Dashi

Kjo ditë do të sjellë rikuperim të ndjeshëm për të lindurit e kësaj shenje, duke qenë më e mirë në raport me ato që keni lënë pas, kur jeni përballur me jo pak vështirësi. Mundohuni që të jeni më optimist, sidomos në dashuri, pasi shumë shpejt ju pret një fazë pozitive. Do të ketë një rikuperim të ndjeshëm edhe në sferën profesionale, ndonëse do ju duhet të prisni pak.

Demi

Kjo e martë do ju gjejë nën ritmin e duhur, ku gjatë saj do të ketë ngadalësime dhe do të përballeni me disa pengesa. Mundohuni që të mos dekurajoheni, pasi bëhet fjalë për një periudhë kalimtare. Fundi i vitit do ju gjejë triumfatorë dhe do arrini që të merrni rezultatet e shpresuara në sferën profesionale.

Binjakët

Kjo periudhë është mjaft pozitive për të lindurit e kësaj shenje, të cilët do të kenë mundësi që të zgjidhin problemet dhe ti përballojnë me buzëqeshje. Mundohuni që ti zgjidhni gjërat e mbetura pezull brenda muajit.

Gaforrja

Ju pret një ditë rikuperimi, pavarësisht ndikimit të kundërt të Saturnit, i cili vijon të ndihet. Këshillohet që të shmangni konfliktet, sidomos me të lindurit e shenjës së virgjëreshës dhe peshqve. Mund të keni dëshirë që të rishikoni disa aspekte të jetës suaj, përfshi edhe lidhur me ndjenjat.

Luani

Kjo e martë do ju gjejë disi të acaruar dhe konfliktual, gjatë së cilës do të doni të reagoni, pasi mendoni se po bëhen padrejtësi. Mundohuni që të mos e teproni me reagimet tuaja. Duhet të mundoheni që të sistemoni disa situata, të cilat janë ende pezull. Për këtë ditë, këshillohet që të jeni të qetë.

Virgjëresha

Do të jeni disi nervoz në sferën familjare, ndoshta për shkak të disa ndryshimeve me të cilat nuk po arrini të bini dakord. Megjithatë, nuk do ju mungojë dëshira që të shihni anët e mira, ndaj bëni kujdes.

Peshorja

Kjo ditë do të jetë tejet pozitive dhe gjatë saj do të ketë rikuperim sa i takon marrëdhënieve ndërpersonale. Do të keni mundësi që të jetoni emocione të reja pozitive. Parashikohet një periudhë e bukur me afrimin e fundit të muajit, periudhë në të cilën Hëna do të hyjë në shenjën tuaj.

Akrepi

Ju pret një e martë e mbushur me nervozizëm, gjatë së cilës mund ta teproni me reagimet tuaja, veçse rrezikoni që të pendoheni. Duhet të tregoheni më të kujdesshëm. Është mirë që të mos e teproni për shkak të ndonjë diskutimi që keni pasur së fundmi.

Shigjetari

Do të gjeni më shumë hapësirë për dashurinë dhe ndjenjat gjatë kësaj dite. Mundohuni që të gjeni kohën e duhur për njerëzit që doni dhe për të bërë më shumë gjëra bashkë si dhe për të programuar diçka të pazakontë, në mënyrë që të përjetoni emocione të bukura.

Bricjapi

Gjatë kësaj dite bëni mirë që të jeni të kujdesshëm ndaj gjithçkaje që bëni, por kryesisht në gjithçka që shkakton përdorimi i parave. Bëni kujdes me shpenzimet. Duhet t’iu përkushtoheni projekteve për të ardhmen, të cilët do të dalin në pah shumë shpejtë.

Ujori

E marta do të jetë e mbushur me nervozizëm dhe gjatë saj mund të ketë një sërë konfliktesh dhe diskutimesh. Mundohuni që të mos e teproni dhe të mos reagoni ndaj provokimeve, shkruan noa.al. Po ashtu duhet të menaxhoni më mirë raportet me të tjerët. Nga ana tjetër mund të ndjeni lodhje fizike.

Peshqit

Kjo ditë do të jetë nën ritmin e duhur sa i takon dashurisë, ndjenjave dhe raporteve me të tjerët. Mundohuni vetëm që të jini të matur ndaj asaj që do të thoni dhe mbi të gjitha, se si do e thoni. Bëhet fjalë për një fazë kalimtare, e cila do të përmirësohet gjatë fundit të muajit.

The post Horoskopi 29 Korrik, ja çfarë kanë parashikuar yjet për ju appeared first on Albeu.com.

Presidenti i Ukrainës, Volodymyr Zelensky, ka lavdëruar sot homologun e tij amerikan, Donald Trump, për “vendosmërinë” që tregoi, duke komentuar shkurtimin e afatit që i dha Rusisë për të arritur një marrëveshje armëpushimi me Ukrainën.

“Qëndrim i qartë dhe vendosmëri e shprehur nga presidenti i SHBA, në kohën e duhur, kur shumë mund të ndryshojnë përmes forcës, për një paqe të vërtetë”, shkroi Zelensky në një postim në platformën e rrjeteve sociale X.

“Faleminderit presidentit Trump për përkushtimin e tij ndaj shpëtimit të jetëve dhe për t’i dhënë fund këtij lufte të tmerrshme”, shtoi kreu i shtetit ukrainas.

Kujtojmë se Donald Trump kishte njoftuar më herët se kishte vendosur të mos i japë Moskës afatin fillestar prej 50 ditësh që kishte përmendur, por ta shkurtojë në vetëm 10 deri në 12 ditë, duke shprehur njëkohësisht zhgënjim ndaj liderit të Kremlinit, Vladimir Putin.

The post Zelensky falenderon Trump për vendimin ndaj Rusisë dhe përpjekjet për armëpushim në Ukrainë appeared first on Albeu.com.

Në një botë që i jep përparësi performancës, suksesit dhe pamjes së jashtme, shumë njerëz funksionojnë “normalisht”, por ndihen bosh brenda.

Nëse ndonjëherë keni menduar pse nuk mund të ndjeni gëzim, mund të jetë koha të shikoni pak më thellë.

