Doktori Salvador Plasencia është deklaruar fajtor për shpërndarjen e paligjshme të ketaminës ndaj aktorit të njohur Matthew Perry, i njohur për rolin e tij në serialin “Friends”. Ai është personi i katërt që përballet me drejtësinë në kuadër të hetimeve mbi vdekjen tragjike të Perryt në tetor 2023.

Edhe pse mjeku nuk ishte përgjegjës për dozën vdekjeprurëse që i mori jetën aktorit, rrëfimi i tij ka hedhur dritë mbi mënyrën se si ai abuzoi me profesionin dhe dështoi ta mbronte pacientin e tij, i cili ishte i njohur për betejën e gjatë me varësinë.

Plasencia pranoi katër akuza në një gjykatë në Los Angeles dhe do të dorëzojë vullnetarisht licencën e tij mjekësore. Ai pranoi se kishte dorëzuar Perryt dhe asistentit të tij 20 shishe me ketaminë, shiringa dhe tableta për thithje brenda një periudhe prej dy javësh.

Dorëzimi i lëndëve nuk kishte qëllime mjekësore dhe shpesh ndodhte në ambiente të pazakonta, përfshirë një parking pranë një akuariumi. Në një nga komunikimet e tij me një tjetër mjek të përfshirë, Mark Chavez, ai e quante Perryn “idiot” dhe përmendte pagesa të larta deri në 12,000 dollarë për një vizitë në shtëpi.

Gjatë një seance më 12 tetor 2023, aktorit iu rrit ndjeshëm tensioni i gjakut, por pavarësisht rrezikut të qartë për shëndetin, Plasencia la doza të tjera të ketaminës në duart e asistentit të tij.

Hetimet kanë zbuluar një rrjet të tërë personash të përfshirë në furnizimin e Perryt me ketaminë.

The post Skandali pas vdekjes së Matthew Perry, mjeku personal pranon fajësinë appeared first on Albeu.com.

Këtë të enjte, në konferencën me gazetarët, kryetari i PD, Sali Berisha, ka folur nga selia blu, duke hedhur akuza të forta ndaj kryeministrit Edi Rama, se shpërbleu në mënyrë të paligjshme kartelin Troplini për blerjen e votave.

Berisha tha se Rama i dha kartelit Troplini, 40 mijë metër katrorë tokë publike për ndërtimin e kullave te stadiumi i Durrësit.

Sipas kryedemokratit Berisha, një vendim i tillë është komplet i paligjshëm, pasi ligji parashikon që tjetërsimi i pronësisë nga publiku te privati, kërkon 3/5 të votave në Këshillin Bashkiak.

“Tani jemi tek ky kartel, i cili është edhe karteli më i fuqishëm në europë, karteli që ka si pronë private portin e Durrësit dhe që shpërndan tonelatat e kokainës nga ai port në mbarë Europën.

Vetëm pak ditë pas këtyre veprimeve ka ndodhur një akt tjetër shpërblimi për kartelin Troplini.

Edi Rama, i cili udhëtoi edhe në Angli dhe u tha se Durrësi do kopjojë klubin e Mançesterit dhe se ka urdhëruar Fondin Shqiptar të Zhvillimit të investojë 65 milionë euro në stadiumin për ta bërë si stadiumin e Mançesterit, çfarë ndodh?

E gjitha kjo aferë, e marrë përsipër nga FSHZH, transferohet tek privati.

Prona publike prej 40 mijë metër katrorë i kalohet privatit, i jepet leje ndërtimi për 5 kulla, njëra prej të cilave 55 katesh, tjetra 31 kate dhe të tjerat edhe ato dhjetëra kate.

Ky tjetërsim i pronës publike, kjo grabitje e pronës publike, është një shpërblim që Edi Rama i bën përsëri klanit Troplini.

Sipas të gjithë treguesve, pas kësaj afere apo tani Niko Dovana dhe kompleksi që ndërtohet përreth është transferuar nga Hasanbelliu, që e ka pasur prej shumë e shumë vitesh klubin dhe kompleksin, është transferuar tek Fatmir Troplini, djali i Xhevdet Troplinit thuhet se është ky.

38 mijë metër katrorë tokë shpërblehet për votat që mbliodhi në Durrës dhe zonat e tjera për Arkend Ballën, Drazhin dhe përfaqësues të tjerë të botës së krimit në parlament.

Vendim komplet i paligjshëm sepse ligji i vendit parashikon që tjetërsimi i pronësisë nga publiku tek privati kërkon 3/5 të votave në Këshillin Bashkiak.

Pra kërkonte 31 vota në Këshillin Bashkiak të Durrësit, ndërkohë që për këtë vendim kanë votuar gjithsej 27 këshilltarë.

