Regjistrimet për nxënësit e klasave të para dhe klasave të dhjeta për vitin e ri shkollor do të jenë të hapura në platformën e-Albania deri më 1 shtator.

Kështu bëri të ditur nëpërmjet një postimi në rrjetet sociale ministrja e Arsimit dhe Sportit Ogerta Manastirliu, e cila iu bëri thirrje prindërve që të përfundojnë procesin e regjistrimit sipas afatit të përcaktuar.

“Lutemi në mirëkuptimin e në kërkesën për të përfunduar procesin e regjistrimit, përmes e-Albania, të fëmijës/fëmijëve në shkollë, sipas afatit të mësipërm, një proces që merr vetëm pak minuta nga koha e secilit”, nënvizon Manastirliu.

Viti shkollor nis më 8 shtator 2025 dhe përfundon më 12 qershor 2026.

Një i ri ka rënë në prangat e policisë së Tiranës, pasi ishte shpallur në kërkim për tentativë vrasje. Bëhet fjalë për shtetasin Kid Kazazi.

Bashkë me këtë të fundit u arrestua dhe Ferhat Kaja, i cili akuzohet se ka përkrahur autorin e tentativës për vrasje.

Kapet dhe ndalohet nga shërbimet e Komisariatit të Policisë Nr. 2, një 30-vjeçar me rrezikshmëri të lartë shoqërore, i shpallur në kërkim për vrasje në rrethana cilësuese, mbetur në tentativë dhe armëmbajtje pa leje.

Në pranga dhe 31-vjeçari Ferhat Kaja, pasi dyshohet se ka përkrahur dhe ndihmuar 30-vjeçarin Kid Kazazi të fshihej.

Sekuestrohen dy dokumente identifikimi të dyshuara të falsifikuara, municion luftarak dhe një automjet.

Si rezultat i këtij operacioni, në zonën e quajtur “Komuna e Parisit”, është lokalizuar dhe kapur shtetasi K. K., 30 vjeç, banues në Kavajë. Ky shtetas ishte shpallur në kërkim pasi Gjykata e Durrësit i ka caktuar masën e sigurimit personal “Arrest në burg”, për veprën penale “Vrasja në rrethana cilësuese”, mbetur në tentativë dhe “Armëmbajtja pa leje”. 30-vjeçari, me datë 30.05.2025, në Fllakë, për motive të dobëta, ka qëlluar me armë zjarri drejt një automjeti ku udhëtonin 3 shtetas.

Në vijim të operacionit është arrestuar dhe shtetasi F. K., 31 vjeç, i cili ndodhej bashkë me 30-vjeçarin në një automjet. Nga veprimet hetimore ka rezultuar se ky shtetas ka përkrahur dhe ndihmuar 30-vjeçarin të fshihej.

Në momentin e ndalimit 30-vjeçari i ka paraqitur punonjësve të policisë dy dokumente identifikimi(kartë Id dhe leje drejtimi) me të dhënat e një shtetasi tjetër, të dyshuara të falsifikuara. Ndërsa, gjatë kontrollit fizik 31-vjeçarit i gjetën një sasi municioni luftarak.

Shtetasi K. K, iu kalua DVP Durrës për veprime të metejshme.

Klajdi Zhilla, punonjës i IMT të Tiranës, i cili ishte shpallur në kërkim për marrëveshjen e ryshfetit prej 1 mijë eurosh, ka vendosur të dorëzohet në polici. Ai u paraqit mbrëmjen e së premtes, i shoqëruar nga avokati i tij mbrojtës, në drejtorine e policise se Tiranes . Zhilla u kërkua për një rast ryshfeti që lidhej me mosprishjen e një tende të një lokali në Kombinat, Tiranë.

Në momentin e ndërhyrjes së policisë, Zhilla arriti të largohej, por më pas u shpall në kërkim, si personi që mori paratë nga pronari i subjektit. Gjatë dëshmisë së tij, Zhilla ka pretenduar se nuk kishte dijeni se ishte shpallur në kërkim dhe se e kishte mësuar këtë informacion vetëm nga mediat.

