Çanta origjinale që u krijua posaçërisht për aktoren Jane Birkin dhe që u shndërrua në një nga veprat më ikonike të modës së shekullit XX, është shitur para disa ditësh në një ankand në Paris për shumën rekord prej 8.6 milionë eurosh (rreth 10.04 milionë dollarë amerikanë).

Prej ditësh kishte spekulime se cila figurë e famshme mund të kishte blerë këtë çantë ikonë. Tani është zbuluar se pronari i ri është Shinsuke Sakimoto, një miliarder japonez, ish-futbollist dhe aktualisht drejtor i kompanisë Valuence Japan Inc., e cila merret me rishitjen e mallrave luksoze.

Kompania Valuence operon në nivel global përmes ankandeve ALLU dhe dyqaneve të shitjes me pakicë, duke tregtuar sende të dorës së dytë luksoze dhe dizajni. Megjithatë, kjo blerje nuk ka qenë një investim për rishitje – Sakimoto theksoi se çanta nuk do të shitet më tej, por do të ruhet si një trashëgimi kulturore në nder të Jane Birkin dhe kontributit të saj në botën e modës.

 

View this post on Instagram

 

A post shared by shinsuke sakimoto (@shinsukesakimoto)

“Me të arritur çanta në Japoni, kompania Valuence Japan do të organizojë një paraqitje për mediat dhe palët e interesuara. Së shpejti do të publikojmë detaje të sakta dhe afatet kohore të ekspozitës,” tha Sakimoto.

Sipas tregimeve që qarkullojnë prej kohësh në qarqet e modës, çanta e parë “Birkin” lindi në vitin 1984, kur aktorja dhe këngëtarja me origjinë francezo-britanike ishte duke udhëtuar me avion pranë drejtorit ekzekutiv të Hermès, Jean-Louis Dumas. Gjatë bisedës, ajo i kishte treguar se, si një nënë e re, kishte nevojë për një çantë që të ishte funksionale por edhe me stil. Dumas, i frymëzuar, skicoi aty për aty një çantë të madhe, të formës drejtkëndëshe, që të kishte vend edhe për biberonët e fëmijës.

 

View this post on Instagram

 

A post shared by shinsuke sakimoto (@shinsukesakimoto)

Hermès e krijoi këtë çantë posaçërisht për Jane Birkin dhe më pas filloi të prodhonte versione më të vogla për tregun. Dizajni i saj u shndërrua në një sukses global dhe ndihmoi në rritjen e mëtejshme të këtij brendi të njohur francez. Çanta origjinale mban ende inicialet “J.B.” si simbol i trashëgimisë së saj. /Telegrafi/

The post Çanta origjinale e aktores Jane Birkin shitet për 8.6 milionë euro – pronar i ri bëhet një miliarder japonez appeared first on Telegrafi.

Aktorja dhe deputetja e njohur shqiptare, Adriana Matoshi, është duke kaluar disa ditë pushimi në bregdetin shqiptar të Malit të Zi, konkretisht në Ulqin, ku duket se po e shfrytëzon maksimalisht këtë periudhë për t’u çlodhur dhe rigjeneruar larg angazhimeve politike dhe artistike.

Në disa fotografi të publikuara në llogarinë e saj zyrtare në Instagram, Adriana shihet përkrah mikes së saj të afërt, aktoren Arjola Demiri, ndërsa të dyja pozojnë buzë detit, duke reflektuar pozitivitet dhe mirëkuptim mes një shoqërie të sinqertë.

Së fundmi, Adriana ka realizuar edhe një fotosesion të veçantë në bregdet, duke sjellë një imazh më të rafinuar dhe artistik.

Në njërën prej pozave më të komentuarave, ajo shfaqet pranë jahteve luksoze të parkuara në sfond, e veshur me një fustan të bardhë elegant, teksa pozon përballë perëndimit të diellit.

Pamja e saj është freskuese dhe plot hijeshi – një kombinim i natyrshëm mes bukurisë së saj dhe ambientit veror që e rrethon.

Adriana, e cila është edhe deputete në Kuvendin e Kosovës nga radhët e Lëvizjes Vetëvendosje, përfaqëson një figurë të rrallë publike që kombinon artin me angazhimin politik.

Megjithatë, situata aktuale në Kuvend nuk është aspak premtuese – plot 47 seanca janë dështuar për t’u konstituuar, duke krijuar një ngërç institucional që ka zhgënjyer qytetarët dhe ka vënë në pikëpyetje funksionimin normal të demokracisë parlamentare.

Në një kohë kur Kuvendi mbetet në një gjendje të pashpresë, Adriana ka zgjedhur të gjejë pak qetësi pranë detit – ndoshta edhe për të reflektuar për sfidat që e presin në muajt në vijim. /Telegrafi/

The post Adriana Matoshi shijon pushimet verore, duket elegante në pozat pranë jahteve luksoze në bregdet appeared first on Telegrafi.

Sofia Vergara festoi së fundmi ditëlindjen e saj të 53-të dhe në qytetin e saj të lindjes, Barranquilla, Kolumbi, u ngrit një statujë 7.5 metra e lartë për nder të saj. Megjithatë, skulptura që supozohet të imitojë personazhin e aktores nuk i ngjan shumë asaj, prandaj u përshkrua në rrjete si një “dështim”.

Skulptura u përurua në një shëtitore buzë lumit në qytetin kolumbian të Barranquilla-s më 1 korrik, në ditëlindjen e 53-të të Sofias. Monumenti gjigant i yllit të Hollivudit është 7.5 metra i lartë dhe peshon deri në 5.5 ton.

U krijua nga skulptori i famshëm Yino Marquez, i cili punoi mbi të për shtatë muaj në punishten e tij, i ndihmuar nga gjashtë studentë të rinj dhe të diplomuar të një shkolle arti lokale.

Estatua de Sofía Vergara en bronce !! Obra del escultor Yino Marquez con 6 alumnos de la escuela de distrito de arte de Barranquilla. Ubicada en el Malecón del Rio en Barranquilla, fue entregada a la ciudadanía oficialmente hoy. pic.twitter.com/l8cILKKhNk

— Psi. Gustavo Osorio V (@PS1COPOLITICO) July 11, 2025

Megjithatë, fansat e aktores nuk u impresionuan aspak, duke pretenduar se statuja nuk i ngjante aspak asaj, dhe disa menduan se i ngjante më shumë personazhit të Jessica Rabbit.

“Mund të jetë kushdo, çfarë humbje parash”, “Nuk i ngjan aspak asaj”, “Nuk e kuptoj se si dikush mund ta njohë fytyrën në atë gjë. Ajo statujë është një dështim absolut. E tmerrshme”, “Ai skulptor nuk është shumë i mirë në vizatimin e fytyrave, duhet të ketë shkuar në të njëjtën shkollë arti si ai që bëri statujën e Ronaldos”, ishin komentet.

