Presidenti i Ukrainës, Volodymyr Zelensky, ka njoftuar se vendi i tij po planifikon operacione të reja ushtarake brenda territorit të Rusisë, duke theksuar se përgatitjet janë në vazhdim.

“Nuk do të ndalemi – operacionet do të vazhdojnë ashtu siç duhet,” deklaroi Zelensky në platformën X, pas një takimi me komandantin e forcave të armatosura ukrainase, gjeneralin Oleksandr Syrskyi.

Sipas tij, forcat dhe resurset janë duke u mobilizuar për të ndërmarrë sulme të reja.

Prej disa muajsh, ushtria ukrainase ka intensifikuar përdorimin e dronëve për të goditur objektiva strategjike në Rusi, veçanërisht rafineritë e naftës, në përpjekje për të dëmtuar kapacitetet logjistike dhe ushtarake të Kremlinit.

Shpërthime të fuqishme raportohen pothuajse çdo ditë në zona të ndryshme të Rusisë, duke e bërë më të vështirë për trupat ruse të vazhdojnë ofensivën kundër Ukrainës.

The post Paralajmëron Zelensky: Ukraina do të godasë fuqishëm Rusinë first appeared on JavaNews.al.

Të paktën 18 palestinezë kanë humbur jetën nga sulmet izraelite në Gaza që nga agimi i sotëm, përfshirë 13 persona që po prisnin për ndihmë ushqimore, raporton Al Jazeera.

Ushtria izraelite po intensifikon operacionet e saj me qëllim pushtimin e qytetit verior të Gazës dhe dëbimin e rreth një milion banorëve.

Kryeministri izraelit Benjamin Netanyahu deklaroi në mbledhjen e kabinetit: “Kabineti mori një vendim për t’u përballur me Hamasin dhe për të liruar pengjet tanë. Forcat tona kanë nisur tashmë zbatimin e këtij plani.”

Ai shtoi se ushtria ka goditur zëdhënësin e Hamasit, Abu Obeida, por fatin e tij ende nuk e dinë.

“Shpresoj që ai të mos jetë më me ne, por ende nuk ka askush në anën e Hamasit për t’iu përgjigjur kësaj pyetjeje. Orët dhe ditët në vijim do të tregojnë më shumë.”

Situata mbetet shumë e tensionuar ndërsa banorët po largohen masivisht nga zonat e konfliktit dhe komuniteti ndërkombëtar kërkon një zgjidhje urgjente humanitare.

The post Netanyahu paralajmëron ofensivë të ashpër kundër Hamasit, 18 të vrarë në sulmet izraelite në Gaza first appeared on JavaNews.al.

Gjatë fundjavës në doganën e Kakavijës po regjistrohet një fluks i shtuar në sportelet e daljes nga Shqipëria ndërsa rikthehen në shtetin grek emigrantët e fundit që kaluan pushimet e verës në vendlindje.

Sipas Policisë Kufitare në Kakavijë janë përpunuar 9.527 shtetas në hyrje – dalje, nga të cilët 3.841 në hyrje dhe 5.686 në dalje, si dhe 3.107 mjete në hyrje – dalje, nga të cilat 1.265 në hyrje dhe 1.842 në dalje. Pjesë e fluksit të lëvizjes në kufi janë edhe turistët nga vende të ndryshme.

Policia Kufitare punon me 3 sportele në hyrje dhe 4 në dalje ndërkohë që edhe pala greke ka përshpejtuar procedurat në sportelet e kontrollit të dokumenteve.

Përgjatë verës dogana e Kakavijës u përball me një fluks të lartë të këmbësorëve dhe automjeteve që lëvizën në të dyja anët e kufirit me Greqinë.

The post Emigrantët kthehen në Greqi pas pushimeve, fluks në pikën kufitare të Kakavijës first appeared on JavaNews.al.

Profesor Pilinçi e “tundi” një ditë më parë në Korçë, duke prezantuar qeverinë “hije” dhe duke i bërë karshillëk opozitës së PD dhe pushtetit të PS, duke u shprehur se i njeh mirë të dyja palët dhe, pavarësisht çfarë thonë, qeveria e vërtetë është ajo e tij.

Mirëpo një gjë e tillë, ka xhelozuar demokratin më të famshëm të Korçës, Ilir Vrenozin, i cili e ka ndjekur takimin e profesor Pilinçit nga distanca, madje duke i bërë edhe llogaritë e shpenzimeve.

