KIEV, 12 korrik /ATSH-AA/ – Presidenti Volodymyr Zelenskyy njoftoi të premten se SHBA-ja ka rifilluar dërgesat e ndihmës ushtarake drejt Ukrainës.

“Kemi marrë sinjale politike në nivelin më të lartë – sinjale të mira – përfshirë nga Shtetet e Bashkuara dhe nga miqtë tanë evropianë. Sipas të gjitha raportimeve, dërgesat e ndihmës janë rikthyer”, tha ai në Telegram.

Zyrtarët ushtarakë ukrainas do të takohen javën e ardhshme me të dërguarin special të SHBA-së, Keith Kellogg, tha Zelenskyy.

“Ne do të vazhdojmë punën tonë javën e ardhshme me palën amerikane në nivel ushtarak. Ushtria jonë do të punojë me gjeneralin Kellogg. Ne gjithashtu po përgatisim paketa të reja evropiane të mbrojtjes”, tha ai.

Ndërkohë, mediat ukrainase raportuan se Kellogg pritet të mbërrijë të hënën në Kiev për një vizitë njëjavore. /os/

The post KIEV – Zelensky njofton rifillimin e dërgesave të armëve nga SHBA appeared first on Agjencia Telegrafike Shqiptare.

KIEV, 11 korrik /ATSH -DPA/ – Presidenti ukrainas Volodymyr Zelensky tha se i janë premtuar dërgesa të reja armësh nga Shtetet e Bashkuara të Amerikës  dhe aleatët evropianë.

“Sipas të gjitha raporteve  kanë rifilluar dërgesat e (pezulluara) të armëve”, tha  Zelensky sot në një  videomesazh.

Për javën e ardhshme janë planifikuar bisedime mbi mbështetjen ushtarake, ndër të tjera, me të dërguarin e posaçëm amerikan Keith Kellogg.

“Ne gjithashtu po përgatisim paketa të reja armësh nga Evropa”, tha Zelensky. Ai gjithashtu pret “masa të forta” lidhur me sanksione të reja kundër Rusisë.

Javën e kaluar, SHBA vendosi përkohësisht një ndalim të pjesshëm të dërgesave të armëve që tashmë ishin premtuar per Ukrainën. /Ad.Ab./

 

The post UKRAINË – Zelensky konfirmon rifillimin e dërgesave të armëve nga SHBA appeared first on Agjencia Telegrafike Shqiptare.

BRUKSEL, 11 korrik /ATSH/ – Komisioni Evropian ka revokuar akreditimin e një përkthyeseje franko-ukrainase për shkak të dyshimeve se ajo ka regjistruar fshehurazi takime që përfshijnë presidentin Volodymyr Zelensky duke ngritur shqetësime për spiunazh, raporton prestigjiozja franceze ”Le Monde”.

Lajmi vjen mes shqetësimeve në rritje për spiunazhin rus dhe operacionet subversive në të gjitha vendet e BE-së.

Përkthyesja e Komisionit Evropian ishte i pranishme gjatë një takimi me dyer të mbyllura midis udhëheqësve të Bashkimit Evropian dhe Zelenskyt më 19 dhjetor 2024, pak para fillimit të mandatit të dytë presidencial të Donald Trump.

Gjatë bisedimeve, aleatët evropianë premtuan mbështetje të vazhdueshme për Ukrainën, duke përfshirë ndihmën me blerjet e armëve dhe mbrojtjen e infrastrukturës së saj energjetike.

Përkthyesit çekë vunë re se kolegia e tyre, i cili po përkthente nga frëngjishtja në ukrainisht, po regjistronte bisedën e pjesëmarrësve.

”Përkthyesve u ndalohet rreptësisht të marrin shënime ose të bëjnë regjistrime gjatë negociatave me dyer të mbyllura”, sipas ”Le Monde”.

Incidenti u raportua në shërbimet e sigurisë në Bruksel, pas së cilës përkthyesi u pezullua dhe regjistrimet e saj u konfiskuan.

Më pas, Komisioni Evropian i dha fund bashkëpunimit me përkthyesen dhe nisi një hetim të brendshëm.

Gjetjet iu kaluan qeverisë belge, e cila tani është përgjegjëse për të përcaktuar nëse ajo po kryente spiunazh për Rusinë.

Emri i përkthyeses nuk është bërë i ditur, por ”Le Monde” i referohet asaj si “Znj. I.”.

Sipas gazetës, ajo ka lindur në një familje ruse dhe motra e saj – gjithashtu përkthyese – ka një sfond të ngjashëm. Njëra nga motrat ka lindur në Rusi dhe të dyja kanë jetuar në Ukrainë për një periudhë kohore.

