Zoti Zeqir Kordhoni reagoi në emisionin “Off the Record” me Andrea Dangllin, në A2 CNN, me anë të një mesazhi.

Sipas tij, Adriatik Lapaj i ka gënjyer, pasi pati premtuar se nëse koalicioni do të merrte vetëm një mandat, do të jepte dorëheqjen.

“Adriatiku na gënjeu! Unë jam njeri i thjeshtë me 1000 halle, por u angazhova në këtë fushatë se besova që po ndryshojmë Shqipërinë. Kur Adriatiku na dha llafin që po morëm vetëm një mandat, do jap dorëheqjen, e besova. Kam daë në diell e shi, mblodha firma, shpërndava fletëpalosje, organizova takime, kam ndejt pa gjumë në numërim për të ruajtur votat, vetëm që të fitonim. Siç kisha dhënë llafin, në 11 Maj firmosa dorëheqjen. Por, kur pashë që Adriatiku u fsheh dhe nuk po e mbante fjalën, u ndjeva i përdorur. Unë s’jam kalama që të tallet njeri me mua. Unë nuk ha bar”, komentoi Kordhoni në “Off the Record” me Andrea Dangllin, në A2 CNN.

“Kur shkova në KQZ, Adriatiku në vend që të reflektonte, u soll si gangster. Unë nuk dua të bëhem deputet, por nuk mund të më shkelë njeri me këmbë. Adriatiku dhe të gjithë ta kuptojnë se nuk mund të tallen me njerëzit kështu. O thuaje fjalën dhe mbaje… ose (e dini vetë)”, tha më tej Kordhoni.

The post “Adriatiku na gënjeu”, thyen heshtjen Zeqir Kordhoni: Kur shkova në KQZ, Lapaj u soll si gangster first appeared on JavaNews.al.

Ishte parashikuar që nesër të zhvillohej mbledhja e Këshillit Bashkiak, ku si rend të ditës do të kishte si shqyrtim dhënien e një hapësire toke me sipërfaqe të konsiderueshme në fshatin Kaninë, ku do të vendoseshin panelet fotovoltaike.

Një investim ky privat mbi tokën e ashtuquajtur të Bashkisë së Vlorës.

Por, ky vendim mesa duket është hequr nga rendi i ditës së nesërme të Këshillit Bashkiak.

Në një njoftim në faqen zyrtare të këtij të fundit sqarohet arsyeja:

Të nderuar banorë të Vlorës, por jo vetëm,

Në përgjigje të interesimit të disa mediave dhe në vazhdën e dizinformimit nga disa të tjera, sqarojmë se:

Është e vërtetë që prej 16 muajsh Bashkia Vlorë ka marrë disa kërkesa për një truall me sipërfaqe 831.7 ha, ku subjektet kërkuese synojnë të ndërtojnë një park fotovoltaik. Kërkesat janë depozituar përkatësisht në këto data:

1. 29.04.2024

2. 20.05.2024

3. 23.05.2024

Së fundmi, kërkesa është miratuar për t’iu përcjellë Këshillit Bashkiak.

Megjithatë, nga dokumentacioni i marrë nga Kadastra më datë 18.07.2025, me qëllim plotësimin e dokumenteve për mbledhjen e Këshillit, rezulton se trualli në zonën e Kaninës ka vetëm një vërtetim hipotekor si truall në emër të Bashkisë, por Bashkia Vlorë nuk figuron si zotëruese e titullit të pronësisë së këtij trualli.

Në këto kushte, Këshilli Bashkiak nuk mund të marrë një vendim në lidhje me këtë kërkesë.

Të gjitha komentet dhe insinuatat e tjera janë keqkuptime ose dizinformime me prapavijë keqdashëse.

Duke ju uruar një fillim jave sa më të paqtë, ju njoftojmë se nesër do të vijojmë me mbledhjen dhe shqyrtimin e projekt-vendimeve të tjera të rendit të ditës.

Me respekt,

Kryetare

Elpiniqi Mërkuri

The post Ishte parashikuar dhënia e një sipërfaqe toke për panelet fotovoltaike, Këshilli Bashkiak i Vlorës e heq nga rendi i ditës first appeared on JavaNews.al.

Plagosja e ish-efektivit në Sarandë mbrëmjen e sotme nuk ka ndodhur me armë zjarri, por me tytë pistolete, edhe pse nisur nga të shtënat në ajër është menduar se plagosja ka ardhur nga armë zjarri. Ky është edhe versioni i policisë.

Sipas burimeve që vijnë nga vendngjarja, ka qenë sherr mes disa personash. Janë nxjerrë dhe thika. Njëri ka nxjerrë pistoletën ka qëlluar në ajër, pastaj ka qëlluar Adil Velin 3 herë me qytë pistolete në kokë. Veli, 56-vjeçar, ka punuar më parë si efektiv policie.

