Ushtria izraelite  filloi një ofensivë të planifikuar që ka tërhequr dënim ndërkombëtar, duke e shpallur qytetin më të madh të Gazës një zonë luftimi.

Ndërsa ushtria njoftoi rifillimin e luftimeve, zyrtarët e shëndetësisë thanë se numri i të vdekurve në Gaza është rritur në 63,025, me 59 vdekje të raportuara nga spitalet gjatë 24 orëve të fundit.

Grupet e ndihmës dhe një kishë që strehon njerëz thanë se do të qëndronin në Qytetin e Gazës, duke refuzuar të braktisnin të uriturit dhe të zhvendosurit.

Ndryshimi vjen disa javë pasi Izraeli njoftoi për herë të parë planet për të zgjeruar ofensivën e tij në qytet, ku qindra mijëra njerëz po strehohen dhe po vuajnë nga uria, shkruan euronews.

Autoritetet izraelite pretendojnë se qyteti i Gazës është një fortesë e Hamasit me një rrjet tunelesh që mbetet në përdorim pavarësisht disa bastisjeve të mëparshme në shkallë të gjerë në zonë gjatë gati 23 muajve të luftës.

Sipas kryeministrit Benjamin Netanyahu, Izraeli duhet të shkatërrojë aftësitë e Hamasit në qytet për të parandaluar përsëritjen e incidentit që filloi konfliktin më 7 tetor 2023.

Edhe pse organizatat e ndihmës dhe agjencitë e OKB-së e denoncuan ofensivën, banorët e Gazës u ankuan se dënimi kishte bërë pak për të dekurajuar vendosmërinë e Izraelit.

“Masakrat nuk u ndalën kurrë, madje as gjatë pauzave humanitare”, tha banori Mohamed Aboul Hadi.

“Na hedhin në rrugë, çfarë do të thoja? Si qen? Ne nuk jemi qen”, tha Mohammed Maarouf.

Ndryshe, më shumë se 63,000 palestinezë janë vrarë që nga fillimi i luftës, njoftoi Ministria e Shëndetësisë e Gazës.

Numri i ministrisë – 63,025 – nuk bën dallim midis luftëtarëve dhe civilëve.

Ajo tha gjithashtu se pesë persona kishin vdekur nga shkaqe të lidhura me kequshqyerjen gjatë 24 orëve të fundit, duke e çuar numrin në 322, përfshirë 121 fëmijë, që nga fillimi i luftës. /Telegrafi/

The post “Masakrat nuk po ndalen kurrë, po na hedhin në rrugë si qen” – Qyteti i Gazës shpallet zonë luftimi appeared first on Telegrafi.

Ka filluar zhvendosja masive e palestinezëve nga pjesa verilindore e qytetit të Gazës, ndërsa forcat izraelite përshkallëzuan sulmet nga veriu dhe jugu, duke bombarduar lagje të tëra.

Një burim palestinez i sigurisë tha për Anadolu se situata në lagjet lindore të qytetit po përkeqësohet “me një ritëm të shpejtë” për shkak të ofensivës së intensifikuar të Izraelit.

Burimi tha se ushtria izraelite ka shtuar shkatërrimet në pjesën jugore dhe atë verilindore të qytetit të Gazës, duke përdorur robotë të ngarkuar me eksplozivë së bashku me granatimet e artilerisë dhe sulmet ajrore.​​​​​​​​

Ai ndër tjera raportoi për  “zhvendosje masive” të banorëve nga lagjet verilindore të qytetit drejt pjesës perëndimore të Gazës ose më në jug të enklavës.

Ndryshe, së fundmi u vra kryeministri i rebelëve Houthi në një sulm izraelit në Jemen.

Al-Rahawi vdiq në apartamentin e tij në Sanaa gjatë sulmeve izraelite, me disa nga bashkëpunëtorët e tij që u vranë në të njëjtin sulm. /AA/

The post Zhvendosje masive në Gaza, Izraeli intensifikon sulmet appeared first on Telegrafi.

Pas qindra ditësh shërbimi ushtarak rraskapitës, numri i rezervistëve izraelitë që paraqiten për detyrë është ulur, ndërsa të tjerë refuzojnë të luftojnë në një luftë në të cilën më nuk besojnë, raportoi The New York Times.

Izraeli po përgatitet të thërrasë dhjetëra mijëra rezervistë për një pushtim të Gazës, por zyrtarët ushtarakë pranojnë se nuk është e qartë se sa prej tyre do t’i përgjigjen thirrjes pas pothuajse dy vitesh lufte.

Në muajt e fundit, një numër gjithnjë e më i madh rezervistësh izraelitë nuk janë paraqitur në detyrë. Disa përmendin lodhjen, nevojën për të shpëtuar martesat e tensionuara apo karrierat e rrezikuara, ndërsa të tjerë shprehin një zhgënjim në rritje ndaj luftës.

Pakënaqësia në rritje brenda radhëve të ushtrisë rrezikon të komplikojë planin e kryeministrit izraelit, Benjamin Netanyahu për të pushtuar Gazën, në përpjekje për të “shkatërruar vendosmërisht” Hamasin, ndërkohë që ushtria ka njoftuar se planifikon të thërrasë edhe 60 mijë rezervistë të tjerë dhe të zgjasë shërbimin për 20 mijë të tjerë.

Përveç luftës në Gaza, ushtria izraelite vazhdon të jetë e angazhuar edhe në disa fronte të tjera, me ushtarët që kryejnë sulme dhe patrullime në pjesë të jugut të Libanit dhe Sirisë, ndërsa njëkohësisht intensifikojnë inkursionet në qytete palestineze në gjithë Bregun Perëndimor.

Mungesa e të dhënave zyrtare për tërheqjen e rezervistëve nga ushtria izraelite e ka fshehur shkallën e vërtetë të këtij fenomeni. Vështirësitë në matjen e tij u ilustruan në muajin maj gjatë një dëshmie të një zyrtari të lartë ushtarak para një komisioni parlamentar, ku ai pranoi një rënie të caktuar në numër, por këmbënguli se shumica dërrmuese e rezervistëve ende po i përgjigjen thirrjes për detyrë.

Katër ushtarë që kanë folur muajt e fundit për The New York Times thanë se morali në njësitë e tyre mbetet i lartë dhe se vullneti për të luftuar vazhdon të jetë i pranishëm. Megjithatë, një duzinë oficerësh dhe ushtarësh të tjerë përshkruan njësi të rraskapitura dhe të dobësuara, dhe të paktën dy prej tyre pohuan se 40 deri në 50 për qind e kolegëve të tyre rezervistë nuk janë kthyer më në detyrë.

