Drejtori i zyrës serbe për propagandë kundër Kosovës, Petar Petkoviq, ka deklaruar se “të gjithë e dinë që kryeministri në mandat teknik, Albin Kurti, e ka hedhur poshtë Marrëveshjen e Uashingtonit, prandaj tani është qesharake që ai të lavdërojë rolin e SHBA dhe të sulmojë Beogradin”.

Sipas tij, “Kurti nuk i dëshiron marrëveshje, as dialog, por dëshiron të dëbojë serbët”, transmeton Paparaci.

Petkoviq, në një postim në rrjetin social “X”, ka pretenduar se “Kurti ka 12 vjet që refuzon të zbatojë Marrëveshjen e Brukselit”.

“Është qesharake që Kurti lavdëron rolin e SHBA dhe sulmon Beogradin. Të gjithë e dinë se personalisht Kurti e ka refuzuar Marrëveshjen e Uashingtonit, duke kundërshtuar ashpër presidentin Trump dhe që tashmë 12 vjet refuzon të zbatojë Marrëveshjen e Brukselit”, ka shkruar Petkoviq.

Ai në këtë propagandë të radhës pretendon se “Kurti dëshiron vetëm dëbimin e serbëve”.

“Kurti nuk dëshiron as marrëveshje, as dialog, por dëshiron të dëbojë serbët! Prandaj de-përshkallëzimi urgjent dhe formimi i Asociacionit është parakusht për çdo përparim në dialog”, ka përsëritur edhe një herë Petkoviqi kushtëzimet e shefit të tij Vuçiqit.

Sinjali – aty ku e vërteta flet para lajmit!

/GazetaSinjali/

The post Petkoviq: Kurti nuk dëshiron marrëveshje e as dialog, por t’i dëbojë serbët appeared first on Sinjali.

Kryetari i Shoqatës së Naftëtarëve të Kosovës, Fadil Bernjani, ka njoftuar se çmimet e naftës në vend po rriten për shkak të tensioneve të vazhdueshme ndërmjet Izraelit dhe Iranit, duke shkaktuar frikë për mundësinë e ndërprerjes së furnizimit me karburante.

Në një postim në Facebook, Bernjani tha se tensionet në Lindjen e Mesme kanë ndikuar drejtpërdrejt në rritjen e çmimeve të naftës, për shkak të pasigurisë në furnizim.

“Njoftim mbi zhvillimet e fundit në Lindjen e Mesme dhe ndikimin në sektorin e naftës: Çmimet e naftës po rriten për shkak të tensioneve në mes të Izraelit dhe Iranit. Kjo po shkakton frikë për ndërprerje të furnizimit, duke ndikuar në rritjen e çmimeve”, shkroi Bernjani.

Ai shtoi se “Irani prodhon një pjesë të madhe të naftës në botë dhe kontrollon ngushticën e Hormuzit, një pikë ku kalon afërsisht 20% e naftës botërore. Çdo eskalim i kësaj situate do të ndikojë më shumë në rritjen e naftës, ndërsa ndonjë marrëveshje paqeje e ndërmjetësuar nga SHBA mund të qetësojë tregun e naftës”.

Përveç kësaj, Bernjani theksoi se çmimi i naftës në Kosovë ndikohet gjithashtu nga këto zhvillime gjeopolitike, pasi Kosova importon pjesën më të madhe të naftës. Çmimet aktuale të karburanteve në Kosovë, sipas Bernjanit, janë: Diesel – 1.14€-1.24€ dhe Benzin – 1.15€-1.25€.

Sinjali – aty ku e vërteta flet para lajmit!

/GazetaSinjali/

The post Tensionet mes Izraelit dhe Iranit rrisin çmimet e naftës në Kosovë appeared first on Sinjali.

Irani ka ekzekutuar një burrë i cili u shpall fajtor për spiunazh për agjencinë e inteligjencës izraelite Mossad.

Kështu, siç shkruajnë mediat e huaja, raportoi të hënën agjencia gjysmëzyrtare e lajmeve Fars.

