Pas eliminimit nga Bashkimi i Kumanovës për ndeshjen e balotazhit për Ligën e Parë, klubi Besa njofton dorëheqjen nga gara me ekipin e parë. Pronarët e klubit konfirmojnë se nga tani e tutje do të përkushtohen vetëm në zhvillimin e akademisë së të rinjve, njofton Telegrafi.

Pas përfundimit të sezonit dhe eliminimit nga Bashkimi i Kumanovës në ndeshjet e balotazhit për mbijetesë, klubi futbollistik Besa nga Dobërdolli ka dalë me një deklaratë zyrtare ku ka njoftuar tërheqjen nga garat në Ligën e Dytë të Maqedonisë së Veriut.

Në një komunikatë të shpërndarë në rrjetet sociale, drejtuesit e klubit bëjnë të ditur se nuk do të vazhdojnë më me ekipin e parë, ndërsa fokusi i vetëm do të jetë tek akademia, e cila ka qenë ndër pikat më të forta të klubit gjatë viteve të fundit.

“Pas një periudhe të gjatë angazhimi, përkushtimi dhe sakrifice për klubin tonë të zemrës, është marrë vendimi që nga sot e tutje ekipi të mos garojë më në Ligën e Dytë. Fokusi do të jetë i përqendruar vetëm te Akademia”, thuhet në deklaratë.

Nga Besa kanë falënderuar të gjithë ata që ishin pjesë e rrugëtimit disavjeçar – lojtarë, trajnerë, tifozë, sponsorë dhe bashkëpunëtorë – duke shprehur mirënjohje për mbështetjen në të gjitha fazat, si në ngritje ashtu edhe në vështirësi.

Ky vendim shënon një kthesë për klubin, i cili në vitet e fundit ka qenë një ndër skuadrat më të organizuara në futbollin vendor, veçanërisht në promovimin e talenteve të rinj nëpërmjet strukturave të akademisë. /Telegrafi/

The post Besa e Dobërdollit tërhiqet nga gara në Ligën e Dytë – fokusi mbetet te akademia appeared first on Telegrafi.

Ndeshja e shumëpritur e balotazhit për një vend në Ligën e Parë të Futbollit të Maqedonisë së Veriut për sezonin e ardhshëm do të zhvillohet mes dy ekipeve shqiptare,  Besës nga Dobërdolli dhe Bashkimit nga Kumanova, njofton Telegrafi.

Federata e Futbollit të Maqedonisë ka konfirmuar se kjo sfidë vendimtare do të luhet në stadiumin e qytetit në Kavadar, pas një rekomandimi nga Ministria e Punëve të Brendshme për arsye sigurie dhe organizative.

Kjo përballje, që do të përcaktojë se cila skuadër do të jetë pjesë e elitës së futbollit vendor në sezonin e ardhshëm, është caktuar të zhvillohet të dielën, duke filluar nga ora 17:00. Për drejtësinë në fushë do të kujdeset arbitri Stojançe Trpçevski nga Shkupi. Kujtojmë se Besa e përfundoi sezonin në Ligën e Parë në pozitën e dhjetë, duke kërkuar që përmes balotazhit të sigurojë vazhdimësinë në elitë, ndërsa Bashkimi, që u rendit i treti në Ligën e Dytë, synon rikthimin historik në mesin e më të mirëve pas një sezoni të suksesshëm.

Sot me fillim në ora 17:00 në Kavadar, Shkëndija e Haraçinës përballet me Osogovën në ndeshjen vendimtare të balotazhit për inkuadrim në Ligën e Dytë të Maqedonisë së Veriut. Kjo sfidë paraqet një nga momentet më të rëndësishme për klubin nga Haraçina, që pas shumë viteve kërkon të rikthehet në Ligën e Dytë të vendit. /Telegrafi/

The post Besa – Bashkimi garë për elitën, Shkëndija e Haraçinës kërkon ringritjen appeared first on Telegrafi.

Dy javë para përfundimit të kampionatit, kuqezinjtë nga Tetova siguruan titullin pas fitores ndaj Rabotniçkit, duke ia marrë fronin kampionit të kaluar, Strugës, njofton Telegrafi.

Shkëndija e Tetovës është kampionja e re e Maqedonisë së Veriut. Skuadra kuqezi siguroi matematikisht titullin e pestë në historinë e klubit vetëm dy javë para fundit të kampionatit, pas një fitoreje të merituar ndaj Rabotniçkit me rezultat 2:1. Me këtë sukses, tetovarët ia morën epitetin e kampionit ekipit të Struga Trim Lum, i cili e mbante titullin që nga sezoni i kaluar.

Ndeshja nisi në mënyrë të furishme nga ana e Shkëndijës, që tregoi qartë ambiciet për të mbyllur kampionatin sa më shpejt. Në minutën e 5-të, Liridon Latifi zhbllokoi rezultatin pas një aksioni të shpejtë. Epërsia u dyfishua në pjesën e parë me një gol spektakolar nga Fabricio Tamba, pas një asisti të shkëlqyer nga Adamu Alhassan. Pavarësisht një penalltie të kontestuar që i dhuroi Rabotniçkit një gol përmes Cristojaye Daley, Shkëndija ruajti epërsinë deri në fund, duke festuar titullin me tifozët e saj.

Ndërkohë, fundjava solli edhe befasi në duelet tjera. Tikveshi mundi Besën me 1:0, duke e shtyrë këtë të fundit drejt pozitës që çon në balotazh. Në Strumicë, Shkupi humbi në mënyrë dramatike ndaj Brerës me rezultat 4:3, pavarësisht se kishte epërsi 1:3. Ndeshjet Pelisteri – Voska dhe Sileksi – Gostivari përfunduan me rezultat zyrtar 3:0 për vendasit. Barazim pa gola u regjistrua në duelin mes Vardarit dhe Strugës.

Shkëndija, me një sezon të dominuar nga cilësia, stabiliteti dhe përkrahja e tifozëve, rikthehet në fronin e futbollit të Maqedonisë. Me titullin e pestë të kampionit, kuqezinjtë konfirmojnë se janë një fuqi e pandalshme në skenën vendore dhe një pretendent serioz për suksese edhe në garat ndërkombëtare. /Telegrafi/

The post Shkëndija shpallet kampione e Maqedonisë së Veriut për herë të pestë appeared first on Telegrafi.

Java e 31-të e kampionatit mund të jetë vendimtare për fatin e titullit kampion, ku Shkëndija ka mundësinë ta sigurojë matematikisht trofeun me një fitore ndaj Rabotniçkit. Në anën tjetër, gara për mbijetesë është përqendruar mes Brerës dhe Besës që ndajnë të njëjtin fat pikësh, njofton Telegrafi

Java e 31-të e Ligës së Parë të Maqedonisë së Veriut starton sot me përballjen ndërmjet Vardarit dhe Strugës, ndërsa tre ndeshjet e tjera luhen të mërkurën me fillim nga ora 17:00, ku në qendër të vëmendjes është dueli në Tetovë mes Shkëndijës dhe Rabotniçkit.

