Volodymyr Zelensky zhvilloi një takim intensiv me udhëheqjen ushtarake dhe përfaqësuesit e forcave të sigurisë së Ukrainës, ku është diskutuar planifikimi dhe prioritizimi i sulmeve “të thella” ndaj objektivave brenda Rusisë.

Siç njoftoi lideri ukrainas në një postim në Facebook, këto sulme janë “thjesht përgjigje ndaj sulmeve ruse në territorin ukrainas“.

Gjatë takimit, në të cilin morën pjesë Forcat e Armatosura, Shërbimi i Sigurisë së Ukrainës (SBU), Ministri i Mbrojtjes dhe Sekretari i Këshillit Kombëtar të Sigurisë dhe Mbrojtjes, u prezantuan të dhëna mbi efektivitetin e operacioneve thellë brenda territorit rus.

“Përfaqësuesit tanë analizuan shkallën e dëmit të shkaktuar ndaj Rusisë, efektivitetin e kostos së sulmeve dhe ndikimin e tyre në makinën ushtarake të agresorit”, tha Zelensky.

Sipas presidentit ukrainas, çështja kryesore mbetet rritja e kthimit të investimeve të vendit në armë me rreze të gjatë veprimi. “Është e rëndësishme që ekuilibri midis investimeve tona në lloje të ndryshme të armëve të tilla dhe rezultateve që arrijmë të bëhet gjithnjë e më i favorshëm për Ukrainën“, theksoi ai.

Zelensky tha se sulmet e fundit kanë shkaktuar dëme serioze në infrastrukturën ushtarake ruse, duke përfshirë depot e municioneve, objektet logjistike dhe bazat nga të cilat kryhen sulmet në territorin ukrainas.

“Ekonomia ushtarake ruse, linjat e furnizimit dhe pikat nga të cilat nisen sulmet ndaj Ukrainës kanë pësuar humbje të konsiderueshme”, theksoi ai, duke shtuar se përpjekjet e Moskës për të zgjatur luftën nuk do të jenë pa çmim.

Në fund të deklaratës së tij, presidenti ukrainas falënderoi ata që kontribuojnë në forcimin e mbrojtjes dhe aftësive ushtarake të vendit.

“Ne kemi vendosur përparësi si për sulmet e thella ashtu edhe për industrinë tonë të mbrojtjes. Jam mirënjohës për të gjithë ata që punojnë për fuqinë e Ukrainës. Jam krenar për ushtarët tanë!“, shkroi ai.

Autoritetet në Provincën Jugore Guangdong të Kinës kanë rivendosur taktikat e izolimit dhe të përmbajtjes në stilin e Covid-it për të frenuar një shpërthim të madh të virusit Chikungunya të përhapur nga mushkonjat, i cili tashmë ka infektuar mijëra njerëz.

Shpërthimi është përqendruar në Foshan, një qytet 170 km në veri të Hong Kongut, ku kanë ndodhur më shumë se gjysma e gati 8,000 rasteve të raportuara.

Zyrtarët lokalë thonë se individët e infektuar po karantinohen në reparte të posaçme izolimi ose spitale. Ata duhet të qëndrojnë në shtretër të mbrojtur nga rrjeta kundër mushkonjave për të parandaluar që mushkonjat të pickojnë pacientët dhe të përhapin virusin.

Autoritetet lokale kanë nisur një fushatë agresive kundër mushkonjave, duke u urdhëruar banorëve të eliminojnë të gjitha burimet e ujit të ndenjur brenda dhe përreth shtëpive të tyre. Punonjësit e komunitetit po kryejnë inspektime derë më derë dhe ata që gjenden në shkelje përballen me gjoba deri në 10,000 juanë (1,400 dollarë) ose edhe me akuza penale për pengim të përpjekjeve të shëndetit publik.

Kreu i BDI-së, Ali Ahmeti, ka marrë pjesë në protestën e organizuar nga veteranët e UÇK-së në Prishtinë, kundër padrejtësive që po iu bëhen ish-krerëve të UÇK-së nga Gjykata Speciale në Hagë.

Ahmeti deklaroi se shqiptarët nga të gjitha trevat u bashkuan në këtë protestë, në përkrahje të luftëtarëve të lirisë“Shqiptarët nga të gjitha anët – nga Struga, Kërçova, Gostivari, Tetova, Shkupi dhe Kumanova – sot vërshuan rrugët drejt pjesëmarrjes në këtë protestë kundër padrejtësive”, tha ai.