Ndërkohë, autoritetet janë angazhuar në hetime për një tjetër inspektor të IMT-së, Geraldo Fuçia, i cili dyshohet të jetë kërkuesi i ryshfetit. Gjatë seancës dëgjimore në GJKKO, Fuçia ka mohuar akuzat, duke pretenduar se Klajdi Zhilla ishte ai që e mori ryshfetin dhe se ai vetë nuk kishte marrë pjesë në marrjen e parave. Megjithatë, GJKKO ka vendosur të mbajë në fuqi masën e sigurisë “arrest në burg” për Fuçian.

Rasti ka ardhur pas kallëzimit të bërë nga vetë pronari i lokalit, i cili ka akuzuar inspektorët e IMT-së se i kishin ofruar një marrëveshje për të mos i prishur tendën në këmbim të 1 mijë eurove. Policia ka nisur hetimet, me miratimin e SPAK-ut, dhe ka realizuar përgjime telefonike, për të simuluar dorëzimin e parave.

Në momentin që 1 mijë eurot iu dorëzuan Klajdi Zhilla, tre kolegët e tij ishin të pranishëm në një lokal tjetër në afërsi. Policia ndërhyri menjëherë, por Zhilla, i cili kishte marrë paratë, mundi të largohej me një automjet tip “Audi”. Ndërsa tre kolegët e tij, Geraldo Fuçia, një tjetër inspektor dhe menaxheri i lokalit, u ndaluan nga policia.

Në momentin e kontrollit të bërë në lokal, punonjësit e IMT-së përpiqen të fshehin paratë, duke i vendosur ato në një gotë në banakun e lokalit. Policia ka sekuestruar këto para, të cilat përputheshin me numrat serialë të kartëmonedhave që i ishin dhënë kallëzuesit. Përveç 1 mijë eurove, në lokalin ku u zhvillua operacioni u gjetën gjithashtu 3 mijë euro dhe 27 mijë lekë, që dyshohet se mund të jenë marrë nga subjekte të tjera për të shmangur veprimet e inspektorëve të IMT-së ndaj ndërtimeve të paligjshme.

Ndërkohë, dy të tjerët, një inspektor i IMT-së dhe menaxheri i lokalit që dyshohet se ka ndihmuar në fshehjen e parave, po hetohen në gjendje të lirë, ndërsa Zhilla dhe Fuçia vazhdojnë të përballen me akuza serioze që mund të çojnë në ndjekje penale për abuzim me detyrën dhe korrupsion.

Kryeministri Edi Rama ka publikuar sot, 30 gusht, pamjet nga shpërthimi i resortit te Kepi Rodonit, duke theksuar se puna për mbrojtjen e vendit nga abuzuesit vazhdon nga veriu në jug.

Rama saktëson se në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit dhe i është dorëzuar drejtësisë.

“Ca zëra në nisje të kësaj kthese të re thoshin “po pse Thethi e jo Jugu, po pse ashtu e jo kështu”, ndërkohë puna për mbrojtjen e vendit nga abuzuesit vazhdon në veri, jug dhe Shqipërinë e Mesme, ku konkretisht në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit e i është dorëzuar drejtësisë edhe si ish-drejtues i inspektorëve të Durrësit”, shkruan kreu i qeverisë.

Kryeministri nënvizon kështu se zbatimi i ligjit nuk njeh asnjë zonë.

Policia e Shtetit ka finalizuar një tjetër fazë të operacionit ndërkombëtar të koduar “The Wanted”, në bashkëpunim me partnerët ndërkombëtarë dhe në kuadër të përpjekjeve të vazhdueshme për kapjen e personave në kërkim ndërkombëtar.

Falë informacionit të siguruar nga Departamenti i Policisë Kriminale dhe shkëmbimit të menjëhershëm të të dhënave mes Interpol Tiranës dhe Interpol Madridit, u bë e mundur lokalizimi, kapja dhe arrestimi në Spanjë i shtetasit Algert Zeneli., 25 vjeç, lindur në Laç, i shpallur në kërkim ndërkombëtar.

Sipas hetimeve, Algert Zeneli akuzohet se në bashkëpunim me persona të tjerë, ka qenë i përfshirë në kultivimin e 10 900 bimëve narkotike të llojit Cannabis Sativa, në territorin malor të fshatit Kir, njësia administrative Pult, dhe pranë zonës turistike të Thethit në Shkodër.

