Vizita e presidentit të përkohshëm të Sirisë, Ahmad al-Sharaa, në Baku fundjavën e kaluar vuri në pah një ndryshim dramatik në aleancat rajonale, duke nxitur shqetësime, dyshime dhe rillogaritje strategjike në mediat iraniane.

Deklaratat zyrtare pas takimit të Sharas me presidentin Ilham Aliyev theksuan fillimin e një epoke të re në marrëdhëniet mes Sirisë dhe Azerbajxhanit.

Të dy liderët e pranuan se ka pasur ngecje në marrëdhëniet mes dy vendeve në të kaluarën, duke fajësuar drejtpërdrejt presidentin e rrëzuar Bashar al-Assad për “politikën armiqësore” dhe u zotuan se do ta kthejnë dhe thellojnë bashkëpunimin.

Në veçanti, vizita rezultoi në një marrëveshje për eksportin e gazit azerbajxhanas në Siri përmes Turqisë.

Zyrtarët që e vlerësuan këtë marrëveshje si një zgjidhje të nevojshme për krizën kronike të energjisë në Siri.

Ndërkohë, disa media, përfshirë ato izraelite, pretenduan se zyrtarë sirianë dhe izraelitë janë takuar në prapaskenë gjatë kësaj vizite.

Nuk është e qartë nëse Sharaa mori pjesë në takim, por vetë ekzistenca e një takimi të tillë – i mundësuar nga Azerbajxhani, aleati kryesor i Izraelit në rajon – ka shtuar më tej shqetësimet në Teheran.

Sharaa, ish-rebel i njohur me nofkën Abu Mohammed al-Jolani, u bashkua me rebelët e mbështetur nga Turqia dhe në dhjetor të vitit 2024 udhëhoqi fraksionin e tij, Hayat Tahrir al-Sham (HTS), në një ofensivë të shpejtë që përfundimisht përmbysi qeverinë e Assadit të mbështetur nga Irani dhe Rusia.

Sfidat e sigurisë

Një shqetësim i përbashkët në median iraniane është ajo që shihet si një zhvendosje e gjurmës militante nga fushëbetejat siriane drejt Kaukazit – mu në pragun e derës së Iranit.

Gazeta pro-reformiste Arman-e Melli argumentoi se një aspekt i marrëdhënieve në zhvillim mes Damaskut dhe Bakusë do të përfshijë transferimin e luftëtarëve me bazë në Siri përmes Turqisë në baza në Azerbajxhan – një zhvillim i mundshëm që ajo e përshkroi si një “mision” për Sharan.

Sipas gazetës, prania e tyre synon destabilizimin e zonave përgjatë kufijve të Iranit dhe Rusisë, si dhe kryerjen e operacioneve kundër boshtit më të gjerë Kinë-Rusi-Iran.

Gazeta konservatore Farhikhtegan mbajti një qëndrim të ngjashëm, duke pohuar se Sharaa e sheh ripërdorimin e luftëtarëve të tij si një mënyrë për të përmbushur kërkesën e Shteteve të Bashkuara të Amerikës për t’i dëbuar luftëtarët e huaj nga Siria.

Sipas këtij plani, shtoi ajo, Azerbajxhani do të bëhet një qendër strategjike – ose si një pikë nisjeje për infiltrime të mëtejshme në Kaukaz dhe Rusi, ose si një vendosje e qëndrueshme në zona si Karabaku.

“Mesazh” për Iranin

Rrjeti izraelit i24NEWS, duke cituar një burim të paidentifikuar sirian, pretendoi se Izraeli dhe Shtetet e Bashkuara kishin vendosur që Bakuja të ishte vendi i një takimi mes zyrtarëve izraelitë dhe sirianë për të “dërguar një mesazh për Iranin”.

Duke iu referuar këtij raporti, gazeta shtetërore iraniane Jam-e Jam, akuzoi se, duke pasur parasysh historikun e përfshirjes së supozuar të Bakusë në operacione kundër Iranit ndër vite, dhe dyshimet për bashkëpunimin e saj me Izraelin gjatë luftës së muajit të kaluar, kjo mund të merret si një “provë e qartë” se disa vende fqinje po bashkëpunojnë me Izraelin kundër Iranit.

Gazeta përmendi veçanërisht Azerbajxhanin dhe aleatët e tij, Turqinë dhe Izraelin, si vendet që “po formësojnë dinamika të reja që punojnë kundër interesave të Iranit”.

Sipas saj, Irani do të duhet t’i mbrojë interesat e tij kombëtare me mençuri diplomatike dhe të sigurisë, përfshirë forcimin e marrëdhënieve me fqinjët si Armenia dhe Rusia, si dhe të mbajë një qëndrim të fortë ndaj “provokimeve të Bakusë”.

Teherani po vëzhgon me shqetësim të rritur teksa Azerbajxhani po forcon lidhjet me Izraelin.

Në vitet e fundit, partneriteti është zgjeruar ndjeshëm, i shënuar nga bashkëpunimi gjithnjë e më i thellë në fushën e mbrojtjes dhe vendimi i Bakusë për të hapur një ambasadë në Tel Aviv në vitin 2023 – zhvillime që vetëm sa kanë rritur mosbesimin iranian.

Presidenti i Iranit, Masud Pezeshkian, muajin e kaluar i kërkoi Aliyevit që të “hetojë dhe verifikojë” raportet se dronë izraelitë, përfshirë mikro-dronë, kishin hyrë në hapësirën ajrore iraniane përmes territorit azerbajxhanas gjatë luftës 12-ditore që përfundoi me armëpushim më 24 qershor.

Aliyev i hodhi poshtë akuzat, duke deklaruar se Qeveria e tij nuk do të lejonte kurrë që territori i Azerbajxhanit të përdorej kundër Iranit. /REL/

The post Azerbajxhani dhe Siria “në një komplot” kundër Iranit? Ja çfarë thotë Teherani! appeared first on Telegrafi.

Vendet anëtare të grupimit BRICS, të mbledhura në Rio de Zhaneiro, kanë dënuar rritjen e tarifave dhe tensionet në Lindjen e Mesme, përfshirë konfliktin në Iran, por pa i drejtuar gishtin e përgjegjësisë presidentit amerikan, Donald Trump.

Në deklaratën përfundimtare, grupi përfshiu edhe aksionet ushtarake të Izraelit, por shmangu kritikat ndaj Rusisë për luftën në Ukrainë, e cila u përmend vetëm një herë dhe pa referenca të drejtpërdrejta.

Blloku shprehu “shqetësime serioze” për rritjen e tarifave, duke theksuar se kjo bie ndesh me rregullat e Organizatës Botërore të Tregtisë dhe mund të dëmtojë ndjeshëm ekonominë globale.

“Tarifat rrezikojnë të reduktojnë tregtinë globale, të çrregullojnë zinxhirët e furnizimit dhe të krijojnë pasiguri”, thuhet në deklaratë.

Presidenti brazilian, Luiz Inácio Lula da Silva, kritikoi gjithashtu vendimin e NATO-s për të rritur shpenzimet ushtarake në 5% të PBB-së për vendet anëtare, duke u shprehur se “është më e lehtë të investosh për luftë sesa për paqe”.

