Dashi
Të lindur më: 21 Mars – 19 Prill
Në dashuri, sot mund të ndiheni më të hapur ndaj partnerit dhe të shprehni ndjenjat tuaja me më shumë siguri. Në punë, një detyrë e re kërkon vëmendje të veçantë, por me përqendrim do të arrini rezultate të mira. Kujdesuni për shëndetin duke shmangur stresin dhe mbani një rutinë të qëndrueshme fizike. Financat paraqiten të qëndrueshme, por shmangni shpenzimet e kota dhe mendoni për kursime afatgjata.

Demi
Të lindur më: 20 Prill – 20 Maj
Marrëdhëniet romantike sot mund të përjetojnë një frymë të re, ndaj mos hezitoni të kaloni kohë cilësore me të dashurit tuaj. Në aspektin profesional, një bashkëpunim mund të sjellë përfitime të papritura, por kërkohet diplomaci në komunikim. Kujdesuni për shëndetin duke mos neglizhuar pushimin, pasi lodhja mund të ndikojë në energjinë tuaj. Financiarisht, mund të merrni një lajm të mirë në lidhje me një pagesë të vonuar.

Binjakët
Të lindur më: 21 Maj – 20 Qershor
Sot ndiheni të frymëzuar në dashuri dhe mund të bëni hapa të guximshëm drejt një lidhjeje të re ose përmirësimit të një marrëdhënieje ekzistuese. Në punë, idetë tuaja kreative do të vlerësohen, por mos harroni të qëndroni të fokusuar te detajet. Shëndeti është i mirë, por është koha të fokusoheni më shumë në ushqimin e shëndetshëm. Financat janë në rritje, sidomos nëse bëni investime të mençura.

Gaforrja
Të lindur më: 21 Qershor – 22 Korrik
Atmosfera në çift është e ngrohtë dhe mund të gjeni zgjidhje për mosmarrëveshje të vogla që ju kanë shqetësuar. Në punë, një koleg mund të ketë nevojë për ndihmën tuaj, dhe bashkëpunimi do të sjellë përfitime reciproke. Shëndeti kërkon vëmendje ndaj sistemit tretës, ndaj zgjidhni ushqime të lehta. Në aspektin financiar, bëhuni të kujdesshëm në menaxhimin e buxhetit për të shmangur shpenzimet e panevojshme.

Luani
Të lindur më: 23 Korrik – 22 Gusht
Në dashuri, sot mund të ndiheni më tërheqës dhe të kërkuar, duke sjellë pasion në marrëdhëniet tuaja. Në vendin e punës, pritet një mundësi e re që kërkon vendosmëri dhe vetëbesim. Shëndeti është në formë të mirë, por mos e teproni me aktivitetet fizike. Financiarisht, është një ditë e mirë për të planifikuar investime të ardhshme.

Virgjëresha
Të lindur më: 23 Gusht – 22 Shtator
Marrëdhëniet me partnerin mund të jenë më të qeta sot, duke ju lejuar të diskutoni çështje të rëndësishme me maturi. Në punë, organizimi i mirë do t’ju ndihmojë të përfundoni detyrat në kohë. Kujdesuni për shëndetin mendor, pasi një pushim i shkurtër do të bëjë mrekulli për energjinë tuaj. Në aspektin financiar, shmangni huazimet dhe përqendrohuni në kursime.

Peshorja
Të lindur më: 23 Shtator – 22 Tetor
Dita sjell harmoni në jetën tuaj sentimentale, duke ju ndihmuar të thelloni lidhjet ekzistuese ose të krijoni njohje të reja. Në punë, mund të merrni një propozim interesant që kërkon analizë të kujdesshme para se të pranoni. Shëndeti është i qëndrueshëm, por mos lini pas dore aktivitetin fizik. Financat janë në kontroll, por është mirë të bëni një rishikim të shpenzimeve të fundit.

Akrepi
Të lindur më: 23 Tetor – 21 Nëntor
Në dashuri, ndiheni të afërt me partnerin dhe mund të ndani ndjeshmëri të thellë sot. Në aspektin profesional, një projekt i rëndësishëm kërkon vëmendje maksimale dhe mund të sjellë shpërblime të mira. Kujdesuni për shëndetin duke mos neglizhuar gjumin dhe pushimin. Sa i përket financave, shmangni investimet e rrezikshme dhe mbani një qasje konservatore.

Shigjetari
Të lindur më: 22 Nëntor – 21 Dhjetor
Sot mund të ndjeni nevojën për më shumë pavarësi në marrëdhënie, ndaj komunikoni hapur me partnerin tuaj. Në punë, një sfidë e papritur do të kërkojë fleksibilitet dhe aftësi të mira zgjidhjeje. Shëndeti është i mirë, por mos e anashkaloni ushtrimet fizike për të ruajtur balancën. Financiarisht, është një ditë e mirë për të planifikuar dhe riorganizuar shpenzimet.

Bricjapi
Të lindur më: 22 Dhjetor – 19 Janar
Në aspektin sentimental, sot është dita e duhur për të sqaruar keqkuptimet dhe për të forcuar besimin reciprok. Në punë, mund të përballeni me detyra të shumta, por menaxhimi i mirë i kohës do të jetë çelësi i suksesit. Shëndeti kërkon vëmendje ndaj tensionit nervor, ndaj praktikoni relaksim. Financat qëndrojnë të stabilizuara, por shmangni shpenzimet impulsive.

Ujori
Të lindur më: 20 Janar – 18 Shkurt
Dita sjell optimizëm në marrëdhëniet tuaja, duke ju nxitur të merrni iniciativa të reja në dashuri. Në aspektin profesional, një ide origjinale mund të hapë dyer të reja për ju, por kini kujdes nga premtimet e mëdha. Shëndeti është i mirë, por mos neglizhoni hidratimin. Financat janë të qëndrueshme dhe është momenti i duhur për të bërë plane afatgjata.