Ahmeti theksoi se shqiptarët gjithmonë kanë qëndruar të bashkuar si një trup i vetëm, por sot përballen me kërcënime ndaj identitetit dhe dinjitetit të tyre“Populli ynë historikisht ka qenë i bashkuar si një trup i vetëm. Por sot na është rrezikuar identiteti dhe dinjiteti. Prandaj, jemi këtu për të kërkuar liri për çlirimtarët që po trajtohen padrejtësisht nga Gjykata Speciale”, tha Ahmeti para protestuesve të mbledhur në sheshin “Skënderbeu”.

Ai deklaroi se UÇK-ja i është përmbajtur gjithmonë ligjeve ndërkombëtare të luftës dhe Konventës së Gjenevës.“Ajo asnjëherë nuk është marrë me të pafajshmit. Asnjëherë nuk ka vrarë civilë, gra, fëmijë apo pleq,” tha ai.

Në fund të fjalës së tij, Ahmeti ngriti alarmin se Serbia dhe përkrahësit e saj nuk janë pajtuar kurrë me të drejtat e shqiptarëve dhe se po bëjnë gjithçka për të zhbërë Pavarësinë e Kosovës.“Përmes Gjykatës Speciale të Hagës, ajo po përpiqet të përmbysë çdo arritje në Kosovë,” përfundoi ai.

Njëkohësisht, administrata Trump planifikon të zgjerojë gamën e të dhënave të detyrueshme që institucionet arsimore duhet të dorëzojnë, duke forcuar njëkohësisht kontrollin mbi saktësinë e këtyre të dhënave. Sipas një zyrtari të lartë të Shtëpisë së Bardhë, i cituar nga Bloomberg, Departamenti i Arsimit do të ketë tani mandatin për të ndërmarrë masa korrigjuese në rast se zbulohen të dhëna të paplota apo të pasakta.

Ky veprim është pjesë e planit më të gjerë të Presidentit Trump për të ristrukturuar arsimin e lartë në Shtetet e Bashkuara – një plan që përfshin tashmë edhe shkurtime prej qindra milionë dollarësh në fonde dhe grante për universitetet kryesore, përfshirë Harvardin dhe Princetonin. Urdhri ekzekutiv i ri synon gjithashtu të forcojë një urdhër të mëparshëm, i cili kishte në shënjestër programet e promovimit të diversitetit në universitetet amerikane.

Ministri i Financave Petrit Malaj ka bërë të ditur se numri i të punësuarve të rinj ka shënuar një rritje gjatë gjashtëmujorit të parë të vitit 2025 krahasuar me një vit më parë.

Në një postim në Facebook, kreu i financave bën të ditur se janë mbi 10 mijë e 500 punonjës të rinj më shumë, në krahasim me janar-qershor 2024.

“Numri i të punësuarve të rinj rezultoi me një ecuri pozitive në gjashtëmujorin e parë të vitit 2025. Shifrat e raportuara nga Administrata Tatimore flasin për 10,523 punonjës të rinj më shumë, në krahasim me janar-qershor 2024”, shkruan Malaj

Protesta në mbështetje të ish-drejtuesve të UÇK në Prishtinë, reagon kryeministri Edi Rama.

Ne nje postim ne rrjetet e tij sociale ai shprehet se “Vazhdoj pyes veten pse Kuvendi i Kosovës nuk e ka ngritur ende zërin përmes një rezolute pa dallime partish, në të cilën të rreshtohen sa e sa shkeljet faktike të normës elementare demokratike të procesit të rregullt ligjor nga ana e Tribunalit të Hagës, ku të drejtat e Hashim Thaçit e shokëve të tij të izoluar nga bota prej vitesh të tëra tanimë, janë shqelmuar si hiçasgjë?!

Natyrisht që në rast se Kuvendi i Kosovës do ta bënte këtë rezolutë të vonuar, ne do ta angazhonim menjëherë Kuvendin e Shqipërisë, për ta votuar të njëjtin tekst dhe për ta përcjellë zërin e krejt shqiptarëve në çdo shtet demokratik që e sponsorizon Tribunalin, e që nuk duhet të tolerojë asnjë cënim e jo më asgjësimin e procesit të rregullt ligjor me kontributin financiar të taksapaguesve të vet

Po, Liria ka emër dhe nuk është fajtore”

Pas protestës masive të zhvuilluar në Prishtinë, në mbështetje të luftëtarëve ish-drejtues të UÇK-së që po gjykohen në Hagë, ka reaguar edhe kryetarja e Kuvendit të Shqipërisë, Elisa Spiropali.

