Fuçian.

Rasti ka ardhur pas kallëzimit të bërë nga vetë pronari i lokalit, i cili ka akuzuar inspektorët e IMT-së se i kishin ofruar një marrëveshje për të mos i prishur tendën në këmbim të 1 mijë eurove. Policia ka nisur hetimet, me miratimin e SPAK-ut, dhe ka realizuar përgjime telefonike, për të simuluar dorëzimin e parave.

Në momentin që 1 mijë eurot iu dorëzuan Klajdi Zhilla, tre kolegët e tij ishin të pranishëm në një lokal tjetër në afërsi. Policia ndërhyri menjëherë, por Zhilla, i cili kishte marrë paratë, mundi të largohej me një automjet tip “Audi”. Ndërsa tre kolegët e tij, Geraldo Fuçia, një tjetër inspektor dhe menaxheri i lokalit, u ndaluan nga policia.

Në momentin e kontrollit të bërë në lokal, punonjësit e IMT-së përpiqen të fshehin paratë, duke i vendosur ato në një gotë në banakun e lokalit. Policia ka sekuestruar këto para, të cilat përputheshin me numrat serialë të kartëmonedhave që i ishin dhënë kallëzuesit. Përveç 1 mijë eurove, në lokalin ku u zhvillua operacioni u gjetën gjithashtu 3 mijë euro dhe 27 mijë lekë, që dyshohet se mund të jenë marrë nga subjekte të tjera për të shmangur veprimet e inspektorëve të IMT-së ndaj ndërtimeve të paligjshme.

Ndërkohë, dy të tjerët, një inspektor i IMT-së dhe menaxheri i lokalit që dyshohet se ka ndihmuar në fshehjen e parave, po hetohen në gjendje të lirë, ndërsa Zhilla dhe Fuçia vazhdojnë të përballen me akuza serioze që mund të çojnë në ndjekje penale për abuzim me detyrën dhe korrupsion.

Kryeministri Edi Rama ka publikuar sot, 30 gusht, pamjet nga shpërthimi i resortit te Kepi Rodonit, duke theksuar se puna për mbrojtjen e vendit nga abuzuesit vazhdon nga veriu në jug.

Rama saktëson se në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit dhe i është dorëzuar drejtësisë.

“Ca zëra në nisje të kësaj kthese të re thoshin “po pse Thethi e jo Jugu, po pse ashtu e jo kështu”, ndërkohë puna për mbrojtjen e vendit nga abuzuesit vazhdon në veri, jug dhe Shqipërinë e Mesme, ku konkretisht në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit e i është dorëzuar drejtësisë edhe si ish-drejtues i inspektorëve të Durrësit”, shkruan kreu i qeverisë.

Kryeministri nënvizon kështu se zbatimi i ligjit nuk njeh asnjë zonë.

Policia e Shtetit ka finalizuar një tjetër fazë të operacionit ndërkombëtar të koduar “The Wanted”, në bashkëpunim me partnerët ndërkombëtarë dhe në kuadër të përpjekjeve të vazhdueshme për kapjen e personave në kërkim ndërkombëtar.

Falë informacionit të siguruar nga Departamenti i Policisë Kriminale dhe shkëmbimit të menjëhershëm të të dhënave mes Interpol Tiranës dhe Interpol Madridit, u bë e mundur lokalizimi, kapja dhe arrestimi në Spanjë i shtetasit Algert Zeneli., 25 vjeç, lindur në Laç, i shpallur në kërkim ndërkombëtar.

Sipas hetimeve, Algert Zeneli akuzohet se në bashkëpunim me persona të tjerë, ka qenë i përfshirë në kultivimin e 10 900 bimëve narkotike të llojit Cannabis Sativa, në territorin malor të fshatit Kir, njësia administrative Pult, dhe pranë zonës turistike të Thethit në Shkodër.

Interpol Tirana, në bashkëpunim të ngushtë me autoritetet spanjolle dhe Interpol Madridin, po vijon punën për përmbylljen e procedurave ligjore që do të mundësojnë ekstradimin e shtetasit Algert Zenelidrejt Shqipërisë, ku do të përballet me drejtësinë.

Në krah të Xi Jinping në tribunën qendrore, Putin do të qëndrojë përkrah liderëve të Koresë së Veriut Kim Jong-un, Iranit dhe Kubës, një shfaqje simbolike e bllokut anti-perëndimor që po formëzohet gjithnjë e më qartë.

Sipas analistëve, fokusi kryesor i takimit do të jetë koordinimi i qëndrimeve mbi luftën në Ukrainë, në një kohë kur SHBA-të po bëjnë përpjekje për të ndalur konfliktin.

