Policia e Kosovës ka parandaluar një rast kontrabandimi me mallra në fshatin Lisockë të Kamenicës, ku u kap një automjet me targa vendore, i drejtuar nga një mashkull kosovar, raporton Gazeta Sinjali.

Gjatë kontrollit të automjetit, njësitë patrulluese nga DRPK-Lindje gjetën 92 pako me speca, në sasi totale rreth 1,000 kilogramë, me vlerë tregu rreth 2,500–3,000 euro, për të cilat i dyshuari nuk kishte dokumentacion të vlefshëm.

Prokurori kujdestar u njoftua menjëherë dhe me vendimin e tij u inicua rasti, ndërsa mallrat u dorëzuan në pikën doganore kompetente.

“Policia e Kosovës mbetet e përkushtuar në parandalimin dhe luftimin e të gjitha formave të krimit dhe falënderon qytetarët për bashkëpunimin e tyre.”, thuhet tutje në njoftimin e PK-së.

Sinjali – aty ku e vërteta flet para lajmit!

/GazetaSinjali/

The post Policia parandalon kontrabandën në Kamenicë, kapen 92 pako me speca – vlera deri në 3 mijë euro appeared first on Sinjali.

Policia e Kosovës ka kryer bastisje në shtëpinë e serbes Ana Murganiq, e cila, së bashku me të dashurin e saj, J.I., pjesëtar i forcave ajrore kroate, u arrestua në Kroaci nën akuza për spiunazh në favor të Serbisë.

Zëvendësdrejtori i Policisë për rajonin e Veriut, Veton Elshani, i tha Sinjalit se bastisjet u kryen më 27 gusht rreth orës 20:00.

Ai bëri të ditur se gjatë kontrollit në shtëpinë e të dyshuarës janë gjetur sprej dhe fishekë.

Më 28 gusht, Prokuroria e Qarkut në Split njoftoi se ndaj të dyshuarve është caktuar masa e paraburgimit.

Sipas medias kroate Index, J.I., i cili në Kosovë ka shërbyer në kuadër të misionit paqeruajtës të NATO-s, KFOR, kishte dhënë informacione konfidenciale partneres së tij, të cilat ajo më pas ua ka përcjellë anëtarëve të Listës Serbe.

Sinjali – aty ku e vërteta flet para lajmit!

/GazetaSinjali/

The post Policia e Kosovës bastis shtëpinë e të arrestuarës për spiunazh për Serbinë, gjenden sprej e fishekë appeared first on Sinjali.

Sinjali mëson se gazetari Vehbi Kajtazi ka qenë viktimë e një kërcënimi serioz nga një 61-vjeçar, i cili për disa javësh ishte në kërkim policor.

Burimet e Sinjalit bëjnë me dije se më 13 gusht, i dyshuari Hysni Menxhiqi, rreth 61-vjeçar, përmes profilit të tij në Facebook, i kishte dërguar mesazh me përmbajtje kanosëse gazetarit Kajtazi.

Pas një pune hetimore të Drejtorisë për Hetimin e Krimit të Organizuar dhe Krimeve të Rënda, sot (29 gusht), rreth orës 09:20, në rrugën “Kollashniska” në Mitrovicën e Veriut, policia ka arritur ta ndalojë të dyshuarin.

Me urdhër të Prokurorit kujdestar nga PTH Prishtinë, ndaj tij është caktuar masa e ndalimit prej 48 orësh.

Sinjali do të qëndrojë pranë këtij rasti dhe do t’ju sjellë detajet ekskluzive.

Sinjali – aty ku e vërteta flet para lajmit!

/GazetaSinjali/

The post Ekskluzive: Kanosi gazetarin Vehbi Kajtazi, arrestohet në veri të Mitrovicës 61 vjeqari, përfundon në ndalim prej 48 orësh appeared first on Sinjali.

