Producentët Francesca Gardiner dhe Mark Mylod kanë zbuluar emrat e fëmijëve që do të luajnë rolet ikonike të Harry-t, Hermione-s dhe Ron-it në serialin e shumëpritur të HBO, i cili thuhet se kushton plot 75 milionë paund për episod.

“Pas një kërkimi të jashtëzakonshëm, kemi gjetur Harry-n, Hermione-n dhe Ron-in tonë. Talenti i këtyre tre aktorëve është i mrekullueshëm,” u shprehën ata.

Dominic, që do të jetë Harry, ka luajtur më parë në filmin Grow, ndërsa Alastair (Ron) është shfaqur në një reklamë për patatet Jersey Royal. Emrat e aktorëve janë mbajtur ende sekret, por pritet të bëhen publik së shpejti.

The post Zyrtare: Zbulohen aktorët e rinj të “Harry Potter” për serialin e HBO! appeared first on iconstyle.al.

HBO ka njoftuar përzgjedhjen e disa aktorëve për serialin e ri televiziv të “Harry Potter”, një adaptim i besueshëm i shtatë librave origjinalë të J.K. Rowling. Seriali do të shfaqet në platformën Max dhe do të ketë një sezon për secilin libër.

Aktorët e konfirmuar përfshijnë:
•John Lithgow si Albus Dumbledore

•Janet McTeer si Profesorja McGonagall

•Paapa Essiedu si Profesori Snape

•Nick Frost si Hagrid

•Luke Thallon si Profesori Quirrell

•Paul Whitehouse si kujdestari Argus Filch

Roli i Harry Potter, Ron Weasley dhe Hermione Granger ende nuk është përzgjedhur. HBO ka hapur një thirrje për audicione për fëmijë të moshës 9 deri në 11 vjeç nga Mbretëria e Bashkuar dhe Irlanda, duke theksuar përkushtimin për një kast të larmishëm dhe gjithëpërfshirës.

Seriali është planifikuar të fillojë xhirimet në verën e vitit 2025 dhe pritet të debutojë në vitin 2026.

J.K. Rowling do të shërbejë si producente ekzekutive, së bashku me Francesca Gardiner dhe Mark Mylod, të cilët do të jenë përkatësisht shkrimtare dhe regjisorë të disa episodeve.

Ndërsa fansat presin me padurim këtë adaptim të ri, pritet që seriali të sjellë një përvojë të freskët dhe të thelluar të botës magjike të “Harry Potter”.

The post HBO zbulon aktorët e rinj për serialin televiziv të “Harry Potter” appeared first on iconstyle.al.

Një botim i rrallë, i parë i librit të “Harry Potter” është shitur për 36,000 paund.

Christine McCulloch bleu kopjen e “Harry Potter and the Philosopher’s Stone” për djalin e saj Adam në vitet 1990.

Ajo tha se pagoi rreth 10 paund për kopjen e tij nga një librari në Stratford-upon-Avon në vitin 1997 dhe nuk e kishte idenë se i njëjti libër do të vlente mijëra paund, 30 vjet më vonë.

Botimi i parë i librit u shit në ankandin “Rare Book Auctions” në Lichfield, Staffordshire – dhe blerësi pagoi 45,000 paund në total.

Sipas organizatorëve të ankandit, libri është një nga vetëm 500 kopjet e botuara në botimin e parë të librit “Harry Potter”në vitin 1997.

Ai ishte vlerësuar me një çmim midis 30,000 dhe 50,000 paund.

Adam McCulloch, nga Tansley, Derbyshire, tha se kopja ishte lënë në një dollap nën shkallët e ish-shtëpisë së familjes së tij, në Chesterfield./KultPlus.com

The post Botimi i parë i librit “Harry Potter” shitet për 36,000 paund appeared first on KultPlus.