Ditën e sotme në fshatin Larushk të Krujës janë arrestuar dy persona dhe është shpallur në kërkim një tjetër, pasi kultivonin kanabis në dy parcela. Në pranga kanë rënë shtetasja L. T., 63 vjeçe dhe një shtetas 15-vjeçar si dhe është shpallur në kërkim shtetasi Y. T., 47 vjeç. “Shërbimet e Komisariatit të Policisë Krujë, […]

The post Mbollën kanabis në Krujë, arrestohen në flagrancë 2 persona, në kërkim një tjetër appeared first on BoldNews.al.

TIRANË, 30 gusht /ATSH/ Partia e Lirisë ngriti sot shqetësimin e furnizimit me ujë në Tiranë.

Anëtari i Këshillit Bashkiak në Tiranë, Artan Distafa nëpërmjet një deklarate për mediet tha sot se tri lagje të kryeqytetit, Sauk, Mjull Bathore dhe Selita, përballen vazhdimisht me mungesë uji.

“Banorët e tyre janë të detyruar të përdorin depozita personale ose të presin furnizim me autobote, një gjendje e papranueshme për një kryeqytet europian që pretendon të ketë standarde minimale infrastrukturore”, u shpreh Distafa.

Distafa kërkoi që të ndërmerren masa konkrete në mënyrë imediate në shërbim të qytetarëve dhe lehtësim të jetës së tyre për furnizimin e pandërprerë me ujë për të gjitha lagjet e Tiranës.

“Rivlerësim të tarifave dhe investimeve në sektorin e ujit, për të garantuar që qytetarët të marrin shërbim me cilësi reale dhe të paguajnë çmim të drejtë. Transparencë dhe monitorim publik të çdo investimi në infrastrukturën e ujit, për të eliminuar çdo keqpërdorim dhe shpërdorim të fondeve. Politika sociale dhe subvencione për familjet më të varfra, që furnizimi me ujë të mos jetë luks, por e drejtë themelore”, tha Distafa.

Sipas tij nuk mund të ketë zhvillim dhe standarde europiane në kryeqytet, nëse qytetarët vazhdojnë të presin për ujë dhe të paguajnë më shumë për më pak.

/m.q/j.p/

The post PL: Lagje të Tiranës përballen vazhdimisht me mungesë uji appeared first on Agjencia Telegrafike Shqiptare.

Pas një “dushi të ftohtë” publik që kryeministri Edi Rama i bëri kreut të bashkisë Vlorë Ermal Dredha për punë të dobët në drejtimin e bashkisë, ai premtoi se një nga problemet që lidhej me furnizimin me ujë do merrte zgjidhje me vënien në shërbim të rrjetit të ri shpërndarës. “Ka zona periferike që ka […]

The post Vlorë, premtime për zgjidhje, por ujë vetëm dy orë, ankesa për ndotje dhe diskriminim appeared first on BoldNews.al.

Nga Sebi Alla Pas një “dushi të ftohtë” publik që kryeministri Edi Rama i bëri kreut të bashkisë Vlorë Ermal Dredha për punë të dobët në drejtimin e bashkisë, ai premtoi se një nga problemet që lidhej me furnizimin me ujë do merrte zgjidhje me vënien në shërbim të rrjetit të ri shpërndarës.

“Ka zona periferike që ka pasur probleme me shkuarjen e ujit, pasi normalisht kur vendosen tuba të reja marrin ajër dhe derisa të zhbllokohet e gjitha ajo, normalisht ka këtë lloj problemesh”, tha Dredha më 11 qershor, duke e cilësuar problemin e mungesës së ujit të pijshëm për rreth një javë në disa lagje përgjatë asaj periudhe, si teknik.

Kryetari i Bashkisë Vlorë tha gjithashtu se problemi me karakter “teknik” që kishte prekur, sipas tij, zonat periferike të Vlorës do të merrte zgjidhje shpejt

Premtimet për ujë

Ermal Dredha kërkoi votën e qytetarëve për një mandat katër vjecar (2023) duke përfshire si prioritet të programit të tij zgjatjen e rrjetit të furnizmit me ujë të pijshëm.

Një vit më parë, në një intervistë televizive, ai foli për një projekt që kishte katër vite që kishte filluar në Vlorë me qëllim furnizimin me ujë të qytetit, duke përmendur në funksion të saj edhe një tjetër marrëveshje të rëndësishme me gjermanët (18 milion euro investim) që do të zgjaste mbi një vit kalendarik.