Psikiatri Dr. Judith Joseph shpjegon pse gëzimi është një karakteristikë e natyrës njerëzore dhe si “depresioni me funksionim të lartë” mund ta bllokojë atë, edhe kur gjithçka duket se po shkon mirë.

“Gëzimi është në ADN- në tonë. Është diçka që na përket që nga lindja.

Është e drejta jonë e lindur si qenie njerëzore”, thotë ekspertja dhe studiuesja që ia ka kushtuar punën e saj studimit të gëzimit – dhe pengesave që na pengojnë ta përjetojmë atë.

Libri i saj i ri, “Funksionalitet i Lartë: Kapërceni Depresionin Tuaj të Fshehur dhe Riktheni Gëzimin Tuaj” , përqendrohet në të ashtuquajturin depresion me funksionim të lartë, një gjendje që tani po merret seriozisht, pasi ka të bëjë me njerëz që nga jashtë duken të suksesshëm dhe funksionalë, por nga brenda luftojnë me boshllëkun emocional dhe mungesën e gëzimit.

Depresioni që nuk është i dukshëm

Joseph shpjegon se shumë njerëz vuajnë nga anhedonia – një paaftësi për të ndjerë kënaqësi – dhe aleksitimia – vështirësi në njohjen ose shprehjen e emocioneve të tyre. Këto gjendje “vrasin” gëzimin, por shpesh injorohen sepse personi duket se po “menaxhon” punën dhe familjen .

Joseph, siç e përshkroi ajo për CNN, përjetoi vetë një situatë të ngjashme. “ Në vitin 2020, unë pata sukses, fitova çmime, bëra kërkime, kisha një familje të bukur – dhe isha në TV. Por nuk mund të ndieja gëzim .”

Ndryshimi erdhi nëpërmjet lidhjeve të thella me familjen, por edhe nga njohja e situatës së saj. Siç thotë ajo, nuk është një detyrim tjetër, por një çështje jete.

Rruga drejt gëzimit: Pesë hapa për të rizbuluar veten

Dr. Joseph sugjeron një metodë praktike, të ashtuquajturat “pesë V ”, që mund të ndihmojë në rifitimin gradual të gëzimit:

Validimi

Emërto atë që ndjen. Pranoje. Pranoje. “Nëse nuk e dimë se çfarë po ndiejmë, ka konfuzion dhe pasiguri. Kjo çon në ankth . Emërtimi i ndjenjës është hapi i parë për ta kuptuar atë .”

Shfryrje

Ndani shqetësimet tuaja me dikë që i besoni, por kini kujdes. “Nëse nuk po flisni me një profesionist të shëndetit mendor , kini kujdes që të mos e transferoni traumën te miqtë ose familja pa pëlqimin e tyre. Pyetni së pari: ‘A është kjo një kohë e mirë për të folur me ju?’”

Vlerat

Çfarë i jep kuptim dhe qëllim jetës tënde ? ” Mendo për gjërat që janë të paçmuara. Unë po ndiqja suksesin dhe njohjen, por në fund të fundit ato nuk janë ato që kanë rëndësi në fund të jetës .”

Vitalet

Dietë e shëndetshme, ushtrime dhe gjumë cilësor. “E thjeshtë në teori, e vështirë në praktikë, por thelbësore për ekuilibrin tonë emocional.”

Vizioni

Krijo një vizion për të ardhmen me më shumë gëzim. “Kur kemi dhimbje, është e vështirë të shohim përpara. Por gëzimi kërkon një plan. Ndalo së ricikluari të kaluarën dhe krijo hapësirë për diçka të re .”

Mbani mend: Lumturia mund të jetë e jashtme dhe e përkohshme, si kur blejmë diçka ose marrim një ngritje në detyrë. Gëzimi, megjithatë, është i brendshëm dhe i qëndrueshëm.

The post Keni vështirësi në përjetimin e gëzimit, ja cila mund të jetë arsyeja appeared first on Albeu.com.

Të tjera detaje kanë dalë në dritë nga plagosja me thikë e 25-vjeçarit Margarit Shakaj në Vlorë. Burime bëjnë me dije se ky i fundit ishte kursant në berberhanen ku u plagos nga Shkëmbor Skënderaj 24 vjeç.

Ngjarja mësohet se ka ndodhur ka një konflikt i mbëhershëm mes të dy personave në fjalë ndërsa policia ka shpallur në kërkim autorin e ngjarjes.

25-vjeçari është dërguar në spital për të marrë ndihmë mjekësore ndërsa gjendja e tij raportohet jashtë rrezikut për jetën.

The post Kishin konflikte të vjetra, zbardhet dinamika e plagosjes së 25-vjeçarit në Vlorë, autori ende në arrati appeared first on Albeu.com.

Prokuroria e Korçës ka lëshuar urdhër arresti për Ilirjan Selmanin, i cili u ndalua si autor i dyshuar i vrasjes së 52-vjeçares Kozeta Teço. Bëhet me dije se gjatë marrjes në pyetje, Selmani ka mbajtur qëndrim mohues. Nga ana tjetër mësohet se policia dhe prokuroria e Korçës kanë grumbulluar prova të mjaftueshme të cilat dokumentojnë të gjithë dinamikën.

Nga hetimet paraprake rezulton se autori, mbrëmjen e së djelës e kishte kaluar në shtëpinë e 52 vjeçares me të cilën kishte një lidhje. Gjithashtu dyshohet se mes tyre të ketë patur një konflikt të çastit, e cila ka përfunduar në ngjarjen e rëndë. Mësohet po ashtu se Selmani njihej nga policia si përdorues i lëndëve narkotike dhe thuhet se ai shpesh herë shfaqte simptoma depresioni.

52-vjeçarja Kozeta Teço u gjet e pajetë mëngjesin e sotëm në apartamentin e saj në Pogradec të përfshirë nga flakët teksa dyshimet janë për një vrasje të kryer nga i dashuri i saj. Grupi hetimor ka dyshimet kryesore se zjarrvënia ka qenë e qëllimshme dhe se viktima mund të jetë vrarë.

Raportohet se ekspertët mjeko-ligjorë kanë konstatuar shenja të jashtme dhune duke rritu akoma më shumë dyshimet. Pista kryesore mbi të cilën po punohet është ajo e një konflikti.

