Presidenti i Serbisë, Aleksandër Vuçiç ka thënë të shtunën se ka biseduar me zyrtarin e lartë të Departamentit amerikan të Shtetit për Çështje Evropiane, Brendan Hanrahan, për partneritetin mes Serbisë dhe Shteteve të Bashkuara dhe që bashkëpunimi ekonomik produktiv duhet të jetë baza e marrëdhënieve mes dy vendeve. Vuçiç i ka bërë këto deklarata pak […]

The post DASH në Serbi, Vuçiç: Dialogu është rruga për zgjidhjen e çështjeve të hapura appeared first on BoldNews.al.

Ministria e Drejtësisë e Serbisë tha të premten se ka qenë shënjestër e sulmeve nga hakerët që nga 4 korriku, dhe se “sulmet kulmuan” me një sulm të hakerëve ndaj qendrës së saj për të dhënat gjyqësore. Në një komunikatë për media, ajo tha se e ka çaktivizuar plotësisht qasjen në rrjet në qendrën e […]

The post Serbia: Ministria e Drejtësisë në shënjestër të një sulmi kibernetik appeared first on BoldNews.al.

Në episodin e parafundit të ciklit “Brenda laptopit të Bllacës, nga kush kontrollohej agjenti i dyfishtë?” në emisionin Debat Plus, janë publikuar detaje nga komunikimet e Nazim Bllacës, dëshmitarit të shumëproceseve gjyqësore në Kosovë.

Sipas përgjimeve të publikuara, Bllaca i shprehte shqetësimet hetueses së EULEX-it, Zdenka Pumper, për bllokimin e rastit “Bllaca 4”.

Ai tregon asaj se do t’i dërgojë një letër përmes mikut të tij, Gjinoviq Radosllavit, prokurorit serb Miljko Radosavljeviq, me qëllim që ky i fundit ta përcjellë letrën drejt Brukselit.

Bllaca:  A po të pengoj diçka?

Zdenka: Jo, jo jo…

Bllaca: Dëgjomë, unë kam fol me Gjino, dhe ai thotë që e do komentin  në ora 9 të hënën. Unë e çoj në tavolinë te Mirko, a po kupton? Sepse atë dokumentin tim, a e kupton? Dhe ai do të thërras menjëherë…a e kupton?

Zdenka: Jo, nuk e kuptoj se çfarë dokumenti.

Bllaca: Tash kam fol me Gjinoviqin, ai thotë bone dokumentin që të bllokohet aty puna, i kam thanë Alleni mundet me kry komplet landën dhe çoje në Prokurori, mirëpo tash në Prokurori ka dal një guri i madh, a po kupton?

Zdenka: Më fal por nuk po të kuptoj.

Bllaca: Dëgjomë, unë kam fol tash, i kam thanë Alleni punon me ekipin dhe e ka kry landën për arat.

Zdenka: Po, po e kuptoj.

Bllaca: Po, tash ai e kalon te Prokuroria.

Zdenka: Po, tash veç është bë.

Bllaca: Po, është kry por ku është poenta? Poenta është se Prokuroria po ma bllokon punën, nuk don me shku deri në fund. Ai thotë shkruaje dokumentin me ma çu dhe unë do ta dërgoj në Bruksel direkt. Tash, të hënën shkon në Bruksel në orën 10 Gjino, dokumenti im.

Zdenka: Kur shkon?

Bllaca: Në ora 10 shkon dokumenti. Pse ky njeri don me dal prej procesit, a e kupton? Ne dojmë llogari pse, ku është problemi?

Zdenka: Ani, ata kanë me kërku prej Brukselit.

Sipas këtyre bisedave, Gjino, i përmendur nga Nazim Bllaca, kishte lidhje të forta brenda EULEX-it. Këto lidhje arrinin deri te zyrtarë shumë të lartë, përfshirë Allen Eduarsin, i cili ka shërbyer si shef i hetimeve në Njësinë për Hetimin e Krimit të Organizuar në EULEX.

Kjo konfirmohet edhe nga regjistrimi audio mes Bllacës dhe Pumper.

Bllaca: Po, po. A e din çka më tha? Më tha a je gjallë, ku ke qenë? Unë i thashë po don me më vra EULEX-i, po don me m’rreh EULEX-i. Ai veç keshi. Ai tha jo bre. Derisa të jetë gjallë Allen Eduards, mos u brengos, mos mendo për këtë punë – kështu më ka thanë ai.

Zdenka: Ndoshta edhe mua dojnë…

Bllaca: Tash unë për 2-3 orë e bëjë gati edhe e çoj të hënën.

Zdenka: Atëherë shkon të hënën në ora 10 në Bruksel.

Bllaca: Po, po

Zdenka: Zyrtarisht thua ashtu?

Bllaca: Po, po. Kjo shkon formalisht. Ai do të thërras direkt. Ai flet direkt çka bëhet nëse del ky njeri prej procesit. Natyrisht, kjo është goditje e madhe, a e kupton? Edhe shkruaj krejt, që kam punu edhe nuk kam flejt hiç prej pram.

Zdenka: Veç me pa, a e kam kuptu mirë. A i keni thanë atij se ju planifikoni, kur është ajo të enjten, kur takohemi, që ju do të shkoni te mediat?

Bllaca: Po, po. Ai thotë që çoje gjithçka me shkrim.

Zdenka: Unë për këtë po flas.

Bllaca: Dëgjomë, ai thotë se kjo nuk guxon me ndodh. Nuk mundemi me shku te kjo pikë sepse kemi investuar shumë në këto punë. A më kupton?

Zdenka: Po.

Bllaca: Tash do ta shkruaj dhe do ta çoj në shqip sepse ai e ka dikënd prej Shqipërisë aty që ia përkthen. Ka disa gra që punojnë aty, e din qysh funksionon aty. Veç dashta me të lajmëru.

Zdenka: Mirë që më ke lajmru, unë do t’iu tregoj edhe poshtë.

Në letrën “Çështja për tu trajtuar: ndihmë në zhbllokimin e situatës përmes Brukselit”, drejtuar prokurorit për krim të organizuar në Serbi, Miljko Radosavljeviq, Bllaca shprehet qartë se ai nuk do të dëshmojë më kundër Azem Sylës – në rastin Bllaca 4 – nëse nuk lirohet me kusht.

