Të paktën 60 emigrantë sudanezë dhe nigerianë janë shpëtuar pranë brigjeve të Libisë nga anija e OJQ-së Nadir, e cila gjithashtu ka gjetur trupat e pajetë të tre personave dhe më pas është drejtuar drejt Lampeduzës.

Një motovedetë e rojes bregdetare italiane, CP322, ka shpëtuar një grua shtatzënë në muajin e katërt dhe një të mitur me djegie të rënda, të cilët janë dërguar në Lampeduzë së bashku me 12 persona të tjerë.

Ndër ta ishin katër gra, pesë të mitur dhe familjarët e personave të shtruar në poliklinikën e ishullit. Një grua tjetër rezulton ende e zhdukur.

Qendra Kombëtare Operacionale e Emergjencave Civile (QKOEC) në AKMC raporton se, prej orës 09:00 deri në orën 20:00 të datës 23 gusht 2025, në rang vendi janë evidentuar 10 vatra zjarri.

Falë bashkëpunimit të ngushtë mes institucioneve dhe ndërhyrjes në kohë të forcave operacionale, është bërë e mundur shuarja dhe izolimi i 9 vatrave zjarri, ndërsa vetëm 1 vatër mbetet nën monitorim.
Forcat zjarrfikëse, të mbështetura nga strukturat vendore, shërbimi pyjor, policia dhe agjencitë e specializuara, kanë ndërhyrë me shpejtësi duke garantuar minimizimin e pasojave dhe sigurinë e komuniteteve.

Është bërë izolimi i plotë dhe shuarja e zjarreve në:
1.      Në fshatin Ibë, njësia administrative Bërzhitë, bashkia Tiranë.
2.      Në fshatin Roskovec, njësia administrative Roskovec, bashkia Roskovec.
3.      Në fshatin Shkjezë, njësia administrative Bushat, bashkia Vau-Dejës.
4.      Në fshatin Jeran, njësia administrative Kastrat, bashkia Malësi e Madhe.
5.      Në hekurudhën e Fierit, njësia administrative Fier, bashkia Fier.
6.      Në pyllin e Sodës, njësia administrative nr 4, bashkia Vlorë.
7.      Në fshatin Lapardha, njësia administrative Kotë, bashkia Selenicë.
8.      Në fshatin Pezë Helmës, njësia administrative Pezë, bashkia Tiranë.
9.      Në fshatin Brataj, njësia administrative Brataj, bashkia Selenicë.

Aktualisht, në Parkun Natyror Gërmenj, bashkia Kolonjë, vatra e zjarrit po mbahet nën monitorim pas disa riaktivizimeve gjatë ditës. Në terren kanë operuar mjete zjarrfikëse dhe forca të shumta, duke arritur ta vendosin situatën nën kontroll.

Institucionet përgjegjëse vijojnë monitorimin e pandërprerë të territorit dhe mbeten të angazhuara për reagim të menjëhershëm në çdo rast emergjence.

Përpjekjet katërvjeçare të talibanëve për të fituar legjitimitet morën një të shtyrë të madhe muajin e kaluar, kur Rusia u bë vendi i parë që e njohu zyrtarisht pushtetin e këtij grupi në Afganistan.

Megjithëse vendimi i Kremlinit është kryesisht simbolik, ai mund t’i sjellë përfitime strategjike Moskës.

Njohja ia mundëson Rusisë të shfaqë veten si një fuqi e guximshme botërore që nuk ka frikë t’i sfidojë normat perëndimore, veçanërisht pas dështimeve në rajone si Lindja e Mesme.

Duke e ndërmarrë këtë nismë, Moska synon ta kthejë reputacionin e dikurshëm si një përcaktuese e agjendave në marrëdhëniet ndërkombëtare, duke nxitur ndoshta edhe vende të tjera – veçanërisht në Azinë Qendrore – ta ndjekin të njëjtin hap dhe t’i normalizojnë marrëdhëniet me talibanët.

Kjo mund ta forcojë pozitën e Rusisë në Azinë Qendrore, ku stabiliteti i Afganistanit ndikon drejtpërdrejt tek fqinjët si Taxhikistani, dhe ta pozicionojë Moskën si një aktor i rëndësishëm në diplomacinë rajonale.

A do të nxisë njohja nga Rusia një efekt domino?

Në Azinë Qendrore, vende si Kazakistani – që tashmë i ka hequr talibanët nga lista e grupeve terroriste dhe ka zhvilluar bisedime të nivelit të lartë me ta – duket se janë të gatshme t’i shqyrtojnë marrëdhëniet formale, pasi janë të nxitura nga shqetësimet e përbashkëta për sigurinë kufitare dhe stabilitetin.

Edhe Uzbekistani dhe Taxhikistani tregojnë shenja të ngrohjes së marrëdhënieve, me gjasë të ndikuara nga shembulli i Moskës për të nxitur bashkëpunim të përbashkët kundër terrorizmit.

