Gjykata e Posaçme Kundër Korrupsionit dhe Krimit të Organizuar shpalli fajtore Sonila Qaton për shkelje të barazisë në tendera dhe e dënoi me gjashtë muaj burgim.

Por sipas Kodit Penal, ish-drejtueses së Autoritetit Rrugor Shqiptar do t’i pezullohet ekzekutimi i dënimit me burgim duke iu konvertuar në 60 orë punë në komunitet.

Në lidhje me të njëjtën dosje, GJKKO shpalli të pafajshëm gjashtë të pandehur, ndërsa tre të tjerë patën të njëjtin fat me Qaton, pra u dënuan me nga gjashtë muaj burgim, por që u konvertohet në 60 orë punë në komunitet.

Prokuroria e Posaçme nisi hetimin ndaj ish-drejtoreshës së ARRSH-së pas shkeljeve për tenderin për ndërtimin e rrugës Kardhiq-Delvinë. Sipas SPAK, Qato dhe vartësit e saj favorizuan një shoqëri në hije për tenderin e tunelit të Skërficës.

Shoqëria e favorizuar ishte krijuar formalisht në mënyrë që të fitonte procedurën, por në të vërtetë punimet do kryheshin nga një tjetër kompani, që referuar hetimeve ishte e paracaktuar nga drejtuesit dhe zyrtarët e ARRSH.

Sonila Qato dhe të pandehurit e tjerë në procesin e zhvilluar me procedurë të zakonshme, kanë mohuar akuzat e SPAK dhe kërkuan pafajësi, por vetëm një pjesë e tyre arriti ta marrë.

The post GJKKO shpall fajtore Sonila Qaton për shkelje të barazisë në tendera, dënohet me punë në komunitet first appeared on JavaNews.al.

Euro ka zbritur në nivelin më të ulët historik në tregun vendas, duke u këmbyer këtë të mërkurë në nivelet e 96 lekëve, një rekord historik që vjen në mes të sezonit turistik dhe lë ekonomistët të shqetësuar. Fluksi i turistëve, remitancat dhe sezonaliteti tradicional e kanë rritur ndjeshëm ofertën, duke ulur vlerën e monedhës europiane.

Sezoni turistik dhe përdorimi masiv i euros për pagesa po e mbajnë në presion të vazhdueshëm monedhën europiane. Edhe dërgesat nga emigrantët kanë arritur kulmin gjatë kësaj periudhe, duke forcuar më tej lekun.

Ekspertët paralajmërojnë se, pa ndërhyrje të Bankës së Shqipërisë, euro mund të vijojë rënien deri në fund të sezonit. Por në shtator pritet një rikthim gradual, teksa sezonaliteti mbaron dhe kërkesa për valutë rritet sërish.

The post Euro prek rekordin historik, zbret në 96 lekë/ Ekspertët: Shkak, turizmi dhe remitancat first appeared on JavaNews.al.

Kanë kaluar pesë muaj që nga ky nënshkrim.

Në 6 shkurt të këtij viti, presidenti amerikan Donald Trump, firmosi urdhërin ekzekutiv për ndalimin e pjesëmarrjes së sportistëve transgjinorë në garat për femra.

Dekreti I tij u ndoq nga kritika e polemika të ashpra, por gjithsesi ligji është ligj dhe Komiteti Olimpik e Paraolimpik I Shteteve të Bashkuara të Amerikës iu bind forcës së tij.

Ky Komitet vendosi që të ndalonte pjesëmarrjen e sportistëve transgjinorë në të gjitha konkurrimet e vajzave, siç edhe detyron dekreti I Shtëpisë së Bardhë.

Institucioni më I lartë I sportit amerikan informoi federatat kombëtare të notit, atletikës, basketbollit e gjithë të tjerat, se është detyrim të respektohet urdhëri ekzekutiv I presidentit Trump.

Po kështu ka vepruar më parë edhe Shoqata Kombëtare Atletike e Kolegjeve, që mbulon sportet në universitetet amerikane.

Trump argumenton se burrat duhet të flaken jashtë garave të femrave, dhe ka kërcënuar me prerjen e fondeve federale nëse urdhëri I tij nuk respektohet.

Shtetet e Bashkuara janë fuqia kryesore olimpike në sport, me numrin më të madh të medaljeve në rang botëror, dhe qendrimi amerikan mund të ndikojë edhe në shtetet e tjera.

The post Komiteti Olimpik i bindet Trump, në sportet femërore nuk do lejohen transgjinoret first appeared on JavaNews.al.

Gjykata e Posaçme e Apelit la në fuqi vendimin e fajësisë për Aleksandër Lahon, i njohur me nofkën “Rrumi i Shijakut”, se ka korruptuar një zyrtar të Avokatit të Popullit për një çështje prone në Durrës.

Por treshja e gjyqtarëve rriti dënimin e dhënë ndaj tij në Shkallë të Parë nga 1 vit e 3 muaj burg, në 3 vite heqje lirie, sipas kërkesës së SPAK.

Që prej nxjerrjes së masës së sigurisë, Laho është në arrati pasi nuk u gjet nga Policia, teksa avokati i tij pretendoi gjatë procesit se ndodhet në gjendje të rënduar shëndetësore.

The post Apeli rrit masën e dënimit për “Rrumin e Shijakut”, dënohet me 3 vite burg pas akuzave për korrupsion first appeared on JavaNews.al.

Fushata e rivlerësimit të pronave do të nisë nga 1 janari i vitit të ardhshëm. Tatimi që do të paguhet në rast të shit-blerjes së pronave propozohet të jetë në masën 5 për qind. Ministria e Financave ka hedhur në Konsultim Publik projektligjin “Për rivlerësimin e pasurisë së paluajtshme”.

