Ura e Milotit është mbyllur përfundimisht për qarkullimin, pas konstatimit të dëmtimeve serioze në këmbët mbajtëse, të shkaktuara si pasojë e mungesës së ndërhyrjes për mirëmbajtje dhe marrjes së inerteve në afërsi të strukturës së saj.

Sipas Autoritetit Rrugor Shqiptar, mbyllja është marrë si masë sigurie, pasi ura përbën një rrezik real për shembje dhe kalimi mbi të është bërë i pamundur. Megjithatë, nuk është dhënë asnjë informacion zyrtar nëse do të ndërhyhet për riparimin e saj apo cili do të jetë fati përfundimtar i kësaj ure strategjike.

Kjo situatë vjen në një moment kritik, kur trafiku në aksin Milot–Lezhë është në kulmin e tij për shkak të fluksit turistik. Mungesa e urës pritet të krijojë kaos dhe radhë të gjata në hyrje-dalje të qytetit të Lezhës, duke ndikuar ndjeshëm në lëvizjen e banorëve dhe pushuesve.

The post “Ura e Zogut” në Milot mbyllet përfundimisht! Rreziku nga shembja paralizon qarkullimin first appeared on JavaNews.al.

Kreu i Partisë Demokratike, Sali Berisha, Sali Berisha sulmoi Kolegjin Zgjedhor pasi i rrëzoi opozitës edhe 3 ankimet e fundit për rezultatin e zgjedhjeve në Durrës, Elbasan e Fier. Nga selia blu, në një konferencë me gazetarët, kreu i PD tha se vendimi i Kolegjit tregon nënshtrimin e gjykatësve, ndërsa tha se po mbrojnë farsën elektorale të Ramës.

“PD do të ndërmarrë të gjitha betejat që shqiptarët të votojnë të lirë. Vendimi i kolegjit është dëshmi e një nënshtrimi të plotë dhe total politik të atyre gjykatësve që vetëm ligjin nuk njohin dhe nuk respektojnë. Mbrojnë qeverinë, farsën më të shëmtuar dhe bëhen pjesë e saj”, tha Berisha.

Për disfatën e thellë të 11 majit, ish-kryeministrit sot shfaqi një skenar të ri, duke hedhur akuza ndaj Edi Ramës se ka përdorur lejet e ndërtimit si mjet për të blerë votat. Berisha tha se gjatë periudhës zgjedhore janë dhënë 450 leje ndërtimi në kundërshtim me ligjin, me përfitues kryesorë bandat e lidhura me narkotrafikun, të cilat, sipas tij, po kontrollojnë territorin dhe ekonominë e vendit përmes kartelit të ashtuquajtur “Troplinët”.

“Edi Rama bleu vota me 450 leje për bandat e narkotrafikut, në periudhën këto të ndaluar me ligj që mund të jepeshin. Nga prilli 2024 deri në maj 2025 janë dhënë mbi 1 mijë leje ndërtimi. 450 prej tyre gjatë periudhës zgjedhore. Këtu nuk përfshihen mijëra e mijëra leje të dhëna për shtesa, rikonstruksione, etj, në mbarë Shqipërinë nga bashkitë e vendit”, tha Berisha.

Zgjedh të mos komentojë përplasjen mes Adriatik Lapajt dhe Endri Shabanit për mandatin.

“Asnjë koment për një debat të brendshëm mes dy eksponentëve të një koalicioni, mendoj se nuk më takon të komentoj debatin e tyre”, tha Berisha.

The post Berisha me skenar të ri për disfatën e 11 majit: U dhanë leje ndërtimi si shpërblim për eksponentë të krimit first appeared on JavaNews.al.

Dy shtetas 19-vjeçarë ranë në prangat e Policisë së Shkodër, pasi dyshohet se shfrytëzonin për marrëdhënie seksuale kundrejt pagesës dy shtetase të mitura, 16 dhe 14-vjeçe.

Përmes një njoftimi, Policia bën të ditur se të dy këta shtetas ishin banues në fshatin Koplik i Sipërm, teksa njërit prej tyre, gjatë kontrollit, iu gjet edhe një sasi lënde narkotike, shkruan A2 CNN.

Ndërkohë vijojnë hetimet për dokumentimin e plotë të këtij rasti dhe materialet i kaluan prokurorisë për veprime të mëtejshme hetimore.

Njoftimi i Policisë:

DVP Shkodër-Specialistët e Sektorit për Hetimin e Narkotikëve arrestuan në flagrancë shtetasit S. C., 19 vjeç, dhe A. K., 19 vjeç, të dy banues në fshatin Koplik i Sipërm.

Nga hetimet e kryera për disa javë, në drejtimin e Prokurorisë së Shkodrës, dyshohet se këta shtetas shfrytëzonin për marrëdhënie seksuale, kundrejt pagesës, dy shtetase të mitura, 16 vjeçe dhe 14 vjeçe.

Gjatë kontrollit fizik, shtetasit A. K. iu gjet një sasi e vogël lënde e dyshuar narkotike kanabis, e cila u sekuestrua në cilësinë e provës materiale.

Vijojnë hetimet për dokumentimin e plotë të këtij rasti.

Materialet procedurale iu referuan Prokurorisë së Shkodrës, për veprat penale “Marrëdhënia seksuale ose homoseksuale me të mitura”, “Prostitucioni” dhe “Prodhimi dhe shitja e narkotikëve”.

The post Shfrytëzonin për prostitucion dy vajza të mitura, arrestohen dy 19-vjeçarë në Shkodër first appeared on JavaNews.al.

Një zjarr ka rënë mëngjesin e sotëm në zonën e fshatit të Sevasterit në Vlorë.

Mësohet se ndërhyrja për shuarjen e flakëve ka qenë shumë e vështirë, për shkak të terrenit.

Po ashtu bëhet e ditur se flakët kanë avancuar ndjeshëm, duke djegur një sipërfaqe të konsiderueshme me bimësi, pemë e shkurre.

Situata në zonë është duke u monitoruar nga zjarrëfikësja e Selenicës dhe nëse zjarri agravon, do të kërkohet ndërhyrje nga ajri.

Temperaturat e larta dhe era që fryn në zonë favorizon përhapjen e flakëve. Vatra e zjarrit mdodhet në lartësi pranë malit të Sevasterit, ndërsa ndërhyrja nga toka është thuajse e pamumdur për shkak të terrenit.

Dyshohet se zjarri të jetë i qëllimshëm për hapje kullotash, duke krijuar tashmë një situatë problematike në zonë. Pranë vatrës së zjarrit ndodhen stane të cilat rrezikojnë nga flakët, ndërkohë që për momentin nuk ka rrezik për banesat.

The post Përfshihet nga zjarri një sipërfaqe e mëdhe me bimësi në fshatin Sevaster në Vlorë, era favorizon flakët first appeared on JavaNews.al.

Përplasja mes Adriatik Lapajt dhe Endrit Shabanit për një mandat deputeti, ka qenë kryefjala politike e ditëve të fundit. Mosmarrëveshjet mes “Shqipëria Bëhet” dhe “Nisma Thurje” kanë nxitur reagim të gjerë.

Njëri prej tyre që ka reaguar, ka qenë edhe kryebashkiaku i Lezhës, Pjerin Ndreu. Socialisti ironizon partitë e vogla, duke i krahasuar me futbollistët që e nisin karrierën si talente, e më pas përfundojnë pa ekip.

“Këto partitë e vogla u frynë si puna e futbollistëve të Kombëtares, që nisen si talente të mëdhenj dhe përfundojnë rrugëve tu kërku ekip! Imagjino të kishin në dorë qeverinë sikur thanë! Ajo e Berishës me molotov kundër Lulit do na dukej lule”, shkruan Pjerin Ndreu.

The post Pjerin Ndreu ironizon partitë e vogla: Janë si futbollistët e Kombëtares, e nisin si talente dhe përfundojnë pa ekip first appeared on JavaNews.al.