Fakt

Në mesin e gushtit, nga verifikimi në terren i Faktoje.al rezulton Vlora vijon të ketë probleme me furnizimin normal me ujë të pijshëm. “Furnizimi normal me ujë është shumë problem. Vjen një herë në ditë nga ora 6-7. Katet e sipërme të pallateve e vuajnë më shumë mungesën”, thotë për Faktoje.al, Agimi, pronar i një bar kafeje në lagjen “Çlirimi”. Një tjetër banore e së njëjtës lagje e cila ka me qira një dyqan të vogël me rroba të përdorura thotë se për disa ditë ka pasur shkëputje të furnizimit me ujë për një kohë të gjatë.

Situata

“Zbresin njerëzit nga kati i pestë dhe mbushin ujë në dyqan te unë. Të vijë behari dhe mos kesh një grusht ujë për të larë sytë është shumë keq. Të lahen ata të plazhit në ‘Ujin e ftohtë’ dhe ne të lagjes këtu (Çlirim) mos kemi nuk është e drejtë”, thotë për Faktoje.al Tefta Gjolekaj e cila thekson se ka një lloj “diskriminimi” në orarin e ujit për zonat periferike.

Banorët thonë se në zonën “Lungomare” dhe të “Ujit të Ftohtë”, ku fluksi turistik është më i madh, furnizimi me ujë bëhet me orë më të zgjatura.

Edhe në lagjen “Pavarësia” janë të “varur” nga orari që u ka caktuar ndërmarrja e Ujësjellës Kanalizimit Vlorë. “Kjo është Vlora turistike. Uji ka munguar për disa kohë. Thanë se pas ndërhyrjes në rrjetin e ri gjithçka do zgjidhej, por ajo që na mbeti janë edhe rrugët copë-copë nga hapja e kanaleve të tubacionit”, thotë një qytetar që nuk pranon të identifikohet me arsyetimin se: “ku po merret vesh ç’po bëhet nga bashkia, ma mbyllin atë dyqan që kam”, thotë ai. Krejt ndryshe nga sipërmarrësi i vogël, një zonjë që jeton në Itali është fare e lirshme.

“Ujë nuk ka. Uji vjen vetëm një orë në mëngjes 6-7 dhe në darkë 6-7, kaq ujë ka në Vlorë. Unë jetoj në Itali dhe kur erdha në maj pashë gjithë këto rrugë të prishura se do të vinte tubacioni, dhe thashë se kur të vinte tubacioni do e gjej ujin… Kemi frikë të lahemi me ujë bolieri, po na zë ndonjë sëmundje lëkure”, thotë 57-vjeçarja, teksa ngre shqetësimin që kanë edhe shumë qytetarë të tjerë të lagjes “Pavarësia”, se kur ka shkëputje për rreth dy ditë kur rikthehet, uji vjen i ndotur.

Bashkia

Faktoje iu drejtua Bashkisë Vlorë me disa pyetje për çështjen e furnizimit me ujë të qytetit, por edhe pse ka kaluar afati ligjor deri në publikimin e shkrimit nuk patëm përgjigje.

Përfundimi

Vlora vijon të përballet me mungesë të ujit të pijshëm, veçanërisht në disa lagje të saj përgjatë gjithë sezonit turistik. Ndaj dhe, premtimin për zgjidhjen e furnizimit me ujë në ketë qytet deri më tani do e konsiderojmë të pambajtur.

*Faktoje, e mbështetur nga National Endoëment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.

The post Vlorë, premtime për zgjidhje, por ujë vetëm dy orë, ankesa për ndotje dhe diskriminim appeared first on Faktoje.al.

PRISHTINË, 29 gusht/ATSH/ Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës (FSK) dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes, i cili u realizua në Qendrën e Zhytjes në Pashaliman, Vlorë, Republika e Shqipërisë.

FSK thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare. /Kosovapress/

The post FA dhe FSK, trajnime të përbashkëta për operacione në ujë në Pashaliman appeared first on Agjencia Telegrafike Shqiptare.