“Të gjithë individët, të cilët kanë në pronësi pasuri të paluajtshme kanë të drejtë që, nga data 1 Janar 2026 deri në datën 30 shtator 2026, të bëjnë rivlerësimin e kësaj pasurie me vlerën e tregut. Kërkesat për rivlerësim të dorëzuara pranë Agjencisë Shtetërore të Kadastrës, të cilat nuk janë procesuar brenda datës 30 shtator 2026,konsiderohen si objekt rivlerësimi sipas këtij ligji, në rast se pagesa e tatimit për to bëhet deri në datë 31 dhjetor 2026.”

Ligji do të përfshijë edhe pasuritë që janë në proces regjistrimi apo legalizimi, ndërsa për subjektet juridike do të kërkohet rivlerësim nga ekspertë të licencuar.

“Përmes këtij procesi, pritet të rriten të ardhurat tatimore dhe të garantohet një trajtim më i drejtë fiskal mbi pasuritë e paluajtshme. Ligji përfshin gjithashtu rivlerësimin e pasurive në proces regjistrimi dhe përcakton procedurat për dorëzimin e kërkesave, llogaritjen e tatimit dhe pagesën përkatëse.”

Rritja e vazhdueshme e çmimeve të banesave është një nga arsyet kryesore që ka shtyrë qeverinë të ndërmarrë këtë hap.

“Të dhënat nga Banka e Shqipërisë tregojnë se çmimet e banesave, në rang vendi, kanë shënuar rritje të konsiderueshme. Vetëm në gjashtëmujorin e parë të vitit 2024, indeksi Fischer i çmimit të banesave u rrit me 16.9%, ndërsa në gjashtëmujorin e dytë me 23.6%. Kjo tendencë rritëse, krahasuar me periudhën e fundit të rivlerësimeve në vitin2022, e bën të domosdoshëm një përditësim të vlerës së pasurive të paluajtshme në përputhje me realitetin e tregut.”

Në 13 vitet e fundit janë bërë 5 rivlerësime pronash dhe të gjitha kanë ndodhur përpara zgjedhjeve vendore ose të përgjithshme parlamentare, me tarifa që kanë variuar nga 1 për qind në vitin 2011 në 3 për qind dy rivlerësimet e fundit.

Në mesin e muajit maj, deputetja socialiste Blerina Gjylameti depozitoi në Kuvend projektligjin për rivlerësimin e pasurive të paluajtshme, por nisma mbeti në sirtarët e Kuvendit.

The post Tatim 5 për qind, fushata e rivlerësimit të pronave do të nisë 1 janarin e vitit të ardhshëm first appeared on JavaNews.al.

Kryetarja e Kuvendit Elisa Spiropali ka reaguar lidhur me vendimin e sotëm të Brukselit, për hapjen e negociatave për grupkapitullin e pestë me Shqipërinë, i cili përfshin Bujqësinë dhe Kohezionin.

Në një postim në rrjetet sociale, Spiropali shkruan se ky vendim së bashku me mbajtjen e konferencës ndërkombëtare që do të mbahet në shtator, “përmbyllin çeljen e të gjithë kapitujve të negociatave”.

Spiropali shton se Kuvendi do të vijojë të mbështesë maksimalisht “paraqitjen e Pozicionit Negociues dhe përpjekjet, kontributet dhe investimet për zhvillimin e qëndrueshëm rural, modernizimin e bujqësisë dhe kohezionin social e territorial të Shqipërisë, si dhe do të intensifikojë diplomacinë parlamentare për arritjen e objektivit tonë kombëtar për Shqipërinë 2030 në BE”.

Ky reagim vjen pasi ambasadorët e 27 vendeve të Bashkimit Europian kanë vendosur me unanimitet këtë të mërkurë, hapjen e negociatave për grupkapitullin e pestë i cili përfshin Bujqësinë dhe Kohezionin, që është edhe grupkapitulli i fundit i negociatave të anëtarësimit për vendin tonë drejt BE-së. Pas kësaj, presidenca daneze e BE-së do t’i kërkojë Shqipërisë përmes një letre zyrtare që të paraqesë pozicionin e saj negociues për konferencën e ardhshme ndërqeveritare me qëllim hapjen e këtij grupkapitulli.

Pritet që në fillim të muajit shtator të mbahet edhe konferenca e gjashtë ndërqeveritare për të shënuar hapin final zyrtar të hapjes së të gjithë kapitujve me qëllim anëtarësimin e plotë të Shqipërisë në vitin 2030.

The post Grupkapitulli i fundit i negociatave me BE/ Elisa Spiropali: Do arrijmë objektivin deri në 2030-n first appeared on JavaNews.al.

Nga Edison Ypi

Nga kthesa për në Muhërr, e deri rrëzë maleve në perëndim të Dibrës te ura mbi Drinin e Zi, gjallon gjelbërimi më i larmishëm që ekzison vetëm në 2 vende: atje, dhe nëpër ëndërra.

Duket sikur në këto dhjetë kilometra një kopështar gjenial, në bashkëpunim me një arkitekt, një botanist, dhe një ambientalist, i kanë dhënë jetë kopështit më të madh në botë me të gjitha bimët, drithërat, frutat, vreshtat, ullishtat, madje dhe ferrat dhe hithrat e të gjitha specieve dhe nënspecieve që ekzistojnë nën diellin. Kalimi përmes kësaj parajse të gjelbër kalon nëpër një rrugë herë të drejtë, herë rrethore, harkore, eliptike, sinusoidale, prarabolike, hiperbolike dhe të gjitha vijat e tjera vizatuar me kujdesin më të madh të merakliut matematicien në bordin dhe nën urdhërat e kopështarit në fjalë.

Me të hedhur lumin mbi urën e famshme të vjetër, e cila, për fat, nga pesha e makinës time nuk u shemb, nisin malet.

Te një urë tjetër më e vogël, më e shkurtër, më e sigurtë se ajo mbi Drin, një dibran i moshuar imcak dhe fytyrëmprehtë flet për rrugën deri në Burgajet, në formën e një profecie të dyshimtë prej Hoxhe ose magjistricash: Rruga është edhe e mirë edhe e keqe, edhe kalohet, edhe nuk kalohet, rëndësi ka të vazhdosh i qetë, i patrembur nga asnjë vështirësi dhe i pa entuziazmuar tej mase nga asnjë pamje sado mahnitëse.