#SofiaVergara celebrated her 53rd birthday with a major honor — a 24-foot statue unveiled in Barranquilla, #Colombia! pic.twitter.com/CkxX0l5YKO

— HOT 97 (@HOT97) July 14, 2025

Ceremonia e zbulimit u drejtua nga kryetari i bashkisë së qytetit kolumbian, Alejandro Char.

Marquez krijoi gjithashtu një statujë të Shakirës në Barranquilla, e cila u përurua më 26 dhjetor 2023. /Telegrafi/

gente o tamanho da estátua que ergueram pra SOFIA VERGARA em barranquilla na colômbia pic.twitter.com/GE9ei9UNPW

— faby jurídico modern family (@fabyollaverass) July 11, 2025

The post Një statujë është ngritur në nder të Sofia Vergarës dhe ajo tashmë po përshkruhet si një dështim, askush nuk mendon se duket si aktorja appeared first on Telegrafi.

Aktorja dhe deputetja nga radhët e Lëvizjes Vetëvendosje, Adriana Matoshi, ka nisur zyrtarisht pushimet verore – dhe këtë e ka konfirmuar përmes një fotografie të publikuar nga mikja e saj, aktorja Arjola Demiri, në Instagram.

Në imazhin e ndarë nga Demiri, dyshja duken të relaksuara teksa shijojnë një mëngjes të pasur me pamje spektakolare mbi det. Adriana shihet e veshur me një këmishë të bardhë oversize dhe syze të mëdha dielli, ndërsa Arjola ka zgjedhur një palë bikini me dizajn të lehtë floral, duke reflektuar atmosferën e ngrohtë të verës.

Tryeza para tyre është e shtruar me elegancë: lule të freskëta, gota rozë për verë apo koktej dhe pjata me ushqime të ndryshme të mëngjesit – një moment që reflekton qetësi, miqësi dhe luks të përmbajtur.

Fotografia është shoqëruar me këngën “Quality Time”, duke lënë të kuptohet se kjo periudhë po përdoret për qetësi shpirtërore dhe kohë me njerëz të afërt.

Ndërkohë, ky pushim i deputetes Matoshi vjen në një kohë kur Kuvendi i Kosovës vazhdon të mbetet në një bllokadë institucionale që ka zgjatur me muaj, me 45 tentativa të pasuksesshme për mbajtjen e seancës plenare. Nesër pritet të mbahet tentativa e 46-të për të konstituuar punimet parlamentare, por ngërçi politik vazhdon të dominojë agjendën institucionale të vendit.

Adriana Matoshi, megjithëse e zgjedhur si përfaqësuese e popullit në Kuvend, aktualisht duket se ka vendosur të distancohet nga kaosi institucional dhe të fokusohet përkohësisht në mirëqenien e saj personale.

Kjo paraqitje në shoqërinë e Arjola Demirit ka ngjallur reagime dhe komente në rrjet, me shumë ndjekës që e kanë cilësuar si një “momente të merituar pushimi”, ndërsa të tjerë kanë ngritur pyetje rreth mungesës së deputetëve nga përpjekjet për zhbllokimin e institucioneve. /Telegrafi/

The post Adriana Matoshi nis pushimet verore me shoqen e saj, aktoren Arjola Demiri – shijojnë luksin me detin në prapavijë appeared first on Telegrafi.

Shërbimi për promovimin e imazhit dhe veprave të Presidentit të Shteteve të Bashkuara të Amerikës ka qenë i zënë muajt e fundit duke u përpjekur ta portretizojë Donald Trumpin si një hero që do të zgjidhë të gjitha problemet e botës.

Këtë herë ata shkuan një hap larg duke publikuar një tjetër njoftim që ishte i paimagjinueshëm para ardhjes së Donald Trump në krye të Shteteve të Bashkuara të Amerikës.

Në profilin zyrtar të X-it, ata publikuan një montazh fotosh të Trump-it si, hiç më pak, Supermen.

THE SYMBOL OF HOPE.

TRUTH. JUSTICE. THE AMERICAN WAY.

SUPERMAN TRUMP. pic.twitter.com/fwFWeYonAq

— The White House (@WhiteHouse) July 11, 2025

Së bashku me një fotografi të Trump të veshur si një nga superherojt më të famshëm të Uashingtonit, ata shkruan: “NJË SIMBOL SHPRESË. TË VËRTETËS. DREJTËSIE. MËNYRA AMERIKANE. SUPERMENI TRUMP”.

Ky është një tjetër shembull në një seri shembujsh të marketingut agresiv nga njeriu i parë i Shtëpisë së Bardhë që ndoshta e përshkruan më së miri gjendjen reale të kombit amerikan nën udhëheqjen e Donald Trump. /Telegrafi/

The post Trump si Supermen: Shtëpia e Bardhë befason me promovimin e presidentit në rrjetet sociale appeared first on Telegrafi.

Këngëtarja e njohur e muzikës popullore, Engjëllusha Salihu, sot ka kurorëzuar dashurinë e saj në një ceremoni martesore mjaft të veçantë.

Engjëllusha është bërë sot nuse, në mesin e familjarëve, miqve dhe bashkëpunëtorëve të saj të shumtë në muzikë.

Një ndër momentet më të ndjera gjatë këtyre ditëve festive ka qenë padyshim bashkëpunimi me nënën e saj, këngëtaren e njohur Shyhrete Behluli.

Dyshja sollën emocione të forta për publikun, duke reflektuar lidhjen e tyre të veçantë jo vetëm si nënë e bijë, por edhe si kolege të pandashme në skenë prej vitesh.

Në një intervistë të realizuar së fundmi për emisionin “Prive” nga Liberta Spahiu, Engjëllusha ndau emocionet përpara ditës së madhe, foli për partnerin që tashmë është bërë bashkëshorti i saj dhe për mbështetjen që ka marrë nga familja, në veçanti nga nëna e saj, e cila ka qenë gjithmonë përkrah saj në çdo hap të jetës.

Sot, Engjëllusha Salihu hap një kapitull të ri në jetën e saj personale, duke ruajtur me krenari rrënjët dhe suksesin e saj artistik. /Telegrafi/

 

 

 

The post Këngëtarja Engjëllusha Salihu i jep fund beqarisë appeared first on Telegrafi.

Aktorja e njohur amerikane, Jennifer Aniston, ka konfirmuar zyrtarisht lidhjen e saj të re dashurore me hipnotistin dhe trajnerin e jetës, Jim Curtis.

56-vjeçarja, e njohur për rolin e Rachel Green në serialin legjendar Friends, u pa duke shijuar një pushim romantik në një jaht luksoz në Mallorca, në shoqërinë e partnerit të ri.

Fotografitë e publikuara nga DailyMail tregojnë Aniston në momente intime me Curtis, duke i prekur këmbën teksa bisedonin me miqtë.