Gjatë dy dekadave të fundit, ato thuhet se kanë punuar si përkthyese të pavarura për NATO-n, Komisionin Evropian dhe ministritë franceze të Mbrojtjes dhe të Jashtme.

“Znj. I” e quajti incidentin me takimin midis Zelensky-t dhe udhëheqësve evropianë një keqkuptim.

Për disa vite, ambasadat ukrainase në Francë dhe Bruksel kanë refuzuar të punësojnë përkthyesen për vizitat e Zelenskyt, duke përmendur lidhjet e saj të dyshuara me zyrtarët rusë, raportoi ”Le Monde”, duke cituar një diplomat ukrainas në Paris.

Pavarësisht incidentit të dhjetorit, përkthyesja mbeti e listuar si përkthyese e akredituar për NATO-n, Përfaqësinë e Përhershme Franceze në BE dhe ministritë franceze, sipas ”Le Monde”./  a.jor.

The post FOKUS – BE pezullon përkthyesen nga ukrainishtja, e dyshuar për spiunazh ndaj Zelensky për Rusinë appeared first on Agjencia Telegrafike Shqiptare.

Komisioni Evropian ka pushuar nga puna një përkthyes të punësuar nga Bashkimi Evropian për të marrë pjesë në samite të mëdha së bashku me udhëheqësit botërorë, për shkak të shqetësimeve për një shkelje të mundshme të sigurisë.

Në një deklaratë për POLITICO, Komisioni tha se kishte ndërmarrë veprime për “një incident që lidhet me marrjen e shënimeve” gjatë një takimi të Këshillit Evropian, ku mori pjesë presidenti ukrainas Volodymyr Zelensky më 19 dhjetor 2024, transmeton Telegrafi.

Mbajtja e shënimeve me shkrim në seanca të ndjeshme ku diskutohen çështje si mbrojtja dhe siguria është e ndaluar sipas kodit të sjelljes së Komisionit.

Rregullat u sollën si përgjigje ndaj frikës nga spiunazhi i mundshëm dhe transferimi aksidental i informacionit në shtete armiqësore si Rusia.

“Shënimet u konfiskuan menjëherë. Pas shqyrtimit të kujdesshëm të fakteve, Komisioni mori masat e duhura për të parandaluar përsëritjen e këtij incidenti”, tha ekzekutivi i BE-së.

“Në këtë rast të veçantë, është vendosur që shërbimet e përkthyesit në fjalë nuk do të përdoren më në të ardhmen”, u tha ndër tjera.

Përkthyesi ishte një punonjës i pavarur franko-ukrainas i sjellë për të ndihmuar udhëheqësit të komunikojnë me Zelenskyn, sipas gazetës franceze Le Monde, e cila raportoi e para shkarkimin.

Brukseli ka parë një sërë akuzash për spiunazh të hetuara në vitet e fundit. Në nëntor, POLITICO mori një letër dërguar stafit në Komision që paralajmëronte për një kërcënim “real” nga agjentë të huaj.

“Brukseli është një nga qendrat më të mëdha të spiunazhit në botë, me qindra oficerë aktivë të inteligjencës që synojnë institucionin tonë”, tha ajo.

Vitin e kaluar, Parlamenti Evropian sanksionoi ish-deputeten letoneze Tatjana Ždanoka pas një sërë ekspozimesh mediatike në të cilat u raportua se ajo kishte punuar për Shërbimin Federal të Sigurisë Ruse (FSB), pasardhësen e KGB-së së epokës sovjetike. /Telegrafi/

 

The post Përkthyesi mbajti fshehurazi shënime nga takimi me Zelenskyn, BE-ja e largon menjëherë appeared first on Telegrafi.

Papa Leo ka pritur ditën e sotme në një takim presidentin ukrainas Volodymyr Zelensky.

Takimi u zhvillua në Castel Gandolfo, një qytet malor pranë Romës, ku Papa po qëndron me pushime dyjavore.

Sipas një deklarate zyrtare nga Selia e Shenjtë, mësohet se dy udhëheqësit diskutuan për nevojën urgjente të një paqeje të drejtë dhe të qëndrueshme në Ukrainë, e cila prej më shumë se dy vitesh po përballet me agresionin ushtarak rus.

Deklarata e Vatikanit thekson se Papa Leo është i hapur të mbështesë procesin e paqes në çdo mënyrë të mundshme, përfshirë ofrimin e territorit të Vatikanit si vend neutral për dialog ndërkombëtar.

Zelensky ndodhet në Itali për të marrë pjesë në Konferencën për Rimëkëmbjen e Ukrainës (10–11 korrik), e fokusuar në rindërtimin afatgjatë të vendit dhe sigurimin e mbështetjes financiare dhe institucionale nga partnerët perëndimorë.