Peshqit
Të lindur më: 19 Shkurt – 20 Mars
Në dashuri, sot është një ditë e qetë që ju lejon të reflektoni mbi ndjenjat tuaja dhe të forconi lidhjet me të afërmit. Në punë, mund të merrni vlerësim për një përpjekje të mëparshme dhe të ndjeni motivim të shtuar. Shëndeti është i mirë, por është e rëndësishme të mbani një ekuilibër mes punës dhe pushimit. Financat janë të mira, por rekomandohet kujdes me shpenzimet e vogla të përditshme.

The post Horoskopi 30 Korrik, ja çfarë kanë parashikuar yjet për ju appeared first on Albeu.com.

Sesioni i ri parlamentar në shtator do të nisë me diskutimet për Kodin e ri Penal, të bërë nga Arben Rakipi i shkollës së Magjistraturës dhe i prezantuar të premten nga Ministria e Drejtësisë.

Ky Kod i ri Penal është kundërshtuar jo vetëm nga opozita, por edhe nga juristët, si dhe nga drejtuesi i Prokurorisë së Përgjithshme, Olsian Çela, teksa në pjesën më të madhe të neneve, dënimet janë vetëm “burg, burg, burg”.

Një prej tyre është dhe shembulli i mëposhtëm. Sipas parashikimeve të nenit 424, pronarët e automjeteve që nuk kryejnë kontrollin teknik të mjeteve të tyre (kolaudimin), apo e kanë kryer në kundërshtim me ligjin dhe përbëjnë rrezik për jetën e njerëzve apo ndotin mjedisin, do të konsiderohet vepër penale dhe dënohet me gjobë ose burg deri në 2 vite.

Moskryerja e procedurave të kontrollit teknik të mjeteve

Moskryerja e procedurave të kontrollit teknik të mjeteve motorike, apo kryerja e tyre në kundërshtim me legjislacionin në fuqi, nga personi i cili ka për detyrë ta kryejë atë, kur kanë krijuar apo përbëjnë rrezik për jetën dhe sigurinë e njerëzve gjatë qarkullimit rrugor ose, kur kanë sjellë ndotjen tej normave të lejuara të ajrit, ujërave apo tokës, përbën kundërvajtje penale dhe dënohet me gjobë ose me burgim deri në dy vjet.

The post “Burg kush lëviz me automjete pa i bërë kolaudimin, duke sjellë ndotje dhe rrezik” – thuhet në Draft-Kodin Penal që “amniston” të burgosurit përjetë appeared first on Albeu.com.

Pjesëtarët e Brigadës së 72-të për Operacione Speciale në ushtrinë serbe dhe njëra prej brigadave speciale në ushtrinë e Kinës, i kanë kryer stërvitjet e përbashkëta në provincën Hebei të Kinës në periudhën 19-28 korrik.

“Stërvitjet i ka dhënë shtysë forcimit të bashkëpunimit ushtarak dhe e kanë përmirësuar aftësinë e ndërsjellë të ekipeve luftarake për të kryer detyra me forcat e armatosura të huaja dhe në mjedis ndërkombëtar”, ka deklaruar Ministria për Punë të Jashtme e Serbisë.

Këto kanë qenë stërvitjet e para të përbashkëta që janë kryer mes Kinës dhe Serbisë, vend kandidat për anëtarësim në Bashkimin Evropian, dhe njëkohësisht shtet që mban lidhje të ngushta me Pekinin dhe Moskën.

Në vjetët e fundit, Serbia, pavarësisht paralajmërimeve të Brukselit dhe Uashingtonit, e ka rritur bashkëpunimin ushtarak me Kinën – krahas atij politik dhe ekonomik – duke blerë armë kineze.

Serbia është bërë shteti i parë në Evropë që ka blerë sisteme kineze për mbrojtje ajrore FK-3.

Ministria serbe e Mbrojtjes ka bërë të ditur se ekipe të ndryshme luftarake kanë marrë pjesë në stërvitjet e përbashkëta “Paqeruajtësi 2025”, dhe janë marrë me sfida taktike në ambiente urbane dhe rurale.

“Fokusi ka qenë në taktikat e përdorimit të dronëve përgjatë zbatimit të detyrave të forcave speciale, dhe në aktivitete që kanë përfshirë zjarr”, është thënë në deklaratë.
Më 2020, Serbia i ka blerë gjashtë mjete të reja ajrore pa pilot CH-92A nga Kina, dhe dy vjet më vonë edhe tri sisteme për mbrojtje ajrore FK-3.

Kështu, Serbia është bërë përdoruese e raketave dhe dronëve kinezë në Evropë.

Përgjatë një prezantimi të pajisjeve të reja të ushtrisë serbe, në prill të vitit 2023, janë parë edhe pajisjet kineze.

Brukseli dhe Uashingtoni kanë shprehur vazhdimisht shqetësim për armët që blen Serbia prej Rusisë dhe Kinës.

Pas njoftimit për trajnim ushtarak, Brukseli ka thënë përmes një deklarate se Serbia duhet të përmbahet nga veprimet dhe deklaratat që bën dhe që janë në kundërshtim me politikën e jashtme të BE-së.

“Kemi nevojë që Serbia të na bindë për drejtimin e vet strategjik”, ka thënë një zyrtar i BE-së për Radion Evropa e Lirë, atëbotë.

Obligimi i Serbisë, si vend kandidat për anëtarësim, është që të jetë në linjë me politikën e jashtme të BE-së, diçka që Brukseli ia ka kërkuar vazhdimisht Beogradit.

Serbia është neutrale ushtarakisht, por është anëtare e programit të NATO-s, “Partneriteti për Paqe” dhe synimi i saj strategjik është anëtarësimi në BE.

