Gjatë Audiencës së Përgjithshme të së mërkurës, Papa Leo XIV përkujtoi “sulmin e shëmtuar terrorist” në kishën Mar Elias në Damask të Sirisë më 22 qershor.

Ai ia besoi viktimat mëshirës së Zotit dhe ofroi lutjet e tij të vazhdueshme për ata që u plagosën dhe familjet e tyre.

Duke iu drejtuar të gjithë të krishterëve në Lindjen e Mesme, Papa shprehu solidaritetin e tij me ta.

“Unë jam pranë jush dhe e gjithë Kisha është me ju.” Ai argumentoi se ky sulm i fundit nxjerr në pah “brishtësinë e thellë” që Siria vazhdon të përjetojë pas viteve të paqëndrueshmërisë dhe dhunës.

Papa Leo i bëri thirrje bashkësisë ndërkombëtare që “të mos e largojë shikimin nga ky vend”.

Përkundrazi, vazhdoi ai, ajo duhet të ofrojë mbështetje “përmes akteve të solidaritetit dhe një angazhimi të ripërtërirë për paqe dhe pajtim”.

Le të zgjidhet diplomacia

Papa tha gjithashtu se vazhdon të ndjekë nga afër dhe me shpresë situatën në Iran, Izrael dhe Palestinë.

Ai bëri thirrje edhe një herë për t’i dhënë fund dhunës në rajon dhe përsëriti nevojën për paqe, duke iu referuar fjalëve të profetit Isaia:

“Një komb nuk do ta ngrejë shpatën kundër një kombi tjetër, as nuk do të mësojnë më luftën.” Papa Leo shprehu dëshirën e tij që zëri i profetit të dëgjohej dhe që “plagët e shkaktuara nga ngjarjet e përgjakshme të ditëve të fundit të shëroheshin”.

Përpara se të mbyllte fjalimin e tij, ai kërkoi që refuzimi i dominimit dhe hakmarrjes të shiheshin si opsione.

Në vend të kësaj, ai i inkurajoi të gjithë të zgjidhnin “rrugën e dialogut, diplomacisë dhe paqes, të zgjedhur me vendosmëri”.

LEXONI GJITHASHTU:

• “Me armë shkohet drejt barbarizmit”, apeli i Papa Leoni XIV: Lufta është disfatë
• “Përgjegjësi dhe arsye”, Papa Leo XIV apel Izraelit dhe Iranit

The post “Rruga është dialogu”, Papa Leo: Të shërojmë plagët që la dhuna në Lindjen e Mesme appeared first on Euronews Albania.

Numri i personave të vrarë në sulmin nga bombarduesit vetëvrasës në Kishën e Shën Elias në Damask u rrit në 22, ndërsa 63 persona u plagosën, njoftoi sot Ministria Siriane e Shëndetësisë.

Ministria deklaroi se kamikazi që kreu sulmin ishte anëtar i Shtetit Islamik, raportoi agjencia shtetërore siriane Sana.

Organizata terroriste ende nuk e ka marrë përgjegjësinë për këtë sulm.

Mediat siriane raportojnë se forcat e sigurisë kanë krijuar një kordon sigurie rreth vendit të shpërthimit, ndërsa ekipet e shpëtimit po punojnë për të gjetur viktimat dhe për të evakuuar të plagosurit në spitalet aty pranë.

Sipas raportimeve të medias, një kamikaz hyri në kishë gjatë meshës i armatosur me eksplozivë dhe hapi zjarr ndaj të pranishmëve, pas së cilës ai shpërtheu veten.

 

LEXONI GJITHASHTU:

• Siria dënon sulmin izraelit pranë Damaskut
• Izraeli kryen sulme ajrore në një objekt ushtarak në jug të Damaskut

The post Rritet bilanci i viktimave nga sulmi kamikaz në një kishë në Damask appeared first on Euronews Albania.

Të paktën 30 persona u vranë dhe shumë të tjerë mbetën të plagosur si pasojë e një sulmi vetëvrasës sot në kishën Mar Elias në Damask të Sirisë.

Një foto e publikuar nga media shtetërore siriane SANA tregonte stolat e kishës të mbuluara me mbeturina dhe gjak.

Sipas agjencisë shtetërore siriane të lajmeve, sulmuesi shpërtheu një rrip shpërthyes brenda kishës, e cila thuhet se ishte e mbushur me rreth 400 persona në atë kohë.

