Deputetja e PDK-së Eliza Hoxha nga Platforma “Liria ka emër” ka kritikuar ashpër institucionet e Kosovës për mënyrën se si e kanë trajtuar raportin me Dhomat e Specializuara në Hagë. Ajo ka theksuar mungesën e llogaridhënies, transparencës dhe mbështetjes institucionale për të akuzuarit kosovarë që po gjykohen atje.

Në një intervistë në emisionin “Five” të Televizionit Dukagjini, Hoxha ngriti shqetësime për funksionimin dhe qëllimin themelor të Dhomave të Specializuara, duke thënë se aktakuzat aktuale nuk përputhen me rrëfimin për të cilin ishte themeluar ky institucion.

“Qysh në fillim kemi qenë të zëshëm dhe me shumë delikatesë e kemi adresuar ndjeshmërinë dhe faktin që këto dhoma operojnë jashtë territorit të Kosovës. Juridikisht dhe kushtetueshëm, ato i detyrohen Kosovës, por ka munguar përgjegjësia e vërtetë për llogaridhënie,” theksoi Hoxha.

Ajo kritikoi edhe mënyrën se si janë mbajtur seancat informuese nga përfaqësuesit e Dhomave të Specializuara, duke i cilësuar ato si formale dhe pa mundësi për dialog real me publikun. “Këto procese ishin vetëm për të bërë një ‘tik’, jo për të informuar publikun se çfarë po ndodh realisht në Hagë,” tha ajo, duke përmendur edhe mungesën e hapësirës për pyetje në prezantimet e kryetares Ekatarina Trendafilova.

Hoxha përkujtoi se tre vite më parë, Komisioni për të Drejtat e Njeriut kishte kërkuar të vizitonte të akuzuarit në Hagë për të vëzhguar gjendjen e tyre, por kjo nuk ishte lejuar. Ajo e cilësoi këtë si shkelje të rëndë të të drejtave të njeriut dhe të parimit të prezumimit të pafajësisë.

“Shteti i Kosovës ka dështuar të sigurojë mbështetje juridike dhe financiare për qytetarët e vet. Janë dashur individë, PDK-ja dhe fondacione të ndryshme që të ndërhyjnë për të ndihmuar procesin e mbrojtjes,” u shpreh Hoxha, duke kritikuar edhe reduktimin e fondeve për mbrojtjen përmes një udhëzimi administrativ.

Ajo përfundoi se përgjegjësia është e dyanshme: Dhomat e Specializuara që kanë funksionuar në mënyrë të mbyllur e të anshme dhe institucionet e Kosovës që kanë treguar mosinteresim dhe mungesë angazhimi për qytetarët e vet të akuzuar.

Ndryshe, sot në konferencën “Lira ka Emër”, akademik Arsim Bajrami ka kritikuar Gjykatën Speciale, duke e akuzuar për shkelje të Kushtetutës së Kosovës, të drejtave themelore të njeriut dhe për komplot ndaj luftës çlirimtare të UÇK-së.

Bajrami e cilësoi këtë Gjykatë si “derivat i një raporti të rremë dhe të fabrikuar nga Dick Marty”, që sipas tij u sponsorizua nga Rusia dhe Serbia.

Ai tha se përmes këtij procesi, po tentohet të rishkruhet historia moderne e Kosovës dhe të inkriminohet padrejtësisht lufta çlirimtare.

“Gjykata Speciale është një projekt i montuar politikisht për ta shtrembëruar të vërtetën historike të luftës sonë çlirimtare. Ajo është ndërtuar mbi një mashtrim ordiner të Raportit të Martyt dhe për këtë heshtja e Këshillit të Evropës është bashkëfajësi e pastër”, theksoi Bajrami.

Ai kritikoi ashpër edhe vetë institucionet e Kosovës, duke i konsideruar si të dështuara në mbrojtjen e luftës çlirimtare dhe të qytetarëve që po përballen me këtë proces gjyqësor.

“Kuvendi e formoi Gjykatën Speciale me mirëbesim për drejtësi, por ajo tani është shndërruar në një gjykatë monoetnike e diskriminuese, që bashkëpunon më shumë me Serbinë sesa me autoritetet e Kosovës”, deklaroi ai.

Bajrami renditi një sërë shkeljesh që, sipas tij, e bëjnë këtë gjykatë të paligjshme dhe të paragjykuar: mbajtje të gjatë e të pajustifikuar në paraburgim, mohimi i barazisë së palëve në proces, dëshmi të fabrikuara e të përcjella nga shërbimet sekrete serbe, si dhe mungesë totale transparence dhe monitorimi ndërkombëtar.

Në lidhje me aktakuzën për “ndërmarrje të përbashkët kriminale”, Bajrami tha se ajo është juridikisht e paqëndrueshme dhe politikisht e rrezikshme.

“UÇK-ja nuk ka qenë ushtri shtetërore me komandë qendrore. Ishte një lëvizje popullore, një guerile patriotike që s’kishte as strukturë shtetërore dhe as plan të përbashkët kriminal. Plani i vetëm shtetëror ishte ai i Serbisë për shfarosjen e shqiptarëve, përmes operacionit gjenocidal ‘Patkoi’”, theksoi akademiku.

Ai kritikoi rëndë institucionet kosovare për dështimin në mbështetjen e të akuzuarve dhe në ndërkombëtarizimin e shkeljeve që po ndodhin në këtë proces.

The post Eliza Hoxha: Shteti ka dështuar të mbrojë qytetarët e tij në Hagë appeared first on Telegrafi.

Prokurorja e Specializuar Kimbërli Uest ka mirëpritur aktgjykimin e sotëm në gjyqin e apelit ndaj Pjetër Shalës duke theksuar se zyra e saj do ta shqyrtojë me kujdes të gjithë aktgjykimin ditët e ardhshme.

“E mirëpres aktgjykimin e sotëm i cili përforcon sundimin e ligjit dhe kontribuon në arritjen e vënies para përgjegjësisë për krime serioze dhe vendosjen e drejtësisë për viktimat e Shala”, tha Uest në një reagim pas shpalljes së aktgjykimit nga Paneli i Gjykatës së Apelit të Dhomave të Specializuara.

“Mbaj shënim ndryshimin e gjatësisë së dënimit të shqiptuar dhe konstatimet e tjera të gjykatës. Zyra ime do ta shqyrtojë me kujdes të gjithë aktgjykimin ditët e ardhshme”, vazhdoi Prokurorja e Specializuar.

Në aktgjykimin e shkallës së parë të 16 korrikut 2024, Shala u shpall fajtor për tre akuza për krime lufte – ndalim arbitrar; torturë; dhe vrasje e paligjshme – dhe u dënua me 18 vjet burg.

Sot, Paneli i Gjykatës së Apelit i la në fuqi dënimet për të gjitha akuzat, theksoi natyrën e rëndë të krimeve dhe ndryshoi gjatësinë e dënimit të Shala në 13 vjet burg.

Sipas Krimet e Shalws u kryen në periudhën prej rreth 17 majit 1999 dhe 5 qershorit 1999 kundër personave – kryesisht shqiptarë të Kosovës – që ishin paraburgosur në Fabrikën e Metalit në Kukës, Shqipëri.

Trupi Gjykues konstatoi në aktgjykimin e shkallës së parë se viktimat e kësaj çështjeje gjyqësore ishin mbajtur në kushte çnjerëzore e degraduese dhe i ishin nënshtruar abuzimit psikologjik e fizik, dhe një nga viktimat u vra.

Shala apeloi kundër aktgjykimit të shkallës së parë dhe seanca dëgjimore e apelit u zhvillua më 15 dhe 16 maj 2025.