“Krishti është paqja jonë”

(Efesianët 2:14)

Temë e mbajtur nga Kryepiskopi Joan, tek kampi i djemve

Gëzohem që kam ardhur t’ju takoj, keni një temë shumë të rëndësishme, sepse të gjithë flasim për paqen por paqe nuk ka. Këto janë fjalët e profetit Jeremia, thotë “paqe- paqe thonë të gjithë por paqe nuk ka!” Nuk ka paqe sepse nuk ka paqe të brëndshme. Nuk mund të ketë dot paqe nga jashtë nëse nuk do të ketë paqe nga brënda. Dhe tema e kampit sot që thotë “Krishti është paqja jonë” pikërisht këtë gjë tregon, paqja që vjen nga Zoti është një paqe që na ndryshon ne të gjithëve. Por paqja nuk do të vij aq lehtë sa mendojmë ne, nëse nuk do të kemi një jetë shpirtërore dhe një jetë shpirtërore, njerëzit kanë një ide pak të gabuar, një lloj misticizmi, romantizmi. Jeta shpirtërore është shumë e thjeshtë, jeta shpirtërore është një përpjekje e vazhdueshme për të jetuar sipas mësimeve që vijnë nga Zoti. Si i tha Zoti atij djalit të ri, që erdhi dhe e pyeti, se çfarë duhet të bëj që të fitoj jetën e përjetshme? Dhe ai i tha! Ndiq urdhërimet, do të thotë pra ndiq mësimin të cilin i jeni ofruar besimit. Nëse fillon njeriu dhe përpiqet t’a përjetojë atë, paqja dalëngadalë do vij, por nëse nuk përqëndrohet dhe çoroditet me historira të ndryshme, njerëzit nuk do të kenë paqe. Paqja do të fitohet shumë më lehtë se sa ne mendojmë, nëse do të përqëndrohemi në jetën shpirtërore.

Thashethemet, përgojimet, nuk po flas për shpifje e gjëra tjera, por këto e largojnë paqen nga shpirti i njeriut. Natyra njerëzore, ndoshta është e prirur për të dëgjuar thashethemet. Ja, të gjithë secili nga ju, të fillojë të thotë dikush : ja e morët vesh për atë?!

Të gjithë i ngrenë veshët hapur për të dëgjuar, në fakt nuk mëson asgjë, sikur të dish të gjithë historinë, duke filluar nga Adami dhe deri tek njeriu i fundit, nuk do të fitosh asgjë shpirtërisht, as paqe nuk do të fitosh. Largohuni sa të mundeni nga bisedat e kota, sepse bisedat e kota e largojnë paqen. Prandaj dhe Shën Efremi, në lutjen që bëhet në lutjen e kreshmës së madhe, thotë për katër gjëra të vogla, që i lutet Perëndisë që mos t’ja japi. Dhe e para është që mos t’i japë frymë kureshtje. Përse ky mjeshtër kaq i madh i jetës shpirtërore, i kërkon diçka që duket shumë e thjeshtë? Sepse ai e di që këto gjërat e vogla, sjellin ato problemet e mëdha. Kureshtja gjithmonë njeriun e shpërqëndron, do merret me të tjerët, dhe një njeri që merret me të tjerët nuk do të gjejë paqe, sepse të gjesh paqe do dhe një lloj përulësie, vetëm të përulurit meren me veten, krenarët merren me të tjerët, se çfarë do të bëjnë të tjerët. Duke u larguar nga këto, ju do të fitoni. Shpeshherë, gjërat që janë shumë të rëndësishme, njerëzit nuk i japin vëmendje, vetëm po të jetë një thashethem, dhe përqendroheni tek ajo gjë.

Do t’ju tregoj, një histori shumë të bukur, që vjen nga antikiteti, për të mësuar shpesh herë se si vepron natyra jonë njerëzore. Demosteni, orator i famshëm i antikitetit, u përpoq që t’ju shpjegonte banorëve të Athinës në atë kohë, për rrezikun Maqedonas, sepse Filipi, mbreti i Maqedonisë po fillonte pushtimin e Greqisë Veriut, dhe po zbriste poshtë. I fliste dhe askush nuk dëgjonte, dhe një herë mendoi që të përdorte një truk, që t’i mbante njerëzit afër dhe i thotë: burra të Athinës, do t’ju tregoj një histori, dhe ndaluan disa veta dhe vazhdoi të tregonte historinë, …- një Athinas donte të shkonte në Korinth, por nuk kishte gomar dhe shkon tek njëri dhe i thotë, më jep gomarin, dhe ai i tha, t’a jap me qera por duhet të vijë dhe unë me ty. -Mirë! I tha ai. Njerëzit filluan dhe i grumbulluar dhe më shumë. Duke ecur rrugës në drekë, në vapë të madhe, ndaluan për të pushuar dhe ky që kishte marë gomarin me qera, donte të rrinte në hijen e gomarit, ai tjetri thoshte: -jo, unë të kam dhënë gomarin me qera, hija me takon mua!

Sheshi ishte mbushur plot. Kur pa sheshin plot, ai filloi t’i fliste pikërisht për këtë gjë të rëndësishme, për rrezikun. Dhe njerëzit filluan dhe thërrisnin: – po lëre atë, por kush qëndroi në hijen e gomarit, atë na thuaj!

Dhe sikur t’a dinin se kush qëndroi, asgjë nuk fiton. E njëjta gjë shpeshherë dhe me shpërqendrimet tona. Që përqëndrohemi në gjëra që nuk kanë asnjë lloj vlerë dhe nuk përqëndrohemi në paqen brënda thellë nesh. Prandaj dhe duke mos patur përqendrim, ne nuk kemi as paqe dhe nëse nuk kemi paqe, nuk mund të vendosim paqe me të tjerët. Një sherrxhi, nuk mund të përhapë paqe.Zoti na kërkon jo vetëm të jemi njerëz paqtorë por na kërkon pak më tepër. Tek lumurimet nuk thuhet “lum paqtorët” por thuhet “lum paqebërësit”, ata njerëz që jo vetëm thjesht kanë paqe brënda, por e përhapin dhe tek të tjerët. Ne nuk mund të drejtojmë tek të tjerët, diçka që është shtrembëruar tek vetja jonë. Duke mos patur paqe, s’mund t’ju përhapim paqe tek të tjerët. Prandaj dhe bota nuk ka paqe. Dhe Zoti thotë në Ungjill, “Unë do t’ju jap paqen time” jo siç e jep bota, flet për paqen e brendshme, për paqen e brendshme është dhurata më e madhe që një njeri mund të ketë në jetën e tij. Një njeri që arrin paqen brënda vetes së tij. Thënia e famshme e shumë etërve, e shumë shenjtorëve, e thënë në forma të ndryshme, pak a shumë thonë këtë gjë, “paqtohu me veten dhe do të paqtosh me mijëra njerëz rrotull teje.” Ne nuk përhapim paqen sepse nuk kemi paqen brënda vetes, dhe paqja me Zotin, është një dhuratë jashtëzakonisht e madhe. Nëse do t’a kemi atë paqe, jeta jonë do të ndryshojë dhe një njeri që ka paqe të brëndshme, nuk tronditet as nga fjalët që i thonë, as kur e shajnë dhe as kur shpifin kundër tij, sepse ai ka arritur një paqe me Zotin, që nuk tronditet nga gjërat e kota. Është si një oqean i thellë, sado të ketë stuhi jashtë, thellë brënda është i qetë. Dhe një njeri që është i thellë shpirtërisht, pikërisht këtë gjë realizon. Realizon një qetësi shumë të madhe, që i jep jetës së tij gëzim. Por nuk mund të ketë paqe atje ku është e keqja. Është një varg i profetit Isaia, një varg që unë e citoj shpesh “Nuk ka paqe për të paudhët!” Çfarë do të thotë që nuk ka paqe për të paudhët? Nuk ka paqe atje ku është e keqja, nëse ne do të kemi diçka të keqe brenda vetes tonë, nuk do të kemi paqe. Një njeri që grindet me të tjerët, tallet me të tjerët, nuk do të ketë paqe as në jetën e tij, që të kërkosh paqe brënda, kërkohet një shpirt i pastruar. Fjala paqe, hebraisht, ka kuptimin dhe të një përparimi shpirtëror, dhe ka kuptimin dhe të gëzimit, sepse nëse nuk do të kemi paqe brënda nuk do të kemi as gëzim. Ja jeta e sotme e njeriut modern, dallohet pikërisht se nuk ka as paqe dhe as ka gëzim, dhe të jetë miliarder, nuk ka gëzim. Njerëzit mendojnë se kur nuk i kanë shumë pasurira, mendojnë se po ti kenë ato, do të realizojnë gjithçka, por praktika dhe realiteti tregon se nuk është e vërtetë dhe nëse njeriu nuk ka Zotin brenda vetes së tij, dhe kur themi që nuk ka Zotin, do të thotë që nuk bën një jetë sipas mësimeve të Perëndisë, nuk do të ketë paqe dhe pa paqe nuk do të ketë gëzim. U them dhe shumë njerëzve për paqen, në Septuaxhindë, që është përkthimi i të 70-të përkthyesve, është përkthimi i parë që është bërë Dhjatës së Vjetër. Kur Diaspora Hebraike e kishte humbur gjuhën hebraike, dhe flisnin në Aleksandri gjithë Greqisht, menduan se do të përkthehej Bibla Hebraike, në greqisht dhe ky është përkthimi i parë. Sipas traditës u përkthye nga 70-të vetë, dhe prandaj dhe quhet i të 70-tëve. Dhe këtë fjalën “paqe” nuk e kanë përkthyer paqe, por e kanë përkthyer “gëzim” nuk ka gëzim atje ku është e keqja, sepse gëzimi është një dhuratë që vjen nga Perëndia, dhe nëse ne nuk do të kemi paqe në shpirt, nuk do të kemi as gëzim. Prandaj mundohuni në jetën tuaj ti largoheni thashethemeve të kota, sherreve me njëri-tjetrin tjetrin, sepse shpirti juaj do të trazohet dhe duke u trazuar, nuk do të ketë paqe. Paqja nuk është thjesht një ndjesi, është një shpëtim, kur njeriu realisht realizon atë për të cilën është krijuar. Të krishterët besojnë në diçka shumë të rëndësishme, dhe antropologjia e krishterë, e shpjegon njeriun kështu. Njeriu është një qënie e rënë, por njeriu është krijuar sipas ikonës së Perëndisë dhe ikona mbetet aty, mund të deformohet, mund të nxihet, por ikona aty mbetet. Detyra e njeriut, është pikërisht që t’a restauruojë këtë ikonë, sepse nëse ne restaurojmë ikonën, që të fillojë të ndriçojë përsëri, do të kemi dhe paqe dhe shpëtim dhe gëzim. Gjithë botën të sundosh, gjithë pasurinë të kesh, po nuk pati njeriu gëzim në jetën e tij, jeta e tij fillon dhe thahet dhe paqja mund të vijë vetëm kur njeriu ka një dimension të përjetësisë. Sepse ne e shikojmë jetën vetëm të kësaj kohe, sa mund të jetojmë, 70-80 të, por një ditë kjo mbaron dhe dimensioni i përjetësisë e ndihmon njeriun të ketë një jetë shpirtërore dhe që të largohet nga çoroditjet e kota, fjalët e kota dhe nuk përqëndrohet tek thelbi i jetës së njeriut. Shpeshherë gjërat që do t’i fitoni në këtë moshë, do të mbeten gjithmonë tek ju, rruga që do të zgjidhni do të mbetet gjithmonë, dhe rruga që do të zgjidhni dhe hija nuk hiqet shumë lehtë. Ju porosis gjithmonë, mos i bëni zakon përgojimet, thashethemet, talljet për të tjerët, sepse nga këto vjen çorientimi, dhe ky çorientim nuk sjell paqe por gjithmonë do të sjellë konflikt, njeri do të ofendohet për fjalën që ke thënë ti, do filloni të grindeni dhe shpeshherë mund të marin përmasa të mëdha, dhe sa më shumë trazohet shpirti, aq mëndja nuk është më e ndriçuar. Madje dhe shumë gjëra po të kuptoheshin lehtë, do të lehtësohen. Është në interesin tuaj, që të filloni që tani të kultivoni dimensionin e paqes.