Megjithatë, pavarësisht qëndrimit të përbashkët mbi çështjet ndërkombëtare, samiti nuk arriti pritshmëritë e plota për shkak të mungesës së liderëve kryesorë të grupit.

Presidenti kinez Xi Jinping dhe ai rus Vladimir Putin munguan në takim. Putin vijon të shmangë udhëtimet ndërkombëtare për shkak të urdhër-arrestit ndërkombëtar të lëshuar pas pushtimit të Ukrainës.

Po ashtu, në samit munguan edhe presidenti i ri i Iranit, Masoud Pezeshkian, si dhe ai egjiptian Abdel Fattah al-Sisi, duke i dhënë një ton më të zbehtë takimit të nivelit të lartë.

Çfarë është aleanca BRICS?

BRICS u formua fillimisht në vitin 2009 nga Brazili, Rusia, India dhe Kina, me Afrikën e Jugut që iu bashkua një vit më pas.

Është rritur në 11 anëtarë, përfshirë Arabinë Saudite, Egjiptin, Etiopinë, Iranin, Emiratet e Bashkuara Arabe dhe Indonezinë – anëtari i fundit që i është bashkuar bllokut.

10 vende të tjera, midis tyre Vietnami, Nigeria dhe Malajzia, janë bashkuar si “vende partnere” zyrtare, një kategori e re e prezantuar në samitin e 16-të të BRICS në Rusi.

Blloku, i cili e sheh veten si një zë për Jugun Global, përbën rreth 44% të PBB-së globale dhe më shumë se 56% të popullsisë së botës.

Ajo mbështet një rend global shumëpolar, dhe kërkon të kundërshtojë ndikimin perëndimor në frontin global.

LEXONI GJITHASHTU:

• Trump rrit presionin, paralajmëron tarifa për vendet që nuk pranojnë marrëveshje
• Gjendet i vdekur ministri rus, pak orë pas shkarkimit nga Putin

The post BRICS kritika për tarifat dhe tensionet në Lindjen e Mesme por jo SHBA-në apo Rusinë appeared first on Euronews Albania.

Konflikti në Lindjen e Mesme ka arritur në ditën e 639. Ndërkohë kryeministri izraelit Benjamin Netanyahu, është nisur drejt SHBA ku do të pritet nga presidenti amerikan Donald Trump në Shtëpinë e Bardhë.

Para se të nisej nga Tel Avivi, kryeministri izraelit, ka bërë të qarta objektivat kryesore, lirimin e pengjeve dhe shkatërrimin e Hamasit.

Mesazhet e Natanyahut janë përcjellë nga mediat ndërkombëtare, ku edhe është shprehur: “Po punojmë për një marrëveshje sipas kushteve tona, ekziston një mundësi për të zgjeruar rrethin e paqes. Jemi të vendosur t’i kthejmë të gjithë pengjet në shtëpi. Në të njëjtën kohë, këmbëngulim në eliminimin e aftësive ushtarake të Hamasit dhe që Gaza të mos përbëjë më kërcënim për Izraelin. Një takim me Presidentin Donald Trump mund të ndihmojë në arritjen e marrëveshjes”, tha ndër të tjera, kryeministri Benjamin Netanyahu.

Kjo është vizita e tretë e Netanyahut në Shtëpinë e Bardhë.

/abcnews.al/

Që nga kohërat e lashta, rajoni i gjerë që ne e quajmë Lindja e Mesme ka formuar urën midis Azisë Perëndimore dhe Jugore, Afrikës dhe Evropës. Si qendra e revolucionit bujqësor neolitik – në “Gjysmëhënën Pjellore” midis Eufratit, Anadollit juglindor, Gjirit Persik dhe Mesdheut lindor – ai ishte shporta origjinale e bukës së njerëzimit, ku […]

The post Lufta dhe transformimi në Lindjen e Mesme appeared first on Reporter.al.

Këtë muaj që lamë pas, bota pa një zhvillim tronditës në Lindjen e Mesme, por ajo që ra më shumë në sy nuk ishte vetëm shpërthimi i bombave mbi objektet bërthamore të Iranit, por heshtja e thellë që pasoi nga kryeqytetet europiane. Ndërsa avionët amerikanë B-2 fluturonin drejt cakut, liderët më të mëdhenj të Europës vazhdonin të zhvillonin takime diplomatike, plotësisht të pavetëdijshëm se kishin mbetur jashtë loje. Ky ishte momenti kur kontinenti që dikur udhëhiqte rendin ndërkombëtar, u shndërrua në spektator të vetvetes, i përjashtuar, i anashkaluar dhe, më keq akoma, i përdorur. Europa nuk thjesht humbi ndikimin në krizën më të rrezikshme të dekadës, ajo u poshtërua në mënyrë të hapur nga aleati i saj më i afërt. Lapsi.al sjell analizën e Politicos: 

Kur bëhet fjalë për diplomacinë, ishte po aq poshtëruese për Europën sa ishte brutale në terma ushtarakë për Iranin.

Vendimi i Donald Trump për të bombarduar objektet bërthamore iraniane ekspozoi mospërfilljen e tij të plotë ndaj aleatëve tradicionalë të Amerikës përtej Atlantikut, të cilët të gjithë kishin bërë thirrje për përmbajtje.

Tani zyrtarët europianë po përpiqen të mbajnë një pamje të guximshme përballë mungesës së tyre të dukshme të rëndësisë për Shtetet e Bashkuara, dhe përballë krizës që po përshkallëzohet dhe është e pazgjidhshme në Lindjen e Mesme.

Ndoshta më dënuesja nga të gjitha, megjithatë, është dyshimi i vazhdueshëm se Trump jo vetëm që injoroi homologët e tij në Europë, por i përdori ata si mashtrime gjeopolitike të mëdha për të mashtruar Iranin që të mendonte se një sulm nuk ishte i afërt.

Për Europën, çmimi i kësaj pafuqie është i rëndë. Jo vetëm që BE-ja në mënyrë kolektive dërgon miliarda euro për të financuar programet e ndihmës për palestinezët, por konflikti ka shkaktuar një përçarje të fortë në politikën e shumë vendeve europiane që nga sulmet e Hamasit në tetor 2023.

Sulmet ajrore të SHBA ndaj Iranit tregojnë për “rënien nëse jo përjashtimin” e ndikimit të fuqive europiane në rajon, tha Sanam Vakil, një eksperte për Lindjen e Mesme në institutin Chatham House në Londër.

Ndërsa Trump rriti retorikën për sulmet ajrore javën e kaluar, dukej e pashmangshme që Amerika do të hynte në luftën e Izraelit me Iranin brenda pak ditësh. Pastaj të enjten, më 19 qershor, Shtëpia e Bardhë publikoi një deklaratë të papritur nga presidenti që sugjeronte se ai po tërhiqej nga ndërmarrja e veprimeve ushtarake.

Lëvizja MAGA e Trump-it ishte e përçarë, me disa figura të mëdha që ishin thellësisht kundër një lufte tjetër amerikane në Lindjen e Mesme.

Zëdhënësja e Trump-it, Karoline Leavitt, tha se ai do të vendoste brenda dy javëve nëse duhej të ndërmerrej veprim ushtarak, pasi donte t’i jepte një shans të vërtetë diplomacisë.

