Gjatë një vizite në Uashington, kryeministri izraelit, Benjamin Netanyahu thuhet se i ka thënë presidentit amerikan, Donald Trump se Tel Avivi mund të ndërmarrë sulme të reja kundër Iranit.

Ndërsa ishte ulur përballë kryeministrit izraelit të hënën në Shtëpinë e Bardhë, lideri amerikan tha se shpresonte që nuk do të ketë më bombardime amerikane ndaj Iranit.

“Nuk mund ta imagjinoj që do të dëshiroja ta bëja një gjë të tillë”, tha Trump.

Më pas, në një bisedë private, Netanyahu i tha Trumpit se Izraeli do të ndërmerrte sulme të mëtejshme ushtarake nëse Irani vazhdon të përparojë drejt armës bërthamore. Trump u përgjigj se ishte në favor të një zgjidhjeje diplomatike me Teheranin, por se në përgjithësi nuk ishte kundër planit izraelit.

Bisedat e tyre, të cilat Wall Street Journal i përshkruan duke cituar zyrtarë të lartë amerikanë dhe izraelitë, nxjerrin në pah llogaritjet e ndryshme me të cilat përballen të tre vendet pas sulmeve të muajit të kaluar nga Izraeli dhe SHBA ndaj objekteve bërthamore iraniane.

“Trump po mbështetet te kërcënimi i sulmeve të mëtejshme për të ushtruar presion mbi Teheranin që të arrijë një marrëveshje që do ta pengonte atë të ndërtonte armë bërthamore. Izraeli është skeptik se një zgjidhje diplomatike do ta ndalonte Iranin të përpiqej fshehurazi për armë bërthamore. Teherani, nga ana tjetër, po kërkon garanci se nuk do të përballet me bombardime të tjera në këmbim të vazhdimit të bisedimeve me Uashingtonin,” shkruan WSJ.

Një zyrtar i lartë izraelit ka thënë se Izraeli nuk do të kërkonte domosdoshmërisht një miratim të drejtpërdrejtë nga SHBA-ja për të vazhduar sulmet ndaj Iranit.

Megjithatë, në varësi të shkallës së përpjekjeve iraniane për të rifilluar programin bërthamor, Netanyahu mund të përballet me kundërshtimin e Trumpit, i cili dëshiron të ruajë rrugën diplomatike me Teheranin. /Telegrafi/

The post Netanyahu i tha Trumpit se Izraeli mund ta sulmojë sërish Iranin appeared first on Telegrafi.

Ai theksoi se marrëveshja bërthamore e vitit 2015 gjatë kohës së Obamës ishte e dobët, ndërsa tërheqja nga ajo marrëveshje në vitin 2018 nga presidenti Trump i hapi rrugë Iranit të pasurojë uraniumin deri në nivele të rrezikshme.

I ftuar në një emision televiziv pedagogu Altin Zaloshnja deklaroi se konflikti mes Izraelit dhe Iranit, Zaloshnja tha se kërcënimi nga programi bërthamor iranian nuk është më vetëm problem për Izraelin, por për të gjithë botën.

Sipas tij, Irani aktualisht ka rreth 400 paund uranium të pasuruar në nivelin 60%, dhe ekziston mundësia që ky material të jetë zhvendosur nga baza ushtarake Fordo përpara një sulmi të mundshëm amerikan. Ai shtoi se inteligjenca amerikane ka dijeni për këto lëvizje.

Altin Zaloshnja:

Është traditë në Shtëpinë e Bardhë që presidentët të mos flasin për paraardhësit e tyre, pavarësisht situatave që ata kanë përballuar. Ata rrallë japin gjykime publike nëse veprimet e paraardhësve kanë qenë pozitive apo negative.

Sa i përket konfliktit në Lindjen e Mesme, konkretisht mes Izraelit dhe Iranit, ky është një konflikt që zgjat prej rreth 25–30 vitesh. Kryeministri Netanyahu ka paralajmëruar në mënyrë të përsëritur për rrezikun që paraqet Irani nëse zhvillon armë bërthamore. Në një mënyrë apo në një tjetër, Irani me një armë bërthamore nuk përbën kërcënim vetëm për Izraelin, por për gjithë botën.

Në këtë kontekst, gjatë presidencës së Barack Obamës, SHBA-të u përpoqën të arrinin një marrëveshje paqësore për të ndaluar pasurimin e uraniumit në nivele të larta mbi 60% pasi kjo mund të çojë në krijimin e një bombe atomike. Marrëveshja e arritur në vitin 2015 nuk ishte aq e fortë sa duhej.

Në vitin 2018, kur presidenti Trump u tërhoq nga kjo marrëveshje, kjo i dha mundësi Iranit të vazhdonte më tej pasurimin e uraniumit, duke e çuar në nivele që përbëjnë një kërcënim serioz. Nëse pasurimi arrin në 60%, konsiderohet se Irani është shumë pranë ndërtimit të një arme bërthamore. Besohet se aktualisht Irani zotëron rreth 400 paund uranium të pasuruar në nivelin 60%. Gjithashtu, dyshohet se ky uranium është larguar nga baza e Fordos përpara një sulmi të mundshëm nga avionët B-2, të cilët përdorën rrugë të ndryshme për të shmangur vëmendjen duke simuluar një drejtim drejt Guamit në Paqësor, por në fakt sulmuan nga ana e Atlantikut.

Inteligjenca amerikane është në dijeni që ky skenar mund të ketë ndodhur dhe gjithashtu ka informacione se centrifugat mund të jenë zhvendosur.

Shumica e qytetarëve amerikanë nuk e mbështesin një ndërhyrje për ndërrim regjimi në Iran. Presidenti Trump ka përmendur Kosovën, por ai ka mohuar të ketë qenë ndonjëherë pro shkëmbimit të territoreve mes Kosovës dhe Serbisë në emër të paqes.

The post “Kombi i SHBA nuk e mbështet ndryshimin e regjimit”/ Konflikti Izrael-Iran, flet pedagogu: Irani me armë bërthamore… appeared first on Sot News | Lajme.

Pak pasi kritikoi dy shtetet për shkeljen e armëpushimit, presidenti amerikan, Donald Trump, ka thënë se Izraeli është pajtuar të mos e godasë më Iranin.

“Izraeli nuk do ta sulmojë Iranin”, ka shkruar ai në TruthSocial. “Të gjithë aeroplanët do të kthehen mbrapa me një valë përshëndetëse miqësore për Iranin. Askush s’do të lëndohet. Armëpushimi është në fuqi. Ju faleminderit”.

Ai ka publikuar mesazhin nga AirForce One, me të cilin është nisur drejt Samitit të liderëve të NATO-s në Hagë.

