Kosova ka shënuar fitore me rezultat 4-2 ndaj Komoreve në stadiumin ‘Fadil Vokrri’.

Ndeshja nisi me një dominim të lehtë të ‘Dardanëve’ të cilët po qarkullonin topin me kujdes në kërkim të një rasti për të shënuar.

Sidoqoftë, mysafirët në daljen e vetme të rrezikshme ia dolën të kalojnë në epërsi.

Po luhej minuta e 12-të kur Komoret ia dolën që të realizojnë për rezultatin 1-0 përmes Said Bakarit që realizoi me kokë.

I shpejtë ishte reagimi i Kosovës, të cilët arritën ta barazojnë rezultatin vetëm shtatë minuta më vonë.

Autor i golit ishte Albion Rrahmani i cili realizoi një gol të bukur për 1-1 në minutën e 19-të.

Ishte pikërisht Rrahmani ai i cili realizoi në minutën e 59-të për t’i dhënë epërsinë e parë Kosovës në këtë sfidë për 2-1.

Sulmuesi kosovar u kujdes që t’i vë qershinë mbi tortë kësaj paraqitje fantastike kur në minutën e 78-të shënoi për 3-1 duke kompletuar het-trikun.

Vetëm pak minuta më vonë mysafirët ia dolën të gjejnë golin e dytë përmes Rafiki Said që realizoi në minutën e 85-të për 3-2.

Për ta mbyllur dilemën e fituesit u përkujdes Fisnik Asllani i cili në minutën e 91-të realizoi për epilogun përfundimtar 4-2.

Kjo nuk ishte e mjaftueshme për mysafirët që ta evitojnë humbjen dhe kështu Kosova mori fitoren e dytë radhazi këtë muaj, pas asaj ndaj Armenisë me rezultat 5-2.

The post Rikthim rezultati dhe ‘breshëri’ golash: Kosova fiton me spektakël ndaj Komoreve appeared first on Albeu.com.

Kombëtarja e Kosovës ka arritur një sukses historik, pasi është ngritur nga Liga C në Ligën D të Ligës së Kombeve.

Shtatë vite më parë Dardanët e nisën nga Liga D, derisa tani janë në B ku janë në mesin e 32 Kombëtareve më të mira në Evropë.

E ngritja në Ligën B i sjell edhe të ardhura shtesë Federatës së Futbollit të Kosovës.

Sipas rregullit të shtëpisë më të madhe evropiane të futbollit UEFA, kombëtaret që garojnë në Ligën B përfitojnë 1,5 milionë euro, shifër që është jashtëzakonisht e lartë për federatat e shteteve të vogla.

Këto të ardhura janë të garantuara tanimë, por ato mund të jenë edhe më të mëdha kur merren parasysh edhe të drejtat televizive.

Ky është një vendim i UEFA-s i marrë në vitin 2018.

Ndërkohë fituesi i përgjithshëm i Ligës së Kombeve, ku mund të jetë një nga kombëtaret si Gjermania, Franca, Spanja apo Portugalia do të fitojë 10,5 milionë euro. /Telegrafi/

The post Ngritja në Ligën B të Ligës së Kombeve, Kosova fiton shumë nga UEFA appeared first on Telegrafi.

Kombëtarja e Kosovës ka siguruar një vend në Ligën B të Ligës së Kombeve, me fitoren ndaj Islandës, ku e pret punë e vështirë dhe kundërshtarë më të fortë. 

Kosova e mposhti Islandën me rezultat 2-1 në ndeshjen e parë në shtëpi, si dhe festoi edhe në të dytë me rezultat 1-3.  

Islanda kaloi në epërsi në minutën e dytë me golin e Orri Steinn Oskarsson, por Kosova përmbysën gjërat me tre golat e Vedat Muriqit. 

Kosova siguroi një vend në Ligën B me një fitore në ndeshjen me dy ndeshje, ndërsa Islanda zbret në një nivel më të ulët (Liga C).  

Kosova e nisi Ligën e Kombeve në vitin 2018 në nivelin e fundit, Liga e Kombeve D. Ata ishin në grup me Azerbajxhanin, Ishujt Faroe dhe Maltën.  