“Kjo limuzina është 500 euro qiraja në ditë. 30 ditë nga 500 euro 15 mijë euro. Për Zotin e Madh, 500 euro është limuzina. Hajde, hajde. Po shikoje ore, vazhdon, veta janë aty, turp i Zotit”, dëgjohet të thotë Vrenozi në videon e postuar në profilin e tij./ TemA

The post Profesor Pilinçi bën “xheloz” militantin e PD-së/ Vrenozi i bën llogaritë: 500 euro qiraja ditore e limuzinës first appeared on JavaNews.al.

Forcat izraelite goditën gjatë natës periferitë e qytetit të Gazës nga ajri dhe toka, duke shkatërruar banesa dhe duke detyruar shumë familje të largohen, ndërsa kabineti i sigurisë i kryeministrit Benjamin Netanyahu pritet të diskutojë planin për të marrë nën kontroll qytetin. Sipas autoriteteve lokale të shëndetësisë, të paktën 30 persona u vranë të dielën nga të shtënat dhe bombardimet, përfshirë 13 që po përpiqeshin të merrnin ushqim pranë një pike ndihme në pjesën qendrore të Gazës dhe dy të tjerë brenda një shtëpie në qytetin e Gazës.

Një ditë më parë, të paktën 15 persona, mes tyre pesë fëmijë, u vranë nga një sulm mbi një ndërtesë banimi në qendër të qytetit. Banorët e lagjes Sheikh Radwan thanë se zona ishte nën zjarr të pandërprerë tankesh dhe bombardime ajrore gjatë së shtunës dhe së dielës, duke detyruar shumë njerëz të kërkojnë strehë në pjesën perëndimore.

Ushtria izraelite ka intensifikuar gradualisht operacionet rreth qytetit gjatë tre javëve të fundit dhe të premten shpalli fundin e pauzave të përkohshme që lejonin shpërndarjen e ndihmave, duke e shpallur zonën “fushëbetejë të rrezikshme”. Një zyrtar izraelit tha se kabineti i sigurisë do të mblidhet për të vendosur hapat e ardhshëm të ofensivës për të marrë kontrollin e qytetit, që Netanyahu e ka cilësuar si bastioni i fundit i Hamasit.

Ndërkohë, Netanyahu konfirmoi se ushtria izraelite kishte goditur Abu Ubaidën, zëdhënësin e krahut të armatosur të Hamasit, por shtoi se ende nuk dihet rezultati i sulmit. Abu Ubaida, i njohur si Hozayfa Al-Khalout, është një figurë e rëndësishme e Hamasit prej dy dekadash dhe njihet për komunikimet e tij publike nëpërmjet videomesazheve.

Kryetarja e Kryqit të Kuq, Mirjana Spoljaric, paralajmëroi se një evakuim i qytetit do të sillte një zhvendosje masive të popullsisë që asnjë zonë tjetër e Rripit të Gazës nuk është e përgatitur të përballojë, mes mungesave të theksuara të ushqimit, strehimit dhe furnizimeve mjekësore. Rreth gjysma e mbi 2 milionë banorëve të enklavës ndodhen aktualisht në qytetin e Gazës, ndërsa mijëra të tjerë janë larguar drejt zonave qendrore dhe jugore.

Autoritetet shëndetësore raportojnë se mbi 63 mijë persona, kryesisht civilë, janë vrarë që nga fillimi i ofensivës izraelite, ndërsa të dielën u konfirmua vdekja e shtatë personave të tjerë nga uria dhe kequshqyerja, duke e çuar në 339 numrin e viktimave nga mungesa e ushqimit, mes tyre 124 fëmijë. Izraeli ka vënë në dyshim shifrat e raportuara nga Ministria e Shëndetësisë e drejtuar nga Hamasi.

Protestat në Izrael për lirimin e pengjeve dhe kundër vazhdimit të luftës janë shtuar në javët e fundit, ndërsa ushtria ka paralajmëruar qeverinë se ofensiva mund të rrezikojë jetën e tyre. Lufta nisi më 7 tetor 2023, pas një sulmi të Hamasit në jug të Izraelit, ku u vranë rreth 1,200 persona dhe u rrëmbyen 251 të tjerë. Besohet se vetëm 20 nga 48 pengjet e mbetura janë ende gjallë.

The post 30 të vrarë nga sulmet e Izraelit në Gaza, Netanyahu mbledh kabinetin e sigurisë first appeared on JavaNews.al.

Partia Demokratike do të ankimojë në Kolegjin Zgjedhor zgjedhjet e 11 majit pasi Komisioni Rregullator i certifikoi ato. Ankesa e demokratëve pritet të dorëzohet në fillim të javës.

Kujtojmë se Komisioni Rregullator miratoi zyrtarisht rezultatin e 11 majit me tre vota pro dhe dy kundër më 28 gusht.

