Gjatë vizitës në SHBA nga 27 deri më 29 gusht, zv/Ministri i Tregtisë i Kinës dhe përfaqësuesi për negociatat tregtare Li Chenggang shkëmbeu mendime me zyrtarë të Departamentit të Thesarit, të Departamentit të Tregtisë dhe Zyrës së Përfaqësuesve Tregtarë të ShBA-së për marrëdhëniet dypalëshe ekonomiko-tregtare.

Sipas një deklarate të bërë nga Ministria Kineze e Tregtisë, të dy palët shkëmbyen mendime për zbatimin e konsensusit të arritur midis dy liderëve kinezë dhe amerikanë gjatë bisedës telefonike më 5 qershor, promovimin e marrëdhënieve dypalëshe ekonomiko-tregtare dhe vazhdimin e bisedimeve pasuese dypalëshe ekonomiko-tregtare.

Li Chenggang theksoi se të dyja palët duhet ta shfrytëzojnë plotësisht mekanizmin e konsultimeve ekonomiko-tregtare Kinë-SHBA, të menaxhojnë mosmarrëveshjet përmes dialogut dhe konsultimeve të barabarta dhe të zgjerojnë bashkëpunimin për të promovuar zhvillimin e shëndetshëm, të qëndrueshëm dhe të vazhdueshëm të marrëdhënieve dypalëshe ekonomiko-tregtare.

The post Kina dhe SHBA shkëmbejnë mendime mbi çështjet tregtare first appeared on JavaNews.al.

Stuhia e shoqëruar me reshje shiu ka përfshirë juglindjen e vendit, duke shkaktuar probleme në qytetin e Maliqit.

Era e fortë ka rrëzuar disa pemë përgjatë bulevardit kryesor, duke krijuar vështirësi në qarkullim.

Në terren ndodhen forcat zjarrfikëse dhe punonjës të shërbimeve, të cilët po punojnë për pastrimin e rrugës dhe normalizimin e situatës.

Autoritetet u bëjnë apel qytetarëve për kujdes gjatë lëvizjes, për shkak të motit të paqëndrueshëm.

The post Moti me reshje shiu në jug-lindje të vendit, shkaktohen dëme në Maliq first appeared on JavaNews.al.

Ministri i Drejtësisë, Ulsi Manja, është futur në mes të replikave Edi Rama dhe KLGJ-së, vetëm një ditë pasi kjo e fundit mori në mbrojtje gjyqtarët e vendit pas postimeve krikuese të kryeministrit.

Manja, përmes një postimi në rrjete sociale, e nis fillimisht duke thënë se “Nga padrejtësia nuk lind e drejta: beteja për territorin dhe Shqipërinë europiane!”

“Nga padrejtësia nuk lind e drejta: beteja për territorin dhe Shqipërinë europiane!

Që në momentin kur nisi prishja e ndërtimeve pa leje në Theth, shumëkush mendoi se kjo ishte një tekë vere e Edi Ramës. Një lojë politike, një manovër për të tërhequr vëmendjen e publikut nga temat e ditës apo aktualiteti politik.
Por koha po tregon, dhe do të tregojë deri në fund, se nuk është as kështu e as ashtu. Kjo është një betejë vizioni. Një betejë që lidhet drejtpërdrejt me horizontin e Shqipërisë 2030 në Bashkimin Europian.

Sepse është fare e thjeshtë. Dhe këtë më mirë se kushdo e dinë shqiptarët që jetojnë e punojnë prej dekadash në vendet e BE-së: në Europë nuk hyhet me ndërtime pa leje, me kioska dhe tenda metalike që zaptojnë hapësirën publike, që bllokojnë hyrjet e pallateve, me qoftehane mbi trotuarë, me tarraca pallatesh të kthyer në bahçe apo pemtore të paligjshme, me ndërtues që shesin tre herë të njëjtin apartament, me kasapë që therin bagëti pas dyqanit në mes të qytetit, me varreza makinash, me karburante të braktisura buzë çdo rruge kombëtare, me plehra që hidhen sa andej e këtej në çdo cep të Shqipërisë, pa pyetur fare për ndotje mjedisi apo prishje imazhi turizmi. Shkurt, në BE nuk shkohet me shtet rrumpallë, por me shtet rregullash, institucione të përgjegjshme dhe sundim ligji.