Ekzekutimi, raportoi Reuters, është i treti në javët e fundit që lidhet me kryerjen e spiunazhit në emër të Izraelit.

The Guardian thekson se megjithatë, nuk ishte në gjendje ta verifikonte në mënyrë të pavarur raportin.

Sinjali – aty ku e vërteta flet para lajmit!

/GazetaSinjali/

The post Irani ekzekuton një burrë sepse spiunoi për Izraelin appeared first on Sinjali.

Irani ka lëshuar 370 raketa balistike dhe qindra dronë drejt Izraelit gjatë katër ditëve të konfliktit, sipas zyrës së kryeministrit izraelit.  

Deri të hënën në mëngjes, 24 persona kanë mbetur të vdekur në Izrael dhe 592 të tjerë të plagosur, me 10 prej tyre në gjendje të rëndë , që nga fillimi i armiqësive të premten, thuhet në deklaratë.

Raketat iraniane, sipas njoftimit, kanë goditur me sukses 30 vende në Izrael.

Ndërkohë, në Iran, të paktën 224 persona janë vrarë që nga e premtja, sipas ministrisë iraniane të Shëndetësisë të dielën, siç citohet nga media shtetërore iraniane.

Sinjali – aty ku e vërteta flet para lajmit!

/GazetaSinjali/

The post Izraeli thotë se Irani ka lëshuar rreth 400 raketa balistike në drejtim të tij appeared first on Sinjali.

Numri i divorcëve në Kosovë ka shënuar një rritje gjatë muajve të parë të vitit 2025.

Sipas të dhënave të Agjencisë së Statistikave të Kosovës (ASK), vetëm në muajin prill janë regjistruar 140 raste të shkurorëzimeve, duke shënuar një rritje prej 14% krahasuar me muajin mars, kur u raportuan 123 raste.

Në periudhën janar-prill 2025, gjithsej 528 çifte kanë vendosur të japin fund martesës së tyre. Nga këto raste, muajin më të lartë të divorcesh e ka pasur muaji shkurt, me 141 raste, pasuar nga prilli me 140, janari me 124, dhe marsi me 123.

Kjo rritje e rasteve të divorcesh tregon një tendencë të vazhdueshme të shkurorëzimeve në Kosovë, duke ngritur pyetje për faktorët që po ndikojnë në marrëdhëniet e martesës në vend.

Sinjali – aty ku e vërteta flet para lajmit!

/GazetaSinjali/

The post Rritet numri i divorceve në Kosovë appeared first on Sinjali.

Presidenti i SHBA-së, Donald Trump, ka mbërritur të dielën në Kananaskis, Alberta, brenda Maleve Shkëmbore Kanadeze, për t’u bashkuar me udhëheqësit e disa prej fuqive më të mëdha ekonomike në botë për samitin e Grupit të Shtatë G7.

Takimi i shtatë shteteve po ndodh në kohën e rritjes së konfliktit midis Izraelit dhe Iranit, teksa në qendër të vëmendjes pritet të jetë edhe lufta tregtare e Trumpit, raporton AP.

Sulmet e Izraelit ndaj Iranit dhe hakmarrja e Teheranit, të cilat duket se i kapën shumë udhëheqës botërorë në befasi, janë shenja e fundit e një bote më të paqëndrueshme.

Trumpi së fundmi ka kundërshtuar një plan izraelit për të vrarë Udhëheqësin Suprem të Iranit, Ajatollah Ali Khamenei, ka thënë një zyrtar amerikan për Associated Press.

Kjo është parë si një tregues se sa larg është i përgatitur të shkojë Izraeli.

Sinjali – aty ku e vërteta flet para lajmit!

/GazetaSinjali/

The post Trumpi mbërrin në Kanada për samitin G7 appeared first on Sinjali.

Pas tragjedisë me 279 viktima në Ahmedabad, një tjetër incident ka ndodhur me një avion të kompanisë Air India. Fluturimi AI315, me itinerar Hong Kong – Delhi, është detyruar të kthehet në aeroportin e nisjes pas raportimit të një problemi teknik nga piloti gjatë fluturimit.