The post 52-vjeçarja në Pogradec dyshohet se u vra nga i dashuri, lëhoshet urdhër-arresti për Ilirjan Sulejmanin appeared first on Albeu.com.

Presidenti i Shteteve të Bashkuara, Donald Trump, shprehu shqetësim lidhur me përkeqësimin e situatës humanitare në Gazë dhe i bëri thirrje Izraelit që t’u sigurojë njerëzve ushqim. Duke folur të hënën në Skoci, Trump tha se SHBA-ja dhe vende të tjera po japin para dhe ushqim për Gazën, por kryeministri izraelit, Benjamin Netanyahu, duhet “të kujdeset, për ta menaxhuar” procesin e dërgimit të ushqimeve.

“Dua që ai të sigurohet që ata të marrin ushqim”, tha Trump. “Dua të sigurohem që ata të marrin ushqim”.

Nga Gaza kohëve të fundit kanë dalë imazhe të fëmjëve të kequshqyer, që kanë nxitur shqetësime për urinë në territorin palestinez të shkatërruar nga lufta. Duket se komentet e Trumpit janë rezultat i këtyre imazheve, teksa lufta mes Izraelit dhe Hamasit – grupit palestinez të shpallur organizatë terroriste nga SHBA-ja dhe Bashkimi Evropian – është në muajin e 21-të, teksa palët nuk janë afër arritjes së një armëpushimi.

Presidenti amerikan u pyet nëse pajtohet me deklaratat e bëra të dielën nga Netanyahu, kur ai tha se “nuk ka politikë të urisë në Gazë dhe nuk ka uri në Gazë”.

“Nuk e di”, u përgjigj Trump. “Duke u bazuar në atë që shohim në televizion, do të thosha nuk është bash kështu sepse ata fëmijë duken shumë të uritur”, tha ai.

Në dritë të intensifikimit të kritikave ndërkombëtare, ushtria izraelite gjatë fundjavës nisi lëshimin e ndihmave nga ajri, si dhe nisi pauza të kufizuara në luftime në tri zona të banuara të Gazës për dhjetë orë në ditë, në mënyrë që të ndihmojë me shpërndarjen e ndihmave. Të premten e kaluar, Trump foli për situatën në Gazë, pasi SHBA-ja dhe Izraeli tërhoqën ekipet negociuese nga bisedimet në Katar për një marrëveshje armëpushimi. Ai tha se Hamasi “me gjasë do të përndiqet” derisa të eliminohet.

Por, Trump të hënën u duk më i prirë për veprim, pas raportimeve për vdekje të shkaktuara nga uria dhe pas pamjeve të njerëzve, veçmas të fëmijëve dhe foshnjave, teksa banorët në Gazë po tentojnë të sigurojnë ushqim. Gjatë takimit me Starmer, Trump tha se SHBA-ja “do të ngrejë qendra ushqimore”, por nuk dha hollësi të tjera. Trump tha se Hamasi ka vjedhur ushqim dhe ndihma që ishin të dedikuara për njerëzit në Gazë, por kur u pyet nga gazetarët se çfarë përgjegjësie ka Izraeli për kufizimin e ndihmave në Gazë, ai tha se “Izraeli ka shumë përgjegjësi”.

Megjithatë, ai shtoi se Izraeli po ashtu është i kufizuar në veprimet e tij, teksa po tenton që t’i mbajë gjallë 20 pengjet që mbahen në Gazë. Kur u pyet nëse Izraeli mund të bëjë më shumë, Trump tha se “mendoj se Izraeli mund të bëjë më shumë”, por nuk dha më shumë detaje.

“Ne duhet të ndihmojmë në aspektin humanitar para së gjithash. Duhet t’i ushqejmë fëmijët”, tha ai.

Lufta në Gazë ka nisur më 7 tetor 2023, kur radikalët e Hamasit sulmuan jugun e Izraelit, duke vrarë afër 1.200 persona dhe duke rrëmbyer afër 250 të tjerë. Si pasojë e ofensivës izraelite, më shumë se 59.000 palestinezë janë vrarë dhe vendi me mbi 2 milionë banorë po përballet me krizë të thellë humanitare./ REL

The post Trump: Dua që Netanyahu të më sigurojë që në Gaza njerëzit të marrin ushqim appeared first on Albeu.com.

Aktori i trupës së Teatrit “Migjeni” në Shkodër, Simon Shkreli është larguar nga puna padrejtësisht, siç pretendon vetë personi në fjalë.

Shkreli ka publikuar një dokument të lëshuar nga Drejtoria e Përgjithshme e Kulturës dhe Sportit me firmë të zv.kryetarit të bashkisë Alban Preka, ku është ftuar në Bashkinë e Shkodrës për të diskutuar “për ndërprerjen e marrëdhënieve të punës, për arsye të mungesës efikasitetit, efektivitetit, produktivitetit dhe cilësisë në punë”, shkruhet në dokument.

Shkreli i ka cilësuar përpiluesit e këtij dokumenti, por dhe ata të cilët e kanë larguar nga puna, si pseudo-artistë dhe individë hakmarrës, të cilët vetëm kanë dëmtuar Teatrin “Migjeni”.

Aktori shkruan se është i vendosur për të vërtetuar të kundërtën dhe për të vendosur në vend dinjitetin e tij duke theksuar se individët përgjegjës do të përgjigjen përpara organeve të ligjit për paligjshmërinë e tyre.

Postimi i plotë i Simon Shkrelit:

“Mungese efikasitetit, efektivitetit, produktivitetit dhe cilesise ne pune”!

Ky eshte motivacioni qe burokratet e Bashkise Shkoder kane gjetur si shkak per te nisur proceduren e shkarkimit tim nga puna si aktor i trupes se Teatrit ” Migjeni” ne Shkoder.

Nje leter bakalli, sipas nje relacioni te pergatitur nga Zyra e Kultures ne Bashkine e Shkodres, e gatuar nga pseudo-artist, te cilet sot kane vesh petkun e zyrtarit, me paskan vleresuar edhe cilesine dhe produktivitetit. Dhe aftesine time skenike.

Por une nuk do dorezohem, do i faktoj te kunderten e pretendimeve te tyre, te cilet paskan marr edhe peshoren e cilesise se artit te aktrimit.