Një ushtar raportoi se pjesëmarrja në çetën e tij prej 100 vetash kishte rënë gradualisht në vetëm 60 për qind – një rënie që ai dhe të tjerët ia atribuuan tensioneve të brendshme në rritje për kujdesin ndaj fëmijëve, vështirësive në rritje në karrierat civile dhe shqetësimeve gjithnjë e më të mëdha për shëndetin mendor. Ai vuri re gjithashtu se ushtria izraelite ka nisur të ofrojë stimuj për rezervistët, ku njësitë e tyre dislokohen për shtatë ditë, e më pas marrin dy javë pushim me pagesë.

Një tjetër ushtar këmbësorie tregoi se vetëm gjysma e skuadrës së tij u paraqit në mobilizimin më të fundit në fund të vitit të kaluar. Një komandant tjetër i një toge rezerviste shtoi se, edhe pse ushtarët e tij ende paraqiten në detyrë, ai e di që ka oficerë të tjerë që po përballen me norma pjesëmarrjeje të rëna deri në 40 për qind. /Telegrafi/

The post NYT: Ushtria izraelite e rraskapitur, ushtarët dezertojnë masivisht appeared first on Telegrafi.

Kolsum Akbari akuzohet për helmimin dhe vrasjen e 11 bashkëshortëve gjatë një periudhe prej 22 vitesh, por ajo pretendon se numri mund të jetë edhe më i madh; thjesht nuk e mban mend saktësisht.

Për më shumë se dy dekada, gruaja 56-vjeçarja ka arritur të martohet sistematikisht me burra të moshuar, të cilët më pas i helmonte me ilaçe për diabet dhe alkool industrial, me qëllim që të trashëgonte pasuritë dhe pajën e tyre.

Askush nuk dyshonte sepse burrat dukeshin sikur vdisnin nga shkaqe natyrore, për shkak të moshës së thyer dhe problemeve shëndetësore. Ajo vepronte në qytete të ndryshme për të shmangur vëmendjen ndaj saj. Seria e vrasjeve të saj nisi në vitin 2000 dhe vazhdoi deri në vitin 2023, kur djali i viktimës së saj të fundit, 82-vjeçarit Gholamreza Babaei, u bë i dyshimtë dhe njoftoi policinë. Tani ajo akuzohet për vrasjen e 11 burrave, por vetë “vejusha e zezë” thotë se mund të jenë mes 13 dhe 15.

“Nuk e di sa vetë kam vrarë. Ndoshta ishin 13 ose 15 persona. Nuk e mbaj mend saktësisht”, tha Akbari gjatë marrjes në pyetje.

Kolsum Akbari u martua për herë të parë në moshën 18-vjeçare. Ishte një martesë e shkurtër me një burrë që vuante nga probleme të shëndetit mendor, por edhe martesa e saj e dytë nuk ishte më e mirë. Ajo u martua me një burrë shumë më të moshuar, që kishte fëmijë nga një martesë e mëparshme, dhe që e rrihte e e poshtëronte vazhdimisht. Pas vdekjes së burrit të saj të dytë filloi seria e vrasjeve. Ajo u thoshte njerëzve se ishte e gatshme të martohej me burra të moshuar e të vetmuar, dhe pas verifikimit të gjendjes së tyre financiare, pranonte të martohej në këmbim të pajave të larta.

Menjëherë pas martesës me viktimat, Kolsum fillonte t’i helmonte ata me një përzierje të rrezikshme ilaçesh për tensionin, diabetin, qetësuesish dhe alkoolit industrial. Kur kjo nuk rezultonte fatale, ajo përdorte jastëk për t’i mbytur, përpara se të kalonte te viktima tjetër.

Meqë vrasjet ndodhnin në qytete të ndryshme të provincës Mazandaran të Iranit, autoritetet nuk arritën ta lidhin atë me to për një kohë të gjatë. Mirahmad Omrani, 69-vjeçari vdiq një muaj pas martesës me Akbarin në vitin 2013, Esmail Bakhshi, 62 vjeç, vdiq dy muaj pas dasmës në vitin 2016 dhe 83-vjeçari Ganjali Hamzei ndërroi jetë 43 ditë pas martesës me vrasësen seriale. Interesante është se një nga burrat e saj, Masih Nemati, i mbijetoi tentativës për helmim në vitin 2020, por thjesht e dëboi nga shtëpia pa njoftuar policinë.

Seria e vrasjeve të Akbarit mori fund në vitin 2023, menjëherë pas vdekjes së bashkëshortit të saj të fundit, Gholamreza Babaei, 82 vjeç, kur djali i këtij të fundit dyshoi tek ajo.

Një mik i tha se babai i tij kishte qenë më parë i martuar me një grua me emrin Kolsum që kishte tentuar ta helmonte. Kur pa këtë vejushë, e njohu si të njëjtën person. Edhe pse fillimisht i mohoi vrasjet, 56-vjeçarja përfundimisht pranoi, por vazhdon të japë deklarata kontradiktore për numrin e viktimave.

Ajo tani akuzohet për 11 vrasje me paramendim dhe një tentativë vrasjeje, dhe nëse shpallet fajtore, rrezikon dënimin me vdekje. Çështja përfshin më shumë se 45 paditës, përfshirë trashëgimtarët e viktimave të saj, që kërkojnë drejtësi.

Prokurorët thonë se motivi i saj ishte pasuria e burrave të saj, shumica e të cilës është transferuar në emër të vajzës së Kolsumit. Gjykata pritet të japë vendimin pasi të dëgjohen të gjithë paditësit. /Telegrafi/

The post Iraniania nuk e mban mend sa burra i ka helmuar për vdekje appeared first on Telegrafi.

Kryetari i Bashkisë së Barcelonës, Jaume Collboni, njoftoi të martën se Gaza dhe qytete të tjera palestineze do të bëhen simbolikisht lagjja e 11-të e Barcelonës, me qëllim të forcimit të bashkëpunimit dhe solidaritetit. 

Collboni prezantoi planin gjatë një vizite në Jordani, duke thënë se kjo lagje e re do të jetë një njësi teknike dhe buxhetore brenda strukturës komunale të Barcelonës.

Ajo do të plotësojë 10 lagjet ekzistuese të qytetit dhe do të koordinojë të gjitha projektet e bashkëpunimit me qytetet palestineze dhe UNRWA-n, agjencinë e OKB-së për refugjatët palestinezë.

“Ky nuk është më një bashkëpunim i vetëm me vizita, por një strukturë e përhershme, e projektuar për të shfrytëzuar talentin e teknikëve komunalë”, tha ai, duke shtuar se një strukturë e ngjashme mund të krijohet “në territorin palestinez ose, nëse është e nevojshme, në Jordani.