Policia e Kosovës ka kryer bastisje në shtëpinë e serbes A.M., që së bashku me të dashurin e saj, J.I, pjesëtar i forcave ajrore kroate, u arrestuan në Kroaci nën akuza për spiunazh për Serbinë.

Zëvendësdrejtori i Policisë së Kosovës për rajonin e Veriut, Veton Elshani, i tha Radios Evropa e Lirë se bastisjet u kryen më 27 gusht rreth orës 20:00, pas publikimit të informacioneve se A.M., ishte arrestuar në Kroaci.

Elshani tha se menjëherë autoritetet kosovare kanë verifikuar adresën e të dyshuarës A.M., në Mitrovicë të Veriut.

“Kemi gjetur lokacionin e shtëpisë, kemi pranuar informacione se në atë shtëpi mund të ketë armë, kemi hyrë kemi bastisur këtë shtëpi, kemi gjetur një sprej, disa gëzhoja, fishekë dhe jemi larguar nga ai vend”, u shpreh Elshani.

Sipas Elshanit, autoritetet e Kosovës janë në koordinim të ngushtë me autoritetet kroate për këtë rast.

Më 28 gusht, Prokuroria e Qarkut në Split njoftoi se ndaj të dyshuarve ka caktuar masën e paraburgimit.

The post Policia e Kosovës bastis shtëpinë e të arrestuarës për spiunazh për Serbinë appeared first on Telegrafi.

Në kuadër të aktiviteteve sportive të planifikuara për shënimin e 26-vjetorit të Policisë së Kosovës, më 29 gusht 2025, Policia e Kosovës ka zhvilluar garat në gjuajtje me armë zjarri në poligonin e hapur në Cërnushë – Mitrovicë, raporton Gazeta Sinjali.

Në këto gara morën pjesë tetë ekipe policore nga departamente dhe drejtoritë e ndryshme, të përfaqësuara secila me tre garues.

Garat u zhvilluan në disiplinat ekipore dhe individuale, duke pasqyruar nivel të lartë profesional, disiplinë dhe frymë sportive.

“Garat u zhvilluan në disiplinat ekipore dhe individuale, duke pasqyruar nivel të lartë profesional, disiplinë dhe frymë sportive dhe duke dhënë rezultatet si në vijim:

Rezultatet ekipore

Vendi i parë: Departamenti i Njësive Speciale Vendi i dytë: Drejtoria Rajonale Pejë Vendi i tretë: Drejtoria e Njësive për Ndërhyrje të Shpejtë (DNJNSH)

Rezultatet individuale

Vendi i parë: PK Ardian Dvorani – Departamenti i Njësive Speciale Vendi i dytë: PK Bledian Hajdari – DRP Prizren Vendi i tretë: PK Arlind Xhokli – DRP Ferizaj

Këshilli Organizativ me angazhim profesional ka realizuar me sukses garat sipas planit, me mbikqyrje dhe përkrahje nga Shoqata e Sportit të Policisë së Kosovës të cilët monitoruan në mënyrë të plotë zhvillimin e garave.”, thuhet mes të tjerash në njoftim.

Sinjali – aty ku e vërteta flet para lajmit!

/GazetaSinjali/

The post Policia e Kosovës zhvillon gara në gjuajtje me armë zjarri për 26-vjetorin e saj appeared first on Sinjali.

Një aksident trafiku ka ndodhur sot, rreth orës 16:00 në rrugën Ilir Konushevci në Prishtinë, ku janë përfshirë një veturë dhe një motoçikletë.

Aksidentin për Sinjalin e ka konfirmuar zyrtari për informim i policisë në kryeqytet, Enis Pllana, i cili bëri të ditur se si pasojë e përplasjes, një person ka pësuar lëndime dhe ka marrë tretman mjekësor.

Aksident mes një veture dhe motoçiklete në Prishtinë, dyshohet për të lënduar

Sinjali – aty ku e vërteta flet para lajmit!

/GazetaSinjali/

The post Konfirmohet aksidenti mes një veture dhe motoçiklete në Prishtinë, lëndohet një person appeared first on Sinjali.

