Pretendimi: Zonja e parë e ShBA Melania Trump është pasardhëse e carit rus Nikolla II Romanov 

Verdikti: E paprovuar

———————————————————-

Në rrjete sociale po qarkullon pretendimi i pazakontë se zonja e parë e ShBA, Melania Trump, është pasardhëse e carit të fundit rus Nikolla Romanov.

Postimi i mësipërm pretendon se Melania Trump është mbesa e vajzës më të vogël të carit Nikolla II, Anastasia Romanov.

Pas Revolucionit Rus të vitit 1917, Nikolla II u rrëzua nga froni dhe më 17 korrik 1918, u vra së bashku me gruan, katër vajzat dhe djalin e tij nga mbështetësit e bolshevikëve. Kjo i dha fund dinastisë Romanov dhe Rusia nuk patur më carë që atëherë.

Menjëherë pas ekzekutimit, qarkulluan thashetheme se Anastasia kishte mbijetuar mrekullisht. Në 1920, një grua u shfaq në Berlin, më vonë e quajtur Anna Anderson. Disa besonin se gruaja mund të kishte qenë Anastasia. Megjithatë, testet e ADN që atëherë kanë përjashtuar mundësinë që kjo grua të ishte Anastasia.

Anastasia ishte 17 vjeç në kohën e ekzekutimit të saj. Ajo nuk ishte ende e martuar dhe nuk ka të dhëna për ndonjë fëmijë që mund të ketë pasur. 

Sa i përket gjasave që që vajza e re t’i ketë mbijetuar ekzekutimit të familjes së saj, pas rënies së Bashkimit Sovjetik, trupat e Romanovëve u zhvarrosën në vitin 1991. 

Fillimisht, në varr u gjetën vetëm eshtrat e carit, gruas së tij dhe tre fëmijëve (Olga, Tatiana dhe Maria ose Anastasia). Kjo ringjalli thashethemet se Anastasia me të vërtetë i kishte mbijetuar ekzekutimit. 

Megjithatë, në 2007, dy trupa të tjerë u gjetën në një varr aty pranë, që më vonë u zbulua se ishin Alexei dhe vajza e katërt. Testet e ADN më vonë konfirmuan se këta ishin vërtet Romanovët.

Prindërit e Melania Trump kanë lindur në vitet 1944 dhe 1945. Postimi nuk specifikon nëse Anastasia Romanov pretendohet të jetë gjyshja e Melania Trump nga nëna apo nga babai. Megjithatë, duke qenë se ajo vdiq në 1918, vështirë se mund të ketë qenë nëna e ndonjërit prej prindërve të Melania. Gjyshja e Melania Trump nga nëna është Amalia Ulčnik (mbiemri i vajzërisë Gliha), sipas shtypit slloven. Gjyshja e saj nga babai është Antonija Ribi.

The post E imagjinuar lidhja e gjakut mes Melania Trump dhe Romanovëve appeared first on Faktoje.al.

Republikanët e Dhomës së Përfaqësuesve miratuan dje një vendim që do ta riemërtojë teatrin e operës së qendrës ”Kennedy” për Artet Performuese sipas emrit të Zonjës së Parë, Melania Trump, në ndërkohë që presidenti Trump dhe aleatët e tij rrisin ndikimin e tyre mbi institucionin kulturor të Uashingtonit, sipas cbsnews.com.

Riemërtimi i propozuar u përfshi në një amendament të një projektligji që do të përcaktonte nivelet e financimit për vitin fiskal 2026 për Departamentin e Brendshëm dhe disa agjenci të tjera federale, përfshirë qendrën ”Kennedy”.

Amendamenti – dhe vetë projektligji – u miratuan nga Komiteti i Buxhetit të Dhomës së Përfaqësuesve në një seancë dëgjimore.

Riemërtimi u hartua nga përfaqësuesi republikan, Mike Simpson i Idaho-s, i cili vuri në dukje rolin e Zonjës së Parë si kryetare nderi e bordit të qendrës ”Kennedy”.

”Riemërtimi nuk u kërkua nga administrata Trump”, tha për CBS News në një email drejtoresha e komunikimit të Simpson, Lexi Hamel.

“Emërtimi i një teatri sipas saj është një mënyrë e shkëlqyer për të njohur vlerësimin e saj për artet”, shkroi Simpson, e cila kryeson Nënkomitetin e Brendshëm, Mjedisit dhe Agjencive të Lidhura të Komitetit të Buxhetit.

Demokratja kryesore e nënkomisionit, përfaqësuesja Chellie Pingree e Maine, kritikoi idenë e riemërtimit në seancën dëgjimore të së martës dhe tha se u habit kur mësoi për këtë.

“Republikanët, mendoj, futën fshehurazi diçka që është paksa përçarëse, që është riemërtimi i një pjese të qendrës ‘Kennedy’ sipas një anëtari të familjes së kësaj administrate”, tha ajo.

CBS News i është drejtuar Shtëpisë së Bardhë për koment./KultPlus.com

Melania Trump ka shkaktuar bujë në rrjetet sociale pasi postoi në profilin e saj në X një fragment nga libri “Melania”, i cili doli më 8 tetor 2024 dhe u bë menjëherë më i shituri në Amazon dhe New York Times.

Në klipin dhe fragmentin e shpërndarë, Melania rrëfen takimin e parë me Donald Trump, në një mbrëmje gjatë Javës së Modës në New York, në vitin 1998.

Edhe pse ishte e lodhur pas një udhëtimi nga Parisi, me nxitjen e shoqes, ajo pranoi të shkonte në klubin Kit Kat, vendi ku ndodhi takimi i saj i parë me Trump.

Ajo kujton se Trump i la menjëherë përshtypje me sharmin, përqendrimin dhe bisedën e veçantë.