Reagimi erdhi pasi dy shtetet shkelën marrëveshjen e dakorduar e që ishte shpallur nga vetë Trumpi. Presidenti amerikan u shpreh i pakënaqur me sjelljet e Iranit dhe Izraelit teksa u kërkoi respektim të menjëhershëm të marrëveshjes.

Kancelari gjerman, Friedrich Merz, ka vlerësuar pozitivisht marrëveshjen e armëpushimit mes Izraelit dhe Iranit, duke e konsideruar këtë hap si një zhvillim shumë të rëndësishëm për stabilitetin e rajonit të Lindjes së Mesme dhe për sigurinë globale.

Marrëveshja, e ndërmjetësuar nga Presidenti amerikan Donald Trump, ka ardhur pas një periudhe të tensioneve të rrezikshme që kulmuan me sulmet ajrore amerikane ndaj objektivave bërthamore iraniane.

Përmes një postimi në platformën X, Merz i bëri thirrje të dyja palëve të përfshira në konflikt që të respektojnë marrëveshjen dhe të shfaqin përmbajtje, duke shmangur çdo veprim që mund të dëmtojë këtë moment të paqes së brishtë.

“Nëse ky armëpushim respektohet pas goditjeve të fuqishme ushtarake nga SHBA ndaj infrastrukturës bërthamore të Iranit, atëherë ai do të përbëjë një hap të rëndësishëm dhe pozitiv për rajonin dhe për sigurinë ndërkombëtare”, deklaroi Merz.

Ai theksoi se një marrëveshje e tillë ka potencialin për të reduktuar ndjeshëm rrezikun e një përshkallëzimi të mëtejshëm dhe për të hapur mundësi të reja për diplomaci dhe zgjidhje të qëndrueshme afatgjata.

“Një rezultat i tillë do të kontribuonte për një Lindje të Mesme dhe një botë më të sigurt”, shtoi ai.

Në fund, Merz bëri të ditur se ai dhe liderët evropianë do të diskutonin masat e ardhshme për ruajtjen e stabilitetit rajonal në kuadër të samitit të NATO-s që zhvillohet sot në Hagë./abcnews.al

Kanalet mediatike iraniane dhe izraelite po raportojnë se armëpushimi midis dy kombeve të tyre ka filluar. Por ende ka konfuzion rreth detajeve të sakta dhe kohës së armëpushimit.

Në njoftimin e tij fillestar, Presidenti i SHBA-së Donald Trump tha se një armëpushim do të fillonte rreth gjashtë orë nga mesazhi i tij i parë në mediat sociale ku njoftonte përparimin, i cili e vendoste kohën afër orës 12:00 sipas orës lindore.

Pak pas orës 12:00, mediat izraelite dhe iraniane filluan të publikonin tituj kryesorë duke thënë se armëpushimi kishte filluar.

Press TV i Iranit, i cili drejtohet nga operatori televiziv shtetëror i Iranit, tha: “Armëpushimi fillon pas katër valëve të sulmeve iraniane në territoret e pushtuara nga Izraeli”.

Agjencia gjysmëzyrtare e lajmeve Tasnim raportoi një rresht në kanalin e saj Telegram ku thuhej se një armëpushim kishte hyrë në “fazën e zbatimit”.

Mediat izraelite Channel 12 dhe Ynet gjithashtu publikuan tituj duke thënë se armëpushimi kishte hyrë në fuqi.

Mediat shtetërore të Iranit më herët të martën deklaruan se një armëpushim i ishte “imponuar armikut”, por nuk dhanë një kohë të saktë.

Qeveria izraelite ende nuk ka bërë ndonjë koment zyrtar.

LEXONI GJITHASHTU:

• Trump njofton përfundimin e luftës Izrael-Iran, arrihet amëpushim i plotë
• Medvedev akuzoi SHBA-në për përshkallëzim lufte, përgjigjet ashpër Trump

The post “Armëpushimi ka filluar!” Çfarë raportojnë mediat në Iran dhe Izrael appeared first on Euronews Albania.

Ambasada e Shteteve të Bashkuara në Shqipëri ka publikuar një paralajmërim global të rëndësishëm për të gjithë shtetasit amerikanë, në lidhje me situatën e tensionuar në Lindjen e Mesme.

Në njoftim thuhet se konflikti në zhvillim midis Izraelit dhe Iranit ka shkaktuar ndërprerje të udhëtimeve dhe mbyllje të herëpashershme të hapësirës ajrore në rajon. Për më tepër, ekziston rreziku i protestave kundër qytetarëve dhe interesave të SHBA-së në vende të ndryshme të botës.

“Paralajmërim global: Konflikti midis Izraelit dhe Iranit ka shkaktuar ndërprerje të udhëtimeve dhe mbyllje periodike të hapësirës ajrore në të gjithë Lindjen e Mesme. Ekziston mundësia për protesta kundër qytetarëve dhe interesave të Shteteve të Bashkuara jashtë vendit,” thuhet në deklaratën e Ambasadës së SHBA në Tiranë.

Departamenti Amerikan i Shtetit u bën thirrje të gjithë shtetasve amerikanë që të tregojnë kujdes të shtuar gjatë udhëtimeve ndërkombëtare dhe të informohen para çdo lëvizjeje.

“Ju lutemi lexoni me kujdes ‘Travel Advisory’, informacionet për vendin dhe çdo alarm sigurie të fundit përpara se të planifikoni një udhëtim në: travel.state.gov/destination”, përfundon njoftimi zyrtar.

LEXONI GJITHASHTU:

Roli i ngushticës së Hormuzit: Bllokimi i saj mund të fusë në kaos ekonominë globale

Irani rrëzon një aeroplan luftarak izraelit F-35 mbi Tabriz, kapet piloti

The post Konflikti Izrael-Iran, Ambasada Amerikane në Tiranë paralajmërim për shtetasit e saj appeared first on Euronews Albania.

Në sfondin e tensioneve të shtuara mes Iranit dhe Shteteve të Bashkuara, janë intensifikuar spekulimet se Teherani mund të hakmerret për sulmet e fundit amerikane ndaj objekteve të tij bërthamore, duke ndërmarrë një veprim me pasoja të mëdha globale: mbylljen e Ngushticës së Hormuzit – një nga rrugët më të rëndësishme të transportit të naftës në botë.

Të dielën, mediat iraniane raportuan se Parlamenti i vendit ka dhënë miratimin paraprak për mbylljen e kësaj nyje strategjike detare, megjithëse një vendim përfundimtar nga autoritetet më të larta nuk është marrë ende.