Jaume Collboni és un batlle mesquí i miserable.

Palestina i Gaza seran el nou districte 11 de Barcelona amb 1 milió € de pressupost municipal. Mentrestant, retira els ajuts als avis de la capital. #DefensemBarcelona pic.twitter.com/ceBfUl7JM9

— Santiago Espot (@santiagoespot) August 26, 2025

Koncepti ndjek një precedent të vendosur në vitin 1995 kur Barcelona e caktoi simbolikisht Sarajevën si distriktin e saj të 11-të për të mbështetur rimëkëmbjen e saj pas gjenocidit të Srebrenicës.

Qëllimi i projektit është që të caktohen punonjës komunalë për të koordinuar projekte bashkëpunimi që ndjekin modelin e një lagjeje qyteti, raporton trt.

Këtë javë, Collboni u zotua gjithashtu të dyfishojë fondet e UNRWA-së për ushqim dhe ilaçe nga 200 mijë euro (231,824 dollarë) në 400 mijë euro (463,725 dollarë) dhe tha se do të “stabilizojë dhe rrisë” bashkëpunimin teknik me qytete si Gaza, Ramallah dhe Betlehemi përmes stafit bashkiak, strukturave të këshillit dhe burimeve të qytetit.

Gjatë fundjavës, Collboni tha se kishte planifikuar të udhëtonte për në Izrael dhe Palestinë, por autoritetet izraelite ia mohuan hyrjen.

“Ne do të fillonim një mision bashkëpunimi dhe paqeje, duke i kushtuar vëmendje kryetarëve të bashkive të Betlehemit dhe Ramallahut. Objektivi ishte të njihnim nga afër realitetin e qyteteve palestineze dhe të eksploronim mënyrat e ndihmës nga Barcelona në këto momente kritike”, tha ai përmes rrjeteve sociale. /Telegrafi/

The post Palestina do të bëhet lagjja e 11-të e qytetit të Barcelonës appeared first on Telegrafi.

Kryeministri i Izraelit, Benjamin Netanyahu, ka deklaruar për herë të parë publikisht se e njeh gjenocidin e kryer ndaj armenëve, asirianëve dhe grekëve gjatë periudhës së Perandorisë Osmane, duke përmendur ngjarjet e vitit 1915 si një akt të qartë të shfarosjes së organizuar ndaj këtyre komuniteteve.

Kjo deklaratë përbën një ndryshim të rëndësishëm nga qëndrimi zyrtar i Izraelit, i cili deri më tani ka shmangur përdorimin e termit “gjenocid” për të përshkruar masakrat ndaj armenëve dhe pakicave të tjera në fillim të shekullit të XX-të. Sipas zyrtarëve izraelitë, kjo është një deklaratë personale e Netanyahut dhe nuk përfaqëson ende një ndryshim zyrtar të politikës shtetërore të Izraelit.

Deklarata vjen në një moment kur marrëdhëniet midis Izraelit dhe Turqisë janë përkeqësuar ndjeshëm, sidomos për shkak të zhvillimeve të fundit në Lindjen e Mesme dhe qëndrimeve të kundërta lidhur me konfliktin izraelito-palestinez, raporton euronews.

Disa analistë politikë e shohin këtë si një përpjekje nga ana e Netanyahut për të ushtruar presion politik mbi Ankaranë, duke përdorur një çështje historike me ndjeshmëri të lartë për Turqinë.

Israeli Prime Minister Netanyahu has for the first time stated that he recognizes the genocide of Armenians, Assyrians, and Greeks in the Ottoman Empire.

This came amid rising tensions in relations with Turkey.

However, Israel has not officially recognized the ethnic… pic.twitter.com/rm3SJfqT7h

— NEXTA (@nexta_tv) August 27, 2025

Reagimi i Turqisë nuk ka vonuar. Ministria e Jashtme turke e ka dënuar ashpër deklaratën, duke e cilësuar atë si “një përpjekje të ulët për të manipuluar tragjeditë historike për qëllime politike”.

Në një deklaratë zyrtare, ministria theksoi se “komentet e Kryeministrit izraelit Benjamin Netanyahu në lidhje me ngjarjet e vitit 1915 janë të papranueshme dhe përfaqësojnë një deformim të historisë.”

Çështja e njohjes së gjenocidit armen dhe të gjenocideve të tjera ndaj pakicave etnike gjatë Perandorisë Osmane mbetet një temë tepër e ndjeshme dhe e debatueshme në politikën ndërkombëtare.

Shumë shtete dhe institucione ndërkombëtare tashmë e kanë njohur zyrtarisht gjenocidin, ndërkohë që Turqia vazhdon ta mohojë atë dhe e konsideron përdorimin e termit “gjenocid” si një fyerje ndaj historisë dhe identitetit të saj kombëtar.

Deklarata e Netanyahut mund të ketë pasoja në marrëdhëniet diplomatike të Izraelit me Turqinë dhe mund të ndikojë edhe në mënyrën si vende të tjera e trajtojnë këtë çështje historike. /Telegrafi/

Netanyahu’nun 1915 Olaylarına Dair Açıklaması Hk. https://t.co/PMcOj1YANr pic.twitter.com/Z0T95MwGMo

— T.C. Dışişleri Bakanlığı (@TC_Disisleri) August 27, 2025

The post Netanyahu thotë se Perandoria Osmane kreu gjenocid ndaj grekëve, armenëve dhe asirianëve appeared first on Telegrafi.

Ky filmim i ri tmerrues i 7 tetorit tregon një ushtar izraelit që tërhiqet nga tanku i tij që digjet dhe marshon drejt Rripit të Gazës.

Prindërit e 20-vjeçarit Nimrod Cohen, i cili u mor peng në mizorinë e udhëhequr nga Hamasi në vitin 2023, publikuan një video të kapjes së tij të hënën.

Publikimi i tij përkoi me një ‘ditë lufte’ mbarëkombëtare në Izrael, ku mijëra njerëz kërkuan lirimin e atyre që mbaheshin ende robër nga grupi militant, transmeton Telegrafi.

Dita filloi në orën 6:29 të mëngjesit, koha e saktë kur Hamasi nisi sulmin e tij më 7 tetor, dhe pa protestuesit të përmbytnin Tel Avivin, duke mbyllur autostradat dhe trotuaret jashtë shtëpive të politikanëve.

Prindërit e Cohen, Viki dhe Yehuda Cohen e kanë akuzuar kryeministrin Benjamin Netanyahu se ka humbur shanset për të liruar djalin e tyre dhe 49 pengjet e tjera për të mbështetur mbijetesën e tij politike.