Skuadra kuqezi ka shansin e artë për të siguruar titullin kampion dy javë para fundit, por përballë do të ketë një ekip që tani ka siguruar pjesëmarrjen në garat evropiane. Edhe pse ndeshja zhvillohet në Tetovë, Shkëndija do ta luajë atë pa praninë e tifozëve për shkak të dënimit nga federata, çka e bën sfidën pak sa më të vështirë psikologjikisht.

Ndërkohë në Strumicë, FC Shkupi do të përballet me AP Breran. Skuadra nga Çairi tashmë e ka siguruar mbijetesën dhe do të luajë pa presion, por për Breran kjo është një ndeshje jetike në luftën për të ruajtur vendin që çon në balotazh. Në një tjetër duel të rëndësishëm për fatin e sezonit, Tikveshi pret Besën nga Dobërdolli. Tikveshi është i sigurt për qëndrimin në elitë, ndërsa Besa kërkon me çdo kusht pikët për të mos rënë nga liga – apo të paktën për të qëndruar në garën për vendin e balotazhit.

Me epilogun e sezonit që po afrohet, java e 31-të pritet të sjellë emocion dhe vendime të mëdha. Sytë janë kah Tetova, ku Shkëndija mund ta mbyllë garën për titullin, ndërsa poshtë në tabelë lufta për mbijetesë vazhdon mes Besës dhe Brerës.

Vlen të rikujtojmë se nga gara tashmë janë larguar dy skuadrat shqiptare, Voska Sport dhe Gostivari, duke ndikuar dukshëm në dinamikën e këtij sezoni. /Telegrafi/

The post Shkëndija në prag të titullit, java e 31-të hapet sot me duelin Vardari – Struga appeared first on Telegrafi.

Kampionati i Ligës së Parë të Maqedonisë hyn në fazën vendimtare, ku çdo pikë ka peshë të madhe dhe çdo duel mund të ndryshojë rrjedhën e renditjes. Java e 30-të sjell katër ndeshje mjaft të rëndësishme që pritet të na japin një pasqyrë më të mirë për tre javët e fundit, njofton Telegrafi.

Derbi i përjetshëm Shkupi – Vardari, dueli mes Strugës dhe Shkëndijës, që pritet të ndikojë drejtpërdrejt në garën për titullin, sfida me shumë rëndësi Sileksi – Rabotniçki, ku të dyja skuadrat synojnë Evropën, si dhe përballja për mbijetesë mes AP Brerës dhe Besës, që luftojnë për të kapur vendin e balotazhit, janë paralajmërim për futboll atraktiv.

Java e 30-të fillon me superduelin mes dy rivalëve të përjetshëm, Shkupit dhe Vardarit, që do të përballen të shtunën, më 3 maj, në stadiumin e Çairit, me fillim nga ora 16:00. Edhe pse këtë sezon të dy skuadrat nuk kanë pretendime për titull apo dalje në Evropë, lufta për tri pikët do të jetë më shumë për krenari. Shkupi ndodhet në vendin e shtatë me 35 pikë, ndërsa Vardari ka vetëm një pikë më shumë dhe mban pozitën e gjashtë.

Të gjitha ndeshjet e tjera të javës së 30-të do të zhvillohen të dielën, më 4 maj, me fillim nga ora 16:00. Në një tjetër duel të zjarrtë, Struga pret Shkëndijën, ku kuqezinjtë nga Tetova janë të detyruar të fitojë për të ruajtur epërsinë ndaj ndjekësit kryesor, Sileksit. Ky i fundit ka një ndeshje mjaft të vështirë në udhëtim kundër Rabotniçkit, që tashmë është përfshirë fuqishëm në garën për një vend që të çon në arenën ndërkombëtare dhe synon edhe pozitën e dytë në tabelë, meqë deri në fund mbeten edhe 12 pikë në lojë.

Një duel tjetër i rëndësishëm për mbijetesë është ai mes Besës dhe AP Brerës, që luftojnë për pozitën e 10-të, e cila siguron të paktën ndeshjen e balotazhit për qëndrim në elitë. Gostivari, ndërkohë, do të kërkojë tri pikë të arta përballë Pelisterit. Skuadra e Tikveshit është e lirë këtë javë, pasi Voska Sport i ka mbyllur tashmë para kohe garat në kampionat. /Telegrafi/

Dyshet për javën e 30-të: E shtunë – 3 maj, ora 16:00: Shkupi – Vardari

E diel – 4 maj, ora 16:00: Struga – Shkëndija, Besa– AP Brera, Gostivari – Pelisteri dhe Rabotniçki – Sileksi.

The post Të shtunën derbi Shkupi – Vardari, duel për titull të dielën në Strugë appeared first on Telegrafi.

Java e 29-të në Ligën e Parë të Maqedonisë së Veriut nuk solli ndryshime në krye të tabelës, pasi Shkëndija dhe Sileksi, dy rivalët për titull, barazuan ndeshjet e tyre dhe ruajtën të pandryshuar diferencën prej katër pikësh, njofton Telegrafi.

Në derbin shqiptar të javës, në Tetovë, Shkëndija dhe Shkupi u ndanë në një barazim spektakolar 3-3. Ndeshja u karakterizua nga tre autogola, por edhe gola të bukur, me Shkëndijën që edhe pse u rikthye në ndeshje pas një disavantazhi prej dy golash, nuk arriti të marrë më shumë se një pikë.

Nga ana tjetër, Sileksi nuk përfitoi nga hapi fals i liderit, duke barazuar pa gola (0-0) në duelin ndaj Strugës. Ky rezultat bën që katër javë para fundit të kampionatit, Shkëndija të mbetet me një epërsi jo dhe shumë komode prej katër pikësh.

Në duelin mes Gostivarit dhe Rabotniçkit, që u zhvillua në stadiumin “Boris Trajkovski” në lagjen Maxhari të Shkupit, u regjistrua një tjetër episod negativ. Pas një përmbysjeje në rezultat (nga 1-0 në 1-2 për Rabotniçkin), drejtuesit e Gostivarit urdhëruan futbollistët të largoheshin nga fusha, duke mos përfunduar ndeshjen. Klubi i Gostivarit përmes një reagimi zyrtar në rrjetet sociale theksoi se:

“Incidenti që ndodhi nuk është kundër kundërshtarit tonë Rabotniçkit. Reagimi ynë është ndaj gjyqtarit të ndeshjes, Igor Stojçevski! Ky gjyqtar njihet për menaxhim skandaloz të ndeshjeve dhe nuk është i dëshiruar nga asnjë ekip. Sa i përket deklaratës së FFM-së, çdo fjali e saj do të marrë përgjigje NJË E NGA NJË. Siç e thamë edhe në konferencën për shtyp dje, ne jemi të pastër, nuk ka asgjë që nuk mund ta sqarojmë!” – thuhet në deklaratën e FC Gostivarit.