Edhe pse ishte në shoqërinë e një tjetër gruaje atë natë, Melania ndjeu një tërheqje të menjëhershme ndaj tij, duke u ndier “në qendër të botës së tij”, siç shkruan vetë në libër.

Lexo po ashtu Të gjitha lajmet nga Melania Trump

Rikthimi i këtyre solli reagime të shumta në rrjet, sidomos për sinqeritetin dhe mënyrën si Melania e përshkruan lidhjen që sapo kishte nisur.

Ndërkohë, ka rifilluar të qarkullojë edhe një intervistë e vitit 1999, ku Melania përballej me pyetjet rreth motivit të saj për të qenë me një njeri kaq të pasur dhe më të madh në moshë.

Në atë kohë, ajo i kundërshtoi zërat që e akuzonin për interesa materiale, duke thënë: “Nuk mund të përqafohesh apo të flasësh me një shtëpi të bukur apo një makinë luksoze. Nëse je me dikë, duhet të ndihesh i/e plotësuar”.

Melania dhe Donald Trump u martuan në vitin 2005 dhe kanë një djalë së bashku, Barron Trump, i lindur në vitin 2006.

Postimi i saj i fundit, së bashku me fragmentin nga libri, shihet si një rikujtim publik i lidhjes së tyre, por edhe si një përpjekje për të riafirmuar identitetin dhe rolin e saj në jetën publike dhe familjare të Trump. /Telegrafi/

The post Melania e përshkruan takimin e parë me Trump: Ndihesha sikur isha në qendër të botës së tij appeared first on Telegrafi.

Edhe pse rrallëherë ndan publikisht detaje të stilit të saj të jetesës, nga intervista dhe dëshmi të afërta me të, zbulohet një rutinë e disiplinuar dhe efektive. Një nga zakonet më interesante të saj është përdorimi i peshave të lehta në kyçet e këmbëve, një metodë e njohur për stimulimin e tonifikimit të muskujve dhe djegien e kalorive edhe gjatë ecjes së zakonshme. Kjo teknikë…

Source

Intervista e Melania Trump në vitin 1999, në të cilën ajo iu përgjigj akuzave të pakëndshme që qarkulluan kur filloi një lidhje me Donald Trump, u rikthye sërish në vëmendje.

Modelja që asokohe ishte 28-vjeçare nisi lidhjen Donald (52 vjeçar), dhe diferenca e tyre në moshë ngriti dyshime dhe spekulime rreth motiveve të Melanias për të qenë me të në radhë të parë.

Duke folur për ABC News, menjëherë pasi të dy u bënë çift publik, gazetari Don Dahler e pyeti Melanian nëse ishte në një lidhje me Donaldin për shkak të pasurisë së tij.

“E dini, këta njerëz… Ata nuk më njohin”, tha Melania. “Njerëzit që thonë gjëra të tilla, thjesht nuk më njohin”.

Gazetari u përgjigj: “Epo, nuk ndodh shpesh që të shohësh një modele 26-vjeçare pranë një mekaniku makinash 53-vjeçar”.

Lexo po ashtu Të gjitha lajmet nga Melania Trump

Melania u përgjigj: “E di çfarë, nuk mund të flesh me gjëra të bukura, t’i përqafosh ose të flasësh me gjëra të bukura – një apartament të bukur, një aeroplan të bukur, makina të bukura, shtëpi të bukura – nuk mund ta bësh këtë. Mund të ndihesh shumë bosh. Dhe nëse dikush thotë: ‘Je me atë burrë sepse është i pasur dhe i famshëm’, nuk më njeh”, tha ajo në atë kohë.

Në të njëjtën intervistë, Melania u pyet nëse e sheh veten në rolin e zonjës së parë në të ardhmen.

“Po, do të isha shumë tradicionale, si Jackie Kennedy. Do ta mbështesja atë, do të kryeja shumë detyrime shoqërore”, u përgjigj dhe përfundoi: “Do ta mbështesja burrin tim”.

Gjatë kohës së saj në Shtëpinë e Bardhë, Melania ishte shpesh shënjestër e kritikave – nga padukshmëria e supozuar në jetën politike deri te një keqkuptim i rolit dhe personalitetit të saj.

Duke folur në Fox & Friends përpara inaugurimit të Donaldit në vitin 2025, Melania iu drejtua përsëri këtyre kritikave.

“Disa njerëz mund të më shohin thjesht si gruan e presidentit, por unë qëndroj e vendosur në këmbët e mia. Jam e pavarur. Kam mendimet e mia. Kam ‘po’-të dhe ‘jo’-të e mia”, tha ajo.

“Nuk jam gjithmonë dakord me atë që thotë ose bën im shoq, dhe kjo është në rregull”, vazhdoi ajo. “I jap këshillat e mia, dhe ndonjëherë ai i dëgjon, ndonjëherë jo, dhe kjo është në rregull”.

Ajo shtoi se ishte gjithashtu autentike gjatë kohës së saj të parë në Shtëpinë e Bardhë: “Isha gjithmonë vetvetja, por publiku nuk më pranoi ose nuk më kuptoi atëherë”.

Si kujtesë, Donald dhe Melania Trump u takuan në vitin 1998 në një event mode në New York, ndërsa Melania punonte si modele.

Në atë kohë, Melania ishte 28 vjeçare dhe Donald ishte 52. Pas disa vitesh lidhjeje, Donald i propozoi asaj në vitin 2004 dhe ata u martuan në janar 2005 në një ceremoni madhështore në Palm Beach, Florida. /Telegrafi/

The post U pyet nëse ishte me Trump vetëm për shkak të pasurisë – rikthehet në vëmendje një intervistë e vjetër e Melania Trump appeared first on Telegrafi.

Presidenti amerikan Donald Trump vendosi ta festojë Ditën e Pavarësisë së SHBA-së në një mënyrë specifike, dhe të gjitha ngjarjet që ndodhën rreth Shtëpisë së Bardhë janë një tjetër provë se Trump donte ta përqendronte absolutisht të gjithë vëmendjen tek vetja.