Avioni Boeing 787-8 Dreamliner, i njëjtë me modelin që u përplas në Ahmedabad katër ditë më parë, u ul në mënyrë të sigurt dhe të gjithë pasagjerët u evakuuan sipas protokolleve të sigurisë.

Fluturimi ishte nisur nga Hong Kongu në orën 12:00 me kohën lokale dhe ishte planifikuar të mbërrinte në Delhi në orën 12:20 me orën indiane. Pas ndalimit të fluturimit, avioni tani është në inspektim të detajuar nga autoritetet teknike për të verifikuar shkakun e problemit.

Ky incident i radhës ndodhi vetëm disa ditë pas tragjedisë që përfshiu fluturimin AI171, i cili u rrëzua mbi një ndërtesë banimi për mjekë në Ahmedabad, duke shkaktuar vdekjen e të paktën 279 personave. Vetëm një pasagjer arriti të mbijetojë, një ngjarje që është cilësuar si një “mrekulli”. Hetimet për aksidentin e AI171 vazhdojnë dhe tashmë është gjetur edhe kutia e zezë e dytë, e cila pritet të zbulojë të dhëna të rëndësishme për shkaqet e rrëzimit.

Një video e re, që sipas ekspertëve të aviacionit mund të jetë vendimtare, tregon se pozicioni i krahëve mund të ketë ndikuar në humbjen e lartësisë gjatë ngritjes. Po ashtu, është spekuluar se shkaku mund të ketë qenë një gabim njerëzor i bashkëpilotit, por edhe mundësia e një përplasjeje me zog është në hetim.

Ekspertët gjithashtu po analizojnë mundësinë e defekteve teknike ose problemeve strukturore në dizajnin kompleks të Boeing 787 Dreamliner, çka mund të kërkojë muaj hetimesh për ta konfirmuar këtë mundësi.

Sinjali – aty ku e vërteta flet para lajmit!

/GazetaSinjali/

The post Pas tragjedisë me 270 viktima, një tjetër fluturim i Air India devijohet për shkak të defektit teknik appeared first on Sinjali.

Kryeministri në detyrë i Kosovës, Albin Kurti, ka deklaruar se procesi i normalizimit të marrëdhënieve me Serbinë nuk mund të ecë përpara pa përmbushjen e disa kushteve themelore nga ana e Beogradit.

Ai u pyet lidhur me zotimin e presidentit amerikan Donald Trump për t’u riangazhuar në dialogun Kosovë–Serbi dhe për të shtyrë përpara procesin e normalizimit.

Kurti theksoi se Serbia po shkel marrëveshjen bazike të arritur mes dy vendeve dhe kërkoi që autoritetet serbe të dorëzojnë Milan Radoiçiqin, të cilin e cilësoi si “kryekriminelin që vrau rreshterin e policisë, heroin e Kosovës, Afrim Bunjaku”.

Kurti kërkoi gjithashtu që Serbia të nënshkruajë marrëveshjen bazike me aneksin e zbatimit dhe të tërheqë deklaratën e dhjetorit 2023 të ish-kryeministres serbe Ana Brnabiq, ku u mohua integriteti territorial i Kosovës.

“Unë besoj që normalizimi është i mundur, por trysnia duhet të ushtrohet mbi Beogradin”, tha Kurti, duke theksuar rolin e pazëvendësueshëm të Shteteve të Bashkuara në këtë proces. Ai i cilësoi SHBA-të si aleat kryesor dhe mik të veçantë në tri fusha kyçe: mbrojtje, diplomaci dhe zhvillim.

Sinjali – aty ku e vërteta flet para lajmit!

/GazetaSinjali/

The post Qëndrimi i Trump për dialogun, Kurti: Serbia po shkel marrëveshjen bazike, hapi i parë dorëzimi i Radoiçiqit appeared first on Sinjali.

Kryeministri në detyrë, Albin Kurti, ka hedhur fajin tek deputetët e partive të tjera për dështimin e konstituimit të Kuvendit të Kosovës, duke i akuzuar ata për bojkotimin e votimit.