Ngushtica e Hormuzit, e vendosur në hyrje të Gjirit Persik, është një arterie jetike për tregtinë globale të energjisë: rreth 20% e furnizimit botëror me naftë dhe gaz kalon çdo ditë përmes saj. Bllokimi i saj do të shkaktonte një goditje të rëndë ndaj ekonomisë ndërkombëtare, duke nxitur rritje të menjëhershme të çmimeve të naftës dhe duke trazuar zinxhirët e furnizimit në mbarë botën.

Ky veprim, nëse realizohet, do të kishte ndikim veçanërisht të madh mbi ekonomitë e vendeve si Kina, India dhe Japonia, të cilat varen fort nga importet e naftës bruto që kalon përmes kësaj ngushtice strategjike. Ndikimi do të ndjehej gjithashtu në rritjen e kostos së mallrave dhe shërbimeve në nivel global, duke ushtruar presion të ri mbi inflacionin dhe tregjet ndërkombëtare.

Çfarë është Ngushtica e Hormuzit – dhe ku ndodhet?

Ngushtica e Hormuzit është një nga rrugët më të rëndësishme të transportit në botë dhe pika më e rëndësishme e tranzitit të naftës.

I kufizuar në veri nga Irani dhe në jug nga Omani dhe Emiratet e Bashkuara Arabe (EBA), korridori – i cili është vetëm rreth 50 km i gjerë në hyrje dhe dalje, dhe rreth 33 km i gjerë në pikën e tij më të ngushtë – lidh Gjirin Persik me Detin Arabik.

Ngushtica është mjaftueshëm e thellë për cisternat më të mëdha të naftës bruto në botë dhe përdoret nga prodhuesit kryesorë të naftës dhe gazit në Lindjen e Mesme dhe klientët e tyre.

Në gjysmën e parë të vitit 2023, rreth 20 milionë fuçi naftë kkanë kaluar nëpër Ngushticën e Hormuzit në ditë, sipas vlerësimeve nga Administrata Amerikane e Informacionit për Energjinë (EIA).

Kjo është e barabartë me gati 600 miliardë dollarë në vit.

Kjo naftë nuk vjen vetëm nga Irani, por edhe nga shtete të tjera të Gjirit si Iraku, Kuvajti, Katari, Arabia Saudite dhe Emiratet e Bashkuara Arabe.

Cili do të ishte ndikimi i mbylljes së ngushticës?

Ish-kreu i agjencisë së inteligjencës së Mbretërisë së Bashkuar MI6, Sir Alex Younger, i ka thënë BBC-së se skenari i tij më i keq në konfliktin e vazhdueshëm Iran-Izrael përfshinte një bllokadë në Ngushticën e Hormuzit.

“Mbyllja e ngushticës do të ishte padyshim një problem i jashtëzakonshëm ekonomik duke pasur parasysh efektin që do të kishte në çmimin e naftës”, ka thënë ai.

Do të ishte “terren i paeksploruar”, sipas Bader Al-Saif, një profesor asistent në Universitetin e Kuvajtit i specializuar në gjeopolitikën e Gadishullit Arabik.

“Do të kishte pasoja të drejtpërdrejta në tregjet botërore, sepse do të shihnit një rritje të çmimit të naftës, dhe do të shihni tregjet e aksioneve që reagojnë shumë nervozisht ndaj asaj që po ndodh”, ka thënë Al-Saif për BBC Neëshour.

Kjo do të dëmtonte vendet e Gjirit, ekonomitë e të cilave mbështeten shumë në eksportet e energjisë.

Arabia Saudite, për shembull, përdor ngushticën për të eksportuar rreth 6 milionë fuçi naftë bruto në ditë, më shumë se çdo vend fqinj, sipas një studimi nga firma analitike Vortexa.

Irani, në krahasim, eksporton rreth 1.7 milionë fuçi në ditë, sipas Agjencisë Ndërkombëtare të Energjisë.

Edhe Azia do të goditej rëndë. Në vitin 2022, rreth 82% e naftës bruto dhe kondensateve (hidrokarbure të lëngshme me dendësi të ulët që zakonisht ndodhin me gazin natyror) që dalin nga Ngushtica e Hormuzit ishin të destinuara për vendet aziatike, sipas vlerësimeve të EIA-s.

Vetëm Kina vlerësohet të blejë rreth 90% të naftës që Irani eksporton në tregun global.

Çdo ndërprerje në këtë drejtim mund të rrisë kostot e karburantit dhe të prodhimit në një kohë kur

Kina duhet të mbështetet në prodhim dhe eksporte. Ky nuk është vetëm një problem i brendshëm: rritja e kostove të prodhimit përfundimisht mund t’u kalojë konsumatorëve, duke nxitur inflacionin në të gjithë botën.

Ndikimi mund të jetë gjithashtu i madh për ekonomitë e tjera kryesore aziatike, të cilat janë ndër importueset më të mëdha, pas Kinës. Pothuajse gjysma e naftës bruto të Indisë dhe 60% e importeve të saj të gazit natyror kalojnë nëpër Ngushticën e Hormuzit.

Koreja e Jugut thuhet se merr 60% të naftës së saj bruto përmes ngushticës, dhe Japonia gati tre të katërtat.

Si mund ta mbyllë Irani ngushticën?

Rregullat e Kombeve të Bashkuara u lejojnë vendeve të ushtrojnë kontroll deri në 12 milje detare nga vija e tyre bregdetare.

Kjo do të thotë se në pikën e saj më të ngushtë, Ngushtica e Hormuzit dhe korridoret e saj të transportit detar shtrihen tërësisht brenda ujërave territoriale të Iranit dhe Omanit.

Nëse Irani do të përpiqej të bllokonte rreth 3,000 anije që lundrojnë nëpër ngushticë çdo muaj, një nga mënyrat më efektive për ta bërë këtë, sipas ekspertëve, do të ishte vendosja e minave duke përdorur anije sulmi të shpejta dhe nëndetëse.

Marina e rregullt e Iranit dhe marina e Korpusit të Gardës Revolucionare Islamike (IRGC) mund të nisin sulme ndaj anijeve luftarake dhe anijeve tregtare të huaja.

Megjithatë, anijet e mëdha ushtarake nga ana tjetër mund të bëhen objektiva të lehta për sulmet ajrore të SHBA-së.

Anijet e shpejta të Iranit shpesh janë të armatosura me raketa kundër anijeve, dhe vendi gjithashtu operon një gamë anijesh sipërfaqësore, anijesh gjysmë-nëndetëse dhe nëndetëse.

Ekspertët thonë se Irani mund ta bllokojë ngushticën përkohësisht, por shumë janë po aq të bindur se SHBA-ja dhe aleatët e saj mund të rivendosin shpejt rrjedhën e trafikut detar përmes mjeteve ushtarake.

SHBA-ja e ka bërë këtë edhe më parë.

