Dy yjet e “Britain’s Got Talent”, Amanda Holden dhe Alesha Dixon, po kalojnë pushime luksoze në ishullin grek të Korfuzit, së bashku me fëmijët e tyre.

Gjatë pushimeve shkollore, dyshja po shijon diellin dhe detin, duke kaluar kohë të çmuar larg angazhimeve në xhirime.

Amanda, 54 vjeç, u shfaq me një bikini të bardhë minimaliste, duke vënë në pah barkun e tonifikuar ndërsa përfitonte nga rrezet e diellit.

Ajo e kompletoi pamjen me syze të mëdha dielli dhe një shall elegant bardh e zi në kokë.

Në disa foto të tjera, ajo shihej pranë shoqes së saj Alesha, 46 vjeç, teksa relaksoheshin mbi një jaht luksoz. Dyshja u tregua në humor të gëzueshëm, duke kërcyer së bashku gjatë shëtitjes me varkë.

Amanda shkroi në përshkrim: “Jam shumë e lumtur që e kalova këtë kohë me të dhe me familjen e saj të bukur, së bashku me vajzat e mia, për disa ditë me diell në Korfuz”.

Së fundmi, aktorja dhe prezantuesja ka ndarë edhe foto të tjera nga ishulli mahnitës, ku shfaqej me vajzat e saj adoleshente, Lexi (19) dhe Hollie (13). Në një prej tyre, ato pozonin buzë detit në perëndim të diellit, me buzëqeshje të mëdha.

Amanda mbante një fustan të bardhë të hollë veror me dekolte të theksuar, Hollie kishte veshur një minifustan, ndërsa Lexi kishte zgjedhur një set të përputhur dy-pjesësh.

Në një tjetër shkrepje, tre vajzat pozuan në rresht në oborrin e hotelit luksoz ku po qëndrojnë.

Lexi, e cila është pjesë e agjencisë së njohur Storm Model Management që prej moshës 16-vjeçare, po ndjek hapat e nënës së saj në botën e showbiz-it. Ajo bëri debutimin e saj në pasarelë gjatë London Fashion Week vitin e kaluar, duke parakaluar për stilistin Tran Hung.

Amanda madje ka bërë edhe shaka publike për vajzën e saj, kur Lexi u pa duke shkëmbyer puthje me të dashurin. Ajo e ripostoi foton, duke shkruar me humor: “Më pëlqen të di çfarë do të mendojë babi për këtë…”.

Ndërkohë, gjatë javës së kaluar, Amanda mahniti ndjekësit me linjat e saj trupore, teksa pozoi përsëri me një bikini të bardhë dy-pjesësh gjatë një dite me jaht.

Ajo dukej e relaksuar, e kombinuar me syze klasike të zeza dhe një shall me printim paisley. Përveç kësaj, ylli televiziv ndau edhe një foto të ëmbël me bashkëshortin e saj Chris Hughes, i cili duket në formë rinore. /Telegrafi/

The post Amanda Holden duket në top formë në moshën 54-vjeçare, ndërsa publikon fotografi me bikini nga pushimet luksoze në Korfuz appeared first on Telegrafi.

Në palestër shpesh dëgjohet pyetja: “A duhet të ushtrohen femrat njëjtë si meshkujt?” Përgjigjja është e thjeshtë: po. Trupi i njeriut, pavarësisht gjinisë, i nënshtrohet të njëjtave ligje biologjike dhe shkencore. Forca, ushqimi i balancuar dhe disiplina funksionojnë njësoj për të gjithë.

Mitet që mbajnë peng femrat:

Ka vite që qarkullojnë paragjykime të gabuara për stërvitjen e grave. Një ndër to është se ngritja e peshave i bën ato “shumë muskulore”. Në realitet, femrat kanë nivele më të ulëta të testosteronit dhe nuk mund të ndërtojnë muskuj në përmasa mashkullore. Peshat nuk i deformojnë, por u japin formë, forcë dhe tonifikim. Po ashtu, ideja se femrat duhet të bëjnë vetëm kardio është një tjetër mit që ka frenuar progresin. Kardio ndihmon në shëndetin kardiovaskular, por vetëm stërvitja me pesha krijon ndryshime të qëndrueshme në trup.

Dallimet hormonale nuk janë pengesë:

Është e vërtetë që cikli menstrual, shtatzënia apo ndryshimet hormonale ndikojnë në energji dhe gjendje fizike, por kjo nuk do të thotë se femrat duhet të stërviten ndryshe nga meshkujt. Përkundrazi, përshtatja e ushtrimeve sipas fazave të ciklit i ndihmon ato të përfitojnë edhe më shumë.

Përfitimet konkrete

• Shëndet më i mirë afatgjatë: stërvitja me pesha ul rrezikun e osteoporozës, e cila prek kryesisht femrat.
• Formë trupore e balancuar: muskujt e fortë japin linja estetike dhe energji të re.
• Forcë mendore dhe disiplinë: fitnesi nuk ndërton vetëm trupin, por edhe karakterin.

Stërvitja nuk ka gjini, ka vetëm parime. Një mashkull mund të synojë masë më të madhe muskulore, një femër trup më të tonifikuar, por rruga drejt suksesit është e njëjtë: ngarkesë progresive, ushqim i kujdesshëm dhe mentalitet fitues.

Pyetja nuk është më “a duhet të ushtrohen femrat si meshkujt?”, por a janë të gatshme të thyejnë mitet dhe të tregojnë fuqinë e tyre të vërtetë. /Arbër Peci/

The post Trajneri Arbër Peci tregon: Femrat duhet të ushtrojnë njëjtë sikurse meshkujt appeared first on Telegrafi.

Aktorja e njohur dhe e dashur për publikun shqiptar, Olta Gixhari, vazhdon të mbetet një ndër emrat më të komentuar në rrjetet sociale.

Së fundmi, ajo po shijon disa ditë pushimi në një destinacion luksoz, prej nga ka ndarë me ndjekësit e saj disa imazhe mjaft tërheqëse.