“Është moment i rëndësishëm për të diskutuar se ku po shkon lufta dhe nëse ka gjasa të ndalet së shpejti,” deklaroi Alexander Gabuev nga Carnegie Russia Eurasia Centre.

Ndërkohë, Moska kërkon të kuptojë nëse mund të mbështetet më tej te ndihma ekonomike e Kinës – veçanërisht përballë mundësisë që SHBA të kërkojnë nga Pekini të ushtrojë presion mbi Rusinë për të ndalur luftën.

Tregtia dhe energjia, çështje kyçe në axhendë

Tregtia mes Rusisë dhe Kinës ka arritur nivele rekord – mbi 240 miliardë dollarë në vitin 2024 – me Kinën që është bërë blerësi më i madh i naftës, qymyrit dhe së shpejti edhe i gazit rus, duke kaluar Europën si partner kryesor energjetik i Moskës.

Në Pekin pritet të diskutohet projekti i shumëpërfolur i gazsjellësit “Power of Siberia 2”, si dhe zgjerimi i lidhjeve ekzistuese të naftës drejt Kinës.

Bashkëpunimi ushtarak, alarm për Perëndimin

Edhe pse Kina nuk ka dhënë ndihmë të drejtpërdrejtë ushtarake për Rusinë, sipas zyrtarëve amerikanë, Pekini ka furnizuar rreth 70% të makinerive industriale dhe 90% të gjysmëpërçuesve që i duhen Moskës për të rindërtuar kapacitetin e saj ushtarak.

Në këmbim, Rusia dyshohet se ka ndarë me Kinën teknologji të ndjeshme ushtarake. Megjithatë, Pekini vazhdon të pretendojë neutralitet, duke e paraqitur veten si ndërmjetës në konflikt.

Simbolizëm dhe strategji: Rusia e Kina si “fitimtaret e historisë”

Analistët vënë në dukje rëndësinë e paradës ushtarake në Sheshin Tiananmen, ku Xi dhe Putin do të qëndrojnë përkrah – një pasqyrim i paradës së 9 majit në Moskë, ku lideri kinez ishte mysafir nderi.

“Rusia dhe Kina e shohin veten si fuqitë fituese të Luftës së Dytë Botërore – kjo ndjenjë e historisë së përbashkët i bashkon dhe forcon aleancën e tyre,” tha Vasiliy Kashin nga Akademia Ruse e Shkencave.

Koreja e Veriut, “molla e ndaluar” mes Pekinit dhe Moskës

Prania e Kim Jong-un në Pekin shihet si përpjekje e Kinës për të rikthyer ndikimin e humbur mbi Korenë e Veriut, pasi Pyongyangi është afruar shumë me Rusinë, duke dërguar trupa dhe marrë në këmbim armë të sofistikuara.

Trump i kujdesshëm, Kina luan me kohën

Administrata Trump ka shmangur presionin direkt ndaj Kinës, duke mos vendosur sanksione të dyta për blerjet e naftës ruse, ndërkohë që ka targetuar Indinë. Pekini, nga ana tjetër, nuk ka nxitim për të ndalur luftën në Ukrainë, sipas analistëve.

“Kina e kupton qartë që gjasat për paqe janë minimale dhe nuk sheh arsye për të ndërhyrë më fort,” tha Gabuev. “Ata vazhdojnë me diplomacinë ‘imituese’ – duken të angazhuar, por në realitet nuk lëvizin asgjë.”

Ujëvara e Peshturës në fshatin Progonat, Tepelenë vitet e fundit është kthyer në një atraksion duke ofruar një përvojë unike dhe mahnitëse për turistët.

Kryeministri Edi Rama ndau sot pamje të Ujëvarës së Peshturës, një xhevahir i fshehur mes maleve në Progonat të Tepelenës.

“Ujëvara e Peshturës, perlë e fshehur e Progonatit në zemër të Tepelenës, një tjetër thesar i Parkut Kombëtar të Vjosës”, shkruan Rama.

Ujëvara e Peshturës ndodhet në Progonat të Tepelenës e për të shkuar atje duhet të kalohet përmes malësive të Tepelenës.

Zona përbëhet nga shkëmbinj gëlqerorë të cilët në shekuj janë përshkuar nga përrenj të vrullshëm dhe lozonjarë.

Forma të shumta karstike, gropa të thella, shpella të shumta dhe ujëvara është peizazhi që ofron rruga për të shkuar drejt Ujëvarës së Peshturës.

Kryeministri indian Narendra Modi tha të enjten se do të zhvillojë bisedime me presidentin rus Vladimir Putin dhe presidentin kinez Xi Jinping në Tianjin të Kinës.

Modi do të vizitojë Kinën të shtunën për takimin e 25-të të Këshillit të Krerëve të Shteteve të samitit të Organizatës së Bashkëpunimit të Shangait (SCO). Në një postim në X, Modi tha se India ka luajtur “një rol aktiv dhe konstruktiv” në SCO.

