Ndeshja e Kategorisë Superiore mes Dimanos dhe Elbasanit është shoqëruar me tensione dhe dhunë mes dy tifozerive, pas përfundimit të ndeshjes 3 me 1 për Dinamon.

Ndeshja u luajt në stadiumin “Niko Dovana” të Durrësit. Mediat raportojnë se policia ka shoqëruar disa persona të përfshirë në konflikt, ndërkohë që raportohet edhe për një tifoz të lënduar.

Ashtu siç ndodh rëndom në shkallët e stadiumeve kur ka tension, tifozët kanë shkatërruar edhe një pjesë të stolave.

Policia ka sekuestruar pamjet filmike për të identifikuar personat e përfshirë në përplasjet e dhunshme në stadium.

Kaosi mes tifozëve nisi në pjesën e dytë pas golit të dytë të shënuar nga Dinamo. Takimi mes Dinamos dhe Elbasanit vlen për javën e 21-të të kampionatit.

The post Përplasje mes tifozëve në Dinamo – Elbasani, disa të shoqëruar nga policia appeared first on Lapsi.al.