Ambasada e Amerikës në Tiranë, bën me dije se 12 specialistë nga SPAK dhe Policia e Shtetit, morën pjesë në kursin “Praktikat më të Mira Mjekoligjore në Macintosh”. Trajnimi u zhvillua nga Zyra e Ndihmës për Antiterrorizmin të Departamentit të Shtetit përmes Zyrës Rajonale të Sigurisë së Ambasadës. Postimi i plotë Këtë javë, 12 specialistë nga SPAK dhe Policia e Shtetit Shqiptar morën pjesë në…

Source

Avokati Skënder Musa ka thënë se Ministria e Drejtësisë ka ndryshuar udhëzimin administrativ që më herët lejonte sigurimin e fondeve shtesë për mbrojtjen juridike të ish-krerëve të Ushtrisë Çlirimtare të Kosovës, të cilët po përballen me gjykimin në Dhomat e Specializuara në Hagë.

Sipas tij, fshirja e nenit 11 nga udhëzimi administrativ, nen që mundësonte kërkesa për buxhet shtesë në raste të veçanta, ka rrezikuar seriozisht cilësinë e mbrojtjes në fazën më kritike të procesit.

“Është e tmerrshme që një pushtet shqiptar në Kosovë, një ministri e Drejtësisë që udhëhiqet prej një shqiptari e largon nenin nga udhëzimi administrativ që duhet të paguhen edhe pagesa shtesë që i kërkon mbrojtja në një proces kaq të rëndësishëm për Kosovën. Dhe në këtë fazë që është vendimtare për që të paraqitet mbrojtja më efikase. Është e pamundshme që çdo ekip tjetër të përgatit në fazën përfundimtare të procesit. Dhe të jetë efektive mbrojtja ashtu e siç ka qenë mjaftë e ashpër Prokuroria Speciale në raport me të akuzuarit dhe me mbrojtjen. Dhe në çdo pikë prokurorët special e kanë shfrytëzuar që mbrojtja të duket sa më e dobët”, ka thënë Musa.

Musa ka shtuar se përgjegjësia për këtë situatë bie drejtpërdrejt mbi Ministrinë e Drejtësisë, duke i fajësuar se “kanë punuar në favor të Prokurorisë Speciale dhe jo në favor të mbrojtjes”.

“Pa asnjë dyshim konsideroj që Ministria e Drejtësisë, personat përgjegjës prej ministri deri personat përgjegjës që janë për financa kanë punuar në favor të prokuroria speciale dhe jo në favor të mbrojtjes’”, ka thënë Musa.

The post Avokati Musa thotë se Ministria e Drejtësisë po punon në favor të ZPS-së, e jo për mbrojtjen e ish-krerëve të UÇK-së appeared first on Telegrafi.

Fituesit e rinj të Love Island USA janë kurorëzuar.

Të dielën, më 13 korrik, sezoni i 7-të i serialit të famshëm Peacock përfundoi dhe fituesit u shpallën nga prezantuesja Ariana Madix.

Në përfundim, u zbulua se Amaya Espinal dhe Bryan Arenales morën më shumë vota dhe u shpallën fitues të sezonit 7. Nic Vansteenberghe dhe Olandria Carthen dolën të dytët, Huda Mustafa dhe Chris Seeley u renditën të tretët dhe Iris Kendall dhe Pepe Garcia-Gonzalez u renditën të katërtit.

Kur erdhi puna për të vendosur se kush do ta merrte çmimin prej 100,000 dollarësh, Bryan i lejoi Amayas të zgjidhte zarfin e parë nga Madix, i cili nuk përmbante asnjë dollar. Pasi Bryan hapi zarfin prej 100,000 dollarësh, ai pranoi ta ndante çmimin në mënyrë të barabartë me Amayan.

I gjithë kasti u hodh në pishinë për të shënuar natën e fundit të verës së tyre të paharrueshme në Fixhi.

The post Finalja e Love Island USA : Zbuloni se cili çift fitoi sezonin 7 appeared first on iconstyle.al.

Rusia ka lëshuar një tjetër valë sulmesh me raketa dhe dronë në disa qytete të Ukrainës, duke vrarë të paktën dy persona dhe plagosur mbi 10 të tjerë. Më të goditurat ishin qytetet perëndimore si Çernivtsi, Lviv, Lutsk dhe Harkiv.

