11 Korriku është shpallur nga Organizata e Kombeve të Bashkuara si Dita Ndërkombëtare e Reflektimit dhe Përkujtimit të Gjenocidit të vitit 1995 në Srebrenicë, një ngjarje që mbetet plagë e hapur në ndërgjegjen e Evropës dhe të njerëzimit mbarë. Viti 2025 shënon 30-vjetorin e këtij krimi të pashembullt, ku më shumë se 8,000 burra dhe djem boshnjakë myslimanë u masakruan brenda pak ditësh…

Source

Nga Albert Vataj Në arkitekturën shpirtërore të kombit shqiptar, në themelin e ndërgjegjes sonë atdhetare dhe të letërsisë si instrument zgjimi e mobilizimi, figura e Andon Zako Çajupit qëndron si një majë e ndritur, e vetëtimtë dhe fshikulluese njëherazi. Nuk mund të përfytyrohet historia e Rilindjes Kombëtare pa këtë mendje të mprehtë dhe zemërzjarrtë që, përmes fjalës së gdhendur me flakën e…

Source

Biblioteka Kombëtare e Shqipërisë festoi më 10 korrik 105-vjetorin e themelimit të saj. Biblioteka Kombëtare është një institucion me një rëndësi të jashtëzakonshme, por prej vitesh ka situatë kritike sa i takon kushteve të sigurisë për fondet, ndërsa një projekt më parë është bërë me dije për një godinë të re pa cënuar ndërtesën historike ekzistuese të bibliotekës. 10 korriku i vitit 1920 çeli një kapitull të rëndësishëm e të përjetshëm në historinë e librave, periodikëve dhe trashëgimisë kulturore të vendit tonë, përmes themelimit të institucionit më të rëndësishëm kulturor në vend, Bibliotekës Kombëtare të Shqipërisë.

Biblioteka Kombëtare shprehet se fillimisht përmes dhurimeve e mandej përpjekjeve të vazhdueshme të intelektualëve të kohës për ta pasuruar koleksionin e saj, sot Biblioteka Kombëtare ruan një numër të konsiderueshëm dorëshkrimesh, inkunabulash të rralla, rreth 2900 antikuarë, hartash e kopje për çdo botim të Republikës së Shqipërisë”, thuhet nga BKSH. Biblioteka Kombëtare e Shqipërisë shprehet se le të shërbejë 10 korriku për të kujtuar e reflektuar mbi vlerat e pakrahasueshme të librit, leximit, studimit e mbi të gjitha, njohjes së historisë së kulturës sonë shkrimore.

“Biblioteka Kombëtare ju falënderon për besimin dhe ju fton të na bashkoheni në aktivitetet që do të zhvillohen në vijim të këtij viti përvjetor dhe të rëndësishëm për të gjithë”, thuhet nga BKSH. Por sot Biblioteka Kombëtare përballet me probleme si hapësira që mungojnë, libra që rrezikohen nga lagështira, etj. Në një reagim më parë në janar 2025 nga Ministria e Ekonomisë, Kulturës dhe Inovacionit bëhej me dije se projekti për ndërtimin e godinës së re të Bibliotekës Kombëtare synon jo vetëm zgjerimin e kapaciteteve aktuale të BK-së, por edhe krijimin e një qendre bashkëkohore të dijes dhe kërkimit shkencor, pa cënuar ndërtesën historike ekzistuese të bibliotekës.

 

The post Biblioteka Kombëtare në 105-vjetorin e themelimit të saj, problemet sot dhe projekti për godinën e re appeared first on Sot News | Lajme.

