Policia e Shtetit sërish ka apeluar për kujdes të shtuar pas situatës së krijuar në Shqipëri si pasojë e stuhisë dhe shirave.

Policia thekson se si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

“Nisur nga moti i keq me erë të fortë, shi e stuhi në disa qarqe të vendit, Policia e Shtetit apelon edhe njëherë për të gjithë përdoruesit e rrugës që të tregojnë kujdes maksimal dhe të respektojnë me rigorozitet rregullat e qarkullimit rrugor.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Drejtuesit e automjeteve dhe motomjeteve të qarkullojnë ngadalë, po ashtu edhe këmbësorët të tregojnë kujdes nga rënia e inerteve, pemëve apo sendeve nga lartësitë e pallateve”, thuhet në njoftim.

Policia thekson tutje se punonjësit e Policisë në të gjitha Drejtoritë Vendore të Policisë janë prezentë kudo në terren, për të ofruar ndihmë dhe mbështetje qytetarëve, për shkak të motit të keq.

“Qytetarët dhe përdoruesit e rrugës të bashkëpunojnë me Policinë, në rastet e bllokimit të rrugëve apo problemeve të tjera për shkak të motit të keq, me qëllim koordinimin e veprimeve me gjithë strukturat e tjera shtetërore. Telefononi në 112 për çdo rast nevoje dhe respektoni udhëzimet e Policisë”, thuhet në njoftim. /Telegrafi/

The post Moti i keq në Shqipëri, Policia e Shtetit sërish me apel për kujdes appeared first on Telegrafi.

Stuhia e fortë dhe reshje të dendura shiu që përfshiu ditën e sotme Shqipërinë, veç dëmeve materiale dhe pemëve të rrëzuara, kanë ‘prekur’ drejtpërdrejt edhe qytetarët.

Burime për A2 CNN bëjnë me dije se deri më tani në spitalin e Traumës janë paraqitur 20 pacientë, 10 prej të cilëve po vijojnë të marrin shërbim mjekësor atje.

Këta persona janë lënduar pasi janë goditur nga sende të forta, të cilat kanë fluturuar në ajër ditën e sotme për shkak të erës së fortë.

Lexo po ashtu Stuhi e fortë dhe shirat përfshijnë Shqipërinë, era ‘merr çfarë i del para’

Ndërkohë, kujtojmë se disa qytete u ‘zhytën’ totalisht nën ujë, nga reshjet e dendura të shiut që shoqëruan stuhinë e erës, shkruan A2 CNN.

Institucionet e ndryshme u kanë bërë thirrje qytetarëve që të shmangin lëvizjet e panevojshme dhe drejtuesve të automjeteve që të rrisin vigjilencën.

The post Erërat e forta në Tiranë, 20 persona të lënduar paraqiten në Spitalin e traumës appeared first on Telegrafi.

Një stuhi e fuqishme ka përfshirë Shqipërinë, duke shkaktuar ndërprerjen e përkohshme të fluturimeve në Aeroportin Ndërkombëtar të Tiranës “Nënë Tereza”.

Pista është përfshirë nga erë dhe shi i fortë, duke bërë të pamundur operimin normal të fluturimeve.

Autoritetet kanë ndërprerë aktivitetin deri në përmirësimin e kushteve atmosferike.

Në pamjet e siguruara nga Euronews Albania tregojnë pasagjerë që presin fluturimet, ndërsa terminali është mbushur me njerëz.

Stuhia ndërpret përkohësisht fluturimet në aeroportin e Rinasit
Një stuhi e fuqishme ka përfshirë Shqipërinë, duke shkaktuar ndërprerjen e përkohshme të fluturimeve në Aeroportin Ndërkombëtar të Tiranës “Nënë Tereza”. pic.twitter.com/DxdiVSFZ2N

— Euronews Albania (@EuronewsAlbania) August 30, 2025

The post Stuhia ndërpret përkohësisht fluturimet në aeroportin e Rinasit appeared first on Telegrafi.

Lidhja Demokratike e Kosovës nuk do të marrë pjesë në mbledhjen e së hënës të ftuar nga kryetari i Kuvendit të Kosovës, Dimal Basha.

