Gjatë koncertit të Coldplay në Boston, një sipërmarrës e gjeti veten e në një moment të sikletshëm pasi u kap nga kamerat e transmetimit live duke u përqafuar më një vartësen e tij.

CEO i kompanisë amerikane të teknologjisë Astronomer, Andy Byron, ishte i përqafuar me shefen e burimeve njerëzore të kompanisë së tij Kristin Cabot.

Sipas mediave të huaja problemi i kësaj video ishte se Byron është i martuar dhe ka fëmijë, të cilët atë natë ndodheshin në shtëpi.

Pamjet po bëjnë xhiron e rrjetit, ku sipërmarrësi shtangu dhe tentoi të fshihej, por edhe punonjësja e tij u kthye me kurriz nga kamerat e më pas u largua.

Kjo skenë nuk i shpëtoi as syrit të Chris Martin, këngëtarit të Coldplay, i cili komentoi me ironi: “Shikoni këta të dy… Ose janë në një lidhje, ose janë thjesht shumë të turpshëm.”

The CEO of one of the largest tech companies in the world was just caught on camera having an affair with his head of HR 🤦🏻‍♂️ pic.twitter.com/dv13Xg2SDv

— Matt Wallace (@MattWallace888) July 17, 2025

The post VIDEO/ CEO amerikan u kap ‘mat’ me vartësen e tij në koncertin e Coldplay, përqafimi që mund t’i shkatërrojë martesën drejtuesit të kompanisë së famshme appeared first on Albeu.com.

Ditën e premte vendi ynë do të jetë në ndikimin e kushteve atmosferike relativisht të qëndrueshme.

Moti parashikohet i kthjellët si dhe vranësira përgjatë maleve, kryesisht në veri dhe jug nga ku do të pasohen me reshje të dobëta shiu në formë pikash.

Temperaturat maksimale do të arrijnë në 36 gradë celcius, ndërsa ato minimale në 16 gradë celcius.

Era do të fryjë me drejtim nga kuadrati i perëndimit me shpejtësi mesatare 6 m/s, ndërsa përgjatë vijës bregdetare e dhe zonat luginore era fiton shpejtësi 6-10 m/s.

Valëzimi në det do të arrijë 1-2 ballë.

The post Temperatura të larta në Shqipëri, ja sa do të shënojë termometri ditën e nesërme appeared first on Albeu.com.

Një pistoletë e futur në një çantë krahu është gjetur nga policia e Sarandës në vendin ku sot u plagosën dy të rinj. Sipas informacioneve, arma dyshohet se i përket njërit prej dy të plagosurve. Ndërkohë, Policia po heton lidhur me plagosjen ndërsa bashkë me FNSH-në po kryejnë kontrolle të shumta në qytet.

Gjithashtu bëhet me dije se në vendin e ngjarjes janë gjetur 4 gëzhoja të shkrepura nga arma e autorit/ëve, të cilën e ka marrë me vete.

Ernest Lama dhe Gëzim Hoxhaj janë dy personat që mbetën të plagosur mbasditen e sotme nga të shtënat me armë zjarr në Sarandë. Gjithashtu bëhet me dije se dy të plagosurit janë nisur drejt spitalit të Traumës në Tiranë.

Lidhur me ngjarjen në kërkim janë tashmë Ramadan Zoto alias Ramadan Canaj, 42-vjeç dhe vëllai tij Erjon Canaj, 35-vjeç, nga Saranda, persona me precedentë të rëndë penalë.

The post Plagosja e dyfishtë në Sarandë/ Në çantën e njërit prejt të lënduarve gjendet një armë zjarri, në vendngjarje 4 gëzhoja appeared first on Albeu.com.

Presidentja e Kosovёs tё enjten ka njoftuar se nё fund tё muajit maj, institucionet e vendit kanё marrё informacione pёr tendenca tё pёrshkallёzimit nga ana e Serbisё.

Vjosa Osmani, bёri tё ditur se kёto lёvizje ishin tё ngjashme me ato tё vitit 2023, nё kohёn kur ndodhi sulmi terrorist i Banjskёs.

