Kolegji i Posaçëm i Apelimit, KPA u njoh të enjten më 24 korrik me bisedimet përfundimtare në çështjen e vetingut të prokurorit të Fierit Genci Mane. Prokurori Adnan Xholi që përfaqëson në këtë proces drejtuesin e SPAK, Altin Dumani, u qëndroi shkaqeve të ankimit në të tre kriteret e rivlerësimit, pasurisë, figurës dhe profesionalizmit dhe kërkoi shkarkimin e Manes nga detyra, ndërsa ky i fundit i kundërshtoi gjetjet duke i cilësuar të pabazuara dhe kërkoi lënien në fuqi të konfirmimit.

Genci Mane u konfirmua në detyrë më 13 dhjetor 2022, pasi Komisioni i Pavarur i Kualifikimit, KPK konkludoi se ai justifikonte plotësisht me burime të ligjshme krijimin e pasurive dhe kryerjen e shpenzimeve; se ka arritur nivel të besueshëm në kontrollin e figurës dhe nivel kualifikues për profesionalizmin.

Vendimmarrja e KPK-së u ankimua prej Komisionerit Publik, që kërkoi shkarkimin e këtij magjistrati për probleme në kriterin pasuror dhe në vlerësimin e përgjithshëm të gjetjeve për profesionalizmin.

Fillimisht palët paraqitën qëndrimet e tyre lidhur me konstatimin e emrit të prokurorit Mane si abonent i degës së OSHEE-së dhe Ujësjellës-Kanalizimeve Fier. Prokurori Xholi vërejti se këto institucione kishin dërguar përgjigje për herë të dytë, duke sqaruar se nuk dispononin kopje të ndonjë kontrate të nënshkruar me prokurorin Mane.

Prokurori Mane theksoi se përgjigjet konfirmojnë atë që ai ka shpjeguar dhe më parë, se emri i tij është vendosur në mënyrë fiktive nga OSHEE. Sipas subjektit, në dijeninë e tij ka pasur dhe procedime penale ndaj punonjësve të OSHEE të cilët shkarkonin të dhëna fiktive në sistem.

Mane u pyet nga Kolegji, nëse kishte një qëndrim pasi të dhënat ngrinin dyshime për posedimin e një pasurie. subjekti deklaroi se është indiferent ndaj këtyre rrethanave, pasi veç emrit e mbiemrit që përkojnë me emrin dhe mbiemrin e tij, nuk ka të dhëna të tjera si datëlindja e atësia që do të tregonin se është ai. Sipas subjektit, të dhënat tregojnë se nuk lidhen me atë.

I pyetur nga Kolegji nëse kishte bërë verifikime për persona të tjerë që mbajnë të njëjtin emër e mbiemër, Mane tha se nga sa kishte dijeni figurojnë dhe dy persona të tjerë që kanë emrin Genci Mane.

Në vijim, prokurori Adnan Xholi paraqiti konkluzionet përfundimtare. Ai tha se u qëndronte shkaqeve dhe kërkimit të ankimit për ndryshimin e vendimmarrjes së Komisionit dhe shkarkimit të subjektit. Sipas drejtuesit të SPAK, prindërit e subjektit nuk kanë pasur mundësi t’i japin atij 1.7 milionë lekë në këmbim të pjesës takuese të banesës në Berat. Xholi solli në vëmendje se prindërit kishin kryer një investim në vitin 2004, që kishte vlerë dukshëm më të lartë nga mundësia e kursimeve të tyre.

Veç pamundësisë për dhënien e kësaj shume, të deklaruar nga subjekti si burim për pagesën e një kësti të një apartamenti në Fier, Xholi konstatoi dhe gjetjet e tjera që sipas tij lidhen me pamundësinë. Sipas SPAK, banesa në Berat është vlerësuar disa vjet pasi subjekti deklaron se ka marrë vlerën 1.7 milionë lekë nga prindërit, ndërkohë që sipas këtij vlerësimi pjesa takuese e Manes rezulton në shumën 600 mijë lekë. “Subjekti pretendon se ka marrë disa vjet para vlerësimit një shumë disa herë më të madhe nga sa i takonte”, tha Xholi ndër të tjera.

Xholi konstatoi po ashtu, se kontrata e dhurimit të pjesës së tij takuese është kryer pas ushtrimit të ankimit.

Tjetër fakt që duhet analizuar sipas drejtuesit tw SPAK, është dhe blerja e apartamentit në Fier për një çmim poshtë vlerës së tregut, si dhe se e ka disponuar kohë para se të shlyente këstet e kësaj pasurie.

Duke iu referuar akteve të administruara, Xholi tha se në vitin 2013 duhet konsideruar se subjekti ka paguar 1.7 milionë lekë dhe jo 1.6 milionë lekë sa ka përfshirë Komisioni në analizë. Bazuar në këto rrethana, Xholi konstatoi se subjekti nuk arrin nivel të besueshëm për pasurinë.

Prokurori Genci Mane vërejti në fillim të shpjegimeve të tij se apartamenti në Fier është pasuria e vetme që zotëron familja e tij. Lidhur me konstatimin e Komisionerit Publik dhe SPAK për pamundësinë e prindërve për dhënien e shumcës 1.7 milionë lekë në 2013-ën, Mane ritheksoi dhe gjatë bisedimeve përfundimtare se i ati ishte një prej restauratorëve më të mirë të monumenteve të kulturës dhe për këtë arsye kishte marrë edhe licencë nga Ministria e Kulturës. Ai tha se babai ka punuar në restaurimin e monumenteve të kulturës derisa ka pasur mundësi fizike ta kryejë këtë aktivitet.

