Nëse dëshironi të arrini sukses, duhet të investoni fillimisht në vetvete. Sa më i madh të jetë ky investim, aq më të përgatitur do të jeni për pozita të suksesshme

Karrierën mund ta zgjeroni vetëm në masën që zgjeroni njohuritë tuaja. Lajmi i mirë është se koha që i kushtoni zhvillimit personal varet krejtësisht nga ju.

Nëse dëshironi, do të investoni në vetvete; nëse jo, do të kënaqeni me pozitën që keni momentalisht.

Më poshtë gjeni disa nga mënyrat më të thjeshta për të rritur kapacitetet intelektuale dhe inteligjencën emocionale:

Zgjeroni horizontet tuaja

Duke zgjeruar horizontet, do të njoftoheni me mundësi të reja. Kjo mund të bëhet lehtësisht, vizitoni vende të reja, zgjidhni një rrugë tjetër për në punë, apo edhe përdorni dorën jo dominante për veprime të përditshme.

Kënaquni duke lexuar

Shumë njerëz fokusohen në sukses dhe harrojnë argëtimin dhe relaksimin. Rritja personale nuk do të thotë vetëm lexim i detyrueshëm. Çfarëdo lloj leximi, mister, trillim, poezi, stimulon imagjinatën, zgjeron fjalorin dhe forcon trurin. Gjithashtu, ju ndihmon të bëheni lexues dhe komunikues më të mirë, transmeton Telegrafi.

Ushtrojeni trurin

Ekzistojnë shumë teknika dhe aplikacione për ta mbajtur mendjen të mprehtë. Lojërat dhe ushtrimet që rrisin neuroplasticitetin e trurit ndihmojnë në zhvillimin e aftësive mendore.

Vazhdimisht mësoni

Gjithmonë ka diçka të re për të mësuar. Sa më shumë që mësoni, aq më i përgatitur do të jeni për të qenë strateg i shkëlqyeshëm. Mësimi rrit vetëbesimin, aftësitë dhe talentin tuaj, dhe ju mundëson të punoni më mençur, jo më shumë.

Aktiviteti fizik

Aktiviteti fizik jo vetëm ju formëson trupin, por përmirëson edhe funksionimin e trurit. Truri funksionon më mirë kur është i furnizuar me oksigjen. Ushtrimet fizike përmirësojnë memorien dhe përqendrimin.

Përveç këtyre mënyrave, sigurohuni që të bëni mjaftueshëm gjumë dhe të kujdeseni për veshjen tuaj! /Telegrafi/

The post Pesë mënyra se si ta rrisni kapacitetin intelektual appeared first on Telegrafi.

Cilat karriera sjellin më shumë para?”

Çdo vit mijëra të rinj përballen me një pyetje të madhe: Cilin drejtim universitar duhet të zgjedh? Për shumicën, pasioni, prirjet dhe ëndrrat personale janë vendimtare. Por në një botë gjithnjë e më konkurruese, shumë të rinj dhe familjarë të tyre nuk mund të anashkalojnë një faktor të rëndësishëm: Sa para mund të fitoj me këtë profesion?

A ka një “recetë” për pasuri?

Është fakt i njohur që diploma universitare nuk është gjithmonë një garanci për pasuri. Sipas një analize të fundit nga Forbes, mbi 30% e miliarderëve më të pasur nuk kanë përfunduar një diplomë bachelor. Megjithatë, për shumicën dërrmuese të njerëzve, arsimimi i lartë mbetet rruga më reale për një karrierë të sigurt dhe të qëndrueshme financiarisht.

Sipas US Bureau of Labor Statistics (BLS) dhe Eurostat (2023–2024), të diplomuarit në fusha të caktuara fitojnë 40–60% më shumë gjatë jetës sesa bashkëmoshatarët pa diplomë universitare.

Cilat fusha udhëheqin?

Bazuar në Glassdoor, Payscale, Eurostat dhe Medscape (2023–2024), këto janë drejtimet më fitimprurëse sot:

1. Inxhinieria Kompjuterike & Shkencat Kompjuterike

SHBA: Paga fillestare 80,000 – 100,000 USD/vit
Evropë: 45,000 – 85,000 € për junior, mbi 100,000 € për ekspertë të lartë.

Zhvilluesit, ekspertët e inteligjencës artificiale, sigurisë kibernetike dhe startup-et teknologjike vazhdojnë të mbeten ndër më të kërkuarit. Kompanitë si Google, Apple apo startupe të Silicon Valley paguajnë bonuse që shumëfishojnë pagën bazë.

2. Inxhinieria Elektrike & Industriale

SHBA: 75,000 – 95,000 USD/vit
Evropë: 50,000 – 90,000 €

Inxhinierët punojnë në sektorë strategjikë si energjia e rinovueshme, automotivi dhe hapësira ajrore. Gjermania, Suedia dhe Franca janë qendrat kryesore.

3. Financa, Bankat dhe Auditimi

SHBA: 70,000 – 90,000 USD fillestare; me bonuse shpesh >150,000 USD.
Evropë: 60,000 – 120,000 €, me bonuse të larta në Londër, Frankfurt dhe Zyrih.

Një analist i ri në një bankë investuese mund të dyfishojë pagën përmes shpërblimeve (Wall Street Oasis, Deloitte Europe Salary Survey 2023).

4. Mjekësia dhe Shkencat Shëndetësore

SHBA: Mjek specialist 350,000 USD/vit (Medscape Physician Report 2023)
Evropë: 100,000 – 250,000 €, kirurgët mbi 300,000 € në Gjermani dhe Zvicër.

Përkundër kohës së gjatë të studimeve, mjekësia mbetet një nga profesionet më të sigurta financiarisht.

5. Jurispudenca dhe Drejtësia

Avokatët në firmat ndërkombëtare arrijnë shpesh 200,000 USD/vit në SHBA dhe 60,000 – 150,000 € në BE, varësisht nga specializimi dhe klientela.

6. Biznesi dhe Sipërmarrja

Nuk ka diplomë magjike për sukses në biznes, por MBA-të, Administrimi i Biznesit dhe Menaxhimi rrisin rrjetin dhe aftësitë praktike. Startup Genome Report 2023 konfirmon se shumica e themeluesve të startup-eve të suksesshme kanë studiuar Biznes ose Shkenca Kompjuterike.

Çfarë ndodh në Evropë dhe Ballkan?

Në Europë, trendet janë të njëjta: IT, mjekësia, inxhinieria dhe financa kryesojnë. Eurostat (2023) raporton mungesa kronike të IT-së në Gjermani, Holandë dhe shtetet nordike. Paga e programuesve senior shpesh kalon 100,000 €. (Statista, European Labour Authority 2023)

Në Ballkan, pagat mesatare janë më të ulëta, por sektori i IT-së dhe startup-eve digjitale po rritet me ritme të larta. Një programues në Kosovë, Shqipëri apo Maqedoni që punon remot mund të fitojë 2–5 herë më shumë se paga mesatare. (DESI Report 2023)

Sa vlen një diplomë sot?

Sipas Education and Training Monitor (Komisioni Evropian), një i diplomuar mesatarisht fiton 40–60% më shumë se një punëtor me vetëm arsim të mesëm. Kthimi më i lartë i investimit gjendet tek STEM, shëndetësia dhe profesionet teknike.

A mjafton diploma për t’u pasuruar?

Jo gjithmonë! Tregu kërkon gjithnjë e më shumë:

Shkathtësi digjitale
Gjuhë të huaja (anglishtja është bazë)
Aftësi ndërkulturore dhe të menduar kritik
Eksperiencë praktike (internship-e, projekte reale)

CEDEFOP paralajmëron: profesionet që kërkojnë kreativitet dhe zgjidhje komplekse janë më rezistente ndaj automatizimit.

Disa shembuj frymëzues

Në Estoni, një qendër e njohur për startup-e, të diplomuarit në IT marrin shpesh investime mbi 100,000 €.

Në Gjermani, inxhinierët e automjeteve elektrike dhe ekspertët e AI janë ndër më të kërkuarit.

Në Zvicër, mjekët, avokatët dhe menaxherët e fondeve janë profesionet më të paguara për kokë banori në Evropë.

Tre këshilla të arta për studentët

1. Mos zgjedh vetëm bazuar në mitet – kontrollo statistikat dhe trendet.
2. Investo në aftësi praktike (programim, data analysis, komunikim).
3. Kombino teorinë me praktikën – internship-et shpesh hapin derën për punë afatgjate.

Mbani mend!

Nuk ka një diplomë magjike për t’u bërë i pasur brenda natës. Por, nëse synoni siguri financiare dhe karrierë me të ardhura të larta në BE apo SHBA, drejtimet teknike, IT, shëndetësia, inxhinieria dhe financa mbeten zgjedhjet më të sigurta.

Në fund, kreativiteti, puna e palodhshme dhe guximi për të parë përtej kufijve kombëtarë bëjnë diferencën. /Telegrafi/

The post Çfarë drejtimi duhet të zgjedhni në fakultet që ju garanton sukses financiar? appeared first on Telegrafi.

Jeni ndarë? Nuk është me rëndësi se kush është fajtori, mos e përgojo

Nuk është gjithmonë e rëndësishme kush ishte fajtor. Ndoshta ishte ai. Ndoshta ishe ti. Ndoshta thjesht nuk funksionoi.