Kjo u pa si një shtysë e mirëpritur për diplomacinë mes zyrtarëve në Francë, Gjermani dhe Mbretërinë e Bashkuar, të cilët kishin një histori partneriteti me Amerikën në frenimin e ambicieve bërthamore të Iranit.

Këto të ashtuquajtura fuqi E3, së bashku me BE-në, planifikuan bisedime krize me ministrin e Jashtëm iranian Abbas Araghchi në Gjenevë ditën pasuese. Këto bisedime papritmas dukeshin se kishin shumë më tepër peshë.

Ka shenja që edhe amerikanët po e merrnin seriozisht takimin në Gjenevë, dhe ishin të zhgënjyer që Irani dukej kokëfortë në qëndrimin e tij.

Bisedimet përfunduan pa përparim, por E3 thanë se dëshironin që negociatat të vazhdonin.

Plotësisht në errësirë 

Brenda disa orëve, megjithatë, sulmi bombardues amerikan kishte nisur.

Në ditët pas sulmit nga bombarduesit B-2 mbi tre objekte bërthamore iraniane, ministrat europianë pranuan se kishin qenë plotësisht në errësirë për planin.

Johann Wadephul, ministri i jashtëm i Gjermanisë, tha në një intervistë televizive me ZDF të dielën në mbrëmje se Sekretari i Shtetit i SHBA Marco Rubio kishte qenë “i paekuivok” që Amerika nuk do të bashkohej në luftë. Ai tha se mendonte se i ishte treguar për bombardimin “ashtu si kolegu im britanik David Lammy, vetëm pas sulmit, jo më parë.” 

Në Londër, zyrtarët britanikë këmbëngulën se u ishte dhënë “njoftim” për veprimin ushtarak. Por gjithsesi ishte një poshtërim për udhëheqësin britanik Keir Starmer, i cili kishte kaluar ditët dhe javët paraardhëse duke bërë thirrje për de-përshkallëzim, dhe madje kishte shkuar deri aty sa të parashikonte publikisht se SHBA nuk ishte gati të ndërmerrte veprim ushtarak kundër Iranit.

Starmer e ka theksuar shumë marrëdhënien e tij të veçantë me Trump-in, duke synuar të veprojë si një urë midis Uashingtonit dhe pjesës tjetër të Europës. Por nuk të duhet urë nëse mjeti yt është një aeroplan luftarak B-2.

Kryeministrja e Italisë Giorgia Meloni është një e preferuar e lëvizjes MAGA, megjithatë edhe ajo mbeti plotësisht e papërgatitur nga bombardimi amerikan.

Është turp që thirrjet europiane dhe britanike për de-përshkallëzim u injoruan, dhe më keq akoma që aleatët e supozuar të Amerikës u mbajtën jashtë rrethit ushtarak. Por sugjerimi më i rëndë është se Trump po përdorte në mënyrë aktive përpjekjet diplomatike të “miqve” të tij përtej Atlantikut për të mashtruar Iranin që të mendonte se ndonjë sulm ishte ndoshta javë larg.

Sipas një raporti të gjatë të New York Times, deklarata e Trump-it se do t’i duheshin deri në dy javë për të vendosur nëse do të godiste Iranin, për shkak të një “shansi të konsiderueshëm” për diplomaci, kishte qenë gjithmonë thjesht një devijim i llogaritur. Rreth orës 17:00 të premten më 20 qershor, vetëm disa orë pasi përfunduan bisedimet E3 në Gjenevë, Trump urdhëroi ngritjen e bombarduesve në ajër, raportoi gazeta.

“Në periudhën para sulmeve, E3 ishin në masë të madhe të anashkaluara në bisedimet bërthamore, pasi negociatat u dominuan gjithnjë e më shumë nga ndërveprimet direkte SHBA-Iran, me Europën të paaftë për të ofruar nxitje apo garanci me peshë,” tha Vakil nga Chatham House. Takimi në Gjenevë “e ekspozoi më tej këtë pafuqishmëri, me thirrjet europiane për përmbajtje të errësuara nga veprimi vendimtar ushtarak i SHBA-së i ndërmarrë pa konsultimin e tyre.” 

Një zyrtar i qeverisë gjermane u përpoq të minimizonte rëndësinë e përjashtimit. “Çdo konflikt ka një anë ushtarake dhe një anë diplomatike,” tha zyrtari. “Ne e dimë se edhe vetë amerikanët po vazhdojnë të marrin masa për të hyrë në një dalje diplomatike. Prandaj besoj se marrëveshjet, mirëkuptimet që u arritën mes SHBA, E3 dhe të tjerëve për të punuar për një dalje të tillë diplomatike nuk ishin pa vlerë në atë kohë dhe nuk do të mbeten pa vlerë.” 

Kur u pyet për afatin dy-javor të vendosur nga Trump, zyrtari tha: “Ka diçka paksa biblike për këtë. Dy javë mund të nënkuptojnë shumë gjëra. Ne kemi mësuar në kontekste të tjera se mund të përshkruajnë një periudhë shumë të gjatë kohe. Tani kemi zbuluar gjithashtu se mund të përshkruajnë një periudhë shumë të shkurtër kohe.” 

Të martën, presidenti francez Emmanuel Macron u përpoq të argumentonte se Europa po fitonte. “Jam shumë i vetëdijshëm që kur armët godasin, kur ne nuk marrim pjesë në këto goditje, mund të ndihemi të anashkaluar,” tha ai. “Kjo është ajo që ndonjëherë dëgjoj në komentet e disa njerëzve. Mendoj se kur vendosëm të mos godasim por mbetemi të qëndrueshëm në pozicionin tonë, strategjikisht dhe në planin afatgjatë, ne fitojmë.” 

E minuar në mënyrë të parikuperueshme

Në të vërtetë, Europa nuk është as në lojë.

Kur bëhet fjalë për konfliktin në Lindjen e Mesme, Bashkimi Europian, Mbretëria e Bashkuar dhe vende të tjera si Kanadaja, të gjitha kanë tentuar të ushtrojnë ndikim, veçanërisht mbi Izraelin, por asnjë nga përpjekjet e tyre nuk ka pasur efekt.

Për Europën në veçanti, marrëdhëniet me qeverinë e krahut të djathtë të Benjamin Netanyahut janë në një gjendje të mjerueshme.

Bllokada shumëjavore e Izraelit ndaj Gazës dhe kriza humanitare që ka pasuar, në të cilën mijëra palestinezë përballen me uri për shkak të mungesës së ndihmës ushqimore, kanë tronditur udhëheqësit e BE-së, duke nxitur kritika gjithnjë e më të forta. Një rishikim i bërë këtë muaj nga kryediplomatja e BE-së, Kaja Kallas, gjeti se Izraeli kishte shkelur klauzolat për të drejtat e njeriut në marrëveshjen e tij të asociimit me BE-në.

Tani BE-ja po shqyrton nëse dhe si duhet të ndëshkojë Izraelin për këto mangësi, ndërkohë që qeveria izraelite e dënon ashpër Europën për vendimin e saj “të turpshëm dhe të pahijshëm” për të rishikuar marrëdhënien në një kohë lufte.

Për BE-në, është e qartë se Izraeli në thelb ka vendosur të mos e dëgjojë më. Çdo besueshmëri që Kallas kishte ndërtuar me Izraelin tani është minuar në mënyrë të parikuperueshme, dhe ankesat e Europës ka gjasa të injorohen.