Mane deklaroi se kjo provohej me aktet e Ministrisë së Kulturës dhe të një shoqërie me të cilën kishte punuar babai. Sipas tij, të gjitha këto fakte tregojnë se i ati ka krijuar të ardhura të konsiderueshme në vite dhe se ka pasur mundësi për dhënien e shumës 1.7 milionë lekë.

Ai solli në vëmendje dhe një akt-ekspertimi financiar prej nga prindërit rezultonin me bilanc pozitiv për kryerjen e shpenzimeve dhe kursimin e vlerës së dhënë atij në 2013-ën.

Mane deklaroi se pretendimet e Komisionerit Publik dhe drejtuesit të SPAK lidhur me pamundësinë financiare të prindërve të tij, bien ndesh me provat.

Subjekti nënvizoi se për vlerën e dhënë ishte nënshkruar konrtatë noteriale që në vitin 2013, kur ende nuk kishte filluar as të diskutohej në publik për reformën në drejtësi.

Lidhur me konstatimin për shumën e dhënë në vlerë më të madhe se ajo e tregut, Mane argumentoi se çmimet vendosen me marrëveshje mes palëve dhe se nuk ka ndonjë normë që t’i rregullojë ato. Subjekti solli në vëmendje faktin se banesa gjendet në qytetin e Beratit që mbrohet nga UNESCO dhe se ka një zhvillim të vrullshëm në tregun e shitblerjeve të pasurive të paluajtshme.

Po ashtu, shtoi se ai kishte kryer dhe investime në banesë, duke theksuar se e kishte deklaruar një fakt të tillë dhe kredinë që kishte marrë për të kryer përmirësimet në shtëpinë në Berat.

Për konstatimin e drejtuesit të SPAK se apartamenti në Fier është blerë për një vlerë më të ulët nga ajo e tregut, subjekti deklaroi se porosia ishte kryer në vitin 2009. Ai shtoi dhe faktin se banesa gjendej në dy kullat e pallatit dhe për rrjedhojë kishte dëmtime të vazhdueshme. Mane pohoi se nuk kishte pasur ndonjë çështje me palë shoqërinë ndërtuese apo pronarin e saj. Subjekti tha në vijim se kishte dorëzuar dhe kontrata të tjera që janë me çmim të njëjtë si ai i apartamentit të tij.

Lidhur me gjetjet për kontratat e furnizimit me energji elektrike, subjekti deklaroi se të katër përgjigjet e OSHEE vërtetojnë fiktivitetin në vendosjen e emrit të tij në një kontratë që nuk ekziston.

Lidhur me konstatimet në kriterin e figurës, prokurori Xholi deklaroi se subjekti nuk arriti dot të provonte të kundërtën për përdorimin e automjeteve të personave për të cilët rezultojnë dy episode me të dhëna problematike.

Prokurori Mane deklaroi se pretendimet e drejtuesit të SPAK janë të pabazuara, pasi nga verifikimet ka rezultuar se të gjithë personat, mjetet e të cilëve ka përdorur rezultojnë pa procedime penale.

Në aspektin profesional, Xholi paraqiti qëndrimet për disa çështje penale të hetuara nga subjekti. Sipas Xholit, rezulton se subjekti nuk ka ndërmarrë veprime hetimore logjike dhe nuk ka zbatuar urdhërimet e gjykatës. Në një rast të zgjatjes së hetimeve nuk ka përcaktuar veprimet hetimore që duhej të kryente.

Xholi kërkoi që mangësitë profesionale të konsiderohen së bashku me gjetjet e tjera për pasurinë që sipas tij çojnë në shkarkimin e subjektit nga detyra.

Mane i kundërshtoi si të pabazuar edhe gjetjet për profesionalizmin. Ai tha se çështjet janë ende në gjykim në Apel. Po ashtu, subjekti shtoi se për këto çështje është kryer ankim dhe në ILD dhe ky institucion ka konkluduar se nuk gjendeshin shkelje disiplinore.

Në përfundim, prokurori Genci Mane kërkoi lënien në fuqi të vendimit të Komisionit për konfirmimin e tij në detyrë.

Trupi gjykues i Kolegji u tërhoq për marrjen e vendimit që njoftoi se do e shpallë më datë 29 korrik, në orën 14:00./Reporter.al

The post Drejtuesi i SPAK kërkon shkarkimin e prokurorit Genci Mane appeared first on Albeu.com.

Një aksident rrugor ka ndodhur mbrëmjen e sotme në hyrje të Fush-Arrëzit. Sipas raportimeve një automjet është përmbysur në mes të rrugës. Si pasojë ka mbetur i plagosur drejtuesi 18 vjeç, M.Fusha.

Dyshohet se shkak për aksidentin është bërë shpejtësia më të cilin i riu po lëvizte i riu me makinë.

Ndërkohë policia dhe grupi hetimor ndodhen në vendngjarje për të zbardhur rrethanat e plota të aksidentit.

The post Aksident në hyrje të Fushë- Arrëzit/ Një automjet përmbyset në mes të rrugës, plagoset drejtuesi 18-vjeç appeared first on Albeu.com.

Anesti Rama 56 vjeç u vra në mënyrë makabër nga vajza e tij Emanilda Rama 26 vjeç në Fier. Burime bëjnë me dije se vajza e ka kryer krimin në bashkëpunim me të ëmën. Nënë e bijë, tentuan të fshehin vrasjen duke thënë se Anesti Rama vdiq në mënyrë aksidentale.