Burimet lokale raportojnë se forcat e sigurisë e mbyllën shpejt zonën, evakuuan të plagosurit dhe viktimat, dhe ngritën një kordon sigurie rreth vendit të sulmit. Numri i saktë i viktimave nuk dihet ende.

Ministri sirian i Informacionit Hamza Mostafa e dënoi sulmin, duke e quajtur atë një sulm terrorist.

“Ky akt frikacak shkon kundër vlerave civile që na bashkojnë”, shkroi ai në rrjetet sociale X, raporton KosovaPress.

“Ne nuk do të devijojmë nga angazhimi ynë për qytetari të barabartë… ne gjithashtu riafirmojmë premtimin e shtetit për të bërë çdo përpjekje për të luftuar organizatat kriminale dhe për të mbrojtur shoqërinë nga të gjitha sulmet që kërcënojnë sigurinë e saj”, shtoi ai.

Asnjë grup nuk mori menjëherë përgjegjësinë për sulmin, por Ministria e Brendshme e Sirisë raportoi se një ekstremist i Shtetit Islamik hyri në kishë, qëlloi mbi pjesëmarrësit dhe më pas hodhi veten në erë me një jelek shpërthyes, gjë që u konfirmua nga dëshmitarët.

 

LEXONI GJITHASHTU:

• Siria dënon sulmin izraelit pranë Damaskut
• Ministri i ri i Jashtëm i Sirisë vizitë në Doha, Damasku synon lidhje me botën arabe

The post Të paktën 30 të vrarë nga një sulm kamikaz në Damask appeared first on Euronews Albania.

Të paktën 15 persona u vranë kur një kamikaz hodhi veten në erë në kishën Mar Elias në lagjen Dweila të kryeqytetit të Sirisë, Damask, thonë burime sigurie.

Incidenti shënon sulmin e parë vetëvrasës brenda Damaskut, që kur Bashar al-Assad u rrëzua nga një kryengritje rebele e udhëhequr nga islamistët në dhjetor, transmeton Telegrafi.

Ministria e Brendshme e Sirisë thotë se kamikazi ishte anëtar i Shtetit Islamik. Ai hyri në kishë, hapi zjarr dhe më pas aktivizoi jelekun e tij shpërthyes, shton ministria në një deklaratë.

Një burim sigurie, duke folur në kushte anonimiteti, thotë se dy burra ishin të përfshirë në sulm, përfshirë atë që hodhi veten në erë.

Një transmetim i drejtpërdrejtë nga vendi i ngjarjes nga mbrojtja civile e Sirisë, Helmetat e Bardha, tregon skena shkatërrimi nga brenda kishës, duke përfshirë një dysheme të përgjakur dhe mure të shkatërruara të kishës. /Telegrafi/

فيديو متداول من داخل كنيسة “مار الياس” في منطقة #الدويلعة، شرقي العاصمة السورية #دمشق، يُظهر الأضرار التي لحقت بها جراء الانفجار.#سوريا #الميادين pic.twitter.com/MFK6OZG8xL

— قناة الميادين (@AlMayadeenNews) June 22, 2025

The post Sulm kamikaz në një kishë në Damask, të paktën 15 të vrarë appeared first on Telegrafi.

DAMASK, 29 janar /ATSH-AA/ – Në një lëvizje historike si pasojë e rënies së regjimit të Partisë Baath dhjetorin e kaluar, administrata e operacioneve ushtarake të Sirisë ka njoftuar emërimin e Ahmad al-Sharaa si president kalimtar të vendit, si dhe shfuqizimin e Kushtetutës së vitit 2012 dhe shpërbërjen e parlamentit, ushtrisë dhe agjencive të sigurimit të ish-regjimit.

Siç raporton agjencia zyrtare e lajmeve SANA, në një njoftim ku shpallet “Fitorja e Revolucionit” gjithashtu thuhet se të gjitha fraksionet ushtarake, si dhe organet revolucionare politike dhe civile do të shpërbëhen dhe do të integrohen në institucionet shtetërore.

Kjo lëvizje gjithashtu përfshin shpërbërjen e Partisë Baath në epokën e Asadit dhe Frontit Kombëtar Progresiv, së bashku me të gjitha organizatat, institucionet dhe komitetet e lidhura, me ndalimin e reformimit të tyre me çfarëdo emri.