Dhe prefekti, natyrisht që ka tagrin dhe detyrimin ligjor të prishjes së vendimit, bën sikur nuk ka ndodhur gjë.

Pra, shpërblimi më i madh siç e shihni ju, përfituesit më të mëdhenj u bënë karteli më i fuqishëm në Europë, karteli Troplini”, u shpreh Berisha.

The post Sali Berisha: Rama shpërbleu kartelin Troplini duke u dhënë 40 mijë m2 tokë publike për kulla në Durrës appeared first on Albeu.com.

Këtë të enjte, kryeministri Edi Rama, ka prezantuar një nismë të re të qeverisë në fushën e kontrollit të territorit, të quajtur Kryeinspektoriati Digjital i Territorit.

Në një publikim në rrjetet sociale, ai e cilësoi këtë strukturë si një inovacion, që do të ndihmojë në monitorimin e aktiviteteve të ndryshme në mbarë vendin.

Sipas kryeministrit, ky inspektoriat do të ketë një fushë të gjerë veprimi nga kontrolli i ndërtimeve, taksat dhe tarifat vendore, tek monitorimi i prodhimit bujqësor, mbrojtja e pyjeve dhe lumenjve.

Postimi i kryeministrit Rama:

Ju prezantoj me një tjetër inovacion të qeverisjes: Kryeinspektoriatin Digjital të Territorit.

Videoja është një fragment i shkurtër i informacionit që ky Kryeinspektoriat po mbledh nëpër Shqipëri, për të filluar punën për zbatimin e masave të reja ligjore të kontrollit të territorit.

Ky Kryeinspektoriat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira.

The post Rama prezanton Kryeinspektoriatin Digjital të Territorit: Zullumet do bëhen më të vështira, do monitorohen aktivitetet shoqërore dhe shtetërore appeared first on Albeu.com.

E ftuar ditën e sotme në “Live From Tirana” me Ronaldo Sharkën ishte Roza Lati. Ajo u shpreh për sfidat, rritjen personale dhe punën me veten. Lidhur me vajzat që shesin trupin për lekë, Roza u shpreh:

‘Më përpara kam pasur revoltë. Tani më është dashur të punoj në televizion me vajza që shesin trupin për lekë. Unë jam paragjykuar si gocë ekrani. Kam njohur vajza të tilla, kam kuptuar dhe për sa kohë janë njerëz që e shesin trupin por në tavolinë nuk bëjnë tangërllëk, atëhere kanë jetën e tyre. Prostitucioni është zanati më i vjetër në rruzullin tokësor. Nëse vajzat zgjedhin këtë, por në tavolinë nuk sillen keq me mua, është puna e tyre.’

The post Roza Lati flet pa doreza për vajzat që “shesin trupin”: Prostitucioni është zanat i vjetër appeared first on Albeu.com.

Kiara Tito dhe Luiz Ejlli vazhdojnë të jenë një nga çiftet më të komentuar dhe të ndjekur në showbizin shqiptar, si brenda ashtu edhe jashtë rrjeteve sociale. Në një intervistë të fundit, moderatorja ka ndarë disa detaje nga jeta në çift me këngëtarin.

Ndërsa fliste për marrëdhënien e tyre dhe mënyrën se si i ndajnë rolet në përditshmëri, Kiara u ndal edhe te veshjet e saj, një temë që, sipas saj, shkakton më shumë komente nga ana e Luizit.

“Luizi me kritikon per veshjet,” u shpreh Kiara me buzëqeshje. “Më thotë shpesh: ‘Mos vish shumë të shkurtra’, por une nuk e zbatoj.”

The post “Mos i vish”/ Kiara zbulon çfarë nuk i pëlqen Luizit te ajo appeared first on Albeu.com.

Prokuroria pranë Gjykatës së Shkallës së Parë së Juridiksionit të Përgjithshëm Tiranë, në përfundim të hetimeve kërkon dënimin me burgim të përjetshëm, të shtetasit A.M. për kryerjen e veprës penale ’Vrasje për shkak të marrëdhënieve familjare’, parashikuar nga neni 79/c i Kodit Penal për vrasjen e vëllait të tij shtetasit D.M. dhe kunatës N.M.

Në përfundim të hetimeve për çështjen penale nr.6027 të vitit 2022, u provua se shtetasi A.M., me 31.08.2022 ka hyrë brenda agjencisë së udhëtimeve ’Nour Tours’ duke mbajtur në dore një armë dhe ka goditur për vdekje me armë dy viktimat.

I pyetur për ngjarjen, shtetasi A.M. u shpreh se drejt vrasjes e çuan problematikat e vazhdueshme me të vëllain, të cilin e akuzoi se shantazhonte atë dhe prindërit prej kohësh.

