Hezbollahu ka nisur një proces të gjerë rishikimi strategjik pas luftës shkatërruese me Izraelin, ku po shqyrton mundësinë e zvogëlimit të rolit të tij si një lëvizje e armatosur, pa u çarmatosur plotësisht.

Ky zhvillim është bërë i ditur nga burime të njohura me diskutimet brenda grupit militant libanez, të cilat janë ende në fazën e shqyrtimit dhe nuk janë raportuar më parë.

Këto diskutime pasqyrojnë presionet e mëdha me të cilat është përballur Hezbollahu që nga arritja e armëpushimit me Izraelin në fund të nëntorit. Forcat izraelite vazhdojnë të sulmojnë territoret ku grupi ka ndikim, duke akuzuar Hezbollahun për shkelje të armëpushimit, akuza që grupi i mohon vazhdimisht.

Po ashtu, Hezbollahu po përballet me vështirësi të mëdha financiare dhe me kërkesa të SHBA-së për çarmatimin e tij, ndërkohë që ka pësuar një ndikim të zvogëluar politik që nga formimi i një kabineti të ri libanez në shkurt, me mbështetje të drejtpërdrejtë nga Shtetet e Bashkuara të Amerikës.

Në sfondin e këtyre sfidave, situata për Hezbollahun është komplikuar më tej nga ndryshimet sizmike në ekuilibrin rajonal të pushtetit. Lufta e kaluar me Izraelin i ka shkaktuar dëme të mëdha grupit, duke përfshirë shkatërrimin e komandës së tij dhe humbjen e mijëra luftëtarëve, si dhe asgjësimin e pjesës më të madhe të arsenalit të tij.

Një tjetër goditje për Hezbollahun ka ardhur nga rrëzimi i Bashar al-Assad-it, aleatit të tij sirian, në dhjetor, duke prerë një linjë kyçe furnizimi me armë nga Irani. Ndërkohë, Irani është duke dalë nga një luftë e ashpër me Izraelin, duke ngritur pyetje mbi mundësinë e ofrimit të mëtejshëm të ndihmës për grupin libanez.

LEXONI GJITHASHTU:

• Marrëveshje tregtare për SHBA-në: Trump zbulon kushtet e reja të tarifave
• Propozimi i armëpushimit 60-ditor, ja kur do përgjigjet Hamasi

The post Hezbollahu nis një proces strategjik pas luftës me Izraelin appeared first on Euronews Albania.

Shtetet e Bashkuara të Amerikës kanë vendosur të enjten sanksione kundër një rrjeti të kontrabandës së naftës iraniane të maskuar si naftë me origjinë Iraku, dhe një institucioni financiar të kontrolluar nga Hezbollahu, ka bërë të ditur Departamenti amerikan i Thesarit.

Një rrjet i kompanive të drejtuara nga irako-britaniku, Salim Ahmed Said, ka qenë duke blerë dhe ngarkuar naftë iraniane në vlerë prej miliarda dollarësh të maskuar si, ose të përzier me, naftë të Irakut që nga viti 2020, ka shkruar Reuters.

“Departamenti i Thesarit do të vazhdojë të shënjestrojë burimet e të ardhurave të Teheranit dhe të intensifikojë presionin ekonomik për të penguar qasjen e regjimit në burimet financiare që i nxisin aktivitetet e tij destabilizuese”, ka thënë sekretari amerikan i Thesarit, Scott Bessent.

SHBA-ja ka vendosur disa valë sanksionesh kundrejt eksporteve të naftës së Iranit për shkak të programit bërthamor të shtetit dhe financimit të grupeve paraushtarake përgjatë Lindjes së Mesme.

Agjencia e lajmeve Reuters ka raportuar vitin e kaluar se rrjeti i kontrabandës së naftës ka gjeneruar rreth 1 miliard dollarë në vit për Iranin dhe se grupet e tij satelite kanë lulëzuar në Irak që nga 2022-ta.

Sanksionet janë realizuar në kohën kur SHBA-ja ka ndërmarrë sulme ushtarake kundër tri bazave bërthamore të Iranit, përfshirë impiantin e groposur thellë të Fordowit. Në Pentagon kanë thënë të mërkurën se bombardimet e kanë zvarritur programin bërthamor iranian për më shumë se dy vjet, pavarësisht një vlerësimi të mëhershëm që kishte rrjedhur në publik.

Hezbollah në Liban ka dënuar ashpër sulmet ajrore të SHBA-së ndaj objekteve bërthamore iraniane, duke i cilësuar ato si një “agresion barbar dhe tradhtar amerikan kundër objekteve paqësore bërthamore”.

Në një deklaratë për mediat, grupi i armatosur i mbështetur nga Irani tha se sulmi “përfaqëson një përshkallëzim të pamatur dhe të rrezikshëm që kërcënon ta zgjerojë rrethin e luftës” në rajon.

Hezbollah shprehu gjithashtu “solidaritet të plotë” me Iranin dhe “udhëheqësinë e tij”.

Që prej fillimit të ofensivës izraelite kundër Hezbollah-ut më 8 tetor 2023, grupi shiit ka pësuar dobësime të konsiderueshme në kapacitetet e tij ushtarake dhe operative./abcnews.al

Izraeli ka paralajmëruar të premten se do të vazhdojë të sulmojë Libanin, derisa grupi militant Hezbollah – i shpallur terrorist nga Shtetet e Bashkuara – të çarmatoset.

