Sekretari i përgjithshëm i NATO-s, Mark Rutte paralajmëroi sot se vende si Brazili, Kina dhe India mund të goditen shumë rëndë nga sanksionet nëse vazhdojnë të bëjnë biznes me Rusinë.

Deklarata e Rutte erdhi gjatë një takimi me senatorët në Kongresin e SHBA-së – një ditë pasi presidenti amerikan, Donald Trump njoftoi dërgimin e armëve të reja në Ukrainë.

Gjithashtu, Trump paralajmëroi se do të vendoste tarifa të reja “të ashpra” prej 100% për blerësit e eksporteve ruse, nëse nuk arrihej një marrëveshje paqeje brenda 50 ditësh.

Sekretari i përgjithshëm i NATO-s, Mark Rutte u takua dje me presidentin amerikan, Donald Trump – si pjesë e vizitës së tij dyditore në Uashington

The post Shefi i NATO-s: Brazili, Kina dhe India mund të goditen rëndë nga sanksionet first appeared on JavaNews.al.

Kreu i Gjykatës së Lartë, Sokol Sadushi ka shpjeguar në emisionin “Ngjarja Kryesore” të gazetares Sonila Agostini përplasjen mes institucionit që ai drejton dhe Gjykatës Kushtetuese.

I pyetur mbi pretendimet se Sadushi ka ndërhyrë në mandatin e kryetares së Gjykatës Kushtetuese, Sadushi u përgjigj se ai nuk ka “ndërhyrë në mandatin e kryetares së Gjykatës Kushtetuese apo të gjyqtarëve të Gjykatës Kushtetuese”

“Unë kam pasur dhe kam detyrimin si kryetar i Gjykatës së Lartë si organ emërtese për të zgjidhur çështjen që i takon kësaj gjykate në drejtim të gjyqtarit që ajo emëron në Gjykatën Kushtetuese. Nuk mund të themi tension, natyrisht ka një lloj qëndrimi të shprehur fillimisht po që sot, ne jemi tërësisht në një situatë tërësisht ndryshe, Gjykata Kushtetuese i dha të drejtë Gjykatës së Lartë në atë ndërhyrjen fillestare që bëri në dhjetor të vitit 2024 ku kërkoi që të zhvillohej rotacion. Nëse Gjykata e Lartë nuk do ta kishte zhvilluar këtë procedurë do të ishte ajo e përgjegjshme përpara ligjit për t’i kërkuar pse nuk po zbaton detyrën dhe ne vetëm kemi zbatuar detyrën tonë kushtetuese për të bërë rotacion”, u shpreh Sadushi.

Ai theksoi më tej se problematika e shfaqur me mandatin e gjyqtarëve të Gjykatës Kushtetuese është evidentuar edhe në raportin e fundit të Komisionit Evropian, që sipas Sadushit e ka cilësuar si pasiguri juridike.

“Dhe Gjykata e Lartë e ka përmbushur me sukses këtë mision të sajin ndërkohë që do të evidentoja faktin që edhe në raportin e fundit të Komisionit Europian për Shqipërinë, një nga problematikat që ngrihen aty është edhe pasiguria juridike që ekziston për mandatin e gjyqtarëve të Gjykatës Kushtetuese. Kjo nuk është një çështje e Gjykatës së Lartë, por është një çështje e Gjykatës Kushtetuese”, deklaroi më tej Sadushi.

Kreu i Gjykatës së Lartë vuri në dukje gjithashtu se që nga muaji janar e deri më tani nuk ka një vendim mbi çështjen mes Gjykatës Kushtetuese dhe Presidentit të Republikës. Kjo sipas tij, mos-shprehja nga ana e Gjykatës Kushtetuese për mandatin e gjyqtarëve të saj po mban peng edhe Kuvendin për zgjedhur gjyqtarin në Kushtetuese nisur nga pozicioni vakant i krijuar.

“Gjykata Kushtetuese ka një çështje në proces të drejtuar nga presidenti i Republikës që në muajin janar dhe sot jemi në korrik dhe ende nuk ka një vendim. Ndërkohë që bëhet fjalë për t’u shprehur përfundimisht lidhur me gjykimin që ata kanë lidhur me mandatin e gjyqtarëve të Gjykatës Kushtetuese. Mos-shprehja për këtë vendim nga ana e Gjykatës Kushtetuese ka mbajtur peng edhe Kuvendin i cili pret vendimin e Gjykatës Kushtetuese për të zgjidhur pozicionin vakant që ka për gjyqtarin që do të zgjedhë vetë Kuvendi. Pra, ky është një problem që lidhet me Gjykatën Kushtetuese dhe jo me Gjykatën e Lartë. Gjykata e Lartë e ka përmbushur misionin e saj dhe e ka përmbushur në respekt të Kushtetutës. Tensioni zgjidhet kur merren vendimet, në rastin e Gjykatës së Lartë u mor vendim nga ana e Gjykatës Kushtetuese dhe tani nuk ka më tension. Ndërkohë le të jetë tension mes Gjykatës Kushtetuese, presidentit dhe Kuvendit për pozicionet që ata kanë për të zgjidhur, por jo me Gjykatën e Lartë”, shpjegoi Sadushi.

The post Sadushi: S’kam ndërhyrë në mandatin e kryetares së Kushtetueses, po mbahet peng Kuvendi për pozicionin vakant first appeared on JavaNews.al.

“Pa shkohet drejt zgjedhjeve të parakoshme lokale”, kjo ishte deklarata e ekspertit të kriminalistikës, Fatjon Softa, në studion e Quo Vadis këtë të martë të moderatores Pranvera Borakaj në Vizion Plus.