Sipas forcave ajrore ukrainase, janë rrëzuar 319 nga 597 dronët e lëshuar dhe 26 nga 27 raketat. Dy viktimat janë një grua 26-vjeçare dhe një burrë 43-vjeçar, të vrarë në Çernivtsi pranë kufirit me Rumaninë.

Ndërkohë, presidenti amerikan Donald Trump ka paralajmëruar një “deklaratë të madhe për Rusinë” më 14 korrik. Që prej rikthimit në Shtëpinë e Bardhë, Trump është shprehur i vendosur për t’i dhënë fund luftës që nisi në shkurt 2022.

Nga ana tjetër, presidenti Volodymyr Zelensky theksoi se “lufta nuk ndalet me sinjale, por me forcë”, duke kërkuar më shumë armë dhe sanksione ndaj Rusisë nga Perëndimi.

The post Rusia sulmon sërish Ukrainën, Trump premton “deklaratë vendimtare” për Moskën appeared first on iconstyle.al.

Chris Seeley është kthyer në një nga emrat më të përfolur të sezonit të shtatë të “Love Island USA”, për shkak të lidhjes së tij me Huda Mustafa.

Çifti është në qendër të vëmendjes me romancën e tyre plot pasion, tensione dhe befasi, duke pushtuar rrjetet sociale.

Por ajo që shumica e fansave nuk e dinë është se para se të hynte në vilën e dashurisë, Chris ka pasur një kapitull të veçantë në karrierën e tij – pikërisht në Kosovë.

 

View this post on Instagram

 

A post shared by Chris Seeley (@chrisseeley_4)

Ai ka luajtur për një sezon të plotë me klubin e basketbollit të Rahovecit në Superligën e Kosovës.

Performanca e tij në fushë është ende e ruajtur në arkivat e klubit dhe në postimet e tij personale, ku ka ndarë kujtime nga jeta në Rahovec.

 

View this post on Instagram

 

A post shared by Chris Seeley (@chrisseeley_4)

Sot, me mbi 220 mijë ndjekës në Instagram, Chris është një nga konkurrentët më me ndikim në këtë sezon të reality-shout.

Ndërkohë lidhja e tij me Huda, një influencuese e njohur dhe nënë beqare, ka lindur gjatë fazës “Casa Amor” dhe ka vazhduar me emocione të forta, puthje të zjarrta dhe debate të ashpra.

 

View this post on Instagram

 

A post shared by Chris Seeley (@chrisseeley_4)

Publiku shqiptar, këtë herë, e ka një lidhje të drejtpërdrejtë me dramën që po pushton ekranet në ShBA, marrë parasysh kohën që kaloi në vendin tonë. /Telegrafi/

The post Tani një yll i “Love Island USA”, por Chris Seeley kishte një lidhje të veçantë me Rahovecin appeared first on Telegrafi.

Tensionet në fshatin Kurdari të njësisë administrative Suç në Klos u rikthyen mëngjesin e së shtunës. Dhjetëra banorë nga disa fshatra të zonës u mblodhën në lokalin e vetëm të fshatit dhe më pas u drejtuan drejt lumit të Lusës, ku bllokuan makineritë e shoqërisë “Global Interprise Group”. Shoqëria po përpiqet prej disa ditësh të […]

The post Policia ndjek penalisht 4 banorë të fshatit Kurdari, pas përplasjeve për HEC-in appeared first on Reporter.al.

BRUKSEL, 3 korrik /ATSH-LUSA/ – BE-ja duhet të vazhdojë të ushtrojë presion mbi Kremlinin me më shumë sanksione, pasi nuk ka asnjë tregues se Rusia është e gatshme të negociojë një armëpushim që synon paqen në Ukrainë, deklaroi presidenti i Këshillit Evropian, Antonio Costa, në një intervistë me agjencinë portugeze të lajmeve, LUSA, në kontekstin e gjashtë muajve të tij të parë në detyrë.