E veshur me një fustan të shkurtër dhe të ngushtë, Olta ka theksuar linjat e saj trupore, ndërsa dukja e saj provokuese ka marrë vëmendjen jo vetëm të pushuesve në vendin ku ndodhet, por edhe të fansave online.

Postimet e aktores kanë marrë me dhjetëra komente dhe pëlqime, duke dëshmuar edhe një herë popullaritetin e saj të madh në publik.

Olta përndryshe këtë vit ka qenë e angazhuar si analiste në spektaklin shumë të ndjekur, Big Brother VIP Kosova, teksa nuk është bërë ende e ditur nëse do të jetë prapë në sezonin tjetër. /Telegrafi/

The post Olta Gixhari mahnit ndjekësit me poza provokuese nga pushimet luksoze appeared first on Telegrafi.

Këngëtarja britanike Jessie J ka treguar se diagnoza me kancer të gjirit i ka ndryshuar tërësisht perspektivën për jetën, duke e shtyrë të ndjekë ëndrra e projekte që gjithmonë i kishte lënë pezull.

Artistja 37-vjeçare, e cila në qershor iu nënshtrua një mastektomie të plotë pasi mjekët zbuluan sëmundjen në fazë të hershme, është aktualisht në proces rikuperimi, shkruan DailyMail.

Në një video të publikuar në Instagram, ajo rrëfeu disa nga synimet e reja që dëshiron të realizojë: “Dua të shkruaj libra. Të bëj një album për fëmijë. T’i heq të gjitha tatuazhet. Të marr familjen time me pushime. Dua të mësoj të ngas biçikletën. Do të kisha dashur të mësoj edhe një gjuhë të huaj, por e di që s’ka për të ndodhur. Dua gjithashtu të gjej trajtimin e duhur për ADHD dhe OCD”.

Jessie shtoi se përvoja me kancerin i dha shtysën për t’i kthyer këto dëshira në realitet: “Kur kalon nëpër diçka të tillë, njerëzit thonë ‘je ndryshuar’. Por në fakt unë këto mendime i kam pasur gjithmonë. Thjesht kanceri të bën të veprosh, sepse kupton se jeta është e shkurtër. Dhe unë dua t’i bëj tani”.

Pak kohë më parë, këngëtarja ndau edhe momentin e vështirë pas operacionit, kur shpërtheu në lot duke parë plagët e saj.

“Mami po më masazhon gjoksin sepse unë s’mund t’i prek plagët. Fillova të qaja dhe thashë ‘Nuk mund ta besoj që më ka ndodhur mua kjo’. Ajo më tha ‘Do doja të isha unë në vendin tënd’ dhe ne të dyja shpërthyem në lot… jam e lumtur që nuk është ajo,” tregoi Jessie në një intervistë për The Sunday Times.

Mjekët i kishin thënë se falë zbulimit të hershëm nuk do t’i duhej as radioterapi apo kimioterapi, por për shkak të madhësisë së tumorit, iu desh të kryente një mastektomi të plotë.

Edhe pse e pret një ndërhyrje tjetër kirurgjikale për të përmirësuar simetrinë e implantit, Jessie është e vendosur të rikthehet fuqishëm në muzikë. Kënga e saj e re, Believe In Magic, do të publikohet më 29 gusht.

Ajo foli gjithashtu për djalin e saj dyvjeçar, Sky, të cilin e quajti “drita e jetës” gjatë gjithë betejës me sëmundjen.

Në një postim të gjatë në Instagram, Jessie sqaroi se nuk do të lejojë që operacionet apo problemet shëndetësore ta ndalin si nënë dhe artiste: “Mund të pushoj, të kujdesem për djalin dhe të publikoj muzikë të re. Kam 18 vite që lashë pas një label të madh, pikërisht që të mos frikësohem të shkruaj rregullat e mia dhe ta përshtas jetën me shëndetin tim. Një tjetër operacion më pret këtë vit – por unë mund ta përballoj. Po rris një fëmijë të vogël – mund ta bëj. Po sjell muzikë të re – mund ta bëj”.

Jessie shtoi: “Jeta kurrë nuk është e përsosur. Ka ulje-ngritje dhe thjesht duhet të vazhdojmë të jetojmë mes tyre. Kështu jam unë sot – duke jetuar – dhe dua që ju të keni muzikën time. Pranuar?”. /Telegrafi/

The post “Dua t’i heq të gjitha tatuazhet” – Jessie J zbulon se si kanceri e bëri të kuptonte se ‘jeta është shumë e shkurtër’ appeared first on Telegrafi.

Eva Longoria ka tërhequr sërish vëmendjen këtë javë, teksa është fotografuar duke shijuar diellin në një plazh të Marbellës, qyteti spanjoll ku jeton mes Spanjës dhe Meksikës.

Aktorja e serialit të famshëm Desperate Housewives ishte e shoqëruar nga djali i saj shtatëvjeçar, Santiago, të cilin e ka me bashkëshortin e saj të tretë, biznesmenin meksikan José Bastón, shkruan DailyMail.

Në moshën 50-vjeçare, Longoria tregoi fizikun e saj të tonifikuar në një bikini të zezë me lidhëse, që vinte në pah format e saj dhe këmbët e gjata, ndërsa shëtiste buzë detit. Flokët i mbante të lidhura bisht, duke u freskuar herë pas here me dallgët e detit.

Në momente të tjera, ajo shtonte në veshje një palë pantallona të shkurtra të zeza, ndërsa shihej duke folur në telefon. Pamjen e plotë e plotësonte me një varëse ari, ndërsa grimin e kishte mbajtur minimalist.

Eva ka rrëfyer më parë se ruan linjat falë tre rregullave kryesore: agjërim me ndërprerje, ushqyerje të pastër dhe moderim.

Ajo ndjek metodën e 16:8 fasting, duke konsumuar ushqim vetëm në një dritare tetëorëshe (nga ora 11:00 deri në 19:00).

Dieta e saj bazohet te proteina e dobët (mish pule, peshk, vezë), zarzavatet me gjethe jeshile, yndyrnat e shëndetshme (avokado, vaj ulliri) dhe karbohidratet komplekse (quinoa, oriz integral).