Interpol Tirana, në bashkëpunim të ngushtë me autoritetet spanjolle dhe Interpol Madridin, po vijon punën për përmbylljen e procedurave ligjore që do të mundësojnë ekstradimin e shtetasit Algert Zenelidrejt Shqipërisë, ku do të përballet me drejtësinë.

Në krah të Xi Jinping në tribunën qendrore, Putin do të qëndrojë përkrah liderëve të Koresë së Veriut Kim Jong-un, Iranit dhe Kubës, një shfaqje simbolike e bllokut anti-perëndimor që po formëzohet gjithnjë e më qartë.

Sipas analistëve, fokusi kryesor i takimit do të jetë koordinimi i qëndrimeve mbi luftën në Ukrainë, në një kohë kur SHBA-të po bëjnë përpjekje për të ndalur konfliktin.

“Është moment i rëndësishëm për të diskutuar se ku po shkon lufta dhe nëse ka gjasa të ndalet së shpejti,” deklaroi Alexander Gabuev nga Carnegie Russia Eurasia Centre.

Ndërkohë, Moska kërkon të kuptojë nëse mund të mbështetet më tej te ndihma ekonomike e Kinës – veçanërisht përballë mundësisë që SHBA të kërkojnë nga Pekini të ushtrojë presion mbi Rusinë për të ndalur luftën.

Tregtia dhe energjia, çështje kyçe në axhendë

Tregtia mes Rusisë dhe Kinës ka arritur nivele rekord – mbi 240 miliardë dollarë në vitin 2024 – me Kinën që është bërë blerësi më i madh i naftës, qymyrit dhe së shpejti edhe i gazit rus, duke kaluar Europën si partner kryesor energjetik i Moskës.

Në Pekin pritet të diskutohet projekti i shumëpërfolur i gazsjellësit “Power of Siberia 2”, si dhe zgjerimi i lidhjeve ekzistuese të naftës drejt Kinës.

Bashkëpunimi ushtarak, alarm për Perëndimin

Edhe pse Kina nuk ka dhënë ndihmë të drejtpërdrejtë ushtarake për Rusinë, sipas zyrtarëve amerikanë, Pekini ka furnizuar rreth 70% të makinerive industriale dhe 90% të gjysmëpërçuesve që i duhen Moskës për të rindërtuar kapacitetin e saj ushtarak.

Në këmbim, Rusia dyshohet se ka ndarë me Kinën teknologji të ndjeshme ushtarake. Megjithatë, Pekini vazhdon të pretendojë neutralitet, duke e paraqitur veten si ndërmjetës në konflikt.

Simbolizëm dhe strategji: Rusia e Kina si “fitimtaret e historisë”

Analistët vënë në dukje rëndësinë e paradës ushtarake në Sheshin Tiananmen, ku Xi dhe Putin do të qëndrojnë përkrah – një pasqyrim i paradës së 9 majit në Moskë, ku lideri kinez ishte mysafir nderi.

“Rusia dhe Kina e shohin veten si fuqitë fituese të Luftës së Dytë Botërore – kjo ndjenjë e historisë së përbashkët i bashkon dhe forcon aleancën e tyre,” tha Vasiliy Kashin nga Akademia Ruse e Shkencave.

Koreja e Veriut, “molla e ndaluar” mes Pekinit dhe Moskës

Prania e Kim Jong-un në Pekin shihet si përpjekje e Kinës për të rikthyer ndikimin e humbur mbi Korenë e Veriut, pasi Pyongyangi është afruar shumë me Rusinë, duke dërguar trupa dhe marrë në këmbim armë të sofistikuara.

Trump i kujdesshëm, Kina luan me kohën

Administrata Trump ka shmangur presionin direkt ndaj Kinës, duke mos vendosur sanksione të dyta për blerjet e naftës ruse, ndërkohë që ka targetuar Indinë. Pekini, nga ana tjetër, nuk ka nxitim për të ndalur luftën në Ukrainë, sipas analistëve.