Ai tha se Rama duke godfitur bashkitë po tregon se aty ka probleme të thella me korrupsionin, dhe po këkron që të godasë fort duke bërë që në vend të ketë zgjedhje të parakoshme lokale.

Pjesë nga biseda:

Borakaj: Fotjon si e sheh?

Softa: Si rifreskim pushteti. Mesaduket po përgatitet ta çojë vendin në zgjehdje të pakohshme lokale.

Borakaj: Po e ka?

Softa: Po është i rënduar në shumë akuza, është shumë i lodhur, ka një sërë problemesh me korrupsionin. Ka shumë presion lidhur me kullat, lidhur me pastrimin e parave. Prandaj ai mund të dalë që pushteti lokal është i korruptuar. Ai po bën pastrimin e qytetit. Kush njoftoi se te ajo kulla në qendër ishin pa leje? Ishte Rama. Po në një rast që ishte një pallat pa leje, prapë ishte konstatim i kryeministrit. Thethi nuk e dinte si ishte gjendja? E dinte gjendjen, e dinte që ato ndërtime nuk ishin banesa por biznes. Pastaj sigurisht që edhe mundësinë për të shuar betejën e opozitës shqiptare për zgjedhjet.

The post “Dora e fortë” e Ramës, çfarë po kërkon? Eksperti: Po përgatitet të çojë vendin në zgjedhje të parakohshme lokale first appeared on JavaNews.al.

Sekretari i Përgjithshëm i Partisë së Lirisë, Tedi Blushi, i ftuar në “Real Story” tha se përdorimi i kartës nga Monika Kryemadhi ka çuar në divorcin me Ilir Metën, për shkelje të besimit dhe shkelje të ligjit.

Ai theksoi se kartat e zbuluara nga SPAK nuk janë përdorur nga Ilir Meta.

“SPAK tregon në emër të kujt janë kartat dhe kush i ka përdorur. Nuk është z. Meta fare. E thotë SPAK. SPAK thotë se kartat janë në emër të Shatkut dhe në emër të Monika Kryemadhit.

Nuk ka asnjë kartë të Metës. Në momentin kur Meta është vënë dijeni të këtyre kartave, ai ka bërë dhe divorcin me zonjën Kryemadhi si një tradhti e para për një shkelje ligji, dhe ndaj besimit të tij.

Kjo çoi në divorc pa diskutim, patjetër, e ka sqaruar vetë z. Meta. Në momentin që është vënë në dijeni nga SPAK, që kemi zbuluar një kartë, çfarë karte ka përdorur dhe në këtë moment ai ka vendosur divorcin me zonjën Kryemadhi”, theksoi ai.

The post “U shkel besimi”, Blushi: Divorci mes Metës dhe Kryemadhit u bë pasi u zbulua përdorimi i kartave first appeared on JavaNews.al.

Ministri i Mbrojtjes, Pirro Vengu, i dorëzoi të martën titullin “Dëshmor i Atdheut” familjes së kapitenit Arben Anamali, i cili humbi jetën më 8 korrik duke shpëtuar dy turistë të huaj nga mbytja në Liqenin e Shkodrës. Trupi i pajetë i kapiten Anamalit u gjet më 10 korrik.

Gjatë vizitës në familjen Anamali, ministri Vengu shoqërohej nga kryetari i bashkisë së Shkodrës, Benet Beci, dhe prefektja Majlinda Angoni.

“Nderuam kujtimin e profesionistit të përkushtuar, mikut të dashur dhe prindit shembullor, që me aktin e tij fisnik u bashkua me heronjtë e pavdekshëm të Kombit,” shkroi Vengu në rrjetet sociale. “Sakrifica e Arbenit nuk është vetëm një shembull guximi, por një dëshmi e gjallë e shpirtit shqiptar që vendos jetën e tjetrit mbi të vetën prandaj nga sot ai rreshtohet mes ‘Dëshmorëve të Atdheut’.”

Ky titull nderon aktin e jashtëzakonshëm të kapiten Anamalit, i cili dha jetën për të shpëtuar të tjerët.

The post U shpall “Dëshmor i Atdheut” pas aktit heroik në Shkodër, ministri Vengu i dorëzon titullin familjes se Arben Anamalit first appeared on JavaNews.al.

Çdo eksport i mallrave ushtarake dhe atyre me përdorim të dyfishtë bëhet me licencë dhe i nënshtrohet një vlerësimi të rrezikut. Ministria e Mbrojtjes ka vendosur që të zgjasë afatin e vlefshmërisë së licencave nga një vit në dy vjet për eksportin e këtyre mallrave.

Është publikuar për konsultim publik një projektligj lidhur me disa shtesa dhe ndryshime në ligjin për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë.

Ligji ekzistues nuk përmbante dispozita të mjaftueshme për mallrat që nuk janë të listuara, por që mund të përdoren për zhvillimin ose përhapjen e armëve të ndaluara. Për sa i përket dhënies së licencës, janë shtuar disa kritere të BE-së, me qëllim përputhjen e praktikave shqiptare me ato të shteteve anëtare.

Mallra me përdorim të dyfishtë përfshijnë programe kompjuterike dhe teknologji, të cilat mund të përdoren për qëllime civile dhe ushtarake, si dhe përfshijnë mallra që mund të përdoren për projektimin ose përdorimin e armëve bërthamore, kimike ose biologjike apo të mjeteve për shpërndarjen e tyre.

Për herë të parë do të bëhet kontrolli i mallrave të palistuara për mbikëqyrje kibernetike, nëse ato përdoren për shtypje të brendshme ose shkelje të të drejtave të njeriut. Pra, për herë të parë kemi kontrollin e atyre mallrave që kanë të bëjnë me mbikëqyrjen e fshehtë të individëve përmes telefonit apo pajisjeve të tjera elektronike.