Liderët libanezë e kanë përshkruar sulmin si shkelje masive të armëpushimit të nëntorit.

Një thirrje e ushtrisë izraelite për evakuim të enjten, para nisjes së sulmeve, i ka detyruar shumë banorë të lagjeve jugore të kryeqytetit libanez, që të ikin për mbijetesë.

Sulmi, që e ushtria izraelite e ka përshkruar si operacion në fabrikat nëntokësore të dronëve të Hezbollahut, ka ndodhur në prag të festës së Kurban Bajramit, njëra prej ditëve më të rëndësishme në kalendarin e myslimanëve.

Sulmi është kryer gjashtë muaj pas arritjes së një armëpushimi mes dy palëve, me qëllim të dhënies fund të armiqësive mes Izraelit dhe Hezbollahut, që gëzon përkrahjen e Iranit.

“Nuk do të ketë qetësi në Bejrut dhe as stabilitet në Liban, pa siguri për shtetin e Izraelit”, ka thënë ministri izraelit i Mbrojtjes, Israel Katz përmes një deklarate.

“Marrëveshja duhet të zbatohet, dhe nëse nuk bëni atë që ju kërkohet, ne do të vazhdojmë të veprojmë me forcë edhe më të madhe”.

Sipas marrëveshjes së ndërmjetësuar nga Shtetet e Bashkuara dhe Franca, Libani është zotuar për çarmatosje të Hezbollahut, grup që dikur konsiderohej se ishte më i armatosur sesa vetë shteti.

Hezbollahu pati nxitur armiqësitë mes dy palëve që kanë zgjatur me muaj, duke kryer sulme në veriun e Izraelit, si shenjë solidariteti me grupin palestinez Hamas – gjithashtu i shpallur organizatë terroriste nga Shtetet e Bashkuara dhe Bashkimi Evropian – pas sulmeve të 7 tetorit 2023.

Lufta ka rezultuar me dobësim të konsiderueshëm të Hezbollahut, dhe vrasje të komandantëve të lartë, përfshirë liderin prej shumë kohësh, Hassan Nasrallah./REL

Izraeli kryen sërish sulme ndaj objektivave të Hezbollahut në Libanin jugor. Kryeministri Benjamin Netanyahu tha se ai kishte udhëzuar Forcat e Mbrojtjes të Izraelit të veprojnë duke shënjestruar terroriste. Tre raketa u neutralizuan në qytetin izraelit Metula të shtunën në mëngjes, por nuk u raportua për të lënduar. Asnjë grup nuk e ka pranuar lëshimin […]

The post Izraeli kryen sulme ndaj Hezbollahut appeared first on BoldNews.al.

Kryeministri izraelit Benjamin Netanyahu ka bërë thirrje për çarmatimin e plotë të grupit libanez Hezbollah.

Duke folur në një konferencë për shtyp me Sekretarin e Shtetit të SHBA-së, Marco Rubio në Tel Aviv, Netanyahu tha se ai diskutoi me diplomatin e lartë amerikan një mori çështjesh, duke përfshirë parandalimin e Iranit nga marrja e armëve bërthamore.

“Ne ramë dakord që ata nuk duhet të kenë armë bërthamore dhe gjithashtu ramë dakord që agresioni i Iranit në rajon duhet të tërhiqet”, tha Netanyahu.

Bëhet e ditur se një armëpushim i brishtë ka qenë në fuqi në Liban që nga 27 nëntori, duke i dhënë fund muajve të bombardimeve të ndërsjella midis Izraelit dhe Hezbollahut që u përshkallëzua në një konflikt të plotë shtatorin e kaluar, shkruajnë mediat e huaja, përcjell Telegrafi.

Por, pavarësisht armëpushimit, Izraeli ka kryer mbi 870 shkelje, duke vrarë dhe plagosur dhjetëra në Liban, duke përfshirë gra dhe fëmijë.

Sipas marrëveshjes së armëpushimit, Izraeli duhej të përfundonte tërheqjen e tij nga Libani jugor deri më 26 janar, por afati u zgjat deri në 18 shkurt pasi Izraeli refuzoi të zbatonte.

“Nëse ndonjë forcë tjetër beson se Izraeli do të lejojë forcat e tjera armiqësore të përdorin Sirinë si bazë operacionesh kundër nesh, ata gabohen rëndë”, paralajmëroi Netanyahu.

Ai pohoi gjithashtu se Gjykata Ndërkombëtare Penale (ICC) kishte lëshuar urdhra arresti kundër tij dhe ish-ministrit të Mbrojtjes Yoav Gallant bazuar në “gënjeshtra.

Ndryshe, Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën e tij në enklavë. /Telegrafi/

The post Netanyahu bën thirrje për çarmatimin e plotë të Hezbollahut appeared first on Telegrafi.

Kryeministri izraelit, Benjamin Netanyahu i dhuroi presidentit amerikan, Donald Trump një pejxher të artë dhe një të zakonshëm, si referencë për një operacion të fshehtë të drejtuar kundër grupit libanez Hezbollah.

“Ky ishte një operacion i shkëlqyer”, u përgjigj Trump, sipas raportimit të timesofisrael.

Në këmbim, Trumpi i dhuroi Netanyahut një fotografi të tyre me dedikimin, “Bibi, lideri i madh”.

Në muajin shtator, mijëra pejxhera të përdorur nga operativët e Hezbollahut në mbarë Libanin papritmas shpërthyen, duke vrarë dhe plagosur dhjetëra njerëz.

