Një operacion i përbashkët i Administratës Doganore dhe Policisë Kufitare në Portin e Durrësit ka çuar në bllokimin e rreth 50 mijë eurove të padeklaruara, të gjetura gjatë kontrolleve në hyrje të vijës së dytë të mjeteve të rënda.

Sipas njoftimit zyrtar, gjatë verifikimeve të ushtruara në një mjet tip bizarkë, autoritetet konstatuan një çantë me para cash në prerje të ndryshme, të cilat nuk ishin deklaruar në përputhje me detyrimet ligjore në fuqi.

Pas evidentimit të rastit, shuma monetare, drejtuesi i mjetit dhe vetë mjeti u bllokuan, ndërsa materialet procedurale iu referuan strukturave hetimore pranë Drejtoria Vendore për Kufirin dhe Migracionin Durrës për veprime të mëtejshme.

Autoritetet doganore bëjnë me dije se kontrollet do të vijojnë me intensitet, në kuadër të forcimit të masave kundër shkeljeve doganore dhe financiare, si dhe për garantimin e zbatimit të legjislacionit në pikat kufitare.

Administrata Doganore theksoi se bashkëpunimi ndërinstitucional mbetet një element kyç në luftën kundër aktiviteteve të paligjshme dhe në rritjen e sigurisë në kufijtë e vendit.

Kryeministri Edi Rama është shprehur se investimi prej 4 miliardë dollarësh që pritet të realizohet në Zvërnec të Vlorës, do të jetë një bekim i madh për të gjithë ekonominë shqiptare.Sipas kryeministrit Edi Rama, një vend transformohet vetëm nga ëndrrat e mëdha dhe jo nga udhëheqësit që sipas tij bëjnë thirrje për nacionalizma.“Natyrisht që njerëzit e thjeshtë nuk mund të hyjnë në resorte luksoze dhe jahte, por është jahti që hyn në ekonominë e tyre. Imagjinoni ‘Porto Montenegro’ ka qenë 150 milionë euro dhe u shit te të tjerët që e morën 700 e kusur milionë euro. Tani 4 miliardë euro investim në Zvërnec të Vlorës, merreni me mend vetë se çfarë prodhon. Ai investim 4 miliardë dollarë në Zvërnec, do të jetë bekim për ekonominë e gjithë Shqipërisë. Ai investim nuk do sjellë vetëm paratë, nuk do ndërtojë vetëm vilat e hotelet, por do të sjellë një vlerë të shumëfishuar në të gjithë këta komponentë jashtë kufijve të tij. Sepse është kjo që transformon me themel ekonominë, jo ëndrrat e varfra.Vendet ngecin jo kur kanë varfëri në lekë, por varfëri në ëndrra. Popujt ngecin kur udhëhiqen nga njerëz që janë të varfër ne ëndrra dhe të pangopur në interesat e tyre. Popujt ngecin kur udhëhiqen nga sharlatanë dhe delirantë, që thonë ‘ky vend është vetëm i juaji’. Kështu u thoshte edhe Hitleri gjermanëve. Kjo do të thotë t’i bësh thirrje nxitjeve më të zymta të racizmit, të vetëizolimit dhe t’i bësh thirrje humnerës. Nuk kanë bërë hajër kurrë në histori popujt që udhëhiqen nga sharlatanizma të tilla. Shqipëria ka nevojë për respekt, edhe për zërin e hoxhës, edhe për zërin e priftit”, tha mes të tjerash Rama.

Mes thirrjeve dhe mesazheve të forta politike në protestën para Kryeministrisë, një qytetar deklaroi se tubimet do të vijojnë deri në largimin e kryeministrit Edi Rama.

Duke iu drejtuar protestuesve, ai bëri thirrje për pjesëmarrje sa më të madhe në tubimin e radhës, të paralajmëruar për ditën e nesërme në orën 18:00 në Tiranë.

“Do të jemi këtu derisa ai të mos jetë më këtu. Ndaj ju lutem mos harroni, nesër është e shtunë, në orën 18:00 këtu të jetë e gjithë Shqipëria”, u shpreh protestuesi.