Gazetarja Laureta Roshi ka bërë me dije se 56-vjeçari është masakruar në pjesët intime. Sipas gazetares, këto detaje dalin nga raporti mjekoligjor që tregojn se si ishte masakruar Anesti Rama. Sakaq, gazetarja bën me dije se sipas fqinjëve, asnjë prej tyre nuk kishte probleme mendore.

“Ngjarja është makabër. Policia ka qenë shumë diskrete. Pasi përfundoi të gjithë hetimin me metodat e veta dhe ka bërë ekzaminimin mjekoligjor ka dalë në përfundimin që është vrasje në bashkëpunim mes vajzës dhe nënës. U përpoqën të zhdukin gjurmët e krimit.

Kufoma është masakruar në pjesët intime. Makabritet. Tregon inat të akumuluar. Pyetjet e para që bëra ishte se kanë jetuar tre veta në shtëpi.

Nuk kanë shfaqur probleme të shëndetit mendor. Mesa duket muret e familjes shqiptare janë tronditur fort. Policia u tregua e kujdesshme. Asgjë nuk ka dalë nga dosja hetimore përveç lajmit për krim në bashkëpunim.”-tha gazetarja Roshi.

The post Vrasja makabër e Anesti Ramës nga vajza dhe gruaja, gazetarja zbulon detajet tronditëse: Ishte masakruar në pjesët intime appeared first on Albeu.com.

3 banesa janë djegur në fshatin Kakavijë, shumë pranë edhe me doganën që lidh vendin tonë me Greqinë.

Si pasojë e situatës së krijuar, qarkullimi i mjeteve për efekt sigurie për qytetarët u ndërpre për gati 60 minuta.

Dhimitraq Toli, kryetari i Bashkisë Dropull, u shpreh se situata u vendos nën kontroll falë angazhimit të forcave të repartit zjarrfikës, por edhe mbërritjes së dy avionëve nga shteti fqinj.

Për fat të mirë, nuk raportohen dëme në njerëz, ndërsa lëvizja vijon normalisht pranë pikës kufitare./A2

The post Digjen 3 shtëpi në Kakavijë, ndërpritet për 1 orë qarkullimi i mjeteve appeared first on Albeu.com.

Bota e mundjes është në zi pasi është bërë i ditur një lajm tepër i trishtë. Terry Eugene Bollea është ndarë nga jeta ditën e sotme në moshën 71-vjeçare.

Siç bën me dije, “TMZ Sports”, ish-mundësi profesionist humbi jetën për shkak të një arresti kardiak. Shërbimet e urgjencës nxituan në vendngjarje, por nuk mundën dot të bënin asgjë për të rikhyer në jetë Hulk Hoganin.

Vetëm pak javë më parë, bashkëshortja e tij deklaroi se 71-vjeçari po shërohej nga një operacion në qafë, duke mohuar thashethemet se Hogan ishte në koma.

Hulk Hogan ishte nëj mundës profesionit tepër i njohur në vitet 80’. Një nga mundësit më ikonik dhe me karakteristika të veçanta në kohën e tij, sot mbylli sytë përgjithmonë.

The post Bota e mundjes në zi, legjenda e WWE, Hulk Hogan, ndahet nga jeta në moshën 71-vjeçare appeared first on Albeu.com.

Trupi i pajetë i 16-vjeçarit që u mbyt mesditën e sotme në Lagunën e Patokut është gjetur nga polumbarët pas disa orësh kërkime.

I riu është mbytur pas i u fut me bashkëmoshatarin e tij për t’u larë në det, duke kaluar përmes kanalit që lidh lagunën e Patokut me detin.

16-vjeçari tjetër është transportuar në spital për ndihmë mjekësore, ndërsa grupi hetimor vijon me hetimet për zbardhjen e ngjarjes së rëndë.

The post U mbyt teksa po lahej me bashkëmoshatarin e tij në Lagunën e Patokut, gjendet trupi pajetë i 16-vjeçarit appeared first on Albeu.com.

Ferdinant Rama, vëllai i 56-vjeçarit që u vra nga e bija në Fier, ka folur për mediat lidhur me ngjarjen e rëndë. Ai ka treguar se Anesti nuk shkonte mirë më gruan sepse ajo nuk e donte. Rama tha se çifti kishin dy vajza, ndërsa shtoi se lajmin e kishte mësuar nga kunata. Ai u shpreh më tej se kishte mbi dy vite që nuk fliste me të vëllanë sepse nuk e lintë gruaja.

“E kemi ditur dhe më përpara, nuk shkonin, ajo thoshte nuk e dua burrin. Thoshte merreni dhe mbajeni ju, merrni pensionin e bëni çfarë të doni, unë nuk e dua. Çifti ka dy fëmijë, dy vajza. Unë e mësova nga kunata, lajmëroi gruan time e mori në telefon edhe tha që ka vdekur Anesti. Kam rreth 2 vjet e gjysmë që nuk flisja me vëllanë, se nuk na linte ajo të llafoseshim. E dija që nuk shkonin mirë. Pyesja vëllain tjetër, i them si është Anesti”, ka treguar Ferdinant Rama.

26-vjeçarja, Emalinda Rama është arrestuar ditën e sotme pasi akuzohet se ka mbytur me tel babanë e saj, 56-vjeçarin, Anesti Rama. Ngjarja ishte kallëzuar nga vajza fillimisht në polici si aksidentale, ndërsa pas veprimeve hetimore u zbulua se autorja ishte vetë ajo. Kjo e fundit më pas ka pranuar krimin dhe është shprehur se e ka vrarë sepse i ati ishte fanatik dhe nuk e linte të vishej si donte ajo apo të diltë. E reja ishte ndarë nga partneri pak kohë më parë dhe jetontë Ndërkohë në polici është shoqëruar dhe Valbona Rama nëna e vajzës, pasi akuzohet se ka pastruar trupin e viktimës, me qëllim inskenimin e vrasjes si aksidentale.

