Gjatë gjumit, trupi i njeriut kalon nëpër disa faza: gjumë i lehtë, gjumë i thellë dhe gjumë me lëvizje të shpejtë të syve (REM) . Megjithëse ëndrrat mund të ndodhin në çdo fazë të gjumit, ato lidhen kryesisht me gjumin REM, i cili zë rreth 20% deri në 25% të kohës sonë të gjumit.

Hulumtimet e reja sugjerojnë se njerëzit që zgjohen duke ëndërruar priren të ndihen sikur kishin fjetur më thellë. Në të kundërt, njerëzit që zgjohen nga fazat më të lehta të gjumit që zakonisht nuk përfshijnë ëndrrat mund të mos e kuptojnë se ishin në gjumë. Ky keqkuptim i ndjenjës së zgjuar gjatë gjumit ndodh tek disa njerëz gjatë fazave më të thella të gjumit, të cilat gjithashtu kanë më pak gjasa të përfshijnë ëndrrat.

Për më tepër, lloji i ëndrrës nga e cila zgjohet mund të ndikojë në perceptimin e një personi për cilësinë e gjumit . Në mënyrë të veçantë, ëndrrat më të gjalla dhe intensive mund ta bëjnë një person të ndihet sikur ka fjetur më thellë. Megjithatë, ankthet e shpeshta mund të shoqërohen me një ndjenjë subjektive të cilësisë më të ulët të gjumit.

A çon gjumi i mirë në ëndrra të mira?
Studimet tregojnë se njerëzit me çrregullime të gjumit, si pagjumësia , priren të shohin më shumë ëndrra të këqija. Në mënyrë të ngjashme, ankthet mund të prishin gjumin. Pra, duket se gjumi i keq mund të çojë në ëndrra të këqija dhe se ëndrrat e këqija mund të përkeqësojnë gjumin. Nevojiten kërkime të mëtejshme për të përcaktuar nëse gjumi i mirë çon në ëndrra të bukura.

Si lindin makthet?
Shumë faktorë mund të shkaktojnë ëndrra të këqija. Disa prej tyre përfshijnë:

Ngjarjet në jetën e përditshme: Ëndrrat mund të jenë një mënyrë për të përpunuar emocionet që kemi ndjerë gjatë ditës dhe për t’u përgatitur për ngjarjet e ardhshme. Bazuar në këtë, ngjarjet negative në jetën e përditshme të një personi dhe ngjarjet e parashikuara në të ardhmen mund të kenë më shumë gjasa të shkaktojnë ëndrra të këqija dhe makthe. Veçanërisht, një studim zbuloi se situatat e punës shfaqeshin shpesh në përmbajtjen e ëndrrave të pjesëmarrësve.

Stresi: Stresi mund të çojë të rrisë gjasat për të parë ëndrra të këqija. Është një rreth vicioz, pasi gjumi i ndërprerë e bën më të vështirë menaxhimin e stresit.

Trauma: Përjetimi i çdo lloj traume e bën një person më shumë gjasa të përjetojë makthe. Kur një person zhvillon çrregullim të stresit post-traumatik, makthet e tij shpesh janë rikthim në një ngjarje traumatike. Sigurisht, ky nuk është i vetmi çrregullim mendor që mund të çojë në makthe.

Mjekimi: Disa medikamente mund të shkaktojnë ankthe si një efekt anësor. Ndërprerja e tyre gjithashtu.

Pozicioni i gjumit: Sipas hulumtimeve, gjumi me bark shoqërohet me një rritje të ëndrrave që përfshijnë një ndjenjë palëvizshmërie ose gulçim.

A mund të ndikojnë ëndrrat në jetën e përditshme?
Pas një makthi shqetësues, një person mund të përjetojë ankth të shtuar të nesërmen. Makthet që shkaktojnë zgjime gjatë natës mund të ndikojnë gjithashtu në cilësinë e gjumit, duke rezultuar në lodhje të nesërmen dhe ulje të cilësisë së jetës nëse ankthet janë të shpeshta. Kur bëhet fjalë për ëndrrat e mira, studiuesit nuk janë fokusuar shumë në atë se si ato ndikojnë në jetën e përditshme të një personi.

Në përgjithësi, ëndrrat konsiderohen si një mënyrë efektive e përpunimit të emocioneve dhe kujtimeve të vështira. Edhe pse kjo mund të çojë në makthe në afat të shkurtër, në fund të fundit mund ta bëjë më të lehtë për personin të menaxhojë përvojat negative të së kaluarës dhe të jetë më i përgatitur për t’u përballur me sfidat e ardhshme.

Sigurisht, nëse ankthet e përsëritura ju shkaktojnë vështirësi në jetën e përditshme, duhet të kontaktoni specialistët në mënyrë që problemi të trajtohet në mënyrë efektive nën drejtimin e tyre.