Kurti theksoi se ai ka qenë gjithmonë i gatshëm për të mundësuar konstituimin e Kuvendit, por që disa deputetë e bojkotojnë atë, duke mos marrë pjesë në votim.

“Unë çdo herë shkoj që ta konstituojmë Kuvendin. Ata që vijnë, por bojkotojnë duke mos votuar, nuk e di pse vijnë”.

“Për bindjen time, ardhja në vazhdimet e seancave dhe bojkotimi i votimit politikisht është sjellje e papërgjegjshme dhe juridikisht shkelje e Kushtetutës”, tha Kurti pas përfundimit të vënies së gurthemelit të Qendrës së Mjekësisë Familjare (QKMF) në Shtime.

Kurti po ashtu shtoi se pas formimit të Kuvendit, përgjegjësia e tij do të jetë formimi i qeverisë së re, ndërsa deri atëherë, sipas tij, vendi do të qeveriset nga qeveria në detyrë.

Sinjali – aty ku e vërteta flet para lajmit!

/GazetaSinjali/

The post Kurti akuzon deputetët për bojkotimin e Kuvendit: Politikisht është sjellje e papërgjegjshme appeared first on Sinjali.

Shqipëria sot do të mirëpres Ministerialin e Procesit të Bashkëpunimit në Europën Juglindore.

Kjo u bë e ditur gjatë ditës së djeshme nga vetë kryeministri Edi Rama, ku ka theksuar rëndësinë e këtij eventi për pozicionin e Shqipërisë.

Rama mes tjerash, tha se Tirana zyrtare, është e angazhuar plotësisht për të nxitur përparimin e vendeve të rajonit drejt integrimit në BE.

”Shqipëria, sërish në qendër të diplomacisë ndërkombëtare. Më 16 Qershor 2025, zhvillohet Ministeriali i Procesit të Bashkëpunimit në Europën Juglindore Vendi ynë është i angazhuar plotësisht për të nxitur përparimin e vendeve të rajonit drejt integrimit në BE”, tha ai.

Tirana mori Kryesimin e SEECP-së për periudhën korrik 2024-qershor 2025, pas Shkupit, dhe kryesuesja e radhës do të jetë Sofja.

Sipas agjendës në orën 14:30 – 15:15 do të zhvillohet pritja e delegacioneve nga presidenti i Republikës Bajram Begaj dhe më pas fjalë hapëse prej kreut të shtetit. Presidenti Bajram Begaj pritet të zhvillojë edhe takime të veçanta me homologë dhe liderët pjesëmarrës për të thelluar më tej bashkëpunimin e Shqipërisë me këto vende. Në mbyllje të samitit, presidenti Begaj do t’i kalojë homologut të tij bullgar Radev kryesinë e radhës të SEECP-së.

Në fund, pritet të mbahet edhe një deklaratë për shtyp nga Begaj, presidentja e RMV Gordana Siljanovska-Davkova dhe ai i Bullgarisë Rumen Radev.

Shqipëria si kryesuese e radhës e SEECP për periudhën qershor 2024 – korrik 2025 nën sloganin “Formësimi i së ardhmes sonë europiane” ka kontribuuar në forcimin e bashkëpunimit rajonal, për zbatimin e objektivave të Tregut të Përbashkët Rajonal, si dhe duke përshpejtuar procesin e integrimit evropian. SEECP përbëhet nga 13 vende pjesëmarrëse, të cilat janë edhe anëtare të Bordit të Këshillit të Bashkëpunimit Rajonal (RCC), si: Shqipëria, Bosnjë-Hercegovina, Bullgaria, Kroacia, Greqia, Maqedonia e Veriut, Moldavia, Mali i Zi, Rumania, Serbia, Sllovenia, Kosova dhe Turqia.

Ky forum bashkëpunimi rajonal synon forcimin e marrëdhënieve të fqinjësisë së mirë midis të gjithë Pjesëmarrësve nga Evropa Juglindore (EJL) dhe transformimin e këtij rajoni në një zonë paqeje, sigurie, stabiliteti dhe bashkëpunimi, me qëllimin kryesor integrimin e plotë të EJL-së në strukturat evropiane dhe euroatlantike.

