Zëdhënësja e Antikorrupsionit në Partinë Demokratike, Genta Vangjeli, ka ngritur shqetësime mbi mungesën e transparencës për shpenzimet e kryeministrit Edi Rama gjatë udhëtimeve të tij zyrtare. Sipas Vangjelit, fluturimi i fundit i Ramës drejt Hagës, ku mori pjesë në samitin e NATO-s, u realizua me një avion charter VIP të markës Gulfstream G IVSP, i […]

The post PD: Pse qeveria fsheh shpenzimet e fluturimeve të Ramës drejt Hagës? appeared first on BoldNews.al.

Djali i ish-kryetarit të Kuvendit të Kosovës dhe njërit prej liderëve historikë të UÇK-së, Kadri Veselit, Klestori Veseli, i është përgjigjur kryeministrit në detyrë, Albin Kurti.

Kurti në një emision televiziv tha se Partia Demokratike e Kosovës (PDK) “ka disa kryetarë dhe disa prej tyre marrin instruksione nga Haga”.

Klestori e cilësoi këtë deklaratë si të pavend dhe aspak dinjitoze, duke thënë se ajo rëndon gjendjen emocionale të familjes së tij dhe të bashkëluftëtarëve të babait të tij, të cilët tash e disa vite po përballen me sfida të mëdha.

Lexo po ashtu Zyrtarët e PDK-së po i vizitojnë shpesh Thaçin e Veselin në Hagë për instruksione politike

“Për familjen tonë dhe familjet e bashkëluftëtarëve të babait, që po ballafaqohemi me sfida jo të lehta tash e disa vite, deklaratat e tilla jo vetëm që na rëndojnë gjendjen neve, por nuk i bëjnë nder as vetë kryeministrit në detyrë”, shkroi ai në Instagram.

Ai shtoi se kryetari i PDK-së është Memli Krasniqi dhe se Kurti e çdo aktor tjetër politik nuk duhet të shmangin debatin politik konstruktiv.

“Kurti e kushdo tjetër në skenën politike, nuk kanë pse t’i frikësohen debateve konstruktive politike”, u shpreh ai.

Ndaj deklaratës së Kurtit, gjatë ditës së enjte ka pasur reagime./Telegrafi/

The post Djali i Kadri Veselit reagon ndaj deklaratës së Kurtit appeared first on Telegrafi.

Gazetari shqiptar në Rusi, Misha Pumo, ishte në një lidhje të drejtpërdrejtë për Balkan Talks në Euronews Albania, ku komentoi se si u prit në Moskë samiti i NATO-s në Hagë dhe reagimet lidhur me të.

Sipas gazetarit Pumo, samiti i Hagës u prit në një mënyrë të qetë dhe të vakët nga Rusia, por u evidentua fakti që në këtë samit nuk iu dha shumë hapësirë Ukrainës, duke e lënë të veçuar.

Gazetari tha se ka premia pozitive për vazhdimin e bisedimeve mes Rusisë dhe Ukrainës, dhe për këtë ishte treguar i gatshëm edhe presidenti Putin.

“Rezultatet e samitit u pritën vakët ose qetë, ku reagimi ishte i tillë që për Rusinë pak rëndësi ka nëse u vendos kuota 5 përqind ose jo, dhe Putini tha se Rusia nuk shqetësohet as frikësohet nga kjo gjë. E priti qetësisht pa krijuar polemika. Mediat këtu në Rusi kanë vënë në dukje një stepje ose kalim menjëanë të temës së Ukrainës. U vu re që Zelensky u ftua vetëm në një darkë dhe nuk ishte në mbledhjen e punës të këtij samiti. Ndoshta kjo është nga trysnia që ka bërë Trumpi për pjesëmarrësit e këtij samiti. Mediat ruse nuk lanë jashtë vëmendjes fotografinë ku Trumpi dhe Zelensky u vunë në cepë nga njëri-tjetri që mos të kishin kontakt të afërt, duke theksuar se kjo tregon se edhe Evropa është lodhur nga kjo luftë mes Rusisë dhe Ukrainës. Putin ka deklaruar se është gati për të vazhduar bisedimet e paqes. Zëdhënësi i tij ka deklaruar se sa të bëhet shkëmbimi i fundit i robërve të luftës, jemi gati të vazhdojmë bisedimet dhe ka të ngjarë që vendi pritës i këtyre bisedimeve të jetë përsëri Turqia,” tha zoti Pumo.

Gazetari Misha Pumo solli dhe një lajm të fundit nga terreni i luftimeve, ku tha se ushtria ruse ka marrë një zonë të pasur me litium në Ukrainë, zonë që mban emrin e njohur Shevçenko.

“Merz deklaroi se ndihma ndaj Ukrainës është në limite, ndërsa Macron bëri thirrje për dialog me Rusinë, por po shihet se deklaratat janë që duhet të shfrytëzohet mundësia për paqe. Përparimi i forcave ruse vazhdon të jetë i ngadalshëm por më i shpejtë se në muajt e mëparshëm. Një lajm i ri është se forcat ruse kanë marrë kontrollin e një qendre banimi me emrin Shevçenko. Kjo zonë është një nga më të mëdhatë e pasur me litium dhe dyta në Ukrainë,” tha gazetari Pumo.

LEXONI GJITHASHTU:

• Putin: Propozimet për paqe të Rusisë dhe Ukrainës janë kontradiktore
• “Gjithmonë gati për të takuar Trump”, Putin përfundon vizitën e tij në Bjellorusi

The post Gazetari shqiptar në Rusi: Samiti i Hagës u prit vakët në Moskë, çfarë mendon Putini appeared first on Euronews Albania.

Presidenti u prit me nderime mbretërore nga mbreti dhe mbretëresha e Holandës dhe nga Mark Rutte, sekretari i përgjithshëm i aleancës, i quajtur edhe ‘përshpëritësi i Trump-it’

Bruno Waterfield / The Times

Nuk kishte dyshim: mbijetesa e aleancës 75-vjeçare ishte në rrezik. Por me Iranin që qëllonte me raketa mbi bazat amerikane dhe Evropën sërish të përçarë për shpenzimet e mbrojtjes, a do të paraqitej presidenti i Shteteve të Bashkuara?

Por në fund të javës, në NATO po e quanin Donald Trump-in “baba”.
Përfundimi i një samiti që shumëkush kishte frikë se do të përfundonte me përplasje dhe fyerje, në fakt solli lehtësim për udhëheqësit evropianë. “Nuk doli jashtë kontrollit,” tha Dick Schoof, kryeministri i Holandës, duke përshkruar një “përzierje lehtësimi dhe gëzimi”.

Një diplomat shkoi edhe më tej: “Ia dolëm të kalonim nëpër një fushë me mina. Kishte aq shumë që mund të shkonte keq, duke filluar me faktin nëse do të vinte apo jo. Nuk pati përplasje, marrëveshja u arrit dhe atmosfera ishte e mirë – edhe pse ndoshta paksa e ekzagjeruar për shijet më të ndjeshme.”