Ai theksoi se mobilizimi nuk duhet të kufizohet vetëm brenda vendit, por duhet të përfshijë edhe shqiptarët që jetojnë jashtë kufijve.

“Madje më e pakta është e gjithë Shqipëria. Këtu duhet të jetë e gjithë diaspora. Duhet të bashkohen vëllezërit e motrat nga të gjitha trojet”, deklaroi ai.

Në fund të fjalës së tij, qytetari përcolli një mesazh të drejtpërdrejtë ndaj kryeministrit, duke theksuar vendosmërinë e protestuesve për të vazhduar tubimet.

“Jemi këtu për t’i thënë se e kemi seriozisht, o ne, o ti, Rame”, tha ai mes duartrokitjeve dhe thirrjeve të pjesëmarrësve.

Kryeministri Edi Rama, gjatë një takimi me socialistët në Vlorë në kuadër të 35-vjetorit të themelimit të kësaj force politike, foli edhe për protestat që zhvillohen në Tiranë lidhur me projektin për ndërtimin e një resorti në Zvërnec.

Rama tha se kishte mbërritur në Vlorë drejtpërdrejt nga Tivati dhe se vizita e tij në qytetin malazez e kishte bërë të reflektonte mbi mënyrën se si investimet mund të ndryshojnë rrënjësisht të ardhmen e një vendi.

“Dua t’ju them se sot erdha këtu drejtpërdrejt nga Tivati. Gjatë gjithë kohës që kam qenë atje, kam menduar se si mund të ndryshojë rrënjësisht fati i një vendi dhe se si një vendim i gabuar apo një sjellje e gabuar e atyre që marrin vendime mund ta devijojë rrugën e së ardhmes së një vendi në një drejtim krejt tjetër”, u shpreh Rama.

Duke folur për transformimin e qytetit malazez, Rama theksoi se Tivati dikur ishte një qytet me rreth 10 mijë banorë, i konsideruar si një destinacion bregdetar i nivelit të ulët dhe me pak turistë. Sipas tij, investimet e mëvonshme e shndërruan qytetin në një destinacion që sot pret miliona vizitorë çdo vit.

“Përpara se të transformohej, Tivati ishte një qytet me rreth 10 mijë banorë, ku nuk shkonin turistë dhe që konsiderohej nga të gjithë si një bregdet i nivelit të ulët. Erdhi një investim që e transformoi Tivatin në një vend që sot pret rreth 5 milionë turistë në vit”, deklaroi kryeministri.

Protestuesit ndezën flakdanë në mes të turmës para kryeministrisë.

“Po helmoni fëmijët dhe gratë, kontrolloni emocionet”, tha protestuesi.

Protestës para kryeministrisë i është bashkangjitur edhe një emigrant.

“Jam një prej 2.5 mln emigrantëve. Në trupin tim rrjedh gjak çamërie.Shikoni 2.5 emigrantë janë jashtë shtetit. Secili prej tyre paguan 12 mijë euro taksa të shteteve të huaja. Kjo politikë i detyroi prindërit të më çonin jashtë shtetit. Kam 25 vite jashtë. Synimi është që të na heqin dhe të na zëvendësojnë, por Shqipëria është e jona”, tha ai.

Mes qytetarëve që folën në protestën para Kryeministrisë ishte edhe një i ri me aftësi të kufizuara, i cili nga karrigia me rrota mbajti një fjalim me tone të forta kundër qeverisë Rama.

“Ai na tha jemi grek. Jo! Ai na quajti se jemi nga Irani. Jo! Ai na tha ‘jeni të futur’. Jo! A jemi shqiptarë? Serbisht ka folur Rama. Greqisht ka folur Rama. Shqip flasim ne. Kët vendosim ne. Unë sot në protestë kam ardhur për ata tre fëmijë që humbën jetën falë kësaj qeverie dhe patronazhistave. Ata na shkelin me rrota. 3 fëmijë vdiqën si shkak i këtij shteti që mbjell vdekje.