Shala u arrestua më 16 mars 2021 në Belgjikë dhe u transferua në Njësinë e Paraburgimit të Dhomave të Specializuara të Kosovës më 15 prill 2021. /KP/

The post Prokurorja pas vendimit për Shalën: Do ta shqyrtojmë me kujdes aktgjykimin appeared first on Telegrafi.

Organizatat e dala nga lufta, kanë reaguar pas vendimit të Gjykatës së Apelit në Hagë, e cila uli dënimin Pjetër Shalës nga 18 në 13 vjet burgim.

OVL, SHIL dhe SHFD të UÇK-së e kanë konsideruar këtë vendim si një tjetër padrejtësi ndaj ish-luftëtarëve të UÇK-së.

Në reagimin e përbashkët, këto organizata shprehin “pakënaqësinë e thellë” me vendimin, duke theksuar se kishin pritur një aktgjykim lirues.

“Edhe pse dënimi është ulur, ne kemi pritur me bindje të plotë një vendim lirues, sepse besojmë në pafajësinë e bashkëluftëtarëve tanë, dhe në luftën tonë të drejtë për çlirim”, thuhet në deklaratë.

Sipas tyre, vendimi i Apelit nuk ndihmon drejtësinë, por “e thellon bindjen se kjo gjykatë ka karakter politik dhe nuk e trajton drejtësinë mbi baza të barabarta e të paanshme”.

Organizatat theksojnë se e vërteta është në anën e UÇK-së dhe nuk kanë frikë nga ajo.

“UÇK-ja nuk ka nevojë të mbrohet nga e vërteta, e vërteta historike është në anën tonë dhe bashkëluftëtarët tanë nuk do t’i nëpërkëmbë askush me procese të motivuara politikisht. Liria nuk gjykohet, ajo respektohet”, thuhet në reagim. /Telegrafi/

The post “Liria nuk gjykohet”, organizatat e luftës reagojnë rreth vendimit të ri të Speciales ndaj Pjetër Shalës appeared first on Telegrafi.

Paneli i Apelit në Gjykatën Speciale ka marrë vendim për rastin e Pjetër Shalës, duke rrëzuar shumicën e pikave të ankesës së tij, por duke gjetur disa shkelje në aktgjykimin e shkallës së parë.

“Paneli miraton pjesërisht pikat 7, 12 dhe 14 të ankesës, dhe vendosi t’i ulë dënimin Shalës nga 18 në 13 vjet burgim.

“Paneli i Apelit la në fuqi verdiktin e fajësisë së z. Shala për krimet e luftës të ndalimit arbitrar (pika 1), torturës (pika 3), dhe vrasjes së paligjshme (pika 4)”, thuhet në njoftim.

Megjithatë, Paneli pranoi pjesërisht tri nga 14 pikat e apelit të Shalës dhe gjeti disa shkelje në vlerësimin e provave dhe në caktimin e dënimit.

Sa i përket dënimit për vrasjen e paligjshme, Apeli theksoi se “Trupi Gjykues nuk i dha peshë të mjaftueshme faktit që ai (Shala) nuk pati rol komandues në lidhje me kontributin personal të tij në krimin e vrasjes”.

Po ashtu, lidhur me disa viktima për të cilat Shala ishte shpallur fajtor për torturë apo ndalim arbitrar, Apeli konstatoi mungesë provash të mjaftueshme.

“Në gjyq nuk ishin paraqitur dëshmi gojore për keqtrajtimin e tyre… ndaj Paneli i Apelit prapësoi verdiktin e fajësisë për këta persona”, thuhet në njoftim.

Pavarësisht kësaj, Apeli konfirmoi se Shala mbetet fajtor për krime të rënda.

“Paneli i Apelit theksoi se ka konfirmuar verdiktet e fajësisë së Shalës për krimet e luftës të ndalimit arbitrar, torturës dhe vrasjes, dhe se ulja e dënimit të tij nuk sugjeron aspak se krimet për të cilat është shpallur fajtor dhe dënuar, nuk janë të rënda”, u theksua në aktgjykim.

Apeli gjithashtu theksoi se Dhomat e Specializuara kanë juridiksion vetëm mbi individë, e jo grupe apo organizata, dhe se “as UÇK-ja, as populli i Kosovës nuk ishin objekt i këtij procesi dhe nuk u shpallën përgjegjës dhe fajtorë për këto krime”.

Shala më 16 korrik të vitit të kaluar ishte shpallur fajtor për krimet e luftës të ndalimit arbitrar, torturës dhe vrasjes së paligjshme dhe ishte dënuar 18 vjet burgim.

Më 2 shtator 2024, Mbrojtja e Shalës dorëzoi njoftimin për apel kundër aktgjykimit. /Telegrafi/

The post Vendim i ri për Pjetër Shalën, i ulet dënimi nga 18 në 13 vjet burgim appeared first on Telegrafi.

Djali i ish-kryetarit të Kuvendit të Kosovës dhe njërit prej liderëve historikë të UÇK-së, Kadri Veselit, Klestori Veseli, i është përgjigjur kryeministrit në detyrë, Albin Kurti.

Kurti në një emision televiziv tha se Partia Demokratike e Kosovës (PDK) “ka disa kryetarë dhe disa prej tyre marrin instruksione nga Haga”.

Klestori e cilësoi këtë deklaratë si të pavend dhe aspak dinjitoze, duke thënë se ajo rëndon gjendjen emocionale të familjes së tij dhe të bashkëluftëtarëve të babait të tij, të cilët tash e disa vite po përballen me sfida të mëdha.

Lexo po ashtu Zyrtarët e PDK-së po i vizitojnë shpesh Thaçin e Veselin në Hagë për instruksione politike

“Për familjen tonë dhe familjet e bashkëluftëtarëve të babait, që po ballafaqohemi me sfida jo të lehta tash e disa vite, deklaratat e tilla jo vetëm që na rëndojnë gjendjen neve, por nuk i bëjnë nder as vetë kryeministrit në detyrë”, shkroi ai në Instagram.

Ai shtoi se kryetari i PDK-së është Memli Krasniqi dhe se Kurti e çdo aktor tjetër politik nuk duhet të shmangin debatin politik konstruktiv.

“Kurti e kushdo tjetër në skenën politike, nuk kanë pse t’i frikësohen debateve konstruktive politike”, u shpreh ai.

Ndaj deklaratës së Kurtit, gjatë ditës së enjte ka pasur reagime./Telegrafi/

The post Djali i Kadri Veselit reagon ndaj deklaratës së Kurtit appeared first on Telegrafi.

Zëvendësministri në detyrë i Drejtësisë, Blerim Sallahu i është kundërpërgjigjur sot kritikave të kryetarit të Partisë Demokratike të Kosovës, Memli Krasniqi i cili deklaroi se kryeministri në detyrë, Albin Kurti dhe Albulena Haxhiu i kanë zvogëluar fondet për mbrojtjen e personave që po mbahen në paraburgim në Hagë.

Lidhur me këtë deklaratë të Krasniqit, ka reaguar sot zëvendësministri në detyrë, Sallahu përmes një postimi në Facebook.

“Në mandatin tonë janë paguar mbi 32 milionë euro për mbrojtjen e personave që mbahen në paraburgim në Hagë! Pra, deklarimet e Memli Krasniqit janë veç shpifje!”, shkruan Sallahu.

Ndryshe, deklarata e Krasniqit erdhi pas një interviste të kryeministrit në detyrë, Albin Kurti i cili theksoi se zyrtarët e PDK-së po i vizitojnë shpesh Thaçin e Veselin në Hagë për instruksione politike. /Telegrafi/

The post Tha se i kanë shkurtuar fondet për mbrojtjen e ish-krerëve të UÇK-së, Sallahu i reagon Krasniqit: Janë shpifje, i kemi paguar mbi 32 milionë euro   appeared first on Telegrafi.