Tirana mori kryesimin e SEECP-së për periudhën korrik 2024 – qershor 2025, pas kryesimit të mbajtur më parë nga Shkupi, dhe do t’i pasohet në vijim Sofjes. Procesi i Bashkëpunimit të Evropës Juglindore u iniciua në vitin 1996 gjatë takimit të Ministrave të Punëve të Jashtme të vendeve pjesëmarrëse në Sofje, ndërsa Samiti i parë i SEECP-së u zhvillua në Kretë në vitin 1997.

Sinjali – aty ku e vërteta flet para lajmit!

/GazetaSinjali/

The post Shqipëria qendër e diplomacisë – Rama sot mirëpret liderët e 13 shteteve të rajonit, merr pjesë edhe Kosova appeared first on Sinjali.

Inspektorati Policor i Kosovës respektivisht Departamenti i Hetimeve ka pranuar dje një informatë nga Prokuroria Themelore në Prizren për tejkalim të autorizimeve policore gjatë përdorimit të forcës nga disa zyrtarë policorë në Prizren.

Ngjarja është raportuar të ketë ndodhur dje kur një qytetar ishte ndaluar nga policia fillimisht për një kundërvajtje në trafik.

Rasti është regjistruar në IPK dhe hetuesit janë angazhuar duke ndërmarrë veprime konkrete hetimore përfshirë shikimin e video-incizimeve të kamerave të sigurisë, identifikimin e dëshmitarëve të mundshëm dhe intervistimin e zyrtarit policor të dyshuar në këtë rast.

Pas disa veprimeve hetimore në konsultim me Prokurorinë Themelore në Prizren, hetuesit e IPK-së kanë arrestuar një zyrtar policor që ishte përfshirë në këtë incident.

Arrestimi i të dyshuarit është bërë me dyshimin se i njëjti ka kryer veprën penale “keqtrajtim gjatë ushtrimit të detyrës zyrtare” dhe “lëndim i rëndë trupor” kurse me vendim të prokurorit të njëjtit i është caktuar masa e ndalimit për 48 orë si dhe është suspenduar nga detyra.

Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti.

Sinjali – aty ku e vërteta flet para lajmit!

/GazetaSinjali/

The post Arrestohet një zyrtar policor i dyshuar për keqtrajtim gjatë ushtrimit të detyrës zyrtare appeared first on Sinjali.

Udhëheqësi suprem i Iranit, Ali Khamenei, është zhvendosur në një bunker të thellë nëntokësor në zonën Lavizan të Teheranit, vetëm pak orë pasi Izraeli nisi sulmet ajrore ndaj kryeqytetit iranian të premten në orët e hershme të mëngjesit.

Sipas burimeve të brendshme që kanë folur për Iran International, në bunker ndodhen edhe anëtarët e ngushtë të familjes së tij, përfshirë djalin e besuar Mojtaba Khamenei. Dy djemtë e tjerë, Masudi dhe Mostafa, këtë herë thuhet se janë bashkuar gjithashtu me familjen në strehimoren e fortifikuar.

Kjo nuk është hera e parë që Khamenei strehohet në këtë bunker. Sipas burimeve, gjatë operacioneve të mëhershme ushtarake kundër Izraelit, ai kishte kërkuar siguri në të njëjtin vend – megjithatë, atëherë jo e gjithë familja ishte me të.

Ndërkohë, situata në rajon vazhdon të përshkallëzohet. Izraeli ka shënjestruar për herë të parë qytetin Mashhad, rreth 2300 kilometra larg territorit të tij. Një burim diplomatik në Lindjen e Mesme tha për Iran International se ky sulm ajror ishte një mesazh i qartë për liderin suprem iranian – se asnjë cep i Iranit nuk është i sigurt.

Sulmet e fundit janë vazhdimësi e një serie përballjesh të ashpra mes dy shteteve. Më 13 prill 2024, Irani ndërmori “Operacionin Premtimi i Vërtetë 1”, një sulm masiv me mbi 300 raketa dhe dronë ndaj instalimeve ushtarake izraelite, në hakmarrje për vrasjen e dy gjeneralëve iranianë në Damask.