Beogradi zyrtar tenton vazhdimisht të balancojë politikën e jashtme në mes të Perëndimit, Kinës dhe Rusisë, e cila është e izoluar nga sanksionet e Perëndimit, për shkak të luftës së nisur në Ukrainë. /Rel

The post Serbia dhe Kina përfundojnë stërvitjet e përbashkëta ushtarake appeared first on Albeu.com.

Granit Xhaka është gati të kompletojë transferimin e pritur te skuadra e Sunderland në Premier Ligën angleze.

Kontrata e tij me klubin e ri do të zgjasë deri në vitin 2028, ndërsa anglezët do të derdhin në arkat e Bajern Leverkusenit 15 milionë euro plus deri në 5 milionë euro të tjera si bonuse të mundshme.

Sipas të dhënave të gazetës “Blick”, Xhaka do të përfitojë rreth 4.5 milionë euro neto në vit, ndërsa do të jetë jo vetëm një nga udhëheqësit në fushë, por edhe kapiteni dhe lideri i skuadrës së re.

The post Zbulohen detaje nga kontrata e Xhakës me Sunderland, ja sa do të paguhet mesfushori shqiptar appeared first on Albeu.com.

Kryebashkiaku i Shkodrës, Benet Beci ka reaguar së fundmi lidhur me reagimet publike të dy aktorëve të pushuar nga puna në Teatrin “Migjeni” si rrjedhojë e “mungesës së efikasitetit, efektivitetit, produktivitetit dhe cilësisë në punë”.

Bëhet fjalë për aktorin Simon Shkreli dhe regjisorin Vladimir Doda, të cilët kanë pretenduar se janë larguar nga puna e tyre disa vjeçare padrejtësisht, duke akuzuar se të gjitha shkarkimet janë bërë me urdhër politik të Benet Becit.

Kryebashkiaku Beci shkruan se dy aktorët janë pushuar nga Teatri për shkak të mospërmbushjes së pritshmërive dhe objektivave të sezoneve teatrale.

“Ne nuk dimë se me çfarë meritash apo kriteresh janë punësuar në trupën e teatrit dy zotërinjtë me të cilët është ndërprerë raporti i punës, por bazuar në tetarin që mund të lexoni më poshtë, rezulton se asnjëri prej tyre nuk ka patur EFIKASITET, EFEKTIVITET, PRODUKTIVITET DHE CILËSI NË PUNË.

Talent lind, nuk të bën partia!”, shkruan Benet Beci në postim duke përjashtuar çdo mundësi të ndikimit politik në drejtimin e Teatrit të Shkodrës.

Reagimi i plotë i kryebashkiakut të Shkodrës:

Sqarim për opinionin publik

Në kuadër të riorganizimit në prag të nisjes së sezonit të ri artistik, pak ditë më parë Drejtoria e Kulturës në Bashkinë e Shkodrës bëri një bilanc të punës individuale të secilit nga pjesëtarët e trupës profesioniste të aktorëve të Teatrit Migjeni, falë të cilit u arrit në përfundimin që disa prej tyre nuk i kishin përmbushur pritshmëritë dhe objektivat e sezoneve të mëparshme.

Dëshirojmë të theksojmë se ky riorganizim jo vetëm që nuk cënon cilësinë apo numrin e shfaqjeve të programuara për sezonin artistik të ardhshëm të Teatrit Migjeni, por përkundrazi synon të forcojë dhe përmirësojë më tej veprimtarinë artistike dhe organizative të institucionit.

Në një trupë artistike, ashtu si në çdo sektor tjetër të administratës, ka detyrime të një kontrate pune, e cila në rast moszbatimi apo mosrealizimi, vjen një moment dhe ndërpritet.

Për më tepër kur këto mosrealizime nuk janë periodike, por për tre vite, 12 muaj pa ndërprerje, me kontributin e taksapaguesve shkodranë.

Në respekt të këtyre të fundit kemi detyrimin të mos lejojmë që asnjë nga paratë e tyre të përfundojë duke paguar rroga të pamerituara siç ka ndodhur për vite me radhë në këtë institucion. Bashkia Shkodër ka në themel të punës së saj përkushtimin dhe angazhimin e përditshëm maksimal dhe këtë e ka injektuar te çdo individ, duke filluar nga punonjësit e shërbimeve të bashkisë që pavarësisht kushteve të motit vijojnë punën për rritjen e cilësisë së jetës në qytet, e deri tek ata që mbushin sallat e sheshet me performacat e tyre artistike.

Por siç ndodh shpesh në një shoqëri të polarizuar si e jona në raste të tilla shfaqen pakënaqësitë, kundërshtimet dhe përdorimi politik i individëve. Furtuna në gotë kësaj radhe përfshiu gjithë skalionet politike të së djathtës në aksin Shkodër – Tiranë, paçka se gota ishte tërësisht e boshatisur.

Por e vërteta është krejt e ndryshme nga ky përdorim politik tipik. Sepse faktet janë në tetarin e shfaqjeve sipas viteve, aty ku shihet se sa ka shkelur në skenën e teatrit secili aktor i “Migjenit”.

Ne si bashki nuk kemi asnjë arsye të demaskojmë individët, por në këtë rast nuk kemi pse t’i fshehim paaftësitë individuale të aktorëve të larguar, madje nuk duam as të diskutojmë në këto rreshta se sa regjisorë i kanë skualifikuar si të papërshtatshëm dy personat e larguar nga puna.

Ne nuk dimë se me çfarë meritash apo kriteresh janë punësuar në trupën e teatrit dy zotërinjtë me të cilët është ndërprerë raporti i punës, por bazuar në tetarin që mund të lexoni më poshtë, rezulton se asnjëri prej tyre nuk ka patur EFIKASITET, EFEKTIVITET, PRODUKTIVITET DHE CILËSI NË PUNË.

Talent lind, nuk të bën partia!