Shqipëria renditet e fundit në Europë për cilësinë e ujërave bregdetare. Shkaku kryesor? Ujërat e zeza të patrajtuara që derdhen në det, mungesa e impianteve të trajtimit dhe menaxhimi i dobët mjedisor.

Esmeralda Topi

Në fillim të vitit 2023, ministrja e Turizmit dhe Mjedisit, Mirela Kumbaro, gjatë një konference të posaçme për prezantimin e “Arritjeve, sfidave dhe objektivave të vitit”, shpalosi ambiciet për përmirësimin e cilësisë së ujërave larës në vend.

“Qëllimi është të shkojmë në zero dhe të avancojmë me një procedurë tjetër që është flamuri blu për plazhet. Synohet zerimi i ujërave larës problematikë”, deklaroi ajo, teksa citoi të dhëna nga Agjencia Europiane e Mjedisit. 

E njëjta agjensi, një vit më vonë ngre alarmin për cilësinë e ujërave në Shqipëri. Ndryshe nga sa zotohej Kumbaro, Shqipëria renditet e fundit në Europë për cilësinë e ujërave larës. 

Këto shifra e vendosin Shqipërinë si vendin me përqindjen më të ulët të cilësisë së shkëlqyer dhe më të lartën për cilësinë e dobët, ndër të gjitha vendet e përfshira në analizë.

“Janë të paktën katër raportet e fundit të Agjencisë Europiane të Mjedisit që tregojnë përkeqësimin e cilësisë së ujërave larës në Shqipëri. Jemi shumë larg flamurit blu. Dhe kjo e dëmton turizmin”, thotë Olsi Nika, drejtues i Eco Albania. 

Të fundit në Evropë

Nga 119 pika të monitoruara në vend, vetëm 16% janë klasifikuar me cilësi “shkëlqyer”, duke shënuar rënie dramatike nga 41% një vit më parë dhe shumë larg mesatares së BE-së që është 85.4%. Edhe më shqetësues është fakti se 22.7% e ujërave në Shqipëri kanë cilësi të dobët. 

46% e ujërave të monitoruara në vend rezultojnë me cilësi të mirë dhe 11.8% kanë cilësi të mjaftueshme.

Ndërkohë që Ministrja Kumbaro promovon idenë e plazheve me flamur blu, një standard ndërkombëtar që kërkon cilësi të lartë ujore, menaxhim të qëndrueshëm dhe shërbime të plota, të dhënat tregojnë se jemi shumë larg tij. 

Agjencia Europiane e Mjedisit thotë se problemi kryesor lidhet me mungesën e investimeve në trajtimin e ujërave të ndotura. Shpeshherë, ujërat e zeza të papërpunuara përfundojnë drejtpërdrejt në det apo lumenj, duke kontaminuar zonat bregdetare që janë kthyer në epiqendra të turizmit masiv. 

Po ashtu, raporti nxjerr në pah se reshjet intensive dhe përmbytjet e herëpashershme mund të shtojnë ndjeshëm ndotjen nga rrjetet e kanalizimeve.

Ndaj për vendet me renditje të dobët, si Shqipëria, Agjencia Europiane e Mjedisit rekomandon masa urgjente duke përfshirë ndërtimin e impianteve të trajtimit të ujërave të zeza, forcimin e monitorimit sezonal dhe përfshirjen aktive të komuniteteve lokale në kontrollin dhe mbrojtjen e mjedisit. 

Përfundim

Nisur nga të dhënat e mbledhura, deklaratën e ministres Mirela Kumbaro për zerimin e ujërave larës problematikë në Shqipëri, e kategorizojmë të pavërtetë.

The post Nga premtimi për “flamur blu”, tek realiteti i ujërave të zeza appeared first on Faktoje.al.

Reperi i njohur dhe ish-banori i “Big Brother Vip Albania”, G-Bani, ka zgjedhur një skenë ndryshe për koncertin e tij të fundit: burgun e Fushë-Krujës.

Ai ka ndarë me ndjekësit foto nga momentet e veçanta, ku shfaqej së bashku me përfaqësues të institucionit dhe me Valbona Mhilli, të njohur nga shtëpia e BBV. Drejtori i Institutit të Ekzekutimeve të Vendimeve Penale vlerësoi gjestin e tij, duke theksuar:

“Falenderojmë G-BANIN, është artisti i parë dhe i vetëm që ka hyrë në një burg të Shqipërisë për të performuar.”

