Reading view

There are new articles available, click to refresh the page.

Djegia e flamurit shqiptar, Spahiu: U përdhos atje ku ka urrejtje për ne

Një video që tregon disa të rinj teksa shkelin dhe kalojnë me makinë mbi flamurin shqiptar të hedhur në tokë, ka shkaktuar reagime dhe kritika të shumta në Kosovë.

Në pamjet e shpërndara në rrjetet sociale, të rinjtë duken duke e hedhur flamurin në tokë dhe më pas duke e përdhosur atë duke kaluar sipër me automjet.

Ajo që ka zemëruar qytetarët është mungesa e veprimit nga ana e Policisë, e cila, ndonëse i ndaloi autorët, i liroi menjëherë pas ndalimit.

Zëdhënësi i Policisë për rajonin e Prizrenit, Shaqir Bytyqi, deklaroi për mediat kosovare se ngjarja përfshin dy të mitur dhe ka ndodhur në fshatin Studençan të Suharekës.

Në lidhje me këtë ngjarje ka reaguar edhe Krenshik Spahiu, i cili shprehet se flamuri kuqezi “u përdhos pikërisht atje ku, vitet e fundit, është kultivuar dhe sponsorizuar më shumë urrejtja ndaj Shqipërisë: në Kosovë”. m.p.

“Zjarrfikësja nuk kishte ujë”, flasin banorët e Delvinës

Banorë të fshatrave Senicë, Vergo dhe Palavli kanë folur mbi situatën e zjarrit në Delvinë, pasojat që ka lënë pas dhe ndërhyrjen nga autoritetet.

“Unë erdha nga ora 9 e darkës dhe kur erdha, pashë që zjarrfikësja nuk kishte ujë. Ndoshta e ka harxhuar më parpara, se unë erdha vonë, por në ato momente zjarrfikësja ishte kot. Nuk kishte ujë për të shuar zjarrin. Disa orë më vonë, erdhi zjarrfikësja me ujë që ndihmoi jashtë mase. Ne kemi ndenjur gjithë natën duke shuar zjarrin dhe na janë djegur shtëpitë. Sepse jemi një fshat që nuk ka ujë dhe kemi probleme me rrugët brenda fshatit”, thotë një banor i zonës.

Robert Skëndaj, drejtuesi i Shtabit të Emergjencave Civile në prefekturën e Qarkut Vlorë, bëri një përmbledhje të situatave të zjarrit në rang qarku, me në fokus vatrat në Dukat, Finiq dhe Delvinë.

“Dje kishim vetëm një situatë zjarri në Dukat. Këtë vatër e kemi nën kontroll të plotë. Problematik sot është vatra e zjarrit në Bashkinë e Delvinës, në afërsi të fshatit Senicë. Pati riaktivizim sot në Senicë, ku u nisën dy helikopterë. Në Ploç, vatra e zjarrit për dy orë kaloi nga aty në Smokthinë. Nuk kemi pasur dëme në njerëz, por kryesisht në pemëtari. m.p.

Flet pronarja e shtëpisë së djegur: Do flemë në qiell të hapur, kush do mendojë për ne?

Ana Duka është një banore e fshatit Kopaçëz të Delvinës, që është prekur nga zjarret shkatërrimtare.

Disa orë pasi u detyruan të evakuoheshin nga shtëpia për shkak të rrezishmërisë, ajo dhe familja e saj janë rikthyer në banesën e tyre.

Në një intervistë nga oborri i shtëpisë së djegur, për gazetarin e Report Tv, Armand Xhelili, Ana Duka thotë se zjarri ka djegur çdo gjë.

Ajo shprehet se ka vajtur dëm mundi i një jete, ndërsa problemi emergjent i tyre është se ku do të kalojnë natën për shkak të dëmeve që ka pësuar banesa nga flakët. Sipas saj, është djegur çdo gjë, e ka shpëtuar vetëm oborri i shtëpisë.

“Këtu lart kam stallën që kemi lopën, atje vajtur burri e shuajti me kova. Ullinjtë prapë andej poshtë ku kemi nëpër fusha, dhe këtej lart që kemi, na janë djegur çdo gjë. Vetëm çatia na ka mbetur. Sot do flemë në qiell të hapur, nuk e dimë as vetë se ku do flemë, nuk kemi as ujë, as drita”.