Nga ana tjetër, risi është përfshirja e tetë kritereve të BE-së për vlerësimin e kërkesave për licencim. Kriteret përfshijnë respektimin e detyrimeve ndërkombëtare, të drejtave të njeriut, situatës së brendshme në vendin e destinacionit, stabilitetit rajonal, sigurisë kombëtare, sjelljes ndërkombëtare të vendit pritës, rrezikut të devijimit dhe përshtatshmërisë ekonomike të eksportit.

Autoriteti i Kontrollit Shtetëror të Eksporteve lëshon licenca individuale, globale apo të përgjithshme për eksportin e artikujve me përdorim të dyfishtë. Këto ndryshime vijnë në kuadër të përafrimit të legjislacionit shqiptar me atë të Bashkimit Evropian.

The post Eksporti i mallrave ushtarake, Ministria e Mbrojtjes zgjat vlefshmërinë e licencave nga një në dy vjet first appeared on JavaNews.al.

Sekretari i Përgjithshëm i PL, Tedi Blushi i ftuar në ‘Real Story’ tha se drejtësia e re është më e korruptuar se më parë. Më tej, ai tha se për mbrojtjen e Metes po ecet në dy shina. Blushi theksoi se gjendja e Metës në burg është shumë e mirë dhe se me këtë cështje do të shkojnë deri në Gjykatën e Strasburgut.

“Gjykatat vendosin afërmendsh cfarë kërkon SPAK. SPAK ka të drejtë të përgjojë të gjithë gjyqtarët, ata janë në kushte presioni, a mund të presësh një gjyqtart që ka përgjime të marrë një vendim? Tani drejtësia është më tepër e korruptuar.

Për mbrojtjen e Metës po ecim në dy shina paralele, e para në studio televizive për akuzat politike dhe shkalla e fundit do të jetë Gjykata e Strasburgut ku kjo ceshtje do te fitohet dhe do të jetë një njollë. Meta nuk ka asnjë shqetësim, gjendja e tij është e shkëlqyer. Ka qenë dy javë më parë kampion i ping pongut atje dhe asnjë shqetësim pë të, nuk e lejojnë deri më tani të ushtrojë asnjë sport”, tha ai.

The post “Rrëmbimin e Metës do ta çojmë deri në Strasburg “, Blushi: Tërhiqem nga politika nëse në dosjen e tij ka shkelje penale first appeared on JavaNews.al.

Administrata amerikane nuk ka ndërmend të furnizojë Ukrainën me raketa me rreze të gjatë veprimi, deklaroi Presidenti Donald Trump në një konferencë për shtyp në Shtëpinë e Bardhë.

Sipas gazetës britanike The Financial Times, Kievi i ka kërkuar Uashingtonit raketa Tomahawk me rreze të gjatë veprimi, por administrata Trump ende nuk ka marrë ndonjë vendim për shkak të shqetësimeve në lidhje me përdorimin e tyre të pamatur.

FT vuri në dukje gjithashtu se administrata e mëparshme e Biden kishte ngritur shqetësime të ngjashme në lidhje me përdorimin e raketave lundruese kundër objektivave në tokën ruse, duke rrezikuar potencialisht një zgjerim të konfliktit.

“Nuk jam në anën e askujt. Dua që vrasjet të ndalen. Kjo është ana në të cilën jam”, tha këtë të martë Presidenti amerikan Donald Trump kur u pyet nëse mbante anën e Ukrainës.

The post “Unë nuk jam në anën e askujt”, Trump: Dua që vrasjet të ndalen! S’do ta furnizojmë Kievin me raketa me rreze të gjatë veprimi first appeared on JavaNews.al.

Një banor i Thethit, Nik Guri, ka paralajmëruar se nëse ndonjë ndërtues tjetër do të shkojë dhe të ndërtojë atje ku u prishën godinat ekzistuese, duhet ta mendojë mirë.

Komentet Guri i bëri në një lidhje live për emisionin ‘Debat’ me gazetaren Alba Alishani në A2 CNN, ku tha se në Dukagjin nuk ka hyrë dot Serbia dhe Turqia e jo më dikush tjetër për të ndërtuar.

Guri tha gjithashtu se ndërtesat që IKMT shembi ishin në tokat e tyre, pavarësisht se sipas tij, shteti shqiptar nuk e ka njohur dokumentacionin e vjetër.

“Fali Zot se nuk dinë ça bëjnë. Por edhe kur shkon thika në kockë, diçka duhet me bo. Plani jonë është me u ul në tavolinë, me vendos rregullat me Kuvendin e Kishës, me Kishën dhe pushtetarët. Mos të rrejë mendja ndonjë se këtu nuk ka njeri që hyn në Dukagjin dhe merr tokë veç dukagjinasve.

Nuk ka hyrë serbi dhe turku këtu. Në 1920 janë mbledhur fshatarët dhe Frati ka thënë mos e shit tokën në Theth. Ata që kanë ardhur me ble tokën janë bashkëfshatarë tanë të Dukagjinit, nuk ka ardhur kush jashtë Dukagjinit. Janë një bark i joni. Ndërtimet pa leje i kemi bërë pa lejen e shtetit, por me lejen time, sepse ne jemi në tokat tona.

Secili është në tokat e veta. Ne kemi tapijat e vjetra, por ato nuk i njeh shteti shqiptar. Ka nxjerrë edhe këtë Paketën e Maleve, por me këtë paketën e Maleve, ndoshta e rren mendja ndonjë të vijë këtu… Këtu i thonë Dukagjin. Kanuni për ne është një Kushtetutë e shenjtë”, tha mes të tjerash Guri.