Hijet e zeza qe po i sillen Teatrit ” Migjeni” e nisen me mua dhe me kolegun Vladimir Dodaj, ate qe e kane nisur nje vit me pare kur i hoqen autonomine teatrit, duke e shkrire si institucion te varesise.

Projektet ogurzeza te individeve hakmarres, demet qe i jane shkaktuar keto dy vite, dhe do shkaktohen ne te ardhmen do jene aq te medha.

Ndersa une dinjitetin tim do e mbroj me çdo kusht.

Nuk do beje asnje hap pas!

Ditet ne vazhdim e deri ne fund do jem perballe padrejtesise qe me eshte bere.

Individet pergjegjes, do kene mundesine te pergjigjen para organeve te ligjit per paligjshmerite e tyre.

As une s’ do e kem personale!

The post Simon Shkreli pushohet nga puna në Teatrin “Migjeni”: Hakmarrësit do përballen me ligjin! appeared first on Albeu.com.

Një vatër zjarri është regjistruar pasditen e sotme në fshatin Janjar, Bashkia Konispol.

Sipas raportimeve paraprake, vatra e zjarrit ndodhe pranë kufirit me Greqinë ndërsa në terren për të shmangur agravimin e situatës operojnë 5 zjarrfikës dhe 3 roje pyesh.

Bëhet me dije se për rastin është komunikuar edhe me shërbimin zjarrfikës të Filatit në Greqi.

The post Zjarret në vend/ Regjistrohet një vatër në fshatin Janjar në Konispol, flakët pranë kufirit me Greqinë appeared first on Albeu.com.

Organizata e Veteranëve të Ushtrisë Çlirimtare të Kosovës (OVL e UÇK-së) ka kritikuar Qeverinë në detyrë të Kosovës lidhur me pagesat për mbrojtjen e ish-krerëve të UÇK-së që gjenden në paraburgim në Hagë. Kreu i OVL të UÇK-së, Hysni Gucati, tha se i është drejtuar ministres në detyrë të Drejtësisë, Albulena Haxhiu, për këtë çështje, por nuk ka pranuar përgjigje.

Ai tha se para dy vjetësh e gjysmë, Qeveria e Kosovës ka bërë ndryshime sa i përket mbështetjes financiare për të akuzuarit nga Dhomat e Specializuara të Kosovës në Hagë, duke vendosur në çmim tavan për mbrojtjen. Gucati, që e cilësoi vendimin si të padrejtë dhe gabim të madh, tha se për shkak të pagesave, veçse janë larguar disa avokatë, duke përmendur mbrojtësin e Kadri Veselit, dhe dy avokatë të Hashim Thaçit.

“Ajo [Qeveria e Kosovës] ka marrë një çmim tavan për të paguar mbrojtjen dhe nuk jep para shtesë, siç ka qenë para katër vjetësh. Para katër vjetësh ka qenë çmimi jo i limituar, sa e ka pasur orën mbrojtja, aq e ka paguar Qeveria”, tha Gucati, duke akuzuar Qeverinë se nuk “po e kthen kokën” nga njerëzit që gjenden në Hagë.

Ditë më parë u raportua se për shkak të çështjes së pagesave mund të largohen avokatë që po mbrojnë të akuzuarit nga Dhomat e Specializuara dhe Zyra e Prokurorit të Specializuar në Hagë. Por, Ministria e Drejtësisë doli me një reagim duke thënë se që nga nisja e procesit gjyqësor në Gjykatën Speciale në Hagë, janë realizuar pagesa të rregullta, në përputhje me marrëveshjet dhe obligimet e përcaktuara paraprakisht.

“Nga fillimi i procesit në total janë paguar 32.944.287.77€. Nga kjo shumë, për mbrojtjen e z. Hashim Thaçi janë shpenzuar total: 5.353.301.02 €”, tha MD-ja.

MD-ja kishte reaguar për çështjen e pagesave të avokatëve kur Ben Emmerson, që mbronte Kadri Veselin, u largua nga ekipi mbrojtës i ish-kryetarit të Kuvendit të Kosovës më 2024. MD-ja tha se personat që tërhiqen nga detyra e tyre “mund të gjejnë justifikime të ndryshme, por paga e ulët nuk është një prej tyre”.

Aktualisht, në Gjykatën Speciale po zhvillohen disa raste, përfshirë edhe gjykimi ndaj ish-krerëve të UÇK-së, përkatësisht ndaj ish-presidentit Hashim Thaçi, ish-kryeparlamentarëve Kadri Veseli dhe Jakup Krasniqi dhe ish-deputetit të Kosovës, Rexhep Selimi. Ata kanë një aktakuzë të përbashkët për krime lufte dhe krime kundër njerëzimit, akuza që i kanë mohuar.

Dhomat e Specializuara dhe Zyra e Prokurorit të Specializuar – të njohura gjerësisht si Gjykata Speciale – janë themeluar në vitin 2015 nga Kuvendi i Kosovës dhe janë pjesë e sistemit gjyqësor të Kosovës, por veprojnë me personel ndërkombëtar në Holandë. Gjykata Speciale heton krimet e pretenduara të pjesëtarëve të UÇK-së, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000./ REL

The post Organizata e Veteranëve të UÇK-së kritikon Qeverinë e Kosovës për pagesat e mbrojtjes për të akuzuarit në Hagë appeared first on Albeu.com.

Presidenti rus, Vladimir Putin ka zhvilluar ditën e djeshme një bisedë telefonike me kryeministrin e Izraelit, Benjamin Netanyahu.

Referuar deklaratës së zyrës së shtypit të Kremlinit, Putin ka shprehur gadishmërinë e Moskës për tu angazhuar në përpjekjet lidhur me gjetjen e një zgjidhje për çështjen bërthamore iraniane.

Shërbimi për shtyp i Kremlinit deklaroi: “Në dritën e përshkallëzimit të fundit në konfrontimin iraniano-izraelit, Rusia ka shprehur gatishmërinë e saj për të ndihmuar në çdo mënyrë të mundshme për të lehtësuar një zgjidhje diplomatike në lidhje me programin bërthamor të Iranit”.