Ana rrëfen edhe momentin se si mësuan kur zjarri avancoi drejt fshatit të tyre.

“Zjarri nisi nga Kalasa që dje, ne ikëm në punë. Kur na marrin pastaj na thonë hajdeni se u dogjën shtëpitë. Na janë djegur të gjitha, rrushi, çdo pemë, çdo gjë, vetëm oborri ka mbetur. Nuk na linte as polici që të vinim në shtëpi të shuanim ndonjë zjarr. Kemi mundin e jetës, kemi punuar një jetë këtu. Ku të vemi, jemi në qiell të hapur, kush do mendojë për neve. S’kemi as rroba, ja me këto që kishim veshur, erdhëm nga puna direkt. Ja u shikoni vetë, është djegur çdo gjë. Asnjë gjë s’ka mbetur”. m.p.

Zbulohet plani që do përmbyste qeverinë në Beograd

Serbia ëshë tronditur nga zbulimi i një plani për të përmbysur qeverinë dhe për të bërë një ndryshim me forcë të pushtetit. Prokuroria e Lartë Publike në Beograd ka ngritur aktakuzë kundër 6 personave.

Dy prej tyre akuzohen edhe për posedim dhe përdorim të paautorizuar të armëve të zjarrit dhe municionit.

Mes të akuzuarve janë Ivan Matoviç, një opozitar nga qyteti i Kralevës, Novica Antiç, ish-kryetar i Sindikatës Ushtarake të Serbisë, si dhe të paktën dy veteranë të luftës që kanë shprehur mbështetje për protestat studentore.

Sipas komunikatës së Prokurorisë serbe, ekziston dyshimi i bazuar se më 21 qershor, të akuzuarit janë takuar në një lokal në Kralevë ku kanë planifikuar kryerjen e një vepre penale, përkatësisht janë dakorduar dhe organizuar me të tjerë për të ndërmarrë veprime që synonin cenimin e rendit kushtetues të Serbisë.

Prokuroria e Beogradit ka publikuar edhe një transkript të bisedës, që sipas saj, është regjistruar në lokalin ku ishin mbledhur të akuzuarit. Në të flitet për organizimin e një proteste më 28 qershor në Beograd, për mënyrën e udhëtimit, numrin e pjesëmarrësve dhe veprimet që duhej ndërmarrë.

Sipas Prokurorisë, njëri nga të akuzuarit thuhet të ketë thënë: “Hyn, e pushton ndërtesën e Qeverisë, e bllokon dhe nuk del prej saj”.

Po ashtu, më 25 qershor, Ivan Matoviç dyshohet se ka kontaktuar me një person të quajtur Sërxhan G. për të diskutuar udhëtimin drejt protestës dhe hapat që do të ndërmerreshin.

Në të njëjtën ditë, policia ndaloi automjetin e drejtuar nga Ivan Matoviqi dhe gjatë kontrollit gjeti një pistoletë të llojit CZ 765 me numër serik të fshirë, e ngarkuar me 7 plumba, si dhe një kuti me 25 fishekë të njëjtë. m.p.

Akt heroik i policëve në Delvinë, shpëtojnë fëmijën 10 vjeç

Një akt heroik është shënuar në fshatin Kopaçëz të Delvinës, ku dy efektivë policie kanë rrezikuar jetën për të shpëtuar një fëmijë 10-vjeçar dhe disa të moshuar nga një banesë e përfshirë nga flakët.

Shefi i Komisariatit të Delvinës, Agim Troci, dhe Shefi i Krimeve Eridion Lame, ndërhynë në banesën në flakë, duke nxjerrë të miturin dhe banorët e tjerë, pavarësisht rrezikut për jetën.

Troci pësoi djegie në fytyrë, krahë dhe këmbë dhe u transportua me helikopter drejt spitalit të Traumës në Tiranë, ndërsa Lame u dërgua i asfiksuar në Spitalin e Sarandës. Zjarri ka djegur rreth 20 banesa në Kopaçëz. m.p

Alimehmeti: Rama ka dosje për kryebashkiakët, nuk guxojnë ta kundërshtojnë

Mbledhja e fundit e Këshillit Bashkiak, e cila u karakterizua nga debatet, pasi këshilltarët e opozitës përsëritën kërkesën për shkarkimin e Erion Veliajt, pas marrjes së tij të pandehur, për këshilltarin demokrat Ilir Alimehmeti, evitoi problemet kryesore të Tiranës, si investimet dhe drejtimin. Në “Çdo kënd” me Merita Haklajn në A2 CNN ai tha se Këshilli Bashkiak duhet t’i propozojë Këshillit të ministrave shkarkimin e Veliajt, sipas ligjit.