Nga Julia Vrapi

“Vendi më i humbur në Shqipëri” një komedi premierë këtë sezon veror. Vepra nga dramaturgu Jean Pierre Martinez dhe me regji nga Andia Xhunga do të shfaqet në arenën antike të Amfiteatrit të Durrësit. Komedia premierë do të sjellë në role një kast aktorësh të njohur në jetën artistike që kanë punuar nën drejtimin e regjisores Andia Xhunga, e cila kë një aktivitet të vlerësuar me teatrin dhe në vijim të punës së saj është këtë herë edhe vepra e dramaturgut Jean Pierre Martinez. Premiera do të jetë për publikun te Amfiteatri i Durrësit, ndërsa teatri “Aleksandër Moisiu” në materialet rreth kësaj vepre që është përkthyer nga Anxhela Çikopano bën me dije se ajo do të jetë për publikun në datat 15, 16, 17 dhe 21, 22 dhe 23 korrik në orën 21:00 të mbrëmjes. Një fshat i harruar rrezikon të fshihet nga harta! Banorët janë të gatshëm të bëjnë gjithçka që fshati të jetojë, por ngjarjet marrin një rrjedhë të papritur dhe të pazakontë, kur në fshat vjen një gazetare e famshme.

A do munden dot banorët, ta shndërrojnë vendin më të humbur të Shqipërisë, në atraksionin turistik më të vizituar? Rolet e komedisë do të luhen nga aktorët Gentian Zenelaj, Romir Zalla, Mimoza Marjanaku, Alex Seitaj, Ervin Doko, Alesia Xhemalaj, Adelina Muça, Amos Zaharia, Xheini Fama dhe Jaho Guma. Skenografe e kostumografe Alketa Tragaj dhe muzika mban emrin e kompozitorit Endri Sina. Premiera që do të jetë së shpejti në arenën antike të Amfiteatrit të Durrësit është në vijim dhe të tjera aktiviteteve artistike dhe kulturore që janë zhvilluar aty dhe janë mirëpritur nga publiku artdashës. Prej 17 vitesh Andia Xhunga është aktore dhe regjisore e teatrit “Aleksandër Moisiu” me mjaft shfaqje të suksesshme të vëna në skenë, si “Andi, Norman dhe Sofi”, “Dashuri me çdo kusht’, “3 femra, 3 divorce dhe 1 shtëpi”, “Gratë e Kazanovës”, “10 vjet martesë”, “Edmond”, “Familja Tot”, etj.

Një bashkëpunim i veçantë

“Vendi më i humbur në Shqipëri” komedi nga Jean Pierre Martinez pritet premierë këtë sezon veror, ndërsa provat për të kanë vijuar gjatë kësaj kohe nga regjisorja me aktorët. Por teatri i Durrësit shprehet se vetë autori Martinez ka shprehur dëshirën për të qenë pjesëmarrës në premierë. “Ky është bashkëpunimi ynë i parë me regjisorin Martinez, i cili ka shprehur hapur dëshirën për të qenë pjesëmarrës në shfaqjen premierë, duke e bërë këtë bashkëpunim mjaft të veçantë”, thuhet nga teatri në faqen e tij. Jean Pierre Martinez është një dramaturg francez me prejardhje spanjolle, karriera e të cilit ndoqi rrugë të pazakonta.

Me një bazë të fortë akademike e me diploma në ekonomi, marketing, letërsi spanjolle dhe angleze, gjuhësi e semiologji, ai ka eksploruar gjithashtu në zhanre te ndryshme si, duke luajtur në bateri në grupe të ndryshme rroku, semiolog reklamash për disa nga kompanitë më të mëdha të konsulencës, skenarist i mjaft skenarëve televizivë, lektor frëngjishteje në një universitet të Teksasit, dhe tani një dramaturg i afirmuar, dramat e të cilit prodhohen në pesë kontinente. Dramat e tij luhen në të gjithë botën dhe studiohen në shkolla të ulëta, mesme, të larta si dhe në universitete në Francë dhe jashtë saj. Përmes 114 veprave teatrale që ka shkruar deri më sot, Jean Pierre Martinez thur një univers të veçantë dhe bindës. Duke përdorur me mjeshtëri të gjitha mjetet e komedisë, ai eksploron një gamë të gjerë zhanresh.