India do të vazhdojë të punojë me anëtarët e SCO-së për të adresuar sfida të ndryshme të përbashkëta”, tha ai. “Unë gjithashtu do të takohem me Presidentin Xi Jinping, Presidentin Putin dhe udhëheqës të tjerë gjatë Samitit.”SCO është një bllok ndërkombëtar sigurie që u krijua në vitin 2001 nga Kina, Rusia, Taxhikistani, Kirgistani, Kazakistani dhe Uzbekistani. India dhe Pakistani u bënë anëtarë të plotë në korrik 2023. Grupi tani ka 10 anëtarë, përfshirë Iranin dhe Bjellorusinë.

Vizita e Modit në Kinë vjen në një kohë kur marrëdhëniet Indi-SHBA janë të tensionuara për shkak të tarifave prej 50% të Uashingtonit mbi importet indiane.

SHBA-të i vendosën Indisë tarifa prej 25% në fillim të gushtit, pasi bisedimet për një marrëveshje tregtare dështuan. Një tjetër tarifë prej 25% iu vendos Nju Delhit si penalizim këtë javë, pasi India refuzoi të ndalonte blerjen e naftës ruse.

Marrëdhëniet e Nju Delhit me Pekinin kanë qenë në përmirësim që nga tetori i vitit 2024, kur Modi dhe Xi zhvilluan bisedime në kuadër të samitit të BRICS në Kazan. Marrëdhëniet u tendosën pas një përplasjeje kufitare në vitin 2020 që mori jetën e ushtarëve nga të dyja palët.

Kina ka mbështetur fuqimisht Indinë lidhur me tarifat e SHBA-së. “SHBA-të kanë vendosur tarifa deri në 50% ndaj Indisë dhe po kërcënojnë të vendosin më shumë”, tha javën e kaluar ambasadori i Kinës në Nju Delhi, Xu Feihong. Kina e kundërshton me vendosmëri këtë. Përballë akteve të tilla, heshtja ose kompromisi vetëm sa e trimëron ngacmuesin. Kina do të qëndrojë fort në krah të Indisë.”

Zyrtarë të lartë nga Moska, Pekini dhe Nju Delhi kanë folur gjithashtu për ringjalljen e formatit trepalësh Rusi-Indi-Kinë (RIC), sipas të cilit takohen ministrat e jashtëm të tre vendeve.

Presidenti i SHBA-së, Donald Trump, do të shkurtojë gati 4.3 miliardë euro në ndihmën e huaj dhe fondet për ruajtjen e paqes të miratuara nga Kongresi i SHBA-së, përfshirë 3.3 milionë euro për “promovimin e demokracisë midis personave LGBT në Ballkanin Perëndimor”, raporton New York Post .

Trump planifikon ta bëjë këtë përmes një procedure të rrallë të quajtur “anulim xhepi”, një masë ligjërisht e diskutueshme që nuk është përdorur prej 48 vjetësh.

Këto fonde ishin të destinuara për organizata të ndryshme joqeveritare dhe qeveri të huaja, dhe në fillim të këtij viti ato u ndaluan nga Zyra e Buxhetit të Menaxhimit të Shtëpisë së Bardhë (WHOMB), pas së cilës ato mbetën të bllokuara në “purgatorin” ligjor për shkak të një padie të ngritur nga Këshilli Global i Shëndetit, organizata kryesore anëtare në botë e dedikuar për avancimin e shëndetit global.

Kryetarja e Kuvendit Elisa Spiropali njofton se Kuvendi përfundoi shqyrtimin e pozicioneve negociuese për gjashtë grupkapitujt.

Në një postim në rrjetet sociale, Spiropali shkruan se “Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grupkapitullin V “Burimet, bujqësia dhe kohezioni”.

“Me këtë mbledhje përfunduam shqyrtimin  e pozicioneve negociuese për gjashtë grupkapitujt:

Një pjesë e resortit të ndërtuar pa leje nga ish-kreu i Inspektoratit të Mbrojtjes së Territorit Durrës, u hodh pasditen e të premtes në erë me tritol.

Sipas hetimeve objekti luksoz në një sipërfaqe rreth 5600m2 u ndërtua nga Ardian Halili, në përiudhën 2018-’21 kohë kur mbante pozicionin e kreut të IMT Durrës. Vetë Halili u arrestua nga policia e Durrësit.

Ai është po ashtu bashkëshorti i ish-prokurores së Durrësit, Rabiana Halili, e cila u dorëhoq pak kohë para se të kalonte procesin e vetingut. Prej 4 vitesh ai është larguar nga Bashkia, pas ardhjes në krye të këtij institucioni të Emiriana Sakos.