Modelja dhe influencerja e njohur, Sara Kolami, ka tërhequr vëmendjen e rrjeteve sociale pas publikimit të disa fotografive të reja nga pushimet e saj verore.

E veshur me bikini ngjyrë blu me motive limonësh, ajo pozoi mbi një ballkon me pamje mahnitëse nga deti, duke treguar stilin e saj të freskët dhe elegant për këtë sezon.

Në fotografitë e postuara, Sara shfaqet e relaksuar mbi një tapet që përputhet me bikini-t, ndërsa pranë saj ndodhet edhe një çantë plazhi me të njëjtin dizajn, duke krijuar një pamje të kuruar deri në detaj.

Pamja tropikale e sfondit me palma dhe det i ka shtuar edhe më shumë atmosferë pushimeve të saj.

Reagimet nga ndjekësit nuk kanë munguar, me shumë komente që lavdëronin zgjedhjen e veshjes dhe format e saj fizike.

Sara Kolami njihet për stilin e saj unik dhe shpesh frymëzon ndjekësit me kombinime verore që përçojnë freski dhe gjallëri.

The post Sara Kolami mahnit ndjekësit me bikini në pushimet buzë detit appeared first on Albeu.com.

E ftuar në emisionin “Live From Tirana” me Ronaldo Sharkën, ish-banorja e “Big Brother VIP 4”, Amber Candy, foli për jetën e saj pas daljes nga formati dhe planet që ka për të ardhmen, si në aspektin profesional ashtu edhe atë personal.

E pyetur nga moderatori nëse mendon të krijojë një familje dhe të ketë fëmijë, Amber u tregua e sinqertë, duke theksuar se ndonëse nuk e përjashton mundësinë e një bashkëjetese, nuk është gati për të marrë përsipër një përgjegjësi kaq të madhe si rritja e një fëmije vetëm.

Pjesë nga biseda:

Ronaldo: A do të krijosh një familje, të kesh fëmijë?

Amber: Në momentin që unë jam realiste, e marr jetën ashtu si më vjen. Nëse në jetë bëra një ndryshim, kjo nuk do të thotë që të deliroj me mendjen time. Absolutisht nuk mund të rri dot pa një familje, pa një bashkëjetesë, por fëmija është një përgjegjësi e madhe, nuk mendoj të adoptoj… Më duket shumë e vështirë. Ai fëmijë duhet të rritet normalisht, me nënë e me baba, natyral. Nuk duhet të deliroj në këtë jetë. Në këtë jetë ne nuk do të thotë që t’i bëjmë të gjitha dhe të marrim përsipër gjëra që mund të mos i bëjmë dot dhe që të rrezikojmë për një të tretë, për jetën e një të treti.
Ronaldo: Mendon për pasojat që mund të ketë tek fëmija?

Amber: Absolutisht që po.

Ronaldo: E lidh këtë me mentalitetin shqiptar?

Amber: Jo, sepse nëse unë do të ecja me mentalitetin shqiptar, nuk do të isha kjo që jam. Por ai fëmija, duhet të rritet me një nënë e baba natyral dhe duhet të ketë një jetë të lumtur e të mos ketë trauma.

The post Amber Candy: Nuk rri pa një bashkëjetesë, por s’mund të adoptoj një fëmijë! appeared first on Albeu.com.

Stresi ka ndezur rrjetin me një story të fundit në Instagram, ku ndan një bisedë private me dikë që i propozon një takim në jug. Përgjigjja e tij?

“Pot kisha fiksim do vija”, e ndjekur nga një koment i shkruar me të madhe: “fixim kam vetëm bkc-n’.

Ajo që tërheq më shumë vëmendje është përmendja e BKC, që ndjekësit e tij e lidhin menjëherë me ish-të dashurën e tij, Kejsi, e cila ka këtë emër përdoruesi në Instagram.

Nuk dihet nëse ky postim është një tentativë për t’u lidhur sërish me Kejsin apo një ironi e qëllimshme ndaj mesazheve që merr.

The post “Fixim kam vetëm…”/ Stresi i hedh kunja ish-partneres? appeared first on Albeu.com.

Presidenti i Ukrainës, Volodymyr Zelensky, e ka nënshkruar të martën një ligj që ua mundëson ukrainasve mbi 60 vjeç që t’iu bashkohen forcave të armatosura, të cilat janë në pozitë të vështirë për të gjetur rekrutë, teksa lufta e nisur nga Rusia është nisur në vitin e katërt.

Ligji do t’iu mundësojë atyre të nënshkruajnë kontratë njëvjeçare për role joluftarake, nëse i kalojnë të gjitha testet mjekësore, sipas një shkrese të publikuar në faqen e parlamentit.

“Një numër në rritje i shtetasve të moshës 60-vjeçare apo më shumë, kanë shprehur dëshirën që vullnetarisht t’i bashkohen mbrojtjes së shtetit”, është thënë në shkresë.

“Është e domosdoshme që të përfshijmë numër më të madh të njerëzve që dëshirojnë ta mbrojnë sovranitetin dhe integritetin territorial të Ukrainës”.

Ukraina i ka lansuar disa iniciativa për të angazhuar më shumë njerëz në forcat e armatosura – përfshirë kontratat njëvjeçare dhe shtysat tjera financiare për personat e moshave 18-24 vjeç.