Në një tjetër moment, çifti shihej duke u përqafuar dhe duke i dhënë njëri-tjetrit masazh, ndërsa më vonë ndanë së bashku një shikim në telefonin e saj.

Të afërm të aktores kanë pohuar se Jennifer është shumë e lumtur në këtë fazë të re të jetës, por po i merr gjërat me qetësi.

“Jennifer është në një lidhje me Jim dhe ndihet shumë mirë. Miqtë e saj janë të entuziazmuar për këtë histori të re dashurie dhe ata që e kanë njohur Jim-in, mendojnë se janë përputhje perfekte”, ka thënë një burim i afërt për DailyMail.

“Ata të dy ndajnë pasionin për zhvillimin personal dhe punën me veten. Jennifer e konsideron Jim-in si një njeri të jashtëzakonshëm në këtë aspekt.”

Çifti kishte kaluar edhe pushime së bashku në qershor, në resortin luksoz Ventana Big Sur në Kaliforni, ku u panë të përqafuar në restorantin e resortit.

Ky vend i preferuar nga yje si Taylor Swift, Anne Hathaway dhe Ivanka Trump, ofron eksperienca të personalizuara dhe programime të mirëqenies shpirtërore — një lidhje që përkon edhe me filozofinë e jetës së Curtis.

Jim Curtis është autor i librit Shift: Quantum Manifestation Guide, një udhëzues për zhvillimin e vetëdijes së re dhe shërimin shpirtëror.

Ai njihet për qasjen e tij terapeutike që e quan “hypno-realization”, që ndihmon individët të çlirohen nga e kaluara dhe të ndërtojnë një realitet të ri të mbushur me dashuri dhe lidhje të thella emocionale.

Interesante është se Jennifer e ka ndjekur Curtisin në Instagram për gati dy vite dhe ka ndërvepruar shpesh me përmbajtjen e tij, përfshirë një postim të fundit ku ai ndante afirmime për të shëruar zemrën pas një ndarje.

Kjo ka nxitur më tej dyshimet e fansave mbi afërsinë e tyre, të cilat tashmë janë konfirmuar nga vetë veprimet e aktores.

Ndërkohë që Aniston po e shijon këtë kapitull të ri në jetën personale, ajo mbetet një nga figurat më të dashura të Hollywood-it. Më parë ajo ishte martuar me Brad Pitt nga viti 2000 deri në 2005 dhe më pas me Justin Theroux nga 2015 deri në 2018.

Në vitin 2022, aktorja pranoi publikisht se kishte provuar me procedura IVF për të mbetur shtatzënë, por pa sukses — një përvojë e dhimbshme që ajo e ndau me guxim me publikun.

Ndërsa lidhja e saj me Curtis po merr hov, duket se Aniston më në fund ka gjetur qetësinë dhe përmbushjen që kërkonte prej kohësh.

Romanca e tyre, e ndërtuar mbi një lidhje të fortë shpirtërore dhe mirëkuptim emocional, po zhvillohet me hapa të kujdesshëm, por me shumë premtime për të ardhmen. /Telegrafi/

The post Jennifer Aniston gjen dashurinë sërish – konfirmon lidhjen me hipnotistin simpatik Jim Curtis ndërsa shfaqen në jaht duke kaluar kohë intime së bashku appeared first on Telegrafi.

Kim Kardashian është rikthyer fuqishëm në skenën e modës. Të mërkurën, më 9 korrik, ylli televiziv dhe biznesmenja 44-vjeçare u shfaq në pasarelën e koleksionit të vjeshtës 2025 të Balenciaga-s, gjatë Javës së Modës në Paris. Ky ishte gjithashtu prezantimi i fundit i Demna Gvasalia si drejtor kreativ i shtëpisë së famshme të modës.

Kardashian parakaloi me një fustan të ngushtë në ngjyrë fildishi, me dantella elegante dhe një pallto me gëzof të njëjtë të varur në supe. Flokët e saj ishin stiluar në një bob asimetrik me ndarje anësore, që i mbulonte pjesërisht fytyrën.

Ajo që e bëri këtë paraqitje edhe më mbresëlënëse ishin diamantet vezulluese nga bizhuteritë e Lorraine Schwartz. Sipas një njoftimi për media nga brendi, fustani i Kim-it ishte një homazh për veshjen që Elizabeth Taylor kishte veshur në filmin e vitit 1958 “Cat on a Hot Tin Roof”. Kardashian kishte vendosur vathët legjendarë “Mike Todd Diamond Pendant Earrings”, që dikur ishin në pronësi të vetë Elizabeth Taylor dhe u blenë në ankand nga Schwartz.

Përveç tyre, Kardashian kishte në qafë dy varëse të Lorraine Schwartz, me gjithsej rreth 250 karatë diamante. Modelet e tjera në shfaqje mbanin gjithashtu bizhuteri të personalizuara me më shumë se 1,000 karatë diamante të bardhë, smeralde kolumbiane, safirë padparadsha, diamante rozë dhe diamante në ngjyrë të verdhë kanarine.

Para shfaqjes, Kim arriti në Paris për provat, duke tërhequr vëmendjen me një fustan ngjyrë rozë të ndezur, të ngushtë dhe me prerje të thellë në pjesën e përparme, i cili kishte gjithashtu një çarje të gjatë në këmbë që zbulonte çizmet “panta-boots” po ashtu rozë neon. Ajo ndau një foto të këtij veshje në Instagram Story me përshkrimin: “Balenci Barbie 4Lyfe”.

Në ditën e shfaqjes, Kardashian u ribashkua me miket e saj Lauren Sánchez Bezos dhe Katy Perry. Në mesin e të ftuarve të tjerë ishin edhe Nicole Kidman dhe Cardi B. Sánchez Bezos u shfaq me një xhaketë të zezë dhe syze dielli, ndërsa Perry zgjodhi një fustan të shkurtër të zi me taka të njëjta dhe syze transparente.

Më herët, Kardashian kishte marrë pjesë edhe në dasmën madhështore të Lauren Sánchez dhe Jeff Bezos në Venedik muajin e kaluar, ku u pa duke biseduar edhe me ish-partnerin e Perry-t, aktorin Orlando Bloom.

Kim debutoi për herë të parë në pasarelën e Javës së Modës në Paris në vitin 2022, gjithashtu për Balenciaga-n, në Koleksionin e 51-të të Couture-it, përkrah yjeve të tjera si Nicole Kidman, Dua Lipa, Christine Quinn, si dhe supermodelet Bella Hadid dhe Naomi Campbell.

E emocionuar nga përvoja, ylli i “The Kardashians” e kishte cilësuar atë paraqitje si “një ëndërr e bërë realitet”, ku u shfaq me një fustan të zi me dekolte të thellë dhe dorashka të integruara, ndërsa mbante flokët e zbardhura në ngjyrë platin. /Telegrafi/

The post Kim Kardashian mbante mbi 250 karat diamante në veshjen e saj ‘Balenciaga’ gjatë Javës së Modës në Paris appeared first on Telegrafi.

