Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas, deklaroi sot se çdo marrëveshje mes Shteteve të Bashkuara dhe Rusisë për përfundimin e luftës në Ukrainë duhet të përfshijë detyrimisht edhe Ukrainën dhe Bashkimin Evropian.

Në një deklaratë për media, Kallas theksoi se çështja nuk është vetëm për sigurinë e Ukrainës, por për të gjithë Evropën. Ajo shtoi se SHBA ka fuqinë për të detyruar Rusinë të ulet seriozisht në tryezën e bisedimeve.

“Çdo marrëveshje mes SHBA-së dhe Rusisë duhet të përfshijë Ukrainën dhe BE-në, sepse kjo është një çështje që prek sigurinë e përbashkët evropiane,” tha Kallas përmes një deklarate dërguar me email.

Ajo njoftoi gjithashtu se nesër (e hënë) do të thërrasë një takim të ministrave të Jashtëm të BE-së për të diskutuar hapat e ardhshëm në lidhje me situatën në Ukrainë.

Kryeministri izraelit Benjamin Netanyahu deklaroi sot në një konferencë për shtyp me mediat e huaja se plani për të marrë kontrollin mbi qytetin e Gazës është mënyra më e shpejtë për t’i dhënë fund luftës.

“Përkundër pretendimeve të rreme, kjo është rruga më e mirë dhe më e shpejtë për t’i dhënë fund luftës. Do të sigurojmë që civilët të largohen në mënyrë të sigurt nga zonat e luftimeve drejt zonave të mbrojtura, ku do të kenë ushqim, ujë dhe kujdes mjekësor. Ne nuk duam ta pushtojmë Gazën, por ta çlirojmë atë nga Hamasi,” tha Netanyahu.

Ai theksoi se Izraeli aktualisht kontrollon rreth 70–75% të territorit të Gazës, ndërsa dy “bastione” të Hamasit mbeten ende aktive – njëri prej tyre në qytetin e Gazës. Netanyahu tha se nuk do të flasë për afate konkrete, por “lufta do të përfundojë shpejt, sepse ky është qëllimi”.

5 kushtet e Izraelit për përfundimin e luftës në Gaza:
Asgjësimi i Hamasit

Lirimi i të gjithë pengjeve

Çmilitarizimi i Gazës

Kontrolli i sigurisë nga Izraeli

Krijimi i një administrate politike që përfaqëson Gazën dhe bashkëpunon për paqe

Netanyahu theksoi:

“Lufta mund të përfundojë nëse Hamasi dorëzon armët dhe liron të gjithë pengjet. Ne duam t’i nxjerrim të 20 pengjet e mbetura gjallë nga Gaza. Nëse nuk veprojmë, ata nuk do të kthehen kurrë.”

Ai shtoi gjithashtu se pas përfundimit të Hamasit, Gaza do të çmilitarizohet, Izraeli do të jetë përgjegjës për sigurinë dhe do të krijohet një zonë sigurie përgjatë kufirit, për të parandaluar sulmet terroriste të së ardhmes.

“Askush nuk do të hyjë në Gaza, për sa kohë Hamasi nuk është eliminuar,” tha ai prerë.

Netanyahu: “Hamasi po krijon krizën humanitare, jo Izraeli”
I pyetur për krizën humanitare në Gaza dhe imazhet tronditëse të urisë, Netanyahu akuzoi Hamasin se po e përdor popullsinë si mjet lufte.

“Që në fillim të luftës, Izraeli ka lejuar hyrjen e gati 2 milionë ton ndihma. Nuk besoj se ndonjë ushtri tjetër në botë ka lejuar kaq shumë ndihmë në territor armik. Nëse ne do të kishim politikë urie, asnjë në Gaza nuk do të kishte mbijetuar pas dy vitesh lufte,” tha ai.

Netanyahu prezantoi edhe një plan me tre pika për ndihmën humanitare, që përfshin:

Krijimin e korridoreve të sigurta për ndihmat

Rritjen e pikave të shpërndarjes së ndihmave humanitare

Hedhjen nga ajri të ushqimeve dhe materialeve bazë

Ai konfirmoi se është në bisedime me SHBA-në për masa shtesë për të rritur furnizimin me ndihma në Gaza. Netanyahu gjithashtu akuzoi disa media ndërkombëtare se po “manipulojnë të vërtetën” për urinë në Gaza dhe nuk përjashtoi ndjekje ligjore ndaj tyre, duke përmendur se shpesh raportimet janë të ndikuara nga antisemitizmi.

Policia e Kosovës shpalli në kërkim edhe djemtë e Mefail Shkodrës për vrasjen e trefishtë që tronditi sot në mesditë Gjilanin.

Engjull dhe Edonis Shkodra, 22 dhe 25 vjeç akuzohen po ashtu për vrasje të rëndë, pasi dyshohet se së bashku me babanë e tyre, Mefail Shkodrën vranë tre persona dhe plagosën një tjetër në rrugën “Ibrahim Rugova”. Një tjetër i dyshuar u arrestua në vendngjarje. Viktima mbetën argjendarët Selami Hasani dhe Edmond Hasani dhe dhëndri.

“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim lokalizimin dhe arrestimin e të dyshuarve, lëshon këtë kërkesë për bashkëpunim me qytetarët dhe mediat. Policia e Kosovës, Drejtoria Rajonale në Gjilan, kërkon nga qytetarët dhe mediat që kushdo që ka informacion për vendndodhjen e personave në fotot e bashkëngjitura, të lajmërojë Policinë e Kosovës në stacionin më të afërt policor apo përmes aplikacionit digjital ‘Lajmëro Policinë’, E-mail: info@kosovopolice.com dhe numrat kujdestarë 038 504 504 7299 dhe 038 504 504 7201“, njofton Policia e Kosovës.

Temperaturat e larta të vazhdueshme kanë çuar në një ulje të ndjeshme të prurjeve në lumenjtë që furnizojnë me ujë rezervuarin më të madh të vendit. Kushtet e krijuara kanë ndikuar në reduktimin e ndjeshëm të furnizimit me ujë të liqeneve artificiale dhe hidrocentraleve kryesore të vendit.

Gjendja është më e theksuar në liqenin e Fierzës, i cili përbën burimin më të madh të ujit dhe një hallkë kyçe në sistemin energjetik kombëtar. Ky liqen po shënon rënie të vazhdueshme të nivelit, jo vetëm për shkak të mungesës së reshjeve dhe prurjeve, por edhe nga prodhimi i energjisë që vijon me dy turbina në hidrocentralin e tij.

Kuota aktuale e ujit ka arritur në 274 metra mbi nivelin e detit, duke iu afruar pragut minimal të funksionimit optimal. Sipas parashikimeve të meteorologëve, situata rrezikon të rëndohet, pasi gjatë javëve të ardhshme nuk priten reshje të konsiderueshme, ndërkohë që temperaturat e larta do të vijojnë gjatë gushtit.