Ky shtet, gjithashtu, e ka zvogëluar moshën e mobilizimit nga 27 në 25 vjeç, në prill të vitit 2024, duke iu rezistuar thirrjeve të administratës amerikane që ajo të ulet edhe më tepër – në 18 vjeç.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre. /rel

The post Zelensky miraton ligjin e ri, ukrainasit mbi 60 vjeç do të mund t’i bashkohen ushtrisë appeared first on Albeu.com.

Përvec korrupsionit dhe fshehjes së pasurise ndaj Ilir Metës është ngritur akuza e pastrimit të parave.Kjo veper penale sipas Spak lidhet me episodin ku Ilir Meta ishte në krye të partisë LSI.

Sipas dosjes hetimore rezulton se është vërtetuar se egziston një lidhje interesash ekonomike dhe transaksione bankare midis kompanisë B.SK. shpk, kompanisë Unifi Communications Inc me president Adrian Shatkun, Partisë Lëvizja Socialiste për Integrim dhe Ilir Metaj e Monika Kryemadhi. Bazuar në faktin se:

1. Partia LSI për vitin 2016-2017 ka kryer pagesa të padeklaruara në shumën 369.785 USD për të kryer pagesat për shërbimet e ofruara nga kompania lobuese GSIS LLC.

2. Burimi i fondeve që kanë financuar kontratat e lobimit dhe konsulencës të partisë LSI, nuk është deklaruar sipas ligjit

3. Adrian Shatku dhe kompania Unifi Communication Inc kanë kryer pagesa në shumën 253.285 lekë për logari të partisë LSI me qëlim mbulimin e shpenzimeve që lidhen me ekzekutimin e kontratës së këshilimit që Lëvizja Socialiste për Integrim ka lidhur me kompaninë Global Security& Innovative Strategies LLC.

4. Ema Çoku i ka transferuar Adrian Shatkut dhe Unifi Communication Inc shumën 220,000 dolarë nga të cilat 100,000 USD janë derdhje cash të copëzuara brenda një dite në të njëjtën llogari nga persona pa të ardhura (punonjëse të B.S.K shpk).

5. Kompania B.S.K dhe vetë Ema Çoku, kanë paguar shuma nga 3,000 Euro; 4,465 Euro; 10,000 Euro; 867,000 lekë; 1,142,000 lekë deri në 4,100,000 lekë, për aktivitete të LSI-së dhe të përfaqësuesve të kompanisë JPM Strategic Solutions LLC që kanë kryer aktivitet në Shqipëri për llogari të LSI-së.

Me këtë cilësi, i pandehuri Ilir Metaj, ka ndërmarrë veprime aktive kriminale, me qëllim fshehjen e natyrës së vërtetë, origjinës dhe burimit të fondeve të cilat janë përdorur për të financuar kontratat e

lobimit, duke ditur që këto para janë produkt i veprës penale ose veprimtarisë kriminale.

Sipas Spak është vërtetuar që në marrëdhënien që Lëvizja Socialite për Integrim ka me Global Security& Inovative Strateges janë deklaruar shpenzime 93.761 USD, ndërkohë që është vërtetuar se Global Security& Inovative Strateges ka përfituar nga kjo marrëdhenie 463.546,26 USD apo 369.785 USD më shumë, se shuma e deklaruar në Shqipëri.

The post Dosja Meta, zbulohen lëvizjet e pagesave për kontratën lobuese, Ilir Meta pastroi para kur ishte kreu i LSI appeared first on Albeu.com.

Të paktën 112 persona u vranë në Gaza në 24 orët e fundit, duke e çuar numrin total përtej një momenti të zymtë prej më shumë se 60,000 që nga fillimi i luftës, sipas Ministrisë së Shëndetësisë të drejtuar nga Hamasi.

Spitalet lokale thonë se njerëz u vranë në sulmet ajrore dhe të shtënat izraelite, teksa shume prej tyre kërkonin ndihmë. Në zonën qendrore Nuseirat, spitali al-Awda tha se të paktën 30 persona u vranë, përfshirë 14 gra dhe 12 fëmijë.

Të paktën 14 persona të tjerë u vranë pranë një pike shpërndarjeje ndihmash, thuhet në njoftim, dhe më shumë se 100 të tjerë u plagosën.

Gjithashtu, mediat ndërkombëtare raportojnë se katër persona u vranë në një tendë gjatë natës në zonën bregdetare të al-Mawasi – ku Izraeli thotë se po ndërpret luftimet për 10 orë gjatë ditës për të ndihmuar në shpërndarjen e ndihmave.

Nëntë të tjerë u vranë në Khan Younis, thonë burime spitalore lokale dhe dëshmitarë. Spitali Al-Shifa tha këtë mëngjes se dy persona u vranë në një sulm me raketa në një apartament në qytetin e Gazës.

Një sulm i mëvonshëm vrau pesë anëtarë të një familjeje, ndërsa ekipet e shpëtimit kanë pasur vështirësi të arrijnë te viktimat e një sulmi tjetër.

Shkatërrimi që Izraeli i ka shkaktuar Gazës do t’u duhen vite që palestinezëve ta kapërcejnë, por do t’i duhen gjithashtu vite që Izraeli të kapërcejë dëmin që i ka shkaktuar qëndrimit të tij moral.

Perceptimet dhe mënyra se si njerëzit e shohin Izraelin, kanë ndryshuar, dhe ka një ndërgjegjësim gjithnjë e më të madh për këtë edhe brenda vetë Izraelit. Dy organizata izraelite për të drejtat e njeriut thanë dje se Izraeli po kryente gjenocid në Gaza.