“Kina e kupton qartë që gjasat për paqe janë minimale dhe nuk sheh arsye për të ndërhyrë më fort,” tha Gabuev. “Ata vazhdojnë me diplomacinë ‘imituese’ – duken të angazhuar, por në realitet nuk lëvizin asgjë.”

Ujëvara e Peshturës në fshatin Progonat, Tepelenë vitet e fundit është kthyer në një atraksion duke ofruar një përvojë unike dhe mahnitëse për turistët.

Kryeministri Edi Rama ndau sot pamje të Ujëvarës së Peshturës, një xhevahir i fshehur mes maleve në Progonat të Tepelenës.

“Ujëvara e Peshturës, perlë e fshehur e Progonatit në zemër të Tepelenës, një tjetër thesar i Parkut Kombëtar të Vjosës”, shkruan Rama.

Ujëvara e Peshturës ndodhet në Progonat të Tepelenës e për të shkuar atje duhet të kalohet përmes malësive të Tepelenës.

Zona përbëhet nga shkëmbinj gëlqerorë të cilët në shekuj janë përshkuar nga përrenj të vrullshëm dhe lozonjarë.

Forma të shumta karstike, gropa të thella, shpella të shumta dhe ujëvara është peizazhi që ofron rruga për të shkuar drejt Ujëvarës së Peshturës.

Kryeministri indian Narendra Modi tha të enjten se do të zhvillojë bisedime me presidentin rus Vladimir Putin dhe presidentin kinez Xi Jinping në Tianjin të Kinës.

Modi do të vizitojë Kinën të shtunën për takimin e 25-të të Këshillit të Krerëve të Shteteve të samitit të Organizatës së Bashkëpunimit të Shangait (SCO). Në një postim në X, Modi tha se India ka luajtur “një rol aktiv dhe konstruktiv” në SCO.

India do të vazhdojë të punojë me anëtarët e SCO-së për të adresuar sfida të ndryshme të përbashkëta”, tha ai. “Unë gjithashtu do të takohem me Presidentin Xi Jinping, Presidentin Putin dhe udhëheqës të tjerë gjatë Samitit.”SCO është një bllok ndërkombëtar sigurie që u krijua në vitin 2001 nga Kina, Rusia, Taxhikistani, Kirgistani, Kazakistani dhe Uzbekistani. India dhe Pakistani u bënë anëtarë të plotë në korrik 2023. Grupi tani ka 10 anëtarë, përfshirë Iranin dhe Bjellorusinë.

Vizita e Modit në Kinë vjen në një kohë kur marrëdhëniet Indi-SHBA janë të tensionuara për shkak të tarifave prej 50% të Uashingtonit mbi importet indiane.

SHBA-të i vendosën Indisë tarifa prej 25% në fillim të gushtit, pasi bisedimet për një marrëveshje tregtare dështuan. Një tjetër tarifë prej 25% iu vendos Nju Delhit si penalizim këtë javë, pasi India refuzoi të ndalonte blerjen e naftës ruse.

Marrëdhëniet e Nju Delhit me Pekinin kanë qenë në përmirësim që nga tetori i vitit 2024, kur Modi dhe Xi zhvilluan bisedime në kuadër të samitit të BRICS në Kazan. Marrëdhëniet u tendosën pas një përplasjeje kufitare në vitin 2020 që mori jetën e ushtarëve nga të dyja palët.

Kina ka mbështetur fuqimisht Indinë lidhur me tarifat e SHBA-së. “SHBA-të kanë vendosur tarifa deri në 50% ndaj Indisë dhe po kërcënojnë të vendosin më shumë”, tha javën e kaluar ambasadori i Kinës në Nju Delhi, Xu Feihong. Kina e kundërshton me vendosmëri këtë. Përballë akteve të tilla, heshtja ose kompromisi vetëm sa e trimëron ngacmuesin. Kina do të qëndrojë fort në krah të Indisë.”

Zyrtarë të lartë nga Moska, Pekini dhe Nju Delhi kanë folur gjithashtu për ringjalljen e formatit trepalësh Rusi-Indi-Kinë (RIC), sipas të cilit takohen ministrat e jashtëm të tre vendeve.