Njoftimi i policisë:

Sot, rreth orës 19:10, në lagjen nr. 4, Sarandë, dyshohet se gjatë një konflikti është dëmtuar me një send të fortë, dyshohet me tytën e një pistolete, shtetasi Adil Veli, 56 vjeç, i cili ndodhet në spital, nën kujdesin e mjekëve.

Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.

Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj.

The post “U godit me tytë pistolete, nuk ka plagë nga armë zjarri”, policia jep detajet e plagosjes së 56-vjeçarit në Sarandë (FOTO) first appeared on JavaNews.al.

Endri Shabani, kryetari i Nismës Thurje, tregoi në studion e “Off the Record” me Andrea Dangllin, në A2 CNN, konfliktin me Adriatik Lapajn e “Shqipëria Bëhet”.

“Ka një tension që lidhet me premtimin për përfaqësim në Parlament. Sistemi zgjedhor na ka detyruar që të dalim me një skemë ku lista e mbyllur do të jepte dorëheqjen (46 kandidatë) dhe të gjithë të tjerët ishim te lista e hapur. Para se të ndodhte e gjitha kjo, pati diskutim se kush do e drejtonte koalicionin dhe vendosëm ta drejtonte më i riu ndër ne, që ishte Adriatik Lapaj, i cili, si kryetar, do të ishte edhe më i promovuari. Për pasojë, do të kishte avantazh ndaj të tjerëve. Shqetësimi ishte se ky avantazh mund të ishte i padrejtë. Për këtë arsye, garancia ishte që nëse marrim vetëm 1 mandat, nuk do të ishte Adriatiku”, tha Shabani.

“Kishte një garë mes gjithë të tjerëve dhe kishte një angazhim të drejtuesit të koalicionit, i cili tha që “ju nuk po futeni në garë për të më bërë mua deputet sepse nuk jam këtu për karrierën time personale”. Kjo garanci u tha edhe publikisht më pas. Çfarë ndodhi? Të 46 kandidatët, kur erdhi data 11 maj, firmosën dorëheqjet. Kandidati i 47, që ishte Adriatiku, ndryshoi mendim”, shtoi Shabani.

Sipas tij, kryetari i koalicionit që kishte avantazh ndaj të tjerëve “merrte përsipër që të jepte dorëheqjen”.

“Kjo nuk është shkruar në marrëveshje, por ne jemi njerëz të fjalës dhe janë provat që angazhimi ai ishte. Duke qenë se ishte lider i koalicionit, ai vendoste standardin për të tjerët. Njëri prej personave që kishin firmosur dorëheqjen u ndje i përdorur ngaqë kreu i koalicionit nuk e mbajti fjalën”, shtoi më tej Lapaj.

The post Endrit Shabani: Lapaj kishte dhënë garanci se do jepte dorëheqjen, nuk e mbajti fjalën first appeared on JavaNews.al.

Një histori e dhimbshme me elemente tradhtie, xhelozie dhe betejash ligjore ka tronditur Greqinë dhe Shtetet e Bashkuara, pas vrasjes së një profesori të njohur në Athinë. Przemyslaw Jeziorski, 43 vjeç, profesor i marketingut në Universitetin e Kalifornisë në Berkeley, u vra me armë zjarri më 4 korrik, ndërsa po shkonte për të marrë fëmijët e tij. Sipas hetimeve të policisë greke, vrasja lidhet me një betejë të ashpër për kujdestarinë e fëmijëve.

Vrasja ndodhi në periferi të Athinës, në një lagje zakonisht të qetë. Jeziorski u qëllua disa herë nga afër dhe vdiq në vendngjarje, ndërsa autori i maskuar u largua me shpejtësi. Pas një hetimi 12-ditor, policia arrestoi partnerin e ri të ish-gruas së viktimës, i cili pretendoi se e kreu krimin për të parandaluar profesorin që t’i merrte fëmijët. “E bëra të gjithën për [të] dhe fëmijët tanë, në mënyrë që të kishim një jetë normale pa probleme”, citohet ai në rrëfimin e tij për policinë.

Beteja për kujdestarinë dhe rrëfimet kontradiktore

Przemyslaw Jeziorski, me origjinë nga Polonia, dhe ish-gruaja e tij, një shtetase greke, ishin përfshirë në një betejë ligjore për kujdestarinë e fëmijëve të tyre binjakë 10-vjeçarë, të cilët jetonin me nënën e tyre në Greqi. Një ditë para vrasjes, një vendim gjykate i kishte dhënë Jeziorskit të drejtën për t’i marrë fëmijët për një muaj.

Rrëfimi i autorit të dyshuar detajon se ai bleu armën e krimit dhe mori ndihmën e katër bashkëpunëtorëve të tjerë – një bullgar, dy shqiptarë dhe një tjetër person – për ta kërcënuar viktimën. Megjithatë, njëri prej bashkëpunëtorëve ka dhënë një dëshmi kontradiktore, duke pretenduar se ishte ish-gruaja e Jeziorskit ajo që e kishte “organizuar të gjithë ngjarjen”.