Përtej rajonit, shtete të lidhura ngushtë me Rusinë, si Bjellorusia, e cila tradicionalisht ndjek vijën e Kremlinit, mund t’i bashkohen valës së njohjeve.

Kina, si një fuqi globale, e ka mirëpritur hapin e Rusisë për ta njohur qeverinë talibane, duke thënë se “synon të ndjekë një politikë miqësore me popullin afgan”. Megjithatë, Pekini nuk ka thënë qartë nëse kjo nënkupton njohje zyrtare.

Në Iranin fqinj, ka mosbesim të thellë publik ndaj talibanëve. Ndonëse Teherani është angazhuar ekonomikisht dhe diplomatikisht, pra duke pritur zyrtarë talibanë dhe duke lehtësuar tregtinë, nuk ka dhënë ndonjë shenjë se do ta ndjekë shembullin e Rusisë.

Njohja nga Kina ose Irani nuk është e afërt, por pragmatizmi gjeopolitik – i nxitur nga hapi i Rusisë – mund t’i sjellë më pranë me kalimin e kohës, sidomos nëse Afganistani stabilizohet dhe përshtatet me interesat e tyre strategjike.

Ndërkohë, shtetet arabe të Gjirit Persik po tregojnë kujdes. Emiratet e Bashkuara Arabe, pavarësisht se menaxhojnë aeroportet afgane dhe pranojnë diplomatët talibanë, hezitojnë ta njohin atë për shkak të aleancave perëndimore.

Arabia Saudite, nga ana tjetër, po fokusohet në reformat e brendshme duke shmangur rreziqet diplomatike. Katari dhe Omani vazhdojnë angazhimet pragmatike, por shmangin njohjen e plotë për të mos tërhequr vëmendjen e SHBA-së.

Çfarë përfiton Rusia?

Përfitimi kryesor për Moskën është mbase bashkëpunimi i forcuar kundër kërcënimeve të sigurisë, sipas Aleksei Sakharovit, studiues në Observer Research Foundation me bazë në Delhi.

“Qëllimi kryesor është rritja e bashkëpunimit kundër terrorizmit, veçanërisht kundër ISKP”, tha ai, duke iu referuar grupit militant Shteti Islamik – Provinca e Horasanit, degës më aktive të IS-it.

Vitet e fundit, ISKP ka zgjeruar operacionet përtej Afganistanit, duke tërhequr militantë nga vende të Azisë Qendrore, sidomos nga Taxhikistani dhe Uzbekistani. Ai mori përgjegjësinë për një sulm të madh në Rusi në mars të vitit 2024, kur katër militantë sulmuan sallën e koncerteve Crocus City Hall pranë Moskës, duke vrarë 145 njerëz me armë zjarri, thika dhe zjarrvënie.

Megjithatë, Sakharov argumenton se njohja e talibanëve nga Kremlini është “një gjest simbolik që nuk garanton ndonjë përmirësim real të pozitës së Moskës në Afganistan”.

Sipas tij, bashkëpunimi praktik mund të ishte zhvilluar edhe në mënyrë joformale.

Nga ana tjetër, talibanët përfitojnë ndjeshëm nga kjo mbështetje, e cila forcon përpjekjet e tyre për legjitimitet ndërkombëtar dhe mund ta thyejë izolimin diplomatik.

Ky zhvillim ka ngritur shqetësim mes aktivistëve afganë për të drejtat e njeriut.

Si sundimtarë de facto të Afganistanit për katër vjet, talibanët e shohin hapin e Rusisë si një vulë për qeverisjen e tyre, që mund të hapë rrugën për angazhime më të gjera ekonomike.

Pesha simbolike e njohjes nga një anëtar i përhershëm i Këshillit të Sigurimit të OKB-së si Rusia, mund të përmirësojë pozitën negociuese të talibanëve në forumet ndërkombëtare, duke nxitur marrëveshje pa kërkesa të menjëhershme për reforma në fusha si të drejtat e grave ose gjithëpërfshirja politike.

Ish-deputetja afgane, Shukria Barakzai, e cila iku nga vendi pasi talibanët u kthyen në pushtet, paralajmëroi se Rusia mund të shkojë aq larg sa të adoptojë pozicione në OKB nga të cilat përfitojnë vetëm talibanët.

“Rusia ka zgjedhur të injorojë të drejtat e grave dhe të drejtat e njeriut, duke u vënë përparësi interesave të një grupi mbi ato të një kombi të tërë”, tha ajo për Radion Azadi të Radios Evropa e Lirë.