The post Izraeli vazhdon sulmet vdekjeprurëse në qendrat e ndihmave, ndërsa banorët e Gazës presin ushqim appeared first on Albeu.com.

Një reagim ka ardhur nga Xhenneta në rrjete sociale, ku duket se ka hedhur një kunjë të drejtpërdrejtë ndaj Egli Takos. Kjo e fundit u ngjit së fundmi në skenë me flamurin shqiptar mbi supe, gjatë një koncerti ku mesazhet patriotike dominuan performancën e saj.

“Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah,” shkruan Xheneta, duke lënë të kuptohet se e konsideron këtë gjest më shumë si një veprim për klikime sesa si shprehje e vërtetë patriotizmi.

Ajo vijon më tej duke krahasuar artistët shqiptarë me ata amerikanë: “Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemer, jo n’story. Ata bien n’sy me sukses, jo me folklor për klikime.”

Në përfundim, ajo lëshon një kritikë të fortë:

“Përdorni gjithçka veç talentin – edhe njerëzit, edhe kombin. Të paftyrë me internet.”

The post FOTO/ Xheneta “thumbon” Eglin pas performancës me flamurin shqiptar: Përdorni gjithçka veç talentin, të paft*rë appeared first on Albeu.com.

Kanë kaluar më shumë se 40 vite, por dasma mbretërore e Princeshës Diana me Princin Charles më 29 korrik 1981 mbetet një nga ngjarjet më të komentuara në historinë moderne.

Ja disa nga sekretet më të pazakonta e prekëse që ndodhën në prapaskenat e asaj dite:

1. Diana humbi shumë peshë para dasmës
Nga stresi, Diana ra ndjeshëm në peshë. Stilistja Elizabeth Emanuel tregoi se ajo nga një bel 66-68 cm, përfundoi në 58 cm. Diana e pranoi më vonë se çrregullimi ushqimor nisi pasi Charles i kishte bërë një koment për trupin e saj.

2. Derdhi parfumin mbi fustan
Ndërsa po përgatitej, Diana pa dashje derdhi disa pika parfum mbi fustanin e bardhë. Grimerja e saj i sugjeroi që të mbante dorën mbi njollën, duke bërë sikur po ngrinte fustanin për të mos e shkelur.

3. Fustani i saj i gjatë i vuri në siklet shoqërueset
Pjesa e pasme e fustanit (bishti) ishte shumë i gjatë dhe kërkonte koordinim të kujdesshëm. Shoqërueseve të vogla Diana u tha thjesht: “Bëni më të mirën tuaj”, ndërsa ato përpiqeshin të mos e tërhiqnin shumë dhe të mos prishnin pamjen.

4. U përgatitën dy buqeta për nusen
Për të shmangur ndonjë incident si në dasmën e Mbretëreshës Elizabeth (ku humbi buqeta), për Dianën u përgatitën dy buqeta identike, një për të mbajtur, dhe një rezervë, në rast se ndodhte ndonjë problem.

5. Diana ngatërroi emrin e Charles gjatë betimit
Nga emocionet, ajo gaboi dhe e quajti “Philip Charles” në vend të “Charles Philip”. Me kaq shumë emra mbretërorë, ishte një lapsus njerëzor.

6. Fustani kishte një simbol për fat të mirë
Brenda fustanit ishte fshehur një patkua i vogël prej ari 18 karatësh, zbukuruar me diamante, një simbol klasik për fat në martesë.

7. Kishin përgatitur një çadër të veçantë në rast shiu
Nëse do të binte shi, stilistët kishin krijuar një ombrellë të dekoruar me të njëjtën dantellë si fustani. Për fat të mirë, koha qëndroi e kthjellët.

8. Camilla ishte në listën e të ftuarve
Pavarësisht lidhjes së mëparshme me Charles, Camilla mori pjesë në dasmë, për shkak të rolit zyrtar të burrit të saj në ushtri. Thuhet se Charles kishte shpërthyer në lot natën para ceremonisë,  ende i paqartë mes detyrës dhe ndjenjave për Camillën.

The post 8 sekrete nga dasma mbretërore e Princeshës Diana dhe Princit Charles appeared first on Albeu.com.

Me kërkesë të SPAK, GJKKO ka sekuestruar 21 pasuri me vlerë mbi 9.3 milion euro, në emër të kompanisë “Albania Tabak Fabrika e Re e Cigareve” sh.p.k., të dyshuara si përfitim nga kontrabanda në kuadër të një grupi kriminal.

GJKKO ka sekuestruar aksionet e kompanisë që ka në menaxhim fabrikën e cigareve në Librazhd, 7 apartamente banimi, tre hapësira parkimi+depo, si edhe dy vila dhe truall në zonën e Mulletin në Tiranë.

Sipas SPAK, vlera totale e pasurive të sekuestruara, sipas kontratave të shitblerjes dhe vlerësimeve financiare, është rreth 9 365 922 (nëntë milionë e treqind e gjashtëdhjetë e pesë mijë e nëntëqind e njëzet e dy) euro.

Kjo shumë dyshohet se përfaqëson përfitime të paligjshme të gjeneruara nga veprimtaria e kontrabandës në kuadër të organizatës kriminale ose grupit të strukturuar kriminal.