Në fund të viteve 1980, gjatë luftës tetëvjeçare Iran-Irak, sulmet ndaj objekteve të naftës u përshkallëzuan në një “luftë me cisterna” duke i bërë të dy vendet të sulmonin anije neutrale për të ushtruar presion ekonomik.

Cisternat kuvajtiane që transportonin naftë irakiane ishin veçanërisht të prekshme dhe përfundimisht, anijet luftarake amerikane filluan t’i shoqëronin ato përmes Gjirit në atë që u bë operacioni më i madh i konvojeve detare që nga Lufta e Dytë Botërore.

A do ta bllokojë Irani ngushticën?

Ndërsa Irani ka kërcënuar vazhdimisht të mbyllë Ngushticën e Hormuzit në konfliktet e kaluara, ai kurrë nuk e ka zbatuar atë.

Thirrja më e afërt ishte gjatë luftës së tankerëve në fund të viteve 1980, por edhe atëherë, transporti detar përmes Ngushticës së Hormuzit nuk u ndërpre kurrë seriozisht.

Nëse Irani e përmbush kërcënimin e tij, këtë herë mund të jetë ndryshe.

Sekretari i Shtetit i SHBA-së, Marco Rubio, ka pohuar se mbyllja e Ngushticës së Hormuzit nga Irani do të përbënte “vetëvrasje ekonomike” dhe i bëri thirrje Kinës, një aleate e Teheranit, të ndërhyjë.

“Unë e inkurajoj qeverinë kineze në Pekin t’i telefonojë ata për këtë, sepse ata varen shumë nga Ngushtica e Hormuzit për naftën e tyre”, ka thënë Rubio në një intervistë me Fox Neës të dielën.

“Ne kemi mundësi për t’u marrë me këtë, por edhe vendet e tjera duhet ta shqyrtojnë këtë. Do të dëmtonte ekonomitë e vendeve të tjera shumë më keq se tonat”, ka shtuar ai.

Edhe pse Kina ende nuk ka reaguar, Pekini ka shumë pak gjasa të mirëpresë ndonjë rritje të çmimeve të naftës ose ndërprerje të rrugëve të transportit detar.

Analistja e energjisë Vandana Hari ka thënë se Irani ka “pak për të fituar dhe shumë për të humbur” nga mbyllja e Ngushticës.

“Irani rrezikon t’i shndërrojë fqinjët e tij prodhues të naftës dhe gazit në Gjirin Persik në armiq dhe të shkaktojë zemërimin e tregut të tij kryesor, Kinës, duke ndërprerë trafikun në Ngushticë”, ka thënë Hari për BBC News.

A mund të kompensojnë rrugët alternative një bllokadë?

Kërcënimi i vazhdueshëm i mbylljes së Ngushticës së Hormuzit, me kalimin e viteve, i ka nxitur vendet eksportuese të naftës në rajonin e Gjirit Persik të zhvillojnë rrugë alternative eksporti.

Sipas një raporti të EIA-s, Arabia Saudite ka aktivizuar tubacionin e saj Lindje-Perëndim, një linjë 1,200 km e gjatë, e aftë të transportojë deri në 5 milionë fuçi naftë bruto në ditë.

Në vitin 2019, Arabia Saudite e ripërdori përkohësisht një tubacion gazi natyror për të transportuar naftë bruto.

Emiratet e Bashkuara Arabe kanë lidhur fushat e tyre të naftës në brendësi të vendit me portin e Fujairah në Gjirin e Omanit nëpërmjet një tubacioni me një kapacitet ditor prej 1.5 milion fuçish.

Në korrik 2021, Irani përuroi tubacionin Goreh-Jask, i cili synon të transportojë naftë bruto në Gjirin e Omanit. Ky tubacion aktualisht mund të transportojë rreth 350,000 fuçi në ditë, megjithëse raportet sugjerojnë se Irani nuk e bën ende.

EIA vlerëson se këto rrugë alternative mund të trajtojnë së bashku rreth 3.5 milionë fuçi naftë në ditë – afërsisht 15% të naftës bruto që transportohet aktualisht përmes ngushticës.

Zëdhënësi i Ministrisë së Jashtme të Iranit, Esmail Baghaei, deklaroi të dielën për CNN se Irani po përballet me një “tradhti të diplomacisë” nga administrata e presidentit amerikan Donald Trump.

“Ata nuk mund të flasin për diplomaci, e kanë tradhtuar atë,” tha Baghaei, duke theksuar megjithatë se “diplomacia nuk përfundon kurrë”.

Ai paralajmëroi se ndonëse nuk dihet se çfarë do të ndodhë më tej, “është e sigurt që përgjegjësia për pasojat e këtij konflikti bie mbi Shtetet e Bashkuara dhe Izraelin”.

Baghaei nuk pranoi të japë detaje mbi mënyrën se si Irani mund të përgjigjet ndaj sulmeve ajrore të SHBA-së ndaj objekteve bërthamore iraniane, të ndërmarra të dielën herët në mëngjes. Po ashtu, ai nuk specifikoi se çfarë dëmesh janë shkaktuar, por theksoi se “Irani ka të drejtën të ushtrojë vetëmbrojtjen”.

“Dhe këtë do ta bëjmë pa asnjë dyshim,” shtoi ai.

Zëdhënësi iranian i cilësoi deklaratat e fundit të presidentit Trump dhe kërcënimet për sulme të tjera si “shantazh në shkallë globale”.

Ai paralajmëroi se veprimet ushtarake të Izraelit dhe SHBA-së e kanë futur rajonin në një “situatë të pashembullt rreziku”.

Baghaei tha gjithashtu se Irani ka treguar “përmbajtje absolute” ndaj provokimeve izraelite, duke synuar vetëm objektiva ushtarake dhe të sigurisë. Ndërkohë, Izraeli ka akuzuar Iranin për sulme ndaj objektivave civile.

Ai reagoi ashpër ndaj deklaratave të zyrtarëve izraelitë, përfshirë ministrin e Mbrojtjes, Israel Katz, i cili kishte deklaruar se “udhëheqësi suprem i Iranit, Ali Khamenei, nuk mund të vazhdojë të ekzistojë”.

“Një kërcënim i tillë ndaj një udhëheqësi sovran është një deklaratë e neveritshme dhe e papranueshme,” tha Baghaei. “Të kërcënosh liderin e një shteti me akt terrori vetëm sa tregon natyrën e vërtetë të regjimit izraelit.”

Baghaei, i cili ka shërbyer në misionin diplomatik iranian në OKB në Nju Jork gjatë viteve 2006–2010, theksoi se Irani “ka bërë gjithçka që ka qenë e mundur për diplomaci dhe paqe”.