Së fundmi, duam t’u kujtojmë të gjithë artdashësve shkodranë dhe më gjerë se para rreth një viti e gjysmë u ngrit një flakë kashte e ngjashme ”në mbrojtje” të Teatrit Migjeni, i cili do të “shkrihej”. Sot jemi të gjithë dëshmitarë të punës së bërë për forcimin e cilësisë artistike, shtimin e numrit të shfaqjeve si dhe përmirësimin e kushteve të punës për aktorët, regjisorët dhe për vetë publikun.

Sezoni i ardhshëm artistik do të jetë pa diskutim një sukses i vërtetë për Teatrin “Migjeni” dhe trupën e tij artistike – ashtu siç Shkodra e meriton!

The post Benet Beci “nuk kursen” aktorët: Nuk mund të fshehim paaftësinë individuale! Talent lind, nuk të bën partia appeared first on Albeu.com.

Duke filluar nga data 29 korrik, Vladimir Putin ka 10 ditë kohë për të arritur një armëpushim me Ukrainën, ndryshe Rusia do të të përballet me sanksione.

Presidenti amerikan Donald Trump u tha gazetarëve në avionin e tij Air Force One teksa kthehej nga Skocia, se duke filluar nga e marta, hyn në fuqi afati që ai i vendosi homologut rus.

Trump tha se Shtetet e Bashkuara do të vendosin tarifa dhe sanksione të tjera ndaj Rusisë nëse marrëveshja e armëpushimit nuk arrihet. Kreu i Shtëpisë së Bardhë tha se nuk e di ndikimin që tarifat mund të kenë ndaj Rusisë dhe se Putin ndoshta do ta vazhdojë luftën, por ky vendim do të përballet me pasoja.

Ditën e hënë gjatë një takimi me kryeministrin britanik Keir Starmer, presidenti amerikan vendosi një afat të ri ndaj liderit rus, duke kërcënuar me sanksione të reja nëse Moska nuk ndërmerr hapa për të ulur tensionet.

Afati i ri ishte 10 deri në 12 ditë, ndryshe nga ai prej 50 ditësh që kishte vendosur rreth dy javë më parë.

Sipas medias amerikane Bloomberg, masat që po shqyrtohen përfshijnë sanksione dytësore që do të godisnin jo vetëm Rusinë, por edhe vendet e treta që vazhdojnë të blejnë produkte ruse, siç është nafta.

Qëndrimi i Trump ndaj Vladimir Putin ka ndryshuar tërësisht javët e fundit. në fillim të mandatit të tij të dytë në Shtëpinë e Bardhë, Trump kishte thënë vazhdimisht se kreu i Kremlinit dëshiron t’i japë fund luftës, por Ukraina po bëhet pengesë. Së fundmi presidenti amerikan ka deklaruar të kundërtën, duke e kritikuar ashpër Vladimir Putin.

The post Trump thirrje Putin: Ke 10 ditë kohë për të arritur armëpushimin me Ukrainën appeared first on Albeu.com.

Deputeti shqiptar nga Bujanoci në Kuvendin e Serbisë, Shaip Kamberi, e ka dorëzuar një draft-rezolutë në këtë institucion lidhur me situatën e shqiptarëve në jug të Serbisë, dhe ka propozuar që kjo temë të jetë pjesë e dialogut mes Prishtinës dhe Beogradit. Në Serbi jetojnë më shumë se 60.000 shqiptarë, të cilët përbëjnë pakicën e katërt më të madhe atje, sipas regjistrimit të fundit të popullsisë më 2022.

Ata jetojnë në Luginën e Preshevës – term që përdoret për Preshevën, Medvegjën dhe Bujanocin. Në draft-rezolutën e Kamberit kërkohet që Kuvendi i Serbisë “të pranojë qasjen diskriminuese dhe të shprehë përkushtim institucional për të përmirësuar pozicionin e komunitetit shqiptar në komunat e Preshevës, Bujanocit dhe Medvegjës”. Dokumenti bën thirrje për zbatim të marrëveshjeve të viteve 2001, 2009 dhe 2013, dhe për pezullim të menjëhershëm të masave administrative për pasivizim të adresave.

Pasivizimi nënkupton fshirjen e qytetarëve prej adresave ku kanë qenë të regjistruar. Ky hap rezulton me humbjen e shtetësisë serbe, e rrjedhimisht të të gjitha të drejtave civile – përfshirë të drejtën për të votuar, për të pasur pronë, për të pasur sigurim shëndetësor e pension dhe për t’u punësuar. Kjo çështje është përmendur edhe në raportin e Departamentit amerikan të Shtetit për të drejtat e njeriut në Serbi, për vitin 2023.

Në të është thënë se pasivizimi i adresave duket se është kryer në mënyrë joproporcionale ndaj shqiptarëve, sidomos në Medvegjë. Përveç kësaj, në mesin e problemeve tjera të shqiptarëve janë përmendur edhe: mosnjohja e diplomave të lëshuara nga autoritetet e Kosovës, mungesa e një përfaqësimi të drejtë dhe proporcional në institucione shtetërore, pengesat në përdorim zyrtar të gjuhës shqipe dhe simboleve kombëtare, si dhe mungesa e zhvillimit ekonomik në atë rajon. Në draft-rezolutë është thënë se për shkak të mungesës së rezultateve nga përpjekjet e kaluara institucionale, propozohet që statusi i shqiptarëve në jug të Serbisë të përfshihet në dialogun mes Kosovës dhe Serbisë, “në kuadër të përpjekjeve gjithëpërfshirëse për të arritur paqe të qëndrueshme”.

“Miratimi i rezolutës do të ishte dëshmi e gatishmërisë politike për t’i zgjidhur problemet e zvarritura me dekada dhe për të garatuar qasje të barabartë për të gjithë qytetarët, pavarësisht etnisë – çka është kusht bazik për zhvillim demokratik dhe përparim drejt Bashkimit Evropian”, ka thënë Kamberi.