Por ajo që ka vërtet rëndësi është mënyra si zgjedh të ecësh përpara. Të përgojosh dikë që dikur e ke dashur, nuk tregon forcë – tregon plagë të pa shëruara. Nuk është ndarja ajo që të bën të pjekur, por mënyra si e përballon atë.

Fjalët e këqija nuk do ta ndryshojnë të shkuarën, por do të thonë shumë për ty në sytë e të tjerëve. Ruaj dinjitetin tënd, edhe kur tjetri nuk e ka ruajtur. Heshtja në kohën e duhur është më e fuqishme se çdo hakmarrje.

Përgojimet e zakonshme shpesh pasqyrojnë dinamika sociale, xhelozi të fshehta, zhgënjime ose thjesht nevojën për të shfryrë emocionet.

Ja disa nga temat më të zakonshme të përgojimit:

Seksi ka qenë i tmerrshëm

Pos nëse ka qenë krejtësisht i ngathët dhe statik gjatë marrëdhënieve seksuale, vlerësimi për performancën e tij mund të jetë goxha subjektiv. Madje edhe nëse përfundon derisa keni thënë fjalën seks, ndërkaq paraloja për të është vetëm një fjalë e rëndomtë, mbajini përshtypjet vetëm për veten tuaj.

Ka qenë koprrac

Nëse ish-partneri juaj ka konsideruar se është dashur të shpenzosh shumë më pak sesa ju keni dëshiruar, kjo nuk do të thotë se ka qenë koprrac. Do të kuptoheni si sponsoruese nëse ankoheni për gjendjen e tij financiare.

Të gjitha i bënte në mënyrën e gabuar

Çdo gjë që ka menduar, ka folur dhe ka bërë ka qenë e gabueshme. Edhe pse jeni ndarë, nuk duhet të harroni të gjitha ato momente të bukura të kaluara me të dhe gjërat e mira të cilat i ka bërë ai. Nëse ndokush nga miqtë tuaj kujtohet për momentet e bukura të lidhjes suaj, merrni frymë thellë para se diçka “shpërtheni” me kritikat për ish-partnerin.

Është sjellë si idiot gjatë tërë kohës

Në rregull, mirëpo për ç’arsye atëherë keni qenë me të me muaj të tërë, madje edhe me vite? Është me rëndësi të përkushtoheni nganjëherë dhe të gjeni shenjat e vërejtjeve të cilat nuk i keni përdorur në atë lidhje, transmeton Telegrafi.

Akoma e dashuroni

Të gjithë neve në jetë së paku njëherë në jetë na është thyer zemra dhe të gjithë kemi përjetuar ndarjet e dhembshme. Nëse të tjerëve u flisni se e dashuroni akoma, procesi i shërimit të vuajtjeve do të zgjasë edhe më shumë. Silluni sikur çdo gjë është në rregull, edhe pse nuk është ashtu.

I tregoni gjërat të cilat ju ka treguar duke ju besuar plotësisht

Pa marrë parasysh se si ka përfunduar lidhja juaj, është fakt që me atë person keni qenë në lidhje intime. Shpesh mendojmë që betimi për të heshtur pushon kur edhe lidhja ndërpritet. Mirëpo, mbajini ndjenjat tuaja në mënyrë që të mbroni integritetin tuaj dhe në mënyrë që edhe të tjerët të mund t’ju besojnë.

Ua tregoni të tjerëve gjërat të cilat do ta turpërojnë plotësisht

Nëse jeni të gatshëm të flisni për gjëra që e turpërojnë ish-partnerin, çfarë do të mendoni se do të mendojnë miqtë tuaj apo partneri juaj i ri?

Karakteristikat pozitive të cilat i keni dashuruar te ish-partneri

Nga ana tjetër, disa persona duan të flasin për karakteristikat e mira, të cilat i posedojnë ish-partnerët: lidhur me atë se si kanë qenë mjeshtër të vërtetë për disa gjëra, se si ju kanë bërë dhurata të shumta, se si ju kanë bërë që të ndiheni të veçantë, etj. Nëse dëshironi të mirën vetes apo lidhjes të cilën pikërisht jeni duke e ndërtuar, më mirë është të mos flisni për gjëra të tilla. /Telegrafi/

The post Gjërat të cilat nuk bën assesi t’i flisni për ish-partnerin appeared first on Telegrafi.

Është e vështirë të gjesh personin i cili nuk është i hidhëruar me prindërit e vet. Madje edhe nëse kanë qenë të përsosur

Dikujt i kanë munguar dashuria dhe kujdesi, dikujt fjala apo vepra e mirë… Kur prindi të ofendon qe se çfarë ndodh: Bëhet destruktiv.

Të jetosh me inate dhe ankesa ndaj prindërve është njësoj sikur të jetosh me dhembjen e vazhdueshme. Kjo është njësoj kur qëllimisht privojmë besimin dhe dashurinë ndaj vetes.

Nëse nuk i pranojmë prindërit tanë (pa marrë parasysh çfarë janë ata), ne në të vërtetë nuk e pranojmë veten… Çlirimi nga hidhërimi ndaj prindërve nuk është i lehtë, mirëpo është shumë i rëndësishëm.

Vendosni vetes qëllimin që t’i falni prindërit në mënyrë që tërë jetën të mos e kaloni në vuajtje dhe veten ta privoni nga lumturia, transmeton Telegrafi.

Nuk bën ndryshe

Prindërit tuaj gjithashtu kanë pasur prindër. Shumica janë edukuar në ambient agresiv dhe armiqësor. Mbase i kanë traumat më të thella të tyre të cilat i kanë çuar deri aty që juve – fëmijës së tyre t’u shkaktojnë dhembje. Natyrisht kjo nuk i arsyeton, mirëpo duhet patjetër ta kuptoni që ata njerëz janë të palumtur, të thyer dhe thjeshtë nuk ka mundur të jetë ndryshe…

Të duan aq sa munden

Askush nuk mund të na dojë siç do të dëshironim ne, siç do të na pëlqente neve. Disa prindër kanë dashur të bëhen miq me fëmijët e tyre, prandaj kanë lënë anash rolin prindëror. Për të tjerët, sërish, prindërit kanë qenë tepër të ftohtë, edhe pse rregullisht i kanë ushqyer, veshur, i kanë dërguar te mjeku… Vetëm pranojeni faktin, derisa të jenë gjallë prindërit tuaj do t’ju duan.

Në mënyrën e vet

Megjithatë, ata janë vetëm njerëz me të gjitha të metat e tyre dhe me siguri të duan aq sa dinë dhe aq sa munden…

Nuk je më fëmijë

Nuk ka njerëz të përsosur. Disa janë të mbërthyer në rolin e fëmijës së përhershëm, prandaj vazhdimisht i kanë model prindërit e tyre. Kërkojnë nga ata që të jenë të përsosur dhe pastaj lëndohen, sepse ata njerëz thjesht nuk mund të jenë ndryshe. Është e nevojshme që të “dilni” nga sjelljet e prindërve tuaj.

Nuk jeni më fëmijë!

Tani jeni person i rritur i cili patjetër duhet ta kuptojë që prindërit tuaj janë vetëm njerëz me probleme. Mos i krahasoni me ndonjë ideal. Mësoni se si të ndërtoni marrëdhënie normale me prindërit. Mësoni t’i respektoni për shkakun që ju janë prindër. Njëherë kur më nuk do të jenë, do t’ju mbetën vetëm faji dhe keqardhja! /Telegrafi/

The post Kur prindërit të ofendojnë: Qe përse kurrë nuk bën të hidhërohesh me ta! appeared first on Telegrafi.

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët

Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj.

Mungesa e vetëbesimit i bën njerëzit ta shohin botën në mënyrë më ndryshe.

Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.

Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra se si mund ta rritni vetëbesimin.

Largohuni nga negativiteti

Fillimisht ju duhet t’ia rikujtoni vetes se pavarësisht çfarë probleme keni, ju gjithashtu keni shumë dhurata. Ju jeni unik dhe nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato, transmeton Telegrafi.

Kushtoni vëmendje pamjes tuaj

Kur është fjala për vetëbesimin, pamja fizike luan rol të rëndësishëm. Mënyra si qëndroni, buzëqeshja, kontakti me sy dhe mënyra si flisni janë elemente që ju ndihmojnë të paraqiteni si person me vetëbesim të lartë. Hulumtimet kanë dëshmuar se një kontakt i qëndrueshëm me sy, ngrehja e shpatullave, buzëqeshja dhe veshja e mirë janë bonus për pamjen tuaj.

Qëndroni të përgatitur

Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Por ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.

Asnjëherë mos u dorëzoni

Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem. /Telegrafi/

The post Rriteni vetëbesimin përmes këtyre teknikave appeared first on Telegrafi.

Nëse ti mua më sjell dhuratë, ndërkaq unë nuk e pranoj, kujt i takon ajo dhuratë pastaj?

Lexojeni mirë dhe mbani në mend këtë tregim dhe kur të vëreni që dikush dëshiron t’ju lëndojë dhe fyejë, veproni kështu dhe do të dilni nga e gjithë situata si fitimtar!