Pas Hoxhës profetik ose magjistricës dinake, nis menjëherë një e përpjetë.

Pak minuta pasi lë pas kopështin mahnitës dhe gjigand sa një mijë Kopështe të Edenit, duket sikur Zonja Dibër ma ka mbyll derën nga pas, dhe më ka dhënë urdhër: Vazhdo. Nuk mbaj më përgjegjësi për një të krisur.

Ruga përpjetë malit të parë ka taban të fortë shkëmbor, dhe pafund kthesa, disa prej të cilave janë të ngushta dhe të frikëshme.

Gjurma kalldrëmi të vjetër gjatë gjithë rrugës.

Nëpër kthesa, mbrojtëse të ulëta dhe të trasha betoni tipike për këto lloj rrugësh të kohës së Diktaturës.

Rrugë të ngushta ose shtigje anësore që dëshmojnë ekzistencën e fshtrave andej rrotull. Do ishte kënaqësi me i pa, qoftë edhe nga larg ato fshatra. Por nuk duken. I mbulon gjelbërimi, ose janë prapa malit.

Pak kilometra dhe, tashmë nga toka deri në qiell, ka vetëm male. Kaq male ska as Skrapari, as Nepali.

Ndjehesh në mesin e kurrkundit. Ku i mahnitur nga thepisjet e shkëmbinjve dhe përrenjtë me shkumë, s’të duhet me ditë çfarë thotë harta, çfarë tregon navigatori, sa është ora, dita, data, madje as shekulli.

E pabesueshme, por në mesin e kurrkundit ka edhe bunkerë, për tu mbrojtur nga armiq imagjinarë që s’erdhën kurrë.

Shumë shkurre të larta, dhe dushknaja. Të gjitha të ngjeshura. Në disa vende rruga kalon përmes ryre si brenda një tuneli të gjelbër nëpër xhungël.

Ik e ik, gjatë shumë kilometrash, para dhe pas, vetëm male të blertë dhe thepisje shkëmbinjsh të bardhë, asgjë tjetër.

Fund korriku, dhe shumë lagështirë, ujë gjithandej.

Rrugën e kalojnë tërthor ca kanale me ujë që, sa kohë në luginë nuk ka ara për ttu vaditur, nuk kuptohet kush dhe për pse i ka bërë.

Aty-këtu anës rrugës ka ca si shpella të gërryera brenda malit. Duket si ngjyrë kromi, çka të vete mendja se ndoshta kanë bërë sondazhe për me gjet mineralin e çmuar. Por më tutje dikushnta rrëzon këtë hipotezë. Nuk kërkojnë krom, marrin gurë.

Diku, pas nja një ore kacavjerrje nëpër male, në tre a katër vende, anës rrugës janë hedhur blloqe kubikë mermeri me brinjë nga 1 në 2 metra. Duket si mermer i zi. Por, si e qartësova më vonë, është mermer i kuq, i nxirë nga myshqet me kalimin e kohës. Mbi mermerat duken shenjat e prerjes së blloqeve të mermerit të kohës së Diktaturës me brima të thella çpuar me baromina të gjata. Sa duket ai mermer sot nuk i intereson askujt. Kur kishte heronj, s’kishte mermer. Tani që mermer ka, s’ka heronj për tu bërë shtatore.

Sado të bukura pamjet, nuk mund të ndal në çdo kthesë se vonohem, ose nuk arrij kurrë.

Rruga vazhdon njësoj. Jo fort e ngushtë, me shumë kthesa, po aq të përpjeta dhe të tatëpjeta, tabani shkëmbor me thepa shkëmborë të frikshëm poshtë, fort e rrezikëshme për makinat e ulëta.

Asnjë kalimtar dhe asnjë makinë, as para as pas.

Selishta, fshat që e mban çdo hartë karte, letre, dhe e tregon çdo navigator elektronik, është një fshat relativisht i madh. Shtëpitë nënë rrugë, të shpërndara poshtë në luginë pa ndonjë rregull apo simetri, shumica e të cilave janë të reja, kanë çati të pjerrëta me tjegulla ose llamarina.

Në këto anë, erërat e ngrohta mesdhetare që fryjnë, nuk mundësojnë të bjerë shumë dëborë, nuk e lënë të trashet, e shkrijnë shpejt. Duket sikur kot i bëjnë çatitë e pjerrëta. Por që bie rrallë dëborë, s’do të thotë që nuk do bëhet 1 metër kurrë. Mirë bëjnë me çatitë e pjerrëta.

Nën rrugë kafene. Një dibran i ri dhe i sjellshëm u përgjigjet me përpikmëri pyetjeve mbi fshatin, njerëzit, emigrimin, largimin, pyllin malin, luginën.

Mbi rrugë, ish-dyqani i braktisur dhe bosh, menca, zyrat e pushtetit në kohën e kooperativës, është përmbytur nga cicërimat e miliona zogjve që hyjnë e dalin brenda varrit bosh të Selishtës si “The birds” i Alfred Hitchcock-ut.

Mali mbi Selishtë, i quajtur “Mali i Runjës”, është mal qeros, pa bimësi mbi krye. Ja si ndodhi që Runja mbeti qeros: Një dimër bëri shumë ftohtë. Runjës i erdhi keq për njerëzit poshtë. E tundi fort kokën. E hodhi krejt gjelbërimin e vetes, si batanije, si jorgan, mbi fshatin, fshatarët, të mos mbërdhifnin. Dhe vetë mbeti qeros. S’ka problem, tha, jam mal, jam shkëmb, ngricën s’e kam problem.

Më tej rruga shkon përgjatë luginës së përroit Murrë.

Murra rrjedh rrezikshëm si “Ujana e Keqe” e Kadaresë. Kush ka lexu dy libra, ka pak imagjinatë, dhe një zemër në kraharor, kupton, e bën këtë asocim. Në mos, është një derr katunar që njeri s’bëhet kurrë.