Ndërsa më 1 tetor 2024, Irani lëshoi edhe “Operacionin Premtimi i Vërtetë 2” me rreth 200 raketa, si kundërpërgjigje ndaj vrasjes së liderëve të afërt me Teheranin, përfshirë edhe ish-udhëheqësin e Hezbollahut, Hassan Nasrallah.

Tensionet janë në kulm dhe zhvillimet priten të përshpejtohen në orët dhe ditët në vijim.

Sinjali – aty ku e vërteta flet para lajmit!

/GazetaSinjali/

The post Kryeudhëheqësi i Iranit strehohet në bunker nëntokësor bashkë me familjen appeared first on Sinjali.

Kthimi i haxhilerëve kosovarë nga Meka ka nisur. Bashkësia Islame e Kosovës (BIK) ka njoftuar se një grup prej 473 besimtarësh ka lënë Aeroportin e Medinës dhe është nisur drejt Prishtinës.

Sipas njoftimit të BIK-ut, haxhilerët pritet të arrijnë në Aeroportin e Prishtinës rreth orës 11:00, duke përmbyllur kështu një udhëtim të shenjtë dhe të paharrueshëm.

Ky grup është pjesë e një prej grupeve të organizuara nga BIK për realizimin e Haxhit këtë vit. Bashkësia Islame ka shprehur mirënjohjen për të gjithë haxhilerët për besimin dhe devotshmërinë e treguar gjatë qëndrimit në vendet e shenjta.

Sinjali – aty ku e vërteta flet para lajmit!

/GazetaSinjali/

The post Kthimi i haxhilerëve kosovarë nga Meka, mbi 400 besimtarë nisen për në Prishtinë appeared first on Sinjali.

Një rast i vjedhjes së dokumentuar me kamera sigurie ka çuar në identifikimin dhe ndalimin e një personi të dyshuar për vjedhje, raporton Gazeta Sinjali.

Burimet e Sinjalit mësojnë se më 11 qershor 2025, rreth orës 01:40, në rrugën “Ali Vitija” në Prishtinë, një person kishte arritur të vjedhë rreth 48 copë pllaka qeramike, duke përdorur një veturë të markës Opel, ngjyrë e bardhë.

Gazeta Sinjali merr vesh se i dyshuar për rastin është: Naip Krasniqi.

Rasti është raportuar në Stacionin Policor nga pala ankuese, i cili kishte vërejtur vjedhjen përmes kamerave të sigurisë. Ai kishte siguruar dhe dorëzuar pamjet filmike, të cilat kanë ndihmuar policinë në hetimin e rastit.

Pas veprimeve hetimore të zhvilluara për disa ditë, më 15 qershor, policia ka siguruar prezencën e të dyshuarit, i cili është intervistuar nga hetuesit.

Me urdhër të Prokurorit Kujdestar, ndaj të dyshuarit është caktuar masa e ndalimit për 48 orë, ndërsa rasti është iniciuar si “Vjedhje” dhe ndodhet nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive: Ky është i dyshuari që u kap pasi vodhi pllaka qeramike në Prishtinë – dërgohet në mbajtje appeared first on Sinjali.

Ambasadori i SHBA në Izrael, Mike Huckabee, thotë se ambasada amerikane në Tel Aviv do të mbetet e mbyllur pasi pati dëme të vogla afër gjatë sulmeve iraniane gjatë natës.

Mike Huckabee tha se nuk pati lëndime në personelin amerikan gjatë sulmeve.

“Ambasada dhe Konsullata Amerikane në Izrael zyrtarisht do të mbeten të mbyllura sot, pasi strehimi është ende në fuqi. Disa dëme të vogla nga goditjet me raketa iraniane pranë Degës së Ambasadës në Tel Aviv, por nuk pati lëndime në personelin amerikan”, shkroi Huckabee në X.

Sinjali – aty ku e vërteta flet para lajmit!

/GazetaSinjali/

The post Trump i paralajmëroi të mos prekin amerikanët, raketat e Iranit godasin ambasadën e SHBA në Izrael appeared first on Sinjali.