Debatet dhe konfliktet midis tyre kanë vazhduar për një kohë të gjatë dhe nuk u zgjidhur edhe pse i ishin drejtuar gjykatës duke çuar në aktin e rëndë

The post Vrau vëllanë dhe kunatën pas konfliktit për pronën, prokuroria kërkon burg të përjetshëm për Arsen Muskurtin appeared first on Albeu.com.

Kandidatja e PS, Maldrita Bardho, ka vendosur të mos e pranojë mandatin e deputetes, teksa sot ka dorëzuar zyrtarisht në KQZ kërkesën, duke i hapur kështu rrugën Zegjine Çaushit për në Kuvend.

Zegjine Çaushi, fitoi mandatin pas numërimit të zgjedhjeve të 11 majit, por Bardho i mori mandatin pas rinumërimit në Fier me 10 vota diferencë.

Por më pas, Bardho njoftoi vendimin e saj.

The post Kandidatja e Fierit Maldrita Bardho letër KQZ, i hap rrugën Zegjinesë të shkojë në Parlament: Nuk e dua mandatin… appeared first on Albeu.com.

Një grua nga Ohio po padit Cardi B, duke pretenduar se është goditur “me forcë” nga një mikrofon i hedhur nga reperja gjatë një performance në Drai’s Beachclub në Las Vegas në vitin 2023.

Sipas një padie të paraqitur në Gjykatën e Tetë Gjyqësore në Qarkun Clark, Nevada, gruaja, e identifikuar si Jane Doe, ishte në udhëtimin e saj të parë solo në Las Vegas dhe mori pjesë në performancën kryesore të Cardi-t në Drai’s Beachclub më 29 korrik 2023.

Padia pretendon se gjatë performancës së saj, Cardi, 32 vjeç, “u shfaq në skenë në kushte të temperaturës dukshëm të lartë dhe, ndërsa mbante një mikrofon, kërkoi verbalisht që publiku të spërkatte ujë mbi të”.

Në atë kohë, një klip nga koncerti u bë viral ku shfaqej krijuesja e hitit “Bodak Yellow” duke i kërkuar turmës ta “spërkatnin me ujë” me një kusht .

Padia pretendon se Cardi “bëri gjeste dhe deklarata të përsëritura duke i inkurajuar pjesëmarrësit në koncert të hidhnin ujë, duke autorizuar dhe ftuar në mënyrë implicite spërkatjen e lehtë nga pijet”.

Doe pretendon se Cardi “e demonstroi më tej pëlqimin dhe pjesëmarrjen e saj duke derdhur ujë nga një shishe mbi trupin e saj ndërsa ishte në skenë” dhe se ajo “reagoi fizikisht ndaj spërkatjeve duke e goditur të pasmet ndërsa lëngjet e hedhura nga publiku binin në kontakt me të”.

Sipas padisë, Doe, në një përpjekje për të vepruar “në përputhje me mjedisin” dhe “në një mënyrë të pajtueshme me të pranishmit e tjerë, spërkati një pjesë të vogël të pijes së saj në drejtim të Cardi B”.

Mirëpo më pas Cardi B hodhi mikrofonin në drejtim të saj.

The post Probleme ligjore për Cardi B, paditet për hedhjen e mikrofonit appeared first on Albeu.com.

Në kuadër të hetimeve për çështjen e njohur si “Dosja 5D”, në Prokurori ka dhënë dëshminë e saj edhe shtetasja Pranvera Shahinasi, e cila ka deklaruar se ka qenë punonjëse në sektorin e financës në shoqërinë “Igor Elektrik” gjatë viteve 2016-2019.

Sipas dëshmisë, Shahinasi ka punuar si ekonomiste në kompani, fillimisht nën drejtimin e administratorit Eduart Meta, i cili më pas u zëvendësua nga Nestor Muhametllari.

Ajo është shprehur se detyrat në punë ia caktonte drejtuesi dhe se nuk ka mbajtur para cash, apo përgjegjësi mbi arkën e shoqërisë.

“Nuk mbaja para në zyrë dhe pjesën e arkës nuk e kisha unë. Dokumentet që mbanim ishin mandat-pagesa dhe firmoseshin nga administratori”, ka deklaruar ajo.

Për pyetjet mbi dokumentet me përshkrimin “honorar”, Shahinasi është shprehur se nuk i kujtohet saktësisht, por mund të kenë qenë pagesa për shërbime të ndryshme.

Më tej, ajo shprehet se Mariglen Qaton, e njeh si një person që ka frekuentuar zyrat e shoqërisë dhe ka pasur kontakte me administratorin.