Kur BE-ja është burimi më i madh i financimit të ndihmave për Gazën, dhe konflikti reflektohet në të gjithë politikën europiane, kjo është një pozitë e keqe për Brukselin.

Por Netanyahu ka treguar se në të vërtetë dëgjon vetëm Trump-in, dhe as atë gjithmonë.

“Në shumë tema të Lindjes së Mesme është e lehtë të shihet se, për shembull, SHBA ka një rol të fortë për të luajtur në atë që po ndodh, por mendoj se nga ana e BE-së mund të jemi të qartë në pozicionet tona gjithashtu,” tha Jessica Rosencrantz, ministrja suedeze për çështjet e BE-së, për POLITICO.

Por a po e dëgjon dikush në rajon Europën? “Epo, mendoj se ka rëndësi kur 27 vende bien dakord për diçka dhe flasim me një zë të vetëm,” tha ajo. “Por duhet të jesh natyrisht realist se ka edhe shumë aktorë të tjerë në këtë rajon që luajnë një rol të rëndësishëm.” 

Politico, përgatiti ©LAPSI.AL 

The post Politico: Si u poshtërua Europa në Lindjen e Mesme appeared first on Lapsi.al.

Udhëheqësi amerikan kritikoi prokurorët të shtunën, duke thënë se Uashingtoni, pasi i ka dhënë miliarda dollarë ndihmë Izraelit, nuk do ta “duronte këtë”.

Kryeministri izraelit Benjamin Netanyahu ka falënderuar presidentin amerikan Donald Trumpin për mbështetjen e tij gjatë gjyqit të tij për korrupsion.

“Është ÇMENDURI të bësh atë që prokurorët jashtë kontrollit po i bëjnë Bibi Netanyahut”, tha Trump në një nga shumë postimet e tij në Truth Social, duke pretenduar se procesi gjyqësor do të ndërhynte në aftësinë e Netanyahut për të zhvilluar bisedime me grupin militant palestinez Hamas dhe Iranin.

Në përgjigje, Netanyahu, i cili është mbështetur shumë në mbështetjen e Trump dhe armët amerikane, tha: Faleminderit sërish Donald Trump. Së bashku do ta bëjmë Lindjen e Mesme të Madhe Sërish!

Kjo shënoi herën e dytë brenda pak ditësh që Trump ndërhyri për të mbrojtur Netanyahun.

The post “Së bashku do ta bëjmë Lindjen e Mesme të Madhe sërish”/ Netanyahu falënderon Trump për mbështetjen gjatë gjyqit appeared first on Sot News | Lajme.

Mediat shtetërore iraniane të shtunën transmetuan një intervistë në të cilën thuhej se ishte Ali Shamkhani – një ndihmës i ngushtë i udhëheqësit suprem të Iranit, i cili më parë ishte raportuar i vdekur si nga autoritetet izraelite ashtu edhe nga ato iraniane.

Dhe siç shkruan CNN, përcjell Telegrafi, misteri u rrit rreth fatit të Shamkhani-t në ditët pasi ai u raportua i vdekur pas sulmeve të Izraelit më 13 qershor në Iran.

Të premten e kaluar, shumë media iraniane – përfshirë IRNA, Tasnim dhe Fars – pretenduan se Shamkhani nuk kishte vdekur, por përkundrazi ishte “plagosur rëndë dhe ishte shtruar në spital” në sulm.

Megjithatë, ata nuk publikuan foto të reja të tij.

Më pas Shamkhani u shfaq në fotografi nga mbulimi i medias shtetërore iraniane të funeralit shtetëror të së shtunës për ata që u vranë gjatë konfliktit 12-ditor me Izraelin.

Në të njëjtën ditë, agjencia shtetërore iraniane e lajmeve IRIB transmetoi atë që e quajti intervistën e parë televizive të Shamkhani-t me median shtetërore iraniane që nga sulmi.

CNN thekson se nuk mund të verifikojë në mënyrë të pavarur identitetin e tij ose datën kur është regjistruar intervista.

Siç theksojnë mediat, Shamkhani shfaqet duke mbajtur një bastun ecjeje dhe duke përdorur një aparat frymëmarrjeje.

Ai i referohet një sulmi izraelit në shtëpinë e tij, duke thënë se ishte i bllokuar nga rrënojat për tri orë pas sulmit.

“Bëra lutjen e mëngjesit ndërsa isha nën rrënoja”, citohet të ketë thënë ai.

IRIB publikoi gjithashtu pamje të asaj që tha se ishte shtëpia e Shamkhanit, e shndërruar në beton dhe armatura të copëtuara.

“Në fillim mendova se ishte një tërmet. Por kur dëgjova zhurmën e automjeteve, kuptova se nuk ishte”, tha ai në intervistë, duke shtuar se pësoi lëndime të brendshme në sulm dhe se kafazi i tij i kraharorit ishte i thyer.

“E di pse më shënjestruan, por nuk mund ta them”, ka shtuar ai. /Telegrafi/

The post Zyrtari i lartë iranian shfaqet në ekran, pavarësisht se si Irani ashtu edhe Izraeli raportuan vdekjen e tij appeared first on Telegrafi.

IDF dhe Shin Bet (Agjencia e Sigurisë së Izraelit) kanë thënë se kanë vrarë Hakham Muhammad Issa al-Issa, një anëtar të lartë të krahut ushtarak të Hamasit, në sulmet e gjera të së premtes në lagjen Sabra të Qytetit të Gazës.

Sipas mediave izraelite, përcjell Telegrafi, roli i tij më i fundit ishte kreu i operacioneve të mbështetjes luftarake në krahun ushtarak të Hamasit.

Ai konsiderohet si një nga themeluesit e organizatës.

Ai ishte një figurë qendrore e njohur dhe një nga udhëheqësit e fundit të lartë të mbetur të Hamasit që mbajti pozicione të larta para 7 tetorit dhe ishte ende në Rripin e Gazës.

Issa supozohet se ishte i përfshirë në planifikimin e sulmit të 7 tetorit dhe në krijimin e infrastrukturës së trajnimit të organizatës.

Ai thuhet se ishte me gruan dhe nipin e tij gjatë sulmit.

Issa mbërriti në Gaza në vitin 2005 nga Siria, sipas Ynet. Ai kombinoi përvojën luftarake që fitoi në Irak dhe Siri me njohuritë shkencore dhe teknike.

Ai thuhet se ishte bashkëthemelues i akademisë ushtarake të Brigadave Izz al-Din al-Qassam dhe udhëhoqi trajnimin e mijëra pjesëtarëve të grupit dhe ndikoi në strukturën e krahut ushtarak. /Telegrafi/

The post Izraeli thotë se ka vrarë udhëheqësin e Hamasit dhe organizatorin e sulmit të 7 tetorit, Hakham Muhammad Issa Al-Issa appeared first on Telegrafi.

Në zemër të Teheranit, kafja Boof është një oazë freskie ku njerëzit shijojnë kafen e tyre të ftohtë pranë mureve të larta të ambasadës së dikurshme amerikane, një simbol i tensioneve të gjatë midis Iranit dhe SHBA-së.

Pavarësisht nga ndarjet politike dhe sanksionet që prekin jetën e përditshme, banorët përpiqen të ruajnë normalitetin në një qytet të trazuar.