Pamjet e kapjes së Cohen u gjetën nga IDF gjatë operacioneve tokësore në Gaza. Viki Cohen u tha mediave lokale se u njoftua për këtë rreth dy muaj më parë.

“Kur unë, si nënë, pashë videon, ndjeva ndjenja trazirash, frike, terrori, që më kujtuan 7 tetorin”, i tha ajo Channel 12.

“Nuk e dimë situatën e Nimrodit, në çfarë kushtesh mbahet. Jemi shumë të shqetësuar dhe të frikësuar për fatin e tij”, shtoi ajo.

Yehuda Cohen tha në atë kohë: “E dija që diçka e keqe kishte ndodhur sepse ai nuk po u përgjigjej mesazheve të mia në WhatsApp. Dhe pastaj e pashë në një video duke u zvarritur në dysheme nga tanku i tij, atëherë e kuptova se ishte rrëmbyer”.

Familja më parë pretendoi se ushtria po pengonte publikimin e videos dhe tha se IDF ende mban më shumë pamje të Cohen që nuk do t’i publikojë.

Videoja tregon Cohenin duke u tërhequr ashpër nga një automjet i blinduar nga persona të armatosur të Hamasit, përpara se të marshohej në këmbë drejt Gazës nga persona të armatosur.

Një zë në video i thotë atij se do të kthehet në Izrael dhe nuk do të lëndohet.

Cohen, 19 vjeç në kohën e kapjes së tij, ishte i vetmi mbijetues midis katër ushtarëve që ishin në një tank që u sulmua nga militantët e Hamasit me pajisje shpërthyese në kufi më 7 tetor. /Telegrafi/

The post Pamje të reja tmerruese të 7 tetorit, tregojnë një ushtar izraelit që nxirret nga tanku i tij që digjet dhe çohet në Rripin e Gazës appeared first on Telegrafi.

Raportuesja Speciale e OKB-së për territoret e pushtuara palestineze, ka dënuar sulmin e Izraelit ndaj spitalit Nasser.

Francesca Albanese tha se skena “të tilla”, duke iu referuar sulmeve, “shfaqen çdo moment në Gaza”, transmeton Telegrafi.

Ministria e Jashtme gjermane ka thënë se është e tronditur nga vrasja e disa gazetarëve, ndihmësve të emergjencës dhe civilëve në një sulm ajror izraelit ndaj spitalit Nasser në Gaza.

Ministria gjermane ka thënë se incidenti duhet të hetohet për tu sqaruar gjithçka.

E kryeministri izraelit Benjamin Netanyahu ka thënë se Izraeli “ndjen keqardhje të thellë” për “fatkeqësinë tragjike” që ndodhi sot në spitalin Nasser.

Udhëheqësi izraelit tha gjithashtu se autoritetet ushtarake po kryenin një hetim të plotë për atë që ndodhi. /Telegrafi/

We are shocked by the killing of several journalists, rescue workers, and other civilians in an Israeli airstrike on the Nasser Hospital in #Gaza. This attack must be investigated. 1/2

— GermanForeignOffice (@GermanyDiplo) August 25, 2025

Civil defense teams were targeted by an Israeli airstrike during a live broadcast on Al-Ghad TV, the attack was the second on Nasser Hospital, killing journalist , Reuters photographer Hossam Al-Masry and others. pic.twitter.com/uy8Dk2PEAq

— Inés El-Hajj|Stories from Palestine (@InesElhajj) August 25, 2025

The post Gjermania kërkon hetim për sulmin ajror izraelit në spitalin Nasser, raportuesja e OKB-së thotë se skena të tilla shfaqen çdo moment në Gaza appeared first on Telegrafi.

Gjashtë fëmijë mes 19 të vrarëve nga sulmet izraelite në Gaza.

Të paktën 19 palestinezë raportohet se janë vrarë nga sulmet izraelite në Gaza, raporton skynews.

Sipas Al Jazeera, duke cituar burime mjekësore brenda enklavës, dy persona janë vrarë dhe shumë të tjerë janë plagosur gjatë një sulmi në kampin e refugjatëve Maghazi në Gazën qendrore.

Lexo po ashtu Çfarë ka çuar në konfirmimin e një “urie ekstreme” në Gaza - gjetjet kryesore të një raporti dhe reagimet

Një burim mjekësor në Spitalin Nasser tha se 17 palestinezë, përfshirë gjashtë fëmijë, u vranë gjithashtu gjatë një sulmi në zonën Asdaa në Gazën jugore.

Ndërkohë, imazhe të publikuara këtë mëngjes tregojnë re tymi që ngrihen mbi qytetin e Gazës pas sulmeve.

Ndryshe, nuk është ende e qartë ndikimi i atyre sulmeve gjersa autoritetet e kërkim/shpëtimit kanë dalë në vendin e ngjarjes. /Telegrafi/

The post Gjashtë fëmijë në mesin e 19 palestinezëve të vrarëve gjatë mbrëmjes në Gaza appeared first on Telegrafi.

Një drogë që dikur konsiderohej si e rrallë në tregun shqiptar, ekstazia, po njeh një rritje shqetësuese në përhapje, veçanërisht në kryeqytet. Sipas të dhënave zyrtare nga Policia e Tiranës për 6 mujorin e parë të vitit 2025 janë sekuestruar afro 222 gram ekstazi, një rritje e ndjeshme krahasuar me të njëjtën periudhë të vitit […]

The post Eksta*ia “pushton” lokalet e natës në Tiranë appeared first on BoldNews.al.

Uria është konfirmuar zyrtarisht në Qytetin e Gazës dhe lagjet përreth nga Sistemi i Integruar i Klasifikimit të Sigurisë Ushqimore (IPC).

Ky sistem, i mbështetur nga OKB-ja dhe i njohur globalisht për klasifikimin e pasigurisë ushqimore dhe kequshqyerjes, këtë gjë e kishte bërë vetëm në katër raste të tjera që nga themelimi i tij në vitin 2004.

Kjo është hera e parë jashtë kontinentit të Afrikës. Qyteti i Gazës është shtëpia e rreth gjysmë milioni njerëzve, raporton skynews.

Lexo po ashtu Izraeli kërkon zhvendosjen e palestinezëve në shtetin e varfër afrikan

Uria më parë ishte konfirmuar në Somali në vitin 2011 dhe në Sudan në vitet 2017, 2020 dhe 2024.

Vdekjet nga kequshqyerja dhe uria po rriten ndjeshëm, sipas të dhënave të Ministrisë së Shëndetësisë së Gazës, të verifikuara nga Organizata Botërore e Shëndetësisë.

Vetëm në 20 ditët e para të gushtit, u regjistruan 133 vdekje të shkaktuara nga kequshqyerja ose uria, përfshirë 25 fëmijë.