The post A ndikojnë ëndrrat në cilësinë e gjumit? appeared first on Gazeta Shqiptare Online.

Policia ka arrestuar dy të rinj në Tiranë dhe ka vënë nën hetim një tjetër, pasi kanë dhunuar fizikisht një 39-vjeçar, i cili ndodhet në spital, nën kujdesin e mjekëve.

Gjithashtu, këta shtetas i kanë shkaktuar dëmtime të lehta dhe një 29-vjeçari, i cili ka ndërhyrë për të shuar konfliktin.

“Specialistët për Hetimin e Krimeve të Komisariatit të Policisë Nr. 2 arrestuan shtetasit B. P., 34 vjeç dhe Xh. M., 32 vjeç, si dhe referuan materialet në Prokurori, ku nisi procedimi në gjendje të lirë për shtetasin S. M., 22 vjeç, pasi në bashkëpunim me njëri-tjetrin, dyshohet se për motive të dobëta kanë dhunuar fizikisht një 39-vjeçar, i cili ndodhet në spital, nën kujdesin e mjekëve. Gjithashtu, këta shtetas i kanë shkaktuar dëmtime të lehta dhe një 29-vjeçari, i cili ka ndërhyrë për të shuar konfliktin”, njofton policia.

The post Dhunuan dhe bënë për spital 39-vjeçarin në Tiranë, arrestohen dy persona dhe një tjetër nën hetim appeared first on Gazeta Shqiptare Online.

Javët e fundit, ideja për një mision evropian në Ukrainë ka marrë vrull. Nëse realizohet, mund t’i ripërcaktojë prioritetet e sigurisë në Evropë. Por, si do ta ndikonte praninë e NATO-s në Kosovë? Më pak vëmendje, më shumë rrezik, parashohin disa analistë.

Ndërsa Evropa shqyrton dërgimin e trupave në Ukrainë, në lojë hyn edhe një front tjetër: Kosova.

Me mijëra paqeruajtës evropianë të dislokuar në vend, a mund të ndodhë që përqendrimi i burimeve dhe vëmendjes në lindje, ta lërë Kosovën më të cenueshme?

NATO-ja siguron që jo. Në një përgjigje dhënë Radios Evropa e Lirë, një zyrtar i aleancës thotë se “NATO-ja, prej kohësh, është e përkushtuar për sigurinë dhe stabilitetin e Ballkanit Perëndimor. Ne do të vazhdojmë të kontribuojmë në këtë drejtim, së bashku me angazhimet e tjera që mund t’i marrin aleatët”.

Misioni paqeruajtës i NATO-s, KFOR, është vendosur në Kosovë pas përfundimit të luftës, më 1999.

Aktualisht ka mbi 4.600 trupa – shumica dërrmuese e tyre evropianë. Italia prin me mbi 1.200, pastaj vijnë shtetet e tjera, si: Hungaria, Gjermania, Polonia apo Zvicra me qindra ushtarë.

Në Bosnje e Hercegovinë, gjithashtu, prej dekadash ka një mision paqeruajtës, që përbëhet prej forcave evropiane.

Me 1.100 ushtarë dhe 3.500 të tjerë rezervë, EUFOR-i ofron mbështetje për institucionet e këtij vendi në ruajtjen e paqes, që nga viti 2004, kur i ka zëvendësuar forcat e NATO-s.

Shefi i NATO-s, Mark Rutte, ishte në Bosnje dhe në Kosovë pikërisht këtë muaj. Në një takim me gazetarët në Prishtinë, më 11 mars, tha se angazhimi i NATO-s në rajon mbetet i fuqishëm edhe sot e kësaj dite.

Ai tha se dërgimi eventual i trupave evropiane në Ukrainë do të mund të ndikonte në rishikimin e pranisë së huaj ushtarake në Ballkan, por nuk tha se si apo kur.

“Është shumë herët [të flitet], sepse, së pari, duhet të arrihet marrëveshje për paqe në Ukrainë, apo për armëpushim, përpara se të filloni ta ruani atë”, tha Rutte.

Britania dhe Franca po udhëheqin përpjekjet për mbledhjen e një force ushtarake, që do të vendosej në Ukrainë, në rast të armëpushimit.

Kjo, pasi presidenti amerikan, Donald Trump, inicioi bisedimet për një marrëveshje paqeje mes Rusisë dhe Ukrainës – tre vjet pasi shteti rus nisi pushtimin në shkallë të plotë të fqinjit të tij.

“Mbretëria e Bashkuar dhe Franca po udhëheqin së bashku planet për aranzhimin e garancive të sigurisë për Ukrainën. Ne po e bëjmë këtë punë së bashku. Po bashkëpunojmë ngushtë me vendet partnere dhe po përpiqemi të krijojmë një koalicion vullnetarësh nga Evropa dhe më gjerë”, tha sekretari i Britanisë për Mbrojtjen, John Healey.