Draft-rezoluta është nënshkruar nga dy deputetë tjerë nga Partia për Veprim Demokratik e Sanxhakut. Drejtori i Zyrës për Kosovën në Qeverinë e Serbisë, Petar Petkoviç, e ka hedhur poshtë propozimin e Kamberit, duke thënë se pozita e shqiptarëve në jug të Serbisë nuk është, dhe nuk do të jetë pjesë e negociatave mes Serbisë dhe Kosovës.

“Nuk do të kenë sukses tentimet për ta keqpërdorur dialogun me Prishtinën dhe për ta instrumentalizuar politikisht nga politikanë të papërgjegjshëm në pjesën qendrore të Serbisë”, ka thënë Petkovio.

Ai pretendon se “Serbia njihet si shtet që ka bashkëpunim të jashtëzakonshëm me minoritetet dhe që është model për të gjithë në rajon”.

Kosova dhe Serbia dialogojnë në Bruksel, me ndërmjetësim të Bashkimit Evropian, prej vitit 2011. Palët i kanë arritur disa marrëveshje, por jo të gjitha janë zbatuar. Aktualisht dialogu është ngrirë edhe për faktin që Kosova ka Qeveri në detyrë me kompetenca të kufizuara. Përfaqësuesit e shqiptarëve nga jugu i Serbisë janë deklaruar shpesh për problemet dhe kanë thënë se diskriminohen, diçka që Beogradi e mohon.

Autoritetet e Kosovës kanë përsëritur disa herë se janë të përkushtuara për të ngritur zërin për shqetësimet e banorëve të Luginës së Preshevës, dhe kanë ndarë miliona euro si ndihmë për ta. Megjithatë, mungesa e investimeve dhe barrierat e vazhdueshme besohet se kanë ndikuar në largimin e rreth 20.000 shqiptarëve prej këtij rajoni, kryesisht drejt shtetit të Kosovës./ REL

The post Deputeti shqiptar i Kuvendit të Serbisë: Situata e Luginës së Preshevës duhet të jetë pjesë e dialogut në Bruksel appeared first on Albeu.com.

Ish-kryeministri i Kanadasë, Justin Trudeau dhe ylli i muzikës pop, Katy Perry, janë fotografuar së bashku në një nga restorantet më të njohura në Montreal.

Në foton e publikuar, Katy Perry duket mjaft e qeshur pranë ish-kryeministri kanadez ndërsa nuk dihet nëse ishte një takim miqësor apo romantik. Megjithatë rrjeti ka shpërthyer në komente.

Mësohet se Katy Perry ndodhet në Kanada për një turne muzikor. Nga ana tjetër vlen për tu theksuar se Justin Trudeau, është beqar prej vitit 2023, kur bëri publike ndarjen nga Sophie Gregoire Trudeau pas 18 vitesh të martuar.

Së fundmi edhe artistja Katy Perry bëri me dije ndarjen nga Orlando Bloom. Mbetet për tu parë nëse kemi të bëjmë me një kapitull të ri për Justin Trudeau dhe Katy Perry.

The post Pas ndarjes, një fillim i ri? Ish-kryeministri i Kanadasë, Trudeau dhe Katy Perry shkaktojnë thashetheme! appeared first on Albeu.com.

Modelja Danja Koka, në një intervistë ekskluzive për “Pushime on Top”, foli për jetën e saj private.

Ajo pranoi se është xheloze dhe tregoi disa raste.

“Unë them nuk jam xheloze. Por e kam kapur veten një dy herë duke kontrolluar. E di që nuk është mirë, por ne gocat ndonjëherë e kërkojmë shejtanin aty ku nuk është”, tha Danja.

E pyetur nga moderatorja Lei Kraja, modelja pohoi se ka përdorur edhe llogari false në rrjetet sociale.

“E kam hapur vetëm tre muaj dikur para tre vitesh. Kisha një profil fals. Pastaj i thashë vetes ‘o goc për çfarë të duhet’. E lashë pastaj, e hoqa. Do të thuash ti a më duhet ndonjëherë për të parë… u them shoqeve të mia”.

The post “Jam shumë xheloze”, rrëfehet Danja Koka: E kapa veten duke… appeared first on Albeu.com.

Onejda Ymeraj ju cënua e liria dhe fshehtësia e korrespodencës dhe e drejta për mbrojtjen e të dhënave personale me këqyrjen e komunikimeve të postës elektronike dhe aplikacioneve on line që nuk duhet të bëheshin nga SPAK, por me vendim gjyqësor.

Ky është thelbi i vendimit të gjykatës kushtetuese që i dha pjesërisht të drejtë qytetares të cilës në shkurt 2024 ju sekuestrua telefoni mbasi ishte thirrur për tu pyetur si person që ka dijeni në hetimet ndaj Arben Ahmetaj. Pjesa tjetër e të drejtës ju dha edhe SPAK nga gjyqtarët kushtues që konstatojnë se ka pasur ndërhyrje me sekuestrimin e telefonit por kjo ndërhyrje është bërë me ligj dhe për interes publik.

Kushtetuesja foli edhe për pretendimin e Onejda Ymerit se i ishte cënuar e drejta e pronës private me bllokimin e telefonit nga hetuesit e SPAK pa kaluar përmes gjykatës, duke vlerësuar se kërkuesja nuk ka paraqitur argumente të mjaftueshme ndaj kjo kërkesë nuk mund të merret në shqyrtim. Ky vendim i kushtetueses prek mënyrën se si veprohet për këqyrjet elektronike dhe sekuestro e telefonave për të cilët nënkuptohet edhe sekuestrimi i korrespodencës së përdoruesit që sipas gjykatës kushtetuese duhet kryer sipas standardeve ndërkombëtare.

Në tre vjet SPAK ka sekuestruar 978 telefona, shumica në kushtet e flagrancës dhe pa vendim gjykate. Në rastin Ymeraj gjykata urdhëron se pavarësisht sekuestrimit të pajisjes apo vetë korrespodencës në kushtet e urgjencës gjykata thekson ndjekjen e garancive si edhe për rastin e sekuestrimit të të dhënave personale.