“Që nga prilli i vitit 2013 kam kam filluar të bashkpunoj me hetuesen Zdenka ne lidhje me çështjen  e pronave dhe kemi bashkpunuar pothuajse 20 muaj  dhe jam  shume i knaqur me bashkpunimin qe kam pas me Zdenken ne lidhe  me rastin e Azem Syle dhe kunder 9 personav tjerë.Pasi Zdenka ka perfunduar hetimet në lidhej  me pronat  dhe mashtrimi ndaj disa familjeve serbe ku bëhet  fjal  për  milion  euro   lënda ka përfunduar  fazen e hetimeve dhe shefi i policis me siguri.z.Alan  Edëars ka dorzuar në prokurori kete rastë për  10 persona jane pjes e krimit te organizuar. Lendën në prokurori  është duke e udhëheç Danilo Cecarelli prokuror special nga Eulex. Une jam takuar me kete pëson  dhe i kam then nëse  Ju z.Danilo nuk me lironi me kusht që unë e kam fituar  këtë  të drejt ather  unë  nuk  guxoj  të deshmoj kunder Azem Syles  dhe të tjerve sepse  Une në Pavionin D  jam  nën kontrrolit   e  Hajredin Kuqit  dhe Azem Syles  unë nuk  guxoj se me  vrasin si Agim Zogajn. Po të  donte  Brukseli  pasi une  kam  plotsuar  kriterin per  tu  liruar  Brukseli  do  ta zhbllokonte  situaten  dhe  do  te  me  lironte   permes  Hajredin  Kuqit  automatikisht”, thuhet në letërn e Bllacës.

Bllaca shpëtimin e kërkon në Beograd.

“Une  i  kam  thën  pasi  ju   nuk  keni fuqi  të  me  lironi  me  Kusht  Unë  Nazim Bllaca  do  të  terhiqem  se nuk guxoj  të  dëshmoj  kunder  Azem Syles a  në  realitet  Azem  Syla  dhe  partia e  tij  mua  me  japin  bukë  në  Dubravë. Unë  Nazim  Bllaca  pas  5 vitetve  bashkpunim  me  Eulexi-in  do  të  terhiqem  zyrtarish dhe  publikish  pa  vullnetin  tim  nga  rasti  Bllaca  4  kundër  Azem  Syles  dhe  të  tjerve. Takimi  mes  meje  dhe  z.Danilo  do  të  jetë  me  21  janar  2015  ne  Fush Kosovë  ku  zyrtarisht  do  te  terhiqem. Une  po  kërkoj  nga  ju  z.Radosavleviç  ndihmë     që  ju  te  intervenoni në  Bruksel  dhe  ata  ti  pyetni  pse  po  perzihet  politika   ne  rastin  Bllaca  4  në  krye  me Hashim Thaqit   për  mos  me  lirue  Bllacen nga  Burgu. Une  kerkoj  nga  Ju  që  ju të  pyetni  z.Jerosllava –kryeprokurore ,Danilon –prokuror dhe Alan Edwars-shef policie    se  a  ka  nderhy  politika  kunder  Bllaces  apo jo   veç  pèr  arsye  mos  me  fillu  procesi  Bllaca 4  sepse  ka  te  bej  me  profilin  e  lartët  politke”, thuhet më tej në letrën e Bllacës drejtuar prokurorit serb.

Bllaca në këtë letër thotë se Radosavljevici është personi i cili mund të ndikoj në Bruksel për ta liruar nga burgu.

“Ju lutem z.Radosavljevic ju  jeni    person  i cili  mund  të  ndikon  ne  Brkusel  lidhur  me  lirmin  tim  se  pa u   liruar  unë  nuk do  burgoset  kurrë  Azem Syla dhe  ju  e  di  dhe   keni  arsye  se  familjet  serbe  nga  Serbija  janë  viktima   të  grupi të Azem Syles. Dhe  ne  fund  kerkoj  nga  ju  intervenim  direkt ne  Bruksel  se  këtu  ne  Kosove  por  ka  edhe  ne  Eulex  disa  persona  që  kan  deshir  të  deshtoi  rasti  BLLACA  4.Ju  falenderoj  per  mirkuptim  i  nderuari  z.Radosavljevic dhe  kete  leter  ju  lutem  mund  ta  perdoreni  si  deshmi  edhe  ne  Bruksel në  emer  timin”, thuhet në letërn e Bllacës.

Bllaca u bë i njohur për publikun kosovar më 2009, kur doli në një konferencë të jashtëzakonshme për media, duke u vetëshpallur si agjent i Shërbimit Informativ të Kosovës (SHIK) dhe pretendimeve se informacione për vrasjet e pasluftës, raporton RTVDukagjini.

The post Bllaca mes EULEX-it dhe Beogradit: Si kërkonte lirimin përmes prokurorit serb dhe ndikimit në Bruksel appeared first on Telegrafi.

Presidentja e Kosovës, Vjosa Osmani, tha se ka “informacione të besueshme” se presidenti amerikan, Donald Trump, ka parandaluar së voni mundësinë e një përshkallëzimi të mundshëm të situatës nga Serbia në Kosovë.

“Ai (Trump) është shumë i qartë në deklaratën e tij se po flet për javët e fundit”, tha presidentja Osmani, duke theksuar se nuk bëhet fjalë për zhvillime të vitit 2023 apo 2020, por “për zhvillime shumë, shumë të vona”.

Ajo i bëri komentet gjatë një ligjërate në Uashington, ku, po ashtu, rikujtoi sulmin e shtatorit 2023 në Banjskë, duke e cilësuar atë si një “akt agresioni” nga Serbia – “të përgatitur tërësisht brenda Serbisë”.

“Ndaj, nuk duhet ta mohojmë mundësinë, sepse ka ndodhur më parë”, tha Osmani, duke iu referuar sulmit të armatosur të një grupi serbësh kundër Policisë së Kosovës, në të cilin mbeti i vrarë rreshteri Afrim Bunjaku.

“Meqenëse ka ndodhur më parë, parandalimi dhe frenimi janë thelbësorë. Dhe, ndonjëherë, parandalimi dhe frenimi kërkojnë më shumë sesa vetëm praninë e ushtrisë. Kërkojnë edhe udhëheqje politike. Duhet një telefonatë, një paralajmërim, dhe kjo është pikërisht ajo që ndodh kur Amerika merr një rol udhëheqës”, u shpreh ajo.

Në fjalën e saj, presidentja Osmani paralajmëroi se rreziqet nga Serbia janë të vazhdueshme dhe tha se ato nuk duhen nënvlerësuar.