Pas një takimi të udhëheqësve evropianë, më 27 mars në Paris, presidenti i Francës, Emmanuel Macron, tha se ata u pajtuan që t’i shqyrtonin çështjet specifike ligjore rreth çfarëdo force evropiane të sigurisë për Ukrainën, dhe të raportonin pas tri javësh.

Kryeministri britanik, Keir Starmer, tha se misioni nuk do të ishte i mundur pa ndihmën e SHBA-së, por SHBA-ja ishte e ftohtë ndaj idesë së ndonjë roli ushtarak në Ukrainë.

Ministri i Jashtëm rus, Sergei Lavrov, tha, po ashtu, se për Rusinë do të ishte e papranueshme prania e forcave të vendeve të NATO-s në Ukrainë – “në secilën rrethanë”, sipas tij.

Disa vëzhgues si Tim Less, nga Qendra për Gjeopolitikë e Universitetit të Kembrixhit, nuk presin që ky mision të formohet, pikërisht për shkak të këtyre kundërshtimeve.

Në vend të tij, Less pret që Evropa t’i fortifikojë shtetet që janë më të shqetësuara nga kërcënimi rus, si ato të Baltikut, Polonia, Rumania apo Moldavia.

“E, nëse vlerëson se Ballkani është në front për t’u ballafaquar me Rusinë, atëherë mendoj se do të shohim një militarizim më të madh, sidomos të Kosovës dhe Bosnjës. Por, nëse ndodh skenari i parë, ai do të kërkonte një lloj rialokimi të burimeve larg Ballkanit, drejt atyre vendeve të tjera”.

“Në atë rast, Serbisë do t’i dërgohej mesazh i qartë, se nuk do të përballej me kundërshtime, nëse i shtyn përpara qëllimet e veta politike”, thotë Less për programin Expose të Radios Evropa e Lirë.

Këtë mendim ndan edhe Hikmet Karçiq, bashkëpunëtor hulumtues në Universitetin e Sarajevës dhe autor i librit “Torturë, poshtërim, vrasje: Brenda sistemit të kampit serb të Bosnjës”.

Zhvendosja e vëmendjes mund të krijojë boshllëqe në siguri, sipas tij.

“Çdo dhunë që ndodh në rajon, ka potencial të përhapet nga një vend në tjetrin – në Bosnje, Kosovë, Mal të Zi, Serbi, Maqedoni të Veriut. E kemi parë këtë edhe në të kaluarën. Por, viteve të fundit ka qenë fokusi i Perëndimit, i NATO-s, ai që e ka mbrojtur rajonin”.

“Në Kosovë, për shembull, prania e trupave të huaja është arsyeja kryesore përse Serbia nuk ka bërë përpjekje – përveç para gati dy vjetësh në Banjskë – ta sulmojë fizikisht atë”, thotë Karçiq për Exposenë.

Jeta Loshaj, hulumtuese në Qendrën Kosovare për Studime të Sigurisë, pret që rajoni i Ballkanit të mbetet në radarin e Evropës dhe të zërë vend në secilin plan për mbrojtje që ajo bën.

Këtë, sipas saj, e dëshmon edhe vizita që bëri shefi i NATO-s në Kosovë, e paraprakisht edhe në Bosnje.

“Nuk e dimë ende nëse forcat [evropiane] do të vendosen në Ukrainë. Por, nëse një vendim i tillë merret, i bie që Evropa ka investuar në forcat e veta ushtarake. E kemi parë edhe planin për ndarjen e 800 miliardë eurove për mbrojtje. Mendoj se aty do të përfshihej edhe Kosova”, thotë Loshaj për Exposenë.

Loshaj u sugjeron institucioneve të Kosovës të mbeten në komunikim të ngushtë me aleatët ndërkombëtarë – qoftë me NATO-n si tërësi, apo edhe me shtetet e saj veç e veç.

Ajo e vlerëson në mënyrë të veçantë nismën për bashkëpunim ushtarak që u ndërmor së voni nga Kosova, Shqipëria e Kroacia.

“[Ajo] dërgon një mesazh se Kosova është gati për të gjetur mënyra jo vetëm për të forcuar kapacitetet e saj, por edhe për të reflektuar ndaj situatave të tanishme gjeopolitike”, thotë Loshaj.

Kryeministri i Kosovës, Albin Kurti, i cili synon një mandat të ri qeverisës, premtoi këtë javë mbi një miliard euro buxhet për Forcën e Sigurisë së vendit dhe përsëriti se Kosova do ta ndërtojë fabrikën e saj të municioneve dhe dronëve ushtarakë.