Një aksident ka ndodhur pak më parë tek Xhamia e Llapit në Prishtinë, ku u përfshinë një veturë dhe një motoçikletë.

Nga ky aksident dyshohet për të lënduar.

Për rastin në fjalë, Gazeta Sinjali ka kontaktuar edhe me Policinë e Kosovës, dhe jemi ende në pritje të përgjigjes zyrtare.

Sinjali – aty ku e vërteta flet para lajmit!

/GazetaSinjali/

The post Aksident mes një veture dhe motoçiklete në Prishtinë, dyshohet për të lënduar appeared first on Sinjali.

Me rastin e fillimit të vitit të ri shkollor, Policia e Kosovës ka theksuar se siguria e këmbësorëve mbetet ndër prioritetet kryesore.

Në një njoftim zyrtar në Facebook, Policia ka apeluar për kujdes të shtuar në rrugë, duke ofruar udhëzime për përdorimin e sigurt të vendkalimeve për këmbësorë, si dhe duke theksuar nevojën për vetëdijesim të drejtuesve të automjeteve për respektimin e rregullave të qarkullimit, veçanërisht pranë shkollave.

Njoftimi i plotë i Policisë:

Fillimi i vitit shkollor – Prioritet siguria e këmbësorëve

-Si ta përdorim vendkalimin për këmbësorë

Mësoni fëmijët si të përdorin vendkalimin e shënuar në mënyrë të sigurt dhe të shikojnë nga të dy anët para se të kalojnë rrugën.

-Vetëdijesimi i drejtuesve të mjeteve

Drejtuesit e automjeteve duhet të jenë më të vëmendshëm afër shkollave dhe vendkalimeve për këmbësorë, veçanërisht gjatë orëve të ardhjes dhe largimit nga shkolla.

-Jepni shembull të mirë

Tregoni sjellje të sigurta në rrugë për fëmijët tuaj – mos kaloni jashtë vijave të bardha dhe gjithmonë ndalni për të parë trafikun.

-Siguria në mjetin transportues shkollor

Sigurohuni që fëmijët të kuptojnë rregullat e hyrje dhe daljes nga mjetet transportuese si dhe sjelljet e sigurta përreth tij.

-Shmangni shpërqendrimet

Shmangni përdorimin e telefonit apo pajisjeve të tjera gjatë ecjes – sytë dhe vëmendja duhet të jenë në rrugë.

Sinjali – aty ku e vërteta flet para lajmit!

/GazetaSinjali/

The post Fillimi i vitit të ri shkollor, Policia apelon për kujdes në trafik appeared first on Sinjali.

Forca e Sigurisë së Kosovës ka njoftuar se nga data 31 gusht deri më 5 shtator  do të realizojë ushtrimin fushor “Ujku Shigjetë”.

Për këtë arsye, FSK tha se gjatë kësaj periudhe do të ketë lëvizje lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës.

“Njoftojmë të gjithë qytetarët e Republikës së Kosovës, se nga data 31 gusht deri më 05 shtator 2025, Forca e Sigurisë së Kosovës do të realizojë ushtrimin fushor “ Ujku Shigjetë”, në kuadër të përgatitjeve për validimin e Regjimentit të tretë. Gjatë kësaj periudhe do ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, tha FSK.

FSK tha se e gjithë kjo lëvizje do bëhet me qëllim të realizimit të ushtrimit, andaj kërkoi mirëkuptim nga qytetarët.

Sinjali – aty ku e vërteta flet para lajmit!

/GazetaSinjali/

The post Ushtrimi “Ujku Shigjetë”, FSK paralajmëron qytetarët se do të ketë lëvizje të konvojeve appeared first on Sinjali.

Policia e Kosovës ka sekuestruar armë zjarri dhe municion në dy raste të ndara të regjistruara dje në Prishtinë, duke proceduar penalisht dy persona për armëmbajtje pa leje.