Një ditë më vonë, qindra radio komunikues gjithashtu shpërthyen, duke shkaktuar edhe më shumë viktima. Në sulm humbën jetën të paktën 12 civilë, përfshirë dy fëmijë.

Sulmet, të cilat shpejt iu atribuuan Izraelit, ndodhën në një kohë kur Izraeli kishte intensifikuar operacionet kundër Hezbollahut, i cili kishte nisur sulme ndaj Izraelit pothuajse menjëherë pas sulmit të grupit palestinez, aleat i Hamasit.

Në muajin dhjetor, Forcat e Mbrojtjes të Izraelit (IDF) zbuluan më shumë informacione mbi rolin e tyre në operacion, ndërsa shërbimi sekret izraelit Mossad gjithashtu mori merita për kontributin e tij. /Telegrafi/

The post Netanyahu i dha Trumpit një pejxher ari për nder të operacionit kundër Hezbollahut appeared first on Telegrafi.

Afati i fundit për tërheqjen izraelite nga Libani jugor skadoi herët të dielën, por trupat do të mbeten në disa zona pasi Izraeli thotë se një marrëveshje armëpushimi me Hezbollahun nuk është zbatuar plotësisht.

Marrëveshja 60-ditore, e cila u ndërmjetësua nga SHBA dhe Franca dhe i dha fund konfliktit 14 muajsh, përcaktoi tërheqjen e trupave izraelite nga Libani jugor dhe largimin e luftëtarëve dhe armëve të Hezbollahut prej andej.

Në të njëjtën kohë, mijëra ushtarë libanezë do të dislokoheshin në zonën ku, për dekada, Hezbollahu ka qenë forca dominuese, transmeton Telegrafi.

Ky është testi i parë i madh për presidentin e ri libanez, shefin e ushtrisë Joseph Aoun, i cili dëshiron të sjellë stabilitet në vend.

Të shtunën, zyra e tij tha se “kontaktet dhe konsultimet intensive” vazhduan për të adresuar situatën në jug, duke përfshirë “praktikat e rrezikshme izraelite”.

Nuk është e qartë se si do të përgjigjet Hezbollahu, por çdo rifillim i armiqësive ka të ngjarë të përballet me kundërshtime të forta në vend.

Konflikti u përshkallëzua shtatorin e kaluar, me një fushatë intensive ajrore izraelite në të gjithë Libanin, me vrasjen e udhëheqësve të lartë të Hezbollahut dhe me një pushtim tokësor të Libanit jugor.

Ofensiva vrau rreth 4,000 njerëz në Liban – duke përfshirë shumë civilë – dhe çoi në zhvendosjen e më shumë se 1.2 milion banorëve.

Të premten, zyra e kryeministrit izraelit tha se tërheqja e përshkruar në armëpushimin ishte “e kushtëzuar nga dislokimi i ushtrisë libaneze në Libanin jugor dhe zbatimi i plotë dhe efektiv i marrëveshjes, ndërsa Hezbollahu tërhiqet përtej Litanit”, një lumë rreth 30 kilometra nga linja e kaltër – kufiri jozyrtar midis Libanit dhe Izraelit.

“Meqenëse marrëveshja e armëpushimit duhet ende të zbatohet plotësisht nga shteti libanez, procesi gradual i tërheqjes do të vazhdojë, në koordinim të plotë me SHBA-në”, thuhet në deklaratë, pa specifikuar se sa gjatë mund të qëndrojnë forcat izraelite në Liban.

Gjithashtu nuk ishte e qartë se sa ushtarë izraelitë kishin mbetur në vend.

Në një deklaratë të shtunën, ushtria libaneze tha se vazhdoi të “zbatojë planin për të rritur vendosjen” në zonat përgjatë kufirit, por se ka pasur “vonesa në disa faza për shkak të zvarritjes së armikut izraelit në tërheqjen, duke ndërlikuar vendosjen e ushtrisë”.

Ai gjithashtu u bëri thirrje banorëve që të përmbahen nga kthimi në zonat kufitare.

Nuk ka pasur asnjë reagim të menjëhershëm nga Hezbollahu. Të enjten, grupi tha se mosrespektimi i afatit do të ishte një “shkelje e hapur e marrëveshjes, një shkelje e sovranitetit libanez dhe një hyrje në një fazë të re të okupimit”.

Por në deklaratë nuk thuhej se si do të përgjigjej grupi nëse trupat izraelite do të mbesin në vend.

Një zyrtar diplomatik perëndimor i njohur me negociatat, i cili foli në kushte anonimiteti për të diskutuar bisedimet, tha se Izraeli kishte thënë se i duhej më shumë kohë për të shkatërruar infrastrukturën e Hezbollahut në Libanin jugor, dhe se plani fillestar ishte për një zgjatje 30-ditore.

The post Afati për tërheqjen e Izraelit nga Libani skadon, por trupat do të qëndrojnë appeared first on Telegrafi.

Presidenti libanez Joseph Aoun thirri Kryetarin e Gjykatës Ndërkombëtare të Drejtësisë, Nawaf Salam për ta emëruar për postin e kryeministrit pasi shumica e ligjvënësve të hënën votuan për të, një goditje e fuqishme kundër Hezbollahut, i cili akuzoi rivalët e tij se donin ta mënjanonin grupin militant. Përzgjedhja e zotit Salam ishte shenjë e ndryshimit

Presidenti libanez Joseph Aoun thirri Kryetarin e Gjykatës Ndërkombëtare të Drejtësisë, Nawaf Salam për ta emëruar për postin e kryeministrit pasi shumica e ligjvënësve të hënën votuan për të, një goditje e fuqishme kundër Hezbollahut, i cili akuzoi rivalët e tij se donin ta mënjanonin grupin militant.