Përroi i Vermoshit dhe Përroi i Çërravës nuk qënkan të vetmit përrenj të Shqipërisë që burojnë në perëndim dhe derdhen në lindje. Përroi Murra gjithashtu buron në perëndim dhe derdhet në lindje në Drini i Zi.

Përgjatë Murrës nevoze dhe të rrezikshme që i kanë parë sytë tmerre në shekuj, ja 1, ja 2 ja 3, ja 4, ja 5, me siguri dhe më tepër Kulla malsie.

Ja, më së fundi, një kalimtar, një banor lokal.

-Kush banon në këto kulla ?
-Askush. Janë bosh. Banorët e ikur të kullave vijnë i shohin ndonjëherë. Ankohen se nuk mund t’i bëjnë kullat bujtina për shkak të distancës dhe mungesës së asfaltit, dhe ikën me kryt poshtë, më të mërzitur sesa erdhën.

Vështirë t’i kenë ngritur gjithato kulla sepse ka ardhur ndonjë pushtues kaq thellë.

Në këtë vend sa të bukur dhe të egër, Kullat me frëngjira dhe mure të trashë guri, i kanë ngrejt për me u mbrojt nga njëritjetri, për mbijetesë, për darvinizëm.

Një, pastaj një tjetër, dy shkaba në fluturim. Vetëm këtu ! Kurrkund tjetër në Shqipëri nuk kanë mbetur shkaba.

Lutjuni Bashkisë, qeverisë, zyrave, ta quajnë këtë vend me emrin që meriton “Lugina e Shkabave”.

Me kullat, disa shtëpi, disa ara të mbjella, përroin, pyllin, fshati përgjatë Murrës quhet Qafë Muhurr.

Emër i çuditshëm. I bie që Muhurri të jetë një farë gjirafe me kokën te Drini i Zi dhe qafën dhjetra kilometra të gjatë deri lart te Kalaja e Stelushit.

Tjetër kafene-restorant. E dyta dhe e fundit e krejt këtij udhëqimi.

Më tutje rruga ngjitet dhe përkeqësohet.

Aty afër të dalin përpara dy shkëmbinj gjigandë. Legjenda thotë se ishte vetëm 1 shkëmb të cilin Skënderbeu e ndau me shpatë në 2 shkëmbinj. Ka dhe shkëmbinj të tjerë në Shqipëri që i ka ndarë Skënderbeu me shpatë.

Mbas qindra përdredhjeve dhe ngjitje-zbritjeve, përpara më del e vetmja makinë e krejt këtij udhëqimi: Një BMV e bardhë e vogël, pothuaj qesharake, krejt e papërshtatëshme për këtë udhëqim përmes kurrkundit.

Në timon një gocë me syze nja 20 vjeç, pasagjer miku i saj, po i asaj moshe.

-Ku po shkon ?
-Peskopia. Speak English ? We are from Switzerland.

U llahtarisa.

I thashë se deri te Paskopia ka përpara mijëra kthesa dhe miliona gropa, makinën e ka të ulët, rrugën nuk e njeh, duhet të ktheheni mbrapsh.

Çuni hapte dhe mbyllte sytë nga habia e refuzimit, por nuk foli.

Gocës në timon nuk i lëvizi qerpiku, as nervi. Vetëm buzëqeshi, dhe shtoi se ishin të ambientuar me malet e Zvicrës, kishin përvojë me rrugët malore, ja futi marshin, dhe iku.

Diku më tutje disa tabela njoftojnë se aty rrotull ishte “Varri i Turkut”.

S’ma merr menia se ka qenë ndonjëherë turku nëpër këto zgafella. S’ka pas arsye. Turku ja bëri varrin shqiptarit pesqint vjet rrjesht, këtu shqiptari ja paska bërë varrin turkut. Aman lërini këto burracakërira se na e shpifët lugatin në mes të ditës.

Pas zviceranes trime dhe boyfriendit të saj disi të hutuar, çfarë mbeti nga ky udhëtim ishte një serpentinë zbritëse fort e rrezikëshme deri në Lis, ku fillonte asfalti, dhe pak më tutje, Fshati i Mbretit, Burgajeti.

Me të rënë në qytetërim, ndala makinën te një hije anës udhës. Hëngra ç’kisha marrë me vete: një copë djath, dy riska buk, dhe piva ujë.

Pasi pushova pak minuta, mora në telefon kafenenë në Selishtë. Zviceranët sapo kishin kaluar para syve të kafexhiut. Aq ishte aventura. Deri te Drini i Zi nuk është fort e vështirë. Kanë arrit kuq si molla.

U turpërova pakëz me veten që fjalët e mia rioshave helvetianë s’u kishin bërë asnjë efekt, e ndoshta edhe më keq nëse u ishin dukur patetike, moralistike.

Kështu mbaroi ky udhëqim duke ndjekur Diellin në perëndim të vendit tim, ku të gjitha paret i vidhni ju, të gjitha lotët i derdh un.

Po bereqaves, thuaj, që me këtë rast zonjën e bukur Dibër ja shtova haremit tim.

The post Zonja Dibër first appeared on JavaNews.al.

Dialogu Ndërqytetëror midis Vendeve të OBSh -së 2025 u hap të mërkurën në Tianjin të Kinës veriore, duke bashkuar mbi 300 pjesëmarrës nga vendet anëtare të Organizatës së Bashkëpunimit të Shangait (OBSh), për të thelluar mirëkuptimin e ndërsjellë, për të forcuar shkëmbimet kulturore dhe për të promovuar ndërtimin e një të ardhmeje të përbashkët.

Përmes një serie forumesh, diskutimesh tematike, përvojash të trashëgimisë kulturore dhe ekspozitave të kaligrafisë, delegatët nga vendet e OBSh -së eksploruan pasurinë e qytetërimeve të tyre dhe riafirmuan angazhimin për të rritur lidhjen midis njerëzve në të gjithë rajonin.