Ai mori një mesazh nga Zoti vetë, përzuri rininë dhe sheshi sot është plot të rinj plot shpresë dhe ëndrra. Ndaloji po deshe o qeveritari me i kapur dhe më i korruptuar në rruzullin tokësor. Sot jam si person me aftësi të kufizuara, që përfaqësoj një kategori më të harruar në historinë shqiptare. Ti ke marrë një nisëm të sponsorizuar për terapitë hormonale.

Nuk jam kundër, le të vazhdojë, por paralelisht ti ti personat me aftësi të kufizuara i ke lënë me 13 mijë lekë të reja për shoqërues. A do më shërbente djali yt për një orë me këtë shumë? Jo! Pse na keni harruar, nga sot këta të rinj s’do të dorëzohen derisa ti të largoheni ju që na keni marrë frymë 35 vite të largoheni nga vendimmarrja për jetët tona”, tha i riu.

Aktori Medi Malkaj ishte mes të pranishmëve në protestën e zhvilluar para Kryeministrisë, ku mbajti edhe një fjalim para qytetarëve të shumtë të mbledhur para Kryeministrisë, duke denoncuar ‘rrugeçërit dhe qelbësirat’ që kanë shkelur popullin me këmbë.

“Duhet të qëndrojmë në këmbë. Të kalojnë ata dhe të fshijmë ne këpucët në kurrizin e qelbësirave. E keni vënë re që atdheu ynë është ndarë në parcela? Po e shet tjetri Shqipërinë si do ai, por Shqipëria është pronë e shqiptarëve. Shqipëria është prona jonë, duhet të kujdesemi për të dhe të mos shikojmë rrugeçërit e qelbësirat që kanë shkelur me këmbë një popull të tërë. Ne do bëjmë si duam ne”, tha ai.

Momente paniku janë regjistruar gjatë protestës në bulevardin “Dëshmorët e Kombit” në Tiranë, ku një fëmijë është ndarë nga nëna e tij dhe ka humbur orientimin në mes të turmës së protestuesve.

Ngjarja ka ndodhur teksa në zonë vijonte tubimi i qytetarëve, ndërsa situata ka tërhequr menjëherë vëmendjen e pjesëmarrësve dhe organizatorëve të protestës. Në ato momente, është kërkuar bashkëpunimi i protestuesve për të ndihmuar në gjetjen e fëmijës, duke bërë thirrje që të gjithë të uleshin në mënyrë që ai të mund të dallohej më lehtë në turmë.

Qytetarët kanë reaguar menjëherë, duke u ulur dhe duke krijuar hapësirë vizuale për kërkimin e fëmijës, ndërsa është kërkuar që ai të afrohej drejt shkallëve të Kryeministrisë për t’u ribashkuar me nënën.

Në takimin e zhvilluar me qytetarët vlonjatë në lidhje me investimet amerikane që pritet të bëhen në Zvërnec për të cilat mijëra qytetarë prej 6 ditësh protestojnë kundër, njëri prej qytetarëve i tha kryeministrit Edi Rama se banorët e zonës janë dakord për një risi.

Duke u shprehur, qytetari i cili pretendon që ka prona në Zvërnec, u dakordësua me projektin që pritet të zhvillohet me kushtin e vetëm që të mos preken tokat e qytetarëve.

“Për projektin ne jemi dakord për zhvillim duke ruajtur të gjitha parametrat përkatës. Por ne kërkojmë të drejtën e pronave të pronarëve” i tha qytetari Ramës.

Banori: Jam Enea Balliu një nga pronarët e Zvërnecit.

Rama: Pretend. Nuk është prona juaj. Unë kam ardhur të ju dëgjoj. Po fillove drejtësia e korruptuar e këto.. Të të them një gjë., e besoni juve që ne kemi një zonë që kemi pronar në det. Jo këtu diku tjetër. Kemi parcela në det. Se parcela të kufizuara në tokë, edhe mbi shkëmbinj kam parë pronarë. Po në det, te deti blu ka pronarë. Këtu bëhet nami me pronat. As nuk po tëb them ty që nuk ke të drejtë. Mund të kesh shumë të drejtë. Këtë drejtësinë e gjeni te drejtësia.