Administrata gjithashtu autorizoi al-Sharaa të krijojë një këshill të përkohshëm legjislativ për të mbikëqyrur qeverisjen derisa të miratohet dhe zbatohet një kushtetutë e përhershme.   /os/

The post DAMASK – Ahmad al-Sharaa emërohet zyrtarisht president i Sirisë appeared first on Agjencia Telegrafike Shqiptare.

“E pabesueshme! Jam në xhaminë e shqiptarëve, në lagjen e shqiptarëve në Damask të Sirisë”, kështu shkruan gazetari Blendi Fevziu krahas një videoje të postuar në rrjetin e tij social “Instagram”.

Teksa gjendet i rrethuar me shqiptarë në mes të Sirisë, Fevziu zhvillon një bisedë të shkurtër me një prej banorëve të zonës, Abdullahun.

Ky i fundit, 77 vjeç flet me shqipe të pastër gjuhën amtare teksa i prezanton gazetarit nipin e tij duke iu referuar me fjalët: Djali i çikës tem.

I mahnitur, Fevziu tregon se babai i Abdullahut ka ardhur 3 vjeç në Damask dhe ka jetuar 103 vjet.

Megjithatë ai ka ruajtur gjuhën shqipe, të cilën e ka trashëguar tek i biri.

Blendi Fevziu: Jam në xhaminë e arnautëve, në xhaminë e shqiptarëve në lagjen e shqiptarëve në Damask. Edhe ky djali këtu, janë shqiptarë të gjithë. Jo të gjithë flasin shqip.

Abdullahu: Djali i çikës tem. Nipi.

Blendi Fevziu: Abullah e ke emrin?

Abdullahu: Po.

Blendi Fevziu: Abdullahu ka 77 vjet këtu, ka lindur këtu. Babai i ka ardhur 3 vjeç dhe ka jetuar 103 vjet. Imagjino. Të gjithë çfarë shihni janë shqiptarë dhe kjo është xhamia e shqiptarëve e ndërtuar nga shqiptarët në mes të Damaskut, lagje shqiptare dhe xhami shqiptare. Erdha sot. Janë duke u falur, këtu i gjeta.

View this post on Instagram

A post shared by Blendi Fevziu (@blendifevziu)

The post Xhamia e shqiptarëve në Damask, Fevziu takon 77-vjeçarin që flet shqip appeared first on Telegrafi.

Të shtunën në Damask, Turqia do të rihapë ambasadën e saj në Siri, e cila është e mbyllur që nga viti 2012, tha Ministri i Jashtëm turk Hakan Fidan.

Ekipi i ambasadës dhe shefi i misionit u nisën sot për në Damask dhe ambasada do të fillojë punën nesër, tha Fidan në një intervistë të transmetuar drejtpërdrejt në kanalin turk NTV.

Ambasada turke në Damask u mbyll më 26 mars 2012, një vit pas fillimit të luftës civile në Siri, për shkak të përkeqësimit të situatës së sigurisë dhe thirrjes së qeverisë turke për dorëheqjen e presidentit sirian Bashar al-Assad.

Fidan tha se Turqia e bindi Rusinë dhe Iranin që të mos ndërhyjnë në Siri gjatë ofensivës rebele që rrëzoi qeverinë e Asadit.

Pas një ofensive 11-ditore, një koalicion rebel i udhëhequr nga grupi radikal islamik sunit Hayat Tahrir al-Sham pushtoi Damaskun më 8 dhjetor, duke i dhënë fund sundimit gjysmë shekulli nga familja Assad.

Presidenti i rrëzuar sirian shkoi në Moskë me familjen e tij, ku mori azil./abcnews.al

Zemërimi në kryeqytetin sirian është i dukshëm ndërsa familjet kërkojnë për të dashurit e tyre, që rezultojnë të zhdukur, ose kanë vdekur në sistemin e egër të burgjeve të qeverisë së rënë.

Siç njofton nga Damasku, korrespodentja e e Zërit të Amerikës Heather Murdock, gjatë një tubimi në kryeqytetin sirian, pjesëmarrësit bënë thirrje për ekzekutimin e presidentit të rrëzuar Bashar al-Assad.

Në Damask zemërimi i thellë është i pranishëm kudo. Gjatë funeralit të një viktime të torturës në burg, të pranishmit bëjnë thirrje për ekzekutimin e presidentit Bashar al-Assad, më pak se një javë pasi ai u largua nga vendi.

Ata me të cilët foli Zëri i Amerikës, tregojnë se kanë humbur dikë në sistemin e egër të burgjeve që ra bashkë me regjimin.