The post “Thika në kockë”/ Banori i Thethit paralajmëron ndërtuesit: Matuni mirë! Këtu i thonë Dukagjin, s’ka hyrë dot serbi e turku first appeared on JavaNews.al.

Gjykata Supreme në Kosovë ka konstatuar se deputetët nuk mund të ushtrojnë edhe funksione në Qeveri.

Nga momenti i certifikimit të rezultatit zgjedhor, ministrat që kanë marrë post deputeti nuk mund të marrin vendime, ka konstatuar kjo Gjykatë.

Mbi bazën e këtij interpretimi, ajo ka shfuqizuar udhëzimin administrativ për arkat fiskale të nënshkruar nga ministri në detyrë i Financave, Hekuran Murati, raporton mediumi “Koha” në Kosovë.

“Për gjykatën ishte i pakontestueshëm fakti se nga certifikimi zyrtar i rezultateve të zgjedhjeve, më datë 27.3.2025, ministri i MFPT-së, Hekuran Murati, figuron si deputet i Kuvendit të Republikës së Kosovës. Sipas nenit 71 të Kushtetutës, ushtrimi i funksioneve të deputetit dhe të ministrit në të njëjtën kohë është i ndaluar. Pra, nxjerrja e udhëzimit administrativ nga një person që ushtron njëkohësisht detyrën e deputetit dhe të ministrit është e kundërligjshme dhe shkel dispozitat kushtetuese”, thuhet në aktgjykimin e Supremes.

Rrjedhimisht ky vendim prek edhe ministrat e tjerë që kanë fituar mandat deputeti, përfshirë edhe kryeministrin Albin Kurti.

Vendimin e Supremes e ka quajtur absurd Murati, dhe ka publikuar edhe emrat e gjyqtarëve që kanë marrë vendimin. Ai ka theksuar se me këtë vendimmarrje ndërpritet procesi i digjitalizimit.
LDK-ja, e cila ka deponuar në prokurori 17 kallëzime penale ndaj deputetëve që kanë marrë vendime në cilësi të ministrave, ka kërkuar që organi i akuzës të veprojë shpejt.

“LDK-ja kërkon nga Prokuroria e Shtetit që të trajtojë me prioritet këto shkelje të rënda kushtetuese dhe ligjore dhe të veprojë pa vonesë mbi bazën e kallëzimeve penale të parashtruara nga deputetët tanë.

Vendimi i Gjykatës Supreme tashmë e ka konfirmuar se kemi të bëjmë me veprime anti-kushtetuese dhe të kundërligjshme”, thuhet në reagimin e LDK-së.

Udhëzimi administrativ, që është shfuqizuar nga Supremja, parashihte që bizneset e vjetra dhe të reja që nuk ishin pajisur me arka fiskale nuk obligoheshin që ta bënin këtë.

The post Supremja “shkarkon” Kurtin/ “Deputeti nuk mund të ushtrojë funksion ministri”, reagon LDK: Të veprojë Prokuroria first appeared on JavaNews.al.

Ish-presidenti rus, Dmitry Medvedev, ka thënë të martën se Rusia nuk shqetësohet fare për “ultimatumin teatral” të presidentit të Shteteve të Bashkuara të Amerikës, Donald Trump, lidhur me vendosjen e sanksioneve kundrejt blerësve të eksporteve ruse, nëse Moska nuk pajtohet për marrëveshjen e paqes në Ukrainë brenda afatit 50-ditor, ka raportuar agjencia e lajmeve Reuters.

“Trump e dha një ultimatum teatral për Kremlinin”, ka shkruar Medvedev në rrjetin social X. “Bota u trondit, duke pritur pasojat. Evropa luftuese ishte e zhgënjyer. E Rusia nuk i dha rëndësi”.

Kremlini zyrtar s’i ka komentuar ende deklaratat e Trumpit, mirëpo ka njoftuar të hënën se ishte e qartë se Shtetet e Bashkuara kishin vazhduar të furnizonin me armë dhe municione Ukrainën.

Gjatë takimit me Sekretarin e Përgjithshëm të NATO-s, Mark Rutte, në Zyrën e Ovale, Trumpi kishte njoftuar të hënën për dërgimin e armëve të reja për Ukrainën si dhe ka adresuar njëkohësisht kërcënimin me tarifa dytësore prej 100% për blerësit e eksporteve ruse.

Presidenti amerikan ka shprehur gjithashtu frustrim ndaj homologut të tij rus, Vladimir Putin, tek ka thënë se “ai flet bukur dhe pastaj i bombardon të gjithë në mbrëmje”.

Në Washington, një zyrtar i Shtëpisë së Bardhë ka thënë për Reutersin se qëllimi i Trumpit është që të vendosë “tarifa prej 100 për qind ndaj Rusisë”, si dhe sanksione dytësore ndaj shteteve të tjera që blejnë naftë ruse, nëse nuk arrihet marrëveshja për paqen.

85 nga 100 senatorë amerikanë janë bashkë-promotorë të një projektligji që do t’i jepte Trumpit autoritetin të vendosë tarifa prej 500% ndaj çdo vendi që e ndihmon Rusinë, ndonëse liderët republikanë të Dhomës së Lartë kanë pritur që presidenti t’ua japë lejen për të organizuar një votim të këtillë.

Kina dhe India janë blerësit më të mëdhenj të naftës së papërpunuar ruse. Ndër të tjera, Trumpi ka thënë ekskluzivisht për mediumin britanik BBC se ai “nuk ka mbaruar ende” me Putinin dhe se mendon që marrëveshja për fundin e luftës në Ukrainë është ende e mundur.

The post Ish-presidenti rus: Nuk duam t’ia dimë për ultimatumin teatral të Trumpit first appeared on JavaNews.al.