Partia Socialiste fitoi 83 mandate, aleanca e Partisë Demokratike 50 mandate, Partia Socialdemokrate tre mandate, Partia Mundësia dy mandate ndërsa Lëvizja Bashkë dhe Nisma Shqipëria Bëhet nga një mandat.

The post Komisioni Rregullator certifikoi zgjedhjet, PD do ta ankimojë në Kolegjin Zgjedhor first appeared on JavaNews.al.

Pas vjedhjeve të mëdha në butikët Valentino, Fendi dhe Hermes, hajdutët kanë vënë në shënjestër Dior. Ata kryen një grabitje me vlerë afërsisht 200 mijë euro në dyqanin në Via Strozzi në Firenze, pikërisht në qendrën historike, duke vjedhur çanta dore dhe veshje.

Vjedhja, e cila ndodhi rreth orës 3 të mëngjesit, u zbulua nga siguria private pas frikës së një zjarri për shkak të tymit që përhapej në të gjithë dyqanin e madh. Në realitet, zjarrfikësit përcaktuan se ishin bombolat e tymit të lëshuara nga alarmi anti-grabitje që u aktivizuan.

Sipas rindërtimeve, hajdutët hynë nga rruga ngjitur Via Sassetti, duke hyrë nga dera kryesore e një ndërtese që nuk ishte thyer me forcë. Në vend të kësaj, ata hapën me forcë derën që të çonte në bodrume, e ndjekur nga një derë e vogël që të çonte në dyqanin Dior. Sipas hetuesve, autorët treguan njohuri të mira të ndërtesës fqinje, duke përfshirë aftësinë për të hyrë nga Via Sassetti pa shkaktuar dëme të dukshme në derë.

Ka të ngjarë që shumë njerëz të kenë ndërhyrë, përfshirë ata që ishin vendosur në qoshet e rrugëve pranë Piazza della Repubblica për të paralajmëruar për mbërritjen e mundshme të rojeve të sigurisë, forcave të rendit ose kalimtarëve. Po shqyrtohen pamjet nga kamerat e shumta të sigurisë publike në të gjithë qytetin, të cilat do të jenë gjithashtu të dobishme për rindërtimin e rrugëve të arratisjes.

The post “Skifterat” bëjnë namin në një dyqan mode në qendër të Firenzes, grabitje me vlerë 200 mijë euro first appeared on JavaNews.al.

Turistët dhe emigrantët po shtojnë numrin e pikave të këmbimit valutor. Sasia përherë e më shumë në rritje e euros, dollarit apo paundit, ata po sjellin çoi në 642 numrin e exchange në vend. Të dhënat nga Banka e Shqipërisë tregojnë se në krahasim me 2023-shin, numri i zyrave të këmbimit të valutave u shtua me 22.

“Ndikim ka pasur edhe fakti se sot Zyrat e Këmbimit Valutor po shërbejnë jo vetëm si Exchange por edhe për dërguar e marrë para. Le të themi që po shërbejnë si “one stop shop”, thotë për A2 CNN Dritan Vakaj, kryetar i Shoqatës së Këmbimit Valutor.

Pjesa më e madhe nga turizmi dhe eksportet, ndjekur nga investimet e huaja dhe dërgesat e emigrantëve… vetëm nëpërmjet këtyre kanaleve në vend gjatë vitit të shkuar hynë mbi 12 miliardë euro. Për aktorë të tregut valutor, shtimi i Ecxhange vjen edhe si pasojë e komisioneve të larta të bankave.

“Njerëzit duan tarifa të lira dhe këto i gjejnë te Exchange. Çdo boshllëk i krijuar nga sistemi bankar mbushet nga këto tipologji biznesesh”, thekson Vakaj.

Po bashkë me shtimin e flukseve të valutave, rritet e rreziku i pastrimit të parave. Me këto ndryshime, pas kontrolleve u procedua me heqjen e licencave për 24 exchange.

“Rreziku nga pastrimi i parave nuk është i përjashtuar kurrë. Në një mori juridiksionesh, përfshirë edhe Vlerësimin Kombëtar të Riskut që u miratua fund-vitin e shkuar, sektori financiar është më i theksuari për pastrimin e parave. Sepse në thelb ai është instrumenti kryesor për t’u përdorur si mjet pagese”, shton ai.

Vetëm vitin e shkuar, në 642 pikat e këmbimit valutor dhe bankat e nivelit të dytë u këmbyen mbi 12 miliardë euro. Ky është niveli më i lartë i shënuar ndonjëherë.

The post Valutat “pushtojnë” Shqipërinë, 642 pika këmbimi dhe mbi 12 miliardë euro të këmbyera first appeared on JavaNews.al.