Kryeparlamentarja e cilësoi protestën si një zë të fuqishëm kundër një padrejtësie historike dhe një akt solidariteti gjithëshqiptar.do standard ligjor, moral e njerëzor,” shprehet Spiropali mes të tjerash në postimin e saj në rrjetin social Facebook.

Sipas saj, drejtësia nuk mund të përmbyset dhe viktimat nuk mund të shndërrohen në agresorë.

Postimi i plotë i Elisa Spiropalit:

“Protesta masive në Prishtinë rikonfirmoi indinjatën e thellë mbarëshqiptare ndaj padrejtësisë historike, si dhe mbështetjen ndaj ish-drejtuesve të UÇK-së, të cilët, në kundërshtim me çdo standard ligjor, ndërkombëtar, moral, logjik e njerëzor, po mbahen të mbyllur në hapsanën e Hagës; një akt kundër të drejtës, kundër lirisë, në abuzim me sovranitetin e një shteti të pavarur e demokratik.

Drejtësia nuk mund të përmbyset, viktimat nuk mund të shpallen agresorë dhe agresorët nuk mund të shiten si viktima”

Zjarri që ka përfshirë prej ditës së djeshme një pyll me pisha që shtrihet mes Patosit e Mallakastrës, po mbahet nën kontroll nga Emergjencat Civile në bashkëpunim me forcat e tjera nga dy bashkitë e përfshira.

Zëvendëskryeministrja, njëherësh ministre e Infrastrukturës dhe Energjisë, Belinda Balluku bëri të ditur se tashmë dhe një helikopter i ka ardhur në ndihmë trupave të ndodhura atje që nga dita e djeshme.

“Të gjithë po bëjnë maksimumin që këto sipërfaqe të mëdha të këtij pylli, që shtrihet mes Lofkëndit e Drenies, të mos dëmtohen më tej. Zjarrvënia e qëllimshme dënohet nga Kodi Penal”, theksoi Balluku.

Jashtë ndërtesës, dhjetëra protestues janë mbledhur, duke shprehur kundërshtimin e tyre ndaj mundësisë së zgjerimit të operacionit ushtarak. Siç theksojnë ata, një veprim i tillë do të vinte në rrezik të menjëhershëm jetën e pengjeve që ende mbahen në Rripin e Gazës.

Protestuesit po i kërkojnë qeverisë të zgjedhë rrugën e negociatave, me qëllim arritjen e një marrëveshjeje për t’i dhënë fund luftës dhe për lirimin e të gjithë pengjeve.

Ekipi i prokurorit special që po heton parregullsitë e dyshuara në lidhje me gruan e ish-presidentit të Koresë së Jugut, Yoon Suk Yeol, raportoi sot se një përpjekje  për të ekzekutuar një urdhër arresti kundër ish-presidentit të Koresë së Jugut dështoi këtë mëngjes.

Hetuesit që po hetonin gruan e Yoon-it  ish-zonjën e parë Kim Keon Hee  u tërhoqën nga Qendra e Paraburgimit në Seul, ku Yoon po mbahet tashmë, “për arsye sigurie”, duke besuar se kushtet nuk i lejonin ata të vazhdonin.

Tentativa për ekzekutimin e urdhrit të arrestit filloi në orën 8:25 të mëngjesit me përdorimin e masave shtrënguese, shpjegoi prokuroria, por u ndërpre në orën 9:40 të mëngjesit për shkak të rezistencës së fortë nga i dyshuari dhe shqetësimeve për rrezikun e lëndimit të shprehura në vend.

Rusia duket e entuziazmuar për një takim ballë për ballë mes Trumpit dhe Putinit, por duket shumë më e ftohtë ndaj idesë së një samiti trepalësh. Ndërkohë, nuk është e qartë nëse do të hyjnë në fuqi sanksionet që Trumpi ka kërcënuar se do t’i vendosë në mungesë të një marrëveshjeje për t’i dhënë fund luftës.

A fitoi diçka Putini?