Ndër ngjarjet e para të organizuara nga Trump në oborrin e Shtëpisë së Bardhë ishte nënshkrimi i “ligjit të madh dhe të bukur”, një dokument i diskutueshëm që shkaktoi reagime të stuhishme nga Partia Demokratike, por edhe nga disa republikanë që nuk ishin plotësisht dakord me përmbajtjen e ligjit.

Trump mblodhi bashkëpunëtorët e tij më besnikë në oborrin e Shtëpisë së Bardhë, dhe midis tyre ishte emri i Lindsey Graham, njeriut që shumë thonë se e formëson politikën aktuale të Trump në masën më të madhe.

“Jam krenar që qëndroj me Trumpin ndërsa ai nënshkruan një projektligj të shkëlqyer dhe të bukur. Ky projektligj do të sigurojë kufirin tonë, do të çlirojë energjinë amerikane dhe do të kthejë më shumë para në xhepat e amerikanëve që punojnë shumë. Një fitore e madhe për lirinë dhe SHBA-në”, tha Graham.

Pasi nënshkroi ligjin, Trump, për kënaqësinë e shumë njerëzve, goditi një çekiç për të shënuar hyrjen në fuqi të ligjit. Ky çekiç, i destinuar për Kryetarin e Dhomës së Përfaqësuesve të SHBA-së, iu dorëzua Trump nga Mike Johnson.

“Dua që ta kesh ti,” tha Kryetari Johnson.

Ceremonia nuk mbaroi me kaq. Pas pjesës formale, Trump doli në ballkonin e Shtëpisë së Bardhë në shoqërinë e bashkëshortes së tij Melania dhe shikoi fishekzjarrët me rastin e Ditës së Pavarësisë së Shteteve të Bashkuara të Amerikës. Shfaqja spektakolare e fishekzjarrëve përfundoi me vallëzimin karakteristik të Trump me këngën “YMCA” që shënoi fushatën e tij.

Interesante është se këtë herë Melanija iu bashkua në valle, duke kërcyer shkurtimisht në stilin e burrit të saj.

“Ne bëmë premtime, dhe ato janë premtime të bëra, premtime të mbajtura, dhe ne i kemi mbajtur ato. Në ditëlindjen e demokracisë, kemi një triumf, dhe duhet të them se njerëzit janë të lumtur”, tha Trump.

Pas paradës ushtarake të organizuar nga presidenti amerikan së fundmi, festimi i Ditës së Pavarësisë shërbeu si një tjetër ngjarje e madhe në të cilën doli në sipërfaqe egoja e madhe dhe nevoja për ta zhvendosur fokusin e çdo ngjarjeje vetëm te një person – presidenti aktual i SHBA-së.

Pavarësisht reagimeve të dhunshme për shkak të ligjit në të cilin miliona njerëz mund të mbeten pa Medicaid dhe programe të tjera ndihme, Trump nuk i intereson shumë kritikat dhe që nga dje, si kurrë më parë, ai ka ndarë një sërë postimesh nga mediat në të cilat fokusi është tek ai. Përveç kësaj, ai i nxiti të gjithë njerëzit të blejnë një libër që flet për “rikthimin më të madh në politikën amerikane”.

“I mrekullueshmi Newt Gingrich sapo ka shkruar një libër që është bërë muhabet në Uashington. Titullohet ‘Triumfi i Trump, Rikthimi më i Madh Amerikan’. Thuhet se është fantastik, por unë nuk e kam lexuar ende – kam qenë paksa shumë i zënë. Kur ta bëj, do t’ju tregoj se çfarë mendoj, por Newt gjithmonë e ka të drejtë!!! Blini një kopje tani”, tha Trump. /Telegrafi/

The post Donald dhe Melania Trump u puthën në ballkonin e Shtëpisë së Bardhë në festën e 4 Korrikut appeared first on Telegrafi.

Ndërsa Donald Trump u përball me fishkëllima dhe reagime negative nga audienca, gruaja e tij mori komplimente të shumta. Fustani i zi elegant dhe këpucët “Louboutin” u vlerësuan si një sukses i vërtetë në aspektin stilistik

Presidenti Trump ndoqi për herë të parë një shfaqje që nga mandati i tij në Shtëpinë e Bardhë, dhe, nuk bëri shumë bujë. Duke qenë se komuniteti artistik dhe ai i industrisë së argëtimit në SHBA zakonisht ka qëndrime kritike ndaj tij, pak veta u habitën kur ai u prit me fishkëllima në Uashington. Megjithatë, pati edhe disa duartrokitje. Gruaja e tij, Melania, pa dyshim, doli më mirë. Nëse jo për ndonjë arsye tjetër, ajo meritoi duartrokitje në këmbë për një tjetër paraqitje spektakolare në aspektin e stilit.

Muzikali “Les Misérables” u shfaq premierë në “John F. Kennedy Center for the Performing Arts” në Uashington. Ngjarja u shoqërua me tension, pasi disa aktorë kërcënuan të mos performonin nëse Trump do të ishte në audiencë. Pavarësisht kësaj, Donald dhe Melania Trump nuk e humbën rastin për të parë shfaqjen e bazuar në romanin e famshëm të Victor Hugo, dhe në fund, ansambli vendosi të dalë në skenë, transmeton Telegrafi.

Që në hyrje të Qendrës, gazetarët e pyetën Trumpin se si do të reagonte nëse artistët do të vendosnin të bojkotonin shfaqjen. Ai u përgjigj shkurt: “Nuk më intereson”. Ironikisht, shfaqja e “Les Misérables” erdhi në një moment shumë të ndjeshëm për SHBA-në.

Siç dihet, fabula e muziklit zhvillohet në shekullin XIX dhe përshkruan një panoramë të gjerë të shoqërisë franceze pas Revolucionit dhe Luftërave Napoleonike. Kjo bëri që shumë komentues të krijonin paralele mes ngjarjeve të shfaqjes dhe situatës aktuale politike në SHBA.