Ajo nuk ka pasur informacion nëse ai ishte ortak në shoqëri, duke sqaruar se sipas të dhënave të QKB-së, ortak figuronte vetëm Eduart Meta.

Shahinasi ka deklaruar se në raste të caktuara, me kërkesë të administratorit, ka dërguar e-maile me dokumente financiare, përfshirë edhe një rast kur një listë përmbledhëse me informacion financiar i është dërguar Mariglen Qatos.

“Kur më thoshte administratori ‘dërgoja këtë informacion filan personit’, unë e bëja. Edhe mund të kem dërguar e-mail Qatos”, është shprehur ajo.

Prokuroria i ka vënë në dispozicion dëshmitares një dokument shkresor, që përmban këtë komunikim elektronik si provë e përfshirjes së saj në dërgimin e të dhënave financiare.

The post Dosja “5D”/ Dëshmia e ekonomistes së “Igor Elektrik”: Ja si e njoh Mariglen Qaton appeared first on Albeu.com.

Pas intervistës së fundit të Jozefin Markut në emisionin “Live From Tirana”, ku ish-banori i Big Brother VIP Albania foli për eksperiencën në shtëpi dhe komentoi për marrëdhënien e tij me Loredanën, nuk ka munguar një reagim nga ana e saj.

Vetëm pak pas publikimit të intervistës, Loredana ka bërë një postim në Instagram, ku shihet në shoqërinë e gazetarit Eraldo Rexho. Fotoja është shoqëruar me mbishkrimin “Shoqëria e keqe”, një përgjigje që shumë e kanë interpretuar si thumb ironik ndaj deklaratave të Jozit.

Në intervistë, Jozi ishte shprehur se “Loredana ka marrë një drejtim jo të mirë” dhe se “po frekuenton njerëz të papërshtatshëm”, duke lënë të kuptohet për një lidhje të mundshme të saj me reperin Don Xhoni.

The post Deklarata e Jozit! Ironia e Loredanës, prezanton “shoqërinë e saj të keqe” appeared first on Albeu.com.

Hetimi për korrupsionin e kryetarit të bashkisë së Tiranës Erion Veliaj, nga ana e Prokurorisë së Posaçme do të vijojë deri më 24 shtator, ku edhe në këtë datë SPAK do të vendosë nëse do ta çojë dosjen për gjyq.

Nga 6 dhjetori i vitit 2024 e deri më 17 korrik të këtij viti, Prokuroria e Posaçme, ka administruar 97 deklarime të personave që kanë dijeni mbi veprat penale që prokuroria ia ka atribuuar Erjon Veliajt, bashkëshortes së tij Ajola Xoxa, si dhe personat e tjerë të përfshirë në këto hetime.

Mes personave që ka dhënë deponime në SPAK ka qenë kryetari i bashkisë Fier, Armando Subashi, pasi është zbuluar një tender i dhënë nga kjo bashki për një nga OFJ-të e Ajola Xoxës.

Prokuroria e Posaçme, ka marrë dëshminë edhe të investitorit strategjik, Gazmend Paja, ky i fundit një lidhje e ngushtë e Veliajt.

Më 14 shkurt të këtij viti për t’u dëgjuar si person që ka dijeni mbi hetimet në dosjen “Veliaj” ishte edhe Avokatja e Popullit Erinda Ballanca.

Ilriana Basha, bashkëshortja e ish-drejtorit të Teatrit Kombëtar Altin Bashës, po ashtu ka dhënë në dëshmi në Prokurorinë e Posaçme.

Sipas dosjes, Altin Basha, bashkë me bashkëshorten kanë përfituar 9 projekte, afro 320 mijë euro nga bashkia Tiranë.

Por jo vetëm kryetarë bashkie, për dosjen Veliaj në Prokurorinë e Posaçme, është paraqitur edhe ish-deputeti demokrat Myslym Murrizi.

Në atë kohë i pyetur nga mediat ai deklaronte se nuk ka lidhje me të si person, por me hetime për persona të tjerë ku mund të jetë përmendur edhe emri i tij.

Prokuroria e Posaçme, ka pyetur edhe ish-drejtoreshën e Teatrit Kombëtar të Operës dhe Baletit, Abigelia Voshtina.

Sipas të dhënave, është zbuluar një kontratë “Kontratë qiraje” me palë: Teatri Kombëtar i Operës dhe Baletit e Ansamblit Popullor, përfaqësuar ligjërisht nga drejtoresha e Përgjithshme znj. Abigeila Voshtina, dhe “RAMETAL”, kompani kjo e Elman Abules.

Sipas kontratës, TKOBAP angazhohet t’i paguajë “Rametal” sh.p.k., shumën totale prej 1.213.380 lekësh pa TVSH.