Reperja e njohur shqiptare Melinda Ademi ka ndezur rrjetin me paraqitjen e saj më të fundit nga pushimet në jugun e Shqipërisë, duke treguar edhe një herë se di si të kombinojë bukurinë, stilin dhe natyrën shqiptare në mënyrën më elegante.

E veshur me një bikini të kuqe që i thekson format dhe rrezaton vetëbesim, Melinda ka pozuar e relaksuar mbi një shezllon buzë detit, me një kuti qershish në prehër dhe një palë syze dielli që i japin pamjes së saj një nuancë glamuroze verore.

Fotografia është realizuar në një nga resortet buzëdetare më të njohura të jugut, ku sfondi me male dhe detin e kristaltë pas saj plotëson atmosferën idilike të pushimeve.

Reperja duket e qetë, natyrale dhe e buzëqeshur, ndërsa pozon me qershitë në buzë – një detaj që ka tërhequr vëmendjen e ndjekësve të saj në rrjete sociale.

Ky postim është pritur me entuziazëm nga fansat, të cilët kanë mbushur komentin me komplimente për pamjen dhe energjinë pozitive të artistes.

Melinda, përveç se e suksesshme në muzikë, është gjithashtu e njohur për stilin e saj unik dhe paraqitjet e kuruara deri në detaj. Ajo ka ditur gjithmonë të jetë në qendër të vëmendjes, qoftë me projektet e saj muzikore, qoftë me jetën e saj personale dhe imazhin publik. /Telegrafi/

 

The post Melinda Ademi sjell poza joshëse nga jugu i Shqipërisë, ndërsa pozon në bikini të kuqe appeared first on Telegrafi.

Georgina Rodríguez ka ndarë me ndjekësit e saj pamje nga pushimet luksoze që po i kalon me Cristiano Ronaldon në Mallorca, vetëm pak ditë pasi ai u përball me kritika për mungesën në funeralin e bashkëkombasit të tij, Diogo Jota, dhe vëllait të këtij të fundit, Andre Silva, të cilët humbën jetën tragjikisht në një aksident automobilistik në Spanjën veriore.

Ronaldo, 40 vjeç, nuk ishte i pranishëm në ceremoninë e përbashkët mortore të mbajtur të shtunën në Gondomar të Portugalisë, dhe kjo u komentua gjerësisht në vendlindjen e tij, shkruan DailyMail.

Ndërsa shumë prej shokëve të skuadrës kombëtare portugeze, përfshirë Bernardo Silva dhe Ruben Neves, ishin aty për t’i bërë nderimet e fundit Jotës dhe vëllait të tij, Ronaldo u fotografua të dielën duke pushuar në një jaht luksoz me partneren e tij.

Georgina, 31 vjeçe, ndau me ndjekësit disa pamje nga ajo që e cilësoi si “udhëtim rikuperimi”, teksa Ronaldo po përpiqet të përballet me dhimbjen për humbjen e mikut të tij.

Në njërën nga fotot më të komentuara, çifti shfaqet të përqafuar në vaskën me ujë të ngrohtë në jaht, me Georginën të ulur në prehër të Ronaldos, e veshur me bikini të kuqe dhe një kapele.

Ndër pamjet e tjera të publikuara nga Georgina ishin selfie me veshje sportive që theksonin linjat e saj, një varëse diamanti e veçantë dhe një unazë e madhe që u komentua si unazë fejese.

Edhe pse kjo ka nxitur spekulime në rrjete sociale, çifti nuk është i fejuar.

Në një dokumentar të publikuar në Netflix, Ronaldo kishte deklaruar: “Gjithmonë i them: ‘Kur të vijë ai momenti i klikimit…’. Mund të ndodhë pas një viti, gjashtë muajsh apo një muaji. Jam 1000% i sigurt se do të ndodhë.”

Georgina publikoi gjithashtu një video të Ronaldos duke u stërvitur në palestër brenda jahtit, i veshur me rroba banje blu, ku shihet qartë fiziku i tij sportiv.

Ata kishin mbërritur në destinacion me avion privat, ku Georgina pozoi përpara me një fustan të bardhë elegant.

Sipas mediave portugeze, Ronaldo nuk mori pjesë në funeral për shkak të traumave personale të lidhura me humbjen e babait të tij, José Diniz Aveiro, në vitin 2005, kur ai ishte vetëm 20 vjeç.

Thuhet se ai vendosi të mos jetë i pranishëm në mënyrë që të mos e tërhiqte vëmendjen nga dhimbja e familjes së Jotës, duke mos dashur që prania e tij të errësonte ceremoninë dhe nderimet për të ndjerët.

Megjithatë, mungesa e tij nuk kaloi pa kritika, por ai u mbrojt publikisht nga motra e tij, Katia Aveiro.

Në një postim në Instagram, ajo shkroi: “Kur vdiq babai im, përveç dhimbjes, u përballëm me një det kamerash dhe njerëzish kureshtarë kudo. As nuk mundëm të dilnim nga kapela, ishte një rrëmujë. Në funeral kishte presidentë, trajnerë si Scolari, por nuk i mbaj mend. Dhimbja më kishte verbuar”.

Ajo vazhdoi: “Shoqëria sot është absurde. Në vend që të respektohet dhimbja e një familjeje të shkatërruar, fokusi është tek mungesa e një njeriu që zgjodhi të tërhiqet për arsye personale dhe të kuptueshme. Më vjen turp të shikoj televizor. Të gjithë kemi familje. Mjaft më me këtë fanatizëm dhe kritika të kota”.

Pavarësisht komenteve të shumta, çifti vazhdoi pushimet e tyre në heshtje dhe larg vëmendjes, ndërsa tragjedia që goditi Jotën dhe familjen e tij mbetet një plagë e thellë për futbollin portugez.

Kjo situatë ka ngritur pyetje më të gjera mbi mënyrën se si publiku pret reagime nga figurat publike në kohë zie, si dhe për kufijtë midis dhimbjes personale dhe presionit të opinionit publik. /Telegrafi/

The post E dashura e Ronaldos, Georgina Rodriguez publikon fotografi nga jahti luksoz i futbollistit – mes kritikave për mospjesëmarrje në funeralin e Diogo Jotas appeared first on Telegrafi.

Një rikonfirmim më tepër se “Sofra Pejane” tashmë i ka kaluar kufijtë nacional e kombëtar.

Rrjeti i Televizionit shtetëror franko-gjerman ARTE këto ditë ka qëndruar në Pejë për pasqyrimin e vlerave tradicionale, kulturore e muzikore të Kosovës.

Lajmin është konfirmuar edhe nga vet kjo Shoqëri kulturo-Artistike, në faqen zyrtare në Facebook.

‘Televizioni shtetëror franko-gjerman ARTE ka zbritur në Pejë, për një dokumentar muzikor dhe të traditës me SHKA ‘Sofra Pejane’!