Kështu tha deputetja e kësaj partie, Hykmete Bajrami pas dështimit të zgjedhjes së nënkryetarit të Kuvendit nga radhët e komunitetit serb dhe përmbylljes së seancës konstituive.

Bajrami e ka quajtur shkelje flagrante të Kushtetutës së Kosovës mbylljen e seancës konstituive.

“Ishit dëshmitarë të një shkelje flagrante të Kushtetutës, ku kryetari i sapo zgjedhur i Kuvendit të Kosovës mbylli seancën konstituive pa të drejtë sepse rregullorja e thotë qartë që Kuvendi konstituohet dhe seanca konstituive mbyllet vetëm në rastin kur zgjedhet kryetari dhe zgjidhen të gjithë nënkryetarët.

LDK nga dita e parë ka refuzuar në votimin ndaras për arsye se është e qartë tani më edhe në pikën 4 të vendimit të fundit të Gjykatës Kushtetuese ku ne urdhërohemi që të vazhdojmë konstituimin e Kuvendit sipas agjendës së dakoduar më 8 prill ku kanë qenë të përfaqësuar të gjitha partitë parlamentare”, tha ajo, raporton kp.

Deputetja nga radhët e LDK-së, tha se është e qartë se kush është bllokuesi. Sipas saj, në mungesë të numrave për të krijuar qeverinë e re, Albin Kurti po vazhdon me këtë bllokadë.

The post ​Bajrami: LDK nuk merr pjesë në takimin e së hënës appeared first on Telegrafi.

Stuhia e madhe që ka përfshirë vendin këtë të enjte ka sjellë largimin e pushuesve nga plazhet e Durrësit dhe Vlorës.

Euronews Albania ka siguruar pamje të situatës në plazhe, ku shihet se pushuesit janë larguar nga shiu dhe era e fortë.

Për shkak të largimit të pushuesve në Vlorë është krijuar dhe trafik i rënduar.

Stuhia largon pushuesit nga plazhet, si paraqitet situata në Durrës dhe Vlorë pic.twitter.com/Z59gI2CfSF

— Euronews Albania (@EuronewsAlbania) August 30, 2025

The post Stuhia largon pushuesit nga plazhet e Shqipërisë appeared first on Telegrafi.

Deputeti i Lidhjes Demokratike të Kosovës, Arben Gashi tha se vendi është në bllokadë institucionale si pasojë e dëshirës së Lëvizjes Vetëvendosje për ta bllokuar Kuvendin e Kosovës.

Ai para nisjes së seancës konstituive tha se bllokada nuk është kushtetuese, por politike.

“Bllokada në vete nuk është kushtetuese, por është politike dhe qëllimi është politik.. procedura që është ndjekur qëllimi politik me përdorë procedurën për bllokim të Kuvendit është i Lëvizjes Vetëvendosje ata nuk kanë dashur me zgjedh as kryetarin e Kuvendit dhe tash e kanë gjetur dhe kanë dashur me bindje të plotë edhe kanë dashur me bllokua edhe të nënkryetarëve shqiptar procedurën e konstituimit të Kuvendit dhe tash e kanë gjetur një pikë ku mund të krijojnë më shumë simpati popullore duke bllokuar tek pika e Listës Serbe….

Kanë qenë pikërisht deputetët e Vetëvendosjes që kanë insistuar që udhëzimet të kenë fuqi detyruese, dhe tani po e përdorin këtë instrument kundër interesave të Kosovës, instrument që nuk është dashur të ekzistojë në këtë formë”, ka deklaruar Gashi, raporton kp.

Gashi ka akuzuar Lëvizjen Vetëvendosje se ka plan për bllokim të institucionet të Kosovës, për çka tha se cili është përfitimi nuk e dinë.

The post ​Gashi fajëson LVV: Ka plan bllokimin institucional, përfitimin nuk e di appeared first on Telegrafi.

Presidentja e Kosovës, Vjosa Osmani, ka bërë thirrje për konstituim sa më të shpejtë të Kuvendit dhe formim të qeverisë së re.