Kishte qenë njëherë një murg te i cili për këshilla kishin shkuar njerëzit nga viset më të largëta, ndërkaq gëzonte famën e personit i cili gjithmonë ishte i qetë edhe njeri të cilin ishte e pamundshme ta lëndoje.

E kishte dëgjuar këtë një njeri i mbrapshtë dhe kishte vendosur ta testonte murgun e mençur. Shkon tek ai dhe sapo e sheh fillon ta ofendojë dhe lëndojë me fjalët më të këqija të mundshme.

Pasi që i shpenzoi të gjitha ofendimet, në një moment u ndal dhe i dëshpëruar pa që murgu ende ishte i qetë dhe gjakftohtë si edhe para ardhjes së tij.

Kjo tmerrësisht e nevrikosi njeriun e mbrapshtë dhe vazhdoi të shante edhe më keq dhe më shumë se më parë, mirëpo kot – dukej që murgun e mençur fare nuk e interesonin – transmeton Telegrafi.

Kur mbeti pa të shara dhe humbi gjithë energjinë, njeriu i mbrapshtë vendos t’i afrohet murgut dhe të mësojë sekretin e tij.

“I kuptoj unë ato gjëra tuaja shpirtërore edhe që nuk ia varni fare çfarë të tjerët mendojnë dhe flasin, mirëpo, unë të kam ofenduar dhe lënduar, duhet të mësosh që duhet patjetër të luftosh për veten”, i tha njeriu.

– “Bir, a mund t’i bëj vetëm dy pyetje?”, iu drejtua murgu, duke folur për herë të parë.

“Natyrisht”, tha njeriu.

– “Nëse ti mua më sjell dhuratë dhe unë nuk e pranoj, kujt i takon pastaj dhurata?”, pyeti murgu.

“Epo, nëse nuk e pranon dhuratën, atëherë ajo akoma më takon mua”, u përgjigj i mbrapshti.

– “E tani, bir im, nëse ti për mua ke vetëm ofendime, ndërkaq unë nuk i pranoj, kujt i takojnë ato pastaj?”, tha në fund murgu i mençur, dhe ia ktheu shpinë dhe shkoi, ndërkaq i mbrapshti mbeti i habitur. /Telegrafi/

The post Kur dikush dëshiron t’ju fyejë dhe t’ju lëndojë: Vetëm kështu veproni dhe do të dilni fitimtar! appeared first on Telegrafi.

Për të mbajtur gjallë marrëdhënien tuaj sentimentale do të mjaftonte të praktikoni atë që së fundmi rekomandon studimi, “divorcin e gjumit”. Dhe sipas këtij studimi kjo teknikë, na lejon për të pasur një marrëdhënie dashurie të qëndrueshme dhe të shëndetshme

Me kalimin e viteve, njerëzit zhvillojnë tipare të ndryshme, shpeshherë të ngjashme por dhe shumë individuale që sido që të jetë rasti, ato mund të bëhen pengesë dhe të kthehen në bezdi në rutinën e përditshme të secilit nga partnerët.

Kjo nuk ka të bëjë me mungesën apo humbjen e dashurisë për tjetrin por me kalimin e viteve, bashkëjetesa kthehet në një stil jetese që për gjithsecilin nga ne pritet të na ofrojë ngrohtësi, rehati dhe të ndjehesh mirë nën lëkurën tënde.

Sikurse marrëdhënia nuk është në shkëndijat e para të saj ku pasioni, ndjenja e dashuria janë në lulëzimin e tyre dhe gjithçka e partnerit, sjelljet, vese, tipare të veçanta etj., konsiderohen të këndshme dhe të pranueshme, me kalimin e viteve, shfaqja e disa veseve që vijnë me moshën fillojnë të kthehen në bezdi duke na shkaktuar parehati. Si psh, një frymëmarrje e fortë, lëvizjet e shpeshta në gjumë, të zgjohesh e të shkosh shpesh në tualet, njëri nga partnerët e do dhomën më të freskët ku tjetri ka ftohtë e do më shumë jorgan mbi supe etj., mund të shkaktojnë mungesë dhe cilësi jo të mirë gjumi. Pikërisht në këtë moment, çiftet praktikojnë “divorcin e gjumit”.

Të fjeturit në dhoma dhe krevate të ndara, nuk përbën një dukuri shumë intime dhe sensuale dhe shpeshherë është e lidhur me një traditë të vjetër dhe një dukuri e një brezi më të vjetër. Por studimi ka konfirmuar se 43% e çifteve të këtij mijëvjeçari kanë adoptuar këtë praktikë në SHBA.

Historia ka treguar se Mbretëresha e Anglisë, Elisabeta II dhe Princi Filip kanë fjetur në dhoma të ndara përgjatë gjithë martesës së tyre, martesë e cila jetoi në fakt për shumë gjatë. Në kohët e sotme moderne, dukuria e “Divorcit të gjumit” është bërë e zakonshme dhe po praktikohet gjithnjë e më shumë nga çiftet në mbarë botën.

Por a është e vlefshme një metodë e tillë për të mbajtur një marrëdhënie dashurie? Një studim i kryer në vitin 2016 ka treguar se problemet e gjumit ishin gjithmonë të lidhura me problemet mes tyre, citon Living.

“Pas një nate me gjumë të keq, ne jemi më pak të qëndrueshëm emocionalisht” – konfirmon Allie Hare, specialist në mjekësinë e gjumit. /Telegrafi/

The post ‘Divorci i gjumit’ mund të ndihmojë në ruajtjen e një marrëdhënieje dashurie të shëndetshme dhe të qëndrueshme appeared first on Telegrafi.

Nëse e menaxhon siç duhet, mund ta bësh këtë hap profesional në mënyrën më të qetë të mundshme dhe pa e bërë të sikletshme as për veten, as për të tjerët

Të japësh dorëheqjen nuk është gjithmonë e lehtë, sidomos kur ke një shef që mund të reagojë me habi, zhgënjim ose edhe nervozizëm

Të largohesh nga puna është një hap i madh dhe mund të jetë stresues, por nëse e menaxhon siç duhet, mund të dalësh me kokën lart dhe me një marrëdhënie të mirë me ish-kolegët. Fundja, bota është e vogël dhe s’ke nga e di kur mund të të duhet një derë e hapur në të ardhmen!

Ja disa hapa për t’ia komunikuar lajmin shefit në mënyrën më korrekte dhe profesionale.

1. Zgjidh momentin e duhur

Mos e lër lajmin për sekondën e fundit ose ta japësh në mes të një krize pune. Nëse është e mundur, kërko një takim kokë më kokë me shefin dhe bëje kur ai/ajo nuk është i/e zënë me afate të rëndësishme. Kjo tregon respekt dhe i jep kohë ekipit të përgatitet për largimin tënd.

2. Përgatit një shpjegim të shkurtër dhe pozitiv

Nuk është nevoja të hysh në detaje përse po largohesh, sidomos nëse nuk është për arsye pozitive. Mjafton të thuash diçka si:

• “Kam vendosur të marr një mundësi të re që përputhet më shumë me objektivat e mia profesionale.”
• “Pas një reflektimi të gjatë, kam vendosur të marr një drejtim tjetër në karrierën time.”

Nëse ke pasur përvoja të këqija, është më mirë të mos i përmendësh, sepse nuk ka kuptim të lësh përshtypje negative në momentin e fundit.

3. Jep një lajmërim të arsyeshëm

Standardi është të lajmërosh të paktën dy javë më parë, por në varësi të pozicionit tënd dhe marrëveshjes me kompaninë, mund të nevojitet edhe më shumë kohë. Nëse është e mundur, ofro ndihmë gjatë kalimit të detyrave te kolegët e tjerë ose te pasuesi yt.

4. Shkruaj një letër dorëheqjeje

Edhe nëse e ke bërë bisedën me gojë, është mirë të përgatisësh një letër të shkurtër dhe profesionale. Ajo mund të përmbajë:

– Datën e fundit të punës.
– Falënderim për mundësitë e ofruara.
– Një frazë të shkurtër për kalimin e detyrave.

Diçka si:

“I nderuar (Emri i shefit),

Dua t’ju informoj se kam vendosur të largohem nga pozicioni im si (pozicioni yt) në (kompania). Dita ime e fundit e punës do të jetë më (data).

Dua t’ju falënderoj për mundësitë dhe përvojat e vlefshme që kam fituar këtu. Gjatë kësaj periudhe do të bëj çmos për të siguruar një shkëmbim të lehtë të detyrave.

Me respekt,

(Emri yt)”

5. Mbaj profesionalizmin deri në ditën e fundit

Mos e humb entuziazmin në ditët e fundit të punës. Vazhdimi i punës me përkushtim tregon profesionalizëm dhe lë një përshtypje të mirë. Madje, mund të të ndihmojë nëse një ditë do të të duhet një referencë nga ish-shefi yt.

6. Largohu pa drama

Edhe nëse shefi yt nuk e merr lajmin mirë ose përpiqet të të mbajë me premtime të reja, trego qetësi dhe përmbahu te vendi yt. Mos u fut në diskutime të panevojshme dhe largohu me dinjitet. /Telegrafi/

The post Si t’i thuash shefit që po lë punën – pa e bërë situatën të sikletshme appeared first on Telegrafi.