Prandaj të gjithë ata “vajtues publikë” që përpiqen ta paraqesin këtë operacion si një konflikt personal mes kryeministrit dhe qytetarëve, mes qeverisë dhe drejtësisë, apo si hakmarrje politike ndaj individëve e bizneseve, nuk bëjnë gjë tjetër veçse helmojnë publikun. Në fakt, ata janë tregtarët e paligjshmërisë, që duan të mbajnë gjallë kaosin, sepse vetëm aty gjejnë oksigjenin e tyre politik dhe ekonomik. E vërteta është krejt tjetër: në territor sot po ndeshen dy palë dhe vetëm dy — interesi publik dhe paligjshmëria e kthyer në mentalitet.

Në këtë betejë, Edi Rama ka mandat popullor për të qenë në krahun e së mirës së përbashkët. Dhe në këtë betejë ai i ka ftuar të gjithë: prokurorinë, gjyqësorin, çdo qytetar që beson se nuk ka Shqipëri europiane mbi themelet e kaosit. Ai nuk po sulmon askënd; përkundrazi, po i thërret të gjithë në luftë kundër paligjshmërisë. Sepse një ndërtim pa leje është i paligjshëm edhe në pronën tënde, jo më në tokën e përbashkët apo në pronën e tjetrit.

Si mundet, pra, që dikush që ngrihet në krah të ligjit të akuzohet si intimidues? Si mund të quhet cenim i drejtësisë kur thua thjesht: mos na pengoni të pastrojmë vendin nga ndërtimet pa leje dhe nga çdolloj paligjshmërie tjetër?
Që nga Roma e lashtë kemi trashëguar një postulat të hekurt: “Ex iniuria ius non oritur” – nga padrejtësia nuk lind e drejta. Dhe ky është thelbi: një gjë e paligjshme, një pronë e grabitur, një ndërtim pa leje, nuk mund të bëhet kurrë e ligjshme, kurrë jotja.

Prandaj, nëse ka përplasje sot, ajo nuk është Rama kundër drejtësisë, as Rama kundër qytetarëve, por e mira kundër së keqes. Dhe në këtë betejë, mandati i katërt është zotimi për të vendosur kontroll mbi territorin me çdo mjet ligjor, për t’i dhënë fund kaosit dhe ndotjes — jo vetëm në hapësirat publike, por edhe në mentalitetin e atyre që ende mendojnë se janë mbi ligjin.

Është e thjeshtë krejt! Dhe sot, më shumë se kurrë, kjo nuk është vetëm beteja e qeverisë. Është beteja e çdo qytetari që do të jetojë në një vend normal, në një Shqipëri të qytetëruar, të barabartë me Europën. Kush mbron paligjshmërinë, mbron prapambetjen. Kush ngrihet për ligjin, ngrihet për të ardhmen. Shqipëria e 2030 nuk ndërtohet mbi rrumpallë, por mbi drejtësi, rregulla dhe respekt të interesit publik.“, shkruan Manja në rrjete sociale.

The post Replikat mes Ramës dhe gjyqësorit, reagon Manja: Shumëkush e mendoi si një tekë vere, por është betejë për… first appeared on JavaNews.al.

Pasojat e stuhisë që përfshiu ditën e sotme vendin tonë, kanë lënë pa energji elektrike zonën e Gjirit të Lalzit, Hamallaj, Manzës dhe Xhafzotajt.