Sulmet izraelite ndaj kompleksit të televizionit shtetëror dhe burgut Evin kanë lënë gjurmë të thella, duke shkatërruar pjesë të infrastrukturës dhe shkaktuar plagosje të shumta.

Spitalet e Teheranit trajtojnë viktimat, përfshirë ushtarë dhe civilë, ndërsa frika nga sulmet e ardhshme mbetet e pranishme në mendjet e njerëzve.

Në rrugët e qytetit, trafiku po rifillon dhe dyqanet hapen, por pasiguria vazhdon të dominojë.

Një përzierje njerëzish, nga ata që mbajnë vello deri te të rinjtë me stil perëndimor, reflekton shoqërinë e ndarë dhe aspiratat e ndryshme.

Në Azadi Tower, një koncert i orkestrës simfonike përpiqet të sjellë qetësi mes tensioneve.

Njerëzit shprehin dëshirën për liri dhe të drejta më të mëdha, ndërsa shpresojnë që qeveria të dëgjojë zërat e tyre.

Një banor i qytetit thotë: “Ne duam liri më shumë se gjithçka tjetër”.

Disa janë të zemëruar me sulmet dhe i shohin ato si shkelje të diplomacisë.

Ndërkohë, baristi Amir ëndërron për përmirësimin e marrëdhënieve mes Iranit dhe Amerikës, duke thënë: “Sanksionet dëmtojnë bizneset tona dhe na vështirësojnë të udhëtojmë”.

Kjo situatë e trazuar tregon një qytet që përpiqet të gjejë ekuilibrin midis shpresës dhe frikës në një periudhë shumë të vështirë. /Telegrafi/

The post Teherani në mes të tensioneve, aty ku njerëzit gjenden mes frikës dhe shpresës appeared first on Telegrafi.

Administrata e Donald Trump ka diskutuar mundësinë e ndihmës ndaj Iranit për të pasur qasje në deri në 30 miliardë dollarë për të ndërtuar një program bërthamor që prodhon energji civile.

Kjo do të bëhej duke lehtësuar sanksionet dhe duke liruar miliarda dollarë nga fondet e kufizuara iraniane.

Dhe të gjitha këto janë pjesë e një përpjekjeje në rritje për ta rikthyer Teheranin në tryezën e negociatave, kanë thënë katër burime të njohura me çështjen.

Kështu shkruan CNN, sipas të cilit medium, aktorë kryesorë nga SHBA-ja dhe Lindja e Mesme kanë folur me iranianët prapa skenave edhe mes sulmeve të shumta ushtarake në Iran dhe Izrael gjatë dy javëve të fundit, thanë burimet.

Dhe këto diskutime kanë vazhduar këtë javë pasi u arrit një marrëveshje armëpushimi, thekson CNN, përcjell Telegrafi.

Në këtë drejtim, zyrtarët e administratës Trump kanë thënë se janë paraqitur disa propozime.

Ato janë paraprake dhe në zhvillim e sipër me një të panegociueshme: pasurim zero iranian të uraniumit, për të cilin Irani ka thënë vazhdimisht se i nevojitet.

Por të paktën një draft paraprak propozimi, i përshkruar për CNN nga dy burime, përfshin disa stimuj për Iranin.

Disa detaje u sqaruan në një takim sekret, që zgjati disa orë, midis të dërguarit të posaçëm amerikan, Steve Witkoff, dhe partnerëve të Gjirit në Shtëpinë e Bardhë të premten e kaluar, një ditë para sulmeve ushtarake amerikane kundër Iranit, thanë për CNN dy burime të njohura me takimin.

Ndër kushtet që po diskutohen, të cilat nuk janë raportuar më parë, është një investim i vlerësuar prej 20-30 miliardë dollarësh në një program të ri bërthamor iranian pa pasurim që do të përdoret për qëllime civile të energjisë, thanë për CNN zyrtarë të administratës Trump dhe burime të njohura me propozimin.

Një zyrtar këmbënguli se paratë nuk do të vinin direkt nga SHBA-të, të cilat preferojnë që partnerët e tyre arabë të paguajnë faturën.

Siç thuhet më tej, investimet në objektet e energjisë bërthamore të Iranit janë diskutuar në raundet e mëparshme të bisedimeve bërthamore në muajt e fundit.

“SHBA-të janë të gatshme të udhëheqin këto bisedime” me Iranin, tha zyrtari i administratës Trump për CNN. “Dhe dikush do të duhet të paguajë për ndërtimin e programit bërthamor, por ne nuk do ta bëjmë këtë angazhim”. /Telegrafi/

The post Trump po planifikon marrëveshje 30 miliardë dollarëshe për një program bërthamor me Iranin? appeared first on Telegrafi.

Izraeli ka mbyllur kalimet në Gazën veriore, duke prerë rrugën më të drejtpërdrejtë që ndihma të arrijë tek qindra mijëra njerëz në rrezik urie, pasi sulmet ajrore dhe bombardimet vranë dhjetëra njerëz të tjerë në territorin e shkatërruar palestinez.

Vendimi për të mbyllur kalimet të enjten do të rrisë presionin diplomatik mbi Izraelin, ndërsa vëmendja zhvendoset nga konflikti i tij i shkurtër me Iranin, përsëri te dhuna dhe kriza e rëndë humanitare në Gaza.

Gjatë 12 ditëve që Izraeli po luftonte kundër Iranit, më shumë se 800 palestinezë u vranë në Gaza – ose të qëlluar ndërsa kërkonin me dëshpërim ushqim në rrethana gjithnjë e më kaotike, ose në valë të njëpasnjëshme sulmesh dhe bombardimesh izraelite, shkruan The Guardian, përcjell Telegrafi.

Pedro Sánchez, kryeministri i Spanjës dhe një kritik i hapur i ofensivës së Izraelit, të enjten u bë udhëheqësi më i shquar evropian që e përshkroi situatën në Gaza si një “gjenocid”.

Duke folur para një samiti të BE-së në Bruksel, Sánchez përmendi një raport të BE-së që gjeti “indikacione” se Izraeli po shkelte detyrimet e tij për të drejtat e njeriut sipas marrëveshjes së bashkëpunimit, e cila formon bazën për lidhjet tregtare.

Teksti përmendi bllokadën e ndihmës humanitare nga Izraeli për territorin palestinez, numrin e lartë të viktimave civile, sulmet ndaj gazetarëve dhe zhvendosjen masive dhe shkatërrimin e shkaktuar nga lufta.

Izraeli mohon me forcë akuzat për krime lufte dhe gjenocid, të cilat sipas tij bazohen në paragjykime anti-izraelite dhe antisemitizëm.

Ndërkohë, siç shkruan The Guardian, zëdhënësi i agjencisë së mbrojtjes civile të Gazës, Mahmud Bassal, tha se forcat izraelite vranë 56 persona të enjten, përfshirë gjashtë që prisnin ndihmë në dy vende të ndara.

Nuk kishte konfirmim të pavarur të pretendimit, por të dhënat mjekësore të spitaleve fushore të drejtuara nga Komiteti Ndërkombëtar i Kryqit të Kuq dhe OJQ të tjera të para nga Guardian detajojnë qindra lëndime nga plumbat midis civilëve që kërkonin ndihmë në dy javët e fundit.