“Ato tё fundit tё majit kanё qenё ato tё cilave iu kam referuar sa kam qenё nё SHBA, sepse kanё qenё mё specifike, kanё qenё lёvizje mё specifike, tё cilat i kanё pёrngjarё lёvizjeve qё ne i kemi parё nё 2023”, tha Osmani.

Presidentja, pas kёtyre informacioneve tha se ka pasur mobilizim tё institucioneve e po ashtu ka njoftuar aleatёt.

“Nё fund tё muajit maj kemi marrё informacione tё reja specifike, lidhur me veprimet e Serbisё, nё kufi me Kosovёn, menjёherё pas marrjes sё kёtyre informatave, kam pasur takime me institucionet e sigurisё tё cilat mё raportojnё si presidente, jemi siguruar qё çdo institucion nё Kosovё, si gjithmonё ka mobilizimin e duhur pёr mbrojtjen e vendit. Po ashtu, menjёherё kam ndarё kёto informata me aleatёt tanё tё sigurisё duke kёrkuar mbёshtetjen e tyre pёr ta ndalё pёrshkallёzimin e planifikuar nga ana e Serbisё”, tha Osmani.

Presidentja Osmani ёshtё pyetur edhe pёr akuzat e Richard Grenellit, të dërguarit të presidentit amerikan për Misione të Posaçme, i cili tha se Osmani po manipulon me fjalёt e presidentit amerikan, Donald Trump. Ajo tha se vetёm ka vlerёsuar punёn e Trump si paqebёrёs nё botё.

“Nuk kam interpretuar deklarata tё Presidentit Trump, por e kam treguar se si e kam kuptuar unё si presidente e Republikёs sё Kosovёs. Unё kam dhёnё vlerёsim pozitiv pёr presidentin Trump, nuk dua tё komentoj se si e kanё komentuar tё tjerёt pastaj deklaratёn time”, tha ajo.

Presidentja e Kosovёs, Vjosa Osmani ndёr tё tjera tha se tendecat pёr pёrshkallёzim nga Serbia janё tё vazhdueshme, por nuk ka nevojё pёr panik.

Ndёrkohё, Presidenti i Shteteve tё Bashkuara tё Amerikёs, Donald Trump nё vazhdimёsi deklaron se ka parandaluar pёrshkallёzimin e situatёs mes Kosovёs e Serbisё.

The post “Në maj morëm informacione për veprime të Serbisë në kufi me Kosovën”, Osmani i përgjigjet edhe Grenellit: S’kam interpretuar deklaratat e Trump appeared first on Albeu.com.

Adriatik Lapaj dhe Endri Shabani njihen prej kohësh. Të dy kanë qenë pjesë e Aleancës Kuq e Zi, dikur nën drejtimin e Kreshnik Spahiut. Pra, jo vetëm që njihen mirë, por kanë ndarë edhe rrugë politike. Deri këtu, gjithçka normale.

Por akuzat që po shkëmbejnë sot si të ishin të sapo njohur, si të mos kishin kaluar bashkë asnjë ditë nuk kapërdisen lehtë. Jo se janë të paprekshëm, por sepse, nëse e kanë zgjedhur politikën si rrugë, duhet të dinë se në këtë fushë, gjithçka llogaritet dhe kujtohet.

Winston Churchill thoshte: “Politika është arti i të parit në të ardhmen, por i veprimit në të tashmen.” E pra, nëse donin të hynin në këtë rrugë, duhej t’i kishin menduar mirë për të dyja kohët, të tashmen dhe të ardhmen.

Me planin B, Endri Shabani bëri lëvizjen e tij: vendosi dajën në një vend të sigurt në listë. Fundja, një dyshim gjithmonë e mban njeriu për vete. Adriatik Lapaj nga ana tjetër, mes populizmit dhe mungesës së koherencës, lëshoi disa deklarata të nxituara , përfshirë atë kur tha se nuk do ta pranonte mandatin nëse nuk sigurohej më shumë se një vend në Parlament. Por ja që rezultati ishte pikërisht ai.