The post Vrasja e 56-vjeçarit nga vajza në Fier/ Flet vëllai i viktimës: Kam rreth 2 vjet e gjysmë që nuk flisja me të, nuk e linte gruaja appeared first on Albeu.com.

Kalimi i mjeteve për hyrje dhe dalje është pezulluar prej disa minutash në zonën e Pustecit në afërsi të doganës së Goricës. Shkak për ndalimin e kalimeve është bërë një zjarr në anën maqedonase, që ka përfshirë të dyja anët e rrugës.

Sipas raportimeve, zjarri shumë afër territorit shqiptar, ndërkohë autoritetet fqinje popunojnë për shuarjen e flakëve dhe ndalimin e zgjerimit të vatrës.

Nga komunikimet e palës shqiptare me atë maqedonase, bëhet me dije se ndalimi i qarkullimit do të jetë vetëm për mjetet e tonazhit të rëndë (kamiona), ndërsa mjetet e tjera mund të vazhdojnë qarkullimin në këtë pikë kufitare. Një njoftim i dytë do të bëhet në vijim sapo qarkullimi të rifillojë pranë kësaj dogane.

The post Zjarri në anën e Maqedonisë së Veriut përfshin dy anët e rrugë, bllokohet kalimi i kamionëve në doganën e Goricës appeared first on Albeu.com.

Zjarri në Delvinë vijon aktiv prej disa orësh, ndërsa ka shkrumbuar sipërfaqe të gjera me kullota në zonën e luginës së Kalasës.

Sipas raportimeve, era e fortë që fryn po favorizon përhapjen e flakëve që tashmë kanë përfshirë disa plantacione me drurë frutorë dhe janë duke iu afruar rrezikshëm masiveve me ullinj në afërsi të fshatit Fushë-Vërri. Një nga drejtimet e përhapjes së zjarrit është faqja e malit të Gjerë, drejt qafës së Skërficës, pranë rrugës nacionale Kardhiq–Delvinë, ndërsa një tjetër krah i flakëve po avancon drejt jugut.

Ndërhyrja e zjarrfikësve nga toka është e vështirë për shkak të terrenit kodrinor dhe malor, dhe për këtë arsye dy helikopterë po punojnë për fikjen e zjarrit nga ajri.

Dhjetëra forca zjarrfikëse janë në terren, dhe gjithashtu është kërkuar edhe ndihma e banorëve të fshatrave Kalasë, Tatzat, Fushë-Vërri dhe Vanë për vënien nën kontroll të situatës. Dyshohet se zjarri është ndezur qëllimisht ndërsa po zhvillohen hetime lidhur më këtë.

The post Vatra e zjarrit në Delvinë po përhapet, dy helikopterë ndërhyjnë nga ajri për shuarjen e flakëve appeared first on Albeu.com.

Një krim i rëndë ka ndodhur në familjen Rama në fshatin Frashëri të Fierit. 26-vjeçarja, Emanilda Rama është arrestuar pasi ka mbytur me tel babain e saj dhe në bashkëpunim me nënën, e cila po ashtu është shoqëruar në polici, e ka raportuar ngjarjen si aksident.

Bëhet me dije se vajza e ka pranuar krimin dhe është shprehur se i ati ishte fanatik dhe nuk e lejonte të vishej apo të dilte. Sipas informacioneve, e reja e ka kallëzuar ngjarjen në polici dje rreth orës 23:00 dhe është shprehur se babai i saj, Anesti Rama ka humbur jetën aksidentalisht.

Pas dëshmisë së saj, policia ka ngritur dyshimet se ngjarja mund të mos jetë aksident dhe pas hetimeve ka rezultuar se vajza ishte autorja e krimit. Siç u përmend dhe më sipër, nëna e 26-vjeçares është gjithashtu në polici, pasi dyshohet se ka ndihmuar vajzën të pastrontë trupin e viktimës me qëllim inskenimin e ngjarjes si aksidentale.

The post Mb*ti babanë me tel dhe në bashkëpunim me nënën e raportuan si aksident, 26-vjeçarja: Ishte fanatik, s’më linte të dilja appeared first on Albeu.com.

Një krim brenda familjes ka ndodhur në Fier. Mësohet se 26-vjeçarja Emanilda Rama ka mbytur me tel të atin e saj 56-vjeçar ndërsa ka bërë kallëzim në polici duke thënë se ishte një ngjarje aksidentale.

Policia ka arrestuar edhe nënën e saj me inicialet V.R., 53 vjeçe, pasi dyshohet se ka pastruar trupin e viktimës me qëllim inskenimin e ngjarjes si aksidentale.

Shkaqet dhe rrethanat e krimit janë ende të paqarta ndërsa policia dhe grupi hetimor vijojnë hetimet për rastin në fjalë.

Njoftimi i Policisë

Drejtoria Vendore e Policisë Fier/Si rezultat i hetimeve të shpejta dhe profesionale, zbardhet dinamika dhe autorësia e një krimi në familje.

Vrau babanë e saj, nëpërmjet strangulimit (mbytje me tel), dhe e kallëzoi në polici, rreth mesnatës, si ngjarje aksidentale, arrestohet 26-vjeçarja.

Shoqërohet nëna e saj, pasi dyshohet se ka bashkëpunuar për pastrimin e trupit të 56-vjeçarit të vrarë, me qëllim inskenimin e ngjarjes si aksidentale.