Shkrimet e para, kështu shkruanin se të krishterët janë një rracë paqësore, që do të thotë se përhapin vazhdimisht paqe. Kush ka frikë Perëndinë, nuk i ka frikë njerëzit, por është paqtor. Ata që nuk kanë frikë Perëndinë tremben nga njerzit. Nëse do të arrini një paqe të thellë brënda shpirtit tuaj, nuk do të keni frikë. Është koha që secili nga ju do të vendosë se çfarë do të ndjekë në jetën e tij, do të fillojë udhëtimin e tij. Kisha beson se jeta e njeriut është një udhëtim dhe ky udhëtim presupozon se ka një destinacion përfundimtar, që ka një dimension të përjetshëm, që ka diçka që ne nuk e mbarojmë vetëm me jetën këtu, por e vazhdojmë edhe më pas. Nëse ne çorientohemi vetëm nga shqetësimet e kësaj bote dhe çoroditjet dhe zbavitjet dhe e neglizhojmë këtë dimension, as këtë kohë nuk do e gëzojmë dot, sado që mund të duket si paradoks, por njerëzit që e shikojnë përjetësinë dhe e jetojnë atë, e gëzojnë dhe këtë kohë të përkohshme, ndërsa njerzit që nuk e kanë këtë dimension të përjetësisë, as këtë kohë nuk e gëzojnë dot. Ndoshta për ju nuk janë akoma këto shqetësime, por nëse nuk mbillet fara e mirë që tani nuk do të japë fruta kur të rritet, sepse çfarë do të mbjellim dhe do të korrim. Mundohuni të mbillni farat e mirësisë dhe një njeri i mirë, është shumë e rëndësishme për të fillimisht. Në kuptimin e krishterë, të jesh i mirë ose i keq, nuk është çështje vetëm etike, por teologjike, sepse më tepër i bëjmë keq vetes se sa të tjerëve. Duke shpikur për të tjerët, duke tallur të tjerët, duke ofenduar të tjerët, më shumë dënojmë veten tonë, sepse nuk na lejon që të kemi një jetë shpirtërore dhe pa një jetë shpirtërore, nuk mund të kemi dot paqe, prandaj dhe paqja është kaq e rëndësishme. Të gjithë luten për paqe, të gjithë duan paqe, por pak njerëz përpiqen për paqen, së pari për të paqtuar veten dhe se dyti për të transmetuar atë paqe dhe tek të tjerët që janë rrotull. Prandaj dhe është shumë e rëndësishme për secilin nga ju, le të bëhet një puntor i paqes.

Tema e paqes, që thotë “Krishti është paqja jonë” është shumë e rëndësishme sepse është ndryshe nga paqja e botës, jo nga mungesa e luftës, por është një gjëndje e thjeshtë shpirtërore dhe një gëzim i thellë shpirtëror që vjen nga prania e Zotit në jetën tonë, dhe prania e Zotit në jetën tonë është dhe vjen kur shpirti jonë është në paqe, një shpirt i trazuar nuk mund të gjej dot paqe.

Do të doja që gjithsecili nga ju, duhet të përpiqet t’a kultivojë paqen, sepse si çdo gjë, nëse nuk kultivohet nuk rritet dhe ajo do të thahet. E njëjta gjë është dhe me virtytet e mëdha që njerëzit duhet të mbjellin në shpirtin e tyre, duhet të përpiqen dhe t’i rrisin ato virtyte, sepse njeriu nuk është një qënie statike është një qënie dinamike. Në jetën shpirtërore gjithmonë do thuhen këto fjalë, nëse nuk do të rritemi shpirtërisht, nuk do të thotë se do të qëndrojmë neutral, por do të fillojmë dhe të biem, ndaj nëse nuk jemi duke u rritur do të jemi duke rënë. Nëse nuk do të jemi paqtor, do të jemi më shumë agresiv dhe duke u bërë konfliktual me njerëzit rrotull. Dhe një jetë me konflikte, një jetë me sherre do të sjellë shqetësime dhe probleme të mëdha.

Prandaj do ju uroja të gjithëve ju, të përpiqeni për paqen dhe le t’i merrni seriozisht ato fjalë që thotë “Krishti është paqja jonë.” Sepse realisht Ai është paqja jonë, vetëm nëpërmjet mësimit të Tij, ne mund të realizojmë një paqe që mund të qëndrojë vazhdimisht dhe sikur të ketë sherre përsëri nëse do të keni paqen e brendshme, përsëri do të keni paqe. Mundohuni t’i kultivoni këto fjalë, sepse mund të mbjellësh por nëse nuk e kultivon, nuk do të prodhojë. Përpiquni për këtë, sepse të parët që do të përfitoni do të jeni ju, por jo vetëm ju por dhe shumë njerëz rrotull jush.

Dhe një herë ju uroj gjithë të mirat.

The post Fortlumturi Joani u flet të rinjve se si të gjejnë paqen e brendshme: Ja këshillat e tij first appeared on JavaNews.al.

Dashi

Ka shume gjase qe çiftet qe kane pasur prej kohesh probleme te mendojnë te ndahen sot. Për disa do jete zgjidhja me e mire ne fakt. Beqaret serish do jene te pafat ne dashuri. Mundësitë qe do iu jepen për takime nuk do jene aspak interesante. Financat do jene te stabilizuara. Do e mbani gjithë kohës nen kontroll situatën dhe nuk do keni vështirësi.

Demi

Marrëdhënia ne çift do jete shume e mire sot. Nuk do keni për çfarë te ankoheni sepse partneri do ua plotësojë te gjitha dëshirat. Beqaret do fiksohen pas një personi dhe do harrojnë gjithçka tjetër, madje edhe te ushqehen apo te flenë. Financat do jene te mira nëse ju tregoheni te kujdesshëm me shpenzimet apo me transaksionet qe do kryeni.