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka qëndruar sot për vizitë në Dhomat e Specializuara në Hagë, ku ka takuar ish-krerët e UÇK-së që po mbahen në paraburgim.

Përmes kësaj vizite, Gucati ka shprehur mbështetjen dhe solidaritetin e vazhdueshëm të OVL UÇK-së për luftëtarët e lirisë që po përballen me një proces të padrejtë dhe politik.

“Nuk do të ketë kurrë drejtësi të plotë pa drejtësi për UÇK-në. Lufta jonë ka qenë e pastër dhe e drejtë, dhe kjo e vërtetë nuk shuhet kurrë”, ka thënë ai.

Kryetari i OVL e UÇK-së ka thënë më tej se beteja e tyre nuk është vetëm personale, por një sfidë për dinjitetin dhe drejtësinë e gjithë luftës çlirimtare. /Telegrafi/

The post Gucati viziton ish krerët e UÇK-së në Hagë: Lufta jonë ka qenë e pastër dhe e drejtë appeared first on Telegrafi.

Apeli i Dhomave të Specializuara për Kosovën ka në duar uljen ose kthimin në rigjykim të rastit të Pjetër Shalës, i dënuar për krime lufte me 18 vjet burgim. Organizata e veteranëve të UÇK-së, ka pak shpresë që do jetë një vendim në favor të Shalës e avokatët thonë se mund të ketë ulje të dënimit

Edhe pak javë kanë mbetur që Pjetër Shala, i dënuar për krime lufte nga shkalla e parë e Dhomave të Specializuara për Kosovën të kuptojë edhe vendimin e shkallës së dytë për të.

Paneli i Gjykatës së Apelit, ka caktuar 15 korrikun, datën e shpalljes së aktgjykimit për këtë rast.

Në seancat e mbajtura në Apel, Pjetër Shala i dënuar nga shkalla e parë, me 18 vjet burgim, ka kërkuar anulim të dënimit ose rigjykim të rastit, nën arsyetimin se vendimi përmban shkelje të shumta.

Avokatët në Kosovë, thonë se bazuar në praktikat e së kaluarës, Apeli edhe në këtë rast mund të ulë dënimin ndaj Shalës.

“Nga analogjia që është përdorur tek rasti i z.Mustafa mund të pritet që të kemi zbutje të dënimin nëse eventualisht nuk ka ndonjë rigjykim ose lirim dhe nëse procedohet me dënim të ulët dënimi sepse në rastin e z.Mustafa gjykata Supreme ka dhënë instruksione dhe të merren parasysh të gjitha rrethanat ligji i ish jugosllavis, ligji i unmikut..”, ka deklaruar Taulant Hodaj – Avokat i akredituar nga Specialja.

“Nëse i referohemi praktikës gjyqësore të gjykatës speciale me theks të veçantë gjykatës së shkallës së parë e njëjta ka aplikuar një politike të ashpër ndëshkimore që në instanca të tjera lartësia e dënimit është rishikuar, vlerësoj se mund të ndiqet kjo logjikë”, ka theksuar Ardian Bajraktari – avokat.

Ndërkohë, në organizatën e veteranëve të UÇK-së, nuk besojnë në këtë gjykatë, që sipas tyre nuk sjell drejtësi në rastet e trajtuara.

“Ne kemi dyshimet tona që kjo gjykatë nuk ka me marr ndonjë vendim në favor të z.Shala në këtë rast por edhe bashkëluftëtarë të tjerë, sepse ka humbur besimi në këtë gjykatë fillimisht kem besu që gjykata ka me bë punën e drejtë e nuk ka me anu, por me gjasë është duke rreshqit prej asaj për çka është themelu si gjykatë me sjell drejtësi, është bërë gjykatë politike”, ka deklaruar Gazmend Syla- Nënkryetar i OVL-UÇK-së.

Pjetër Shala është pjesëtari i dytë i dënuar nga Dhomat e Specializuara për Kosovën, për krime lufte.

Salih Mustafa ishte dënuar me 26 vite burgim, dënim ky që i ishte ulur në 15 vite./RTV Dukagjini/

The post “Shpresë” që Apeli do të ulë dënimin prej 18 vitesh për Pjetër Shalën appeared first on Telegrafi.

Anëtari i Aleancës për Ardhmërinë e Kosovës (AAK), Haki Abazi, ka deklaruar se nga vakumi politik i krijuar nga Gjykata Speciale ka përfituar vetëm kryeministri në detyrë, Albin Kurti.

Sipas tij, zhvillimet e fundit politike dhe gjykimet që po mbahen në Hagë ndaj ish-krerëve të UÇK-së kanë krijuar një boshllëk në skenën politike, nga i cili, siç tha ai, Kurti ka dalë përfituesi kryesor.

“Vakumin politik të cilin e ka krijuar Gjykata Speciale, po duket që vetëm Kurti ka përfituar prej këtij vakumi politik”, ka deklaruar Abazi në KlanKosova.

Ai shkoi edhe më tej duke thënë se “nëse është gëzuar dikush më së shumti për Gjykatën Speciale, është vetë Kurti, sepse i ka krijuar atij një avantazh politik në raport me subjektet e tjera”.

Deklaratat e Abazit vijnë në kohën kur procesi gjyqësor ndaj ish-krerëve të UÇK-së po vazhdon në Dhomat e Specializuara në Hagë, ndërsa partitë opozitare në Kosovë e kanë kritikuar shpesh qasjen e Kurtit ndaj këtij procesi.

The post Abazi: Nëse është gëzuar dikush më së shumti për Gjykatën Speciale është vetë Kurti appeared first on Telegrafi.

Dhomat e Specializuara të Kosovës, me seli në Hagë, kanë njoftuar se kanë arritur një marrëveshje me Belgjikën, e cila do të mundësojë që të dënuarit nga kjo gjykatë të vuajnë dënimin me burgim në territorin belg.

“Me nënshkrimin e kësaj marrëveshjeje, Mbretëria e Belgjikës riafirmon përkushtimin e fuqishëm të saj ndaj drejtësisë penale ndërkombëtare dhe aftësinë e Dhomave të Specializuara për të kryer mandatin e vet,” deklaroi kryetarja e Dhomave të Specializuara, Ekaterina Trendafilova, në një njoftim për media.

Ajo u bëri thirrje edhe vendeve të tjera që të ndjekin shembullin e Belgjikës dhe të lidhin marrëveshje me Dhomat e Specializuara për zbatimin e dënimeve, në mënyrë që – siç tha ajo – të fuqizohet korniza institucionale e kësaj gjykate.

Dhomat e Specializuara kujtuan se, sipas një marrëveshjeje të vitit 2014 ndërmjet përfaqësueses së atëhershme të lartë të BE-së për Politikë të Jashtme dhe Siguri, Catherine Ashton, dhe ish-presidentes së Kosovës, Atifete Jahjaga, të dënuarit në formë të prerë nga kjo gjykatë nuk mund të vuajnë dënimin në Kosovë, por jashtë saj.

Gjykata Speciale, që vepron në Hagë, heton dhe gjykon krimet e supozuara të kryera nga ish-pjesëtarë të Ushtrisë Çlirimtare të Kosovës gjatë dhe pas luftës, konkretisht nga janari 1998 deri në dhjetor 2000.

Aktualisht, para kësaj gjykate po zhvillohet procesi gjyqësor kundër ish-presidentit Hashim Thaçi, ish-deputetit Rexhep Selimi dhe ish-kryetarëve të Kuvendit, Kadri Veseli dhe Jakup Krasniqi, të akuzuar për krime lufte dhe krime kundër njerëzimit.