Disa orë pas takimit në Moskë, sekretari amerikan i Shtetit, Marco Rubio, tha se Trump do të vendosë brenda 24-36 orëve nëse do të ecë përpara me vendosjen e sanksioneve të reja ndaj Rusisë dhe vendeve që blejnë naftën e saj – pra deri në afatin e 8 gushtit që vetë Trump i kishte dhënë Moskës për t’i dhënë fund luftës.

Në çdo rast, Putin ka fituar diçka që gjithmonë e ka dëshiruar – një vend në tryezë me Shtetet e Bashkuara, fillimisht përmes takimit me Witkoffin, dhe më pas, nëse ndodh, takimi i tij i parë me një president amerikan pas më shumë se katër vjetësh dhe i pari me Trumpin që kur ky mori detyrën për mandatin e tij të dytë presidencial në janar.

Si Trumpi, ashtu edhe Yuri Ushakov, këshilltari kryesor i Putinit për politikën e jashtme, kanë thënë se dy presidentët mund të takohen që javën e ardhshme.

Putini pritet të përfitojë më së shumti nga një takim dypalësh, i cili për momentin do të linte Zelenskyn dhe mbështetësit e tij evropianë jashtë loje.

“Trump dhe Putin ishin në një qorrsokak prej kur Trump shpalli afatin e tij”, shkroi analisti dhe profesori i politikës ruse, Sam Greene, në platformën Bluesky më 6 gusht.

“Këto bisedime të propozuara – nëse, sigurisht, ndodhin – janë një rrugëdalje. Mjaftueshëm përparim që Trump të thotë se kërcënimet e tij funksionuan, por jo aq sa të duket se Putini është dorëzuar. Por, është një lëvizje më e mirë për Rusinë sesa për këdo tjetër”.

A do të mbahet samiti trepalësh?

Kjo do të varet pjesërisht nga qëndrimi i Rusisë, e cila vazhdimisht e ka refuzuar idenë e një takimi me Zelenskyn, duke sugjeruar se ai duhet të ndodhë vetëm kur palët të jenë pranë nënshkrimit të një marrëveshjeje paqeje – jo thjesht një armëpushimi.

Ai moment duket ende shumë larg, duke pasur parasysh hendekun e madh mes qëndrimeve ruse dhe ukrainase për disa çështje madhore, përfshirë territorin dhe sigurinë, pavarësisht tre rundeve të bisedimeve të drejtpërdrejta në Turqi që nga mesi i majit. Putin e kishte refuzuar ofertën e Zelenskyt për t’u takuar ballë për ballë që në raundin e parë të negociatave në Stamboll.

Ndërsa Zelensky e promovoi idenë e një takimi trepalësh me Trumpin në komentet e tij më 7 gusht, Ushakov e minimizoi atë:

“Ne propozojmë, para së gjithash, të përqendrohemi në përgatitjen e një takimi dypalësh me Trumpin dhe e konsiderojmë më të rëndësishme që ky takim të jetë i suksesshëm dhe produktiv”.

Më vonë gjatë asaj dite, Putini tha se nuk ka asgjë kundër një takimi me Zelenskyn, por se “duhet të krijohen disa kushte” dhe se për momentin ato kushte janë “shumë larg”, raportoi agjencia Interfax.

Sekretari amerikan i Shtetit, Marco Rubio, në një intervistë për Fox Business më 6 gusht, sugjeroi se mund të kalojë kohë para se të ketë baza për një samit trepalësh mes Trumpit, Zelenskyt dhe Putinit.

“Nëse arrijmë të afrojmë mjaftueshëm atë që ukrainasit do të pranojnë dhe atë që rusët do të pranojnë, atëherë mendoj se ka mundësi që presidenti të zhvillojë një takim që përfshin si Putinin, ashtu edhe Zelenskyn, për të përmbyllur këtë çështje”, tha ai.

Ndërkohë, për Putinin, një takim me Trumpin mund të jetë një mundësi për ta shtyrë SHBA-në të pajtohet me disa nga kushtet e Rusisë për një armëpushim apo marrëveshje paqeje, dhe për të provuar që të bindë Uashingtonin të ushtrojë presion mbi Kievin që t’i pranojë ato para se të zhvillohen bisedime trepalëshe.