Kujtojmë se më herët gjatë ditës së sotme, gazetarja Klodiana Lala, raportoi se këto aksione dhe pasuritë janë të lidhura me shtetasin me iniciale E.A.

Njoftimi i SPAK

Sekuestrohen 21 pasuri me vlerë mbi 9.3 milion euro, të dyshuara si përfitim nga kontrabanda në kuadër të një grupi kriminal

Prokuroria Posaçme Kundër Korrupsionit dhe Krimit të Organizuar Tiranë, ka regjistruar procedimin penal nr. 20 viti 2023, për veprat penale të “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, e kryer në formën e veçantë të bashkëpunimit “Grupi i strukturuar kriminal”, si dhe “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 172 pika 3, 28/4, 333/a dhe 334 të Kodit Penal, si dhe “Kontrabanda nga punonjës që lidhen me veprimtarinë doganore”, e kryer në formën e veçantë të bashkëpunimit atë të grupit të strukturuar kriminal dhe “Grupi i strukturuar kriminal”, si dhe “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 175, 28/4, 333/a dhe 334 të Kodit Penal, si dhe vepra penale “Shpërdorimi i detyrës”, parashikuar nga neni 248 i Kodit Penal.

Për sa më sipër, Prokuroria e Posaçme Kundër Korrupsionit dhe krimit të Organizuar ka depozituar kërkesën për vendosjen e sekuestros preventive mbi disa pasuri dhe Gjykata e Posaçme e Shkallës së Parë Kundër Korrupsionit dhe Krimit të Organizuar me vendimin nr. 473 datë 28.07.2025 ka vendosur:

a) Pranimin e kërkesës së Prokurorisë së Posaçme kundër Korrupsionit dhe Krimit të Organizuar.

b) Vendosjen e sekuestros preventive mbi pasuritë e paluajtshme dhe luajtshme, si më poshtë vijon:

I. Pasuri në emër të “Albania Tabak Fabrika e Re e Cigareve” sh.p.k. (NIPT J87824603F):

Pasuria me nr. 1/543 ndodhur në ZK 2446, Vol 19 Fq 126
Pasuria me nr. 1/542 ndodhur në ZK 2446, Vol 19 Fq 125
Pasuria me nr. 1/541 ndodhur në ZK 2446, Vol 19 Fq 124
Pasuria me nr. 1/540 ndodhur në ZK 2446, Vol 19 Fq 123
Pasuria me nr. 1/536 ndodhur në ZK 2446, Vol 19 Fq 118
Pasuria me nr. 1/434 ndodhur në ZK 2446, Vol 16 Fq 77
Pasuria me nr. 1/543 ndodhur në ZK 2446, Vol 19 Fq 126
Pasuria me nr. 1/538 ndodhur në ZK 2446, Vol 19 Fq 120
Pasuria me nr. 1/38 ndodhur në ZK 2446, Vol 06, Fq 202
II. Apartamente banimi:

10. Apartament të ndodhur në Katin 32 të Godinës me nr. T2.02.L me sipërfaqe të përgjithshme ndërtimi 134.56 m2 sipas planimetrisë dhe Skicës.
11. Apartament të ndodhur në Katin 32 të Godinës me nr. T1.03.D me sipërfaqe të përgjithshme ndërtimi 115.15 m2 sipas planimetrisë dhe Skicës.
12. Apartament të ndodhur në Katin 32 të Godinës me nr. T2.09.F me sipërfaqe të përgjithshme ndërtimi 154.81 m2 sipas planimetrisë dhe Skicës.
13. Apartament të ndodhur në Katin 32 të Godinës me nr. T2.03.N me sipërfaqe të përgjithshme ndërtimi 163.46 m2 sipas planimetrisë dhe Skicës.
14. Apartament të ndodhur në Katin 32 të Godinës me nr. T2.04.M me sipërfaqe të përgjithshme ndërtimi 196.61 m2 sipas planimetrisë dhe Skicës.
15. Apartament të ndodhur në Katin 32 të Godinës me nr. T3.01.H me sipërfaqe të përgjithshme ndërtimi 195.70 m2 sipas planimetrisë dhe Skicës.
16. Apartament të ndodhur në Katin 32 të Godinës me nr. T2.05.A me sipërfaqe të përgjithshme ndërtimi 134.56 m2 sipas planimetrisë dhe Skicës.

III. Parkime:

17. Parkim ndodhur në katin -1, K1/P67
18. Parkim ndodhur në katin -1, K1/P66 + Depo K1/D9
19. Parkim ndodhur në katin -1, K1/P65 + Depo K1/D8

IV. Vila dhe truall në zonën e Mulletit:

20. Vilë e tipit Rose nr. 151 me përbërje 2 kate, 1 kat bodrum me parcelë ndërtimi 818 m2 dhe sip ndërtimi 386 m2, e cila ndodhet në kompleksin rezidencial “Rolling Hills” Mullet, Tiranë.
21. Truall dhe ndërtesë (Vilë individuale 2 kate dhe 1 kat nëntokë: Vila B1-59) me nr. pasurie 38/71, e ndodhur në Mullet regjistruar në Drejtoria Rajonale ASHK Rurale 1 ZK 2735 sip 932 m2 vol 10 f1 168 numër unik 2735010168.