The post Papa Leon takim me Zelenskyn: Vatikani i gatshëm të organizojë bisedimet e paqes appeared first on Albeu.com.

ROMË, 9 korrik /ATSH-ANSA/- Papa Leone XIV rikonfirmoi sot gatishmërinë e tij për të mirëpritur përfaqësuesit e Rusisë dhe Ukrainës në Vatikan për negociata.

Njoftimi erdhi gjatë një deklarate të Vatikanit pas takimit të Papa Leone XIV dhe presidentit ukrainas, Volodymyr Zelensky.

Gjatë takimit, Papa Leone dhe presidenti ukrainas, Zelensky diskutuan rreth konfliktit të vazhdueshëm Rusi-Ukrainë dhe urgjencës për arritjen e paqes së drejtë dhe të qëndrueshme.

Gjithashtu, ata rikonfirmuan rëndësinë e dialogut si rruga e vetme për t’i dhënë fund armiqësive.

“Papa Leone shprehu keqardhje për viktimat dhe popullin ukrainas, duke inkurajuar çdo përpjekje që synon lirimin e të burgosurve dhe kërkimin e zgjidhjeve të përbashkëta”, sipas deklaratës. //a.i/

The post ROMË – Papa Leone XIV: Vatikani i gatshëm për të mirëpritur negociatat Ukrainë-Rusi appeared first on Agjencia Telegrafike Shqiptare.

Pretendimi: Qeveria ukrainase e Zelensky largohet nga Kievi dhe vendoset në Ukrainën perëndimore

Verdikti: E paprovuar

————————————————–

Në rrjete sociale, përfshi ato shqipfolëse, po qarkullon lajmi se qeveria ukrainase po përgatitet të evakuohet nga Kievi në Ukrainën perëndimore. Kjo lëvizje interpretohet si një pranim i mundshëm i humbjes së luftës nga Ukraina. 

Postimet në rrjete sociale i referohen një dokumenti të pretenduar sekret “dërguar nga Kabineti i Ministrave agjencive qeveritare” të bërë publik nga politikani ukrainas Igor Mosiychuk.

Sipas dokumentit të pretenduar, kryeministri ukrainas ka urdhëruar autoritetet qendrore ekzekutive të përgatisin ambjentet në Ukrainën perëndimore për një zhvendosje të mundshme, të zvogëlojnë stafin e ministrisë me 10% për shkak të humbjes së pozicioneve në zonat e pushtuara dhe të dërgojnë listat e punonjësve të pushuar nga puna në moshë mobilizimi në qendrat e rekrutimit.

Ihor Mosiychuk është gazetar, politikan, ish-anëtar i parlamentit ukrainas. Në mars të vitit 2024, Qendra ukrainase për Luftën Kundër Dezinformimit shtoi llogarinë TikTok të Ihor Mosichuk në listën e faqeve që përhapin lajme të rreme ruse.

Sipas Qendrës ukrainase për Luftën Kundër Dezinformimit, dokumenti është tërësisht i sajuar. Qendra konfirmoi se nuk ekziston një letër e tillë. Ajo nuk është regjistruar kurrë në Departamentin e Menaxhimit të Dokumenteve të Kabinetit të Ministrave, siç kërkohet. Që nga viti 2021, Këshilli i Ministrave i Ukrainës ka kaluar në menaxhimin elektronik të dokumenteve, gjë që ngre dyshime mbi formatin e dokumentit të publikuar. 

Gjithashtu, mungesa e një klasifikimi sekret për një dokument kaq të rëndësishëm është një shkelje kritike. Dokumentet e këtij niveli rëndësie klasifikohen gjithmonë në përputhje me rrethanat. Përveç kësaj, teksti i dokumentit përmban një numër të madh gabimesh drejtshkrimore, gjë që tregon gjithashtu një falsifikim.

“Operacione të ngjashme informacioni po kryhen nga armiku për të mbjellë panik në shoqëri dhe për të destabilizuar situatën në rajonet e Ukrainës. Mos bini pre e manipulimit të informacionit dhe besojini vetëm burimeve zyrtare”, shtoi Qendra.

Qendra për Luftën Kundër Dezinformimit vuri në dukje gjithashtu se kjo letër e rreme u ishte dërguar agjencive qeveritare dhe strukturave shtetërore me qëllim përhapje paniku.

Qeveria ukrainase po evakuon me të vërtetë, por vetëm civilët nga zonat e vijës së frontit për sigurinë e tyre. Kjo është një masë normale mbrojtëse dhe jo një shenjë e gatishmërisë së autoriteteve për t’u larguar.

The post I rremë urdhëri për zhvendosjen nga Kievi të institucioneve ukrainase appeared first on Faktoje.al.

