Komuna e Drenasit njofton të gjithë qytetarët se, për shkak të numrit të madh të aplikimeve dhe mbingarkesës në Sistemin për Menaxhimin e Burimeve Njerëzore në Arsim (SIMBNJ), janë evidentuar disa lëshime teknike gjatë procesit.

Për këtë arsye, anulohet Konkursi me numër referent RN00018002, i datës 12.06.2025, për pozitat e lira të punës në sektorin e arsimit.

Informacione të reja lidhur me hapjen e konkursit do të publikohen së shpejti në faqen zyrtare të Komunës dhe ne sistemin e SIMBNJ-së./Telegrafi/

The post Drenas, anulohet konkursi për pozitat e lira në arsim appeared first on Telegrafi.

Kryetari i Drenasit, Ramiz Lladrovci ka reaguar ashpër ndaj siç i quan ai profileve të rreme, që po synojnë të mjegullojnë kandidaturën e tij dhe të dëmtojnë Partinë Demokratike të Kosovës (PDK) në prag të zgjedhjeve lokale.

“Profilet e rreme kanë filluar punën, po rizgjohen. Në zgjedhjet e kaluara, keqbërësit i kishin së paku 18 profile të rreme, ndërsa për këto zgjedhje kanë arritur të bëhen po ashtu 18 profile/portale”, ka shkruar Lladrovci në Facebook.

Ai thotë se këto veprime janë të njëjtat metoda të vjetra për të krijuar mjegull rreth emrit të tij dhe PDK-së.

Sipas tij, edhe tentativat për të krijuar iniciativa qytetare me emra të ngjashëm janë pjesë e së njëjtës skemë.

“Iniciativat qytetare janë të lira dhe nuk marrin leje nga unë. Megjithëse jemi kampion, bedelat e paskan shpikur emrin duke prodhuar shkurtesën PDK”, shton ai.

Në fund, Lladrovci thekson se është i palëkundur në qëndrimin e tij brenda PDK-së.

“PDK, dje, sot, nesër, pikë. Nuk ka bir nane që më largon nga PDK!”, ka shkruar Lladrovci. /Telegrafi/

The post Lladrovci denoncon profilet e rreme: Nuk ka bir nane që më largon nga PDK appeared first on Telegrafi.

Komuna e Drenasit njofton se është emëruar Herolindë Krasniqi në pozitën e Drejtoreshës për Kulturë, Rini dhe Sport, si dhe Enkela Dema në pozitën e Drejtoreshës për Bujqësi dhe Zhvillim Rural.

Në njoftimin e bërë nga Komuna thuhet se ky ndryshim vjen si pjesë e një riorganizimi të brendshëm për të forcuar më tej performancën dhe bashkëpunimin ndërinstitucional në dobi të qytetarëve tanë.

“Enkela Dema, e cila deri tani ka udhëhequr me përkushtim Drejtoria për Kulturë, Rini dhe Sport, kalon tashmë në krye të Drejtorisë për Bujqësi dhe Zhvillim Rural – një drejtori me rëndësi të veçantë për zhvillimin ekonomik dhe jetën rurale në komunën tonë. Një falënderim i veçantë shkon për Anita Avdullahu Dvorani, e cila me profesionalizëm dhe angazhim të vazhdueshëm ka udhëhequr Drejtorinë për Bujqësi deri më tani, duke kontribuar ndjeshëm në avancimin e sektorit bujqësor”, vijon njoftimi.

Tutje, thuhet ” Urojmë suksese Krasniqi dhe Dema në detyrat e reja, me bindjen se do të vazhdojnë të punojnë me përkushtim, transparencë dhe vizion për të mirën e qytetarëve të Komunës së Drenasit”./Telegrafi/

The post Ndryshime në udhëheqjen e dy drejtorive komunale në Drenas appeared first on Telegrafi.

Komuna e Drenasit, përkatësisht Drejtoria për Shëndetësi dhe Mirëqenie Sociale, në bashkëpunim me QKMF-në, shënoi sot Ditën Botërore të Hipertensionit përmes aktiviteteve vetëdijesuese në terren dhe në ambientet e QKMF-së.

Aktivitetet përfshinë: Matje falas të tensionit arterial për qytetarët; Këshillim shëndetësor individual për parandalimin e hipertensionit; Ligjëratë informuese në sallën e QKMF-së, për të shënuar këtë ditë të rëndësishme dhe për të ofruar informata mbi rreziqet e hipertensionit dhe mënyrat e parandalimit.