Si rezultat i hetimeve profesionale dhe të shpejta, të kryera nga specialistët e Seksionit për Hetimin e Krimeve të Rënda të Drejtorisë Vendore të Policisë Fier, në bashkëpunim me Prokurorinë e Fierit, pas kallëzimit të shtetases E. R., 26 vjeçe, rreth orës 23:00 të datës 23.07.2025, se babai i saj, shtetasi A. R., 56 vjeç, kishte humbur jetën aksidentalisht, në banesën e tyre, në fshatin Frashër, u finalizua operacioni “Inskenimi”.

Shërbimet e Policisë, gjatë deponimit të 26-vjeçares dhe gjatë veprimeve të para hetimore, kanë krijuar dyshim se humbja e jetës së 56-vjeçarit nuk ishte aksidentale dhe për këtë arsye kanë vijuar hetimet e thelluara.

Gjatë këtyre veprimeve të kryera në koordinim me Prokurorinë e Fierit, ka rezultuar se shtetasja E. R. ka vrarë babanë e saj, shtetasin A. R., për motive të dobëta, me mjet strangulues (mbytur me tel).

Më pas, 26-vjeçarja, dyshohet se në bashkëpunim me nënën e saj, njëkohësisht bashkëshorte e shtetasit A. R., shtetasen V. R., 53 vjeçe, kanë tentuar të pengojnë zbulimin e së vërtetës, duke pastruar trupin e 56-vjeçarit. Pas këtyre veprimeve, shtetasja E. R. ka njoftuar Policinë.

53-vjeçarja është aktualisht e shoqëruar në ambientet e Drejtorisë Vendore të Policisë Fier, ku po kryhen veprime të thelluara hetimore për të përcatuar shkallën e përgjegjësisë së saj në lidhje me këtë rast. Në përfundim të veprimeve hetimore do të ketë njoftim shtesë për përgjegjësinë penale të kësaj shtetaseje.

Gjithashtu, vijojnë hetimet, në drejtimin e Prokurorisë, me qëllim dokumentimin me prova ligjore të të gjitha rrethanave të këtij rasti.

Materialet procedurale iu referuan Prokurorisë së Fierit, për veprime të mëtejshme.

The post Krim në familje në Fier/ 26-vjeçarja mbyt me tel babain, arrestohet si bashkëpuntore dhe nëna appeared first on Albeu.com.

Një ngjarje e rëndë ka ndodhur në Luginën e Patokut, pasditen e kësaj të enjteje. Dy 16-vjeçarë kanë hyrë në det për t’u larë, duke kaluar përmes kanalit që lidh lagunën me detin ata janë marrë nga rrjedha e fortë dhe nuk kanë mundur të dalin më.

Një prej tyre është nxjerrë në gjendje të rëndë për jetën dhe po transportohet me urgjencë në spital. Ndërsa trupi i të miturit tjetër nuk po gjendet ende.

Policia e Kurbin ajo Kufitare dhe RENEA janë mobilizuar në zonë për gjetjen e trupit të pajetë të të miturit.

Informacion paraprak

Sot, më datë 24.07.2025, rreth orës 15:00, në lagunën e Patokut, dy 16-vjeçarë kanë hyrë për t’u larë në det, duke kaluar përmes kanalit që lidh lagunën me detin.

Ndërsa ishin duke u larë, njëri prej tyre është nxjerrë nga uji dhe është transportuar në spital për ndihmë mjekësore, ndërsa 16-vjeçari tjetër dyshohet se është mbytur dhe trupi i tij nuk është gjetur ende.

Në vendngjarje ndodhen shërbimet e Komisariatit të Policisë Kurbin dhe të Policisë Kufitare, si dhe është kërkuar ndërhyrja e polumbarëve të Renea-s, për kërkimin dhe gjetjen e trupit.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

The post Tragjedi në Lagunën e Patokut, dy 16-vjeçarë futen për tu larë, por nuk dalin më/ Polumbarët e RENEA shpëtojnë njërin, turpi i tjetrit nuk gjendet appeared first on Albeu.com.

Kolegji Zgjedhor Gjyqësor, në një seancë të zhvilluar sot në ambientet e Gjykatës Administrative të Apelit, ka shqyrtuar kërkesëpadinë e Koalicionit A.B.E.O.K., e përfaqësuar nga Partia Bashkimi Popullor i Pensionistëve Shqiptarë dhe kryetari i saj, Selami Jenishehri, kundër Komisionit Qendror të Zgjedhjeve (KQZ).

Padia, e regjistruar me Nr.27 datë 22.07.2025, kishte si objekt kërkesën për detyrimin e KQZ-së të shqyrtonte një ankim të mëparshëm të Koalicionit, të dorëzuar më 30.06.2025, me nr. protokolli 53531. Paditësi bazohej në nenin 145/2 të Kodit Zgjedhor, i cili përcakton detyrimin e KQZ-së për të vendosur mbi ankimet brenda afateve ligjore.

Çështja u shqyrtua nga trupi gjykues i përbërë nga gjyqtarët Rexhep Bekteshi (relator), Entela Shedula, Enkel Peza, Ornela Naqellari dhe Artan Çupi.

‘Në përfundim të shqyrtimit, me vendimin Nr.24, datë 24.07.2025, Kolegji Zgjedhor vendosi unanimisht: Pushimin e gjykimit të çështjes; Gjobitjen e përfaqësuesit Selami Jenishehri me shumën 50.000 lekë, për paraqitje të një ankimi të konsideruar abuziv; Vendimi është i formës së prerë dhe nuk lejohet ankim ndaj tij, përveç pjesës që ka të bëjë me gjobën, ku lejohet ankim i veçantë pranë të njëjtës trupë gjykuese’, thuhet në njoftim.