Nëpërmjet një postimi, reperi shprehu emocionet e përziera që përjetoi:

“Ishte një pritje dinjitoze nga përfaqësuesit e Drejtorisë së Burgjeve, stafi i sigurisë dhe mbi të gjitha nga të burgosurit. U mundova t’u jap disa minuta arratisje nga realiteti i zymtë i qelive.”

Ai shtoi se pavarësisht suksesit të aktivitetit, atmosfera e ngarkuar nuk mund të shmangej:

“Kur koncerti mbyllet, disa shkojnë në shtëpi dhe të tjerë mbeten aty. Ky kontrast të lë pa fjalë.”

Ky veprim i G-Banit është pritur me shumë pozitivitet, duke e bërë atë artistin e parë që sjell muzikën brenda mureve të një burgu shqiptar. Pas daljes nga ‘Big Brother VIP Albania’, G Bani ka hedhur në treg disa projekte muzikore.

The post Koncert brenda qelive! G-Bani surprizon të burgosurit e Fushë-Krujës appeared first on iconstyle.al.

Në shumë vende të botës përfshirë edhe Shqipërinë, uji përmban klor. Në parim, kjo është diçka e mirë, por në praktikë mund ta konsiderojmë si një e keqe e domosdoshme. Klorifikimi bëhet në varësi të burimit të ujit dhe ndotësve të tij. Studimet tregojnë se uji i klorifikuar nuk është plotësisht i sigurt, megjithatë rreziqet […]

The post Rreziqet që vijnë nga uji me klor i rubinetit appeared first on BoldNews.al.

TIRANË, 21 gusht/ATSH/ Ujësjellës-Kanalizime Tiranë njoftoi sot qytetarët se për shkak të defekteve të shkaktuara në rrjet, do të ketë kufizime në furnizimin me ujë të pijshëm në disa zona të kryeqytetit.

Zonat e prekura nga defekti në stacionin e pompimit:

Kombinat

Prush

Sharrë

Zonat e prekura nga defekti në linjën kryesore në depot qendrore të ujësjellësit mbi Qytetin Studenti:

Rruga e Elbasanit

“3 Vëllezërit Kondi”

Zona e Sanatoriumit

Kodra e Diellit

Liqeni i Thatë

Sauku i Ri

Sauku i Vjetër

Sipas njoftimit të Ujësjellës Kanalizimeve, punonjësit janë në terren dhe po punojnë intensivisht për riparimin e defekteve dhe rikthimin sa më shpejt të furnizimit normal me ujë.

UKT njoftoi se do hap i punimeve dhe do zhvillim i ri do të bëhet me dije për qytetarët.

The post Kufizime në furnizimin me ujë në disa zona në Tiranë, UKT: Po riparohen defektet appeared first on Agjencia Telegrafike Shqiptare.

Nga Sebi Alla Në disa premtime rresht, kryesisht në kohë fushatash zgjedhore, 2017 dhe 2021, kryebashkiaku Erion Veliaj tha me bindje se Tirana do të furnizohej me ujë në 100 % të territorit të saj.

“Lajmi i mirë për qytetarët është se fillojmë investimin e fundit të madh që jo vetëm 70 % e Tiranës të ketë furnizim 24 orë, por 100 % e Tiranës të furnizohet me ujë” deklaroi Veliaj në vitin 2021, teksa i shoqëuar nga kryeministri Rama inspektonin punimet në impiantin e Bovillës.

Pavarësisht premtimeve dhe rritjes të çmimit të ujit në Tiranë, që nga janari i vitit 2018, gjendja e tanishme tregon se zona të shumta në kryeqytet kanë probleme me furnizimin me ujë të pijshëm, sidomos në dy njësitë e saj 1 dhe 2, por edhe në fshatra.

Uji shkon me orar të kufizuar dhe në disa raste mungon plotësisht dhe si “zgjidhje” mbetet furnizimi me autobote të Ujësjellës Kanalizimeve Tiranë.

“Aktualisht zonat problematike në furnizimin me ujë të pijshëm janë: Zona e Saukut të ri; Sauku i Vjetër; Mjull Bathore; Zona e Selitës”, thotë për Faktoje.al UKT.

Ujë me “pikatore”…!