Kosova menjëherë fitoi hyrjen në ligën C atë vit, ku qëndruam deri në këtë sezon.  

këtë sezon ishim në një grup me Rumaninë, Qipron dhe Lituaninë dhe morëm vendin e dytë, pas së cilës arritën në Ligën e Kombeve B përmes play-off-it. 

Për Kosovën, kjo është ndoshta arritja më e madhe në historinë e saj të shkurtër të futbollit. 

Në Ligën B, Kosova e nis nga vazo e katërt, ku janë edhe Suedia, Maqedonia e Veriut dhe Irlanda e Veriut, me të cilët nuk do të mund të përballemi.  

Tani në Ligën B, nga vazo 1 mund të na vijnë kundërshtarë si Skocia, Hungaria, Polonia dhe Izraeli. 

Në vazon e dytë janë Zvicra, Austria, Ukraina dhe Bosnja me të cilën e kemi të ndaluar të luajmë.  

Sa i përket vazos së tretë, mund të vijë sërish një përballje me Rumaninë, por edhe me Sloveninë, Gjeorgjinë dhe Irlandën.  

Vazo 1: Skocia, Hungaria, Polonia, Izraeli 

Vazo 2: Zvicra, Bosnja, Austria, Ukraina 

Vazo 3: Sllovenia, Gjeorgjia, Irlanda, Rumania 

Vazo 4: Suedia, Maqedonia e Veriut, Irlanda e Veriut dhe Kosova   

/Telegrafi/  

The post Kosova në Ligën B të Kombeve, mësohen kundërshtarët e mundshëm të Dardanëve appeared first on Telegrafi.

Kombëtarja e Kosovës po përjeton një brez të ri lojtarësh, por një emër mbetet i palëkundur në repartin e sulmit: ai është Vedat Muriqi.  

30-vjeçari tregoi edhe njëherë pse ai është thelbësor për skuadrën, duke shënuar të tre golat në fitoren 3-1 ndaj Islandës në Murcia të Spanjës. Kjo fitore i siguroi Kosovës vendin në Ligën B të Ligës së Kombeve, një arritje historike për “Dardanët”. 

Kjo ishte hera e parë që Muriqi përfundoi një ndeshje me Kosovën me tre gola të shënuar.  

Megjithatë, rekordi i tij personal mbetet katër gola, të shënuar ndaj San Marinos në një ndeshje miqësore më 1 qershor 2021, kur Kosova fitoi 4-1.  

Muriqi ka treguar qëndrueshmëri në shënimin e golave, duke shënuar dy herë ndaj Irlandës së Veriut, Qipros dhe Zvicrës. 

Me 31 gola në 60 ndeshje, Muriqi është golashënuesi më i mirë në historinë e Kosovës, duke lënë prapa shumë emra të njohur të rajonit.  

Ai është larg përpara të tjerëve, pasi i dyti në listë, Milot Rashica, me 12 gola. Lojtarë të tjerë si Arbër Zeneli, Amir Rrahmani, Edon Zhegrova dhe Elbasan Rashani kanë më pak se dhjetë gola secili. 

Muriqi shënoi golin e parë për Kosovën më 13 nëntor 2017, në një ndeshje miqësore kundër Letonisë që u fitua 4-3.  

Që nga ajo ditë, ai ka shënuar të paktën dy gola çdo vit, ndërsa vitin 2021 duke qenë më i suksesshmi me tetë gola në 11 ndeshje. 

Me formën e tij aktuale, Muriqi pritet të mbetet sulmuesi kryesor i Kosovës për shumë vite të ardhshme. 

 Ai do të jetë figura kryesore në kualifikimet për Kupën e Botës 2026 dhe ndoshta edhe në ciklet pasuese.  

Pa dyshim, Muriqi do të vazhdojë të jetë shtylla e sulmit të Kosovës dhe një burim frymëzimi për brezat e ardhshëm të lojtarëve. /Telegrafi/

The post Vedat Muriqi, ‘mbreti’ i golave dardan që e çoi Kosovën në Ligën B – rekordet e tij duken të paarritshme appeared first on Telegrafi.