Ajo këto komenti i bëri pas homazheve te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë, ndërsa theksoi se formimi i institucioneve të reja është një urgjencë.

Lajmi në përditësim…

The post ​Osmani kërkon zgjidhje të shpejtë për konstituimin e Kuvendit appeared first on Telegrafi.

Organizata e Veteranëve të Luftës së UÇK-së i ka shkruar letër zyrtare deputetëve të Kuvendit të Kosovës dhe shefave të grupeve parlamentare, ndërkaq kërkuan të iniciohet procedura për shkarkimin e Dimal Bashës, nga pozita e kryetarit të Kuvendit të Kosovës.

OVL e UÇK në këtë letër kanë shprehur siç thonë “shqetësimin dhe indinjatën e thellë për publikimin e hulumtimeve dhe shkrimeve të bashkautoruara nga Kryetari aktual i Kuvendit të Kosovës, z. Dimal Basha, ku Ushtria Çlirimtare e Kosovës është përshkruar në mënyrë denigruese si “milici e nëntokës e lidhur me banda kriminale dhe droge”.

“Ky qëndrim përbën një fyerje të rëndë për luftën tonë çlirimtare, për sakrificën e dëshmorëve dhe martirëve të kombit, si dhe për vetë themelet mbi të cilat është ngritur shteti i Kosovës. Një individ që ka mohuar dhe njollosur luftën e UÇK-së nuk gëzon më legjitimitet moral e politik për të përfaqësuar institucionin më të lartë përfaqësues të qytetarëve tanë”, thuhet në letër.

OVL e UÇK u ka bërë thirrje shefave të grupeve parlamentare që të marrin përgjegjësinë politike dhe institucionale për inicimin e procedurës së shkarkimit të z. Dimal Basha nga posti i Kryetarit të Kuvendit si dhe të veproni me urgjencë, duke mos lejuar që Kuvendi i Republikës së Kosovës të drejtohet nga një person me qëndrime të tilla fyese ndaj UÇK-së dhe historisë sonë të lavdishme.

“OVL-UÇK thekson se kjo kërkesë nuk është thjesht një qëndrim politik, por një obligim ndaj së vërtetës historike dhe sakrificës së popullit të Kosovës për liri. Deputetët e Kuvendit, të zgjedhur nga qytetarët, kanë për detyrë të mbrojnë këtë vlerë dhe të garantojnë që në krye të institucionit më të lartë demokratik të vendit të mos qëndrojë dikush që e ka njollosur luftën çlirimtare”, thuhet në letër. /Telegrafi/

The post OVL e UÇK-së i shkruan letër zyrtare deputetëve, kërkon të iniciohet procedura e shkarkimit të Dimal Bashës appeared first on Telegrafi.

Policia e Kosovës ka njoftuar për një rast të dhunimit në tentativë në Vushtrri.

Në raportin policor bëhet e ditur se i dyshuari e kishte kanosur viktimën.

“Është arrestuar i dyshuari mashkull kosovar, pasi që i njëjti ka tentuar të kryej veprën e lartcekur ndaj viktimën femër kosovare. Po ashtu i dyshuari e kishte kanosur viktimën”, thuhet në raport.

Lidhur me rastin është informuar prokurori.

Pas intervistimit, me vendim të prokurorit i dyshuari lirohet në procedurë të rregullt. /Telegrafi/

The post Tentoi ta dhunojë një grua dhe e kanosi, i dyshuari me vendim të prokurorit lirohet në procedurë të rregullt appeared first on Telegrafi.

Policia e Kosovës ka njoftuar për një rast të degradimit të integritetit seksual.

Rasti ka ndodhur në Prishtinë.

“27.08.2025-19:30. Ankuesja femër kosovare, e mitur ka raportuar se deri sa ishte ulur afër një parkingu një person i moshës madhore kishte bërë veprime të pahijshme”, thuhet në raport.

E njëjta ka raportuar se është ndier e frikësuar dhe e rrezikuar. /Telegrafi/

The post “Veprime të pahijshme”, e mitura në Prishtinë raporton rastin në Polici për degradim të integritetit seksual appeared first on Telegrafi.