Kjo thatësirë dhe vala e nxehtësisë po e vë në vështirësi sistemin energjetik, duke detyruar Korporatën Elektroenergjetike Shqiptare (KESH) të rrisë blerjen e energjisë nga tregjet ndërkombëtare për të përmbushur kërkesën vendase.

Gjatë orëve të fundit janë evidentuar 21 vatra zjarri, nga të cilat janë shuar 7 vatra zjarri, ndërsa 14 janë aktive.

Aktualisht, janë aktive vatrat në:

Qarku Vlorë.

Në bashkinë Finiq vazhdon të jetë aktive vatra e zjarrit. Flakët kanë kaluar në fshatin Krane, njësia administrative Mesopotam. Në terren po operojnë: 37 efektivë me 6  automjete zjarrfikëse të bashkive Finiq, Sarandë, Konispol dhe Delvinë, 20 forca policore, 30 forca bashkiake dhe vullnetare, të ndihmuar nga Forcat e Armatosura me 28 efektivë, 4 automjete zjarrfikëse, 1 autoambulancë, 1 autobot, 60 forca ushtarake dhe mbështetje nga ajri. Gjithashtu ka operuar edhe avioni Kroat Canadair.

Në vendin e quajtur “Rëzom”, në afërsi të Tunelit të Skërficës, te maja e “Lucës”, ka rënë zjarr në një sipërfaqe me shkurre dhe pyjore. Për shkak të terrenit të thyer është e vështirë të operohet me mjete nga toka, por në vendngjarje kanë shkuar punonjësit e AdZM.

Në fshatin Bolenë, njësia administrative Horë-Vranisht, bashkia Himarë. Në terren janë duke operuar forcat e MZSH të bashkisë Himarë dhe Vlorë me 3 automjete zjarrfikëse, 10 efektivë dhe forca vullnetare, të ndihmuar dhe nga 20 forca të FA-së, të cilët kanë vënë zjarrin nën kontroll.

Në fshatin Lukovë, njësia administrative Lukovë, bashkia Himarë. Në terren po punojnë efektivët e MZSH Himarë me 1 automjet zjarrfikës dhe 3 efektivë, të cilët po punojnë për shuarjen e tij.

Qarku Lezhë.

Në fshatin Malaj i Epërm, në lagjen “Vjollcë”, njësia administrative Rrëshen, bashkia Mirditë, ku zjarri është izoluar në sipërfaqe pyjore me pisha, lis dhe shkurre. Vatra e zjarrit është nën kontroll të plotë dhe po punohet me 2 mjete zjarrfikëse, 6 efektivë nga MZSH, 6 forca të pyjores, 5 forca bashkiake dhe 2 forca vullnetare.

Qarku Dibër.

Malin e Allushit, në afërsi të fshatit Plani Bardhë, bashkia Klos, vatra e zjarrit është nën kontroll dhe po monitorohet nga 6 efektivë të MZSH dhe 1 automjet zjarrfikës.

Qarku Berat

Në bashkinë Poliçan, jashtë territorit të Uzinës Mekanike, vazhdon vatra e zjarrit në një sipërfaqe me shkurre dhe ullishte. Në terren janë duke operuar forcat e MZSH të bashkisë Poliçan, Berat dhe Skrapar me 7 automjete zjarrfikëse dhe 25 efektivë, por e kanë të vështirë vënien e zjarrit nën kontroll.

Në fshatin Kozare, pranë pusit 4, njësia administrative Kozare, bashkinë Kuçovë, ka rënë zjarr në një sipërfaqe me shkurre dhe ferra. Në terren janë angazhuar efektivë të MZSH Kuçovë, të cilët po punojnë për shuarjen e tij.

Në fshatin Goriçan, njësia administrative Kutalli, bashkinë Dimal, ka rënë zjarr në një sipërfaqe me ullinj. Në terren janë angazhuar efektivë të MZSH Dimal me 3 automjete zjarrfikëse dhe 9 efektivë, të cilët po punojnë për shuarjen e tij.

Qarku Shkodër

Në fshatin Zagore, njësia administrative Shkrel, bashkia Malësi e Madhe, ka rënë zjarr në një sipërfaqe me shkurre dhe barishte. Në vendngjarje kanë shkuar 1 automjet zjarrfikëse me 6 efektivë nga Shërbimi vendor i MZSH të bashkisë Malësi e Madhe, të cilët po ndërhyjnë me pompa shpine, por si pasojë e terrenit të vështirë dhe të paaksesueshëm nga mjetet është e vështirë vënia nën kontroll e vatrës.

Qarku Tiranë

Në vendin e quajtur “Mali i Bërzhitës”, fshati Ibë, njësia administrative Bërzhitë, bashkia Tiranë. Në terren janë angazhuar forcat operacionale, të cilët po punojnë për shuarjen e zjarrit.

Në fshatin Ballaj dhe Zhabjak, njësia administrative Kryevidh, bashkia Rrogozhinë, ku era e fortë vështirëson punën e forcave për të vënë nën kontroll flakët. Në terren po punojnë efektivët e MZSH Rrogozhinë, Peqin dhe Kavajë. Në ndihmë ka shkuar dhe një helikopter nga FA dhe 50 forca ushtarake, për të siguruar mospërhapjen e zjarrit drejt banesave.

Qarku Durrës

Në malin e Krujës, sipër fabrikës së çimentos, bashkia Krujë. Në terren janë angazhuar forcat operacionale, të cilët po punojnë për shuarjen e tij.

Qarku Gjirokastër

Në fshatin Turan, njësia administrative Qendër Tepelenë, bashkia Tepelenë. Në terren janë angazhuar forcat operacionale, të cilët po punojnë për shuarjen e zjarrit

Një zjarr me përmasa të mëdha ka rënë pasditen e sotme në zonën e quajtur “Vgjeshta”, pranë fshatit Sojnik, në njësinë administrative Kukur të bashkisë Gramsh.

Gazetari Shkëlzen Henkoja raporton se në vendin e ngjarjes janë nisur me urgjencë forcat e shërbimit zjarrfikës dhe punonjës të shërbimit pyjor, të cilët po punojnë për neutralizimin e flakëve.

Sipas të dhënave paraprake, zona e përfshirë nga zjarri është me sipërfaqe pyjore të mbjellë me pisha, duke e bërë përhapjen e flakëve edhe më të shpejtë dhe të vështirë për t’u kontrolluar.
Për momentin nuk raportohet për rrezik ndaj banesave, por autoritetet mbeten në gatishmëri për çdo zhvillim të mëtejshëm.