Që nga orët e para të së dielës, një operacion i madh nga Policia Greke në Kretë ka qenë në kulmin e tij, me qëllim shpërbërjen e një organizate kriminale që, sipas autoriteteve, kishte zhvilluar aktivitet shumëdimensional vitet e fundit. Anëtarët e saj dyshohet se janë të përfshirë në trafik droge, zhvatje dhe pastrim parash.

Hetimi dhe arrestimet po koordinohen nga Nëndrejtoria e Sigurisë së Hanias, e cila deri më tani ka arrestuar më shumë se 15 persona.

Midis të arrestuarve janë figura të njohura në komunitetin vendas, biznesmenë me një aktivitet të fortë dhe prani publike në ngjarjet e ishullit, të cilat kanë shkaktuar shqetësime të mëdha. Sipas të njëjtave burime, pritet të konfiskohen kompjuterë dhe telefona celularë, ndërsa do të kryhen kontrolle të vazhdueshme në banesat e tyre.

Fakti që, edhe një herë, personel me uniformë është i përfshirë në këtë rast është veçanërisht tronditës. Konkretisht, katër oficerë ushtarakë dhe policorë akuzohen si anëtarë të organizatës: një oficer policie, për të cilin po shqyrtohet mundësia e shtimit të një të dyti, dy oficerë të Ushtrisë dhe një oficer i Forcave Ajrore.

Çështja është në kulmin e saj dhe zhvillimet priten të jenë shpërthyese. Lajmi për arrestimet ka tronditur tashmë komunitetin lokal të Kretës, ndërsa autoritetet policore vazhdojnë të hetojnë fushëveprimin dhe lidhjet e aktivitetit kriminal.

The post Të akuzuar për trafik droge dhe pastrim parash, arrestohen policë dhe biznesmenë në Kretë first appeared on JavaNews.al.

Nënkryetari i Bashkisë së Tiranës per territorin dhe zona rurale Blendi Sulaj ka inspektuar nga afër punimet për ndërtimin e shkollës “Mersin Duqi” ne Bërzhitë. Ai tha se shkolla e re do të jetë gati sa më shpejt për të mirëpritur nxënësit e zonës, si dhe theksoi që do shërbejë edhe si hapësirë rekreative për komunitetin pas orarit zyrtar të shkollës.

“Po bëhet një punë shumë e mirë. Bashkia e Tiranës do të jetë shumë e vëmendshme ndaj të gjitha investimeve që do të bëhen në zonat rurale sepse do t’i shërbejnë komunitetit, por mbi të gjitha kjo shkollë do t’i shërbejë do ti shërbejë mbi 180 nxënësve dhe shkolla të shihet të paktën edhe pas orarit shkollor të jetë një pjesë që e gjithë zona ta shfrytëzojë për ambientet rekreative që do të krijohen dhe që është bërë e mundur. Ju shkoftë mbarë dhe mbaroni sa më shpejt”, u shpreh Sulaj.

Ndërtimi i kësaj shkolle është një investim i rëndësishëm për komunitetin, që do t’i shërbejë mbi 180 nxënësve të zonës.

Nënkryetari Sulaj inspektoi edhe shkollën “Selman Meta”, për të cilën tha se bashkia Tirane do te jete ne gadishmeri per cdo nevoje qe do te kene shkollat e ketyre zonave.

Gjatë këtyre viteve, Bashkia e Tiranës ka investuar në ndërtimin dhe rikonstruksionin e dhjetëra shkollave të reja, duke sjellë kushte më të mira mësimi për mijëra nxënës në kryeqytet dhe zonat rurale.

The post Nënkryetari i bashkisë Tiranë, Sulaj inspekton ndërtimin e shkollës së re në Bërzhitë: Gati për të mirëpritur mbi 180 nxënës të zonës vitin e ardhshëm first appeared on JavaNews.al.

Policia e Tiranës njofton se një vajzë 16-vjeç ka tentuar të vrasë veten duke pirë një dozë të lartë medikamentesh.

Sipas policisë, e mitura u dërgua në spital për mjekim dhe aktualisht ndodhet nën kujdesin e mjekëve.

Materialet procedurale i janë referuar Prokurorisë së Tiranës, për veprime të mëtejshme.

The post Tentoi vetëvrasjen duke pirë dozë të lartë medikamentesh, përfundon në spital 16-vjeçarja first appeared on JavaNews.al.

Një incident i rëndë ndodhi në orët e para të mëngjesit të sotëm në detin Egje, kur një i burgosur turk që po transferohej nga burgu i Koridallos në Mytilene u hodh i prangosur në det nga anija e pasagjerëve “ARIADNI”.