Edhe më 3 prill, Kolegji Zgjedhor Gjyqësor gjobiti për padi abuzive Partinë Bashkimi Popullor i Pensionistëve Shqiptarë, me kryetar ish-ideputet Selami Jenishehrin, në masën 50 mijë lekë. Më 12 mars të këtij viti, Jenishehri ankimoi në Apelin Administrativ zgjedhjet parlamentare të vitit 2021, duke kërkuar “zhbërjen” e tyre, 4 vite pasi u zhvilluan.

The post Ankimoi zgjedhjet parlamentare të 2021 dhe kërkoi ‘zhbërjen’ e tyre, KZGJ gjobit me 50 mijë lekë Selami Jenisherin appeared first on Albeu.com.

Gjykata e Lartë ka rrëzuar rekursin e Florenc Çapjas, i cili është dënuar me burgim të përjetshëm për vrasjen e së Gentian dhe Nezir Beqirit (babë e bir) në vitin 2012 në Elbasan.

Çapja u ekstradua nga Dubai më 2 maj të këtij viti, dhe ndaj tij rëndon një masë sigurie në mungesë për akuzën e “sigurimit të kushteve për vrasje” në dëm të Sokol Sanxhaktarit, dhëndrit të ish-kryebashkiakut të Elbasanit Qazim Sejdini, plan që nuk u realizua.

“Gjykata e Posaçme ka caktuar masën e sigurisë arrest në burg, lidhur me dosjen “Plumbi i artë”. Çapja është ekstraduar dy ditë më parë nga Dubai”.

Florenc Çapja dyshohet se dha porosi për vrasjen e Nezir dhe Gentian Beqiri, babë e bir, ngjarje e ndodhur në vitin 2012.

The post U ekstradua nga Dubai, Gjykata e Lartë rrëzon rekursin e Florenc Çapjas! I dënuari me burg përjetë mbetet në qeli appeared first on Albeu.com.

Dashi

Dashuria: Kjo është një ditë e keqe, por që do përmirësohet në vijim. Do të shtyheni të flisni me të dashurin, sepse qielli është vërtet magjik për ju. Nëse jeni beqarë dhe keni qëndruar vetëm për një kohë të gjatë, do të keni mundësi për njohje.

Puna: Lajm i mirë në frontin e punës, së shpejti do të ketë lajme të tjera që do t’ju bëjnë shumë të lumtur.

Demi

Dashuria: Sot shanset për të gjetur dashurinë nëse jeni beqar ose po e jetoni atë në një mënyrë më të pakujdesshme nëse po jetoni një marrëdhënie solide mund të rriten. Dita ju fton të përjetoni marrëdhënie në një mënyrë shumë më spontane. Venusi është në anën tuaj.

Puna: Dikush mund të ju bëjë një ofertë tërheqëse për punë, por shmangni lënien e të sigurtës.

Binjakët

Dashuria: Ditë interesante falë Hënës në aspekt të mirë. Një periudhë vërtet pozitive do të fillojë për ju, do të gjeni zgjidhje për problemet që dukeshin të pamundura për t’u zgjidhur. Suksese në dashuri për zemrat e vetmuara.

Puna: Sot do të jetë e rëndësishme të punoni për gjërat që mund të bëni. Kushdo që ka një biznes të vetin mund të ketë një kënaqësi shtesë.

Gaforrja

Dashuria: Dita ju fton të lidheni me të tjerët në një mënyrë pozitive dhe të fitoni një sfidë në sferën emocionale. Do të jetë mirë t’i jepeni pasionit pa hezitim. Edhe për beqarët sot është një ditë e ngjarjeve të shkëlqyera, shumë takime.

Puna: Rritja e biznesit për ata që kanë vendosur të mos ndalen dhe të vazhdojnë rrugën e tyre. Ndonjëherë dëgjimi i instinktit shërben.

Luani

Dashuria: Para se të bëni polemikë për diçka që nuk ka themel, hapni sytë. Mos e derdhni zemërimin që keni me dikë tjetër në dashuri. Beqarët do luftojnë për të imponuar zërin e tyre dhe dikush do të jetë në gjendje të keqkuptojë disa fjali të paqarta.

Puna: Në këtë periudhë jeni mjaft nervoz, mbase një marrëveshje nuk shkoi mirë dhe kjo ju bën të hutoheni.

Virgjëresha

Dashuria: Sot disa ide mund t’ju vijnë në kokë. Kushdo që ka përjetuar një krizë ose ka qenë gabim mund të zemërohet. Mos harroni të dëgjoni ndjenjat tuaja. Beqarët do duhet të qëndrojnë pranë një personi që nuk dëshiron të heqë dorë.

Puna: Sot do t’ju duhet t’i kushtoni vëmendje marrëdhënieve profesionale. Disa marrëveshje duhet të trajtohen me kujdes që të jenë në gjendje të kalojnë.

Peshorja

Dashuria: Në këtë ditë ju mund të përfitoni nga më pak angazhime për t’ju kushtuar më shumë kohë planifikimit të gjërave që duhet të bëni. Dashuria vazhdon në mënyrë paqësore. Nëse jeni beqarë dhe doni të takoni njerëz të rinj, thjesht duhet të kapni mundësitë!

Puna: Reflektoni për atë që nuk është e mirë për ju dhe do të jeni në gjendje të përpunoni një pikë kthese. Me kundërshtimin e Jupiterit nuk është e thjeshtë të gjesh zgjidhje.