Po ashtu, thuhet se qytetarët patën mundësi të informohen nga profesionistët tanë për rëndësinë e një jete të shëndetshme dhe kontrollit të rregullt të tensionit.

The post Në Drenas shënohet Dita Botërore e Hipertensionit appeared first on Telegrafi.

Në kuadër të Javës së AME-së, në dhjetë shkolla të komunës së Drenasit është zhvilluar një fushatë vetëdijësuese me qëllim parandalimin e zjarreve, në organizim të Njësisë Profesionale të Zjarrfikësve dhe Shpëtimit (NJPZSH-së).

Udhëheqësi i Njësisë Profesionale të Zjarrfikësve dhe Shpëtimit, Afrim Gjeli dhe stafi i tij mbajtën ligjërata informuese dhe praktike me nxënësit e shkollave, u prezantuan tema të rëndësishme vetëdijësuese për rrezikun nga zjarri, masat mbrojtëse të zjarreve në shkolla, shtëpi banimi dhe hapësira të hapura, veprimet në rast zjarri, evakuimi emergjent, pajisjet për shuarjen e zjarreve fillestare dhe mënyrat e parandalimit të tyre.

Ligjëratat u shoqëruan me shembuj konkret dhe demonstrime të drejtpërdrejta, duke nxitur përfshirjen aktive të nxënësve dhe rritjen e ndërgjegjësimit për rëndësinë e sigurisë nga zjarret.

Drejtoria për Shërbime Publike dhe Emergjencë, falënderon NjPZSh-në për përkushtimin dhe profesionalizmin e treguar në këtë mision kaq të rëndësishëm për sigurinë tonë të përbashkët, Drejtorinë Komunale të Arsimit dhe drejtorët e shkollave në Komunën tonë që mundësuan dhe përkrahen realizimin e aktiviteteve të vetëdijësimit publik të nxënësve. /Telegrafi/

The post Drenas, mbahet fushatë vetëdijësuese për parandalimin e zjarreve appeared first on Telegrafi.

Komuna e Drenasit, në bashkëpunim me DKA-në dhe organizatën KosEd, po vazhdon angazhimin për të fuqizuar zhvillimin profesional të mësimdhënësve në shkollat tona.

Sot u certifikuan 74 mësimdhënës që përfunduan me sukses trajnimin “Praktikat pedagogjike të bazuara në dëshmi”, i cili përbëhej nga 8 module. Trajnimi u realizua në shkolla të ndryshme të komunës dhe u udhëhoq nga vetë mësimdhënësit me përkushtim dhe profesionalizëm të lartë.

Certifikimi u zhvillua në këto shkolla:

• Sh.f.m.u. “Zenel Hajdini” – Tërstenik I
• Sh.f.m.u. “Xheve Lladrovci” – Gllanasellë
• Sh.f.m.u. “Rexhep Gjeli” – Likoshan
• Sh.f.m.u. “Rilindja” – Dobroshec
• Sh.f.m.u. “Fazli Grajçevci” – Vasilevë

Pjesëmarrësit kishin përfunduar më herët vetëvlerësimin e shkollës dhe vlerësimin nga kolegët, çka ka ndihmuar në përcaktimin e moduleve më të përshtatshme për trajnimin.

Së shpejti do të vijojë edhe certifikimi i mësimdhënësve të shkollave të tjera ku është përmbyllur ky projekt.

Faleminderit të gjithë mësimdhënësve për angazhimin e tyre, si dhe DKA-së dhe kryetarit të komunës për përkrahjen e vazhdueshme në fuqizimin e arsimit në Drenas. /Telegrafi/

The post Komuna e Drenasit mbështet zhvillimin profesional të mësimdhënësve appeared first on Telegrafi.

Të mërkurën, në Sallën e Kulturës në Drenas, u mbajt edicioni i radhës i manifestimit tradicional letrar “Sofra Poetike – Ymer Elshani” 2025, i organizuar nga Drejtoria për Kulturë, Rini dhe Sport, në bashkëpunim me Karvanin e Shkrimtarëve për Fëmijë “Agim Deva”.

Kjo ngjarje kulturore u zhvillua në shënim të 26-vjetorit të rënies së shkrimtarit Ymer Elshani, një figurë e shquar e letërsisë shqipe dhe arsimit.