Në fund të ditës, politika pa pushtet ka vetëm fjalën. Dhe fjalët nëse nuk mbështeten nga veprimi, shterojnë.

Marrëveshja politike i dha shpresë Endrit, ndërsa rregulli elektoral i buzëqeshi edhe Adriatikut, duke i hapur rrugë përmes kuotave gjinore.

Sot, para tyre janë dy rrugë:
Ose të sqarohen si burra, shpejt e pa shumë dramë, për hir të atyre që i votuan , pra për të mos u kthyer në një tjetër serial me aktorë kryesor Kordhoni–Xhuveli…
Ose ta pranojnë hapur se kjo ishte një martesë politike me fund të parashikueshëm, duke varrosur vetë, me vetëdije, fatin e tyre politik pasi smund të ndërtojnë besim të qëndrueshëm.

Pas gjithë kësaj shfaqjeje, është e vështirë të besohet se 60 mijë qytetarë (të cilët sot ndahen më dysh) do të gjejnë arsyen për të votuar sërish për ta.

Sepse në fund, “gjelat e luftës” janë territorialë; luftojnë deri në vdekje për të ruajtur hapësirën e tyre. Por në këtë rast, lufta e brendshme s’është më për idealin apo për ndryshimin, por për vendin në listë… Dhe kur beteja bëhet për vetveten, përfundimi është një: figura të reja, me zakone të vjetra.

The post Ç’ishin, ç’janë dhe ç’nuk do të bëhen Lapaj dhe Shabani, (Vet)vrasja e paralajmëruar appeared first on Albeu.com.

Këngëtari Mevlan Shaba, është bërë baba për herë të parë.

Pas një kohë të shkurtër, ai vendosi të ndaj portretin e vogëlushes. Ai tregoi që vogëlushen e kanë pagëzuar me emrin Mei.

“Princesha ime ti, Mei”, shkroi krahas përshkrimit I cili mori qindra pëlqime për pak minuta.

Ju rikujtojme qe Mevlani ka qene pjese e Perputhen dhe e Big Brother Vip Kosova.

View this post on Instagram

A post shared by Mevlan Shaba (@mevlanshabaa)

The post FOTO/ Mevlani publikon portretin e vajzës, mahnit me fjalët e ëmbla appeared first on Albeu.com.

Presidenti ukrainas, Volodymyr Zelensky njoftoi disa marrëveshje të paspecifikuara të ardhshme me Shtetet e Bashkuara, të cilat ai tha se do ta forconin vendin e tij gjatë një paraqitjeje në parlament të hënën për të riorganizuar qeverinë e tij.

Presidenti ukrainas tha se do t’i jepte qeverisë së re kontrollin mbi kontratat e mbrojtjes, si pjesë e një shtytjeje për të prodhuar 50% të armëve dhe pajisjeve fushore të vendit në Ukrainë.

Parlamenti i Ukrainës me 450 vende miratoi sot emërimin e Yulia Svyrydenko si kryeministre, me 262 vota pro.

Svyrydenko, e cili u nominua nga vetë presidenti ukrainas, pason Denys Shmyhal, i cili paraqiti dorëheqjen e tij si kryeministër të martën, si pjesë e një riorganizimi të qeverisë.

Parlamenti ukrainas pritet të votojë qeverinë e re që të enjten (17 korrik). Megjithatë, neni 10 i gjendjes së jashtëzakonshme thotë se kompetencat e presidentit, parlamentit, qeverisë, Bankës Kombëtare dhe disa organeve të tjera shtetërore nuk mund të ndërpriten gjatë vendosjes së tij.

Përfaqësuesit e opozitës dyshojnë në legjitimitetin e ndryshimit të qeverisë. “Parlamenti kohët e fundit e zgjati afatin e gjendjes së jashtëzakonshme dhe mund të shkelë Nenin 10 me këtë, megjithëse të gjithë bien dakord se legjislacioni duhet të më parë precizohet ose ndryshohet “, tha Yaroslav Zheleznyak, një anëtar i fraksionit opozitar “Holos”- “Zëri”.