Nëse të ka shkuar ndonjëherë në mendje mendimi “Pse më urrejnë të gjithë?”, dije që nuk je i/e vetmi/a. Kjo ndjesi është më e zakonshme nga sa mendon dhe ka një arsye të fortë pse truri yt e bën këtë lloj spiraleje negative

Mos harro që mendimet nuk janë fakte. Vetëm pse truri yt po të thotë që të gjithë të urrejnë, nuk do të thotë që është e vërtetë.

Shiko për prova të kundërta, sfido mendimet negative dhe mos lejo që një moment pasigurie të të bëjë të dyshosh tek vetja. Ti vlen më shumë sesa një mesazh i paqartë apo një darkë pa ftesë!

Pse ndihesh kështu?

Faji është pak edhe i zhvillimit të shoqërisë. Dikur, të qenit i përjashtuar nga grupi mund të ishte çështje jete a vdekjeje, ndaj njerëzit u programuan që të ishin shumë të ndjeshëm ndaj refuzimit social. Aq të ndjeshëm, saqë truri e përjeton përjashtimin njësoj si dhimbjen fizike. Kjo do të thotë që edhe një sinjal i vogël – një mesazh i paqartë, një shikim i ftohtë apo një ftesë e humbur – mund të interpretohet menjëherë si urrejtje totale nga të gjithë.

Ja disa këshilla që mund të të ndihmojnë të dalësh nga kjo ndjesi:

1. Kërko prova që njerëzit nuk të urrejnë

Truri yt ka tendencën të shohë vetëm “faktet” që mbështesin idenë se të gjithë të urrejnë, por harrojnë të gjitha momentet kur njerëzit janë sjellë mirë me ty. Bëj një përpjekje të vetëdijshme për të vënë re sinjalet pozitive: dikush që të përshëndet me buzëqeshje, një mik që të shkruan i pari, një koleg që të bën një kompliment. Mund të ndihmojë edhe të mbash një listë me këto momente, për t’u rikthyer te to kur ndihesh keq.

2. Pyet veten: “A mund ta shoh këtë ndryshe?”

Mendimet e tua janë shpesh më dramatike se realiteti. Në vend që të marrësh për të mirëqenë idenë “Ata më urrejnë”, provo të mendosh për skenarë të tjerë më pak ekstremë. Ndoshta shoku yt nuk të është përgjigjur sepse është i zënë, jo sepse nuk të duron dot. Ndoshta kolegu yt ishte i shpërqendruar dhe jo i mërzitur me ty.

3. Ndonjëherë, kjo ndjenjë të tregon diçka të rëndësishme

Në disa raste, ndjesia se je i/e përjashtuar mund të jetë një sinjal që duhet të ndryshosh diçka. Nëse vazhdimisht nuk ndihesh rehat me një grup njerëzish, ndoshta ata nuk janë miqtë e duhur për ty. Ose ndoshta ke nevojë të vendosësh kufij më të shëndetshëm në marrëdhëniet e tua.

4. Vëzhgo situatat kur të ndodh më shpesh

E ke këtë ndjenjë vetëm në mbrëmje, kur je vetëm në shtëpi? Ose kur shikon rrjetet sociale? Apo ndodh gjithmonë kur je me një grup të caktuar njerëzish? Kur fillon të dallosh një model, mund të kuptosh më mirë se çfarë e shkakton këtë ndjesi dhe si ta menaxhosh më mirë.

5. Prano që jo të gjithë do të të pëlqejnë

Nuk të pëlqejnë të gjithë njerëzit, apo jo? Epo, e njëjta gjë vlen edhe për ty. Dhe kjo nuk do të thotë që je person i keq. Njerëzit kanë preferenca, mendime të ndryshme dhe shpesh, arsye që nuk lidhen fare me ty pse mund të mos jenë miqtë e tu më të ngushtë. Dhe kjo është totalisht normale.

6. Përqendrohu te gjërat që të pëlqejnë tek vetja

Në vend që të përpiqesh të kuptosh nëse njerëzit të pëlqejnë, përpiqu të kuptosh çfarë të pëlqen ti tek vetja jote. A je i/e sjellshëm/e? Ke një humor të mirë? Di të gatuash ushqime të shijshme? Çfarëdo qoftë, kujtoja vetes shpesh. Në fund të fundit, vetëvlerësimi yt duhet të vijë më shumë nga brenda sesa nga të tjerët, citon Anabel.

7. Mos u izolo

Kur ndihesh sikur të gjithë të urrejnë, është e lehtë të biesh në kurthin e izolimit të vetes. Por kjo vetëm sa e përkeqëson situatën. Në vend që të tërhiqesh, bëj përpjekje për të qëndruar i/e lidhur me njerëzit – qoftë edhe përmes një mesazhi të thjeshtë. Sa më shumë të mbyllesh në vetvete, aq më e fortë bëhet ndjenja e të qenit i/e pëlqyer nga askush. /Telegrafi/

The post Ndihesh sikur të gjithë të urrejnë? Ndiq këto shtatë këshilla! appeared first on Telegrafi.

Marka Tregtare është një shenjë e aftë të dallojnë mallrat ose shërbimet që prodhon ose jep një subjekt nga ato të një subjekti tjetër

Ardita Morina
Avokate

Ligji u jep njerëzve dhe bizneseve të drejta pronësie për informacione të caktuara dhe pronësi intelektuale që ata krijojnë, zakonisht për një periudhë të kufizuar kohore. Kësisoj, njerëzit mbrojnë idetë e tyre origjinale dhe parandalojnë kopjimin e paautorizuar. Mbrojtja ligjore stimulon inovacionin, ndërsa krijuesit nxjerrin përfitim më të madh dhe më shumë stimuj ekonomikë.

Pronësia industriale është një koncept juridik me të cilin merret një disiplinë e veçantë juridike dhe i referohet disa marrëdhënieve pronësore të vendosura nga autorët mbi produkte të caktuara të cilat mund të shfrytëzohen në kryerjen e veprimtarive ekonomike dhe për të cilat kjo pronë është e përcaktuar shprehimisht.

Si markë tregtare mund të shërbej secila nga kategoritë e shenjave:

Fjalë (p.sh Bluetooth, Politico, Sanrio, etj.)
Kombinim karaktersh alfa-numerike( shkronja me numër) p.sh HP, IBM etj.
Logo (p.sh harku i dyfishtë, logoja e mirënjohur e kompanisë MCDonald’s).
Vizatim: (Shenja e një programi të njohur kompjuterik kompanisë Apple).
Formë ambalazhi (shenjë tre dimensionale, p.sh shishja e kompanisë Coca Cola),
Kombinim i disa elementeve të mësipërme (p.sh. marka e kompanisë IBM).

Legjislacioni i disa vendeve, lejon edhe regjistrimin e markave tregtare të padukshme, siç janë ato të zërit dhe të erës produktive.

Marka tregtare mund të jetë individuale (që përket një subjekti të vetëm) ose kolektive (që i përket një shoqate subjektesh të ndryshme).

Në praktikë përpos markave tregtare ndahen edhe markat certifikuese – që janë jepen organizatave pronare të këtyre markave, subjekteve të ndryshme për të siguruar klientët së produktet, shërbimit e tyre që bartin këto standarde të caktuara.

Dallimi i markave tregtare kolektive dhe markave certifikuese qëndron në faktin se të parat mund të përdoren vetëm nga një grup i caktuar subjektesh (p.sh. anëtarë të një shoqate), ndërsa markat certifikuese mund të përdoren nga kushdo që përmbush standardet e përcaktuara nga pronari i markës certifikuese.

Marka e konformitetit është p.sh marka CE, që është një markë konformiteti CE e detyrueshme për t’u vendosur në produktet që shiten në zonën Ekonomike Evropiane, përfshirë Bashkimin Evropian dhe vendet e EFTA-së.

Marka CE vendoset në produkte nga prodhuesit e tyre për të garantuar se produktet plotësojnë kërkesat themelore të direktivave të Bashkimit Evropian (për Siguri, Shëndetësi, etj.).

Nëpërmjet regjistrimit, pronari i markës fiton të drejtën ekskluzive për të përdorur vetë atë, për të ndaluar përdorimin e paautorizuar, kopjimin, imitimin, prodhimin, importimin, eksportimin, shitjen e markës ose të produkteve nga palët e treta pa autorizimin e tij gjë që përbënë edhe thelbin e së drejtës së fituar përmes regjistrimit.

Lexo po ashtu Pronësia Intelektuale: E Drejta e Autorit

Regjistrimi i një marke tregtare bëhet sipas procedurave të përcaktuara sipas Ligjit për Markat Tregtare dhe në rregulloren përkatëse të Agjencisë së Pronësisë Industriale të Republikës së Kosovës.

Për çdo markë paraqitet aplikim në vete. Kur bëhet një aplikim për markë, Agjencia për Pronësi Industriale (API) bënë shqyrtimin formal, shqyrtimin për dallueshmëri, publikimin, shqyrtimin për të drejtat e mëparshme dhe regjistrimin.