Ndërsa i dyshuari kryesor pretendon se partnerja e tij nuk kishte dijeni për planin, policia greke e ka akuzuar ish-gruan për bashkëpunëtore morale, akuzë që ajo e mohon. Identitetet e tyre nuk janë bërë publike për shkak të ligjeve greke.

Reagimi i familjes dhe hapat e ardhshëm

Familja e Jeziorskit është shprehur e shkatërruar, por mirënjohëse ndaj policisë greke për arrestimet. Vëllai i viktimës ka theksuar se shqetësimi kryesor mbetet siguria dhe mirëqenia e fëmijëve, të cilët ndodhen nën kujdestari në Greqi. Familja ka nisur një fushatë online për mbledhje fondesh, me qëllim riatdhesimin e eshtrave të profesorit në Poloni dhe mbulimin e shpenzimeve ligjore.

Të pesë të akuzuarit pritet të paraqiten në gjykatë për të dëshmuar, ku do të vendoset nëse do të mbahen në paraburgim në pritje të gjyqit. Ky rast i pazakontë, me dëshmi kontradiktore dhe implikime të rënda familjare, pritet të shënojë një nga gjyqet me profilin më të lartë në Greqi. /CNN/

The post Vrasja e profesorit në Athinë, rrëfimi në polici i autorit të krimit: E bëra për ish-gruan e tij, donte t’i merrte fëmijët first appeared on JavaNews.al.

Besnik Çerekja, i njohur edhe si avokat i Shkëlzen Berishës, rezulton pjesë e dosjes së zhvatjes 20-vjeçare të pasurisë nëntokësore shqiptare nga kompania Bankers, në bashkëpunim me politikanë dhe oligarkë. Pedagogu i Fakultetit të Drejtësisë, gjatë periudhës 2020-2025, ka marrë rreth 4.4 milionë euro nga komapania Bankers, me faturime të dyshuara si fiktive dhe për shërbime vetëm në letër.

Avokati i Shkëlzenit i ka përfituar paratë përmes studios së tij ligjore Studio Legale Cerekja shpk dhe Besnik Cerekja PF. Rreth 2.8 miionë euro i ka përfituar përmes subjektit ‘Besnik Cerekja PF’ me dy punonjës.

Prokuroria e Fierit nuk ka kryer një hetim më të thelluar se pse Bankers u ka dhënë miliona euro pa bërë asgjë Besnik Cerekjas, Alket Hysenit, Endri Pukës, Behar Çukajt etj., por është mjaftuar me konstatimin e lëvizjes së parave dhe trajtimin si evazion fiskal dhe mashtrim me skemën e TVSH-së.

Bankers kishte të punësuar me kohë të plotë ekspertë ligjorë, madje me rroga marramendëse, dhe nuk kishte nevojë për shërbimet e Besnik Cerekjas. Atëherë pse Bankers i ka dhënë 4.4 milionë euro avokatit Besnik Cerekja, duke përfituar 20 % të shumës rimbursim me TVSH, fryrë shpenzimet dhe evituar taksat? Mos vallë paratë kanë përfunduar në xhepat e Familjes Berisha?

Të vërtetën mund t’a zbulojë vetëm SPAK-u, por dyshimet shtohen pasi Sali Berisha, disa ditë më parë, mori në mbrojtje kompaninë Bankers Petroleum, e cila akuzohet se për 20 vite me radhë ka shmangur taksat duke i shkaktuar miliarda euro dëm buxhetit të shtetit. Berisha mori në mbrojtje atë që konsiderohet si mashtrimi më i madh dhe vjedhja më e frikshme në historinë e shtetit shqiptar./Prapaskena

The post Avokati i Shkëlzenit përlau 4.4 mln euro nga Bankers/ Pse Berisha mori në mbrojtje aferën e shekullit? first appeared on JavaNews.al.

Diaspora mbetet prioritet i qeverisë shqiptare. Jo vetëm me të drejtën e votës së mundësuar për herë të parë në zgjedhjet e 11 majit, por duket se ka një plan për t’i ftuar shqiptarët e larguar jashtë të rivijnë në atdhe.

Në strategjinë kombëtare për migracionin, parashikohen lehtësim politikash për rikthimin dhe riintegrimin e emigrantëve në shoqërinë shqiptare.

Në dokumentin e punuar në bashkëpunim edhe me Organizatën ndërkombëtare të migracionit theksohet një projekt që pritet të nis në 2026 si një fushatë e gjerë informuese për mundësitë e punësimit në vend, e cila do të zgjas katër vite me institucione përgjegjëse Ministrinë e Ekonomisë dhe atë të Jashtme dhe përfshirjen gjithashtu të Ambasadave dhe shoqatave me vlerë rreth 70 milionë lekë.