Temat e ndarjes ishin të shumta – sidomos ngurrimi i Evropës për të mbështetur bombardimet e SHBA-së ndaj objekteve bërthamore të Iranit, veprime që presidenti francez Macron dhe të tjerë i cilësuan si të paligjshme. Pastaj kishte edhe çështje më afër shtëpisë: spanjollët, nën udhëheqjen e kryeministrit të dobësuar Pedro Sánchez, po ngulmonin për të mos rritur shpenzimet për mbrojtjen. Një deklaratë përfundimtare e samitit, me një gjest të qartë ndaj Uashingtonit, pohonte se anëtarët më në fund do të angazhoheshin të shpenzonin 5% të PBB-së për mbrojtjen – një kërkesë e hershme e Trump-it.

Sánchez, i tronditur nga një skandal korrupsioni në vend dhe vazhdimisht në titujt e mediave për arsye negative, dukej i vendosur të tregonte sovranitetin spanjoll duke i rezistuar Trump-it. Mund të dukej mirë për opinionin publik spanjoll, por për NATO-n ishte problematike.

Ankthi u shtua ndërkohë që armëpushimi në Lindjen e Mesme rrezikonte të shpërbëhej. Pastaj ndodhi edhe një rrjedhje informacioni kur një kanal televiziv raportoi se Trump do të qëndronte gjatë natës si mysafir i mbretit holandez. Nuk ishte si skandali i Watergate-it, por çdo siklet duhej shmangur. “A do të vijë? Derisa ta shoh në tapetin e kuq, nuk e besoj,” tha një zyrtar. “Jam vërtet i tmerruar.”

Mark Rutte, sekretari i përgjithshëm i NATO-s dhe shpesh i quajtur “fluisteraar” apo “përshpëritësi i Trump-it”, nuk po linte asgjë në dorë të rastësisë. “Urime dhe faleminderit për veprimin tuaj vendimtar në Iran,” i shkroi Trump-it para se ky të hipte në Air Force One. “Tani po fluturoni drejt një tjetër suksesi të madh në Hagë,” shtoi ai, ndërkohë që vetë po përballej me kritika për faktin se praktikisht po i jepte mbështetjen e NATO-s veprimeve të Trump-it në Lindjen e Mesme. Mesazhi përfundonte me një premtim: “Evropa do të paguajë SHUMË, ashtu siç duhet, dhe ky do të jetë suksesi juaj!”

Trump po vinte, por ishte në humor të keq. “Ata nuk dinë çfarë dreqin po bëjnë,” tha ai për Izraelin dhe Iranin kur u nis nga Shtëpia e Bardhë për në Hagë. Dhe u bë edhe më keq: gjatë fluturimit transatlantik, ai vuri në dyshim nëse SHBA do të ndërhynte automatikisht për të ndihmuar aleatët evropianë si Spanja, në kuadër të nenit 5 të NATO-s për mbrojtjen e ndërsjellë. “Varet nga përkufizimi juaj,” tha ai.

Por holandezët, ashtu si kombet e tjera që ende kanë familje mbretërore, kishin një “armë sekrete”. Pas zbritjes nga avioni presidencial me kapele të bardhë “MAGA”, Trump u dërgua menjëherë për t’u pritur me ceremoni të plota nga mbreti Willem-Alexander. Në sallën e portokalltë të pallatit Huis ten Bosch u shtrua një darkë me ton të pjekur, mish viçi dhe tortë çokollate.

Trump u ul mes mbretit dhe Giorgia Meloni-t, kryeministres italiane populiste dhe një nga të paktat admiruese evropiane të presidentit. Ai po e shijonte momentin. Kishte një marrëveshje armëpushimi mes Izraelit dhe Iranit për të festuar. “Kisha një pamje të mirë,” tha Schoof. “Presidenti ishte shumë i gjallë në bisedë, atmosfera ishte e çlirët.”

Një atmosferë edhe më e qetë e priste Trump-in aty ku do kalonte natën.
Ai kishte marrë një ftesë të paprecedentë nga çifti mbretëror holandez për të kaluar natën në pallatin e tyre të shekullit të 17-të, të vendosur mes pyjeve të gjelbërta në Hagë.
Të nesërmen në mëngjes, Trump pati mëngjes me mbretin Willem-Alexander dhe mbretëreshën Maxima, të cilët i përshkroi si “njerëz të bukur dhe spektakolarë”. I ftuar të fliste me superlativa për Trump-in, mbreti holandez u përgjigj shkurt: “Çfarë ndodh në pallat, mbetet në pallat.”

Pastaj erdhi momenti që për shumë njerëz do të përkufizonte vizitën e Trump-it në Holandë. Duke folur krah për krah me Rutte-n, Trump po diskutonte se si fuqitë e Lindjes së Mesme po silleshin “si dy fëmijë në oborrin e shkollës”. “Babi ndonjëherë duhet të përdorë gjuhë të ashpër,” ndërhyri Rutte, duke iu referuar përdorimit të fjalës “fuck” nga Trump më parë. Trump u entuziazmua dhe kamerat e filmuan sekretarin amerikan të shtetit Marco Rubio duke tundur kokën me mosbesim dhe duke qeshur.

Paprítur, Trump u bë shumë i gjallë dhe atmosfera u përmirësua. Sánchez hoqi dorë nga kundërshtimet dhe vendosi të mos përmendë objektivat e shpenzimeve, por të flasë për kontributin e rëndësishëm ushtarak të Spanjës në aleancë, duke premtuar përmbushjen e objektivave operacionale. Shumë udhëheqës, përfshirë edhe Sir Keir Starmer, theksuan blerjet ushtarake nga SHBA, si avionët luftarakë F-35 dhe sistemet mbrojtëse Patriot.

Rutte, megjithatë, do të përballej me kritika për qasjen e tij nënshtruese ndaj Trump-it. Ai pranoi se komenti i tij ishte “pak çështje shijeje”. Por presidenti nuk kishte ndonjë ankesë. “Ai më pëlqen,” tha Trump për holandezin. “Dhe nëse nuk më pëlqen, do kthehem dhe do e godas fort. Ai e tha me shumë dashuri. Ti je babi im.” Për shumë njerëz që punonin pas skenës, kjo ishte tepër. “Na thanë që Rutte ishte një ‘përshpëritës i Trump-it’, por kjo është e pahijshme,” tha një diplomat.

Schoof, si organizator i samitit, e përshkroi mbledhjen e NATO-s si “historike”, por ishte më pak i sigurt se si historia do ta gjykojë këtë lavdërim të tepruar. “Nuk e di,” pranoi ai. “Për ne, samiti duhej të ishte i suksesshëm. Bën gjithçka për t’i qetësuar udhëheqësit. Disa më shumë se të tjerët.”

Nuk ishte vetëm fakti që evropianët po paguanin më shumë që e gëzonte Trump-in. Edhe nofka e re e gëzonte. Shtëpia e Bardhë publikoi një video ku presidenti përshëndet liderët e ndryshëm të aleancës, e shoqëruar me një këngë të Usher-it, ku ai këndon: “so all my ladies, say, ‘Hey, hey, hey, daddy’.”

Pas këngës, doli në shitje edhe “TRUMP DADDY shirt” zyrtar – një bluzë që shitet nga Komiteti Kombëtar i Trump-it, një mjet për mbledhjen e fondeve, ku 77% e të ardhurave shkojnë për fushatën “Never Surrender” të Trump-it, që përdoret për shpenzime ligjore, konsulenca, udhëtime, staf dhe për mbështetjen e kandidatëve.
Me një donacion minimal prej 35 dollarësh, mund të blesh një bluzë portokalli me fytyrën e Trump-it dhe fjalën e vetme “DADDY” me shkronja të mëdha të zeza. Ngjyra e bluzës ndoshta është zgjedhur për të nderuar vendin e origjinës së Rutte-s.