Normalisht me shumë respekt jemi përkujdesur me forcat tona që ti presim e nderojmë siç i ka hije traditës, mikpritjes dhe bujarisë pejane!’-thuhet në njoftimin zyrtar.

Xhirimet janë realizuar në qytet ndërsa pjesa qëndrore në një nga restoranet e njohura të traditës pejane ‘Taverna’.

Një hapësirë e veçant prezantuese, në saje të interesimeve të ekipit realizues, në dokumentar i është kushtuar edhe hit këngëtarit të njohur shqiptar nga Peja, pjesë e Sofrës pejane. Ramadan Krasniqit – Danit.

Ndryshe, nga viti 2017 SHKA ‘Sofra Pejane’ është pjesë e listës së Trashëgimisë Kulturore për mbrojtje nga shteti.

Nga viti 2020 gjatë viteve pandemike, kjo shoqëri famoze, ka funksionuar me mbështetje financiare të plotë nga gjigandi ekonomik kosovar ‘ELKOS Group’ respektivisht, presidenti i saj, biznesmeni i njohur Ramiz Kelmendi.

Dokumenatri në fjalë, në ARTE TV, ku do të paraqitet ‘Sofra Pejane’ me vlerat e muzikës dhe traditës, pritet transmetohet rreth muajit tetor të këtij viti. /Njeshi & Radio 1/

The post ‘Sofra Pejane’ prezanton vlerat muzikore shqiptare në televizionin shtetëror franko-gjerman ARTE appeared first on Telegrafi.

Prezantuesi amerikan Billy Bush kujtoi se si Ricky Martin reagoi dhunshëm pasi ai e pyeti nëse ishte homoseksual. Tani ai pendohet që ia ka shkelur privatësinë dhe e ka detyruar ta pranojë.

Bush zbuloi se i kishte thënë Ricky-t gjatë intervistës se tetë persona me të cilët kishte folur në holl natën e kaluar donin të dinin nëse ai ishte homoseksual.

“Ai ngriu në karrige dhe tha, ‘Çfarë?’ dhe unë thashë, ‘Oh, jo, jo.’ Ai tha, ‘O idiot’, dhe e hoqi mikrofonin e vazhdoi, ‘Do lajme të fundit, o mbeturinë'”.

Këngëtari më pas u largua nga regjistrimi dhe producenti u tërbua për këtë dhe tha: “Kjo është e tmerrshme”. Prezantuesi fluturoi për në Miami për këtë intervistë dhe pas skandalit, shefat e tij nga Los Angeles e telefonuan dhe e kritikuan.

“Nuk është puna ime të lëndoj njerëzit. Detyra ime është të kuptoj se kush jam dhe ku po shkoj, dhe në jetë duhet të jesh i përgatitur të bësh gabime”, tha Bush. Ai menjëherë i kërkoi falje këngëtarit duke thënë: “Riki, më vjen shumë keq që e bëra atë pyetje. Nuk e di çfarë po mendoja. Ishte e papërshtatshme. Më vjen shumë keq dhe të premtoj se kjo intervistë nuk do ta shohë kurrë dritën e diellit.” Riki i pranoi se kishte luftuar me të gjithë jetën e tij.

“Do ta them kur të jetë koha dhe vendi i duhur. Nuk do të jetë këtu në këtë program ndërsa unë promovoj albumin. Kjo është shumë personale për mua. Të vlerësoj që u ktheve këtu. Të fal”, tha ai.

Ricky doli publikisht si homoseksual në vitin 2010, rreth shtatë vjet pas kësaj interviste. /Telegrafi/

The post Ricky Martin i tërbuar nga prezantuesi që e detyroi të pranonte se është homoseksual: Do lajmet e fundit o mbeturinë appeared first on Telegrafi.

Të shtunën, më 12 korrik 2025, Zone Club shënon plot 15 vite jetë, duke kurorëzuar një rrugëtim të jashtëzakonshëm që e ka kthyer këtë hapësirë në simbol të jetës urbane në Prishtinë.

Që nga dita e parë, Zone nuk ishte thjesht një klub nate – ishte një pikë referimi për kulturën elektronike dhe te hip hopit në Kosovë dhe më gjerë. Me një program të përzgjedhur artistik ndër vite, klubi ka sjellë emrat më të mëdhenj të skenës botërore si Rita Ora , Black Coffee, Solomun, Debora De Luca ,Seth Troxler, Ricardo Villalobos, Raresh, Radoo, Argy, Colin, Blondish , Loco Dice, Luciano, Shimza, Dubfire, Apollonia, Sona …dhe shumë të tjerë, duke e vendosur Prishtinën në hartën globale të muzikës elektronike e me gjere.

Përveç emrave ndërkombëtarë, skena e Zone Club ka mirëpritur edhe artistët shqiptarë dhe dj’t më të njohur, duke i dhënë hapësirë të barabartë talentëve lokal dhe duke ndërtuar një identitet të fortë dhe autentik.

Në vitin 2024, Zone arriti një nga kulmet e suksesit të saj, duke u shpallur si klubi më i mirë në rajon, një dëshmi e përkushtimit, profesionalizmit dhe pasionit që ky vend ka ofruar për më shumë se një dekadë e gjysmë.

Pas çdo suksesi qëndron një vizion, dhe për Zone Club, ky vizion erdhi nga themeluesit dhe ekipi i mrekullueshëm që ndër vite, e nisën këtë rrugëtim me dashuri për muzikën, për qytetin dhe për jetën e natës.

Kontributi i tyre, puna pa ndalesë dhe guximi për të ëndërruar më shumë, e bënë Zone atë që është sot.

Falënderimi më i madh shkon për publikun besnik, për të gjithë brezat që u rritën me këtë klub, që e kthyen në shtëpinë e tyre të knaqsisë, në kujtime të bukura, në simbol të muzikës dhe vallëzimit.

Zone është këtu për ta, dhe falë tyre!

Këtë të shtunë më 12 korrik, stage-i i Zone Club mirëpret një tjetër emër të madh të muzikës botërore, DJ Awen.

Vlen të theksohet se festa fillon në orën 22:00 në tarracën e Zone, për të vazhduar nga ora 00:00 në hapësirën e brendshme, ku atmosfera do të zgjasë deri në orët e mëngjesit. Ndërsa për të gjithë ata që nuk duan që nata të përfundojë, after party do të vazhdojë në tarracë, edhe për një përjetim të plotë të magjisë së quajtua Zone <3.

The post ‘Zone Club’ feston 15-vjetorin – Institucioni i jetës së natës në Prishtinë që bëri histori në skenën ndërkombëtare appeared first on Telegrafi.

Policia kantonale e Cyrihut të shtunën e kaluar ka arrestuar reperin e njohur shqiptar Noizy në Aeroportin e Cyrihut, me urdhër të Prokurorisë I për Krime të Rënda me Dhunë.