Nëse pronarit të një marke i duhet të regjistrojë atë për mbrojtje përpos vendit të tij edhe në vendet e tjera, atëherë duhet të aplikojë për regjistrimin e markës në të gjitha zyrat kombëtare të markave ku kërkohet mbrojtje gjë që kjo është e kushtueshme dhe kërkon kohë. /Telegrafi/

The post Pronësia Intelektuale – Marka Tregtare dhe mbrojtja ligjore appeared first on Telegrafi.

Qoftë nëse jeni duke pritur mysafir, jeni ju vet mysafiri apo keni dalë në restorant, çdo njeri duhet me patjetër t’i dijë rregullat themelore të mirësjelljes

Sjellja e mirë dhe adekuate ju bën të paraqiteni më ndryshe në sytë e tjerëve, dhe patjetër se krijoni përshtypje të mirë.

Kështu, më poshtë ju sjellim disa prej rregullave më të zakonshme të Bontonit, të cilat, nëse i aplikoni, tjerët do t’ju shohin si një person të mirësjellshëm, transmeton Telegrafi.

– Kur çifti shkon në restorant, mashkulli duhet të hyjë i pari dhe ta mbajë derën hapur për zonjën

– Zonja është ajo që e para e zgjedh vendin e saj se ku do të ulet në një tavolinë

– Zonja zgjedh vet se çfarë dëshiron të hajë

– Xhentëlmeni duhet të zgjedh diçka të përafërt me atë se çfarë ka porositur zonja

– Xhentëlmeni duhet t’ia sugjeroj pijen zonjës

– Kur dilni nga restoranti, xhentëlmeni e hap derën dhe pret derisa zonja të del, duke e ndjekur pas

– Zonja më e rëndësishme mysafire ulet në anën e djathtë të personit nikoqir

– Çiftet e martuara nuk duhet të ulen pranë njëri-tjetrit në tavolinë, përveç atyre të porsamartuarve

– Kur uleni në karrige, këtë duhet ta bëni nga ana e majtë e karriges

– Pecetën duhet ta vendosni përmbi gjunjë gjatë ushqyerjes

– Zonja nuk duhet t’i mbajë dorëzat gjatë ushqyerjes

– Sallata duhet të vendoset në anën e majtë të pjatës kryesore

– Gota duhet të mbushet me ujë kur më në fund është shërbyer ushqimi

– Xhentëlmeni duhet të pret në këmbë derisa të ulet nikoqirja, ndërkaq zonjat mund të ulen kurdo që dëshirojnë. /Telegrafi/

The post Rregullat e Bontonit të cilat të gjithë njerëzit duhet t’i dinë appeared first on Telegrafi.

Siç të gjithë e dini, njerëzit nuk janë perfekt. 23% e meshkujve dhe 19% e grave pranuan të kenë mashtruar partnerët e tyre. Mirëpo, shifrat e tjera janë shumë më interesante

70 për qind e çifteve shkojnë së bashku tek një terapist, pas tradhtisë që ka kryer njëri prej tyre.

Në këtë artikull, do t’ju vijmë në ndihmë atyre partnerëve që duan të fitojnë sërish besimin e gjysmës së tyre më të mirë. Të dyja gjinitë tradhtojnë, kështu që rekomandimet mund të jenë të dobishme për të dy partnerët:

Mos u mundoni të minimizoni dhimbjen

Një person i tradhtuar duhet të dijë se si ndodhi vërtet. Edhe kur përpiqeni t’i përgjigjeni të gjitha pyetjeve në mënyrë të drejtë, mund të fshihni pa dashje disa detaje pa e kuptuar fare. Mund të jepni edhe disa përgjigje të përgjithshme dhe nuk po gënjeni. Megjithatë, partneri juaj do të ndjejë sikur po fshihni diçka.

Disa detaje dalin me kalimin e kohës dhe e kthejnë jetën e partnerit tuaj në një makth. Ata e mbajnë në kokë imazhin e asaj që ndodhi për një kohë të gjatë. Pra, shmangia e bisedës nuk është një ide e mirë.

Mos fshihni asgjë. Për të kapërcyer këtë kohë të vështirë, ju duhet të ndjeni dhimbje, përndryshe plagët nuk do të shërohen. Mos u mundoni të minimizoni vuajtjet, sepse në këtë rast koha është shërimi më i mirë.

Tregoni të vërtetën

Besimi në një marrëdhënie është shumë i brishtë. Nëse ju kanë kapur “mat” një herë, atëherë është më mirë t’i tregoni partnerit tuaj të gjithë të vërtetën.

Psikologu Robert Weiss thotë se rivendosja e besimit është e mundur vetëm nëse e bëni marrëdhënien tuaj plotësisht transparente. E njëjta gjë vlen edhe për detajet më të vogla. Nëse shkon në bar me mikun tënd, tregoji partnerit tënd.

Mos sulmoni

Personi i cili ka nevojë për të fituar besimin, do të kalojë një kohë të vështirë. Dëgjimi i reagimeve negative do të jetë realiteti i tyre i përditshëm. Të dy partnerët duhet ta kapërcejnë këtë gjë. Mos sulmoni.

Kur i thoni partnerit tuaj “As ti nuk je ideal”, po përpiqeni të justifikoni veten. Ky është një reagim normal, por mendoni atë që do të merrni në këmbim. Zemërimi i partnerit është i kuptueshëm. Mos thuani gjëra të rënda për ta, nëse po përpiqeni ta shpëtoni marrëdhënien tuaj.

Mos përfshni njerëz të tjerë

Që të dy ju e keni marrë vendimin për të qëndruar bashkë pas tradhtisë, kështu që të dy jeni përgjegjës për këtë gjë. Kjo është arsyeja pse ju kurrë nuk duhet të përfshini njerëz të tjerë në këtë proces: miqtë, të afërmit ose fëmijët tuaj.

E njëjta gjë vlen edhe për të dy partnerët. Bisedat për atë që ndodhi duhet të jenë vetëm mes partnerëve pa një palë të tretë. Psikoterapisti Joe Kort, është i bindur se i vetmi person që mund të jetë palë e tretë është një këshilltar i familjes.

Jepini partnerit më shumë qasje

Lëreni partnerin tuaj të ketë më shumë qasje në gjërat tuaja personale: rrjetet sociale, mesazhet, thirrjet, etj. Nëse keni vendosur të jeni të sinqertë, nuk keni asgjë për të fshehur. Ky hap do t’ju ndihmojë që partneri juaj të qetësohet dhe t’ju besojë më shumë.

Me kalimin e kohës, partneri juaj do ta kuptojë se nuk ka nevojë ta kontrolloni gjatë gjithë kohës. Dhe kur besimi të rikthehet, marrëdhënia juaj do të normalizohet. /Telegrafi/

The post Keni tradhtuar? Mësoni pesë mënyrat se si të fitoni sërish besimin e partnerit appeared first on Telegrafi.

A ka ndonjë fitore më të madhe në jetë sesa pëlqyeshmëria?

Të qenit i pëlqyer është mjaft fantastike në vetvete, por do të thotë gjithashtu se po përmirësojmë dhe jetën e njerëzve që fillojnë të na pëlqejnë. A nuk përmirësohet jeta juaj kur takoni dikë që ju pëlqen?

Përfitimet nuk ndalen me kaq. Të qenit të pëlqyeshëm na bën shumë më me ndikim, dhe të qenit bindës pa qenë manipulues është versioni më i mirë i të gjithëve prej nesh.

Psikologu Robert Cialdini e identifikon pëlqyeshmërinë si një nga gjashtë parimet me fuqinë më të madhe bindëse për të tjerët. Ai ofron 5 mënyra të prekshme dhe efektive për të qenë më i pëlqyeshëm. Le të fillojmë t’i përmendim:

1. Trego kuriozitet

Për t’u pëlqyer nga të tjerët, duhet të tregosh kureshtje për të tjerët.

Ne jemi të magjepsur nga njerëzit që na tregojnë kureshtje ndaj nesh dhe kush mund të na fajësojë? Na bën të ndihemi të parë, të njohur dhe angazhimi i këtij kurioziteti na bën të reflektojmë për veten në një dritë pozitive, duke ndërtuar vetëvlerësimin tonë.

“Të gjithë njerëzit, në rastin më të mirë të tyre, janë natyrshëm kureshtarë”, është një nga parimet themelore të këshillimit të lidershipit. Ai nuk është vetëm shtytësi më i mirë i zhvillimit, por edhe rruga më e shpejtë drejt përmirësimit të shëndetit mendor.

Duhet të kemi diçka që na tërheq tek të gjithë njerëzit. Përfitimet e të qenit kurioz për njerëzit me të cilët angazhohemi janë të mëdha, si në biznes dhe në jetë.

2. Bëj komplimente

Shumë njerëzve u pëlqen një kompliment i bukur, qoftë ai dhe i pavërtetë ndonjëherë. Komplimentet kuptimplotë, megjithatë, janë transformuese për marrësit e tyre, ama jo të gjithë njerëzit kanë aftësi për t’i dhënë ato.

Këtu është një ushtrim për t’ju ndihmuar. Mendoni, pse e admiroj këtë person? Dhe pastaj tregojini atyre.

“E di që kjo mund të tingëllojë e çuditshme, por doja të të bëja të ditur se po reflektoja për disa gjëra dhe e admiroj vërtet këtë gjë për ty.”