Megjithatë, Melania Trump shkëlqeu. Dhe kjo, të themi të drejtën, nuk është aspak e vështirë për të. Si ajo, ashtu edhe bashkëshorti i saj, kishin zgjedhur veshje shumë elegante, një detaj që, në rastin e Trump, ishte disi befasues pasi rrallëherë shihet.

Po ajo? Elegante, e përmbajtur dhe absolutisht e përkryer. Melania vështirë se gabon në stil. Ajo zgjodhi një fustan të zi pa mëngë, sofistikuar nga Bottega Veneta, i cili u kombinua në mënyrë të përkryer me një palë këpucë Christian Louboutin, modelin “Nappa Patent Veau Mirror Eclectica”, që bashkon nuancat e arit, argjendit dhe rozës së kuarcit.

Duke qenë se çdo paraqitje e saj vëzhgohet me vëmendje të madhe, këtë herë Melania u analizua nga koka te këmbët. Vështirë të thuhet nëse vëmendja ishte më shumë te fustani i mrekullueshëm apo te këpucët ikonike të “mbretit të këpucëve”.

Këpucët që Melania zgjedh për të dalë nga Shtëpia e Bardhë janë gjithmonë një temë diskutimi, dhe kur burri i saj u rizgjodh president, një nga pyetjet më të çuditshme që qarkulloi ishte: çfarë numri këpucësh vesh? Epo, duke marrë parasysh gjatësinë e saj prej 1.80 metra, numri 42.5 nuk duhet të habisë askënd. /Telegrafi/

The post Melania Trump dominon skenën e modës dhe rrëmben duartrokitjet në premierën e “Les Misérables” appeared first on Telegrafi.

Statuja e parë u dogj nga persona të panjohur, ndërsa e reja u zhduk në mënyrë misterioze: një vepër prej bronzi që përshkruante Zonjën e Parë të SHBA-së, Melania Trump, u vodh në qytetin e saj të lindjes, Slloveni.

Statuja është në madhësi reale dhe përshkruan Zonjën e Parë të SHBA-së duke balancuar mbi një trung peme dhe duke përshëndetur, një lëvizje për të cilën artistja u frymëzua nga poza e çiftit presidencial të SHBA-së në inaugurimin e Donald Trump në vitin 2017.

Vepra prej bronzi u zbulua në vitin 2020 në mes të një fushe, pranë Sevnicës, një qytet në pjesën lindore të vendit ku Melania Trump kaloi fëmijërinë e saj.

Krijuesi i saj, artisti konceptual amerikan Brad Downey, donte ta bënte atë “jo-monument” dhe “anti-propagandë”, duke shpjeguar se synonte të mos miratonte politikën e banorit të Shtëpisë së Bardhë, duke kujtuar se gruaja e tij, e quajtur Melania Knavs dhe e lindur në ish-Jugosllavi, është gjithashtu një emigrante.

Ai shprehu “trishtimin” e tij për zhdukjen e veprës, e cila ishte mbështetur fort në trungun e pemës me ndihmën e betonit dhe shufrave të hekurit, duke i detyruar hajdutët ta prisnin atë në pikën sipër kyçeve të këmbëve.

“Kam një ndjesi se kjo ka të bëjë” me rikthimin e miliarderit në pushtet, “por kush e di?” tha ai për AFP-në.

The post Mister në Slloveni, zhduket statuja e Melania Trump appeared first on iconstyle.al.

Gjatë mandatit të dytë të Donald Trump në Shtëpinë e Bardhë, familja e tij është jashtë. Shefja e stafit e zgjedhur nga presidenti amerikan, Susie Wiles, ia kishte bërë të qartë Trump se, për të “kaluar Rubikonin” dhe për të kaluar nga kreu i fushatës së tij zgjedhore në krahun e djathtë të tij në Uashington, çështjet personale do të mbeteshin në Mar-a-Lago ose në Kullën Trump në Nju Jork. Është e qartë se Zonja e Parë, Melania, është përjashtuar nga ky rreth i presidentit amerikan , jo sepse ka marrëdhënie të mira me shefin e stafit të presidentit, por sepse për Shtetet e Bashkuara ajo ka një rol institucional…

Por ku është Melania?
Nga 108 ditët që Donald Trump ka kaluar në Zyrën Ovale për mandatin e tij të dytë, mediat amerikane raportojnë se Zonja e Parë ka qenë “e pranishme” në Uashington vetëm për 19…

Në përgjigje të një pyetjeje më 20 janar, në një intervistë që dha menjëherë pas inaugurimit të burrit të saj, Melania Trump ishte kujdesur ta errësonte më tej situatën… “Do të jem në Shtëpinë e Bardhë, do të jem në Nju Jork, do të jem në Mar-a-Lago, do të jem kudo që të më duhet të jem“, kishte vënë në dukje ajo.

Shfaqja e fundit publike e Zonjës së Parë në Uashington ishte të enjten në mbrëmje në një ceremoni për të dhuruar një pullë postare me Barbara Bush, ndërsa edhe në ditëlindjen e saj të 55-të, ditën e kthimit të çiftit presidencial nga Roma dhe funerali i Papa Françeskut, Melania zgjodhi të mos kthehej në Uashington me bashkëshortin e saj dhe, me një puthje në faqe, u largua në një drejtim tjetër.

Donald dhe Melania Trump në funeralin e Papa Françeskut

Zonja e Parë gjithashtu mungoi në pozicionin e saj institucional në Krahun Lindor të Shtëpisë së Bardhë , ku ndodhen zyrat e saj. Ajo ka vazhduar me punësimin specifik të njerëzve që “kryejnë” të gjitha detyrimet e saj, por deri më tani ka qenë “e pranishme” shumë pak herë.