Mësohet se shkak për këtë është bërë dëmtimi i linjës kryesore të furnizimit me energji 110 KË në Durrës.

Mësohet se ekipet e OSHEE ndodhen në terren dhe po punojnë për normalizimin e situatës.

The post Stuhia le pa drita Gjirin e Lalzit, Hamallajn dhe Xhafzotajn first appeared on JavaNews.al.

“Nëse kërcënohemi, nuk do të hezitojmë të përgjigjemi”. Kështu ka deklaruar ministri i Jashtëm turk, Hakan Fidan, në një intervistë televizive, duke folur për kërcënimin që, sipas Ankarasë, vjen nga “çmenduria e Hitlerit” që ka prekur qeverinë e shtetit të Izraelit, politikat e së cilit rrezikojnë stabilitetin e të gjithë rajonit.

“Nuk kemi ndërmend të sulmojmë askënd, përveç nëse do të kërcënohemi. Në atë rast nuk do të tërhiqemi dhe përgjigja jonë nuk do të vonojë”, tha Fidan. “Mesazhi ynë është i qartë dhe i drejtohet të gjithëve: mos u tregoni armiqësorë ndaj nesh dhe ne nuk do të jemi armiqësorë ndaj jush. Por nëse dikush guxon të na kërcënojë, do të përballet me pasojat”, theksoi ministri i Jashtëm turk.

Reagimi vjen një ditë pasi Fidan njoftoi se Ankaraja ka ndërprerë të gjitha lidhjet tregtare me Izraelin, ka ndaluar anijet turke të ankorohen në portet izraelite dhe ka mbyllur hapësirën ajrore për avionët izraelitë.

Ministri i Jashtëm turk e bëri këtë deklaratë gjatë një seance të jashtëzakonshme të parlamentit turk të thirrur për situatën në Gaza.

“Turqia ka ndërprerë çdo formë tregtie me Izraelin, anijet tona nuk do të ndalen më në portet izraelite dhe asnjë avion izraelit nuk do të mund të përdorë hapësirën ajrore turke”, tha Fidan, duke ritheksuar se vendimi vinte si përgjigje ndaj ofensivës së Izraelit në Rripin e Gazës.

Ky është një hap tjetër i ashpër në marrëdhëniet mes dy vendeve, pas vendimeve të mëparshme të qeverisë turke për të kufizuar lidhjet diplomatike e ekonomike me Izraelin.

Kujtojmë se në maj 2024, Turqia ndërpreu të gjitha lidhjet tregtare me Izraelin, duke ndaluar eksportet dhe importet, përfshirë produkte kyçe si çelik, çimento dhe aviacion. Ky hap erdhi pas refuzimit të Izraelit për të lejuar Turqinë të dërgojë ndihma humanitare në Gaza. Presidenti turk, Recep Tayyip Erdoğan, e akuzoi Izraelin për “krime kundër njerëzimit”.

Tanimë, Turqia ndodhet në një pozicion kritik në Lindjen e Mesme, pasi po përballet edhe me sfida të tjera rajonale, përfshirë tensionet me Iranin dhe përpjekjet për të ndërmjetësuar në konflikte të tjera.

The post Turqia paralajmëron Izraelin: Nëse kërcënohemi do të përgjigjemi! first appeared on JavaNews.al.

Stuhia e erës së ditës së sotme ka shkaktuar zjarr në Bazën Ushtarake të NATO-s në qytetin e Kuçovës.

Era e fuqishme ka këputur kabujt e energjisë elektrike dhe si pasoje e kësaj, shkëndijat e kabllove kanë rënë në kontakt me barin e shkurret e thata përreth pistës së aviacionit, duke shkaktuar zjarr.

Zjarri është përhapur me shpejtësi të madhe përreth zonës, i favorizuar nga era e fortë, duke rrezikuar edhe banesat e vilat që ndodhen përreth Bazës Ajrore, në fshatin Moravë.