Kreu i Gjykatës së Lartë, Sokol Sadushi ka deklaruar në emisionin “Ngjarja Kryesore” e gazetares Sonila Agostini se ka nuk ka presione politike ndaj institucionit që ai drejton.

Ai ka theksuar se presioni politik duhet të shmanget nga vetë gjyqtarët dhe sipas Sadushit ata kanë mundësi për ta bërë një gjë të tillë.

“Vetë jeta është një presion, çdokush është nën presion. Çfarëdo lloj pune që bën është në presion. Problemi është si e përballon këtë presion. Kjo është çështje individuale në radhë të parë e funksionarit publik, padyshim e gjyqtarit. Presioni politik shmanget nga gjyqtari ose duhet të shmanget nga vetë gjyqtari dhe mundësia për t’iu shmangur ekziston. Sot ne kemi një sistem emërimi, promovimi dhe procedimi disiplinor që është i shkëputur nga politika dhe mjafton të evidentosh këtë dhe nuk ka arsye që gjyqtari të jetë nën presion. Në aspektin ligjor dhe kushtetues, kjo çështje është e zgjidhur. Në aspektin personal pastaj varet nga gjithsecili”, u shpreh kreu i Gjykatës së Lartë.

Sadushi ka theksuar se magjistratët e kanë detyrim themelor që të qëndrojnë larg presonit politik edhe pse ky presion do të jetë i vazhdueshëm.

Ai vuri në dukje se institucioni që ai drejton nuk është ndikuar nga presionet politike në vendimet që ka marrë.

“Kategoria e magjistratëve kanë plotësisht të drejtë ose kanë detyrimin për të qenë sa më larg presionit dhe duhet të ndihen sa më larg presionit sepse puna që ata bëjnë është e tillë që duhet të jenë larg presionit. Presioni do të jetë i vazhdueshëm, puna është si do ta përballosh ti këtë presion dhe mundësitë janë që çdokush mund ta përballojë këtë presion.

Presioni te unë apo te kolegët e mi nuk është një presion që ndikon në vendimmarrje. Mjafton të shikoni dhe lexoni të gjitha vendimet e gjykatës së lartë për të kuptuar nëse ka presion apo nuk ka presion politik”, u shpreh ai.

Sadushi u shpreh më tej se reforma në drejtësi ka sjellë një risi të atillë duke bërë që magjistratët t’i shmangen ndikimit politik.

“Nëse do të fokusoheni në fusha të caktuara megjithëse mund të krijoni bindjen se ky presion mund të ekzistojë në performancë në vendimmarrje nuk evindentohet. Është vetë vendimi që tregon nëse kjo gjykatë ka qenë në presion apo jo. Personalisht mund të them se reforma në drejtësi ka sjellë një risi në drejtim të shmangies së ndikimit politik mbi gjyqësorin për të gjitha ato që unë thashë”, deklaroi Sadushi.

The post Kreu i Gjykatës së Lartë, Sokol Sadushi: Reforma në drejtësi ka shmangur presionin politik first appeared on JavaNews.al.

Sekretari i Përgjithshëm i Partisë së Lirisë, Tedi Blushi i ftuar në “Real Story” u pyet mbi arsyet se pse Presidenti i Partisë së Lirisë, Ilir Meta, në një kohë të shkurtër vendosi të ndryshojë avokatët e tij mbrojtës. Fillimisht ishte Genc Gjokutaj, ndërsa më pas u caktua Kujtim Cakrani.

Ai tregoi arsyen se pse ndodhi kjo rokadë sa i përket mbrojtjes së Metës.

“Nuk ka asgjë enigmatike. Gjokutaj është anëtar i kryesisë së PL. Ai ishte duke u marrë me dosjen e z. Berisha ,m e cila kërkon angazhim maksimal sidomos tani që çehrja ka shkuar në gjykatës. Kjo ka qenë e vetmja arsye, të cilën e ka sqaruar si vetë zoti Meta ashtu dhe Gjokutaj”, tha ai.

Ai theksoi se Meta është rrëmbyer në mënyrë banditestke dhe nuk i është komunikuar urdhri i gjykatës së Posaçme për arrestimin e tij. Blushi theksoi se pas tre orësh që ishte në Policinë e Tiranës, Meta është njohur me vendimin e Gjykatës së Posaçme për arrestimin e tij.

“Nuk është e vërtetë që zoti Meta ka pasur tendencë për ti bërë shantazh apo presion SPAK, por e kundërta është e vërtetë. Ai edhe sot deklaron se nuk jam kundër hetimeve, por mënyra jo vetëm e rrëmbimit. E ka bërë SPAK, sepse nuk mund ti heqësh askujt lirinë me një masë ekstreme si izolimi në burg. Kur unë them SPAK dhe Policia janë e njëjta gjë.

Gjithçka që ndodhi në rrugë, mënyra se si ndodhi, ishte një strukturë, e cila ishte qartësisht strukturë banditeske, pa asnjë dokument identifikimi, pa asnjë logo policie, Nuk i ka dhënë  asnjë dokument, z.Meta, as urdhrin e arrestit, Këtë e dimë ne, sepse këtë e pohojnë dëshmitarët.

Takoni drejtorin e Policisë së Tiranës, z. Tonin Vocaj. Zoti Metës i është komunikuar urdhri i arrestit pasi ishte tre orë i ndaluar brenda drejtorisë së Policisë së Tiranës. Në rastin z.Metës ka ndodhur një procedurë rrëmbimi, antiligjore dhe antikushtetuese”, tha ai.

The post Pse Ilir Meta i ndryshoi avokatët? Sekretari i përgjithshëm i PL tregon arsyen first appeared on JavaNews.al.