“O Zot, ku është djali im? Dua ta shoh, ta mbaj dhe të ndjej aromën e tij. Nuk e di ku është. E morën nga unë. Shpresoj që Zoti t’i marrë ata”, shprehet e ëma e një të burgosuri.

I riu që po varrosej, Mazen al-Hamada, vdiq në burg pasi foli publikisht se ishte torturuar.

Në këtë spital familjet po kërkojnë për trupat e njerëzve që besohet se kanë vdekur së fundmi. Fotografitë e trupave varen në muret jashtë. Na thuhet, se shumë prej tyre, kanë plagë që duket se janë pasojë e torturave.

Lexo më tej: Pas 50 vitesh sundim, shembet regjimi Assad në Siri 

Brenda spitalit, dhjetëra trupa nuk janë identifikuar ende. Por shumica e familjeve që kanë ardhur këtu nuk po i gjejnë të afërmit e tyre.

“Djemtë e mi janë arrestuar në vitin 2014, na dhanë certifikatat e vdekjes, por ne nuk e dimë se çfarë ndodhi me ta. Skena këtu është e papërshkrueshme. Të zemëron shumë”, tregon Majda Abu al-Omani, djemtë e së cilës rezultojnë të zhdukur.

Në burgun famëkeq Sednaya, të tjera familje kërkojnë të dhëna që mund t’i ndihmojnë të gjejnë të dashurit e tyre të humbur. Shumë besojnë se ka të burgosur të zhdukur që janë ende gjallë dhe gjenden në objekte sekrete.

“Ka shpirtra të gjallë nën këtë tokë. Dhe jo vetëm një apo dy. U bë katër ose pesë ditë që jemi këtu në Sednaya dhe deri më tani, asgjë”, tregon Khamis el-Ibrahim, i cili kërkon vëllanë e tij të zhdukur.

Gazetarja e Zërit të Amerikës Heather Murdock, në Damask, tregon se që kur gjendjet atje, shume njerëz i janë afruar për të shprehur zemërimin dhe trishtimin që ndjejnë, njëri prej tyre ishte shprehur se “bota e ka ditur për dekada se çfarë po ndodh këtu”, duke pyetur më pas se “përse mediat perëndimore po vijnë tani.” 

The post Në Damask kërkojnë kokën e Assad appeared first on Lapsi.al.

Zemërimi në kryeqytetin sirian është i dukshëm ndërsa familjet kërkojnë për të dashurit e tyre, që rezultojnë të zhdukur, ose kanë vdekur në sistemin e egër të burgjeve të qeverisë së rënë. Siç njofton nga Damasku, korrespodentja e e Zërit të Amerikës Heather Murdock, gjatë një tubimi në kryeqytetin sirian, pjesëmarrësit bënë thirrje për ekzekutimin e presidentit të rrëzuar Bashar al-Assad.

Në Damask zemërimi i thellë është i pranishëm kudo.

Gjatë funeralit të një viktime të torturës në burg, të pranishmit bëjnë thirrje për ekzekutimin e presidentit Bashar al-Assad, më pak se një javë pasi ai u largua nga vendi.

Ata me të cilët foli Zëri i Amerikës, tregojnë se kanë humbur dikë në sistemin e egër të burgjeve që ra bashkë me regjimin.

“O Zot, ku është djali im? Dua ta shoh, ta mbaj dhe të ndjej aromën e tij. Nuk e di ku është. E morën nga unë. Shpresoj që Zoti t’i marrë ata”, shprehet e ëma e një të burgosuri.

I riu që po varrosej, Mazen al-Hamada, vdiq në burg pasi foli publikisht se ishte torturuar.

Në këtë spital familjet po kërkojnë për trupat e njerëzve që besohet se kanë vdekur së fundmi.

Fotografitë e trupave varen në muret jashtë. Na thuhet, se shumë prej tyre, kanë plagë që duket se janë pasojë e torturave.

Brenda spitalit, dhjetëra trupa nuk janë identifikuar ende. Por shumica e familjeve që kanë ardhur këtu nuk po i gjejnë të afërmit e tyre.

“Djemtë e mi janë arrestuar në vitin 2014, na dhanë certifikatat e vdekjes, por ne nuk e dimë se çfarë ndodhi me ta. Skena këtu është e papërshkrueshme. Të zemëron shumë”, tregon Majda Abu al-Omani, djemtë e së cilës rezultojnë të zhdukur.