Incidenti ndodhi ndërsa anija po lundronte në zonën detare midis Kiosit dhe Oinousses.

Sipas informacioneve të fundit, i burgosuri po flinte në dyshemenë e anijes, i ruajtur nga katër oficerë policie dhe i prangosur. Me një lëvizje të papritur, ai u ngrit, vrapoi dhe i habiti shoqëruesit e tij, të cilët nuk kishin kohë ta mbanin.

Në momentin kritik, një qytetar që ndodhej në anije hapi derën e kuvertës, gjë që i lejoi të burgosurit të arrinte atje dhe të hidhej në det.

Burri në fjalë u arrestua më 7 korrik 2025 nga Autoritetet Portuale të Lesvosit për një rast kontrabande emigrantësh. Ai u ndalua përkohësisht dhe u transferua në Korydallos. Transferimi i tij do të paraqitej para një autoriteti gjyqësor në Mytilene.

Policia informoi menjëherë kapitenin, i cili ndaloi motorët e anijes dhe filloi procedurat e kërkimit. Anijet e Rojës Bregdetare morën pjesë në operacionin e shpëtimit, por nuk ishte e mundur të gjendej i burgosuri.

Njoftimi nga Selia Qendrore e Policisë Helenike

Në orët e para të mëngjesit të sotëm, më 31 gusht 2025, gjatë një transferimi të planifikuar të të burgosurve me anije, një nga të burgosurit e transferuar doli në kuvertë dhe u hodh në det, ndërsa anija po lundronte midis Kiosit dhe Mitilenit.

Menjëherë, oficerët e policisë-eskortë njoftuan kapitenin, i cili ndaloi anijen dhe filluan procedurat e kërkim-shpëtimit. Në të njëjtën kohë, u njoftua Roja Bregdetare, e cila mobilizoi anijet për të gjetur dhe shpëtuar të burgosurin.

Hetimet janë duke vazhduar me ndihmën e Rojës Bregdetare, e cila po kryen edhe punën paraprake hetimore, ndërsa përveç kësaj, për rastin u iniciua procedura disiplinore e përcaktuar.

Vërehet se i burgosuri specifik u arrestua më 7 korrik 2025 nga Autoritetet Portuale të Lesvosit për një rast kontrabande emigrantësh në ishull dhe u urdhërua ndalimi i tij i përkohshëm në Qendrën e Paraburgimit të Koridallos. Transferimi i tij në Mitilene u krye me qëllim që të paraqitej para një autoriteti gjyqësor.

The post Arratisje si në filma në Greqi, kontrabandisti turk i shpëtoi policisë duke u hedhur në det me pranga në duar first appeared on JavaNews.al.

Partia Demokratike ka denoncuar publikisht problemet në Qendrën Spitalore Universitare Nënë Tereza në Tiranë.

Në një deklaratë për mediat zëdhënësja demokrate, Genta Vangjeli, u shpreh se qeveria e kryeministrit Edi Rama në vend që të zgjidhë problemin e medikamenteve dhe shërbimeve bazë në këtë qendër, i jep jep prioritet projekteve fitimprurëse me natyrë biznesi në zemër të sistemit shëndetësor publik. Sipas saj qendra më e madhe shëndetësore në vend QSUNT po kthehet në një qendër tregtare fitimprurëse.

Deklarata e zëdhënëses demokrate, Genta Vangjeli

Partia Demokratike denoncon publikisht një tjetër rast që prek direkt interesat e qytetarëve shqiptarë.

Pa u shqetësuar për medikamentet jetësore që mungojnë qeveria e Edi Ramës i jep sigurisht prioritet ideve të të bërit biznes.

Kështu qendra më e madhe shëndetësore në vend QSUNT po kthehet në një qendër tregtare fitimprurëse.

Në shtator të vitit të shkuar FSHZH shpalli tenderin me objekt “Përmirësimi i transportit urban dhe parkimeve (Parkimi i QSUT): Ndërtimi i godinës së Parkimit Multifunksional me shumë nivele në Qëndrën Spitalore Universitare “Nënë Tereza” Tiranë (QSUT)”, procedurë e cila u fitua nga Salillari shpk me subjekt mbështetës ASL shpk, kundrejt vlerës 14 milionë euro (me tvsh).

Kontrata e parashikuar të realizohet për 24 muaj përfshin dy ndërtesa , një parkim automjetesh 5 kate mbi tokë dhe 1 kat nën tokë, si dhe një hotel 5 kate mbi tokë për shërbimet e pritjes dhe logjistikës plus 1 kat nën tokë për ambiente teknike në funksion të tij.