Sipas saj, presidenti Trump ka bërë gjithçka që është në fuqinë e tij deri tani, për të siguruar ruajtjen e paqes në gjithë rajonin e Ballkanit Perëndimor.

“Dhe sigurisht, kjo fillon me frenimin e Serbisë”, tha ajo.

LEXONI GJITHASHTU:

• Shkarkimi i drejtorëve nga Rama, analisti: Ish-deputetë nga Amerika po vinë për…
• Lirimi i hapësirave/Lita: Problemi te pronarët, janë të pasigurtë në biznesin e tyre

The post Osmani në SHBA: Trump parandaloi një përshkallëzim të mundshëm nga Serbia appeared first on Euronews Albania.

Aleksandar Vuçiq vizitoi komunat që janë goditur ditët e fundit nga zjarre të mëdha që kanë kapluar Serbinë.

Gjatë vizitës së tij, u realizua një video që u përhap shumë shpejt në rrjetet sociale, raporton nova.rs.

Ndërsa presidenti serb po fliste me gazetarët, një nga shoqëruesit e tij i dha telefonin, duke i thënë se po e telefonon ministri i Bujqësisë, Dragan Glamoçiq.

“Glamoçiq, për këto fshatra… Prandaj janë të shtrenjta edhe kumbulla edhe qershia, se nuk ka. Edhe vishnje. Po e ndërpres lidhjen sepse nuk jam në qendër të Beogradit, por diku tjetër, Glamoçiq. Hajde, shiko tani vetëm si të ndihmohen njerëzit që janë goditur nga zjarret, ku u ka djegur bagëtitë. Nuk mundemi t’ua kompensojmë të gjithën, por aq sa mundemi, ndihmojini”, dëgjohet duke i bërtitur Vuçiq, ministrit në telefon, ndërsa po xhirohej nga gazetarët.

“Aty ku janë djegur bagëtitë nga zjarret, shiko si t’u ndihmojmë njerëzve. Nuk mund t’u japësh të gjithën, por aq sa mundesh, ndihmoji. Vizito çdo shtëpi. Hajde. Nuk është ‘provo dhe shiko çka mundesh’, por do ta bësh ashtu siç të thashë unë. Jo, more, do ta bësh siç të thashë unë, jo çka mundesh ti. Kjo është përgjigjja. Hajde, tungjatjeta”, shtoi Vuçiq.

Për shkak të më shumë se 100 zjarreve, të martën u shpall gjendje e jashtëzakonshme në pesë komuna serbe, ndërsa zjarrfikësve gjatë natës së të mërkurës u erdhi në ndihmë shiu që nuk kishte rënë për dy muaj, që nga fillimi i majit.

Fshati Dubovë në komunën e Zitorajës është pothuajse i tëri i djegur, ndërsa zjarri ka shkatërruar ose dëmtuar rëndë rreth 300 shtëpi, teksa pronarët e tyre e kanë parë të pafuqishëm se si u digjej pasuria. /Telegrafi/

“Uradićeš onako kako sam ti rekao a ne ono što možeš!” .. “E to je odgovor!”
“Razgovor” koji potvrđuje stvarnost u kojoj je Ustav države potpuno nebitan.pic.twitter.com/LJYX5ajgFw

— Rodoljub Sabic (@RodoljubSabic) July 9, 2025

The post Vuçiq e poshtëron para kamerave ministrin serb: Jo çka thua ti, po çka po them unë, a kuptove appeared first on Telegrafi.

Shqipëria fton Bullgarinë të bashkohet me aleancën trepalëshe, e cila përfshin edhe Kroacinë dhe Kosovën. Kjo iniciativë nuk bie ndesh me parimet e NATO-s.

Kryetarja e Parlamentit të Shqipërisë, Elisa Spiropali, në një agjenci të lajmeve në Bullgari “BGNES” ka folur edhe nëse iniciativa “Bota Serbe” përbën një problem sigurie për Shqipërinë dhe Ballkanin, transmeton Telegrafi.

“Lidhur me iniciativën ‘Bota Serbe’ të Presidentit Aleksandar Vuçiq, dua të deklaroj se çdo hap që shikon prapa, mbështetet në retorikën e së kaluarës që mund të jetë shqetësuese dhe tingëllon shqetësuese si për Kosovën ashtu edhe për Shqipërinë”.

“Është në interesin tonë të arrijmë përparim në negociatat dypalëshe për njohje reciproke midis Serbisë dhe Kosovës, si dhe përparim dhe hapje të rrugës që Kosova të ecë përpara, të ruajë paqen në Ballkan dhe të sigurojë stabilitetin në rajon dhe më gjerë”, theksoi Spiropali.

Ajo deklaroi se Tirana dëshiron të ndihmojë Prishtinën të bëhet anëtare e NATO-s dhe të integrohet më shpejt në aleancë, si dhe në disa organizata të tjera ndërkombëtare.

Kryetarja e Parlamentit të Shqipërisë foli edhe për aleancën trepalëshe të lidhur së fundmi midis Shqipërisë, Kroacisë dhe Kosovës.

Kur u pyet nga “BGNES” për rëndësinë e saj për sigurinë në rajon, Elisa Spiropali vuri në dukje se NATO si organizatë parashikon në statutin e saj ekzistencën e iniciativave rajonale në formate të tilla si ai që u zgjodh në këtë rast. “Kjo nuk është kundër dikujt, por për diçka,” shtoi ajo.

Elisa Spiropali deklaroi se kjo iniciativë trepalëshe nuk është pikërisht trepalëshe. “Ne e ftojmë Bullgarinë të bashkohet, si dhe çdo vend tjetër që ndan të njëjtat vlera dhe shikon në të njëjtin drejtim,” shtoi ajo. /Telegrafi/

The post Elisa Siropali: “Bota serbe” është e rrezikshme për rajonin appeared first on Telegrafi.

Një ngjarje e paprecedentë është regjistruar gjatë orëve të mbrëmjes së djeshme në Aeroportin e Beogradit ku shqiptarët të cilët kishin zgjedhur për të fluturuar me linjën “Air Serbia” janë torturuar me orë të tëra nga autoritetet serbe.

Ky skandal është publikuar mëngjesin e sotëm nga gazetari Blendi Fevziu, ku një prej shqiptarëve të cilët kishte zgjedhur për të fluturuar me këtë linjë nga Beogradi në Shqipëri ka denoncuar këtë ngjarje për të cilën duhet të merren menjëherë masa.