Mbrojtësi i majtë i Prishtinës, Dion Gallapeni, ka bërë debutimin e tij me fanellën e Kosovës në ndeshjen kthyese ndaj Islandës. 

Kosova ka shënuar fitore me rezultat 3-1 ndaj Islandës në ndeshjen e dytë të ‘play-off-it’, duke siguruar inkuadrim në Ligën B të Ligës së Kombeve me rezultat të përgjithshëm 5-2. 

Gallapeni u fut në lojë në minutat e fundit të ndeshjes, duke përjetuar fitoren në fushë me pjesën tjetër të ekipit. 

Ai ka thënë së është ndienjë e papërshkrueshme, ndërsa e cilësoi debutimin e tij si një ëndërr të bërë realitet.  

“Një ndienjë e papërshkrueshme.  Është një ëndërr e bërë realitet. Kjo kishte edhe një vlerë më shumë, pasi u kualifikuam në  Ligën B të Kombeve” 

“Normalisht që pres më shumë, dua të jem pjesë e Kombëtares dhe shpresoj që të arrijmë diçka të madhe”, ka thënë Gallapeni pas debutimit.

Me Kosovën në këto ndeshje ka debutuar edhe mesfushori Vesel Demaku. /Telegrafi/  

The post Dion Gallapeni e përshkruan si ëndërr të bërë realitet debutimin me Kosovën appeared first on Telegrafi.

Kombëtarja e Kosovës ka shënuar fitore me rezultat 3-1 ndaj Islandës në ndeshjen e dytë të ‘play-off-it’, duke siguruar inkuadrim në Ligën B të Ligës së Kombeve me rezultat të përgjithshëm 5-2.

Pas përfundimit të ndeshjes u deklarua edhe ‘heroi’ i Kosovës, Vedat Muriqi, i cili në këtë sfidë shkëlqeu duke realizuar het-trik.

“Jam shumë i kënaqur që kemi bërë një arritje të jashtëzakonshme si kombëtare. Një sulmues nuk mund të ketë një lojë më të mirë se kjo, 3 gola dhe kualifikim në Ligën B”.

“Jam shumë i lumtur, nuk duhet të ndalemi më kaq. I kemi treguar Evropës se jemi bërë një arrë e fortë për kundërshtarin”.

Lexo po ashtu Paraqitja e jashtëzakonshme e Vedat Muriqit ndaj Islandës në numra

“Do të vazhdojmë me punën tonë, me shpirtin luftarak, pasi kjo besoj është arma jonë dhe do të vazhdojmë të luftojmë pa marrë parasysh”.

“Tani i kemi ndeshjet miqësore në qershor, pastaj na vijnë kundërshtarë edhe më të fortë se sa Islanda”.

Muriqi gjithashtu zbuloi se ai ia dedikoi golin e parë ish-sulmuesit të Kosovës, Atdhe Nuhiu, tashmë asistent i Franco Fodës.

Vedat Muriqi & Atdhe Nuhiu #ISLKOS | #NationsLeague | #UNL pic.twitter.com/CvEsEcd1a9

— Kosovar Football (@KosovarFootball) March 23, 2025

“Pas lojës së parë me Islandën nuk i kam treguar Atdheut, por kur përfundoj ndeshja nuk munda pa shënuar një gol sepse kisha qejf t’ia dedikoja atij”.

“Pas shumë kohëve u bashkuam këtu dhe luftuam së bashku për një objektiv dhe ishte një kënaqësi vërtetë. Kur e shënova golin mu kujtua Atdheu dhe ia dedikova atij”, përfundoi sulmuesi kosovar./Telegrafi/

The post “I kemi treguar Evropës se jemi bërë një arrë e fortë”, Muriqi flet pas fitores ndaj Islandës appeared first on Telegrafi.

Kombëtarja e Kosovës siguroi plasmanin në Ligën B të Ligës së Kombeve, pasi e mposhti Islandën me rezultat të përgjithshëm 5-2 pas dy ndeshjeve.

Kjo njëherësh shënon një arritje historike për ‘Dardanët’, pasi është hera e parë që ata do të jenë pjesëmarrës në Ligën B të Kombeve, gjë që dëshmon një rritje të lartë të nivelit, duke marrë parasysh se vite më parë po garonim në Ligën D.