Lajmi është bërë i ditur të hënën, por autoritetet nuk kanë dhënë detaje të mëtejshme për shkaqet e arrestimit, shkruan media zvicerane Watson.ch.

Sipas njoftimit të Prokurorisë të martën, 38-vjeçari akuzohet për disa vepra penale, për të cilat është duke u zhvilluar një procedurë penale. Për shkak të procesit ende në zhvillim, nuk janë dhënë më shumë hollësi.

Prokuroria ka kërkuar nga gjykata për masat e detyrueshme që Noizy të mbahet në paraburgim, por ende nuk është marrë një vendim zyrtar. Deri në shpalljen e një gjykimi përfundimtar, reperi gëzon prezumimin e pafajësisë.

Noizy kishte planifikuar të performonte të shtunën mbrëma në klubin Rinora 4 në Rümlang, ku pritej të prezantonte albumin e tij të ri para publikut zviceran. Megjithatë, planet u ndërprenë në momentin që reperi mbërriti në Zvicër dhe u arrestua menjëherë në aeroport. Eventi u anulua dhe të gjitha njoftimet për koncertin u fshinë nga rrjetet sociale.

Noizy, një nga emrat më të njohur të muzikës urbane shqiptare, numëron afro katër milionë ndjekës në Spotify dhe mbi dy milionë ndjekës në Instagram. Ai ka qenë edhe në qendër të vëmendjes publike kur ka ndarë skenën me kryeministrin e Shqipërisë, Edi Rama, gjatë fushatës së tij zgjedhore dhe pas rizgjedhjes.

Për momentin, Noizy ndodhet në paraburgim në Zvicër, dhe mbetet të shihet se si do të zhvillohet më tej procesi ndaj tij. /Telegrafi/

The post Media zvicerane ‘Watson’: Noizy akuzohet jo për një, por për disa vepra penale në Zvicër appeared first on Telegrafi.

Këngëtarja e njohur Monika Salihu ka bërë së fundmi një hap të ri në karrierën e saj, duke iu bashkuar rrjetit ndërkombëtar të marketingut Chogan, një kompani gjigante që operon në fushën e parfumeve, kozmetikës dhe produkteve natyrale, e cila tashmë ka shtrirë aktivitetin edhe në Kosovë.

Përmes një videoje të publikuar në rrjetet sociale, Monika ka ndarë me ndjekësit emocionet dhe përjetimet nga një event madhështor që u mbajt të shtunën në Prishtinë, ku u prezantua fuqishëm rrjeti Chogan dhe mundësitë që ai ofron për njerëzit e angazhuar në këtë sistem.

Në mbishkrimin që shoqëron videon, artistja është shprehur: “E dhashë energjinë time 100% dhe u shpërbleva 100%. Sa prej jush shpërbleheni për punën, mundin, nderin, disiplinën kudo që punoni? Hmm… shumë prej jush, por edhe unë as 50%! Rritjani rrogën vetit…CHOGAN”.

 

View this post on Instagram

 

A post shared by Monika (@monikasaalihu)

Me këtë deklaratë, Monika thekson fuqinë e vetëvlerësimit dhe pavarësisë financiare, duke inkurajuar të tjerët të marrin në dorë fatin e tyre profesional dhe ekonomik.

Chogan, kompani italiane e themeluar në vitin 2013, është e njohur në Evropë për produktet me cilësi të lartë në fushën e parfumerisë, kujdesit personal, mirëqenies dhe aksesorëve të shtëpisë. Ajo operon përmes një modeli të marketingut në rrjet (network marketing), duke i ofruar individëve mundësinë të ndërtojnë një biznes të vetin, pa investime të mëdha fillestare.

 

View this post on Instagram

 

A post shared by Monika (@monikasaalihu)

Pjesëmarrja e Monika Salihut në këtë rrjet është pritur me entuziazëm nga ndjekësit e saj, të cilët e kanë mbështetur për guximin për të eksploruar fusha të reja përtej muzikës, ndërkohë që vetë artistja shfaqet plot energji dhe pozitivitet, si gjithmonë.

Ky hap i saj tregon një trend gjithnjë në rritje mes figurave publike që, përveç artit, zgjedhin të investojnë edhe në sipërmarrje personale dhe rrjete globale të bashkëpunimit. /Telegrafi/

The post Monika Salihu i bashkohet rrjetit Chogan: E dhashë energjinë time dhe u shpërbleva 100 për qind appeared first on Telegrafi.

Brad Pitt ka kërkuar zyrtarisht që të ketë qasje në mesazhet private të ish-bashkëshortes së tij, Angelina Jolie, në një kërkesë të re ligjore të paraqitur më 30 qershor.

Aktori 61-vjeçar ka deklaruar se është përballur me vështirësi në përpjekjet për të siguruar komunikimet e 50-vjeçares Jolie, të cilat ai beson se mund të ofrojnë prova të rëndësishme në procesin që vazhdon prej vitesh mes tyre për pronësinë e kantinës franceze të verës, Château Miraval, shkruan DailyMail.

Çifti, dikur një nga më të famshmit e Hollywoodit, është përfshirë në një përplasje të ashpër ligjore që nga viti 2021, kur Angelina Jolie shiti pjesën e saj në pronë – me vlerë rreth 64 milionë dollarë – te biznesmeni rus Yuri Shefler, pronar i SPI Group, kompania mëmë e markës Stoli.

Pitt pretendon se Jolie ka shkelur një marrëveshje të mëparshme mes tyre, sipas së cilës asnjëri nuk duhej të shiste aksionin pa pëlqimin e tjetrit.

Sipas dokumenteve të siguruara nga DailyMail.com, Pitt ka dështuar të marrë në pyetje Alexey Oliynik, një përfaqësues i lartë i Stoli Group, për të cilin ai pohon se ka njohuri të drejtpërdrejta mbi negociatat mes Joliet dhe ekipit të saj.

Ai kërkon që Oliynik të dorëzojë komunikime që përfshijnë biseda me Angelina Jolie dhe ekipin e saj rreth shitjes së aksioneve.

Por Oliynik ka argumentuar se është rezident në Zvicër dhe nuk mund të detyrohet të marrë pjesë në një proces ligjor që zhvillohet në Kaliforni.

Gjykata ende nuk ka dhënë një vendim lidhur me këtë kërkesë.

Ndërkohë, një burim për UsWeekly është shprehur se kjo është një tjetër përpjekje e palës së paditur për të shmangur ndarjen e dokumenteve që do të mund të ndihmonin në zbardhjen e së vërtetës.

Përplasja mes ish-çiftit është ashpërsuar edhe më shumë kohët e fundit, veçanërisht rreth çështjes së marrëveshjeve për mos-zbulim (NDA), të cilat janë bërë një pikë kyçe në procesin gjyqësor.