Të arrestuarit në kuadër të operacionit të SPAK për goditjen e një grupi kriminal që merrej me trafikun ndërkombëtar të kokainës nga Amerika Latine drejt Bashkimit Europian, dolën sot para Gjykatës së Posaçme.

Ervis Çela, i cili së bashku me Franc Çopjan ishte kreu i organizatës kriminale që solli 28 ton kokainë nga Amerika latine në Evropë për vetëm 2 ngarkesa, është lënë në burg këtë të diel nga Gjykata e Posaçme në Tiranë.

Pas seancës disa orëshe, GJKKO konfirmoi arrestet me burg edhe për 6 të prangosur të tjerë, Albin Çela alias Defrim Çela, Petrit Lakatos alias Petrit Sulejmani, Renato Musaku, Gert Çerma, Marenglen Kamami dhe Elidon Çela. I vetmi nga 8 të prangosurit për të cilin Gjykata ka zbutur masën e sigurisë është Riza Çela, të cilin e ka çuar në arrest shtëpie.

Togat e zeza kanë konfirmuar edhe masën “detyrim paraqitje” për dy shoferë autobusësh, Kujtim Gjyla dhe Ditjon Pepa.

Në kërkim kërkim edhe 5 persona, ndërsa Franc Çopja ndodhet i arrestuar në Belgjikë.

Të premten SPAK u nis në disa qytete të vendit, kryesisht në Elbasan, Tiranë, Durrës e Lushnjë për të zbatuar 16 masat e sigurisë sigurie, 14 arreste me burg dhe 2 detyrim paraqitjeje, për organizatën kriminale të Çopjave.

Prokuroria e Posaçme njoftoi se Franc Çopja dhe Ervis Çela, të evidentuar si krerë të organizatës, operonin në një shkallë globale, duke bashkëpunuar me grupe të tjera kriminale për të lehtësuar transportet e kokainës drejt porteve evropiane dhe investonoin fitimet e mëdha në prona dhe biznese në Shqipëri dhe jashtë saj.

Paratë i sillnin me autobusë por edhe përmes sistemeve informale të transfertave të njohur si “hawala” ose “token”.

SPAK evidenton 2 ngarkesa të mëdha kokaine të shtatorit 2020 dhe të dhjetorit 2020, e para nga Paraguai drejt Belgjikës dhe e dyta nga vendi latin drejt Gjermanisë. Në ngarkesën e parë u organizua trafikimi i 11.6 tonëve kokainë, ndërsa e dyta ishin 16.4 ton kokainë. Vlera vetëm e ngarkesës së dytë shkonte nga 1.5 deri 3.5 miliard euro dhe u sekuestrua nga autoritetet doganore gjermane.

Ngarkesat e mëdha të kokainës siguroheshin direkt nga prodhuesit prej drejtuesit Ervis Çelaj dhe vëllait të tij Ardian Çelaj. Të dy jetonin në vendin amerikano latin.

GJKKO vendosi sekuestrimin preventiv për gjithsej 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim. Mes pronave të sekuestruara ishte edhe “Ajman PARK” Resort ku përfshihen hotele, godina shërbimi, restorant dhe ambiente tregtare,  Xhafzotaj, Durrës, si dhe një vilë dy katëshe tip “ELYSIAN”, në bregdetin e Dhërmiut me vlerë afërsisht 1.000.000 Euro. Të dyja këto prona janë në emër Julian alias Hysni Balla, aktualisht presidenti i klubit të Erzenit, ndaj të cilit ka një masë arresti me burg por është ende në kërkim.

Arrest në burg:
1. Ervis Çela
2. Albin Çela alias Defrim Çela
3. Petrit Lakatos alias Petrit Sulejmani
4. Renato Musaku
5. Gert Çerma
6. Marenglen Kamami
7. Elidon Çela
Arrest në shtëpi
1. Riza Çela
Detyrim paraqitje
1. Kujtim Gjyla
2. Ditjon Pepa

Njoftimi i plotë i SPAK:

Prokuroria e Posaçme kundër Korrupsionit dhe Krimit të Organizuar, më datë 9 gusht 2025, ka paraqitur pranë Gjykatës kërkesën me objekt: marrjen në pyetje dhe verifikimin e kushteve dhe nevojave të sigurimit, në respektim të nenit 248 të Kodit të Procedurës Penale, për personat nën hetim: Ervis Çela, Albin Çela alias Defrim Çela, Riza Çela, Petrit Lakatos alias Petrit Sulejmani, Renato Musaku, Gert Çerma, Marenglen Kamami, Elidon Çela, Kujtim Gjyla dhe Ditjon Pepa.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar, me trup gjykues të kryesuar nga gjyqtari Erjon Bani, me vendimin nr. 84, datë 10 gusht 2025, vendosi të konfirmojë masat e sigurisë të dhëna më parë me vendimin nr. 82, datë 6 gusht 2025.

Kështu, Gjykata vendosi të vazhdojë masën e sigurimit “arrest në burg” për Ervis Ibrahim Çelën, Albin Çelën alias Defrim Çelën, Petrit Lakatosin alias Petrit Sulejmanin, Renato Musakun, Gert Çermën, Marenglen Kamamin dhe Elidon Çelën.

Për personin nën hetim Riza Çela, masa e sigurisë “arrest në burg” u zëvendësua me “arrest në shtëpi”, sipas nenit 237 të Kodit të Procedurës Penale. Riza Çela detyrohet të mos largohet nga banesa e tij dhe të mos komunikojë me persona të tjerë, përveç atyre që bashkëjetojnë me të. Zbatimi dhe mbikëqyrja e kësaj mase do të kryhet nga oficerët e policisë gjyqësore përkatës.

Gjykata gjithashtu vendosi të vazhdojë masën e sigurimit “detyrim për t’u paraqitur në policinë gjyqësore”, sipas nenit 234 të Kodit të Procedurës Penale, për Kujtim Gjylën dhe Ditjon Pepën.

Prokuroria e Posaçme kundër Korrupsionit dhe Krimit të Organizuar, në bashkëpunim me policinë gjyqësore, është ngarkuar me ekzekutimin e këtij vendimi.

Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda pesë ditëve, afat që nis nga e nesërmja e marrjes dijeni për vendimin.

Prej më shumë se një muaji në të gjithë territorin e vendin po zhvillohet një betejë me zaptuesit e hapësirave publike iniciuar dhe udhëhequr nga vetë kryeministri Edi Rama. Paçka me se janë me mijëra metra katror rikthyer qytetarëve nga heqja e objekteve bllokuese nëpër trotuare apo brendësi të objekteve të banimit duket se ka ende shumë punë për të bërë.

Këtë e tregojnë të dhënat që vinë nga portali qeveritar “Hapësira ime Publike”. Në më pak se 24 orë nga vënia në funksion e këtij portali janë regjistruar 2230 problematika të raportuara. Kanë marrë zgjidhje 12 prej tyre ndërsa pjesa tjetër në shqyrtim.