Gruaja u thirr në shkurt 2024 për t’u pyetur për llogari të procedimit penal në ngarkim të ish-zv kryeministrit Arben Ahmetaj.

“Ditën e thirrjes unë paraqita për të dhënë deklarimet”, shkruante në padi Ymeraj “për aq sa kisha dijeni dhe në të njëjtën ditë OPGJ më kërkuan tu dorëzoja telefonin personal”.

“Ndonëse kërkova të konsultohesha me avokatin, kërkesa u refuzua”, tha ajo.

Ymerit ju vendos në dispozicion procesverbali i datës 26 shkurt 2024 ku ishte vendosur nga SPAK sekuestrimi i aparatit telefonik, të cilin ajo e kundërshtoi në gjykatë edhe me pretendimin se ky bllokim telefoni e kishte penguar në punën e saj përsa kishte të shënuar numrat e telefoni, e-mailet dhe të dhëna të tjera.

The post Kushtetuesja “frenon” SPAK! Sekuestro e telefonave pa vendim gjykate, pranohet pjesërisht kërkesa e qytetares: Iu cenua e drejta appeared first on Albeu.com.

Një aksident i rëndë është regjistruar këtë të hënë në rrugën e Myltes, në Lezhë, ku një automjet tip Ford ka përplasur një fëmijë 10-vjeç, i cili po lëvizte me biçikletë.

I mituri ka mbetur i plagosur rëndë dhe është transportuar me urgjencë drejt Spitalit të Traumës në Tiranë, ku po merr ndihmën e nevojshme mjekësore.

Menjëherë pas ngjarjes, policia ka mbërritur në vendin e aksidentit dhe ka nisur hetimet për të zbardhur shkaqet dhe rrethanat e këtij incidenti.

Grupi hetimor po punon për të përcaktuar përgjegjësitë dhe për të kuptuar nëse janë respektuar rregullat e qarkullimit rrugor në momentin e përplasjes.

The post Aksident në Lezhë, automjeti përplas 10-vjeçarin me biçikletë, i mituri niset drejt spitalit të Traumës në Tiranë appeared first on Albeu.com.

Një aksident me pasojë plagosjen e një personi ka ndodhur pasditen e kësaj të marte në Bulevardin “Dëshmorët e Kombit”.

I plagosuri është dërguar me urgjencë në spital për të marrë ndihmë mjekësore ndërsa gjendja e tij ende nuk bëhet me dije.

Policia dhe grupi hetimor ndodhen në vendngjarje për të zbuluar shkaqet dhe rrethanat e aksidentit.

The post Aksident në Tiranë, plagoset një person, policia në vendgjarje appeared first on Albeu.com.

Modelja dhe influencerja e njohur, Sara Kolami, ka tërhequr vëmendjen e rrjeteve sociale pas publikimit të disa fotografive të reja nga pushimet e saj verore.

E veshur me bikini ngjyrë blu me motive limonësh, ajo pozoi mbi një ballkon me pamje mahnitëse nga deti, duke treguar stilin e saj të freskët dhe elegant për këtë sezon.

Në fotografitë e postuara, Sara shfaqet e relaksuar mbi një tapet që përputhet me bikini-t, ndërsa pranë saj ndodhet edhe një çantë plazhi me të njëjtin dizajn, duke krijuar një pamje të kuruar deri në detaj.

Pamja tropikale e sfondit me palma dhe det i ka shtuar edhe më shumë atmosferë pushimeve të saj.

Reagimet nga ndjekësit nuk kanë munguar, me shumë komente që lavdëronin zgjedhjen e veshjes dhe format e saj fizike.

Sara Kolami njihet për stilin e saj unik dhe shpesh frymëzon ndjekësit me kombinime verore që përçojnë freski dhe gjallëri.

The post Sara Kolami mahnit ndjekësit me bikini në pushimet buzë detit appeared first on Albeu.com.

E ftuar në emisionin “Live From Tirana” me Ronaldo Sharkën, ish-banorja e “Big Brother VIP 4”, Amber Candy, foli për jetën e saj pas daljes nga formati dhe planet që ka për të ardhmen, si në aspektin profesional ashtu edhe atë personal.

E pyetur nga moderatori nëse mendon të krijojë një familje dhe të ketë fëmijë, Amber u tregua e sinqertë, duke theksuar se ndonëse nuk e përjashton mundësinë e një bashkëjetese, nuk është gati për të marrë përsipër një përgjegjësi kaq të madhe si rritja e një fëmije vetëm.

Pjesë nga biseda:

Ronaldo: A do të krijosh një familje, të kesh fëmijë?

Amber: Në momentin që unë jam realiste, e marr jetën ashtu si më vjen. Nëse në jetë bëra një ndryshim, kjo nuk do të thotë që të deliroj me mendjen time. Absolutisht nuk mund të rri dot pa një familje, pa një bashkëjetesë, por fëmija është një përgjegjësi e madhe, nuk mendoj të adoptoj… Më duket shumë e vështirë. Ai fëmijë duhet të rritet normalisht, me nënë e me baba, natyral. Nuk duhet të deliroj në këtë jetë. Në këtë jetë ne nuk do të thotë që t’i bëjmë të gjitha dhe të marrim përsipër gjëra që mund të mos i bëjmë dot dhe që të rrezikojmë për një të tretë, për jetën e një të treti.
Ronaldo: Mendon për pasojat që mund të ketë tek fëmija?

Amber: Absolutisht që po.

Ronaldo: E lidh këtë me mentalitetin shqiptar?

Amber: Jo, sepse nëse unë do të ecja me mentalitetin shqiptar, nuk do të isha kjo që jam. Por ai fëmija, duhet të rritet me një nënë e baba natyral dhe duhet të ketë një jetë të lumtur e të mos ketë trauma.

The post Amber Candy: Nuk rri pa një bashkëjetesë, por s’mund të adoptoj një fëmijë! appeared first on Albeu.com.