”Rusia ka refuzuar një armëpushim, Rusia ka refuzuar të marrë pjesë në bisedimet në nivel të lartë në përpjekjet për negociata dhe në fakt, Rusia ka intensifikuar sulmet e saj ndaj Ukrainës, prandaj, nuk duket se Rusia ka ndonjë prirje për të negociuar paqen”, thotë Costa.

Duke shënuar gjashtë muajt e parë në detyrë si kreu i institucionit që bashkon krerët e shteteve dhe qeverive të BE-së, ish-kryeministri portugez thekson se ”idealisht, lufta nuk do të kishte filluar kurrë. Skenari i dytë më i mirë do të ishte që ajo të mbaronte në një moment, [por] realiteti është se, pavarësisht gjithë mbështetjes që i kemi dhënë përpjekjeve të presidentit [Donald] Trump për të ndërmjetësuar paqen, këto përpjekje nuk kanë pasur asnjë përgjigje nga pala ruse”.

Në një kohë kur BE është gati të miratojë paketën e saj të 18-të të sanksioneve kundër Rusisë për shkak të luftës në Ukrainë, Costa thotë se blloku duhet ”jo vetëm të vazhdojë të mbështesë Ukrainën, por […] të rrisë presionin mbi Rusinë”.

Kjo paketë e re masash kufizuese – e cila do të përfshijë lista të reja të subjekteve dhe individëve që i nënshtrohen sanksioneve, përpjekje të shtuara kundër flotës në hije ruse, që transporton naftë dhe kufizime të zgjeruara në sistemin bankar rus, është, sipas Costas, në fazat e saj të fundit dhe do të koordinohet “me Shtetet e Bashkuara, Kanadanë dhe partnerë të tjerë ndërkombëtarë.

”Kjo duhet të jetë një përpjekje globale presioni për të qenë efektive”, argumenton ai.

Pavarësisht luftës së vazhdueshme, Costa këmbëngul se sanksionet e BE-së po funksionojnë, duke treguar gjendjen “shumë të dobësuar” të ekonomisë ruse.

Më 1 dhjetor 2024, Antonio Costa filloi mandatin e tij dyvjeçar e gjysmë si president i Këshillit Evropian, duke u bërë socialisti i parë dhe portugezi i parë që mbante këtë rol.

Ai e kaloi ditën e tij të parë në detyrë në Kiev, duke riafirmuar mbështetjen e BE-së për Ukrainën.

Që nga fillimi i pushtimit rus të Ukrainës më 24 shkurt 2022, BE-ja ka ofruar 138,2 miliardë euro në mbështetje të Ukrainës dhe është gati të kontribuojë me 30,6 miliardë euro në ndihmë financiare në vitin 2025./  a.jor.

The post BRUKSEL – Costa: Rusia nuk ka ndërmend të negociojë paqen me Ukrainën appeared first on Agjencia Telegrafike Shqiptare.

Kur Gigi Calesso lexoi në gazeta për rritjen e kostos së qendrave për emigrantët e Italisë në Shqipëri, ai u trondit shumë. Si një aktivist i së majtës për çështjet mjedisore dhe të drejtat e njeriut, administratori bankar gjashtëdhjetëvjeçar nga Treviso, afër Venecias në verilindje të Italisë, e kishte ndjekur me kujdes sagën që nga […]

The post Eksperiment i kushtueshëm: Italia peshon kostot e qendrave për emigrantët në Shqipëri appeared first on Reporter.al.

Me një fjalim të përzemërt dhe plot vendosmëri, Dr. Përparim Ramusa ka shpallur zyrtarisht kandidaturën e tij për Kryetar të Komunës së Shtimes, duke hyrë kështu në garën zgjedhore me mbështetjen e Kryesisë së Degës së PDK-së në Shtime dhe një numri të madh qytetarësh të komunës.

Përparim Ramusa, ka marrë mbështetje të fuqishme edhe nga niveli qendror i Partisë Demokratike të Kosovës, duke marrë mbështetje nga të gjithë anëtarët e kryesisë në mënyrë unanime.

Ramusa është mjek specialist dhe bir i një minatori.

Ai ka theksuar se është i motivuar nga ndjenja e obligimit për të kthyer dijen dhe përkushtimin e tij në të mirë të qytetit që e ka rritur dhe formuar..