Qytetari: Ju falenderojmë që erdhët të dëgjoni zërin tonë.

Rama: Kush ua ka mohuar, shkoni kërkojeni. Mua s’po më mohohet zëri por dhe origjina. Secili me zërin e vet këtu. Ja ku jam.

Qytetari: Edhe Ardit Bido e di shumë mirë kujt i është vjedhur prona.

Rama: Ai është deputeti ynë dhe më ka thënë. Ai nuk është gjykatës. Po ta përsëris këtu nuk është punë opinioni, bëhet fjalë për procese gjyqësore. Secili ka të drejtën e vetë,. Për sa kohë proceset gjyqësore janë në rrugën e tyre.

Qytetari: Për projektin ne jemi dakord për zhvillim duke ruajtur të gjitha parametrat përkatës. Por ne kërkojmë të drejtën e pronave të pronarëve.

Rama: Edhe njëherë, prona është shitur dhe ka pronarë të tjerë që kanë arhur janë takuar dhe kanë parë të tjerë e nuk e di. Kur kanë ardhur te ne kanë dorëzuar të gjitha letrat. Nga ana e letrave janë ndjekur procedurat si për të gjithë. Fati ëstë se nëse ju dilni me të vërtetë propnarë, paratë do të kalohen te ju, do të jepen lekët: urdhëro lekët se prona jote është shitur kaq.

Qytetari: E keni thënë ju, por si po bëhet gjëja. Unë kam bërë që vjet kallëzim në SPAK.

Rama: Punën me SPAK-un e kemi ndarë. Nuk negocioj unë i pari. Nuk kam nevojë që të negocioj me asnjë. I thashë dhe Brunës ata që kanë shqetësime për këtë të flasin, të më bëjnë pyetje, po jo me ulërima e me sharje. Mua më shtohet jeta me ata që bëhet durim.

Së fundmi, Dhoma Evropiane e Tregtisë në Kinë publikoi një raport ankete, sipas të cilit gati një e treta e kompanive evropiane të anketuara po e thellojnë më tej lokalizimin e prodhimit të tyre në Kinë, ndërsa 68% e tyre kanë zgjedhur të ruajnë ose të zgjerojnë biznesin në tregun kinez. Përparësitë e forta të zinxhirit të furnizimit, ekosistemi i plotë i prodhimit dhe tregu me përmasa gjigante, po tërheqin gjithnjë e më shumë kompani evropiane që të investojnë dhe të zhvillohen në Kinë në mënyrë më pragmatike.

Gjatë periudhës së Planit të 15-të Pesëvjeçar, Kina do të vazhdojë të optimizojë mjedisin e biznesit, duke krijuar terren të favorshëm investimesh për ndërmarrjet nga e gjithë bota, përfshirë ato evropiane. Siç është shprehur edhe zëdhënësi i Ministrisë së Jashtme të Kinës, shpresohet që pala evropiane ta shohë marrëdhënien ekonomike dhe tregtare Kinë-BE në mënyrë objektive dhe racionale, të zgjerojë hapësirën e bashkëpunimit dhe të realizojë përfitime reciproke e fitore të përbashkëta.

Edhe këtë të premte qytetarët u mblodhën në sheshin “Skënderbej” në Tiranë për protestën kundër projektit në Zvërnec. Me flamuj dhe pankarta në duar, ata kanë nisur marshimin drejt Kryeministrisë.

Qyterarët dëgjohen të brohorasin, ‘Revolucion’, Shqipëria e shqiptarëve’.