The post Zelensky njofton marrëveshje të reja me SHBA-në appeared first on Albeu.com.

Mbretëria e Bashkuar ka ndërmarrë një reformë të re në sistemin zgjedhor, duke planifikuar uljen e moshës së votimit deri në 16 vjeç të gjithë vendin. Kjo reformë harmonizon moshën e votimit në të gjithë Mbretërinë e Bashkuar, pasi Skocia dhe Uellsi tashmë kishin miratuar rregullore të ngjashme për zgjedhjet lokale.

Ky vendim përmbush një nga qëllimet kryesore të Partisë Laburiste ku synohej forcimi i barazisë dhe i përfshirjes së të rinjve në procesin zgjedhor e demokratik, të cilët janë të punësuar apo shërbejnë në focat e armatosura vendase, por deri më tani nuk kanë pasur të drejtë vote.

Paketa reformuese përfshin gjithashtu një kalim gradual drejt një sistemi më të automatizuar të regjistrimit të votuesve, duke reduktuar nevojën për dorëzimin e të dhënave në mënyrë të përsëritur në shërbime të ndryshme shtetërore.

“Për një kohë të gjatë, besimi i qytetarëve në demokracinë tonë është gërryer. Me këto masa po shembim pengesat dhe po nxisim përfshirjen, duke mbështetur planin tonë për ndryshim dhe duke përmbushur premtimin për të dhënë të drejtën e votës 16-vjeçarëve”, deklaroi zëvendëskryeministrja Angela Rayner.

The post Ndryshime rrënjësore në sistemin zgjedhor në Mbretërinë e Bashkuar, e drejta e votës do të fillojë në moshën 16 vjeç appeared first on Albeu.com.

Një aksident i rëndë ka ndodhur pasditen e kësaj të enjteje në aksin e rrugës kombëtare Prrenjas–Librazhd, në afërsi të fshatit Qukës. Bëhet me dije se nga përplasja e mjeteve katër persona nga e njëjta familje janë plagosur.

Gjithashtu mësohet se njëri prej të plagosurve ndodhet në gjendje të rëndë shëndetësore.

Menjëherë pas njoftimit, drejt vendit të ngjarjes janë nisur autoambulancat e spitaleve të Librazhdit dhe Prrenjasit për të ofruar ndihmën e parë mjekësore dhe për të transportuar të lënduarit drejt qendrave spitalore.

Megjithatë ende nuk dihen shkaqet e aksidentit, ndërkohë që grupi hetimor dhe forcat e policisë janë nisur për në vendngjarje për të kryer veprimet e nevojshme hetimore dhe për të sqaruar ngjarjen.

The post Aksident në aksin Prrenjas–Librazhd/ Plagosen katër persona nga e njëjta familje, një në gjendje të rëndë appeared first on Albeu.com.

Policia e Sarandës është vënë në lëvizje në kërkim të dy vëllezërve si autorë të dyshuar të plagosjes së dy të rinjve ditën e sotme. Në kërkim të tyre janë edhe forca të FNSH.

Njëri është Ramadan Zoto alias Ramadan Canaj, 43 vjeç, i dënuar më parë në Greqi për vrasje dhe armëmbajtje pa leje, aktualisht në proces gjyqësor në Sarandë për “goditje për shkak të detyrës”. Konsiderohet person me rrezikshmëri të lartë, pasi gjatë veprimtarisë në Greqi ka shkëmbyer zjarr edhe me policinë greke disa vite më parë.

Në kërkim është shpallur edhe Erjon Canaj, 35 vjeç, vëllai tij. Canaj në dhjetor 2022 ka dhunuar rojen e spitalit të Sarandës, ndërsa në shkurt 2024 është arrestuar në banesë me 2 pistoleta, por është shpallur i pafajshëm nga Gjykata e Sarandës disa muaj më parë.

The post EMRAT/ Plagosja e dyfishtë në Sarandë, identifikohen autorët! Dy vëllezërit me precedentë të mëparshëm penal appeared first on Albeu.com.

Një zjarr i përmasave të mëdha ka rënë në fshatin Poshnje të Dimalit ku prej disa orësh efektivët po luftojnë për neutralizimin e tyre.