Pjesë tjetër e personave që i janë marrë deklarime vijnë nga bota e biznesit, si dhe drejtues të disa OFJ-ve, të cilët besohet sipas SPAK-ut se kanë qenë përfitues të parave publike./ Ora News

The post Kryebashkiakë, deputetë, artistë dhe investitorë, SPAK “kopsiti” dosjen e Veliajt me 97 deklarime personash appeared first on Albeu.com.

Mëngjesin e sotëm, një aksident rrugor është regjistruar  në kryqëzimin e urës së Kardhiqit, në aksin Gjirokastër–Sarandë.

Një veturë është përplasur me një autoambulancë, e cila po transportonte një pacient drejt spitalit rajonal të Gjirokastrës.

Si pasojë e përplasjes, kanë mbetur të plagosur tre persona: drejtuesi i mjetit tip “Volksëagen”, shoferi i autoambulancës dhe një familjar i pacientit që ndodhej në mjetin e emergjencës.

Të lënduarit janë dërguar menjëherë për ndihmë mjekësore në spital, ndërsa pacienti që po transportohej ka arritur të mbërrijë në destinacion pa u lënduar.

Grupi hetimor ndodhet në vendngjarje dhe po punon për të zbardhur rrethanat e aksidentit.

Paraprakisht, dyshohet se shkak mund të jetë bërë mosrespektimi i rregullave të qarkullimit nga njëra prej palëve.

The post Aksident në kryqëzimin e urës së Kardhiqit, plagosen tre persona appeared first on Albeu.com.

Xheneta Fetahu ka ndezur rrjetin me një postim të fundit në Instagram Story, ku ka ndarë një unazë diamanti të vendosur në një kuti elegante dhe një certifikatë “True Love Agreement”.

Në certifikatë, e datuar më 1 korrik 2025, theksohet se ky unazë simbolizon një dashuri të vetme për gjithë jetën – një premtim që Darry Ring njihet për ta bërë të vlefshëm vetëm një herë në jetë për çdo person. Kjo ka bërë që ndjekësit të aludojnë se Xheneta është fejuar dhe se një martesë mund të jetë në horizont.

Në mbishkrimin e postimit, Xheneta shkruan

“Çdo mëngjes po duket edhe më interesant lately…”

Megjithëse ajo nuk ka konfirmuar zyrtarisht një fejesë.

The post Xheneta Fetahu ngjall dyshime, a është rrugës drejt martesës? appeared first on Albeu.com.

Janë publikuar pamjet e avioni të pasagjerëve tipit Antonovm, i cili u rrëzua në rajonin Amur të Lindjes së Largët ruse, duke shkaktuar vdekjen e të gjithë 49 personave që ndodheshin në bord, raportojnë mediat lokale.

Pak më vonë, mbetjet e avionit u gjetën në një shpat mali, rreth 16 kilometra larg aeroportit.

Megjithatë, deri në këto momente, helikopteri me ekipet e shpëtimit nuk ka arritur të ulet në zonën e vështirë dhe të pyllëzuar ku ndodhi përplasja, ndërkohë që një zjarr ka shpërthyer në vendin e rrëzimit.

“Në kuadër të operacionit të kërkim-shpëtimit, një helikopter Mi-8 i Shërbimit Federal të Aviacionit zbuloi trupin e avionit që kishte marrë flakë. Ekipet e shpëtimit po përpiqen të arrijnë në vendin e aksidentit”, thuhet në deklaratën zyrtare të autoriteteve.

Обломки разбившегося Ан-24 разбросаны на расстроянии полукилометра, сообщает Baza без ссылки на источник. Сесть на месте падения нельзя

На борту находились 49 человек, в том числе пять детей. Предварительно, выживших нет pic.twitter.com/0itd1XSc5t

— Сибирь Пост (@SibirPost) July 24, 2025

Sipas agjencisë shtetërore ruse TASS, avioni An-24 i kompanisë ajrore “Angara” ndërpreu komunikimin me kullën e kontrollit gjatë përpjekjes së dytë për të bërë ulje në aeroportin e qytetit Tinda, në kushte të dukshme të dobëta për shkak të mjegullës.

Sipas burimeve të agjencisë TASS, të cilat i referohen shërbimeve ruse të emergjencës, një nga pistat që po hetohet si shkak i mundshëm i tragjedisë është gabimi njerëzor, piloti mund të ketë goditur një kodër për shkak të pamjes së kufizuar gjatë përpjekjes së dytë për ulje.

Megjithatë, autoritetet kanë bërë të ditur se po shqyrtohen edhe pista të tjera.

The post Tragjedia ajrore me 49 viktima në Rusi/ Publikohen pamje nga rrënojat dhe flakët, çfarë dyshohet se u bë shkak i aksidentit (VIDEO) appeared first on Albeu.com.