Burime të Gazetës Sinjali bëjnë të ditur se rasti i parë është shënuar më 28 gusht, rreth orës 14:00, në rrugën “Holger Petersen”, ku gjatë një kontrolli rutinë, njësitet e NJRSH-së ndaluan Avdulla Balajn rreth 64-vjeçar.

Gjatë kontrollit tek ai u gjet një armë e shkurtër e tipit “Sarsilmaz”, ngjyrë e zezë, si dhe një karikator me 10 fishekë. Arma dhe municioni u sekuestruan, ndërsa Balaj u shoqërua në Stacionin Policor Jugu dhe pas intervistimit u lirua në procedurë të rregullt.

Ndërkohë, vetëm pak minuta më vonë, rreth orës 14:20, në rrugën “Bill Clinton”, po ashtu nga njësitet e NJRSH-së, u ndalua Edmond Spaqi rreth 35-vjeçar.

Policia i gjeti një armë të shkurtër të tipit “AKSA” dhe një karikator me 12 fishekë, të cilat u sekuestruan si prova materiale. Edhe ai u shoqërua në SP Jugu dhe pas intervistimit në prani të avokatit mbrojtës, me urdhër të Prokurorit, u procedua penalisht për armëmbajtje pa leje dhe u lirua në procedurë të rregullt.

Të dy rastet janë iniciuar si “Mbajtja në pronësi, kontroll apo posedim të paautorizuar të armëve”, ndërsa hetimet po vazhdojnë.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Posedimi ilegal i armëve s’ka të ndalur: Dy të arrestuar në Prishtinë, u kapën me armë dhe municion gjatë kontrolleve rutinë appeared first on Sinjali.

Një rast i dhunës në familje është raportuar dje në Malishevë, ku një grua ka denoncuar bashkëshortin e saj për dhunë të vazhdueshme psikike, fizike dhe kërcënime.

Burime të Gazetës Sinjali bëjnë të ditur se viktima M.G. rreth 49-vjeçare është paraqitur në Stacionin Policor në Prizren, ku ka deklaruar se në fshatin Balincë ishte përballur me dhunë nga burri i saj, B. G. rreth 51-vjeçar.

Sipas viktimës, dhuna ka ndodhur në vazhdimësi kohëve të fundit, deri para një jave, duke e lënë atë të traumatizuar. Ajo ka prezantuar edhe një raport mjekësor për dëmtimet e shkaktuara.

I dyshuari është arrestuar nga Policia dhe është shoqëruar për intervistim, por ai ka mohuar të ketë ushtruar dhunë fizike apo kërcënime, duke pranuar vetëm disa “mosmarrëveshje verbale” me bashkëshorten.

Me urdhër të Prokurorit të Shtetit, ndaj tij është iniciuar rasti “Dhunë në familje”.

Viktima, me pëlqimin e saj, është vendosur përkohësisht tek familja e prindërve në fshatin Malësi e Re, Prizren.

Hetimet për rastin janë duke vazhduar.

Sinjali – aty ku e vërteta flet para lajmit!

/GazetaSinjali/

The post Malishevë: Gruaja denoncon burrin për dhunë të vazhdueshme – 51-vjeçari arrestohet, hapet rast për “Dhunë në familje” appeared first on Sinjali.

Një rast i dhunës në familje është raportuar të enjten në Prishtinë, ku një grua ka deklaruar se është sulmuar nga bashkëshorti i saj.

Burime të Gazetës Sinjali bëjnë të ditur se rasti ka ndodhur më 28 gusht, rreth orës 09:00, në rrugën “Carls Degoll”, ku njësiti policor ka ndërhyrë pas raportimit të viktimës.

Sipas deklarimit të saj, viktima D. K rreth 31-vjeçar ka treguar se është e martuar prej rreth 11 vitesh me të dyshuarin G.K rreth 34-vjeçar, me të cilin kanë edhe dy fëmijë.