“Sot, me nder dhe përgjegjësi të plotë, shpall zyrtarisht kandidaturën time për Kryetar të Komunës së Shtimes”, ka thënë Dr. Ramusa në deklaratën e tij, duke theksuar përkushtimin për t’u vënë në shërbim të qytetarëve, bazuar në përvojën e tij profesionale dhe vlerat familjare.

Ai falënderoi qytetarët që i kanë besuar këtë detyrë, duke thënë se gjithmonë ka dëgjuar zërin e tyre me përulësi dhe se këtë do ta bëjë edhe në rrugëtimin e tij politik

“Shtimja meriton një udhëheqje që dëgjon, që vepron me mendje të kthjellët dhe zemër të hapur. Unë jam gati, dhe bashkë me ju, DO TË FITOJMË!”, u shpreh kandidati i PDK-së, duke përmbyllur mesazhin e tij me moton: “Për Shtimen që e duam!”.

The post Dr. Përparim Ramusa shpall kandidaturën për Kryetar të Komunës së Shtimes appeared first on Telegrafi.

Përparim Ramusa ka bërë të ditur se do të jetë kandidat i PDK-së për kryetar të Shtimes.

Ramusa tha se kryesia e Degës së PDK-së, shumë votues dhe qytetarë të Shtimes kanë kërkuar që ai të jetë kandidat për kryetar.

“Si mjek specialist me përvojë dhe si bir i një minatori, ndiej për obligim që dijen, përkushtimin dhe integritetin tim t’i vë në shërbim të qytetarëve tanë. E si çdo herë, edhe kësaj radhe, do t’i dëgjoj me përulësi dhe vendosmëri”, shkroi ai.

Tutje, Ramusa tha se Shtimja meriton një udhëheqje që dëgjon dhe që vepron me mendje të kthjellët e zemër të hapur.

“Unë jam gati, dhe bashkë me ju, DO TË FITOJMË! Për Shtimen që e duam”, shkroi Ramusa.

The post Përparim Ramusa, kandidat i PDK-së për kryetar të Shtimes appeared first on Telegrafi.

Papa Leone XIV ka një thirrje për situatën në Lindjen e Meseme, ku kërkon refuzimin e arrogancës dhe hakmarrjes në favor të paqes. Kreu i Kishës Katolike tha se zhvillimet në Iran, Izrael dhe Palestinë po ndiqeshin me shqetësim. “Le të hedhim poshtë arrogancën dhe hakmarrjen, dhe në vend të kësaj të zgjedhim me vendosmëri rrugën e dialogut, diplomacisë dhe paqes”, tha ai sot në Sheshin e Shën…

Source

Afati kalimtar i verës 2025 është ndezur fuqishëm dhe ndër emrat më të përfolur në skenën ndërkombëtare janë futbollistët skandinavë. Në formë të lartë, rekorde personale dhe potencial për të bërë diferencën në nivelet më të larta të futbollit evropian, disa prej tyre janë kthyer në objektiva kyç për klubet më të mëdha të kontinentit.

Nga Liga Premier e deri te Bundesliga, vëmendja është përqendruar në disa yje që pritet të ndryshojnë fanellë këtë verë. Emra si Viktor Gyökeres, Alexander Isak e Christian Eriksen udhëheqin listën e lojtarëve që kanë ngjallur interes të jashtëzakonshëm, duke u lidhur me klube elitare si Arsenali, Liverpooli, Ajax dhe të tjerë.

Tregu skandinav po konfirmohet gjithnjë e më shumë si një thesar për klubet evropiane që kërkojnë cilësi, disiplinë dhe vlerë afatgjatë. Talente të rinj si Antonio Nusa, Maurits Kjaergaard apo edhe shqiptari Besfort Zeneli janë në radarët e gjigantëve të futbollit, ndërsa transferimet e mundshme të tyre mund të ndikojnë drejtpërdrejt jo vetëm në karrierat individuale, por edhe në balancën e fuqisë në futbollin evropian të sezonit të ardhshëm.