Stresi ka ndezur rrjetin me një story të fundit në Instagram, ku ndan një bisedë private me dikë që i propozon një takim në jug. Përgjigjja e tij?

“Pot kisha fiksim do vija”, e ndjekur nga një koment i shkruar me të madhe: “fixim kam vetëm bkc-n’.

Ajo që tërheq më shumë vëmendje është përmendja e BKC, që ndjekësit e tij e lidhin menjëherë me ish-të dashurën e tij, Kejsi, e cila ka këtë emër përdoruesi në Instagram.

Nuk dihet nëse ky postim është një tentativë për t’u lidhur sërish me Kejsin apo një ironi e qëllimshme ndaj mesazheve që merr.

The post “Fixim kam vetëm…”/ Stresi i hedh kunja ish-partneres? appeared first on Albeu.com.

Presidenti i Ukrainës, Volodymyr Zelensky, e ka nënshkruar të martën një ligj që ua mundëson ukrainasve mbi 60 vjeç që t’iu bashkohen forcave të armatosura, të cilat janë në pozitë të vështirë për të gjetur rekrutë, teksa lufta e nisur nga Rusia është nisur në vitin e katërt.

Ligji do t’iu mundësojë atyre të nënshkruajnë kontratë njëvjeçare për role joluftarake, nëse i kalojnë të gjitha testet mjekësore, sipas një shkrese të publikuar në faqen e parlamentit.

“Një numër në rritje i shtetasve të moshës 60-vjeçare apo më shumë, kanë shprehur dëshirën që vullnetarisht t’i bashkohen mbrojtjes së shtetit”, është thënë në shkresë.

“Është e domosdoshme që të përfshijmë numër më të madh të njerëzve që dëshirojnë ta mbrojnë sovranitetin dhe integritetin territorial të Ukrainës”.

Ukraina i ka lansuar disa iniciativa për të angazhuar më shumë njerëz në forcat e armatosura – përfshirë kontratat njëvjeçare dhe shtysat tjera financiare për personat e moshave 18-24 vjeç.

Ky shtet, gjithashtu, e ka zvogëluar moshën e mobilizimit nga 27 në 25 vjeç, në prill të vitit 2024, duke iu rezistuar thirrjeve të administratës amerikane që ajo të ulet edhe më tepër – në 18 vjeç.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre. /rel

The post Zelensky miraton ligjin e ri, ukrainasit mbi 60 vjeç do të mund t’i bashkohen ushtrisë appeared first on Albeu.com.

Përvec korrupsionit dhe fshehjes së pasurise ndaj Ilir Metës është ngritur akuza e pastrimit të parave.Kjo veper penale sipas Spak lidhet me episodin ku Ilir Meta ishte në krye të partisë LSI.

Sipas dosjes hetimore rezulton se është vërtetuar se egziston një lidhje interesash ekonomike dhe transaksione bankare midis kompanisë B.SK. shpk, kompanisë Unifi Communications Inc me president Adrian Shatkun, Partisë Lëvizja Socialiste për Integrim dhe Ilir Metaj e Monika Kryemadhi. Bazuar në faktin se:

1. Partia LSI për vitin 2016-2017 ka kryer pagesa të padeklaruara në shumën 369.785 USD për të kryer pagesat për shërbimet e ofruara nga kompania lobuese GSIS LLC.

2. Burimi i fondeve që kanë financuar kontratat e lobimit dhe konsulencës të partisë LSI, nuk është deklaruar sipas ligjit

3. Adrian Shatku dhe kompania Unifi Communication Inc kanë kryer pagesa në shumën 253.285 lekë për logari të partisë LSI me qëlim mbulimin e shpenzimeve që lidhen me ekzekutimin e kontratës së këshilimit që Lëvizja Socialiste për Integrim ka lidhur me kompaninë Global Security& Innovative Strategies LLC.

4. Ema Çoku i ka transferuar Adrian Shatkut dhe Unifi Communication Inc shumën 220,000 dolarë nga të cilat 100,000 USD janë derdhje cash të copëzuara brenda një dite në të njëjtën llogari nga persona pa të ardhura (punonjëse të B.S.K shpk).

5. Kompania B.S.K dhe vetë Ema Çoku, kanë paguar shuma nga 3,000 Euro; 4,465 Euro; 10,000 Euro; 867,000 lekë; 1,142,000 lekë deri në 4,100,000 lekë, për aktivitete të LSI-së dhe të përfaqësuesve të kompanisë JPM Strategic Solutions LLC që kanë kryer aktivitet në Shqipëri për llogari të LSI-së.

Me këtë cilësi, i pandehuri Ilir Metaj, ka ndërmarrë veprime aktive kriminale, me qëllim fshehjen e natyrës së vërtetë, origjinës dhe burimit të fondeve të cilat janë përdorur për të financuar kontratat e

lobimit, duke ditur që këto para janë produkt i veprës penale ose veprimtarisë kriminale.

Sipas Spak është vërtetuar që në marrëdhënien që Lëvizja Socialite për Integrim ka me Global Security& Inovative Strateges janë deklaruar shpenzime 93.761 USD, ndërkohë që është vërtetuar se Global Security& Inovative Strateges ka përfituar nga kjo marrëdhenie 463.546,26 USD apo 369.785 USD më shumë, se shuma e deklaruar në Shqipëri.

The post Dosja Meta, zbulohen lëvizjet e pagesave për kontratën lobuese, Ilir Meta pastroi para kur ishte kreu i LSI appeared first on Albeu.com.

Të paktën 112 persona u vranë në Gaza në 24 orët e fundit, duke e çuar numrin total përtej një momenti të zymtë prej më shumë se 60,000 që nga fillimi i luftës, sipas Ministrisë së Shëndetësisë të drejtuar nga Hamasi.