LEXONI GJITHASHTU:

• BE transferon 1 miliard euro ndihmë për Ukrainën
• Iranianët dalin në protesta e kërkojnë hakmarrje, Presidenti bën thirrje për unitet

The post Të dënuarit nga Gjykata Speciale e Kosovës do të burgosen në Belgjikë appeared first on Euronews Albania.

Zgjatja e mandatit të Misionit të Bashkimit Evropian për Sundimin e Ligjit në Kosovë (EULEX) ka nxitur reagime në vend, duke sjellë përplasje mes Organizatës së Veteranëve të Luftës së UÇK-së (OVL-UÇK) dhe Presidencës së Kosovës.

OVL-UÇK ka akuzuar presidenten Vjosa Osmani se ka dhënë pëlqimin për zgjatjen e mandatit të EULEX-it dhe Gjykatës Speciale, ndërsa vetë organizata ka publikuar përgjigjen zyrtare që ka marrë nga Zyra e Presidentes lidhur me këtë çështje.

Në letrën e dërguar OVL-së, ekipi ligjor i Presidencës sqaron se vendimi për zgjatjen e mandatit të EULEX-it është marrë nga Këshilli i Bashkimit Evropian, dhe se deri më tani nuk ka pasur asnjë shkëmbim letrash mes Presidentes së Kosovës dhe Përfaqësueses së Lartë të BE-së lidhur me këtë mandat.

Sipas Presidencës, pretendimet se Presidentja ka zgjatur mandatin e Gjykatës Speciale janë të pavërteta dhe përbëjnë propagandë politike. Në përgjigje theksohet se vetëm Kuvendi i Kosovës ka kompetenca për të ndryshuar, vazhduar ose ndërprerë mandatin e kësaj gjykate.

“Nëse keni nevojë për sqarime shtesë, si gjithmonë jemi të gatshëm të takohemi. Megjithatë, ju sigurojmë se deklarimet se kinse Presidentja ka vazhduar mandatin e Gjykatës Speciale janë shpifje dhe propagandë. Sipas Kushtetutës sonë, mandatin e Gjykatës Speciale mund ta ndryshojë, vazhdojë apo ndërpresë vetëm Kuvendi i Kosovës”, thuhet në letrën që OVL-UÇK e ka publikuar.

Në të njëjtën përgjigje, Presidenca thekson se Presidentja Osmani ka qenë dhe mbetet mbrojtëse e luftës së drejtë të Ushtrisë Çlirimtare të Kosovës, si dhe e të drejtave të veteranëve, invalidëve të luftës dhe familjeve të dëshmorëve.

The post Osmani, OVL-UÇK-së: EULEX-i e Specialja janë të ndara, mandatin e Speciales mund ta vazhdojë vetëm Kuvendi appeared first on Telegrafi.

Platforma “Liria ka Emër” ka shprehur shqetësimin lidhur me mënyrën se si po zhvillohet procesi gjyqësor në Hagë.

Në konferencë për media u tha se po shkelen të drejtat e njeriut, duke theksuar se procesi ndaj Thaçit dhe të tjerëve është larg nga standardet evropiane. Veç tjerash, u bë thirrje që të rishqyrtohen praktikat e punës së Gjykatës Speciale.

Ismail Tasholli nga platforma “Liria ka Emër” tha se këto shkelje duhet të evidentohen, në këtë kohë kur procesi po shkon drejt fundit.

“Jemi këtu për të shprehur shqetësimin tonë lidhur me shkeljet e të drejtave të njeriut, Gjykatës së Hagës, që janë bërë ndaj Hashim Thaçit, Kadri Veselit, Jakup Krasniqi, Rexhep Selimit dhe gjithë të tjerëve. Siç dihet, Kosova e ka mbështetur themelimin e Gjykatës Speciale pa rezervë me besimin e saj që do të përcillen në veprim nga standardet evropiane. Megjithatë, procesi që është zhvilluar ndaj krerëve të UÇK-së për më shumë se 4 vjet ka qenë larg standardeve evropiane. Shkelja e Kushtetutës së Kosovës, Konventës Evropiane për të Drejtat e Njeriut dhe jurisprudencës së Gjykatës Evropiane për të Drejtat e Njeriut, janë shumë alarmante gjatë këtij procesi”, deklaroi ai.

Në konferencë për media, Tasholli iu ka bërë thirrje shteteve financuese të gjykatës, siç tha ai që të garantohet që puna e gjykatës të zhvillohet në përputhje me parimet themelore të drejtësisë dhe standardeve ndërkombëtare.

“Gjitha këto shkelje, nga mohimi i të drejtave themelore dhe procedurale dhe vonesat e pajustifikueshme në proces tregon që procesi ndaj ish krerëve të UÇK-së në Gjykatën Speciale ka devijuar nga rruga e një gjykimi të drejtë dhe të pa anshëm. Kërkojmë me vendosmëri që të rishqyrtohen praktikat e kësaj gjykate, të sigurohet respektimi i plotë i Kushtetutës së Republikës së Kosovës dhe i standardeve ndërkombëtare për të drejtat e njeriut dhe të garantohet që procesi gjyqësor të zhvillohet mbi bazë të drejtësisë dhe jo mbi bazën e paragjykimeve”, shtoi Tasholli.

Përparim Gruda, i cili është jurist tha se është shqetësuese se si po shkelet Kushtetuta e Kosovës dhe Konventa Evropiane për të Drejtat e Njeriut nga Gjykata Speciale.

“Hashim Thaçi, Kadri Veseli, Jakup Krasniqi e Rexhep Selimi janë për më shumë se 4 vite në paraburgim. Nuk janë në burg, janë në paraburgim, prezumohen të pafajshëm ligjërisht. Kjo është e argumentuar juridikisht që është shkelje e standardeve për të drejtat e njeriut, shkelje e Kushtetutës së Kosovës, shkelje e Konventës Evropiane për të Drejtat e Njeriut, e cila është e zbatueshme sipas nenit 22 të Kushtetutës në Kosovë dhe është e obligueshme për Gjykatën Speciale, është shkelje e jurisprudencës së Gjykatës Evropiane për të Drejtat e Njeriut, e cila është e detyrueshme për Gjykatën Speciale, sipas nenit 53 të Kushtetutës” u shpreh ai.

Deputeti i Partisë Demokratike të Kosovës, Përparim Gruda tha se duhet të ndërpritet procesi i marrjes së provave përmes Serbisë.

“Ka raste kur dëshmitarët e paraqitur nga Prokuroria janë rimarrë në pyetje në një kohë më të gjatë nga trupi gjykues se sa nga ekipet mbrojtëse, çka besoj unë është zvarritje e tepruar dhe është shkelje e një parimi i barabarësisë së armëve që e quajmë në drejtësi dhe e shansës që mbrojtja të ketë kohën e njëjtë me trupin gjyqësor dhe me organin e akuzës, në këtë rast Dhomën e Specializuar të Prokurorisë. Shkelja e tretë në këtë gjykatë është marrja e provave përmes Serbisë. Dihet tashmë që Serbia është një vend armiqësor ndaj Kosovës dhe UÇK-së dhe fakti që prokuroria ka akses për të marrë prova atje dhe siç e dini mbrojtja e të akuzuarve nuk ka akses, sepse nuk ka kuptim që të presim që Hashim Thaçi dhe të tjerët, përkatësisht mbrojtja e tyre të marrë prova, i vë në një pozicion të pa barabartë prokurorinë me mbrojtje”, deklaroi ai.

Ish-eprorët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit të vitit 2020.

Zyra e Prokurorit të Specializuar i ngarkon Thaçin dhe të tjerët me akuza për krime të pretenduara të luftës. Ata janë deklaruar të pafajshëm për të gjitha pikat e aktakuzës.