Në vendngjarje, në ndihmë të forcave ushtarake të kësaj baze ajrore, kanë shkuar 20 forca zjarrëfikëse dhe 4 mjete të Repartit tē MZSH-së Berat.

The post Stuhia këput kabujt elektrikë, zjarr në zonën përreth Bazës Ajrore të NATO-s në Kuçovë first appeared on JavaNews.al.

Një gjykatë federale e apelit në SHBA ka shpallur të paligjshme pjesën më të madhe të tarifave tregtare të vendosura nga presidenti Donald Trump, duke argumentuar se ato përbëjnë tejkalim të kompetencave të tij si president. Bëhet fjalë për tarifat e ashtuquajtura “reciproke”, të cilat u vendosën ndaj pothuajse çdo shteti me të cilin SHBA zhvillon tregti.

Vendimi i së premtes mbështeti një vendim të mëparshëm të Gjykatës së Tregtisë Ndërkombëtare, e cila kishte hedhur poshtë arsyetimin e Trump se tarifat ishin të ligjshme në bazë të International Emergency Economic Powers Act (IEEPA), një ligj emergjence që presidenti përdori gjerësisht gjatë mandatit të tij.

Gjykata theksoi se IEEPA nuk i jep presidentit “të drejtën për të vendosur tarifa, taksa apo ngarkesa të tjera të ngjashme”, por vetëm kompetenca për të marrë masa të tjera ekonomike ndaj kërcënimeve nga jashtë. Në këtë mënyrë, sipas trupit gjykues, tarifat ishin “të pavlefshme dhe në kundërshtim me ligjin”, raporton BBC.

Reagimi i Trump

Donald Trump reagoi menjëherë duke e quajtur vendimin “shumë partizan” dhe një “katastrofë për Amerikën”. Në një postim në platformën e tij Truth Social, ai paralajmëroi se vendimi “do të shkatërronte Shtetet e Bashkuara” nëse lejohet të qëndrojë në fuqi. Ai shtoi se do ta çojë çështjen në Gjykatën e Lartë.

Çfarë është IEEPA?

Ligji i vitit 1977 i jep presidentit amerikan të drejtën të ndërmarrë masa ekonomike në rast emergjencash që kërcënojnë sigurinë kombëtare, politikën e jashtme apo ekonominë. Ky ligj është përdorur edhe nga Barack Obama dhe Joe Biden, kryesisht për të vendosur sanksione ndaj Rusisë pas aneksimit të Krimesë dhe gjatë luftës në Ukrainë.

Megjithatë, sipas gjykatës së apelit, ligji nuk i jep presidentit të drejtë për të vendosur tarifa, pasi kjo kompetencë i përket Kongresit. Trump kishte argumentuar se deficiti tregtar përbënte kërcënim për sigurinë kombëtare, por ky interpretim nuk u pranua nga gjykata.

Pasojat ekonomike dhe politike

Ekspertët paralajmërojnë se vendimi rrezikon të krijojë pasiguri në tregjet ndërkombëtare. Ekonomistja Linda Yueh nga Universiteti i Oksfordit tha për BBC se bizneset mund të shtyjnë marrëveshjet tregtare me SHBA-të derisa Gjykata e Lartë të japë vendimin përfundimtar. Kjo, sipas saj, mund të “ngadalësojë aktivitetin ekonomik”.

Nga ana tjetër, nëse Gjykata e Lartë përmbys vendimin, do të krijohej një precedent i rrezikshëm që do t’i jepte presidentit kompetenca më të gjera në përdorimin e IEEPA. Por gjykata më e lartë ka treguar shpesh se është kritike ndaj tejkalimit të kompetencave presidenciale, edhe kur përbëhet nga një shumicë konservatore.

Çfarë ndodh më tej?

Vendimi aktual lë në fuqi tarifat deri më 14 tetor, duke i dhënë administratës amerikane kohë që të apelojë në Gjykatën e Lartë. Pas asaj date, ato nuk do të jenë më të zbatueshme nëse nuk ka një vendim tjetër.