Në burgun famëkeq Sednaya, të tjera familje kërkojnë të dhëna që mund t’i ndihmojnë të gjejnë të dashurit e tyre të humbur. Shumë besojnë se ka të burgosur të zhdukur që janë ende gjallë dhe gjenden në objekte sekrete.

“Ka shpirtra të gjallë nën këtë tokë. Dhe jo vetëm një apo dy. U bë katër ose pesë ditë që jemi këtu në Sednaya dhe deri më tani, asgjë”, tregon Khamis el-Ibrahim, i cili kërkon vëllanë e tij të zhdukur.

Gazetarja e Zërit të Amerikës Heather Murdock, në Damask, tregon se që kur gjendjet atje, shume njerëz i janë afruar për të shprehur zemërimin dhe trishtimin që ndjejnë, njëri prej tyre ishte shprehur se “bota e ka ditur për dekada se çfarë po ndodh këtu”, duke pyetur më pas se “përse mediat perëndimore po vijnë tani?

LEXONI GJITHASHTU:

• Mbi 100,000 sirian mbeten në pritje për azilin në të gjithë BE-në
• Mijëra refugjatë sirianë po kthehen në Siri nga Libani dhe Turqia

The post Sirianët të zemëruar bëjnë thirrje për ekzekutimin e Assad, çfarë po ndodh në Damask appeared first on Euronews Albania.

DAMASK, 12 dhjetor /ATSH/ – Forcat rebele siriane deklaruan se do të mbyllin burgjet famëkeqe dhe të ashpra, të drejtuara nga presidenti i rrëzuar Bashar al-Assad dhe të dënojnë ata që janë përfshirë në vrasjen ose torturimin e të burgosurve, shkruan BBC.

Udhëheqësi rebel Ahmed al-Sharaa, i njohur gjithashtu si Abu Mohammed al-Jolani, theksoi gjithashtu se do të shpërndante forcat e sigurisë së ish-regjimit.

Videot që tregojnë mijëra të burgosur të liruar nga burgu i Saydnaya – të quajtur një “thertore njerëzore” nga grupet e të drejtave të njeriut u shfaqën të dielën pas rënies së qeverisë së Assadit.

”Gati 60 000 njerëz janë torturuar dhe vrarë në burgjet e drejtuara nga Assad”, theksoi Observatori Sirian për të Drejtat e Njeriut me qendër në Londër.

Grupi militant islamik i Jolanit, Hayat Tahrir al-Sham (HTS), udhëhoqi fraksionet e tjera rebele siriane në një ofensivë të rrufeshme që rrëzoi sundimin 54-vjeçar të dinastisë Assad.

Assad iku në Rusi në orët e para të së dielës, ku atij dhe familjes së tij iu dha azil pasi rebelët pushtuan kryeqytetin Damaskun.

Në një deklaratë të veçantë, Jolani tha se ‘’nuk mund të flitej për falje për ata që morën pjesë në torturimin ose vrasjen e të burgosurve’’.

“Ne do t’i ndjekim penalisht ata në Siri dhe do t’u bëjmë thirrje vendeve që të dorëzojnë ata që ikën në mënyrë që të mund të marrim drejtësi” shtoi ai.

Që nga rënia e presidentit Bashar al-Assad, sirianët janë futur në burgjet famëkeqe të regjimit, duke kërkuar dëshpërimisht për të dashurit e tyre./    /os/

 

The post DAMASK – Udhëheqësi i rebelëve sirianë zotohet të mbyllë burgjet famëkeqe të Assadit appeared first on Agjencia Telegrafike Shqiptare.

KAJRO, 11 dhjetor /ATSH-DPA/- Katari tha sot se do të rihapë ambasadën e tij në Siri, më shumë se 13 vjet pas mbylljes së saj.

“Doha do të rihapë ambasadën e saj në Siri së shpejti – pas finalizimit të marrëveshjeve të nevojshme”, tha zëdhënësi i Ministrisë së Jashtme, Majed al-Ansari.

Që nga viti 2011, aleatët e presidentit të rrëzuar Bashar al-Assad mbajtën ambasadat e tyre që operonin në Damask – kryesisht Irani dhe Rusia – ndërsa shumica e qarqeve perëndimore dhe disa shtete arabe i mbyllën.

Emiratet e Bashkuara Arabe rihapën ambasadën e tyre në vitin 2018.