Përkundrazi, është vetë Trump ai që ka ndërmarrë edhe seanca dëgjimore që janë detyra tradicionale të Zonjës së Parë… në njërën prej tyre, ai madje u shfaq duke surprizuar një grup njerëzish që po vizitonin Krahun Lindor të Shtëpisë së Bardhë për herë të parë.

Melania nuk ishte shpesh “e pranishme” gjatë mandatit të parë të bashkëshortit të saj, nga viti 2017 deri në vitin 2021, por e vërteta është se në atë kohë djali që ajo ka me presidentin amerikan ishte i vogël dhe ajo vetë kishte deklaruar se i jepte përparësi detyrave të mëmësisë.

Sot, Barron është student i vitit të parë në Universitetin e Nju Jorkut në moshën 19 vjeç dhe Shtëpia e Bardhë nuk dominohet nga vajza e fuqishme e Trump, Ivanka…

Por qëndrimi i Melanias është edhe më i distancuar … Tabloidët amerikanë dhe britanikë kanë pohuar në muajt e fundit se Zonja e Parë po shmang të qenit në Miami, në rezidencën e saj në Mar-a-Lago, ndërsa duket se po zgjedh – megjithëse nuk është e qartë për sa kohë – të qëndrojë në Nju Jork.

The post Ku është Melania? Nga 108 ditët e Trump në Shtëpinë e Bardhë, ajo s’duket gjëkundi appeared first on iconstyle.al.

Në internet është përhapur një video e Donald dhe Melania Trump, e regjistruar gjatë funeralit të Papës Françesku në Vatikan.

Zonja e parë e SHBA-së e shpëtoi bashkëshortin e saj nga një moment potencialisht i pakëndshëm.

Lexo po ashtu Trump, Biden dhe Zelensky kanë shkelur rregullat gjatë varrimit të Papa Françeskut

Gjatë meshës katolike që zgjati tre orë, në një moment të caktuar, të pranishmit u ftuan t’i jepnin njëri-tjetrit shenjën e paqes përmes shtrëngimit të duarve, por presidenti amerikan nuk mori pjesë në këtë rit.

Në video shihet se si Trump, gjatë ritualit, shikon rreth vetes i pasigurt, derisa Melania i vjen në ndihmë.

Melania whispers to Trump before shaking hands at Pope’s funeral pic.twitter.com/MwE2Gq8r0o

— MassiVeMaC (@SchengenStory) April 26, 2025

Një lexuese e buzëve, Nikola Hickling, tha për Daily Mail se Melania i kishte pëshpëritur burrit të saj që të fillonte të shtrëngonte duart, përpara se 78-vjeçari, me hezitim, t’i zgjaste dorën presidentit francez, Emmanuel Macron.

“Duhet ta bësh këtë”, i pëshpëriti Melania në vesh Trumpit, dhe më pas e përsëriti.

Lexo po ashtu Publikohen imazhet e varrit të Papa Françeskut - shoqërohet vetëm me një trëndafil të bardhë

“Oh, mirë”, u përgjigj presidenti amerikan. Pas kësaj, ai i zgjati dorën edhe presidentit të Estonisë.

Ndryshe, Donald dhe Melania Trump qëndronin në rreshtin e parë gjatë funeralit të Papës.

Më herët ishte raportuar se lideri amerikan nuk do të merrte një vend kaq të spikatur, pasi përparësi u jepej anëtarëve të familjeve mbretërore. /Telegrafi/

The post Një lexues buzësh zbuloi katër fjalët që Melania i pëshpëriti Trumpit në funeralin e Papës appeared first on Telegrafi.

Ditëlindja e Melania Trump rastisi të ishte në ditën e varrimit të Papa Françeskut.

Sot në fakt zonja e parë amerikane mbush 55 vjeç. “Ajo do të ketë ditëlindjen në punë”, komentoi Donald Trump para gazetarëve përpara se të hipte në avionin presidencial që do ta çonte atë dhe gruan e tij në Romë. Ai nuk pati kohë t’i blinte një dhuratë, por mendoi për një dhuratë alternative, krejtësisht të improvizuar: “Do ta çoj për darkë me Boeing, do ta çoj për darkë në Air Force One“.

Donald Trump dhe Melania morën pjesë në funeralin e Papa Françeskut të mbajtur sot, më 26 prill 2025. Çiftit presidencial iu rezervua një vend në rreshtin e parë: në të djathtë të tyre presidenti finlandez dhe në të majtë presidenti i Estonisë.

The post Ditëlindja e Melanias në ditën e funeralit të Papës, Trump: Do darkojmë në Boeing appeared first on iconstyle.al.

Në një ceremoni që mblodhi mbi 130 delegacione të huaja, ndër to edhe presidentin amerikan Donald Trump dhe bashkëshorten e tij Melania, eleganca dhe respekti ishin të pranishëm në çdo detaj.

Melania Trump u shfaq tejet elegante, duke ndjekur me përpikëri kodin tradicional të veshjes së zisë, shkruan revista Hello.

Ajo kishte zgjedhur një fustan të zi të thjeshtë por të hijshëm, të kombinuar me një pallto të gjatë të zezë dhe një shami koke në të njëjtën ngjyrë, ndërsa veshjen e plotësonin takat e larta po ashtu të zeza. Para arkivolit të Papa Françeskut, Melania dhe Donald Trump u përkulën me respekt, duke reflektuar solemnitetin e ngjarjes.

Ndërkohë, Donald Trump ishte veshur me një kostum blu të errët, një kravatë blu të kombinuar dhe një këmishë të bardhë klasike.

Varrezat në Sheshin Shën Pjetër në Vatikan mirëpritën rreth 50 krerë shtetesh dhe shumë anëtarë të familjeve mbretërore. Përveç çiftit Trump, pjesëmarrës ishin edhe figura të njohura si Mbreti Felipe VI i Spanjës, Mbreti Philippe i Belgjikës dhe Princi Albert i Monakos.