Vendimtar në fitoren e arritur në Spanjë ishte sulmuesi Vedat Muriqi, i cili shënoi tre gola për t’i siguruar Kosovës kualifikimin tutje.

Për paraqitjen e tij fantastike në këtë duel, Vedat Muriqi u shpall lojtari më i mirë i ndeshjes nga Sofascore duke marrë notën 9.1.

Përveç tre golave të realizuar, Muriqi pati gjithashtu edhe tri goditje që përfunduan jashtë portës gjë që dëshmon ‘urinë’ që kishte ai për të rrëmbyer skenën në Murcia.

30-vjeçari gjithashtu kompletoi 13 pasime, fitoi katër duele ajrore, madje, arriti që në minutën e 69-të falë përvojës së tij, ta nxjerrë me karton të kuq nga loja futbollistin Aron Gunnarsson.

Në total Muriqi pas pesë ndeshjeve të luajtura në këtë edicion të Ligës së Kombeve numëron pesë gola, teksa ka edhe një asistim.

Kujtojmë se kjo nuk është hera e parë për Muriqin që realizon tre gola në një ndeshje për Kosovën, pasi këtë e kishte bërë edhe në vitin 2021 ndaj San Marinos në kuadër të Ligës së Kombeve./Telegrafi/

The post Paraqitja e jashtëzakonshme e Vedat Muriqit ndaj Islandës në numra appeared first on Telegrafi.

Kombëtarja e Kosovës ka shënuar fitore me rezultat 3-1 ndaj Islandës në ndeshjen e dytë të ‘play-off-it’, duke siguruar inkuadrim në Ligën B të Ligës së Kombeve me rezultat të përgjithshëm 5-2. 

Kosova e kishte fituar ndeshjen e parë në “Fadil Vokrri” me rezultat 2-1, por në Murcia ishte tjetër histori, ku Dardanët dominuan tërësisht këtë përballje. 

Vedat Muriqi ishte i jashtëzakonshëm, duke shënuar het-trik në këtë përballje, ndërsa nga SofaScore ai u konsiderua si lojtari i ndeshjes me notën 9.1. 

Paraqitje shumë të mirë kishin edhe Amir Rrahmani (7.8), Leart Paqaraqa (7.5), Milot Rashica (7.4) dhe Ermal Krasniqi (7.3). 

Mbi mesataren ishin edhe dyshja Florent Muslija (7.1) dhe Amir Saipit (7.1), duke kompletuar një ndeshje të mirë. 

 

View this post on Instagram

 

A post shared by Telegrafi Sport (@telegrafisport)

Portieri i Islandës, Hakon Rafn Valdimarsson, ishte më i miri te islandezët me notën 7.6, ndërsa më i dobëti ishte Aron Gunnarsson me notën 5.6. 

Notat e lojtarëve të Islandës dhe Kosovës 

/Telegrafi/  

The post Notat e lojtarëve, Islandë 1-3 Kosovë: Muriqi i jashtëzakonshëm, shkëlqejnë edhe shumë të tjerë  appeared first on Telegrafi.

Kombëtarja e Kosovës po avancon me rezultat 2-1 pas pjesës së parë në duelin që po zhvillohet ndaj Islandës në Spanjë.

Ishin mysafirët ata që kaluan në avantazh të parët duke shënuar qysh në minutën e dytë përmes Ori Oskarrson që realizoi për 1-0.

Pas pësimit të golit, Kosova dalëngadalë filloi ta marrë ritmin e lojës duke kontrolluar kundërshtarin në çdo cep të fushës.

Në minutën e nëntë, Paqarada harkoi në zonë, Rrahmani gjuajti me kokë, por në duart e portierit.

‘Dardanët’ rrezikuan sërish në minutën e 15-të, kësaj radhe përmes Ermal Krasniqit, por ai ishte i pafat pasi gjuajtja e tij përfundoi pak mbi portë.

Pas disa tentimeve të njëpasnjëshme për ta gjetur golin, Kosova e gjeti atë në minutën e 35-të.

