Zjarret në Lurë, ministri Vengu shkon në Dibër: Zonat e banuara jashtë rrezikut, por na presin ditë të vështira
Ministri i Mbrojtjes, Pirro Vengu zhvilloi një mbledhje urgjente në Prefekturën e Dibrës në lidhje me zjarret që kanë përfshirë Parkun Kombëtar të Lurës prej 2 javësh. Ai kërkoi forcimin e bashkëpunimit dhe koordinimit mes të gjitha strukturave të përfshira dhe theksoi domosdoshmërinë që të përgatiten të gjitha materialet dhe mjetet e nevojshme për ndërhyrje efektive në terren.