Mësohet se flakët po përhapen më shpejtësi për shkak të erërave të forta, duke rrezikuar banesat përreth zonës .

Menjëherë në vendin e ngjarjes kanë mbërritur forcat e shumta të zjarrfikësve, si është bërë edhe ndërhyrja e ajrit me helikopterë.

The post Shqipëria nën pushtetin e flakëve, vatra zjarri përfshijnë fshatin Poshnje të Dimalit, rrezikohen shtëpitë e banorëve appeared first on Albeu.com.

Këngëtarja me origjinë nga Kosova, Dafina Zeqiri, është bërë nënë për herë të parë. Lajmin e ka bërë me dije vetë këngëtarja përmes një postimi në rrjetin social Instagram.

Dafina ka publikuar një foto ku duken këmbët e djalit të cilin kanë vendosur ta quajnë Daskan. Këngëtarja shkruan: Mirë se erdhe Daskan Gjergji.

Të shumta janë urimet nga fansat dhe të afërmit për ardhjen në jetë të djalit të Dafina Zeqirit.

The post Dafina Zeqiri bëhet nënë për herë të parë dhe publikon foton e të birit! Ja si ia kanë vendosur emrin appeared first on Albeu.com.

Djali i një ndër këngëtareve më të dashura nga shqiptarët kudo në botë, kryesisht në veri të vendit dhe në diasporë, Fatmira Breçanit feston sot ditëlindjen.

Artistja ka zgjedhur ta urojë publikisht Denin ku shkruan: “Gëzuar 30-vjetorin Jeta jeme! Qoftë ky vit nisja e një kapitulli magjik në jetën tane.”

Fatmira Breçani është këngëtarja më e njohur e këngës popullore, si dhe më të paguarat pasi preferohet masivisht në koncerte në diasporë si dhe në dasma.

The post “Gëzuar 30-vjetorin jeta jeme!”, Fatmira Breçani uron ditëlindjen e djalit publikisht appeared first on Albeu.com.

Një plagosje me armë zjarri ka ndodhur ditën e sotme në lagjen nr. 4 të Sarandës, pranë stadiumit të qytetit, ku të paktën dy persona kanë mbetur të plagosur rëndë.

Raportohet se të plagosur mbetën shtetasit Ernest Lama, 24-vjeç dhe Gëzim Hoxhaj, 32 vjeç.

Sakaq, policia ka njoftuar se pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.

Sarandë/Informacion paraprak

Sot, rreth orës 15:00, në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit G. H., 32 vjeç dhe E. L., 24 vjeç, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.

Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.

The post EMRAT/ Dy të plagosur nga të shtënat me armë zjarri pranë stadiumit në Sarandë, të rinjtë nisen drejt Traumës appeared first on Albeu.com.

Alba Pollozhani një nga fermerët më të komentua të Ferma Vip 2, së fundmi ka bërë një ndryshim në pamjen e saj. Ish-fermerja thuhet se ka zmadhuar gjoksin dhe ky detaj nuk ka mundur si t’u shpëtojë ndjekësve.

Pas ndërhyrjes Alba ka preferuar që ta ndajë ndryshimin që ka bërë në jetën e saj në një postim në rrjetet sociale, duke pozuar me një këmishë që të shihet qartë ndryshimi që ka bërë.

Kujtojmë se gjatë qëndrimit në Ferma Vip 2, Alba pati një raport dashuror me fermerin Lim Hoti. Nuk dihet nëse mes tyre ka më komunikim, por duket se Alba po vazhdon të jetë një emër që komentohet më së shumti në media.

The post Alba Pollozhani rrëmben vëmendjen e fansave pas ndërhyrjes plastike në pjesën e … appeared first on Albeu.com.

Dashi
Të lindur më: 21 Mars – 19 Prill
Në dashuri sot mund të ndjeni nevojën për më shumë hapësirë personale, por komunikimi i qetë do t’ju ndihmojë të ruani harmoninë. Në punë, do të shfaqen mundësi të reja për të treguar aftësitë tuaja, ndaj mos hezitoni të merrni iniciativa. Kujdesuni për shëndetin, sepse stresi mund të ndikojë në energjinë tuaj fizike. Në aspektin financiar, shmangni shpenzimet impulsive dhe planifikoni më mirë buxhetin tuaj.