Spitalet lokale thonë se njerëz u vranë në sulmet ajrore dhe të shtënat izraelite, teksa shume prej tyre kërkonin ndihmë. Në zonën qendrore Nuseirat, spitali al-Awda tha se të paktën 30 persona u vranë, përfshirë 14 gra dhe 12 fëmijë.

Të paktën 14 persona të tjerë u vranë pranë një pike shpërndarjeje ndihmash, thuhet në njoftim, dhe më shumë se 100 të tjerë u plagosën.

Gjithashtu, mediat ndërkombëtare raportojnë se katër persona u vranë në një tendë gjatë natës në zonën bregdetare të al-Mawasi – ku Izraeli thotë se po ndërpret luftimet për 10 orë gjatë ditës për të ndihmuar në shpërndarjen e ndihmave.

Nëntë të tjerë u vranë në Khan Younis, thonë burime spitalore lokale dhe dëshmitarë. Spitali Al-Shifa tha këtë mëngjes se dy persona u vranë në një sulm me raketa në një apartament në qytetin e Gazës.

Një sulm i mëvonshëm vrau pesë anëtarë të një familjeje, ndërsa ekipet e shpëtimit kanë pasur vështirësi të arrijnë te viktimat e një sulmi tjetër.

Shkatërrimi që Izraeli i ka shkaktuar Gazës do t’u duhen vite që palestinezëve ta kapërcejnë, por do t’i duhen gjithashtu vite që Izraeli të kapërcejë dëmin që i ka shkaktuar qëndrimit të tij moral.

Perceptimet dhe mënyra se si njerëzit e shohin Izraelin, kanë ndryshuar, dhe ka një ndërgjegjësim gjithnjë e më të madh për këtë edhe brenda vetë Izraelit. Dy organizata izraelite për të drejtat e njeriut thanë dje se Izraeli po kryente gjenocid në Gaza.

The post Izraeli vazhdon sulmet vdekjeprurëse në qendrat e ndihmave, ndërsa banorët e Gazës presin ushqim appeared first on Albeu.com.

Një reagim ka ardhur nga Xhenneta në rrjete sociale, ku duket se ka hedhur një kunjë të drejtpërdrejtë ndaj Egli Takos. Kjo e fundit u ngjit së fundmi në skenë me flamurin shqiptar mbi supe, gjatë një koncerti ku mesazhet patriotike dominuan performancën e saj.

“Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah,” shkruan Xheneta, duke lënë të kuptohet se e konsideron këtë gjest më shumë si një veprim për klikime sesa si shprehje e vërtetë patriotizmi.

Ajo vijon më tej duke krahasuar artistët shqiptarë me ata amerikanë: “Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemer, jo n’story. Ata bien n’sy me sukses, jo me folklor për klikime.”

Në përfundim, ajo lëshon një kritikë të fortë:

“Përdorni gjithçka veç talentin – edhe njerëzit, edhe kombin. Të paftyrë me internet.”

The post FOTO/ Xheneta “thumbon” Eglin pas performancës me flamurin shqiptar: Përdorni gjithçka veç talentin, të paft*rë appeared first on Albeu.com.

Kanë kaluar më shumë se 40 vite, por dasma mbretërore e Princeshës Diana me Princin Charles më 29 korrik 1981 mbetet një nga ngjarjet më të komentuara në historinë moderne.

Ja disa nga sekretet më të pazakonta e prekëse që ndodhën në prapaskenat e asaj dite:

1. Diana humbi shumë peshë para dasmës
Nga stresi, Diana ra ndjeshëm në peshë. Stilistja Elizabeth Emanuel tregoi se ajo nga një bel 66-68 cm, përfundoi në 58 cm. Diana e pranoi më vonë se çrregullimi ushqimor nisi pasi Charles i kishte bërë një koment për trupin e saj.

2. Derdhi parfumin mbi fustan
Ndërsa po përgatitej, Diana pa dashje derdhi disa pika parfum mbi fustanin e bardhë. Grimerja e saj i sugjeroi që të mbante dorën mbi njollën, duke bërë sikur po ngrinte fustanin për të mos e shkelur.

3. Fustani i saj i gjatë i vuri në siklet shoqërueset
Pjesa e pasme e fustanit (bishti) ishte shumë i gjatë dhe kërkonte koordinim të kujdesshëm. Shoqërueseve të vogla Diana u tha thjesht: “Bëni më të mirën tuaj”, ndërsa ato përpiqeshin të mos e tërhiqnin shumë dhe të mos prishnin pamjen.

4. U përgatitën dy buqeta për nusen
Për të shmangur ndonjë incident si në dasmën e Mbretëreshës Elizabeth (ku humbi buqeta), për Dianën u përgatitën dy buqeta identike, një për të mbajtur, dhe një rezervë, në rast se ndodhte ndonjë problem.

5. Diana ngatërroi emrin e Charles gjatë betimit
Nga emocionet, ajo gaboi dhe e quajti “Philip Charles” në vend të “Charles Philip”. Me kaq shumë emra mbretërorë, ishte një lapsus njerëzor.

6. Fustani kishte një simbol për fat të mirë
Brenda fustanit ishte fshehur një patkua i vogël prej ari 18 karatësh, zbukuruar me diamante, një simbol klasik për fat në martesë.

7. Kishin përgatitur një çadër të veçantë në rast shiu
Nëse do të binte shi, stilistët kishin krijuar një ombrellë të dekoruar me të njëjtën dantellë si fustani. Për fat të mirë, koha qëndroi e kthjellët.

8. Camilla ishte në listën e të ftuarve
Pavarësisht lidhjes së mëparshme me Charles, Camilla mori pjesë në dasmë, për shkak të rolit zyrtar të burrit të saj në ushtri. Thuhet se Charles kishte shpërthyer në lot natën para ceremonisë,  ende i paqartë mes detyrës dhe ndjenjave për Camillën.

The post 8 sekrete nga dasma mbretërore e Princeshës Diana dhe Princit Charles appeared first on Albeu.com.