Lexo po ashtu Super aksion nga Kosova, Vedat Muriqi barazon rezultatin ndaj Islandës

Nga një aksion fantastik që kaloi fillimisht në këmbët e Milot Rashicës dhe pastaj tek Leart Paqarada, ky i fundit asistoi tek Vedat Muriqi i cili realizoi për rezultatin 1-1.

Kosova nuk u zmbraps as pas golit të barazimit, duke rrezikuar edhe një herë tjetër portën e Islandës përmes kapitenit Amir Rrahmani i cili në mënyrë akrobatike iu afrua golit.

Po luheshin sekondat e fundit të pjesës së parë kur Milot Rashica bëri një super asistim për Vedat Muriqin i cili realizoi sërish për ta përmbysur rezultatin në 2-1 në të mirë të Kosovës./Telegrafi/

The post Spektakël nga Kosova pas pjesës së parë, përmbyset rezultati për 10 minuta ndaj Islandës appeared first on Telegrafi.

Kombëtarja e Kosovës ka barazuar rezultatin në 1-1 në ndeshjen që po zhvillohet në Murcia të Spanjës ndaj Islandës.

Pasi pësuam gol në minutën e dytë, Kosova mori tërësisht kontrollin e lojës duke rrezikuar në disa raste portën e islandezëve.

Pas disa tentimeve të njëpasnjëshme, erdhi edhe goli i merituar për ‘Dardanët’.

Po luhej minuta e 37-të e takimit ku pas një aksioni shumë mirë të ndërtuar nga Kosova, Leart Paqarada asistoi tek Vedat Muriqi i cili e çoi topin në rrjetë për rezultatin 1-1./Telegrafi/

GOAL: Muriqi
Iceland 1-1 Kosovo pic.twitter.com/07v9qJtSg3

— Goals Xtra (@GoalsXtra) March 23, 2025

The post Super aksion nga Kosova, Vedat Muriqi barazon rezultatin ndaj Islandës appeared first on Telegrafi.

Në Murcia do të zhvillohet ndeshja e dytë mes Islandës dhe Kosovës, ku në stadium do të ketë tifozë të dyja palëve.  

Sipas Federatës së Futbollit të Islandës (KSI), në stadium do të jenë rreth 1600 persona. 

Prej të cilëve rreth 200 janë tifozë të Kosovës, të cilët kanë sektorin e tyre në këtë stadium. Po ashtu një grup me tifozë islandezë ka mbërritur në Spanjë. 

Stadiumi Estadio Enrique Roca de Murcia mban rreth 30,000 njerëz.

Ndeshja Islandë-Kosovë do të luhet sot në orën 18:00.  Kosova e fitoi ndeshjen e parë me rezultat 2-1./Telegrafi/   

The post Islandezët tregojnë se sa tifozë do të jenë në ndeshje, shumë prej tyre nga Kosova  appeared first on Telegrafi.

Kombëtarja e Kosovës do të zhvilloj ndeshjen e kthimit me Islandën në Play-Off-in e Ligës së Kombeve.

Dy Kombëtaret kërkojnë një vend në Ligën B për edicionin e ardhshëm dhe ndeshja e kthimit zhvillohet në Murcia të Spanjës.

Dardanët kanë marrë fitore në ndeshjen e parë me rezultat 2-1 në Prishtinë dhe çfarëdo rezultati pozitiv i kualifikon në Ligën B.

Por për ndeshjen e kthimit te Kosova ka mungesa të mëdha.

Përveç Edon Zhegrovës i cili nuk u grumbullua fare shkaku i lëndimit, Dardanëve do t’i mungojnë tre futbollistë të tjerë që e nisën ndeshjen nga minuta e parë në sfidën e parë.

Lexo po ashtu Dita e ndeshjes: Kosova kërkon rezultat pozitiv ndaj Islandës për të kaluar në Ligën B

Aro Muric dhe Donat Rrudhani janë larguar shkaku i lëndimeve, derisa Valon Berisha mungon për arsye se ka plotësuar numrin e kartonëve.