Presidenti ukrainas Volodymir Zelensky ka zbardhur detaje nga biseda telefonike që pati një ditë më parë me presidentin e SHBA-ve, Donald Trump.

 

Zelensky është shprehur se biseda e tij e fundit me presidentin amerikan Donald Trump këtë javë ishte më e mira dhe më produktive që ka pasur ndonjëherë.

“Sa i përket bisedës me Presidentin e Shteteve të Bashkuara, e zhvilluar dje, ajo ishte ndoshta më e mira që kemi pasur gjatë gjithë kësaj kohe, më produktive,” tha Zelensky gjatë mesazhit të tij të mbrëmjes.

 

Ai tha se diskutuan për çështje të mbrojtjes ajrore, ndërsa shprehur mirënjohje për gatishmërinë e tij për ta ndihmuar.

“Sistemi Patriot në veçanti është çelësi për mbrojtjen nga kërcënimet balistike,” shtoi ai.

The post Zelensky zbardh detaje nga biseda me Trump: Ishte më e mira që kam patur ndonjëherë appeared first on Sot News | Lajme.

Presidenti amerikan Donald Trump tha se nuk ishte i sigurt nëse do të ishte në gjendje t’i jepte fund luftës së Rusisë kundër Ukrainës, shumë larg premtimit të tij për t’i dhënë fund shpejt konfliktit që bëri gjatë fushatës zgjedhore.

“Nuk e di. Nuk mund t’ju them nëse kjo do të ndodhë apo jo”, u tha Trump gazetarëve në bordin e Air Force One, kur u pyet nëse ishte i bindur se do të ishte në gjendje t’i jepte fund luftimeve.

Kur u pyet nëse përfundimi i luftës ishte një përparësi, presidenti tha: Po. Do të doja ta shihja të ndodhte.

Bëhet e ditur se gjatë gjithë fushatës, Trump u zotua të përfundonte luftimet midis dy vendeve që në ditën e parë të marrjes së detyrës. Ai më vonë u tërhoq në një intervistë me revistën TIME, duke e quajtur premtimin “një ekzagjerim”.

“Ne ndihmuam shumë vende. Situata në Ukrainë – kjo është një marrëveshje e Bidenit. Nuk është një marrëveshje e Trumpit. Po përpiqem ta përfundoj,” tha Trump.

Trump është përpjekur të ndërmjetësojë një marrëveshje paqeje midis dy vendeve. Por në të kaluarën, ai ka kërcënuar të largohet nga lufta, mes frustrimit të tij në rritje me luftimet e vazhdueshme. Ai foli në telefon si me presidentin rus Vladimir Putin ashtu edhe me presidentin ukrainas Volodymyr Zelensky këtë javë.

Telefonata e tij me udhëheqësin rus “nuk pati përparim,” siç konfirmoi vetë Trump.

Ndërsa biseda e tij me Zelenskyn dukej më produktive. Zelensky tha se të dy udhëheqësit patën një “bisedë shumë të rëndësishme dhe të frytshme” në të cilën diskutuan mbrojtjen ajrore të Ukrainës, prodhimin e përbashkët të mbrojtjes dhe “prokurimin dhe investimet e ndërsjella”.

The post Trump: Nuk jam i sigurt nëse mund ta ndaloj luftën në Ukrainë appeared first on Lapsi.al.

Presidenti amerikan Donald Trump tha se nuk ishte i sigurt nëse do të ishte në gjendje t’i jepte fund luftës së Rusisë kundër Ukrainës, shumë larg premtimit të tij për t’i dhënë fund shpejt konfliktit që bëri gjatë fushatës zgjedhore.

“Nuk e di. Nuk mund t’ju them nëse kjo do të ndodhë apo jo”, u tha Trump gazetarëve në bordin e Air Force One, kur u pyet nëse ishte i bindur se do të ishte në gjendje t’i jepte fund luftimeve.

Kur u pyet nëse përfundimi i luftës ishte një përparësi, presidenti tha: “Po. Do të doja ta shihja të ndodhte.”

Bëhet e ditur se gjatë gjithë fushatës, Trump u zotua të përfundonte luftimet midis dy vendeve që në ditën e parë të marrjes së detyrës.

Ai më vonë u tërhoq në një intervistë me revistën TIME, duke e quajtur premtimin “një ekzagjerim”.

“Ne ndihmuam shumë vende”, tha Trump.

“Situata në Ukrainë – kjo është një marrëveshje e Bidenit. Nuk është një marrëveshje e Trumpit. Po përpiqem ta përfundoj.”

Trump është përpjekur të ndërmjetësojë një marrëveshje paqeje midis dy vendeve, shkruan Politico.