Akrepi

Dashuria: Sot disa nga ju do të rizbulojnë dëshirën për të dashur dhe do të jenë më të prirur ta lini veten të lirë. Mos u tregoni shumë të kujdesshëm ndaj të tjerëve. Beqarët do duhet të shtyjnë një takim të rëndësishëm për shkak të një pengese.

Puna: Perspektiva të mira profesionale, surpriza të reja dhe kontrata pune fitimprurëse janë në rrugë e sipër.

Shigjetari

Dashuria: Dita e mahnitshme, erosi është duke u rritur dhe keqkuptimet me partnerin janë ulur. Midis kaq shumë butësive ju do të keni sukses të bëni të harroni disa nga dështimet tuaja! Për beqarët do jetë një ditë e këndshme plot lajme, takime të shkëlqyera në mbrëmje.

Puna: Dita do të dëshmojë të jetë e rëndësishme financiarisht, sot do të keni të ardhura të shkëlqyera që do t’ju kënaqin.

Bricjapi

Dashuria: Nuk mund të përjashtohet që sot dikush të ndjehet mire. Marsi nuk do të jetë më në kundërshtim në shenjën tuaj. Sot do të jetë dita e duhur për të folur me partnerin. Gjërat po bëhen më të mira për beqarët, diçka e re për të gjithë sot.

Puna: Dikush do të marrë lajme të mira në frontin e punës, më mirë të marrë atë që ofron jeta e mirë.

Ujori

Dashuria: Me Hënën në shenjën tuaj, kjo ditë duket vërtet interesante. Së shpejti Marsi nuk do të jetë më në kundërshtim dhe për këtë arsye do të keni dritën e gjelbër në marrëdhënie dhe takime. Edhe ata që janë beqarë mund të kenë më shumë zgjidhje.

Puna: Aspekti pozitiv i yjeve mund të ju ndihmojë financiarisht. Lajme të rëndësishme edhe për ata që duhet të kalojnë teste ose provime.

Peshqit

Dashuria: Një ditë e karakterizuar nga një hënë e mirë. Nëse përballeni me diskutime të rënda ose nëse dikush ju kundërshton, është më mirë të flisni tani dhe të mos shtyni diskutimet deri të dielën. Perspektiva të mëdha në jetën private të zemrave të vetmuara, mbase nuk do të jeni më vetëm!

Puna: Ka gjëra që mund të shkaktojnë fërkime të lidhura me punën. Megjithatë ju jeni duke fituar, kështu që mos u shqetësoni.

The post Horoskopi 24 Korrik, ja çfarë kanë parashikuar yjet për ju appeared first on Albeu.com.

Të paktën 10 punonjës kanë humbur jetën teksa luftonin me zjarret në provincën qendrore Eskisehir të Turqisë. Rreth 24 punonjës pyjorë dhe personel vullnetar shpëtimi mbetën të bllokuar brenda zjarrit pas një ndryshimi në drejtimin e erës, tha Ministri i Bujqësisë i Turqisë, Ibrahim Yumakli, në një postim në X.

Pesë punonjës pyjorë dhe pesë vullnetarë nga organizata e shpëtimit AKUT humbën jetën dhe 14 punonjës pyjorë u dërguan në spital, tha ai. Zjarri në distriktin Seyitgazi të provincës filloi të martën në mëngjes dhe filloi të përhapet drejt zonave të afërta, sipas raportimeve të mediave lokale.

Presidenti turk, Recep Tayyip Erdogan, shprehu ngushëllimet e tij për X. “Lutem për mëshirën e Zotit për vëllezërit dhe motrat tona që luftuan me koston e jetës së tyre për të mbrojtur pyjet tona dhe u shpreh ngushëllimet e mia familjeve të tyre dhe kombit tonë”, tha ai.

Ndërkohë, Nebi Hatipoglu, deputeti i zonës tha se komuniteti po përjeton pikëllim të thellë për humbjen e punëtorëve heroikë të pyllit që vdiqën ndërsa luftonin me flakët.

Temperaturat në të gjithë vendin kanë tejkaluar 40 gradë Celsius (104 gradë Fahrenheit) ditët e fundit dhe zjarret aktualisht po digjen në pesë zona – Sakarya, Bilecik, Eskisehir, Izmir, Karabuk dhe Manisa.

Qindra zjarre kanë shpërthyer në të gjithë Turqinë këtë verë, duke detyruar dhjetëra mijëra njerëz të evakuohen nga shtëpitë e tyre. Shoqata e Kërkim-Shpëtimit AKUT është një organizatë joqeveritare për ndihmë në kërkim-shpëtim në rast fatkeqësish.

The post Dhjetë punëtorë humbin jetën duke luftuar me zjarret në Turqi appeared first on Albeu.com.

I ftuar sot në emisionin “Live From Tirana” me Ronaldo Sharkën ka qenë Jozefin Marku. Ish-banori i edicionit të katërt të “Big Brother VIP” ka zbuluar ekskluzivisht më shumë detaje në lidhje me karrierën muzikore, projektet që do të vijnë, jetën personale dhe jo vetëm kaq…

Gjatë qëndrimit në shtëpinë e “Big Brother VIP” historia e tij e dashurisë me Loredanën ka qenë në qendër të vëmendjes, por edhe pas përfundimit të reality show-t, marrëdhënia e tyre ka ngjallur interes të madh. Jozi vendosi që të sqaronte gjithçka ekskluzivisht në radio. Ai madje konfirmoi edhe lidhjen e re të dashurisë.