Presidenti i SHBA-së, Donald Trump, do të shkurtojë gati 4.3 miliardë euro në ndihmën e huaj dhe fondet për ruajtjen e paqes të miratuara nga Kongresi i SHBA-së, përfshirë 3.3 milionë euro për “promovimin e demokracisë midis personave LGBT në Ballkanin Perëndimor”, raporton New York Post .

Trump planifikon ta bëjë këtë përmes një procedure të rrallë të quajtur “anulim xhepi”, një masë ligjërisht e diskutueshme që nuk është përdorur prej 48 vjetësh.

Këto fonde ishin të destinuara për organizata të ndryshme joqeveritare dhe qeveri të huaja, dhe në fillim të këtij viti ato u ndaluan nga Zyra e Buxhetit të Menaxhimit të Shtëpisë së Bardhë (WHOMB), pas së cilës ato mbetën të bllokuara në “purgatorin” ligjor për shkak të një padie të ngritur nga Këshilli Global i Shëndetit, organizata kryesore anëtare në botë e dedikuar për avancimin e shëndetit global.

Kryetarja e Kuvendit Elisa Spiropali njofton se Kuvendi përfundoi shqyrtimin e pozicioneve negociuese për gjashtë grupkapitujt.

Në një postim në rrjetet sociale, Spiropali shkruan se “Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grupkapitullin V “Burimet, bujqësia dhe kohezioni”.

“Me këtë mbledhje përfunduam shqyrtimin  e pozicioneve negociuese për gjashtë grupkapitujt:

Një pjesë e resortit të ndërtuar pa leje nga ish-kreu i Inspektoratit të Mbrojtjes së Territorit Durrës, u hodh pasditen e të premtes në erë me tritol.

Sipas hetimeve objekti luksoz në një sipërfaqe rreth 5600m2 u ndërtua nga Ardian Halili, në përiudhën 2018-’21 kohë kur mbante pozicionin e kreut të IMT Durrës. Vetë Halili u arrestua nga policia e Durrësit.

Ai është po ashtu bashkëshorti i ish-prokurores së Durrësit, Rabiana Halili, e cila u dorëhoq pak kohë para se të kalonte procesin e vetingut. Prej 4 vitesh ai është larguar nga Bashkia, pas ardhjes në krye të këtij institucioni të Emiriana Sakos.

Parisi dhe Berlini do të vazhdojnë të “ushtrojnë presion” për të vendosur sanksione të mëtejshme ndaj Rusisë, siguroi të premten presidenti francez Emmanuel Macron.

“Ne do të vazhdojmë të ushtrojmë presion në mënyrë që të vendosen sanksione shtesë nga ana jonë dhe jemi gati për këtë, por edhe nga SHBA-të, në mënyrë që ta detyrojmë Rusinë të kthehet në tryezën e negociatave për çështjen e luftës në Ukrainë,” theksoi presidenti francez, me kancelarin gjerman Friedrich Merz në krah të tij.

Sipas tij, “ditët e ardhshme do të jenë vendimtare” që Moska të japë shenja të vullnetit të saj për t’i dhënë fund luftës, siç dëshiron Presidenti i SHBA-së, Donald Trump.

Procesi i gjetjes së të zhdukurve në Kosovë ka vite e muaj që ka mbetur në vend.

Ambasadori i Britanisë së Madhe në Kosovë, Jonathan Hargreaves, në Ditën Ndërkombëtare të Viktimave të Zhdukjeve me Dhunë, deklaroi se gjetja e tyre duhet të bëhet sa më shpejt.

Në konferencën e organizuar nga Programi i Kombeve të Bashkuara për Zhvillim (UNDP) dhe Ambasada Britanike me temën “Ndërtimi i Urave: Avancimi i Pajtimit, Dialogut dhe Zërit Qytetas – Çfarë kemi mësuar”, është nderuar Bajram Qerkinaj, i cili ishte zëri i të gjithë familjarëve të të pagjeturve.

Ambasadori i Britanisë së Madhe në Kosovë, Jonathan Hargreaves tha se mbetën të përkushtuar për të ndihmuar Kosovën.

“Mbi 1500 njerëz janë ende të zhdukur dhe familjet ende po presin për përgjigje për drejtësi, paqen dhe për qetësi të mendjes. Më bën përshtypje që kudo ku shkojë në Kosovë se sa delikate mbetet besimi dhe se si në shumë vende frika ende i pengon njerëzit për të dëshmuar.