Përzgjedhja e zotit Salam ishte shenjë e ndryshimit të dukshëm në ekuilibrin e pushtetit të fraksioneve të ndryshme sektare të Libanit, që kur Hezbollahu pësoi goditje të rëndë gjatë luftës me Izraelin vitin e kaluar dhe me rrëzimin e aleatit të tij në Siri, Bashar al-Assad.

Presidenca tha se zoti Salam, i cili për momentin gjendet jashtë vendit dhe pritet të kthehet të martën, siguroi përkrahjen e 84 prej 128 ligjvënësve në parlament dhe se Presidenti Aoun ftoi atë të formojë qeverinë.

Zoti Salam mori përkrahjen e fraksioneve të krishtera dhe nga ligjvënës të rëndësishëm duke përfshirë disa aleatë të Hezbollahut.

Por ligjvënësit e Hezbollahut dhe aleatit të tij shiit nga Lëvizja Amal, nuk emëruan askënd për këtë pozitë, duke sinjalizuar se ata aktualisht nuk synojnë të përfshihen në qeverinë e zotit Salam.

Ligjvënësi i Hezbollahut, Mohammed Raad, grupi i të cilit, që mbështetet nga Irani, dëshironte që kryeministri i tanishëm Najib Mikati të qëndronte në këtë pozitë, tha se kundërshtarët e Hezbollahut po punojnë në favor të ndarjes dhe përjashtimit. Ai tha se grupi e “kishte zgjatur dorën” e bashkëpunimit përmes zgjedhjes së zotit Joseph Aoun për president javën e kaluar, por se këtë javë kjo “dorë u kthye mbrapsht”.

Sipas sistemit libanez të ndarjes së pushtetit në bazë të vijave fetare, kryeministri duhet të jetë nga radhët e myslimanëve suni. Presidenca i takon një të krishteri nga sekti maronit, ndërsa kryetari i parlamentit duhet të jetë mysliman shiit.

LEXONI GJITHASHTU:

• Parlamenti i Libanit emëron president shefin e ushtrisë
• Izraeli i paralajmëron rebelët Huthi: Rrezikoni fatin e Hamasit dhe Hezbollahut

The post Libani përzgjedh kandidatin për kryeministër, Hezbollahu shpreh pakënaqësinë appeared first on Euronews Albania.

Ministri i Mbrojtjes i Izraelit, Israel Katz, akuzoi sot Hezbollahun e Libanit se nuk po respekton kushtet e marrëveshjes së armëpushimit dhe paralajmëroi se vendi i tij mund të “detyrohet të veprojë”. Katz pohoi se luftëtarët e Hezbollahut nuk janë tërhequr në veri të lumit Litani në Libanin jugor, rreth 30 kilometra nga kufiri izraelit.

Trupat izraelite gjetën dhe shkatërruan një tunel nëntokësor më shumë se 300 metra të gjatë të përdorur nga forcat Radwan të Hezbollahut si një strehë terroriste, njoftoi IDF.

Ushtria izraelite tha se e zbuloi tunelin gjatë operacioneve në Libanin jugor.

Bëhet e ditur se IDF ka nisur një seri sulmesh që synojnë të parandalojnë që armët të bien në duart e Hezbollahut, i cili ka sulmuar Izraelin për më shumë se një vit përpara se të miratohej një armëpushim muajin e kaluar.

“Me ndihmën e njësisë Yahalom, e cila hetoi dhe pastroi rrugën e tunelit nga eksplozivët dhe kërcënimet, trupat gjetën pushkë, mitralozë, raketa antitank dhe sisteme vëzhgimi brenda tunelit”, tha IDF në një deklaratë.

Ushtria deklaroi se të gjitha armët u konfiskuan dhe u shkatërruan, së bashku me vetë tunelin, shkruan yahoonews, përcjell Telegrafi.

Siç raportohet, Forca paqeruajtëse e Kombeve të Bashkuara në Liban (UNIFIL) bëri thirrje të enjten që forcat izraelite të tërhiqen nga Libani jugor, duke pretenduar se Izraeli kishte shkelur kushtet e marrëveshjes së armëpushimit të 27 nëntorit me Hezbollahun e mbështetur nga Irani.

Ndryshe, Izraeli dhe Hezbollahu ranë dakord për një armëpushim 60-ditor të ndërmjetësuar nga SHBA-ja që kërkon një tërheqje ushtarake izraelite pas më shumë se një viti lufte, në përputhje me një rezolutë të Këshillit të Sigurimit të OKB-së të vitit 2006 që i dha fund konfliktit të tyre.

Sipas marrëveshjes, luftëtarët e Hezbollahut duhet të largohen nga pozicionet në Libanin jugor dhe të lëvizin në veri të lumit Litani, së bashku me një tërheqje të plotë izraelite nga jugu.

Deklarata e UNIFIL-it tërhoqi vëmendjen ndaj asaj që tha se ishte shkatërrimi i vazhdueshëm nga forcat izraelite të zonave të banuara, tokës bujqësore dhe infrastrukturës në Libanin jugor.