Në muajin korrik u regjistruan gati 13 mijë pranime të reja të fëmijëve për kequshqyerje akute, sipas të dhënave më të fundit të Zyrës së OKB-së për Koordinimin e Çështjeve Humanitare. /Telegrafi/

What is Famine?

The IPC defines Famine as a situation in which at least one in five households has an extreme lack of food and face starvation and destitution, resulting in extremely critical levels of acute malnutrition and death.

Famine is classified when an area has:… pic.twitter.com/20MeFTdgL6

— The Integrated Food Security Phase Classification (@theIPCinfo) August 22, 2025

The post Për herë të parë në historinë e Lindjes së Mesme – uria konfirmohet zyrtarisht në Gaza appeared first on Telegrafi.

Ministri i Mbrojtjes së Iranit, Aziz Nassirzadeh, deklaroi se vendi është i gatshëm për çdo sulm të ri izraelit dhe shtoi se janë zhvilluar raketa me kapacitete më të mëdha se ato që u përdorën gjatë luftës së fundit 12-ditore.

“Raketat që u përdorën në luftën 12-ditore janë prodhuar disa vite më parë. Sot kemi prodhuar dhe posedojmë raketa me kapacitete shumë më të mëdha se ato të mëparshmet, dhe nëse armiku sionist nis sërish ndonjë aventurë, pa dyshim që do t’i përdorim”, tha ministri, sipas agjencisë së lajmeve IRNA.

Përplasja 12-ditore ndërmjet Izraelit dhe Iranit filloi më 13 qershor me një sulm izraelit, raporton thetimesofisrael.

Izraeli deklaroi se sulmi gjithëpërfshirës kundër liderëve më të lartë ushtarakë iranianë, shkencëtarëve bërthamorë, vendndodhjeve të pasurimit të uraniumit dhe programit të raketave balistike ishte i domosdoshëm për të ndalur Iranin nga realizimi i “planit të hapur për shkatërrimin e shtetit hebre”.

Irani iu përgjigj sulmeve izraelite duke lëshuar mbi 500 raketa balistike dhe rreth 1100 dronë drejt Izraelit.

Nga sulmet në Izrael, sipas zyrtarëve shëndetësorë dhe spitaleve, kanë humbur jetën 31 persona dhe janë plagosur mbi 3000 të tjerë. Ndërkohë, të paktën 430 persona kanë vdekur dhe mbi 3.500 janë plagosur nga sulmet izraelite në Iran. /Telegrafi/

The post Ministri iranian i Mbrojtjes: Jemi gati për sulmet e reja izraelite appeared first on Telegrafi.

Të paktën 71 persona kanë humbur jetën sot në një aksident të rëndë rrugor në provincën Herat, në perëndim të Afganistanit.

Ngjarja tragjike ka ndodhur gjatë orëve të para të mëngjesit, kur një autobus që transportonte migrantë të dëbuar është përplasur me një kamion dhe një motoçikletë, duke shkaktuar një zjarr të madh që përfshiu automjetin.

Sipas zëdhënësit të qeverisë provinciale, Ahmadullah Mutaki, përplasja ka ndodhur në një nga segmentet më të frekuentuara të rrugës që lidh Heratin me Kabulin.

Autobusi, i mbushur me migrantë të rikthyer në vend, ka devijuar nga rruga kryesore për shkak të shpejtësisë së lartë dhe mungesës së kontrollit nga ana e shoferit. Ai është përplasur fillimisht me një motoçikletë dhe më pas me një kamion, duke shkaktuar një shpërthim dhe më pas zjarr të fuqishëm.

DEADLY BUS CRASH IN AFGHANISTAN KILLS AT LEAST 71

A bus carrying deported migrants caught fire after colliding with a truck and motorcycle in Herat province.

At least 71 people are confirmed dead.

Source: AZintel pic.twitter.com/6IfCOMz47v

— Mario Nawfal (@MarioNawfal) August 19, 2025

Autoritetet konfirmojnë se 71 persona kanë humbur jetën në vend, përfshirë 17 fëmijë. Disa të tjerë janë plagosur rëndë dhe janë dërguar me urgjencë në spitalet e zonës. Shumica e viktimave ishin persona që po ktheheshin në Kabul pas dëbimit nga vendet fqinje.

Policia lokale ka dalë me një deklaratë zyrtare, duke thënë se “shpejtësia tej normave të lejuara dhe pakujdesia e drejtuesit të autobusit ishin shkaqet kryesore të aksidentit”. Hetimet për zbardhjen e plotë të rrethanave janë në vijim.

Pamjet nga vendi i ngjarjes tregojnë skena të rënda – autobusi i djegur thuajse plotësisht, trupat e pajetë të viktimave dhe përpjekjet e zjarrfikësve për të shuar flakët dhe për të shpëtuar ata që mund të kenë mbijetuar.

Ky është një nga aksidentet më të rënda rrugore që ka ndodhur në Afganistan në vitet e fundit. Infrastrukturat rrugore të amortizuara, mungesa e kontrollit të mjeteve të transportit dhe shkeljet e rregullave të qarkullimit janë faktorë që vazhdojnë të kontribuojnë në numrin e lartë të aksidenteve në këtë vend.

Autoritetet lokale kanë shpallur ditë zie në Herat dhe kanë bërë thirrje për ndihmë ndërkombëtare për përballimin e pasojave të kësaj fatkeqësie. /Telegrafi/

The post Tragjedi në Afganistan – mbi 70 viktima në një aksident të rëndë trafiku appeared first on Telegrafi.

Hamasi ka rënë dakord për një marrëveshje armëpushimi-pengimi me Izraelin, sipas një zyrtari të lartë.

Ndërmjetësuesit egjiptianë dhe katarianë kanë zhvilluar bisedime me Hamasin, në përpjekjen e tyre të fundit për të ndërmjetësuar një armëpushim me Izraelin në Gaza.

Zyrtari i Hamasit nuk dha detaje të mëtejshme të marrëveshjes ose çfarë ishte pranuar, transmeton Telegrafi.

Hamasi është përgjigjur pozitivisht ndaj marrëveshjeve të tilla në të kaluarën, ndërsa ka propozuar ndryshime që kanë rezultuar të papranueshme për Izraelin.

Korrespondentja ndërkombëtare e Sky, Diana Magnay, në Jerusalem tha se marrëveshja duket të jetë e ngjashme me planin e paraqitur nga i dërguari i Donald Trump për Lindjen e Mesme, Steve Witkoff, për një marrëveshje armëpushimi 60-ditor.