E dini kujt do i pëlqente ta dëgjonte këtë? Të gjithëve!

3. Interesat e përbashkëta

Ju ndoshta mund të parashikoni dhe normat e martesës bazuar në interesat e përbashkëta të identifikuara (ose mungesën e tyre) në takimet e para me një person. Njerëzit që pëlqejnë atë që na pëlqen dhe ne duket sikur “na fitojnë”. Pasioni dhe vlerësimi janë të mëdha, por ndarja e tyre me dikë tjetër është nivel tjetër.

Kjo është arsyeja pse këshillohet vendosja e objekteve të interesave tuaja të përbashkëta në vëmendjen tuaj. Sepse kur njerëzit e dinë se çfarë i bashkon, ata qëndrojnë së bashku.

4. Të qenëtt karizmatik

Karizma mund të jetë atributi njerëzor më i keqkuptuar. Njerëzit e mendojnë atë si një tipar personaliteti: ose e keni ose nuk e keni. (Këshillë e dobishme: fëmijët e sotëm e quajnë “rizz”.)

Dhe, si për ironi, shumica e njerëzve luftojnë për të përcaktuar karizmën, por e njohin atë sapo e shohin.

Kombinimi i tipareve që ne tani i kuptojmë si karizëm janë: ngrohtësi plus kompetencë.

Kur dikush është vërtet i mirë dhe na bën të ndihemi vërtet mirë, ata janë karizmatikë. Gabimi ynë është të besojmë se kjo vlen vetëm në situata sociale.

Kompetenca shtrihet në gjithçka, që do të thotë se të gjithë mund të jenë tepër karizmatikë. Thjesht duhet të jemi të ngrohtë: të buzëqeshur, mikpritës, bujarë, të pranishëm. Kush nuk e pëlqen një person të tillë?

5. Ndani dobësitë tuaja

Siguria psikologjike (anëtarët e ekipit ndjehen të sigurt për të shprehur mendimet dhe ndjenjat e tyre të vërteta pa frikën e hakmarrjes) u bë një çështje e madhe në vitet 2010, sepse u zbulua se ishte parashikuesi më i fortë i performancës së ekipit.

Por relativisht pak njerëz janë të vetëdijshëm se si u bë zbulimi. Një menaxher në vështirësi në Google u hap me ekipin e tij për betejën e tij me kancerin dhe performanca e ekipit u rrit në nivele të larta.

Njerëzit që ndajnë dobësinë (kryesisht fizike) ndërsa ndodhen në një pozicion të lartë, janë pothuajse aq të pëlqyeshëm sa më s’ka. Si fillim, kjo i ndihmon të gjithë të ndihen më mirë për veten e tyre. “Shiko, nëse ajo po lufton me besimin, ose ai po lufton me depresionin, atëherë nuk është aq keq që jam edhe unë duke përjetuar të njëjtën gjë.”

Shumica e njerëzve përpiqen të na bindin se jeta e tyre është e përkryer dhe, rrjedhimisht, e jona nuk është. Në mënyrë paradoksale, shumica e yjeve më të mëdhenj të rrjeteve sociale na bëjnë të ndihemi të tmerrshëm për veten, kjo është arsyeja pse fansat e tyre shpesh zhduken pa lënë gjurmë. Ata që tregojnë dobësi kanë një bazë fansash që nuk do t’i braktisin kurrë. /Telegrafi/

The post Pesë mënyra për t’u bërë më të pëlqyeshëm në ambientin e punës në vitin 2025 appeared first on Telegrafi.

A të kapin shpesh mendimet se çdo situatë e pakëndshme është për fajin tënd?

Një mik anulon planet dhe ti fillon të pyesësh veten: “Mos thashë diçka të gabuar?” Një koleg dërgon një email të prerë, dhe mendon: “Mos është mërzitur me mua?” Kur një i afërm duket i distancuar, e gjen veten duke analizuar çdo veprim për të kuptuar se çfarë ke bërë gabim.

Ky fenomen njihet si “ndjenja e fajësimit të vetes” dhe shpesh ndodh kur kemi tendencën të besojmë se gjithçka lidhet me ne. Është një mënyrë e pandërgjegjshme për të kërkuar kontroll mbi situatat ose për t’i dhënë kuptim të botës përreth.

Kjo mendësi shpesh lidhet me eksperienca të kaluara, mjedisin familjar, ose modele të mësuara gjatë fëmijërisë.

Si ta njohësh këtë “të metë” te vetja?

Nëse të ndodh shpesh të fajësosh veten për çdo situatë të pakëndshme, ka disa shenja që mund të tregojnë se ke prirjen për vetëfajësim:

I merr gjërat personale: Nëse dikush duket i mërzitur, mendon menjëherë se ke bërë diçka gabim, edhe kur kjo nuk ka lidhje me ty.

E tepron me analizën: Skenarët e zakonshëm si vonesat në përgjigjet e mesazheve ose ndryshimi i planeve të të tjerëve shihen si reflektim i diçkaje që ke bërë ti.

Kërkon të kontrollosh çdo gjë: Fajësimi i vetes mund të jetë një mënyrë për të perceptuar sikur ke kontroll mbi situatën, edhe kur ajo është krejtësisht jashtë ndikimit tënd.

Si të çlirohesh nga ndjenja e vetëfajësimit?

1. Mos dil në përfundime të shpejta

Shpesh, ajo që ndodh nuk ka fare të bëjë me ty. Përpiqu të marrësh parasysh arsye të tjera për sjelljet e të tjerëve, si lodhja, stresi apo ndonjë situatë personale që nuk ka lidhje me ty.

2. Përballu me pasigurinë

Jo çdo gjë ka një përgjigje të menjëhershme dhe është në rregull të mos dish gjithmonë arsyen. Mëso të ndihesh rehat me pasigurinë dhe përqendrohu te çastet e tanishme.

3. Ndalo kërkimin e vazhdueshëm të sigurisë

Kur ndien ankth për situata të paqarta, merr pak kohë për veten për t’u qetësuar dhe për të menaxhuar emocionet.

4. Forco vetëbesimin

Krijo një ndjenjë të brendshme sigurie duke reflektuar mbi vlerat dhe pikat e tua të forta. Kujtoji vetes arritjet dhe vlerat e tua pa i lidhur me mendimet apo sjelljet e të tjerëve.

Ndjenja e fajësimit të vetes për gjithçka mund të jetë një barrë e rëndë që dëmton paqen e brendshme dhe marrëdhëniet.

Duke kuptuar se jo çdo gjë lidhet me ty dhe duke ndërtuar një lidhje më të fortë me veten, mund të lirohesh nga kjo mënyrë e lodhshme mendimi. Të duash dhe të pranosh veten është hapi i parë drejt një jete më të lumtur dhe më të qetë. /Telegrafi/

The post Fajëson veten për gjithçka që ndodh! Si të çlirohesh nga kjo ndjenjë? appeared first on Telegrafi.

I njohur si një prej aktorëve më zemërgjerë në Hollywood, Keanu Reeves ka lindur në Beirut, Liban, dhe është rritur në Toronto, Kanada

Reeves ka filluar karrierën e aktrimit në moshën 9 vjeçare, ndërkaq filmi “Bill & Ted’s Excellent Adventure” ka qenë i pari që i ka sjell atij famë të madhe.

Sidoqoftë, roli i Neo-s në super-filmin ‘The Matrix’, ka qenë vendimtar për ta bërë atë yll ndërkombëtar.

Përgjatë jetës së tij, Revees ka kaluar sfida të paimagjinueshme.

Babai e ka lënë atë dhe nënën e tij kur ai ka qenë vetëm 2-vjeçar, ndërkaq më vonë është burgosur për shitje të heroinës.

Nëna e tij është martuar tri herë tjera dhe kështu ata janë shpërngulur shumë shpesh me shtëpi.

Në vitin 1999, e dashura shumëvjeçare e Keanu-s, Jennifer Syme, kishte lindur beben e vdekur, dhe 18 muaj pas kësaj tragjedie ajo kishte vdekur në aksident rrugor.

Të gjitha këto tragjedi nuk e kanë ndaluar atë të bëhet personi i mahnitshëm që është sot.

Ndryshe nga yjet tjera, Reeves ka një stil të qetë dhe të heshtur të jetesës, ndërkaq nuk ka pasur shtëpi të veten deri në vitin 2003. Demonët i lufton me mirësi dhe shfaq vetëm zemërgjerësi duke i mbështetur kauzat e mira, transmeton Telegrafi.

Më poshtë i keni disa prej thënieve të tij që ju ndihmojnë ta krijoni të mirën nga tragjedia.