Katari mbylli ambasadën e tij në korrik 2011, pasi një grup pro-al-Assad sulmoi ndërtesën për të protestuar ndaj mbulimit të rrjetit Al Jazeera në pronësi të Katarit – për shtypjen e protestave nga al-Assad, e cila u shndërrua në një luftë civile.

Në vitet në vijim, Katari mbështeti rebelët e opozitës në luftën e tyre kundër al-Asadit.//a.i/

The post SIRI – Katari rihap ambasadën në Damask pas 13 vitesh appeared first on Agjencia Telegrafike Shqiptare.

Rrëzimi i regjimit të Assadit është tema më e diskutuar ndërkombëtare dhe ështëtrajtuar dhe në emisionin “Opinion”, ku u tregua një detaj interesant se në Siri ka ende një komunitet të vjetër shqiptar. Sipas të dhënave zyrtare të një censi të kryer disa vite më parë, rezulton se atje ndodhen 10 mijë persona me origjinë shqiptare, […]

The post Siria “fole” për rreth 10 mijë shqiptarë, lagjia ku flitet shqip akoma në Damask appeared first on BoldNews.al.

Izraeli ka kryer mbi 100 sulme ajrore në Siri të hënën, sipas Mbikëqyrësit Sirian për të Drejtat e Njeriut, një organizatë për mbrojtje të të drejtave të njeriut me seli në Britani të Madhe, raporton “BBC”.

Organizata ka thënë se Izraeli ka shënjestruar objektet ushtarake në Damask, Daraa, Latakia dhe Hama – përfshirë qendrat e hulumtimit, armët, depot e armëve dhe aeroportet.

Sulmet izraelite në Siri kanë vrarë 416 ushtarë në vitin 2024, sipas organizatës. Izraeli ka thënë se po vepron për të ndaluar që armët të bien në duar të ekstremistëve.

Udhëheqësi i rebelëve në Siri, Abu Mohammed al-Jawlani në Damask, u është drejtuar qytetarëve në xhaminë Umajad në qendër të qytetit.

Gjatë fjalës së tij ai tha se regjimi i Assad burgosi padrejtësisht mijëra njerëz, dhe se sot të gjithë sirianët shpërblehen me këtë fitore ndaj diktaturës.

Në daljen e tij të parë publike që kur ushtarët hynë në periferi të Damaskut, ai u tha mbështetësve se fitorja e rebelëve ishte “për të gjithë kombin” dhe se Assad e kishte bërë Sirinë “terren për lakminë e Iranit”.

“Çlirimi ka ndodhur pavarësisht hundës së atij tirani,” tha ai për Assadin.

Ai shtoi se Siria do të “shërohet plotësisht” nga efektet e luftës. “E ardhmja është e jona,” u tha ai mbështetësve.

Rebelët sirianë deklaruan sot se rrëzuan nga pushteti presidentin Bashar al-Assad, pasi morën kontrollin e Damaskut të dielën, duke e detyruar atë të arratiset dhe duke i dhënë fund sundimit autokratik të familjes së tij pas më shumë se 14 vitesh luftë civile.

Sirianët dolën në rrugë të dielën duke festuar fundin e sundimit të hekurt 50 vjeçar të familjes Assad, pas një përparimi të befasishëm të rebelëve që në pak ditë arritën në kryeqytet duke ngritur tani pikëpyetje për të ardhmen e vendit dhe rajonit më të gjerë.

Turmat u mblodhën në sheshet qendrore të Damaskut duke valëvitur flamurin sirian, skena që ngjasonin me ditët e para të kryengritjes së Pranverës Arabe, përpara se të niste një shtypje brutale nga ana e qeverisë që e zhyti vendin në një luftë civile gati 14-vjeçare./a.m.

The post Udhëheqësi i rebelëve në Siri mban fjalën e parë pas rrëzimit të regjimit të Assad: Sot shpërblehemi të gjithë first appeared on JavaNews.al.

Abu Mohammed al Jolani, i cili udhëhoqi ofensivën rebele që përmbysi regjimin e Bashar al Asadit, ka folur në xhaminë Umajad në Damask.

Në paraqitjen e tij të parë publike që kur luftëtarët hynë në periferi të Damaskut, ai u tha mbështetësve se fitorja e rebelëve ishte “për të gjithë kombin” dhe se Assad e kishte bërë Sirinë “një fermë për lakminë e Iranit”.