“Ajo që kuptojmë nga Hamasi, në lidhje me këtë marrëveshje, është se do të jetë brenda kornizës së armëpushimit 60-ditor, por do të jetë një lirim i të burgosurve dhe i të paraburgosurve në dy pjesë. Ajo që kuptojmë nga kanalet arabe është se Hamasi ra dakord për të pa ndryshime të mëdha”, tha ajo.

Një burim zyrtar egjiptian i tha Reuters se, gjatë armëpushimit, do të ketë një shkëmbim të të burgosurve palestinezë në këmbim të lirimit të gjysmës së pengjeve izraelite të mbajtura në Gaza.

Nuk ka pasur asnjë fjalë nga Izraeli në lidhje me armëpushimin e propozuar.

Diana Magnay tha se është e qartë se ndërmjetësit nga Egjipti dhe Katari, potencialisht së bashku me Hamasin, ndiheshin nën presion për shkak të planit të Benjamin Netanyahut për të shtyrë më tej në qytetin e Gazës, “dhe kjo është arsyeja pse keni pasur ndërmjetësues gjatë fundjavës në Kajro, duke u përpjekur të vendosnin një lloj plani në tryezë”.

“Pra, pyetja e madhe është, a do të bjerë dakord Benjamin Netanyahu me këtë? Do të duhet të shohim nëse qëllimi i tij është në çdo moment të bjerë dakord për një armëpushim apo nëse kjo është thjesht tepër vonë tani dhe ai do ta shfrytëzojë mundësinë për të vazhduar në Gaza”, shtoi ajo.

Më herët të hënën, presidenti i SHBA-së, Donald Trump duket se hodhi dyshime mbi bisedimet e paqes.

“Do ta shohim kthimin e pengjeve të mbetura vetëm kur Hamasi të përballet dhe të shkatërrohet!!! Sa më shpejt të ndodhë kjo, aq më të mira do të jenë shanset për sukses”, postoi ai në faqen e tij Truth Social.

Ministri i Jashtëm i Egjiptit, Badr Abdelatty, tha se ndërmjetësit kishin “bërë përpjekje të gjera” për të ringjallur një propozim të SHBA-së për një armëpushim 60-ditor, gjatë të cilit pengjet do të liroheshin dhe palët do të negocionin një ndërprerje të qëndrueshme të dhunës. /Telegrafi/

The post Hamasi ‘bie dakord për një marrëveshje armëpushimi-pengimi’ me Izraelin, thotë një zyrtar i lartë appeared first on Telegrafi.

Qindra mijëra njerëz janë mbledhur në Izrael për të kërkuar përfundimin e luftës në Gaza dhe një marrëveshje për të siguruar lirimin e pengjeve të mbajtura nga Hamasi.

Turma më e madhe u pa në “Sheshin e Pengjeve” të Tel Avivit, me organizatorët që thanë se planet e qeverisë për të marrë kontrollin e Qytetit të Gazës rrezikuan jetën e rreth 20 pengjeve që ende mbahen nga Hamasi.

Një grevë kombëtare njëditore – pjesë e protestave më të gjera – mbylli rrugë, zyra dhe universitete në disa zona.

Protestuesit i vunë flakën gomave, të cilat shpërthyen në rrugë dhe mbushën qiellin me tym të zi të dendur.

Ata valëvitnin flamurin izraelit dhe flamuj të tjerë të verdhë për të treguar solidaritet me pengjet e mbetura ende në Gaza, shkruan BBC.

“Ne duam që lufta të mbarojë, duam që pengjet tona të kthehen, duam që ushtarët tanë të kthehen të sigurt në shtëpi dhe duam që katastrofa humanitare në Gaza të mbarojë”, tha një nga protestuesit.

“Nuk duam që këto krime të kryhen në emrin tonë.”

Dhe pastaj ajo u zhduk, duke shkuar në vendndodhjen tjetër ndërsa grupi u zhduk brenda pak minutash, duke e lënë policinë të shuante zjarrin.

Gati 40 persona u arrestuan.

Kryeministri izraelit Benjamin Netanyahu kritikoi protestat, duke thënë se ato do të “forconin qëndrimin e Hamasit” dhe vetëm sa do të ngadalësonin lirimin e pengjeve.

Ministrja izraelite e ekstremit të djathtë, Bezalel Smotrich, gjithashtu i dënoi protestat, duke i përshkruar ato si një “fushatë të dëmshme që i shërben Hamasit”.

Bëhet e ditur se protesta u kërkua nga familjet e pengjeve dhe të tjerë që kundërshtojnë zgjerimin e luftës.

Einav Zangauker, nëna e pengut Matan dhe një figurë kryesore në Forumin e Familjeve të Pengjeve dhe të Zhdukurve, tha se grupi kërkoi “një marrëveshje gjithëpërfshirëse dhe të arritshme dhe një fund të luftës”.

“Ne kërkojmë atë që është me të drejtë e jona – fëmijët tanë”, i tha ajo turmës në Tel Aviv.

“Qeveria izraelite e ka transformuar një luftë të drejtë në një luftë të pakuptimtë.”

“Zemra ime digjet nga malli. E gjithë zemra ime është djegur për shkak të Matanit tim. Matan, unë, një komb i tërë, po bëjmë gjithçka që mundemi për ty, për të gjithë pengjet.”

Ndryshe, protestat vijnë një javë pasi kabineti i luftës i Izraelit votoi për të pushtuar Qytetin e Gazës, qytetin më të madh të territorit, dhe për të zhvendosur popullsinë e tij, një veprim i dënuar nga Këshilli i Sigurimit i OKB-së.

Që atëherë, mijëra banorë janë larguar nga lagjja jugore Zeitoun e Qytetit të Gazës, ku ditët e bombardimeve të vazhdueshme izraelite kanë krijuar një situatë “katastrofike”. /Telegrafi/

The post “Jo në emrin tonë”, qindra mijëra izraelitë protestojnë kundër luftës në Gaza appeared first on Telegrafi.

Gjenerali izraelit, i cili drejtoi inteligjencën ushtarake më 7 tetor 2023, ka thënë se 50 palestinezë duhet të vdesin për çdo person të vrarë atë ditë, dhe “nuk ka rëndësi tani nëse janë fëmijë”, në regjistrimet e transmetuara nga stacioni televiziv Channel 12 i Izraelit, shkruan The Guardian.

Aharon Haliva tha se numri i të vdekurve në Gaza, të cilin ai e vlerësoi në më shumë se 50,000, ishte “i nevojshëm” si një “mesazh për brezat e ardhshëm” të palestinezëve, transmeton Telegrafi.

“Ata kanë nevojë për një Nakba herë pas here për të ndjerë çmimin”, shtoi ai, duke iu referuar dëbimit masiv të më shumë se 700,000 palestinezëve nga shtëpitë dhe tokat e tyre pas krijimit të Izraelit në vitin 1948. Nakba do të thotë katastrofë në arabisht.