Në javët e fundit, Trump ka kritikuar shpesh Putinin, duke thënë se Shtetet e Bashkuara “dëgjojnë shumë budallallëqe” prej tij dhe duke e akuzuar për vrasjen e civilëve përmes sulmeve të pandërprera ajrore në Ukrainë, pavarësisht se ai thotë se dëshiron paqe.

Trump nuk dha hollësi se çfarë nënkuptonte “përparimin e madh” që tha se u arrit në takimin Witkoff-Putin. Rubio sugjeroi se rezultati kryesor ishte se SHBA-ja tani ka “një ide më të mirë të kushteve nën të cilat Rusia do të ishte e gatshme të përfundonte luftën”.

“Mendoj se elementët kyç të çdo fundi të luftës do të jenë territorialë” dhe se nëse do të ketë paqe, “duhet të ketë lëshime nga rusët dhe nga ukrainasit, sigurisht edhe nga këta të fundit”, tha Rubio.

Rusia pushtoi Krimenë dhe pjesë të lindjes së Ukrainës në vitin 2014 dhe tani kontrollon rreth një të pestën e vendit, përfshirë pothuajse të gjithë rajonin e Luhanskut dhe pjesë të mëdha të Donjeckut, Zaporizhjës dhe Hersonit – të cilat Moska pretendon padrejtësisht se i përkasin Rusisë.

Përveç neutralitetit të Ukrainës dhe kufizimeve të rrepta për madhësinë e ushtrisë së saj, një nga kushtet e deklaruara të Moskës për një marrëveshje paqeje është tërheqja e Ukrainës dhe njohja ndërkombëtare e këtyre rajoneve si ruse – diçka që Kievi e quan të papranueshme.

Putini dhe zyrtarë të tjerë rusë kanë thënë vazhdimisht se Moska synon t’i marrë këto katër rajone tokësore me forcë, nëse nuk mund ta bëjë këtë përmes negociatave, dhe nuk ka shenja publike të ndonjë ndryshimi të këtij pozicioni – edhe pse analistët ushtarakë thonë se forcat ruse do ta kishin shumë të vështirë ta arrinin këtë objektiv në një të ardhme të afërt.

Ilan Berman, nënkryetar ekzekutiv i Këshillit Amerikan për Politikën e Jashtme dhe anëtar i bordit të Radios Evropa e Lirë, tha se dyshon që Rusia është e gatshme të bëjë lëshime.

“Është e vështirë të imagjinohet që kërkesat e palës ruse në tryezën e negociatave të ndryshojnë nga objektivat që ajo po përpiqet t’i arrijë në fushëbetejë”, tha Berman për Shërbimin rus të Radios Evropa e Lirë.

“Kremlini deri më tani nuk është tërhequr nga kërkesat e tij maksimaliste dhe nuk ka arsye të besohet se Moska është gati për kompromis, madje as për çështje të vogla”.

Tatyana Stanovaya, studiuese në Qendrën Carnegie për Rusinë dhe Euroazinë, tha gjithashtu se Rusia duket e papërgatitur të ndryshojë qëndrim ose t’i zbusë kërkesat e saj.

“Nuk vërej ndonjë ndryshim thelbësor në taktikat e Rusisë ndaj Trumpit ose Ukrainës”, shkroi ajo në X – që më herët njihej me emrin Twitter.

“Witkoff udhëtoi në Moskë dhe dëgjoi saktësisht atë që do të kishte dëgjuar pavarësisht presionit të sanksioneve: që lufta mund të përfundojë në çdo moment, me kusht që të adresohen të ashtuquajturat ‘shkaqe rrënjësore’”.

“Sido që të formulohen këto kushte, ato reduktohen në të njëjtin kërkesë: Ukraina të ndalojë rezistencën, Perëndimi t’i ndalojë furnizimet me armë dhe Kievi t’i pranojë kushtet e Rusisë, që në thelb përbëjnë një kapitullim de facto”.

Ministri i Mbrojtjes, Pirro Vengu, ka ndjekur nga afër operacionin për shuarjen e zjarreve në fshatrat Lofkënd dhe Drenie, në zonën mes Bashkisë së Patosit dhe asaj të Mallakastrës, ku një sipërfaqe me pisha dhe bimësi të dendur është përfshirë nga flakët.