Dëshmitarët gjithashtu kanë përshkruar zjarr vdekjeprurës nga trupat izraelite.

Ushtria izraelite theksoi se ushtarët kishin “qëlluar me të shtëna paralajmëruese” për të parandaluar “të dyshuarit që t’u afroheshin atyre” pranë korridorit Netzarim në Gazën qendrore, ku palestinezët mblidhen çdo natë, shpesh me shpresën për të ndaluar kamionët e ndihmës.

Ushqimi është bërë jashtëzakonisht i pakët në Gaza që kur Izraeli vendosi një bllokadë të rreptë mbi të gjitha furnizimet gjatë marsit dhe prillit, duke kërcënuar shumë nga 2.3 milionë njerëzit që jetojnë atje me një “rrezik kritik urie”.

Që kur bllokada u hoq pjesërisht muajin e kaluar, OKB-ja është përpjekur të sjellë ndihma, por është përballur me pengesa të mëdha, duke përfshirë rrugë të bllokuara nga rrënojat, kufizime ushtarake izraelite, sulme ajrore të vazhdueshme dhe anarki në rritje, thekson The Guardian.

Arritja në veri, ku nevoja është më e madhe, ka qenë më e vështirë, por u bë shumë më e lehtë kur Izraeli hapi kalimin e Zikim, duke lejuar që gruri dhe të tjera bazë të transportoheshin direkt atje.

Zyrtarët e ndihmës në territor e përshkruan mbylljen e Zikim të enjten, të cilën Izraeli e quajti të nevojshme për të ndaluar Hamasin të sekuestrojë ndihmën, si “shumë problematike” dhe do të ndikonte drejtpërdrejt në shpërndarjen e ndihmës.

Pikat e reja të shpërndarjes së ndihmës të ngritura nga një organizatë private sekrete e mbështetur nga SHBA-të dhe Izraeli e quajtur Fondacioni Humanitar i Gazës ndodhen në Gazën qendrore dhe jugore, jashtë mundësive të shumicës së milion njerëzve që vlerësohet të jenë në veri.

Qeveria izraelite urdhëroi mbylljen e pikave të kalimit verior pasi pamjet u shfaqën në mediat sociale që tregonin burra të armatosur duke ruajtur një dërgesë me ndihma.

Rivalët e krahut të djathtë izraelitë të Netanyahut pretenduan se ishin Hamas, por punonjësit e ndihmës dhe të tjerë në Gaza thanë se rojet ishin besnikë ndaj një këshilli udhëheqësish të komunitetit lokal, të cilët kishin organizuar mbrojtje për një konvoj me furnizime shumë të nevojshme.

Organizata Botërore e Shëndetësisë tha të enjten se kishte dorëzuar dërgesën e saj të parë mjekësore në Gaza që nga 2 marsi, duke shtuar megjithatë se nëntë ngarkesat me kamionë ishin “një pikë uji në oqean”.

Javën e kaluar, OBSH-ja bëri të ditur se vetëm 17 nga 36 spitalet e Gazës ishin minimalisht ose pjesërisht funksionale, ndërsa pjesa tjetër nuk ishte në gjendje të funksiononte fare.

Izraeli nisi fushatën e tij me qëllim shkatërrimin e Hamasit pas sulmit të grupit më 7 tetor 2023 në Izraelin jugor, në të cilin militantët vranë rreth 1,200 njerëz, kryesisht civilë, dhe morën peng 251 të tjerë. Militantët ende mbajnë 49 pengje, më pak se gjysma e tyre gjallë.

Ndërsa numri i përgjithshëm i të vdekurve në Gaza në konfliktin 20-mujor ka arritur në 56,259, kryesisht civilë. /Telegrafi/

The post The Guardian: Izraeli mbyll rrugën më të drejtpërdrejtë për ndihma për palestinezët në Gaza appeared first on Telegrafi.

Pas sulmit amerikan ndaj Iranit para pak ditësh, kryeministri izraelit Benjamin Netanyahu dhe presidenti amerikan Donald Trump ranë dakord për një përfundim të shpejtë të luftës në Gaza dhe zgjerimin e Marrëveshjeve të Abrahamit, raporton Israel Hayom, duke cituar “një burim të njohur me bisedën”.

Sipas gazetës, Trump dhe Netanyahu ranë dakord në një telefonatë që lufta në Gaza do të përfundonte brenda dy javësh, shkruajnë mediat tjera izraelite, duke cituar të njëjtin medium, përcjell Telegrafi.

Katër shtete arabe, përfshirë Emiratet e Bashkuara Arabe dhe Egjiptin, do të qeverisnin së bashku Rripin e Gazës në vend të Hamasit.

Udhëheqja e grupit terrorist do të dëbohej dhe të gjithë pengjet do të liroheshin.

Megjithatë, aleatët arabë kanë pohuar vazhdimisht se nuk do të marrin pjesë në rehabilitimin e Gazës pas luftës në mungesë të pëlqimit izraelit që Autoriteti Palestinez të fitojë një pikëmbështetje në Gaza si pjesë e një rruge drejt një zgjidhjeje të ardhshme me dy shtete, por Netanyahu ka hedhur poshtë kategorikisht çdo rol të Autoritetit Palestinez në Rrip.

Për më tepër, udhëheqësit e Hamasit gjithashtu kanë hedhur poshtë prej kohësh kërkesat për të shkuar në mërgim.

Trump dhe Netanyahu ishin “të shoqëruar” në telefonatën “euforike” të hënën vonë në mbrëmje nga Sekretari i Shtetit i SHBA-së, Marco Rubio dhe ministri i Çështjeve Strategjike Izraelite, Ron Dermer, thotë Israel Hayom.

Ndërkohë, siç theksohet më tej, banorët e Gazës që dëshirojnë të emigrojnë do të “pranohen” nga disa vende të paemërtuara, thotë raporti.

Arabia Saudite dhe Siria do të vendosin lidhje diplomatike me Izraelin, dhe vendet e tjera arabe dhe myslimane do të ndjekin shembullin.

Izraeli, nga ana e tij, do të shprehë mbështetjen e tij për një zgjidhje të ardhshme me dy shtete, të kushtëzuar nga reformat e bëra nga Autoriteti Palestinez.

Ndërkohë, udhëheqësit ranë dakord që Uashingtoni do të njohë sovranitetin izraelit në disa pjesë të Bregut Perëndimor. /Telegrafi/

The post Mediat izraelite: Trump dhe Netanyahu janë pajtuar që lufta në Gaza të përfundojë brenda dy javësh appeared first on Telegrafi.

Gjatë Audiencës së Përgjithshme të së mërkurës, Papa Leo XIV përkujtoi “sulmin e shëmtuar terrorist” në kishën Mar Elias në Damask të Sirisë më 22 qershor.

Ai ia besoi viktimat mëshirës së Zotit dhe ofroi lutjet e tij të vazhdueshme për ata që u plagosën dhe familjet e tyre.

Duke iu drejtuar të gjithë të krishterëve në Lindjen e Mesme, Papa shprehu solidaritetin e tij me ta.

“Unë jam pranë jush dhe e gjithë Kisha është me ju.” Ai argumentoi se ky sulm i fundit nxjerr në pah “brishtësinë e thellë” që Siria vazhdon të përjetojë pas viteve të paqëndrueshmërisë dhe dhunës.