Ajo gjithashtu hodhi poshtë pretendimet se Afganistani do të përfitonte ekonomikisht nga njohja zyrtare e talibanëve nga Rusia, duke thënë: “Është gabim të mendosh se kjo do të sjellë përfitime ekonomike për afganët”. REL

Një krijesë jo më e madhe se gishti i vogël i dorës ka mbyllur përkohësisht disa plazhe në Spanjë për shkak të rrezikshmërisë së saj.

Bëhet fjalë për “dragoin blu”,  një molusk i vogël, me ngjyrë blu-metalik dhe pamje jashtëtokësore, që zakonisht gjendet në ujërat e Oqeanit Atlantik.

Së fundmi, dy ekzemplarë të kësaj krijese u panë duke notuar pranë bregut në Guardamar del Segura, në provincën e Alicante-s, përgjatë Costa Blanca-s. Menjëherë pas kësaj, autoritetet vendore vendosën të ndalonin larjen në det dhe të mbyllnin përkohësisht plazhet, duke ngritur alarmin e kuq për pushuesit.

Edhe pse i vogël në përmasa, dragoi blu është shumë i rrezikshëm. Ai ushqehet me organizma detarë helmues, siç është “karavela portugeze”, dhe ruan në trupin e tij helmet e tyre. Kështu, në rast kontakti me njeriun, ai mund të shkaktojë djegie të forta në lëkurë, të vjella, nauze dhe në raste të rralla, edhe reagime serioze alergjike.

Presidenti i Republikës, Bajram Begaj, ka reaguar me një mesazh ngushëllimi në rrjetet sociale pas ndarjes së papritur nga jeta të gazetarit, analistit dhe publicistit të njohur Artur Zheji.

Në statusin e tij në Facebook, Presidenti Begaj u shpreh: “Ngushëllimet më të ndjera familjes dhe komunitetit të medias për ndarjen e papritur nga jeta të Artur Zhejit, një prej zërave më aktiv, më të angazhuar dhe më moderatorë e kontribues në debatin publik në Shqipëri.”

Kreu i shtetit vlerësoi Zhejin si një figurë të rëndësishme të gazetarisë dhe të mendimit analitik shqiptar, i cili për vite me radhë ka dhënë një kontribut të vyer në formësimin e opinionit publik dhe në mbrojtjen e vlerave demokratike.

Fjalët e autorit 40-vjeçar të vrasjes së grave në Volos, Pandeli Nakoleci, menjëherë pas arrestimit të tij nga oficerët e policisë, janë tronditëse!

Sipas informacionit nga mediat greke, burri, dukshëm i rraskapitur pas 29 orësh i fshehur 200 metra larg shtëpisë, sapo iu vunë prangat, iu drejtua oficerëve të policisë duke thënë: “Ia bëra mirë, e meritonte, nuk pendohem për asgjë” .

Këto deklarata cinike nga autori i krimit kanë shkaktuar zhgënjim, pasi konfirmojnë ftohtësinë me të cilën ai e pranoi aktin e tij, duke këmbëngulur se nuk ndien asnjë pendim për vrasjen e gruas së tij 36-vjeçare.

Kryetari i PD, Sali Berisha ka shprehur ngushëllime për ndarje nga jeta të gazetarit, Artur Zheji.

Në “Facebook”, Berisha shkruan;”Homazh për Artur Zhejin! Miq, gazeteri, analisti, botuesi, publicisti i mirënjohur Artur Zheji mbylli sot, papritmas dhe parakohe, sytë përgjithmonë. Duke shprehur ngushëllimet e mia më të ndjera familjes, miqve të afërmëve, unë lutem së bashku me ta që shpirti i Arturit të tyre të dashur të gjejë paqen e merituar. Amin. #sb”

Kreu i qeverisë Edi Rama ka reaguar pas vdekjes së parakohshme të gazetarit Artur Zheji. 

“Lamtumirë mik kohësh të tjera dhe e gjetsh matanë paqen për shpirtin “, shkruan Rama.

Gazetari Zheji lindi më 29 gusht 1961, ndërsa sot u nda nga jeta në moshën 64-vjeçare. Dyshohet se gazetari ka pësuar arrest kardiak.

Artur Zheji ishte gazetar, publicist dhe drejtues emisioni, pjesë e ekranit dhe medias shqiptare prej shumë vitesh.

Ka mbajtur funksione drejtuese në disa media, si tek RTSH dhe gazeta Mapo. Veprimtaria e tij përfshin analiza politike, shkrime editoriale dhe drejtimin e programeve televizive. Që nga viti 2017, ai ishte drejtues i emisionit politik dhe analitik 360 Gradë.

Zheji ishte i biri i euriditit të njohur shqiptar Petro Zhejit dhe aktores së njohur shqiptare Besa Imamit.

Jo më larg se gati 1 vit më parë gazetari dhe publicisti i ndjerë Artur Zheji që u nda nga jeta këtë të shtunë, ka shkruar një shkrim për vdekjen.