Personi i raportuar si i zhdukur nga familja e tij në Mitrovicë është gjetur dhe kthyer në familjen e tij.

Bëhet fjalë për Azem Isufi, 29-vjeçar, i cili ishte raportuar i zhdukur më 11 qershor 2025, pasi ishte larguar nga shtëpia më 08 qershor, rreth orës 22:00, në rrugën “Shemsi Ahmeti”.

Burimet e Sinjalit bëjnë me dije se familjarët kishin njoftuar policinë, pasi Isufi kishte marrë rreth 4 mijë euro nga babai i tij dhe ishte larguar pa lënë gjurmë.

Ata kishin deklaruar se një veprim i tillë kishte ndodhur edhe vite më parë, duke ngritur shqetësime për sigurinë e tij.

Pas veprimeve hetimore, i riu është gjetur nga policia në gjendje të mirë shëndetësore, dhe rasti është mbyllur si “Person i Gjetur”.

Sinjali – aty ku e vërteta flet para lajmit!

/GazetaSinjali/

The post Gjendet i riu që u raportua si i zhdukur në Mitrovicë – kishte marrë 4 mijë euro dhe ishte larguar pa gjurmë appeared first on Sinjali.

Vance Luther Belter 57 vjeç, i dyshuar për vrasjen e kongresmenes Melissa Hortman dhe bashkëshortit të saj, si dhe për plagosjen e një demokrati tjetër, senatorit John Hoffman dhe gruas së tij Yvette, u arrestua të dielën, njoftoi guvernatori i Minesotës, Tim Waltz.

Waltz tha se Belter ishte i armatosur kur u mor në paraburgim, raportoi Reuters.

Pasi Hortman, kongresmenja kryesore demokrate në Dhomën e Përfaqësuesve të Minesotës , dhe bashkëshorti i saj, Mark, u vranë të shtunën, nisi një kërkim masiv për të.

Belter akuzohet për dy akuza për vrasje të shkallës së dytë dhe dy akuza për tentativë vrasjeje të shkallës së dytë. Belter e kreu sulmet duke u paraqitur si oficer policie.

Ai u arratis herët të shtunën në mëngjes pasi shkëmbeu armë zjarri me policinë në periferi të Minneapolis.

Sinjali – aty ku e vërteta flet para lajmit!

/GazetaSinjali/

The post Atentati ndaj ligjvënësve në Minesota – pas shumë orë kërkimesh, arrestohet autori appeared first on Sinjali.

Një veturë është përfshirë nga flakët mbrëmjen e së dielës në Prishtinë, në një rast që po hetohet si zjarrvënie e qëllimshme.

Burimet e Sinjalit se mbrëmë rreth orës 23:00, në parkingun e objektit “Prime Group”, në rrugën “Tirana” në Prishtinë, persona të panjohur kanë i kanë vënë flakën një veture të tipit Toyota, në pronësi të Q.M.

Në vendin e ngjarjes kanë intervenuar menjëherë zjarrfikësit, të cilët kanë fikuar zjarrin dhe kanë parandaluar dëme të mëtejshme.

Pronari i veturës dyshon se bëhet fjalë për zjarrvënie të qëllimshme, ndërsa në cilësinë e dëshmitarit është intervistuar një person.

Me urdhër të Prokurorit të Krimeve të Rënda, rasti është inicuar si “Zjarrvënie”, dhe hetimet po vazhdojnë nga njësia përkatëse. Autorët e dyshuar janë ende të paidentifikuar.

Sinjali – aty ku e vërteta flet para lajmit!

/GazetaSinjali/

The post Veturës Toyota i vënë flakën në Prishtinë – pronari dyshon për zjarrvënie të qëllimshme appeared first on Sinjali.

Një grabitje e armatosur ka ndodhur në orët e para të mëngjesit në Fushë Kosovë, ku dy persona të maskuar kanë sulmuar një objekt ndërtimor dhe kanë arritur të marrin mijëra euro.