“U evitua të flitej për problemet e Tiranës. Çfarë bëhet me investimet dhe kryesimin e Tiranës? A është në legjitimitet Bashkia e Tiranës? Përgjigja është jo. Nëse nuk paraqitet për 3 muaj ai propozohet të shkarkohet. I propozohet Këshillit të Ministrave nga Këshilli bashkiak, nëse nuk ka ardhur në punë për 3 muaj pa ndërprerje. Këshilli jo vetëm që nuk çon propozimin, nuk pranon kërkesën tonë dhe thotë që e kanë shqyrtuar. Kanë frikë të thonë diçka se mendojë që Rama mund të mendojë kundra”.

Sipas Alimehmetit, kreu i qeverisë ka marrë në dorë të gjitha bashkitë kundër ligjit dhe autonomisë vendore.

“Megjithatë kjo PS ka frikë ta bëjë këtë se ka rënë autonomia vendore dhe bashkitë janë marrë në dorë të gjitha nga kryeministrit. Si mundet kryeministri të shkarkojë drejtorët? Nuk e lejon ligji. Rama e kreu veprën e vet kundra ligjit dhe kundër autonomisë vendore. Vendimet i mire si një diktaturë lindore. Ligji komandon shumë qartë sesi emërohen drejtorët”.

Në A2 CNN, Alimehmeti tha se kryeministri Edi Rama ka dosje për kryebashkiakët dhe ata nuk guxojnë ta kundërshtojnë.

“Pse nuk e bën me shkresë Rama? Se i duhet të shkruajë bazuar në ligjin kaq e aq. Ku do ta gjejë Rama? Nuk e ka dhe përdor fijen e trembjes se ka dosje për gjithsecilin prej tyre. Ka fije që i lidhin dhe është i qartë që po të thotë diçka, ato nuk guxojnë”, tha Alimehemti. m.p.

Mero Baze: A duhet ta lavdëroj Këlliçin që po mbron Veliajn?

MERO BAZE – Belind Këlliçi pretendon se Erion Veliaj është arrestuar për arsye politike, pas protestave të tij para Bashkisë, dhe pas “detyrimit” të Edi Ramës për ta lëshuar atë. Sado që jam përpjekur ta denoncoj arrestimin e dhunshëm dhe linçimin e Erion Veliajt në qeli, ende pa akuzë, nuk kam mundur ta bëj kaq bukur sa Belindi. Kjo edhe për shkak të kujdesit që kam për anën logjike të atyre që them. Këta të PD e kanë këtë lehtësi që nuk është se vrasin mendjen shumë a ka vijë logjike mendimi i dhënë publikisht.

Sidoqoftë, deklarata nëse merret seriozisht, pra nëse e injorojmë mungesën e logjikës në ligjërimin e Belindit, është një mbështetje e fortë politike për Veliaj, madje dhe një kazus juridik për avokatët e tij, që unë nuk kam mundur t’ua ofroj deri tani. Dhe kjo i vjen nga një kundërshtar i tij, të cilin e ka mundur në mënyrë poshtëruese.

Sipas kësaj deklarate, vendimi për të arrestuar Veliaj është politik, madje dhe në “bashkëpunim” mes palëve.

Nuk di se si mund të realizohet kjo formalisht dhe cili është roli i Belindit. A është ky dëshmitar, a është ndërmjetës, apo është protagonist i kësaj historie?

Nëse është dëshmitar, të paktën të na thotë si janë zhvilluar ngjarjet, ku janë takuar, çfarë kanë biseduar dhe çfarë kanë vendosur “mes dy palëve”?

Nëse është ndërmjetës, të paktën të na tregojë me kë takohej nga pala socialiste dhe me kë nga pala e SPAK dhe PD, që të përmbyllte operacionin? Kam dëgjuar plot legjenda për të, që financohej nga ministra socialistë në protestat para bashkisë, apo që ndante votat me ta më 2021, por nuk e dija kaq të lidhur.