Vlera totale e pasurive të sekuestruara, sipas kontratave të shitblerjes dhe vlerësimeve financiare, është rreth 9 365 922 (nëntë milionë e treqind e gjashtëdhjetë e pesë mijë e nëntëqind e njëzet e dy) euro. Kjo shumë dyshohet se përfaqëson përfitime të paligjshme të gjeneruara nga veprimtaria e kontrabandës në kuadër të organizatës kriminale ose grupit të strukturuar kriminal.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

The post Aksioni në kompaninë “Albania Tabak Fabrika e re e Cigareve”, sekuestrohen 21 pasuri me vlerë mbi 9.3 milion euro appeared first on Albeu.com.

Kryeministri britanik, Keir Starmer, ka deklaruar se Mbretëria e Bashkuar do të njohë shtetin e Palestinës në muajin shtator, përpara mbledhjes së Asamblesë së Përgjithshme të Kombeve të Bashkuara.

Ai thekson se kjo njohje do të bëhet nëse Izraeli nuk ndërmerr hapa të rëndësishëm për t’i dhënë fund gjendjes së rëndë në Gaza, për të arritur një armëpushim, për të garantuar se nuk do të ketë aneksime në Bregun Perëndimor, dhe për t’u angazhuar në një proces paqeje afatgjatë që çon drejt zgjidhjes me dy shtete.

Starmer nënvizoi se “nuk ka asnjë ekuivalencë mes Izraelit dhe Hamasit”, dhe se kërkesat e Mbretërisë së Bashkuar ndaj Hamasit mbeten të pandryshuara.

Ai përsëriti që ata duhet të lirojnë të gjithë pengjet, të nënshkruajnë një armëpushim, të pranojnë se nuk do të luajnë asnjë rol në qeverinë e Gazës dhe të çarmatosen.

“Mund të konfirmoj se Mbretëria e Bashkuar do ta njohë Shtetin e Palestinës nga Asambleja e Përgjithshme e Kombeve të Bashkuara në shtator, përveç nëse qeveria izraelite ndërmerr hapa thelbësorë për t’i dhënë fund situatës së tmerrshme në Gaza, për të rënë dakord për një armëpushim dhe për t’u angazhuar për një paqe të qëndrueshme afatgjatë duke ringjallur perspektivën e një zgjidhjeje me dy shtete”, tha ai.

The post Lufta në Gaza, Starmer: Mbretëria e Bashkuar do ta njohë shtetin e Palestinës në OKB në shtator appeared first on Albeu.com.

Ish-drejtori ekzekutiv i Astronomer, Andy Byron thuhet se po shqyrton mundësinë e paditjes së Coldplay për akuzën se e ka kapur me të dashurën e tij Kristin Cabot, drejtoreshën e burimeve njerëzore të kompanisë, gjatë një sesioni puthjeje me kamera në koncertin e tyre.

Bazuar në atë që thonë burimet pranë menaxherit të cituara nga New York Post , padia kundër grupit dhe organizatorëve të eventit bazohet në akuzat për “shkelje të privatësisë” dhe “shqetësim emocional” për shkak të sikletit që përjetoi.

Tabloidi i Neë York-ut shpjegon se Byron, përveç “mosdhënies së pëlqimit për t’u filmuar”, ndihet “viktimë e poshtërimit publik pa pëlqim”, gjë që e ka “shndërruar atë në një meme”.

Ekspertët ligjorë të konsultuar nga gazeta besojnë se shanset e padisë për sukses janë të pakta.

Coldplay nuk i është përgjigjur ende zyrtarisht padisë së mundshme të Byron. Megjithatë, kolumnisti i njohur i thashethemeve, Rob Shuter, duke cituar burime, pohon se Chris Martin “qeshi me të madhe” me idenë e përfshirjes në veprime ligjore pas incidentit me kamerën e puthjes. Ekspertët ligjorë, siç u përmendën, janë skeptikë në lidhje me shanset e suksesit të padisë.

Pas dorëheqjes së Byron si CEO e Astronomer, shpërthyen polemika të forta sepse Cabot kishte mbetur në kompani. Por pak më shumë se një javë pas kamerës famëkeqe me puthje, ajo vendosi gjithashtu të linte rolin e saj. Pas jehonës globale të videos, kompania e teknologjisë njoftoi se kishte nisur një hetim të brendshëm për këtë çështje, i cili çoi në emërimin e bashkëthemeluesit dhe drejtorit kryesor të produktit Pete DeJoy si CEO të përkohshëm.

The post Puthja që bëri ‘xhiron’ e rrjetit/ Ish-CEO i Astronomer planifikon të padisë Coldplay appeared first on Albeu.com.

Prokurorja e Tiranës, Eranda Laze (Felaj) është larguar përfundimisht nga sistemi i drejtësisë. Kolegji i Posaçëm i Apelimit shpalli këtë të martë, më 29 korrik, vendimin për shkarkimin nga detyra. Ajo është dhe motra e deputetes socialiste Ermonela Felaj.

Sipas Kolegjit, është I drejtë pretendimi i institucionit të Komisionerëve Publikë dhe drejtuesit të SPAK se prokurorja Eranda Laze dhe bashkëshorti i saj janë në pamundësi për të vërtetuar burimet financiare të ligjshme për pagesën e këstit të parë të një apartamenti në vlerën 40 mijë euro dhe për këstin e fundit.