Teksa u ndalën gjatë intervistës tek “Big Brother VIP”, Ronaldo e pyeti në lidhje me Gjestin dhe Jozi u përgjigj duke thënë se nuk ka pasur fare kontakt me të dhe se një bashkëpunim mes tyre do të ishte i pamundur.

Pjesë nga biseda:

Ronaldo: Ke komunikuar me Gjestin?

Jozi: Kurrë.

Ronaldo: Kurrë pas “Big Brother”-it?

Jozi: Anjëherë, zero.

Ronaldo: Keni rastisur ndokund?

Jozi: Jo. Asnjëherë.

Ronaldo: Po nëse menaxheri yt ose i Gjestit thotë që ju të bëni një këngë të dy? Do ta bënit?

Jozi: Këngë të dy është e pamundur mendoj.

Ronaldo: Pse? Ne jemi popull që dimë të falim…

Jozi: Patjetër që po, shumë ok për atë. E shoh diçka të pamundur. Nëse duam të themi gjëra kot po mund të themi por…

Ronaldo: Do të jesh i sinqertë në raport me publikun?

Jozi: Po.

Ronaldo: Zero shanse për bashkëpunime. As një mesazh ose nuk keni rastisur ndonjëherë në korridoret e Top Channel?

Jozi: Anjëherë, nuk e di po si duket na i bëjnë këto oraret unë paradite ai pasdite.

The post Është takuar dhe do të ketë një bashkëpunim me Gjestin? Joz Marku jep pergjigjen e papritur appeared first on Albeu.com.

Një aksident i rëndë ka ndodhur në aksin Lezhë-Shkodër, në afërsi të fshatit Fishtë.

Një automjet është përplasur me një trailer me targa Serbie dhe për pasojë ka dalë nga rruga duke përfunduar në kanal. Një person ka mbetur i vdekur, ndërsa 4 të tjerë janë plagosur rëndë.

Janë banorët e zonës dhe kalimtarë të rastësishëm që kanë bërë të mundur nxjerrjen e të lënduarve. Në vendngjarje kanë mbërritur policia dhe zjarrfikësja.

The post Aksident i rëndë në Lezhë, automjeti përplaset me një trailer,1 i vdekur dhe 4 të plagosur rëndë appeared first on Albeu.com.

Presidenti francez Emmanuel Macron dhe bashkëshortja e tij, Brigitte, ngritën të mërkurën një padi me 22 akuza për shpifje në Shtetet e Bashkuara kundër podkasteres së krahut të djathtë Candace Owens, lidhur me pretendimin se Brigitte mund të jetë burrë.

Padia e ngritur në Gjykatën e Lartë të Delaware pretendon se Owens ka transmetuar “një fushatë të pamëshirshme njëvjeçare shpifjeje kundër familjes Macron”, sipas një deklarate nga Tom Clare, avokati i familjes Macron.

Në mars, komentatorja konservatore Candace Owens ringjalli një teori absurde konspiracioni me një video në YouTube të titulluar “A është Zonja e Parë e Francës një burrë?”, sipas padisë.

E promovuar gjerësisht në X, Owens tha se teoria e konspiracionit ishte “ndoshta skandali më i madh në historinë politike”.

Që atëherë, Owens ka prodhuar video të shumta rreth Brigitte Macron për gati 4.5 milionë abonentët e saj në YouTube, përfshirë një serial me shumë pjesë të quajtur “Becoming Brigitte”.

Padia pretendon më tej se ajo ka shitur edhe mallra që promovojnë pretendimin.

The post Macron padit influenceren amerikane Candace Owens për pretendimet se gruaja e tij është burrë appeared first on Albeu.com.

48 orët e fundit, strukturat policore në Sarandës kanë kaluar në gjendje gatishmërie.

Si fillim forcat “RENEA”, në të gdhirë të 23 korrikut, krehën nga deti e toka një pjesë të konsiderueshme të zonave të braktisuara të periferisë, me qëllim kapjen e të paktën 5 personave të kërkuar, njëri prej të cilëve i paidentifikuar, të përfshirë në dy ngjarje me përdorim arme zjarri dhe një tjetër me shpërthim eksplozivi, në harkun kohor të 5 ditëve.

Ndërsa mbrëmjen e 23 korrikut, dy automjete civile me efektivë të operacionales së Vlorës, siç duket edhe në pamjet që sjell BalkanËeb, ndalonin në ecje makina të rastësishme në akset më turistike të Sarandës dhe Ksamilit.

Komisariati i Sarandës po mundohet të përballojë elemente të armatosura me strukturën e një komisariati të vogël, ku veprat penale të rënda dhe ato të krimit të organizuar, tashmë hetohen nga Drejtoria e Vlorës.

Strukturat kundër krimit të organizuar në Vlorë e Tiranë kanë buxhetin, specialistët dhe teknologjinë për të goditur këto grupe. Kanë qasje në survejim të sofistikuar, në bashkëpunim ndërkombëtar dhe në metoda hetimi.

Shkak është bërë vendimi për ndryshimin e strukturës në një Komisariat që mbulon të paktën 4 Bashki. Lënia e një barre kaq të madhe për një Komisariat të vogël, i shton më shumë problemet.

Fokusimi i këtyre ditëve i efektivit të Komisariatit tek ngjarjet e rënda, ka lënë zbuluar menaxhimin e trafikut në qytet, menaxhimin e plazheve apo trajtimin e konflikteve të vogla, që nesër mund të kenë pasoja më të mëdha.

The post Ngjarjet kriminale të ditëve të fundit, RENEA dhe Operacionalja kontrolle në Sarandë/ Në ndjekje të 5 personave në kërkim appeared first on Albeu.com.