The post Komedia “Vendi më i humbur në Shqipëri” premierë në arenën antike të Amfiteatrit të Durrësit appeared first on Sot News | Lajme.

Vendimi është marrë në mbledhjen e sotme të qeverisë. Jorgji do të zëvendësojë në këtë detyrë, regjisorin Eol Çashku, i cili u shkarkua me vendim qeverie në fund të majit të këtij viti. Jonid Jorgji është diplomuar për regji filmi dhe prej vitit 2022 drejtonte Agjencinë për Industritë Kreative në Bashkinë e Tiranës. VKM-ja: V […]

Në ambientet e Bibliotekës së Kuvendit të Shqipërisë u zhvillua sot një ceremoni e veçantë për dorëzimin e një fondi librash të dhuruar nga ish-Kryetari i Kuvendit, Prof. Dr. Servet Pëllumbi, një nga figurat më përfaqësuese të jetës parlamentare, akademike dhe intelektuale shqiptare të pas viteve ’90. Në përmbushje të vullnetit dhe dëshirës së tij për të kontribuar në trashëgiminë institucionale…

Source

Kori “Rozafa Expression” me një aktivitet të pasur artistik ka zhvilluar koncerte të ndryshme, si dhe ka pjesëmarrje në festivale ndërkombëtare korale brenda dhe jashtë vendit. Nën drejtimin dirigjentit dhe kompozitorit të mirënjohur Zef Çoba, kori “Rozafa Expression” vijon aktivitetin me një program të pasur artistik edhe me këngë me mesazhe kuptimplotë për të cilët aktualiteti i sotëm ka më shumë nevojë. Në vijim të aktiviteti artistik, në muajin qershor kori “Rozafa Expression” i Shkodrës mori pjesë në Festivalin Koral “TEHO” që u zhvillua në Tetovë të Maqedonisë së Veriut. Këtë aktivitet e ndoqi dhe shkrimtari e studiuesi Xhahid Bushati, i cili shprehet se për të 11-tën herë “Rozafa Expression” mori pjesë në këtë festival.

Në intervistën për gazetën “SOT”, studiuesi Xhahid Bushati shprehet se në Tetovë kori “Rozafa Expression” u prezantua me një program të ndërtuar  nga mjeshtri dhe kompozitori Zef Çoba, që kishte një mozaik të larmishëm, ku spikatnin këngët e traditës popullore shkodrane por të konceptuara me një frymë të re e aktuale. Por e veçanta sipas studiuesit Bushati ishin dhe dy këngë të mbështetura në fabulat e poetit të shquar Dritëro Agolli. Pjesëmarrja në Festivalin Koral “TEHO” që u zhvillua në Tetovë të Maqedonisë së Veriut është në vijim të aktivitetit të korit “Rozafa Expression”  të Shkodrës, që në rrugëtimin e tij ka dhe të tjera projekte muzikore.

-Në vijim të aktivitetit artistik përsëri Kori i Shoqatës Miqtë e Muzikës “Rozafa Expression” merr pjesë në Festivalin koral “TEHO” që u zhvillua në Tetovë të Maqedonisë së Veriut (27, 28, 29 qershor 2025). Cilat ishin objektivat dhe prurjet e ” Rozafa Expression”?

Po, dhe është e 11-ta herë, që kori “Rozafa Expression” merr pjesë në Festivalin Koral “TEHO” që zhvillohet në Tetovë të Maqedonisë së Veriut. Në mbrëmjen e ditës së dytë (28. 6. 2025) “Rozafa Expression”  performoi programin e përgatitur brenda kritereve të organizatorëve. Ishte një program i pasur, mbase me një numër pjesësh më shumë se të tjerët, ku spikati diapazoni tematik, shija etike dhe estetike, tradita, realizimi artistik dhe perspektiva e një rrugëtimi muzikor…

– Më konkretisht, ç’mund të na thoni rreth përmbajtjes së programit muzikor?