Por, familjet kanë të drejtë që të dinë për fatin e më të dashurve të tyre, ata meritojnë veprimet tona dhe të institucioneve. Si Britania e Madhe mbetemi të përkushtuar për t’i ndihmuar Kosovës, sepse të gjithë qytetarët e Kosovës me trashëgiminë e konflikteve të viteve të 90-ta, sepse kjo nuk ka të bëjë vetëm me të shkuarën por edhe me të ardhmen…

Edhe unë po shqetësohem se progresi drejt kuptimit të fatit të të zhdukurve ka vite dhe muaj që ka ngecur, që nuk po ecën shpejt sa duhet. Qeveria e Britanisë së Madhe vazhdon të kërkojë në nivelet më të larta këtu dhe në Serbi që mund të bëhet më shumë dhe duhet të bëhet menjëherë”, tha ai.

Ai ka kujtuar Bajram Qerkinaj, për të cilin tha se vdiq pa arritur të sigurojë informacione për djalin e tij.

“Baca Bajram kurrë nuk pushoi së kërkuari djalin e tij të zhdukur që u bë zë i familjeve, i të gjitha komuniteteve në gjithë Kosovën por edhe përtej saj. E di se forca dhe bashkë-dhimbja e tij na ka frymëzuar shumë prej nesh për kaq shumë vite…Zëri i bacës Bajram do të na mungojë thellësisht.

Derisa shënojmë Ditën Ndërkombëtare të të Zhdukurve të rikujtojmë se të gjithë kemi përgjegjësi të thellë për të vazhduar të qojmë përpara trashëgiminë e bacës Bajram dhe të vazhdojmë për vetëdijesim të hapim dyer duke inkurajuar institucionet e Kosovës dhe në Serbi që të punojnë së bashku për të zhbllokuar pengesat për të ditur të vërtetën”, deklaroi ai.

Policia Rrugore ka apeluar të gjithë shoferët që të tregojnë kujdes gjatë drejtimit të automjeteve. Nisur nga shkeljet e shumta të konstatuara nga shërbimet e Policisë Rrugore, më të shumta gjatë fundjavës dhe nisur nga fakti që parashikohet që përgjatë fundjavës të ketë reshje shiu, Policia Rrugore apelon që të tregojnë kujdes në akset rrugore ku mund të ketë prezencë uji dhe të mos drejtojnë automjetet apo motomjetet me shpejtësi tej normave të lejuara.

Po ashtu, policia apelon që të moskryejnë parakalime të gabuara dhe të vendosin rripin e sigurimit.

‘Të mos drejtojnë automjetet dhe motomjetet nën efektin e alkoolit apo, më keq akoma, në gjendje të dehur, por të përdorin automjetet e transportit publik. Të vendosin rripin e sigurimit dhe të detyrojnë edhe pasagjerët për ta vendosur atë. Të mos kryejnë parakalime të gabuara apo sjellje agresive në rrugë dhe të mos përdorin celularin gjatë drejtimit të automjetit. Për të gjithë drejtuesit e motomjeteve, biçiklistët dhe ata me monopatina. Gjatë natës të veshin jelekët fosforeshentë që të bëhen të dallueshëm në trafik në kushtet e errësirës. Të vendosin kaskë mbrojtëse në kokë. Policia Rrugore është prezente në akset rrugore nacionale, urbane e rurale, duke përdorur mjetet inteligjente për matjen e shpejtësisë dronët dhe alkooltestuesit’, thuhet në njoftim. 

Presidenti amerikan Donald Trump ka anuluar mbrojtjen e Shërbimit Sekret për ish-zv/Presidenten dhe kandidaten Kamala Harris, e cila ishte miratuar më parë nga Joe Biden përpara se të largohej nga detyra.

Sipas ligjit amerikan, ish-zv/Presidentja Harris kishte të drejtë të mbrohej nga Shërbimi Sekret për një periudhë prej gjashtë muajsh pas largimit nga detyra në janar, mbrojtje që do të përfundonte në korrik.

Megjithatë, ish-Presidenti Biden kishte urdhëruar zgjatjen e saj me një direktivë ekzekutive edhe për një vit tjetër.