Gjykimi ndaj tyre nisi më tre prill (3 prill 2023) – gati tri vjet pas konfirmimit të aktakuzës prej kur ish-krerët e UÇK-së mbahen në qendrën e paraburgimit në Hagë./kp/

The post ​“Liria ka Emër” e shqetësuar me procesin gjyqësor në Hagë, kërkon rishqyrtim të praktikave të punës së Gjykatës Speciale appeared first on Telegrafi.

Gjykata Speciale e Kosovës në Hagë ka vendosur të vazhdojë paraburgimin e ish-presidentit të Kosovës, Hashim Thaçi, në kuadër të çështjes që lidhet me akuzat për pengim të drejtësisë.

Vendimi është marrë nga gjykatësja paraprake Marjorie Masselot, e cila theksoi se rreziqet për arratisje, pengim të drejtësisë dhe kryerje të veprave të tjera penale mbeten të pranishme.

Sipas gjykatës, ekziston dyshimi i arsyeshëm se Thaçi ka kryer veprat penale të shpalljes së sekretit zyrtar, fyerjes ndaj gjykatës dhe pengimit të personave zyrtarë në kryerjen e detyrave të tyre.

Akuzat burojnë nga hetimet që lidhen me procesin tjetër gjyqësor në të cilin Thaçi po përballet me akuza për krime lufte dhe krime kundër njerëzimit.

Gjykata e bazoi vendimin e saj në disa faktorë, përfshirë mundësinë që Thaçi të ndikojë te dëshmitarët ose të pengojë procedurat gjyqësore.

Në arsyetimin e saj, gjykatësja theksoi se Thaçi ka pasur rol udhëheqës në grupe që kanë synuar të ndikonin te dëshmitarët përmes shpërndarjes së informacionit të ndaluar dhe ofrimit të përfitimeve për të ndryshuar deklaratat.

Gjithashtu, gjykata nënvizoi se masat e sigurisë në ambientet e paraburgimit të Gjykatës Speciale janë më të sigurta për të parandaluar komunikimet e paautorizuara dhe ndikimet e mundshme ndaj procesit gjyqësor.

Përveç kësaj, Gjykata konfirmoi se procesi gjyqësor po ecën përpara me ritëm të kënaqshëm, ndërsa mbrojtja ka dorëzuar mocionet paraprake dhe prokuroria ka përfunduar pjesën më të madhe të dorëzimit të provave.

Gjykata i ka dhënë afat Thaçit që, nëse dëshiron, të paraqesë parashtresat e tij lidhur me shqyrtimin e radhës të paraburgimit deri më 27 qershor 2025. Në rast se nuk dorëzon parashtresa, Prokuroria Speciale duhet të bëjë paraqitjet e saj deri më 7 korrik 2025.

The post Gjykata Speciale i vazhdon paraburgimin Hashim Thaçit appeared first on Lapsi.al.

Një nga viktimat pjesëmarrëse në gjykimin ndaj ish-krerëve të Ushtrisë Çlirimtare të Kosovës (UÇK), e njohur me kodin V296/06, ka ndërruar jetë.

Lajmi është bërë i ditur në një parashtrim të mbrojtësit të viktimave, që i është orëzuar trupit gjykues më 5 qershor 2025.

Kjo viktimë ishte pranuar të merrte pjesë në procedurë më 21 prill 2021, me pretendime për dëm mendor si viktimë indirekte e burgimit/arrestimit të paligjshëm, ndalimit dhe trajtimit mizor, vrasjes dhe zhdukjes me forcë. Përveç statusit të viktimës, ajo kishte edhe statusin e dëshmitarit në rastin ndaj ish-krerëve të UÇK-së.

Sipas parashtrimit, mbrojtësi i viktimave është njoftuar për vdekjen nga një i afërm i ngushtë i saj.

Deri më tani, nuk është bërë e ditur nëse ndonjë anëtar i familjes do të kërkojë të vazhdojë pjesëmarrjen në proces në emër të saj.

Ndërkohë, më 15 prill 2025, Zyra e Prokurorit të Specializuar ka përfunduar paraqitjen e provave në këtë çështje gjyqësore.

Në dy vjet, mbi 125 dëshmitarë të ftuar nga Prokuroria e Specializuar kanë dhënë dëshmitë e tyre lidhur me akuzat që rëndojnë mbi ish-krerët e UÇK-së.

Tani që Prokurorisë po i përfundon koha për të vërtetuar akuzat e saj, e ardhmja e gjyqit është e pasigurt.

Në tetor të vitit 2020 ishte konfirmuar aktakuza për krime lufte dhe krime kundër njerëzimit ndaj katër ish-krerëve të Ushtrisë Çlirimtare të Kosovës (UÇK).

Hashim Thaçi, Kadri Veseli, Rexhep Selimi dhe Jakup Krasniqi akuzohen se kishin qenë pjesë e një “ndërmarrjeje të përbashkët kriminale” që shënjestronte ata që i konsideronte “kolaboracionistë” dhe “tradhtarë” për të “fituar pushtet” gjatë dhe pas luftës së fundit në Kosovë.

Avokatët e të akuzuarve kanë hedhur poshtë të gjitha akuzat që rëndojnë ndaj klientëve të tyre, duke argumentuar se UÇK-ja nuk kishte një strukturë komande efikase.

Në kohën e ngritjes së aktakuzës, Thaçi kishte qenë president i Kosovës; Veseli, kryetar i Partisë Demokratike të Kosovës (PDK); Selimi, deputet dhe udhëheqës i grupit parlamentar të Lëvizjes Vetëvendosje (LVV); dhe Krasniqi, ish-kryetar i Kuvendit të Kosovës.

Të katërt, sipas Prokurorisë, mbanin poste të larta edhe përgjatë kohës që mbulon aktakuza.

The post Vdes njëri nga viktimat pjesëmarrëse në gjykimin ndaj ish-krerëve të UÇK-së appeared first on Telegrafi.

Ekipet e mbrojtjes së Hashim Thaçit, Kadri Veselit, Jakup Krasniqit dhe Rexhep Selimit në Gjykatën Speciale në Hagë kanë afat deri më 12 qershor për të dorëzuar një mocion të përbashkët lidhur me rrëzimin e pikave të aktakuzës ndaj tyre.

Ky mocion pritet të përmbajë kundërshtime ndaj vazhdimit të procesit apo kërkesa të tjera procedurale nga ana e mbrojtjes.

Sipas një njoftimi nga Dhomat e Specializuara, trupi gjykues ka caktuar që Prokuroria të dorëzojë përgjigjen e saj deri më 14 korrik, por më pas ka vendosur ta shkurtojë afatin kohor duke e caktuar datën 7 korrik si afatin përfundimtar të dorëzimit.

“Trupi Gjykues urdhëroi ekipet e mbrojtjes të dorëzojnë mocionin e përbashkët në përputhje me rregullën 130, deri më 12 qershor, ndërsa ZPS-ja u urdhërua të dorëzojë përgjigjen e saj deri më 14 korrik. Megjithatë, në këtë vendim, Trupi Gjykues e gjeti të përshtatshme, të zvogëlojë afatin kohor për përgjigjen e Prokurorisë më 7 korrik”, thuhet në vendim.

Avokati Ardian Bajraktari, duke komentuar zhvillimet e fundit, tha se një rrëzim i tërësishëm i aktakuzave do të përbënte një epilog të mundshëm të këtij procesi, i cili ka zgjatur me vite dhe është shoqëruar me, siç u shpreh ai, “shkelje të shumta”.