Programi i ndërtuar nga mjeshtri dhe kompozitori Zef Çoba kishte një mozaik të larmishëm, ku spikatnin: – këngët e traditës popullore shkodrane, por të konceptuara me një frymëmarrje të re e gjegjësisht aktuale ( “Po vijn’ krushqit maleve”, të kompozitorit Tish Daija (1926 – 2003) kënduar nga kori miks); (“N’at zaman t’asaj furie”, të kompozitorit popullor Palokë Kurti (1860 – 1920), punuar për solist, kor miks e piano nga Çesk Zadeja, solist Laorjan Ejlli); – këngë që kanë lënë gjurmë në muzikën botërore: (J. S. Bach (1685 – 1750) “Se tu mi accogli” kënduar nga kori miks, drejton: dirigjenti Rafael Marinaj; P. Certon (1510 – 1572) “La, la, la, je ne l’ose dire” kënduar nga kori mik; S. Gajdov (1905 – 1992) “Sobrale mi se” kënduar nga kori miks).

E veçanta, gjë që pasuronte tematikën muzikore, ishin dhe dy këngë të mbështetura në fabulat e mrekullueshme të poetit të shquar Dritëro Agolli, si: “E drejta dhe e shtrembra” (kënduar nga kori i burrave) dhe “Dhelpra dhe deveja” (kënduar nga koti i burrave). Këto dy këngë që ishin realizuar me mjeshtri profesionale e kulturë muzikore nga kompozitori Zef Çoba, sillnin qartësisht raportet mes të drejtës dhe të shtrembrës, mes vlerës dhe antivlerës, ku përmes këndimit e harmonizimit të zërave, shkëlqente e virtytshmja, shpirti i bardhë, shenjtëria e të drejtës, zbërthimi i figurave dhe simbolikave përfaqësuese, si dhe mesazhi kuptimplotë për të cilët aktualiteti i sotëm ka më shumë nevojë.

  – Cilat ishin mbresat tuaja për aktivitetin?

Organizimi shumë i mirë, deri në detaje. “Rozafa Expression” bëri një paraqitje dinjitoze. Në përbërjen e këngëtarëve shquheshin shumë të rinj (që flisnin për perspektivën e korit), për drejtimin me kompetencë të dirigjentit të ri Rafael Marinaj, që vitet e tij muzikorë kanë “çerdhen” te “Rozafa…”, interpretimi plot ndjenjë e pathos, të një vokali të admirueshëm të këngëtarit të talentuar Laorjan Ejlli. Nuk mund të lë pa përmendur edhe shoqërimin në piano të të talentuarit Merald Shtalbi. Është për t’u shënuar dhe bisedat e ngrohta me Jeton Pustinën, një mësimdhënës e kontribues i shquar në jetësimin e këtij aktiviteti dhe vlerave këngëtore të shqipes në Maqedoninë e Veriut. Sigurisht mbetet i paharruar dhe takimi i ngrohtë e plotë dritë për  organizatorin dhe drejtuesin artistik të festivalit prof. dr. Ivica Zoriç, si dhe për ftesën e tij të përhershme. Një falënderim të veçantë i shkon znj. Marianne Graf me Shoqatën Austria – Albania Partnerschaft.

-Kori “Rozafa Expression” krijuar vite më parë përgjatë aktivitetit artistik ka zhvilluar koncerte të ndryshme, ndërsa ka vijuar edhe pjesëmarrja në festivale si tani në Tetovë. Ju e keni ndjekur dhe më parë aktivitetin e “Rozafa Expression”, keni shkruar për atë çfarë ka përcjellë te publiku me programin muzikor. Çfarë mund të na thoni më shumë mbi rrugëtimin artistik të “Rozafa Expression”?