Një ditë më partë protestuesit kërkuan anulimin e planit për ndërtimin e resortit luksoz në Zvërnec, duke ngritur gjithashtu një sërë kërkesash të tjera ndaj qeverisë. Protestuesit kërkuan shfuqizimin e statusit dhe kuadrit ligjor për investimet strategjike, shfuqizimin e Paketës së Maleve, anulimin e ndryshimeve në ligjin për zonat e mbrojtura, anulimin e ndryshimeve në ligjin për trashëgiminë kulturore shqiptare, por edhe dorëheqjen e qeverisë.

KËRKESAT E PROTESTUESVE
1- Dorëheqjen e qeverisë
2- Shfuqizimin e statusit dhe te kuadrit ligjor për statusin strategjik
3- shfuqizimin e paketës se maleve
4- anulimin e ndryshimeve ne ligjin për zonat e mbrojtura
5- anulimin e ndryshimeve ne ligjin për trashëgimin kulturore shqiptare

Gjatë takimit me kryeministrin Edi Rama, një nga banorët e Zvërnecit u shpreh se ata janë dakord që projekti të zhvillohet, por më parë prona duhet të kthehet te pronarët.

Ndërkaq Rama u shpreh se “prona është e shitur dhe është fat i banorëve që SPAK”-u po heton. Kryeministri tha se nëse gjykata i nxjerr këta banorë pronarë, paratë e ngrira të cilat bëhen para të shtetit, kthehen sërish nga shteti te pronarët.

Kryeplaku i Zvërnecit replikoi me kryeministrin duke u shprehur se “i kanë hequr titullin e pronësisë pa të drejtë”. Duke iu përgjigjur Rama tha se “unë të përgjigjem nga 2013-ta e këtej. Të më kishit zgjedhur më parë”.

Gjatë takimit nuk munguan edhe batutat, ku Rama u shpreh: “E kanë zakon këta në Vlorë që s’e lëshojnë më mikrofonin. Edhe unë nga ana vlonjate e kam që e mbaj gjatë”.

Ndërsa një prej banorëve tha se është ortodoks, Rama vijoi: “Po ç’domethënë që jeni ortodoksë?! Edhe unë ortodokse e kam pjesën time nga Vlora. Por ju jeni vlonjatë. Ju jeni mbi fetë, madje madje, ju dhe Zoti jeni në garë se kush është Zoti”.

Vijojnë diskutimet për reformën territoriale edhe gjatë ditës së sotme në 5 qershor në Berat.

I pari mori fjalën bashkëkryetari i Reformës Territoriale nga PS, Arbjan Mazniku.

Më pas, mori fjalën bashkëkryetari i Komisionit të Reformës Territoriale nga PD, Luçiano Boçi.

“Europa nuk kërkon vetëm që të ketë më pak bashki. Franca prsh ka shumë bashki, edhe Kroacia ka 556 njësi vendore që marrin miliarda, Polonia ka të tilla, Sllovenia ka shumë bashki në raport me popullsinë. Nuk të thotë Europa, që nëse je bashki e madhe, e fiton një projekt X.

Bashkive duhet t’iu japim financa. Unë flas me dëshirën e mirë, që të marrim ato shqetësime, që na shërbejnë, që të kemi vendimmarrje konsensuale. Do jetë një produkt dhe që kjo reformë të jetë e qëndrueshme”, tha Boçi.

Kryeministri Edi Rama sot në 5 qershor ka takuar banorët e Zvërnecit, ku do të shtrihet edhe projekti, që ka nxitur protesta.

Rama u shpreh se hetimi i SPAK nuk është për projektin, por është për një subjekt që ka shitur tokën. Përsëriti se përshëndet hetimet e SPAK.

“Ka njerëz që nuk kanë pronat e tyre me letra, por i kanë me fjalë apo të tjera. Çdo gjë shikohet në hipotekë. Për sa kohë ajo tokë është blerë nga investitorët, ajo është tokë e investitorëve ligjërisht për shtetin. Për një subjekt që ka shitur tokën, ka rezultuar se ka hetim për një subjekt. Prandaj është bllokuar fondi, por transaksioni ka ndodhur.