Gjasat janë që menaxhimin e parkimit të ri mund ta kryejë Agjencia Ekonomike Mbështetëse e krijuar (në v.2018) nga Fondi Shqiptar i Zhvillimit, e drejtuar nga ish-zyrtarë të lartë të Partisë Socialiste.

Në krye të saj qëndron Alfred Dalipi, ish-zv.ministër i Mjedisit dhe ish deputet i PS-së. Kjo agjenci nisi aktivitetin e saj duke vendosur tarifa parkimi në QSUT, dhe tashmë është shndërruar në një strukturë që përveç parkimit të QSUNT menaxhon edhe parkime dhe projekte në të gjithë vendin, si:

• Qendra e Zhvillimit të Turizmit në Valbonë, Tropojë

• në Vermosh, Malësi e Madhe

• Kompleksi Agroturistik në Belsh

• Godina e Parkimit në Berat, në Sheshin “Teodor Muzaka”

• Qendra e Zhvillimit Rajonal në Korçë

• Godina e Parkimit në Gjirokastër, në Sheshin “Çerçiz Topulli”.

Përmes këtyre projekteve, Agjencia gjeneron miliona euro në kurriz të pasurisë publike. Ndërkohë, QSUT – spitali më i madh i vendit – përballet me mungesë të shërbimeve bazë dhe të hapësirave po përdoren për zona parkimi me pagesë.

Ky është një tjetër shembull i zhvatjes së pasurisë publike dhe i kthimit të institucioneve shëndetësore në biznese private, në kurriz të qytetarëve.

Partia Demokratike kërkon transparencë të plotë dhe ndalimin e menjëhershëm të projekteve që synojnë kthimin e QSUT-së në një qendër fitimprurëse, në vend që të jetë një institucion në shërbim të pacientëve dhe shëndetit publik.

The post PD akuza Ramës për menaxhimin e fondeve në QSUT: Në vend të ilaçeve, po u ofron dhoma hoteli first appeared on JavaNews.al.

Izraeli deklaron se nuk do të ketë armëpushim të përkohëshëm për lirimin e pengjeve izraelite që mbahen nga Hamasi në Gaza.

Ministri izraelit i Kulturës dhe Sportit, Miki Zohar, i tha Channel 12 se një marrëveshje e përkohshme armëpushimi për lirimin e pengjeve izraelite të mbajtura në Gaza “nuk është në axhendë” përpara mbledhjes së sotme të kabinetit.

“Ekziston një vendim i qartë nga shteti i Izraelit, dhe sipas mendimit tim, ai mund të shprehet më qartë në ditët në vijim: vetëm një marrëveshje e plotë”, tha Zohar.

“Nuk ka më mundësi për një marrëveshje të pjesshme. Izraeli ka vendosur që një marrëveshje e pjesshme nuk është në axhendë. E vetmja gjë në axhendë është përfundimi i luftës së bashku me, sigurisht, kthimin e të gjithë pengjeve dhe demilitarizimin e Rripit të Gazës”, shtoi ai.

Komentet e Zoharit vijnë dy javë pasi Hamasi tha se kishte pranuar skicën e një marrëveshjeje armëpushimi 60-ditore që do të shihte lirimin e 10 të burgosurve izraelitë ende gjallë, nga 48 pengjet që mbahen ende nga grupet terroriste në Gaza, të paktën 20 prej të cilëve Izraeli beson se janë ende gjallë.

The post Rrethohet Gaza, Izraeli përgënjeshtron Hamasin: Nuk ka shanse për një armëpushim të përkohshëm first appeared on JavaNews.al.

Dy infermiere u sulmuan dhunshëm mbrëmë në urgjencën e spitalit nga një burrë i dehur. Agresori është një shtetas shqiptar që jeton në Sanremo, i lindur në vitin 1984, me precedentë penalë dhe i liruar së fundmi nga arresti shtëpiak.

Dy punonjëset e kujdesit shëndetësor thuhet se pësuan lëndime të rënda. Burri mbërriti në dhomën e urgjencës me ambulancë rreth orës 7:30 të mbrëmjes, pastaj filloi të tërbohej. Për ta sjellë në vete, duke pasur parasysh trupin e tij të shëndoshë, u desh ndërhyrja e disa oficerëve të zbatimit të ligjit: Karabinierëve, policisë dhe Guardia di Finanza.