Nëse është protagonist, akoma më mirë: të na thotë kur paska në dorë të arrestojë përmes SPAK Veliaj, pse s’e liron Doktorin dhe Metën, meqë i paska në xhep këta prokurorët?

Se me thënë të drejtën, me aq dosje të dobëta sa kanë krijuar edhe për ata, nuk e meritojnë as masat paraprake, dhe as burgosjen në rastin e Ilir Metës.

Pra, që të mos e paragjykojmë Belindin si shumë kolegë të tij që kanë identitet mungesën e logjikës, të na shpjegojë pak më shumë në këtë drejtim, se nuk jemi kundër t’i njohim meritat edhe atij në këtë arrestim.

Nëse SPAK arreston me vendime politike, qofshin këto konsensuale apo të njëanshme, dhe Belindi qenka bashkëpunëtor në këtë histori, ai paska një problem të madh me shefin e partisë së tij, i cili thotë që SPAK komandohet vetëm nga Edi Rama.

Në fakt ka plot njerëz rrotull Berishës, përfshi dhe fundërrinat e shtypit të tij që hiqen kompetentë se kanë lidhje direkte me SPAK dhe flasin në emër të tij. Tani po del dhe Belindi që paska lidhje edhe me SPAK, edhe me PS. Madje direkt me Ramën.

Kështu i bie që SPAK-u komandohet nga Doktori dhe i bën dhe ndonjë “nder” Ramës. Atëherë paska të drejtë Ilir Meta që thotë se e ka shitur PD-ja dhe e ka futur në burg duke e shkëmbyer përsëri me Shkëlzenin.

Se në fakt, arrestim më të pacipë, pa asnjë argument për t’u futur në burg ende pa ngritur akuzën, se ai i Ilir Metës nuk ka.

Kjo deklaratë e Belindit ndriçon në këtë drejtim dhe na qartëson pse nga opozita është futur në burg Meta, se këtej nga qeveria janë futur aq shumë sa nuk e balancojmë dot.

Dhe tani jam në siklet: a ta lavdëroj këtë Belindin për këtë që ka thënë, apo të bëj sikur jam mërzitur e ta sulmoj? Realisht, ja vlen ta lavdëroj, edhe pse e di që kjo i prish punë tek Berisha. Por dhe të bëj kot sikur jam mërzitur vetëm që ta marr me sy të mirë Berisha, nuk ja vlen se kam kaq vite që bëj gjasme sikur e shaj që t’i hyj në zemër Berishës. Por ai zemërgur, prapë nuk e do. m.p.

“11 maji nuk ishte farsë, por humbje me 300 mijë vota”

“Nuk ka farsë, por humbje me 300 mijë vota për PD’, kështu është shprehur ish- deputeti i PD Fatbardh Kadilli teksa komentoi zgjedhjet e 11 majit.

I ftuar ditën e sotme në emisionin ‘Studio Live’, në Report Tv Kadilli u shpreh se Berisha duke qëndruar në krye të PD edhe pas humbjes në zgjedhje është duke penguar rotacionin politikë.

‘Ky do të ishte rezulati, s’mund të kishte një rezultatë tjetër për të mos pranuar dështimin dhe përgjegjësinë përballë demokratëve, opozitës dhe përballë edhe gjithë shqiptarëve dhe sillen rrotull duke u marr me cikërrima. Por, diferenca prej 300 mijë votash nuk justifikohet dhe duke qenë se janë të vetëdijshëm se nuk mund ta justifikojnë, marrin kohë për të shtyrë 2 muajt e parë nga 1 maji dhe të presin shtatorin. Çfarë do të bëjnë këta studime dhe kërkime, këta tallen me njerëzit. Të shohësh kryetarin e opozitës që del si ekspert ligjor dhe thotë kjo firma këtu nuk përputhet me atë firmën aty. Kutitë u hapën dhe doli që ne paskemi marr dyfishin e votave që na paskan takuar. Berisha me këtë parti pengon rotacionin politikë që të kemi demokraci efektive’, tha ai. m.p.