Për të patur një efikasitet të plotë në dëgjimin e ankesave të qytetarëve qeveria thotë se “nëse nuk keni marrë përgjigje për ankesën tuaj të parë brenda 24 orësh, plotësoni këtë formular për ndjekje të mëtejshme”. Kjo iniciativë e re e qeverisë në përballjen me problemin e hapësirave publike të zaptuara,  i jep mundësi qytetarëve të denoncojnë duke bashkëlidhur foto dhe video për 7 problematika të ndryshme.

Duke nisur nga zënia e trotuareve, parkimet e paligjshme, ndërtime pa leje, dëme të pronës publike, ndotje fizike apo akustike të hapësirës publike, zaptim të rrugëve kombëtare përfshi kantieret e ndërtimit me rrethime të pasigurta. Një ditë më parë kryeministri Edi Rama publikoi këtë video ku tregohet nisja e shembjes të një pallati ndërtuar pa leje në qytetin e Vlorës.

Kryeministri paralajmëroi ndëshkim për shkelësit e ligjit, qofshin ata biznesmenë apo punonjës të shtetit.

Pakoja e re e masave që do të miratojmë së shpejti thekson kryeministri Edi Rama, do të jetë një mesazh i qartë për të gjithë, ata që shkelin ligjin duke lënduar mjedisin e përbashkët, po edhe ata që mbyllin sytë përpara shkelësve.

Një 28-vjeçar i cili shiste kokainë dhe kanabis në zonën turistike të Livadhit ka rënë në prangat  e policisë. Gjatë kontrollit fizik dhe të dhomës ku i riu ishte akomoduar, uniformat blu gjetën dhe sekuestruan 120 doza kokainë, 65 doza kanabis dhe një shumë parash, e dyshuar e përfituar nga kjo veprimtari kriminale. Kryesisht 28-vjeçari dozat e lëndës narkotike ua shiste pushuesve dhe turistëve të huaj.

Policia e Vlorës njofton se ka vënë në pranga një shtetas në zonën turistike të Livadhit, i cili shpërndante lëndë narkotike në lokalet e natës të zonës. Personi i arrestuar është shtetasi M.P. nga Elbasanit, të cilit iu sekuestrua një sasi e konsiderueshme kokaine dhe kanabisi, e ndarë në doza, gati për t’u shitur.

Gjatë kontrollit fizik dhe të dhomës ku ky shtetas ishte akomoduar, Policia sekuestroi në cilësinë e provës materiale 120 doza kokainë, 65 doza kanabis dhe një shumë parash.

Nga veprimet hetimore dyshohet se ky shtetas e përgatiste lëndën narkotike në doza në dhomën ku ishte akomoduar e më pas e shiste atë në zonat turistike të vijës bregdetare, të frekuentuara nga pushues dhe turistë të huaj.

Njoftimi i policisë:

Në vijim të kontrolleve për goditjen e veprimtarisë kriminale të shitjes së drogave të forta, falë administrimit të menjëhershëm të informacioneve të siguruara dhe në zbatim të planit të masave për garantimin e rendit dhe sigurisë në zonat turistike, shërbimet e Seksionit për Hetimin e Narkotikëve në DVP Vlorë në bashkëpunim dhe me Komisariatin e Policisë Himarë organizuan dhe finalizuan operacionin policor të koduar “Night Strike”.

Si rezultat i këtij operacioni, u arrestua në flagrancë, në fshatin Livadhë, Himarë, shtetasi M. P., 28 vjeç, banues në Elbasan.

Gjatë kontrollit fizik dhe të dhomës ku ky shtetas ishte akomoduar, Policia sekuestroi në cilësinë e provës materiale:

sasi me lëndë narkotike kokainë në rreth 120 doza;

sasi me lëndë narkotike kanabis në rreth 65 doza;

një shumë parash, e dyshuar e përfituar nga kjo veprimtari kriminale.

Nga veprimet hetimore dyshohet se ky shtetas e përgatiste lëndën narkotike në doza në dhomën ku ishte akomoduar e më pas e shiste atë në zonat turistike të vijës bregdetare, të frekuentuara nga pushues dhe turistë të huaj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme procedurale.

Pas më shumë se një dekade, kufizimet në gjueti do të hiqen. Kur kanë mbetur më pak se tre javë për nga mbarimi i afati të moratoriumit, qeveria ka depozituar në Kuvend projektligjin që i hap rrugën gjuetisë në zona të caktuara.

“Gjuetia zhvillohet vetëm në zonat për ushtrimin e gjuetisë, që përfshihen në fondin pyjor dhe kullosor jashtë territorit të zonave të mbrojtura, në tokat bujqësore, sipërfaqet ujore të brendshme, toka të pafrytshme, të populluara me lloje të faunës së egër, objekt gjuetie, dhe shtrihen në sipërfaqe, që janë me pronësi shtetërore apo private”, thuhet në pikën 1 të nenit 8 të projektligjit.

Në këtë projektligj është sqaruar se zonat e gjuetisë do të jenë në sipërfaqe jo më të vogla se 500 hektar në terrenet fushore, jo më të vogla se 1 mijë hektar në ato malore, ndërsa rezervatet e mbarështimit të llojeve të faunës së egër, objekt gjuetie, krijohet në sipërfaqe jo më të vogla se 50 hektar. Këto territore ku do të lejohet gjuetia do të jenë 300 metra larg zonave të banuara, qendrave ekonomike, arsimore, sportive e fetare, si dhe 200 metra larg zonave të mbrojtura.

“Zonat e gjuetisë miratohen me vendim të Këshillit të Ministrave, me propozimin e ministrit përgjegjës për gjuetinë”, thuhet në projektligj.
Këto zona do të jepen me qira tek persona fizik ose biznese, përmes një konkurrimi publik. Qiraja e zonës do të jetë sa 50% e vlerës së gjuetisë vjetore të kafshëve të egra e llogaritur sipas çmimeve të tregut.

“Menaxhuesi i zonës së gjuetisë është personi fizik ose juridik, që përzgjidhet sipas një procedure konkurrimi për marrjen në përdorim të një zone gjuetie”, thuhet në pikën 11 të nenit 21 të projektligjit.
Statusi i zonës së gjuetisë do të hiqet për arsye të sigurisë kombëtare, nevoja të zhvillimit rural, kur ka keqpërdorim dhe kur nuk zbatohet kontrata me qiramarrësin. Për gjueti do lejohen vetëm llojet e faunës së egër që jetojnë në gjendje të lirë në natyrë dhe që janë riprodhuar, lista e lejuar do të miratohet nga Ministria.