Sipas asaj që Fevziu bën me dije, referuar informacioneve të dhëna nga i riu i identifikuar si Orlando, shtetasit shqiptarë janë mbajtur me orë të tëra të mbyllur në autobus i cili ishte pa kondicioner dhe pa drita.

Në videot e publikuara dëgjohen fëmijë teksa qajnë, ndërkohë që një qytetarë u kërkon llogari efektivëve të Policisë të cilët ishin bërë kordon jashtë autobusit.

“Kjo nuk është normale. A jeni në rregull? Ka fëmijë këtu”, dëgjohet t’i thotë ajo, ndërkohë që sikur të mos mjaftonte me kaq, pas mbajtjes në mënyrë brutale në autobus, shqiptarët janë torturuar edhe në avionin e “Air Serbia”, ku është përsëritur e njëjta situatë.

“Kemi pritur me shume se 1 ore e 20 min me dyer te mbyllura ne nje bus plot me njerez. Fillova nga paniku se skishim ajer te hapja dritaret e siperme te busit, megjithate per shkak te temperaturave dhe njerezve te shumte ne bus ishte e pamundur te merrje mjaftueshem ajer.

Njerezit filluan te revoltoheshin dhe te qellonin xhamat me grushta njeherazi duke shpresuar se dikush do na degjonte. Po mbyteshim… femijet qanin. Pamja me e shemtuar dhe c‘njerezore qe kam pare ishte kur policia serbe dhe shoferi i autobuzit afrohen perballe me autobuzin dhe shihnin sesi ne kerkonim ndihme te hapnin dyert e nuk benin asgje.

Ne nje moment vajza ime 13 vjece merr ate pajisjen qe eshte per emergjence per thyerjen e xhamave dhe thyen xhamin e deres. Ne ato momente filluam te merrnim ajer”, u shpreh gruaja që postoi videon.

The post Skandal në aeroportin e Beogradit, autobusi me shqiptarë bllokohet nga policia appeared first on Lapsi.al.

Një pamje që ka qarkulluar në rrjetet sociale ku shihet një pjesëtar i xhandarmërisë serbe, duke mbajtur në uniformë një emblemë me simbole ruse ka nxitur reagime.

Pjesëtari i xhandarmërisë serbe thuhet se ishte i përfshirë në ndërhyrjen ndaj protestuesve në Beograd, dhe në uniformë kishte emblemën me simbole ruse dhe mbishkrimin “Dimitrij Donski” – një figurë historike ruse që sot simbolizon ideologjinë nacionaliste dhe militariste pro-Kremlinit.

Eksperti i sigurisë, Avni Islami, në një reagim publik, e cilësoi këtë si një dëshmi alarmante të ndërthurjes ideologjike ruso-serbe brenda institucioneve shtetërore të sigurisë.

“Simbolet e Rusisë në uniformat e xhandarmërisë serbe janë dëshmi alarmante e ndikimit ideologjik në institucionet e sigurisë të Serbisë,” tha Islami.

Ai shtoi se prania e emrit të princit rus të shekullit XIV, Dmitrij Donski, në këtë kontekst, nuk është e rastësishme.

“Në emër të tij marshojnë ata që besojnë në ‘Botën Ruse’ – një koncept ideologjik që promovon përplasjen me Perëndimin, luftërat ‘të shenjta’, dhe përhapjen e ndikimit rus përtej kufijve të saj”, ka thënë Islami.

Për të ky rast nuk mund të trajtohet thjesht si një incident i izoluar, por si tregues i një tendence më të gjerë e më të rrezikshme.

“Fakti që ky simbol gjendet në uniformën e një efektivi të xhandarmerisë serbe, i cili ndërhyn ndaj qytetarëve të vet protestues, është më shumë se një incident – është një tregues i rrezikshëm i ndërthurjes ideologjike mes Rusisë dhe Serbisë në nivel institucional”, ka shkruar Islami.

Ai ka edhe një apel duke theksuar se “Historia na ka mësuar se kur ideologjitë ekstremiste dhe strukturat e dhunës bashkohen, pasojat janë gjithmonë shkatërruese. Është koha për vigjilencë dhe për një analizë të thelluar të ndikimeve të jashtme në aparatin shtetëror serb”. /Telegrafi/

The post Xhandarmëria serbe me simbole ruse, Islami: Nuk është rastësi, por sinjal shqetësues appeared first on Telegrafi.

PRISHTINË, 7 korrik/ATSH/ Me nismën e Listës Serbe, partisë më të madhe serbe në Kosovë, e cila gëzon mbështetjen e Beogradit, në Mitrovicë të Veriut nisi të hënën një peticion kundër ndërtimit të urave mbi lumin Ibër, shkruan Radio Evropa e Lirë.

Gurëthemelet e tyre u vendosën më 1 korrik, me praninë e kryeministrit në detyrë të Kosovës, Albin Kurti.

Qeveria e Kosovës ndau rreth tre milionë euro për ndërtimin e dy urave – njëra për këmbësorë dhe tjetra për trafik – dhe punimet rreth tyre pritet të përfundojnë në vjeshtë.

Kurti tha se qëllim i këtij projekti është lidhja e Mitrovicës së Veriut, me popullsi shumicë serbe, me Mitrovicën e Jugut, ku shumica e popullsisë është shqiptare.

Ai, gjithashtu, tha se Qeveria është e përkushtuar për një “komunikim, qarkullim, bashkëpunim dhe shkëmbim më të madh midis Veriut dhe Jugut”.

Në anën tjetër, kryetari i Listës Serbe, Zllatan Ellek, i tha Radio Televizionit të Serbisë përpara fillimit të nënshkrimit të peticionit, se qëllimi është “të tregohet një qëndrim i unifikuar i popullit serb, se ai nuk pranon vendime të njëanshme për projekte në dëm të komunitetit serb”.

Ai tha se peticioni do të jetë i disponueshëm për nënshkrim gjatë dy ditëve të ardhshme, ndërsa më pas do t’i përcillet bashkësisë ndërkombëtare.

Nga Bashkimi Evropian i thanë Radios Evropa e Lirë më herët se çdo vendim për ndërtimin e infrastrukturës përgjatë lumit Ibër, duhet të merret me kujdes dhe në mënyrë gjithëpërfshirëse – përkatësisht me përfshirjen e plotë të të gjitha komuniteteve të prekura.