Në korrik të vitit të kaluar, Jolie i kishte bërë thirrje Pitt që të përfundonte betejën ligjore dhe të lejonin që familja të “shërohej”, por burime për DailyMail.com thanë se aktori nuk ka asnjë qëllim për ta tërhequr padinë.

Sipas tyre, Jolie e bëri këtë kërkesë vetëm pasi e kuptoi se rasti i saj nuk është aq i fortë sa kishte menduar. Një burim i afërt me situatën deklaroi: “Brad nuk do ta tërheqë këtë padi – pse do ta bënte? Kjo ka qenë një çështje e zakonshme biznesi, por për fat të keq Angelina ka futur vazhdimisht elemente personale që i përkasin një procesi divorci”.

Sipas dokumenteve të siguruara nga revista People në shkurt 2022, Jolie kishte shitur aksionin e saj te kompania Tenute del Mondo, pjesë e prodhuesit Stoli Group. Pitt ka pretenduar se kompania e mëparshme e investimeve e Joliet, Nouvel, i detyrohej kompanisë së tij, Mondo Bongo, të drejtën e refuzimit të parë.

Pas ndarjes, marrëdhënia e Pitt me fëmijët e tij dhe të Jolie është përkeqësuar dukshëm. Ata ndajnë gjashtë fëmijë: Maddox (23), Pax (21), Zahara (20), Shiloh (19), dhe binjakët Vivienne dhe Knox, që më 12 korrik mbushin 17 vjeç. Disa prej tyre kanë hequr mbiemrin “Pitt” nga emri i tyre – Zahara ishte e para, e pasuar nga Vivienne dhe më pas Shiloh. Sot, aktori thuhet se ka “thuajse asnjë kontakt” me fëmijët e rritur.

Angelina Jolie kishte paraqitur kërkesën për divorc në vitin 2019, pas pesë vjet martesë. Që atëherë, beteja e tyre ligjore ka vazhduar, me përballje të vazhdueshme që përfshijnë çështje pronësie, marrëveshje biznesi dhe kujdestari familjare. /Telegrafi/

The post Brad Pitt kërkon qasje në mesazhet private të Angeline Joliet, lidhur me shitjen e pronës së tyre të përbashkët në Francë appeared first on Telegrafi.

Këngëtarja e njohur britanike, Rita Ora, tregoi edhe një herë stilin dhe përkushtimin ndaj formës fizike gjatë një dite të ngarkuar në New York, të martën.

Ajo u fotografua duke dalë nga palestra me një veshje sportive në ngjyrë vishnje – një palë reçipeta dhe pantallona të shkurtra të ngjashme, të kombinuara me atlete të bardha.

Në çantën e saj të fitnesit, interpretuesja e hitit “I Will Never Let You Down” kishte një lodër me push ‘Labubu’, e cila është shndërruar në senzacionin e momentit në mbarë globin.

Më vonë, 34-vjeçarja ndërroi pamje për disa evente që kishte në qytet, shkruan DailyMail.

Fillimisht u shfaq me një bra transparente të zezë dhe pantallona “cargo” në ngjyrë blu të ndezur, të kombinuara me taka të holla elegante.

Ndërsa në pamjen e saj të tretë, Rita veshi një fustan të shkurtër me shkëlqim, të kombinuar me një këmishë me vija të vendosur nën fustan, një xhaketë të zezë elegante me jakë me shkëlqim, dhe takat klasike.

Përveç paraqitjes në rrugët e New York-ut, Rita së fundmi ka folur për marrëdhënien e saj me Beyoncé dhe thashethemet që u përhapën në vitin 2016, ku ajo u spekulua si “Becky with the good hair” – një referencë e përfolur në albumin e famshëm të Beyoncé, “Lemonade”, që prekte temën e tradhtisë bashkëshortore.

Në një intervistë për podcastin “Begin Again” të Davina McCall, Rita rrëfeu: “Pas dyerve të mbyllura, Beyoncé është si një zanë mbrojtëse për mua, ajo ka qenë gjithmonë aty për të më mbështetur – është e çuditshme sa shumë dashuri ka pasur gjithmonë mes nesh”.

Rita tha se u ndje vërtet e lënduar dhe e hutuar nga zhurma që u krijua, duke pasur parasysh se Beyoncé është një figurë që ajo e ka parë gjithmonë si një “motër të madhe” dhe mbështetëse në industrinë e muzikës.

Ajo tregoi se Beyoncé kishte marrë pjesë në koncertin e saj të parë në New York kur ishte vetëm 21 vjeç, dhe se kishte kënduar për të këngën “Say My Name”.

Duke sqaruar përfundimisht spekulimet, Rita tha: “Asgjë nuk ishte e vërtetë. Ishte hera e parë që përjetova atë që do të thotë të jesh pjesë e një situate kaotike në media”.

Me humor, ajo shtoi: “I vetmi problem ishte që unë s’kam aq ‘flokë të bukur’ sa Becky!”

Rita, e cila është e martuar me regjisorin Taika Waititi që nga viti 2022, përmbylli thashethemet duke postuar një selfie me Beyoncé në Met Gala-n e vitit 2016, duke treguar se nuk kishte asnjë konflikt mes tyre: “Dhe pas kësaj, gjithçka u shua. Sepse asgjë nuk kishte ekzistuar në të vërtetë”.

Sot, Rita vazhdon të jetë një ndër emrat më të spikatur në skenën botërore, si në muzikë, ashtu edhe në modë, ndërkohë që ruan një lidhje të veçantë me yjet më të mëdha të industrisë. /Telegrafi/

The post Rita Ora nuk i reziston lodrës së famshme ‘Labubu’, shfaqet me një të tillë në çantën e saj të palestrës në New York appeared first on Telegrafi.

Grimes, këngëtarja kanadeze dhe ish-partnerja e Elon Musk, ka shprehur sërish kritika ndaj nismave të tij, këtë herë duke vënë në shënjestër rrjetin e tij social X (dikur i njohur si Twitter).

Musk e bleu Twitter-in në vitin 2022 dhe më pas e riemëroi në X, ndërkohë që Grimes ka shmangur përdorimin e kësaj platforme. Megjithatë, ajo u rikthye së fundmi për të ndarë entuziazmin e saj për një bashkëpunim muzikor me producentin britanik të “drum and bass”, Sub Focus. Por ishte një tjetër postim i saj që mori vëmendje të madhe.

“Kam ndalur plotësisht përdorimin e rrjeteve sociale dhe tani që u ktheva, më duket krejtësisht e qartë se kjo platformë – si shumica prej tyre – është helm, një burg i mbushur me marrëzira që nuk kanë të bëjnë me askënd, gjëra që truri juaj thjesht i përjashton”, shkroi Grimes në një postim që u bë viral, duke grumbulluar mbi 1 milion shikime dhe dhjetëra mijëra komente.