“Çlirimi ka ndodhur pavarësisht hundës së atij tirani”, tha ai për Assadin.

Ai shtoi se Siria do të “shërohet plotësisht” nga efektet e luftës.

Al Jolani/Ahmed Al-Sharaa’s speech in the Great Umayyad Mosque in Damascus

كلمة احمد الشرع في مسجد بني أمية الكبير بدمشق

“By God, goodness is abundant and far be it from God, far be it from God to let this tyrant oppress all the people of Syria. There is no house in Syria where… https://t.co/FoGk4YzDNI pic.twitter.com/dPWmzezV9u

— Saad Abedine (@SaadAbedine) December 8, 2024

“E ardhmja është e jona”, u tha ai mbështetësve. /Telegrafi/

 

 

The post Udhëheqësi rebel flet në një xhami në Damask, thotë se fitorja është e gjithë kombit sirian appeared first on Telegrafi.

Ushtria izraelite ka bombarduar qendrën kryesore kërkimore në kryeqytetin sirian, Damask, pasi dyshohet se është përdorur nga Irani për të zhvilluar raketa me rreze të gjatë. Sipas raportimeve nga Reuters, Izraeli gjithashtu shënjestroi selinë doganore dhe inteligjencën ushtarake në një kompleks sigurie në kryeqytet, thanë burimet. Zëdhënësi arab i ushtrisë izraelite mw herwt ka lëshuar

Qeveria e Presidentit sirian Bashar al Assad ra të dielën përballë një sulmi të rrufeshëm të kryengritësve që morën kontrollin mbi Damaskun, ku turmat dolën në rrugë për të kremtuar fundin e 50 viteve të sundimit të hekurt të familjes Assad.

Televizioni shtetëror sirian transmetoi një video deklaratë të një grupi burrash duke thënë se presidenti Bashar al Assad është rrëzuar dhe të gjithë të burgosurit ishin liruar.

Burri që lexoi deklaratën tha se grupi i opozitës, i njohur si “Dhoma e Operacioneve për Pushtimin e Damaskut”, u bëri thirrje të gjithë luftëtarëve kryengritës dhe qytetarëve që të ruajnë institucionet e “shtetit të lirë sirian”.

Deklarata u publikua disa orë pasi shefi i një grupi vëzhgues të luftës së opozitës siriane tha se Assadi ishte larguar nga vendi duke ikur përpara kryengritësve që thanë se kishin hyrë në Damask pas një përparimi jashtëzakonisht të shpejtë në të gjithë vendin.

Shumë prej banorëve të kryeqytetit po u dukej e pabesueshme shpejtësia me të cilën Assadi humbi kontrollin e tij në vend pas gati 14 viteve të luftës civile që la pas vetes qindra mijëra të vrarë dhe zhvendosi gjysmën e popullsisë së vendit prej 23 milionësh.

Kryeministri sirian Mohammed Ghazi Jalali tha në një video deklaratë se qeveria është e gatshme t’i “shtrijë dorën” opozitës dhe t’ia kalojë funksionet e saj një qeverie kalimtare.

Ai më vonë i tha rrjetit televiziv saudit Al-Arabiyya se nuk e di se ku janë Assadi dhe ministri i mbrojtjes. Ai tha se humbi komunikimin me Assadin të shtunën vonë.

Rami Abdurrahman i Vëzhguesve Sirian për të Drejtat e Njeriut tha për agjencinë e lajmeve Associated Press se Assadi fluturoi të dielën nga Damasku.

Assadi është akuzuar për krime lufte dhe krime kundër njerëzimit, duke përfshirë një sulm me armë kimike në vitin 2013 në periferi të kryeqytetit.

Nuk pati asnjë koment të menjëhershëm nga Irani, i cili kishte qenë mbështetësi më i vendosur i Assadit. Ambasada iraniane në Damask u grabit pasi me sa duket ishte braktisur. Pamjet treguan xhama të thyer dhe dokumente të shpërndara në hyrje të saj.

Forcat opozitare nuk kishin hyrë në Damask që nga viti 2018, kur trupat siriane rimorën zonat në periferi të kryeqytetit pas një rrethimi shumëvjeçar.

Një natë më parë, forcat opozitare morën qytetin qendror të Homsit, i treti më i madhi i Sirisë, pasi forcat qeveritare e braktisën atë. Qyteti ndodhet në një kryqëzim të rëndësishëm midis Damaskut dhe provincave bregdetare të Sirisë, Latakia dhe Tartus, baza e mbështetjes së udhëheqësit sirian dhe një baze strategjike detare ruse.