Demi
Të lindur më: 20 Prill – 20 Maj
Sot marrëdhëniet romantike do të jenë të ngrohta dhe do të keni mundësi të forconi lidhjet me partnerin përmes bisedave të sinqerta. Në punë do të ndiheni të motivuar dhe bashkëpunimi me kolegët do t’ju sjellë rezultate pozitive. Kujdesuni për veten duke bërë një pushim të shkurtër për të rifituar energjinë. Në financa, një lajm i mirë mund të vijë nga një burim i papritur.

Binjakët
Të lindur më: 21 Maj – 20 Qershor
Ditën e sotme, një takim romantik mund të sjellë emocion dhe ndjesi të reja, ndaj hapuni ndaj eksperiencave të reja. Në punë, do të ndiheni të frymëzuar për të ndjekur projekte të reja ose për të mësuar diçka të re. Shëndeti do të jetë i mirë nëse i kushtoni rëndësi aktivitetit fizik. Financiarisht, mbani nën kontroll shpenzimet për të shmangur vështirësi të vogla.

Gaforrja
Të lindur më: 21 Qershor – 22 Korrik
Në dashuri, sot është koha ideale për të sqaruar keqkuptime dhe për të ndërtuar më shumë besim me partnerin. Puna do të kërkojë vëmendje ndaj detajeve, por këmbëngulja juaj do të shpërblehet. Kujdes me shëndetin e shpinës ose kyçeve dhe mos harroni të bëni ushtrime shtrirjeje. Financat janë të qëndrueshme, por mos merrni vendime të nxituara për investime.

Luani
Të lindur më: 23 Korrik – 22 Gusht
Marrëdhëniet do të jenë të ngrohta dhe mund të merrni një surprizë të këndshme nga partneri ose një mik i afërt. Në punë, idetë tuaja do të vlerësohen dhe mund të merrni një përgjegjësi të re. Shëndeti duhet të jetë prioritet, ndaj kushtoni më shumë vëmendje ushqimit dhe pushimit. Financat janë në përmirësim, por bëni kujdes me shpenzimet e tepërta.

Virgjëresha
Të lindur më: 23 Gusht – 22 Shtator
Sot do të ndjeni një lidhje të veçantë me dikë që ju intereson, dhe një bisedë e thellë mund të forcojë marrëdhënien. Në punë do të përballeni me disa sfida, por kreativiteti juaj do t’ju ndihmojë t’i kaloni. Ruani ekuilibrin mendor duke marrë kohë për veten. Në aspektin financiar, është mirë të shmangni huamarrjet ose investimet e rrezikshme.

Peshorja
Të lindur më: 23 Shtator – 22 Tetor
Romanca sot mund të kthehet në qendër të vëmendjes, dhe një takim i papritur do të sjellë emocione të bukura. Në punë, bashkëpunimi me të tjerët do të jetë çelësi i suksesit tuaj. Kujdesuni për shëndetin duke kaluar më shumë kohë në natyrë ose duke u relaksuar. Financat do të jenë të qëndrueshme, por është e këshillueshme të kurseni për të ardhmen.

Akrepi
Të lindur më: 23 Tetor – 21 Nëntor
Sot mund të ndiheni më të hapur ndaj ndjenjave dhe bisedat me partnerin do të jenë të frytshme. Në punë do të vlerësoheni për përkushtimin dhe profesionalizmin tuaj, ndaj mos hezitoni të merrni përgjegjësi shtesë. Shëndeti është i mirë, por mos neglizhoni shenjat e lodhjes. Financat janë të mira, por planifikoni më mirë për shpenzimet e ardhshme.