Pjesa më e madhe e udhëheqjes dhe medias së Izraelit ka përdorur retorikë gjenocidale ndaj palestinezëve që nga sulmet e Hamasit më 7 tetor, duke përfshirë përshkrimin e tyre si “kafshë njerëzore”, duke thënë se “nuk ka të pafajshëm” në Gaza dhe duke bërë thirrje për shkatërrimin total të Gazës dhe spastrimin e saj etnik.

Megjithatë, përshkrimi i Haliva-s për një fushatë vrasjesh masive, përfshirë fëmijët, ishte një përshkrim jashtëzakonisht i drejtpërdrejtë i ndëshkimit kolektiv të civilëve, gjë që është e paligjshme sipas ligjit ndërkombëtar.

Haliva, i cili dha dorëheqjen nga pozicioni i tij në prill 2024, gjithashtu duket se mbështeti shifrat e viktimave të përpiluara nga autoritetet shëndetësore në Gaza, të cilat zyrtarët izraelitë i sulmojnë rregullisht si propagandë. Ato kanë rezultuar të besueshme në konfliktet e kaluara.

Channel 12 tha se bisedat pa datë u regjistruan “në muajt e fundit”. Numri i viktimave nga ministria e shëndetësisë në Gaza kaloi 50,000 në mars dhe kohët e fundit është rritur mbi 60,000.

Të dhënat më të fundit të publikuara të Izraelit mbi luftën e çojnë numrin e militantëve të vrarë në rreth 20,000, kështu që Haliva do të kishte qenë i vetëdijshëm se edhe sipas llogaritjes së vetë vendit të tij, shumica e palestinezëve të vrarë ishin civilë.

“Fakti që tashmë ka 50,000 të vdekur në Gaza është i nevojshëm dhe i kërkuar për brezat e ardhshëm”, tha ai në komentet e transmetuara.

“Për gjithçka që ndodhi më 7 tetor, për çdo person më 7 tetor, 50 palestinezë duhet të vdesin. Nuk ka rëndësi tani nëse janë fëmijë”, shtoi ai.

Rreth 1,200 njerëz u vranë në sulmet ndërkufitare të udhëhequra nga Hamasi, shumica e tyre civilë, dhe 250 u morën peng në Gaza.

Channel 12 nuk sqaroi se si i kishte siguruar regjistrimet ose me kë po fliste Haliva. Gazeta Haaretz e Izraelit i përshkroi regjistrimet si një format që i lejonte oficerit në pension të “jepte një intervistë pa u intervistuar në të vërtetë”.

Komentet e Haliva-s për vrasjet masive të civilëve palestinezë nuk bënë bujë në mediat e tjera kryesore izraelite. Ato u përqendruan në vend të kësaj në kritikat e tij ndaj Benjamin Netanyahut dhe paralajmërimet për dështimet sistemike në siguri dhe inteligjencë.

Ky mbulim nxori në pah hendekun e madh midis mënyrës se si perceptohet dhe diskutohet lufta brenda kufijve të Izraelit dhe përtej tyre. Midis izraelitëve, Haliva shihet gjerësisht si një kritik i qendrës i qeverisë aktuale dhe ministrave të saj të ekstremit të djathtë si Bezalel Smotrich dhe Itamar Ben-Gvir, siç e vuri në dukje vetë gjenerali në komente.

Ai citoi një kritik të brendshëm në drejtorinë e inteligjencës duke i thënë se ishte “fat”, që shumë nga të vrarët dhe të rrëmbyerit më 7 tetor 2023 ishin izraelitë të krahut të majtë të lidhur me lëvizjet e paqes. /Telegrafi/

The post Ish-shefi i inteligjencës izraelite thotë se 50 palestinezë duhet të vdesin për çdo viktimë të 7 tetorit appeared first on Telegrafi.

Ky është momenti i tmerrshëm kur një grua u tërhoq zvarrë dhe u sulmua nga një tigër në një park kinez, pasi menduan se kishin dalë nga vendi i mbyllur.

Pamjet drithëruese të kamerave të sigurisë të kapura në Badaling Wildlife World në Pekin, Kinë, treguan gruan, emri i së cilës nuk u bë i ditur, duke dalë nga makina e saj e argjendtë përpara se macja e madhe t’i hidhej.

Në një çast, ajo u tërhoq zvarrë nga bisha e fuqishme. Burri i saj u pa duke kërcyer nga makina dhe duke vrapuar pas saj, ndërsa një grua e moshuar doli nga ulësja e pasme dhe bëri të njëjtën gjë.

Një automjet 4×4, me sa duket një makinë safari, u ndal pas makinës së gruas dhe u drejtua drejt situatës së vazhdueshme.

Ajo vdiq tragjikisht në vendngjarje, ndërsa gruaja u dërgua në spital për të trajtuar plagët e saj të rënda, transmeton Telegrafi.

Fillimisht u mendua se familja po zihej në makinë, prandaj edhe dolën jashtë, por sipas raporteve lokale ata thjesht menduan se kishin dalë nga vendi i mbyllur.

Të afërmit kanë mohuar se ka pasur ndonjë përleshje, raporton South China Morning Post, dhe kolegët e burrit që ishte gjithashtu në makinë thanë se familja mendonte se ata ishin larguar tashmë nga parku i kafshëve të egra.

Kuptohet gjithashtu se burri është përpjekur të shpëtojë anëtarët e familjes së tij, ndërsa fëmija qëndroi në makinë.

Parku prej 6,000 akrash, i cili u lejon njerëzve të ngasin vetë makinën ose të bashkohen me një turne, u thotë njerëzve të mos i lënë automjetet e tyre në asnjë moment. /Telegrafi/

The post Momenti kur një grua në Kinë sulmohet dhe mbytet nga tigri në një park appeared first on Telegrafi.

Udhëheqësi i Hezbollahut, Naim Qassem, kërcënoi me konfrontim të hapur nëse qeveria e Libanit vazhdon me planet për të çarmatosur grupin militant, duke e quajtur vendimin e kabinetit një zbatim të “urdhrave SHBA-Izrael”.

Këshilli i Ministrave libanezë miratoi një vendim javën e kaluar që kërkonte që ushtria të zhvillonte urgjentisht një plan çarmatimi dhe ta zbatonte atë para fundit të vitit, duke shënuar sfidën më të rëndë për Hezbollahun që nga përfundimi i luftës civile në vitin 1990.

“Vendimi është i rrezikshëm dhe e ekspozon vendin ndaj një krize të madhe”, tha Qassem gjatë një fjalimi televiziv në Baalbek.