Në rast se Gjykata e Lartë i shpall tarifat përfundimisht të paligjshme, do të hapet një debat i madh mbi miliarda dollarë të mbledhur nga këto taksa – nëse duhet të kthehen apo jo. Gjithashtu, marrëveshjet tregtare që SHBA ka nënshkruar me Britaninë, Japoninë apo Korenë e Jugut mund të vihen në pikëpyetje, ndërsa negociatat e reja do të futen në kaos.

Megjithatë, tarifat e vendosura mbi çelikun, aluminin dhe bakrin, të cilat u miratuan përmes një tjetër baze ligjore, mbeten në fuqi dhe nuk preken nga ky vendim.

Konteksti politik

Ky proces gjyqësor është një test i rëndësishëm për autoritetin politik të Donald Trump dhe reputacionin e tij si negociator. Një humbje në Gjykatën e Lartë do të ishte një goditje e rëndë për politikën e tij të jashtme dhe ekonomike, ndërsa një fitore do t’i jepte atij fuqi shtesë për të përdorur ligjin e emergjencës më gjerësisht në të ardhmen.

The post Gjykata amerikane shpall të paligjshme tarifat e Trump, çfarë pritet të ndodhë më tej? first appeared on JavaNews.al.

Stuhia me erë të fortë që goditi mesditën e së shtunës vendin tonë ka shkaktuar thyerje pemësh në qytetin e Pogradecit dhe rrethinat e tij.

Dhjetëra pemë të shkulura, tenda të rrëzuara bllokuan disa rrugë të qytetit për disa minuta, por që u larguan me shpejtësi për të normalizuar situatën.

Bëhet me dije se në terren janë disa grupe që po punojnë për të minimizuar dëmet dhe përmirësuar situatën e krijuar.

The post Pemë të thyera, e tenda të rrëzuara, pasojat e stuhisë në Pogradec first appeared on JavaNews.al.

Pas mbylljes se hetimeve, SPAK dërgon ne gjykate si te pandehur Ilir Metën, Monika Kryemadhin dhe 3 persona të tjerë.Ish-presidenti dhe ish-bashkëshortja e tij akuzohen për korrupsion, pastrim parash e fshehje te ardhurash.

SPAK thotë se ata përdorën pushtetin për të favorizuar biznese, në këmbim të shpërblimeve. Avokati i njohur, Romeo Kara, i ftuar në “Ora e Fundit” u shpreh se, Prokuroria e Posaçme është kujdesur që akuzat e ngritura ndaj Metës të aprovohen edhe nga Gjykata, pasi siç thotë ai provat janë kokëforta dhe provojnë veprimtarinë e jashtëligjshme të Metës.

“Tani fillon procesi i gjykimit paraprak dhe palët në këtë gjykim do të shikojnë ligjshmërinë e akteve. Kjo procedurë mund të zgjasë më gjatë se në gjykime të thjeshta, besoj mund të shkojë deri në tre apo katër muaj. SPAK është matur shumë gjatë në këtë proces, mbase nga frika që mos t’i bjerë dhe ndonjë akuzë dhe është munduar t’i justifikojë të gjitha faktet që ka në akuzë”,  tha ai.

Ai theksoi se ish-kreu i shtetit, Ilir Meta rrezikon një dënim  deri në 15 vjet burg. Më tej ai theksoi se drejtësia duhet t’u konfiskojë të gjitha pasuritë dhe përmes kësaj të japë një shembull për të gjitha funksionarët shtetërore.

“Metën e shoh, nëse jo gjykim të shkurtuar, 12 -15, por dhe më shumë vite. Me gjykim të shkurtuar e shoh nga 8-12 vite burg. Në akuzat për korrupsion, Meta ka ortakë.  Mendoj se këtyre duhet t’u konfiskohen të gjitha pasurie. E para se është e merituar. Ne në këtë gjendjet që kemi, në zhbërjen totale të morale, sidomos atij politikë, duhet të japim shembull për ndëshkim të merituar”, u shpreh ai.