Binjaket

Dite tërësisht e mbrojtur kjo e sotmja për te dashuruarit. Tensioni do mbaroje njëherë e mire dhe do filloni t’i kuptoni edhe gabimet qe keni bere. Beqaret do afrohen mjaft pas një miku te afërm dhe do e shihi nate me një sy tjetër. Ne planin financiar nuk do keni te drejte te gaboni. Dyfishojeni maturinë dhe vigjilencën qe te mos keni te papritura.

Gaforrja

Pas një periudhe jo shume te mire për jetën tuaj ne çift, me ne fund do pajtoheni me partnerin dhe do filloni tjetër etape. Beqaret do ndihmohen nga Venusi dhe do arrijnë ta gjejnë princin e tyre te kaltër. Nuk do ndihen me te vetmuar dhe nuk do vuajnë ne heshtje. Plutoni do iu mbështesë ne planin financiar dhe do i zgjidhni te gjitha problemet.

Luani

Perspektivat janë te mira sot për jetën sentimentale te te dashuruarve. Dielli dhe Merkuri do iu bëjnë me sharmante dhe do kaloni momente fantastike me partnerin. Beqaret do kenë shume kërkesa dhe nuk kane për ta gjetur as sot personin qe kane ne mendje. Me paratë nuk duhet te bëni çmenduri. Shpenzoni aq sa mundeni nëse doni te ruani qëndrueshmërinë.

Virgjeresha

Do jeni ne humor shume te mire sot ju te dashuruarit dhe do i shprehni pa fund ndjenjat ndaj partnerit. Momentet romantike gjithashtu nuk do mungojnë. Beqaret do përzgjedhin shume dhe nuk do e kenë te lehte te gjejnë personin ideal. Ne planin financiar çdo gjë do shkoje me se miri. Situata jo vetëm qe nuk do tronditet, por mund te keni edhe përmirësime te ndjeshme.

Peshorja

Do i kaloni pak nga pak vështirësitë qe iu kishin dale sot ne jetën tuaj ne çift dhe do i shihni gjerat me një sy edhe me pozitiv. partneri do tregohen me tolerant se kurrë. Beqaret do pëlqejnë dike jashtë mase, por do kenë vështirësi për ta bere për vete për shkak te konkurrencës se forte. Financat do jene shume me te mira se kohe me pare.

Akrepi

Çiftet do i kenë gjerat shume te qarta sot dhe nuk d hedhin asnjë hap te nxitur. Bashkëpunimi, toleranca dhe mirëkuptimi do mbizotërojnë gjate gjithë kohës. Beqaret do kenë një dite te zakonshme dhe pa ndonjë takim interesant. Financat nuk do jene aspak ne gjendjen me te mire. Do keni goxha vështirësi për te ruajtur ekuilibrin.

Shigjetari

Dite e animuar dhe plot surpriza kjo e sotmja për te dashuruarit. Do përjetoni emocione pa fund dhe shpesh do iu duket sikur jeni ne ëndërr. Beqaret do ndihen gati për te filluar një lidhje te qëndrueshme. Mundësitë do jete te shumta. Me financat do keni disa vështirësi te vogla, te cilat me pak durim dhe përkujdesje do arrini t’i zgjidhni.

Bricjapi

Çiftet do kenë një dite shume te paqëndrueshme dhe here pas here te mbushur me debate. Kujdes me fjalët qe do thoni sepse po e preket partnerin ne pikat e tij te dobëta mund te shkatërroni gjithçka qe keni dertuar. Beqaret do ndihen mire edhe ashtu si janë prandaj nuk do kërkojnë me ngulm një person ne krah. Me financat çdo gjë do shkoje me se miri.

Ujori

Dite e begate kjo e sotmja për te gjithë ata qe janë ne një lidhje. Marrëdhënia me partnerin do jete e ngrohte dhe nuk do ketë asnjë te papritur te pakëndshme. Beqaret duhet te dalin neper takime, por jo t’iu besojnë te gjithë atyre qe do i joshin. Financat do kërkojnë me shume se kurrë vëmendje prej jush. Mos lejoni qe situata t’iu dale jashtë kontrollit.

Peshqit

Ambienti ne lidhjen tuaj do jete goxha i tendosur sot. Nuk do kuptoheni si duhet me atë qe keni ne krah dhe debatet here pas here do jene te zjarrta. Beqareve do iu rendoje pa fund vetmia, por nuk do kenë çfarë te bëjnë. Duhet ende durim për te gjetur personin ideal. Ne Me financat do jeni shume te kujdesshëm dhe nuk do bini pre e tundimit për te shpenzuar pa fund.

The post Horoskopi ditor për nesër, e Premte 25 Korrik 2025 first appeared on JavaNews.al.

Kryeministri Edi Rama ka prezantuar një tjetër hap të rëndësishëm në rrugën e inovacionit në qeverisje, duke prezantuar Kryeinspektoriatin Digjital të Territorit.

Në një video të shkurtër të publikuar në rrjetet e tij sociale, Rama shpjegon se si ky institucion i ri po mbledh informacion në të gjithë Shqipërinë për të nisur zbatimin e masave të reja ligjore që synojnë kontrollin efektiv të territorit. Me anë të këtij digjitalizimi sipas kryeministrit, do të thjeshtohet puna e strukturave përkatëse dhe do të bëhen më të vështira praktikat abuzive.

“Ky Kryeinspektoriat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira.”-shkruan kryeministri Rama.

The post VIDEO/ “Do t’i bëjë zullumet më të vështira”, Rama prezanton Kryeinspektoriatin e Territorit first appeared on JavaNews.al.

Kryeministri Edi Rama mbledh të enjten kabinetin qeveritar në periferi të Tiranës, për një analizë të thelluar pune me dyer të mbyllura.

Çdo ministër do të raportojë për realizimin e detyrave dhe prioriteteve, në një kohë kur në terren janë ndërmarrë operacione për lirimin e hapësirave të zaptuara dhe ka nisur reformimi i njësive të qeverisjes vendore.

Rama pritet ta drejtojë mandatin e katërt me nisma të reja zhvillimi në territor, ndërsa brenda pak javësh socialistët do të thërrasin forumet drejtuese për të miratuar qeverinë e re.

Takimi zhvillohet një ditë pasi BE ftoi zyrtarisht Shqipërinë të hapë grupkapitullin e fundit të negociatave.

The post Qeverisja në analizë! Detaje nga takimi i Ramës me ministrat, kërkohet raportim për realizimin e objektivave first appeared on JavaNews.al.

Ghislaine Maxwell, ish-socialitja britanike dhe bashkëpunëtorja e dënuar e Jeffrey Epstein, do të takohet sot me zyrtarë të Departamentit amerikan të Drejtësisë në burgun federal të Tallahassee-s në Florida, ku po vuan një dënim me 20 vjet heqje lirie për përfshirje në rrjetin e shfrytëzimit seksual të të miturve që udhëhiqej nga Epstein.

Ky zhvillim vjen në një kohë kur presioni publik dhe politik për zbardhjen e plotë të rastit Epstein është në rritje veçanërisht nga mbështetësit e lëvizjes MAGA të presidentit Donald Trump, të cilët po kërkojnë publikimin e të ashtuquajturës “listë klientësh” të miliarderit të ndjerë.

Bëhet fjalë për emra të fuqishëm që dyshohet se kanë frekuentuar rezidencat e Epstein në Palm Beach, në Neë Mexico dhe në ishullin e tij privat në Karaibe, ku shpesh ndodheshin vajza të mitura.

Sipas Ëall Street Journal, presidenti Trump është informuar në muajin maj nga Prokurorja e Përgjithshme Pam Bondi se emri i tij përmendet “shumë herë” në dosjet e Epstein. Ajo thuhet se i ka rekomanduar të mos publikojë më shumë materiale, pavarësisht premtimeve të mëhershme për transparencë të plotë.

Shtëpia e Bardhë ka tentuar ta minimizojë çështjen, por rasti po thellon përçarjen brenda Partisë Republikane, mes mbështetësve të linjës së ashpër pro-Trump dhe republikanëve më moderatë. Tensionet politike u shtuan kur një nënkomision i Dhomës së Përfaqësuesve votoi për të thirrur Maxëell për të dëshmuar më 11 gusht, pikërisht në përvjetorin e gjashtë të vdekjes së Epstein, me votat e të gjithë demokratëve dhe tre republikanëve.

Kush është Ghislaine Maxwell?

Maxwell, 64 vjeçe, është vajza më e vogël e Robert Maxëell, dikur pronar i Daily Mirror, Macmillan Publishing dhe pjesë e MTV Europe. Pas vetëvrasjes së të atit në vitin 1991 dhe rrënimit të perandorisë familjare, ajo u shpërngul në Neë York ku u lidh me Epstein, një financier me lidhje të fuqishme që administronte pasuritë e CEO-s së Victoria’s Secret, Leslie Ëexner.