Qassem u zotua se Hezbollahu nuk do t’i dorëzonte armët e tij dhe paralajmëroi për konflikt të armatosur, nëse jo luftë të plotë, shkruan euronews.

“Partia do të luftojë një betejë historike nëse është e nevojshme përballë këtij projekti izraelito-amerikan, cilado qoftë kostoja”, tha ai.

“Nuk do të ketë jetë në Liban nëse qeveria përpiqet të përballet me partinë.”

Sekretari i përgjithshëm i Hezbollahut ia hodhi fajin qeverisë në Bejrut, duke thënë se ajo “mban përgjegjësi të plotë për çdo shpërthim të brendshëm dhe çdo shkatërrim të Libanit”.

Qassem e hodhi poshtë idenë e protestave në këtë kohë “sepse ka vend për dialog me qeverinë”, por paralajmëroi se demonstratat mund të përshkallëzohen nëse vlerësohet e nevojshme.

“Kjo është toka jonë së bashku, atdheu ynë së bashku, jetojmë së bashku, ose nuk ka jetë për Libanin”, tha ai në një paralajmërim të drejtpërdrejtë për autoritetet.

Qassem gjithashtu falënderoi Iranin për mbështetjen e Hezbollahut “me para, armë, aftësi dhe qëndrime mediatike dhe politike”. /Telegrafi/

The post Hezbollahu refuzon të çarmatoset, paralajmëron konflikt të armatosur appeared first on Telegrafi.

Ministri izraelit i Sigurisë Kombëtare, Itamar Ben-Gvir, ka publikuar një video në të cilën shihet duke u tallur me të burgosurin palestinez Marwan Barghouti.

Në një video të turpshme të publikuar të enjten në rrjetet sociale, shihet Ben-Gvir duke hyrë në qelinë ku ndodhet Barghouti.

“Nuk do të fitoni. Kushdo që ngatërrohet me popullin e Izraelit, kushdo që vret fëmijët dhe gratë tona – ne do ta shkatërrojmë. Duhet ta dini këtë, kjo ka ndodhur gjithmonë në histori”, pohoi ai.

Kjo ishte hera e parë pas më shumë se 10 vitesh që shfaqet një video e Barghoutit nga burgu, dhe në video ai duket dukshëm i dobësuar dhe i rraskapitur.

يواجه الأسير القائد مروان البرغوثي ظروفًا إنسانية بالغة القسوة في زنزانته الانفرادية، حيث فقد أكثر من نصف وزنه نتيجة الإهمال الطبي المتعمد وسوء المعاملة. وفي الوقت نفسه، يواصل وزير أمن الاحتلال المتطرف إيتمار بن غفير تهديده بشكل مباشر، في محاولة لكسر إرادته وصموده.

في الفيديو بن… pic.twitter.com/ZcpRmLgGgT

— المركز الفلسطيني للدفاع عن الاسرى (@PalPrisonersA) August 14, 2025

Familja e tij thotë se ai është vendosur në izolim që nga 7 tetori 2023 dhe se është rrahur brutalisht disa herë nga rojat e burgut.

Pranë Ben-Gvirit gjatë vizitës ndodhej edhe drejtori i Shërbimit të Burgjeve të Izraelit, Kobi Yaakobi, një aleat i afërt i ministrit, i cili është akuzuar se ka informuar në mënyrë të paligjshme një zyrtar tjetër të lartë se ishte nën hetim për fshehjen e dhunës së kolonëve në Bregun Perëndimor.

Barghouti ndodhet në burg që nga viti 2002 dhe është dënuar me pesë burgime të përjetshme plus 40 vite të tjera, për rolin e tij në planifikimin e sulmeve që çuan në vdekjen e pesë civilëve gjatë Intifadës së Dytë. /Telegrafi/

The post Ministri izraelit kërcënon në burg një palestinez – shfaqen pamjet e rralla që kanë shkaktuar reagime të ashpra appeared first on Telegrafi.

Ministri izraelit i Financave, Bezalel Smotrich, ka njoftuar se do të nisë ndërtimin e 3401 njësive të reja banimi në zonën e ashtuquajtur E1, një rajon midis Jerusalemit Lindor dhe vendbanimit të paligjshëm Ma’ale Adumim, pas një ndërprerjeje prej dy dekadash.

Ky vendim vjen pavarësisht presionit të madh ndërkombëtar për të ndaluar ndërtimet në këtë zonë strategjikisht të ndjeshme, e cila ndodhet përtej vijës së gjelbër.

Lexo po ashtu Nga Siria e Egjipti deri tek Arabia Saudite, Netanyahu: Jam në mision shpirtëror, ëndërroj Izraelin e Madh

Kritikët paralajmërojnë se lidhja e Ma’ale Adumim me Jerusalemin do të ndante territorin palestinez në dy pjesë, duke penguar lëvizjen e lirë midis Ramallahut dhe Betlehemit, e cila gjë do të rrezikonte seriozisht mundësinë për një zgjidhje politike në të ardhmen.

Smotrich ka deklaruar hapur se ky projekt ka për qëllim “anulimin e idesë së një shteti palestinez”, raporton jp.

“Planet për ndërtim në E1 hedhin poshtë idenë e një shteti palestinez dhe janë pjesë e hapave që po ndërmarrim në terren në kuadër të planit për sovranitet de facto, të cilin e nisëm me formimin e kësaj qeverie,” tha ai, duke shtuar se ka ardhur koha për të “ndalur dekada presionesh ndërkombëtare dhe ngrirjesh” dhe për të lidhur Ma’ale Adumim me Jerusalemin.

Në deklaratat e tij, ai shkoi edhe më tej duke pretenduar se Bregu Perëndimor i takon Izraelit “sipas një premtimi hyjnor”.

“Ata do të flasin për ëndrrën palestineze, ndërsa ne do të vazhdojmë të ndërtojmë realitetin hebre. Ky realitet i jep fund përfundimisht idesë së një shteti palestinez, sepse nuk ka asgjë për të njohur dhe askënd për të njohur. Bregu Perëndimor është pjesë e Izraelit sipas premtimit hyjnor,” deklaroi Smotrich, duke theksuar se ka mbështetjen e plotë të kryeministrit, Benjamin Netanyahu.

Vendimi për ndërtim në zonën E1, që prej kohësh konsiderohet si “vijë e kuqe” nga bashkësia ndërkombëtare, mund të shtojë më tej tensionet në terren dhe të shkaktojë valë të reja kritikash ndaj politikës së vendbanimeve të Izraelit. /Telegrafi/

The post Izraeli rifillon projektin për ndarjen e territoreve palestineze appeared first on Telegrafi.