Ajo ka sqaruar se teksa po ktheheshin nga Shqipëria drejt Kosovës, pas një mosmarrëveshjeje, i dyshuari e ka goditur me shuplakë. Pasi kanë arritur në Prishtinë, ajo ka njoftuar policinë dhe rasti është trajtuar nga njësitet përkatëse. Në konsultim me prokurorin, është dhënë udhëzimi që rasti të iniciohet si “Dhunë në familje”.

Hetimet mbi rastin janë duke vazhduar.

Sinjali – aty ku e vërteta flet para lajmit!

/GazetaSinjali/

The post Prishtinë: 34-vjeçari dyshohet se goditi gruan e tij gjatë kthimit nga Shqipëria – përfundon në polici appeared first on Sinjali.

Një operacion i Policisë së Kosovës në Podujevë ka rezultuar me arrestimin e një të mituri dhe sekuestrimin e narkotikëve, një thike dhe mjetesh që shërbejnë për përpunimin e drogës.

Burime të Gazetës Sinjali bëjnë të ditur se rasti është shënuar mbrëmë, rreth orës 22:30, në rrugën “Bahri Fazliu”, kur policia ndaloi një veturë të dyshuar.

Gjatë kontrollit, brenda automjetit u gjetën 1 gram substancë narkotike (që dyshohet të jetë marihuanë), një thikë dhe një mulli për bluarje, të cilat u sekuestruan në cilësi të provave materiale.

Pas veprimeve të mëtejshme hetimore, tek i mituri E.N. rreth 17-vjeçar, që punonte në një lokal aty pranë, u gjetën edhe 11 gram marihuanë.

I mituri u intervistua në prani të përfaqësuesit të Qendrës për Punë Sociale dhe avokatit mbrojtës. Me urdhër të Prokurorit të Departamentit për të Mitur, ndaj tij është iniciuar rasti dhe është lëshuar aktvendim për ndalim 24-orësh.

Ndërkohë, një person tjetër madhor që ndodhej bashkë me të, është intervistuar në cilësi të dëshmitarit, por ndaj tij po ashtu është iniciuar një rast për posedim të narkotikëve.

Hetimet mbi këtë rast po vazhdojnë, ndërsa janë përfshirë edhe njësitet e antidrogës.

Sinjali – aty ku e vërteta flet para lajmit!

/GazetaSinjali/

The post Podujevë: I mituri kapet me marihuanë, policia i sekuestron edhe thikën e mjetet tjera, përfundon në ndalim appeared first on Sinjali.

Një rast i rëndë vjedhjeje është raportuar në fshatin Fshaj të Gjakovës, ku persona të panjohur kanë depërtuar në një shtëpi dhe kanë marrë me vete para, bizhuteri dhe një armë zjarri me leje.

Burime të Gazetës Sinjali bëjnë të ditur se viktima F. Prenqi rreth 62-vjeçar ka deklaruar se më 27 gusht, rreth orës 19:00, e kishte lënë shtëpinë në rregull, por pas kthimit kishte vërejtur një dritare të hapur dhe mungesën e disa bizhuterive në vlerë prej 200 eurosh.

Një ditë më vonë, më 28 gusht rreth orës 23:30, gjatë kontrollit të mëtejshëm në shtëpi, ai kishte konstatuar se nga vendi ku e mbante armën e tij, mungonin: • një pistoletë me leje, në vlerë prej 1650 eurosh, • 9 fishekë të kalibrit 9×19 mm, • dhe 700 euro para të gatshme.

Lidhur me rastin është njoftuar Prokurori i Shtetit dhe rasti është iniciuar si “Vjedhje e rëndë”.

Hetimet janë duke vazhduar për identifikimin dhe arrestimin e autorëve.

Sinjali – aty ku e vërteta flet para lajmit!

/GazetaSinjali/

The post Vjedhje e rëndë në Gjakovë: Hajnat futen në shtëpinë e 62-vjeçarit, i marrin bizhuteri, para dhe armë zjarri me leje appeared first on Sinjali.