Po ashtu, trupa gjykuese ka gjetur të drejtë dhe shkakun e ankimit për pamundësinë e krijimit të gjendjes cash, për arsye të mosvërtetimit të ligjshmërisë së të ardhurave të bashkëshortit nga avokatia. Sipas KPA, për këto të ardhura nuk u provua shlyerja e detyrimeve tatimore.

Për një ngastër toke dhuruar bashkëshortit, trupi gjykues i KPA vlerësoi se subjekti nuk shpjegoi bindshëm marrëdhënien e bashkëshortit me dhuruesit, raporton BIRN.

Kolegji vlerësoi se dhe për një ndërtim informal në proces legalizimi, vetëdeklaruar nga babai i bashkëshortit të subjektit, nuk u dhanë shpjegime për arsyet e investimit së bashku me një shtetase tjetër të një garazhi në një vend turistik, edhe pse ai jeton në Itali.

Megjithëse këto rrethana nuk janë gjetur penalizuese, janë konsideruar në vlerësimin tërësor. Të pamjaftueshme përmasë janë gjetur dhe udhëtimet me persona të dyshuar si të përfshirë në veprimtari kriminale, megjithëse u konstatua se tregojnë për pakujdesi.

Në përfundim, trupi gjykues i Kolegjit arrin në përfundimin se prokurorja Eranda Laze gjendet në kushtet e deklarimit të pamjaftueshëm për pasurinë dhe u vendos ndryshimi i vendimmarrjes së Komisionit e shkarkimi nga detyra i këtij subjekti rivlerësimi.

Më herët, Eranda Laze u konfirmua në detyrë nga Komisioni i Pavarur i Kualifikimit, më 8 nëntor të vitit të kaluar. Gjatë hetimit administrativ në KPK, ajo e kundërshtoi bilancin negativ në masën 10 milionë lekë, si dhe gjetjet për udhëtime me persona të përfshirë në krimin e organizuar, duke kërkuar konfirmimin.

Shumica e trupës së KPK i gjeti bindëse shpjegimet dhe provat e dorëzuara nga subjekti, duke e reduktuar pamundësinë në rreth 1.5 milionë lekë, që u konsiderua në përfundim jo penalizues.

Pakica çmoi se Laze nuk arriti të provojë ligjshmërinë e burimeve për dy apartamente në Tiranë, të blera për vlerën 81,284 Euro dhe të një automjeti. Pakica arsyetoi se pretendimet e subjektit nuk mbështeteshin nga deklarimet periodike dhe as nga faktet e rezultuara nga hetimi administrativ.

Vendimi i shumicës së Komisionit u gjet i pabazuar dhe nga Operacioni Ndërkombëtar i Monitorimit që pasi evidentoi probleme për pasurinë dhe etikën, u kërkoi Komisionerëve Publikë përmes një rekomandimi, që të ushtronin ankim në Kolegj. Sot ky ankim ka marrë rrugë dhe prokurorja Eranda Laze është shkarkuar nga detyra, duke u larguar përfundimisht nga sistemi i drejtësisë.

The post Vettingu nxjerr përfundimisht nga drejtësia motrën e deputetes socialiste, prokurorja e Tiranës nuk justifikon pasurinë dhe udhëtimet me kriminelët appeared first on Albeu.com.

Amber, ish-banorja e “Big Brother VIP 4” e cila ka treguar hapur se është një transgjinore, ka rrëfyer një pjesë shumë të ndjeshme të jetës së saj.

Ajo ka folur në lidhje me një teme shumë delikate që shpesh e kanë pyetur, a do të bëhet nënë, të ketë fëmijë?

Së fundmi ajo është përgjigjur hapur duke treguar me sinqeritet që nuk dëshiron të ketë fëmijë. Sipas saj, një fëmijë duhet të rritet në një ambient të shëndetshëm emocionalisht, nga dy prindër që janë të gatshëm dhe të pranuar nga shoqëria dhe familja.

Ajo shton se trauma që ka përjetuar vetë nuk dëshiron t’ia transmetojë një fëmije të pafajshëm dhe se vendimi për të mos u bërë nënë vjen si rezultat i reflektimit të thellë mbi atë që ajo ka përjetuar dhe çfarë mund të ofrojë si prind.

Më herët Amber ka treguar vështirësisitë që ka kaluar që vendimi për të dnryshuar gjini, mos pranimi nga prindërit, motrat dhe vëllëzirit,

Amber tregon me dhimbje se për shkak të kësaj situate nuk mundi të merrte pjesë në varrimin e babait dhe e ka vizituar varrin vetëm pas ceremonisë.

The post Amber tregon arsyen pse nuk do ketë kurrë fëmijë: Janë të pafajshëm e duhet të rriten nga dy prindër të pranuar nga shoqëria appeared first on Albeu.com.

Shoqëria “Albania Tabak Fabrika e Re e Cigareve” e kontrolluar nga kompania mëmë “EA TOBACCO” në pronësi të biznesmenit kontravers Ergys Agasi, është sekuestruar me vendim të Gjykatës së Posaçme. Vendimi vjen një javë pas paraqitjes së Agasit në SPAK.

Një hetim i thelluar i përbashkët i gazetarëve nga BIRN dhe ARIJ zbuloi se në Shqipëri, në fabrikën Albania Tabak në Librazhd, prodhoheshin me miliona paketa cigare të markës egjiptiane “Kleopatra”. Kjo fabrikë, e cila prej vitit 2014 prodhonte rreth 22 milionë paketa në vit, kishte marrë licencën nga një kompani ndërkombëtare për të prodhuar dhe shpërndarë këto cigare në Europë dhe më gjerë.