Natën e 8 korrikut, teksa Renis Dobra, 23-vjeçari nga Mati po i afrohej shtëpisë së tij në fshatin Zenisht, ai u ndalua nga një automjet ku ndodheshin dy persona të veshur me rroba policie.

‘Në Shënjestër’ ka zbuluar me detaje se çfarë ndodhi në orët e vona të së martës 8 korrik, bazuar në dëshmitë e personave që qëlluan rastësisht pranë vendit ku ndodhi rrëmbimi i 23-vjeçarit, bazuar në pamjet filmike të nxjerra nga kamerat e sigurisë në rrugën Burrel-Tiranë, të cilat janë administruar nga policia.

Megjithëse autorët u përpoqën të mos linin gjurmë në rrëmbimin dhe më pas vrasjen e Renisit, kushëriri i tij që po udhëtonte nga Burreli drejt Zenishtit ka parë nga afër skenën e ndalimit të Dobrës.

Por kushëriri i viktimës Renis Dobra, tha se ai nuk mundi të shquajë në atë errësirë targat e automjetit të ndaluar në rrugë.  Po kështu as portretet e personave që e urdhëruan të largohej nga aty.

“Unë nuk arrita të dalloja dot as targën dhe as fytyrat e personave, sepse kishin ndezur dritat e gjata. Pasi telefonova dhe mora dajën te shtëpia e tij, shkuam te policia që të interesoheshim.

Sipas dëshmisë së dhënë nga babai i Renis Dobrës atë mbrëmje ai e priste të birin në familje.

Pasi kishin një darkë familjare dhe po sipas tij rreth orës 21.30, i biri i kishte dërguar një mesazh që po vinte në familje.

Edhe pse është e paqartë se nga po vinte Renisi ndërkohë, apo cili ishte drejtimi që kishte marrë.

Ajo që mesa kuptohet tashmë është se autorët kishin informacion të saktë, për faktin që Renis Dobra, atë mbrëmje, po kthehej në familjen e tij në fshatin Zenisht të Burrelit.

Për këtë arsye njëra nga makinat e ka pritur në rrugën Burrel-Tiranë. Dhe pasi e kanë hipur në automjetin e tyre, me siguri në pjesën e pasme të sediljes, automjetin e Renisit mendohet ta ketë udhëhequr një nga personat e pranishëm, pjesë e togës kriminale,

Kjo deri në një pjesë të segmentit, ku më pas trupin e Renisit e kanë marrë dhe e kanë futur në automjetin e tij, të cilin më pas e kanë hedhur në Liqenin e Shkopetit, aty ku edhe u gjet, disa orë më pas.

Në dyshimet e forta se fillimisht ishte qëlluar me plumb, por më pas në mendimin se ishte mbytur nga ushtrimi i një force njerëzore,  kjo për shkak të shenjave të gjetura në trupin e tij dhe sidomos në zonën e qafës.

“Vendi ku mendohet se është rrëmbyer 23 vjeçari Renis Dobra, ndodhet vetëm 5 minuta larg banesës së viktimës. Dyshimet e para janë se autorët e kanë mbytur të riun me litar dhe më pas e kanë futur në makinën e tij tip Benz dhe më tej e kanë hedhur në liqenin e Shkopetit.

Por gjatë rrokullisjes së automjetit, trupi i pajetë i Renis Dobrës ka dalë nga makina, ku ka pësuar dëmtime të tjera në kokë dhe në trup”, thuhet në dosjen hetimore.

The post U rrëmbye 5 minuta larg shtëpisë, kush ishin personat e veshur si policë që e mbytën me litar Renis Dobrën? Kamerat zbuluan… first appeared on JavaNews.al.

Sekretar i përgjithshëm i Partisë së Lirisë Tedi Blushi i ftuar në ‘Real Story’ zbuloi fakte të reja nga qëndrimi i Metës në qelinë e paraburgimit, ku tha se prej një muaji nuk po komunikon me Metën. Blushi shtoi më tej se masat represive janë ndërmarrë edhe për takimet me familjarët, avokatët dhe deputetët e tjerë. Gjithashtu, Blushi tha se Metës i është privuar liria pa fakte.

” Prej një muaji nuk takoj Metën edhe pse kam lejen. Për arsye që ende nuk i di, ndërkohë që unë kam leje nga SPAK, u bë më shumë se 1 muaj që nuk e takoj pa arsye. Dhe bisedat telefonike janë ndërprerë. Jemi në një terr komunikimi, masat represive janë shtuar. Dhe familjarët janë ndaluar të takohen prej 2 javësh, edhe avokatit i është kufizuar takimi.

Meta ndodhet në kushte izolimi. Ka një arsye, duan t’i mbyllin gojën për të vërtetat në këtë proces farsë politikë. Nuk ka asnjë arsye tjetër.

Edhe deputetëve i është ndaluar takimi. Shkak është bërë komunikimi i Metës me dy gazetarë, që janë marrë masat represive. Nuk ka një rregullore që i ndërpretë të drejtën e fjalës.  Kanë kufizuar lirinë fizike pa fakte dhe prova.”, tha Blushi.

The post Blushi: Meta në kushte izolimi, nuk e kam takuar prej 1 muaji. I kanë kufizuar lirinë, pa fakte dhe prova first appeared on JavaNews.al.

The post Rrotacion administrativ në vend të rrotacionit politik first appeared on JavaNews.al.

Në emisionin ‘Në Shënjestër’ të gazetares Klodiana Lala, u publikua dhe dëshmia që ka dhënë në polici babai i Renis Dobrës, i cili u rrëmbye e më pas u ekzekutua në makinën e tij, që u hodh nga autorët e kësaj ngjarje makabre në liqenin e Shkopetit.