Papa Leo i bëri thirrje bashkësisë ndërkombëtare që “të mos e largojë shikimin nga ky vend”.

Përkundrazi, vazhdoi ai, ajo duhet të ofrojë mbështetje “përmes akteve të solidaritetit dhe një angazhimi të ripërtërirë për paqe dhe pajtim”.

Le të zgjidhet diplomacia

Papa tha gjithashtu se vazhdon të ndjekë nga afër dhe me shpresë situatën në Iran, Izrael dhe Palestinë.

Ai bëri thirrje edhe një herë për t’i dhënë fund dhunës në rajon dhe përsëriti nevojën për paqe, duke iu referuar fjalëve të profetit Isaia:

“Një komb nuk do ta ngrejë shpatën kundër një kombi tjetër, as nuk do të mësojnë më luftën.” Papa Leo shprehu dëshirën e tij që zëri i profetit të dëgjohej dhe që “plagët e shkaktuara nga ngjarjet e përgjakshme të ditëve të fundit të shëroheshin”.

Përpara se të mbyllte fjalimin e tij, ai kërkoi që refuzimi i dominimit dhe hakmarrjes të shiheshin si opsione.

Në vend të kësaj, ai i inkurajoi të gjithë të zgjidhnin “rrugën e dialogut, diplomacisë dhe paqes, të zgjedhur me vendosmëri”.

LEXONI GJITHASHTU:

• “Me armë shkohet drejt barbarizmit”, apeli i Papa Leoni XIV: Lufta është disfatë
• “Përgjegjësi dhe arsye”, Papa Leo XIV apel Izraelit dhe Iranit

The post “Rruga është dialogu”, Papa Leo: Të shërojmë plagët që la dhuna në Lindjen e Mesme appeared first on Euronews Albania.

Ambasada e Shteteve të Bashkuara në Jerusalem ka njoftuar se do të rihapet të mërkurën, duke hequr urdhrat e mëparshëm për strehim në vend për punonjësit e saj, pas vendosjes së një armëpushimi mes Izraelit dhe Iranit. Në një deklaratë zyrtare, ambasada thekson se rifillimi i operacioneve vjen pas “heqjes së të gjitha kufizimeve” nga Komanda e Frontit të Brendshëm të Izraelit.

“Për shkak të armëpushimit midis Izraelit dhe Iranit, Komanda e Frontit të Brendshëm ka hequr të gjitha kufizimet dhe Ambasada e SHBA-së do të jetë e hapur si zakonisht të mërkurën, më 25 qershor. Urdhri për strehim në vend për punonjësit e qeverisë amerikane dhe anëtarët e familjeve të tyre është hequr”, thuhet në deklaratë.

Më herët, për shkak të përshkallëzimit të konfliktit, misioni diplomatik kishte lëshuar disa alarme sigurie dhe udhëzime që punonjësit dhe anëtarët e familjeve të tyre të qëndronin të strehuar në vend. Megjithatë, përkundër lehtësimit të situatës, ambasada mbetet e kujdesshme dhe ka lëshuar një paralajmërim udhëtimi.

Sipas deklaratës, punonjësve të qeverisë amerikane dhe familjarëve të tyre u ndalohet udhëtimi jashtë zonave të mëdha të Tel Avivit (duke përfshirë Herzliya, Netanya dhe Even Yehuda), Jerusalemit dhe Be’er Sheva deri në një njoftim të dytë.

Armëpushimi Izrael-Iran

Më 13 qershor, Izraeli goditi objektet kryesore bërthamore dhe ushtarake iraniane, duke eliminuar një pjesë të udhëheqjes ushtarake të Iranit. Deri më 18 qershor, SHBA-të kishin mbyllur përkohësisht ambasadën e tyre në Jerusalem dhe konsullatën në Tel Aviv. Tensionet u përshkallëzuan përsëri më 22 qershor, kur SHBA-të nisën sulme ndaj centraleve bërthamore iraniane në Fordow, Natanz dhe Isfahan.

Ndërsa Pentagoni deklaroi se këto sulme kishin shkatërruar në mënyrë efektive programin bërthamor të Iranit, inteligjenca amerikane mban një qëndrim më të kujdesshëm. Në orët e para të 25 qershorit, Presidenti i SHBA-së Donald Trump njoftoi se Izraeli dhe Irani kishin arritur një marrëveshje të plotë armëpushimi.

The post SHBA rihap ambasadën në Jerusalem appeared first on Lapsi.al.

Ambasadori i Izraelit në Kombet e Bashkuara, Danny Danon, ka deklaruar se mundësia për zhvillimin e bisedimeve diplomatike me Iranin është reale dhe mund të ndodhë së shpejti. Në një prononcim për mediat në selinë e OKB-së në Nju Jork, Danon theksoi se edhe pse është ende herët për të bërë vlerësime të plota për […]

The post Izraeli sinjalizon dialog me Iranin: Bisedimet mund të nisin së shpejti appeared first on BoldNews.al.

Presidenti Donald Trump shpërtheu publikisht ndaj Izraelit dhe Iranit këtë mëngjes, ndërsa tensionet rreth armëpushimit që ai vetë ndërmjetësoi filluan të përshkallëzohen.

Në një deklaratë të fortë nga bordi i Air Force One, teksa udhëtonte drejt një samiti të NATO-s në Holandë, Trump njoftoi se Izraeli nuk do të sulmojë më Iranin, përcjell Telegrafi.

Lexo po ashtu Trump: Izrael, mos i hidh ato bomba

“IZRAELI nuk do ta sulmojë Iranin”, shkroi Trump në Truth Social. “Të gjithë aeroplanët do të kthehen… Askush nuk do të lëndohet. Armëpushimi është në fuqi!”.

Kjo deklaratë erdhi pasi më herët në mëngjes, Trump kishte kritikuar ashpër të dyja palët për mungesën e respektimit të marrëveshjes së armëpushimit, përcjell Telegrafi.

Trump tha se ishte i zhgënjyer nga veprimet e të dyja vendeve, por ishte veçanërisht i ashpër ndaj Izraelit.

“IZRAEL. MOS I HIDH ATO BOMBA. NËSE E BËN TI, ËSHTË NJË SHKELJE E MADHE. SILLNI PILOTËT TUAJ NË SHTËPI, TANI!”, thuhej në postimin e Trump.

Kujtojmë se pak më herët, presidenti amerikan, kishte thënë se si Izraeli ashtu edhe Irani kanë shkelur armëpushimin në Lindjen e Mesme.

Lexo po ashtu Kanë kaluar pak orë pas njoftimit për armëpushimin Iran-Izrael nga Trump - ja çfarë dimë deri më tani

Në të njëjtën kohë, Trump mbrojti sulmet ajrore të SHBA-së ndaj impianteve bërthamore të Iranit, duke pohuar se “Irani nuk do të mund të rindërtojë kurrë më programin e tij bërthamor.”

Ai theksoi se objektivat iraniane janë “nën tokë dhe të shkatërruara plotësisht” dhe lavdëroi pilotët amerikanë për punën e tyre. /Telegrafi/

The post “Izraeli nuk do ta sulmojë Iranin” – thotë Trump appeared first on Telegrafi.