Aktiviteti gjithashtu publikoi një raport që përqendrohet në dialogun qytetërues dhe mbështetet në praktikat e bashkëpunimit dixhital midis vendeve të OBSh -së. Raporti përshkruan vizionin e përbashkët, themelet praktike dhe rrugët strategjike për ndërtimin e një komuniteti dixhital me të ardhme të përbashkët.

Duke u përqendruar në konvergjencën e qytetërimit dixhital dhe modernizimit kinez, raporti artikulon se si vendet e OBSh -së mund të avancojnë së bashku një kuadër global të zhvillimit dixhital më të drejtë, më gjithëpërfshirës dhe të qëndrueshëm. Ai ofron njohuri kineze dhe mençuri të OBSh -së për formësimin e një forme të re të qytetërimit njerëzor në epokën dixhitale.

Eventi bashkë-organizohet nga Zyra e Informacionit e Këshillit Shtetëror të Kinës, Grupi Ndërkombëtar i Komunikimit të Kinës dhe Sekretariati i OBSh -së.

The post Dialogu Ndërqytetëror midis Vendeve të OBSh-së 2025 hapet në Tianjin first appeared on JavaNews.al.

Nga Tirana në Durrës, përfshirë rivierën e jugut apo vijën bregdetare të Shëngjinit e Talës… harta e re e referencave do shtrenjtojë edhe më tej çmimet e apartamenteve. Me 10 deri në 20 për qind pritet të rriten çmimet në Tiranë e brigjet e plazheve të veriut, ndërsa me 40 deri në 60 për qind do të shtrenjtohen apartamentet në Himarë, Palasë, Vlorë e Durrës.

Me referencat e reja një metër katror në zonën më të frekuentuar të bregdetit të Durrësit që është ‘Zona 13’ e njohur si lagjja e plazhit, një metër katror pritet të kushtojë 2 mijë euro me rritje 323 për qind në raport me referencën aktuale prej 472 euro/metri. Ngjashëm pritet të shtrenjtohen apartamentet edhe në Gjirin e Lalzit.

Referencat e reja  prekin jo vetëm bashkitë e shtrira përgjatë bregdetit por edhe qytete të tjera që kanë marrë hov zhvillimi vitet e fundit. Mungesa e referencave të pronave për të gjitha bashkitë e vendit u bë shkak edhe për shtyrjen e rivlerësimit të pasurive të paluajtshme të paralajmëruar për të ndodhur gjatë vitit të shkuar.

Ministria e Financave ka hedhur për konsultim publik projektligjin që parashikon rivlerësimin e pasurive të paluajtshme me një tatim të reduktuar prej vetëm 5%. Skema u ofron qytetarëve mundësinë që të deklarojnë vlerën reale të banesave apo tokave që zotërojnë, duke paguar një tatim të zbutur, në krahasim me normën standarde që shkon deri në 15%.

Rivlerësimi i pronës me një normë të favorshme tatimi synon të formalizojë tregun e pasurive të paluajtshme dhe të përmirësojë regjistrin real të pasurisë në vend. Sipas Ministrisë së Financave, kjo nismë pritet të ketë ndikim pozitiv edhe në të ardhurat e buxhetit të shtetit dhe në qartësinë e dokumentacionit pronësor.

Projektligji parashikon që procesi i rivlerësimit të kryhet vullnetarisht nga qytetarët, të cilët do të duhet të angazhojnë një ekspert të licencuar për vlerësimin real të pronës. Pasi miratohet vlera e re, qytetari paguan tatimin 5% mbi diferencën mes vlerës aktuale dhe asaj të mëparshme.

Nisma është e ngjashme me atë të vitit 2020, ku mbi 70 mijë qytetarë përfituan nga skema e rivlerësimit. Aktualisht, drafti ndodhet në konsultim publik dhe qytetarët apo grupet e interesit kanë mundësinë të japin opinionet e tyre deri në fund të muajit gusht.

The post Rivlerësimi i pasurive të paluajtshme, hidhet për konsultim projektligji, ja sa do të vlejnë pronat first appeared on JavaNews.al.

Kryetari i Nismës Thurje, Endri Shabani, ka reaguar pas vendimit të Komisionit Qendror të Zgjedhjeve për të caktuar mandatin e koalicionit ku ai merrte pjesë bashkë me Shqipëria Bëhet.

“Njeriu im më i afërt dha dorëheqjen dhe mandatin e mori Kleana Xhuveli. Kleana nuk është daja im po motra e Adriatik Lapajt!”, tha Shabani përmes një postimi në Facebook.

“Deri dje na akuzonte do bëheshim vota e 84 e Ramës. Sot që mori mandatin për motrën, Adriatiku na thotë që i qenka lutur Rama për bashkëqeverisje. Medemek Rama që mezi e përzuri LSI-në kur kishte 74, po i lutet Adriatikut fiks tani që ka 83 dhe ka gllabëruar çdo pushtet! Me sa duket, tullumbaci i 71 mandateve që Adriatiku përbetohej se do merrte, ende nuk qenka shfryrë në kokën e tij nga gjilpëra e realitetit të 11 majit, ku pa votat tona do kishte mbetur edhe e motra pa mandat”.

Sjellja e Lapajt dhe anëtarëve të partisë së tij në ditët e fundit, për Shabanin është “kostoja krejt e panevojshme që ne të Nismës morëm për ndershmërinë dhe seriozitetin tonë në koalicion me një politikan të ri që më mirë se sa ne, njeh të gjitha metodat e vjetra”.

“Megjithatë ne nuk e djegim jorganin për një plesht, kur për më tepër kemi njohur dhe vlerësojmë plot djem e vajza në radhët e Shqipëria Bëhet. Ndërsa Adriatikut ia kam falur se nuk diti se ç’bëri dhe uroj të nxjerrë edhe ai mësimet e veta siç kam nxjerrë unë të miat”, tha ai.

The post “Nuk e djegim jorganin për një plesht”, Shabani pas caktimit të mandatit: Kleana s’është daja im, por motra e Lapajt first appeared on JavaNews.al.