Urat, përndryshe, do të ndërtohen pranë urës kryesore mbi lumin Ibër, e cila është pjesë e Marrëveshjes për Lirinë e Lëvizjes, e arritur në kuadër të dialogut për normalizimin e marrëdhënieve mes Kosovës dhe Serbisë.

Në këtë urë qëndrojnë vazhdimisht pjesëtarë të misionit paqeruajtës të NATO-s, KFOR, pasi ajo njihet për konflikte etnike në periudhën e pasluftës. Kjo ka qenë edhe arsyeja kryesore për mbylljen e saj për qarkullimin e makinave. Aktualisht, ajo është e hapur vetëm për këmbësorë.

Verën e kaluar, Qeveria e Kosovës paralajmëroi se ajo mund të hapet për trafik – gjë që i rriti tensionet dhe shkaktoi reagime nga bashkësia ndërkombëtare.

Kryeministri në detyrë, Kurti, tha se Qeveria e tij nuk do të heqë kurrë dorë nga hapja e urës kryesore.

Pjesëtarë të komunitetit serb nga Mitrovica e Veriut i thanë më herët Radios Evropa e Lirë se hapja e urës kryesore vetëm se do t’i rriste tensionet në terren, ndërsa shqiptarët nga Mitrovica e Jugut deklaruan se një veprim i tillë do të kontribuonte në bashkëjetesë dhe liri të lëvizjes.

Në vitin 2014, Kosova dhe Serbia ranë dakord për hapjen e urës kryesore për trafik, në kuadër të dialogut për normalizimin e marrëdhënieve.

I ashtuquajturi rivitalizim i urës u planifikua me qëllim heqjen e të gjitha barrikadave të vendosura nga serbët lokalë dhe funksionalizimin e urës.

Më pas, në vitin 2016, u miratua një plan i ri zbatimi, që synonte kapërcimin e mosmarrëveshjeve mbi interpretimet e ndryshme të konstatimeve të mëparshme.

Sipas planit të ri të zbatimit, hapja e plotë e urës duhej të bëhej në janar të vitit 2017.

Punimet rreth rivitalizimit të urës përfunduan vetëm në qershor të vitit 2018 dhe ura, në të cilën u investuan 1.5 milion euro, nuk u hap kurrë për automjete, por vetëm për këmbësorë.

/Kosovapress/

The post Lista Serbe nis peticion kundër ndërtimit të dy urave mbi Ibër appeared first on Agjencia Telegrafike Shqiptare.

Kryeministri i Kosovës, Albin Kurti, ka reaguar pas kërcënimit me bombë të ndodhur një ditë më parë në ambientet e Kuvendit të Kosovës. Ai ka ndarë në rrjetet sociale deklaratën e ministrit të Brendshëm, Xhelal Sveçla, duke përgëzuar institucionet për reagimin e shpejtë dhe profesional. Kurti theksoi se konfirmimi se kërcënimi kishte origjinën nga Serbia […]

The post Kërcënimi me bombë, Kurti: Serbia po zhvillon luftë hibride ndaj Kosovës appeared first on BoldNews.al.

Ministri në detyrë i Punëve të Brendshme të Kosovës, Xhelal Sveçla ka bërë të ditur se më 05 korrik 2025, Kuvendi i Republikës së Kosovës ka qenë objekt i një kërcënimi për bombë, të cilin institucionet e sigurisë e kanë cilësuar si sulm hibrid me origjinë nga Serbia.

Sipas ministrit Sveçla, kërcënimi është bërë nga një numër telefoni i regjistruar në Serbi, konkretisht nga kompania telefonike MTS, dhe përdoruesi i tij është identifikuar si Lazar Zhivkoviq, shtetas serb.

“Institucionet relevante të sigurisë e kanë trajtuar me prioritet të lartë këtë sulm hibrid ndaj institucioneve të Kosovës, i cili është konfirmuar se ka origjinën në Serbi. Numri i telefonit nga i cili është bërë kërcënimi është i regjistruar në Serbi dhe i përket kompanisë telefonike MTS. Shfrytëzuesi i numrit ka qenë ose është shtetasi serb Lazar Živković”, ka shkruar Sveçla.

Hetimet e para kanë zbuluar se në disa profile të lidhura me këtë numër është përdorur fotografia e kriminelit të luftës, Ratko Mlladiq, duke e lidhur rastin me qarqe ekstremiste dhe anti-Kosovë.

Ministri në detyrë ka nënvizuar se institucionet e Kosovës po e trajtojnë këtë rast me prioritet të lartë dhe se do të kërkojnë mbështetje ndërkombëtare për arrestimin dhe vënien para drejtësisë të personave përgjegjës për këtë akt kërcënues.

“Sulmuesit dhe kërcënuesit që strehohen në Serbi, pavarësisht mbështetjes nga shteti serb, nuk do të arrijnë t’i shmangen përgjegjësisë,” ka deklaruar Sveçla.

Ndryshe, edhe Policia e Kosovës dje pas alarmit për mjet shpërthyes në objektin e Kuvendit të Kosovës bëri të ditur se kërcënimi ishte bërë përmes një thirrjeje telefonike që ka ardhur nga një numër me origjinë të dyshuar nga Serbia.

“Hetimet po vazhdojnë në koordinim të plotë me prokurorinë kompetente, si dhe me partnerët ndërkombëtarë të sigurisë, me qëllim të lokalizimit të burimit të kërcënimit, identifikimit të mjeteve dhe rrjeteve të komunikimit të përdorura”, thuhej në njoftimin e Policisë.

E zëvendësuesi i Sekretarit të Përgjithshëm të Kuvendit, Arben Loshi, ka thënë se alarmi është bërë nga një person që ka kërcënuar në gjuhën angleze.

“Sipas njoftimit, është kërkuar evakuimi sepse në gjuhën angleze një person ka thirr dhe ka thënë që një bombë është vendosë në ndërtesë dhe e njëjta do shpërthejë brenda 10 minutash”, ka thënë ai.

LEXONI GJITHASHTU:

• Putin: Rusia dhe SHBA kanë pasur gjithmonë marrëdhënie të veçanta…
• Shkarkohet nga detyra drejtori i burgut të Drenovës të Korçës, Fatjon Fasho

The post Xhelal Sveçla: Kërcënimi për bombë në Kuvendin e Kosovës, sulm hibrid nga Serbia appeared first on Euronews Albania.

Një incident i rëndë ndodhi mbrëmë në Zrenjanin të Serbisë, ku një automjet goditi një vajzë që po merrte pjesë në një bllokadë rrugore.