Në disa lagje të Tiranës furnizimi me ujë ka pasur probleme. Dy nga zonat me dendësi të madhe të popullsisë, Selita dhe Sauku janë në hartat e kuqe si thellësisht me probleme përsa i përket furnizimit normal me ujë të pijshëm.

Faktoje.al kontaktoi me qytetarë edhe lagje të tjera të Tiranës ku rezulton se në Lagjen 5 Maji, në rrugën “Siri Kodra”, dhe nga zona e Ali-Demit deri pranë Lagjes Çollak, në juglindje të Tiranës, qytetarët ankohen për ndërprerje të furnizimit me ujë.

Duke iu referuar zonave problematike, UKT thotë për Faktoje se arsyeja e mungesës lidhet me shpërdorimin e ujit. “…uji i pijshëm shpërdorohet për vaditje, larje automjetesh, mbushje e pishinave që rrjedhin ujë dhe janë të dëmtuara etj. Sasia e ujit të pijshëm llogaritet për frymë dhe jo për shpërdorim të tij”, thotë UKT.

Sipas saj, shpërdorimi i ujit të pijshëm nga individët për arsye të ndryshme si dhe ndërhyrjet në rrjet janë shkaktarët kryesorë të disbalancës së shpërndarjes së ujit.

Depozitat si zgjidhje

Një tjetër premtim nga kryebashkiaku Veliaj për Tiranën ishte që me furnizimin e Tiranës me ujë pa ndërprerje duhet të largoheshin nga vetë banorët depozitat që ndodheshin kryesisht në tarraca pallatesh. Kjo kërkesë, u kthye në “urdhër” për t’i hequr menjëherë pas tërmetit tragjik të 26 nëntorit 2019.

“Kjo histori ka vazhduar për shumë gjatë në qytetin tonë. Marrim vendim për të hequr të gjitha depozitat e ujit nga tarracat, jo për t’i lënë pa alternativë, por që në bashkëpunim me administratorët e pallateve të kenë mundësi që, si pallatet e reja, në hapësirën e përbashkët, në katin e parë ose në një nga vendet e parkimit, të instalojnë një depozitë të përbashkët për të gjithë banorët; pra, jo secili të vetën”, tha kryebashkiaku Erjon Veliaj.

Aktualisht depozitat janë shpëtim për banorët pasi uji që vjen me orar të kufizuar në disa zona edhe vetëm 1 orë, veçanërisht në Sauk dhe nëse nuk do ishin pajisur me depozita problemet do të ishin edhe më të mëdha. Pyetjes së Faktoje.al se si veprohet kur nuk ka ujë më tepër së 24 orë, UKT iu përgjigj se: “Kur mungesa kalon mbi 24 orë, asistojmë në furnizimin me autobote për të mbuluar zonat e banesave që kanë mungesë uji deri në zgjidhjen e problematikës”.

Tirana larg premtimit

Raporti i ERRU (Enti Rregullator i Ujit) për vitin 2024 mori në shqyrtim furnizimin me ujë në 61 bashkitë e vendit ku vetëm Lezha bën përjashtim me furnizim pa ndërprerje ndërsa bashkitë e tjera kanë probleme.

Tirana gjithashtu futet ndër katër bashkitë e vendit që furnizojnë banorët 13-20 orë ujë në ditë. ERRU konstaton se një tjetër problem mbetet mbledhja e detyrimeve nga konsumimi i ujit.

“ERRU i ka rekomanduar shoqërive UK se duhet t’i kushtojnë vëmendje të veçantë pajisjes 100% të konsumatorëve me matës në mënyrë që konsumatorët të paguajnë volumin real të ujit të konsumuar, por edhe për faktin se faturimi aforfe lë hapësirë për shpërdorimin e ujit nga konsumatorët për ujitje, veçanërisht ato të shtëpive private dhe zonave rurale”, thuhet në raport.

Ndërsa UKT në përgjigjen për Faktoje thotë se, “për vitin 2025, projekt kryesor është vazhdimi i shtesës së impiantit të trajtimit të ujit të pijshëm Bovillë me 1200 l/sek si dhe evidentimi apo eleminimi i rrjedhjeve dhe shpërdorimit të ujit të pijshëm, duke bashkëpunuar dhe me institucione të tjera si dhe nëpërmjet teknologjive të reja”.