Në ndeshjet tjera, Vardari mposhti Besën e Dobërdollit me rezultat 3-1, Pelisteri siguroi fitore të rëndësishme për mbijetesë duke mundur Tikveshin 1-0. Ndërsa ndeshja AP Brera – Voska Sportit është regjistruar me rezultat zyrtar 3-0, pasi dueli nuk u zhvillua për shkak të tërheqjes së kësaj të fundit nga kampionati. /Telegrafi/

Rezultatet e javës së 29-të: Shkëndija – Shkupi 3-3, Gostivari – Rabotniçki 1-2 (e ndërprerë), Sileksi – Struga 0-0, Vardari – Besa 3-1, Pelisteri – Tikveshi 1-0, AP Brera – Voska Sport (3-0 zyrtarisht)

The post Shkëndija ruan epërsinë, Struga ndali Sileksin appeared first on Telegrafi.

Java e 28-të në elitën e futbollit të Maqedonisë së Veriut solli emocione të shumta, duele të atraktive, gola spektakolarë dhe tensione brenda e jashtë fushës, ngjarje që tejkalojnë kornizat sportive, njofton Telegrafi.

Në Gostivar, Besa, një ndër skuadrat më të rrezikuara për rënie, priti liderin Shkëndija në një ndeshje me ritëm të lartë dhe shumë gola. Besa kaloi e para në epërsi me golin e Selmanit, por Shkëndija reagoi fuqishëm me golin e Ibraimit nga penalltia dhe më pas me Tamban. Pjesa e dytë solli një tjetër barazim nga Selmani, por Merxhani vulosi fitoren për tetovarët në minutat e fundit. Shkëndija mban kreun, ndërsa Besa vijon të luftojë për mbijetesë.

Çairasit nuk ia dolën të rikthehen te fitorja para tifozëve të vet, duke u mposhtur nga Sileksi në një ndeshje të tensionuar. Ansah realizoi një gol të bukur, por Sileksi barazoi me një gol të diskutueshëm për pozitë jashtë loje. Fitoren e siguroi Aliç, pas një gabimi të rëndë të portierit Denkovski. Pas ndeshjes, FC Shkupi reagoi ashpër ndaj arbitrimit, duke e quajtur vendimin për golin e barazimit “skandaloz” dhe duke kërkuar ndërhyrje urgjente nga institucionet përkatëse.

Ndeshja ndërmjet Struga Trim Lum dhe Gostivarit ishte dramatike deri në fund, me rezultat përfundimtar 1-1. Mysafirët kaluan në epërsi me Kalanoskin, por në fund, zëvendësuesi Kehinde barazoi për Strugën. Diata i Gostivarit u ndëshkua me të kuq në minutat e fundit, duke shtuar tensionin. Pas ndeshjes, ndodhi një përplasje fizike mes futbollistëve të dy skuadrave. Klubi i Gostivarit njoftoi se tre lojtarë dhe një anëtar i stafit teknik u ndaluan nga policia lokale për disa orë, pa pasur mundësi të komunikojnë me familjarët apo ekipin. Incidenti është dënuar ashpër nga klubi, që kërkon trajtim më korrekt dhe hetim të plotë të rastit.

Një nga episodet më të përfolura të javës ndodhi në Ohër, ku dueli mes Voskës dhe Vardarit u ndërpre në minutën e 76-të, me rezultatin 1-1. Voska kaloi e para në epërsi me Osein, por Vardari barazoi me një gol të kontestuar të Duranskit, që shkaktoi protesta të mëdha. Në shenjë pakënaqësie ndaj arbitrimit, skuadra vendase u tërhoq nga fusha. Klubi i Voska Sport reagoi më pas me një deklaratë të ashpër ndaj Federatës së Futbollit të Maqedonisë, duke e cilësuar gjykimin si tendencioz dhe të dëmshëm për integritetin e garës. Ata kërkojnë masa konkrete për të shmangur situata të ngjashme në të ardhmen.

Në përballjet e tjera të javës, Rabotniçki fitoi me rezultat 2-1 ndaj Pelisterit, ndërsa Tikveshi mposhti AP Brerën po me të njëjtin rezultat./Telegrafi/

Rezultatet e plota të javës së 28-të: Besa– Shkëndija 2-3, Shkupi – Sileksi 1-2, Struga – Gostivari 1-1, Voska Sport – Vardari (ndërprerë në minutën e 76-të, 1-1), Rabotniçki – Pelisteri 2-1, Tikveshi – AP Brera 2-1

Java e 29-të (27 prill, ora 16:00): Shkëndija – Shkupi, Sileksi – Struga, Vardari – Besa, AP Brera – Voska, Gostivari – Rabotniçki dhe Pelisteri – Tikveshi.

The post Shkëndija nuk ndalet, pa përfundim në Ohër, arrestime në Strugë appeared first on Telegrafi.

Java e 27-të e Ligës së Parë të Maqedonisë së Veriut dhuroi emocione të shumta, zhvillime të rëndësishme në kreun e tabelës dhe tension në fundin e saj, njofton Telegrafi.

Me vetëm gjashtë xhiro të mbetura deri në fund të sezonit, gara për titull, për Evropë dhe për mbijetesë po hyn në fazën më vendimtare.

Shkëndija e Tetovës konfirmoi edhe një herë se është pretendente serioze për titull, duke mposhtur në mënyrë bindëse Voska Sportin me rezultat 4-0. Me këtë fitore, kuqezinjtë ruajtën pozitën e parë dhe distancën prej katër pikësh ndaj ndjekësit më të afërt, Sileksit, që gjithashtu ishte i pamëshirshëm ndaj Besës, duke fituar me rezultatin e thellë 5-0 në Kratovë.

Gara mes këtyre dy skuadrave po zhvillohet në mënyrë dramatike, ku çdo pikë pritet të jetë vendimtare. Shkëndija ka përpara disa ndeshje ku duhet të ruajë ritmin, ndërsa Sileksi po pret çdo hap të gabuar për të marrë kreun.

Në luftën për pozitën e tretë, që siguron pjesëmarrje në garat evropiane, ndodhi një ndryshim i madh. Rabotniçki, që deri tani kishte komoditet në këtë vend, u mposht në shtëpi nga kampionët në fuqi Struga, me rezultat 0-1. Kjo humbje ka rihapur garën, pasi tani Gostivari (dy pikë) dhe Struga (katër pikë), janë afruar ndjeshëm, duke e bërë betejën për Evropë shumë më interesante në javët e mbetura.