Sipas dokumenteve të siguruara, cigaret prodhoheshin në Shqipëri dhe dërgoheshin masivisht në Libi, ndërsa një pjesë e konsiderueshme dyshohet se kontrabandohej ilegalisht në Egjipt, duke shkaktuar humbje të mëdha për kompaninë origjinale egjiptiane Eastern Company, e cila zotëron markën “Kleopatra”.

Hetimet e Doganave të Mbretërisë së Bashkuar kishin sinjalizuar për këtë aktivitet në 2015, duke çuar në nisjen e hetimeve edhe në Shqipëri.

Për këtë arsye, në fund të vitit 2015, prodhimi në fabrikën Albania Tabak u pezullua përkohësisht, ndërsa rasti u rihap në 2017, kur u evidentuan lidhje të kompanive të ndryshme me bazë në Ishujt Virgjin Britanik dhe Qipro, që dyshohet se menaxhonin trafikun ndërkombëtar të cigareve.

Edhe media investigative “Shteg”, nga raportimi i saj ka arritur të zbulojë se Albania Tabak prodhonte cigaret për kompaninë Eques Holding Group, e cila kishte marrë licencën për përdorimin e markës “Kleopatra” në Europë dhe për tregjet ndërkombëtare.

Dokumentet gjyqësore në Shqipëri, raportet e rrjedhura të doganave britanike, kontratat dhe intervistat me drejtuesit e fabrikës, aso kohe zbuluan se rreth 22 milionë paketa cigare janë prodhuar çdo vit nga Albania Tabak në Librazhd, përpara se të dërgohej për eksport drejt Libisë.

The post “Albania Tabak” u sekuestrua sot, investigimi për kontrabandën e cigareve në Libi dhe Egjipt: Në Librazhd prodhoheshin 175 milionë paketa “Cleopatra” në vit appeared first on Albeu.com.

Prej disa ditësh, ndjekësit kanë vënë re një afrim virtual mes Don Xhonit dhe Loredanës, ku nuk kanë munguar as komentet me nota lozonjare nga ana e reperit në postimet e saj.

Por sot, Don Xhoni ka shtuar dhe më shumë “benzinë në zjarr”, duke postuar një video ku shfaqet së bashku me Loredanën.

Shikimi i tij ndaj saj është gjithçka për të cilën po flasin rrjetet…

The post FOTOT/ Pas zërave për lidhje dashurie, Don Xhoni dhe Loredana shfaqen bashkë. Këngëtari nuk i’a ndan sytë teksa kërcejnë appeared first on Albeu.com.

Ish-banorja e edicionit të katërt të “Big Brother VIP”, Amber Candy, ka qenë sot e ftuar në “Live From Tirana” me Ronaldo Sharkën. Ajo ka treguar për periudhën që po kalon tani pas eksperiencës brenda shtëpisë më të famshme në Shqipëri, marrëdhëniet me ish-banorët.

Teksa në monitor janë shfaqur disa prej fotove të ish-banorëve, Amber ka komentuar raportet dhe mendimin që ka ajo për ta. Kur u ndal te fotoja e Gjestit, me të cilin ka pasur disa konflikte brenda shtëpisë, Amber u shpreh:

“Kush është ky, Frederik Ndoci?”.

Pjesë nga intervsita:

Ronaldo: Ky është Besart Kelmendi, i njohur me emrin e artit si Gjesti. Këngëtar dhe fitues njëkohësisht i “Big Brother VIP Albania 4”. Pse Frederik Ndoci?

Amber: Po ngaqë është këngëtar dhe e ngatërrova.

Ronaldo: Nuk besoj se e the për ofendim, se Frederik Ndoci është emër i madh i muzikës shqiptare.

Amber: Pse duhet ta them për ofendim? Frederiku hyn te këngëtarët me zë brilant shqiptarë. Kështu që është kompliment, jo ofendim. Por e ngatërrova.

The post “Kush është ky, Frederik…?”, Amber tallet me Gjestin: E ngatërrova… appeared first on Albeu.com.

Prokuroria e Posaçme kundër Korrupsionit dhe Krimit të Organizuar (Prokuroria e Posaçme), ka përfunduar hetimet paraprake dhe ka paraqitur para Gjykatës së Posaçme të Shkallës së Parë për Korrupsionin dhe Krimin e Organizuar kërkesën për dërgimin e çështjes për gjykim, të procedimit penal nr.117 të vitit 2021 me marrëveshje fajësie në ngarkim të katër të pandehurve, të akuzuar për veprat penale si më poshtë:

Nga analiza e provave të grumbulluara në kuadër të këtij hetimi rezulton se gjatë zgjedhjeve parlamentare të datës 25 prill 2021, është konstatuar një skemë e qartë e korrupsionit zgjedhor, e cila përfshinte ofrimin e shpërblimeve monetare në këmbim të votës.

Skema korruptive konsiston në  një model të organizuar të blerjes së votës, ku individë të lidhur me një forcë politike kanë ofruar shuma të  caktuara parash  (rreth  5 000 lekë për votë) për qytetarë të ndryshëm, me qëllim sigurimin e mbështetjes elektorale.

Kjo është realizuar ose përmes dhënies së drejtpërdrejtë të parave për votën e vet, ose përmes angazhimit të personave të tretë për të ndikuar te zgjedhës të tjerë.