Në rrugëtimin e saj “Rozafa…” ka plot projekte muzikore dhe aktivitete. Zëri i saj, bota e saj, na fton për më shumë përkujdesje, aq më shumë kur flasim për vlera që pasurojnë shpirtin, dhe e shenjtërojnë atë. Ky meritim i “Rozafës…” dhe mjeshtrit drejtues Zef Çoba flasin për gjurmët dhe identitetin shqip të kësaj tipologjie që sjell, pasuron e performon me sukses shoqata brenda dhe jashtë vendit.

Intervistoi: Juljana Vrapi

The post Xhahid Bushati: “Rozafa Expression” këngë me mesazhe kuptimplotë për të cilët aktualiteti i sotëm ka më shumë nevojë appeared first on Sot News | Lajme.

Festivali ndërkombëtar i muzikës baroke “Vox Baroque” është festivali i parë në Shqipëri, që i kushtohet tërësisht repertorit barok dhe këtë vit shënon edicionin e tij të 12-të. Në kuadër të edicionit të 12-të të festivalit “Vox Baroque”, hapësira e COD u mbush me tinguj nga muzika baroke dhe antike mesdhetare. Artistët Carlota Pupulin në harpën spanjolle dhe Juan Jose Francione në kitarë baroke sollën një performancë të jashtëzakonshme, si pjesë e grupit Zifras Armonikas, duke krijuar një atmosferë intime dhe të paharrueshme për të gjithë të pranishmit. “Një udhëtim në kohë përmes muzikës -në zemër të Tiranës!”, shprehet COD.

Programi i festivalit shtrihet nga 28 qershori deri më 12 korrik, në qytetet Korçë, Shipskë, Tiranë, Durrës dhe Vlorë, me pjesëmarrjen e ansambleve nga Greqia, Spanja dhe Italia. Festivali “Vox Baroque” i drejtuar nga muzikanti Jusuf  Beshiri që në edicionin e parë solli risi në zhanrin e muzikës, duke trajtuar muzikën e vjetër dhe stilin barok në disa nga qytetet kryesore të Shqipërisë, konsideruar si qendra të rëndësishme të trashëgimisë kulturore. Një synim tjetër i këtij festivali është të zgjerojë sa më shumë panoramën e barokut duke i sjellë publikut një repertor të pasur jo vetëm me pjesë të kompozitorëve të njohur, por edhe me pjesë qe deri më sot nuk janë luajtur në skenat shqiptare.

 

The post Koncerti i grupit Zifras Armonikas nga Spanja në festivalin “Vox Baroque” appeared first on Sot News | Lajme.

Nga Juljana Vrapi

Punimet konservuese në mozaiku e kapelës së Amfiteatrit të Durrësit po kryhen nga specialistët e Sektorit të Veprave të Artit -Instituti Kombëtar i Trashëgimisë Kulturore në bashkëpunim me Qendrën Muzeore Durrës. Ndërhyrja që po vijon në mozaikun e kapelës së Amfiteatrit antik në Durrës është në vijim dhe të tjera ndërhyrjeve gjatë kësaj kohe në monumentet e kulturës në vend. Instituti Kombëtar i Trashëgimisë Kulturore shprehet se ndërhyrjet në mozaikun e kapelës së Amfiteatrit të Durrësit përfshijnë: injektim për forcimin e strukturës; pastrim delikat të sipërfaqes së mozaikut dhe konsolidim të teserave me brumë qelqi.

“Një hap i rëndësishëm për ruajtjen e një prej thesareve më të çmuara të trashëgimisë sonë kulturore!”, thuhet nga Instituti Kombëtar i Trashëgimisë Kulturore që ka publikuar në faqen e tij edhe foto të ndërhyrjeve në mozaikun e kapelës së Amfiteatrit antik të Durrësit. Në Durrës ka dhe të tjerë mozaikë që janë të njohur për vlerat e tyre, ku edhe mozaiku i kapelës së amfiteatrit është pjesë e trashëgimisë së pasur të këtij qyteti. Një vit më parë një tjetër mozaik doli në dritë në sitin më të ri arkeologjik të qytetit të Durrësit, në kantierin e ndërtimit të shkollës së mesme “Gjergj Kastrioti”. Bashkë me këtë mozaik dolën në dritë edhe afreske shumëngjyrëshe, pjesë e dekorit të vilës që në kohët antike ndodhej shumë pranë amfiteatrit të qytetit.