Në manifestim morën pjesë: i autorizuari i Drejtorisë për Kulturë, Rini dhe Sport, Petrit Sinani, drejtorë komunal, shkrimtarë e krijues, Teuta Elshani – e bija e shkrimtarit, përfaqësues të shkollave, mësimdhënës, nxënës dhe familjarë.

Petrit Sinani kujtoi zanafillën e manifestimit:

“Në vitin 1994, në fshatin Tërstenik, u mbajt takimi i parë i shkrimtarëve, ku u vendos që ky manifestim të quhet ‘Sofra Poetike’. Që nga atëherë, u krijua një traditë që tubon poetët dhe shkrimtarët nga të gjitha trevat e Kosovës, për të nderuar fjalën, artin dhe trashëgiminë tonë kulturore. Çmimi special – ‘Sofra Drenicase’ – simbolizon këtë trashëgimi, përmes një punimi në miniaturë të realizuar enkas për këtë ngjarje”.

Historikun e Sofrës Poetike dhe jetën e shkrimtarit të ndjerë Ymer Elshani e prezantoi Ibrahim Kadriu, përfaqësues i Karvanit të Shkrimtarëve për Fëmijë “Agim Deva”.

Nxënësit e Sh.F.M.U. “Rasim Kiçina” u prezantuan me krijimet e tyre letrare, si:

• 17 prilli – Anisa Veliu
• Fjala ime – Xheneta Xhemajli
• Për ty që shkrove – Alisa Xhekaj
• Udhëtim i diturisë – Eda Mula
• Zëri i nxënësve – Sofije Halilaj
• Librat – dritare drejt botës – Erblin Islami
• Heshtja që flet – Loresa Salihu
Nga mbi 70 punime të paraqitura, u përzgjodhën dhe u lexuan 14 poezi para të pranishmëve. Vlerësimin e punimeve e bëri komisioni profesional i përbërë nga:
• Rinore Veliu-Zymeri (kryetare)
• Sheremet Prokshi
• Sadbere Uka

Fituesit e çmimeve të edicionit 2025:

• Vendi i parë: “Elegji për 1432 engjëj” – Shifra “Nositi” – Ramë Oraca
• Vendi i dytë: “Vargjet e tua janë përjetësi” – Shifra “Poeti i Lirisë” – Hazir Luta
• Vendi i tretë: “Prilli akoma loton” – Shifra “8891” – Adelina R. Qarkaj
Çmimi për talentet e rinj:
• “Kosovë, bijë e stuhive dhe diellit” – Shifra “Bija jote Kosovë” – Mimoza Zymeri (Mitrovicë)
Çmimi special “Sofra Poetike – Ymer Elshani” 2025:
• Karvani i Shkrimtarëve për Fëmijë “Agim Deva”
(përfaqësuar nga: Xhevat Syla, Ibrahim Kadriu, Jonuz Fetahaj, Skënder Zogaj, Riza Greiçevci, Berat Batiu)

Ky manifestim edhe këtë vit dëshmoi se Drenasi mbetet një vatër e gjallë e kulturës dhe letërsisë shqiptare, duke ofruar hapësirë për afirmimin e talenteve të reja dhe kultivimin e vlerave të qëndrueshme artistike. /Telegrafi/

The post Mbahet Sofra Poetike “Ymer Elshani” 2025 në Drenas appeared first on Telegrafi.

Në kuadër të aktiviteteve për Ditën e Shkollës “Shaban Polluzha” në fshatin Polluzhë, u bë përurimi i bustit të Heroit të Kombit, Shaban Polluzha, në ambientet e ShFMU “Shaban Polluzha”.

Në këtë ngjarje të veçantë mori pjesë edhe kryetari i Komunës së Drenasit, Ramiz Lladrovci, i cili vlerësoi lart figurën e Heroit dhe sakrificën e tij për lirinë dhe dinjitetin kombëtar.

“Është nder dhe privilegj të kujtojmë veprën e Shaban Polluzhës, një prej figurave më emblematike të historisë sonë. Kjo është një ditë krenarie për nxënësit, mësimdhënësit dhe të gjithë banorët e Polluzhës,” u shpreh kryetari Lladrovci gjatë ceremonisë.

Në njoftim thuhet se përurimi i bustit është një mesazh të fuqishëm për edukimin e brezave të rinj në frymën e atdhedashurisë dhe respektit për historinë tonë.