“Kur Biden ishte president, na TALLNIN në skenën botërore,” shkroi Trump në një email për mbështetësit. “Por falë presidentit tuaj të preferuar (MUA!) na respektojnë sërish. Pak më parë, sekretari i përgjithshëm i NATO-s, Mark Rutte, më quajti DADDY në skenën botërore. Sa bukur! Kështu që për një kohë të kufizuar, dua që JU të keni bluzën zyrtare TRUMP DADDY!”

The post “Thirreni Baba”/ Darka e familjes mbretërore holandeze që ndryshoi sjelljen e Trump appeared first on Lapsi.al.

Pamjet e Edi Ramës që zbret nga një avion “TC EMR” në aeroportin Schiphol në Hagë, të publikuara nga dosja.al dëshmojnë për një udhëtim luksi me një model Gulfstream G IVSP VIP, ku çdo orë përkthehet në shifra të konsiderueshme parash për ekonominë e një familjeje të zakonshme në Shqipëri.

Qiraja e këtij avioni – që varion prej $6,500 deri në $7,500 për një orë – përfshin gjithçka: ekuipazhin, karburantin, catering VIP dhe ndonjë shërbim ekstra si de-icing ose transfer privat. Duke e zgjeruar pagesën për fluturimin e plotë, bëhet fjalë për kosto që kapin disa dhjetëra mijëra dollarë vetëm për një udhëtim nga Tirana në Hagë dhe anasjelltas. Vetë “TC EMR” konsideruar një markë e konfirmuar në fluturimet e luksit në aeroportet ndërkombëtare.

Edhe më parë, kryeministri ka udhëtuar me avionët e Air Albania në vizita zyrtare, por ky “TC-EMR” është një rast i veçantë.

Duhet thënë se TC-EMR nuk është në pronësi të qeverisë shqiptare. Ai është operuar nga Zafer Air, një kompani me bazë në Stamboll, e cila ofron këtë avion për përdorim charter.

Pamjet bien ndesh me përpjekjet e Ramës që lëvdon jetën e thjeshtë, mohon ngasjen për luksin dhe privilegjet e pushtetit, për t’u shfaqur si një njeri që mjaftohet me orët e gjata në studion e tij artistike, mes pikturave dhe poçeve të baltës.

Pak javë më parë, kur fluturoi drejt Londrës mediat pranë qeverisë publikuan faturat e biletave të avionit me të cilin kishte udhëtuar familja Rama, ndërsa përpjekjet e medias që publikoi pamjet për të bërë transparencë mbi pagesën e avionit me të cilin ai fluturoi në Hagë, kanë mbetur pa përgjigje.

Në raste si këto, duken qesharake edhe qëndrimet e mëparshme të kryeministrit, kur ai flet për shkurtim shpenzimesh të qeverisë dhe një lloj përbuzjeje për luksin që i garantojnë pagesat nga buxheti i shtetit.

“Udhëtimet, po të betohem nëse do kisha mundësi t’i këpusja me thikë dhe t’i minimizoja, do t’i minimizoja me qejfin më të madh, se janë udhëtime pune, nuk janë udhëtime qejfi. Më vjen zor dhe habitem, çfarë fluturimi luksi? Të gjitha fluturimet e mia private, me familjen, edhe sot që flasim, edhe gjatë gjithë kohës, i bëj vetëm në economics si të gjithë të tjerët, të gjitha.

Fluturimet e punës, me avionin që pata mundësi të kem, janë fluturime pune, janë shkurtim kohe, shkurtim shpenzimesh. Me marrëveshjen që kemi për atë avion, nuk shpenzojmë asnjë lekë më shumë për shtetin, sesa çfarë është shpenzuar në mesatare çdo vit nga kryeministrat.”

Sipas të dhënave të mbledhura nga disa operatorë ndërkombëtarë që japin me qira këtë model avionësh, çmimi për çdo orë fluturimi llogaritet mesatarisht nga 6,500 deri në 7,500 dollarë amerikanë dhe duke marrë për bazë distancën Tiranë–Hagë, rreth 1,800 kilometra në vijë ajrore, një fluturim mesatar zgjat rreth 3 orë e 10 minuta. Me një përllogaritje të thjeshtë, udhëtimi vetëm vajtje kushton mbi 20,000 dollarë. Nëse udhëtimi është vajtje-ardhje, atëherë fatura kalon bindshëm shifrën e 40 mijë dollarëve – pa përfshirë ndalesat teknike, tarifat e pistës apo ndonjë kapriço protokollare shtesë.

Dhe ja ku mbërrijmë tek pyetja politike, që nuk ka nevojë për debat parlamentar: kush paguan? Nëse fatura mbulohet nga fondet publike, atëherë publiku ka të drejtë të dijë përse u zgjodh një avion privat me kosto të tillë? Nëse shpenzimi mbulohet nga vetë z. Rama apo nga ndonjë sponsor joformal, atëherë pyetjet kalojnë në sferën e transparencës dhe konfliktit të interesit./Lapsi.al

The post Rama me avion të ri drejt Hagës, pagesa disa dhjetëra mijëra dollarë (VIDEO) appeared first on Lapsi.al.

HAGË, 26 qershor /ATSH-AdnKronos/ – Presidenti i SHBA-së, Donald Trump deklaroi nga Samiti i NATO-s se do të shqyrtonte mundësinë e furnizimit të Kievit me më shumë raketa ”Patriot”, për të cilat Ukraina ka nevojë për t’u mbrojtur nga sulmet ruse.

”Presidenti rus Vladimir Putin duhet t’i japë fund kësaj lufte”, shtoi Trump.

Komentet e Trump erdhën pas një takimi 50-minutësh me presidentin ukrainas, Volodymyr Zelensky në kuadër të një samiti të NATO-s në Hagë.

Të dy udhëheqësit e përshkruan atë si një hap pozitiv në një konflikt që presidenti i SHBA-së e quajti “më të vështirë se luftërat e tjera”.

Trump tha në një konferencë për shtyp se raketat ”Patriot” ishin shumë të vështira për t’u siguruar, por do të shohim nëse mund t’i vëmë disa në dispozicion.

Presidenti i SHBA-së la gjithashtu të hapur mundësinë e ofrimit të më shumë ndihme ushtarake për Kievin.

I pyetur nëse Uashingtoni do të kontribuonte me më shumë para’ për mbrojtjen e Ukrainës këtë vit, Trump tha se “sa i përket financimit, do të shohim se çfarë ndodh”.

Zelensky tha para takimit se Ukraina ishte e gatshme të blinte më shumë raketa ”Patriot”, edhe nëse SHBA-të ishin të gatshme t’i dhuronin ato.

Ai i quajti bisedimet me dyer të mbyllura me Trump “të gjata dhe thelbësore”, ndërsa presidenti i SHBA-së tha se takimi “nuk mund të kishte qenë më i këndshëm”./  /os/

The post FOKUS – Trump: Putin t’i japë fund luftës, po shqyrtojmë dërgimin e raketave ”Patriot” appeared first on Agjencia Telegrafike Shqiptare.

TIRANË, 25 qershor /ATSH/ Në vitin 2027, për herë të parë, do të mbahet në Tiranë, Samiti i NATO-s.