Izraeli në thelb nuk e pranon të drejtën sovrane të Iranit për të zhvilluar energji bërthamore civile, pasi supozon se Teherani do t’i përdorë teknologjitë e fituara për qëllime ushtarake, qëndrim ky që ka marrë dhe mbështetjen e Shteteve të Bashkuara.

Kujtojmë që më 13 Qershor, Izraeli ndërmori një operacion ushtarak kundër Iranit dhe programit bërthamor në vend, i pasur 9 ditë më vonë nga ndërhyrja e SHBA-ve, të cilët bombarduan 3 objektet bërthamore iraniane.

Më 24 Qershor, palët njoftuan armëpushimin, por përsëri situata në Lindjen e Mesme vijon të mbetet e tensionuar dhe e paqëndrueshme.

The post Putin telefonatë me kryeministrin izraelit, presidenti rus: Jam gati të ndihmoj në negociatat për programin bërthamor të Iranit appeared first on Albeu.com.

Në një vend ku zjarret kanë shkatërruar qindra mijëra hektarë tokë në dekadën e fundit, premtimet politike për përforcimin e flotës ajrore me avionë zjarrfikës nuk janë çështje retorike, por çështje jetike. Megjithatë premtimi i bërë nga kryeministri Edi Rama gjatë fushatës elektorale të vitit 2025, se Shqipëria do të kishte dy avionë zjarrfikës të gatshëm për sezonin veror, rezulton i pambajtur.

“Flota jonë ajrore do të ketë në dispozicion duke filluar nga kjo verë, janë bërë marrëveshjet, dy avionë zjarrfikës në gatishmëri për ne pa pritur që të vijnë nga një vend apo nga një vend tjetër” , tha kryeministri gjatë fushatës elektorale në 29 Mars 2025.

Vera erdhi, zjarret nisën, por Shqipëria ende nuk ka asnjë avion zjarrfikës.

Një kërkesë për informacion që Faktoje i drejtoi Ministrisë së Mbrojtjes konfirmon zyrtarisht se, ndryshe nga sa u premtua, Forcat e Armatosura të Republikës së Shqipërisë nuk disponojnë asnjë avion zjarrfikës. Në përgjigjen e kthyer zyrtarisht, ministria njofton thjesht:

“Ju informojmë se Forcat e Armatosura të Republikës së Shqipërisë (FARSH) aktualisht nuk disponojnë avionë zjarrfikës.”

E në fakt për zjarret aktive në vend avionët zjarrfikës erdhën nga vendet e Bashkimit Europian në kuadër të programit EU Solidarity.

Gjatë ditëve të fundit flakët kanë përfshirë zona të ndryshme të Shqipërisë si Delvina, Bulqiza, Borshi, Lukova, Kanina, Berati dhe Pusteci. Agjencia Kombëtare e Mbrojtjes civile njoftoi më 28 Korrik se “gjatë 24 orëve të fundit janë evidentuar 34 vatra zjarri nga të cilat 17 janë ende aktive, 6 janë nën monitorim dhe 11 janë shuar”.

Mungesa e avionëve zjarrfikës është denoncuar edhe nga kreu i institutit për Bashkitë e Shqipërisë, Agron Haxhimali, sipas të cilit Shqipëria është i vetmi vend në rajon që nuk disponon asnjë avion apo helikopter të dedikuar për shuarjen e zjarreve nga ajri.

Premtimi i ricikluar për avionë zjarrfikës

Premtimi për avionë zjarrfikës nuk është i ri për qeverinë socialiste. Ai është një riciklim i deklaratave të mëparshme.

Në janar të vitit 2023, ministri i atëhershëm i Mbrojtjes, Niko Peleshi, njoftoi publikisht se Shqipëria po përgatiste dokumentacionin për blerjen e dy avionëve shumëfunksionalë, të përshtatshëm për ndërhyrje në raste zjarresh dhe për mbështetje agrokulturore.

“Janë disa mjete më modeste në kosto, më të manovrueshme dhe më të përshtatshme për situatat tona të zjarreve,” u shpreh ministri Peleshi asokohe.

Pyetjet që ngrihen nga kjo mospërputhje mes deklaratave politike dhe realitetit janë disa. Sa ka kushtuar dështimi për të pajisur vendin me avionë zjarrfikës në kohë? Sa sipërfaqe mund të ishte shpëtuar? Sa jetë njerëzish dhe burimesh janë vënë në rrezik për shkak të mungesës së logjistikës ajrore?

Në mungesë të transparencës, publiku nuk ka mundësi të gjykojë nëse vonesat janë për arsye financiare, burokratike apo thjesht për mungesë vullneti politik. Asnjë informacion për tendera, kontrata apo faza të prokurimit nuk është bërë publik deri më sot.

Nisur nga të dhënat, premtimi i bërë gjatë fushatës zgjedhore për vendosjen e dy avionëve zjarrfikës në dispozicion të flotës ajrore shqiptare konsiderohet i pambajtur./ Faktoje.al

The post Shqipëria nuk ka asnjë avion zjarrfikës, ndonëse u premtuan të paktën dy appeared first on Albeu.com.

Një 25-vjeçar dyshohet se është plagosur me thikë ditën e sotme në Vlorë. Bëhet me dije se i riu ka mbërritur në spital i qëlluar me thikë pranë zemrës dhe se aktualisht po i nënshtrohet kontrolleve.

Sipas informacioneve paraprake ai ka mbërritur në spital në gjendje koshiente. Momentalisht nuk dihen motivet e plagosjes së tij me thikë, teksa grupi hetimor po punon për zbardhjen e plotë të rrethanave të ngjarjes.

The post E rëndë Vlorë, i riu mbërrin në spital i plagosur me thikë, detajet e para appeared first on Albeu.com.

Një trup i pajetë është gjetur sot rreth orës 16:00 në Kukës pranë “Urës së Drinit të Zi”. Policia bën me dije se personi i pajetë është ende të paidentifikuar, por i përket i gjinisë mashkullore. Gjithashtu në njoftim thuhet se nga këqyrja paraprake nuk janë konstatuar shenja dhune.