“Komuna e Drenasit vazhdon të përkrahë projektet që nderojnë figurat kombëtare dhe që forcojnë ndjenjën e përkatësisë dhe krenarisë tek qytetarët tanë”, thuhet në njoftim. /Telegrafi/

The post Në Drenas përurohet busti i heroit, Shaban Polluzha appeared first on Telegrafi.

Drejtoria për Shëndetësi dhe Mirëqenie Sociale në Drenas po vazhdon me punë dhe aktivitete në shërbim të qytetarëve.

Në njoftimin e bërë për media thuhet se nga tani, banorët e Abrisë dhe ata të Tërdevcit që jetojnë pranë saj mund të marrin shërbime shëndetësore në Ambulancën e Mjekësisë Familjare në Abri, nga ora 08:00 deri në 16:00.

Drejtoresha e Drejtorisë për Shëndetësi dhe Mirëqenie Sociale, Lumnije Krapi, ka konfirmuar se Ambulanca e Mjekësisë Familjare ka nisur ofrimin e shërbimeve.

“Kjo do të mundësojë qasje më të lehtë në shërbimet shëndetësore dhe përmirësim të cilësisë së tyre për banorët e kësaj zone”, thuhet në njoftim.

Tutje, thuhet se ky  është një hap tjetër në përmirësimin e infrastrukturës shëndetësore dhe afrimin e shërbimeve për qytetarët e Komunës së Drenasit.

“Përmirësimi i infrastrukturës shëndetësore dhe mbështetja e profesionistëve të shëndetësisë mbeten përparësi për ne”, theksohet në komunikatë./Telegrafi/

The post Drenas, banorët e Arbrisë tani mund të marrin shërbime shëndetësore në ambulancën e tyre appeared first on Telegrafi.

Komuna e Drenasit ka ftuar qytetarët që të kryejnë obligimet e tyre tatimore.

Në njoftim thuhet se bazuar bazuar në evidencat tatimore, ju njoftojnë se keni detyrime të papaguara për ngarkesat tatimore mbi: Tokën bujqësore në pronësi tuaj; Trojet ndërtimore; Objektet e regjistruara në emrin tuaj.

Tutje thuhet se për të shmangur penalitetet dhe interesat shtesë, ju ftojmë të kryeni pagesën e këtyre obligimeve brenda afatit të përcaktuar, deri më [afati i fundit për pagesën e parë.

Kësti i parë duhet të paguhet deri më: 30 prill 2025

Për informacion të detajuar mbi shumën e detyrimit, mënyrën e pagesës ose për çdo sqarim shtesë, ju lutemi të kontaktoni Zyrën e Tatimit në Pronë./Telegrafi/

The post Komuna e Drenasit fton qytetarët të kryejnë obligimet e tyre tatimore appeared first on Telegrafi.

Drejtoria për Shëndetësi dhe Mirëqenie Sociale e Komunës së Drenasit, po vazhdon me dinamizëm te shtuar ne implementimin e pro vazhduar me programin-Vizitat në shtëpi për gratë shtatzëna dhe fëmijët 0-3 vjeç .

Në njoftimin e bërë për media thuhet se vetëm brenda javës janë kryer 75 vizita dhe 107 shërbime.

Fillimisht, ky program ka filluar në Qendrën Kryesore të Mjekësisë Familjare në Drenas, pastaj është shtrirë në Komoran dhe, në ditët në vazhdim, edhe në Terstnik.

“Programi i vizitave në shtëpi ofron shërbime të bazuara në shtëpi për të përmirësuar shëndetin dhe mirëqenien e fëmijëve dhe ndërtimin e besimit midis infermierëve, punonjësve socialë dhe komunitetit për një sistem më të mirë të mjekësisë familjare”, thuhet në njoftimin e bërë nga Komuna e Drenasit.

Tutje, thuhet se drejtoresha për Shëndetësi, Lumnije Krapi mbetet e përkushtuar që sa më afër qytetarit të ofrojë shërbime cilësore dhe gjithëpërfshirëse./Telegrafi/

The post Drenas, vazhdojnë vizitat në shtëpi për gratë shtatzëna dhe fëmijët 0-3 vjeç appeared first on Telegrafi.