Në portë pritet të jetë portieri Amir Saipi, derisa mbrojtja nuk do të ndryshojë nga ndeshja e fundit me Mërgim Vojvodën, Amir Rrahmanin, Fidan Alitin dhe Leart Paqaradën.

Në mesfushë si defensivë do të luajnë Vesel Demeku dhe Elvis Rexhbeçaj, derisa më i avancuar do të jetë Florent Muslija.

Ndërkohë në sulm ka balotazh mes Ermal Krasniqit dhe Emir Sahitit, derisa Milot Rashica dhe Vedat Muriqi do të jenë dy futbollistët e tjerë.

Formacioni i mundshëm i Kosovës:

Saipi, Vojvoda, Rrahmani, Dellova, Paqarada, Demaku, Rexhbeçaj, Muslija, Er.Krasniqi, Rashica, Muriqi. /Telegrafi/

The post Mungesa të mëdha për ndeshjen e kthimit, formacioni i mundshëm i Kosovës për duelin me Islandën appeared first on Telegrafi.

Kosova do të luajë në Murcia përballjen e dytë ndaj Islandës, ku në lojë është një vend në Ligën B të Kombeve.

‘Dardanët’ fituan me rezultat 2-1 në ndeshjen e parë të zhvilluar ditë më parë në ‘Fadil Vokrri’ falë golave nga Lumbardh Dellova dhe Elvis Rexhbeçaj.

Kosova synon fitoren për të arritur të ngjitet në Ligën B të Ligës së Kombeve dhe është afër qëllimit.

Gjyqtar nga UEFA për ta drejtuar këtë ndeshje mjaftë të rëndësishme është caktuar spanjolli Jesus Gil Manzano.

Ai do të asistohet po ashtu nga dy spanjollë, Diego Barbero dhe Ángel Nevado.

Franco Foda në këtë ndeshje të rëndësishme do të jetë pa Valon Berishën, Arijanet Muricin dhe Donat Rrudhanin, pjesa tjetër e ekipit duket që është gati për histori. /Telegrafi/

The post Gil Manzano, gjykon ndeshjen mes Islandës dhe Kosovës appeared first on Telegrafi.

Kombëtarja e Kosovës do të zhvilloj sot (e diel) ndeshjen e kthimit ndaj Islandës në kuadër të ‘Play-Off’-it të Ligës së Kombeve.

Në sfidën e zhvilluar në Prishtinë të enjten mbrëma, Dardanët triumfuan me rezultat 2-1.

Lumbardh Dellova dhe Elvis Rexhbecaj realizuan për Dardanët, derisa kapiteni Oskarson për Vikingët.

Sfida e sotme zhvillohet në Murcia të Spanjës me fillim nga ora 18:00.

Vendasve iu nevojitet fitorja me dy gola epërsi për të kaluar tutje, në anën tjetër Kosovës i mjafton edhe një barazim për të kaluar në Ligën B të Ligës së Kombeve.

Përveç Edon Zhegrovës që nuk u grumbullua fare shkaku i lëndimit, nga grumbullimi pas ndeshjes së parë janë larguar edhe Aro Muric e Donat Rrudhani shkaku i lëndimeve, derisa Valon Berisha mungon për shkak të kartonëve. /Telegrafi/

The post Dita e ndeshjes: Kosova kërkon rezultat pozitiv ndaj Islandës për të kaluar në Ligën B appeared first on Telegrafi.

Kosova do të luajë në Murcia përballjen e dytë ndaj Islandës, ku në lojë është një vend në Ligën B të Kombeve. 

‘Dardanët’ fituan me rezultat 2-1 në ndeshjen e parë të zhvilluar ditë më parë në ‘Fadil Vokrri’ falë golave nga Lumbardh Dellova dhe Elvis Rexhbeçaj.  

Kosova synon fitoren për të arritur të ngjitet në Ligën B të Ligës së Kombeve dhë është afër qëllimit.  

“Dardanët” të dielën nga ora 18:00 do ta luajnë ndeshjen e kthimit ndaj Islandës në Murcia të Spanjës. 

Edhe pse Franco Foda në këtë ndeshje do të jetë pa Valon Berishë, Arijanet Muricin dhe Donat Rrudhanin, pjesa tjetër e ekipit duket që është gati për histori. 