Përfundimi

Tirana vijon të përballet me mungesën e ujit të pijshëm në disa zona të saj, veçanërisht në njësitë 1 dhe 2, kryesisht përgjatë muajve të verës. Pavarësisht investimeve të kryera në përmirësimin e rrjetit shpërndarës dhe në impiantin e Bovillës, kryeqyteti vijon të mos furnizohet rregullisht me ujë të pijshëm. Premtimin për furnizimin 24 orë me ujë të pijshëm të kryebashkiakut të Tiranës Erion Veliaj do e konsiderojmë premtim të pambajtur.

The post Tri lagje të Tiranës “thahen” për ujë appeared first on Faktoje.al.

TIRANË, 20 gusht/ATSH/ Ndërmarrja e Ujësjellës-Kanalizimeve Tiranë njoftoi sot abonentët se për shkak të punimeve në rrjetin e furnizimit me ujë të pijshëm do të ketë reduktim të përkohshëm të furnizimit në disa zona në kryeqytet.

Konkretisht reduktim të përkohshëm të furnizimit me ujë të pijshëm do të ketë në zonën “Kodra e Diellit” dhe në zonën “Komuna e Parisit”.

UKT siguron qytetarët se ekipet e saj janë në terren për të përfunduar punimet sa më shpejt.

/m.m//a.f/

The post Punime në rrjet, reduktohet furnizimi me ujë në disa zona në kryeqytet appeared first on Agjencia Telegrafike Shqiptare.

Ka njerëz që nuk mund të funksionojnë në një ambient të parregullt. Dhe ka edhe të tjerë që jetojnë mes rrëmujës… dhe ndihen shumë mirë ashtu. Një nga shenjat që shpesh lidhet me këtë stil jetese është Peshqit.

Në shtëpinë e një Peshku mund të gjesh rroba të hedhura, libra të shpërndarë dhe sende në vende ku s’do t’i prisje. Por, mos u mashtroni – ai e di saktësisht se ku i ka lënë gjërat. Ndoshta nuk është rendi klasik, por për të funksionon.

Jeton në një ambient që për të tjerët duket si kaos, por për të është i njohur dhe komod. Dhe nëse i kërkon diçka, me shumë mundësi do ta gjejë menjëherë, pa u hutuar.

The post Cila shenjë e zodiakut jeton në kaos dhe rrëmujë? appeared first on iconstyle.al.

Defekt teknik në ujësjellës, ndërprerje e përkohshme e furnizimit me ujë në disa zona të Sarandës   Ujësjellësi Sarandë ka njoftuar sot banorët e qytetit se një defekt teknik është shfaqur në saraqineskën kryesore të depos së ujit që furnizon Sarandën.   Si pasojë, disa zona të qytetit do të përballen me ndërprerje të përkohshme […]

The post Defekt teknik në ujësjellës, ndërprerje e përkohshme e furnizimit me ujë në disa zona të Sarandës appeared first on Saranda Web.

Një tërmet me magnitudë 3.6 të shkallës Rihter është regjistruar mbrëmjen e së premtes me epiqendër pranë qytetit të Krujës.

Sipas Institutit të Gjeoshkencave, tërmeti u shënua në orën 18:24 me orën lokale, në koordinatat 41.460° gjerësi veriore dhe 19.740° gjatësi lindore, në një thellësi prej 5 kilometrash.

Epiqendra ndodhej rreth 7 kilometra në jug-perëndim të Krujës dhe 16 kilometra në veri-perëndim të Tiranës, ku lëkundjet u ndjenë lehtë nga banorët.

Të dhënat janë konfirmuar nga Qendra Sizmologjike Euro-Mesdhetare (EMSC) dhe IGEO në Universitetin Politeknik të Tiranës.

Deri më tani nuk raportohet për dëme materiale apo të lënduar./Telegrafi/

The post Tërmet 3.6 ballë me epiqendër në Krujë, ndjehet edhe në Tiranë appeared first on Telegrafi.

Banorët e rrugës “Jordan Misja” në Tiranë, përballen me një situatë alarmante që nga qershori i këtij viti, pasi janë pa ujë të pijshëm. Sipas tyre, çështja ka mbetur pa zgjidhje, pavarësisht se janë bërë dhjetëra ankesa dhe thirrje te Ujësjellësi i Tiranës (UKT) me drejtues Skerdi Drenova. Përgjigjja nga ana e UKT-së ka qenë […]

The post Skerdi Drenova i UKT-së lë 3 muaj pa ujë banorët e rrugës “Jordan Misja” në Tiranë appeared first on BoldNews.al.