SHFMU “Zenel Hajdini” në Tërstenik në Drenas, javën e kaluar filloi një aksion humanitar për grumbullim të mjeteve për personat me sindrom down, për t’a përmbyllur me datë 21 mars, pikërisht në Ditën Ndërkombëtare të këtyre personave.

Me iniciativën e asistentes mbështetëse të shkollës “Zenel Hajdini”, Erëmira Ramaj dhe me mbështetjen e drejtoreshës, Lindihana Qorri, DKA-së dhe gjithë stafit të shkollës, nxënësve dhe prindërve, ky aksion përfundoi me një sukses të jashtëzakonshëm, duke grumbulluar një shumë prej 789.20 €.

Shuma e mbledhur, do t’i dorëzohet shoqatës së personave me sindrom down në Prishtinë.

Këtij akvitieti i ka ndihmuar edhe “Lounge Bar 74” i cili ka ndarë hapësirën për shitjen e punimeve të nxënësve. Shkollat, “Xheladin Gashi-Plaku” Komoran, “Halil Bajraktari” Drenas 2 dhe “Arif Shala” Korroticë e Poshtme, të cilat në mënyrë të organizuar partipicuan në këtë aktivitet.

“Ky aktivitet nuk do ta kishte arritur këtë sukses edhe pa ndihmën e njerëzve të tjerë të cilët kontribuuan për këtë fond”, thuhet në njoftim./Telegrafi/

The post SHFMU “Zenel Hajdini” në Drenas mbledh 789 euro për shoqatën Down Syndrome Kosova appeared first on Telegrafi.

Komuna e Drenasit ka njoftuar për punimet që do të kryhen në rrugën “Fehmi dhe Xhevë Lladrovci”.

Në njoftimin e bërë nga Komuna e Drenasit kërkohet nga qytetarët të kenë mirëkuptim nga qytetarët.

“Të nderuar qytetarë, ju njoftojmë se nga dita e enjte (20.02.2025) do të filloj së realizuari projekti për zgjerimin dhe rregullimin e rrugës “Fehmi dhe Xhevë Lladrovci”, përkatësisht nga rreth rrotullimi i objektit të Komunës deri të udhëkryqi i rrugës regjionale Drenas-Skenderaj. Ndaj kërkojmë me mirëkuptim nga qytetarët që të përdorin rrugë alternative, sepse si pasojë e punimeve, rruga me raste mund të jetë tërësisht e mbyllur”./Telegrafi/

The post Drenas, njoftim për punimet në rrugën “Fehmi dhe Xhevë Lladrovci” appeared first on Telegrafi.

Në përvjetorin e 17-të të pavarësisë së Kosovës, Drejtoria për Kulturë, Rini dhe Sport organizoi një turnir në futsall me mësimdhënësit e shkollave të Komunës së Drenasit, duke shënuar këtë ngjarje të rëndësishme.

Turniri u zhvillua më 14 shkurt 2025 në palestrën “Hysni Jetullahi” të qytetit dhe u përshkua nga një atmosferë festive dhe konkurruese.

Rezultatet e turnirit ishin si më poshtë:
Vendi i parë: SHML “Gjergj Kastrioti Skënderbeu” Drenas.
Vendi i dytë: SHFMU “Xhevë Lladrovci” Gllanasellë.
Vendi i tretë: SHFMU “Shotë Galica” Abri.

Në njoftimin e bërë për media thuhet se “Drejtoria për Kulturë, Rini dhe Sport shpërbleu të gjithë fituesit me kupa dhe mirënjohje, duke e vlerësuar kështu angazhimin dhe përkushtimin e mësimdhënësve të Komunës së Drenasit për sportin dhe zhvillimin e shëndetit fizik”./Telegrafi/

The post Drenas, organizohet turnir në futsall me mësimdhënësit e shkollave appeared first on Telegrafi.

Komuna e Drenasit ka njoftuar se ka shtyrë afatin për aplikim deri me datë 20 shkurt 2025 lidhur me shfrytëzimin e përkohshëm të banesave me qira jo profitabile në banimin e përkohshëm social tek Blloku I dhe II në Drenasin III (Çikatovë e Re).

Drejtoria për Shëndetësi dhe Mirëqenie Sociale njofton të gjithë të interesuarit se Thirrja për Aplikim është e hapur deri me datë 20.02.2025.