Mozaiku në kapelën e Amfiteatrit

Mozaiku në kapelën e Amfiteatrit të Durrësit është trajtuar dhe më parë nga specialistët e institutit të monumenteve të kulturës.  Amfiteatri i Durrësit ka vlera të veçanta arkitekturore dhe artistike dhe mund të krahasohet me monumentet e kësaj periudhe të Pompeit dhe Kapuas në Itali. Amfiteatri ka trajtë elipsi me diametër 136 metra dhe lartësi rreth 20 m. Ky amfiteatër ka arkitekturë romake dhe ndërtimi i tij në qendër të qytetit 351 m larg detit, fillon në rrafshin e arenës 5,5 m mbi nivelin e detit, ndërsa 2/3 mbështetet në kodër. Amfiteatri qëndron mes 30 amfiteatrove të zbuluar të botës antike nga Roma deri në Budapest dhe Lion. Amfiteatri i Durrësit është zbuluar në vitin 1966 nga bashkëpunëtori i vjetër shkencor Vangjel Toçi, vit në të cilin kanë nisur dhjetëra ekspedita të sektorëve kërkimorë e shkencorë, shqiptare e të huaja. Në mënyrë intensive gërmimet janë përqendruar në vitet 1967-‘70 të cilat detyruan zhvendosjen e 55 familjeve dhe prishjen e 33 banesave private për t’i hapur rrugë zbulimit të ndërtesës antike.

 

The post Punime konservuese në mozaikun e kapelës së Amfiteatrit të Durrësit appeared first on Sot News | Lajme.

Nga Albert Vataj Kanë kaluar më shumë se një dekadë që nga botimi i parë i “Seksi që në agimet e tij” (Sex at Dawn, 2010), dhe libri i Christopher Ryan dhe Cacilda Jethá jo vetëm që u përkthye në dhjetëra gjuhë dhe u shpall Best Seller ndërkombëtar, por u bë një pikë e nxehtë referimi në çdo debat serioz mbi seksualitetin, marrëdhëniet dhe natyrën njerëzore. Por ajo që e bën këtë vepër të…

Source

Nga Azia e Vogël deri në Ishujt Britanikë, hijet e një gjuhe që jeton në shqipe Ernst Pulgram (1915–2005), gjuhëtar austriak dhe profesor në University of Michigan, në studimin e tij të thelluar “The Tongues of Italy: Prehistory and History” (Harvard University Press, 1958), hedh dritë mbi shtrirjen gjeografike të një trashëgimie gjuhësore që, përtej kufijve të pretendimeve etnike…

Source

Nga Albert Vataj “The Newspaper” e fotografuar nga Sándor Kereki në Budapest, më 1975, na kujton me forcë poetike se si një gazetë e thjeshtë mund të ngërthente brenda saj universin e një qyteti, të një kohe, të një njeriu. Sot ajo fotografi mbetet si dëshmi e një epoke që po ikën, dhe e një zbrazëtie që nuk kemi ende kurajë ta pranojmë si humbjen tonë më të thellë. Po numërojmë ditët e fundit…

Source

Nga Albert Vataj Një ëndërr që dikur dukej e pamundur në zemër të Parisit është kthyer në realitet. Për herë të parë në më shumë se 100 vjet, banorët e qytetit dhe miliona turistë do të mund të lahen dhe notojnë në ujërat e lumit Sena, simbolit historik të kryeqytetit francez. Kjo ngjarje shënon një kthesë të rëndësishme mjedisore dhe urbane, fryt i një projekti kolosal me vlerë 1.4…

Source

Kryeministri Edi Rama ka ndarë sot në rrjetet sociale pamje nga filmi i animuar “Ilira” i realizuar në vitin 1983. Rama bën me dije se ky film i animuar tashmë është restauruar dhe është e mundur të shihet në 4K. “De me disa sekuenca të një prej filmave të animuar shqiptar “Ilira” realizuar në 1983, tanimë i restauruar në 4K, ju uroj një fundjavë të mbarë”, shkruan kryeministri.