Rebelët kishin pushtuar tashmë qytetet Aleppo dhe Hama, si dhe pjesë të mëdha të jugut, në një ofensivë të shpejtë që filloi më 27 nëntor.

Përparimet në javën e kaluar ishin më të mëdhatë në vitet e fundit nga grupet opozitare, të udhëhequra nga një grup që e ka origjinën në Al-Kaida dhe konsiderohet një organizatë terroriste nga Shtetet e Bashkuara dhe Kombet e Bashkuara. Në përpjekjet e tyre për të rrëzuar qeverinë e Assadit, kryengritësit, të udhëhequr nga grupi Hayat Tahrir al-Sham, ose HTS, kanë hasur në rezistencë të paktë nga ushtria siriane./VOA

Një situata aspak e qartë është krijuar në orët e fundit në Siri, ku forcat rebele pasi kanë marrë kontrollin e njëpasnjëshëm të qyteteve kryesore, i janë afruar dhe rrethinave të Damaskut. Sipas CNN, presidenti sirian Bashar al-Assad nuk gjendet askund në kryeqytetin sirian. Burime për CNN bëjnë me dije se Assad nuk ka ikur […]

The post Rebelët rrethojnë Damaskun, mediat perëndimore: Asad ia ka mbathur appeared first on BoldNews.al.

Kryengritësit sirianë kanë mbërritur në periferi të Damaskut në kuadrin e një ofensive që po përparon me shpejtësi, gjatë së cilës ata kanë marrë nën kontroll disa nga qytetet më të mëdha të Sirisë, thanë të shtunën aktivistët e opozitës dhe një komandant rebel. Rami Abdurrahman, i cili kryeson Vëzhguesit Sirian për të Drejtat e Njeriut me qendër në Britani, një grup që monitoron luftën e opozitës, tha se kryengritësit janë tani aktivë në periferitë e Damaskut, Maadamiyahit, Jaramanës dhe Darayas.

Ai shtoi se luftëtarët e opozitës po marshonin të shtunën edhe nga Siria lindore drejt Harastës, në periferi të Damaskut. Një komandant i kryengritësve, Hassan Abdul-Ghani, postoi në aplikacionin e mesazheve Telegram se forcat opozitare kanë filluar të kryejnë “fazën e fundit” të ofensivës së tyre duke rrethuar Damaskun. Ai shtoi se kryengritësit ishin nisur nga Siria jugore drejt Damaskut. Ushtria siriane u tërhoq nga pjesa më e madhe e Sirisë jugore të shtunën, duke lënë më shumë zona të vendit, përfshirë dy qendra rajonale nën kontrollin e luftëtarëve të opozitës, tha ushtria dhe Vëzhguesi Sirian për të Drejtat e Njeriut.

Largimi i trupave nga provincat Daraa dhe Sweida erdhi pasi ushtria e Sirisë dërgoi një numër të madh përforcimesh për të mbrojtur qytetin qendror kyç të Homsit, i treti më i madh i Sirisë, ndërsa kryengritësit i afroheshin periferisë së tij. Përparimet e shpejta nga kryengritësit janë një goditje e rëndë dhe e papritur për presidentin e Sirisë Bashar al-Assad, i cili duket se ka mbetur kryesisht pa përkrahje, pasi aleatët e dikurshëm të tij Rusia dhe Irani janë të anagzhuar në konflikte të tjera, respektivisht në Ukrainë dhe Lindjen e Mesme.

Ofensiva e befasishme filloi më 27 nëntor nën drejtimin e grupit xhihadist Hayat Tahrir al-Sham, ose HTS, gjatë së cilës persona të armatosur pushtuan qytetin verior të Aleppos, më i madhi i Sirisë, dhe qytetin qendror Hama, qyteti i katërt më i madh i vendit.

Grupi e ka origjinën tek Al-Kaida dhe konsiderohet një organizatë terroriste nga SHBA dhe Kombet e Bashkuara. Udhëheqësi i tij Abu Mohammed al-Golani i tha CNN në një intervistë ekskluzive të enjten nga Siria se qëllimi i ofensivës është të përmbysë qeverinë e al-Assadit./ VOA

The post Kryengritësit sirianë arrijnë në periferi të Damaskut, ofensiva përparon me shpejtësi appeared first on Lapsi.al.