Aktorja shmang karbohidratet e përpunuara, sheqerin dhe ushqimet e skuqura, veçanërisht pas shtatzënisë.

Gjithashtu kujdeset që çdo vakt të përfshijë proteina dhe shpesh shton yndyrna të shëndetshme si avokado, ndërsa për karbohidrate zgjedh drithëra të plota.

Pavarësisht kësaj, Longoria beson në balancë dhe nuk e kufizon veten me dieta strikte. Ajo thekson rëndësinë e hidratimit, ndërsa për snacks zgjedh bajame, kos ose fruta.

Pas suksesit të dokumentarit “Searching for Mexico”, CNN ka lançuar një tjetër seri me Longorian, këtë herë dedikuar kuzhinës franceze, me titull “Searching for France”.

“Franca ka qenë gjithmonë një shtyllë e kuzhinës botërore, dhe jam e lumtur që po vazhdoj këtë udhëtim kulturor e gastronomik me CNN”, tha aktorja për The Hollywood Reporter.

Në një intervistë për Byrdie, Longoria rrëfeu se gjithmonë ka besuar se do të ishte e suksesshme në Hollywood.

“Kur shoh qëndrueshmërinë që kam pasur në këtë industri, më duket e natyrshme. Kam punuar gjithmonë shumë, dhe e dija që do të arrija sukses, sepse jam rritur mes grave të forta, të pavarura e të mençura – nëna, motrat dhe hallat e mia”, tha ajo.

Me një karrierë të gjatë dhe të larmishme, Eva Longoria mbetet një prej figurave më të dashura të ekranit, duke e kombinuar shkëlqimin në skenë me një stil jetese të shëndetshëm dhe të balancuar. /Telegrafi/

The post Eva Longoria shkëlqen në plazhin e Marbellës, duket senzacionale në bikini në moshën 50 vjeçare appeared first on Telegrafi.

Giuseppe Raimondo Vittorio Baudo, i njohur për publikun si Pippo Baudo, ka ndërruar jetë sot në moshën 89-vjeçare. Ai ishte një nga figurat më të dashura dhe më jetëgjata të televizionit italian, me një karrierë që shtrihet për më shumë se gjysmë shekulli.

Gjatë jetës së tij profesionale, Baudo ka prezantuar një numër të madh emisionesh që kanë lënë gjurmë në historinë e televizionit, si Settevoci, Canzonissima, Domenica In, Fantastico, Serata d’onore dhe Novecento. Emri i tij lidhet ngushtë me Festivalin e Sanremos, të cilin e ka prezantuar plot 13 herë nga viti 1968 deri në 2008, duke mbajtur kështu rekordin absolut. Në shtatë prej këtyre edicioneve ai ka qenë edhe drejtor artistik.

Përveç televizionit, Pippo Baudo u shfaq edhe në teatër, filma e seriale, kryesisht si vetvetja, si dhe shkroi disa këngë të përdorura në spektakle dhe kinematografi. Daljet e tij në ekran ishin bërë më të rralla vitet e fundit, me paraqitjen e fundit publike në shtator të vitit 2023.

Baudo lindi më 7 qershor 1936 në Militello, Val di Catania. Fillimisht studioi drejtësi në Universitetin e Catanias dhe u diplomua, megjithëse nuk ushtroi kurrë profesionin e avokatit. Pas përvojave të para në teatër dhe si prezantues në skenat lokale, në fund të viteve ’50 ai iu bashkua orkestrës “Moonlight” si pianist e këngëtar. Me këtë grup debutoi në vitin 1959 në emisionin “La Conchiglia d’Oro”, i prezantuar nga Enzo Tortora.

Në fillim të viteve ’60 hyri në RAI, duke u bërë shpejt një prej fytyrave më të njohura të ekranit. Suksesi i madh erdhi me programin Settevoci në vitin 1966, ndërsa dy vite më vonë prezantoi për herë të parë Sanremon. Në vitet që pasuan, Baudo ishte pjesë e shumë projekteve televizive që shënuan epokë, përfshirë Domenica In, Fantastico dhe Un Disco per l’Estate.

Në vitet ’80, me ardhjen e televizioneve private, Baudo u angazhua edhe me Antenna Sicilia dhe Canale 5, ku prezantoi programe muzikore e zbavitëse. Nga 1984 deri më 1986 riktheu në kulm suksesin e Fantastico në Rai 1, duke fituar mbi konkurrencën e Canale 5.

Ndërkohë, prezantimet e tij në Sanremo të viteve 1984, 1985 dhe 1987 shënuan rekorde shikueshmërie, me finalen e vitit 1987 që mblodhi mbi 17 milionë italianë para ekranit.

Pippo Baudo mbetet një figurë ikonike e kulturës italiane, e dashur për publikun për profesionalizmin, karizmën dhe pasionin me të cilin e jetoi televizionin. /Telegrafi/

The post Ndahet nga jeta Pippo Baudo, ikona e televizionit italian appeared first on Telegrafi.

Në një intervistë për rubrikën Life in Looks të revistës Vogue, Emma Stone bëri një koment të rrallë për bashkëpunimin me aktorin Andrew Garfield, me të cilin ishte në një lidhje katërvjeçare.

Dyshja u njohën në xhirimet e filmit The Amazing Spider-Man (2012), ku Garfield luajti rolin e Spider-Man-it, ndërsa Stone ishte Gwen Stacy.

“E kam dashur shumë periudhën e xhirimeve të Spider-Man. Më pëlqeu të punoja me të gjithë ata që ishin pjesë e ekipit. Atje njoha Andrew-in, Sally Field, dhe Marc Webb ishte i mrekullueshëm. Ishte një kohë me të vërtetë e veçantë në jetën time”, tha aktorja.

Stone theksoi se ishin njerëzit përreth saj që e bënë përvojën edhe më të veçantë.

“Tema kryesore për mua nuk është vetëm filmi, por njerëzit me të cilët punova. Kjo është ajo që më ka mbetur gjatë në mendje. Prandaj kam vetëm kujtime të bukura nga gjithë ajo periudhë”, shtoi ajo.