Por në të kaluarën, ai ka kërcënuar të largohet nga lufta, mes frustrimit të tij në rritje me luftimet e vazhdueshme.

Ai foli në telefon si me presidentin rus Vladimir Putin ashtu edhe me presidentin ukrainas Volodymyr Zelensky këtë javë.

Telefonata e tij me udhëheqësin rus “nuk pati përparim,” siç konfirmoi vetë Trump.

Ndërsa biseda e tij me Zelenskyn dukej më produktive, sipas Zelenskyt.

Zelensky tha se të dy udhëheqësit patën një “bisedë shumë të rëndësishme dhe të frytshme” në të cilën diskutuan mbrojtjen ajrore të Ukrainës, prodhimin e përbashkët të mbrojtjes dhe “prokurimin dhe investimet e ndërsjella”.

Trump tha se me liderin ukrainas pati një telefonatë shumë të mirë dhe strategjike.

“Ju thashë se isha shumë i pakënaqur me telefonatën time me presidentin Putin”, vazhdoi ai.

“Ai dëshiron të shkojë deri në fund, thjesht të vazhdojë të vrasë njerëz, nuk është mirë.”

Ndryshe, Pentagoni më parë këtë javë ndaloi disa dërgesa armësh në Ukrainë.

Kur u pyet për atë ndalesë, Trump tha: “Nuk e kemi bërë. Po japim armë. Por kemi dhënë kaq shumë armë. Por po japim armë dhe po punojmë me ta dhe po përpiqemi t’i ndihmojmë”. /Telegrafi/

The post Trump: Nuk jam i sigurt nëse mund ta ndaloj luftën në Ukrainë appeared first on Telegrafi.

KIEV, 5 korrik /ATSH-DPA/-  Ukraina ka dislokuar me sukses dronë interceptues kundër dronëve rusë – të mbushur me eksplozivë – që aktualisht sulmojnë kryeqytetin Kiev, sipas presidentit ukraiinas, Volodymyr Zelensky.

“Dhjetëra dronë sulmues “Shahed” janë rrëzuar me interceptorë”, tha presidenti ukrainas Volodymyr në fjalimin e tij të përditshëm për luftën.

Ai dha udhëzime për të prodhuar më shumë dronë kundërsulmues pa pilot – dhe për të trajnuar pilotët e dronëve për dislokimin e tyre.

“Gjatë natës, ushtria ruse lëshoi më shumë se 539 dronë të llojeve të ndryshme duke shënjestruar disa objektiva në Ukrainë, kryesisht në Kiev”, sipas zyrtarëve ukrainas.

Forcat ajrore ukrainase arritën të interceptonin pothuajse 90% të tyre – duke përdorur mjete të ndryshme. Informacioni nuk mund të verifikohet në mënyrë të pavarur.

Ukraina ka luftuar për të sprapsur pushtimin rus për më shumë se tre vjet dhe po i nxit aleatët e saj perëndimorë – të ofrojnë furnizime të sistemeve të reja të mbrojtjes ajrore për shkak të intensitetit të sulmeve ajrore. //a.i/

The post KIEV – Zelensky urdhëron prodhimin e dronëve të rinj interceptues appeared first on Agjencia Telegrafike Shqiptare.

KIEV, 4 korrik /ATSH-DPA/ – Presidenti ukrainas Volodymyr Zelensky deklaroi se pati një “bisedë shumë të rëndësishme dhe të frytshme” me presidentin e SHBA-së Donald Trump, mes një ndalese të pjesshme të furnizimeve me armë nga SHBA-ja.

“Ne, në Ukrainë, jemi mirënjohës për të gjithë mbështetjen e ofruar. Na ndihmon të mbrojmë jetët njerëzore, të mbrojmë lirinë dhe pavarësinë tonë”, theksoi Zelensky.

“Kemi arritur shumë së bashku me Amerikën dhe mbështesim të gjitha përpjekjet për të ndaluar vrasjet dhe për të rivendosur një paqe të drejtë, të qëndrueshme dhe dinjitoze”, shtoi ai.

Biseda ndodhi disa orë pasi Rusia nisi një bombardim masiv të Kievit gjatë natës, pak pasi Trump foli me presidentin rus Vladimir Putin.

Ukraina është shumë e varur nga mbështetja e SHBA-së për t’i rezistuar një pushtimi rus në shkallë të plotë duke filluar nga viti 2022, por Pentagoni tha të martën se kishte pezulluar furnizimet me armë të dakorduara më parë në Kiev për shkak të një shqyrtimi të inventarit.

Sipas raporteve të medias, kjo përfshinte edhe raketat ”Patriot”, të cilat janë thelbësore për mbrojtjen ajrore të Ukrainës kundër sulmeve ruse me raketa dhe dronë./   /os/

The post KIEV – Zelensky dhe Trump diskutojnë dërgesat e armëve amerikane appeared first on Agjencia Telegrafike Shqiptare.