Së pari, planifikohet që deri në 2026 të jetë kryer identifikimi i kapaciteteve intelektuale dhe profesionale të emigrantëve shqiptarë. Mbi 56 milionë lek mendohen të shkojnë po ashtu për krijimin e stimujve për të promovuar kthimin e emigrantëve përkohësisht ose përgjithmonë, me qëllim transferimin e aftësive të fituara jashtë dhe për të sjellë vlera të reja kulturore në vendlindjen e tyre.

Më tej vlerësohet e nevojshme anketimi dhe konsultimi vjetor me sipërmarrësit shqiptarë që qëndrojnë jashtë vendit, për të matur nivelin e interesit të tyre për investime në Shqipëri dhe për të identifikuar pengesat kryesore që hasin institucionalisht.

E për ata që janë rikthyer kërkohet monitorimi i tyre në tregun e punës si dhe raportimi periodik në lidhje me nevojat që paraqesin në zyrat e punës, me qëllim përmirësimin e programeve të punësimit. /TCH/

The post Plani për punësimin e emigrantëve, rikthimi i shqiptarëve në atdhe/ Zbardhet projekti i qeverisë first appeared on JavaNews.al.

Kryeministri Edi Rama vijon fokusin e tij te lirimi i hapësirave publike, teksa ka publikuar pamje të tjera nga dita e sotme.

Pamjet e fundit janë nga nga kryeqyteti, me Ramën që shkruan në postimin e tij: Nga zemra e çliruar e Komunës së Parisit.

The post “Nga zemra e çliruar e Komunës së Parisit”, Rama publikon pamjet nga aksioni për lirimin e hapësirave publike first appeared on JavaNews.al.

Një ngjarje e rëndë ka ndodhur sërish në qytetin e Sarandës. Përsëri të shtëna me armë zjarri. Kësaj here në lagjen nr.4 të qytetit.

Ngjarja ndodhi këtë mbrëmje në rrugën “Mitat Hoxha”. Mësohet se një person ka mbetur i plagosur. Forca të shumta policie ndodhen në vendin e ngjarjes. I plagosuri është transportuar drejt Spitalit të Sarandës.

Sipas burimeve, i plagosuri është Adil Veli. Mosha e tij është 54 vjeç. Mësohet se ai ka qenë më parë efektiv policie. Ende nuk dihen motivet e kësaj ngjarjeje.

The post Të shtëna me armë zjarri në Sarandë, plagoset një ish-efektiv policie! Forca të shumta në vendngjarje first appeared on JavaNews.al.

“Çfarë është kjo grua që më nxirrni pas 30 viteve?! Po ik ore me gjithë atë Valentinën, të shikojë jetën e saj, se edhe unë kam jetën time”, kështu shprehet Agroni në insertin prezantues të rubrikës “Shihemi në Gjyq” në emisionin “E diela Shqiptare” në Tv Klan. Ai është sjellë në këtë seancë ndërmjetësimi nga vëllai i tij, Shpëtimi, i cili i kërkon që t’i japë zgjidhje një problemi 30-vjeçar.

Në vitin 1992, Agroni, për të shpëtuar nga shërbimi ushtarak në një qytet të largët, u martua me Valentinën dhe në këtë mënyrë, do të ishte ushtar në rrethin e Fierit. Por, gjërat nuk kishin shkuar ashtu sikurse ata i kishin menduar, pasi disa muaj pas celebrimit mes çiftit, Valentina largohet nga shtëpia e Agronit, dhe vazhdon jetën e saj me një partner tjetër. Nga ana tjetër edhe Agroni duket se ka bërë të njëjtën gjë. Pasi prej vitesh jeton në Greqi, ku ka krijuar dhe familjen e tij.

Më i shqetësuari në gjithë këtë çështje është Shpëtimi, i cili prej vitesh ka mbajtur mbi supe problemin e prezencës “nën hije” të Valentinës në trungun familjar.

Edhe pse të divorcuar Valentina rezulton në trungun e familjes së Agronit dhe Shpëtimit dhe është përfituese e pasurisë së tyre. Agroni thotë se nuk ishte në dijeni të kësaj, për më tepër ai shton se nuk e njeh fare Valentinën që prej 30 viteve.

Agroni: Unë po bëj 30 vjet që nuk e njoh Valentinën se kush është. Unë nuk e dija se Valentina është në trungun e familjes.

Shpëtimi: Të lutem shumë byrazer, e di se çfarë shqetësimi më ke sjellë ti mua apo jo!

Agroni: Të mbyllësh gojën, se më ke sjellë nga Greqia këtu.

Shpëtimi: Në të gjitha dokumentet më del Valentina sikur është nëpër dyert e shtëpisë.

Agroni: Unë me Valentinën po bën sot e 30 vjet që jam ndarë.