Shpejt, lidhja mes tyre kaloi nga romantike në bashkëpunim kriminal. Maxëell përdorte statusin e saj shoqëror për t’i afruar Epstein-it vajza të mitura, shpesh në kushte të vështira ekonomike, duke i mashtruar me premtime për punë si masazhatore dhe fitime të lehta. Në fakt, ato përfundonin viktima të abuzimit seksual.

Një prej dëshmitareve kyçe, Virginia Giuffre, ka rrëfyer se Maxëell e çoi në rezidencën e Epstein në Palm Beach, ku ajo u abuzua seksualisht ditën e parë kur ishte vetëm 16 vjeçe. Giuffre, e cila më vonë do të bëhej një nga akuzueset më të fuqishme të Epstein, ndërroi jetë në prill të këtij viti në rrethana që autoritetet i kanë cilësuar si vetëvrasje.

Maxëell u arrestua në vitin 2020 nga FBI, ndërsa fshihej në një shtëpi të izoluar në pyjet e Neë Hampshire, me celularin e mbështjellë me letër alumini për të shmangur gjurmimin. Në vitin 2022, ajo u dënua me 20 vjet burg për rekrutimin dhe trafikimin e vajzave të mitura për Epstein. Prokuroria kishte kërkuar një dënim nga 30 deri në 55 vjet.

A do të flasë Ghislaine Maxwell?

Pas dështimit për të anuluar dënimin në Gjykatën e Lartë, avokatët e saj po shpresojnë tani për një marrëveshje të mundshme me autoritetet. Ish-avokati i njohur Alan Dershoëitz, vetë i përfolur për lidhjet me Epstein, ka deklaruar se “nëse Maxwell do të ofrohet imunitet, ajo është e gatshme të flasë”.

Një takim me përfaqësues të Departamentit të Drejtësisë është planifikuar për sot, çka ka rindezur spekulimet për një bashkëpunim të mundshëm në këmbim të një uljeje dënimi apo lirimi të parakohshëm.

Përplasjet politike dhe fati i listës së fshehtë

Rasti Epstein po rikthehet në qendër të debatit politik amerikan. Megjithëse nuk ka ende prova që lidhin Trumpin me krimet e Epstein, përmendja e tij e përsëritur në dosje po nxit tensione në mesin e republikanëve.

Mbështetësit më të zjarrtë të Trump janë të zemëruar me Prokuroren Bondi dhe drejtuesit republikanë që, sipas tyre, po pengojnë zbardhjen e plotë të dosjeve. Nga ana tjetër, demokratët po e përdorin këtë ndasi për të akuzuar ish-presidentin dhe aleatët e tij për fshehje të qëllimshme.

Të dhënat mbi listën e përfolur të “klientëve”, nëse ekziston nuk janë bërë publike. Vetë Departamenti i Drejtësisë ka deklaruar se nuk ka një listë zyrtare. Ndërkohë, përplasjet ligjore për hapjen e dokumenteve të jurisë së madhe në Florida dhe New York vazhdojnë, ndërsa gjykatat janë të ndara për vlefshmërinë dhe konfidencialitetin e këtyre materialeve.

The post Bashkëpunëtorja e Jeffrey Epstein takohet me Departamentin e Drejtësisë. Roli i saj në dosjen “famëkeqe”?! first appeared on JavaNews.al.

Nga Ilir Demalia

Dje, teksa po shfletoja kanalet televizive siç shfletohet një gazetë e stërvjetruar që mblidhinin  bukën për punë në kohën e komunizmit, më zuri syri Euronews Albania në emisionin NOW (TANI). Aty, në një moment  më kapi  veshi një “gazetar” — ose të paktën dikë që e mban veten për të tillë. Emrin nuk po e përmend, jo nga mirësia, por nga paaftësia për ta kujtuar mes gjithë atyre figurave që dalin çdo ditë e që e kanë kthyer ekranin në një një kënetë ku llomotitet e llokoçitet gjithë ditën e lume pa kuptim .

Ky zotëria në fjalë, me vetëbesimin e një psikiatri të famshëm dhe me tonin e trashur të një gardiani të SPAK-ut, deklaroi me plot gojën:

“Erion Veliaj është në depresion të rëndë dhe ka pirë 30 kg raki.”

Po pra. Tridhjetë kilogramë. Jo gramë, jo litra, por kilogramë raki. Sepse, siç duket, rakia është tashmë njësi matëse e shëndetit mendor, dhe gazetari shqiptar ka kaluar nga roli i informuesit në atë të diagnozuesit klinik, distileristit dhe analistit të alkoolit të fermentuar nga rrushi.

Ky fenomen është një reflektim tragji-komik i asaj që mund të quajmë “gazetari të bërzive (mbetjeve të rrushit pasi është shrydhur dhe zier për raki) të rrushit” — ku rrushi nuk është më fryti i vjeljes profesionale, por metafora më e mirë për përmbajtjen e stërkulluar që na serviret si “analizë”.

Dhe meqë ra fjala, po, rrushi bën raki. Por jo çdo rrush bëhet gazetari, e aq më pak çdo gazetari bëhet ekspert për rrushin, për depresionin, për politikën, për moralin dhe për çfarëdo teme tjetër që i vjen përpara mikrofonit.

Në Shqipëri, lajmi nuk verifikohet, lajmi ndërtohet. Analiza nuk bëhet, sajohen. Gazetari nuk pyet, por deklaron. Ai nuk kërkon të informojë publikun, por ta trullosë. Dhe kjo është një çorbë që ziet e stërzihet si çorbë derrash në kazanin mediatik dhe hidhet në eter  si pordhë intelektual – sa qelb dynjanë.

Habia e vetme që na ka mbetur është që nuk ka më habi, as kur qelbemi prej pordhëve mediatike dhe as nuk mundohet kush të zërë hundët me dorë prej erës së qelbur të pordhëve të kazanit mediatik.

As kur dëgjojmë deklarata të tipit “Veliaj ka pirë 30 kg raki”, as kur na analizojnë liderë politikë si të ishin pacientë klinikë. Sot gazetaria ka rënë në dorën e opinionistëve që e ndërtojnë mendimin si një status Facebook-u, ku lajmi është “çfarë kam dëgjuar unë nga një shok që ka parë një tjetër që ka qenë aty”.

Mjerisht, kjo është fytyra e një pjese të mirë të medias shqiptare. Një media që më shumë prodhon tallava sesa informacion, ku sarkazma zë vendin e fakteve, dhe ku çdo studio televizive është bërë një kazan rakie, ku dehja vjen jo nga alkooli, por nga arroganca, injoranca dhe mosbesimi ndaj çdo etike profesionale.

Në këtë çorbë ku është zier gjithçka — gazetaria, politika, shëndeti mendor, rakia dhe rrushi — një gjë mbetet e qartë:

Ka shumë pak gazetarë dhe shumë rrush të bërë uthull.

The post Mjerë gazetaria dhe gazetarët: Kur rakia bëhet analizë dhe rrushi koment politike first appeared on JavaNews.al.

Në një spital të mbipopulluar në qytetin e Gazës, një foshnjë 7-muajshe, Mohammed, që peshon vetëm 4 kilogramë, ka të veshura një palë rroba me një emoji që buzëqesh dhe mbishkrimin “djalë i lumtur”, një ironi therëse në mes të një krize urie vdekjeprurëse.

Mohammed kalon pjesën më të madhe të ditës duke qarë nga uria ose duke kafshuar gishtat e tij të dobësuar. Kjo është hera e dytë që ai shtrohet në spital për shkak të kequshqyerjes. Trupi i tij është i deformuar, fytyra e zbehtë dhe brinjët i duken qartë nën lëkurën e holluar.

“Nuk kam frikë më nga bombat.Tani frika më e madhe është se do ta humbas nipin tim nga uria,” thotë gjyshja e tij, Faiza Abdul Rahman, e cila vetë është e rrënuar nga mungesa e ushqimit. Një ditë më parë kishte ngrënë vetëm një copë bukë, që kushtoi 15 shekelë (rreth 3 £).

Fëmijët e tjerë të familjes gjithashtu vuajnë nga uria. “Ka ditë që flenë pa ngrënë asgjë,” thotë Faiza. Nëna e Mohammedit, për shkak të kequshqyerjes gjatë shtatzënisë, nuk kishte prodhuar qumësht për ta ushqyer, dhe familja ka arritur të sigurojë vetëm dy kanaçe me qumësht pluhur që nga lindja e tij.