The post “Meta rrezikon deri në 15 vjet burg”, avokati: Drejtësia të japë mesazhin e fortë, t’i sekuestrohen të gjitha pasuritë first appeared on JavaNews.al.

Kalaja e Bashtovës është rikthyer sërish në vëmendjen e vizitorëve, pasi ajo ka rihapur dyert nga restaurimet e bëra.

Kreu i qeverisë, Edi Rama, përmes një postimi në rrjete sociale, ka ndarë pamje nga ky monument kulturor i rëndësishëm, ku shfaqen vizitorët apo evente të ndryshme të ndodhura aty. Krahas fotove, Rama shkruan se kjo kala është kthyer tashmë në një hapësirë moderne për kulturën, turizmin dhe zhvillimin e qëndrueshëm të komunitetit.

“Kalaja e Bashtovës, një nga monumentet më të çmuara të trashëgimisë sonë historike, ka rilindur duke hapur dyet për vizitorët, tashmë si një hapësirë moderne për kulturën, turizmin dhe zhvillimin e qëndrueshëm të komunitetit”, shkruan Rama.

Restaurimi i Kalasë së Bashtovës është pjesë e programit të BE-së për kulturën, i cili ka për qëllim rijetëzimin e 21 siteve historike në të gjithë Shqipërinë, duke i kthyer në burime zhvillimi ekonomik dhe social.

Falë bashkëpunimit të ngushtë mes Bashkimit Europian, UNOPS-it dhe institucioneve shqiptare, Kalaja e Bashtovës jo vetëm që është shpëtuar nga degradimi, por është transformuar në një qendër të re kulturore dhe turistike për rajonin.

The post Kalaja e Bashtovës rihap dyert për vizitorët, Rama: Ka rilindur si një hapësirë moderne për kulturën e turizmin first appeared on JavaNews.al.

Mirlind Daku gjeti rrugën e rrjetës dy herë, në ndeshjen e Rubin Kazan ndaj Orenburg në kampionatin rus.

Kjo dopietë vjen në një moment delikat për sulmuesin e Kombëtares. Vetëm një ditë më parë, Daku njoftoi lajmin e hidhur me ndjekësit, për ndarjen nga jeta të gjyshit të tij.

Pikërisht golat e shënuar sot ishin dedikim për të. Pas realizimit të parë, Daku nuk i mbajti dot lotët, ndërsa u mbështet nga shokët e skuadrës.

Sa i përket ndeshjes, Daku i dha avantazhin e dyfishtë Rubin Kazan, por skuadra e shqiptarit u barazua në pjesën e dytë, falë dy realizimeve nga Guzina dhe Thompson.

The post Humbi njeriun e dashur, Daku shënon dopietë dhe nuk i mban dot lotët first appeared on JavaNews.al.

Aksi rrugor “Ura e Stom Golemit – Mes”, një ndër segmentet më të rrezikshme të qarkut Shkodër, po rikthehet me ndriçim pas gati një dekade errësire. Ky aks 4.2 kilometra, i përfunduar në vitin 2015 dhe i pajisur fillimisht me ndriçim, mbeti për vite të tëra pa drita pasi kabulli elektrik u vodh vetëm pak muaj pas përfundimit të punimeve.

Pas shqetësimeve të përsëritura nga komuniteti, Bashkia Shkodër në bashkëpunim me Këshillin e Qarkut ka nisur investimin për rikthimin e ndriçimit. Deri më tani janë shtruar 500 metra kabull elektrik, ndërsa projekti parashikon ndriçimin e plotë të të gjithë aksit.