Sipas pamjeve të shpërndara në rrjetet sociale, vajza shihet e shtrirë në rrugë, ndërsa shoferi i automjetit u largua nga vendi i ngjarjes.

Ky akt ka shkaktuar zemërim të gjerë në mesin e protestuesve dhe ka shtuar tensionin në një periudhë tashmë të ngarkuar politikisht në Serbi, raporton nova.rs.

Ky incident ndodh në një kontekst më të gjerë të protestave që kanë përfshirë Serbinë për muaj me radhë. Protestat filluan në nëntor të vitit 2024 pas shembjes së strehës së stacionit hekurudhor në Novi Sad, që shkaktoi vdekjen e 16 personave.

Udarena devojka u ZR. Letela preko haube.
Izvor:
Viber, INFO protesti studenata i građana! pic.twitter.com/fkKT43mqux

— MirjanaMaculi (@MaculiMirjana) July 4, 2025

Kërkesat kryesore të protestuesve përfshijnë përgjegjësi për këtë tragjedi, luftë kundër korrupsionit dhe një sistem më të drejtë politik.

Në ditët e fundit, protesta janë intensifikuar, me bllokada të rrugëve në Beograd, Novi Sad, Nish dhe qytete të tjera. Protestuesit, përfshirë studentë dhe qytetarë të ndryshëm, kanë përdorur kontejnerë dhe pengesa të tjera për të bllokuar trafikun, duke kërkuar lirimin e të ndaluarve dhe heqjen e kampit me çadra të ngritur nga Partia Përparimtare Serbe (SNS) mes ndërtesës së Presidencës dhe Kuvendit në Beograd.

Policia ka ndërhyrë për të shpërndarë bllokadat, duke përdorur forcë dhe duke arrestuar disa pjesëmarrës. Raportohet se disa persona janë lënduar gjatë këtyre ndërhyrjeve.

Në këtë atmosferë tensioni, incidenti i Zrenjaninit ka shtuar zemërimin e protestuesve dhe ka nxitur thirrje për veprime më të forta kundër dhunës shtetërore dhe për një përgjegjësi më të madhe nga autoritetet. Protestat vazhdojnë të jenë një shprehje e pakënaqësisë së gjerë ndaj qeverisë dhe një kërkesë për ndryshim në Serbi. /Telegrafi/

The post Vozitësi me automobil godet një vajzë gjatë protestave në Serbi appeared first on Telegrafi.

Gjatë programit të mëngjesit në televizionin “Pink”, ish-ministrja serbe, Zorana Mihajloviq, e cila kohët e fundit po kthehet në jetën publike në Serbi, e pa të arsyeshme të sulmojë Novak Gjokoviqin për veprimin e tij në Wimbledon.

Tenisti tërthorazi ka mbështetur protestat e studentët kundër regjimit të president, Aleksandar Vuçiq dhe kjo ka shkaktuar reagime të mëdha.

Lexo po ashtu Vuçiq i frikësuar nga protestat, hap një autostradë pa praninë e qytetarëve dhe mediave

Mediat pro-pushtetit kanë filluar ta gozhdojnë sportistin e tyre më të mirë duke lidhur edhe me Kosovën, raporton nova.rs.

pic.twitter.com/R3Wg9t9vaN

— Dečak iz kraja (@Virim_iz_coska) July 5, 2025

“Keni deklaratën e Novak Gjokoviqit. Pa dyshim që është një sportist fantastik, por edhe tatimpagues i Monacos. Familja e tij është nga Kosova, ai fitoi në Wimbledon dhe merret me ‘pompat’ dhe shpjegon pse e bëri këtë. Fillimisht, fshihet pas fëmijëve – gjë që mendoj se është shumë e shëmtuar — dhe, së dyti, ai vihet në anën e atyre që kryejnë dhunë në këtë vend dhe mbështet ata që duan një Kosovë të pavarur”, deklaroi pa dorashka ish-ministrja.

Kujtojmë se sportisti festoi pas fitores në raundin e parë ashtu edhe në të dytën duke simuluar pompa, një shprehje që u bë simbol i protestave në Serbi që kanë vazhduar që nga dhjetori i vitit të kaluar.

Ndryshe, studentët me ndihmën e qytetarëve ka një javë që kanë paralizuar jetën në Serbi duke bllokuar rrugët dhe hekurudhat. /Telegrafi/

The post Gjokoviq gozhdohet pasi përkrahu protestat e studentëve, ish-ministrja e Vuçiqit: Ai është nga Kosova – mbështet shtetet që e duan pavarësinë e atij vendi appeared first on Telegrafi.

Presidenti i Serbisë, Aleksandar Vuçiq, hapi sot në mënyrë të fshehtë dhe pa praninë e gazetarëve një pjesë të rëndësishme të autostradës “Milosh i Madh” që lidh Prelinën me Pozhegën.

Ceremonia u zhvillua pa njoftim paraprak për mediat, duke nënvizuar qasjen diskrete që autoritetet kanë ndjekur për këtë ngjarje infrastrukturore, shkruan nova.rs.

Përfaqësues të qeverisë theksuan se ky është një hap i rëndësishëm për vijimësinë e projekteve publike në vend, megjithëse munguan informacione të detajuara për hapjen zyrtare.

Autostrada “Milosh i Madh” është një projekt strategjik që përfshin tunele të mëdha dhe segmente komplekse infrastrukturore, ndërsa pjesa e re e përuruar pritet të përmirësojë ndjeshëm lidhjen ndërmjet Beogradit dhe pjesës perëndimore të Serbisë.

Megjithatë, ky përurim i zhvilluar në heshtje vjen në një moment të ndjeshëm politik për Vuçiqin.

Prej disa ditësh, në Beograd dhe qytete të tjera të Serbisë po mbahen protesta kundër qeverisë dhe vetë presidentit serb, të cilat janë nxitur nga pakënaqësia qytetare për çështje demokratike, korrupsion dhe kontrollin ndaj mediave.

Analistët vlerësojnë se shmangia e mediave dhe qytetarëve në këtë rast mund të jetë një përpjekje për të mos e lidhur hapjen e projektit me tensionin politik në rritje dhe për të mos ekspozuar udhëheqjen përballë reagimeve të mundshme publike. /Telegrafi/

The post Vuçiq i frikësuar nga protestat, hap një autostradë pa praninë e qytetarëve dhe mediave appeared first on Telegrafi.

Politikani serb, Nenad Çanak ka komentuar situatën e tensionuar në Beograd dhe protestat e studentëve që po zhvillohen anembanë Serbisë.