Njoftimi:

Kukës / Informacion paraprak
Rreth orës 16:00, Salla Operative e DVP Kukës ka marrë njoftim se pranë “Urës së Drinit të Zi” është konstatuar trupi i pajetë i një shtetasi ende të paidentifikuar, i gjinisë mashkullore. Nga këqyrja paraprake nuk janë konstatuar shenja dhune.

The post Gjendet një trup i pajetë pranë “Urës së Drinit të Zi” në Kukës, Policia: Personi ende të paidentifikuar appeared first on Albeu.com.

Daja i Endri Shabanit, Zeqir Kordhoni, i ka kërkuar Komisionit të Ankimimeve dhe Sanksioneve dhe Komisionit Qendror të Zgjedhjeve shpalljen e pavlefshme të deklaratave të dorëheqjes së dhëna nga kandidatët përpara marrjes së mandatit parlamentar.

Kordhoni thotë se duhet të shpallen të pavlefshme dorëheqjet nga mandati, me arsyetimin e bazuar në nënin 164 të Kodit Zgjedhor, se një dorëheqje nga mandati është e vlefshme vetëm pasi kandidati e ka fituar dhe marrë zyrtarisht mandatin.

Ai shton se dorëheqjet e dhëna paraprakisht nuk gëzojnë asnjë bazë ligjore dhe bien ndesh me parimet themelore të së drejtës zgjedhore. Daja i Shabanit pretendon se ka patur parregullsi në dorëheqjet e dhëna nga mandati, duke vënë në dyshim vërtetësinë e tyre.

“Kërkoj: shpalljen e pavlefshme të të gjitha deklaratave të dorëheqjes së dhëna përpara marrjes së mandatit parlamentar, si të kundërligjshme dhe në shkelje të nenit 164 të Kodit Zgjedhor. Hetimin dhe verifikimin e rrethanave të nënshkrimit të këtyre deklaratave, përfshirë datën reale të nënshkrimit, vendndodhjen e secilit person nënshkrues dhe mënyrën në të cilën janë marrë këto deklarata. Theksoj se integriteti i procesit zgjedhor dhe respektimi i vullnetit të zgjedhësve kërkon që dorëheqjet e dhëna në mënyrë të parakohshme ose të falsifikuara të shpallen të pavlefshme”, thotë Kordhini.

Shkresa e Zeqir Kordhonit:

Në cilësinë e palës së interesuar dhe në mbështetje të nenit 164, pika 1 dhe 2, të Kodit Zgjedhor të Republikës së Shqipërisë, paraqes këtë kërkesë për shqyrtim dhe vendimmarrje mbi pavlefshmërinë e deklaratave të dorëheqjes së depozituara nga disa kandidate përpara marrjes së mandatit.

Sipas nenit 164 të Kodit Zgjedhor (“Dorëheqja nga mandati”), një dorëheqje nga mandati është e vlefshme vetëm pasi kandidati e ka fituar dhe marrë zyrtarisht mandatin. Dorëheqjet e dhëna paraprakisht (pra përpara shpalljes së rezultatit përfundimtar dhe marrjes së mandatit) nuk gëzojnë asnjë bazë ligjore dhe bien ndesh me parimet themelore të së drejtës zgjedhore. Çdo akt dorëheqjeje i dhënë përpara momentit të fitimit të mandatit nuk mund të prodhojë efekt juridik dhe mund të shpallet i pavlefshëm nga ana e KQZ-së dhe KAS-it.

Kam gjithashtu arsye serioze për të vënë në dyshim vërtetësinë dhe rrethanat në të cilat janë nënshkruar këto deklarata. A kanë qenë të gjithë nënshkruesit fizikisht të pranishëm në datën që pretendohet se janë nënshkruar deklaratat? A janë nënshkruar këto deklarata në mënyrë të lirë dhe pa ushtruar dhunë apo presion psikologjik? A janë përgatitur dhe nënshkruar këto deklarata sipas formës dhe procedurave ligjore të përcaktuara në Kodin Zgjedhor?

Në dijeninë time, të paktën një prej kandidateve, Entela Sula, që pretendohet se ka firmosur një deklaratë dorëheqjeje në datën 11 Maj, nuk ka qenë fizikisht në territorin e Republikës së Shqipërisë. Gjithashtu dyshime ka edhe për kandidate të tjerë, të cilët jetojnë jashtë Shqipërisë, të cilët mund të mos kenë qenë në Shqipëri në datën që pretendohet se kanë firmosur dorëheqjen. Kjo gjë ngre dyshime serioze mbi vërtetësinë e këtyre akteve.

Në bazë të sa më sipër kërkoj:

Shpalljen e pavlefshme të të gjitha deklaratave të dorëheqjes së dhëna përpara marrjes së mandatit parlamentar, si të kundërligjshme dhe në shkelje të nenit 164 të Kodit Zgjedhor.

Hetimin dhe verifikimin e rrethanave të nënshkrimit të këtyre deklaratave, përfshirë datën reale të nënshkrimit, vendndodhjen e secilit person nënshkrues dhe mënyrën në të cilën janë marrë këto deklarata.

Theksoj se integriteti i procesit zgjedhor dhe respektimi i vullnetit të zgjedhësve kërkon që dorëheqjet e dhëna në mënyrë të parakohshme ose të falsifikuara të shpallen të pavlefshme.

The post Përplasja për karrigen e deputetit/ Daja i Endri Shabanit i kërkon KAS dhe KQZ-së të mos njohin dorëheqjet nga mandati appeared first on Albeu.com.

Granit Xhaka bën rikthimin e bujshëm në Premier League, por këtë herë jo me Arsenal. Mesfushori shqiptar ka vendosur të mbyllë aventurën me Leverkusen, për të nisur një të re me Sunderland.

Xhaka do të firmosë me ekipin anglez një kontratë 3-vjeçare, pra të vlefshme deri në qershorin e vitit 2028. Ndërkohë që për të siguruar shërbimet e 32-vjeçarit, Sunderland do të shpenzojë 20 milionë euro.

Gjithçka është e kryer, teksa pritet vetëm zyrtarizimi. Kujtojmë se në garë serioze për shërbimet e mesfushorit ishte edhe Milan, por marrëveshja mes “Djallit” dhe Leverkusen nuk u arrit kurrë.