Source

Albumi fotografik  “100 portrete-Kadare në artet figurative” u promovua në ambientet e COD në kryeministri, si një homazh në njëvjetorin e ndarjes nga jeta së shkrimtarit.  Ky album e sjell shkrimtarin në portrete përmes pikturës, skicës, grafikës e fotografisë. Albumi “100 Portrete, Kadare në artet figurative”, kuruar nga Abaz Hado është botim i UET Press. “Një rrugëtim prej 62 vitesh në 100 imazhe – nga 1962 deri në 2024 – sjell Ismail Kadarenë në portrete, siç s’e kemi parë ndonjëherë: përmes pikturës, skicës, grafikës e fotografisë. Ky botim i rrallë përmbledh veprat e artistëve të njohur shqiptarë dhe të huaj, që e kanë portretizuar Kadarenë ndër vite, me dashuri, respekt dhe frymëzim”, thuhet nga COD. Nga pozimet e para për Vilson Kilicën e Ksenofon Dilon, tek portretet e fundit për Arif Lushin e Hameraldi Agollin – një jetë e reflektuar në ngjyra, dritë-hije, forma dhe simbolikë. Në këtë promovim, kuratori i albumit Abaz Hado u shpreh se asnjë personazh tjetër botëror nuk ka një katalog me 100 vepra arti të dedikuara.

Një botim që nuk është thjesht koleksion arti, por biografi e Kadaresë përmes imazhit, siç u cilësua nga studiuesi Ermir Nika. COD bën me dije se projekti i realizuar nga Instituti Liberal Pashko, Universiteti Europian i Tiranës dhe UET Press, me mbështetjen e Bashkisë Tiranë dhe fondacionit “Credins”, është vetëm fillimi – dy albume të tjera janë në proces. Kadare është ndër shkrimtarët më të mirë të letërsisë botërore bashkëkohore, si dhe autori më i përkthyer jashtë vendit, fitues i disa çmimeve letrare kombëtare dhe ndërkombëtare. Ismail Kadare lindi më 28 janar 1936 dhe u nda nga jeta më 1 korrik 2024. Në 1-vjetorin e ndarjes nga jeta, Akademia e Shkencave dhe Kuvendi i Shqipërisë organizuan një veprimtari përkujtimore në nder të shkrimtarit dhe akademikut të shquar Ismail Kadare.

The post Promovohet albumi “100 Portrete”, biografia e Kadaresë përmes artit pamor appeared first on Sot News | Lajme.

Nga Albert Vataj Në arkitekturën e kujtesës sonë kulturore, disa figura nuk kanë nevojë të shpallen për të qëndruar. Ato janë aty, me një prani që rrjedh natyrshëm nga thjeshtësia, nga përkushtimi me pasion dhe vetmohim dhe nga pesha e karakterit që bartin në kohë dhe kujtesë. Një ndër këto figura është Thimi Filipi, aktor i madh i skenës dhe ekranit shqiptar, që la një trashëgimi të çmuar në…

Source

Komisioni i Konkurrencës ka monitoruar tarifat për tërheqjet në bankomatet në bashkinë Sarandë, ku ka konstatuar disa problematika si mungesë transparence, tarifim jo të harmonizuar për kartëmbajtësit e huaj dhe probleme me rrjetet e nënkontraktuara të bankomateve, që shpesh rezultojnë me tarifa më të larta dhe pa informacion të mjaftueshëm për konsumatorin.