Për shkak të renditjes alfabetike sipas emrave në gjuhën frënge, Donald Trump u ul në një nga vendet më të dukshme, përpara shumë liderëve të tjerë botërorë, një detaj që tërhoqi vëmendjen.

Në të njëjtën kohë, Presidenti i Ukrainës, Volodymyr Zelensky, që ishte pozicionuar më larg nga Trump, u prit me duartrokitje spontane nga të pranishmit teksa largohej nga vendi ku ndodhej arkivoli.

Ndërkohë, presidenti aktual amerikan Joe Biden, i cili ndoqi ceremoninë në mënyrë private dhe jo si përfaqësues zyrtar i SHBA-së, ishte ulur më në fund të sektorit të rezervuar për mysafirët e nderuar, larg Donald Trump. Kjo zgjedhje theksoi si dinamikat politike aktuale, ashtu edhe përkushtimin personal të Biden ndaj fesë katolike.

Megjithëse marrëdhëniet ndërmjet Donald Trump dhe Papa Françeskut kanë qenë shpesh të tensionuara gjatë presidencës së tij, veçanërisht për çështjet e emigracionit, pjesëmarrja e Trump në këtë ceremoni nderonte ndikimin e gjerë që Papa ka pasur në skenën botërore. /Telegrafi/

The post Melania Trump duket me stil edhe në varrimin e Papës – me fustan të zi e shami mbi kokë bën homazhe në Vatikan appeared first on Telegrafi.

Presidenti i SHBA-së Donald Trump dhe gruaja e tij Melania janë larguar nga Uashingtoni DC me Air Force One, duke u nisur për në Romë për të marrë pjesë në funeralin. Ai është një nga shumë personalitete të huaja që do të shkojnë në shërbim në Vatikan nesër, duke përfshirë paraardhësin e tij Joe Biden dhe gruan e tij Jill.

Në ceremoninë mortore në nder të Papa Françeskut do jenë dhe shumë figura të shquara dhe liderë të globit: Kryeministri i Mbretërisë së Bashkuar Keir Starmer, PrinciWËilliam, Presidenti i Brazilit Luiz Inácio Lula da Silva, Presidenti i Filipineve Ferdinand Marcos Jr, Presidenti i Ukrainës, Volodymyr Zelensky./abcnews.al

Nga Lutfi Dervishi Sikur Melania të ishte me origjinë shqiptare, vendi sot do të ishte në festë. Politika, akademia dhe shoqëria civile do të mobilizoheshin për të festuar këtë ngjarje madhore, duke harruar për disa ditë ngjarjet e mëdha të ditës si Primaret në PD dhe tërheqjen e Alibeut nga rekursi në Gjykatën e Larte. […]

The post Melania, krenaria kombëtare shqiptare appeared first on BoldNews.al.

MemeCoin Melania Trump ka pësuar dështim total dhe sot ka rënë nën pragun e një dollarit për herë të parë që nga prezantimi i tij.

Në momentin kur është shkruar ky artikull, ai po tregtohet me çmimin rreth 99 cent, që përfaqëson një rënie prej mbi 93 përqind nga vlera rekord prej 13.73 dollarë për kriptomonedhë.

Analistët financiarë dhe të kriptomonedhave e cilësojnë këtë si një nga kolapset më dramatike të kriptomonedhave këtë vit, çka ka sjellë akuza ndaj presidentit amerikan, Donald Trump dhe gruas së tij për manipulim të tregut, tregti nga brenda dhe lidhje me kriptomonedha të tjera kontroverse.

Lexo po ashtu Bien 'drastikisht' vlerat e kriptovalutave - pse po ndodh kjo?

Një ditë para inaugurimit të Trump si president, më 19 janar të këtij viti, Melania Trump prezantoi një kriptomonedhë me emrin $MELANIA në blockchain-in Solana, raportojnë mediat.

Kriptomonedha e saj u promovua si “objekt koleksionimi digjital”, jo si një investim, por çmimi u rrit shpejt me një shkallë të pabesueshme prej 24 mijë për qind brenda disa orëve nga prezantimi, duke arritur një vlerë të tregut mbi 2 miliardë dollarë.

Analistët e blockchainit identifikuan disa probleme në lidhje me memecoin-in e Melanisë menjëherë pas prezantimit. Për të shmangur terminologjinë komplekse financiare që përdoret në tregtimin e kriptomonedhave, token-i $Melania mund të përshkruhet më mirë si karta koleksionuese në edicion të kufizuar.

Në momentin e prezantimit, për blerje ishin të disponueshme rreth 200 milionë karta, por brenda disa ditësh ky numër u dyfishua në rreth 537 milionë. Përkthyer, kjo është si të zbuloni që një kartë koleksionuese e rrallë që keni blerë, në fakt nuk është aq e rrallë, pasi krijuesi ka krijuar më shumë prej saj.

Vetëm një përqindje e vogël ka qenë në dispozicion për t’u shitur publikisht, ndërsa njerëzit nga ekipi i Melanisë mbajtën shumicën për vete. Thjesht, këto probleme sugjerojnë se $Melania nuk u krijua dhe nuk u prezantua për të përfituar investitorët e zakonshëm, por për të pasuruar ata që e krijuan.

Në kundërshtim me kriptomonedhat tradicionale si Bitcoin, të cilat kanë për qëllim të shërbejnë si para digjitale ose për qëllime të tjera funksionale, memecoin-et zakonisht krijohen si shaka ose trende online pa ndonjë përdorim të vërtetë në botën reale.

Lexo po ashtu Hakimi më i madh në histori - vidhen 1.5 miliard euro kripto

Ato zakonisht lindin nga meme-t online, trende virale ose figura të njohura dhe nuk kanë qëllim të sjellin teknologji inovative ose të zgjidhin probleme specifike. Shpesh kanë emra humoristikë dhe paraqesin një segment shumë të paparashikueshëm të tregut të kriptomonedhave.