Mëngjesin e sotëm rreth orës 08:00, një i paraburgosur ka ndërruar jetë në ambientet e Urgjencës së QSUT-së.

Ai është shtetasi Besnik Koçiu, 51-vjeç, i cili prej 16 Korrikut ndodhej në paraburgimin “Jordan Misja” në Tiranë.

Sipas Drejtorisë së Burgjeve, Besnik Koçiu, vuante nga Diabet Mellitus, Hipertension Arterial dhe një AVC ishemik të kaluar rreth gjashtë muaj më parë.

Njoftimi:

“Rreth orës 07:00 të datës 24 korrik, personeli infermieror është njoftuar se shtetasi Koçiu ishte pa ndjenja në dhomën e tij. Ai është transportuar menjëherë me urgjencë në QSUT në orën 07:08, ku ka mbërritur në orën 07:12 dhe është trajtuar nga ekipi mjekësor i urgjencës. Pavarësisht ndërhyrjes mjekësore, në orën 08:00 është konfirmuar ndarja nga jeta.

Shtetasi Koçiu në momentin e pranimit në institucion ka deklaruar se vuante nga Diabet Mellitus, Hipertension Arterial dhe një AVC ishemik të kaluar rreth gjashtë muaj më parë, për të cilat kishte terapi të vazhdueshme referencë për të cilën i është hapur dhe kartelë mjekësore për kryerjen e ekzaminimeve të vazhdueshme”, – thuhet në njoftim.

Besnik Koçiu, u arrestua pasditen e 12 Korrikut, në lidhje me plagosjen e 34-vjeçarit Franci Xhaferri në një lokal në zonën e Valiasit.

Ky i fundit u paraqit i plagosur në spital, teksa nga hetimet rezultoi se ishte qëlluar nga pakujdesia nga Besnik Koçiu. 51-vjeçari ishte në hetim për veprën penale “Armëmbajtje pa leje dhe prodhim i armëve”.

The post Ishte arrestuar më 12 Korrik për plagosje, ndërron jetë në QSUT një i paraburgosur (EMRI) appeared first on Albeu.com.

Situata e merkatos për Milanin po mbetet e paqartë dhe sfiduese, veçanërisht për transferimin e mesfushorit Ardon Jashari nga Klub Bryzhi, objektivi kryesor i kuqezinjve në këtë verë.

Edhe pse Jashari ka shprehur qartë dëshirën për të veshur fanellën e Milanit, negociatat me klubin belg po mbeten të ngrira.

Klub Bryzh kërkon plot 40 milionë euro për yllin e tyre 21-vjeçar, ndërsa oferta e Milanit arrin në 32.5 milionë euro plus bonuse.

Kjo është oferta përfundimtare e klubit italian, por diferenca me kërkesën e belgëve mbetet e konsiderueshme dhe deri tani nuk ka sinjale për një ulje çmimi nga ana e Bryzhit.

Situata po e nervozon jo pak edhe vetë Jasharin dhe agjentët e tij, të cilët ushtrojnë presion për të përshpejtuar zgjidhjen, por klubi belg nuk pranon asnjë kompromis.

Në pritje të një zhvillimi pozitiv, Jashari po vazhdon të stërvitet kryesisht veçmas, ndërsa drejtuesit e Milanit po mendojnë seriozisht për një alternativë në mesfushë, veçanërisht pas largimit të Pobegas për te Bolonja. Në këtë kuadër, emri i Havi Guera nga Valencia ka rifituar peshë në biseda.

Spanjolli i talentuar, pjesë e kombëtares U21 të Spanjës, ka refuzuar ofertën e rinovimit të kontratës nga klubi i tij dhe është në kërkim të një aventure të re, pas interesit që i është shfaqur edhe nga Mançester Junajtid.

Valencia kërkon rreth 27 milionë euro, duke pasur parasysh se një pjesë e transfertës, rreth 30%, do t’i shkojë Vilarealit për marrëveshje të mëparshme mes klubeve.

The post Igli Tare lodhet me Jasharin, drejtori sportiv i Milanit gati të ndryshojë objektiv appeared first on Albeu.com.

Në orët e para të mëngjesit të sotëm, një sherr është shënuar në zonën turistike të Lumit të Shalës, ku dy të rinj kanë mbetur të plagosur rëndë, si pasojë e një konflikti të dhunshëm me mjete të forta.

Sherri ka nisur rreth orës 02:00, mes disa të rinjve turistë dhe disa të tjerëve që ushtrojnë aktivitet biznesi në këtë zonë.

Përplasja fizike ka zgjatur për disa minuta, duke shkaktuar panik dhe shqetësim në këtë pikë turistike që vizitohet nga qindra pushues çdo ditë.