Shpëtimi: Je ndarë ti, por e ke në shtëpi.

Eni Çobani: Më fal kur je ndarë me Valentinën ti, e mban mend, apo nuk e mban mend. Agron se nuk është e lehtë kjo tani, se që është Valentina atje i kam letrat unë këtu. Valentinën e ke këtu.

Agroni: Sipas celebrimit që është bërë. U ngrit babai i saj atëherë se nuk më donte si dhëndër ndoshta…

Shpëtimi: Ore se ti nuk mban mend fare, o vëlla. Jenin martuar dhe keni bërë celebrimin në datën 23 korrik të vitit 1992 dhe kur u bë divorci dhe kur u bë divorci pas tre vjetësh, ajo ekziston në trungun familjar.

Agroni: Këtë gjë nuk e di akoma unë.

Shpëtimi: Ti nuk di gjë, por është bërë divorci në vitin 1994.

Eni Çobani: Ti ke marrë pjesë në divorc?

Shpëtimi: Nuk morëm pjesë për arsye se kishim atë mllefin e lënies së vëllait tim dhe nuk u paraqitëm në gjyq.

Ardit Gjebrea: Divorcin kush e kërkoi?

Eni Çobani: Divorcin e kërkoi Valentina.

Shpëtimi: Ajo vazhdon jetën e saj, kurse ti (Agroni) ike në Greqi dhe nuk doje që t’ia dije më.

Agroni: Nuk më duhet gjë se çfarë bën ajo. /klan/

The post “Po ik ore me gjithë Valentinën”/ U martua për t’i bërë “bisht” ushtrisë, Agroni përballet me “gruan e harruar” first appeared on JavaNews.al.

Nga cigaret te karburantet, bashkë me birrën e kafen… Shqiptarët e të huajt e ardhur për turizëm po shtojnë importet e “produkteve të dëmshme” për shëndetin e mjedisin.

Të dhënat nga Drejtoria e Përgjithshme e Doganave tregojnë se në pesë muajt e parë të vitit u importuan gati 280 mijë tonë karburant. Në raport me të njëjtën periudhë kohore të një viti më parë importet e lëndës djegëse janë zgjeruar me 12,8%.

Rrjedhimisht, kërkesa e lartë do të thotë çmime të shtrenjta.

Ndonëse në rënie të lehtë, krahasuar të dhënat nga “Doganat” tregojnë se importet e cigareve në harkun e muajve janar-maj arritën në 976 tonë. Ky është ndër nivelet më të larta të viteve të fundit.

“Janë shtuar shumë të rinjtë që blejnë duhan. Ka edhe turistë. Ka edhe nga ata që blejnë cigare të hapura”, thotë një shitës.

Me ritme të ngjashme me cigaret janë rritur edhe importet e kafes. Të dhënat nga Drejtoria e Përgjithshme e Doganave tregojnë se në harkun e muajve janar-maj u ble nga jashtë një sasi prej 3 983 ton kafe, 13,2% më tepër se një vit më parë.

Për shkak të akcizës mbi prodhimin vendas, në vend këtë vit është futur më tepër birrë. Importet e pijes alkoolike në pesë muajt e parë të vitit arritën në mbi 18 900 tonë duke u zgjeruar me 7.6 për qind në raport me një vit më parë.

Të dhënat nga Ministria e Financave tregojnë se si pasojë e akcizës mbi këto produkte, në pesë muajt e parë të vitit buxheti i shtetit arkëtoi 25.7 miliardë lekë nga 23.1 miliardë në po të njëjtën periudhë të vitit të shkuar.

The post Nga cigaret e karburantet tek birra dhe kafeja/ Rritet importi i “produkteve të dëmshme” për shëndetin e mjedisin first appeared on JavaNews.al.

Është riaktivizuar zjarri i rënë pasditen e djeshme në masivin pyjor të luginës së Shkopetit. Era e fortë ka bërë që flakët të rifshaqen në pyllin me pisha pak metra larg rrugës nacionale Burrel-Skuraj.

Helikopteri i Ministrisë së Mbrojtjes ka asistuar në kufizimin e përhapjes së flakëve në anën veriore të luginës, ndërsa forcat e mbrojtjes civile të bashkive Kurbin e Mat, si dhe forcat e armatosura vijojnë përballjen me flakët në rrugë tokësore.

Izolimi i zjarrit është i vështirë për shkak të dendësisë së pishave dhe pemëve të tjera, njëkohësisht edhe nga terreni jo pak i thyer.

The post Riaktivizohet zjarri në masivin pyjor të Shkopetit, për shuarjen e flakëve ndërhyn edhe helikopteri first appeared on JavaNews.al.

Irani dhe tre vende të tjera evropiane, Britania, Franca dhe Gjermania, kanë rënë dakord të rifillojnë bisedimet mbi programin bërthamor të Teheranit dhe heqjen e mundshme të sanksioneve, por koha dhe vendi i negociatave janë në diskutim.