Çmimet e tyre shpesh ndryshojnë drastikisht, pasi janë në masë të madhe të bazuara në trende nga rrjetet sociale dhe mbështetje nga figura të famshme, e jo në vlerën e tyre reale dhe intrinseke.

“Memecoin-et në të vërtetë janë tokena digjitalë të krijuar për argëtim ose spekulim, e jo për të zgjidhur ndonjë problem të vërtetë”, tha Nigel Green, CEO i kompanisë këshilluese deVere Group. /Telegrafi/

The post Bie në mënyrë drastike çmimi i kriptovalutës së Melanias – gjithçka duket si një grabitje e madhe appeared first on Telegrafi.

Ish-zonja e parë Melania Trump do të marrë një rol më të spikatur gjatë mandatit të dytë të bashkëshortit të saj Donald Trump si president i Shteteve të Bashkuara, pasi arriti një marrëveshje shumë milionëshe me Amazon për të publikuar një dokumentar për jetën e saj.

Sipas raportimeve, marrëveshja e Melania Trump është për 40 milionë dollarë dhe ajo shpreson të marrë të paktën 28 ​​milionë dollarë. Sipas Wall Street Journal, ajo do të kërkojë gjithashtu të fitojë më shumë para duke shitur sponsorizime për projektin, i cili pritet të dalë në kinema dhe në platformën e transmetimit Amazon Prime në fund të vitit 2025.

Drejtuesit e lartë të kompanive thuhet se u tha se mund të shfaqeshin me një emër të veçantë në fund të filmit dokumentar për një çmim prej të paktën 10 milionë dollarësh, si dhe të ftoheshin në premierë, sipas Radaronline.com.

Amazon konkurroi me platforma të tjera transmetimi për të marrë përsipër dokumentacionin që do të ketë nga dy deri në tre episode dhe do të ndjekë Melania Trump, dhe investimi prej 40 milionë dollarësh për të marrë të drejtat, sipas Journal, është më i madhi që gjigandi i tregtisë elektronike ka shpenzuar për një dokumentar, duke trefishuar ofertën e konkurrentëve të tjerë të tij.

Kjo marrëveshje e arritur nga kompania e Jeff Bezos vjen pasi manjati është treguar më i afërt me Donald Trump, pas mosmarrëveshjeve të tyre në administratën e tij të parë, madje në dhjetor ai shkoi për darkë me presidentin në rezidencën e tij në Mar-a-Lago.

The post Shuma e madhe e parave që Melania Trump do të fitojë nga dokumentari për jetën e saj appeared first on iconstyle.al.

Miliarderi Elon Musk pati një deklaratë të papritur për presidentin amerikan Donald Trump.

“Unë e dua Donald Trumpin aq sa një njeri straight mund të dojë një burrë tjetër”, shkroi CEO i Tesla në X.

I love @realDonaldTrump as much as a straight man can love another man

— Elon Musk (@elonmusk) February 7, 2025

Djali i Trumpit, Donald Trump Jr, ka reaguar duke qeshur, ndërsa përdoruesit kanë vërshuar platformën me shaka.

Një përdorues i kujtoi atij se Dita e Shën Valentinit ishte ende disa ditë larg.

Dikush e quajti atë “romanca më e madhe në histori”, shkruan yahoonews, përcjell Telegrafi.

https://t.co/QZwRFpRvWZ

— Donald Trump Jr. (@DonaldJTrumpJr) February 7, 2025

Ndërsa në një konferencë në Shtëpinë e Bardhë së bashku me kryeministrin japonez Shigeru Ishiba, reporteri i Fox News Peter Doocy shfrytëzoi rastin për të pyetur Trumpin në lidhje me postimin e Musk.

“Elon Musk thotë se unë e dua Donald Trumpin aq sa një burrë straight mund të dojë një tjetër. Çfarë mendon Zonja e Parë për këtë?”, u pyet Trumpi.

Me buzëqeshjen e tij Trump e hodhi poshtë pyetjen.

“Oh, mendoj se ajo do të jetë mirë me të… disi.”

Ndryshe, deklarata e Musk vjen pasi ai forcoi pozicionin e tij si një aleat kyç i Trumpit disa javë pasi 78-vjeçari u kthye në Shtëpinë e Bardhë.

Miliarderi dhuroi mbi 100 milionë dollarë për kauzat republikane, mori pjesë në fushata dhe mori një rol me ndikim në formësimin e politikave të administratës. /Telegrafi/

The post ‘Pushtohet’ interneti me reagime pas deklaratës së papritur të Musk: E dua Trumpin aq sa një straight mund të dojë një burrë tjetër appeared first on Telegrafi.

Portreti zyrtar i zonjës së parë të Shteteve të Bashkuara të Amerikës, Melania Trump, është publikuar këtë të hënë, ku shfaqet teksa pozon e mbështetur në një tavolinë në Shtëpinë e Bardhë.

Fotoja është realizuar nga fotografi Regine Mahaux dhe thuhet se e bëri më 21 janar 2025.

Ajo shihet duke pozuar e mbështetur në një tavolinë dhe për atë rast ka veshur një xhaketë Dolce & Gabbana që mund të gjendet në dyqanet online për një çmim prej gati tre mijë eurosh.

First Lady Melania Trump’s Official White House Portrait pic.twitter.com/pMdooFZW53

— First Lady Melania Trump (@FLOTUS) January 27, 2025

Portretet e Presidentit Donald Trump dhe Zëvendës Presidentit JD Vance u publikuan në fillim të këtij muaji përpara inaugurimit.

Lexo po ashtu Të gjitha lajmet nga Melania Trump

Melania Trump mori pjesë në eventet e inaugurimit dhe tërhoqi veçanërisht vëmendjen me zgjedhjet e saj të modës. Së pari, në ceremoninë e betimit, ajo kishte veshur një pallto blu të errët, së bashku me një kapele të stilistit amerikan Adam Lippes.