Është vetëdorëzuar në polici Ndoc Maçaj, autori i dyshuar i vrasjes së ndodhur në fshatin Abat, pjesë e njësisë administrative Shalë.

Ndoc Maçaj, me detyrë kryeplak i fshatit, është paraqitur në polici së bashku me armën e krimit, me të cilën dyshohet se është kryer vrasja.

Por, si ndodhi ngjarja?

Dyshohet se pak momente para ngjarjes, autori dhe Piro Prroni janë konfliktuar për motive të dobëta.

Sipas hetimeve paraprake, dyshohet se Prroni ka tentuar ta godasë me thikë, ndërsa Maçaj ka reaguar duke nxjerrë armën e zjarrit – një pistoletë – me të cilën e ka qëlluar me një plumb në kraharor, i cili i ka shkaktuar vdekjen.

Autori dhe viktima janë të afërm, ndërsa aktualisht dyshohet se konflikti ka ndodhur për parcela me bimë narkotike, raporotn euronews.al.

Policia po vijon hetimet për dokumentimin e plotë të ngjarjes.

Në njoftimin zyrtar thuhet:

Vijojnë veprimet hetimore për zbardhjen dhe dokumentimin e rrethanave dhe shkakut të vrasjes së 61-vjeçarit, mbrëmjen e djeshme, në fshatin Abat.

Dyshohet se vrau me armë zjarri pistoletë 61-vjeçarin, për motive të dobëta. Arrestohet 58-vjeçari, i cili u vetëdorëzua disa orë pas ngjarjes, bashkë me armën e krimit.”

Specialistët e Sektorit për Hetimin e Krimeve ndaj Personit kanë vënë në pranga shtetasin N.M., 58 vjeç, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

Në vendin e ngjarjes janë gjetur dhe sekuestruar: dy gëzhoja pistolete dhe dy mjete prerëse (një thikë dhe një kmesë).

Materialet procedurale i kanë kaluar Prokurorisë për veprime të mëtejshme.

The post Vrau të afërmin me armë zjarri, dorëzohet kryeplaku i fshatit Abat në Shkodër appeared first on Telegrafi.

Një ditë më parë u bë e ditur se Bashkimi Evropian ka pezulluar mbajtjen e takimeve me kryeministrin në detyrë Albin Kurti dhe me ministrat e kabinetit të tij brenda ndërtesës së Qeverisë së Kosovës, deri në formimin e një qeverie me mandat të plotë.

Në një letër drejtuar Kurtit më 8 gusht 2025, shefi i Zyrës së BE-së në Kosovë dhe Përfaqësuesi i Posaçëm i BE-së, Aivo Orav, ka theksuar se ky vendim pason aktgjykimin e Gjykatës Supreme të Kosovës të 25 qershorit, e cila shpalli të pavlefshëm një udhëzim administrativ të Ministrisë së Financave, duke u thirrur në nenin kushtetues që ndalon ushtrimin e njëkohshëm të funksioneve ministrore dhe parlamentare.

“Ky vendim riafirmon përkushtimin tonë ndaj sundimit të ligjit, llogaridhënies demokratike dhe integritetit institucional. Vizitorët e nivelit të lartë nga BE-ja dhe shtetet anëtare përkohësisht do të përmbahen nga takimet brenda ndërtesës së Qeverisë së Kosovës, derisa të formohet një qeveri e re,” thuhet në letrën e Oravit që ka siguruar Telegrafi.

Ai ka shtuar se qëllimi i këtij vendimi është shmangia e pasigurive dhe keqinterpretimeve, siç kishte ndodhur gjatë vizitës së fundit të përfaqësuesit të posaçëm të BE-së për dialogun Kosovë-Serbi.

Megjithatë, BE-ja thekson se mbetet plotësisht e përkushtuar ndaj Kosovës dhe se bashkëpunimi me homologët përkatës në fusha kyçe do të vazhdojë.