Ambasadorët në Kosovë: Klasa politike po zhgënjen popullin

Ambasadorët e akredituar në Kosovë u rikthyen në Kuvend me shpresën se do të bëheshin dëshmitarë të konstituimit të Parlamentit.

Por shpresa shpejt u kthye në zhgënjim ku seanca u ndërpre menjëherë dhe vijoi avazi i njëjtë.

Ambasadorët shprehën zhgënjimin me situatën duke i kërkuar partive që të gjejnë një zgjidhje.

“Ne erdhëm me shpresë të madhe këtu dhe fatkeqësisht asgjë nuk ndodhi sërish. Kosovës i nevojitet një Kuvend menjëherë, i duhet një qeveri e re që do ta ndërtonte një urë të re të fortë mes Kosovës dhe Brukselit që ta përshpejtojë rrugëtimin e sa drejt BE-së”, deklaroi ambasadori i BE-së, Aivo Orav.

“Klasa politike po e zhgënjen popullin e vet dhe është shumë shqetësuese. Vendimi i djeshëm i gjykatës ishte, nëse flasim me gjuhën e futbollit mund të themi si një karton i kuq sepse po e pezullon Parlamentin që të marrë vendime”, u shpreh ambasadori i Gjermanisë, Jorn Rohde.

Përmes një postimi në rrjete sociale, edhe ambasadori britanik Jonathan Hargreaves kërkoi nga partitë që të gjejnë një rrugëdalje deri të shtunën para se të hyjë në fuqi masa e Kushtetueses.

“I lutem politikanëve të Kosovës të bëhen bashkë dhe të gjejnë një zgjidhje për t’i dhënë fund bllokimit para se nesër të përfundojë afati i Gjykatës Kushtetuese. Ndryshe Kosova po hyn në territor të pashkelur dhe qytetarët e saj vazhdojnë të humbasin përfaqësimin domethënës politik dhe aftësinë për të marrë vendime vendimtare dhe ndërkombëtare, të cilat ndikojnë në jetën e qytetarëve”, deklaroi ambasadori i Britanisë së Madhe Jonathan Hargreaves.

Faktori ndërkombëtar në vazhdimësi ka bërë thirrje për konstituimin e Kuvendit të Kosovës.

Ndër të tjera mungesa e Kuvendit po mban peng edhe miratimin e një marrëveshjeje dhe disbursimin e mjeteve të Bashkimit Europian të destinuara për Kosovën nga Plani i Rritjes. m.p.

Alimehmeti: Ka ardhur koha për rotacion në PD

Doktori i ri nuk e ka problem moszbatimin e statutit nga ai i vjetri.

Ilir Alimehmeti është i mendimit se diskutimi për largimin apo jo të Sali Berishës i takon forumeve.

“Berisha është kryetar i PD. Statutin e vendos partia dhe është e drejta jonë që ta bëjmë këtë diskutim brenda forumeve tona, kur të mblidhen. Unë jam anëtar i Këshillit Kombëtar, ju e dini, nuk është mbledhur deri tani, ne do kemi diskutimet tona”, thotë Ilir Alimehmeti për Top Channel.

Humbja e zgjedhjeve nuk u shoqërua me dorëheqje të lidershipit. Me mbylljen e betejës ligjore, doktori Alimehmeti pret që partia të futet në një fazë të re, atë të reflektimit dhe analizës së performancës së rezultatit, që duhet të shoqërohet me ndryshim të strukturave drejtuese.

“Kjo është çka bën një parti politike të lëvizë dhe të ketë rotacion brenda vetes. Po të kishte qenë puna për dorëheqje të dikujt, dorëheqjet duhej të ishin dhënë. Ndryshimet përndryshe janë rrjedhojë e një reflektimi më të matur dhe më kolegjial mbi performancat zgjedhore. Sa dikush, apo një forcë, apo një grupazh ka arritur të prodhojë. Nëse ka performuar mirë, duhet të ecë një hap përpara, apo nëse ka bërë të kundërtën, të ecë një hap pas. Sepse ne supozojmë të bëjmë rotacion brenda Shqipërisë, e njëjta gjë duhet të ndodhë brenda nesh”, thotë ai.

Pas radiografisë së brendshme, doktori Alimehmeti është i mendimit që dyert e Partisë Demokratike duhet të hapen për të rinjtë.