“Historia nuk do ta falë atë që po bën administrata amerikane,” përfundoi ai./abcnews.al

Kryetari i Shtabit të Përbashkët të Ushtrisë Amerikane tha se një vlerësim i shkatërrimit të pësuar në objektet bërthamore të Iranit do të duhet kohë për t’u konfirmuar.

“Mendoj se PDA vlerësimi paraprak i dëmeve është ende në pritje dhe do të ishte shumë herët për mua të komentoj se çfarë ose çfarë nuk mund të jetë ende atje”, u tha gjenerali Dan Caine gazetarëve në Pentagon.

Ai nuk pranoi të komentojë mbi masat specifike të ndërmarra për të mbrojtur trupat amerikane të vendosura në Lindjen e Mesme nga hakmarrja e mundshme iraniane.

“Forca jonë e përbashkët mbetet e gatshme për të mbrojtur Shtetet e Bashkuara – trupat tona dhe interesat tona në rajon”, tha Caine.

LEXONI GJITHASHTU:

• “Vendim i papërgjegjshëm”, Rusia e Spanja reagojnë pas sulmeve të SHBA ndaj Iranit
• Turqia paralajmëron se sulmi i SHBA-së ndaj Iranit rrezikon përshkallëzim global

The post Gjenerali amerikan: Raporti i dëmeve në uzinat bërthamore të Iranit, ende i paqartë appeared first on Euronews Albania.

Sekretari i mbrojtjes Pete Hegseth dhe kryetari i shefave të përbashkët të shtabit, Dan Caine (zyrtari më i lartë ushtarak amerikan) kanë mbajtur një konferencë pas sulmeve të mbrëmshme ndaj objekteve bërthamore iraniane.

Sekretari i Mbrojtjes, e hapi konferencën për shtyp duke thënë se forcat amerikane “kryen një sulm preciz në mes të natës kundër tre objekteve bërthamore në Iran”.

Qëllimi sipas tij ishte të shkatërrohej ose të degradohej rëndë programi bërthamor i Iranit.

“Ishte një sukses i jashtëzakonshëm dhe dërrmues”, deklaron ai. “Ne e shkatërruam programin bërthamor iranian.”

Hegseth vazhdon duke thënë se Presidenti Trump ka deklaruar për më shumë se një dekadë se “Irani nuk duhet të ketë një armë bërthamore” dhe falë vendimit të mbrëmshëm, “ambiciet bërthamore të Iranit janë zhdukur”.

“Kur ky president flet, bota duhet ta dëgjojë. Dhe ushtria amerikane ne mund ta mbështesim atë. Ushtria më e fuqishme që bota ka njohur ndonjëherë asnjë vend tjetër në planetin Tokë nuk do të kishte mundur të kryente operacionin që kryetari do të përshkruajë këtë mëngjes.”

Megjithatë, Presidenti Trump “kërkon paqe”, vazhdon Hegseth, duke shtuar se Irani “duhet të zgjedhë atë rrugë”.

Sekretari i mbrojtjes përsëriti gjithashtu se Irani nuk duhet të hakmerret, siç theksoi presidenti mbrëmë.

“Çdo amerikan i përfshirë në këtë operacion performoi pa asnjë problem dhe dua t’u jap mirënjohje edhe aleatëve tanë në Izrael”, shton ai.

“Shtetet e Bashkuara nuk kërkojnë luftë, por më lejoni të jem i qartë – ne do të veprojmë shpejt dhe me vendosmëri kur njerëzit tanë, partnerët tanë ose interesat tona kërcënohen.”

LEXONI GJITHASHTU:

• Irani kryen sulme të reja në Izrael
• Sekretari i përgjithshëm i OKB: SHBA kanë ndërmarrë një përshkallëzim të rrezikshëm

The post Sekretari i Mbrojtjes në SHBA: Shkatërruam me sukses programin bërthamor iranian appeared first on Euronews Albania.

BRUKSEL, 22 qershor /ATSH-DPA/- Presidentja e Komisionit Evropian, Ursula von der Leyen ka kërkuar një zgjidhje diplomatike pas sulmeve të SHBA-së ndaj objekteve bërthamore iraniane.

“Tani është momenti që Irani të angazhohet në një zgjidhje diplomatike të besueshme”, tha sot Von der Leyen në X.

“Tavolina e negociatave është vendi i vetëm për t’i dhënë fund kësaj krize”, shtoi ajo.

Von der Leyen tha se tensionet në Lindjen e Mesme kishin arritur një kulm të ri dhe tani stabiliteti duhej të kishtepërparësi.

“Respekti për të drejtën ndërkombëtare është me rëndësi thelbësore. Irani nuk duhet të fitojë kurrë bombën atomike”, shkroi ajo.

Shefja e politikës së jashtme të BE-së, Kaja Kallas, bëri thirrje gjithashtu për ndërmarrjen e hapave për të kontrolluar situatën rreth programit bërthamor të Iranit pas sulmeve ajrore të SHBA-së.

“U bëj thirrje të gjitha palëve të tërhiqen, të kthehen në tryezën e negociatave dhe të parandalojnë përshkallëzimin e mëtejshëm”, shkroi sot Kallas në X.

“Iranit nuk duhet t’i lejohet të ndërtojë armë bërthamore, pasi kjo do të përbënte një kërcënim për sigurinë ndërkombëtare”, shtoi Kallas.

“Ministrat e Jashtëm të BE-së do të diskutojnë situatën në një takim të hënën”, tha ajo.

Presidenti i Këshillit Evropian, Antonio Costa, u shpreh i alarmuar në lidhje me ngjarjet në Lindjen e Mesme.

“U bëj thirrje të gjitha palëve të tregojnë vetëpërmbajtje dhe respekt për të drejtën ndërkombëtare dhe sigurinë bërthamore”, shkroi Costa në X.

“Diplomacia është ende e vetmja mënyrë për të sjellë paqe dhe siguri në rajon, ndërsa një përshkallëzim i mëtejshëm do të rezultonte sërish në shumë viktima civile”, shtoi ai.

BE-ja do të vazhdojë të angazhohet me palët dhe partnerët e saj për të gjetur një zgjidhje paqësore në tryezën e negociatave”, tha Costa. //a.i/

The post BRUKSEL – BE kërkon zgjidhje diplomatike në konfliktin Iran-Izrael pas sulmeve amerikane appeared first on Agjencia Telegrafike Shqiptare.

Irani po bën thirrje për një hetim mbi sulmet ajrore amerikane ndaj objekteve të tij bërthamore.

Kështu thuhet në një letër nga shefi i energjisë bërthamore të vendit, Mohammad Eslami, drejtuar kreut të Agjencisë Ndërkombëtare të Energjisë Atomike (IAEA), Rafael Grossi, raportoi rrjeti i lajmeve SNN i Iranit.