Mungesa e ndriçimit e ka bërë këtë rrugë një ndër më problematiket për aksidente me pasojë të rëndë, duke rrezikuar jetën e qindra drejtuesve dhe banorëve të zonës.

“Në këtë rrugë janë bërë shumë aksidente por tani po vendoset ndriçimi i rrugës”, u shpreh një qytetar.

Ky investim synon jo vetëm përmirësimin e sigurisë rrugore, por edhe rritjen e cilësisë së jetesës dhe zhvillimit të zonës, duke i dhënë fund një situate që prej vitesh ka qenë shqetësim për komunitetin.

The post Rruga që mori jetë njerëzish! Nis investimi për ndriçimin e aksit “Ura e Stom Golemit – Mes” first appeared on JavaNews.al.

Radhët e gjata janë rikthyer sërish në pikën e kalimit kufitar të Qafë Thanës, në dalje të tokës shqiptare në drejtim të Republikës së Maqedonisë së Veriut.

Burime bëjnë të ditur se radha kalon mbi 1 kilometër gjatësi, ndërsa mjetet janë në tre korsi.

Makinat me targa maqedonase, por edhe ato të Bashkimit Europian janë në radhë, ku turistët që kanë qenë për pushime në Shqipëri po rikthehen në vendet ku ata jetojnë.

Situata e përsëritur gjatë këtij sezoni veror e bën të vështirë pritjen në këtë stacion kufitar, e cila gjatë gjithë sezonit turistik është përballur me vonesa të gjata për kalimin e shtetasve në të dyja krahët e kufirit.

Po punohet me 3 sportele, por prania e gjatë e mjeteve dhe përpunimi i ngadaltë i dokumenteve në dalje të Shqipërisë krijon nervozizëm te drejtuesit e mjeteve, që të vetmen formë kanë borinë e makinave.

The post ‘Bllokohet’ pika kufitare e Qafë Thanës, radha e automjeteve shkon në 1 km first appeared on JavaNews.al.

Stuhia e fortë me erë dhe reshje të dendura shiu që përfshiu ditën e sotme Shqipërinë, veç dëmeve materiale dhe pemëve të rrëzuara, ka prekur drejtpërdrejt edhe qytetarët.

Burime bëjnë me dije se deri më tani në spitalin e Traumës janë paraqitur 20 pacientë, 10 prej të cilëve po vijojnë të marrin shërbim mjekësor atje.

Këta persona janë dëmtuar nga stuhia, duke u goditur nga sende të forta, të cilat kanë fluturuar në ajër ditën e sotme për shkak të erës së fortë.

Ndërkohë kujtojmë se disa qytete u ‘zhytën’ totalisht nën ujë, nga reshjet e dendura të shiut që shoqëruan stuhinë e erës.

Institucionet e ndryshme u kanë bërë thirrje qytetarëve që të shmangin lëvizjet e panevojshme dhe drejtuesve të automjeteve që të rrisin vigjilencën.

The post Stuhia në Tiranë shkakton lëndime te njerëzit, 20 persona paraqiten të ‘Trauma’ first appeared on JavaNews.al.

Tirana, Durrësi dhe Lezha do të vijojnë të jenë nën pushtetin e reshjeve intensive të shiut. Sipas Institutit të Gjeoshkencave, IGJEUM, reshjet do të vijojnë gjatë orëve të pasdites së së shtunës, por edhe gjatë ditës së diel, 31 gusht.

Në qarqet Shkodër, Dibër, Elbasan, Vlorë dhe Gjirokastër reshjet do të jenë mesatare deri lokalisht intensive, ndërsa në Kukës dhe Fier priten reshje mesatare. Qarqet e tjera do të kenë reshje të dobëta deri lokalisht mesatare.

Po sipas IGJEUM, reshjet do të shoqërohen me shtrëngata në të gjitha qarqet, ndërsa intensiteti i lartë i tyre mund të shkaktojë përmbytje të shpejta në zona urbane, sidomos në Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë, në varësi të gjendjes së kanalizimeve.