Shkrimi i publikuar në 3 tetor të vitit 2024 përshkruan mes rreshtave me një gjuhë letrare si të ishte një postulat parashikimi për tragjedinë e tij të ndodhur këtë shtunë, duke e përshkruar si një fenomen që vjen befas dhe shfaqet si një “Zonjë madhështore”.

Në shkrimin e mëposhtëm do të lexoni se si vetë gazetari krejt natyrshëm ka folur për vdekjen, këtë “Mbretëreshë të Zezë” si ai e quan, që e mori krejt papritur dhe në mënyrë tragjike këtë të shtunë për ta dërguar drejt banesës së tij të fundit

Shkrimi i plotë:

Ka pak raste të rralla, ku njeriu i vogël, apo njeriu i vetëpandehur i madh, zhubroset, tkurret dhe vjen befas në vete!

Krenare dhe me vështrim të tejpërtejshëm, duke kërrusur në trup dhe në fytyrat e vrerosura, madhështitë e rreme të viktimave të saj të ardhshme.Dhe zagarët ndjehen zagarë dhe jo ndonjë kafshë tjetër.

Dhe kobrat ndjehen nëpërka tinzare e të pabesa, kokëulura dhe banuese të vrimave të fshehta ku thurrin planet e kafshimeve të ardhshme helmuese…

Dhe titullarët e pushtetit trullosen dhe ndjehen Askushi, kur shohin në sytë pa sy Mbretëreshën e Zezë.

Këtë Zonjë madhështore që një ditë vendos Drejtësi Hyjnore, mbi vampirët hipokritë të së përditshmes, ngjeshur dhe fshehur fort mirë, mbas kostumeve dhe kollareve të shtrenjta.

Ata, kinse të vrerosur, parakalojnë kokëulur, në funeral, buzë Zonjës Madhështore, Mbretëreshës së Zezë, me duart me unaza të arta, që ju fshehin paq njollat e gjakut që nuk ju lahen dot.

Ajo qëndron mbi krye të udhëtarit të rradhës për në Botën tjetër dhe i kqyr të gjithë si i kqyr Shqiponja, minjtë brejtës të Vendit tim.

Dhe Mbretëresha, që lodron si fllad në atë log të përzishëm, dëgjon lutjet e tyre të heshtura, që ta shtyjnë sa më shumë takimin me të, të Pakorruptueshmen Absolute!

Por Ajo, e Madhërishmja, vazhdon të lodrojë si fllad, mbi atë gumëzhitje milingonash, gjarpërinjsh e hienash dhe përkëdhel ëmbël veç ata, që njerëzisht vuajnë vërtetë për të ndjerin që Ajo ka ardhë të marrë me vete…

Këtë perceptim ndjeva kur sodisja Funeralin e Shtetit për Ismail Kadarenë në udhëtimin e tij ndërmjet dy Botëve.

Shkrimtari i mprehtë dhe ironik, virtuoz dhe vetmitar në më të shumtën e jetës së tij, vështroi së fundmi shumë nga personazhet që kishte qesëndisur dhe tallur, të mbanin rradhën në funeralin e tij.

Në të vërtetë, kjo është hakmarrja e tmerrshme e mikrobotës, ndaj atyre që i kanë shpërfillur së gjalli, ju vijnë në funeral, duke ja trazuar qetësinë që lipset në këto raste.

Ndaj dhe e mirëkuptova thellësisht Helena Kadarenë, që largoi turmën e Hiçave të shumtë, në çastet e shkurtra të ndarjes me Ismailin e saj.

Kush nuk kupton, nuk është më puna ime!/360grade

Sekretari i Mbrojtjes në Shtetet e Bashkuara të Amerikës, Pete Hegseth ka shkarkuar nga detyra shefin e inteligjencës së Pentagonit, disa javë pas reagimit të ashpër nga Shtëpia e Bardhë ndaj raportit që nxori kjo agjenci për efektivitetin e sulmeve amerikane ndaj Iranit.

Raportet e mediave amerikane bëjnë me dije se gjeneral-lejtnant Jeffery Kruse nuk do të shërbejë më si kreu i Agjencisë Amerikane të Inteligjencës së Mbrojtjes (DIA), ndërkohë që u shkarkuan dhe dy komandantë të tjerë të lartë.

Në qershor, Presidenti Donald Trump kundërshtoi me forcë një raport të publikuar të DIA-s, i cili zbuloi se sulmet amerikane ndaj Iranit vetëm sa e kishin penguar programin e tij bërthamor me muaj. Shtëpia e Bardhë e deklaroi vlerësimin e agjencisë si krejtësisht të gabuar.

Një automjet është shkrumbuar pasditen e sotme në zonën e Pyllit të Sodës në Vlorë, duke vënë në rrezik edhe hapësirën e gjelbër përreth.