The post 20 milionë euro, Granit Xhaka vendos të rikthehet në Premier League appeared first on Albeu.com.

Ka përfunduar sot faza e intervistës në kuadër të procesit të përzgjedhjes së Drejtorit të Byrosë Kombëtare të Hetimit (BKH).

bkh-spak-1

Pas zhvillimit të testit të poligrafit më datat 24 dhe 25 korrik, intervistat me kandidatët u zhvilluan sot, duke nisur në orën 09:00 në ambientet e Strukturës së Posaçme kundër Korrupsionit dhe Krimit të Organizuar (SPAK).

Secila intervistë zgjati rreth 45 minuta dhe u mbikëqyr nga përfaqësues ndërkombëtarë, për të garantuar standarde të larta transparence dhe integriteti.

Sipas SPAK, gjatë intervistave, kandidatët u vlerësuan mbi njohuritë e tyre profesionale, aftësitë drejtuese dhe qasjen e tyre ndaj sfidave që lidhen me drejtimin e BKH-së.

Në përfundim të kësaj faze, Komisioni i Përzgjedhjes vendosi që të shtatë kandidatët të kalojnë në fazën e radhës, atë të verifikimit të figurës dhe deklarimit të pasurisë.

Kujtojmë se kandidatët në garë janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.

Njoftimi i SPAK

Përfundon Faza e Intervistës në Procesin e Përzgjedhjes së Drejtorit të BKH-së

Pas zhvillimit të testit të poligrafit më datat 24 dhe 25 korrik, sot përfundoi edhe faza e intervistës për përzgjedhjen e Drejtorit të Byrosë Kombëtare të Hetimit (BKH).

Intervistat nisën në orën 09:00, në ambientet e Strukturës së Posaçme kundër Korrupsionit dhe Krimit të Organizuar (SPAK) dhe zgjatën 45 minuta për secilin kandidat.

Kjo fazë, e monitoruar nga përfaqësuesit ndërkombëtarë, u fokusua në vlerësimin e njohurive profesionale, aftësive drejtuese dhe qasjen e kandidatëve ndaj sfidave që lidhen me pozicionin e Drejtorit të BKH-së.

Në përfundim të kësaj faze, Komisioni i Përzgjedhjes vendosi që të shtatë kandidatët t’i nënshtrohen fazës së verifikimit të figurës dhe deklarimit të pasurisë, në përputhje me nenin 6 të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”.

SPAK rikonfirmon angazhimin për të garantuar një proces përzgjedhjeje transparent, të drejtë dhe të bazuar në kritere të qarta profesionale dhe ligjore.

The post Gara për përzgjedhjen e Drejtorit të BKH-së, përfundojnë intervistat/ Shtatë kandidatët kalojnë në fazën e radhës appeared first on Albeu.com.

Kombet e Bashkuara i kanë bërë thirrje Iranit që t’i ndalë dënimet me vdekje, duke përmendur “rritje shqetësuese të ekzekutimeve” këtë vit.

“Raportimet se janë kryer disa qindra ekzekutime në Iran vetëm këtë vit, tregojnë sa shqetësuese është situata, si dhe për nevojën urgjente për një moratorium të menjëhershëm në këtë shtet në kryerjen e dënimeve me vdekje”, ka thënë shefi i Kombeve të Bashkuara për të Drejta të Njeriut, Volder Turk përmes një deklarate.

Sipas të dhënave të mbledhura nga zyra e tij, të paktën 612 persona janë ekzekutuar në gjysmën e parë të vitit 2025. Kjo shifër është dyfish më e madhe sesa ajo e periudhës së njëjtë më 2024, kur autoritetet iraniane raportohet t’i kenë kryer të paktën 297 ekzekutime, është thënë në deklaratë. Sipas shefit të zyrës së OKB-së, minoritetet janë prekur në mënyrë joproporcionale.

“Është alarmante të shohim raportime që tregojnë se janë të paktën 48 persona në listë për t’u ekzekutuar”, ka thënë Turk.

Komisionari i Lartë i OKB-së për të Drejta të Njeriut ka thënë se informacioni i mbledhur nga zyra e tij tregon se në shumicën e rasteve, procedurat gjyqësore janë kryer me dyer të mbyllura dhe kështu nuk janë respektuar të gjitha ligjet që garantojnë proces të drejtë.

Sipas zyrës së tij, mbi 40 për qind e ekzekutimeve këtë vit janë kryer për shkelje të lidhura me drogën. Të tjerë janë dënuar për akuza sikurse “’armiqësia ndaj Zotit’, ‘korrupsion në Tokë’, dhe akuza tjera që përdoren shpesh nga autoritetet për t’i heshtur zërat kundërshtues”./ REL

The post OKB-ja e alarmuar nga rritja e dënimeve me vdekje në Iran: 48 persona janë në listë për t’u ekzekutuar appeared first on Albeu.com.

Duket se jugut të Shqipërisë nuk po i ndahen zjarret këtë verë, pasi me dhjetra hektarë janë shkrumbuar nga flakët.

U raportua se një vatër e madhe zjarri është aktivizuar këtë pasdite në fshatin Dukat i Ri, duke përfshirë një sipërfaqe të konsiderueshme pyjore.

Flakët, të favorizuara nga era e fortë, janë duke u përhapur me shpejtësi dhe tashmë po i afrohen rrezikshëm zonave të banuara.

U bë me dije se ndërhyrja nga toka është tepër e vështirë për shkak të terrenit të thyer dhe intensitetit të flakëve.

Banorët e zonës janë të alarmuar, pasi flakët po iu afrohen me shpejtësi banesave të tyre.

The post Zjarri në Dukat del jashtë kontrollit, flakët i afrohen me shpejtësi banesave appeared first on Albeu.com.

Ministri izraelit i Mbrojtjes, Israel Katz, ka lëshuar një paralajmërim të ashpër ndaj Hamasit, duke deklaruar se “nëse nuk lirohen pengjet, portat e ferrit do të hapen në Gaza”. Deklarata është bërë publike nga agjencia e lajmeve Anadolu.