Eslami i kërkoi Grossit të dënonte veprimin e SHBA-së dhe të merrte masat e duhura. Ai e kritikoi Grossin për “mosveprimin dhe bashkëpunimin” e tij , duke shtuar se Irani do të ndjekë “masa të duhura ligjore”.

“Kjo letër shpreh protestën e saj kundër shkeljes së rëndë të ligjeve dhe rregulloreve ndërkombëtare, veçanërisht Traktatit për Mospërhapjen e Armëve Bërthamore [NPT]”, thuhej në të.

Më parë, Grossi tha se po thërret një takim urgjent të bordit të guvernatorëve prej 35 vendesh të IAEA-s pas sulmeve ajrore të SHBA-së.

LEXONI GJITHASHTU:

• Mbikëqyrësi bërthamor i OKB-së thërret takim urgjent
• “Në fillim forca, më pas paqja”, Netanyahu reagon pas sulmeve të SHBA-së në Iran

The post Irani kërkon që IAEA të hetojë sulmet amerikane në centralet bërthamore appeared first on Euronews Albania.

Agjencia Ndërkombëtare e Energjisë Atomike (IAEA) do të mbajë një takim urgjent nesër “në dritën e situatës urgjente në Iran”, sipas kreut të mbikëqyrësit bërthamor të OKB-së.

Ndërkohë, shefi i energjisë bërthamore të Iranit, Mohammad Eslam, i ka shkruar IAEA-s, duke thënë se Teherani dëshiron një hetim mbi sulmet amerikane dhe po i kërkon këtij organi mbikëqyrës të dënojë veprimin e SHBA-së, raportojnë mediat iraniane.

Më parë, IAEA konfirmoi se nuk ka pasur “rritje” të niveleve të rrezatimit pasi SHBA-të goditën tre centrale bërthamore në Iran.

LEXONI GJITHASHTU:

• SHBA-të ‘shkatërrojnë’ centralet bërthamore të Iranit, Teherani: Tani fillon lufta
• “Në fillim forca, më pas paqja”, Netanyahu reagon pas sulmeve të SHBA-së në Iran

The post Mbikëqyrësi bërthamor i OKB-së thërret takim urgjent appeared first on Euronews Albania.

Iraku ka paralajmëruar se sulmet e SHBA-së ndaj objekteve bërthamore të Iranit kërcënojnë stabilitetin e Lindjes së Mesme.

“Ky përshkallëzim ushtarak përbën një kërcënim të rëndë për paqen dhe sigurinë në Lindjen e Mesme dhe paraqet rreziqe serioze për stabilitetin rajonal”, tha në një deklaratë zëdhënësi i qeverisë irakiane, Basim Alawadi.

Alawadi paralajmëroi se sulmet e vazhdueshme do të rrezikonin “përshkallëzim të rrezikshëm me pasoja që shtrihen përtej kufijve të çdo shteti të vetëm, duke kërcënuar sigurinë e të gjithë rajonit dhe botës”.

Iraku bëri thirrje për qetësim të menjëhershëm të situatës dhe tha se bashkësisë ndërkombëtare duhet t’i kujtohet “se luftërat lënë pas vetëm shkatërrim”, thuhet në deklaratë.

LEXONI GJITHASHTU:

• SHBA-të ‘shkatërrojnë’ centralet bërthamore të Iranit, Teherani: Tani fillon lufta
• “Në fillim forca, më pas paqja”, Netanyahu reagon pas sulmeve të SHBA-së në Iran

The post “Kërcënim i rëndë për paqen rajonale”, Iraku reagon pas sulmeve të SHBA ndaj Iranit appeared first on Euronews Albania.

Shtetet e Bashkuara të Amerikës kanë ndërmarrë një ofensivë të drejtpërdrejtë ushtarake ndaj Iranit, duke goditur tri nga objektet më të rëndësishme bërthamore: Fordow, Natanz dhe Isfahan. Presidenti Donald Trump e ka përshkruar sulmin si “të suksesshëm”, ndërsa tensionet në Lindjen e Mesme kanë arritur një pikë kritike.

Objektivat dhe mënyra e sulmit

Sipas burimeve ndërkombëtare, operacioni ka nisur në orët e para të mëngjesit të 22 qershorit, me bombardues të avancuar amerikanë B‑2 Spirit, të cilët kanë hedhur bomba të tipit GBU‑57 bunker-buster, të dizajnuara për të depërtuar strukturat nëntokësore.

Njëkohësisht, raketa Tomahawk janë lëshuar nga nëndetëse amerikane në Gjirin Persik, duke goditur objektivin në Natanz, që konsiderohet një nga bazat më të sofistikuara për pasurimin e uraniumit.

Cilat ishin objektet e goditura?

Fordow: Objekt i vendosur thellë nën tokë, i ndërtuar për të qëndruar ndaj sulmeve ajrore.

Natanz: Qendër kyçe për pasurimin e uraniumit dhe më herët cak i sulmeve izraelite.

Isfahan: Objekt me rëndësi strategjike për prodhimin e karburantit bërthamor dhe aktivitete të tjera teknologjike.

Reagimi i SHBA dhe Trump

Presidenti Trump, në një postim në rrjetin Truth Social, deklaroi:

“Goditjet ishin shumë të suksesshme. Avionët tanë u kthyen pa asnjë problem. Është koha për paqe, jo për bomba.”

Megjithatë, kjo lëvizje ka shkaktuar kritika të forta edhe brenda SHBA-së. Ligjvënës nga të dyja partitë kanë shprehur shqetësim për mungesën e konsultimit me Kongresin dhe rrezikun për një përshkallëzim të papërllogaritshëm.

“We have completed our very successful attack on the three Nuclear sites in Iran, including Fordow, Natanz, and Esfahan. All planes are now outside of Iran air space. A full payload of BOMBS was dropped on the primary site, Fordow. All planes are safely on their way home.… pic.twitter.com/AqCLmaLYJb

— The White House (@WhiteHouse) June 21, 2025

Reagimi i Iranit: “Do të hakmerremi”

Teherani ka reaguar menjëherë duke e quajtur sulmin “një akt lufte” dhe ka paralajmëruar hakmarrje të menjëhershme. Zyrtarët ushtarakë iranianë janë mbledhur në një takim urgjent të Këshillit të Sigurisë Kombëtare, ndërsa ajri i rajonit është përfshirë nga tensione të larta.

Ndërkohë, qeveritë e disa vendeve, përfshirë Australinë dhe Kanadanë, kanë filluar evakuimin e shtetasve të tyre nga Irani dhe vendet përreth.