Presidenti ukrainas, Volodymyr Zelensky, ka thënë të premten se ka biseduar në telefon me presidentin amerikan, Donald Trump, mbi nevojën për të forcuar mbrojtjen ajrore të Ukrainës, në mesin e sulmeve gjithmonë e në rritje të Rusisë ndaj qyteteve ukrainase, ka raportuar The Guardian.

Në një njoftim të shkurtër që u publikua në rrjetin social Telegram, ai ka thënë se presidenti amerikan ishte “shumë mirë i informuar” për situatën në Ukrainë, teksa të që të dy liderët diskutuan sa u përket “mundësive për mbrojtjen ajrore dhe ranë dakord që do të punojnë për të forcuar mbrojtjen në qiell”.

Ai ka shtuar se janë pajtuar edhe për të zhvilluar një tjetër takim të veçantë mes ekipeve të tyre për këtë çështje.

Zelensky ka bërë të ditur se është folur edhe për mundësitë e prodhimit të përbashkët të armëve, tek ka deklaruar se janë të gatshëm për projekte të drejtpërdrejta me Amerikën, si dhe për blerje e investime të tjera të përbashkëta.

Presidenti ukrainas i ka përcjellë gjithashtu urimet për Ditën e Pavarësisë së SHBA-së, duke falënderuar Amerikën për mbështetjen që ia ka dhënë deri më tani.

“Kemi bërë shumë së bashku me Amerikën dhe mbështesim të gjitha përpjekjet për të ndalur vrasjet dhe për të rivendosur paqe normale, të qëndrueshme dhe me dinjitet. Nevojitet një marrëveshje e ndershme për paqen, dhe Ukraina mbështet propozimet amerikane”, ka thënë Zelensky.

Presidenti i Ukrainës, Volodymyr Zelensky, tha të premten se ka biseduar për mbrojtjen ajrore me presidentin e Shteteve të Bashkuara, Donald Trump, dhe se janë pajtuar për të punuar për rritjen e aftësive të Kievit për ta “mbrojtur qiellin” teksa sulmet ruse po përshkallëzohen.

Zelensky shkroi në llogarinë e tij në Telegram se me liderin amerikan folën gjithashtu rreth prodhimit të përbashkët në industrinë e mbrojtjes, si dhe për blerjet dhe investimet e përbashkëta.

Ukraina ka kërkuar nga Uashingtoni që t’i shesë më shumë raketa dhe sisteme Patriot, të cilat i sheh si tejet të rëndësishme për t’i mbrojtur qytetet e veta nga bombardimet përshkallëzuese nga Rusia.

Një vendim i Uashingtonit për t’i pezulluar disa dërgesa armësh për Ukrainën e ka nxitur Kievin të paralajmërojë se kjo do t’i dobësonte aftësinë e tij për t’u mbrojtur nga sulmet ajrore ruse dhe përparimet në fushëbetejë.

Gjermania tha se është në bisedime për blerjen e sistemeve mbrojtëse ajrore Patriot për ta mbushur boshllëkun.

Një ditë më parë, Trump tha se zhvilloi një telefonatë zhgënjyese me presidentin e Rusisë, Vladimir Putin.

Rusia goditi Kievin me sulmin më të madh me dronë që nga fillimi i luftës në kryeqytet, vetëm disa orë pas bisedës së Trumpit me Putinin të enjten.

 

 

 

 

The post Trump dhe Zelensky bisedojnë për armët dhe përshkallëzimin e sulmeve ruse appeared first on Euronews Albania.

Volodymyr Zelensky deklaroi se ka biseduar me presidentin amerikan, Donald Trump lidhur me nevojën për forcimin e mbrojtjes ajrore të Ukrainës, në kushtet e përshkallëzimit të sulmeve ruse ndaj qyteteve ukrainase.

Në një shënim të shkurtër mbi thirrjen e tyre, të publikuar në Telegram, ai tha se presidenti amerikan ishte “shumë mirë i informuar” për situatën në Ukrainë. Ata diskutuan mundësitë për mbrojtje ajrore dhe ranë dakord të punojnë për të rritur mbrojtjen në hapësirën ajrore.

Presidenti ukrainas pohoi se u pajtuan që ekipet e tyre të zhvillojnë një takim të veçantë për këtë çështje, sipas raportimit të The Guardian.

Zelensky shtoi gjithashtu se kanë diskutuar mundësitë për prodhim të përbashkët të armëve, duke theksuar se janë të gatshëm për projekte të drejtpërdrejta me SHBA-në, si edhe për blerje dhe investime të tjera të përbashkëta.