Megjithatë, aktorja pranoi se pjesa më e vështirë ishin turnetë promocionalë.

“Nuk e kuptoj si ia dalin disa njerëz ta përballojnë. Më kujtohet që vizitova nëntë vende brenda vetëm dy javësh, ndërkohë që duhej të funksionoja nën një lodhje të madhe nga udhëtimet. Gjatë gjithë kohës ndihesha sikur isha në një gjendje psikozë”, tregoi ajo.

Në intervista të mëparshme, edhe Andrew Garfield ka folur me respekt për Emma Stone, duke e cilësuar përvojën në Spider-Man si të veçantë “sepse kishte mundësinë ta njihte Emmën dhe të punonte me të”.

The post Emma Stone kujton xhirimet e “Spider-Man” me ish-partnerin e saj: Ishte një kohë e veçantë në jetën time appeared first on Telegrafi.

Donald Trump i ka dorëzuar personalisht një letër presidentit rus Vladimir Putin nga bashkëshortja e tij, Melania Trump, gjatë një samiti – raporton agjencia Reuters.

Sipas dy zyrtarëve të Shtëpisë së Bardhë, letra kishte një karakter personal dhe lidhej me gjendjen e fëmijëve në Ukrainë dhe Rusi, veçanërisht atyre që janë rrëmbyer. Megjithatë, përmbajtja e saktë e letrës nuk është bërë publike.

Zonja e parë, me origjinë nga Sllovenia, nuk ishte pjesë e udhëtimit në Alaskë, ku u zhvillua takimi.

Ukraina ka akuzuar Rusinë për rrëmbimin e dhjetëra mijëra fëmijëve dhe dërgimin e tyre në territor rus ose në zonat e pushtuara, pa pëlqimin e prindërve apo kujdestarëve ligjorë. Ky veprim, sipas Kievit, përbën krim lufte dhe përmbush përkufizimin e gjenocidit sipas traktateve të OKB-së.

Nga ana tjetër, Moska ka deklaruar se ka vepruar për të mbrojtur fëmijët e pambrojtur nga zonat e luftës. /Telegrafi/

The post Donald Trump i dorëzoi Putinit një letër nga Melania për fëmijët e rrëmbyer appeared first on Telegrafi.

Taylor Swift ka njoftuar daljen e albumit të saj të ri, por ajo që ka zgjuar më shumë kureshtje tek fansat është mungesa e producentit të saj të hershëm dhe mikut të ngushtë, Jack Antonoff.

Edhe pse kanë bashkëpunuar ngushtë për më shumë se një dekadë, emri i tij nuk figuron në listën e bashkëpunëtorëve të albumit të ri “The Life of a Showgirl”.

Albumi, i cili do të publikohet më 3 tetor, përmban 12 këngë, mes tyre edhe një duet me këngëtaren e njohur Sabrina Carpenter, që shfaqet në këngën titullare.

Ndërkohë që Swift ka tërhequr vëmendjen me detaje si kopertina dhe lista e këngëve, vëzhguesit e vëmendshëm vunë re një element befasues – mungesën e Antonoff, producentit që ka qenë pjesë kyçe e projekteve të saj për më shumë se dhjetë vjet.

Jack Antonoff, i njohur si frontmen i grupit Bleachers dhe ish-anëtar i bendit Fun, nisi bashkëpunimin me Taylor në vitin 2013 me këngën Sweeter Than Fiction, të shkruar për filmin One Chance.

Vetëm një vit më pas, ai punoi në disa prej hiteve të albumit të saj të suksesshëm 1989, dhe që prej asaj kohe ishte producent i pandashëm në pothuajse çdo projekt të këngëtares – përfshirë edhe albumin më të fundit The Tortured Poets Department.

Mungesa e tij e papritur nga albumi i ri ka nxitur spekulime të shumta në rrjetet sociale: a është fjala për një ndërprerje të bashkëpunimit profesional apo ndoshta për një ftohje në marrëdhënien e tyre personale? Deri më tani, as Taylor Swift dhe as Jack Antonoff nuk kanë dhënë ndonjë koment mbi situatën. /Telegrafi/

The post A ka përfunduar miqësia mes Taylor Swift dhe producentit të saj prej vitesh? Emri i tij mungon nga lista e bashkëpunëtorëve appeared first on Telegrafi.

Në prag të fillimit të edicionit të 31-të të Festivalit të Filmit në Sarajevë, aktivistët dërguan një mesazh të fortë para tapetit të kuq në mbështetje të popullit të Palestinës, kundër të cilit izraelitët po kryejnë gjenocid.

Përballë Teatrit Kombëtar të Sarajevës, ata shpalosën një banderolë që shkruante “Zemra e Sarajevës shkon në Palestinë”, me një zemër të vizatuar me ngjyrat e flamurit palestinez. Ata mbanin qefije dhe valëvitnin flamujt e vendit.

Këta aktivistë kanë organizuar protesta në Sarajevë në disa raste, duke tërhequr vëmendjen e publikut dhe të botës ndaj gjenocidit kundër palestinezëve. Çdo të martë te Flaka e Përjetshme, lexohen emrat e fëmijëve të vrarë në Gaza.

Nga ana tjetër, një numër i madh personazhesh të famshëm po ecin sonte në tapetin e kuq të Festivalit të Filmit në Sarajevë. Midis tyre janë aktorët Stellan Skarsgard dhe Simon McBurney.

Festivali i Filmit në Sarajevë do të hapet me premierën e filmit “Pavilion” të regjisores boshnjake Dina Mustafić. /Telegrafi/

The post “Zemra e Sarajevës shkon në Palestinë”, aktivistët dërgojnë një mesazh të fortë para tapetit të kuq të Festivalit të Filmit në Sarajevë appeared first on Telegrafi.

Dy ish-bashkëpunëtorë të Priscilla Presley, Brigitte Kruse dhe Kevin Fialko, kanë ngritur një padi këtë javë në Gjykatën e Qarkut të Los Anxhelosit kundër të vesë së Elvis Presley-t, duke e akuzuar atë për mashtrim, shkelje kontrate dhe shkelje të tjera civile, raporton NBC News.