“UNIFIL vazhdon të kërkojë tërheqjen në kohë të Forcave të Mbrojtjes të Izraelit dhe vendosjen e Forcave të Armatosura Libaneze (në vend të Hezbollahut) në Libanin jugor, krahas zbatimit të plotë të Rezolutës 1701 si një rrugë gjithëpërfshirëse drejt paqes”, thuhet në deklaratë. /Telegrafi/

The post Ushtria izraelite gjen dhe shkatërron një depo armësh të Hezbollahut appeared first on Telegrafi.

Kreu i Hezbollahut, Naim Qassem ka njoftuar se grupi i armatosur libanez ka humbur rrugën e furnizimit përmes Sirisë, në komentet e tij të para që nga përmbysja e presidentit sirian Bashar al-Assad gati një javë më parë nga një ofensivë gjithëpërfshirëse rebele.

Bëhet e ditur se nën Assadin, Hezbollahu i mbështetur nga Irani përdori Sirinë për të siguruar armë dhe pajisje të tjera ushtarake nga Irani, përmes Irakut dhe Sirisë dhe në Liban.

Por më 6 dhjetor, luftëtarët anti-Assad e bllokuan atë rrugë dhe dy ditë më vonë rebelët pushtuan Damaskun.

“Po, Hezbollahu ka humbur rrugën e furnizimit ushtarak përmes Sirisë në këtë fazë”, tha Qassem në një fjalim televiziv, pa përmendur emrin e Assadit, shkruan Reuters, përcjell Telegrafi.

“Një regjim i ri mund të vijë dhe kjo rrugë mund të kthehet në normalitet, dhe ne mund të kërkojmë mënyra të tjera”, shtoi ai.

Ndryshe, Hezbollahu filloi të ndërhynte në Siri në vitin 2013 për të ndihmuar Assadin të luftonte rebelët që kërkonin ta rrëzonin atë në atë kohë.

Javën e kaluar, ndërsa rebelët iu afruan Damaskut, grupi dërgoi oficerë për të mbikëqyrur tërheqjen e luftëtarëve të tij atje.

Tani qeveria e Assadit është zëvendësuar me një qeveri të përkohshme kalimtare të vendosur nga Hayat Tahrir al-Sham, një ish-degë e Al -Kaedas që udhëhoqi ofensivën rebele.

Qassem tha se Hezbollahu “nuk mund t’i gjykojë këto forca të reja derisa ato të stabilizohen” dhe “të marrin pozicione të qarta”, por tha se shpreson që popujt dhe qeveritë libaneze dhe siriane të mund të vazhdojnë të bashkëpunojnë.

“Ne gjithashtu shpresojmë që kjo parti e re në pushtet do ta konsiderojë Izraelin armik dhe nuk do të normalizojë marrëdhëniet me të”, tha Qassem. /Telegrafi/

The post Goditje e rëndë për Hezbollahun: Mbyllen rrugët e furnizimit ushtarak përmes Sirisë appeared first on Telegrafi.

Grupi shiit libanez Hezbollah ka dërguar 2,000 luftëtarë të tij si përforcime në qytetin e Qusheir, një nga bastionet e tij në Siri, pranë kufirit me Libanin, me synimin për ta mbrojtur atë nëse sulmohet nga rebelët sirianë, tha një burim për AFP.

Sipas këtij burimi, Hezbollahu  dërgoi 2000 burra nga Libani në zonën e Qusheir dhe vargmalin që ndan Sirinë nga Libani. Grupi libanez, i cili ka luftuar përkrah ushtrisë qeveritare siriane në të kaluarën, nuk ka marrë pjesë në luftimet që kanë vazhduar gjatë dhjetë ditëve të fundit me rebelët, shtoi i njëjti burim./abcnews.al

Kryeministri i Izraelit, Benjamin Netanyahu tha se vendi është i përkushtuar për një marrëveshje armëpushimi me Hezbollahun, por paralajmëroi se kjo nuk do të thotë se lufta ka përfunduar. Duke folur në fillim të një takimi të kabinetit në qytetin kufitar verior të Nahariya, Netanyahu paralajmëroi se Hezbollahu kishte shkelur seriozisht marrëveshjen e së hënës

Hezbollahu – grupi militant dhe partia politike që kontrollon shumicën e jugut të Libanit – ka kryer sulm në zonën kufitare, që është nën kontrollin e Izraelit, më 2 dhjetor, pasi Izraeli ka kryer disa sulme brenda Libanit që kur marrëveshja për ndaljen e armiqësive hyri në fuqi javën e kaluar.

Hezbollahu tha se sulmi i tij – që ishte i pari që nga armëpushimi – ishte paralajmërim në përgjigje të atyre që tha se ishin shkelje të vazhdueshme të armëpushimit nga Izraeli.

Ushtria izraelite tha se dy predha u lëshuan drejt malit Dov, që është një territor i kontestueshëm i cili është nën kontrollin e Izraelit. Ky vend gjendet ku ndodhet kufiri mes Libanit, Sirisë dhe Izraelit.

Nga sulmi i Hezbollahut nuk u raportua për viktima e as dëme materiale.

Ky grup libanez tha se sulmoi pozicionet ushtarake izraelite në këtë zonë si “paralajmërim” për ato që i cilësoi si “shkelje të vazhdueshme” të armëpushimit.

Armëpushimi, i ndërmjetësuar nga Shtetet e Bashkuara dhe Franca, hyri në fuqi javën e kaluar dhe parasheh ndërprerje të luftimeve për 60 ditë, duke synuar që t’i japë fund luftimeve mbi 1-vjeçare mes Izraelit dhe Hezbollahut.