Gjatë hetimeve, janë përdorur mjete të posaçme të hetimit, përfshirë përgjime telefonike, të cilat kanë evidentuar se shtetasi Ndrekë Lera ka pasur një rol qendror në këtë aktivitet kriminal, duke u përfshirë drejtpërdrejt në biseda që lidhen me premtimin dhe organizimin e pagesave për vota në favor të një subjekti politik.

Për sa më lart, nga tërësia e hetimeve të kryera,  bazuar në provat e marra gjatë hetimeve paraprake, transkriptimeve të përgjimeve telefonike, deklarimet e shtetasve të dyshuar si dhe pas studimit të dokumentacionit të administruar, rezulton se shtetasit Ndreke Lera dhe Ilir Sokoli, me veprimet e tyre, kane konsumuar elementë të veprës penale penale “Korrupsion aktiv në zgjedhje” e kryer në bashkëpunim, parashikuar nga neni 328 dhe 25 i Kodit Penal.

The post EMRAT/ Korrupsion në zgjedhje, SPAK përfundon hetimet për 4 persona appeared first on Albeu.com.

Dy persona janë arrestuar në Ksamil, pasi dyshohet se kanë ushtruar dhunë ndaj një të afërmi të tyre.

Sipas Policisë, të ndaluarit janë babë e bir, të cilët gjatë një konflikti familjar më 28 korrik 2025, kanë sulmuar fizikisht me mjete të forta një 57-vjeçar, i cili rezulton të jetë vëllai i njërit prej tyre.

I dhunuari ka pësuar dëmtime në kokë si pasojë e dhunës. Ngjarja është zbardhur nga specialistët për Hetimin e Krimeve në Komisariatin e Policisë Sarandë, të cilët kanë ndërhyrë dhe kryer arrestimet në flagrancë.

Njoftimi:

“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit Sh. H., 62 vjeç dhe E. H., 35 vjeç (babë e bir), banues në Ksamil, pasi më datë 28.07.2025, gjatë një konflikti, në bashkëpunim me njëri-tjetrin, kanë goditur me sende të forta shtetasin B. H., 57 vjeç (vëllai i shtetasit Sh. H.), banues në Ksamil, duke i shkaktuar dëmtime në pjesën e kokës”, njofton Policia.

The post Sherr i dhunshëm mes vëllezërve në Ksamil, arrestohet 62-vjeçari appeared first on Albeu.com.

Ish-banorja e Big Brother VIP Kosova 2, Vesa Vllasaliu, po përflitet së fundmi për një lidhje të mundshme me futbollistin e njohur të Kosovës, Mirlind Daku.

Thashethemet janë shtuar veçanërisht pas disa detajeve të vërejtura në rrjetet sociale, përfshirë edhe mungesën e fotografive me partnerin.

Një ndjekës e ka pyetur Vesën në Instagram: “Pse i ke heq fotot me të dashurin?”.

Ajo ka vendosur t’i përgjigjet me një ton të lehtë dhe me pak humor: “Pa arsye valla. Nëse publikoj sërish në Highlight e publikoj me fytyrë të vet. Po nuk po dua se po mi marrin mësysh (hajgare pak)”.

Përgjigja e saj ka ngjallur reagime të ndryshme nga ndjekësit, ndërsa vetë Vesa nuk ka konfirmuar as mohuar një lidhje me Dakun.

Megjithatë, deklarata e saj lë të nënkuptohet se ajo është ende në një raport dashurie, por dëshiron ta mbajë më të rezervuar nga publiku.

Pritet të shihet në vazhdim nëse do të dalin publikisht, për të konfirmuar këtë romancë.

The post Flitet për një lidhje me Mirlind Dakun, Vesa Vllasaliu: Nuk e publikoj se më marrin mësysh appeared first on Albeu.com.

Eros Grezda ka dhënë së fundmi një intervistë për “Pushime On Top”, ku ka folur për jetën e tij private dhe atë profesionale.

Ai zbuloi se ka një vit që e ka lënë futbollin dhe tani merret si agjent futbolli dhe ndihet shumë mirë.

“Do të thoja se jam në një fazë të mirë profesionale, kanë ecur punët shumë mirë në biznesin e ri”, tha Grezda.

Më pas moderatorja e ka ‘ngacmuar’ pak me pyetjet e saj ‘pikante’ për jetën e tij private.

Pjesë nga intervista:

Lei Kraja: Ke më shumë ish-a apo gola?

Eros Grezda: Gola. Kam bërë gola, ish-a nuk kam patur shumë.

Lei Kraja: Sa ish-a ke?

Eros Grezda: Nuk e di, gola kam shumë.

Lei Kraja: Të kam paragjykuar më shumë seç duhet, se di pse. Sa gola ke? 50 e ca gola?

Lei Kraja: Mënyra më ideale për të nisur një lidhje? Një vajzë që të simpatizon, si mund të njihet me ty? Në “Instagram”, në klub apo rastësisht?

Eros Grezda: Në klub jo.

Lei Kraja: Nuk i ke qejf këto vajzat në klube?

Eros Grezda: Jo, nuk i kam qejf. I kam frekuentuar shumë më përpara me thënë të drejtën, kam qenë një djalë që kam dalë shumë, nuk dal më.

The post Eros Grezda: Nuk i pëlqej vajzat që shkojnë nëpër klube, nuk dal më appeared first on Albeu.com.