Sipas padisë, Presley synonte të forconte pozitën e saj në krye të perandorisë financiare të Elvisit dhe, sipas pretendimeve të paditësve, madje ka përshpejtuar vdekjen e vajzës së saj, Lisa Marie Presley.

Kruse, një ankandore e specializuar për shitjen e objekteve të Elvisit, dhe Fialko, një koleksionist kujtimesh, pretendojnë se kanë bashkëpunuar për vite me Priscillën për të maksimizuar fitimet nga emri i saj. Ata thonë se në nëntor 2023 e ndihmuan ta stabilizonte financërisht, por se ajo ndërpreu bashkëpunimin pak kohë më vonë dhe u mohoi pagesat e lidhura me filmin Priscilla.

Përveç kësaj, padia përmban akuza serioze lidhur me vdekjen e Lisa Marie Presley. Sipas paditësve, Lisa Marie kishte ndërmend ta shkarkonte nënën nga roli i administratores kryesore të fondacionit familjar të sigurimit të jetës. Ata pretendojnë se kur Lisa Marie pësoi arrest kardiak në janar 2023 dhe u dërgua me urgjencë në spital, Priscilla shfrytëzoi situatën.

Vetëm disa orë pas shtrimit, sipas padisë, ajo dha lejen për shkëputjen nga aparaturat që e mbanin në jetë, duke vepruar kundër dëshirës së shkruar të vajzës që jeta t’i zgjatej sa më shumë, sipas standardeve mjekësore.

Padia gjithashtu përmend një deklaratë të supozuar të Priscillës, dhënë një javë pas vdekjes së Lisa Marie: “Unë jam mbretëresha. Unë e drejtoj Graceland-in.” Sipas paditësve, kjo tregon se motivimi kryesor i saj ishte marrja e kontrollit mbi pasurinë familjare, jo mirëqenia e vajzës.

Avokati Marty Singer, përfaqësuesi ligjor i Priscilla Presley, i ka cilësuar akuzat si “të turpshme, të pabazuara dhe plotësisht të trilluar”. Ai shtoi se çështja do të hidhet poshtë dhe se Riley Keough, mbesa e Priscillës dhe aktore e njohur, e mbështet plotësisht gjyshen e saj, duke e konsideruar padinë si një përpjekje dashakeqe për të dëmtuar reputacionin e saj.

Elvis dhe Priscilla Presley ishin të martuar nga viti 1967 deri në 1973. Këngëtari legjendar ndërroi jetë në vitin 1977, në moshën 42-vjeçare. Priscilla Presley sot është 80 vjeçe. /Telegrafi/

The post Priscilla Presley akuzohet se ka fikur aparaturat që mbanin në jetë vajzën e saj për përfitime financiare appeared first on Telegrafi.

Me një ceremoni solemne në Teatrin Popullor të Sarajevës, nisi zyrtarisht edicioni i 31-të i Festivalit të Filmit në Sarajevë, duke e shndërruar kryeqytetin e Bosnjës dhe Hercegovinës në qendër të industrisë së filmit.

Ceremoninë e hapi aktorja malazeze Lidija Kordić, e cila u shpreh se ishte një nder i veçantë për të të kishte këtë detyrë. “Shijoni filmin, edicioni i 31-të i Festivalit të Filmit në Sarajevë është i hapur”, tha ajo.

Drejtori i festivalit, Jovan Marjanović, theksoi se sot jetojmë në një botë ku konflikti është bërë përditshmëri dhe se në këto momente filmi duhet të jetë një zë i fuqishëm.
“Festivali është këtu për ta mbajtur atë zë dhe me programin e tij merr përsipër këtë përgjegjësi,” u shpreh ai, duke shtuar se kinematografia e Bosnjës ndodhet në një pozitë të vështirë dhe se autoritetet duhet të reagojnë.

Festivali u hap me shfaqjen e filmit “Paviljoni” të regjisorit Dino Mustafić – një komedi e zezë që rrëfen historinë e një grupi banorësh në një shtëpi të të moshuarve, të cilët pas viteve të abuzimeve dhe poshtërimeve vendosin të ngrihen në një kryengritje të armatosur. Ata marrin peng stafin, zënë godinën dhe përballen me autoritetet.

Skenarin e filmit e ka shkruar Viktor Ivančić, ndërsa bashkëskenarist është Emir Imamović Pirke. Në kastin e aktorëve përfshihen emra të njohur si Rade Šerbedžija, Zijah Sokolović, Miralem Zubčević, Ksenija Pajić, Jasna Diklić, Branka Petrić, Meto Jovanovski, Mirjana Karanović, Ermin Bravo dhe shumë të tjerë.

Përveç në Teatrin Popullor, “Paviljoni” po shfaqet edhe në Letrën e Verës “Coca-Cola”, “UNIQA” Letrën e Verës Stari Grad, Kinemanë Grbavica, si dhe në disa hapësira të tjera në Sarajevë, Ilidža dhe Tuzla.

Në garë për çmimet “Zemra e Sarajevës” në programet konkurruese të këtij edicioni janë 50 filma, ndërsa një film do të shfaqet jashtë konkurrencës. Katër kategoritë kryesore përfshijnë filmin artistik të gjatë, dokumentarin, filmin e shkurtër dhe filmin studentor. Këtë vit do të ketë 15 premiera botërore, 6 premiera ndërkombëtare, 28 premiera rajonale dhe 2 premiera kombëtare.

Ekipi seleksionues, i udhëhequr nga drejtoresha kreative Izeta Građević, ka shqyrtuar 1,036 filma – përfshirë 195 filma artistikë të gjatë, 291 dokumentarë dhe 550 filma të shkurtër e studentorë.

Në mesin e të ftuarve ndërkombëtarë që do të marrin pjesë janë Paolo Sorrentino, Michel Franco, Ray Winstone, Ilya Khrzhanovskiy dhe Willem Dafoe, të cilët do të mbajnë edhe masterclass-e të hapura për publikun. Hyrja është falas me bileta të cilat mund të merren online ose në qendrën kryesore të biletave në Qendrën Kulturore Boshnjake.