The official portrait of First Lady Melania Trump was unveiled by the White House Today.
The image, released in black and white, was taken in the residence by photographer Régine Mahaux. pic.twitter.com/rEeCO64Sh2

— Remoulade Sauce (@Remisagoodboy) January 27, 2025

Për ballot inauguruese të mbrëmjes, ajo kishte veshur një fustan bardh e zi të dizenjuar nga stilisti i saj i vjetër Herve Pierre.

Melania dhe Donald festuan 20 vjetorin e martesës javën e kaluar. /Telegrafi/

The post Publikohet portreti zyrtar i Melania Trump, pozon me një xhaketë në vlerë afro tre mijë euro appeared first on Telegrafi.

Melania Trump është një tjetër emër që po del në pah në Shtetet e Bashkuara të Amerikës. Zonja e parë ka qenë tashmë zonja e parë në një legjislaturë të mëparshme, por tani ajo është përsëri. Dhe në moshën 54-vjeçare ajo shquhet për mungesën e rrudhave. Imazhet e saj vazhdojnë të tronditin. Po bëhen të ditura detaje se çfarë bën ajo për të trajtuar lëkurën e saj dhe për t’u dukur si njëzet e ca.

Rezulton se ajo po e fiton ‘betejën’ kundër rrudhave dhe plakjes… Nëse bie në sy për diçka, kjo është për dashurinë e saj për prekjet estetike, siç i bën ato me një rregullsi dhe shije.

Ajo e la shkollën për t’u futur në botën e pasarelave. Palestra ishte gjithashtu pjesë e përditshmërisë së saj vite më parë. Bisturia është ajo që përpiqet ta rinojë dhe ajo nuk ka hezituar asnjëherë ta perdorë. Qoftë një rinoplastikë, operacion gjoksi, edhe sytë e saj. Me sa duket, më parë ishin më të rrumbullakëta dhe tani priren të jenë më të pjerrëta.

Për gjithë këtë, ajo i është drejtuar toksinës botulinum. Në këtë mënyrë lëkura zbutet dhe rrudhat zhduken. Dhe kjo arrihet me stimuluesit e kolagjenit me bazë acidin hialuronik.

The post Sekreti i Melania Trump: ajo është 54, por duket si një 20-vjeçare appeared first on iconstyle.al.

Presidenti i sapozgjedhur i ShBA-së, Donald Trump dhe zonja e parë Melania Trump vizituan zonat e Los Angelesit, të cilat u shkatërruan nga zjarret dhe shumë shpejt në rrjetet sociale filloi të shpërndahej një regjistrim i bisedës së Melanias me një nga viktimat.

Gjegjësisht, gjatë vizitës ata vendosën të bisedojnë drejtpërdrejt me njerëzit që kanë mbetur pa shtëpi. Njëra prej tyre ishte një grua, e cila, duke gjykuar nga gjuha që fliste, ishte me origjinë nga rajoni ballkanik.

Edhe pse mediat amerikane më së shumti shkruanin se bëhej fjalë për gjuhën sllovene, pasi Melania është me origjinë nga Sllovenia, shumica e përdoruesve të rrjeteve sociale menduan se nuk bëhej fjalë për sllovenishten, por për ndonjë gjuhë tjetër.

Melania Trump confused everyone present during a visit to families whose homes burned down in the California fires.
What language does he speak , everyone wondered. pic.twitter.com/wn2c2gWHyd

— Sprinter Observer (@SprinterObserve) January 25, 2025

Përderisa zonja flet pak më fort ku vihet re se nuk është gjuha sllovene, Melania dukej sikur po ndërthurte gjuhë të ndryshme me një theks të pazakontë.

Në fillim të bisedës së tyre, zonja dëgjohet duke i përshëndetur dhe Melania Trump përgjigjet me “Mirëdita, si jeni?”.

Pas kësaj, zonja i falenderon për ardhjen dhe vazhdon të flasë në gjuhën e saj amtare dhe shprehet se jeton në Cali që në moshën 10-vjeçare. Më pas ajo u përgjigjet pyetjeve të Melanias, duke u shprehur se ka pasur ditë më të mira, i tregon se ku kanë jetuar, prezanton ajo tek burri i saj dhe në fund i thotë se ka dy djem.

Melania Trump speaks Slovenian to victims of the Pacific Palisades fires in Los Angeles.

A historic moment. pic.twitter.com/G3DFXdPTfS

— johnny maga (@_johnnymaga) January 25, 2025

Ndërsa disa e siguruan se ai fliste saktësisht gjuhën e tyre, shumica ishin të hutuar. Megjithatë, shumë ishin të kënaqur me lëvizjen e saj humane dhe faktin që ajo iu drejtua viktimave në një gjuhë që ata e kuptonin.

“Nuk është sllovene, ishte ose kroate, serbe ose boshnjake. Nëse më duhej të merrja me mend, mendoj se theksi është boshnjak”, “Nuk dëgjova mirë, por më duket se ajo flet serbokroatisht me theks slloven” “Këta flasin serbisht me të, dhe ajo më duket se e kupton atë”, ishin disa nga komentet.

Meqë ra fjala, mediat amerikane më parë shkruanin se Melania Trump në fakt ka një dashuri të madhe për gjuhët e huaja dhe se flet deri në gjashtë gjuhë. Siç duket, ajo ka aftësinë për të mësuar gjuhët shpejt, dhe deri më tani, përveç anglishtes dhe sllovenishtes, ka mësuar edhe frëngjisht, gjermanisht, italisht dhe serbisht. /Telegrafi/

The post “Ajo po flet sllovenisht, kroatisht apo serbisht” – një video e Melania Trumpit bëhet temë diskutimi në internet appeared first on Telegrafi.