Luten të gjithë ata të cilën nuk e kanë të zgjidhur çështjen e banimit të aplikojnë brenda këtij afati duke dorëzuar dokumentacionin e kërkuar sipas thirrjes publike 01-360/03-2369 dt.15.01.2025. /Telegrafi/

The post Komuna e Drenasit njofton për shtyrje të afatit për aplikimin në banimin social, blloku I dhe II appeared first on Telegrafi.

Në fshatin Negroc u mbajt tubimi përkujtimor me rastin e shënimit të njëvjetorit të ndarjes nga jeta të veteranit të UÇK- së, Milaim Krasniqi.

I pranishëm ishte edhe kryetari i Drenasit, Ramiz Lladrovci.

“Kam qenë i nderuar për ftesën e familjes Krasniqi në Negroc, në tubimin përkujtimor me rastin e shënimit të njëvjetorit të ndarjes nga jeta të veteranit të UÇK- së, Milaim Krasniqi. Familja Krasniqi e konfirmoi traditën atdhetare në luftën çlirimtare, duke dhënë shembullin e shkëlqyer si dalëzotës të atdheut. Me këtë rast, pllaka përkujtimore e ngritur nga familja, është simbolikë domethënëse për gjeneratat se atdhedashuria është vlera madhore e individit, familjes dhe kombit”, shkruan ai në Facebook.

Tutje, Lladrovci thotë se i përjetshëm është kujtimi për Milaimin.

“Nderim për familjen Krasniqi!Lavdi Ushtrisë Çlirimtare të Kosovës”, ka pohuar ai./Telegrafi/

The post Në fshatin Negroc u mbajt tubimi përkujtimor për ish-veteranin e UÇK-së, Milaim Krasniqi appeared first on Telegrafi.

Kryetari i Komunës së Drenasit, Ramiz Lladrovci së bashku me drejtorët e drejtorive përkatëse dhe Njësinë Profesionale të Zjarrfikësve dhe Shpëtimit, ka nënshkruar sot një marrëveshje bashkëpunimi me Shërbimin e Zjarrfikësve.

Në njoftimin e bërë për media thuhet se “Marrëveshja ka për qëllim ofrimin e shërbimeve shëndetësore për punonjësit e Njësisë Profesionale të Zjarrfikësve dhe Shpëtimit, duke shfrytëzuar kapacitetet e Qendrës Kryesore të Mjekësisë Familjare në Drenas”.

“Kjo iniciativë synon të përmirësojë mirëqenien fizike dhe shëndetësore të zjarrfikësve, duke siguruar kujdesin e nevojshëm për një performancë të qëndrueshme dhe efektive”, thuhet në njoftimin e bërë nga komuna.

Po ashtu, theksohet se marrëveshja pasqyron përkushtimin e institucioneve për të përmirësuar kushtet e punës dhe jetesës së atyre që kontribuojnë në sigurinë e qytetarëve.

“Ky hap përforcon partneritetin ndërmjet Komunës dhe Njësisë Profesionale të Zjarrfikësve, duke kontribuar në ndërtimin e një mjedisi më të sigurt dhe më të shëndetshëm për gjithë komunitetin”. /Telegrafi/

The post Komuna e Drenasit nënshkruan marrëveshje për shërbime shëndetësore dhe mbështetje për zjarrfikësit appeared first on Telegrafi.

Komuna e Drenasit, përmes Qendrës Kryesore të Mjekësisë Familjare, ka marrë mirënjohje të veçantë nga Ministria e Shëndetësisë për arritjen e saj të jashtëzakonshme në realizimin e programit të vizitave për nënat dhe fëmijët 0 – 3 vjeç.

Kryetari i komunës së Drenasit, Ramiz Lladrovci ka përgëzuar ekipen e programit të vizitave për nënat dhe fëmijët 0- 3 vjeç, duke vlerësuar lartë përkushtimin e personelit, njëherësh duke i përgëzuar për këtë sukses dhe vendin e parë në nivel nacional.

“Me vendin e parë në nivel vendi për numrin më të lartë të këtyre vizitave, Drenasi vazhdon të jetë shembull i përkushtimit për ofrimin e shërbimeve shëndetësore parësore cilësore. Kjo arritje është mbështetet edhe vitin 2023 me përfitimin e një veture nga Ministria e Shëndetësisë të dedikuar për këto vizita, e cila ka përmirësuar ndjeshëm qasjen ndaj kujdesit shëndetësor në terren”, thuhet në njoftim.