The post Kosova një hap larg Ligës B, finalja me Islandën luhet në Spanjë  appeared first on Telegrafi.

Kombëtarja e Kosovës ka zhvilluar në Murcia stërvitjen e fundit para duelit të kthimit ndaj Islandës. 

‘Dardanët’ fituan me rezultat 2-1 në ndeshjen e parë të zhvilluar ditë më parë në ‘Fadil Vokrri’ falë golave nga Lumbardh Dellova dhe Elvis Rexhbeçaj. 

Kosova synon fitoren për të arritur të ngjitet në Ligën B të Ligës së Kombeve. 

Në konferencën për shtyp para kësaj ndeshje, Foda konfirmoi mungesat e Arijanet Murich dhe Donat Rrudhanit. 

Lexo po ashtu Franco Foda flet për mungesën e Aro Muric dhe se si do t’i qaset ndeshjes ndaj Islandës

Që të dy lojtarët u lënduan gjatë takimit të parë dhe nuk do të jenë në gjendje që të paraqiten në ndeshjen e dytë. 

Pas përfundimit të duelit ndaj Islandës, Kosova ndeshjen e radhës do ta luajë ndaj Armenisë (miqësore) më datën 6 qershor, si pjesë e përgatitjeve për ndeshjet e Kupës së Botës 2026. 

Kosova bën pjesë në Grupin B kualifikues së bashku me Suedinë, Zvicrën dhe Slloveninë. 

Pengesa e parë e Kosovës në misionin për t’u kualifikuar në Botëror do të jetë Zvicra, kundërshtar me të cilin do të luajë në udhëtim më 5 shtator, ndërsa do ta mbyll këtë cikël kualifikues në shtëpi më 18 nëntor./Telegrafi/

The post Kosova zhvillon stërvitjen e fundit para duelit të kthimit ndaj Islandës appeared first on Telegrafi.

Përzgjedhësi i Kosovës, Franco Foda, ka mbajtur një konferencë për shtyp para ndeshjes së nesërme (e diel) ndaj Islandës. 

‘Dardanët’ fituan ndeshjen e parë në Prishtinë me rezultat të ngushtë 2-1 dhe tani do të luajnë në Spanjë ndeshjen e kthimit me një avantazh në duart e tyre.

Foda është pyetur nga gazetarët për mungesën e Aro Muric, i cili tashmë është rikthyer në Angli pas lëndimit që pësoi në ndeshjen e parë. 

“Po, sonte e kemi stërvitjen e fundit dhe sot ose nesër unë do të flas me portierët që kam në dispozicion dhe do të marrim vendimin se kush do të jetë në portë”. 

Lexo po ashtu Dy yje largohen nga kampi i Kosovës për shkak të lëndimeve, ftohet një

Sa i përket kundërshtarit, Foda tha se është një ndeshje 50-50 dhe vlerësoi lartë kualitetin që Islanda ka në fazën ofanzive. 

“Siç e kam thënë edhe më herët, kjo ndeshje është 50-50 dhe u dëshmua në ndeshjen e parë, ku të dy kombëtaret ishin tejet të përafërta dhe patën mundësitë e tyre të shënimit”. 

“Ne patëm disa mundësi për të realizuar edhe golin e tretë, por nuk i finalizuam ato”, ka thënë fillimisht tekniku gjerman.

“Islanda ka futbollistë tejet cilësor në fazën e sulmit dhe për ne do të jetë e rëndësishme se si do të luajmë kur kundërshtari ka posedimin e topit”. 

“Energjia që do të kemi për ta fituar topin kur nuk e kemi në këmbë do të jetë kyçe për të arritur fitoren në këtë ndeshje”. 

“Ndonëse po luajmë si mysafir, ne do të tentojmë të bëjmë lojën tonë, të kriojmë raste, të kemi posedimin dhe të shënojmë gola”, përfundoi ai./Telegrafi/

The post Franco Foda flet për mungesën e Aro Muric dhe se si do t’i qaset ndeshjes ndaj Islandës appeared first on Telegrafi.