Ndërkohë, edhe Gostivari bëri një hap të madh përpara, duke triumfuar me rezultat 3-1 ndaj Shkupit, në një ndeshje ku tregoi forcë karakteri.

Lufta për mbijetesë, është bërë më e ashpër se kurrë. Në fundin e tabelës, tensioni është i lartë. Katër skuadra ndodhen brenda vetëm dy pikëve dhe secila prej tyre po lufton për të shmangur zonën e rrezikshme. AP Brera mori fitore shumë të rëndësishme në transfertë ndaj Pelisterit, ndërsa Tikveshi ndau pikët me Vardarin, por mbetet i përfshirë në betejë.

Besa, Tikveshi, AP Brera dhe Voska Sport janë skuadrat më të rrezikuara, me çdo ndeshje që mund të jetë vendimtare për fatin e tyre në elitë.

Të dielën, më 20 prill, me fillim nga ora 16:00, na presin sfida të tjera kyçe që pritet të kenë ndikim të drejtpërdrejtë në të gjitha zonat e tabelës. Kjo xhiro pritet të japë më shumë përgjigje, por ndoshta edhe të hapë rrugën për befasi të tjera në një kampionat që po shkon drejt një fundi dramatik. /Telegrafi/

Java e 28-të: Besa – Shkëndija, Struga – Gostivari, Shkupi – Sileksi, Voska Sport – Vardari, Rabotniçki – Pelisteri dhe Tikveshi – AP Brera.

The post Shkëndija nuk ndalet, Gostivari dhe Struga rikthehen në garë për Evropën appeared first on Telegrafi.

Java e 27-të e Ligës së Parë të Maqedonisë së Veriut, sjellë duelin në Tetovë, ku Shkëndija mbron kreun, Struga dhe Shkupi do të kenë përballje dramatike në Shkup, njofton Telegrafi.

E diela sjell emocione të mëdha në elitën e futbollit të Maqedonisë së Veriut, ku do të luhen përballjet e javës së 27-të. Në qendër të vëmendjes do të jenë ekipet shqiptare, të cilat luftojnë në pole të ndryshme të tabelës – për titull, për Evropë dhe për mbijetesë.

Shkëndija e Tetovës, që aktualisht kryeson tabelën, do të luajë në shtëpi ndaj Voska Sport, një përballje shqiptare ku tetovarët janë të vendosur të marrin tri pikët për të ruajtur epërsinë ndaj ndjekësve dhe për të hedhur një hap më pranë titullit. Përballë tyre do të jetë një skuadër e rrezikuar nga zona e rënies, ku Voska kërkon pikë shpëtimi dhe pritet të bëjë gjithçka për të ndalur liderin.

Në Kratovë zhvillohet një tjetër duel me peshë, ku Sileksi, ndjekësi më i afërt i Shkëndijës, pret Besën e Dobërdollit. Sileksit i nevojitet fitorja për të mos lejuar shkëputjen e kuqezinjve, ndërsa Besa synon pikë të vlefshme në luftën për mbijetesë – duke e bërë këtë sfidë një përplasje mes ambicieve të kundërta, por me qëllim të njëjtë: grumbullimin e pikëve.

Në kryeqytet do të luhen dy duele shumë interesante. Rabotniçki pret Strugën në një sfidë direkte për zonën evropiane. Të dyja skuadrat janë në garë për vendet që çojnë në garat ndërkombëtare dhe kjo përballje mund të jetë vendimtare për fatin e tyre në këtë sezon.

Po në Shkup, në lagjen Maxhari, Gostivari përballet me Shkupin, në një duel shqiptar ku të dyja skuadrat kanë nevojë për pikë – njëra për të siguruar pozitë më të mirë në mes të tabelës, tjetra për të shmangur çdo rrezik të mëtejmë. Dy përballjet e tjera të kësaj jave janë: Pelisteri – AP Brera, si dhe Vardari – Tikveshi, që plotësojnë javën e 27-të. /Telegrafi/

Java e 27, E diel ora 16:00: Gostivari – Shkupi, Rabotniçki – Struga, Shkëndija – Voska Sport, Sileksi – Besa, Pelisteri – AP Brera dhe Vardari – Tikveshi.

The post Shkëndija kërkon tri pikë për të ruajtur fronin, tri duele luhen në Shkup appeared first on Telegrafi.

Java e 26-të e Ligës së Parë të Maqedonisë së Veriut ka vulosur edhe më shumë ndarjet në tabelë, duke nxjerrë në pah dy fronte të nxehta: garën për titull dhe betejën dramatike për mbijetesë, njofton Telegrafi.

Shkëndija e Tetovës vazhdoi serinë e fitoreve, duke mposhtur Tikveshin edhe pse për më shumë se 25 minuta luajti me një lojtar më pak. Kjo fitore e mban skuadrën kuqezi në krye të tabelës me katër pikë më shumë se ndjekësi më i afërt, Sileksi, i cili gjithashtu regjistroi fitore dramatike ndaj Voska Sportit. Me këtë ritëm, duket se titulli i këtij sezoni do të vendoset mes këtyre dy skuadrave, të cilat janë të vendosura t’ia rrëmbejnë fronin kampionit aktual, Strugës.

Në anën tjetër të tabelës, beteja për mbijetesë ka hyrë në fazën më kritike. Katër skuadra tashmë janë ndarë në fundin e klasifikimit dhe do të luftojnë me çdo kusht për të qëndruar në elitë: Besa e Dobërdollit, Voska Sport, Tikveshi dhe AP Brera. Çdo pikë nga këtu e tutje do të ketë peshën e artë për to.

Ndërkohë, nuk mungon as gara për një vend në arenën evropiane. Aktualisht, Rabotniçki mban pozitën e tretë, e ndjekur nga Gostivari dhe Struga, të cilat po tentojnë të përfitojnë nga çdo hap fals i rivalëve. Në grupin e mesëm të renditjes ndodhen Shkupi, Pelisteri dhe Vardari, që për momentin janë larg rrezikut, por nuk kanë luksin të qetësohen. Ata synojnë të ruajnë pozitat stabile që sigurojnë mbetje në elitë, ndërsa njëkohësisht mund të përgatiten për më shumë ambicie në sezonin e ardhshëm.

Rezultatet e plota të javës së 26-të: Besa – Gostivari 2-1, Shkupi – Rabotniçki 0-0, Tikveshi – Shkëndija 0-1, Voska Sport – Sileksi 1-2, AP Brera – Vardari 0-2, Struga – Pelisteri 4-1. /Telegrafi/

The post Shkëndija e Sileksi në duel titulli, katër ekipe në “zonën e kuqe”! appeared first on Telegrafi.

Java e 26-të e Ligës së Parë të Maqedonisë së Veriut është hapur sot me ndeshjen ndërmjet Strugës dhe Pelisterit, e zhvilluar buzë liqenit në Strugë, ku vendasit arkëtuan tri pikë të rëndësishme me një fitore të pastër 4-1, njofton Telegrafi.