Flakët u përhapën me shpejtësi dhe për pak çaste rrezikuan të përfshijnë masivin pyjor. Në vendngjarje ndërhynë me urgjencë forcat zjarrfikëse, të cilat arritën ta vendosin situatën nën kontroll, duke shmangur përhapjen e mëtejshme të zjarrit.

Policia ka nisur hetimet për të zbardhur shkaqet e ngjarjes, ndërsa ende nuk ka të dhëna nëse zjarri ka qenë aksidental apo i qëllimshëm.
Fatmirësisht nuk raportohen të lënduar.

Udhëheqësi i partisë së djathtë ekstreme Reform UK, Nigel Farage, ka shpallur planet e tij për një qasje radikale ndaj imigracionit nëse partia e tij formon qeverinë.

Në një intervistë për The Times, Farage tha se synon të tërheqë Mbretërinë e Bashkuar nga Konventa Evropiane për të Drejtat e Njeriut dhe të nënshkruajë marrëveshje me vende si Afganistani dhe Eritrea për riatdhesimin e azilkërkuesve.

Farage tha se nuk është i shqetësuar për pasojat që mund të përballen azilkërkuesit në vendet e origjinës, por për rrezikun që ai beson se ata paraqesin për qytetarët britanikë. “Nuk mund të jem përgjegjës për regjimet tiranike në botë. Por mund të jem përgjegjës për sigurinë e grave dhe vajzave në rrugët tona,” deklaroi ai.

Ai u shpreh se do t’i japë fund të drejtës për të kërkuar azil për personat që hyjnë ilegalisht me varka të vogla dhe do të ndërtojë struktura paraburgimi për 24,000 migrantë në bazat ajrore, me një kosto prej 2.5 miliardë paundësh. Gjithashtu, ai parashikon pesë fluturime deportimi në ditë dhe qindra mijëra deportime në total.

Në rast se planet e tij hasin pengesa, Farage tha se emigrantët do të dërgohen në Ishullin Ascension në Atlantikun Jugor, për të dhënë një “mesazh simbolik”.

Këto deklarata vijnë në një kohë kur sondazhet tregojnë se çështja e emigracionit dhe azilit është një nga shqetësimet kryesore për publikun britanik. Reform UK ka parë rritje në sondazhet e fundit pavarësisht se fitoi vetëm pesë vende në zgjedhjet e fundit parlamentare.

Vitin e kaluar, rreth 37,000 migrantë, kryesisht nga Afganistani, Siria, Irani, Vietnami dhe Eritrea, kaluan Kanalin Anglez me varka të vogla – një rritje prej 25% krahasuar me vitin 2023. Sipas Universitetit të Oksfordit, rreth dy të tretat e këtyre emigrantëve përfitojnë azil, ndërsa vetëm 3% deportohen.

I shtrirë në tokë dhe me pranga në duar, mediat greke kanë publikuar foto nga momenti i arrestimit të 40-vjeçarit shqiptar Pandeli Nakoleci, i cili vrau gruan e tij në sy të fëmijëve.

Nakoleci u gjet i fshehur në një parcelë tokë pranë shtëpisë dhe në momentin e arrestimit nuk shfaqi asnjë pendesë. “Gruaja ime po më tradhtonte, çfarë duhet të bëj?”, u tha ai oficerëve të policisë, ndërsa i vendosnin prangat.

36-vjeçarja, nëna e 4 fëmijëve u godit në trup dhe qafë me thikë në sy të tyre, duke u bërë dëshmitarë të krimit makabër nga dora e babait. Ngjarja ndodhi poshtë apartamentit të pallatit ku jetonin. Gruaja u përpoq të shpëtonte duke zbritur shkallët, por pa sukses, teksa ra mbi xhamin e derës hyrëse të pallatit e përgjakur. Prezente në momentin e krimit ishte vajza e madhe e çiftit, që rrëfeu edhe dinamikën.

Të hënën, më 25 gusht, autopsia e 36-vjeçares pritet të kryhet nga Departamenti i Mjekësisë Ligjore i Selanikut, ku trupi i saj është transferuar tashmë.

Dje, të premten, vajza e madhe e çiftit (18 vjeçe) telefonoi Qendrën e Reagimit ndaj Emergjencave dhe raportoi se nëna e saj u gjet e mbuluar me gjak në hyrje të pallatit dhe se babai i saj ishte ai që e goditi. Gruaja fatkeqe 36-vjeçare përfundoi në ambulancë gjatë transferimit të saj në Spitalin e Përgjithshëm të Volosit, por humbi jetën pak më pas.

Dëshmitarë nga lagjja e çiftit raportuan se çifti kishte pasur një debat të ashpër që nga mëngjesi. Çifti kishte pasur shumë debate kohët e fundit, ndërsa autori 40-vjeçar thuhet se përballet me probleme serioze psikiatrike dhe vetëm qershorin e kaluar ai u transferua me urdhër të prokurorit në një klinikë për ekzaminim psikiatrik, ku mbeti i shtruar në spital pas një tentative vetëvrasjeje.