Në spitalin “Shoqata Bamirëse e Miqve të Pacientëve”, dhoma ku qëndron Mohammed është plot me fëmijë të tjerë të kequshqyer, shumë prej tyre të dyfishuar nëpër shtretër. Aktualisht, në qytetin e Gazës funksionojnë vetëm dy ekipe pediatrike, ndërkohë që çdo ditë kërkojnë ndihmë deri në 200 fëmijë.

Dr. Musab Farëana, pediatër në këtë spital, përpiqet të shpëtojë jetë çdo ditë, shpesh edhe pa sukses. Edhe familja e tij po vuan nga mungesa e ushqimit. Pagat e ulëta nuk mjaftojnë për të blerë ushqimet bazë dhe ai nuk guxon të rrezikojë jetën për të marrë ndihma ushqimore, pas vdekjes së kolegut të tij, Dr. Ramzi Hajaj, gjatë një shpërndarjeje të ndihmave.

Pavarësisht paralajmërimeve ndërkombëtare për urinë, Gaza po përjeton tani një krizë të thellë humanitare. Vetëm gjatë tri ditëve të fundit janë regjistruar 43 vdekje nga uria më shumë se gjysma e totalit që nga fillimi i luftës.

“Kam kaluar luftëra dhe rrethime, por kjo është periudha më e vështirë që kemi përjetuar ndonjëherë,” thotë Faiza.

Shifrat e publikuara nga autoritetet izraelite, OKB-ja dhe organizatat humanitare tregojnë se furnizimi me ushqim është drejt fundit. Çmimet kanë arritur nivele të papërballueshme, mielli po shitet më shumë se 30 herë më shtrenjtë sesa në fillim të vitit. As paratë dhe as lidhjet nuk garantojnë më siguri apo furnizim.

Organizata ndërkombëtare si Mjekët pa Kufij, Save the Children dhe Oxfam paralajmëruan se edhe punonjësit e tyre në terren po vuajnë nga uria. Federata e Gazetarëve të AFP-së paralajmëroi se për herë të parë në histori, një prej kolegëve të tyre mund të vdesë nga uria. Drejtori i OBSH-së, Dr. Tedros Adhanom Ghebreyesus, deklaroi se “një pjesë e madhe e popullsisë së Gazës po vuan nga uria, kjo është uria masive, e shkaktuar nga njeriu”.

Që nga 2 marsi, Izraeli ka vendosur një bllokadë të plotë mbi Gazën. Megjithëse më 19 maj kryeministri Netanyahu njoftoi lehtësimin e bllokadës për të shmangur një krizë humanitare, sasia e ndihmës që po lejohet është minimale dhe e pamjaftueshme për 2.1 milionë banorë.

Ushqimet po shpërndahen përmes katër pikave të kontrolluara nga një organizatë e mbështetur nga SHBA, të cilat palestinezët i quajnë “kurthe vdekjeje”. Me gjithë operacionin 58-ditor të Fondacionit Humanitar të Gazës (GHF), ndihmat e sjella do të mjaftonin për më pak se dy javë, edhe nëse shpërndaheshin në mënyrë të barabartë.

Umm Youssef al-Khalidi, një nënë e tetë fëmijëve në Gaza City, vendosi të rrezikojë gjithçka për të marrë ushqim nga një prej këtyre qendrave. Bashkëshorti i saj është i paralizuar dhe nuk mund të lëvizë, ndërsa fëmijët, dikur nxënës ekselentë, sot kalojnë ditët duke shitur byzylykë të lirë në rrugë – një përpjekje për të mbijetuar në mes të rrënojave.

“Uria i ka bërë fëmijët e mi si skelet. Çdo lëvizje e thjeshtë i lodh. Nuk kam çfarë t’u jap. Nuk mund t’i gënjej më,” thotë ajo.

Duke zgjedhur të rrezikojë jetën për një mundësi të vogël për ushqim, Umm Youssef u nis drejt një qendre shpërndarjeje pa asnjë mjet komunikimi me familjen – vetëm me shpresën se do të kthehej gjallë dhe me diçka për të ngrënë.

“Kam frikë për fëmijët, jo për veten. Po më ndodh gjë mua, ata do të mbesin vetëm,” thotë ajo.

Në Gaza, uria nuk është më një kërcënim është realitet. Dhe çdo ditë që kalon, më shumë fëmijë e prindër po bien viktimë e saj.

The post Thirrja e dhimbshme e nënave nga Gaza: Fëmijët po na kthehen në skeletë first appeared on JavaNews.al.

Nuk do të ketë përsëritje të zgjedhjeve në Elbasan. Kolegji Zgjedhor ka rrëzuar sot, 24 korrik, ankimimin e Partisë Demokratike për pavlefshmëri të procesit të 11 majit, duke vulosur kështu rezultatin përfundimtar të këtij qarku.

Vendimi u mor pas hapjes së kutive në dy bashki, Gramsh dhe Peqin, aty ku PD kishte depozituar pretendime për manipulim dhe parregullsi të rënda, duke folur madje për një “tren bullgar” me vota të fabrikuara.

Megjithatë, pas verifikimeve, Kolegji nuk konstatoi shkelje që të çonin në rrëzimin e rezultatit. Ndërkohë, sot pritet të shqyrtohen në Kolegj edhe ankesat për qarkun e Durrësit dhe Fierit.

Mandatet në Tiranë, të certifikuara zyrtarisht nga KQZ

Kujtojmë se dje, 23 korrik, Komisioni Qendror i Zgjedhjeve certifikoi tabelën përmbledhëse për qarkun e Tiranës, duke zyrtarizuar shpërndarjen e mandateve.

-Partia Socialiste 19 mandate

-Aleanca për Shqipërinë Madhështore (koalicioni me PD-në) 13 mandate

-Partia Mundësia 1 mandat

-Nisma “Shqipëria Bëhet” 1 mandat

–Lëvizja Bashkë 1 mandat

Me vendimin për Elbasanin dhe certifikimin e mandateve për Tiranën, procesi paszgjedhor po shkon drejt fundit, ndërsa priten vetëm vendimet e Kolegjit për Durrësin dhe Fierin.

The post Zgjedhjet në Elbasan nuk përsëriten, Kolegji rrëzon Partinë Demokratike! first appeared on JavaNews.al.

Kryetari i Komisionit ‘Antikorrupsion’ Fatmir Xhafaj ka deklaruar se planveprimi që po hartohet për çështjet kundër korrupsionit nuk ndërhyn dhe as nuk merr përsipër të bëjë detyrat e qeverisë apo të institucioneve të pavarura.

“Plani kombëtar i veprimit është i mirëpërcaktuar me çështjet që do të duhen të trajtohen, me ndryshimet e nevojshme apo ligjet e reja që duhet të hartohen, kush është përgjegjës në të gjithë këtë, Kuvendi është i përfshirë, sepse fokusi i këtij plani është Kuvendi.

Ne nuk marrim përsipër të bëjmë detyrat e qeverisë, nuk marrim përsipër të bëjmë detyrat e institucioneve të pavarura. Ne marrim përsipër për të bërë ato detyra që ka Kuvendi për të bërë”, u shpreh Xhafaj në një konferencë me gazetarët.

Ai theksoi se do të jetë Kuvendi ai i cili më pas do ta shndërrojë në ligj këtë planveprimi dhe do të kryejë mbikëqyrjen nëse ky ligj apo detyra të caktuara do të realizohen apo jo nga institucionet përgjegjëse.

Sa i përket modaliteve të ngritjes së komisioneve që do të shqyrtojnë këtë planveprimi, Xhafaj tha se edhe ato do të varen nga Kuvendi se si do të jenë këto komisione, të përhershme, nënkomisione apo të posaçme.

“Kuvendi ka 2 kompetenca të mëdha, ligjbërjen dhe mbikëqyrjen. Ky planveprimi parashikon ligjet që do të bëjë Kuvendi dhe mbikëqyrjen që do të bëjë Kuvendi për realizimin e këtyre nismave apo masave institucionale në mënyrë që ato të realizohen nga institucionet përgjegjëse.

Pastaj modalitetet se si do të jetë, do të jetë një komision i përhershëm parlamentar nga Komisionet ekzistuese apo një komision i ri i përhershëm parlamentar apo një nënkomision, apo një komision i posaçëm, kjo është një çështje që mbetet në vullnetin e Kuvendit”, shpjegoi Xhafaj.

Ai theksoi gjithashtu se ky planveprimi është hartuar nga grupi i ekspertëve të nivelit të lartë që ka “në përbërjen e tij rreth 119 ekspertë kombëtarë dhe ndërkombëtarë, ndër të cilët 69 janë ekspertë kombëtarë, 19 nga diaspora dhe 31 janë ekspertë ndërkombëtarë”.