Viktor Gyökeres (Sporting CP)

Sulmuesi suedez ka qenë një nga emrat më të përfolur në tregun e transferimeve këtë verë, pas një sezoni spektakolar me Sportingun ku shënoi 54 gola në të gjitha garat. Arsenali është në pozita të favorshme për ta transferuar për rreth 70 milionë funte, megjithëse Manchester United mbetet ende në garë.

Gyökeres përfundoi i dyti në garën për Këpucën e Artë Evropiane, ndërsa ndihmoi Sportingun të fitojë titujt vendorë. 27-vjeçari ka thënë se është i gatshëm të presë për një lëvizje të madhe, por duket se një transferim është shumë afër realizimit dhe durimi i tij nuk do të zgjasë më shumë.

Alexander Isak (Newcastle)

Pas një sezoni ku shënoi 23 gola në Ligën Premier, Alexander Isak është kthyer në një objektiv të madh për Liverpoolin, që kërkon ta përforcojë sulmin. Edhe Arsenali dhe Chelsea kanë qenë të interesuara më parë, por kampionët aktualë anglezë kanë hyrë fuqishëm në garë kohët e fundit.

Newcastle i ka vendosur një çmim të lartë: 150 milionë funte. Megjithatë, Liverpooli është i gatshëm të shpenzojë për ta sjellë suedezin në Anfield, sidomos si alternativë ndaj formës së paqëndrueshme të Darwin Núñez.

Christian Eriksen (Manchester United)

Eriksen do të largohet nga Manchester United këtë verë pas një sezoni me pak minuta në fushë. 33-vjeçari danez ka qenë i rëndësishëm për kombëtaren daneze, por te United ka humbur hapësirat dhe ka kërkuar një sfidë të re larg Premier League.

Ai ka përjashtuar rikthimin në Danimarkë dhe po shqyrton opsione në Evropë. Ajax, ish-klubi i tij, shihet si një destinacion potencial, ndërsa media daneze raporton edhe interesim nga MLS dhe klubet italiane.

Maurits Kjaergaard (RB Salzburg)

Mesfushori i ri 21-vjeçar është rikthyer nga dëmtimi dhe ka bërë 100 paraqitje për Salzburgun. Wolfsburgu, me drejtor sportiv danez, është i interesuar për të, por klubi austriak kërkon 20-30 milionë euro për kartonin e tij.

Ai ka kontratë deri në 2028 dhe shihet si një talent me potencial të madh në mesfushë. Nëse Salzburg vendos ta shesë, pritet të jetë një nga transferimet më të shtrenjta të klubit këtë verë.

Antonio Nusa (RB Leipzig)

Anësori norvegjez është objekt i interesimit nga klubet e mëdha si Arsenal, Chelsea, Newcastle dhe Aston Villa. Nusa ka shkëlqyer me Leipzigun dhe vlerësohet rreth 45 milionë euro nga portali TransferFeed.

Ai është i njohur për driblimin, shpejtësinë dhe lojën e tij kreative nga krahu i majtë. Kulmi i sezonit të tij erdhi në ndeshjen kundër Italisë, ku shënoi dhe asistoi në fitoren 3-0 të Norvegjisë.

Mathias Kvistgaarden (Brøndby)

Celtic dhe Eintracht Frankfurt janë në garë për sulmuesin 22-vjeçar të Brøndbyt. Ai ka shënuar rregullisht në Superligën daneze dhe shihet si një nga talentet më premtuese të vendit.

Brøndby ka vendosur një çmim prej 13.5 milionë funtesh, ndërsa vetë lojtari është i hapur për një hap të madh në karrierë. West Ham gjithashtu e ka ndjekur prej kohësh.

Benjamin Nygren (Nordsjaelland)

Nygren ka bërë një sezon të shkëlqyer me 20 gola në 32 ndeshje për Nordsjaelland dhe është bërë pjesë e kombëtares suedeze. Ai ka zgjuar interes nga Copenhagen, Celtic dhe Anderlecht.

Sulmuesi i djathtë është vlerësuar për instinktin për gol dhe lojën e tij të zgjuar. Një lëvizje në një kampionat më të fortë duket e pashmangshme këtë verë.