“Shpresojmë që një qeveri me mandat të plotë të formohet pa vonesa të tjera, në mënyrë që të rifillojmë bashkëpunimin e plotë dhe të thellojmë më tej marrëdhëniet tona politike dhe ekonomike,” përfundon letra e BE-së.

E lidhur me këtë kanë reaguar nga Qeveria e Kosovës.

Zëdhënësi i Qeverisë në detyrë, Përparim Kryeziu ka thënë se Kurti mbetet kryeministër në detyrë i Republikës së Kosovës dhe se Kryeministria është vendi i tij i punës.

“Kushdo që kërkon takim me kryeministrin në detyrë të Republikës së Kosovës duhet të vijë në vendin ku punon kryeministri. Gjithsesi, kjo nuk do të thotë se nuk mund të zhvillohen takime pune edhe jashtë zyrës së tij, por për këtë duhet të ketë dakordim të palëve”.

“Takime jashtë mjediseve të Kryeministrisë kanë ndodhur edhe në të kaluarën, edhe kur ai ka qenë me mandat të plotë,” tha Kryeziu për media.

Lidhur me këtë ka reaguar edhe ish-këshilltari i kryeministrit Kurti, Shkëlzen Gashi, i cili ka kërkuar një qasje më të ashpër ndaj Brukselit.

“Kryeministri i Kosovës, nëse ka këllqe, duhet me i thanë Zyrës së BE-së në Kosovë: brenda ndërtesës së Qeverisë së Kosovës ju pres veç kur ta njihni Kosovën shtet të pavarur e sovran”, ka shkruar Gashi. /Telegrafi/

The post Pezullimi i takimeve nga BE-ja me Kurtin dhe ministrat në detyrë deri në formimin e institucioneve, reagimi nga ekzekutivi dhe deklaratat appeared first on Telegrafi.

Shqipëria të premten do të ndikohet nga kushte atmosferike të qëndrueshme. Orët me diell do të mbizotërojnë në pjesën më të madhe të vendit.

Shërbimi Meteorologjik Ushtarak bën të ditur se era do të fryjë me drejtim nga kuadrati i jugut  me shpejtësi mesatare 7 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi deri në 12 m/s.

Deti – Valëzimi forcës 1-2 ballë. /Telegrafi/

The post Parashikimi i motit në Shqipëri appeared first on Telegrafi.

Instituti Hidrometeorologjik bën të ditur se sot në Kosovë do të mbajë mot me diell.

IHK njofton se temperaturat minimale do të lëvizin ndërmjet 10 dhe 13°C, ndërkaq maksimalet e ditës do të jenë nga 28 deri në 36 gradë Celsius.

Era do të fryjë e lehtë deri mesatare nga drejtimi i jugperëndimit. /Telegrafi/

The post Mot me diell, temperaturat deri në 36 gradë appeared first on Telegrafi.

Kuvendi i Kosovës nuk i dha mbështetje Branislav Nikoliqit për nënkryetar të Kuvendit nga radhët e serbëve.

Emri i Nikoliqit doli në votim me short. Nikoliq nuk kishte asnjë votë për, kundër 55 dhe abstenim 25.

Votat në raundin e parë të votimit nuk i mori as Zllatan Ellek.

Për nuk kishte asnjë votë, kundër 54 dhe 19 abstenime.

Kuvendi po vazhdon me punimet, ku përmes shortit po votohet për kandidatët për nënkryetar të Kuvendit nga serbët. /Telegrafi/

The post Branisllav Nikolliq dhe Zllatan Ellek nuk i marrin votat për nënkryetar të Kuvendit, vazhdon shorti për të tjerët appeared first on Telegrafi.

Kryetari i Nismës Socialdemokrate, Fatmir Limaj tha se kryetari i Kuvendit, Dimal Basha me publikimin e tij ka shtrembëruar të dhëna për vendin  vetëm për ta botuar siç tha gjoja një artikull shkencor.

Limaj tha se kjo është shumë serioze dhe fyese, ndërkaq sipas tij, punime të tilla kanë pas në akuza të drejtpërdrejta nga organet ndjekëse.

“Është në përputhje të plotë me propagandën serbe”, tha ai.