Pjesa e parë solli raste nga të dyja anët, ndërsa të dyja golat u shënuan nga pika e bardhë. Fillimisht, në minutën e 22-të, sulmuesi nigerian Kehinde kaloi Strugën në epërsi, duke realizuar nga penalltia. Por vetëm tetë minuta më vonë, Pelisteri reagoi dhe barazoi shifrat, kur Ristevski ekzekutoi saktë një tjetër penallti për mysafirët.

Në minutat e fundit të pjesës së parë, Pelisteri mbeti me një lojtar më pak në fushë, pasi Boshkovski u ndëshkua me karton të kuq, duke i komplikuar gjërat për skuadrën nga Manastiri.

Këtë epërsi numerike, Struga e shfrytëzoi në mënyrën më të mirë të mundshme dhe menjëherë në fillim të pjesës së dytë, në minutën e 47-të, Vllajkoviq riktheu avantazhin për vendasit. Nga ai moment, struganët morën kontrollin e plotë të lojës dhe nuk lejuan që fitorja t’u ikë nga duart. Në minutën e 75-të, mesfushori Bunjamin Shabani shënoi golin e tretë. Në minutën e pestë të kohës shtesë, përsëri në skenë doli nigeriani Kehinde, i cili shënoi një gol të bukur me kokë, duke vulosur fitoren dhe duke e konfirmuar dominimin e skuadrës strugane.

Struga me këtë fitore vazhdon ndjekjen e pozicioneve të para në renditje dhe mban të gjallë shpresat për një vend që siguron pjesëmarrje në garat evropiane.

Kampionati vazhdon nesër me ndeshjet e tjera të javës së 26-të, ku nga ora 15:00 zhvillohen takimet: Besa – Gostivari, Shkupi – Rabotniçki, Tikveshi – Shkëndija, Voska Sport – Sileksi dhe AP Brera – Vardari. /Telegrafi/

The post Struga nis me fitore javën e 26-të, mposht Pelisterin me rezultat të pastër appeared first on Telegrafi.

Liga e Parë e Maqedonisë së Veriut po hyn në fazën më të nxehtë të sezonit, ndërsa këtë fundjavë zhvillohen ndeshjet e javës së 26-të, me shumë skuadra që luftojnë për objektiva të ndryshëm – titullin kampion, mbijetesën dhe pjesëmarrjen në garat evropiane, njofton Telegrafi.

Ekipet shqiptare, si gjithnjë në qendër të vëmendjes, do të kenë sfida vendimtare. Java nis me përballjen buzë liqenit, ku Struga, tashmë larg garës për titull, kërkon të ruajë gjallë shpresat për një vend që e dërgon në arenën evropiane. Fitorja ndaj Pelisterit është detyrim për skuadrën e trajnerit Ilço Gjorgjioski.

Të dielën, në Gostivar, Besa do të kërkojë pikët e shpresës për të mbetur në elitë, por përballë ka një Gostivar që edhe pse ka humbur hapin për titull, synon të përfitojë nga ndonjë gabim i rivalëve për një vend evropian.

Të kaltrit e Shkupit “Pëllumbat” do të përballen me një kundërshtar të vështirë siç është Rabotniçki, por objektivi është i qartë – mbajtja e pozitës që siguron qëndrimin në elitë edhe për sezonin e ardhshëm.

Shkëndija si lidere vazhdon garën për titull dhe nuk ka luksin të humbasë pikë. Ndeshja në Kavadar kundër Tikveshit është test serioz për kuqezinjtë, të cilët kërkojnë fitoren për të mos i lënë Sileksin dhe Rabotniçkin të afrohen në krye.

Një tjetër duel për mbijetesë luhet në Ohër. Voska, e mbështetur nga tifozët e saj, kërkon me ngulm një fitore ndaj Sileksit për t’u larguar nga fundi i tabelës. Por skuadra nga Kratova është një nga pretendentët për titull, andaj nëse dëshirojnë të jenë në garë me Shkëndijën, duhet mundur Voska. Emocione të forta priten në këtë përballje direkte.

Vardari do të përballet me një skuadër të paparashikueshme si Brera. Të dye ekpet janë në zonën e rrezikut, dhe kërkojnë tri pikë, por në këtë rast Vardari edhe piluan si mysafir, është favorit për të fituar. /Telegrafi/

Sot 05.04.2025 – Ora 15:00 Struga – Pelisteri

Nesër 06.04.2025 – Ora 15:00 Besa – Gostivari, Shkupi – Rabotniçki, Tikveshi – Shkëndija, Voska Sport –Sileksi dhe AP Brera – Vardari.

The post Java e 26-të në Ligën e Parë të Maqedonisë: Shkëndija kërkon pikë në Kavadar appeared first on Telegrafi.

Liga e Parë e Maqedonisë së Veriut rikthehet këtë fundjavë me ndeshjet e javës së 23-të, ku fillon rrethi i tretë dhe vendimtar i kampionatit, njofton Telegrafi.

Vëmendja kryesore e javës është e përqendruar te dy përballjet mes ekipeve shqiptare. Në Çair të Shkupit, FC Shkupi pret Besën në një duel të fortë që pritet të ketë duel mjaft të fortë, me. “Bardhekaltërit” synojnë fitore për të qëndruar në mesin e tabelës, ndërsa Besa do të kërkojë rezultat pozitiv për të filluar largimin nga fundi i tabelës.

Ndërkaq, në Strugë zhvillohet një duel po aq interesant, ku kampionët në fuqi të Strugës janë nikoqir të Voska Sportit. Struga synon të vazhdojë të mbledh pikë në kërkim të mbrojtjes së titullit, ndërsa Voska Sport është në pozitë krej tjetër, për të shmangur zonën e rrezikut.

Shkëndija, e cila vazhdon luftën për titull, do të përballet me Pelisterin në Tetovë. Kuqezinjtë janë favoritë dhe një fitore do të ishte thelbësore në objektivin e tyre për të mbajtur ose eventualisht për të rritur diferencën në pikë me ndjekësit e saj.

Një sfidë me peshë është edhe ajo mes Gostivarit dhe AP Brerës. Gostivari, pas fitores së fundit, synon ta vazhdojë ecurinë e mirë. Ndër ndeshjet e tjera të kësaj jave, Sileksi pret Vardarin në Kratovë, ndërsa të hënën, Rabotniçki do të matë forcat me Tikveshin në një përballje që mbyll javën e 23-të. Kjo javë pritet të sjellë rivalitet dhe zhvillime të rëndësishme në garën për titull dhe mbijetesë.