Agjencia gjysmëzyrtare e lajmeve Tasnim raportoi se raundi i ardhshëm i bisedimeve do të mbahet në nivelin e zëvendësministrave të jashtëm të Iranit, Mbretërisë së Bashkuar, Francës dhe Gjermanisë.

The post Irani bie dakord me Britaninë, Francën dhe Gjermaninë për të rifilluar bisedimet bërthamore first appeared on JavaNews.al.

Një anije me 280 persona shpërtheu në flakë pranë brigjeve të Indonezisë, duke i detyruar pasagjerët e tmerruar të hidheshin në det të veshur me jelekë shpëtimi, ndërsa raportohet për 5 viktima.

Momentet tragjike u kapën nga kamerat e telefonave celularë dhe qarkulluan në mediat sociale. Pamjet tregojnë zjarrin e madh dhe një re të dendur tymi që ngrihet në qiell.
Zjarri shpërtheu në anijen KM Barcelona, e cila po operonte në itinerarin Manado-Tahunda, sot rreth orës 13:30 sipas kohës lokale.

Pasagjerët filluan të bërtisnin nga paniku dhe të qanin nga frika. Të gjithë veshën jelekët e shpëtimit dhe, me ndihmën e ekuipazhit, u hodhën në det. Në fakt, fotografitë dhe pamjet filmike kapën shumë prej tyre duke lundruar në ujë, në përpjekje për t’u larguar nga anija që po digjej.

Shkaku i zjarrit është ende i panjohur. Tre anije shpëtimi, KM Barcelona III, KM Venecian dhe KM Cantika Lestari 9F, nxituan në vendngjarje.

The post Tmerr në det! Anija shpërthen në flakë, 280 pasagjerë hidhen në ujë! 5 të vdekur first appeared on JavaNews.al.

Tetë persona janë arrestuar nga policia greke si pjesë e një grupi kriminal që trafikonte drogë në Mykonos.

Mes të arrestuarve, 8 janë policë grekë, ndërsa të tjerët shqiptarë.

Sipas shtypit të Athinës, mes të arrestuarve është një 42-vjeçar, efektiv policie, i cili është identifikuar si një nga liderët e grupit.

Në llogarinë bankare të tij dhe partneres së tij 29-vjeçare shqiptare, autoritetet greke gjetën 5 milionë Euro.

5 milionë Eurot në këtë llogari bankare janë depozituar gjatë 5 viteve të fundit.
Të arrestuarit e tjerë janë një 24-vjeçar shqiptar, vëllai i partneres së policit 42-vjeçar, dhe dy persona të tjerë gjithashtu nga Shqipëria.

Sipas hetimeve të autoriteteve greke, të akuzuarit përfshijnë një gamë të gjerë veprash penale, si marrje dhe dhënie ryshfeti, shpërdorim detyre e ushtrim ndikimi të paligjshëm, shkelje të sekreteve hetimore.

Pjesë e këtij rrjeti kriminal janë edhe disa policë të tjerë që shërbenin në Mykonos dhe zonat përreth. Një prej tyre është një 31-vjeçar, nënkomisar, i cili dyshohet se ka pasur një rol të rëndësishëm në trafikun e drogës.

Hetimet zbuluan gjithashtu komunikime të shumta mes këtij grupi dhe anëtarëve të mafies greke, ku ata informoheshin për çdo kontroll policor dhe veprime të tjera.

Hetuesit grekë janë duke analizuar të dhënat dhe komunikimet për të zbuluar të tjera anëtarë të mundshëm të këtij grupi dhe për të garantuar drejtësi për viktimat e këtij aktiviteti kriminal.

The post Shkatërrohet rrjeti i drogës në Mikonos, polici grek bashkëpunonte me shqiptarë. Në llogarinë e tij zbulohen 5 milionë euro first appeared on JavaNews.al.

Kryeministri i Izraelit, Benjamin Netanyahu, po shërohet nga një rast helmimi ushqimor, njoftoi sot zyra e tij, duke bërë me dije se ai do të vazhdojë të ushtrojë detyrat nga shtëpia gjatë tre ditëve të ardhshme.

Netanyahu, 75 vjeç, u ndje keq gjatë natës për shkak të një inflamacioni në zorrë dhe dehidratimi, për të cilat po merr trajtim intravenoz, thuhet në deklaratën zyrtare.

“Sipas këshillave të mjekëve të tij, kryeministri do të pushojë në shtëpi për tre ditë dhe do të vijojë të menaxhojë punët e shtetit prej andej,” shtoi zyra e tij.

Netanyahu ka pasur disa probleme shëndetësore në të kaluarën.