Ndërkohë ndalohet gjuetia e llojeve të faunës së egër që mbrohen nga konventat ndërkombëtare, që janë të rralla, në rrezik zhdukjeje dhe i kategorive që janë pjesë e listës së mbrojtur. Gjuetia në këto kategori të ndaluara do të behet vetëm nëse ka mbiprodhim, ka situata pandemike apo prej tyre shkaktohen dëme, por për këto raste do të ketë autorizime nga ministri përgjegjës. Ndërsa do të ketë edhe vrasje emergjente të kafshëve nëse rrezikohet jeta e njerëzve.

Për gjuetinë e ligjshme do të ketë edhe sezone të përcaktuara nga ministria.

“Gjuetia ushtrohet vetëm brenda sezonit të hapur për gjueti duke respektuar periudhën e riprodhimit derisa të vegjlit të ndahen nga nëna, dhe të folezimit derisa të vegjlit të mësojnë të fluturojnë, që përcaktohet sipas kritereve gjeografike, klimatike dhe miratohet me vendim të Këshillit të Ministrave, me propozimin e ministrit përgjegjës për gjuetinë. Për çdo vit, ministria publikon hapjen e sezonit të gjuetisë në faqen e saj zyrtare”, thuhet në nenin 31.
Gjuetarët duhet të jenë shtetas shqiptar mbi 25 vjeç, që ketë leje për armë gjahu, kalon testin për të marrë lejen e gjuetarit si dhe është i padënuar për asnjë vepër penale e cila cenon jetën dhe shëndetin e njeriut. Sipas këtij ligji leja do jetë 5 vjeçare dhe gjuetia bëhet vetëm me armë dhe asnjë metodë tjetër.

Për gjuetinë, gjuetari do të paguaj tek menaxhuesi i zonës.

Neni 32- Pagesat për ushtrimin e gjuetisë:
1. Për ushtrimin e gjuetisë, gjuetari bën pagesën, e cila përfshin:
a) tarifën e lejes së gjuetisë;
b) tarifën për përdorimin e zonës së gjuetisë;
c) pagesën për çdo individ të vrarë të llojeve, objekt gjuetie.
2. Tarifat e parashikuara në shkronjat “a” dhe “c”, të pikës 1, të këtij neni, dhe mënyra e pagesës së tyre, miratohen me vendim të Këshillit të Ministrave, me propozimin e ministrit përgjegjës për gjuetinë.
Personat e pajisur me certifikatë gjuetari aplikojnë me kërkesë për leje gjuetie në portalin “e-Albania” dhe ngarkojnë dokumentet e përcaktuara. Në zbatim të këtij ligji do të ketë edhe gjoba nga 300 mijë lekë deri në 1.3 milionë lekë në varësi të shkeljes.

Me këtë nismë ligjore të re, shfuqizohet ligji i mëparshëm i gjuetisë si dhe moratoriumi, që ndalon vrasjen e kafshëve apo shpendëve.

Moratoriumi i gjuetisë, u vendos nga Ministria e Mjedisit më 2014, për të ndaluar vrasjet pa kriter të faunës në vend. Fillimisht ishte me afat 2 vjeçar, por më pas u shty herë pas here.

Policia e Durrësit ka arrestuar një 42-vjeçar i cili vidhte nëpër shezlongë dhe automjete sendet personale të pushuesve. Blutë bëjnë me dije se i arrestuari ishte shpallur në kërkim edhe për vjedhje të tjera të kryera më parë.

“Në vijim të operacioneve të njëpasnjëshme të zhvilluara nga Komisariati i Policisë Durrës, me qëllim zbardhjen dhe dokumentimin me prova ligjore të autorësisë së vjedhjeve të ndodhura më parë, si dhe bazuar në informacionet e siguruara nga këqyrja e kamerave dhe në prova të tjera të siguruara gjatë hetimit, në bashkëpunim me Stacionin e Policisë Manzë, u finalizua operacioni policor i koduar “Sendet”.

Në kuadër të operacionit, u bë kapja e shtetasit në kërkim I. B., 42 vjeç, banues në Manzë, Durrës, i dënuar më parë po për vjedhje dhe i shpallur në kërkim për vjedhje të tjera.

Nga hetimet e kryera dhe nga analizimi i pamjeve filmike, rezulton se ky shtetas është autor i vjedhjeve nëpër shezlongë të sendeve personale të pushuesve, si dhe i vjedhjes së një automjeti në Shkozet, Durrës.

Në bashkëpunim me Prokurorinë, vijon puna për dokumentimin e plotë ligjor të veprimtarisë kriminale të këtij shtetasi në fushën e vjedhjes së pronës, pasi dyshohet si autor i disa vjedhjeve të ndodhura më parë në territorin e qarkut Durrës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja”, njoftoi policia.

Sinjalet që vijnë nga agjentët e shitjes së pasurive të patundshme janë se tregu ka nisur të “ftohet”. Arsyet e ngadalësimit mund të jenë disa, por rritja e ndjeshme e cmimeve në dy vitet e fundit, sidomos në Tiranë, ka sjellë një stepje të qytetarëve për të blerë. Sipas të dhënave cmimet e pronave në Tiranë u rritën me shpejtësi dhe tashmë kanë arritur një nivel tavan ku nuk pritet rritje të mëtjeshme.

“Tregu i rishitjes ka qënë në vështirësitë e veta dhe arsyet kryesore janë që për dy vite me radhë janë njoftuar lajmet për dy fushata që njoftohen në kohë dhe konkretizohen pas disa muajsh. Nga ana tjetër cmimet në Tiranë u rritën me shpejtësi nga ndërtuesit. Kemi këshilluar që nuk ka më vënd për rritje dhe tregu nuk pritet të ketë më rrijte dyshifrore. Një tjetër rritje e cmimeve ka ardhur nga rritjet e papritura të referencës sic ndodhi me Tiranën, e cila Duke pataur parassush që 70% e aktiviteti ëhtë në tiranë. Pranadoj shikojmë këto lloj dinamish dhe duhet të presim rreth dy vite për të parë se si do vijojë. Ne kemi thënë që Tirana është në pjekurinë e duhur për cmimet duhet të presim vetëm indeksim apo ulje të cmimve“-tha Reinaldo Pipiria drejtor I shoqatës së agjentëve të pasurive të patundshme.

Por a presim që edhe pronat në zonat bregdetare do të pësojnë rritje cmimesh me të njejtin trend si ato në kryeqytet, pas zyratrizmit të cmimeve të refernecës?
Nuk mendojmë se bregdeti do të ketë të njëjtin fenomen.

Paralelisht me këtë situatë agjentët e pasurive të patundshme thonë se pjesë e rivlersimit të pasurive duhet të jenë edhe kontratat e porosive, pasi me to do të krijohet ide më e qartë e dinamikës së tregut të pronave në vend.