Që atëherë, Izraeli ka kryer një sërë sulmesh ajrore në Liban. Sulmet e fundit, Izraeli i kreu të hënën, kur një dron vrau një person që po udhëtonte me motoçikletë në jug të Libanit dhe një sulm tjetër goditi një buldozer të ushtrisë libaneze në qytetin verilindor të Hermelit, duke lënë të plagosur një ushtar.

Izraeli tha se sulmet ishin në përgjigje të shkeljeve të armëpushimit nga Hezbollahu, por nuk dha detaje se për çarë shkeljesh bëhet fjalë.

Edhe në ditët paraprake ka pasur sulme në Liban.

SHBA-ja dhe Franca kanë për detyrë të monitorojnë të gjitha shkeljet e armëpushimit. Izraeli tha se, sipas marrëveshjes së armëpushimit, rezervon të drejtën që të përgjigjet nëse armëpushimi shkelet.

Hezbollahu ka gjuajtur raketa drejt veriut të Izraelit që nga nisja e luftës në Gazë në tetor të vitit 2023. Ky grup ka thënë se do të ndalë sulmet vetëm pasi Izraeli t’i japë fund luftës së tij në Gazë. Luftimet mes palëve u përshkallëzuan në tetor, kur Izraeli nisi një ofensivë tokësore në Liban.

Në 14 muajt e fundit, Izraeli ka vrarë pothuajse të gjithë udhëheqjen e Hezbollahut, përfshirë udhëheqësin e kamotshëm, Hassan Nasrallahun, dhe ka shkatërruar arsenalin ushtarak të grupit.

Izraeli është zotuar se do të sigurohet që Irani të mos vazhdojë ta financojë dhe armatosë grupin dhe ka paralajmëruar presidentin sirian, Bashar al-Assad, kundër lehtësimit të ndihmës iraniane për Hezbollahun./ REL

The post ‘Plas’ sërish pas armëpushimit, Hezbollahu kryen sulmin e parë ndaj Izraelit appeared first on Sot News | Lajme.

Izraeli dhe grupi militant libanez Hezbollah kanë rënë dakord për një marrëveshje armëpushimi, që do t’i japë fund më shumë se një viti luftimesh.

Marrëveshja u njoftua nga presidenti i SHBA, Joe Biden, i cili tha se ajo është “projektuar për të qenë një ndërprerje e përhershme e armiqësive”, transmeton Telegrafi.

Sky News hedh një vështrim se çfarë përfshin marrëveshja e propozuar nga SHBA, çfarë ndodh nëse prishet dhe çfarë do të vijë më pas.

Mijëra të vdekur dhe një milion të zhvendosur

Marrëveshja i jep fund luftimeve gati 14 mujore, të cilat kanë shkaktuar më shumë se 3,500 vdekje të libanezëve dhe më shumë se 15,000 të plagosur.

Sulmet izraelite në Liban kanë detyruar 1.2 milionë njerëz të lënë shtëpitë e tyre, ndërsa sulmet e Hezbollahut kanë detyruar rreth 50,000 izraelitë të evakuojnë veriun e vendit.

Raketat e Hezbollahut të lëshuara në Izrael kanë vrarë të paktën 75 njerëz, më shumë se gjysma e tyre civilë dhe më shumë se 50 ushtarë izraelitë kanë vdekur në ofensivën tokësore në Liban.

Grupi i mbështetur nga Irani filloi të qëllonte në veri të Izraelit një ditë pasi militantët e Hamasit sulmuan kufirin nga Gaza në Izrael në tetor të vitit të kaluar, duke ndezur luftën në Gaza.

Çfarë përfshin marrëveshja?

Marrëveshja thuhet se kërkon një ndalesë fillestare 60-ditore të luftimeve midis Izraelit dhe Hezbollahut.

Forcat e Hezbollahut do të linin pozicionet e tyre në Libanin jugor dhe do të tërhiqeshin në veri të lumit Litani, i cili kalon rreth 30 kilometra në veri të kufirit me Izraelin.

Izraeli do të tërheqë forcat e tij nga Libani për një periudhë prej 60 ditësh, tha Biden, pasi ushtria libaneze merr kontrollin e territorit të saj pranë kufirit për të siguruar që Hezbollahu të mos rindërtojë infrastrukturën e tij atje.

Masa do të lejojë civilët nga të dyja palët të “kthehen të sigurtë në komunitetet e tyre”, shtoi ai.

Ministri i Jashtëm i Libanit, Abdallah Bou Habib, tha se ushtria libaneze ishte e përgatitur për të vendosur të paktën 5,000 trupa në Libanin jugor, ndërsa ushtarët izraelitë tërhiqen.

Po nëse prishet marrëveshja?

Kryeministri izraelit Benjamin Netanyahu tha se vendi i tij do t’i përgjigjet me forcë çdo shkeljeje të armëpushimit nga Hezbollahu, duke thënë se Izraeli do të ruajë “lirinë e plotë ushtarake të veprimit”.

“Nëse Hezbollahu thyen marrëveshjen dhe përpiqet të riarmatoset, ne do të sulmojmë. Për çdo shkelje, ne do të sulmojmë me forcë”, tha ai.

Biden tha gjithashtu se Izraeli rezervoi të drejtën për t’u hakmarrë nëse Hezbollahu thyen kushtet e armëpushimit, duke shtuar: “Ajo që ka mbetur nga Hezbollahu dhe organizata të tjera terroriste nuk do të lejohet të kërcënojë përsëri sigurinë”.