Shigjetari
Të lindur më: 22 Nëntor – 21 Dhjetor
Në dashuri, mund të ndjeni një nevojë për ndryshim ose aventura të reja, ndaj diskutoni hapur me partnerin. Puna juaj do të ketë progres të ngadaltë, por qëndrueshmëria do të japë rezultatet e dëshiruara. Kujdes me shëndetin mendor, sepse ankthi mund të rritet nëse nuk relaksoheni mjaftueshëm. Në financa, shmangni rreziqet dhe mos u nxitoni në vendime të rëndësishme.

Bricjapi
Të lindur më: 22 Dhjetor – 19 Janar
Sot në marrëdhënie do të ndiheni të mbështetur dhe do të keni mundësi të forconi lidhjet me partnerin ose familjen. Në punë, një ide e re mund të marrë vëmendje dhe mbështetje nga eprorët. Kujdesuni për shëndetin duke bërë aktivitete fizike të lehta. Financiarisht, situata është e qëndrueshme, por mos harroni të planifikoni për shpenzimet e papritura.

Ujori
Të lindur më: 20 Janar – 18 Shkurt
Në dashuri, një bisedë e sinqertë mund të sjellë sqarime dhe të forcojë marrëdhënien tuaj. Në punë, priten përparime dhe mundësi për të treguar talentin tuaj, ndaj jini të hapur ndaj sfidave të reja. Shëndeti kërkon më shumë vëmendje ndaj ushqyerjes dhe pushimit. Financat janë të balancuara, por shmangni shpenzimet e panevojshme.

Peshqit
Të lindur më: 19 Shkurt – 20 Mars
Sot mund të përjetoni emocione të thella në marrëdhënie, ndaj mos kini frikë të shprehni ndjenjat tuaja. Në punë, do të keni sukses nëse bashkëpunoni me të tjerët dhe tregoni fleksibilitet. Kujdesuni për shëndetin duke shmangur lodhjen e tepruar dhe duke pushuar më shumë. Në aspektin financiar, mund të merrni një bonus ose shpërblim të vogël që do të përmirësojë buxhetin tuaj.

The post Horoskopi 17 Korrik, ja çfarë kanë parashikuar yjet për ju appeared first on Albeu.com.

Një sulm nga forcat ruse të mërkurën në një qendër tregtare dhe treg në Dobropillia, një qytet pranë vijës së frontit të luftës, vrau dy persona, plagosi rreth 27 të tjerë dhe shkaktoi dëme të mëdha, thanë zyrtarët. Vadym Filashkin, guvernatori i rajonit lindor të Donjeckut, tha se një bombë 500-kilogramësh u hodh në orën 17:20, kur qytetarët ishin nëpër dyqane.

Ai tha se dy persona humbën jetën dhe 22 u plagosën, ndërsa tetë blloqe banimi dhe tetë automjete u shkatërruan. Video të postuara në internet shfaqnin zona rreth qendrës tregtare në flakë dhe tym.

“Zjarrfikësit po shuajnë zjarrin pasi ekziston mundësia që ende të ketë njerëz brenda qendrës tregtare”, tha Filashkin për televizionin ukrainas.

“Okupuesi e hodhi bombën në një kohë kur Dobropillia ishte plot me njerëz. Shumë ishin duke bërë pazar. Okupuesi e shënjestroi qëllimisht qendrën tregtare. Të gjitha qendrat tregtare përreth janë shkatërruar ose dëmtuar”, shtoi ai.

Shërbimet kombëtare të emergjencës së Ukrainës deklaruan se numri i të plagosurve ishte 27. Filashkin më herët kishte thënë se rreth 30 stenda tregtare ishin dëmtuar. Presidenti i Ukrainës, Volodymyr Zelensky, duke folur në fjalimin e tij të përnatshëm me video, e përshkroi sulmin si “thjesht terror i tmerrshëm dhe idiot nga Rusia. Nuk ka logjikë ushtarake në këto sulme, vetëm përpjekje për të marrë sa më shumë jetë njerëzish”.