Lajmin e bëri të ditur Kryeministri Edi Rama, nga Haga (Holandë) ku edhe u zhvilluan sot punimet e samitit të nivelit të lartë të NATO-s me pjesëmarrjen e kryetarëve të shteteve dhe qeverive të vendeve të Aleancës.

“Hagë, Samiti i NATO-s vendosi unanimisht organizimin e tij në Tiranë në 2027”, shkruan Kryeministri Rama në një postim në rrjetet sociale.

I pranishëm në punimet e këtij samiti, Kryeministri Edi Rama ndau edhe momente nga ceremonia e mikpritjes zyrtare nga Mark Rutte, sekretar i përgjithshëm i NATO-s dhe Dick Schoof, kryeministër i Mbretërisë së Holandës.

Po ashtu, Rama ndau pamje nga fotoja familjare përkrah liderëve botërorë, si presidenti i SHBA-së, Donald Trump, sekretari i përgjithshëm i NATO-s, Mark Rutte, presidenti i Francës Emmanuel Macron, kancelari i Gjermanisë, Friedrich Merz, kryeministrja e Italisë, Giorgia Meloni, presidenti i Turqisë, Recep Tayyip Erdoğan etj.

Krerët e NATO-s u mblodhën për të trajtuar një sërë çështjesh me të cilat përballet Aleanca.

Në deklaratën e lëshuar nga krerët e shteteve dhe qeverive të NATO-s që morën pjesë në takimin e Këshillit të Atlantikut të Veriut në Hagë, u riafirmua angazhimi i palëkundur për mbrojtjen për mbrojtjen kolektive, siç përcaktohet në Nenin 5 të Traktatit të Uashingtonit – se një sulm ndaj njërit është një sulm ndaj të gjithëve.

Tjetër pikë e deklaratës ishte edhe bashkimi përballë kërcënimeve dhe sfidave të thella të sigurisë, në veçanti kërcënimit afatgjatë të paraqitur nga Rusia për sigurinë euroatlantike dhe kërcënimit të vazhdueshëm të terrorizmit, aleatët angazhohen të investojnë 5% të PBB-së çdo vit në kërkesat thelbësore të mbrojtjes.

Krerët e shteteve riafirmuan angazhimin e përbashkët për të zgjeruar me shpejtësi bashkëpunimin industrial të mbrojtjes transatlantik dhe për të shfrytëzuar teknologjinë në zhvillim dhe frymën e inovacionit për të avancuar sigurinë tonë kolektive.

Samiti i ardhshëm i NATO-së do të zhvillohet në Turqi në vitin 2026 e më pas në vitin 2027 do të zhvillohet në Shqipëri.

/m.q/j.p/

The post Rama: Samiti i NATO-s vendosi unanimisht organizimin e tij në Tiranë në 2027-ën appeared first on Agjencia Telegrafike Shqiptare.

Në përfundim të Samitit të NATO-s në Hagë, kryeministri i Spanjës, Pedro Sanchez, ka theksuar se vendi i tij do të përmbushë angazhimet ndaj aleancës, por konsideron se shpenzimet aktuale prej 2% të Prodhimit të Brendshëm Bruto janë të mjaftueshme dhe të qëndrueshme për ekonominë spanjolle. Sanchez, i cili javën e kaluar kërkoi përjashtimin e […]

The post Sanchez këmbëngul: 2% e PBB-së për mbrojtje është e mjaftueshme për Spanjën appeared first on BoldNews.al.

Presidenti i SHBA-së, Donald Trump e nisi fjalimin e tij duke falënderuar Holandën për organizimin e samitit të NATO-s dhe duke lavdëruar ushtrinë amerikane. Ai përshëndeti sërish sulmet amerikane ndaj centraleve bërthamore iraniane.

“Ky ushtrim i jashtëzakonshëm i forcës amerikane i ka hapur rrugën paqes me një marrëveshje historike armëpushimi të hënën vonë”, thotë ai.

Më tej Trump ka folur sërish për rolin e tij në ndërmjetësimin e një armëpushimi midis Izraelit dhe Iranit.

“Dhe, ne e quajmë atë lufta 12-ditore. Fola me disa njerëz. Mendoj se ky tingëllonte si emri i duhur. Ishte një luftë 12-ditore. Dhe mendojmë se ka mbaruar. Nuk mendoj se do t’i hakmerren njëri-tjetrit. Nuk mendoj kështu.”shton ai.

Ai thotë se SHBA-të gjithashtu kanë riafirmuar besueshmërinë e parandalimit amerikan, i cili është si asnjë tjetër.

The post Trump në samitin e NATO-s: Mendojmë se konflikti mes Iranit dhe Izraelit ka mbaruar, ishte vetëm një luftë 12-ditore appeared first on Albeu.com.

Udhëheqësit e vendeve anëtare të NATO-s janë zotuar të rrisin shpenzimet e tyre të mbrojtjes në 5% të Produktit të Brendshëm Bruto deri në vitin 2035.

Ky zotim është pjesë e Deklaratës përfundimtare të Samitit të Hagës, e cila u miratua nga 32 vendet anëtare të Aleancës, në të cilën përfshihet gjithashtu një angazhim i qartë për mbrojtjen kolektive sipas Nenit 5 të Traktatit të Uashingtonit, “një sulm ndaj njërit është një sulm ndaj të gjithëve”.

Deklarata thekson gjithashtu mbështetjen e fortë për Ukrainën, duke e cilësuar sigurinë e saj si një komponent kyç të sigurisë së NATO-s. Megjithatë deklarata nuk ka një dënim të drejtpërdrejtë për Rusinë, edhe pse dokumenti përfshin një referencë të qartë për “kërcënimin afatgjatë që paraqet Rusia për sigurinë euroatlantike”.

Për të përmbushur objektivat e reja, Aleatët do të ndajnë të paktën 3.5% të PBB-së për shpenzime direkte të mbrojtjes, ndërsa 1.5% e PBB-së do të shkojë për mbrojtjen e infrastrukturës kritike, qëndrueshmëri civile, inovacion dhe forcim të bazës industriale të mbrojtjes. Çdo vend do të paraqesë plane vjetore, ndërsa progresi do të rishikohet në vitin 2029.

Gjithashtu, NATO angazhohet për të zhvilluar bashkëpunimin industrial në fushën e mbrojtjes, duke hequr barrierat tregtare dhe duke shfrytëzuar teknologjinë dhe inovacionin në përmirësimin e kapaciteteve kolektive.

Në fund të deklaratës, Aleanca falënderoi Mbretërinë e Holandës për mikpritjen dhe bëri të ditur se samiti i radhës do të mbahet në Turqi në vitin 2026, ndjekur më pas samiti tjetër në Shqipëri.

The post Vendet e NATO-s zotohen të investojnë 5% të PBB-së në armatime appeared first on Lapsi.al.

Presidenti amerikan Donald Trump, takua në Hagë të Holandës me presidentin e Turqisë, Recep Tayyip Erdogan.

Erdogan dhe Trump u takuan pas një darke të organizuar nga mbreti holandez Willem-Alexander dhe bashkëshortja e tij në nder të liderëve dhe bashkëshorteve të tyre që morën pjesë në Samitin e krerëve të shteteve dhe qeverive të NATO-s të mbajtur në Hagë.