Në vitin 2023, atij iu vendos një stimulues kardiak (pacemaker), ndërsa në dhjetor të po atij viti iu nënshtrua një ndërhyrjeje për heqjen e prostatës, pasi u diagnostikua me një infeksion të traktit urinar.

The post Helmohet kryeministri i Izraelit, Benjamin Netanyah! Zyra e tij njofton si do veprohet me detyrat first appeared on JavaNews.al.

Ish-drejtori i Përgjithshëm i Policisë së Shtetit, Gledis Nano, ka fituar betejën ligjore me qeverinë shqiptare, pasi Gjykata Administrative e Apelit ka lënë në fuqi vendimin e Shkallës së Parë, duke e shpallur të paligjshëm shkarkimin e tij nga detyra.

Vendimi është marrë nga trupa gjykuese e përbërë nga gjyqtarët Ardian Dvorani, Gentian Hamiti dhe Sokol Ibi, të cilët rrëzuan ankimimin e Këshillit të Ministrave dhe Ministrisë së Brendshme, të cilat kishin kërkuar anulimin e vendimit që i dha të drejtë Nanos.

Në bazë të këtij vendimi përfundimtar, shteti shqiptar detyrohet t’i paguajë Gledis Nanos një dëmshpërblim prej 60 pagash mujore, që përkon me afatin pesëvjeçar të mandatit të tij të ndërprerë, në vlerën totale prej rreth 100 mijë euro.

Nano u shkarkua nga detyra më 31 gusht 2022, me propozim të ish-ministrit të Brendshëm Bledi Çuçi, ndërsa kryeministri Edi Rama kishte deklaruar publikisht se i kishte kërkuar dorëheqjen. Arsyeja zyrtare për largimin e tij ishte “mosrealizimi i objektivave”.

Vendimi i Gjykatës së Apelit është dhënë më 26 qershor 2025 dhe ende nuk dihet nëse qeveria do të paraqesë rekurs në Gjykatën e Lartë, brenda afatit 30-ditor.

Sakaq, Gledis Nano është në garë për kreun e ri të Byrosë Kombëtare të Hetimit, duke kaluar fazën e parë të vlerësimit nga Komisioni i Posaçëm i SPAK.

The post Gledis Nano fiton betejën ligjore me qeverinë, gjykata i cakton 100 mijë euro dëmshpërblim për shkarkimin nga puna first appeared on JavaNews.al.

Biznesmeni shqiptaro-amerikan Adrian Shatku duke përfituar nga njohja e afërt e Monika Kryemadhit dhe Ilir Metës ka përfituar duke zhvilluar edhe takim zyrtar nën orientimin e ish presidentit.

Sipas gazetarit të Ora News Edison Vatnikaj biznesmeni Shatku ka hyrë në bisedime me një person i quajtur Ali Soufan, drejtor ekzekutiv i Soufan Group, të cilit i ka kërkuar në emër të Ilir Metës nëse ai dhe ministri i financave të Katarit janë gati për tu takuar me Metën.

Gjithashtu i ka kërkuar këtij personi që të sigurojë edhe një pajisje antipërgjimi për Ilir Metën.

Referuar dosjes hetimore Adrian Shatku me ndërmjetësim të Ilir Metës është takuar me ministrat e Energjisë dhe Ekonomisë të Mbretërisë së Marokut në datën 31 Tetor 2014, ditë kur Ilir Meta zhvillonte takim zyrtar në Marok.

Në provat e kqyrura rezulton se Adriani i ka kërkuar Monikës që të organizojë mundësisht në shtëpi takimin midis Ilir Metës dhe ambasadorit të Katarit dhe investitorit të CIT.

Nga ana tjetër Adrian Shatku ka mbajtur lidhjet midis John Moreira, drejtues ekzekutiv i JPM Strategic Solution dhe Lëvizjes Socialiste për Integrim, ku në të paktën dy raste është dokumentuar se ka ndërmjetësuar ardhjen në Shqipëri të John Moreira dhe dy personave të tjerë të quajtur Patrik dhe Kate.

John Moreira ka kryer takime strategjike me Ministrat e LSI-së në vitin 2014, ka bërë sondazhe për zgjedhjet lokale të vitit 2015 për LSI-në ndërsa Patrik dhe Kate kanë trajnuar të rinjtë e LRI-së në kampin e Jalës.

The post “Më duhet pajisje antipërgjim për Ilir Metën”/ Biznesmeni Shatku kërkoi takim me ministrin e Katarit në shtëpinë e Kryemadhit first appeared on JavaNews.al.

Përshtatur në shqip, artikull i The Guardian

Shqetësime të reja janë ngritur lidhur me sigurinë dhe qëndrueshmërinë e politikës kryesore britaniko-franceze për të kapur gomone migrantësh në det, pas publikimit të një regjistri të rojës bregdetare, zbuloi një incident të fundit ku një gomone u dëmtua por sërish arriti të çojë njerëz në Mbretërinë e Bashkuar.