Kriza ekonomike e vitit 2008 që përfshiu edhe Shqipërinë la pas rreth 1.1 miliardë euro kredi të këqija. Huatë e papaguara në kohë, niveli i të cilave në vitin 2015 ishte sa 25 % e totalit, gjunjëzuan sektorin bankar në vend. Me filozofinë “aty ku ka kriza ka edhe mundësi”, në vend nisën të krijoheshin kompanitë e para që blinin kreditë e këqija nga bankat, me norma të ulëta interesi, shkruan A2 CNN.

Më pas këto institucione, me ndihmën e zyrave private përmbarimore, detyrimin qytetarët të paguanin shumë të mëdha parash ose përndryshe iu bllokonin banesa e automjete.

Një hetim administrativ i kryer nga Ministria e Drejtësisë në vitin 2020, zbuloi se rreth 17 mijë individë ishin dëmtuar me gjoba të padrejta dhe sekuestrim pronash në skemën e mbledhjes së detyrimeve ishte përfshirë shoqëria “Micro Credit Albania” si dhe një grup zyrash private të përmbarimit, noterë dhe shoqëri të tjera të lidhura me të.

Nga ana tjetër hetimi i kryer nga Prokuroria e Tiranës vlerësoi se përgjegjësitë mund të shtriheshin deri te Banka e Shqipërisë dhe guvernatori i saj për masa të vonuara ose të papërshtatshme për të frenuar këtë skemë. Edhe pse u kallëzua që në vitin 2020, skandali i mikrokredive u zgjerua dhe u sofistikua nën hundën e institucioneve ligjzbatuese, duke shkaktuar pasoja tejet serioze për mijëra kredimarrës dhe shtyrë drejt vetëvrasjes njërin prej tyre. Pal Trashaj piu fostoksinë në shenjë proteste në oborrin e SPAK, raporton A2 CNN.

Në fund të korrikut të vitit të shkuar presidenti i Republikës, Bajram Begaj me anë të një letre të pa-precedentë i kërkoi Kuvendit të hetojë rolin e Bankës së Shqipërisë në të ashtuquajturin “skandali imikrokredive”.

Më herët, në muajin maj Banka e Shqipërisë iu kishte hequr licencat, duke nxjerrë nga tregu dy subjektet financiare jo banka, përkatësisht shoqërtitë “Final” dhe “Micro Credit Albania” për shkak të abuzimeve me dhënien e kredive.

Sot panorama është më e qartë. Prokuroria e Posaçme Kundër Korrupsionit dhe Krimit të Organizuar ka përmbyllur hetimet për një grup të strukturuar kriminal prej 16 individësh dhe 4 kompanish të akuzuara për mashtrime me pasoja të rënda përmes skemave të mikrokredisë dhe mbledhjes së detyrimeve financiare, përcjell A2 CNN..

Sipas SPAK, grupi vepronte si një strukturë e vetme, duke përdorur të njëjtin sistem kompjuterik, duke ndarë burimet financiare dhe duke qarkulluar stafin mes subjekteve, në funksion të një skeme kriminale që synonte pasurimin e paligjshëm në kurriz të qytetarëve në vështirësi ekonomike.

The post Skandali i mikrokredive, nga kriza e vitit 2008 tek akuza për krim të organizuar first appeared on JavaNews.al.

Deputetja Kleana Xhuveli, motra e Adriatik Lapajt, ka bërë të ditur se do të mbajë mandatin e deputetes, pavarësisht faktit që nuk arriti të hyjë në parlament përmes listës së mbyllur.

Në një deklaratë për mediat pas marrjes së mandatit këtë të mërkurë, Xhuveli tha se kjo vendimmarrje buron nga rrethanat aktuale dhe dëshira për të mbështetur misionin e listave të hapura, që janë themeli i lëvizjes së tyre politike.

Ajo thote se perfaqeson 80 mije shqiptare, por ne fakt jane me pak se 65 mije qe kane votuar per Nisma Shqiperia Behet.

“Duke qenë se lëvizja jonë ka në themel garën me lista të hapura, zotohem se do ta përfaqësoj me dinjitet mandatin e 80 mijë shqiptarëve. Në ditën që beteja ligjore do ta rikthejë mandatin tek i zoti, tek njeriu më i votuar i lëvizjes tonë, Adriatik Lapaj, unë do të jem aty për të garantuar vijimësinë e këtij procesi,” deklaroi Kleana Xhuveli.

The post “Do t’ia jap mandatin vëllait”, Xhuveli i shton dhe 15 mijë vota Lapajt: Unë jam garante e procesit… first appeared on JavaNews.al.

Apeli i GJKKO prish vendimin e shkallës së parë për Alqi Bllakon dhe e kthen për rigjykim. Bllako ishte dënuar në Shkallën e parë me katër vite burg lidhur me inceneratorin e Tiranës, që zbriste në dy vite e tetë muaj për shkak të gjykimit të shkurtuar, për akuzën e korrupsionit në dy raste.

Bllako e pati ankimuar vendimin e Shkallës së Parë.

Kujtojmë se Bllako u dënua nga Gjykata e Posaçme Antikorrupsion në 11 mars të këtij viti me 4 vite burg, dënim i cili u zbrit në 2 vite e 8 muaj për shkak të procedurës së gjykimit të shkurtuar, pasi u gjet fajtor për kryerjen e veprës penale “korrupsion pasiv” në dy raste.

Ish-deputeti është dënuar më herët me vendim të formës së prerë edhe për inceneratorin e Elbasanit me 2 vite e 8 muaj burg, ndërsa për inceneratorin e Fierit çështja është rikthyer për rigjykim nga Apeli në shkallë të parë.

The post Inceneratori i Tiranës, Apeli kthen për rigjykim çështjen ndaj Alqi Bllakos first appeared on JavaNews.al.

Kryetari i Partisë Demokratike Sali Berisha ka akuzuar pushtetin se janë duke ushtruar dhunë ç’njerëzore ndaj të burgosurit politik, Ilir Meta. Po ashtu, sipas kryedemokratit duhet të kryhet një hetim edhe ndaj rastit të Erion Veliajt.