Java e 23-t, dyshet: Gostivari – AP Brera, Shkëndija – Pelisteri, Shkupi – Besa, Struga – Voska Sport, Sileksi – Vardari dhe të hënën Rabotniçki – Tikveshi. Të gjitha takimet do të luhen në orarin e njëjtë, me fillim nga ora 14:00. /Telegrafi/

The post Liga e Parë e Maqedonisë së Veriut nis rrethin e tretë appeared first on Telegrafi.

Java e 22-të e Ligës së Parë të Maqedonisë së Veriut ka sjellë derbin shqiptar, ku Struga i është rikthyer fitores, edhe atë duke i dhënë disfatën e parë në sezonin e ri Shkëndijës, për t’i ndalë hovin drejt titullit kampion, njofton Telegrafi.

Struga Trim Lum i është rikthyer te fitorja në Ligën e Parë të futbollit në Maqedoninë e Veriut, duke triumfuar bindshëm ndaj Shkëndijës me rezultat 3-0 në derbin e xhiros së 22-të.

Ndeshja e zhvilluar në stadiumin e Strugës nisi me baraspeshë, ku pjesa e parë u mbyll pa gola. Mirëpo, në pjesën e dytë, vendasit dominuan duke realizuar tre herë. Filip Radiq hapi serinë e golave, ndërsa Marjan Radeski dyfishoi epërsinë, para se Radiq të shënonte për herë të dytë dhe të vuloste rezultatin përfundimtar 3-0.

Kjo ishte fitorja e parë e Strugës në gjysmë sezonin pranveror, duke i dhënë fund serisë prej tre humbjesh radhazi. Nga ana tjetër, për Shkëndijën kjo shënon disfatën e parë për vitin 2025.

Edhe Gostivari doli me tri pikë të rëndësishme nga udhëtimi kundër AP Brerës, falë një goli vendimtar të shënuar nga Ervin Tushaj. Kjo fitore e konsolidon pozitën e Gostivarit në mesin e tabelës dhe jep sinjale pozitive për vazhdimësinë e kampionatit.

Edhe Shkupi është mundur për herë të parë në këtë sezon, edhe atë falë një goli të vonshëm në minutën e 89 nga Sadiku që i dha fitoren Tikveshit. Kujtojmë se Shkupi luajti më shumë se 45 minuta me një lojtar më pak, pasi me të kuq u ndëshkua Florian Kadriu.

Besa ka pësuar debakël si nikoqir në duelin ndaj Sileksit, me rezultat 5-0. Edhe Voska Sport ka marrë disfatë, në udhëtimin në Manastir nga Pelisteri, ndeshje që u vendos me rezultatin 1-0.

Vardari ka marrë tri pikë të mëdha në luftën për mbijetesë, duke fituar duelin e qytetit ndaj Rabotniçkit me rezultat 0-2. /Telegrafi/

The post Struga fiton derbin ndaj Shkëndijës, Shkupi pëson humbje pas pesë fitoresh radhazi appeared first on Telegrafi.

Liga e Parë e futbollit të Maqedonisë së Veriut rikthehet sot me duelin e parë të xhiros së 20-të, njofton Telegrafi.

Ndeshja e parë zhvillohet sot, ku Struga do të përballet me Vardarin nga ora 14:00. Ky është një takim që pritet të ketë ndikim të drejtpërdrejtë sa i përket Strugës për të mbajtur hapin me kreun, ndërsa Vardari kërkon pikë shpëtimi për ti ikur fundit.

Ndërkohë, katër ndeshje të tjera do të luhen të dielën, me disa përballje mjaft interesante. Lideri i renditjes, Shkëndija e Tetovës, pret në shtëpi Sileksin, një duel mes dy ekipeve që ndahen vetëm me dy pikë në tabelë – Shkëndija ka 40 pikë, ndërsa Sileksi 38. Kjo ndeshje pritet të jetë shumë dinamike, me të dyja skuadrat që kërkojnë tri pikë të plota.

Në Gostivar, do të zhvillohet një tjetër derbi, ku Besa e Dobërdollit do të përballet me Gostivarin, me këta të fundit që gjithashtu kanë ambicie të larta, ndërsa Besa po vazhdon luftën për të ikur nga pozita e parafundit në renditje.

Shkupi, një nga skuadrat që sezonin e nisi me fitore ndaj Rabotniçkit, këtë javë është mysafire në Strumicë, ku do të ndeshet me ekipin e Breras. Kjo do të jetë një sfidë e vështirë për Shkupin, që synon të ruajë vendin e tij në mesin e tabelës.

Nga ana tjetër, Voska Sport do të udhëtojë drejt kryeqytetit, Shkupit, për të luajtur ndaj Rabotniçkit, një ndeshje ku të dyja skuadrat do të luftojnë për të përmirësuar pozitat e tyre në renditje. Në fund, Tikveshi do të përballet me Pelisterin. /Telegrafi/

Java e 20-të:

Sot e shtunë ora 14:00 Struga – Vardari

Te dielën ora 14:00: Shkëndija – Sileksi, Besa – Gostivari, Brera – Shkupi, Rabotniçki – Voska Sport dhe Tikveshi – Pelisteri.

The post Struga – Vardari hapin xhiron e 20-të, nesër derbi Shkëndija – Sileksi appeared first on Telegrafi.

Pas një pauze të gjatë dimërore, Liga e Parë e Maqedonisë së Veriut rikthehet këtë të diel, më 16 shkurt, me ndeshjet e javës së 19-të, njofton Telegrafi. Ndërsa sezoni vjeshtor do të përmbyllet më 5 mars me javën e 22-të, ekipet kanë pasur mjaft kohë për përgatitje, përforcime dhe ndryshime në përbërje.

Gara për titullin mbetet e hapur

Tre ekipet shqiptare, me kampionin në fuqi Struga Trim & Lum, Shkëndija dhe Gostivari, mbeten në luftë të drejtpërdrejtë për titullin kampion, ku në këtë garë përfshihen edhe Sileksi dhe Rabotniçki. Struga dhe Shkëndija nuk kanë bërë ndryshime të mëdha në përbërje, ndërsa Gostivari ka pasur lëvizje të dukshme në merkato.
(Prurjet e reja)

Struga T.L: Pape Fall (Liepaja – Letoni), Memetriza Hamza (Bashkimi), Maudo Jarjue (Sanderfjord – Norvegji), Vebi Islami (Shkëndija).

Shkëndija: Fabrice Tamba erdhi nga Shkupi, braziliani Victor nga Nasaf Qarshi, portieri Risto Jankov nga Tikveshi dhe Aleksander Trumci nga Bylisi

Gostivari: Aias Aosman (Gençlebirligi – Turqi), Baki Aliu (Bashkimi), Li Ervan (Helsinki – Finlandë), Antonio Kalanoski (Brera) dhe Viktor Krstevski (Bregallnica).