“Referuar asaj që është parë deri më tash, rrëzimi i tërësishëm i pikave të aktakuzës do të ishte epilog real i përfundimit të këtij procesi të stërzgjatur dhe me shkelje të shumta. Po ashtu, vlen të theksohet se në varësi prej epilogut të vendimit të trupit gjykues të korrikut, kjo do të jetë rrethanë determinuese për këtë proces të mëpastajmë. Vlerësoj që së paku në shkallën e parë të përfundojë brenda këtij viti ose vitin e ardhshëm më së largu”, deklaroi Bajraktari për RTK.

Në dy vjet, mbi 125 dëshmitarë të ftuar nga Prokuroria e Specializuar kanë dhënë dëshmitë e tyre lidhur me akuzat që rëndojnë mbi ish-krerët e UÇK-së.

Tani që Prokurorisë po i përfundon koha për të vërtetuar akuzat e saj, e ardhmja e gjyqit është e pasigurt.

Në tetor të vitit 2020 ishte konfirmuar aktakuza për krime lufte dhe krime kundër njerëzimit ndaj katër ish-krerëve të Ushtrisë Çlirimtare të Kosovës (UÇK).

Hashim Thaçi, Kadri Veseli, Rexhep Selimi dhe Jakup Krasniqi akuzohen se kishin qenë pjesë e një “ndërmarrjeje të përbashkët kriminale” që shënjestronte ata që i konsideronte “kolaboracionistë” dhe “tradhtarë” për të “fituar pushtet” gjatë dhe pas luftës së fundit në Kosovë.

Avokatët e të akuzuarve kanë hedhur poshtë të gjitha akuzat që rëndojnë ndaj klientëve të tyre, duke argumentuar se UÇK-ja nuk kishte një strukturë komande efikase.

Në kohën e ngritjes së aktakuzës, Thaçi kishte qenë president i Kosovës; Veseli, kryetar i Partisë Demokratike të Kosovës (PDK); Selimi, deputet dhe udhëheqës i grupit parlamentar të Lëvizjes Vetëvendosje (LVV); dhe Krasniqi, ish-kryetar i Kuvendit të Kosovës.

Të katërt, sipas Prokurorisë, mbanin poste të larta edhe përgjatë kohës që mbulon aktakuza.

The post Mocioni për rrëzimin e aktakuzës ndaj Thaçit dhe të tjerëve pritet të dorëzohet më 12 qershor appeared first on Telegrafi.

Në çështjen gjyqësore ndaj Hashim Thaçit, Kadri Veselit, Rexhep Selimit dhe Jakup Krasniqit, trupi gjykues ka marrë vendim të ri për afatin kohor për përgjigjen e Prokurorisë në mocionin e mbrojtjes.

Trupi gjykues më 5 qershor 2025 ka lëshuar një urdhër lidhur me caktimin e hapave të ardhshëm në këtë proces gjyqësor.

Dhomat e Specializuara kanë vendosur që lidhur me pranimin e provave nga Zyra e Prokurorit të Specializuar, data 12 qershor të jetë dita kur ekipet e mbrojtjes mund të dorëzojnë mocionin e përbashkët në përputhje me Rregullën 130.

Në anën tjetër, ZPS-ja fillimisht urdhërohej të dorëzojë përgjigjen në mocionin e mbrojtjes deri më 14 korrik. Por, që me vendimin e fundit ky afat shkurtohet në 7 korrik.

Sipas DhSK-së, trupi gjykues synon të nxjerrë vendimin lidhur me mocionin e mbrojtjes sipas Rregullës 130, në javën e dytë të korrikut (nga e hëna e 14 korrikut).

Në rast se refuzohet mocioni i mbrojtjes tërësisht ose pjesërisht, mbrojtësi i viktimave urdhërohet të përgatitet për të thirrur dëshmitarët e tyre më 16 korrik, ndërsa ekipet e mbrojtjes duhet të njoftojnë nëse synojnë të dorëzojnë provat e tyre deri më 16 korrik, raporton “Betimi për Drejtësi“.

Konferenca përgatitore pritet të mbahet më 21 korrik.

Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

The post Specialja vendos afat të ri për përgjigjen e Prokurorisë ndaj mocionit të mbrojtjes appeared first on Telegrafi.

Kryetarja e Dhomave të Specializuara, Ekaterina Trendafilova, ka folur për procesin e gjykimit në Hagë. Ajo ka përmendur edhe protestën e veteranëve të UÇK-së, të cilët kundërshtuan konferencën e saj. Sipas Trendafiloves protesta dëshmoi se Bashkimi Evropian pati të drejtë që gjykimet ndaj ish-krerëve të UÇK-së, të mbaheshin jashtë Kosovës.

Më 13 maj kishte planifikuar të fliste për zhvillimet në Dhomat e Specializuara në Hagë, në procesin ndaj Hashim Thaçit, Kadri Veselit, Jakup Krasniqit dhe Rexhep Selimit. Por, protesta e veteranëve të Ushtrisë Çlirimtare të Kosovës ia ndërroi planet. Për këto, kryetarja e Dhomave të Specializuara, Ekaterina Trendafilova ka folur në një intervistë për Radiotelevizionin e  Kosovës.

E para e Speciales, arsyetoi mos mbajtjen e konferencës në Prishtinë, për çka tha se nuk mund të toleronte dhunën.

“Konferenca për media u anulua me rekomandim të Policisë së Kosovës. Pavarësisht përkushtimit tim të sinqertë për t’u takuar me gazetarët personalisht, unë nuk mund ta bëj këtë në qoftë se rrezikohet siguria e dikujt. Unë nuk toleroj dhunën gjatë një konference për media që ka për qëllim të informojë popullin e Kosovës në mënyrë të hapur për ne. Kjo armiqësi, e cila kishte për qëllim të pengonte një takim dhe diskutim paqësor dhe transparent, shpjegon dhe përligj më tej arsyen pse Kosova dhe BE-ja bënë marrëveshje që këto gjykime të kryheshin jashtë Kosovës. Është për të ardhur keq kur shihet mungesë respekti ndaj sundimit të ligjit”, tha Trendafilova.

Ajo ka komentuar edhe kritikat për procesin gjyqësor ndaj Thaçit dhe të tjerëve, për çka ka thënë se nuk qëndrojnë akuzat për padrejtësi.

“Procesin do ta përshkruaja si të sigurt për dëshmitarët, megjithëse ka pasur tentime për të ndikuar tek dëshmitarët ose për t’i frikësuar ata. Unë konsideroj se Gjykata po administron drejtësi në mënyrë të drejtë, të paanshme dhe të pavarur. Sa u përket kritikave në mediat e Kosovës që i përmendët, unë i kam vërejtur dhe i kam marrë shumë seriozisht ato komente kritike. Për shembull, është deklaruar në mënyrë të rreme se një person nuk mund të mbahet në paraburgim në pritje të gjykimit për më gjatë se një vit”, tha Trendafilova, raporton RTK.

Kryetarja e Dhomave foli edhe për kërkesën e të akuzuarve për lirim të përkohshëm, e cila iu refuzua pavarësisht përfundimit të dëshmitarëve të Prokurorisë.

“Gjykatësit janë plotësisht të pavarur në vendimet e tyre dhe askush nuk mund të ndërhyjë në vendimmarrjen e tyre. Ju po u referoheni vendimeve të mëparshme në lidhje me kërkesa për lirim të përkohshëm, për të cilat gjykatësit e një trupi gjykues morën vendime në bazë të vlerësimit nëse ekzistonte rreziku i arratisjes, i ndërhyrjes ndaj dëshmitarëve ose i kryerjes së veprave të tjera penale. Deri më sot, që të tre gjykatësit kanë arritur në përfundimin se lirimi nuk duhej miratuar, bazuar në vlerësimin e këtyre rreziqeve”, tha Trendafilova.