Takimi u zhvillua me dyer të mbyllura për mediat në Pallatin Mbretëror. Sipas një deklarate nga Drejtoria e Komunikimit e Presidencës së Turqisë, gjatë takimit u diskutuan marrëdhëniet dypalëshe midis Turqisë dhe SHBA-së, por dhe çështje rajonale e globale.

Erdogan deklaroi se të dy vendet kanë potencial të madh në fusha të ndryshme, veçanërisht në energji dhe investime, dhe se avancimi i bashkëpunimit në industrinë e mbrojtjes do të lehtësonte arritjen e objektivit të vëllimit të përgjithshëm tregtar prej 100 miliardë dollarësh.

Ai vuri në dukje se ka mirëpritur armëpushimin midis Izraelit dhe Iranit, i cili u arrit pas përpjekjeve të presidentit amerikan dhe uroi që ai të jetë i përhershëm. Presidenti turk theksoi rëndësinë e dialogut të ngushtë në përfundimin e tragjedisë humanitare në Gaza sa më shpejt të jetë e mundur dhe në zgjidhjen paqësore të luftës midis Rusisë dhe Ukrainës.

LEXONI GJITHASHTU:

• “S’duhet të shqetësohemi më për Iranin”, Trump: Bëmë një Hiroshima
• A do t’i tërheqë vërtet Trump trupat amerikane nga Evropa?
• I dërguari special i Trump e quan rrjedhjen e informacionit të inteligjencës tradhti

The post Trump takim “kokë më kokë” me Erdogan në Hagë, zbardhen diskutimet appeared first on Euronews Albania.

Pas më shumë se një viti përgatitjesh intensive, më në fund nis samiti i NATO-s në Hagë, Holanda. Kjo është hera e parë që Holanda organizon një samit kaq të rëndësishëm të aleancës ushtarake të themeluar në vitin 1949.

Mbi 150 figura shtetërore, mijëra forca sigurie, dhe mijëra gazetarë do të jenë pjesë e një prej operacioneve më të mëdha të sigurisë në historinë e vendit. Këto janë 15 fakte që tregojnë kompleksitetin dhe madhështinë e ngjarjes:

1. *Mysafirë të nivelit të lartë*

Rreth 150 krerë shtetesh, kryeministra dhe ministra nga më shumë se 40 vende do të marrin pjesë. Në total, rreth 6000 persona do të përfaqësojnë vendet e tyre.

2. *Masat ekstreme të sigurisë*

Për të garantuar sigurinë do të angazhohen 27,000 policë dhe rreth 10,000 ushtarë, duke përfshirë një numër të madh motoristësh dhe anëtarë të xhandarmërisë.

3. *Kostoja e samitit*

Kostoja totale është mbi 183 milionë euro, pothuajse dyfish i shpenzuar më parë. Shumica e kostove lidhen me masat e sigurisë.

4. *Mbyllja e rrugëve*

Rreth 60 kilometra rrugë do të jenë të mbyllura ose të kufizuara gjatë samitit, veçanërisht pranë aeroportit Schiphol dhe në Hagë.

5. *Siguria për presidentin amerikan*

Presidenti i SHBA-së, Donald Trump, sjell rreth 1000 persona që përbëjnë stafin e tij të sigurisë, kuzhinierë dhe anëtarë të Shërbimit Sekret.

6. *Lideri më i ri dhe më i vjetër*

Lideri më i ri që merr pjesë është UJakov Milatovic , 39 vjeç, nga Mali i Zi, ndërsa presidenti më i vjetër është Donald Trump, 79 vjeç.

7. *Kërkesat për akustikën*

Dhoma e takimeve është dizajnuar me kërkesa strikte për akustikë të mirë dhe izolim nga pergjimet duke përdorur standardin ISO 354.

8. *Hapësira ajrore e mbyllur*

Një zonë rreth 16 kilometrash rreth Hagës do të ketë kufizime në fluturime për shkak të sigurisë.

9. *Mbrojtja ajrore në terren*

Helikopterë luftarakë dhe radarë janë dislokuar në zona të ndryshme si parkingje, klube fluturimi, madje edhe klube golfi.

10. *Kontrolli për pajisje spiunazhi*

Para takimeve do të kontrollohen dhomat për pajisje përgjuese dhe nuk do të lejohen kamera apo pajisje të tjera të ngjashme.

11. *Kuzhinierët e fluturimit*

Janë sjellë kuzhinierë nga jashtë për të përmbushur standardet e larta të ushqimit dhe kërkesat dietike të mysafirëve.

12. *Akustika e dhomave*

Takimet do të zhvillohen në ambiente me akustikë të përsosur për të siguruar dëgjimin e qartë pa ndërhyrje teknologjike të panevojshme.

13. *Ruajtja e ndërtesave historike*

Ngjarja mbahet në ndërtesa me vlerë historike, me masa të kujdesshme për ruajtjen e tyre.

14. *Zona të ndara për median*

Gazetarët do të kenë zona të veçanta për të shmangur ndërhyrjet dhe për të ruajtur rendin dhe sigurinë.

15. *Prova dhe përgatitje përfundimtare*

Në ditët para samitit janë bërë prova të shumta teknike dhe sigurie për të siguruar një event pa probleme.

LEXONI GJITHASHTU:

• Irani ekzekuton 3 persona të akuzuar për spiunazh për Izraelin
• Trump publikon mesazhin e Rutte, shefi i NATO-s e përgëzon për vendimin ndaj Iranit

The post 10 mijë ushtarë në gatishmëri! Si po ruhen liderët e NATO-s në Hagë appeared first on Euronews Albania.

Liderët e NATO-s mblidhen sot  në Hagë për një samit që duket i përgatitur posaçërisht për Presidentin amerikan Donald Trump, me shpresën nga aleatët evropianë se një premtim për rritjen e shpenzimeve për mbrojtje do ta bindë atë të heqë dyshimet për angazhimin e tij ndaj aleancës. dje lideret moren pjesen ne pritjen e organizuar nga mbreti i Holandes dhe dargen zyrtare ku i pranishem ishte dhe presidenti i Ukraines Zelensky.

Samiti pritet të miratojë një synim të ri për shpenzime mbrojtjeje prej 5% të PBB-së – një përgjigje ndaj kërkesës së Trump dhe ndaj frikës në rritje të evropianëve se Rusia përbën një kërcënim gjithnjë e më të drejtpërdrejtë për sigurinë e tyre pas pushtimit të Ukrainës në vitin 2022.

Zyrtarët e NATO-s shpresojnë që konflikti mes Izraelit dhe Iranit, si dhe bombardimet amerikane mbi objektet bërthamore iraniane fundjavën e kaluar, të mos e errësojnë rëndësinë e këtij takimi, i cili zhvillohet nën drejtimin e Sekretarit të Përgjithshëm të NATO-s, Mark Rutte, në qytetin e tij të lindjes.

Trump ka kërcënuar se nuk do t’i mbrojë vendet anëtare të NATO-s nëse ato nuk i përmbushin objektivat e shpenzimeve dhe shtoi më tej dyshimet gjatë rrugës për në samit duke refuzuar të konfirmojë qartë mbështetjen për Nenin 5 të traktatit të NATO-s, që garanton mbrojtjen e përbashkët.

Duke folur për gazetarët në bordin e Air Force One, Trump tha se “ka shumë përkufizime” të Nenit 5.

“Unë jam i përkushtuar të shpëtoj jetë. Jam i përkushtuar për jetën dhe sigurinë. Do t’ju jap një përkufizim të saktë kur të mbërrij atje,” tha ai.