Presidenti ukrainas gjithashtu përcolli urimet për Ditën e Pavarësisë së Shteteve të Bashkuara, duke falënderuar për mbështetjen e deritanishme të SHBA-së.

“Shumë gjëra i kemi bërë së bashku me Amerikën dhe mbështesim të gjitha përpjekjet për t’i dhënë fund vrasjeve dhe për të rikthyer një paqe normale, të qëndrueshme dhe dinjitoze. Për një paqe të tillë nevojitet një marrëveshje e denjë, dhe Ukraina mbështet propozimet amerikane,” tha ai.

Ndryshe, Trump ka deklaruar se është i ndarë i zhgënjyer me bisedën telefonike me  presidentin rus, Vladimir Putin, i cili ia kishte konfirmuar liderit amerikan se ai nuk do ta ndalë luftën në Ukrainë. /Telegrafi/

The post Zelensky tregon se çka diskutoi në telefon me Trumpin pasi presidenti amerikan foli me Putinin appeared first on Telegrafi.

Në një kohë të pasigurt për vijimin e ndihmës ushtarake amerikane ndaj Ukrainës, presidenti amerikan Donald Trump dhe presidenti ukrainas Volodymyr Zelensky zhvilluan një bisedë telefonike, ndërkohë që Uashingtoni ka pezulluar dërgesat e raketave Patriot dhe armatimeve të tjera të rëndësishme për shkak të mungesave në stoqe.

Biseda mes dy liderëve u zhvillua vetëm një ditë pasi Trump deklaroi se kishte pasur një bisedë “zhgënjyese” me presidentin rus Vladimir Putin. Shefi i kabinetit të Zelenskyt, Andriy Yermak, e cilësoi komunikimin mes presidentëve si “shumë të rëndësishëm”.

Sipas raportimeve të gazetarit Barak Ravid, Trump dhe Zelensky diskutuan për përshkallëzimin e sulmeve ruse në Ukrainë dhe nevojën për forcimin e mbrojtjes ajrore. Vetëm disa orë pas bisedës Trump–Putin, Rusia kreu sulmin më të madh me dronë në Kiev që prej fillimit të luftës.

Presidenti Zelensky e cilësoi këtë sulm si “të qëllimshëm, masiv dhe cinik”.

Pas vendimit të Uashingtonit për të ndalur përkohësisht furnizimin me disa armë, Kievi paralajmëroi se kjo do të dobësonte aftësitë mbrojtëse të Ukrainës përballë sulmeve ajrore dhe veprimeve agresive nga Rusia. Ndërkohë, Gjermania ka njoftuar se është në negociata për blerjen e sistemeve të mbrojtjes ajrore Patriot për të ndihmuar në mbulimin e këtij boshllëku.

Gjithashtu, Trump zhvilloi një bisedë telefonike edhe me kancelarin gjerman Friedrich Merz të enjten, ku diskutuan situatën në Ukrainë, forcimin e mbrojtjes ajrore dhe çështje tregtare, sipas burimeve të përmendura nga revista gjermane Der Spiegel.

 

The post Diplomacia në lëvizje/ Trump bisedon me Zelenskyn pas takimit me Putinin, ja çfarë pritet appeared first on Sot News | Lajme.

Presidenti amerikan, Donald Trump foli me homologun ukrainas Volodymyr Zelensky dhe mediat pranë tyre raportojnë se ishte një “bisedë e mirë”. Kievi konfirmoi bisedën telefonike midis Volodymyr Zelensky dhe Donald Trump. Kreu i zyrës presidenciale ukrainase, Andriy Yermak, foli për një bisedë “shumë të rëndësishme dhe domethënëse” midis presidentëve, detajet e së cilës “do të jenë të…

Source

KIEV, 4 korrik /ATSH-DPA/- Presidenti ukrainas Volodymyr Zelensky i bëri thirrje Bashkimit Evropian të forcojë industrinë e mbrojtjes – duke iu referuar furnizimeve pjesërisht të ndaluara të armëve amerikane në Ukrainë.

“Ne duhet të ndërtojmë industrinë e mbrojtjes të Evropës – në mënyrë që Rusia të mos na tejkalojë në asnjë fushë”, tha Zelensky gjatë një darke që shënoi marrjen e presidencës së Këshillit të BE-së nga Danimarka, në Aarhus.

“Furnizimet e armëve në Ukrainë, së bashku me sanksionet e reja të rrepta kundër Rusisë, janë thelbësore për sigurinë e Evropës”, tha ai.

“Sanksionet duhet të hartohen në mënyrë të tillë që Moska të mos marrë më asgjë që mund të përdoret për prodhimin e armëve”, tha Zelensky.