Presidenti amerikan Donald Trump sapo ka bërë një postim në platformën e tij Truth Social pasi u tha gazetarëve se të dyja palët, Irani dhe Izraeli, kishin shkelur armëpushimin këtë mëngjes.

“IZRAEL. MOS I HIDH ATO BOMBA. NËSE E BËN TI, ËSHTË NJË SHKELJE E MADHE. SILLNI PILOTËT TUAJ NË SHTËPI, TANI!”, thuhet në postimin e Trump.

Kujtojmë se pak më herët, presidenti amerikan, kishte thënë se si Izraeli ashtu edhe Irani kanë shkelur armëpushimin në Lindjen e Mesme.

Duke folur me gazetarët para se të nisej për në samitin e NATO-s në Hagë, ai tha se “nuk është i kënaqur” me Izraelin dhe Iranin, përpara se të shtojë se është “vërtet i pakënaqur” me Izraelin.

Trump thotë se do të ishte një “shkelje e madhe” nëse Izraeli do të hidhte bomba mbi Iranin tani, duke i thënë Izraelit “sillni pilotët tuaj në shtëpi, tani”.

Lexo po ashtu Kanë kaluar pak orë pas njoftimit për armëpushimin Iran-Izrael nga Trump - ja çfarë dimë deri më tani

Ai shton se kapacitetet bërthamore të Iranit janë “zhdukur” dhe thotë se Teherani nuk do ta rindërtojë kurrë programin e tij bërthamor.

Kujtojmë se Trump njoftoi të martën atë që e përshkroi si një armëpushim “të plotë dhe total” midis Izraelit dhe Iranit të hënën.

Por ky armëpushim u shfaq në rrezik disa orë më vonë.

Izraeli të martën në mëngjes akuzoi Iranin për shkelje të marrëveshjes dhe tha se do të “përgjigjej me forcë”.

Megjithatë, një zyrtar i lartë i sigurisë në Iran i tha CNN se pas mesnatës se “deri më tani nuk është qëlluar asnjë raketë drejt armikut”. /Telegrafi/

The post Trump: Izrael, mos i hidh ato bomba appeared first on Telegrafi.

Presidenti i SHBA-së, Donald Trump, njoftoi se është arritur një armëpushim “i plotë” midis Izraelit dhe Iranit.

Trump thotë se armëpushimi pritet të fillojë në orët në vijim pasi të dy vendet “të përfundojnë misionet e tyre përfundimtare në zhvillim e sipër!”.

Ai njoftoi në një postim në platformën e tij të mediave sociale, Truth Social, se armëpushimi do të zbatohet në faza gjatë 24 orëve, përcjell Telegrafi.

Presidenti amerikan shtoi gjithashtu se sapo të përfundojë, kjo do të shënojë një “fund zyrtar” të luftës 12-ditore.

Presidenti i 47-të i SHBA-së vuri në dukje se secila palë duhet të mbetet “paqësore dhe respektuese” gjatë fazës së armëpushimit të njëra-tjetrës, duke theksuar se gjithçka duhet të funksionojë pa probleme.

“Irani do të fillojë ARMËPUSHIMIN dhe, pas 12 orëve, Izraeli do të fillojë ARMËPUSHIMIN dhe, pas 24 orëve, një FUND Zyrtar i LUFTËS 12-DITORE do të përshëndetet nga Bota”, ka shkruar më tej ai.

Trump i përgëzoi të dy vendet për arritjen e një marrëveshjeje përndryshe, sipas tij, do të kishte qenë një luftë që mund të kishte “zgjatur me vite dhe të kishte shkatërruar të gjithë Lindjen e Mesme”.

“Zoti e bekoftë Izraelin, Zoti e bekoftë Iranin, Zoti e bekoftë Lindjen e Mesme, Zoti i bekoftë Shtetet e Bashkuara të Amerikës dhe ZOTI E BEKOFTE BOTËN!”, tha Trump. /Telegrafi/

The post Trump shpall armëpushim ‘të plotë’ midis Izraelit dhe Iranit appeared first on Telegrafi.

Ministria për Evropën dhe Punët e Jashtme u bën thirrje të gjithë qytetarëve shqiptarë që ndodhen aktualisht në vendet e Gjirit Persik, që të ndjekin me vëmendje njoftimet dhe udhëzimet e autoriteteve vendase, për shkak të zhvillimeve të fundit në rajon. Përmes një postimi në rrjetet sociale, ministria këshillon qytetarët të tregojnë kujdes të shtuar, të shmangin lëvizjet e panevojshme dhe të…

Source

Katari, Emiratet e Bashkuara Arabe, Kuvajti dhe Bahreini, vendet e Gjirit që prej kohësh kanë garantuar një korridor ajror të sigurt dhe të qëndrueshëm për linjat e gjysmës së botës, mbyllën qiellin e tyre për më shumë se një orë për ta rihapur gradualisht më vonë mbrëmjen e së hënës. Ishte një masë parandaluese në dritën e përgjigjes iraniane ndaj bombardimeve të SHBA-së. Mbi 200 avionë të nisur për në Doha dhe Dubai ishin në fluturim në kohën e ndalimit, sipas Flightradar24.

Në deklaratën zyrtare, qeveria e Katarit shkroi se “si pjesë e angazhimit të Shtetit të Katarit për sigurinë e qytetarëve, banorëve dhe vizitorëve të tij, autoritetet kompetente njoftuan pezullimin e përkohshëm të trafikut në hapësirën ajrore të vendit. Kjo është pjesë e një sërë masash paraprake të marra bazuar në zhvillimet në rajon”. Pas Dohas, ishte radha e Emirateve, Bahreinit dhe Kuvajtit për t’u mbyllur përkohësisht.

Flight radar images show that Qatari airspace has been closed to air traffic, and there is also a noticeable decrease in traffic over the United Arab Emirates due to Iranian missile strikes pic.twitter.com/9gyHz6YtCB

— Anadolu English (@anadoluagency) June 23, 2025

Irani lëshoi 6 raketa balistike drejt bazave amerikane në Katar. Shpërthime u dëgjuan në Doha. Teherani lëshoi gjithashtu një raketë drejt një baze amerikane në Irak. Sipas mediave amerikane, Teherani i ka paraprirë sulmit duke njoftuar Katarin për qëllimin e bazës amerikane në vend.

Dhjetëra linja ajrore, të befasuara nga vendimi, u detyruan të rishikonin planet e fluturimit të avionëve të tyre në zonë. Ndërprerja preku veçanërisht transportuesit vendas: Emirates dhe Qatar Airways, ndër më aktivet në fluturimet ndërkontinentale. Disa aeroplanë u devijuan për në Arabinë Saudite ose në aeroportet e tyre të nisjes.

Ky veprim rrezikon t’i ndërlikojë më tej flukset, pasi me mbylljen e hapësirës ajrore iraniane aktualisht kanë mbetur dy korridore për lidhje midis Evropës dhe Azi-Oqeanisë: ai “jugor” që përfshin edhe kalimin mbi Katar dhe ai “verior” që kërkon fluturim mbi Afganistan, por me shumë kufizime. ©LAPSI.al

The post Harta/ Si u zbraz qielli i Lindjes së Mesme pas sulmit iranian ndaj bazave të SHBA appeared first on Lapsi.al.