Fondi është bllokuar. Investitorët janë pronarë sot. Hetimi është pozitiv për këdo që fiton pronën me gjykatë. Hetimi nuk është për projektin, nuk zhvillohet për zhvillimin atje. Hetimi është për një subjekt që ka shitur tokën. Kush merr nga gjykata letrën që është trashëgimtar, do marrë paratë që i ta

Kancelari gjerman Friedrich Merz deklaroi nga Samiti BE-Ballkani Perëndimor në Tivat se Bashkimi Europian duhet të tregojë se është i gatshëm për zgjerim, duke pranuar se vonesat e viteve të fundit nuk janë përgjegjësi vetëm e vendeve kandidate.

“Kjo pjesë e Europës është pjesë e Bashkimit Europian në të ardhmen dhe nëse nuk kemi pranuar asnjë vend të ri për 13 vjet, mund të themi se BE-ja ka bërë edhe gabimet e veta”, u shpreh Merz para gazetarëve.

Ai tha se zgjerimi europian është vonuar prej vitesh dhe se këtë çështje e ka diskutuar edhe me presidentin francez Emmanuel Macron.

Sipas tij, Gjermania dhe Franca kanë paraqitur një propozim konkret për hapat e ardhshëm që duhet të ndjekin vendet e Ballkanit Perëndimor drejt anëtarësimit.

“Kemi ende një rrugë të gjatë përpara, por këto detyra janë të arritshme dhe duam të shohim përparim të shpejtë në këtë proces, veçanërisht me Malin e Zi”, tha Merz.

Një ngjarje e rëndë ka ndodhur sot në Tiranë ku një person i identifikuar si Dorjan Kasa, i ka vendosur thikën në qafë një efektivi të Policisë Rrugore.

Efektivi i rrugores ka qenë te vizat e bardha pranë qendrës tregtare dhe po orintonte këmbësorët për të kaluar. Në një moment, sipas dëshmisë së tij, një person i ka shkuar nga pas dhe i ka vendosur thikën në qafë.

“Për një moment nuk e kuptoja se kush ishte ky person pasi nuk e njihja. Kur e pash që më vendosi thikën në qafë reagova menjëherë dhe e kapa me të dyja duart”, ka sqaruar efektivi.

Pas kësaj autori Dorjan Kasa u arrestua por në polici nuk jep asnjë deklarim apo të shpjegojë motivet dhe arsyen pse tentoi të godasë me thikë oficerin.

Policia e Kosovës njoftoi të premten se e ka arrestuar një burrë nga komuna e Graçanicës pranë kryeqytetit Prishtinë, nën dyshimin për marrje dhe dhënie të ryshfetit në lidhje me votimin, dy ditë para zgjedhjeve të parakohshme parlamentare të 7 qershorit.

Policia deklaroi se gjatë kontrollit ka gjetur dhe konfiskuar materiale dëshmuese, si dhe ka marrë në pyetje dy dëshmitarë.

Derisa Policia nuk tregoi se kush është i arrestuar, Zyra për Kosovën në Qeverinë e Serbisë njoftoi se i ndaluari është aktivisti i Listës Serbe, Aleksandar Trajkoviç nga fshati Uglarë.

Ajo e dënoi arrestimin e tij si “trysni shtesë ndaj popullit serb me qëllim që Albin Kurti (kryeministri në detyrë i Kosovës) ta ndihmojë të preferuarin e tij Nenad Rashiç në garën zgjedhore”.

Policia njoftoi se personi i ndaluar, sipas hetimeve zyrtare, u kishte bërë thirrje qytetarëve të shkonin në një lokal në fshatin Uglar, ku do t’u jepte udhëzime që të votonin për Listën Serbe dhe kandidatët e saj.

“Në këmbim të votës, dyshohet se atyre u ishte premtuar se do ta fitonin të drejtën për përfitime sociale që i paguan shteti i Serbisë”, thuhet në njoftim.

Policia konfirmoi se të dyshuarit i është caktuar ndalimi deri në 48 orë

Nga subjektet politike serbe në zgjedhjet e së dielës marrin pjesë vetëm Lista Serbe, partia kryesore e serbëve që vepron me mbështetjen e Beogradit dhe partia Për Liri, Drejtësi dhe Mbijetesë e Nenad Rashiçit, i cili deri tani ka qenë pjesë e Qeverisë së Kurtit.