Tutje, theksohet se programi i vizitave në shtëpi për gratë shtatzëna dhe fëmijët e porsalindur deri 3 vjeç është një iniciativë e rëndësishme që synon të përmirësojë shëndetin dhe mirëqenien e nënave dhe fëmijëve në komunitetet rurale. Me shërbime mjekësore dhe mbështetje të personalizuar në shtëpi, ky program ndihmon në ndërtimin e besimit midis infermierëve, punonjësve social dhe familjeve, duke siguruar që të gjithë, pavarësisht nga vendndodhja e tyre, të kenë qasje në kujdesin e duhur shëndetësor.

Drejtoresha e Drejtorisë për Shëndetësi dhe Mirëqenie Sociale, Lumnie Krapi, po ashtu shpreh mirënjohje për përkushtimin dhe punën e palodhur të profesionistëve shëndetësorë, në kuadër të programit të vizitave në shtëpi për gratë shtatzëna dhe fëmijët e vegjël.

“Angazhimi i përditshëm dhe përkujdesja për shëndetin e nënave dhe fëmijëve në komunitetet rurale është jetik për mirëqenien e tyre dhe për përmirësimin e shërbimeve shëndetësore në komunën tonë. Drejtoria për Shëndetësi dhe Mirëqenie Sociale është e përkushtuar për vazhdimin e mbështetjes së projekteve që rrisin cilësinë e shërbimeve dhe përmirësojnë mirëqenien e qytetarëve”, thuhet tutje./Telegrafi/

The post Drenas, Lladrovci përgëzon ekipen e programit të vizitave për nënat dhe fëmijët 0- 3 vjeç appeared first on Telegrafi.

Drejtori i Drejtorisë Komunale të Arsimit, Muhamet Gjoka së bashku me stafin e kësaj drejtorie, kanë vizituar disa shkolla të Komunës së Drenasit, ku edhe ka uruar për fillimin e gjysmë vjetorit të dytë të vitit shkollor 2024-2025.

Gjoka ka uruar nxënësit, mësimdhënësit e prindërit për këtë gjysme vjetor të dytë, duke ju theksuar se arsimi ka qenë dhe mbetet prioritet i DAK-së dhe Komunës.

“Ju përgëzoj dhe uroj që ky gjysme vjetor të sjellë suksese të reja dhe të jetë një vit i mbarë.. Arsimi ka qenë, është dhe mbetet prioritet i qeverisjes tonë. Sukseset në arsim kanë marrë mirënjohje në të gjitha nivelet si i shkëlqyer, prandaj përgëzoj nxënësit, prindërit dhe menaxhmentin arsimor në të gjitha nivelet për këto arritje” ka thënë drejtori Gjoka./Telegrafi/

The post Drejtori i DKA-së, Muhamet Gjoka viziton disa shkolla në Drenas, uron fillimin e gjysmë vjetorit të dytë appeared first on Telegrafi.

Komuna e Drenasit, përmes Drejtorisë për Kulturë, Rini dhe Sport, organizoi ceremoninë e përzgjedhjes së sportistëve më të mirë të vitit 2024.

Aktiviteti u mbajt në Sallën e Kuvendit Komunal dhe mblodhi personalitete të rëndësishme nga fusha e sportit, udhëheqës të komunës dhe qytetarë të shumtë.

Në këtë ngjarje morën pjesë kryesuesi i Kuvendit Komunal, Bekim Lestrani; drejtorët e drejtorive komunale; drejtoresha për Kulturë, Rini dhe Sport, Enkela Dema; drejtues të klubeve sportive dhe sportistë nga të gjitha disiplinat aktive në komunë.

Mirënjohje dhe Shpërblime për Kontributin në Sport

Ceremonia nisi me ndarjen e mirënjohjeve për sportistët dhe kontribuuesit e dalluar. Për punën e tyre të palodhshme dhe sukseset e arritura, sportistët u nderuan me medalje, kupa dhe certifikata mirënjohjeje.

Drejtoresha për Kulturë, Rini dhe Sport, Enkela Dema, në fjalën e saj përshëndetëse, theksoi rëndësinë e sportit për komunitetin dhe shprehu përkushtimin për përmirësimin e kushteve për zhvillimin e aktiviteteve sportive. “Drenasi ka një traditë të fortë sportive, me sportistë dhe ekipe që na bëjnë krenarë në arenën kombëtare dhe ndërkombëtare,” tha ajo.