Ai përshkroi situatën e vështirë që po përjeton familja e tij dhe theksoi mungesën e të drejtave civile dhe shtetin autoritar që po ndodh aktualisht në Serbi.

“Është një situatë shumë shqetësuese. Nëna e djalit tim u arrestua dhe kaloi plot dy muaj në burg. Kur gjendja e saj shëndetësore u përkeqësua dhe ishte në prag të gjendjes së komës, vetëm atëherë iu caktua arrest shtëpie, një masë që vjen shumë vonë dhe tregon mungesën e humanizmit nga ana e autoriteteve,” tha ai me shqetësim për euronews.al.

Çanak shtoi se edhe vetë djali i tij është viktimë e represionit “ai u ndalua javën e kaluar pa asnjë arsye të qartë dhe u mbajt për katër orë në një stacion policie. Gjatë këtij qëndrimi, disa oficerë të shërbimeve sekrete e morën në pyetje, duke treguar se edhe familjet e opozitës po ndiqen dhe kërcënohen në mënyrë sistematike”.

Ndërsa situata po përkeqësohet, ai tha se është përjetuar edhe shkelje e privatësisë personale, “në apartamentin tim kam vënë re se dikush ka hyrë kur nuk kam qenë i pranishëm. Kjo është një mënyrë e qartë e dërgimit të një mesazhi: unë jam nën përgjim të vazhdueshëm dhe po mbahem nën presion të madh nga shteti.”

Lexo po ashtu Vuçiq fal dhunuesit e protestave në Novi Sad - sinjal për besnikët para përplasjes politike

Çanak përfundoi me një mesazh alarmues se “në Serbi në këto momente nuk ka asnjë të drejtë civile. Policia, e cila në teori duhet të jetë garant i rendit dhe ligjit, po sillet si një forcë pushtuese ndaj qytetarëve të vet. Ky është një sinjal shumë i rrezikshëm për demokracinë dhe të ardhmen e vendit tonë. Ne jemi përballur me një situatë ku shteti përdor dhunën dhe frikën për të shtypur zërat e lirë dhe çdo lloj kritike.”

Komentet e Nenad Çanakut reflektojnë një realitet ku presioni politik, dhuna dhe mungesa e lirive civile po bëhen norma, duke nxitur shqetësime serioze për gjendjen e demokracisë në Serbi.

The post “Shërbimet sekrete po më përgjojnë”, denoncon Nenad Çanak: Vuçiq arrestoi nënën e djalit tim appeared first on Telegrafi.

Presidenti i Serbisë, Aleksandar Vuçiq, ka shkaktuar reagime të forta në opinionin publik pas vendimit për të falur katër persona të afërt me Partinë Progresive Serbe (SNS), të dënuar për dhunë ndaj studentëve gjatë protestave në Novi Sad, në janar të këtij viti.

Vendimi për falje erdhi më 2 korrik dhe përfshin individë të cilët ishin dënuar për sulm ndaj demonstruesve paqësorë, duke përfshirë edhe një vajzë që kishte pësuar thyerje të nofullës.

Ky akt kishte shkaktuar përmbysje të mëdha politike në Serbi, përfshirë dorëheqjen e kryeministres së atëhershme Ana Bërnabiq, transmeton Telegrafi.

Në një reagim të publikuar në rrjetin social Instagram, Vuçiq mohoi ekzistencën e “fraksioneve të dhunshme” brenda SNS, duke i quajtur këto raportime “shpifje të mediave opozitare” dhe duke theksuar se bëhet fjalë për “njerëz të ndershëm dhe besnikë ndaj Serbisë”.

“Janë të armatosur vetëm me dashurinë për vendin dhe lapsin me letër”. shkroi Vuçiq, duke i përshkruar të përfshirët si pjesë e asaj që ai e quajti “17 mijë besnikë të devotshëm”.

Ky mesazh është interpretuar gjerësisht si sinjal për bazën e tij politike në prag të asaj që analistët po e quajnë një “përplasje përfundimtare” në skenën politike serbe, shkruan nova.rs.

Lideri i lëvizjes “Serbia Centar” (SRCE), Zdravko Ponosh, tha se Vuçiq “po stigmatizon studentët dhe po mobilizon radikalët e partisë së tij”.

Vendimi i Vuçiqit për të amnistuar dhunuesit është parë si një precedent i rrezikshëm për sundimin e ligjit në Serbi, veçanërisht në kontekstin e polarizimit politik dhe tensioneve të brendshme që po rriten përpara zgjedhjeve të mundshme të parakohshme.

Organizatat për të drejtat e njeriut kanë dënuar aktin si “legjitimim të dhunës politike” dhe kanë kërkuar hetim ndërkombëtar për ngjarjet në Novi Sad. /Telegrafi/

The post Vuçiq fal dhunuesit e protestave në Novi Sad – sinjal për besnikët para përplasjes politike appeared first on Telegrafi.

Sot kanë nisur bllokadat totale të qyteteve serbe pas thirrjeve që kanë bërë studentët, të cilët po protestojnë kundër presidentit të Serbisë, Aleksandar Vuçiq.

Në mesin e shumë protestave ka edhe aksidente të cilat po kërcënojnë jetë e qytetarëve.

Një automjet zyrtar i spitalit “Atlas” ka thyer sot njërën nga bllokadat në Beograd, duke përplasur me veturë disa qytetarë.

Privatna bolnica Atlas gazi ljude, možda misle da će na taj način povećati broj korisnika!? pic.twitter.com/hLpjDadH5J

— GRF BLOKADE (@grf_blokade) July 4, 2025

Spitali njoftoi se shoferi nga videoja është pushuar nga puna dhe se në momentin e incidentit ka qenë jashtë orarit të punës.

Ky rast është një shembull i qartë sesi protestat po ndikojnë edhe në jetën e përditshme të qytetarëve.

Demonstruesit po kërkojnë zgjedhje, llogaridhënie dhe fund të korrupsionit, ndërsa shteti po përgjigjet me masa që kritikët i shohin si represione. /Telegrafi/

The post Vozitësi me veturë përpiqet që t’i shkelë protestuesit në Beograd appeared first on Telegrafi.

Në Serbi, sot pritet të mbahen protesta të organizuara nga studentët e lëvizjes dhe qytetarët të cilët kanë bërë thirrje për mobilizim kundër brutalitetit policor. Ata u kanë kërkuar qytetarëve që të bashkohen në bllokimin e qyteteve kryesore të vendit – Beogradit, Novi Sadit, Nishit dhe Kragujevcit dhe këto protesta ka kohë që kanë filluar në Serbi.