Kush do ta monitorojë armëpushimin?

Marrëveshja e armëpushimit do të monitorohet nga një panel ndërkombëtar i udhëhequr nga SHBA, së bashku me mijëra trupa libaneze dhe paqeruajtës të OKB-së të vendosur rreth kufirit të Libanit me Izraelin.

Ministri i Mbrojtjes i Izraelit, Israel Katz, ka këmbëngulur se ushtria izraelite do të godiste Hezbollahun nëse forca paqeruajtëse e OKB-së UNIFIL nuk do të siguronte “zbatim efektiv” të marrëveshjes.

Shtetet e Bashkuara do të punojnë me ushtrinë libaneze për të penguar shkeljet e mundshme, por asnjë trupë luftarake amerikane nuk do të vendoset në zonë, tha një zyrtar i lartë amerikan.

Në një deklaratë të përbashkët, Biden dhe presidenti francez Emmanuel Macron thanë se Franca dhe SHBA do të punojnë së bashku për të siguruar që kushtet e marrëveshjes të respektohen.

Çfarë ndodh më pas?

Edhe pse marrëveshja e armëpushimit i jep fund armiqësive mbi një vit midis Izraelit dhe Hezbollahut, të shkaktuara nga sulmi i Hamasit ndaj Izraelit më 7 tetor të vitit të kaluar, lufta shkatërruese në Gaza vazhdon.

Biden tha se SHBA do të bëjë një tjetër shtytje për të arritur një armëpushim dhe marrëveshje për lirimin e pengjeve midis Izraelit dhe Hamasit në Gaza. /Telegrafi/

 

The post Çfarë përfshin armëpushimi midis Izraelit dhe Hezbollahut dhe çfarë ndodh nëse prishet? appeared first on Telegrafi.

Hamasi është gati të arrijë një armëpushim në Gaza, tha një zyrtar i lartë i grupit të rezistencës palestineze, duke përshëndetur armëpushimin që u arrit në Liban.

“Ne kemi informuar ndërmjetësuesit në Egjipt, Katar dhe Turqi se Hamasi është gati për një marrëveshje armëpushimi dhe një marrëveshje serioze për shkëmbimin e të burgosurve”, citohet të ketë thënë zyrtari për AFP.

Megjithatë, ai ka akuzuar Izraelin për pengim të një marrëveshjeje, shkruajnë mediat e huaja, përcjell Telegrafi.

Deklarata e tij vjen pasi kabineti i sigurisë i Izraelit ka miratuar një marrëveshje armëpushimi me Hezbollahun, duke i dhënë fund “përplasjeve” ndërkufitare për më shumë se një vit me Hezbollahun dhe muajve të tërë të një lufte në shkallë të gjerë që ka vrarë mijëra njerëz.

Kryeministri izraelit Benjamin Netanyahu tha se kishte tri arsye kryesore që ai dëshironte armëpushimin: “përqendrimi në kërcënimin iranian”, për t’u dhënë frymë trupave izraelite dhe për të rritur presionin ndaj Hamasit.

Netanyahu thuhet se ka biseduar me presidentin amerikan Joe Biden dhe e falënderoi për përfshirjen e tij në marrëveshje.

Ndërkohë duke folur nga Shtëpia e Bardhë, Biden paraqiti disa detaje të marrëveshjes dhe falënderoi presidentin Emmanuel Macron të Francës, i cili gjithashtu ndihmoi në ndërmjetësimin për arritjen e marrëveshjes. /Telegrafi/

The post Pas Hezbollahut, edhe Hamasi thotë se është gati për armëpushim në Gaza appeared first on Telegrafi.

Kryeministri izraelit Benjamin Netanyahu tha të martën se do t’i rekomandojë kabinetit të tij të luftës të miratojë propozimin për armëpushim me Hezbollahun, të ndërmjetësuar nga Shtetet e Bashkuara.

Ai tha se ishte i gatshëm të zbatojë marrëveshjen e armëpushimit me Libanin dhe se “do t’i përgjigjet me forcë çdo shkeljeje të saj” nga ana e Hezbollahut.

Kryeministri Netanyahu tha se kabineti pritet të votojë vonë të martën. Armëpushimi pritet të hyjë në fuqi të mërkurën. Detajet tjera të planit ende nuk janë bërë publike.

Presidenti amerikan Joe Biden pritet të bëjë një deklaratë nga Shtëpia e Bardhë së shpejti për të shpallur armëpushimin.

Por krahas përparimit politik, përshkallëzimi ushtarak vazhdoi të martën. Aeroplanët izraelitë vazhduan të bombardojnë Bejrutin, përfshirë afër qendrës së kryeqytetit, dhe Libanin jugor, ndërkohë që ushtria izraelite njoftoi se trupat e saj kanë arritur deri tek Lumi i Litanit, një pikë kyçe e marrëveshjes së armëpushimit. Sipas autoriteteve libaneze, 31 persona humbën jetën në këto sulme. Izraeli lëshoi urdhra evakuimi në 20 vendbanme në periferitë e Bejrutit, paralajmërimi më i madh që nga intensifikimi i konfliktit në Liban.