– “Jam rritur për t’i trajtuar njerëzit në mënyrën identike se si dua të trajtohem tjerët. Quhet respekt”

– “Nëse jeni thyer në mënyrë brutale por ende e keni kurajën për t’u sjell mirë me qeniet tjera të gjalla, atëherë ju jeni ‘djalë i keq’ me zemrën e një engjëlli”

– “Paraja nuk ka vlerë për mua. Kam bërë shumë para, por dua ta shijoj jetën dhe të mos stresohem për xhirollogarinë e bankës. Shumë para i dhuroj për bamirësi dhe bëjë jetë të thjeshtë. Të gjithë e dimë se shëndeti i mirë është më i rëndësishëm se gjërat tjera”

– “Mërzia e ndryshon formën por asnjëherë nuk përfundon”

– “Duhet ta ndryshoni jetën nëse nuk jeni të lumtur, dhe të zgjoheni nëse gjërat nuk janë duke shkuar siç dëshironi”

– “Personi që më mbante larg lumturisë isha vet unë”

– “Ndonjëherë jemi aq të zënë me jetët e përditshme saqë harrojmë të gjejmë pak kohë për ta shijuar bukurinë e jetës”

– “Mendoj se të jetosh pa dashuri, pa e përjetuar atë ose pa qenë të aftë ta dhuroni atë, është një dënim mjaft i fuqishëm”

– “Çdo sfidë në jetë ju ka formësuar në personin që jeni sot. Bëhuni falënderues ndaj kohërave të këqija, sepse vetëm sa ju kanë bërë më të fortë”

– “Kur e kuptoni vërtet karmën, atëherë e kuptoni se jeni përgjegjës për çdo gjë në jetën tuaj. Është tejet e rëndësishme ta dini se e ardhmja është në duart tuaja”

– “Ndonjëherë armiqtë janë mësuesit tanë më të mirë, njerëzit mund të mësojnë nga gabimet e tyre, dhe shkatërrimi ndonjëherë do të thotë rilindje”

– “Nëse mund ta bëni një femër të qesh, ju jeni duke e parë gjënë më të bukur në tokën e Zotit”

– “Në heshtjen time, unë isha duke kuptuar diçka”.

/Telegrafi/

The post Ta krijoni të mirën nga tragjedia – thënie inspiruese nga Keanu Reeves për tejkalimin e kohërave të këqija appeared first on Telegrafi.

Le të jemi të sinqertë, ndarjet prej miqve ndonjëherë janë edhe më të vështira se ato romantiket. Lidhja e një miqësie është një lidhje unike shpirtërore që nuk ka të bëjë fare me pamjen apo pritshmëritë tuaja për të ardhmen

Njerëzit rriten dhe ndryshojnë gjatë gjithë jetës së tyre dhe ndonjëherë thjesht nuk na lidh më gjë me miqtë e vjetër dhe as ata me ne. Ndonjëherë besimi yt tradhtohet, ose ndoshta është thënë diçka që nuk mund të kthehet mbrapsht.

Ndryshe nga marrëdhëniet romantike në të cilat ka precedentë më të qartë se si të ndahesh, e njëjta gjë nuk është e vërtetë për miqësitë. Kjo mund të të lërë në një lloj harrese të çuditshme ku nuk dëshiron të jesh më mik/e me personin, por nuk di as si t’i japësh fund miqësisë.

Është e ndërlikuar dhe e dhimbshme, por ka disa protokolle dhe gjëra që duhen bërë dhe nuk duhet të pranohen kur bëhet fjalë për ndarjen nga një mik.

Pse t’i japësh fund një miqësie?

Përpara se të vendosësh se si të ndahesh nga një mik/e, është e dobishme të kuptosh arsyet pse nuk dëshiron të jeni më miq. Kjo mund ta bëjë më të lehtë rrugëtimin për të ecur përpara ndërsa i jep fund miqësisë.

Arsyet që mund të identifikosh për dëshirën apo nevojën për t’i dhënë fund një miqësie përfshijnë:

Ndryshimi i rrethanave: Jeta juaj ka ndryshuar në dhe ju nuk punoni më së bashku, nuk shkoni në të njëjtën shkollë ose nuk ndërveproni me njëri-tjetrin në të njëjtën mënyrë.

Rritja e distancës: Jeni ndarë për sa i përket interesave ose angazhimeve, ose njëri prej jush ka lëvizur fizikisht, duke krijuar një situatë ku nuk e shihni njëri-tjetrin aq shpesh sa keni parë dikur.

Arsyet e shëndetit mendor: Miku yt është mashtrues ose pesimist dhe shpenzon më shumë kohë për të të ulur moralisht sesa anasjelltas.

Vlerat e kundërta: Vlerat tuaja janë kundërshtuar në një farë mënyre, duke krijuar konflikt në miqësi.

Toksiciteti i marrëdhënies: Miku është bërë një person toksik në jetën tënde, qoftë për shkak të qëndrimit apo sjelljes së tij.

Njohja e një miqësie toksike

Në përgjithësi, një marrëdhënie e shëndetshme është ajo në të cilën të dyja palët japin dhe marrin në mënyrë të barabartë. Në një marrëdhënie toksike, një person shpesh do të bëjë më shumë nga marrja dhe tjetri, më shumë nga dhënia.

Kushtoji vëmendje se si ndihesh herën tjetër që do të jesh pranë këtij personi dhe si ndihesh pasi ke kaluar kohë me të.

Shenjat e një miqësie toksike përfshijnë:

– Miku yt nuk tregon ndonjë interes për jetën tënde;
– Ata shpesh gënjejnë, manipulojnë dhe/ose përpiqen të të kontrollojnë;
– Ata nuk të mbështesin dhe nuk janë aty për ty. Ata nuk janë të besueshëm;
– Ndihesh i/e lënë pas dore ose i/e gjykuar prej tyre;
– Ndihesh i/e lodhur emocionalisht pasi kalon kohë me ta.

Mënyra të shëndetshme për t’i dhënë fund një miqësie

Zbehja graduale

Kjo taktikë përfshin lënien e miqësisë të mbyllet natyrshëm duke reduktuar gradualisht ndërveprimin shoqëror me personin tjetër. Zbehja graduale e miqësisë mund të jetë një opsion i mirë nëse keni frikë nga konfrontimi , nëse personi ka të ngjarë të mos dëgjojë ose pranojë atë që po thoni ose për situata toksike.

Në të njëjtën kohë, zbehja mund të jetë alternativa juaj më e mirë nëse miqësia është toksike dhe nuk doni të shpjegoheni, nëse jeni dëmtuar nga personi ose nëse nuk kujdeseni më aq sa duhet. për t’u dhënë atyre një shpjegim.

Duke pasur një bisedë

Nëse përcakton se një zbehje graduale nuk është e përshtatshme ose nëse përfundon duke mos funksionuar, mund të të duhet të flasësh me mikun tënd. Kjo është e ngjashme me një bisedë që do të bësh në një marrëdhënie romantike për të përcaktuar se ku qëndron secili prej jush dhe për të folur për të ardhmen.

Një bisedë mund të jetë një hap drejt fundit të një miqësie, por gjithashtu mund të zbulosh se je në gjendje të zgjidhësh mosmarrëveshjet dhe të rregullosh miqësinë.

Duke marrë një pushim

Ti mund të përcaktosh nga një bisedë se mosmarrëveshjet tuaja nuk mund të zgjidhen. Ti mund ta ndërpresësh menjëherë miqësinë ose mund të vendosësh të bësh një pushim, në të njëjtën mënyrë si njerëzit ndonjëherë bëjnë pushime në marrëdhëniet romantike.

Marrja e një pushimi mund të ketë shumë pozitive. Të jep:

– Një këndvështrim të ri për miqësinë;
– Një moment për t’u qetësuar nëse je mërzitur;
– Një mundësi për të ndjerë mall për mikun/en tuaj nëse keni kaluar shumë kohë së bashku.

Nëse vendosni të vazhdoni miqësinë, sigurohuni që të dy të komunikoni kufijtë dhe pritshmëritë tuaja për të ecur përpara.

Përfundimi i gjërave menjëherë

Në këtë situatë, thjesht deklaro se nevojat e tua nuk po plotësohen në miqësi. I urojmë personit tjetër çdo të mirë në të ardhmen. Ky lloj i ndarjes së miqësisë mund të jetë i mirë sepse është i paqartë dhe i qartë njëkohësisht dhe ti ke mundësinë të shprehësh çdo hatërmbetje që ke mbajtur brenda.

Kjo strategji është më e përshtatshme nëse e njeh dikë për një kohë të gjatë dhe mendon se ai meriton respektin e një lamtumire të fundit, ose nëse dikush bën diçka kaq të tmerrshme sa do të ishte e vështirë të injorohej.

Mënyra të cilat më mirë t’i shmangësh kur do t’i japësh fund një miqësie

– Të bëhesh armiqësor ose agresiv;
– Marrja e miqve të tjerë për t’i dhënë fund miqësisë për ty;
– Duke kërkuar hakmarrje (siç është postimi i gjërave negative rreth tyre në rrjetet sociale).

/Telegrafi/

The post Si të ndahem nga miku im i ngushtë? appeared first on Telegrafi.

Të ndryshosh mendje nuk është vetëm një çështje preferencash për ushqimin, por një aftësi që ka ndikim të madh në zhvillimin personal dhe marrëdhëniet me të tjerët. Megjithatë, shumë prej nesh e shmangin këtë proces, duke u mbërthyer pas bindjeve të vjetra

Pse ndodh kjo? Sepse pranimi se mund të kemi gabuar ose se kemi qenë të paplotë në të menduarit tonë shpesh shkakton ndjesi të pakëndshme.

Pse ndryshimi i mendjes na frikëson?