Dobropillia ndodhet në veriperëndim të Pokrovskut, një pikë kyçe e avancimit të ngadaltë rus drejt perëndimit të rajonit të Donjeckut prej muajsh. Një sulm me raketa, raketahedhës dhe dronë në Dobropillia në mars kishte vrarë 11 persona, përfshirë pesë fëmijë./ REL

The post Sulmet ruse në Ukrainë, vriten dy persona dhe plagosen 27 të tjerë appeared first on Albeu.com.

Detar Hysi, avokat i të dënuarit me burg përjetë, Laert Haxhia, ka reaguar pas lajmeve se klienti i tij ka zhvilluar takime “speciale” në burgun e Drenovës me persona të paautorizuar, konkretisht modelen Ziza Pajaziti.

“Si mbrojtës ligjor i të dënuarit Laert Haxhia, dua të sqaroj opinionin publik se lajmi për takime me persona të paautorizuar është i pavërtetë. Ky i dënuar nuk ka kryer asnjë veprim të tillë,” thuhet në deklaratën e avokatit.

Detar Hysi thekson se kjo çështje aktualisht është në hetim nga Prokuroria e Korçës dhe shpreh besimin se e vërteta do të dalë në dritë përmes rrugës ligjore.

Kohët e fundit në media kanë qarkulluar lajme se Laert Haxhia ka zhvilluar një takim “special” brenda burgut të Drenovës me modelen nga Kosova, Ziza Pajaziti. Ky takim sipas raportimeve në media, u zhvillua përmes mashtrimit pasi modelja do takonte një të dënuar tjetër, por në këtë takim ishte Laert Haxhiu.

Objekt verifikimi nga Drejtoria e Përgjithshme e Burgjeve janë edhe dy raste të tjera pas raportimeve në media se dy vajza të njohura të shoëbizit kanë hyrë në ambientet e sigurisë së lartë për takime jashtë protokollit në burgun e Reçit.

The post U përfol për takim ‘special’ në burg me modelen Ziza Pajaziti, reagon avokati i Laert Haxhisë: Nuk është e vërtetë! Shumë shpejt do flasë drejtësia appeared first on Albeu.com.

Efi Dhedhes është përballur së fundmi me një koment në rrjete sociale, ku një ndjekëse i tha se ajo është mes vajzave të njohura që takojnë personat e burgosur. Komenti, që përmbante gjuhë fyese dhe akuza personale, nuk mbeti pa përgjigje nga Efi.

“Ça thua më vërtetë? Turp të kem?” – iu përgjigj ajo me ironi, duke mos e lënë pa përgjigje provokimin.

Por replika nuk përfundoi aty. Ndjekësja vijoi me një koment edhe më të ashpër, duke ironizuar publikisht Efin për “favorizim seksual ndaj të burgosurve” dhe duke i kërkuar që të “mos shesë moral”.

Komenti vjen pas lajmit se vajzat e njohura nga showbizi shqiptar futen në ambientet e burgjeve, për takime të ashtuquajtura “speciale” me të dënuar për krime të rënda.

The post ‘Emri yt është i lidhur me burgje’/ Efi përgjigjet ashpër ndaj komentit provokues appeared first on Albeu.com.

Lojtari i ekipit Guanzhu FC, Jasir Asani, është përzgjedhur si përfaqësues për ekipin e “K-League”.

Liga Profesioniste e Futbollit Korean njoftoi listën e lojtarëve “Fan Eleven” të “K-League” që do të përballen me Njukasëllin e “Premier League” në “2025 Coupang Play Series”, event që do të mbahet të mërkurën, 30 korrik në stadiumin e Kupës së Botës “Suwon”.

Asani u zgjodh nga tifozët me 17,980 vota dhe iu dha nderi të luante kundër klubit prestigjioz anglez.

Shqiptari ka 6 gola dhe 2 asiste në 18 ndeshje këtë sezon.

Për këtë event Asani tha: “Jam shumë i emocionuar që do të luaj kundër Njukasëllin me lojtarë që përfaqësojnë ‘K League’.

Jam shumë mirënjohës ndaj tifozëve që votuan për mua dhe do të bëj çmos për të treguar një performancë të mirë”.

The post Jasir Asani përzgjidhet për të luajtur kundër Njukasëllit appeared first on Albeu.com.