Biletat për filmat dhe masterclass-et janë në shitje në sff.ba, tickets.sff.ba dhe përmes aplikacionit zyrtar të festivalit. Edicioni i këtij viti i Festivalit të Filmit në Sarajevë do të zgjasë deri më 22 gusht. /Telegrafi/

The post Hapet edicioni i 31-të i Festivalit të Filmit në Sarajevë: Tetë ditë të magjishme të kinemasë në kryeqytetin e Bosnjës appeared first on Telegrafi.

Modelja e njohur shqiptare, Arbenita Ismajli, ka reaguar në mënyrë indirekte në rrjetet sociale pas publikimit të lajmit për urdhër-arrestin dhe letrën e rreshtimit ndërkombëtar të lëshuar ndaj saj nga Gjykata Themelore në Gjilan.

Vetëm një ditë pas njoftimit zyrtar nga autoritetet e drejtësisë në Kosovë, Arbenita ka publikuar një fotografi në InstaStory ku shihet duke pushuar pranë detit, e veshur me bikini me vija të kuqe dhe të bardha, ndërsa po qëndron e shtrirë në një shtrat plazhi me një hamburger dhe patate të skuqura përpara.

Në mbishkrimin e fotos ajo shkruan me ironi: “Me when I get the motivation to post again ” (Unë kur më vjen motivimi për të postuar përsëri), duke shoqëruar postimin me një emoji duke qeshur – një mesazh që shumë e kanë interpretuar si një reagim sfidues ndaj zhvillimeve të fundit ligjore që po përballet.

Urdhër-arrest ndërkombëtar ndaj Ismajlit

Gjykata Themelore në Gjilan ka konfirmuar se më 14 gusht ka lëshuar urdhër-arrest dhe letër-rreshtim ndërkombëtar ndaj Arbenita Ismajlit, pas kërkesës së Prokurorisë Themelore.

Sipas aktakuzës së ngritur më 10 korrik 2025, Ismajli akuzohet për “Marrje apo mbajtje të kundërligjshme të fëmijës” dhe “Mospërfillje të gjykatës”, pasi dyshohet se nga shtatori i vitit 2024 ka larguar vajzën nga Kosova dhe ka qëndruar me të në vende të ndryshme të Evropës dhe Lindjes së Afërt, duke ia pamundësuar babait të vajzës – reperit Feron Shabani – të ushtrojë të drejtën e tij prindërore për ta takuar dy herë në muaj, siç ishte paraparë me vendim të gjykatës.

Nga ana tjetër, Prokuroria ka ngritur aktakuzë edhe ndaj Feronit Shabani, për tri vepra penale: dhunë në familje, ngacmim seksual dhe kanosje, të cilat pretendohet se janë kryer ndaj Arbenita Ismajlit në periudhën qershor–tetor të vitit 2024. /Telegrafi/

The post Arbenita Ismajli shmang raportimet për urdhër-arrest ndërkombëtar, publikon fotografi duke u relaksuar në pushime appeared first on Telegrafi.

Presidenti francez Emmanuel Macron dhe bashkëshortja e tij, Brigitte, e kaluan fundjavën e kaluar në jug të Francës, në rezidencën e njohur presidenciale Fort de Brégançon.

Çifti u pa duke shijuar një atmosferë të qetë dhe diellin e Rivierës Franceze. Presidenti Macron u fotografua në një jaht, duke treguar formë të mirë fizike teksa drejtonte një Jet Ski, ndërsa Brigitte e kaloi pjesën më të madhe të kohës në kuvertën e sipërme, në shoqërinë e mikeshave të saj.

Fort de Brégançon është një kala mesjetare e vendosur në Bregdetin e Azurit (Côte d’Azur), e cila që prej vitit 1968 shërben si vendpushimi zyrtar i presidentëve francezë.

Ky paraqitje e çiftit vjen disa muaj pas disa momenteve të pazakonta dhe disi të sikletshme që tërhoqën vëmendjen e mediave. Në qershor të këtij viti, gjatë një vizite treditore shtetërore në Mbretërinë e Bashkuar, Macron dhe Brigitte mbërritën në aeroportin Royal Air Force Northolt në Londër.

Teksa zbrisnin nga avioni presidencial, Macron u përpoq t’i jepte dorën bashkëshortes për ta ndihmuar, por Brigitte preferoi të mbahej te parmakët, duke injoruar gjestin e tij. Ajo madje nuk e pa në fillim, por më pas i buzëqeshi.

Një episod i ngjashëm ishte regjistruar edhe më herët këtë vit në Hanoi të Vietnamit, kur kamerat kapën momentin kur Brigitte, sapo kishte zbritur nga avioni, e kapi Macronin me të dyja duart nga fytyra dhe e shtyu lehtë prapa. Presidenti e minimizoi këtë ngjarje, duke thënë se ishte thjesht një shaka dhe se çifti shpesh e ngacmon njëri-tjetrin në këtë mënyrë. /Telegrafi/

The post Emmanuel Macron fotografohet nga paparacët gjatë pushimeve, befason me trupin teksa tregon që ka ‘six pack’ appeared first on Telegrafi.

Debati mes artistit Gjesti dhe platformës “Onima” ka marrë përmasa të reja, pas reagimeve publike nga të dyja palët.

Gjesti ka deklaruar më herët se po përballet me padrejtësi dhe se nuk mund të publikojë projekte të reja muzikore për një periudhë të pacaktuar, për shkak të problemeve me distributorin e tij të mëparshëm.

Pas këtyre akuzave, ka ardhur reagimi zyrtar nga Erkand Shabani, drejtues i “Onima”-s, i cili shpreh “keqardhje të thellë” për, siç i quan ai, “lajmet e rreme” që janë shpërndarë nga Gjesti dhe menaxhmenti i tij në adresë të kompanisë.

Sipas Shabanit, mosmarrëveshja buron nga dëshira e Gjestit për t’u liruar nga kontrata për shpërndarjen dhe monetizimin e përmbajtjeve artistike — marrëveshje që, sipas tij, është nënshkruar me vullnet të lirë nga vetë artisti dhe mbetet ligjërisht e vlefshme.