Sipas organizatorëve, protesta është përgjigje ndaj dhunës në rritje të autoriteteve dhe partisë së Aleksandar Vuçiqit dhe një thirrje për drejtësi, si dhe respektim të të drejtave qytetare, raportojnë mediat serbe.

Ndërkohë, Presidenti i Serbisë, Vuçiq, u është drejtuar qytetarëve me një mesazh në Instagram, duke u bërë thirrje që të mos marrin pjesë në bllokadat e paralajmëruara, të cilat ai i cilësoi si “formë dhune”.

“Shteti nuk mund dhe nuk guxon të lejojë një formë të tillë dhune,” tha Vuçiq, duke reaguar ndaj paralajmërimeve për bllokimin e plotë të trafikut në disa qytete që nga fillimi i korrikut.

Lexo po ashtu Kur kontejnerët bëhen kauzë - protesta e re që po trondit Vuçiqin

“Kur dikush bllokon qytetin, i pamundëson njerëzve të shkojnë në punë, në shtëpi apo tek të afërmit – kjo nuk është protestë paqësore. Kjo është dhunë ndaj shtetit dhe ndaj njerëzve,” theksoi ai.

Vuçiq shtoi se protesta është e drejtë e garantuar, por se bllokimi i rrugëve shkel lirinë e lëvizjes dhe sigurinë publike. “Liria e dikujt përfundon aty ku fillon dhuna ndaj tjetrit,” u shpreh ai.

Në anën tjetër ka muaj që në Serbi kanë filluar protesta anti Vuçiq dhe si duket tashmë do të marrin hov dhe më të madh./Telegrafi/.

The post Protesta të mëdha në disa qytete të Serbisë – Vuçiq u bën thirrje qytetarëve të mos i bllokojnë qytetet, a është kjo shenjë për përshkallëzim? appeared first on Telegrafi.

Kanë vazhduar protestat antiqeveritare në shtetin e Serbisë, të cilat po zhvillohen në disa qytete të vendit si shenjë pakënaqësie ndaj politikave të qeverisë dhe zhvillimeve të fundit politike.

Një nga incidentet e regjistruara ndodhi në qytetin e Kralevës, ku protestuesit dolën në rrugë për të shprehur kundërshtimin e tyre, raporton nova.rs.

Gjatë protestës, tensionet u rritën kur një pjesë e turmës u përball me kordonin e policisë, duke çuar në një përplasje të vogël mes qytetarëve dhe forcave të rendit.

Posle pet minuta su popustili živci. Pa kakvi su to policajci? pic.twitter.com/9ZbCaTviq2

— Снебивљива аждаја (@Mrs_Crownix) July 3, 2025

Siç shihet edhe në pamjet e publikuara në rrjete sociale, ndodhi një shtyrje mes protestuesve dhe policëve, duke krijuar një situatë të tensionuar për disa minuta. Megjithatë, përballja nuk eskaloi në dhunë të madhe, dhe përplasja u menaxhua me kujdes.

Lexo po ashtu “60 policë për tri gra, bravo burra”: Pamjet e policisë serbe duke shtyrë një vajzë gjatë protestës në Beograd

Vetëm falë vetëpërmbajtjes së qytetarëve dhe ndërhyrjes së matur të eprorëve të policisë, u arrit të shmanget një përshkallëzim i mëtejshëm i konfliktit. Të dyja palët ruajtën gjakftohtësinë, duke lejuar që situata të qetësohej pa pasoja të rënda.

Organizatorët e protestave kanë paralajmëruar vazhdimin e demonstratave në ditët në vijim, ndërsa kërkojnë ndryshime konkrete nga qeveria serbe. Ndërkohë, autoritetet kanë bërë thirrje për qetësi dhe respektim të rendit publik. /Telegrafi/

 

View this post on Instagram

 

A post shared by Studenti u blokadi Medicinskog fakulteta u Beogradu (@blokada.mfub)

The post Kacafytje mes protestuesve dhe policisë në Serbi appeared first on Telegrafi.

Të mërkurën në mbrëmje, në Serbi një numër i madh qytetarësh u arrestuan dhe u sulmuan, në një operacion policor për të thyer bllokadat e studentëve.

Gjatë natës me stuhi, por edhe në mëngjes, një numër i madh videosh u shfaqën në rrjetet sociale që tregonin se si policia i trajtonte qytetarët, transmeton Telegrafi.

Reagimet më të nxehta u shkaktuan nga një video e postuar në profilet e Instagram-it “FTN se budi” dhe “studentët në bllokadë” nën titullin “bravo, burra”.

Konkretisht, videoja tregon dhjetëra oficerë policie me vajza që ecin para tyre, dhe oficeri i policisë vazhdimisht shtyn njërën prej tyre dhe i thotë të ecë më shpejt.

Lexo po ashtu Studentja amerikane përplaset për tokë derisa fshihej nga xhandarmeria serbe, filluan ta shkelnin me këmbë dhe ta godisnin me shkop në shpinë

“Imagjinoni sikur ky të ishte i dashuri ose burri juaj”, “Do të bëj diçka shtesë për të rritur dy djemtë e mi. Do të kthehem menjëherë”, “Gratë e mia të mrekullueshme dhe të guximshme”, “60 prej tyre për tre gra”, “Ne supozojmë se ju i trajtoni nënat, motrat, të dashurat dhe gratë tuaja në të njëjtën mënyrë”, janë disa nga qindra komentet poshtë videos.

Situata nuk është qetësuar që nga protesta në Vidovdan, e cila u shoqërua me bllokada dhe reagime nga qytetarët e pakënaqur.

Pas ngjarjeve të mbrëmjes së së mërkurës dhe reagimit të dhunshëm të policisë, këtë mëngjes bllokadat vazhduan, të cilat filluan në orën 7 të mëngjesit në Beograd. /Telegrafi/

View this post on Instagram

A post shared by Studenti FTN-a (@ftn_se_budi)

Јел капирате ?
Вуков Споменик тренутно pic.twitter.com/6HEzB81LBM

— Србија чиста и уједињена (@KosovoJeSrbija0) July 2, 2025

The post “60 policë për tri gra, bravo burra”: Pamjet e policisë serbe duke shtyrë një vajzë gjatë protestës në Beograd appeared first on Telegrafi.