Edhe në Shqipëri, sipas familjarëve, ai ishte i kartelizuar për probleme të shëndetit mendor dhe trajtohej me KEMP.

“Dosja e tij penale është gjithashtu e rënduar. Në nëntor 2024, ai u arrestua për dëbim administrativ, ndërsa në vitin 2019 ai ishte dy herë në duart e policisë për posedim droge. Më parë, në vitin 2018, ai u dënua me një vit burg për dëshmi të rreme, ndërsa në vitin 2020 vuajti një dënim prej katër vjet e gjysmë burg për pjesëmarrje në një organizatë kriminale dhe trafik droge. Aktiviteti i tij kriminal mund të gjurmohet që nga viti 2013, kur ai u arrestua për falsifikim dhe hyrje të paligjshme në vend, me gjykatën që e konsideroi atë një të huaj të padëshirueshëm”, informon media greke.

Artur Zheji lindi me 29 gusht të vitit 1961. Ai ishte i biri i euriditit të njohur shqiptar Petro Zhejit dhe aktores së njohur shqiptare Besa Imami.

Për dekada, Zheji ishte i angazhuar në fushën e gazetarisë dhe publicistikës.

Ai ka mbajtur funksione drejtuese në disa media, si RTSH dhe gazeta Mapo. Veprimtaria e tij përfshin analiza politike, shkrime editoriale dhe drejtimin e programeve televizive.

Që nga viti 2017, ai ishte drejtues i emisionit politik dhe analitik 360 Gradë.

64 vjeçari Zheji ndërroi jetë pasditen e së shtunës në Sarandë, teksa ishte duke drekuar me familjarët e tij.

Sipas të dhënave paraprake, publicisti pësoi një atak kardiak dhe pavarësisht se u dërgua me urgjencë në spitalin rajonal “Petro Nako”, ai mbërriti atje pa jetë.

Artur Zheji ishte një figurë e spikatur në media dhe analizën politike, vdekja e tij përbën një humbje të madhe për opinionin publik dhe botën e medias në Shqipëri.

Policia ka dhënë informacion zyrtarë në lidhje me ndarjen nga jeta të publicistit dhe gazetarit të njohur Artur Zheji.

Në njoftimin zyrtar të policisë thuhet se rreth orës 16:10, në afërsi të rrugës “Butrinti”, Artur Zheji, banues në Tiranë, dyshohet se ka shfaqur probleme shëndetësore gjatë qëndrimit në një restorant dhe gjatë transportit drejt spitalit me autoambulancë, ka ndërruar jetë.

Gazetari Zheji lindi më 29 gusht 1961, ndërsa sot u nda nga jeta në moshën 64-vjeçare. Dyshohet se gazetari ka pësuar arrest kardiak.

Artur Zheji ishte gazetar, publicist dhe drejtues emisioni, pjesë e ekranit dhe medias shqiptare prej shumë vitesh.

Ka mbajtur funksione drejtuese në disa media, si tek RTSH dhe gazeta Mapo. Veprimtaria e tij përfshin analiza politike, shkrime editoriale dhe drejtimin e programeve televizive. Që nga viti 2017, ai ishte drejtues i emisionit politik dhe analitik 360 Gradë.

Zheji ishte i biri i euriditit të njohur shqiptar Petro Zhejit dhe aktores së njohur shqiptare Besa Imamit.

Njoftimi i policisë:

Sarandë/Infomacion paraprak

Sot, rreth orës 16:10, në afërsi të rrugës “Butrinti”, shtetasi A. Zh., 63 vjeç, banues në Tiranë, dyshohet se ka shfaqur probleme shëndetësore gjatë qëndrimit në një restorant dhe gjatë transportit drejt spitalit me autoambulancë, ka ndërruar jetë.

Vijon puna për sqarimin e plotë të rrethanave të rastit.

Në Gjermani po debatohet mundësia e dërgimit të ushtarëve për një forcë ndërkombëtare paqeruajtëse në Ukrainë, pas sugjerimeve për një takim të mundshëm mes Presidentit rus, Vladimir Putin dhe Presidentit ukrainas, Volodymyr Zelenskyy. Forca e tillë do të vendosej në vend për të garantuar që luftime të reja të mos rifillojnë.

Kancelari gjerman, Friedrich Merz, thekson se Gjermania duhet të përqendrohet kryesisht te forcimi i ushtrisë ukrainase për të parandaluar sulmet e ardhshme, por ai nuk përjashton pjesëmarrjen e vendit të tij në një mision paqeruajtës. Megjithatë, partitë e tjera në koalicion, veçanërisht socialdemokratët (SPD), shprehen të kujdesshëm dhe paralajmërojnë kundër vendimeve të nxituara.