Patrick Berg (Bodo/Glimt)

Mesfushori i kombëtares së Norvegjisë është një lider i vërtetë në mesin e fushës dhe ka ndihmuar Bodo/Glimt të fitojë disa tituj. Pavarësisht një eksperience jo të suksesshme në Francë me Lens, ai mbetet një nga mesfushorët më të mirë në Norvegji.

Celtic dhe Olympiacos janë në garë për ta transferuar, ndërsa vetë lojtari është i hapur për një tjetër aventurë jashtë vendit. Kontrata e tij në Norvegji përfundon në 2026.

Victor Froholdt (FC Copenhagen)

Mesfushori qendror i Copenhagen ka luajtur mbi 3,200 minuta këtë sezon dhe është kthyer në një nga emrat kryesorë të ligës daneze. Ai ka debutuar së fundmi me kombëtaren daneze kundër Portugalisë.

Frankfurti është klubi më i interesuar për të, duke ndjekur modelin e suksesit me lojtarët nordikë. Froholdt vlerësohet për disiplinën taktike dhe qëndrueshmërinë fizike.

Besfort Zeneli (Elfsborg)

22-vjeçari është bërë një nga emrat më të kërkuar në Allsvenskan pas disa paraqitjeve të shkëlqyera me Elfsborgun. Ai është i njohur për asistet dhe vizionin në mesfushë.

FC Köln është skuadra më e lidhur me të për momentin. Kalimi në Bundesliga shihet si hapi i radhës për një nga talentet më premtues të Suedisë. /Telegrafi/ 

The post Nga Gyokeres, Isak e Eriksen deri te shqiptari Zeneli – 10 emrat skandinavë që po trazojnë afatin kalimtar appeared first on Telegrafi.

Konflikti në Lindjen e Mesme është përshkallëzuar këtë mbrëmje, pasi Irani ka goditur me gjashtë raketa bazën më të madhe amerikane në Lindjen e Mesme. Shteti i Katarit dënon ashpër sulmin nga Irani në Al-Udeid, ndonëse autoritetet e këtij shteti kanë thënë se raketat janë rrëzuar dhe nuk ka raportime për viktima. ”Ne e konsiderojmë këtë shkelje flagrante të sovranitetit të shtetit të Katarit…

Source

Sot është zhvilluar parada e përvitshme e shqiptarëve në Manhattan të New York të SHBA, e organizuar nga “Albanian Roots” në Central Park.

Para nisjes së paradës, Kryetari i Bashkisë së Nwë York Eric Adams organizoi një pritje në banesën e tij për komunitetin shqiptar, duke nderuar kështu traditat, kulturën dhe krenarinë tonë kombëtare. Komuniteti shqiptar ka vijuar të jetë bashkuar në këtë ngjarje të përvitshme në zemër të New York-ut.

Parada ka nisur në 10:00, sipas orës lokale, nga Central Park West & 81st. Më pas do të pasohet nga një festë në W 72nd Street, me muzikë, valle, art dhe shije shqiptare.

Kjo paradë historike organizohet nga komuniteti shqiptar në SHBA dhe mbështetet nga figura të njohura, si ish-këshilltari Mark Gjonaj. Ajo konsiderohet një moment i rëndësishëm për forcimin e identitetit kombëtar në diasporë dhe promovimin e trashëgimisë shqiptare në një nga qytetet më të mëdha të botës.

“Rrënjët na mbajnë tokës, por bashkimi na çon larg” -është mesazhi që shoqëron këtë ngjarje simbolike për bashkimin e shqiptarëve kudo në botë.

The post Mijëra shqiptarë festojnë paradën e përvitshme në Mahnattan appeared first on iconstyle.al.

Shikuesit e “Love Island USA” mbetën të habitur të enjten kur Megan Thee Stallion bëri një paraqitje surprizë në vilë.

Reperja 30-vjeçare u shfaq me bikini të arta të shndritshme, ndërsa ecja e saj në lëvizje të ngadaltë elektrizoi atmosferën.

Në një klip të postuar në Instagram, ajo tha: “Do ta tund tryezën”, duke shtuar: “Ishulli i Dashurisë nuk është gati për këtë lloj shpërthimi”, shkruan DailyMail.