Burimet e Sinjalit bëjnë me dije se më 16 qershor 2025, rreth orës 03:03, në rrugën e Magurës, në fshatin Sllatinë e Madhe, dy persona të panjohur dhe të maskuar kanë hyrë në ambientet e firmës ndërtimore “Luantini”.

Sipas viktimës, M.B (1988), i cili punonte si roje sigurie, grabitësit ishin të veshur me rroba të zeza – njëri mbante armë të shkurtër (pistoletë) dhe tjetri shufër metalike.

Të dyshuarit kanë hyrë në zyrën e sigurimit, ku i kanë lidhur duart viktimës me kabëll plastike, e kanë shtrirë në divan dhe i kanë marrë kuletën dhe telefonin personal. Më pas kanë thyer derën e zyrës së pronarit, nga ku kanë marrë shumën e parave që llogaritet të jetë mes 7.000 dhe 8.000 euro.

Në vendngjarje kanë dalë njësitet relevante, ndërsa me urdhër të Prokurorit të Krimeve të Rënda, rasti është cilësuar si “Grabitje” dhe hetimet janë në vazhdim.

Autorët mbeten ende të paidentifikuar.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive: Grabitje si në filma, punëtori i sigurimit lidhet dhe grabitet në Fushë Kosovë – Dy persona të armatosur marrin mbi 7 mijë euro appeared first on Sinjali.

“Unë do ta zgjidhi, sërish.”

Kështu u zotua sot Presidenti i Shteteve të Bashkuara, Donald Trump, në lidhje me çështjen mes Kosovës dhe Serbisë.

Në një postim të publikuar në platformën e tij “Truth”, Trump, përmes fjalës “sërish”, rikujtoi angazhimin e tij të mëparshëm gjatë mandatit të parë, kur në shtator të vitit 2020 bashkoi udhëheqësit e Kosovës dhe Serbisë në Shtëpinë e Bardhë për të nënshkruar Marrëveshjen e Uashingtonit.

“Gjatë mandatit tim të parë, Serbia dhe Kosova po përplaseshin fort, siç kanë bërë për shumë dekada, dhe ky konflikt jetëgjatë ishte gati të shpërthente në LUFTË. Unë e ndala (Biden ka dëmtuar perspektivën afatgjate me disa vendime të marra, por unë do ta zgjidhi, sërish)”, ka shkruar Trump në Truth.

Postimi i Donald Trump-it u shpërnda menjëherë edhe nga Richard Grenell, i dërguari i tij i posaçëm për Misione Ndërkombëtare, përmes platformës “X”, ku prej muajsh ai ka qenë një nga zërat më kritikë ndaj kryeministrit të Kosovës, Albin Kurti.

Mes tjerash, Grenell ka thënë se Kurti se ka rrënuar marrëdhëniet si me Demokratët ashtu edhe me Republikanët.

Ai akuzuar kreun e VV-së për përkeqësimin e marrëdhënieve mes Prishtinës dhe Uashingtonit, duke deklaruar se “raportet mes Kosovës dhe Shteteve të Bashkuara kanë rënë në nivelin më të ulët që nga vitet ’80.”

“Ai u dënua nga liderët evropianë, të NATO-s dhe nga ekipi i Biden. Kurti mori anën (në politikën amerikane) e Joe Biden dhe Kamala Harris dhe prapseprapë u kritikua nga ta”.

“Marrëdhëniet e ShBA-së me Kosovën kanë pësuar gjatë presidencës së Biden. Departamenti i Shtetit dhe Shtëpia e Bardhë kanë kritikuar veprimet e Kurtit dhe paaftësinë e tij për të rritur ekonominë e Kosovës”, kishe shkruar Grenell.

Në shtatorin e vitit 2020, në prani të presidentit Trump, kryeministri i atëhershëm Kosovës, Avdullah Hoti, dhe presidenti i Serbisë, Aleksandër Vuçiq, nënshkruan të ashtuquajturën Marrëveshje të Uashingtonit.

Sinjali – aty ku e vërteta flet para lajmit!

/GazetaSinjali/

The post Trump zotohet për riangazhim në normalizimin e marrëdhënieve mes Kosovës dhe Serbisë appeared first on Sinjali.