“Unë vetë jam produkt i hapjes, por është produkt i vogël. Numrat kanë qenë të vegjël, duhet të zgjerohet, sepse vetëm në këtë lloj mënyre mund të ndodhë oksigjenimi që mund të sjellë një hap më shumë, një marsh më shumë”, shprehet Alimehmeti.

Emri i Ilir Alimehmetit lakohet sa herë ka zgjedhje në parti apo jashtë saj. Ai është i mendimit se demokratët nuk janë gati për një garë elektorale të parakohshme, ndërsa këmbëngul se ka ardhur koha për ndryshim të sistemit zgjedhor, i cili la jashtë Parlamentit më të votuarit nga populli – njëri prej tyre ishte dhe vetë ai, të cilin sistemi e penalizoi. m.p.

SPAK, kontrolle të befasishme për kapjen e dy personave

Prokuroria e Posaçme Kundër Korrupsionit dhe Krimit të Organizuar (SPAK) ka urdhëruar Policinë e Shtetit për të ndërmarrë një operacion blic për arrestimin e disa personave të botës së krimit.

Referuar raportimeve të gazetares Klodiana Lala, autoritetet po ushtrojnë kontrolle në disa ambiente me qëllim kapjen e dy eksponentëve kriminalë të dyshuar për trafikim të lëndëve narkotike.

Në vijim priten të bëhen publike informacione të detajuara mbi natyrën e operacionit në fjalë si dhe emrat e personave për të cilët është lëshuar urdhër arresti. m.p.

Trump: Ajo që thotë Macron për Palestinën nuk ka rëndësi

“Ajo që thotë Macron nuk ka rëndësi, nuk ka peshë”. Kështu u shpreh presidenti amerikan Donald Trump, duke komentuar vendimin e presidentit francez për të njohur shtetin e Palestinës. Por “ai është një djalë i mirë”, shtoi më tej kreu i Shtëpisë së Bardhë.

Sekretari i Shtetit Rubio e kishte refuzuar më parë propozimin, duke sqaruar se “Shtetet e Bashkuara e hedhin poshtë me vendosmëri planin e Macron”.

Ky propozim nuk gjeti as mbështetje nga Ministri i Jashtëm Italian Antonio Tajani: “Italia mbështet zgjidhjen me dy popuj, dy shtete, por njohja e shtetit të ri palestinez duhet të ndodhë njëkohësisht me njohjen e Shtetit të Izraelit”, shpjegoi ai.

Gjermania gjithashtu e frenoi propozimin: “Qeveria federale gjermane nuk ka ndërmend të njohë një shtet palestinez në një afat të shkurtër”, deklaroi zëdhënësi i qeverisë Stefan Kornelius.

“Rusia gjithmonë ka mbështetur” zgjidhjen me dy shtete, midis Izraelit dhe Palestinës, për t’i dhënë fund konfliktit në Lindjen e Mesme, komentoi zëdhënësi i Kremlinit, Dmitry Peskov.

Një “katastrofë humanitare” po zhvillohet në Rripin e Gazës që “duhet të marrë fund menjëherë”. Kjo u deklarua nga Mbretëria e Bashkuar, Franca dhe Gjermania në përfundim të një telefonate midis udhëheqësve Keir Starmer, Emmanuel Macron dhe Friedrich Merz. Apeli duket të jetë një përgjigje indirekte ndaj pretendimeve të qeverisë izraelite se nuk ka zi buke në Gaza, pavarësisht paralajmërimeve nga OKB-ja dhe shumë organizata ndërkombëtare. m.p.

PSG nis merkaton, 3 ndërhyrje big për të fituar sërish Champions-in

Edhe pse ka një super ekip të mirë organizuar, pavarësisht humbjes 3-0 në finalen e Kupës së Botës për Klube, Luis Enrique ka kërkuar nga drejtuesit e PSG-së tre përforcime në pozicione specifike, nëse duan që të fitojnë sërish Champions League.

Enrique ka kërkuar një portier, në rast se konfirmohet largimi i Gigio Donnarumma, i përfolur jo pak kohët e fundit. Italiani ka hyrë në vitin e fundit të kontratës me PSG-në dhe deri tani rinovimi nuk ka ardhur, ndaj largimi i tij duket mëse i mundshëm. Duke ditur interesin që ka për të nga disa ekipe dhe të mos largohet si lojtar i lirë verën e ardhshme, PSG mund të lejojë largimin e tij që këtë verë, nëse vjen oferta e duhur.