Burime nga vendngjarja bëjnë me dije se, janë përdorur mjete të forta gjatë konfliktit, ndërsa dy të rinj kanë mbetur të plagosur rëndë.

The post Sherr mes turisteve dhe biznesmenëve në zonën e “Lumit të Shalës”, plagosen dy persona appeared first on Albeu.com.

Të tjera detaje janë bërë publike në lidhje me skemën abuzive të zyrtarëve vendorë të bashkisë Fier, që çoi edhe në nisje të hetimeve për ta.

Prokuroria dhe Policia në kuadër të operacionit të koduar “Parking” ekzekutuan disa masa sigurie. Konkretisht, për ish zv.kryetaren e bashkisë Fier, Adela Hysenaj dhe Anisa Cjapi, Drejtoreshë në Drejtorinë e Taksave dhe Tarifave Vendore u  ekzekutua masa “arrest shtëpie”.

Ndërsa për Martin Dodi, sekretar i Përgjithshëm i Bashkisë Fier dhe Vasil Ceku Drejtor në Drejtorinë e Verifikimit dhe Koordinimit në Terren për Rajonin Jugor në Drejtorinë Rajonale Tatimore Fier u ekzekutua masa e pezullimit nga detyra.

Sipas hetimeve të Policisë dhe Prokurorisë së Fierit, abuzimi kishte në thelb dy forma të organizuara të shpërdorimit të detyrës:

Mosfiskalizimi i parkimit nëntokësor

Zyrtarë të Bashkisë Fier, përfshirë ish-zv/kryetaren dhe ish-drejtoreshën e Taksave Adela Hysenaj si dhe drejtorë të nivelit të lartë në Tatime, nuk zbatuan detyrimin ligjor për të pajisur me kasë fiskale shërbimin e parkimit nëntokësor që administrohej nga Bashkia.

Kjo shmangie sistematike bëri që të mos arkëtohej në buxhetin lokal shuma prej rreth 40 milionë lekësh, e cila duhet të ishte siguruar nga përdoruesit e këtij shërbimi. Pagesat për parkimin, megjithëse të mbledhura, nuk kalonin në rrugë zyrtare dhe nuk regjistroheshin në sistemin tatimor.

Ulje e qëllimshme e taksave për biznese të caktuara

Në një tjetër element të skemës, zyrtarë të Bashkisë Fier, nëpërmjet manipulimit të vlerësimeve fiskale dhe tarifore, ulnin në mënyrë të pajustifikuar taksat për subjekte të caktuara private. Këto lëshime të favorshme dyshohet se janë bërë kundrejt përfitimeve personale, duke u dhënë avantazh të padrejtë disa bizneseve në treg.

Zyrtaret vendore te akuzuar me mase sigurie

Adela Hysenaj – ish-Zëvëndës Kryetare e Bashkisë Fier

Anisa Cjapi – Drejtoreshë në Drejtorinë e Taksave dhe Tarifave Vendore

Martin Dodi – sekretar i Përgjthshëm i Bashkisë Fier

Vasil Ceku – Drejtor në Drejtorinë e Verifikimit dhe Koordinimit në Terren për Rajonin Jugor në Drejtorinë Rajonale Tatimore Fier.

The post Zbardhet skema e abuzimit në bashkinë e Fierit, zyrtarët nuk arkëtuan në buxhet 40 milionë lekë appeared first on Albeu.com.

Një shpërthim me tritol ka ndodhur në orët e para të mëngjesit të sotëm (24 Korrik) në rrugën “Peti” tek zona e Liqenit të Thatë.

Nga shpërthimi janë shkaktuar dëme të konsiderueshme materiale në disa automjete të parkuara, ndërsa janë sekuestruar kamerat e sigurisë.

“Rreth orës 03:50, në rrugën “Peti”, dyshohet se në portën hyrëse të garazhit të shtetasit E. K., 39-vjeç, është vendosur dhe ka shpërthyer një sasi e dyshuar lënde plasëse. Si pasojë janë shkaktuar dëme të konsiderueshme materiale në disa automjete, të parkuara.

Grupi hetimor ka administruar pamjet filmike nga vendngjarja dhe po vijon punën për identifikimin dhe kapjen e autorit, si dhe për dokumentimin e plotë të rrethanave të ngjarjes”, njoftoi policia.

Sipas policisë, 39-vjeçari turk, Yucehan Er banues në Gjermani, ka marrë një automjet me qira, të cilin e ka sjellë në Shqipëri dhe më pas ka bërë kallëzim të rremë se ja kanë vjedhur në afërsi të një hoteli në Tiranë.

Mësohet se pronar i garazhit që iu vendos tritol është Elvis Kosova, me precedentë të mëparshëm penal.