I pyetur nëse opozita do të jetë pjesë e këtij komisioni, Xhafaj tha se është detyrim që mazhoranca dhe opozita të përfaqësohen në komisionet e Kuvendit.

“Kuvendi ngre komisionin, dhe Kuvendi ka detyrimin që të caktojë vendet e opozitës dhe vendet e mazhorancës.  Është detyrim i Kushtetutës dhe rregullores që ata të ulen”, theksoi Xhafaj.

The post Komisioni ‘Antikorrupsion’, Xhafaj: S’marrim përsipër të bëjmë detyrat e institucioneve të pavarura first appeared on JavaNews.al.

Me kërkesën e Prokurorisë së Beratit janë arrestuar dy shtetase vietnameze dhe pronari i një banese. Vietnazmet ishin të organizuara nga një person ende i paidentifikuar për të ushtruar prostitucion.

Ato kanë deklaruar se kishin ardhur për turizëm  por me pas duke pasur nevojë për më shumë para për biletën e kthimit, vendosën të kryejnë këtë aktivitet të jashtëligjshëm.

“Tre persona, dy shtetase vietnameze dhe shtetasi shqiptar Xh.S. u arrestuan me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat për veprën penale “Prostitucioni” parashikuar në nenin 113 të Kodit Penal dhe për veprat penale parashikuar nga neni 115 dhe 300 i K.Penal.

Nga hetimet mbi procedimin penal nr.370, të vitit 2025, rezultoi se të implikuar në këtë veprimtari kriminale janë disa shtetase të huaja të cilat janë organizuar nga një person në qytetin e Beratit ende i paidentifikuar”, thuhet në njoftimin e Prokurorisë së Beratit

The post “Nuk kishim lekë për biletën e avionit”, arrestohen në Berat dy prostituta nga Vietnami first appeared on JavaNews.al.

Në një operacion të Seksionit për Hetimin e Krimeve Ekonomiko-Financiare në Tiranë, gjatë 24 orëve të fundit janë arrestuar dy persona dhe është shpallur në kërkim një notere, lidhur me dy raste mashtrimi që kanë të bëjnë me shitjen dhe blerjen e apartamenteve.

Shtetasi Marjo Qose, 31 vjeç, u arrestua pasi gjatë një viti i ka marrë një 34-vjeçari shumën prej 75,000 eurosh, duke e mashtruar se do t’i blinte për llogari të tij një apartament në kryeqytet.

Ndërsa Nani Kolovani, 48 vjeç, është arrestuar për shkak se ka shitur dy herë të njëjtin apartament. Hetimet vazhduan dhe u identifikua noterja Majlinda Demollari, 57 vjeçe, e cila dyshohet se ka përpiluar dy kontrata të ndryshme për të njëjtën pronë. Ajo është shpallur në kërkim dhe policia po punon për kapjen e saj.

The post Mashtronin me shitjen e apartamenteve në Tiranë, në pranga dy persona, në kërkim noterja first appeared on JavaNews.al.

Kryetari i Komisionit Antikorrupsion, Fatmir Xhafaj, prezantoi sot punën 14-mujore të komisionit në fjalë.

Ai tha se debatin për reformën në drejtësi Partia Socialiste e shmangu për shkak të zgjedjheve elektorale, për të mos ndikuar në këtë të fundit.

I ashpër, Xhafaj u tregua edhe me institucionet e drejtësisë së re teksa tha se brenda tyre ka njerëz që nuk duan ta bëjnë analizën e situatës.

“Ne i thamë të bënin analizën dhe ata nuk pranuan. Institucionet sollën 150 amendamente në Komision, por nuk pranuan të bëjnë analizën. Ne ua ofruam si mundësi. Ata nuk kanë kurajon të thonë se janë ata që kanë kërkuar ndryshime kushtetuese. KLP dhe KLGJ nuk kanë bërë ende një cikël vlerësimi tek prokurorët dhe gjyqtarët. Nuk përmbushin detyrimet dhe përgjegjësitë e tyre” – tha Xhafaj.

The post Xhafaj: Brenda institucioneve të drejtësisë ka njerëz që nuk duan të bëjnë analiza! S’kanë guxim ta pranojnë se… first appeared on JavaNews.al.

Rreth orës 09:30 të mëngjesit të sotëm, një aksident rrugor ka ndodhur pranë urës së Kardhiqit, ku një autoambulancë me drejtues shtetasin Gj. Sh. është përplasur me një automjet tjetër të drejtuar nga shtetasi D. K.

Si pasojë e përplasjes janë plagosur drejtuesi i ambulancës, pacienti që po transportohej, shoqëruesja dhe infermierja që ndodheshin në autoambulancë, si dhe drejtuesi dhe një pasagjere në automjetin tjetër.

Pacienti, shtetasi I. M., ndodhet në gjendje më të rëndë shëndetësore, ndërsa të plagosurit e tjerë janë jashtë rrezikut për jetën dhe po marrin trajtim mjekësor.

The post Aksident i rëndë në Gjirokastër, përplaset ambulanca, 6 të plagosur first appeared on JavaNews.al.

Kryetari i Komisionit të Posaçëm Parlamentar për Mirëqeverisjen, Antikorrupsionin dhe Sundimin e Ligjit, Fatmir Xhafaj, ka dalë sot në një konferencë për mediat në përmbyllje të mandatit të veprimtarisë së këtij komisioni, si dhe për të bërë një bilanc të punës së realizuar deri më tani. Në nisje të takimit, Xhafaj kujtoi se e ka filluar drejtimin e këtij komisioni me një bashkëbisedim me gazetarët për të bërë publike qëllimin e ngritjes së komisionit dhe në fund të mandatit ndien detyrimin për ta përmbyllur me po me një bashkëbisedim me gazetarët, në funksion të transparencës me ta dhe me qytetarët. Xhafaj theksoi se ky Komision i Posaçëm e ka përmbushur qëllimin e ngritjes së tij ndonëse pati një mandat të kufizuar me vetëm 14 muaj dhe me periudhën elektorale në mes.

KOMISIONI E PËRMBUSHI QËLLIMIN

“Komisioni me dokumentat e hartuara dhe të miratuara adresoi një sërë poblematikash dhe vendosi piketa të qarta aq të domosdoshme për përballjen me 3 sfida kyç të zhvillimit, Mirëqëverisjen, Antikorrupsionin dhe Sundimin e ligjit ,thelbësore për konsolidimin e shtetit të së drejtës. Ashtu si dhe nga ana tjetër përmes këtyre dokumentave qartësoi përgjegjësitë për një rol më aktiv të Kuvendit në procesin e negociatave për Shqipërinë 2030 në BE dhe reformimin e vetë Kuvendit, nisur kjo edhe nga konteksti i zhvillimeve të integrimit europian të Shqipërisë dhe reflektimet ligjore dhe institucionale me sfidat në kuadër të këtij procesi”, tha Xhafaj duke theksuar gjithashtu se metodologjia e veprimtarisë së Komisionit të Posaçëm, është një ndër më të plotat dhe më të qartat për të garantuar transparencën, gjithëpërfshirjen dhe profesionalizmin.

Kuvendi tha ai, këtë përvojë të krijuar, këtë model tashmë të realizuar, mund t’a aplikojë në të gjitha proceset e tjera të ngjashme, në përmbushje edhe të rekomandimeve të vazhdueshme për këtë aspekt në raportet e Progresit të KE-së.

“Gjithë ky proces i ndërtuar është mbështetur dhe ka garantuar 4 parime themelore që janë: Gjithëpërfshirja, Transparenca, Profesionalizmi dhe Standardet më të mira ndërkombëtare. Synimi kryesor i komisionit ka qënë dhe besoj se ja kemi arritur përmes metodologjisë së zbatuar që i gjithë ky proces në vetvehte dhe veçanërisht dokumentat që janë hartuar së bashku me propozimet përkatëse të garantojnë standarte europiane si dhe reflektimin në praktikat më të mira të vendeve të BE-së si dhe të jenë në përputhje të plotë me rekomandimet e BE dhe kriteret për pozicionet negociuese”, tha Xhafaj.

IMPAKTI, VLERAT DHE RISITË E KËTIJ KOMISIONI

Duke folur për impaktin e punës së bërë në këtë komision nga rreth 119 ekspertë kombëtarë dhe ndërkombëtarë, ai përmendi disa nga arritjet, të cilat i çmon si vlera dhe risi të këtij procesi kompleks.

“1.Për herë të dytë në këto 10 vite, Kuvendi i Shqipërisë u shndërrua në hapësirën kushtetuese e institucionale për realizimin e një tjetër reforme shtetndërtuese që synon konsolidimin e shtetit të së drejtës por që i shërben edhe procesit të anëtarësimit për Shqipërinë 2030 në BE. Vështirë të gjeni një shembull të dytë, në rajon dhe më gjerë, të ndërmarrjes me inisiativë nga vende kandidate për BE, të projekteve të tilla kaq komplekse, përfshirëse dhe me ambicien e fortë për ndryshim.