Në vijim të ceremonisë, u nderuan edhe veteranët e sportit që kanë dhënë kontribut të çmuar në zhvillimin e aktiviteteve sportive në Drenas dhe më gjerë.

Avdullah Tahiri, Ilaz Dervishi, Qamil Dervishi, Bahri Rukolli, Fadil Hoxha, Fatmir Dervishi, Fahri Bunjaku, Mursel Qorri, Halil Haxhiu, Abedin Haxhiu, Gezim Gashi, Fadil Gashi, Hysni Elshani, Jakup Ademi, Mexhit Muja, Bajram Fana, Milaim Shala, Fetah Rama, Asman Kastrati, Elmi Limani, Mialim Sahiti, Nystret Hoxha, Naim Bylykbashi, Kamer Zhushi, Bedri Rrukiqi, Xhevat Qorri, Asllan Halilaj, Asllan Xhylani, Isa Nebihu, Rexhep Dvorani, Arton Gllareva, Gani Seferi.

Me mirënjohje Post Mortum për veprat e tij të jashtëzakonshme, u nderua familja e Qerkin Morinës.

Sponsorët e vitit: Fer Petrol-Klubi Feronikeli 74, Aktiv Home-Klubi Feronikeli74, Al Trade- Klubi Feronikeli 74, M200 Invest Sh.P.K-Klubi Feronikeli 74, Koha-Klubi Feronikeli 74, Shoferi Im Sh.P.K-Klubi Feronikeli 74, G A Invest Sh.P.K-Klubi Feronikeli 74, Enb Construction Sh.P.K-Klubi Feronikeli 74, Uji Kristal-Klubi Feronikeli 74, Mineral L.L.C.-Klubi Feronikeli 74, Sander Sh.P.K-Klubi Feronikeli 74, Wintech-Klubi Feronikeli 74, Vëllezërit Asllani-Klubi Feronikeli 74, Bm Group-Klubi Feronikeli 74, Gllareva Sh.P.K, Klubi Feronikeli 74, Jora Center-Klubi Feronikeli 74, Ilea-Klubi Feronikeli 74, Restaurant Diamant-Kv Feronikeli, Zarishta Plast- Akademia e Futbollit-Yjet, Fontana Bar-KV. Gryka, Kopshti Yjet-Kv Gryka, Fer Bar-Kv Gryka.

Mësimdhënësi më i suksesshëm i Edukatës Fizike: Sami Thaqi, mësimdhënës i SHFMU “Hasan Prishtina”, Llapushnik. Nxënësi më i suksesshëm: Mensur Thaqi nxënës i SHFMU “Hasan Prishtina”, Llapushnik.

Epiteti “Sportistja më me perspektivë- Eltina Zeka, Volejbolliste e Klubit të Vajzave-Feronikeli.

Epiteti “Sportisti më me perspektivë-Lorent Morina Futbollist në Klubin e Futbollit-Feronikeli 74.

Punëtori më i dalluar sportiv: Erlind Krasniqi- FC. Feronikeli 74.

Gjyqtari më i mirë për vitin 2024: Burim Zymeri.

Trajneri më i suksesshëm për vitin 2024: Gazmend Heta-KV Gryka.

Klubi më i mirë i vitit 2024: Klubi i Volejbollit-Gryka.

Dhjetë sportistët e dalluar të vitit: Astrit Isufi, Ekipi i të Amputuarëve të Kosovës. Lorent Hamza, Klubi i Feronikelit 74. Leona Thaqi, Klubi i Volejbollit-Gryka. Florent Podrimqaku, Klubi i Volejbollit-Feronikeli. Erolinda Smaqiki, Klubi i Futbollit-Feronikeli. Mergim Franca, Klubi i Volejbollit-Feronikeli. Shkëlqesa Berisha, Klubi i Volejbollit-Gryka. Jonid Selmani, Klubi i Notit-Ilirida. Butrint Ademi, Futbollist, Feronikeli 74.

Ndërkaq, Sportistja e Vitit 2024 u shpall Lirigzona Bajrami nga Klubi i Volejbollit Feronikeli.

Kjo ngjarje reflektoi përkushtimin e Komunës së Drenasit për të promovuar dhe mbështetur sportistët dhe kulturën sportive si pjesë thelbësore e komunitetit./Telegrafi/

The post Zgjidhen sportistët e vitit në Komunën e Drenasit appeared first on Telegrafi.