“I kërkoj Avokatit të Popullit me urgjencë të marrë takim me të burgosurin politik Ilir Meta dhe të bëjë publike të gjitha qëndrimet çnjerëzore të urdhëruara nga Edi Rama dhe Ulsi Manja nga banditë me uniformë brenda institucionit të vuajtjes së dënimit ndaj ish-presidentit dhe ish-kryeministrit të vendit”, tha Berisha, shkruan A2 CNN.

“Por sot më duhet gjithashtu të denoncoj të dhëna që kam se ka sjellje çnjerëzore edhe ndaj të burgosurit Erion Veliaj. Partia Demokratike ka bërë me dhjetëra e dhjetëra protesta për arrestimin e këtij delinkuenti, i cili është akuzuar as për 20 për qind të krimeve që ka kryer. Por, cilido qoftë i burgosuri, trajtimi i tij në përputhje me rregullat dhe kodin e trajtimit të të burgosurve, është standardi i domosdoshëm për çdo vend anëtar të Këshillit të Europës”, shtoi Berisha.

The post Berisha: Meta dhe Veliaj po dhunohen në burg! first appeared on JavaNews.al.

Një aksident automobilistik ka ndodhur në aksin rrugor Qafë-Buall Bulqizë gjatë ditës së sotme.

Përmes një njoftimi, Policia bën të ditur se si pasojë e aksidentit kanë humbur jetën 2 persona dhe është plagosur një tjetër.

Ndërkohë grupi hetimor ndodhet në vendngjarje dhe po punon për zbardhjen e rrethanave të këtij aksidenti.

Njoftimi i Policisë:

Bulqizë/Informacion paraprak

Rreth orës 14:15, në vendin e quajtur “Antena”, në Qafë-Buall Bulqizë, një automjet tip “Nisan”, ka dalë nga rruga. Si pasojë e këtij aksidenti, kanë humbur jetën shtetasit B.Gj., dhe D.Gj, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.

Grupi hetimor ndodhet në vendngjarje dhe po punon për zbardhjen e rrethanave të këtij aksidenti.

The post Aksident me dy të vdekur në Bulqizë, një i mbijetuar niset me urgjencë në spital first appeared on JavaNews.al.

“Shqipëria nuk ndalet”, me këto fjalë ka reaguar kryeministri Edi Rama pas vendimit të ambasadorëve të 27 vendeve të Bashkimit Europian për hapjen e negociatave për grupkapitullin e pestë me Shqipërinë, i cili përfshin Bujqësinë dhe Kohezionin.

Rama konfirmoi se presidenca daneze e BE-së ka marrë autorizimin të ftojë Shqipërinë për të paraqitur pozicionin e saj negociues lidhur me kapitujt e fundit.

“Sot, më 23 korrik 2025, në vijim të progresit të vazhdueshëm e dinamik të Shqipërisë në rrugën e negociatave të anëtarësimit në Bashkimin Evropian, Komiteti i Përfaqësuesve të Përhershëm të Vendeve Anëtare të Bashkimit Europian autorizoi Presidencën Daneze të ftojë Shqipërinë për të paraqitur Pozicionin e saj Negociues për negociatat lidhur me kapitujt që përbëjnë Grupkapitullin 5 ‘Burimet, Bujqësia dhe Kohezioni’.”, shkruan Rama.

Pritet që në fillim të muajit shtator të mbahet edhe konferenca e gjashtë ndërqeveritare për të shënuar hapin final zyrtar të hapjes së të gjithë kapitujve me qëllim anëtarësimin e plotë të Shqipërisë në vitin 2030. Kryeministri Rama ka deklaruar shpesh herë se synon që të përfundojë negociatat deri në vitin 2027 si dhe anëtarësimin e plotë në BE deri në vitin 2030.

The post Brukseli hapi grupkapitullin e fundit të negociatave, Rama: Shqipëria nuk ndalet! first appeared on JavaNews.al.

Drejtoria Vendore e Policisë Tiranë arrestoi një shtetas dhe një u shpall në kërkim, pasi po ndërtonin pa leje, një objekt, afër lumit Zhullima në fshatin Mushqeta, Tiranë si dhe hodhën inerte që ndotën mjedisin dhe penguan rrjedhën e lumit.

Shërbimet e Komisariatit të Policisë Nr. 1, në vijim të kontrolleve në terren dhe punës hetimore për parandalimin, evidentimin dhe goditjen e krimeve mjedisore, kanë konstatuar në fshatin Mushqeta, afër lumit Zhullima, një objekt të ndërtuar pa leje dhe inerte të hedhura pranë lumit.

Në vijim të veprimeve për këtë rast, u arrestua në flagrancë shtetasi S. Ç., 52 vjeç, dhe u shpall në kërkim shtetasi K. G., 47 vjeç. Punohet për kapjen e tij.

Materialet procedurale iu referuan Prokurorisë, për veprime të mëtejshme, për veprat penale “Ndërtimi i paligjshëm”, “Ndotja e ajrit, ujit dhe tokës” dhe “Menaxhimi i mbetjeve”.

The post Ndërtuan objekt pa leje në Tiranë, një i arrestuar dhe një në kërkim first appeared on JavaNews.al.

Tregtarët e tregut të Zdrales kanë protestuar para bashksië së qytetit, pasi kundërshtojnë projektin e Myftinisë së Shkodrës e cila ka në pronësi tokën ku është tregu dhe ku ka vendosur të kryejë një investim.

Sipas tregtarëve ato kanë vite që punojnë në atë treg, duke e cilësuar si mundësinë e vetme që kanë për të siguruar të ardhura për familjet e tyre, shkruan A2 CNN.

Një përfaqësi e tregtarëve u prit edhe nga kryebahskikau i Shkodrës, Benet Beci, i cili ka premtuar që të ndihmojë në gjetjen e një zgjidhjeje që tregtarët të vijojnë aktivitetin e tyre, por pa përcaktuar nëse do të gjendet një vend tjetër apo do të negociohet për të vijuar në të njëjtin vend.