“Jemi pro që të rivlersohen edhe toka bansa në legalizim dhe kontrata porosie dhe kjo do të sillte formalzim të plotë dhe një infomacion të plotë të tregut . Një fushatë rivlersimi që përfshin dhe kontrat e porosisë do të na jepte një ide më të qartë të dinamikës dhe madhësisë të real estate”.

Nga 1 janari 2026 pritet të nisë fushata e pestë e rivlersimit të pronave me një tatim 5% dhe do të zgjasë 9 muaj.

Një ngjarje e rëndë ka ndodhur sot rreth orës 12:32 në rrugën “Ibrahim Rugova” në Gjilan, ku dy persona kanë mbetur të vdekur dhe dy të tjerë janë plagosur pas një të shtëne me armë zjarri. Ngjarja dyshohet të jetë kryer nga një person mashkull, shtetas i Kosovës, i njohur për Policinë e Kosovës, i cili për momentin ndodhet në arrati.

Zëdhënësi i Policisë për rajonin e Gjilanit, Ismet Hashani, konfirmoi rastin për Telegrafin dhe tha se autoritetet janë vënë në kërkim të të dyshuarit.

“Sot, më 10.08.2025, rreth orës 12:32, dyshohet se ka ndodhur një rast vrasje dhe plagosje me armë zjarri në rrugën ‘Ibrahim Rugova’ në Gjilan. Mjeku kujdestar ka konstatuar vdekjen e dy personave në vendin e ngjarjes, ndërsa dy të tjerë janë plagosur dhe janë dërguar në Qendrën Emergjente në Gjilan për trajtim mjekësor,” tha Hashani.

Ai shtoi se në vendin e ngjarjes kanë dalë njësitë e hetimeve rajonale, njësiti i krimeve të rënda dhe prokurori i shtetit, të cilët kanë nisur hetimet për zbardhjen e rrethanave të plota të rastit. “Policia e Kosovës, në bashkëpunim të ngushtë me Prokurorinë e Shtetit, po zhvillon hetime intensive për të ndriçuar motivet dhe detajet e kësaj ngjarjeje të rëndë,” tha më tej Hashani. /Telegrafi

Evropa nuk ka asnjë ekuivok, mbrojtja e interesave të Ukrainës do të jetë prioritare në bisedimet për paqe. Përpara samitit midis Vladimir Putin dhe Donald Trump në Alaska më 15 gusht, Evropa dhe Ukraina po mobilizohen për të bllokuar çdo mundësi të një marrëveshjeje paqeje midis SHBA-së dhe Rusisë që do të përfshinte transferimin e territorit ukrainas pa përfshirjen e Kievit.

Teksa e kanë përshëndetur vendimin e presidentit amerikan, Donald Trump, për t’u takuar me presidentin rus për t’i dhënë fund luftës në Ukrainë, udhëheqësit evropianë theksojnë fort nevojën për ta vazhduar trysninë mbi Moskën dhe për t’i mbrojtur interesat e sigurisë së Ukrainës dhe Evropës.

Marrëveshja mund të kërkojë që Ukraina t’i dorëzojë pjesë të mëdha të tokës së vet, gjë që sipas presidentit ukrainas Volodymyr Zelensky dhe aleatëve të tij evropianë, vetëm sa do ta nxiste agresionin rus.

“Negociata kuptimplotë mund të zhvillohen vetëm në kontekstin e një armëpushimi ose një reduktimi të armiqësive. Rruga drejt paqes nuk mund të vendoset pa Ukrainën. Ne mbetemi të përkushtuar ndaj parimit që kufijtë ndërkombëtarë nuk duhet të ndryshohen me force. Ne nënvizojmë angazhimin tonë të palëkundur ndaj sovranitetit, pavarësisë dhe integritetit territorial të Ukrainës”, thuhet në deklaratë.

Kjo u shkrua nga presidenti francez Emmanuel Macron, kryeministrja italiane Giorgia Meloni, kancelari gjerman Friedrich Merz, kryeministri polak Donald Tusk, presidentja e Komisionit Evropian Ursula von der Leyen, presidenti finlandez Alexander Stubb,  si edhe nga kryeministri britanik Keir Starmer.

Nënpresidenti amerikan, JD Vance u takua të shtunën në Londër me ministrin e Jashtëm britanik, David Lammy, dhe përfaqësues të Ukrainës dhe aleatëve evropianë për të diskutuar për përpjekjet e Trumpit për paqe.

Shtëpia e Bardhë po shqyrton mundësinë e ftesës së Volodymyr Zelensky në Alaska, ku Donald Trump do të takohet me Vladimir Putin javën e ardhshme. Ky opsion po shqyrtohet, megjithëse ende nuk janë finalizuar plane. Putin deri tani e ka përjashtuar mundësinë e një takimi me Zelenskyn, i cili ka deklaruar se është i gatshëm për bisedime të tilla të drejtpërdrejta.

Nga ana e tij, Zelensky shprehu menjëherë se Kievi “vlerëson dhe mbështet plotësisht” deklaratën e përbashkët të udhëheqësve evropianë për arritjen e paqes në Ukrainë, duke mbrojtur interesat ukrainase dhe evropiane.”

Trumpi do të takohet me Putinin në Alaskë të premten, për të biseduar për arritjen e një marrëveshjeje që mund ta zgjidhë konfliktin gati katërvjeçar. Hollësitë e një marrëveshjeje të mundshme nuk janë bërë ende të ditura, përvecc paralajmërimit të Trumpi që tha se ajo do të përfshinte “disa shkëmbime territoresh për përfitimin e të dyja palëve”.

Fitore në miqësore siguroi Napoli, që mposhti 3-2 Girona-n. Pas golit të Di Lorenzo-s rrugën e rrjetës e gjeti edhe Kevin de Bruyne, i cili realizoi ‘dopietë’. Këto ishin rrjetat e para të begut që pas ardhjes te skuadra e Conte-s.

Të shtunën festë pati edhe te Arsenal, që fitoi 3-0 miqësoren kundër Atletic Bilbao-s. Goli që zhbllokoi shifrat erdhi nga blerja e verës Victor Gyokeres, i marrë nga Sporting për 75 milionë euro. Më tej rrugën e rrjetës e gjetën edhe Saka e Havertz.

Dhjetëra mijëra njerëz dolën në rrugët e Tel Avivit të shtunën për të kërkuar fundin e luftës në Gaza, vetëm një ditë pasi qeveria izraelite njoftoi planet për të zgjeruar konfliktin dhe për të marrë nën kontroll qytetin e Gazës.

Protestuesit valëvitën pankarta dhe mbajtën fotografi të pengjeve që ende mbahen në territorin palestinez, duke kërkuar nga qeveria të sigurojë lirimin e tyre. Sipas vlerësimeve të gazetarëve të AFP, numri i pjesëmarrësve arrinte në dhjetëra mijëra, ndërsa një grup që përfaqëson familjet e pengjeve tha se mund të kenë marrë pjesë deri në 100 mijë persona.