Pranimi i ndryshimit të mendjes nuk ka të bëjë vetëm me ndryshimin e preferencave për ushqimin – është një aftësi që lidhet ngushtë me rritjen personale dhe marrëdhëniet tona. Por shumë shpesh, kjo ndjenjë na bllokon, sepse pranimi se kemi gabuar ose nuk kemi pasur të drejtë na vendos në një pozitë të ndjeshme. Truri ynë nuk e do këtë ndjenjë.

Kur mbajmë kokëfortësisht një mendim, truri aktivizon pjesën që merret me frikën dhe mbijetesën. Në thelb, truri nuk bën dallim midis një kërcënimi real (si një luan në xhungël) dhe sfidës ndaj një bindjeje. Kjo na bën të mbrojmë me fanatizëm mendimet tona, edhe kur faktet tregojnë të kundërtën.

Të jesh i gatshëm të ndryshosh mendje nuk të bën të dobët – përkundrazi, tregon se je i hapur ndaj zhvillimin. Fleksibiliteti njohës, pra aftësia për të përshtatur të menduarit me informacion të ri, sjell shumë përfitime:

Rrit kreativitetin: Të menduarit fleksibël na ndihmon të shohim situatat nga këndvështrime të reja dhe të gjejmë zgjidhje inovative.

Përmirëson marrëdhëniet: Kur jemi më pak mbrojtës dhe më të hapur ndaj perspektivave të ndryshme, lidhjet me të tjerët bëhen më të thella dhe konfliktet zvogëlohen.

Shton qëndrueshmërinë: Jeta është plot surpriza dhe fleksibiliteti na ndihmon të përballemi me ndryshimet pa shumë stres.

Si ta pranojmë ndryshimin e mendjes?

Të pranosh se mund të kesh gabuar nuk është gjithmonë e lehtë, por ka disa mënyra për ta bërë më të thjeshtë këtë proces:

Shiko gabimet si forcë

Pranimi i gabimit nuk është dobësi. Përkundrazi, tregon kurajë dhe dëshirë për të mësuar. Herën tjetër kur kupton se ke gabuar, mos e shiko si dështim, por si mundësi për të mësuar diçka të re.

Zëvendëso sigurinë me kureshtje

Kur i qasemi botës me kureshtje, bëhemi më të hapur ndaj informacionit të ri. Në vend që të fokusohemi te të qenit “të saktë”, përpiqemi të kuptojmë më shumë. Pyet veten: “çfarë mund të mësoj nga kjo?”

Nis nga gjërat e vogla

Ndryshimi i mendjes për bindjet e thella mund të jetë i frikshëm. Prandaj, fillo me diçka të vogël, si rikthimi te një ushqim që nuk të ka pëlqyer dikur. Fitoret e vogla krijojnë bazën për ndryshime më të mëdha, citon Anabel.

Të ndryshosh mendje nuk do të thotë të mohosh atë që ke qenë më parë – është një mënyrë për të nderuar atë që je tani. Të gjithë jemi në proces zhvillimi dhe kjo është diçka që duhet festuar. Herën tjetër kur përballesh me një ide të re, mbaje mend: Fleksibiliteti është një shenjë force, jo dobësie.

Ndoshta është koha për të provuar diçka që dikur e ke refuzuar… kush e di, ndoshta edhe brokoli nuk është aq i keq sa kujton! /Telegrafi/

The post Të ndryshosh mendje shpesh nuk është aq keq sa mendon appeared first on Telegrafi.

Peshqit e kanë një aftësi të mahnitshme për t’i fshehur mendimet nga pjesa tjetër e botës

Këta njerëz janë xhentilë, të dashur, të kujdesshëm, të sjellshëm, të ndjeshëm, altruistë, intuitivë dhe me plot fantazi.

Peshqit janë të orientuar shpirtërisht, janë të devotshëm, të duruar, zemërmirë, të ndershëm, krijues, modestë, të thjeshtë, autokritikë, besnikë dhe të ndrojtur.

Disa thonë se zemrat e tyre janë të ndërtuara nga ari, por ata gjithashtu ballafaqohen me emocione të rënda dhe mendime.

Peshqve u pëlqen të ikin nga realiteti dhe të fshihen në botën e tyre të thellë të brendshme.

Ekspertët madje thonë se Peshqit janë ëndërrimtarët e Horoskopit. Por, mos të harrojmë se ata gjithashtu janë super kreativë, transmeton Telegrafi.

Sidoqoftë, çfarë i bën Peshqit shumë të vështirë për t’i kuptuar?

I mbajnë gjërat në veti

Peshqit vërtet nuk gjejnë fjalë për t’i shprehur nevojat dhe emocionet që i kanë. Ata shpenzojnë shumë kohë në botën e tyre dhe disa njerëz nuk mund t’iu afrohen. Ata përpiqen të bëhen më të hapur, por vërtet u nevojitet pak kohë për ta bërë këtë.

Ikin nga realiteti

Jeta lëvizë shumë shpejt dhe Peshqit e kanë të vështirë ta ndjekin atë. Prandaj iu pëlqen të ikin nga realiteti dhe ta shijojnë komoditetin e mendimeve që i kanë.

Frikësohen nga lëndimi

Ata janë zemërgjerë dhe dëshirojnë të afrohen me tjerët, por frikësohen nga lëndimet. /Telegrafi/

The post Pse më së vështiri janë Peshqit në horoskop për t’u kuptuar appeared first on Telegrafi.

George Washington ka qenë presidenti i parë i Shteteve të Bashkuara të Amerikës – lider dhe strateg, i vetmi njeri i zgjedhur unanimisht nga Kolegji Elektoral duke shërbyer dy mandate si president

Si president i parë, Washington e ka ditur se të gjitha metodat e tij, vendimet dhe lëvizjet do të krijojnë precedent për çdo gjë që do të pasonte, prandaj ai kishte qenë shumë i kujdesshëm dhe i përgjegjshëm me zgjedhjet e tij.

Ai kishte krijuar autoritet duke qëndruar i sinqertë dhe duke mos abuzuar me fuqinë që kishte.

Washington madje kishte refuzuar të shërbente një mandat të tretë dhe kishte vendosur që vitet e fundit t’i jetonte si fermer i thjeshtë, duke vendosur prapë një shembull të mirë.

Ai kishte qenë një njeri me ndjenjë të thellë të detyrës, një hero ushtarak dhe një patriot, transmeton Telegrafi.

Marrë parasysh atë dhe të bëmat e tij, më poshtë jua sjellim disa prej thënieve të tij që jua përmirësojnë integritetin personal.

– “Lumturia njerëzore dhe detyra morale janë të lidhura në mënyrë të pandashme”

– “Këmbëngulësia dhe shpirti kanë bërë mrekulli në të gjitha epokat”

– “Shoqërohuni me njerëz të kualiteti të mirë, nëse e vlerësoni reputacionin tuaj, pasi që më mirë është të jeni vetëm sesa me shoqëri të keqe”

– “Aq më i vështirë konflikti, aq më i madh është triumfi”

– “Meshkujt e vërtetë e urrejnë luftën, por asnjëherë nuk largohen nga ajo”

– “Më parë vdes në këmbë sesa të jetojë në gjunj”

– “Më mirë është të mos arsyetoheni sesa ta jepni një arsyetim të keq”

– “Përgatitja për luftë është një prej formave më efikase për ta ruajtur paqen”.

/Telegrafi/

The post Thënie inspiruese nga George Washington për ta përmirësuar integritetin personal appeared first on Telegrafi.

Ekspertët mjekësorë pohojnë ta kenë gjetur një alternativë natyrale për viagrën që i shëron problemet me ereksion dhe është në formën e një kastraveci

Ekspertët në fjalë besojnë se vetitë e kastravecit e përmirësojnë rrjedhën e gjakut në penis – gjë që ndihmon në parandalimin e impotencës.

Impotenca është paaftësia për të pasur apo mbajtur një ereksion dhe është dukuri mjaft e zakonshme, e veçanërisht te meshkujt mes moshave 40 dhe 70 vjet.

Kjo mund të shkaktohet nga një numër i madh i problemeve mjekësore, duke përfshirë ngushtimin e enëve të gjakut, kolesterolin e lartë, shtypjen e lartë të gjakut etj.

Përderisa ka një numër të madh të metodave për ta trajtuar impotencën, siç janë ndryshimet në stilin e jetesës, meshkujve zakonisht u përshkruhet viagra nga doktorët, transmeton Telegrafi.

Megjithatë, tani Nat Hawes, autor i Nature cures, tregon se ushqimet e pasura me citrulline, siç janë kastravecët, mund të ndihmojnë në përmirësimin e impotencës te meshkujt që vuajnë nga shtypja e ulët e gjakut.

Kastravecit sjellin edhe përfitime tjera shëndetësore, duke përfshirë mposhtjen e lodhjes dhe stresit.

Citrulina konvertohet në trup në një amino acid tjetër të quajtur argini, i cili tani konvertohet në oksid nitrik. Oksidi nitrik i ndihmon enët e gjakut të relaksohen, duke e përmirësuar qarkullimin e gjakut. /Telegrafi/

The post Kujt i duhet viagra kur të gjithë kemi kastravecë në shtëpi? appeared first on Telegrafi.