Lidhur me incidentin, nënkryetari i Rajonit të Ligurias, Alessandro Piana, shprehu solidaritetin e tij me dy infermierët dhe pacientët e tyre: “Është e papranueshme që ata që refuzojnë trajtimin dhe rregulloret të jenë ende të lirë të qarkullojnë: ky individ duhej të ishte përjashtuar shumë kohë më parë dhe nuk duhej të kishte qenë kurrë në një dhomë urgjence, e cila duhet të mbetet një vend i sigurt për stafin dhe qytetarët. Siguria është e para: na duhen më shumë mbrojtje për punonjësit e spitalit dhe zbatim i rreptë i urdhrave të dëbimit për ata që nuk kanë të drejtë të qëndrojnë në vendin tonë.”

The post Shokohet Sanremo, një 41-vjeçar shqiptar sulmon dy infermiere dhe vandalizon urgjencën spitalore first appeared on JavaNews.al.

Princi Harry shpreh keqardhje për telefonatën e fundit që pati me nënën e tij, Princeshën Diana, 28 vjet pas vdekjes së saj në Paris.

Harry ishte vetëm 12 vjeç kur nëna e tij humbi jetën tragjikisht në një aksident me makinë në Paris në vitin 1997 dhe ai kujton se i kishte mbyllur telefonatën për të shkuar të luante, diçka për të cilën pendohet.

Duka i Sussex dhe vëllai i tij më i madh, Princi William, kanë zbuluar shumë histori rreth Dianës në vitet që nga vdekja e saj.

Dy princat ishin me pushime në Balmoral, pronën familjare, me babanë e tyre dhe anëtarë të tjerë të familjes mbretërore, kur dëgjuan lajmin tragjik.

Në një dokumentar të vitit 2017 të titulluar “Diana, Nëna Jonë”, Princi Harry tha se i vinte shumë keq për bisedën e fundit që pati me nënën e tij. Ai zbuloi se mezi priste ta ndërpriste telefonatën në mënyrë që të dilte jashtë dhe të luante.

“Nuk e mbaj mend vërtet çfarë thashë. Por e vetmja gjë që mbaj mend është ndoshta, e dini, pendimi për pjesën tjetër të jetës sime, sa e shkurtër ishte telefonata. Dhe nëse do ta dija se kjo ishte hera e fundit që do t’i flisja nënës sime – gjërat që do t’i kisha thënë asaj”, theksoi ai.

The post “Sa gjëra do t’i kisha thënë…”, pse Princi Harry pendohet për telefonatën e fundit me nënën e tij Diana first appeared on JavaNews.al.

Rastet e aksidenteve kur drejtuesit e automjeteve janë në gjendje të dehur janë shtuar kohët e fundit, ku fatkeqësisht, ka pasur edhe viktima.

Rasti i fundit vjen nga qarku i Korçës, ku një 48 vjeçar në gjendje të dehur, është përplasur me një mjet tjetër, fatmirësisht kësaj here pa pasoja fatale jete. është plagosur lehtë një pasagjere.

Njoftimi i policisë:

U. S., 48 vjeç, banues në Durrës, u shoqërua në polici, pasi automjeti që drejtonte në gjendje të dehur është përplasur me një automjet tjetër që drejtohej nga shtetasi A. S., 40 vjeç. Si pasojë e përplasjes, ngeli e dëmtuar lehtë një pasagjere që ndodhej në mjetin që drejtohej nga 40-vjeçari.

The post Drejtonte automjetin në gjendje të dehur dhe përplaset me një makinë tjetër në Korçë, plagoset një pasagjere first appeared on JavaNews.al.

Kina dhe India kanë dhënë një sinjal të qartë për përmirësimin e marrëdhënieve, ndërsa liderët e tyre, Xi Jinping dhe Narendra Modi, u takuan për herë të parë pas shtatë vitesh në qytetin eTianjin, në prag të një samiti rajonal. Takimi vjen në një kohë sfidash të përbashkëta për të dy vendet, përfshirë tarifat e larta amerikane dhe vëmendjen e Perëndimit ndaj lidhjeve të tyre me Rusinë, ndërsa lufta në Ukrainë vazhdon.

Në fjalën e tij hapëse, Xi theksoi se bota sot po përballet me transformime të mëdha.

“Është zgjedhja e duhur që të jemi miq me marrëdhënie fqinjësore dhe të ndihmojmë njëri-tjetrin të arrijmë sukses”, tha ai.

Ai përdori simbolikën tradicionale të “dragoit dhe elefantit” për të përshkruar Kinën dhe Indinë dhe theksoi se duhet “të kërcejnë” së bashku.

Xi shtoi se nëse të dyja vendet ndjekin “rrugën e partneritetit dhe jo të rivalitetit, marrëdhëniet mund të jenë të qëndrueshme dhe të ecin përpara në afat të gjatë”.