Sakaq pak ditë më pare, Myftiu i Shkodrës ka patur një reagim në lidhje me këtë problematikë, ku ka sqaruar pozicionin e Myftinisë.

Fundi I muajit gusht është afati kur tregtarët duhet që t’ja lirojnë tregun e Zdrales Myftinisë së Shkodrës, e cila ka një projekt për zhvillimin e asaj prone, të miratuar nga Këshilli Kombëtar i Territorit.

The post Tregtarët në protestë, Myftinia e Shkodrës kërkon largimin e tregut të Zdrales first appeared on JavaNews.al.

Kleana Xhuveli ka marrë mandatin e vetëm të koalicionit “Nisma Shqipëria Bëhet” në qarkun e Tiranës. Ajo ishte renditur e katërta në listën e mbyllur të këtij koalicioni.

Xhuveli është goca e tezes së kryetarit të “Shqipëria Bëhet”, Adriatik Lapaj, me të cilin ka një lidhje të ngushtë familjare. Ajo është rritur në familjen e Lapajt dhe, në intervistat e dhëna më herët, ky i fundit i është referuar asaj si “motra ime”.

26-vjeçarja ka qenë pjesë e fushatës së “Shqipëria Bëhet”, ku ka mbajtur role organizative.

Sipas marrëveshjes së arritur më herët mes dy partive që përbëjnë koalicionin, “Nisma Thurje” dhe “Shqipëria Bëhet”, kandidatët e listës së mbyllur kishin firmosur paraprakisht dorëheqje nga mandati, për të hapur rrugë kandidatëve të listës së hapur. Në këtë skenar, mandati do t’i kalonte Adriatik Lapajt si kandidati më i votuar.

Por situata u tensionua kur Zeqir Kordhoni, i afërmi i drejtuesit tjetër të koalicionit Endri Shabani, paraqiti kërkesë për të marrë mandatin. Sipas Shabanit dhe Kordhonit, kjo kërkesë bazohej në një deklaratë të mëhershme të Lapajt, i cili, sipas tyre, kishte premtuar se do të hiqte dorë nga mandati nëse koalicioni do të siguronte vetëm një vend në Kuvend.

Në bazë të marrëveshjes për “djegien” e kandidatëve të listës së mbyllur, Xhuveli ishte vendosur në vendin e katërt për të lehtësuar kalimin e mandatit tek lista e hapur. Por, për shkak të mosmarrëveshjeve dhe pretendimeve të ngritura nga pala tjetër, Adriatik Lapaj aktivizoi emrin e Xhuvelit, duke e parë atë si mundësi për të mos lejuar që mandati i vetëm i këtij koalicioni të kalonte te “Nisma Thurje”.

The post Kush është Kleana Xhuveli, “motra” e Adriatik Lapajt që mori mandatin e deputetes first appeared on JavaNews.al.

Gjermania ka nevojë për garanci të forta nga SHBA-ja se do të marrë shpejt sisteme të tjera raketore Patriot si zëvendësim, nëse ajo dërgon dy nga njësitë e saj në Ukrainë, tha ministri gjerman i Mbrojtjes, Boris Pistorius.

Duke folur për revistën gjermane Der Spiegel, ai tha se vendet evropiane anëtare të NATO-s kanë nevojë për garanci “të hekurta” që çdo sistem amerikan i mbrojtjes ajrore Patriot, i dërguar në Ukrainë, do të zëvendësohet brenda një periudhe prej gjashtë deri në tetë muajsh.

Javën e kaluar, presidenti i SHBA-së, Donald Trump, bëri të ditur se ka arritur një marrëveshje me shefin e NATO-s, Mark Rutte, që vendet evropiane të aleancës të furnizohen me armë amerikane – sidomos me sistemet raketore Patriot – për ta ndihmuar Ukrainën në luftën kundër Rusisë.

Ky veprim shënoi një kthesë në qëndrimin e Trumpit, i cili tha se është gjithnjë e më i pakënaqur me presidentin rus, Vladimir Putin, që po pengon përpjekjet për t’i dhënë fund luftës në Ukrainë.

Gjermania është ofruar me financimin e dy sistemeve Patriot, ndërsa disa aleatë të tjerë të NATO-s janë shprehur të gatshëm të paguajnë për tri të tjera.

Por, shqetësimet janë rritur, pasi Uashingtoni do që aleatët evropianë fillimisht t’i dërgojnë sistemet Patriot nga rezervat e tyre në Ukrainë dhe më pas të presin që ato të zëvendësohen nga Shtetet e Bashkuara.

Pistorius i tha revistës Der Spiegel se është e rëndësishme që “vendet që po i transferojnë sistemet, të mund t’i përmbushin detyrimet e tyre ndaj NATO-s dhe të mos krijohen boshllëqe sigurie për aleancën”.

Disa vende, si Norvegjia, Suedia dhe Holanda, kanë shprehur gatishmëri të paguajnë për sistemet Patriot, por Pistorius tha se ende nuk është vendosur se cili vend do t’ia japë këto sisteme Ukrainës.

Duke folur më vonë në një konferencë për media në Berlin, ai tha se po vazhdojnë bisedimet për çështjen se “cilat vende në Evropë dhe më gjerë kanë aktualisht sisteme Patriot dhe sa prej tyre janë të gatshme t’i dorëzojnë”.

“Ka para për këto sisteme Patriot. Tani vetëm na duhen ato”, tha Pistorius.

Gjermania ka pasur 12 sisteme Patriot, por tashmë ka dërguar 3 prej tyre në Ukrainë dhe 2 në Poloni.

Një sistem tjetër përdoret vetëm për trajnime, kështu që tani i ka vetëm 6 sisteme aktive në dispozicion./ REL

The post Përpara se t’i dërgojë raketat Patriot në Ukrainë, Gjermania do garanci nga SHBA first appeared on JavaNews.al.