Përfaqësuesi i lartë i Bashkimit Evropian për Sigurinë dhe Politikën e Jashtme, Josep Borrell, i cili po merr pjesë në takimin e ministrave të jashtëm të shtatë shteteve më të zhvilluara në Itali, tha se komisioni që do të mbikëqyrë zbatimin e armëpushimit do të kryesohet nga Shtetet e Bashkuara, ndërkohë që Franca do të jetë anëtare e tij me kërkesën e Libanit. Ai paralajmëroi se mungesa e një armëpushimi “do ta shkatërronte Libanin.”

“Nuk ka arsyetim për të mos arritur armëpushimin në Liban. Marrëveshja e propozuar dhe e ndërmjetësuar nga Shtetet e Bashkuara dhe Franca, u jep përgjigje të gjitha shqetësimeve të sigurisë së Izraelit… Nuk ka më arsyetime, nuk ka më kërkesa shtesë. Jepni fund luftimeve, ndaloni vrasjen e njerëzve dhe të fillojmë të mendojmë për paqen”, – deklaroi ai.

Ministri i jashtëm i Libanit, Abdallah Bou Habib u shpreh optimist se marrëveshja mund të arrihet të martën mbrëma.

Ndër çështjet për të cilën ende nuk ka pajtim është kërkesa e Izraelit që të rezervojë të drejtën për të vepruar nëse Hezbollahu shkel detyrimet që dalin nga marrëveshja.
Marrëveshja parashikon largimin e forcave izraelite nga Libani dhe detyron militantët e Hezbollahut të tërhiqen brenda 60 ditësh drejt veriut, përtej lumit të Litanit, që gjendet rreth 30 kilometra larg kufirit ndërmjet Libanit dhe Izraelit.

Sipas zyrtarëve, ushtria libaneze do të dislokojë 5 mijë ushtarë në pjesën jugore të Libanit, ndprsa Shtetet e Bashkuara pritet të ndihmojnë në ndërtimin e infrastrukturës së shkatërruar nga sulmet izraelite.

Shtëpia e Bardhë tha të hënën se palët janë afër marrëveshjes dhe presidenca franceze tha se bisedimet kanë shënuar përparim të rëndësishëm.

Ndërkohë një komision civil i krijuar për të hetuar sulmin e Hamasit më 7 tetor tha të martën se Kryeministri Netanyahu është përgjegjës për atë që e quajtën “dështimi më i madh i Izraelit dhe në historinë e këtij shtetit”.

Sipas kryetares së Komisionit Varda Alsheikh, qeveria e Izraelit, “dështoi në detyrën e saj kryesore” për të mbrojtur banorët e Izraelit. /VOA

The post Netanyahu bie dakord: Gati të firmosim armëpushimin me Hezbollahun appeared first on Lapsi.al.

Joe Biden ka folur pas fjalimit të kryeministrit izraelit, Benjamin Netanyahu, i cili deklaroi se është pro marrëveshjes për armëpushim me Hezbollahun.

Presidenti amerikan thotë “Izraeli nuk e nisi këtë luftë” dhe as populli libanez, shkruan skynews.

“Që nga fillimi i luftës me Hezbollah, mbi 70 mijë izraelitë janë detyruar të jetojnë si refugjatë në vendin e tyre dhe mbi 300 mijë libanezë gjithashtu janë detyruar të jetojnë si refugjatë në vendin e tyre”, pohoi 82-vjeçari.

Biden thotë se sot është arritur një marrëveshje, e cila do të hyjë në fuqi nesër në orën 4:00, sipas orës lokale.

“Lufta përgjatë kufirit Izrael-Liban do të mbarojë. Kjo është menduar të jetë një ndalje e përhershme e armiqësive. Ajo që ka mbetur nga Hezbollah dhe organizatat e tjera terroriste nuk do të lejohet të kërcënojnë më sigurinë”, deklaroi lideri amerikan.

Duke shpjeguar planin, presidenti amerikan thotë se gjatë 60 ditëve të ardhshme ushtria libaneze dhe forcat e sigurisë të shtetit do të dislokohen dhe do të rikthejnë kontrollin mbi territorin e tyre.

“Infrastruktura e Hezbollahut në jug të Libanit nuk do të lejohet të rindërtohet. Dhe gjatë 60 ditëve të ardhshme, Izraeli do të tërheqë gradualisht forcat e tij”, pohoi ai.

Lideri amerikan gjithashtu thotë se SHBA-ja, me mbështetje nga Franca dhe aleatë të tjerë, “ka premtuar të punojë me Izraelin dhe Libanin për të siguruar që marrëveshja të zbatohet”.

“Ashtu si populli libanez meriton një të ardhme me siguri dhe mirëqenie, edhe populli i Gazës e meriton një të ardhme të tillë. Populli i Gazës ka kaluar nëpër ferr. Bota e tyre është shkatërruar. Shumë civilë në Gaza kanë vuajtur tepër shumë. Hamasi ka refuzuar për muaj me radhë të negociojë një armëpushim të ndershëm dhe një marrëveshje për pengjet. Prandaj tani Hamasi ka një zgjedhje për të bërë. E vetmja rrugëdalje për ta është të lirojnë pengjet, përfshirë qytetarët amerikanë që mbajnë”, tha ai.

Ndryshe, kryeministri izraelit, Benjamin Netanyahu ka bërë të ditur se marrëveshjen për armëpushim do ta paraqes për votim në kabinetin qeveritar ndërsa homologu i tij libanez, Najib Mikati kërkoi që të ndërpritet menjëherë lufta mes Izraelit dhe Hezbollahut. /Telegrafi/

The post Biden: Izraeli dhe Libani aprovojnë marrëveshjen për armëpushim appeared first on Telegrafi.