Një rast vjedhjeje veture është raportuar pas mesnatës në Graçanicë, ku një grua ka mbetur pa automjetin e saj.

Burime të Gazetës Sinjali bëjnë të ditur se ngjarja ka ndodhur në fshatin Radevë, në rrugën “Zlatiborska”, në mesnatën mes 28 dhe 29 gushtit, në intervalin kohor nga ora 00:00 deri në 03:00.

Viktima M.M rreth 33-vjeçar ka raportuar se persona të panjohur i kanë vjedhur veturën e saj Opel Astra, ngjyrë e bardhë, me vlerë rreth 3500 euro, e cila ndodhej e parkuar në oborrin e shtëpisë.

Sipas kallëzimit, vetura kishte qenë e hapur, ndërsa brenda saj ishin edhe çelësat dhe dokumentet e automjetit, gjë që u ka lehtësuar punën hajnave.

Lidhur me rastin janë njoftuar të gjitha njësitë relevante policore dhe, me urdhër të Prokurorit të Shtetit, është iniciuar procedura penale për veprën “Vjedhje – automjeti”.

Hetimet janë duke vazhduar për identifikimin dhe arrestimin e autorëve.

Sinjali – aty ku e vërteta flet para lajmit!

/GazetaSinjali/

The post Gracanicë: Hajnat vjedhin veturën Opel Astra nga oborri i shtëpisë – çelësat dhe dokumentet ishin brenda appeared first on Sinjali.

Një incident është shënuar pas mesnatës në Gjakovë, ku një i ri ka përfunduar në pranga pasi ofendoi dhe kanosi zyrtarë policorë gjatë një kontrolli rutinë.

Burime të Gazetës Sinjali bëjnë të ditur se rasti ka ndodhur rreth orës 00:30, në rrugën “Gjergj Sokoli”.

I dyshuari Blendi Sulai rreth 20-vjeçar ishte pasagjer në një veturë të ndalur nga patrulla policore, kur gjatë kontrollit filloi të fyente policët. Edhe pse iu kërkua të ndalonte, ai vazhdoi me ofendime.

Sipas të dhënave, gjatë arrestimit ai i është drejtuar një zyrtari policor me fjalët: “keni me e pas personale me mu” dhe “ki me majt përgjegjësi për këtë punë”.

Sulai kundërmonte erë alkooli dhe fillimisht refuzoi testin, por më vonë iu bë alkool testi dhe rezultoi me 1.28 promil.

Me urdhër të Prokurorit të Shtetit, rasti është iniciuar si “Kanosje ndaj personit zyrtar”. I dyshuari është mbajtur në stacion deri në zbritjen e përqindjes së alkoolit dhe më pas është intervistuar.

Hetimet për rastin janë duke vazhduar.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Gjakovë: “Keni me pasë punë me mu” 20-vjeçari i dehur kërcënon policin gjatë kontrollit – përfundon në pranga appeared first on Sinjali.

Një rast i dhunës në familje është raportuar dje në mëngjes në Pejë.

Burime të Gazetës Sinjali bëjnë të ditur se rreth orës 06:00, në fshatin Vitomiricë, L. K rreth 29-vjeçare ka raportuar në polici se është sulmuar nga i dashuri i saj J. Lajqi rreth 46-vjeçar.

Sipas viktimës, pas një fjalosjeje në shtëpinë e tij, i dyshuari e ka goditur me shuplaka në fytyrë. Ajo ka refuzuar tretman mjekësor dhe nuk ka pranuar të shkojë në ndonjë strehimore të sigurt.

Hetuesja e dhunës në familje ka kontaktuar të dyshuarin, i cili ka deklaruar se ndodhej në Rugovë dhe se do të paraqitej më vonë në polici.

Me urdhër të Prokurorit të Shtetit, rasti është iniciuar si “Dhunë në familje” dhe është në hetim.

Sinjali – aty ku e vërteta flet para lajmit!