Kjo direktivë është revokuar nga Presidenti Trump përmes një memoje zyrtare që mban datën 28 gusht, ku urdhërohet që nga 1 shtatori të ndalet çdo procedurë sigurie shtesë që tejkalon detyrimet ligjore për Harris.

Kjo lëvizje vjen vetëm disa javë përpara se Harris të nisë një turne kombëtar për promovimin e librit të saj të ri, “107 Ditë”, një kujtim për fushatën e saj të shkurtër dhe të pasuksesshme presidenciale në vitin 2024.

Një zyrtar i lartë i Shtëpisë së Bardhë konfirmoi vendimin, ndërsa burime për CBS thanë se një vlerësim i fundit i kërcënimeve nuk identifikoi rreziqe që do të justifikonin vazhdimin e mbrojtjes për Kamala Harris përtej periudhës gjashtëmujore të parashikuar nga ligji.

Kujtojmë se në vitin 2008, Kongresi amerikan miratoi një ligj që i jep Shërbimit Sekret të drejtën të ofrojë mbrojtje për ish-zv/presidentët, bashkëshortët e tyre dhe fëmijët nën 16 vjeç pas largimit nga detyra.

Që nga largimi i saj nga detyra në fund të mandatit të Biden në janar, kanë kaluar vetëm pak më shumë se shtatë muaj. Bashkëshorti i Harris, Doug Emhoff, e përfundoi mbrojtjen e tij më 1 korrik, në përputhje me afatin ligjor të parashikuar për bashkëshortët e ish-zëvendëspresidentëve.

Me ndërprerjen e mbrojtjes, Harris humbet ekipin e agjentëve që ishin të caktuar për mbrojtjen e saj personale dhe të pronës së saj në Los Anxhelos, si dhe mbrojtjen proaktive përmes zbulimit të kërcënimeve të mundshme.

Florida ka arritur një rekord të zi këtë vit, duke kryer njëmbëdhjetë ekzekutime, më shumë se çdo vit tjetër në periudhën e fundit.

I fundit që u ekzekutua ishte Curtis Windom, 59 vjeç, i dënuar për një vrasje të trefishtë në vitin 1992. Ai u ekzekutua me injeksion vdekjeje në Burgun Shtetëror të Floridës, pasi Gjykata Supreme e SHBA-së hodhi poshtë ankesën e tij të fundit, raporton CBS News.

Prokuroria e Posaçme kundër Korrupsionit dhe Krimit të Organizuar pas përfundimit të hetimeve, më 29.08.2025 ka dërguar për gjykim në Gjykatën e Posaçme të Shkallës së Parë, procedimin penal nr. 55/2019, në ngarkim të të pandehurve:

Ilir Meta, i akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në 3 raste, dy prej të cilave të kryera në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim,“Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal.

Monika Kryemadhi, e akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në dy raste të kryera në bashkëpunim,“Pastrimi i produkteve të veprës penale ose veprimtarisë kriminale” e kryer në bashkëpunim , “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal.

Pirro Xhixho, i akuzuar për kryerjen e veprës penale “Korrupsioni pasiv i funksionarëve të lartë shtetërore ose i të zgjedhurve vendorë” e kryer në bashkëpunim, parashikuar nga nenet 260 dhe 25 të Kodit Penal.

Ema Çoku, e akuzuar për kryerjen e veprës penale “Pastrimi i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal.

Fatime Kryemadhi, e akuzuar për kryerjen e veprës penale “Pastrim i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal.

Ky procedim penal është rezultat i një hetimi intensiv, i cili ka nisur në vitin 2019 dhe është zgjeruar në vitet pasardhëse në bazë të kallëzimeve të ndryshme. Në vitin 2024, të gjitha procedimet e veçuara u bashkuan në një të vetëm.

Hetimet zbuluan një sërë skemash korruptive, përdorimin e influencës dhe pushtetit politik me qëllim favorizimin e bizneseve të caktuara kundrejt shpërblimit të marrë apo të premtuar, pastrim të produkteve të veprës penale, dhe fshehje të pasurive apo mosdeklarimi i shpenzimeve të konsiderueshme në deklaratat periodike të pasurive.