NGA 2% NË 5% E PBB-së PËR MBROJTJE

Objektivi i ri – që do të arrihet brenda 10 viteve të ardhshme – është një rritje e madhe nga qëllimi aktual prej 2% të PBB-së, megjithatë do të matet ndryshe.

3.5% e PBB-së do të shpenzohen për mbrojtjen thelbësore (trupa, armë, etj.)

1.5% e PBB-së për masat mbështetëse, si siguria kibernetike, mbrojtja e infrastrukturës kritike dhe përshtatja e rrugëve e urave për përdorim ushtarak.

Të gjitha vendet anëtare të NATO-s kanë nënshkruar deklaratën që përfshin objektivin e ri, me përjashtim të Spanjës, e cila thotë se nuk ka nevojë të arrijë atë nivel shpenzimesh për të përmbushur angazhimet ndaj aleancës – një qëndrim që u kontestua nga Rutte.

Megjithatë, Rutte pranoi një kompromis diplomatik me kryeministrin spanjoll Pedro Sanchez, si pjesë e përpjekjeve të tij për t’i siguruar Trump një fitore diplomatike dhe ta bëjë samitin të ecë pa pengesa.

KOMUNIKIM PRIVAT ME TRUMP

Trump ndau publikisht një mesazh privat nga Rutte, në të cilin ky i fundit e lavdëron për “veprimin vendimtar në Iran” dhe e uron për suksesin e tij:

“Ti do të arrish diçka që ASNJË president amerikan për dekada me radhë nuk e ka arritur,” i shkroi Rutte.
“Evropa do të paguajë SIÇ DUHET, dhe kjo do të jetë fitorja jote.”

Për të kënaqur Trumpin, Rutte e mbajti samitin të shkurtër, me një deklaratë përfundimtare të fokusuar vetëm te premtimi për rritje të shpenzimeve.
Teksti pritet të përmendë Rusinë si kërcënim dhe të konfirmojë mbështetjen për Ukrainën, por pa u ndalur gjatë te këto çështje – për shkak se Trump ka qenë më i butë ndaj Moskës dhe më pak mbështetës ndaj Kievit sesa paraardhësi i tij, Joe Biden.

Presidenti ukrainas Volodymyr Zelenskiy mori pjesë vetëm në një darkë joformale para samitit, jo në takimin kryesor të së mërkurës. Trump tha se ka gjasa të takohet me Zelenskiyn më vete.

Zelenskiy kishte planifikuar të takohej me Trumpin javën e kaluar në Kanada, por takimi u anulua pasi Trump u largua para kohe nga samiti i G7, duke përmendur krizën në Lindjen e Mesme.

Zelenskiy dhe ekipi i tij thanë se duan të diskutojnë me Trump për blerjen e armëve amerikane, përfshirë sistemet raketore Patriot, si dhe shtimin e presionit ndaj Moskës përmes sanksioneve më të ashpra.

Ndërkohë, Kremlini akuzoi NATO-n për militarizim të shfrenuar dhe për portretizimin e Rusisë si “djalli i ferrit” për të justifikuar rritjen masive të shpenzimeve për mbrojtje.

LEXONI GJITHASHTU:

• Samiti i NATO-s/ Masa sigurie ekstreme në Hagë: Policë, ushtarë dhe dronë
• Trump mbërrin në Amsterdam për samitin e NATO-s

The post Mbahet Samiti i NATO-s në Hagë, çfarë do vendosë Aleanca për shpenzimet e mbrojtjes appeared first on Euronews Albania.

HAGË, 24 qershor /ATSH-DPA/- Presidenti i SHBA-së, Donald Trump mbërriti sot në aeroportin Schiphol të Amsterdamit, në Holandë – për të marrë pjesë në samitin e NATO-s.

Trump pritet të shkojë direkt në pallatin “Huis ten Bosch” në Hagë, ku mbreti dhe mbretëresha e Holandës do të organizojnë një darkë shtetërore për 32 udhëheqësit e NATO-s dhe shumë nga partnerët e tyre.

Udhëheqësit e NATO-s po mblidhen në Hagë për një takim dyditor të fokusuar në rritjen e shpenzimeve të mbrojtjes. //a.i/

The post HOLANDË – Trump mbërrin në Hagë për të marrë pjesë në samitin e NATO-s appeared first on Agjencia Telegrafike Shqiptare.

Pak pasi kritikoi dy shtetet për shkeljen e armëpushimit, presidenti amerikan, Donald Trump, ka thënë se Izraeli është pajtuar të mos e godasë më Iranin.

“Izraeli nuk do ta sulmojë Iranin”, ka shkruar ai në TruthSocial. “Të gjithë aeroplanët do të kthehen mbrapa me një valë përshëndetëse miqësore për Iranin. Askush s’do të lëndohet. Armëpushimi është në fuqi. Ju faleminderit”.

Ai ka publikuar mesazhin nga AirForce One, me të cilin është nisur drejt Samitit të liderëve të NATO-s në Hagë.

Reagimi erdhi pasi dy shtetet shkelën marrëveshjen e dakorduar e që ishte shpallur nga vetë Trumpi. Presidenti amerikan u shpreh i pakënaqur me sjelljet e Iranit dhe Izraelit teksa u kërkoi respektim të menjëhershëm të marrëveshjes.

TIRANË, 24 qershor/ATSH/ Kryeministri Edi Rama po merr pjesë në samitin e nivelit të lartë të NATO-s, që po zhvillohet për herë të parë në Holandë, Hagë, me pjesëmarrjen e kryetarëve të shteteve dhe qeverive të vendeve të Aleancës në 24 dhe 25 qershor.

Në kuadër të punimeve të këtij samiti, Rama si dhe delegacioni shqiptar ku merr pjesë edhe ministri për Europën dhe Punët e Jashtme, Igli Hasani, ministri i Mbrojtjes Pirro Vengu, Shefi i Shtabit të Përgjithshëm të Forcave të Armatosura Arben Kingji, etj u pritën në një takim nga sekretari i përgjithshëm i NATO-s, Mark Rutte.

Rama informoi se temë e bisedimeve, ndër të tjera, ishte edhe investimi madhor për Portin e Ri të Durrësit, ku NATO do të angazhohet për terminalin ushtarak.

Po ashtu, Rama bëri të ditur se në takim u diskutua edhe mbi përgatitjet e Samitit 2027 në Tiranë.

“Kënaqësi të takoja Sekretarin e Përgjithshëm të NATO-s dhe mikun e çmuar, Mark Rutte, me të cilin folëm për angazhimet e Samitit, Ballkanin Perëndimor, investimin madhor për Portin e Ri të Durrësit, ku NATO do të angazhohet për terminalin ushtarak, e po ashtu edhe për përgatitjet e Samitit 2027 në Tiranë”, u shpreh Rama.

Në samit, krerët e NATO-s do të trajtojnë një sërë çështjesh me të cilat përballet Aleanca. Ata do të fokusohen në parandalimin dhe mbrojtjen, duke siguruar që NATO të ketë burimet, forcat dhe aftësitë për të përballuar çdo kërcënim.

Forcimi i partneriteteve do të mbetet një fokus kryesor për Aleancën, me Samitin që ofron mundësinë për t’u angazhuar me Ukrainën, partnerët e NATO-s dhe udhëheqjen e Bashkimit Evropian.