Kombëtarja e Kosovës ka zhvilluar sot (e premte) seancën e fundit stërvitore në Kampin Nacional në Hajvali para udhëtimit drejt Murcias të Spanjës.

Dardanët do të përballet me Islandën në Murcia, në ndeshjen përcaktuese të ‘play-off’-it për Ligën B, që zhvillohet më 23 mars.

Në këtë seancë stërvitore kanë marrë pjesë futbollistët që nuk ishin titullarë në ndeshjen e fundit ndaj Islandës, ndërsa pjesa tjetër e ekipit ka kryer programin e rikuperimit në hotel.

Dardanët do të udhëtojnë drejt Spanjës gjatë pasdites së sotme, ndërsa përzgjedhësi Franco Foda dhe ekipi i tij po vijojnë përgatitjet me synimin për të treguar një paraqitje tjetër dinjitoze, me synim të arritjes së objektivit për ngjitje në nivel tjetër në Ligën e Kombeve.

Ndeshja e së dielës që do të zhvillohet në ‘Estadio Enrique Roca’ është paraparë të fillojë nga ora 18:00. /Telegrafi/

The post Kosova zhvillon seancën e fundit stërvitore para nisjes për në Murcia appeared first on Telegrafi.

Federata e Futbollit e Kosovës (FFK) ka njoftuar për më të rejat e ekipit kombëtar të Kosovës, ku dy lojtarë kanë pësuar lëndime dhe do të mungojnë në ndeshjen kthyese ndaj Islandës.

Kosova ka fituar ndaj Islandës me rezultat 2-1 ndeshjen e të enjtes mbrëma në Prishtinë, në kuadër të ndeshjes ‘play-off’ për Ligën B të Ligës së Kombeve.

Megjithatë, Dardanët e morën me kosto këtë fitore, pasi dy lojtarë titullarë kanë pësuar dëmtime dhe do të mungojnë në ndeshjen kthyese.

Është vet faqja zyrtare e FFK-së e cila ka njoftuar për dëmtimet e lojtarëve dhe mungesën e tyre. Ata gjithashtu kanë zbuluar edhe ftesën për një lojtar tjetër.

“Portieri Arijanet Muric dhe mesfushori Donat Rrudhani nuk do të udhëtojnë me Kombëtaren e Kosovës në Spanjë për ndeshjen e kthimit ndaj Islandës, për shkak të lëndimeve të pësuara në ndeshjen e mbrëmshme në stadiumin “Fadil Vokrri””.

“Pas ekzaminimeve mjekësore është konstatuar se dy lojtarët në fjalë e kanë të pamundur të rikuperohen për ndeshjen e radhës. Ndërkohë, ekipit iu ka bashkuar portieri i Dritës, Faton Maloku”.

“Dardanët udhëtojnë sot pasdite drejt Murcia, ku të dielën do të zhvillohet ndeshja Islandë-Kosovë”, thuhet në njoftimin e FFK-së. /Telegrafi/

The post Dy yje largohen nga kampi i Kosovës për shkak të lëndimeve, ftohet një appeared first on Telegrafi.

Portieri i Kosovës, Arijanet Muriq, ka folur pas ndeshjes me Islandën, duke thënë se e kanë merituar fitoren.  

Sipas tij ndeshja ka mundur të mbyllet më herët, ku vet portieri ishte shquar me shumë pritje ndaj Islandës. 

“Mendoj se është kënaqësi t’i dërgojmë tifozët në shtëpi me buzëqeshje. Kemi mundur ta mbyllim ndeshjen më herët”.  

“Por, jemi të lumtur me fitoren. Kemi luajtur mirë në përgjithësi dhe kjo është e rëndësishme”.  

“Ajo që kemi treguar sot është se kemi skuadër që po zhvillohet shumë. Kemi mundësi të mira për të avancuar në Ligën B”, ka deklaruar portieri Muric. 

Në fund, Kosova fitoi 2-1, duke mar një fitore të rëndësishme para ndeshjes kthyese që zhvillohet të dielën në Murica të Spanjës. /Telegrafi/  

The post “Kemi mundur ta mbyllim ndeshjen më herët” – Aro Muric vlerëson fitoren ndaj Islandës appeared first on Telegrafi.