Rreziku për përshkallëzim rajonal

Sulmet amerikane vijnë në një kohë kur edhe Izraeli është përfshirë në operacione ushtarake kundër Iranit. Ky koordinim i heshtur SHBA–Izrael shihet si një sinjal i qartë për ndalimin e ambicieve bërthamore iraniane, por edhe si rrezik për një luftë më të gjerë rajonale.

Organizata të Kombeve të Bashkuara dhe vendet e BE-së kanë kërkuar ndërprerje të menjëhershme të veprimeve ushtarake dhe rifillim të dialogut diplomatik.

Çfarë pritet tani?

Irani mund të reagojë përmes sulmeve raketore ndaj bazave amerikane në rajon ose përmes grupeve të afërta si Hezbollah. SHBA rrezikon të futet në një konflikt të gjatë në një kohë kur tensionet me Kinën dhe Rusinë janë tashmë të larta. Tregjet ndërkombëtare kanë reaguar menjëherë: çmimi i naftës është rritur ndjeshëm, ndërsa bursat kanë shënuar rënie.

Telegrafi do të vazhdojë të përcjellë zhvillimet në kohë reale dhe do t’ju mbajë të informuar për çdo lëvizje të re diplomatike apo ushtarake që mund të ndodhë në orët dhe ditët në vijim.

The post SHBA godet objektet bërthamore të Iranit – konflikti kalon në një fazë të re appeared first on Telegrafi.

TEL AVIV, 20 qershor /ATSH-DPA/- Ministri izraelit i Mbrojtjes, Israel Katz ka udhëzuar ushtrinë të rrisë sulmet e saj në Iran dhe të shënjestrojë gjithnjë e më shumë objektiva të lidhura me qeverinë në Teheran.

“Në këtë mënyrë, regjimi do të destabilizohet”, tha sot Katz.

“Simbolet shtetërore do të sulmohen dhe do të bëhet një evakuim gjithëpërfshirës i popullsisë së Teheranit”, shtoi ai.

Katz njoftoi gjithashtu qëllimin e tij për të vazhduar sulmet ndaj objekteve dhe shkencëtarëve të lidhur me programin bërthamor iranian.

Qëllimi i luftës së shpallur nga Izraeli – është të parandalojë Iranin nga ndërtimi i armëve dhe raketave bërthamore.

Megjithatë, ministri ka lënë të kuptohet vazhdimisht se Izraeli mund të ndjekë qëllime të tjera.

Katz paralajmëroi dje udhëheqësin suprem iranian, Ayatollah Ali Khamenei se “nuk mund të vazhdonte të ekzistonte” pas sulmit me raketa në spitalin izraelit, në Beersheba.

Disa ditë më parë, një sulm ajror izraelit shënjestroi transmetuesin shtetëror iranian IRIB gjatë një programi të drejtpërdrejtë.

Sipas transmetuesit, u raportuan vdekje dhe të plagosur. Ushtria izraelite tha se sulmi kishte shënjestruar një “qendër komunikimi të regjimit iranian”.

Një video e transmetimit gjatë sulmit u shpërnda gjerësisht në media sociale. //a.i/

The post IZRAEL – Katz njofton sulme të mëtejshme ndaj objektivave shtetërore në Iran appeared first on Agjencia Telegrafike Shqiptare.

Presidenti i Turqisë, Rexhep Tajip Erdogan, ka paralajmëruar se përshkallëzimi i konfliktit mes Izraelit dhe Iranit mund të sjellë pasoja të rënda për sigurinë rajonale, përfshirë edhe një valë të mundshme emigrimi drejt Evropës.

Gjatë një bisede telefonike me kancelarin gjerman Friedrich Merz, Erdogan shprehu shqetësimin e tij mbi ndikimin e sulmeve ajrore izraelite ndaj Iranit dhe pasojat që ato mund të kenë për rajonin dhe kontinentin evropian.

“Presidenti ynë deklaroi se ndikimi i këtij përshkallëzimi të dhunës të shkaktuar nga sulmet izraelite mund të dëmtojë rajonin dhe Evropën në aspektin e migrimit”, thuhet në një njoftim zyrtar nga Presidenca turke.

Turqia, e cila ndan një kufi prej 500 kilometrash me Iranin, deri më tani nuk ka shënuar rritje të ndjeshme të mbërritjeve nga territori iranian, pavarësisht tensioneve në rritje.

Erdogan theksoi gjithashtu nevojën për rikthimin në tryezën e negociatave, duke e cilësuar konfliktin si një “kërcënim të madh për sigurinë rajonale”.

Çështja e emigracionit ka qenë shpesh një pikë tensioni mes Bashkimit Evropian dhe Ankarasë, veçanërisht pas krizës së refugjatëve sirianë. Marrëveshja e vitit 2016 mes BE-së dhe Turqisë parashikonte që Ankaraja do të mbante në territorin e saj një numër të madh refugjatësh në këmbim të mbështetjes financiare dhe lehtësimeve të tjera.

Zhvillimet e fundit në Lindjen e Mesme dhe përshkallëzimi i dhunës pritet të rikthejnë çështjen e emigracionit në qendër të debatit midis Ankarasë dhe liderëve evropianë.

The post Lufta Izrael-Iran, Erdogan bisedë telefonike me Merz, zbulohen detaje appeared first on Sot News | Lajme.

PARIS, 20 qershor /ATSH-DPA/- Presidenti francez, Emmanuel Macron ka paralajmëruar se programi bërthamor i Iranit përbën një rrezik në rritje dhe ka bërë thirrje për përpjekje të menjëhershme diplomatike për të rifituar kontrollin ndaj tij.

“Programi bërthamor i Iranit është një kërcënim dhe nuk mund të ketë vetëkënaqësi për këtë çështje”, tha sot Macron në Paris.

Por, ai nuk ofroi mbështetje për sulmet ajrore të vazhdueshme të Izraelit ndaj Iranit.

“Askush nuk mund të pretendojë seriozisht se operacionet aktuale ushtarake janë një përgjigje ndaj këtij kërcënimi”, tha Macron.

Ai vuri në dukje se objektet bërthamore të Iranit ishin të mbrojtura dhe se vendndodhja e saktë e rezervave të vendit me uranium të pasuruar 60% aktualisht, ishte e panjohur.

“Ky është një program që duhet të vihet sërish nën kontroll përmes mbikëqyrjes teknike dhe negociatave”, theksoi ai.

“Rifillimi i bisedimeve thelbësore duhet të jetë një përparësi absolute”, tha Macron.

“Franca, Britania e Madhe dhe Gjermania po i përafrojnë qëndrimet e tyre kur bëhet fjalë për Iranin”, shtoi ai.

Ministrat e Jashtëm të tre vendeve do të takohen sot me ministrin e Jashtëm iranian, Abbas Araghchi rreth orës 15:00 në Gjenevë.