Era do të fryjë e lehtë deri mesatare, ndërsa për momente të shkurtra deri e fortë në bregdet dhe zonat malore.

I gjithë vendi u përfshi këtë të shtunë nga moti i keq, duke shkaktuar probleme në disa qarqe. Në Tiranë, era e fortë shkaktoi edhe të lënduar, ndërsa shumë pemë ranë duke dëmtuar biznese e makina. Probleme pati edhe në Durrës, ku uji pushtoi rrugët dhe lundrimi në det u pezullua. Edhe Lezha e Vlora u përballën me reshje intensive e erëra të forta.

Për shkak të motit të keq, autoritetet në aeroportin e Rinasit pezulluan për rreth 30 minuta fluturimet, me qëllim garantimin e sigurisë për udhëtarët. Ndërsa Policia e Shtetit apeloi për kujdes në rrugë, si nga shoferët ashtu edhe nga këmbësorët.

The post IGJEUM: Reshjet intensive të shiut do të vijojnë. Tre qarqet më të rrezikuara first appeared on JavaNews.al.

Nga Eduard Zaloshnja

Tani që sezoni veror përfundoi, vlen të analizohet se sa shqiptarë e patën mundësinë të shkonin me pushime.

Nga një sondazh rigoroz në terren që zhvillova në pranverë, më rezultoi se 2/5 e e të anketuarve nuk kishin mundësi financiare për të shkuar me pushime këtë verë.  Ndërsa nga një sondazh i djeshëm online tek shqiptarja.com, rezultoi se pothuaj 2/5 e të anketuarve nuk e patën mundësinë për të shkuar me pushime.

Nga një sondazh rigoroz që drejtova vjet në kuadër të Barometrit të Sigurisë, që publikohet periodikisht nga Qendra për Studimin e Demokracisë dhe Qeverisjes (https://csdgalbania.org/al/barometri-i-sigurise-shqiperi-2024/ ), rezultoi se 1/5 e të anketuarve kanë pasiguri financiare ushqimore (mund të mos u dalin lekët për ushqim deri në rrogën e rradhës).

Ndërkohë, mesatarja për frymë e Prodhimit të Përgjithshëm Bruto në Shqipëri është plot 11325 dollarë në vit. Dhe në qoftë se kjo mesatare do të kishte një shpërndarje uniforme në gjithë popullsinë, nuk do të kishim as qytetarë që nuk shkojnë dot me pushime, dhe as qytetarë që kanë pasiguri financiare ushqimore.

Problemi është se një pjesë e konsiderueshme e të ardhurave nga Prodhimi i Përgjithshëm Bruto të vendit shkon në një numër të vogël shtetasish. Mjafton të hidhet një shikim i shpejtë në fitimet që deklarojnë zyrtarisht firmat e regjistruara në QKB, për të kuptuar se në duart e kujt janë përqendruar të ardhurat e ekonomisë shqiptare.

Për të mos folur pastaj për të ardhurat e padeklaruara…

The post 2/5 nuk shkojnë dot me pushime, 1/5 kanë pasiguri financiare ushqimore first appeared on JavaNews.al.

The post U arrestua bashkë me të dashurin për spiunazh, Policia e Kosovës bastis shtëpinë e shtetases serbe first appeared on JavaNews.al.

The post Moti i keq/ Tragetit iu këput cima në portin e Durrësit, Autoriteti Portual: Situata u menaxhua me profesionalizëm first appeared on JavaNews.al.

The post Pezulloi operacionet në pistë për 30 minuta për shkak të motit të keq, Aeroporti i Rinasit: Vijon puna normalisht first appeared on JavaNews.al.

The post Moti i keq/ Probleme me energjinë elektrike në disa zona rurale, më të prekura Lushnja, Kuçova dhe Vlora first appeared on JavaNews.al.