“Ky është një luftë shumë komplekse, më e ndërlikuar se çdo gjë që kemi parë më parë. Po i afrohemi fazave ku duhet të merren vendime të mëdha. Kjo ka të bëjë me udhëheqje – dhe përgjegjësinë e mbajmë ne, jo prokurorët apo të tjerët,” tha Katz gjatë një ceremonie për prishjen e godinave të dëmtuara nga sulmet me raketa në qytetin Holon, afër Tel Avivit.

Sipas autoriteteve izraelite, në Gaza ndodhen ende 58 pengje, nga të cilët 20 dyshohet se janë ende gjallë.

The post Ministri izraelit i Mbrojtjes paralajmëron: Nëse Hamas nuk liron pengjet, portat e ferrit do të hapen në Gaza appeared first on Albeu.com.

Anëtarët e shtatë grupeve kriminale do të gjykohen nga Gjykata e Posaçme, shtatë muaj pasi SPAK mbylli hetimet dhe rreth një vit e gjysmë pasi organi i akuzës nisi përndjekjen e krerëve dhe anëtarëve të këtyre bandave. Dosja mori emrin “Revanshi”, pas operacionit të Prokurorisë së Posaçme.

Pjesë e këtyre 7 grupeve kriminale, veç njerëzve të botës së krimit, u evidentuan dhe emra zyrtarësh policorë, si ish-drejtori i Policisë së Lezhës, Henerigert Mitri apo dhe politikanë si ish-deputeti socialist, Arben Ndoka, e vëllai i deputetit Eduard Ndreca, Armando Ndreca.

Në maj të vitit që lamë pas me urdhër të Prokurorisë së Posaçme kundër Korrupsionit dhe Krimit të Organizuar ranë në pranga 20 persona, 14 prej tyre në Shqipëri dhe 6 të tjerë jashtë vendit, 2 në Itali, 1 në Gjermani, 1 në Spanjë dhe 2 në Belgjikë.

Ky megaoperacion aso kohe erdhi pas zbërthimit të komunikimeve në aplikacionet sekrete “Sky” dhe “EncroChat”.

Falë zbërthimit të këtyre bisedave u bë i mundur edhe zbulimi i aleancave dhe planeve sekrete të grupit të Ervis Martnajt, i cili në aleancë me grupin e drejtuar nga ish-deputeti socialist, Arben Ndoka rekrutonin vrasës me pagesë të cilët vepronin kryesisht në zonën e Fushë-Krujës dhe në zonën e Burrelit.

SPAK bëri me dije se ish-deputeti socialist drejtonte një grup të fuqishëm kriminal në zonën e Lezhës dhe kishte lidhur aleancë me Ervis Martinaj për vrarë të fortin e Nikës, Durim Bamin dhe Fatmir Hysenin, i konsideruar një ndër vrasësit më të rrezikshëm me pagesë nga Vlora dhe i njohur me nofkën “Doqja”.

“Në qendër të këtyre grupeve kriminale është grupi kriminal i krijuar dhe drejtuar nga shtetasi Ervis Martinaj, i cili është në aleancë me grupin kriminal që vepronte në qytetin e Lezhës të drejtuar nga shtetasi Arben Ndoka. Këta dy grupe kriminale, për arritjen e qëllimit kriminal kanë kontaktuar anëtarë të një grupi tjetër kriminal i cili vepronte në qytetin e Durrësit.

Gjithashtu, të dy këto grupe kriminale kanë rekrutuar vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit. Po kështu për të realizuar qëllimet kriminale Ervis Martinaj, kontakton shtetasin Viktor Imerin, i cili sapo kishte përfunduar vuajtjen e dënimit me burgim i kërkon vrasjen e shtetasit Fatmir Hyseni.

Në ndihmë të grupeve kriminale të drejtuara Ervis Martinaj dhe Arben Ndoka, vijnë edhe shtetasit Emiljano Shullazi dhe A.Avdyli, të cilët edhe pse në kushtet e paraburgimit ndihmojnë Ervis Martinaj dhe Arben Ndokën, në realizimin e qëllimit kriminal që është vrasja e Durim Bami, etj.

Emiljano Shullazi kontakton me të hetuarin Tesilvan Basho, të cilit i kërkon vrasjen e Durim Bamit. Po kështu Emiljano Shullazi, siguron informacione për lëvizjet e Durim Bamit dhe këto informacione i’a vë në dispozicion shtetasit Arben Ndoka”, thuhej në komunikatën zyrtare të Prokurorisë së Posaçme.

Ndërkohë, organi i akuzës zbardhi dhe aktivitetin kriminal të grupit të Niklës, që drejtohej pikërisht nga Durim Bami dhe pas lidhjes së aleancës me “Klanin Duka”, u interesua veçanërisht për elemiminimin e Ervis Martinaj, Arben Ndokës dhe njerëzve të tyre.

“Nga ana tjetër në zonën e Fushë Krujës spikat grupi kriminal i drejtuar nga shtetasi Durim Bami, i cili shfaqet në konflikt të hapur me grupet kriminale të drejtuara nga shtetasit Ervis Martinaj dhe Arben Ndoka.

Grupi kriminal i drejtuar nga Durim Bami, bën aleancë me një grup kundërshtar të shtetasit Ervis Martinaj, dhe që drejtohet nga shtetasit Leonard Duka dhe Fatmir Hyseni, persona me precedentë të theksuar kriminal me qëllim vrasjen e Ervis Martinaj dhe Arben Ndoka, dhe anëtarëve të tjerë të këtyre grupeve kriminale”, thuhej në njoftimin zyrtar të SPAK.

Ndërkohë sa i përket ish-Policit të Qarkut të Lezhës, u njoftua se ai drejtonte aktivitetin kriminal të kultivimit të narkotikëve në Lezhë sepse ishte kryepolic i qarkut, si dhe në bashkëpunim me shtetasin e skeduar për disa ngjarje kriminale Preng Gjini, lejonte lojërat e fatit.

Në kuadër të këtij megaoperacioni vitin e kaluar u sekuestruan pasuri me vlerë mbi 4.5 milion euro, përfshirë para cash, ora të shtrenjta, makinat të blinduara dhe florinj.

The post 7 muaj nga “kopsitja” e dosjes për 7 grupe kriminale, “Revanshi” kalon për gjykim! Kush janë bosët që akuzohen bashkë me Ervis Martinaj appeared first on Albeu.com.