I pyetur nëse duhet të iniciohet shkarkimi i Bashës, ai tha “ata që e kanë votuar duhet t’ia bëjnë vendin kësaj pune”. /Telegrafi/

The post Publikimi i Bashës, Limaj: Fyese e në përputhje me propagandën serbe, ata që e votuan t’ia bëjnë ‘vendin’ kësaj pune appeared first on Telegrafi.

Sot do të mbahet seanca konstituive e 59-të me radhë, ku pritet të bëhet zgjedhja e nënkryetarit të Kuvendit nga radhës e pakicës serbe.

Kjo pikë dështoi në seancën e së martës, pasi kandidatët nga radhët e serbëve nuk morën votat e nevojshme.

Fillimisht nga Lista serbe u propozua Slavko Simiq për nënkryetar të Kuvendit, por i njëjti nuk mori votat e nevojshme tri herë radhazi.

Pasi Simiq dështoi tri herë radhazi të votohet, Verica Çeraniq u përzgjodh me short që të votohet për shkak se Lista Serbe nuk propozonte tjetër kandidat përveç Simiqit.

Verica Çeraniq, në raundin e parë të votimit nuk mori asnjë votë për madje as nga kolegët e saj partiak, 51 vota ishin kundër dhe 20 abstenime.

Shorti u zhvillua edhe për disa deputetë tjerë të Listës serbe, por që nuk morën votat e nevojshme.

Pas disa tentativa radha për tu hedhur në votim ishte edhe e deputetit Nenad Rashiq. Por, as Rashiq nuk arriti të zgjidhet nënkryetar në raundin e parë.

Ai mori vetëm 55 vota për, 1 kundër dhe 17 abstenime.

Seanca do të vazhdojë sot në ora 11:00.

Ndryshe, të martën pas disa muajve të ngërçit politik kryetar i Kuvendit u zgjodh Dimal Basha. /Telegrafi/

The post Përpjekja e radhës për konstituim të Kuvendit, kush do të jetë nënkryetar nga radhët e serbëve? appeared first on Telegrafi.

Pjesa e parë e ditës parashikohet të jetë nën mbizotërimin e motit të kthjellët në të gjithë territorin shqiptar.

Ndërsa orët e pasdites dhe mbrëmjes pritet të sjellin kalime të lehta të vranësirave në shtrirjen lindore dhe pjesërisht në qytetet e zonës së ulët.

Temperaturat e ajrit do të rriten si në mëngjes edhe në mesditë, duke luhatur vlerat ditore nga 14°C temperatura më e ulët deri në 37°C vlera më e lartë në rang vendi, shkruan tch.

Era do të fryjë mesatare, duke arritur shpejtësinë 35 km/h nga drejtimi kryesisht Veriperëndimor, kjo do të bëj që në brigjet detare të krijohet dallgëzim 2 ballë.

The post Moti i kthjellët dhe temperatura të larta në Shqipëri appeared first on Telegrafi.

Instituti Hidrometeorologjik bën të ditur se të enjten në Kosovë do të mbajë mot me diell.

IHK njofton se temperaturat minimale do të lëvizin ndërmjet 9 dhe 12 gradë Celsius, ndërkaq ato maksimale nga 27 deri në 33 gradë.

Instituti tutje njofton se era do të fryjë nga verilindja, 1–4 m/s. /Telegrafi/

The post Mot me diell, temperaturat deri në 33 gradë appeared first on Telegrafi.

Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Drejtësisë, Blerim Sallahu, ushtrues të detyrës së Ministrit të Drejtësisë.

Në njoftimin për media thuhet se Sallahu është emëruar në këtë pozitë pas zgjedhjes së Albulena Haxhiut në pozitën e nënkryetares së Kuvendit të Republikës së Kosovës.

“Kryeministri Kurti e uron z. Sallahu për përgjegjësinë e re dhe i dëshiron suksese në përmbushjen e detyrave”, thuhet në njoftim. /Telegrafi/

The post Blerim Sallahu caktohet ushtrues i detyrës së ministrit të Drejtësisë appeared first on Telegrafi.