Operacioni për izolimin dhe shuarjen e zjarrit po vijon me ndërhyrje nga toka dhe ajri, ndërsa në terren janë angazhuar trupat e Forcave të Armatosura në bashkëpunim të ngushtë me emergjencat civile të qarkut Fier dhe shërbimet zjarrfikëse nga disa bashki dhe institucione.

-2 automjete zjarrfikëse të FA-së

-1 zjarrfikëse nga bashkia Lushnjë

-1 zjarrfikëse nga bashkia Fier

-2 mjete të kompanisë Albpetrol

-1 zjarrfikëse nga bashkia Roskovec

Vengu vlerësoi profesionalizmin dhe përkushtimin e të gjitha forcave të angazhuara, duke theksuar se mbrojtja e jetës së qytetarëve dhe e mjedisit mbetet një prioritet absolut.

Sipas autoriteteve, puna për neutralizimin e plotë të flakëve vijon me intensitet të lartë dhe me koordinim të ngushtë ndërinstitucional.

Përmes një postimi në rrjetin social “X”, Adraee deklaroi se “IDF vazhdon të veprojë me forcë të madhe kudo që kryhet aktivitet terrorist dhe raketa hidhen drejt Izraelit.”

Banorët janë këshilluar të zhvendosen drejt al-Mawasi, një qytet bregdetar beduin që është shpallur nga Izraeli si “zonë e sigurt” për civilët. Megjithatë, në këtë zonë aktualisht po strehohen deri në gjysmë milioni palestinezë, të cilët përballen me mbipopullim ekstrem dhe kushte të vështira jetese, mes mungesës së ushqimit, ujit dhe ndihmës mjekësore.

“NewMed”, partner në Leviathan, një nga fushat më të mëdha të gazit natyror të Izraelit në Mesdhe, njoftoi nënshkrimin e marrëveshjes për eksportin e gazit natyror me Egjiptin në vlerë 35 miliardë dollarë.

Marrëveshja midis partnerëve të Fushës së Gazit Natyror Leviathan dhe Egjiptit është marrëveshja më e madhe e eksportit në historinë e vendit.  Në një deklaratë “NewMed” tha se 130 miliardë metra kub gaz natyror do të eksportohen në Egjipt nga fusha Leviathan deri në vitin 2040.

Një marrëveshje që mbulon furnizimin me 60 miliardë metra kub gaz u nënshkrua midis Egjiptit dhe Izraelit në vitin 2019. Furnizimet me gaz për Egjiptin filluan menjëherë pasi fusha Leviathan u bë funksionale në vitin 2020.

Ndërkohë, Kombet e Bashkuara raportojnë se 87% e territorit të Gazës është kthyer në zonë ushtarake ose është në kushte evakuimi të detyruar, duke bërë që pjesa më e madhe e popullsisë të zhvendoset drejt kampeve të improvizuara të refugjatëve, ku mungesa e ushqimit dhe ndihmës është thelluar ndjeshëm.

Agjencitë e OKB-së kanë paralajmëruar për një uri të shkaktuar nga njeriu, duke theksuar se situata humanitare po përkeqësohet çdo ditë. Vetëm në 24 orët e fundit, katër persona kanë ndërruar jetë për shkak të kequshqyerjes, duke e çuar në 197 numrin total të vdekjeve të lidhura me mungesën e ushqimit, mes tyre 96 fëmijë.

Pavarësisht situatës kritike, Izraeli ka deklaruar se “nuk ka uri në Gaza”, duke theksuar se ka mbështetur shpërndarjen e ndihmave përmes Fondacionit Humanitar të Gazës (GHF) dhe ka lejuar gjithashtu dërgimin e furnizimeve nga ajri.

Por një grup ekspertësh të OKB-së kanë ngritur shqetësime të forta mbi operacionet e GHF-së, duke kërkuar pezullimin e këtij mekanizmi, pasi të paktën 859 persona janë vrarë në zonat pranë pikave të shpërndarjes së ndihmave që nga fillimi i operacioneve të tij.

Sipas tij, Specialja po e deformon historinë e Kosovës.

Gucati shtoi se Specialja po përhap narrativin “e rremë se Kosova është çliruar nga kriminelët”, duke shtuar se vendi është çliruar nga UÇK-ja, Shtetet e Bashkuara dhe NATO-ja.

“Kjo nuk është drejtësi, kjo është dhunë politike. Ky është kriminalizim i UÇK-së dhe ndërhyrjes së NATO-s”, tha ai.