Në qendër të mbrojtjes, Luis Enrique dëshiron të shtojë një mbrojtës për të konkurruar me Marquinhos dhe William Pacho, me Illia Zabarnyi-n favorit në listë, për të cilin Bournemouth kërkon jo më pak se 60 milionë euro.

Përforcimi i fundit kërkohet në krahun e djathtë, për t’i dhënë pak hapësirë frymëmarrjeje Achfraf Hakimi-t. Pjesa e mesfushës dhe e sulmit është mëse e kompletuar dhe nuk ka nevojë për përforcime të tjera. m.p.

“Na duhet një flotë ajrore efektive”, Lapaj thirrje qeverisë për situatën në Delvinë

Adriatik Lapaj ka reaguar për situatën aktuale të zjarreve në mbarë vendin, por sidomos në jug, aty ku në Delvinë pamjet duken thuajse apoliptike.

Kryetari i Shqipëria Bëhet ka bërë thirrje për kujdes, por edhe ka theksuar se shteti shqiptar duhet të investojë për një flotë ajrore efektive kundër zjarrit.

“Sot në fshatrat e Delvinës zjarret po shkrumbojnë pyjet, të mbjellat, banesat, pasuritë e qindra qytetarëve. Së pari, uroj të mos kemi viktima në njerëz! Së dyti, inkurajoj forcat ligjzbatuese të angazhohen me maksimumin e mundësive! Së treti, i bëj thirrje çdo shqiptari të kujdeset për të mos krijuar vatra zjarri.

Është me vend të rikujtohet se vendi ynë nuk ka një flotë ajrore efektive kundër zjarrit, ndaj duhen bërë investime në këtë drejtim”.

4.7 milionë turistë kanë hyrë në Shqipëri në gjysmën e parë të vitit

Janë më shumë se 4.7 milionë turistë që kanë hyrë në Shqipëri në gjysmën e parë të vitit. Numri i të huajve që kanë ardhur kryesisht për pushime është zgjeruar me 5 për qind, krahasuar me janar-qershorin e vitit të shkuar. Pjesa më e madhe e tyre, mbi 4.5 milionë janë turistë nga vendet Europiane, ndjekur nga ata nga Shtetet e Bashkuara të Amerikës, Azia Lindore dhe Afrika.

Quhet “Yahtzee”… një lojë gjermane, e ngjashme me “hedhjen e zareve në shqip.” Ndërsa këta janë Henryn dhe Bertha një çift turistësh gjermanë që po pushojnë në Himarë.

“Kjo është hera e parë në Shqipëri. Më herët ishim në Durrës dhe Vlorë. Himara është shumë e bukur, kemi 4 ditë këtu. Do të qëndrojmë edhe tre ditë të tjera e më pas do të shkojmë në Sarandë e më pas në Korfuz”, shprehet për A2 CNN Henry, turist gjerman.

“Plazhi është shumë i bukur. Plazhi është i pastër. Dhe udhëtuam me anije dhe pamë disa vende të çuditshme. Çmimet duken normale”, thotë për A2 CNN Bertha, turiste gjermane.

Janë më shumë se 4.7 milionë turistë që kanë hyrë në Shqipëri në gjysmën e parë të vitit. Numri i të huajve që kanë ardhur kryesisht për pushime është zgjeruar me 5 për qind, krahasuar me janar-qershorin e vitit të shkuar.

m.p.

Lukashenko: SHBA duhet të shmangë luftërat, është lider global

Si lider global, SHBA-të duhet të parandalojnë përplasjet dhe luftërat, tha Presidenti bjellorus Alexander Lukashenko.

“Amerika është lideri global. Nëse e ke marrë iniciativën, vëre në punë. Lidershipi ka të bëjë me parandalimin e përplasjeve dhe luftërave”, tha ai në një video të postuar në kanalin Pul Pervogo Telegram, i cili thuhet se është afër zyrës së tij të shtypit.

Kanali e mbishkroi videon me frazën, “Intervistë. Tre pika nga e para rreth asaj që ka vërtet rëndësi”.