 “Do ta mbyllim me një mesazh të drejtpërdrejtë për kryeministrin Benjamin Netanyahu: nëse pushtoni pjesë të Gazës dhe pengjet vriten, ne do t’ju ndjekim në sheshet e qyteteve, në fushatat elektorale dhe në çdo kohë e vend. Do t’ia kujtojmë popullit të Izraelit ditë e natë se ju mund të kishit siguruar një marrëveshje për pengjet, por zgjodhët t’i kishit ata të vrarë.”

“Plani i ri është thjesht një tjetër plan që do të dështojë, dhe shumë mirë mund të jetë fundi i pengjeve tanë, dhe sigurisht, do të marrë ndoshta edhe më shumë jetë të ushtarëve tanë. Nuk mendoj se do të funksionojë, asnjë nga planet deri tani nuk ka funksionuar.”

“Do të doja që kjo luftë të kishte përfunduar shumë kohë më parë. Mendoj se duhet të ishin bërë marrëveshje, sepse unë vërtet nuk besoj në vazhdimin e luftës; është një moment i trishtuar për mua dhe ndoshta për shumë njerëz.”

“Kjo nuk është një Kabinet i Sigurisë së Shtetit, kjo është një Kabinet Vdekjeje.”

“Paraqisni një propozim konkret për t’i dhënë fund luftës dhe për të siguruar kthimin e të gjithë pengjeve këtë javë, përpara se të fillojë operacioni ushtarak. Nuk ka kohë.”

Të premten, kabineti i sigurisë së Netanyahut miratoi planet për një operacion të madh për marrjen e qytetit të Gazës, duke shkaktuar kritika të ashpra brenda dhe jashtë vendit. Shumë vende aleate të Izraelit kanë kërkuar një armëpushim të negociuar për të siguruar lirimin e pengjeve dhe lehtësimin e krizës humanitare në Rripin e Gazës. Pavarësisht reagimeve dhe zërave për pakënaqësi në nivelet e larta ushtarake, Netanyahu mbetet i vendosur.

“Ne nuk do ta pushtojmë Gazën – ne do ta çlirojmë Gazën nga Hamas”, shkroi ai në rrjetet sociale të premten mbrëma. Që nga fillimi i luftës 22 muaj më parë, Netanyahu është përballur me protesta të rregullta, shumë prej të cilave kërkojnë marrëveshje për shkëmbimin e pengjeve me të burgosur palestinezë. Nga 251 pengje të marra gjatë sulmit të Hamasit në vitin 2023, 49 ende mbahen në Gaza, përfshirë 27 që ushtria i konsideron të vdekur.

Finalizohet operacioni policor i koduar “Night Strike”, nga Seksioni për Hetimin e Narkotikëve, në vijim të goditjeve së veprimtarisë kriminale të shitjes së drogave të forta në zonat turistike të qarkut.

Vihet në pranga 28-vjeçari, që shiste kokainë dhe kanabis në zonën e Livadhit.

Sekuestrohen sasi lëndësh narkotike, një pjesë e ndarë në doza gati për shitje, si dhe një shumë parash e dyshuar e përfituar nga kjo veprimtari kriminale.

Në vijim të kontrolleve për goditjen e veprimtarisë kriminale të shitjes së drogave të forta, falë administrimit të menjëhershëm të informacioneve të siguruara dhe në zbatim të planit të masave për garantimin e rendit dhe sigurisë në zonat turistike, shërbimet e Seksionit për Hetimin e Narkotikëve në DVP Vlorë në bashkëpunim dhe me Komisariatin e Policisë Himarë organizuan dhe finalizuan operacionin policor të koduar “Night Strike”.

Si rezultat i këtij operacioni, u arrestua në flagrancë, në fshatin Livadhë, Himarë, shtetasi M. P., 28 vjeç, banues në Elbasan.

Gjatë kontrollit fizik dhe të dhomës ku ky shtetas ishte akomoduar, Policia sekuestroi në cilësinë e provës materiale:
* sasi me lëndë narkotike kokainë në rreth 120 doza;
* sasi me lëndë narkotike kanabis në rreth 65 doza;
* një shumë parash, e dyshuar e përfituar nga kjo veprimtari kriminale.

Nga veprimet hetimore dyshohet se ky shtetas e përgatiste lëndën narkotike në doza në dhomën ku ishte akomoduar e më pas e shiste atë në zonat turistike të vijës bregdetare, të frekuentuara nga pushues dhe turistë të huaj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme procedurale.

Ekstradohet nga Italia një shtetas i kërkuar për veprën penale “Ushtrim i ndikimit të paligjshëm ndaj personave që ushtrojnë funksione publike”. Ai është 32-vjeçari Edison Cukaj, por që njihet dhe me emrin Edison Gjoka.

Policia thotë se ekstradimi i tij u bë i mundur në vijim të bashkëpunimit të ngushtë të specialistëve të Interpol Tiranës me homologët e Interpol Romës.

32-vjecari ishte i shpallur në kërkim ndërkombëtar, pasi në prill 2025, Gjykata e Posaçme e Shkallës së Parë për Korrupsionin dhe Krimin e Organizuar Tiranë, kishte vendosur masën e sigurisë “Arrest në burg” për veprën penale “Ushtrim i ndikimit të paligjshëm ndaj personave që ushtrojnë funksione publike”.

Mësohet se ky shtetas u zbulua në kuadër të operacionit të SPAK ”Ura” pasi ka ndikuar te polici i kufirit në Durrës, Naim Beluli që të hyjë pa u kontrolluar.

Bexhet Mema ishte personi që kishte biseduar me efektivin e policë për të kaluar Edison Cukajn-Gjokën. Por plani i tyre dështoi pasi Cukaj u ndalua në Portin e Barit nga autoritetet Italiane, pasi nuk dispononte dokumentacion të rregullt dhe është deportuar në Shqipëri.

Ky episod ka ndodhur në qershor 2022, ndërsa nuk dihet mënyra sesi Cukaj ka kaluar sërish për në shtetin italian ku dhe u arrestua së fundmi.

Njoftimi i policisë:

Interpol Tirana

Vijon bashkëpunimi me homologët për finalizimin e ekstradimeve të shtetasve të shpallur në kërkim ndërkombëtar, të kapur jashtë vendit.

Ekstradohet nga Italia një shtetas i kërkuar për veprën penale “Ushtrim i ndikimit të paligjshëm ndaj personave që ushtrojnë funksione publike”.

Në vijim të bashkëpunimit të ngushtë të specialistëve të Interpol Tiranës me homologët e Interpol Romës, në kuadër të operacionit “The Wanted”, u finalizua ekstradimi nga Italia në Shqipëri, i shtetasit E. C., alias E. Gj, 32 vjeç.