Episodet e dokumentuara tregojnë subjektet e procedimit, të cilët në bashkëpunim mes tyre janë përfshirë në kryerjen e veprave penale të përmendura më sipër. Episode të detajuara në lidhje me akuzat e ngritura dhe faktet penale të kryera nga të pandehurit, mund ti gjeni në Njoftimin për Shtyp, i publikuar në faqen zyrtare të SPAK: NJOFTIM PËR SHTYP Datë 21.10.2024 – spak.gov.al

Për hetimet e kryera, Prokuroria e Posaçme kundër Korrupsionit dhe Krimit të Organizuar ka bashkëpunuar me autoritetet e Shteteve të Bashkuara të Amerikës, Austrisë, Italisë, San Marinos dhe Qipros.

Një aksident ka ndodhur disa minuta më parë në unazën lindore të qytetit të Fierit. Një automjet tip “Volswagen” është përplasur me një motoçikletë dhe si pasojë drejtuesi i motoçikletës ka marrë lëndime në trup.

Ai është dërguar menjëherë në urgjencën e Spitalit Rajonal Fier, ku ndodhet nën kujdesin e mjekëve.

Në orën 13:00, në Monako, u zhvillua shorti i fazës së re të Europa League, ku 36 skuadrat pjesëmarrëse mësuan kundërshtarët e tyre për edicionin 2025/26.

Me formatin e ri të UEFA-s, skuadrat nuk ndahen më në grupe, por zhvillojnë ndeshje direkte në një renditje të përbashkët ligë.

Shorti rezultoi mjaft pozitiv për Romën e Gian Piero Gasperinit dhe Porton, që shmangën rivalët më të rrezikshëm. Nga ana tjetër, më pak fat pati Rangers, ku aktivizohet edhe shqiptari Nedim Bajrami, të cilët do të kenë përballje të vështira në këtë fazë. Finalja e madhe është planifikuar të zhvillohet më 20 maj 2026, në Stamboll.
Me këtë format të ri, çdo skuadër do të ketë tetë ndeshje në fazën fillestare, katër në shtëpi dhe katër në transfertë, duke e bërë garën më të gjatë, më të fortë dhe më të paparashikueshme se kurrë.

Eksperti i sigurisë Fatjon Softa në një intervistë të dhënë për Fax News ka folur në lidhje me sigurinë rrugore në vendin tonë.

Në intervistën e tij me gazetaren Eliana Hoxha, ai është shprehur se standarti i akseve rrugore në vendin tonë mund të jetë dhe shkaku kryesor i aksidentëve.

Ndër të tjera ai ka theksuar se shumë rrugë në vendin tonë nuk e kanë nuk e kanë infrastruktrurën sipas standartit të BE.

Gjithashtu ai thekson se është e rëndësishme që për të parandaluar aksidentet është me rëndësi që të luhet një rol ndërgjegjësimi nga policia dhe nga mediat.

“Ndërgjegjësimi i qytetareve është përgjegjësi e shtetit është ai rregullatori që ka, duke filluar nga autoriteteti i rrugëve dhe institucionet e tjera. Shoferet jashtë tregojnë kujdes nga ndëshkimet ndërsa sapo futen në vendin tonë i neglizhojnë. Roli edukues mund të bëhet por duhet që të jetë edhe përmes mediave të paguaje qeveria në të gjithë mediat që të jepen raste aksidentesh për të bërë të mundur edhe shkeljet për secilin rast. Gjithashtu ndërgjegjësimi duhet të bëhet edhe nëpër shkolla. Aksidentet nuk kanë të bëjnë vetëm me automjhetet por edhe me kembesoret ku duhet që të lejohet aksi rrugës. Kjo bëhet përmes një fushate ndëshkuese nga policia e shtetit. Policia e Shtetit duhet që të ketë punonjës monitor që të bëjë të mundur ndëshkimin e shoferëve që shkelin rregullin tek vijat e bardha që në momentin që kalo këmbësori nuk ndalo. Vija e bardhe kur kalo kembesori është semafor. Kujtojmë se sipas një raporti të dundit ka 23 të vdekur me motorret dhe 8 me biçikleta”, ka thënë ai.