E pyetur për hetimin e katërshes në Hagë, Trendafilova tha se ata po gjykohen si individë, e jo si organizatë.

“Dhomat e Specializuara merren vetëm me hetimin dhe ndjekjen penale të personave në lidhje me pretendime për veprime të paligjshme të tyre, domethënë përgjegjësinë penale individuale të tyre. Pra, Dhomat e Specializuara vënë para përgjegjësisë vetëm individë, jo organizata. Kjo do të thotë se, në qoftë se në sallë të gjyqit përmenden si individë anëtarë të UÇK-së që pretendohet se kanë kryer vepra penale, kjo ka të bëjë vetëm me personat si individë dhe jo me të gjithë organizatën”, tha Trendafilova.

Sa i përket asaj se kur pritet që ky gjykim të përfundojë me një vendim të shkallës së parë, Trendafilova nuk dha një afat të caktuar.

“Sa i takon pyetjes suaj për përfundimin e gjykimit, është ende herët të parashikohet se kur do të shqiptohet aktgjykimi në këtë çështje gjyqësore. Ekipet e mbrojtjes kanë bërë të ditur se do të dorëzojnë një kërkesë të përbashkët për hedhjen poshtë të akuzave dhe na duhet të presim për të parë se çfarë do të vendosë trupi gjykues për kërkesën e tyre. Në vijim, në varësi të rezultatit të kërkesës, në qoftë se akuzat nuk hidhen poshtë, pritet që mbrojtësi i viktimave të paraqesë provat dhe argumentet e tij, që do të zgjasin afërsisht një javë”, tha ajo.

Më 2 qershor ishte paraparë që mbrojtja të dorëzoi mocionin për rrëzimin e pikave të aktakuzës, por ky afat u shty për shkak të pranimit të disa provave të reja të Prokurorisë nga trupi gjykues.

The post Trendafilova: Gjykata po administron drejtësi në mënyrë të drejtë, të paanshme dhe të pavarur appeared first on Telegrafi.

Organizata e Veteranëve të Luftës së Ushtrisë Çlirimtare të Kosovës (OVL UÇK) ka reaguar ashpër ndaj mënyrës së trajtimit të ish-krerëve të UÇK-së që po mbahen në paraburgim nga Dhomat e Specializuara në Hagë, duke e cilësuar atë si çnjerëzor dhe poshtërues.

Në një reagim publik, OVL UÇK thekson se refuzimi nga ana e Hashim Thaçit, Kadri Veselit, Rexhep Selimit dhe Jakup Krasniqit për të pranuar vizitën e Avokatit të Popullit është një shprehje e qartë e zhgënjimit të thellë që ata kanë ndaj një institucioni që, sipas tyre, ka zgjedhur të heshtë përballë padrejtësive në vend që të mbrojë të drejtat e tyre.

“Qëndrimi i tyre është një mesazh i fuqishëm se kjo gjendje nuk mund të normalizohet dhe as të justifikohet. Për më tepër, kufizimet ekstreme në takimet me avokatët dhe ndërhyrjet arbitrare në përgatitjen e mbrojtjes ligjore përbëjnë cenim të drejtave themelore të njeriut dhe shkelje të rënda të së drejtës për një proces të drejtë gjyqësor”, thotë OVL e UÇK., transmeton Telegrafi.

Tutje OVL e UÇK thotë se “siç është raportuar në media, takimet po organizohen në mënyrë të papritur dhe në kushte të papërshtatshme, duke penguar seriozisht funksionimin efektiv të mbrojtjes”.

Lexo po ashtu Mbrojtja e Thaçit: Pretendimet e Prokurorisë për rrezik arratisjeje janë të pabazuara dhe spekulative

Në këtë kontekst, OVL UÇK ka drejtuar një apel publik për ndaljen e menjëhershme të trajtimit çnjerëzor dhe poshtërues të të paraburgosurve; sigurimin e aksesit të plotë dhe të pandërprerë në mbrojtje ligjore; reagim të qartë dhe publik nga Avokati i Popullit i Dhomave të Specializuara ndaj shkeljeve të evidentuara; rishikim të menjëhershëm të kushteve të paraburgimit dhe shqyrtim serioz të mundësisë për lirim të përkohshëm.

The post Alarmon OVL e UÇK: Ish-krerët e UÇK-së po trajtohen në mënyrë çnjerëzore në Hagë appeared first on Telegrafi.

Mbrojtja e Hashim Thaçit, përmes avokatit Luka Mishetiq, ka kundërshtuar pretendimet e Prokurorisë në kërkesën e fundit për vazhdimin e paraburgimit për ish-presidentin në çështjen në të cilën po gjykohet për krime lufte.

Luka Mishtiq në parashtresën e dorëzuar trupit gjykues ka thënë se pretendimet e Prokurorisë që ka rrezik që Thaçi të arratiset, janë të pabaza dhe spekulative. Ai thotë se klienti i tij nuk ka paraqitur asnjëherë rrezik që të arratiset. Përveç kësaj, mbrojtja thotë se Thaçi e ka konsideruar çështjen e Prokurorisë s’i të dobët dhe ka konsideruar që të mos të ketë fare çështje mbrojtje.

“Siç e ka shprehur në disa raste përmes avokatit të tij special në konferencat mbi statusin e procedurës, z. Thaçi e konsideron çështjen e ZPS-së aq të dobët saqë ka menduar të mos paraqesë fare një çështje të Mbrojtjes”, thuhet në parashtrim.

Në parashtresën e mbrojtjes thuhet se Thaçi s’paraqet rrezik për arratisje dhe kjo është evidentuar edhe nga gjyqtari i procedurës paraprake e po ashtu edhe nga trupi gjykues.

Sipas mbrojtjes, kjo për  faktin se Thaçi në vitin 2020 ishte dorëhequr nga pozita e presidentit dhe ishte dorëzuar vullnetarisht në Gjykatën Speciale.

Mbrojtja ka përendur se edhe vendimi i fundit për vazhdimin e paraburgimit ndaj Thaçit thotë se kjo masë nuk është e justifikuar mbi bazën e rrezikut të arratisjes.

Ata thonë se këta faktorë nuk kanë ndryshuar dhe me të drejtë trupi gjykues ka hedhur poshtë argumentin e Prokurorisë se rreziku i arratisjes rritet me përparimin e procedurave gjyqësore.

Në parashtrimin e mbrojtjes thuhet se trupi gjykues kishte hedhur poshtë edhe argumentin tjetër të Prokurorisë e cila thoshte se rreziku i arratisjes së Thaçit rritet për shkak të njohurisë së tij për akuzat për vepra penale kundër administrimit të drejtësisë të cilat tashmë janë konfirmuar.

Mishetiq thotë se as argumenti që Thaçi tashmë do të ketë informacione shtesë të ndjeshme për faktin se mbrojtësi i viktimave është duke e përgatitur çështjen e tij është një vlerësues i rrezikut të arratisjes, është i paqëndrueshëm.

Për mbrojtjen, edhe pretendimi tjetër i Prokurorisë që Thaçi ka rrezik në rritje që të pengoj procedurat është i pabazë dhe duhet të merret parasysh nga gjykata.

Luka Mishetiq thotë se nuk qëndron fakti që Thaçi mund të pengojë procedurat pas përfundimit të paraqitjes së provave nga Prokuroria.

Mbrojtja ka përmendur edhe një vlerësim të Apelit i cili kishte theksuar se në rrjedhjen normale të ngjarjeve, rreziku i pengimit të procedurave zvogëlohet me kalimin e kohës, pasi përfundojnë hetimet dhe pasi dëshmitarët dëshmojnë dhe paraqiten provat.