Shtetasi E. C., alias E. Gj, ishte i shpallur në kërkim ndërkombëtar, pasi në prill 2025, Gjykata e Posaçme e Shkallës së Parë për Korrupsionin dhe Krimin e Organizuar Tiranë, kishte vendosur masën e sigurisë “Arrest në burg” për veprën penale “Ushtrim i ndikimit të paligjshëm ndaj personave që ushtrojnë funksione publike”.

Në përfundim të procedurave në Komisariatin e Policisë Rinas, shtetasi E. C., alias E. Gj, iu dorëzua Drejtorisë së Përgjithshme të Burgjeve.

Ministria e Mbrojtjes në bilancin e sotëm ka bërë me dije se gjatë 24 orëve të fundit janë evidentuar 38 vatra zjarri, nga të cilat 31 janë shuar dhe 7 vijojnë aktive.

Aktualisht, janë aktive vatrat në:

Qarku Vlorë

Në bashkinë Finiq, forcat kanë punuar gjatë gjithë natës dhe vijojnë ende, për shkak të situatës. Për të siguruar jetën e banorëve, u evakuuan 15 familje nga fshati Velahovë dhe 36 familje nga fshati Livinë, pa probleme apo lëndime. Në mbështetje shkuan edhe 3 autoambulanca të Urgjencës Mjekësore. Ditën e sotme situata vazhdon të jetë problematike. Konkretisht: vatra mbi fshatin Hardhasov në bazë dhe të erës është problematike për në drejtim jugor për në Navaricë si dhe në drejtimin perëndimor të fshatrave Fitore dhe Krane. Në vatrën e zjarrit mbi fshatin Bistricë po operohet me mjete nga MZSH dhe efektivë të FA. Gjithashtu vazhdon me intensitet puna për shuarjen e vatrës mbi fshatin Dhrovjan dhe Krongj. Vatrat e sipërpërmendura kanë shtrirje të madhe dhe në terren të thyer, çka pengon operimin me mjete. Për këto arsye u kërkua edhe mbështetje nga ajri me helikopter. Momentalisht në terren po  operojnë: 37 forca zjarrfikëse me 6  automjete zjarrfikëse të bashkive Finiq, Sarandë, Konispol dhe Delvinë; 20 forca policore, 30 forca bashkiake dhe vullnetare; 28 efektivë  me 4 automjete zjarrfikëse, 1 autoambulancë dhe 1 autobot, 60 trupa dhe 1 helikopter i FA. Në terren në fshatin Dhrovjan po operon edhe avioni kroat Canadair.

Në vendin e quajtur “Rëzom”, në afërsi të Tunelit të Skërficës, te maja e Lucës, ku rrezikohen sipërfaqe pyjore me bredh dhe shkurre. Për shkak të terrenit të thyer është e vështirë të operohet me mjete nga toka. Ditën e sotme do kryhet ndërhyrje me inspektorët e AdZM.

Në fshatin Bolenë, Njësia administrative Horë-Vranisht, bashkia Himarë, ku vatra e zjarrit po zhvillohet në pyll me pisha. Në terren janë duke operuar forcat e MZSH së Himarës me 2 mjete zjarrfikëse, si dhe forcat e MZSH së Vlorës me 1 mjet zjarrfikës, banorë të zonës etj. Në mbështetje të strukturave vendore, në terren kanë shkuar edhe 20 efektivë nga FA.

Qarku Lezhë

Fshatin Malaj i Epërm, njësia administrative Rrëshen, bashkia Mirditë, ku zjarri është aktiv në sipërfaqe pyjore me pisha, lis dhe shkurre, në lagjen “Vjollcë”. Vatra e zjarrit është nën kontroll të plotë dhe sot do të punohet me 2  mjete zjarrfikëse, 6 Forca nga MZSH,  6 Forca nga shërbimi pyjor,  5 nga njësia administrative dhe 2 forca vullnetare.

Qarku Dibër

Malin e Allushit, në afërsitë fshatit Plani Bardhë, bashkia Klos, vatra e zjarrit është nën kontroll dhe po monitorohet nga 6 forca të MZSH dhe 1 mjet, për të mos patur zhvillime nga zjarri aktiv brenda vatrës ku akoma po digjen trungje.

Qarku Berat

Në bashkinë Poliçan, jashtë territorit të Uzinës Mekanike, në një sipërfaqe me shkurre dhe ullishte. Zjarri është nën kontroll që prej mbrëmjes së djeshme dhe ditën e sotme janë angazhuar 15 forca zjarrfikëse të MZSH Poliçan.

Qarku Shkodër

Fshatin Zagore, njësia administrative Shkrel, bashkia Malësi e Madhe  po punohet në terren të vështirë për shuarjen e zjarrit në një sipërfaqe me shkurre dhe barishte.

Në operacionet për shuarjen e zjarreve u angazhuan 66 automjete zjarrfikëse dhe 760 forca operacionale, të ndihmuar nga FA me 183 forca ushtarake, 3 automjete zjarrfikëse dhe  3 helikopterë të FA. Gjithashtu morën pjesë edhe 2 avionë Canadair nga Kroacia dhe Italia.

Vidhte nëpër shezlongë dhe automjete sendet personale të pushuesve; lokalizohet, kapet dhe vihet në pranga autori i dyshuar.

42-vjeçari ishte i shpallur në kërkim për vjedhje të tjera të kryera më parë.

Në vijim të operacioneve të njëpasnjëshme të zhvilluara nga Komisariati i Policisë Durrës, me qëllim zbardhjen dhe dokumentimin me prova ligjore të autorësisë së vjedhjeve të ndodhura më parë, si dhe bazuar në informacionet e siguruara nga këqyrja e kamerave dhe në prova të tjera të siguruara gjatë hetimit, në bashkëpunim me Stacionin e Policisë Manzë, u finalizua operacioni policor i koduar “Sendet”.

Në kuadër të operacionit, u bë kapja e shtetasit në kërkim Indeir Beqja, 42 vjeç, banues në Manzë, Durrës, i dënuar më parë po për vjedhje dhe i shpallur në kërkim për vjedhje të tjera.

Nga hetimet e kryera dhe nga analizimi i pamjeve filmike, rezulton se ky shtetas është autor i vjedhjeve nëpër shezlongë të sendeve personale të pushuesve, si dhe i vjedhjes së një automjeti në Shkozet, Durrës.

Në bashkëpunim me Prokurorinë, vijon puna për dokumentimin e plotë ligjor të veprimtarisë kriminale të këtij shtetasi në fushën e vjedhjes së pronës, pasi dyshohet si autor i disa vjedhjeve të ndodhura më parë në territorin e qarkut Durrës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja”.