Nga ana e tij, Modi deklaroi se India është e përkushtuar të zhvillojë marrëdhëniet me Kinën “bazuar në besim dhe respekt të ndërsjellë” dhe përmendi zbutjen e tensioneve përgjatë kufirit të diskutueshëm në Himalaje, ku dy vendet patën një përplasje të dhunshme në 2020. Ai shtoi se “interesat e 2.8 miliardë njerëzve në vendet tona lidhen ngushtë me bashkëpunimin tonë”.

Ky zhvillim do të ndiqet me kujdes në Uashington, ku tensionet me New Delhin mund të sfidojnë përpjekjet e SHBA-së për të forcuar partneritetin me Indinë si një kundërpeshë ndaj Kinës.

Takimi vjen pas sanksioneve amerikane ndaj Indisë për importet e saj të naftës dhe gazit rus, ndërsa Kina, gjithashtu një blerës kryesor i naftës ruse, nuk është prekur ende nga masa të tilla. Temat e energjisë dhe marrëdhënieve me Rusinë pritet të diskutohen më tej gjatë samitit dyditor të Organizatës për Bashkëpunim të Shangait (SCO), ku India do të ketë takime bilaterale edhe me Vladimir Putin.

Modi ka theksuar se India nuk merr palë në luftën në Ukrainë dhe ka biseduar ditën e shtunë me presidentin ukrainas, Volodymyr Zelensky për të shkëmbyer qëndrime mbi konfliktin në vazhdim.

Ky takim shënon një moment të rëndësishëm në afrimin e Kinës dhe Indisë, duke rritur rëndësinë e bashkëpunimit mes dy vendeve më të populluara në botë.

Ndërkohë në Kinë ka mbërritur edhe presidenti rus, Vladimir Putin si dhe më shumë se 20 liderët botërorë që do marrin pjesë në samitin e Organizatës për Bashkëpunim të Shangait (SCO).

SCO përfshin Kinën, Indinë, Rusinë, Pakistanin, Iranin, Kazakistanin, Kirgistanin, Tajikistanin, Uzbekistanin dhe Bjellorusinë ndërsa 16 vende të tjera janë të lidhura si vëzhgues ose “partnerë dialogu”. Ky grup rajonal për siguri, i udhëhequr nga Kina dhe Rusia, synon të rishpërndajë fuqinë globale në favor të tyre dhe larg SHBA-ve.

Gjatë vizitës së tij, që pritet të zgjasë rreth një javë, presidenti rus do të zhvillojë bisedime me presidentin kinez Xi Jinping, aleatin e tij të ngushtë, dhe do të ndjekë paradën ushtarake të Ditës së Fitores në Pekin, që shënon 80 vjetorin e humbjes së Japonisë në Luftën e Dytë Botërore, ku Putin pritet të jetë mysafiri kryesor së bashku me Kim Jong-un nga Koreja e Veriut dhe liderët e Iranit dhe Kubës.

The post Kina dhe India angazhohen për partneritet: Koha që dragoi dhe elefanti të vallëzojnë sëbashku first appeared on JavaNews.al.

30 shkolla të reja do të hapin dyert nga 8 shtatori. Lajmin e jep kryeministri Edi Rama. Ai thotë se këto shkolla do të mirëpresin mbi 8 mijë nxënës dhe mësues.

Ndërkohë kreu i qeverisë premton se do të vijojnë investimet për ndërtimin e dhe rehabilitimin e objekteve arsimore kudo në Shqipëri.

“Më 8 shtator, në ditën e parë të shkollës do të hapin dyert 30 shkolla të rilindura nga veriu në jug, të cilat do të mirëpresin mbi 8 mijë nxënës dhe mësues. Vijojmë të investojmë për ndërtimin dhe rehabilitimin e objekteve arsimore, shkollave, palestrave e terreneve sportive, për të garantuar të njëjtin standard, kudo në Shqipëri”, njoftoi Rama.

The post Viti i ri arsimor, Rama: 30 shkolla të reja hapin dyert nga 8 shtatori first appeared on JavaNews.al.

Një 76-vjeçar nga fshati Mjekës është proceduar penalisht nga prokuroria e Elbasanit, pasi i vuri flakën një sipërfaqeje me shkurre.

Prokuroria e Elbasanit thotë se ka nisur procedim për shtetasin B. J., 76 vjeç, pasi në fshatin Mjekës, ka ndezur zjarr për të djegur disa mbeturina dhe nga përhapja e flakëve është djegur një sipërfaqe toke me shkurre.

The post Ndezi zjarr për të djegur disa mbeturina, nis procedimi penal për 76-vjeçarin në Elbasan first appeared on JavaNews.al.