Këtë javë, aleatët do të miratojnë një plan të ri investimesh në mbrojtje, ku do të bihet dakord për një përpjekje të përbashkët për të rritur industrinë e mbrojtjes në të gjithë NATO-n, duke rritur sigurinë dhe duke krijuar vende pune.

Pak ditë më parë sekretari i përgjithshëm i NATO-s, Mark Rutte informoi mbi temat që do të trajtohen në samitin e Hagës, ndërsa shprehu bindjen se “NATO do të tregojë se qëndron në skenën botërore e aftë për të mbrojtur 1 miliard qytetarët e saj duke marrë të gjitha masat e nevojshme”.

Sekretari i përgjithshëm i NATO-s bëri të ditur se “në samit do të diskutohet së pari, për më shumë shpenzime për mbrojtjen, që të jemi në gjendje të mbrojmë veten”.

“Por, sigurisht, paratë janë një gjë, ne duhet të përgatisim stafin, mbi të gjitha ushtarët tanë. Por kur vjen puna tek industria ushtarake ne duhet të bëjmë më shumë sesa po bëjmë tani. Kjo do të jetë edhe tema e dytë e madhe e samitit”, informoi ai, ndërsa theksoi se temë e punimeve të samitit do të jetë edhe çështja e Ukrainës.

1 nga 3

/m.m//a.f//r.e/

The post Rama takon Rutte: NATO do të angazhohet për terminalin ushtarak në Durrës appeared first on Agjencia Telegrafike Shqiptare.

Aleatët evropianë nuk duhet të shqetësohen për përkushtimin e Shteteve të Bashkuara ndaj NATO-s, tha të martën Mark Rutte, shefi i aleancës ushtarake, duke folur para një samiti ku pritet të miratohet një synim i ri për shpenzime të mëdha.

Takimi dyditor në Hagë ka për qëllim t’ia dërgojë një mesazh presidentit të Rusisë, Vladimir Putin, se NATO-ja është e bashkuar, pavarësisht kritikave të mëparshme të presidentit amerikan, Donald Trump, ndaj aleancës, dhe se është e vendosur ta zgjerojë dhe përmirësojë mbrojtjen për ta frenuar çdo sulm nga Moska.

“Presidenti amerikan dhe udhëheqja e lartë amerikane janë plotësisht të përkushtuar ndaj NATO-s”, tha Rutte në një forum publik para hapjes zyrtare të samitit, duke shtuar, megjithatë, se ky përkushtim vjen me pritshmërinë që vendet evropiane dhe Kanadaja t’i rrisin shpenzimet për mbrojtjen.

Samiti dhe deklarata përfundimtare e tij do të jenë të shkurtra dhe të përqendruara në përgjigjen ndaj thirrjes së Trumpit për t’i shpenzuar 5 për qind të prodhimit të brendshëm bruto – një rritje e madhe nga caku i tanishëm prej 2 për qind.

Rutte e përshkroi çështjen e shpenzimeve si “pengesë, irritim i madh, që është fakti se ne nuk po shpenzojmë sa duhet si evropianë dhe kanadezë, dhe ata duan që të barazohemi me atë që shpenzon SHBA-ja”.

Presidenti i Ukrainës, Volodymyr Zelensky, tha se ka planifikuar të takohet me Trumpin në Hagë – edhe pse ai nuk do të marrë pjesë në samit, pasi zyrtarët e NATO-s janë përpjekur të shmangin përplasjet mes Trumpit dhe udhëheqësve të tjerë për luftën në Ukrainë.

Zelensky tha në një intervistë për Sky Neës, të transmetuar të martën, se ekipet e dy liderëve po punonin për detajet organizative dhe kohën e takimit. I pyetur për mundësinë e përfundimit të luftës trivjeçare në Ukrainë, Rutte tha: “Nuk mund të parashikoj kur do të ndodhë”.

Ai gjithashtu lavdëroi Trumpin për angazhimin me Putinin. Rusia ka përmendur dëshirën e fqinjit të saj për t’u bashkuar me aleancën transatlantike të udhëhequr nga SHBA-ja si një nga arsyet pse e pushtoi Ukrainën në vitin 2022.

Zëdhënësi i Kremlinit, Dmitry Peskov, tha të martën se NATO – e themeluar në vitin 1949 për t’i bërë ballë kërcënimit nga Bashkimi Sovjetik komunist – është krijuar për konfrontim dhe ndodhet në rrugë të “militarizimit të pakontrolluar”.

Lufta mes Izraelit dhe Iranit dhe statusi i pasigurt i një armëpushimi të shpallur gjatë natës nga Trumpi e bëjnë samitin shumë më pak të parashikueshëm nga sa do të dëshironte Rutte dhe vendet e tjera anëtare të NATO-s./ REL

The post Samiti i NATO-s në Hagë/ Rutte: SHBA është plotësisht e përkushtuar ndaj Aleancës appeared first on Lapsi.al.

Ambienti është solemn, axhenda është e ngjeshur dhe qëllimi, sipas zyrtarëve europianë, është i thjeshtë: një samit i shkurtër, i qetë — dhe të evitohen shpërthimet e Donald Trump.

Kjo është atmosfera me të cilin liderët e NATO-s zbresin në Hagë për një samit dyditor, që është menduar më shumë si një skenë e kontrolluar sesa si një hapësirë për strategji të mëdha. Është hera e parë që presidenti amerikan rikthehet në tryezën e aleancës që nga viti 2019, dhe zyrtarët shpresojnë hapur që vizita e tij e shkurtër — më pak se 24 orë në terren — të kalojë pa incidente.

Rreziku është i madh, jo vetëm për shkak të paparashikueshmërisë famëkeqe të Trump-it. Një përshkallëzim dramatik në Lindjen e Mesme — pas sulmeve të SHBA-së dhe Izraelit ndaj objekteve bërthamore iraniane — ka hedhur një hije të rëndë mbi takimin. Kriza nuk figuron në agjendën zyrtare, por tashmë po dominon bisedat private.

“Irani do të jetë një çështje e madhe në këtë samit,” tha një diplomat europian. “Nuk është një temë e mirëfilltë e NATO-s, por liderët duan të flasin me Trump-in për të.”

Për shumicën e aleatëve, fokusi është diplomacia me hapa të kujdesshëm.

“Çfarë do Trump?” pyet Camille Grand, ish-ndihmës sekretar i përgjithshëm i NATO-s. “Nuk ka marrë pjesë në një samit të NATO-s që nga viti 2019, dhe është e vështirë të dihet se çfarë kërkon vërtet.” Për të ruajtur parashikueshmërinë, samiti është ndërtuar sa më thjeshte, një komunikatë me një faqe, një seancë pune të vetme dhe një darkë mbretërore. Pa konferenca të gjata shtypi. Dhe sa më pak surpriza.

Qëllimi kryesor i samitit ishte t’u kërkohej vendeve anëtare të rrisnin shpenzimet për mbrojtje, por edhe kjo është zgjidhur paraprakisht.

Trump kishte kërkuar që objektivi i shpenzimeve të ngrihej nga të paktën 2% e PBB-së në 5%, dhe kjo u ra dakord fundjavën që shkoi. Deri në vitin 2035, aleatët do të shpenzojnë 3.5% të PBB-së për “mbrojtje të fortë” si armë dhe trupa, dhe edhe 1.5% shtesë për investime të lidhura me mbrojtjen si siguria kibernetike dhe lëvizshmëria ushtarake.