Për këtë arsye, Komisioni i kërkon Bankës së Shqipërisë të kontrollojë mënyrën e përllogaritjes së tarifave, të sigurojë publikim të unifikuar dhe të rregullt të tyre, si dhe të shqyrtojë nevojën për ndërhyrje rregullatore për të parandaluar tarifat e padrejta.

Njoftimi i plotë:

Komisioni i Konkurrencës, në vijim të monitorimit të tregut të shërbimeve bankare në pajisjet ATM, shqyrtoi komisionet e aplikuara nga bankat e nivelit të dytë për tërheqje në bankomate në territorin e Bashkisë Sarandë.

Monitorimi u realizua në përmbushje të detyrimeve që rrjedhin nga Rezoluta e Kuvendit të Shqipërisë dhe përfshiu të dhëna të marra nga të gjitha bankat e licencuara në vend, sipas listës së publikuar nga Banka e Shqipërisë.

Nga vlerësimi i të dhënave rezulton se nuk janë konstatuar praktika të kundraligjshme që cenojnë konkurrencën, por është evidentuar:

– një nivel i ulët transparence mbi tarifat;
– mungesë e harmonizimit për tarifat e aplikuara ndaj kartëmbajtësve të huaj, dhe;
– problematika lidhur me përdorimin e rrjeteve të nënkontraktuara të bankomateve.

Për këto arsye, me Vendimin nr. 1193, datë 26.06.2025, Komisioni i Konkurrencës i ka rekomanduar Bankës së Shqipërisë që të ndërmarrë masat e mëposhtme:

1. Të kontrollojë metodologjinë e përllogaritjes së komisioneve për tërheqje në bankomate, përfshirë komisionet për kartëmbajtësit e huaj dhe aplikimin e ‘mark-up’-it në shërbimin e këmbimit dinamik të valutës (DCC);

2. Të kërkojë raportim periodik dhe publikim të komisioneve në një format të unifikuar, lehtësisht të aksesueshëm nga publiku, si në faqet e bankave ashtu edhe në faqen e Bankës së Shqipërisë;

3. Të shqyrtojë nevojën për ndërhyrje rregullatore, bazuar në gjetjet e kontrolleve, në lidhje me përdorimin e rrjeteve të nënkontraktuara të bankomateve dhe parandalimin e aplikimit të komisioneve disproporcionale.

The post Tarifat që marrin bankat nga bankomatet në Sarandë/ Komisioni i konkurrencës i kërkon ndërhyrje BSH-së appeared first on Sot News | Lajme.

Nga Albert Vataj Askush nuk do të besonte atë që ndodhi 2 korrikun e vitit 1990. Ishte dhe mbeti një akt i pashoq guximi dhe vetmohimi. Frika ishte mposhtur, së bashku me të edhe diktatura. Ajo kohë ka mbetur kujtesë në histori si dita kur ambasadat; ajo gjermane, franceze, italiane dhe greke, do të bëhen streha e parë e vullneteve të lirisë. Përtej atyre kangjellave dhe mureve rrethues…

Source

Kuvendi i Shqipërisë në bashkëpunim me Akademinë e Shkencave, organizoi një aktivitet përkujtimor për shkrimtarin Ismail Kadare, i cili ndërroi jetë një vit më parë. E pranishme ishte edhe kryetarja e Kuvendit, Elisa Spiropali, e cila në fjalën e saj tha se Ismail Kadare u shndërruar në pasaportën e Shqipërisë në botë. Fjala e plotë e kryetares Spiropali: E dashur Helena…

Source

Nga Albert Vataj Më 1 korrik 2024, ra heshtja mbi një zë që kishte kohë që nuk fliste, por që kishte folur aq shumë sa çdo heshtje pas tij tingëllon ende si jehonë. Një vit më parë u nda nga jeta Ismail Kadare, njeriu që u lartua në ndërgjegjen e një kombi si një sfidë dhe si një shenjë, si një zë që mbeti i paarritshëm, i pazëvendësueshëm, i pashuar. Kaloi një vit që nga ajo ditë kur Shqipëria…

Source