Agjencia e lajmeve BelTA raportoi më parë se Lukashenko kishte dhënë një intervistë për një nga mediat më të famshme të lajmeve në botë. Emri i organizatës së lajmeve, si dhe emri i intervistuesit nuk janë zbuluar ende. m.p.

Laporta zbulon ‘sekretin’ pse nuk u ble Nico Williams

Rinovimi i Nico Williams me Athletic Bilbaon, bëri që Barcelona të afrojë me huazim Marcus Rashfor. Presidenti i katalanasve, Joan Laporta ka folur rreth mosmarrëveshjes me spanjollin dhe afrimit të britanikut.

“Kushtet financiare nuk ishin të pranueshme për ne. Nuk dyshoj se Bilbao u përpoq të mbante Nicon, por kjo nuk është çështja, ishte çështje shifrash financiare për ne.

Deco dhe ekipi i tij kanë bërë një punë të shkëlqyer. Jemi shumë të kënaqur që kemi sjellë Rashford te Barcelona. Ai është një lojtar me cilësi të shkëlqyera, në moshën ideale për t’u zhvilluar me ne dhe jashtëzakonisht i motivuar”, u shpreh Laporta. m.p.

Digjet Masserati në tunelin e Skërficës

Një automjet tip Masserati ka marrë flakë në afërsi të daljes së tunelit të Skërficës. Policia njofton se incidenti ndodhi në orën 13:28, në aksin rrugor Sarandë – Gjirokastër.

Menjëherë pas marrjes së njoftimit, në vendngjarje mbërritën dy automjete zjarrfikëse. Zjarr kishte përfshirë pjesën e përparme të automjetit me targa AB 803 RX. Ekipet zjarrfikëse ndërhynë me shpejtësi duke përdorur ujë dhe arritën të izolojnë dhe të shuajnë plotësisht flakët.

Si pasojë e zjarrit, janë shkaktuar dëmtime vetëm në pjesën e përparme të mjetit, pa pasoja në njerëz. m.p.

“I merrnin rrogën, e linin pa bukë”. Dalin dëshmitë për ngjarjen e Fierit

Dëshmitë e të afërmve, fqinjëve dhe kryeplakut të fshatit Frashër të Fierit, nxjerrin një tjetër anë të vrasjes makabre të babait nga vajza dhe fshehjes së krimit nga nëna.

Kunata dhe fqinji i viktimës thonë se 56-vjeçari Anesti Rama nuk ishte fanatik, por se vajza dhe gruaja e dhunonin, e linin në dhomë më vete, pa ngrenë dhe i merrnin rrogën.

Sipas dëshmiëve të tyre për gazetarët e Report Tv në Fier, Kristaq Thano e Marsida Topi, vajza Ermalinda Rama 26 vjeç dhe bashkëshortja Valbona Rama, kishin prokurë për të tërhequr nga banka rrogën e viktimës, i cili punonte në një serë bujqësore.

Kunata e viktimës: Kishin edhe probleme, se tani çifti ka probleme në shtëpi, por edhe çupën nuk e njoh aq mirë se unë kam qenë në Delvinë. Lekët që punonte, i kishin hedhur ata të punës a nuk e di, edhe me pasaportën e tyre venin merrnin lekët. Lekët ky nuk i merrte dot në dorë, se nuk i njihte lekët, vetëm se punonte, lekë në xhep ai nuk mori asnjëherë.

Fqinji i viktimës: Faktikisht ai nuk dinte shkrim e këndim, ato e kishin bërë me prokurë që tërhiqnin lekët nga banka. Ajo që thotë vajza, që ka deklaruar se nuk i jepte lekë, janë gënjeshtra. Hani çfarë u donte qejfi vetë atyre. Unë si komshi ndonjëherë i pyesja e ushqeni apo nuk e ushqeni, se kohët e fundit ishte dobësuar shumë. I japim ushqim, thoshin, ndoshta mund t’i kishin dhe gënjeshtra. Por gjithmonë i bërtisnin.

Ndërsa vajza e dytë e viktimës së Fierit, e cila jeton në Itali dhe larg familjes, ka treguar se motra dhe mamaja i thanë që babai ishte rrëzuar në banjo. m.p.

❌