E vetmja thyerje në këtë marrëveshje duket të jetë një përjashtim nga Spanja. Ambasadori amerikan në NATO, Matthew Whitaker, ia atribuoi Trump-it këtë ndryshim: “Falë udhëheqjes së guximshme të Presidentit Donald J. Trump, NATO është në rrugën e duhur për të arritur një angazhim historik,” tha ai të hënën.

Qasja minimaliste ka ndikuar edhe në mënyrën se si aleanca po e trajton çështjen e Ukrainës. Presidenti Volodymyr Zelenskyy pritet të jetë i pranishëm në darkën e së martës në mbrëmje — si një gjest simbolik — por nuk është ftuar në seancën e mbyllur të liderëve ditën e mërkurë. Kjo përbën një ndryshim të madh nga samitet e mëparshme, kur aleanca shfaqej e bashkuar me Zelensky-n pas pushtimit të plotë nga Rusia.

Por armiqësia e Trump-it ndaj presidentit ukrainas tashmë e bën këtë të pamundur.

NATO, në një mënyrë apo në një tjetër, do të rikonfirmojë mbështetjen për Kievin dhe do të përmendë krijimin e një Këshilli të ri Ukrainë-NATO në nivel ministrash të jashtëm të martën. Ndihma për Ukrainën do të llogaritet tani si pjesë e shpenzimeve kombëtare të mbrojtjes, një fitore simbolike. Por nuk ka asnjë fjalë për afate anëtarësimi apo garanci të zgjeruara, pavarësisht deklaratës se rruga e Ukrainës drejt NATO-s është ende “e pakthyeshme” — dhe kjo nuk po i shpëton askujt.

“Është gjetur një rrugë e mirë, në rrethanat aktuale, për t’i dhënë çështjes së Ukrainës një vend qendror në këtë samit,” tha një zyrtar i lartë gjerman. “Edhe më e rëndësishme është që deklarata përfundimtare përfshin mbështetjen e vazhdueshme të partnerëve të NATO-s për Ukrainën. Kjo ishte e rëndësishme për ne — donim ta binim dakord këtë mes të 32 vendeve, jo në formate më të vogla.”

Në fund, ky samit ndoshta nuk do të gjykohet për atë që arriti, por për faktin nëse arriti të shmangte një shpërthim të Trump-it kundër aleancës. Kjo, të paktën, është skema./Politico.eu

The post Liderët europianët të kujdesshëm me Donald Trump në samitin e NATO-s appeared first on Lapsi.al.

HAGË, 24 qershor /ATSH-DPA/ – Aleatët e NATO-s mblidhen sot në Hagë për një samit dyditor, të fokusuar kryesisht në rritjen e shpenzimeve të mbrojtjes, megjithëse udhëheqësit pritet gjithashtu të diskutojnë përshkallëzimin ushtarak në Lindjen e Mesme dhe luftën e vazhdueshme në Ukrainë.

Liderët, ministrat e Mbrojtjes dhe të Jashtëm të 32 anëtarëve, si dhe përfaqësuesit e partnerëve indo-paqësorë të NATO-s – Australia, Japonia, Koreja e Jugut dhe Zelanda e Re – pritet të shkojnë në qytetin holandez.

Samiti ka të ngjarë të ”errësohet” nga zhvillimet e fundit në konfliktin midis Izraelit dhe Iranit.

Disa orë para takimit hapës, presidenti i SHBA-së Donald Trump – i cili pritet të marrë pjesë – pretendoi se të dy palët kishin arritur një armëpushim, megjithëse nuk kishte konfirmim fillestar për këtë nga Izraeli dhe raporte kontradiktore nga Irani.

Lidhur me agjendën zyrtare, aleatët e NATO-s pritet të angazhohen për një rritje të konsiderueshme të shpenzimeve të mbrojtjes, pas presionit të vazhdueshëm nga Uashingtoni.

Trump u ka kërkuar vazhdimisht aleatëve të më shumë se dyfishojnë objektivin aktual të shpenzimeve të NATO-s prej të paktën 2% të Produktit të Brendshëm Bruto (PBB).

Sipas planeve që do të miratohen zyrtarisht nga udhëheqësit, shtetet anëtare do të duhet të ndajnë 3,5% të prodhimit të tyre ekonomik çdo vit për mbrojtjen, me një shtesë prej 1,5% të caktuar për shpenzime të lidhura, duke përfshirë infrastrukturën që mund të përdoret për qëllime ushtarake.

Aleatët do të diskutojnë luftën e Rusisë kundër Ukrainës të martën, kur Ministri i Jashtëm ukrainas Andrii Sybiha do të takohet me homologët e tij të NATO-s.

Sekretari i Përgjithshëm i NATO-s Mark Rutte tha se pret që presidenti ukrainas Volodymyr Zelensky të udhëtojë për në Hagë./ a.jor.

The post HAGË – LM, Ukraina dhe shpenzimet për mbrojtjen në qendër të samitit të NATO-s appeared first on Agjencia Telegrafike Shqiptare.

Aktivistë për paqen janë mbledhur në qytetin e Hagës, vetëm dy ditë para samitit të udhëheqësve të NATO-s, për të protestuar kundër rritjes së shpenzimeve për mbrojtjen dhe rolit të aleancës në konfliktet ndërkombëtare.

Protestës iu bashkuan edhe anëtarë të diasporës iraniane, të cilët shprehën kundërshtinë ndaj përshkallëzimit të luftës në rajon, për të cilin fajësojnë Shtetet e Bashkuara të Amerikës.

Arno van der Veen, zëdhënës i Koalicionit Kundër Samitit për Paqe dhe Drejtësi, deklaroi:

“Nëse ka një kundërpërgjigje nga Irani, e cila do të ishte e drejtë dhe legjitime sipas të drejtës ndërkombëtare, atëherë edhe Holanda do të ishte në luftë me Iranin. Sepse një sulm ndaj njërës është një sulm ndaj të gjithave. Hapi i radhës është një luftë bërthamore. Dhe kjo është ajo që na shqetëson jashtëzakonisht shumë.”

Ai theksoi gjithashtu se rritja e arsenalit ushtarak nuk sjell siguri, por rrit rrezikun për përdorimin e tij.

Sipas korrespondentes së Euronews, Emma de Ruiter, rreth 5,000 persona morën pjesë në protestë. Ajo raportoi se mesazhet e aktivistëve mbeten të pandryshuara, pavarësisht përfshirjes së konfirmuar të SHBA-ve në konfliktin me Iranin:

“Protestuesit ritheksuan bindjen se NATO nuk është një aleancë mbrojtëse, veçanërisht kur anëtari më i fuqishëm i saj merr pjesë aktivisht në luftë.”

Ndërkohë, autoritetet holandeze kanë rritur masat e sigurisë në qytet përpara samitit dhe parashikohen protesta të tjera më të vogla gjatë javës.

LEXONI GJITHASHTU:

• NATO përgatitet për samitin historik: Ku do zhvillohet, axhenda dhe masat e sigurisë
• “35 mld ndihmë për Ukrainën”,Rutte: S’do lejojmë Iranin të zhvillojë armë bërthamore

The post Protestë kundër NATO-s në Hagë, paralajmërohet rreziku për luftë bërthamore appeared first on Euronews Albania.