Ai u arrestua në gusht të vitit 2024, për shkak se u akuzua për vjedhjen e nje Audi R8 me vlerë 200 mijë euro.

Lidhur me këtë rast, së bashku me të u vu në pranga edhe shtetasin turk, Yucehan Er.

Sipas njoftimit të policisë në atë kohë, 39-vjeçari turk Yucehan Er, banues në Gjermani, kishte marrë një automjet me qira, të cilin e solli në Shqipëri dhe më pas ka bërë kallëzim të rremë se ia kishin vjedhur në afërsi të një hoteli në Tiranë.

Nga verifikimet e kryera rezultoi se Yucehan Er ia kishte dhënë automjetin Elvis Kosovës dhe ka bërë kallëzim të rremë për vjedhjen e tij për qëllime përfitimi.

Pasi ka zbuluar skemën, gjatë kontrollit në oborrin e një banese në fshatin Prush, blutë gjetën të parkuar automjetin tip “Audi”, i cili u sekuestrua në cilësinë e provës materiale, së bashku me 4 aparate celulare. Në kërkim, në atë kohë, u shpall edhe një 20-vjeçar, pronari i baneses ku ishte parkuar makina.

The post Shpërthimi me tritol në Tiranë/ Kush është pronari 39-vjeçar me precedentë penal, para një viti u arrestua për vjedhjen e ‘Audi’-t 200 mijë euro appeared first on Albeu.com.

Mbrëmjen e djeshme, policia në bashkëpunim me Prokurorinë e Fierit, kanë ndërmarrë një operacion  ku kanë ekzekutuar disa urdhër-arreste.

Burime për mediat bëjnë me dije se, një prej të arrestuarëve është edhe nënkryetarja e Bashkisë së Fierit, Adela Hysenaj, e njohur si një bashkëpunëtore e ngushtë e kryebashkiakut Armando Subashi.

Mësohet se ndaj saj është caktuar masa e sigurisë “arrest në shtëpi”.

Gjithashtu, Policia e Fierit ka dhënë dhe disa nga detajet e operacionit, i cili është ende në vijim.

Njoftimi i Policise Fier:

Seksioni për Hetimin e Krimeve Ekonomiko-Financiare të DVP Fier në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Fier, pas një pune hetimore disamujore, në kuadër të një procedimi penal të vitit 2025, ka finalizuar operacionin policor “Parking”.

Në kuadër të tij u ekzekutuan masat e sigurisë:

“Arrest në shtëpi” për shtetasen A. H., 34-vjeçe, banuese në Fier, ish-Drejtoreshë e Përgjithshme e Taksave dhe Urbanistikës së Bashkisë Fier dhe ish-Zëvëndës Kryetare e Bashkisë Fier, për veprat penale “Shperdorimi i detyrës” dhe “Ushtrim i ndikimit të paligjshëm ndaj personave që ushtrojnë funksione publike;

“Arrest në shtëpi” dhe “Pezullim i ushtrimit të një detyre a shërbimi publik” për shtetasin V. C., 41-vjeç, banues në Fier, Drejtor në Drejtorinë e Verifikimit dhe Koordinimit në Terren për Rajonin Jugor në Drejtorinë Rajonale Tatimore Fier, për veprën penale “Shpërdorimi i detyrës”;

“Pezullim i ushtrimit të një detyre a shërbimi publik”, për shtetasen A. C., 38-vjeçe, banuese në Fier, Drejtoreshë në Drejtorinë e Taksave dhe Tarifave Vendore në Bashkinë Fier, për veprën penale “Shpërdorimi i detyrës”;

“Pezullim i ushtrimit të një detyre a shërbimi publik” dhe “Ndalimi i daljes jashtë shtetit”, për shtetasin M. D, 57-vjeç, banues në Fier, sekretar i Përgjthshëm i Bashkisë Fier, për veprën penale “Ushtrimi i ndikimit të paligjshëm ndaj personave që ushtrojnë funksione publike”.

Këta shtetas, duke mos vepruar sipas kuadrit ligjor për vendosjen e kasës së fiskalizimit për parkimin nëntokësor që administron Bashkia Fier, nuk kanë arkëtuar shumën prej rreth 40 milion lekë në arkat e Bashkisë Fier.

Gjithashtu, këta shtetas, nëpërmjet shpërdorimit të detyrës, kanë ulur taksat e subjekteve të ndryshme tregëtare në Fier, kundrejtë përfitimit.

Materialet i kaluan Prokurorisë Fier, për veprime të mëtejshme.

The post Policia aksion në Fier, disa të arrestuar, mes tyre edhe bashkëpunëtorja e ngushtë e Armando Subashit appeared first on Albeu.com.