Mbështetja publike për dërgimin e trupave gjermanë është e ulët. Sipas një sondazhi të realizuar nga Civey, 51% e qytetarëve janë kundër, ndërsa vetëm 36% mbështesin një mision të tillë. Politikanët konservatorë nga Gjermania lindore dhe partitë e majta, si Partia e Majtë dhe AfD, janë më të ashpër në kundërshtimin e idesë, duke e parë atë si të rrezikshme për vendin.

Ekspertët dhe analistët politikë vlerësojnë se në këtë moment debati mbi dërgimin e trupave paqeruajtëse mbetet kryesisht teorik, pasi nuk ka asnjë tregues konkret se Putini është i gatshëm të përfundojë luftën.

Melania Trump, e cila është parë rrallë në publik gjatë mandatit të dytë të bashkëshortit të saj si president, ka ndërmarrë një hap të pazakontë diplomatik përmes një letre drejtuar presidentit rus Vladimir Putin, ku bëri thirrje për paqe në emër të fëmijëve të prekur nga lufta.

Letra, e dorëzuar nga Donald Trump gjatë një samiti në Alaskë me Putinin, nuk përmendte drejtpërdrejt Ukrainën, por aludonte për vuajtjet e fëmijëve në zonat e konfliktit. Zonja e Parë shkroi: “Çdo fëmijë ndan të njëjtat ëndrra të qeta… Ata ëndërrojnë për dashuri, mundësi dhe siguri nga rreziku.”

Kjo ndërhyrje u interpretua si një pasqyrim i ndikimit të saj prapa skenave, sidomos në çështjet që prekin fëmijët. Melania Trump është angazhuar edhe më parë në nisma për sigurinë e fëmijëve dhe kundër abuzimeve, megjithëse këtë mandat ka pasur më pak prani publike krahasuar me mandatin e parë – vetëm 19 dalje publike deri tani, nga 40 në të njëjtën periudhë të mëparshme.

Burime pranë çiftit thonë se Donald Trump konsultohet shpesh me të shoqen dhe i vlerëson qëndrimet e saj, sidomos për çështjet ndërkombëtare. Presidenti ka përmendur më herët reagimet kritike të Melanias pas bisedave me Putinin apo pamjeve nga Gaza.

Megjithatë, përfshirja e saj në politikën e brendshme është e kufizuar. Ajo ka qëndruar kryesisht jashtë Uashingtonit, mes Nju Jorkut dhe Palm Beach, dhe ka ruajtur një staf të vogël – vetëm pesë persona, krahasuar me 12 deri në 20 në administratat e mëparshme.

Pavarësisht mungesës në evente të zakonshme të Zonjës së Parë, si pritjet shtetërore apo udhëtimet vetem jashtë vendit, letra drejtuar Putinit dhe ndjeshmëria ndaj çështjeve që lidhen me fëmijët tregojnë për një rol të zgjedhur me kujdes, por jo pa ndikim.

“Zonjat e para kanë një autoritet moral unik,” tha Anita McBride, ish-shefe e stafit e Laura Bush. “Melania po përdor platformën e saj për çështje ku ajo ndjen lidhje të fortë.”

Ndërsa Donald Trump përballet me sfida të shumta në politikën e jashtme, roli i Melanias – edhe në distancë – po shihet si një shtysë morale dhe simbolike për fushatat e tij diplomatike.

Është ndarë nga jeta parakohe publicisti dhe gazetari i njohur Artur Zheji. Ai ka humbur jetës sot në moshën 64-vjeçare, teksa ndodhej me pushime në Sarandë, ku dyshohet se ka pësuar arrest kardiak.

Artur Zheji ishte gazetar, publicist dhe drejtues emisioni, pjesë e ekranit dhe medias shqiptare prej shumë vitesh. Zheji ishte i biri i euriditit të njohur shqiptar Petro Zhejit dhe aktores së njohur shqiptare Besa Imamit.

Gazetari Zheji lindi më 29 gusht 1961, ndërsa për dekada është angazhuar në fushën e gazetarisë dhe publicistikës në Shqipëri.

Ka mbajtur funksione drejtuese në disa media, si tek RTSH dhe gazeta Mapo. Veprimtaria e tij përfshin analiza politike, shkrime editoriale dhe drejtimin e programeve televizive. Që nga viti 2017, ai ishte drejtues i emisionit politik dhe analitik 360 Gradë.

Reperi i njohur amerikan, Lil Nas X është vënë në pranga nga policia pas një përplasje të dhunshme që pati me efektivët në bulevardin Ventura në Los Angeles, në orët e para të mëngjesit të së enjtes.