Macron tha se fuqitë evropiane do të paraqisnin një propozim për një zgjidhje diplomatike që përfshinte disa pika.

Propozimi përfshin Agjencinë Ndërkombëtare të Energjisë Atomike (IAEA) – e cila duhet të rifillojë punën në Iran dhe të ketë qasje në të gjitha objektet, përfshirë kufizimin e aktiviteteve balistike të Iranit dhe financimin e përfaqësuesve të saj rajonalë. //a.i/

The post PARIS – Macron kërkon rifillimin e bisedimeve bërthamore me Iranin appeared first on Agjencia Telegrafike Shqiptare.

Konflikti ajror mes Izraelit dhe Iranit ka hyrë në javën e dytë më 20 qershor, teksa zyrtarët europianë po tentojnë ta kthejnë Teheranin në tavolinën e negociatave, pasi presidenti amerikan, Donald Trump, tha se një vendim potencial për përfshirjen amerikane do të merret brenda dy javësh.

Izraeli nisi fushatën ushtarake ndaj Iranit më 13 qershor, duke thënë se synon të parandalojë armikun e përbetuar nga krijimi i armëve bërthamore. Irani u kundërpërgjigj me sulme me raketa dhe dronë ndaj Izraelit. Teherani thotë se programi i tij bërthamor është për qëllime civile.

Sulmet izraelite kanë vrarë të paktën 224 persona në Iran, ndërkaq Izraeli ka raportuar për 24 viktima nga sulmet iraniane.

Izraeli ka shënjestruar aftësitë bërthamore dhe raketore të Iranit, me synimin për të shkatërruar qeverinë dhe udhëheqësin suprem iranian, ajatollah Ali Khamenei, sipas zyrtarëve perëndimorë dhe rajonalë.

“A po godasim për të rrëzuar regjimin? Ndoshta ky do të jetë rezultati, por është në dorën e popullit iranian që të ngrihet për lirinë e vet”, tha kryeministri izraelit, Benjamin Netanyahu, të enjten.

Irani ka thënë se ka shënjestruar objekte ushtarake dhe të lidhura me mbrojtjen në Izrael, megjithëse po ashtu ka goditur një spital dhe disa caqe të tjera civile.

Me asnjërën palë që nuk po tërhiqet, ministrat e Jashtëm të Britanisë, Francës dhe Gjermanisë, së bashku me shefen për politikë të jashtme të Bashkimit Evropian, pritet të takohen të premten në Gjenevë me ministrin e Jashtëm iranian, në përpjekje për të ulur tensionet.

“Tani është koha t’i japim fund skenave të rënda në Lindjen e Mesme dhe të parandalojmë një përshkallëzim rajonal që nuk do t’i sillte dobi askujt”, tha sekretari i Jashtëm britanik, David Lammy, para takimit të përbashkët me ministrin e Jashtëm iranian, Abbas Araqchi.

Sekretari amerikan i Shtetit, Marco Rubio, gjithashtu u takua me Lammyn të enjten dhe zhvilloi biseda të ndara telefonike me homologët e tij nga Australia, Franca dhe Italia për të diskutuar rreth konfliktit.

Departamenti amerikan i Shtetit tha se Rubio dhe ministrat e Jashtëm u pajtuan që “Irani nuk mund të zhvillojë asnjëherë apo të posedojë armë bërthamore”.

Lammy tha të njëjtën gjë përmes një postimi në X, duke shtuar se situata në Lindjen e Mesme “mbetet e rrezikshme” dhe se tani “ekziston mundësia që brenda dy javësh të arrihet një zgjidhje diplomatike”.

Shtëpia e Bardhë tha se Trump do të marrë pjesë në takimin e sigurisë kombëtare mëngjesin e së premtes. Presidenti amerikan e ka kërcënuar Teheranin, por gjithashtu ka bërë thirrje për rinisjen e bisedimeve bërthamore mes Uashingtonit dhe Teheranit, që u pezulluan për shkak të konfliktit.

Sulmet e reja

Në agimin e së premtes, ushtria izraelite lëshoi një paralajmërim të ri për një breshëri raketash të lëshuara nga Irani. Të paktën njëra prej tyre goditi drejtpërdrejt në Ber Sheva, qytetin më të madh në jug të Izraelit, që ka qenë shënjestër e sulmeve ditët e fundit. Raketa goditi pranë ndërtesave të banimit, zyrave dhe objekteve industriale, duke shkaktuar dëme materiale.

“Kishte një goditje të drejtpërdrejtë pranë njërës prej banesave. Dëmet këtu janë mjaft të mëdha”, tha mjeku Shafir Botner.

Transmetuesi publik izraelit, Kan, publikoi pamje të makinave të përfshira nga zjarri, shtëllunga tymi dhe dritare të thyera nëpër strehimore. Të paktën gjashtë persona u plagosën lehtë nga sulmet, tha Botner, i cili ishte në grupin e parë të mjekëve të emergjencës që dolën në vendngjarje.

Ushtria izraelite tha se ka kryer disa sulme ajrore gjatë natës në zemër të kryeqytetit iranian, Teheran. Ushtria tha se sulmet shënjestruan objekte për prodhimin e raketave dhe objekte për kërkimin dhe zhvillimin e armëve bërthamore.

The post Konflikti Izrael-Iran hyn në javën e dytë, Europa synon një zgjidhje diplomatike appeared first on Lapsi.al.

Ministri për Europën dhe Punët e Jashtme, Igli Hasani, në një dalje televizive, deklaroi se Shqipëria mbetet e qëndrueshme në pozicionin e saj lidhur me konfliktin mes Izraelit dhe Iranit, duke theksuar se vendi do të vijojë të jetë një partner i besueshëm i Bashkimit Europian.

Hasani theksoi se Shqipëria mbështet vijimësinë e politikave të vendeve perëndimore për të qëndruar larg regjimeve autoritare, si ai i Ajatollahëve në Iran. Ai bëri thirrje që debati publik të shmangë gjuhën ekstremiste dhe të mbetet në linjë me qëndrimet e përgjegjshme ndërkombëtare.

“Shqipëria i qëndron qëndrimeve që ka mbajtur. Është partner i besueshëm i BE-së, dhe do të vijojë të mbështesë qëndrimet e vendeve perëndimore për të patur të ardhmen që pretendojmë, larg regjimeve të Ajatollahjëve dhe regjimeve diktatoriale, dhe t’i largohemi sa më shumë ekstremizmave,” deklaroi ministri Hasani.

The post Tensionet në Lindjen e Mesme, Hasani: Shqipëria mbështet qëndrimet e Perëndimit kundër regjimeve si ai i Iranit appeared first on Sot News | Lajme.