Shkupi përballet me probleme

Nga ana tjetër, Shkupi është në një situatë delikate. FIFA ka hequr ndalesën për transferime, por për shkak të detyrimeve të papaguara ndaj UEFA-s, mbetet e paqartë nëse futbollistët e afruar do të mund të regjistrohen. Me një situatë të vështirë financiare dhe konkurrencë të fortë për mbijetesë, skuadra nga Çairi do ta ketë tepër të vështirë qëndrimin në elitë.

Lufta për mbijetesë sa vjen e bëhet më e ashpër

Në fundin e tabelës, Besa e Dobërdollit dhe Voska Sport do të luftojnë për të siguruar mbijetesën, por gara është më e fortë se kurrë. Të dyja skuadrat kanë bërë disa përforcime të rëndësishme, por mbetet për t’u parë nëse do të mjaftojnë për të shmangur rënien nga elita.

Besa: Umemi Kanda (Shkupi), Vllatko Stojanovski (Rabotniçki), Shefit Shefiti (Arsimi), Aleksandar Angjelkovski (?), Nikolla Gavric (?), Ersin Shabani (?).

Voska Sport: Ilirid Ademi (Besa), Toni Vinogradac (Trigllav – Slloveni), Marko Zhulj (Kustoshija – Kroaci), Babukar Gaje (?), David Mateski (Sileks), Hristijan Dragarski (?), Darko Grozdanovski (Kozhuv).

Ndryshime të shumta në disa ekipe, stabilitet në të tjera

Skuadra si Vardari, Tikveshi dhe AP Brera kanë bërë lëvizje të shumta në merkato, me largime dhe afrime të shumta, duke sjellë një fytyrë të re për pjesën e dytë të sezonit. Ndërkohë, Sileksi dhe Rabotniçki kanë mbajtur një bosht të qëndrueshëm, duke bërë vetëm disa përforcime strategjike.

Ndeshjet e javës së 19-të:

Të gjitha ndeshjet e kësaj jave do të luhen të dielën, më 16 shkurt, duke filluar nga ora 14:00:

• Gostivari – Struga
• Vardari – Shkëndija
• Shkupi – Rabotniçki
• Voska Sport – Besa
• Pelisteri – AP Brera
• Sileksi – Tikveshi

Me rikthimin e kampionatit, emocionet dhe rivaliteteti për objektivat do të marrin hov të ri. Jo vetwm tifozët port w gjithw sporttwdashwsist presin me padurim betejat e ardhshme, ndërsa çdo pikë do të jetë vendimtare për fatin e sezonit 2024/25. /Telegrafi /

The post Rikthehet Liga e Parë e Maqedonisë në futboll appeared first on Telegrafi.

Java e 18-të e Ligës së Parë të Maqedonisë shënoi fundin e sezonit vjeshtor, duke sjellë ndeshje emocionuese dhe rezultate që kanë ndryshuar ndjeshëm situatën në krye të tabelës, njofton Telegrafi.

Në përballjen kryesore të javës, Shkëndija nuk arriti të shfrytëzojë avantazhin e terrenit vendas, duke barazuar pa gola (0-0) ndaj Gostivarit. Ky rezultat i kushtoi Shkëndijës dy pikë të rëndësishme, duke humbur epërsinë në krye të tabelës. Tani, Shkëndija ndan vendin e parë me Sileksin dhe Rabotniçkin, të tre me nga 37 pikë, ndërsa Gostivari mbetet ndjekës me dy pikë më pak.

Struga shënoi fitore të rëndësishme 2-1 ndaj Voska Sportit, falë dy golave të realizuar nga Maleski. Voska arriti të barazojë përkohësisht me një gol të shënuar nga Osei, por nuk mundi të shmangte humbjen.

Shkupi siguroi fitoren e dytë radhazi, këtë herë ndaj Besës në Gostivar. Fitorja erdhi nga një autogol i Zahovit, pasi Diene goditi shtyllën ndërsa topi goditi në shpinë portierin Zahov dhe u fut në rrjetë. Kështu kjo fitore i ka dhënë ekipit kryeqytetas tri pikë të vlefshme në përpjekjen për të rikuperuar veten në tabelë.

Rabotniçki dominoi ndaj Pelisterit, duke fituar 3-0 me dy gola të Atdhe Mazarit dhe një të Ali Regbas. Ndërkohë, Sileksi mposhti Vardarin 1-0, falë një goli të shënuar nga Eftimov, për të qëndruar në garën për titull.

Tikveshi mundi AP Breran me rezultat 2-0, në një përballje që u karakterizua nga tensionet dhe tre kartonë të kuq – dy për vendasit dhe një për mysafirët. Golat e fitores për Tikveshin u shënuan nga Manasievski dhe Stojkoski.

Rezultatet e javës së 18-të:

Shkëndija – Gostivari 0-0, Besa – Shkupi 0-1, Struga – Voska Sport 2-1, Tikveshi – AP Brera 2-0, Rabotniçki – Pelisteri 3-0 dhe Sileksi – Vardari 1-0.

Me këtë përfundim dramatik të sezonit vjeshtor, gara për titullin kampion premton të jetë jashtëzakonisht emocionuese në pjesën pranverore të kampionatit. /Telegrafi/

The post Përmbyllje dramatike e sezonit vjeshtor në Maqedoni, tri ekipe me pikë të barabarta appeared first on Telegrafi.

Java e 17-të e Ligës së Parë të Maqedonisë ka sjellë ndryshime në renditje dhe shumë emocione, pavarësisht se të gjitha ndeshjet u luajtën pa praninë e tifozëve, për arsye sigurie, njofton Telegrafi.

Shkëndija shkëputet në krye: Me fitoren minimale ndaj Voskës (0-1), falë golit të Florent Ramadanit, Shkëndija ka marrë kryesimin e tabelës me dy pikë diferencë ndaj Sileksit dhe Gostivarit. Kjo epërsi i vendos kuqezinjtë në një pozitë të favorshme për të fituar titullin simbolik të kampionit vjeshtor.

Shkupi mposht kampionin aktual Strugën: Pas pesë humbjeve radhazi, Shkupi arriti një fitore të thellë 3-1 ndaj kampionit aktual Struga Trim-Lum. Golat nga Guye, Asani dhe Stojanovski shënuan rikthimin e ekipit, ndërsa Struga mbeti jashtë formës së saj të zakonshme, duke mbetur pas ekipeve pretenduese për titull.

Kontroversat e javës: Dy momente të dyshimta dominuan diskutimet pas ndeshjeve të javës së 17-t. Në duelin Gostivari – Sileksi (0-0), Gostivari pretendoi për një penallti të pastër pas një loje të dukshme me dorë nga një lojtar i Sileksit, që nuk u dha nga arbitri. Po ashtu, në ndeshjen Pelisteri – Besa (1-0), goli i vetëm i shënuar nga Ivanovski u protestua dhe nga ekipi i Besës se u realizua me dorë.