Të shumta janë hipotezat rreth asaj që mund të ketë ndodhur me të riun, apo arsyen që çuan autorët drejt një makabriteti të tillë.

Hipoteza që lidhen edhe me vetë aktivitetin e 23 vjeçarit i cili thuhet se gjatë qëndrimit 1 vjeçar në Gjermani kishte vuajtur një dënim 6 mujor, për trafikim të lëndëve narkotike.

Ndërkohë që disa muaj në parë ishte parë të konfliktohej në Tiranë, me disa persona.

Por ndërsa u ripyet në lidhje me dijeninë që kishte mbi aktivitetin e të birit, babai i tij Rufati tregoi për grupin e hetues se Renisi kishte pasur një konflikt të ashpër me disa persona, lidhur mbi shitjen e një sasie lënde narkotike të llojit kokainë.

Ngjarje e cila kishte ndodhur kohë më parë në Gjermani. Aty ku siç thamë kishte vuajtur edhe një dënim 6 mujor për trafik të lëndëve narkotike. Qëndrim në Gjermani, nga ku kishte afro një vit që ishte kthyer.

Babai i tij që tregoi se i biri i ishte rrëfyer se disa persona e kishin akuzuar se drogën e kishte shitur për llogarinë e tij, pa dijeninë e tyre.

Ndërkohë që po Renisi i kishte treguar babait të tij, se kjo gjë nuk kishte ndodhur kështu, Dhe se për shkak të frikës nga policia, drogën e kishte hedhur.

“Atë ditë djali im Renisi doli nga banesa në orën 14.10.  Së fundmi ai lëvizte me një automjet tip ‘Benz’ ngjyrë ulli.

Rreth orës 21.00, Renisi më telefonoi dhe më pyeti të shkonte te halla, apo të kthehej në shtëpi. Unë i thashë djalit të kthehej në shtëpi. Ky ka qenë kontakti im i fundit me të”, ka dëshmuar babai i Renis Dobrës në polici.

Grupi hetues beson se ky konflikt mund të ketë qenë edhe një nga arsyet përse Renis Dobra u rrëmbye dhe u torturua në atë formë.

Ndoshta si një mënyrë për ta bërë të flasë se ku përfundoi sasia e drogës e humbur prej tij në Gjermani ku poseduesit e kësaj sasie droge duke mos i besuar kanë kërkuar te ai informacionin se ku përfundoi kjo drogë.

Duke ditur golat që trafikantët e kokainës, u bëjnë njëri-tjetrin dhe paratë që humben në të tilla raste, që nuk janë të pakta.

E shkuara në Gjermani dhe fakti që ka pasur probleme me ligjin është një nga pistat ku grupi hetues është ndalur në rrëmbimin e vrasjen e 23 vjeçarit Renis Dobra. E shkuar, e cila po shihet si një element kyç që mund të ndihmojë në zbardhjen e motivit të krimit.

Ku pista kryesore e hetimit lidhet me dyshimet për përfshirjen e tij në veprimtari kriminale, konkretisht në trafikun e lëndëve narkotike.

Ndërkohë që grupi hetimor po punon për të verifikuar nëse viktima ka pasur konflikte të hapura me persona të lidhur me këtë aktivitet, qoftë në Shqipëri apo jashtë saj.

The post “Djali më telefonoi natën e 8 korrikut”, babai i Renis Dobrës në polici: Kishte konflikt për një sasi droge… first appeared on JavaNews.al.

Pas dëshmisë së dhënë nga familjarët e 23-vjeçarit dhe sekuestrimit të kamerave të sigurisë të bizneseve përgjatë aksit kombëtar Burrel-Tiranë, grupi hetimor bëri të mundur edhe identifikimin e autorëve të dyshuar për krimin makabër.

Njëri prej tyre është Petrit Çakrri, një prej dëshmitarëve okularë i vrasjes së ish deputetit të Partisë Demokratike, Azem Hajdari, mbrëmjen e 12 shtatorit 1998.

Hetimet kanë zbuluar se Çakrri ka marrë me qira në Rinas, dy automjete, një Range Rover të zi dhe një Honday të bardhë.

Petrit Çakrri, i cili pasi dha dëshminë për atë që njihet si procesi i Shekullit, rezulton të ketë patur procedentë të shumtë penalë, që nga vjedhjet e deri tek përplasjet me policinë.

Teksa në vitin 2017 u arrestua nën dyshimet për mashtrim me pasoja të rënda.

Ku në aktakuzë thuhej se ai kishte mashtruar një biznesmen nga Vora, të cilit i kishte marrë një shumë prej 4.4 mln lekësh të reja duke iu prezantuar si tregtar.

Të cilit i kishte premtuar se do t’i siguronte mallra me çmime më të lira sesa tregu.

Çakrri, që u tradhtua nga kamerat e sigurisë dhe GPS e makinës që kishte marrë me qira dhe që përdori në krim.

Nga ku hetuesit përmes pamjeve filmike kanë mundur të zbulojnë pikën e dhënies së automjeteve me qira ku del se pasi kanë dorëzuar makinat që përdoren në krim, kanë marrë automjete të tjera po me qira.

Por, zbulimi i GPS së makinës, i ka mundësuar grupit të hetimit, se automjeti me të cilin udhëtonte Çakrri, që tashmë e ka ndryshuar mbiemrin në Hoxha ka lëvizur në trajektoren ku ka lëvizur edhe Renis Dobra.

Pas krimit, Petrit Çakrri është larguar nga Shqipëria dhe besohet të ketë dalë jashtë vendit nga pika e kalimit kufitar të Morinës.