Ok I've basically been entirely off social media and returning here it is overrwhelmingly abundantly and profoundly clear that this place – and all of these places – are a poison – a prison of utterly short form deep sounding nonsense attached to no one that ur brain will discard…

— 𝖦𝗋𝗂𝗆𝖾𝗌 (@Grimezsz) July 7, 2025

Reagimet ishin të ndryshme. Disa nga komentuesit shkruanin: “Ka shumë njerëz të mrekullueshëm këtu, dhe tek ata duhet të përqendrohemi”, “Isha për kamping këtë fundjavë pa internet, dhe po, ndjehet kaq e saktë kjo që thua”, “Ka edhe anë pozitive, por është shumë e rëndësishme të kuptosh sa i dëmshëm është për trurin dhe të praktikosh vetëkontroll”.

Grimes, emri i vërtetë i së cilës është Claire Boucher, ka tre fëmijë me Elon Musk: X Æ A-Xii, Exa Dark Sideræl, dhe Techno Mechanicus.

 

View this post on Instagram

 

A post shared by ︎𝔊𝔯𝔦𝔪𝔢𝔰࿎ (@grimes)

Ky nuk është hera e parë që ajo e kritikon publikisht Muskun. Në shkurt të këtij viti, kur ai e mori djalin e tyre në Shtëpinë e Bardhë, Grimes reagoi me shqetësim: “Djali im nuk duhet të jetë i ekspozuar në publik në këtë formë. Nuk e kisha parë këtë, faleminderit që ma treguat. Por jam e lumtur që ka qenë i sjellshëm”, kishte deklaruar ajo në atë kohë.

Qëndrimi i saj i fundit është një tjetër shenjë e qartë e ndarjes jo vetëm personale, por edhe ideologjike mes dy ish-partnerëve të famshëm. /Telegrafi/

The post Ish-partnerja e Elon Musk, këngëtarja Grimes: Platforma X është si një burg i mbushur me helm appeared first on Telegrafi.

Kim Kardashian tërhoqi sytë e të gjithëve në Paris, teksa u paraqit me një fustan të dytë latex në ngjyrë të bardhë dhe çizme të veçanta nga shtëpia e njohur e modës Balenciaga, ndërsa po mbërrinte në sfilatën e markës të mërkurën.

Në prag të sfilatës së markës në kryeqytetin francez, sipërmarrësja 44-vjeçare u shfaq me një pamje tërësisht të bardhë, përfshirë çizmet klasike me taka të larta të Balenciaga-s – një veshje që i ngjante shumë asaj rozë që kishte veshur një natë më parë në dalje.

Në një moment, paparacët kapën Kim teksa po kërkonte veten në Google nga telefoni, duke parë pikërisht imazhet e saj me pamjen rozë të së martës, shkruan DailyMail.

Përveç veshjes latex dhe çizmeve të veçanta, Kim kishte vendosur kapëse flokësh në flokët e saj të zinj – duke rikthyer një trend të hershëm.

Ajo nuk buzëqeshi, duke ruajtur një qëndrim serioz ndërsa zbriste nga makina e saj luksoze me shofer dhe hynte në godinën ku mbahej sfilata.

Balenciaga, megjithëse ka qenë nën kritika të ashpra pas një fushate të vitit 2022 që shfaqte fëmijë përkrah elementeve me tematika të diskutueshme si BDSM, ka vazhduar bashkëpunimin me Kim.

Në vitin 2024, ajo u emërua si një nga ambasadoret e reja të markës, pas një historie bashkëpunimi të gjatë mes tyre.

Kim ka qenë më parë pjesë e fushatave të Balenciaga-s, ka ecur në pasarelat e tyre dhe ka marrë pjesë në Met Gala të vitit 2021 me ish-drejtorin kreativ të markës, Demna Gvasalia.

E mërkura shënoi një paraqitje të veçantë për Kim, pasi në të njëjtën sfilatë ishin të pranishme edhe figura të tjera të njohura si Katy Perry, Lauren Sanchez, Nicole Kidman, Cardi B dhe Salma Hayek.

Në një deklaratë të mëhershme, Kim kishte shprehur shqetësimin e saj për reklamën e diskutueshme të vitit 2022, duke thënë se ishte “e tronditur dhe e neveritur”, por nuk e ndërpreu lidhjen me markën.

Më pas, ajo publikoi një deklaratë për të zyrtarizuar partneritetin si ambasadore: “Prej vitesh, dizajnet e Balenciaga kanë qenë pjesë e shumë pamjeve të mia – përfshirë disa nga momentet më ikonike në modë. Kjo shtëpi historike mode përqafon modernitetin, mjeshtërinë dhe sjell një qasje inovative në dizajn nën drejtimin e Demna-s. Për mua, kjo marrëdhënie afatgjatë është ndërtuar mbi besim të ndërsjellë dhe angazhim për të bërë gjënë e duhur. Jam e emocionuar për këtë kapitull të ri dhe për rolin tim si ambasadore”.

Kim Kardashian vazhdon të jetë një nga figurat më të fuqishme të modës bashkëkohore, edhe në mes të kritikave, duke u shndërruar në një simbol ndikimi dhe bashkëpunimi me emrat më të mëdhenj të industrisë. /Telegrafi/

The post Kim Kardashian ‘kapet’ nga fotografët duke kërkuar për veten e saj në Google appeared first on Telegrafi.

Reperi i ri në skenën shqiptare, Arti, ka publikuar së fundmi këngën e tij më të re me titull “BMW”, një projekt që ai e konsideron krejtësisht të vetin – nga ideja, tek muzika e deri tek videoklipi.

Në një intervistë të shkurtër për Telegrafi, Arti tregoi se kënga i përket stilit drill, një rrymë mjaft e ndjekur nga të rinjtë dhe që po gjen terren gjithnjë e më shumë edhe në tregun shqiptar.

“Tema e këngës është “drill”, shpresoj që edhe me klip edhe me këngë të dal më mirë herën tjetër” – tha ai me sinqeritet.

I vendosur për të ndërtuar një identitet autentik si artist, Arti thekson se çdo detaj i projektit ka ardhur nga ai vetë: “Edhe regjinë, edhe klipin, edhe këngën i kam bërë vet. Ideja ime. Edhe po shpresoj për ditë më të mira”.

Kënga “BMW” është publikuar me videoklip në platformat digjitale dhe ka filluar të tërheqë vëmendjen e publikut, sidomos për energjinë e tij spontane dhe lirikat tipike të stilit urban.

Në fund të bisedës, Arti pati edhe një falënderim për platformën që i dha hapësirë: “E falënderoj Telegrafin që po më mbështet”.

Me përkushtimin e tij dhe dëshirën për të krijuar vetë çdo aspekt të muzikës, Arti premton të jetë një emër për t’u ndjekur në skenën e repit shqiptar në të ardhmen e afërt. /Telegrafi/

The post Arti sjell këngën e re “BMW” – një projekt personal me shumë shpresë për të ardhmen appeared first on Telegrafi.