Java e ardhshme – dramatike dhe vendimtare: Java e 18-të, që mbyll sezonin vjeshtor, pritet të jetë emocionuese. Kryendeshja do të jetë super derbi mes Shkëndijës dhe Gostivarit, ndërsa duele interesante do të jenë Besa – Shkupi dhe Struga – Voska Sport, që përballin skuadra shqiptare. Me javën e 18-të, përfundon gjysmësezoni dhe mësohet edhe kampioni vjeshtor. /Telegrafi/

Rezultatet e javës së 17-të:

• Shkupi – Struga 3-1
• Voska Sport – Shkëndija 0-1
• Gostivari – Sileksi 0-0
• Pelisteri – Besa 1-0
• AP Brera – Rabotniçki 1-3
• Vardari – Tikveshi 1-1

Java e 18-të (08.12.2024, ora 13:00):

• Shkëndija – Gostivari
• Besa – Shkupi
• Struga – Voska Sport
• Tikveshi – AP Brera
• Rabotniçki – Pelisteri
• Sileksi – Vardari

The post Shkëndija në krye të tabelës, dramatike java e fundit e gjysmësezonit! appeared first on Telegrafi.

Java e 16-të e Ligës së Parë të Maqedonisë së Veriut pritet të sjellë emocione të mëdha, me derbin shqiptar mes Shkëndijës dhe Shkupit që luhet në Tetovë si ndeshja kryesore e kësaj jave, njofton Telegrafi.

Ky duel, i cili do të zhvillohet të mërkurën, do të jetë më shumë se një përballje sportive, pasi në shkallët e stadiumit pritet prania e dy tifo-grupeve më të mëdha në vend, “Ballistet” nga Tetova dhe “Shvercerat” nga Shkupi.

Shkëndija, e cila kryeson tabelën me 30 pikë, kërkon ta ruajë këtë pozitë duke shfrytëzuar terrenin vendas dhe mbështetjen e zjarrtë të tifozëve. Ekipi ka treguar formë të qëndrueshme dhe me fitore synon të forcojë pozitën ndaj ndjekësve të saj. Nga ana tjetër, Shkupi, që ndodhet në mes të tabelës me 16 pikë, ka nevojë për rezultat pozitiv për t’u rikthyer në rrugën e duhur dhe për të ngritur moralin në një sezon me ulje-ngritje.

Ndërkohë, ndeshjet e tjera të javës ofrojnë përballje interesante. Gostivari udhëton në Shkup për t’u përballur me Vardarin, me të dy ekipet që kërkojnë pikë jetike. Tikveshi, që është në fund të tabelës, përballet me një sfidë të vështirë kundër Rabotniçkit, ndërsa Struga synon të ruajë kontaktin me kreun në një përballje ndaj Pelisterit. AP Brera përballet me Besën, ndërsa Sileksi pret Voska Sportin në Kratovë.

Java e 16-të mund të jetë përcaktuese për shumë ekipe, si në krye të tabelës, ashtu edhe në fund, por vëmendja kryesore do të jetë padyshim në Tetovë, ku historia, rivaliteti dhe emocionet do të bashkohen në një nga ndeshjet më të pritura të sezonit. /Telegrafi/

Java e 16-t, ora 13:00: Shkëndija – Shkupi, Besa – AP Brera, Struga – Pelisteri, Vardari – Gostivari, Sileksi – Voska Sport dhe Tikveshi – Rabotniçki.

The post Java e 16-të në Ligën e Parë: Tetova pret derbin shqiptar Shkëndija – Shkupi appeared first on Telegrafi.

Java e 14-të e Ligës së parë të Maqedonisë së Veriut, ashtu sikurse edhe e kishim paralajmëruar ishte mjaft interesante me shumë gola të shënuar dhe rezultate që pak a shumë edhe janë pritur, në përjashtim të disfatës së Shkupit që humbi në duelin e derbit të kryeqytetit nga vardari, njofton Telegrafi.

Kampioni aktual Struga ka treguar klasin, duke u bërë ekipi i parë që këtë sezon i dha disfatë Rabotniçkit, që në 13 javë nuk dinte për humbje dhe mbante kryesimin e renditjes. Struga arriti që me vetëm një gol, të shënuar nga Kehinde të merr tri pikë dhe të rrëzojë nga pozita e parë Rabotniçkin dh ët barazohet me ta me nga 25 pikë, duke ndarë pozitën e katërt dhe të pestë.

Nga ana tjetër tani lider i tabelës është Shkëndija e Tetovës, që me rezultat të ngushtë, 4-3 e ka mundur AP Breran, në një ndeshje mjaft dramatike, që deri në fund ishte mjaft interesante. Kuqezinjtë nga Tetova shpejt kaluan në epërsi me golat e Adonis Shalës dhe Florent Ramadanit, por Ristovski dhe Ivkoviç barazuan për Breran. Shkëndija përsëri riktheu epërsinë me Fiton Ademin dhe Ristevskin për 4-2, ndërsa nga penaltia zbuti rezultatin përsëri Ivkoviç për mysafirët. Me këto tri pikë Shkëndija është e para në renditje fal gol diferencës më të mirë se Gostivari dhe Sileksi.

Gostivari nuk tregoi aspak mëshirë ndaj Voska Sportit duke e mundur me rezultat 4-0, Aldair, Diatta dhe dy golat e Simonovskit ishin të mjaftueshëm për tri pikë të reja të Gostivarit që e ngritën në pozitën e dytë.

Skuadra e Shkupit ka vazhduar serinë  e humbjeve, kësaj radhe u mund nga Vardari që kohë të gjatë mbante fundin në renditjen e tabelës. Bardhekaltërtit e filluan mirë derbin me rivalin e tyre të vjetër të kryeqytetit, duke kaluar në epërsi me golin që shënoi japonezi Kanda, por më pas pësoi dy gola të shpejtë me autor Zakariç dhe Nikollovski. Shkupi barazoi me anë të Ibishit, ndërsa Vardari mori tri pikë me golin e Micevskit shtatë minuta para fundit, e që nga Shkupi protestuan për gol të shënuar nga pozitë jashtë loje, por që arbitrat nuk ndryshuan mendje.

Edhe Sileksi ka marrë fitoren e radhës, kësaj radhe e mundi Pelisterin me rezultat minimal 1-0. Ndërkohë ndeshja e vetme që përfundoi pa u shënuar asnjë gol, ishte dueli Tikveshi – Besa.

Kampionati tani do të ketë një pushim prej dy javësh, shkaku i angazhimeve të përfaqësues së Maqedonisë së Veriut në kuadër të Ligës së Kombeve që luan muajin nëntor. /Telegrafi/

The post Struga “ilaçi” i Rabotniçkit, Shkëndija lider i renditjes, Shkupi mundet nga Vardari appeared first on Telegrafi.