Ukraina është mbrojtur kundër pushtimit rus për më shumë se tre vjet me mbështetjen perëndimore.

Pavarësisht sanksioneve të paprecedentë, Rusia vazhdon luftën e saj kundër fqinjit të saj me ashpërsi të pamëshirshme, duke kontrolluar gati një të pestën e territorit ukrainas, përfshirë Gadishullin e Krimesë, i cili u aneksua në vitin 2014.

Me tërheqjen e mundshme të mbështetjes amerikane, Kievi rrezikon të humbasë furnizuesin e saj kryesor të armëve. //a.i/

The post DANIMARKË – Zelensky bën thirrje për krijimin e industrisë evropiane të mbrojtjes appeared first on Agjencia Telegrafike Shqiptare.

KOPENHAGË, 3 korrik /ATSH-DPA/- Presidenti ukrainas Volodymyr Zelensky ka zhvilluar një vizitë të papritur në Danimarkë.

Komisioni Evropian, i udhëhequr nga Ursula von der Leyen, po viziton aktualisht qytetin e dytë më të madh të vendit – për të inauguruar së bashku presidencën gjashtëmujore të Këshillit të BE-së të Danimarkës me qeverinë daneze.

“Zelensky ka planifikuar një takim me mbretin danez Frederik X”, sipas informacionit nga zyra e kryeministres Mette Frederiksen.

Gjatë takimit me kryeministren, Frederiksen, shefen e BE-së, Von der Leyen dhe presidentin e Këshillit të BE-së, Antonio Costa, diskutimet pritet të përqendrohen në mbështetjen për Ukrainën, e cila po mbrohet nga pushtimi rus në shkallë të plotë.

Pritet gjithashtu të diskutohet një rrugë e mundshme drejt anëtarësimit në BE.

“Ukraina i përket BE-së, gjë që është në interes si të Danimarkës ashtu edhe të Evropës”, tha Frederiksen më herët.

Takimi do të trajtojë gjithashtu rritjen e mbështetjes ushtarake për vendin, bashkëpunimin me industrinë mbrojtëse ukrainase dhe sanksionet e reja ndaj Rusisë.

Ministri danez i Mbrojtjes, Troels Lund Poulsen, njoftoi një ditë më parë se kompanitë ukrainase të mbrojtjes së shpejti do të prodhonin armë dhe municione në Danimarkë.

Ai tha se diskutimet për këtë çështje po zhvillohen aktualisht me qeverinë ukrainase.

Danimarka mori presidencën e rradhës të BE-së nga Polonia në fillim të muajit.

Nën moton “Një Evropë e fortë në një botë në ndryshim”, fqinji verior i Gjermanisë synon të përqendrohet kryesisht në çështjet e sigurisë dhe konkurrueshmërinë e BE-së gjatë gjashtë muajve të ardhshëm. //a.i/

The post KOPENHAGË – Zelensky në vizitë të papritur në Danimarkë appeared first on Agjencia Telegrafike Shqiptare.

Presidenti i SHBA-së, Donald Trump, dhe presidenti ukrainas, Volodymyr Zelensky, pritet të zhvillojnë një bisedë telefonike të premten, për të diskutuar ndërprerjen e papritur të disa furnizimeve kyçe me armë amerikane për Ukrainën, raportoi Financial Times.

Burimet thanë se presidenti ukrainas synon të ngrejë gjithashtu çështjen e shitjeve të mundshme të armëve në të ardhmen, përfshirë sistemet anti-raketë Patriot, për të cilat ka lobuar në mënyrë aktive, përfshirë gjatë një takimi në samitin e NATO-s javën e kaluar.

Ndërkohë, sipas të njëjtave burime, orari i bisedës mund të ndryshojë, ndërsa Shtëpia e Bardhë dhe Zyra e Presidentit të Ukrainës nuk kanë komentuar ende mbi bisedën e planifikuar.

Vendimi i Pentagonit për të ndalur dërgesat e disa sistemeve të avancuara të armëve e zuri në befasi qeverinë ukrainase, e cila reagoi duke thirrur një diplomat të lartë amerikan për sqarime.

Trump, i cili ka përshkruar marrëdhënien me Zelenskyn si “shumë të këndshme”, pritet të japë më shumë sqarime për këtë vendim në bisedën me liderin ukrainas.

LEXONI GJITHASHTU:

• Bashkëshortja e Presidentit turk Recep Tayyip Erdogan, takim me Papën në Vatikan
• Kroacia njofton shtetasit e saj të mos udhëtojnë në Serbi, shkak protestat

The post Ndërprerja e ndihmave ushtarake, Trump dhe Zelensky bisedojnë të premten appeared first on Euronews Albania.