Fansat shpërthyen në entuziazëm, duke komentuar se Megan i dha jetë të re shfaqjes dhe e quajtën paraqitjen e saj “episodin më të mirë ndonjëherë”.

Ajo pati gjithashtu një intervistë në dhomën e rrëfimit, ku zbuloi se momenti i saj i preferuar deri tani ishte ai viral mes Hudës dhe Nicit.

Megan shprehu mbështetje për konkurrentët, duke theksuar se janë “njerëz të vërtetë me ndjenja të vërteta” dhe u kërkoi fansave të mos jenë të ashpër me ta.

Gjatë qëndrimit, Megan drejtoi një konkurs vallëzimi, i cili u fitua nga vajzat, dhe zbuloi dy “bomba” të reja – TJ dhe Andreina.

Megjithëse hyrja e saj ishte surprizë, reperja kishte lënë të nënkuptohej më herët për një përfshirje të mundshme, pas daljes së saj me disa nga konkurrentët gjatë “Swim Week” në qershor.

Megan solli stil, energji dhe humor – një paraqitje që do të mbahet mend gjatë në historinë e Love Island USA. /Telegrafi/

The post Megan Thee Stallion trondit “Love Island USA” me një hyrje spektakolare appeared first on Telegrafi.

33 specialistë të krimeve të lehta të Policisë së Shtetit përfunduan kursin e 12-të të Hetimit të Krimeve. Ambasada e Amerikës në Tiranë, ka postuar një mesazh urimi për specialistët, ndërkohë që u shpreh se ky është një program i thelluar nga Programi Ndërkombëtar i Ndihmës për Trajnimin për Hetimet Penale të Departamentit të Drejtësisë së Shteteve Bashkuara (ICITAP), në bashkëpunim me Akademinë…

Source

Pep Guardiola u prit me të gjitha nderimet në Whitworth Hall, ku rektori i Universitetit të Manchesterit, Nazir Afzal, i dha atij titullin laurea honoris causa. Një vlerësim i çmuar për kontributin e dhënë ndaj qytetit gjatë nëntë viteve që ka qenë trajner i City, një aventurë që i ka mundësuar të lërë një gjurmë të pashlyeshme edhe mbi qytetin. Gjatë ceremonisë, spanjolli mbajti një fjalim falënderues shumë të fuqishëm, gjatë të cilit foli edhe për luftën në zhvillim mes Izraelit dhe Hamasit, duke mbrojtur popullatën e Gazës. Ai foli për dhimbjen që ndien për konfliktin që po zgjat prej gati dy vitesh, duke i nxitur të gjithë të bëjnë pjesën e tyre për të kërkuar paqen.

Fjalimi i Guardiolës për Gazën

Vëmendja përqendrohet te ajo pjesë e botës që nga fundi i vitit 2023 është tronditur nga një luftë që çdo ditë sjell vdekje dhe shkatërrim. Për këtë arsye, trajneri në fjalimin e tij të falënderimit ndalet edhe te ajo që po ndodh në Gazë: “Është aq e dhimbshme ajo që shohim në Gazë. Më dhemb në gjithë trupin. Dhe të jetë e qartë, nuk është çështje ideologjie. Nuk ka të bëjë me atë nëse kam unë të drejtë apo ti gabim. Ka të bëjë vetëm me dashurinë për jetën, me kujdesin për tjetrin. Ndoshta mendojmë se shohim fëmijë 4-vjeçarë të vrarë nga bomba apo të vrarë në spital sepse nuk është më një spital. Nuk na përket neve.”

Pep Guardiola, while receiving an honorary degree from the University of Manchester:

“It’s so painful what we see in Gaza, it hurts all my body. It’s not about ideology but the love of life. It’s about refusing to be silent or still when it matters the most”@PepTeam pic.twitter.com/HlC5q1adi5

— Leyla Hamed (@leylahamed) June 10, 2025

Thirrja për ata që e dëgjojnë është të bëjnë pjesën e tyre: “Mund të mendojmë se nuk na përket. Por bëni kujdes. Tjetri do të jetë yni. Fëmijët e ardhshëm katër apo pesë vjeç do të jenë tanët. Më vjen keq, por unë shoh fëmijët e mi kur zgjohem çdo mëngjes që kur ka nisur ky makth me foshnjat në Gazë. Dhe kam shumë frikë. Ndoshta kjo pamje duket e largët nga vendi ku jetojmë tani. Dhe mund të pyesni veten çfarë mund të bëjmë.”