Ndërsa nipi i tij u ndalua nga policia dhe iu sekuestrua celulari, aty ku besohet se janë gjendur prova të shumta që mund të zbërthejnë detaje të mëtejshme për vrasjen e Renis Dobrës.

The post Zbulohet emri i të dyshuarit për vrasjen e Renis Dobrës, lidhja me atentatin ndaj Azem Hajdarit first appeared on JavaNews.al.

Emisioni “Në Shënjestër” në News24, i përgatitur nga gazetarja Klodiana Lala, trajtoi këtë të martë, rrëmbimin dhe më pas ekzekutimin e 23-vjeçarit Renis Dobra, trupi i të cilit u gjet në liqenin e Shkopetit.

Nga të dhënat e dosjes hetimore, mësohet se i fundit që e pa gjallë Renisin ishte një i afërm i tij i cili pavarësisht orëve të vona të mbrëmjes, dhe dritave të gjata të makinës që kishte ndaluar në anë të rrugës, arriti të shquajë makinën e Renisit, teksa ishte e ndaluar vetëm pak metra larg banesës së tij nga një tjetër automjet, nga ku në rrugë dalloheshin dy persona të panjohur për ta.

Që në momentin e parë ata i identifikuan si efektivë policie.

Por ndërsa u përpoqën të mësonin mbi arsyet e ndalimit të njeriut të tyre, njëri prej tyre në formë urdhërore u kërkoi vizitorëve të padëshirur në këtë skenë, që të largoheshin menjëherë nga aty

Më datë 8 Korrik unë bashkë me gruan dhe familjen kemi qenë duke udhëtuar nga Burreli drejt fshatit Zenisht.  Me të shkuar te vendi i quajtur Kroi i Sucit, unë pashë makinën e Renisit të ndaluar në anë të rrugës.

Ishin ndaluar dhe dy makina të tjera. Ndalova të pyes se çfarë kishte ndodhur.  Por njëri nga personat më tha: ‘Vazhdo, vazhdo, largohu shpejt’, është shprehur kushëriri i viktimës.

Por edhe pse në pamje të parë dukej si një shoqërim i rëndomtë policie, të afërmit e Renis Dobras, dyshuan se diçka nuk shkonte te uniformat dhe mjetet me të cilët të ashtëquajturit efektivë të policisë kishin mbërritur pranë fshatit dhe kishin ndaluar automjetin e njeriut të tyre.

Për këtë arsye ata ngritën alarmin dhe lajmëruan menjëherë babain e 23-vjeçarit, që ndërkohë ishte marrë me makinë dhe ishte larguar gjithmonë në mendimin e parë të atyre që ishin të pranishëm në vendngjarje, në rajonin e policisë.

Prindërit e Renisit të cilët me të mësuar lajmin se i biri mund të ishte ndaluar nga policia, rendën nga fshati Zenisht ku banonin drejt komisariatit të policisë në Burrel, për të mësuar arsyet përse djali i tyre ishte shoqëruar në polici.

Por trokitja në derën e komisariatit, përkoi me një përgjigje aspak të pëlqyeshme për ta. Të cilët mësuan nga posta e policisë në fjalë se nuk kishte pasur asnjë shoqërim qoftë më herët apo në ato orë me gjeneralitetet e të riut, që familjarët pretendonin se ishte ndaluar nga policia.

Sigurisht që ky informacion do të ngrinte menjëherë alarmin si te familjarët por edhe te vetë policia se mund të ishin përballë një ngjarje me një sfond kriminal. Ashtu siç në të vërtetë u mësua në orët në vazhdim.

Ku i pari që rendi në kërkim të fatit të të birit, pa pritur që policia të plotësonte afatin 48 orësh të zhdukjes së një personi, do të ishte Rufati, babai i Renisit i cili po atë natë, pa pritur të agonte mëngjesi, u nis në ndjekje të gjurmëve se ku kishte përfunduar djali i tij.

Gjurmë të cilët e çuan fillimisht në shenjat e një frenimi të fortë në rrugë, që më pas përfundonin në Liqenin e Shkopetit, Aty ku të nesërmen, në një pjesë me bimësi në breg të liqenit, u gjet trupi i pajetë i të riut që ishte zhdukur vetëm një natë më parë, në rrethana të çuditshme, ndërsa automjeti tip ‘Benz’ me të cilin Renisi udhëtonte kishte përfunduar në ujë.

Por që tashmë dyshimet më të forta si nga të afërmit ashtu edhe nga policia, ishin se kishin të bënin me një rrëmbim dhe më pas ekzekutim. Një ngjarje kriminale, e cila me kalimin e orëve, duke u zbardhur dalëngadalë, filloi të bëhej gjithmonë e më shumë makabër.

Ku pavarësisht se në fillim u tha se kishin të bënin me një rrëmbim të organizuar nga njerëz të veshur me rroba policie, detajet e mëtejshme treguan se pasi ishte rrëmbyer, Renis Dobra ishte torturuar dhe më tej mbytur, për t’u hedhur më pas me automjetin e tij në Liqenin e Shkopetit.

Ndoshta me mendimin e autorëve se duke e hedhur në liqen, ngjarja mund të ishte shënuar si një aksident rrugor dhe kësisoj dekompozimi i trupit mund të fshihte edhe gjurmët e torturave në trupin e tij. Gjë që duket se është llogaritur gabim nga ata.

The post “Vazhdo, vazhdo, largohu shpejt” Çfarë pa kushëriri i Renis Dobrës natën e rrëmbimit të 23-vjeçarit? Detaje tronditëse nga dosja hetimore first appeared on JavaNews.al.

The post Ndreu: Në Tiranë, lokali i parë që u çmontua ishte i vëllait tim! Aksioni në Theth mund të shtyhej pas sezonit first appeared on JavaNews.al.