Ai shton se kërkesa e Gjestit për shkëputje të kontratës bazohet në një interpretim të njëanshëm, i cili bie ndesh me përmbajtjen e marrëveshjes.

Në një deklaratë të dytë, Onima pretendon se gjatë ditëve të fundit është përballur me “kërcënime, përpjekje për shantazh dhe shqetësime të shumta nga persona të inkriminuar, që veprojnë në emër të Gjestit”, me qëllim detyrimin për të liruar artistin nga kontrata.

Shabani thekson se të gjitha këto veprime janë të dokumentuara dhe se kompania do t’i drejtohet organeve kompetente për zbardhjen e plotë të rastit.

Nga ana e tij, Gjesti ka përsëritur publikisht shqetësimin se kjo situatë po e pengon të ecë përpara me karrierën e tij muzikore dhe publikimin e projekteve të reja, duke lënë të hapur pyetjen se kur fansat do të mund të dëgjojnë krijimet e tij të fundit. /Telegrafi/

The post Kompania ‘Onima’ i kundërpërgjigjen Gjestit pas akuzave për bllokim, thonë se janë kërcënuar dhe shantazhuar nga persona të inkriminuar në emër të tij appeared first on Telegrafi.

Yjet e filmit të fundit “Superman”, David Corenswet dhe Rachel Brosnahan, u bënë hit pasi një klip nga sheshxhirimi u nda në rrjetet sociale.

Konkretisht, pamjet që qarkullojnë në internet tregojnë aktorët duke vazhduar një skenë puthjeje pasi regjisori i filmit James Gunn tha se ishte “prerë”.

Vetëm një nga fotot, në të cilën Rachel Brosnahan përkulet dhe e puth Corenswet, ka më shumë se 57 milionë shikime në rrjetin social X.

pic.twitter.com/wWwrUSqcHL

— wonder. (@godsandmortaIs) August 12, 2025

Përndryshe, debutimi i Corenswet si Clark Kent mori kryesisht reagime pozitive nga fansat dhe kritikët pas publikimit të tij muajin e kaluar, gjë që është një lajm i mirë pas reagimit negativ ndaj zëvendësimit të Henry Cavill, sipas mediave të huaja.

Megjithatë, që atëherë, mediat sociale kanë qenë plot me histori rreth dinamikës midis Corenswet dhe bashkë-yllit të tij Brosnahan, i cili luan të dashurën e Lois Lane. Kjo vjen pasi një klip prapa skenave që tregon një moment intim midis personazheve të tyre bëri xhiron e internetit.

Married actress Rachel Brosnahan, who played Lois in Superman, is going viral for kissing David Corenswet after the director called cut, suggesting a moment of genuine chemistry or comfort between the actors
pic.twitter.com/n5QvrBSFWY

— FearBuck (@FearedBuck) August 14, 2025

Momenti në dukje i pafajshëm është bërë viral në rrjetet sociale, me njerëzit që spekulojnë për një marrëdhënie romantike midis aktorëve. Disa gjithashtu besojnë se puthja e saj ishte krejtësisht aksidentale dhe se ajo ndoshta nuk pati kohë të reagonte pasi regjisori e preu skenën. /Telegrafi/

clois kiss it better edit superman david corenswet rachel brosnahan pic.twitter.com/gGO0xM9XaU

— media (@SAMENlGHTS) August 13, 2025

The post Pamjet nga sheshxhirimi i filmit “Superman” po shpërndahen në internet, ku aktorja vazhdon ta puthë kolegen e saj edhe pasi skena mbaroi appeared first on Telegrafi.

Seti i njohur i serialit për fëmijë “Teletubbies” duket i panjohur 24 vjet pas përfundimit të shfaqjes së dashur, pasi pronari i tokës ka bërë një ndryshim të madh.

Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.

Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.

Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.

Deri në vitin 2025, toka mbetet e zbrazët, edhe pse pronarët menaxhojnë një fermë dhe një dyqan me produkte ujore pranë saj.

Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.

Një tjetër komentoi: “Fakti që gjithçka u xhirua në atë copë të vogël toke është e pabesueshme”.

Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.

Një i katërt sugjeroi: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.

Vit in e kaluar, një nga yjet e shfaqjes u shfaq në emisionin “This Morning” me fëmijën e saj.

Jess Smith, tani në të 30-at, është e njohur për rolin e saj si bebi në diell në shfaqjen për fëmijë. Ajo, së bashku me kolegët Nikki Smedley (Laa-Laa) dhe John Simmit (Dispy), rikujtuan kohën e tyre në “Teletubbies”.

Jess u shoqërua nga vajza e saj, Poppy, që atëherë ishte pesë muajshe. Ajo u pyet nëse i tregon miqve për famën e saj gjatë fëmijërisë.

Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”. /Telegrafi/

 

View this post on Instagram

 

A post shared by Rundown Buildings (@rundownbuildings)

The post Sa ka ndryshuar pas 25 vitesh lokacioni ku u xhirua seriali ikonik “Teletubbies”? Pronari i tokës ka bërë një ndryshim të madh për të shmangur turistët appeared first on Telegrafi.

Leonardo DiCaprio, në një intervistë të re për Esquire britanik, ka treguar hapur se si i është ndryshuar qasja ndaj marrëdhënieve romantike me kalimin e viteve.

Aktori, i cili prej vitesh është vënë në qendër të kritikave për lidhjet e tij me gra më të reja, shpesh nën moshën 25 vjeç, tha se tani dëshiron të jetë plotësisht i sinqertë, edhe nëse kjo do të thotë të rrezikojë prishjen e një lidhjeje.

“Kur hyn në të pesëdhjetat, ndjen se do të jesh i hapur dhe të mos humbasësh kohë. Nuk do të shtirresh, nuk do të investosh energji në diçka që nuk funksionon. Nëna ime sot thotë saktësisht atë që mendon dhe nuk humb kohë — kjo është frymëzim për mua”, u shpreh ai.

DiCaprio tha se sot për të është më e rëndësishme të shprehë menjëherë atë që dëshiron, si në jetën private, ashtu edhe në atë profesionale.