2.Përfshirje e gjerë e të gjithë faktorëve kyç të shoqërisë. Kjo e bën këtë një projekt kompleks për nga koordinimi dhe realizimi, por që përbën njëherësh edhe një model se si duhet të ndërtohen reforma të tilla duke shkuar nga analiza e situatës – te identifikimi i gjetjeve dhe adresimin e masave për zgjidhje – te procesi ligjvënës – dhe pastaj te zbatimi e monitorimi.

3.Ky proces ishte një kontribut tjetër me vlerë edhe në një aspekt tjetër me rëndësi lidhur me integrimin dhe imazhin e vendit. Një dëshmi e rritjes së vendit e institucioneve të tij edhe në një këndvështrim tjetër duke provuar se tashmë ne kemi kapacitetet për të ndërmarrë hapa të tilla, që vende të ngjashme me ne nuk kanë pasur kurajon t’i ndërmarrin.

4.Ne hartuam dhe miratuam një analizë, një Dokument Analitik prej rreth 700 faqesh, i pari dokument i këtij lloji që mban autorësinë e ekspertizës shqiptare. Analiza bën një skanim të situatës aktuale në 3 fushat, mbështetur në raportet përkatëse zyrtare të viteve të fundit, vendase dhe ndërkombëtare dhe kryesisht në gjetjet, vleresimet, problematikat dhe rekomandimet e Raporteve të BE dhe dokumentave ku shteti shqiptar ka shprehur angazhimet e tij në kuadër të procesit të integrimit.

5.Plani Kombëtar i Veprimit përbën një tjetër vlerë dhe risi të këtij procesi. Ai është një dokument unik i këtij lloji në veprimtarinë e Kuvendit të Shqipërisë gjatë këtyre dekadave të demokracisë parlamentare në vendin tonë.

6.Ky proces nuk mund të konsiderohej i plotë, pa realizimin e një procesi intensiv të konsultimit publik për të gjitha fazat e hartimit të dy dokumentave”, tha Xhafaj teksa përmendi 11 tryeza debati dhe diskutimi, 8 forume dialogu qytetar; 2 konferenca të nivelit të lartë për prezantimin e Analizës dhe Planit Kombëtar të Veprimit etj.

DY DOKUMENTE BAZË NË KUVEND

Përgjatë këtyre 14 muajve tha më tej Xhafaj, komisioni ka përmbyllur dy fazat e para të tij dhe i ka dorëzuar Kuvendit dy dokumente parlamentare bazë: Dokumenti Analitik dhe Plani Kombëtar i Veprimit. Ai shpjegoi përmbajtjen e këtyre dokumenteve.

“Dokumenti Analitik për të tre fushat; Mirëqeverisja, Antikorrupsioni dhe Sundimi i Ligjit, është një dokument me 709 faqe dhe trajton të gjitha aspektet në 18 kapituj. Struktura e analizës është e organizuar në mënyrë të tillë që për çdo çështje të ofrohet një pasqyrë e situatës aktuale, duke shqyrtuar masat ligjore dhe institucionale të zbatuara. Për përgatitjen e kësaj analize, Ekspertët e Nivelit të Lartë kanë skanuar dhe analizuar mbi 15.000 faqe dokumenta, analiza e raporte të ndryshme. Plani Kombëtar i Veprimit është një dokument që përcakton masa konkrete, horizontale dhe sektoriale, të cilat synojnë përmbushjen e detyrave dhe përgjegjësive të Kuvendit, në kuadër të procesit të negociatave të antarësimit të Shqipërisë BE. Plani kombëtar i veprimit përmban 56 fusha tematike të cilat adresojnë çështjet kryesore me 238 masa konkrete, nga të cilat 78 janë nisma ligjore dhe 160 masa institucionale. Këto janë dy dokumente të rëndësishëm parlamentar, produkt i punës së komisionit. Ndërkohë që kemi hapur rrugën edhe për zbatimin e masave ligjore dhe institucionale të parashikuara në Planin Kombëtar të Veprimit. Ashtu siç bëmë jo më larg se dje në diskutimin dhe konsultimin publik të dy projektligjeve si masa institucionale të propozuara në Planin Kombëtar të veprimit të shtyllës antikorrupsion dhe siç do bëjmë me procesin që pason. Dokumenti Analitik dhe Plani Kombëtar i Veprimit të miratuar e të publikuar në faqen e komisionit, përbëjnë dokumenta parlamentare me rëndësi dhe janë pjesë e përgjegjësive dhe angazhimit të strukturave të Kuvendit në fushat respektive”, tha Xhafaj.

ÇFARË NDODH MË TEJ?

Sa i përket të ardhmes së veprimatisë së Komisionit të Posaçëm, Fatmir Xhafaj tha se bazuar edhe në diskutimet e deritanishme, mbështetur në Rezolutën e Kuvendit, por edhe në masat e propozuara në Planin Kombëtar të Veprimit, është e nevojshme që një Komision ose një nënkomision parlamentar i përhershëm ose një strukturë në nivel institucional që do gjykohet nga Parlamenti, të vijojë veprimtarinë e tij.

“Kjo për të vijuar me fazën e tretë të hartimit dhe miratimit të projektligjeve të identifikuara si masa nga Plani Kombëtar i Veprimit si pjesë e listës prioritare të ligjeve ashtu si dhe me vijimin e punës për realizimin e detyrës për kapitullin “III.3 – Konsolidimi i reformës në drejtësi”. Dokumenti analitik e veçanërisht Plani Kombëtar i Veprimit bashkëngjitur janë dokumenta parlamentare me vlera të shumëanshme, efekti shumë pozitiv i të cilave do të përcaktohet nga shkalla e angazhimit për zbatimin e tij nga Kuvendi dhe strukturat e tij në legjislaturën e ardhshme 2025 – 2029 në funksion të ambicies sonë legjitime – Shqipëria 2030 në BE”, tha Xhafaj teksa në përfundim falënderoi kolegët deputetë pjesëmarrës në këtë komision, Grupin e Ekspertëve të Nivelit të Lartë, Sekretariatin Teknik, stafin e Kuvendit dhe të gjithë aktorët që kanë marrë pjesë aktivisht në proceset e konsultimit dhe diskutimit, vendas dhe ndërkombëtar, përfaqësues të institucioneve publike, institucioneve të pavarura, shoqërisë civile, botën akademike, komuniteti i biznesit, qytetarë, që janë angazhuar në këtë proces dhe natyrisht gazetarët e lirë të medias që kanë përcjellë mbledhjet dhe janë përpjekur të pasqyrojnë me realizëm punën që është bërë.

The post Përfundon mandati i Komisionit Antikorrupsion, Xhafaj tregon tre sfidat kyçe: Kuvendi tashmë e ka modelin për… first appeared on JavaNews.al.

Zjarri në malin e Dukatit në Vlorë mbetet ende aktiv, pavarësisht se një ditë më parë u raportua se ishte vënë nën kontroll.

Flakët janë përqendruar në dy vatra kryesore: një mbi fshatin Dukat dhe tjetra në drejtim të Parkut të Llogarasë. Në vendngjarje ndodhen forcat zjarrfikëse, përfaqësues të Forcave të Armatosura dhe të Emergjencave Civile, të angazhuara për neutralizimin e zjarrit.

Zjarri ka shpërthyer më 5 korrik dhe që prej asaj kohe ka përpirë një sipërfaqe të konsiderueshme me pisha dhe bredha, ndërsa në disa raste ka rrezikuar edhe banesat përreth.

Për të ndihmuar në përballimin e situatës, nga Greqia, si vend anëtar i Bashkimit Evropian, kanë mbërritur dy avionë zjarrfikës, të cilët kanë ndërhyrë me hedhje uji për të ndaluar përhapjen e flakëve në drejtim të Parkut Kombëtar të Llogarasë.

Zona e Dukatit është përfshirë nga flakët prej më shumë se dy javësh. Zjarri u përhap sot, 23 korrik, me intensitet, duke iu afruar Parkut Kombëtar të Llogarasë, një prej zonave më të bukura dhe të mbrojtura të bregdetit jugor.

Ndërkohë për mikrofonin e Klan News, Prefekti i Qarkut Vlorë, Plator Nesturi, deklaroi ditën e djeshme se zjarri ka qenë tejet problematik që prej datës 6 korrik, ndërsa është riaktivizuar në 5 ditët e fundit.

The post Nuk ndalet zjarri në Dukat, flakët rrezikojnë Parkun e Llogarasë first appeared on JavaNews.al.