The Guardian shkruan se pavarësisht premtimeve të qeverisë britanike për të ndalur gomonet e mbingarkuara që kalojnë Kanalin, numri i njerëzve që kanë mbërritur në Mbretërinë e Bashkuar me varka të vogla këtë vit është rritur me rreth 50% krahasuar me të njëjtën periudhë të vitit të kaluar, me mbi 21 mijë kalime deri tani në vitin 2025.

Kryeministri Keir Starmer dhe presidenti francez Emmanuel Macron njoftuan një marrëveshje “një brenda, një jashtë” gjatë një takimi të fundit, sipas së cilës një person do të lejohet të udhëtojë ligjërisht në Mbretërinë e Bashkuar për të kërkuar azil në këmbim të kthimit në Francë të një personi tjetër që ka hyrë në mënyrë të parregullt.

Pjesa e dytë e marrëveshjes përfshin kapjen e gomoneve të mbingarkuara deri në 300 metra larg bregut. Kjo praktikë ka ndodhur të paktën që nga viti 2022, sipas një hetimi të vitit të kaluar nga Lighthouse Reports, Le Monde, The Observer dhe Der Spiegel.

Incidenti, i zbuluar nga një regjistër i quajtur “raport situate” (Sitrep) nga Qendra e Koordinimit të Shpëtimit Detar Gris-Nez, ndodhi natën mes 9 dhe 10 korrikut, vetëm disa orë para njoftimit të Starmer-Macron.

Ministrja e Brendshme e Britanisë, Yvette Cooper, tha në një intervistë për media javën e kaluar se Franca po shqyrtonte taktika që mund të sjellin ndryshim, bazuar në parimin e ndërhyrjes në ujërat franceze.

Sipas regjistrit, incidenti nisi në orën 23:21 më 9 korrik kur xhandarmëria ndërhyri në nisjen e një gomone nga Cayeux-sur-Mer duke e shpuar atë. Më pas ata humbën kontaktin me gomonen dhe në orën 23:22 kërkuan nga roja bregdetare të kërkojë me mjete ajrore dhe detare.

Roja bregdetare e identifikoi gomonen në orët e para të 10 korrikut. Pavarësisht se ishte dëmtuar, ajo mori edhe më shumë pasagjerë përgjatë bregut dhe mbërriti në Mbretërinë e Bashkuar me 55 pasagjerë të njëjtën ditë. Të dhënat e Ministrisë së Brendshme tregojnë se atë ditë mbërritën gjithsej 10 gomone me 573 pasagjerë.

Burime të rojës bregdetare franceze thanë se incidenti tregon se edhe kur xhandarmëria ka dëmtuar një gomone, nëse ajo mbetet në sipërfaqe, njerëzit në bord nuk ndalen nga përpjekja për të arritur në Mbretërinë e Bashkuar. Po ashtu theksohet se taktika e dëmtimit të gomoneve kërkon burime shtesë për shpëtim në det.

Në një letër të hapur për drejtorin e saj, e botuar më 25 qershor në median franceze nga sindikata e rojës bregdetare Solidaires Douanes, janë ngritur shqetësime për “keqtrajtimin gjithnjë e më të madh institucional ndaj njerëzve në mërgim” si pjesë e politikave për të ndalur varkat.

Në mënyrë të veçantë është zbuluar se qendra e ndalimit Brook House pranë aeroportit Gatëick është planifikuar të përdoret për ndalimin e personave që mbërrijnë me gomone, përpara kthimit të tyre në Francë. Nuk dihet ende se si do të përzgjidhen ata që do të kthehen dhe për sa kohë do të mbahen të ndaluar. Qendra e ndalimit Brook House më parë ka qenë subjekt i një hetimi publik pas pamjeve të fshehta tronditëse të keqtrajtimit të të ndaluarve, të transmetuara nga Panorama e BBC-së.

The post Dokumenti: As shpimi i gomones nuk i ndali dot emigrantët të mbërrijnë në Mbretërinë e Bashkuar first appeared on JavaNews.al.

Në Shkodër ka nisur aksioni për lirimin e hapësirave publike, i cili është mirëpritur nga qytetarët.

Ata theksojnë se ndërhyrja është e vonuar, pasi trotuaret dhe zonat rekreative janë shpesh të zëna nga biznese private, shkruan A2.

Policia Bashkiake ka nisur njoftimet për heqjen e strukturave të paligjshme. Ndryshe nga qytete të tjera, shumë biznese në Shkodër kanë bashkëpunuar duke liruar vullnetarisht hapësirat.

Aksioni do të intensifikohet të hënën, ku do të ndërhyhet ndaj atyre që nuk kanë zbatuar urdhrin.

The post Shkodra liron trotuaret. Policia Bashkiake në aksion, shkodranët mirëpresin lirimin e hapësirave first appeared on JavaNews.al.