Megjithatë, mbrojtja thotë se  kundërshton argumentin që Thaçi të pengoj procedurat nëse ka për qëllim të nënkuptoj se provat e paraqitura nga ZPS-ja nga shqyrtimi i fundit i paraburgimit e kanë forcuar çështjen kundër të akuzuarit.

Por, mbrojtja thotë se Thaçi e konsideron çështjen e ZPS-së të dobët saqë ka menduar që të mos paraqesë fare mbrojtjen e tij.

“Siç e ka shprehur në disa raste përmes avokatit të tij special në konferencat mbi statusin e procedurës, z. Thaçi e konsideron çështjen e ZPS-së aq të dobët saqë ka menduar të mos paraqesë fare një çështje të Mbrojtjes”, thuhet në parashtrim.

Në parashtresë thuhet se rreziku i pengimit të procedurave ishte i lidhur me rrezikun e nxjerrjes së informacioneve konfidenciale për dëshmitarët. Ndërsa, tash meqë ka përfunduar çështja e Prokurorisë, rreziku ndaj ndërhyrjes së dëshmitarëve është dukshëm me i ulët.

Edhe për argumentin tjetër të Prokurorisë që ekziston rreziku që Thaçi të ndërhyjë në dëshminë e dëshmitarëve të mbrojtjes së viktimave nuk qëndron.

Sipas mbrojtjes, barra e provës i takon ZPS-së dhe vetëm provat e saj mund të mbështesin një dënim në fund të gjykimit në rast në raste normale. Ndërsa, sipas mbrojtjes, mbrojtësi i viktimave paraqet vetëm prova që lidhen me demet që iu janë shkaktuar viktimave dhe jo me përgjegjësinë individuale të të akuzuarve.

“Ky është një ndryshim thelbësor që çon logjikisht në përfundimin se çdo rrezik për pengim në lidhje me dëshmitarët e Viktimave është në thelb më i ulët”, thuhet në parashtresë.

Si rrjedhojë, mbrojtja thotë se në këtë fazë të procedurës nuk ka asnjë provë për ekzistencën e ndonjë rreziku për ndërhyrje në dëshmitarët e mbrojtësit të viktimave.

Përveç kësaj, mbrojtja thotë se këta dëshmitarë nuk janë as shtetas të Kosovës dhe janë dëshmitarë ekspert e që rrjedhimisht nuk janë të cenuar.

E njëjta gjë, sipas mbrojtjes vlen edhe për dëshmitarët që mund t’i paraqes mbrojtja duke thënë se Prokuroria s’ka paraqitur asnjë informacion për të mbështetur ekzistencën e një rreziku të tillë

“Kjo nuk është për t’u habitur, duke qenë se në këtë fazë të procedurës, Mbrojtja nuk ka konfirmuar ende nëse do të thërrasë dëshmitarë. Prandaj, çdo rrezik për ndërhyrje në këtë drejtim është abstrakt dhe spekulativ”, thuhet në parashtrim.

Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi/

The post Mbrojtja e Thaçit: Pretendimet e Prokurorisë për rrezik arratisjeje janë të pabazuara dhe spekulative appeared first on Telegrafi.

Dorëzimi i mocionit të mbrojtjes për rrëzimin e akuzave ndaj ish-krerëve të Ushtrisë Çlirimtare të Kosovës është shtyrë, pasi Gjykata ka pranuar prova të reja në procesin gjyqësor që po zhvillohet ndaj Hashim Thaçit, Kadri Veselit, Jakup Krasniqit dhe Rexhep Selimit, të akuzuar për krime lufte.

Mbrojtja kishte planifikuar që këtë të hënë të dorëzonte mocionin për rrëzimin e akuzave, por sipas avokatit të Hashim Thaçit, Luka Mishetiq, dokumenti do të dorëzohet deri më 12 qershor.

Sipas vendimit të kryetarit të trupit gjykues, në proces janë pranuar si prova disa raporte ndërkombëtare dhe dëshmi që ndërlidhen me viktimat e përfshira në aktakuzë. Prokuroria vlerëson se këto prova përforcojnë pretendimet për keqtrajtim dhe torturë ndaj të ndaluarve. Nga ana tjetër, mbrojtja i ka kundërshtuar ato, duke i cilësuar të papranueshme.

Avokati i akredituar pranë Gjykatës Speciale, Taulant Hodaj, ka deklaruar për Dukagjinin se këto zhvillime nuk pritet të ndikojnë në zvarritjen e mëtejshme të procesit gjyqësor.

“Po besoj që gjykata vendimin ta marrë para muajit qershor dhe eventualisht të fillojë në korrik, sepse në gusht janë pushimet. Mund të nisë me dëgjimin e dëshmitarëve të mbrojtësit të viktimave dhe të mbrojtësit të të akuzuarve. Por, kjo mund të shtyhet edhe pas pushimeve. Gjithsesi, jemi brenda afateve dhe parashikimeve të bëra para dy vitesh,” u shpreh Hodaj.

Zyra e Prokurorit të Specializuar ka përmbyllur paraqitjen e provave më 15 prill 2025.

Pas kësaj, prokuroria kërkoi ndryshim të masës së sigurisë për të akuzuarit, por kjo nuk ndodhi. Sipas Hodajt, disa faktorë kanë ndikuar që kjo kërkesë të mos pranohet.

“Mund të ketë ndikime, sidomos te të paraburgosurit. Proceduralisht, prokuroria mund të argumentoje se nuk ka siguri të mjaftueshme, për shembull, policia nuk arriti të ndalë protestuesit, e lërë më të sigurojë të akuzuarit. Kjo mund të përdoret si argument për mosndryshimin e masës së sigurisë,” shtoi ai.

Në këtë periudhë, Kosovën e vizitoi edhe kryetarja e Gjykatës Speciale, Ekaterina Trendafilova, e cila anuloi një takim të planifikuar me mediat për shkak të protestës së organizuar nga veteranët e UÇK-së.

Proces i tejzgjatur

Në dy vjet, mbi 125 dëshmitarë të ftuar nga Prokuroria e Specializuar kanë dhënë dëshmitë e tyre lidhur me akuzat që rëndojnë mbi ish-krerët e UÇK-së.

Tani që Prokurorisë po i përfundon koha për të vërtetuar akuzat e saj, e ardhmja e gjyqit është e pasigurt.

Në tetor të vitit 2020 ishte konfirmuar aktakuza për krime lufte dhe krime kundër njerëzimit ndaj katër ish-krerëve të Ushtrisë Çlirimtare të Kosovës (UÇK).

Hashim Thaçi, Kadri Veseli, Rexhep Selimi dhe Jakup Krasniqi akuzohen se kishin qenë pjesë e një “ndërmarrjeje të përbashkët kriminale” që shënjestronte ata që i konsideronte “kolaboracionistë” dhe “tradhtarë” për të “fituar pushtet” gjatë dhe pas luftës së fundit në Kosovë.

Avokatët e të akuzuarve kanë hedhur poshtë të gjitha akuzat që rëndojnë ndaj klientëve të tyre, duke argumentuar se UÇK-ja nuk kishte një strukturë komande efikase.

Në kohën e ngritjes së aktakuzës, Thaçi kishte qenë president i Kosovës; Veseli, kryetar i Partisë Demokratike të Kosovës (PDK); Selimi, deputet dhe udhëheqës i grupit parlamentar të Lëvizjes Vetëvendosje (LVV); dhe Krasniqi, ish-kryetar i Kuvendit të Kosovës.

Të katërt, sipas Prokurorisë, mbanin poste të larta edhe përgjatë kohës që mbulon aktakuza.

The post Rrëzimi i akuzave ndaj ish-krerëve të UÇK-së – mocioni do të dorëzohet deri më 12 qershor appeared first on Telegrafi.