Ndërkohë, Trajkoviç është gjithashtu në krye të Organit të Përkohshëm Komunal të Fushë Kosovës, i cili funksionon në sistemin e Serbisë.

Autoritetet kosovare kanë mbyllur pothuajse të gjitha institucionet që në Kosovë funksionojnë sipas sistemit serb, pasi i konsiderojnë ato paralele dhe ilegale, por Beogradi shumicën prej tyre vetëm i ka zhvendosur në qytete kufitare në territorin e Serbisë.

Drejtori i Zyrës për Kosovën, Petar Petkoviç, tha se Trajkoviçit i është caktuar paraburgim prej 48 orësh dhe se “narrativët e rremë me të cilët Prishtina përpiqet ta diskreditojë nuk do të kalojnë”.

Më herët janë ndaluar edhe shtatë drejtorë të institucioneve arsimore dhe shëndetësore që në territorin e komunës së Graçanicës funksionojnë në sistemin serb, ndërsa atyre u është caktuar paraburgim njëmujor për shkak të dyshimeve se kanë ndikuar në vullnetin zgjedhor të votuesve.

Këto ndalime vijnë pasi Rashiç pretendoi se rreth 20 persona që e mbështesin atë janë pushuar nga puna, për çka ka raportuar edhe Radio Evropa e Lirë.

Ndryshe, presidenti i Serbisë, Aleksandar Vuçiç, në fillim të qershorit u bëri thirrje të gjithëve të votojnë për Listën Serbe, gjë që është praktikë para çdo procesi zgjedhor në Kosovë ku merr pjesë kjo parti më e madhe e serbëve të Kosovës.

Po ashtu, Komisariati për Refugjatë i Serbisë u ka bërë thirrje personave të zhvendosur ta shfrytëzojnë të drejtën e tyre të votës në zgjedhjet kosovare, ndërsa Petkoviç po viziton qytete në Serbi ku bisedon me të zhvendosurit dhe i fton të votojnë për Listën Serbe.

Në zgjedhjet e fundit, Lista Serbe fitoi nëntë nga dhjetë vendet e rezervuara për komunitetin serb në Kuvendin e Kosovës, ndërsa një vend e fitoi Rashiç./ REL

Xhaxhai i Enea Mekollit, ka folur sërish për ngjarjen e rëndë që tronditi dje opinionin publik, ku efektivi i policisë u vra në krye të detyrës.

Ai tha se personi që dha urdhrin për operacionin për kapjen e Violand Braçellari, duhet të përgjigjet para ligjit, pasi nuk janë marrë masa.

Madje ai dha një version krejt të kundërt nga ai i kryepolicit, Skënder Hita, që tha se ishin 40 efektivë në aksion.

Xhaxhai tha se ishin vetëm 6 policë si fillim në vendin e ngjarjes.

“Nuk ka pasur asnjë lloj mbrojtje. Personi që ka urdhëruar, duhet të përgjigjet. Ai që dha urdhrin, duhet të përgjigjet. 6 veta kanë qenë në operacion, më vonë kanë vajtur të tjerët”, tha ai.

Prej muajit maj janë hapur aplikimet për Skemën Kombëtare të Bujqësisë e cila parashikon 12 masa direkte dhe investimesh.

Zëvendësministri i Bujqësisë, Arjan Jaupllari ndalet tek perfitimet e të rinjve nga kjo skemë.

Skema e këtij viti vjen me një fond prej 5.2 miliardë lekësh dhe synon financimin edhe të fermave të vogla, por dhe mjaft avantazhe të tjera.

Teksa Shqipëria synon anëtarësimin në BE, në fokus janë edhe prodhimet bujqësore e blegtorale për tregun ndërkombëtar.

Aplikimet për të gjithë fermerët janë të hapura deri më 25 qershor.