Për shkak të rënies së konsiderueshme të sasisë së ujit në burimin e Drinit të Bardhë, ekipet e KRU “Hidrodrini” në Pejë kanë ndërmarrë veprime të menjëhershme operative për izolimin dhe koncentrimin e burimit, me qëllim stabilizimin e furnizimit me ujë për konsumatorët.

Sipas zyrës për informim të KRU “Hidrodrini”, veprimet kanë dhënë rezultate pozitive, dhe nga mbrëmja e sotme pritet që efektet të jenë të dukshme për qytetarët.

Megjithatë, rënia e sasisë së ujit ka shkaktuar vështirësi në furnizim në disa lagje të qytetit, përfshirë B.T. ‘Xhemajl Kada’, ‘Kristali’, ‘Rrokaqielli’, një pjesë të B.T. ‘Haxhi Zeka’ si dhe rrugë të tjera dytësore.

KRU “Hidrodrini” apelon te qytetarët e rajonit që të përdorin ujin në mënyrë të kujdesshme dhe të racionalizuar, për të ndihmuar në shpërndarjen e drejtë dhe minimizimin e reduktimeve.

Situata e ngjashme paraqitet edhe në pjesë të tjera të Kosovës, ku po bëhen përpjekje të mëdha për të përballuar mungesat e ujit./Telegrafi/

The post Rënie e madhe e ujit në burimin e Drinit të Bardhë, KRU “Hidrodrini” ndërmerr masa për stabilizim e furnizimit në Pejë appeared first on Telegrafi.

Një 19-vjeçar është arrestuar në Krujë për shkak të një zjarri që ndezi në fshatin Barkanesh. Sipas policisë, Endri Doku ka ndezur zjarrin si pasojë e konflikteve që kishte me fqinjët për motive pronësie, por nga përhapja e flakëve në territorin e fshatit, janë djegur sipërfaqe toke me ullinj. Pas verifikimeve, rezultoi se i riu […]

The post Krujë – Ndezi zjarr pas konfliktit me fqinjët, prangoset 19-vjeçari. Ishte në arrest shtëpie për drogë/ EMRI appeared first on BoldNews.al.

Një vatër zjarri është regjistruar këtë të diel në zonën e Krastës, në Krujë. Në vendngjarje ndodhen mjetet e repartit zjarrfikës të qytetit, ndërsa në ndihmë janë nisur edhe efektivët zjarrfikës që ndodheshin në pushim. Sipas informacioneve paraprake, deri tani janë djegur disa hektarë me pisha dhe shkurre, ndërsa flakët po përhapen me shpejtësi, të […]

The post Zjarr në Krujë, digjen hektarë me pisha dhe shkurre në zonën e Krastës appeared first on BoldNews.al.

TIRANË, 9 gusht /ATSH/ Në kuadër të operacionit antikanabis të koduar “Koordinata”, policia e Krujës asgjësoi nëpërmjet djegies dhjetëra bimë narkotike.

Policia njoftoi sot se vuri në pranga shtetasin F. K., 32 vjeç, banues në Thumanë.

Sipas policisë 32-vjeçari u kap në flagrancë, duke u kujdesur për 110 bimët e dyshuara narkotike Cannabis Sativa që kishte kultivuar në fshatin “Miliskaj” Thumanë.

Kontrollet në kuadër të planit operacional “Koordinata”, vijojnë.

/m.q/

The post Operacioni “Koordinata”, zbulohen dhe asgjësohen bimë narkotike kanabis në Krujë appeared first on Agjencia Telegrafike Shqiptare.

Policia ka parandaluar një ngjarje kriminale në fshatin Qerekë të Fushë-Krujës, duke arrestuar një 41-vjeçar që dyshohet se kanoste familjarët e tij me armë zjarri. Burimet zyrtare bëjnë me dije se i arrestuari, me inicialet E.V., kishte kërcënuar familjarët me një armë kallashnikov. Gjatë kontrollit në banesën e tij, policia gjeti dhe sekuestroi gjithsej tre […]

The post Kanosi me kallash familjarët, arrestohet 41-vjeçari në Krujë appeared first on BoldNews.al.