Policia u thirr nga banorët për një burrë që po ecte në rrugë me të brendshme, duke shkaktuar probleme. Pasi oficerët mbërritën në vendngjarje, këngëtari i Old Town Road i sulmoi dhe për këtë arsye u arrestua për dhunë.

Ai u dërgua më pas në spital për trajtim për një mbidozë të mundshme.

Një video e paverifikuar u publikua nga TMZ, e cila e shfaqte këngëtarin duke kërcyer në rrugë vetëm me të brendshme dhe çizme kaubojsh, duke i ftuar njerëzit që kalonin aty pranë të “vinin në festë”.

Këngëtari ka shkaktuar polemika gjatë gjithë karrierës së tij, me konservatorët në SHBA që e quajnë videoklipin e këngës së tij hit Montero (Call Me By Your Name) “të shthurur” dhe “të ligë”.

Një ditë pas krimit të rëndë në familje në Volos të Greqisë, arrestohet 40-vjeçari shqiptar Pandeli Nakoleci, që akuzohet për vrasjen e bashkëshortes së tij 36-vjeçare, e ndodhur në sy të fëmijëve ditën e djeshme.

Shqiptari u gjet në rrugën ‘Evripidou’ në qendër të qytetit, afërsisht 200 metra larg shtëpisë ku ndodhi krimi brutal. Sipas informacioneve nga policia greke dhe mediat, ai ishte fshehur në një parking. Pas arrestimit, mësohet se Nakoleci nuk ka bërë rezistencë, por ai ka bërtitur duke thënë;

“E vrava gruan se më tradhtonte!”.

Nuk dihet ende se sa qëndron pretendimi i tij, por hetimet nga policia greke janë aktive.

I dyshuari me disa precedentë penalë për organizatë kriminale dhe drogë, që njihej edhe si ndërtues, së fundmi ishte shtruar në Psikiatri me urdhër të Prokurorisë greke që e kishte ende nën hetim, pasi ishte person që vuante edhe nga probleme të shëndetit mendor.

Familjarët në Shqipëri dhe daja i tij në Korçë apeluan që të dorëzohej dhe të rrëfente krimin në familje.

Nëna e 4 fëmijëve u godit në trup dhe qafë me thikë në sy të tyre, duke u bërë dëshmitarë të krimit makabër nga dora e babait. Ngjarja ndodhi poshtë apartamentit të pallatit ku jetonin. Gruaja u përpoq të shpëtonte duke zbritur shkallët, por pa sukses, teksa ra mbi xhamin e derës hyrëse të pallatit e përgjakur. Prezente në momentin e krimit ishte vajza e madhe e çiftit, që rrëfeu edhe dinamikën.

Të hënën, më 25 gusht, autopsia e 36-vjeçares pritet të kryhet nga Departamenti i Mjekësisë Ligjore i Selanikut, ku trupi i saj është transferuar tashmë.

Dje, të premten, vajza e madhe e çiftit (18 vjeçe) telefonoi Qendrën e Reagimit ndaj Emergjencave dhe raportoi se nëna e saj u gjet e mbuluar me gjak në hyrje të pallatit dhe se babai i saj ishte ai që e goditi. Gruaja fatkeqe 36-vjeçare përfundoi në ambulancë gjatë transferimit të saj në Spitalin e Përgjithshëm të Volosit, por humbi jetën pak më pas.

Dëshmitarë nga lagjja e çiftit raportuan se çifti kishte pasur një debat të ashpër që nga mëngjesi. Çifti kishte pasur shumë debate kohët e fundit, ndërsa autori 40-vjeçar thuhet se përballet me probleme serioze psikiatrike dhe vetëm qershorin e kaluar ai u transferua me urdhër të prokurorit në një klinikë për ekzaminim psikiatrik, ku mbeti i shtruar në spital pas një tentative vetëvrasjeje.

Edhe në Shqipëri, sipas familjarëve, ai ishte i kartelizuar për probleme të shëndetit mendor dhe trajtohej me KEMP.

“Dosja e tij penale është gjithashtu e rënduar. Në nëntor 2024, ai u arrestua për dëbim administrativ, ndërsa në vitin 2019 ai ishte dy herë në duart e policisë për posedim droge. Më parë, në vitin 2018, ai u dënua me një vit burg për dëshmi të rreme, ndërsa në vitin 2020 vuajti një dënim prej katër vjet e gjysmë burg për pjesëmarrje në një organizatë kriminale dhe trafik droge. Aktiviteti i tij kriminal mund të gjurmohet që nga viti 2013, kur ai u arrestua për falsifikim dhe hyrje të paligjshme në vend, me gjykatën që e konsideroi atë një të huaj të padëshirueshëm”, informon media greke.

Vrasja e tmerrshme para syve të fëmijëve të mitur ka tronditur shoqërinë e Volosit, ndërsa autoritetet vazhdojnë hetimet.