Fjalimi është i fortë dhe prek temat më të dhimbshme të aktualitetit

Guardiola zgjatet dhe ngul këmbë për angazhimin që secili prej nesh duhet të marrë në këtë situatë. Për ta shpjeguar mirë, ai rrëfen një histori të shkurtër, por të mbushur me domethënie: “Më vjen ndër mend një histori. Një pyll është në flakë. Të gjitha kafshët ikin, të tmerruara, të pafuqishme, të dorëzuara. Por një zog i vogël fluturon përpara e mbrapa, përpara e mbrapa drejt detit, përpara e mbrapa, duke sjellë pika uji në sqepin e tij të vogël. Gjarpri qesh dhe pyet: ‘Pse, vëlla? Kurrë nuk do ta fikësh zjarrin’. Zogu përgjigjet: ‘Po, e di’. ‘Atëherë pse e bën përsëri e përsëri?’ – pyet sërish gjarpri. ‘Po bëj vetëm pjesën time’, përgjigjet zogu.”

Çfarë do të thotë kjo?

Është vetë trajneri Guardiola që e shpjegon: “Domethënë, zogu e di që nuk mund ta shuajë zjarrin, por ai refuzon të mos bëjë asgjë. Në një botë që shpesh na thotë se jemi shumë të vegjël për të bërë ndryshim, kjo histori më kujton se fuqia e secilit nuk qëndron te përmasat. Qëndron te zgjedhja. Te prania, te refuzimi për të heshtur apo për të qëndruar i palëvizur kur kjo është më e rëndësishme.” Një thirrje e rëndësishme nga spanjolli, që nuk hesht dhe merr qëndrim në një moment kaq të rëndësishëm, të cilin zgjedh të mos ia kushtojë vetëm sportit, por një angazhimi konkret për të arritur më në fund paqen.

It was a privilege to award Pep Guardiola with an Honorary Doctorate of the University of Manchester tonight

His achievements with Barcelona, Bayern Munich & even Manchester City were recognised by the highest honour that a University can bestow pic.twitter.com/MaFvZO8YFZ

— nazir afzal (@nazirafzal) June 9, 2025

The post Guardiola, fjalimi rrënqethës për Gazën: “Kujdes, fëmijët e radhës do të jenë tanët” appeared first on Lapsi.al.

Vendet e rajonit të Ballkanit janë përfshirë në kontaktet brenda një strategjie më të gjerë amerikane për dëbimin e shtetasve të huaj pa status të rregulluar, konfirmoi Departamenti amerikan i Shtetit për Radion Evropa e Lirë. Ai nuk i komentoi raportimet e mediumit amerikan, Bloomberg, se administrata e presidentit amerikan, Donald Trump, po përpiqet t’i bindë vendet e Ballkanit që t’i pranojnë…

Source

Deti Adriatik u shndërrua sot në një skenë simulimi për të zhvilluar operacione detare si pjesë e stërvitjes “Defender25”, e konsideruar si stërvitja vjetore më e madhe e Ushtrisë Amerikane në Europë. Ambasada e SHBA-së në Tiranë, bën me dije se dy anije patrullimi nga Skuadroni i Sigurisë së Ekspeditës Detare të Marinës së SHBA-së shoqëruan anijet e Forcës Detare Shqiptare gjatë stërvitjes…

Source

Kur u përball me probleme kardiovaskulare këtë pranverë, Hasan Çaushit nga fshati Nikoliq i Hasit i shkoi ndërmend që të zgjidhte vdekjen përballë shtrimit në qendrën spitalore universitare “Nënë Tereza në Tiranë. Por burri 75-vjeçar e gjeti një rrugëdalje në spitalin rajonal “Isa Grezda” në Gjakovën fqinje, ku BIRN e takoi ndërsa po kurohej në […]

The post Shëndetësia në dy pamje: Pacientët e qarkut Kukës gjejnë shpëtim në spitalet e Kosovës appeared first on Reporter.al.