“Kam më shumë jetë pas meje sesa para meje, prandaj ndjej përgjegjësi të jem plotësisht i qartë”, tha ai.

Lidhjet e tij kanë qenë prej dekadash objekt diskutimi publik. Nga romanca pesëvjeçare me Gisele Bündchen, të cilën e nisi kur ajo ishte 18 vjeçe, te lidhja disa­vjeçare me Bar Refaelin, që përfundoi kur ajo mbushi 25 vjeç — është krijuar një model që shpesh është ironizuar nga publiku.

Një skenar i ngjashëm ndodhi edhe me Camilën Morrone: pas pesë vitesh lidhje, çifti u nda një muaj pasi ajo mbushi 25 vjeç. Më pas, ai u lidh me disa modele të reja, përfshirë Eden Polanin 19-vjeçare, gjë që ngjalli reagime të shumta.

Megjithatë, në fund të vitit 2022, DiCaprio u përpoq të thyente këtë imazh kur nisi për pak kohë të dilte me Gigi Hadid, atëherë 27 vjeçe. Edhe pse lidhja nuk zgjati, ata mbetën miq.

Që nga gushti i vitit 2023, ai është lidhur me modelen italiane Vittoria Ceretti, të cilën e njohu në Festivalin e Filmit në Kanë. Edhe pse ajo është fotografuar disa herë me unazë në dorë, burime të afërta thonë se çifti nuk është i fejuar. Më parë, Vittoria ka qenë e martuar me DJ-në italian Matteo Milleri, pjesë e duetit “Tale of Us”.

Burime pranë aktorit thonë se DiCaprio dëshiron ta lërë pas imazhin e burrit që del vetëm me gra të reja: “E shqetëson fakti që ky reputacion e ndjek kudo. Ai kërkon diçka më serioze dhe më të pjekur, por çdo dalje e tij me një grua të re përfundon menjëherë në titujt e mediave”. /Telegrafi/

The post I përfolur për lidhjet me vajzat shumë më të reja, rrëfehet Leonardo DiCaprio: Kur hyn në të pesëdhjetat ndjen se nuk duhet të humbasësh më kohë appeared first on Telegrafi.

Uran Ismaili, kandidat i PDK-së për kryetar të Prishtinës, ka prezantuar  të mërkurën listën e kandidatëve për Asamblenë Komunale, ku krahas emrave të rinj përfshihen edhe figura të njohura nga arti, kultura dhe urbanizmi.

Një nga emrat që bie në sy është Isah Mustafa. Edhe pse mbiemri mund të të kujtojë ish-kryeministrin Isa Mustafa, bëhet fjalë për një person tjetër, të njohur për kontributin e tij në jetën kulturore të kryeqytetit.

Mustafa është bashkëthemelues i hapësirës kulturore “Stereospace” dhe ka realizuar projekte që kanë sjellë gjallëri në komunitet. Një prej tyre është rivitalizimi i Shtëpisë së Kulturës në Llukar – e kthyer nga një ndërtesë e rrënuar në një hapësirë plot jetë dhe aktivitete për banorët. Ai është angazhuar gjithashtu në organizimin e programeve edukative për fëmijët dhe të rinjtë e zonës.

Përveç punës në komunitet, Mustafa është anëtar i grupit të muzikës alternative “Gillespie”, një band underground rock’n’roll e themeluar në vitin 2005, e cila ka pasur ndikim të rëndësishëm në skenën muzikore vendore.

Lexo po ashtu Edhe një tjetër aktore nga "Familja Moderne" në VV - Driada Matoshi i bashkohet garës për Prishtinën, kandidon për asambleiste

Kandidatura e tij për asambleist nga radhët e PDK-së vjen në një garë ku po marrin pjesë edhe shumë artistë të tjerë. Vetëm të mërkurën u konfirmua se aktoret Driada Matoshi dhe Vlora Merovci do të kandidojnë për Asamblenë e Prishtinës nga radhët e LVV-së. /Telegrafi/

The post Valë artistësh në zgjedhjet lokale, muzikanti Isah Mustafa kandidat për asamblesit nga radhët e PDK-së në Prishtinë appeared first on Telegrafi.

Arta Elezaj, modelja e njohur nga Klina, ka ndarë së fundmi disa fotografi të mrekullueshme në rrjetet sociale, duke tërhequr vëmendjen e një numri të madh ndjekësish.

Në këto foto, ajo shfaqet në një ambient relaksues pranë pishinës, duke treguar një pamje të freskët dhe moderne që ka ndryshuar dukshëm.

Një nga ndryshimet më të dukshme të saj është ndryshimi i stilit të flokëve. Deri tani, Arta ka qenë e njohur për kaçurrelat e saj natyrale dhe voluminoze, por tani ka kaluar në një look më elegant me flokë të drejta dhe të shkëlqyera.

Ky transformim i pamjes ka kapur vëmendjen e ndjekësve, të cilët kanë shprehur admirim për ndryshimin e saj, duke komentuar mbi freskinë dhe stilin modern që ka sjellë.

Në fotot që Arta ka postuar, ajo shfaqet në një bikini të thjeshtë, ngjyrë bezhë, duke e kombinuar me syze dielli të zeza dhe një pozë që tregon siguri dhe stil.

Ambienti i relaksuar pranë pishinës me pamje nga deti i thellë dhe qielli i pastër ka shtuar edhe më shumë atmosferën e verës, duke i dhënë një ndjesi të freskët dhe atraktive.

Përpos pamjes së saj, ajo ka marrë shumë komente pozitive për natyrshmërinë dhe sigurinë që shfaq në çdo fotografi.

Ky ndryshim i pamjes, nga kaçurrelat e natyrshme në flokët e drejta, duket se ka qenë një hap tjetër i suksesshëm në karrierën e modeles, duke e vendosur atë edhe më shumë në qendër të vëmendjes në industrinë e modës. /Telegrafi/

The post Arta Elezaj befason me transformimin, duket ndryshe me flokë të drejta ndërsa sjell poza atraktive në bikini appeared first on Telegrafi.