/GazetaSinjali/

The post Pejë: 46-vjeçari nga Vitomirica sulmon me shuplaka të dashurën e tij 29-vjeçare appeared first on Sinjali.

Një rast i dhunës në familje ka ndodhur mëngjesin e së enjtes në Vushtrri, ku një i mitur ka kanosur me thikë motrën e tij pas një mosmarrëveshjeje.

Burime të Gazetës Sinjali brenda Prokurorisë bëjnë të ditur se rasti ka ndodhur rreth orës 08:30, në rrugën “Adem Ademi”, kur i dyshuari P.L. rreth 15-vjeçar, pas një debati me motrën e tij M.L. rreth 15-vjeçare për shkak të një telefoni, mori një thikë kuzhine dhe e kërcënoi atë.

Viktima arriti të largohej dhe të njoftonte policinë, ndërsa i dyshuari u largua nga shtëpia në drejtim të panjohur. Njësitet policore kanë dalë në vendin e ngjarjes dhe kanë konfiskuar thikën që u përdor gjatë incidentit.

Policia ka kërkuar të dyshuarin, por ai nuk është hasur. Për rastin është njoftuar Prokurori i Shtetit dhe në konsultim me të, është iniciuar procedurë për veprën “Dhunë në familje”.

Hetimet janë duke vazhduar.

Sinjali – aty ku e vërteta flet para lajmit!

/GazetaSinjali/

The post E rëndë në Vushtrri: 15-vjeçari kërcënon motrën e tij me thikë, pas një konflikti për telefon appeared first on Sinjali.

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës (FSK) dhe Forcave të Armatosura të Republikës së Shqipërisë (FARSH), është zhvilluar një trajnim i përbashkët në fushën e zhytjes.

Kompania e Kërkim-Shpëtimit e Regjimentit të Mbrojtjes Civile (RMC) mori pjesë në këtë trajnim, i cili u zhvillua në Qendrën e Zhytjes në Pashaliman të Vlorës, në Republikën e Shqipërisë.

Sipas njoftimit të FSK-së, qëllimi i këtij trajnimi ishte ruajtja, zhvillimi dhe avancimi i njohurive profesionale në zhytje në kushte të ndryshme operative, si dhe shkëmbimi i përvojës ndërmjet pjesëtarëve të të dyja forcave ushtarake.

FSK thekson se ky aktivitet i përbashkët dëshmon për rëndësinë e thellimit të bashkëpunimit Kosovë-Shqipëri në fushën ushtarake dhe përkushtimin për ngritjen e kapaciteteve specialistike në operacione ujore, sipas standardeve ndërkombëtare.

Sinjali – aty ku e vërteta flet para lajmit!

/GazetaSinjali/

The post FSK dhe FARSH mbajnë trajnim të përbashkët në fushën e zhytjes appeared first on Sinjali.

Njësiti për Reagim të Shpejtë i Kryeqytetit ka ndërhyrë të enjten rreth orës 14:30 në rrugën “Bill Klinton” në Prishtinë, ku ka ndaluar një veturë të dyshuar.

Gjatë kontrollit të mjetit, policia ka gjetur dhe sekuestruar një armë zjarri.

I dyshuari, një mashkull 35-vjeçar me inicialet E.S., është shoqëruar menjëherë për në stacionin policor. Në koordinim me prokurorin e shtetit, ndaj tij është iniciuar procedurë penale për veprën “Mbajtje në pronësi, kontroll dhe posedim të paautorizuar të armëve”.

Policia e Kosovës në njoftimin e saj zyrtar ka riafirmuar përkushtimin për ruajtjen e sigurisë publike, parandalimin e rreziqeve dhe identifikimin e veprave penale që cenojnë rendin dhe qetësinë publike.

Sinjali – aty ku e vërteta flet para lajmit!

/GazetaSinjali/

The post Kapet me armë zjarri në veturë, ndalohet një person nga Policia në Prishtinë appeared first on Sinjali.