Less, nga Universiteti i Kembrixhit, beson se Kosova duhet të ndërmarrë dy hapa kyçë për të ruajtur vëmendjen e aleatëve të saj.

“Një është lobimi aktiv te Perëndimi, duke promovuar idenë se Serbia është kërcënim për të dhe duhet të frenohet. Dhe, nën dy, të investojë në sigurinë e saj, duke ndërtuar ushtrinë e saj, duke ndërtuar rezervat e saj të armatimit e kështu me radhë – në rast se i duhet të përballet me Serbinë drejtpërdrejt dhe pa ndihmë nga jashtë”, thotë Less.

Karçiq pajtohet se strategjitë e koordinuara diplomatike dhe ushtarake do të jenë vendimtare në balancimin e këtyre sfidave të njëkohshme të sigurisë.

Sipas tij, Perëndimi do të duhej ta ndihmonte Kosovën në forcimin e kapaciteteve të saj ushtarake dhe të sigurisë, përfshirë edhe rritjen e sigurisë kibernetike, për të qenë në gjendje të mbrohet nga kërcënimet e mundshme.

Bosnjën thotë se duhet ta inkurajojë t’i kapërcejë ndarjet e saj politike dhe të ndërmarrë hapa për t’i forcuar institucionet dhe kapacitetet e saj të sigurisë.

Në të kundërtën, Karçiq thotë se Rusia do të plotësonte çdo vakum të mundshëm që do të linte Perëndimi.

“Rusia, së bashku me mbështetësit e saj në Serbi dhe në Mal të Zi, do të përpiqej përfundimisht të pengonte zgjerimin e NATO-s në këtë zonë, si dhe integrimin e saj në BE. Po ashtu, do të bënte përpjekje për t’i destabilizuar edhe shtetet e NATO-s në Ballkan, si Mali i Zi. I kemi parë këto përpjekje edhe viteve të kaluara, sidomos me Malin e Zi dhe Maqedoninë e Veriut”, thotë ai.

Dhe, me një administratë amerikane që sinjalizon më pak përfshirje në çështjet evropiane, Kremlini mund të ndjejë më pak presion për veprimet e tij, qoftë në Ukrainë, qoftë në Ballkan, thotë profesori Less.

“Inaugurimi i Donald Trumpit më 20 janar ishte një lloj bombe që shpërtheu në marrëdhëniet ndërkombëtare. Pothuajse kudo që shikoni, shihni një lloj të ndikimit të Trumpit”, sipas tij.

Në këtë klimë të pasigurt, sfida për Kosovën dhe Ballkanin Perëndimor në përgjithësi duket e qartë: qëndroni në radar, ose rrezikoni të mënjanoheni nga loja gjeopolitike, thonë analistët.

Por, kjo kërkon një balancë të kujdesshme mes interesave të brendshme dhe atyre ndërkombëtare – diçka që kurrë nuk është e lehtë, sidomos në një rajon si Ballkani./rel

The post Analiza e REL: Kur Europa zhvendos vëmendjen, çfarë ndodh me Kosovën? appeared first on Gazeta Shqiptare Online.

Policia ka shpallur në kërkim dy persona në Tiranë.

Një 51-vjeçar  është larguar nga banesa më 21 mars dhe nuk është kthyer më. Ndërsa një tjeër ka humbur kontakte me familjen që në muajin dhjetor.

“Me datë 29.03.2025, shtetasja B. L., 39 vjeçe, kallëzon se me datë 21.03.2025, i është larguar nga banesa bashkëshorti i saj shtetasi P. L., 51 vjeç. Punohet për gjetjen e tij.

Me datë 29.03.2025, shtetasja A. L., 30 vjeçe, kallëzon se ka humbur kontaktet me vëllain e saj që prej muajit dhjetor i 2024, shtetasin B. H., 33 vjeç, banues në Bathore”, njofton policia.

The post U larguan nga banesa dhe nuk u kthyen më, zhduken dy persona në Tiranë appeared first on Gazeta Shqiptare Online.

Publikohen detaje të reja nga aksioni i SPAK lidhur me motrat Xhovana e Alda Nikolli, paraditen e 28 marsit në Elbasan. Burime nga policia bënë me dije se Gjykata e Posaçme kishte urdhëruar kontroll në banesën e tyre, si dhe në shtëpinë e prindërve të tyre po në qytetin e Elbasanit, si dhe sekuestrim te celularëve.

Kontrollet u kryen për shkak se nga shpërthimi i një sasie tritoli në derën e apartamentit ku jetonin motrat Nikolli 9 muaj më parë humbi jetën fqinji i tyre Enea Thomaraj, një person pa asnjë rekord penal.

News24 ka mësuar detaje të aksionit, që nisi që në orët e para të mëngjesit, kur skuadra e posaçme operacionale nisi vëzhgimin e dy motrave dhe të babait të tyre.

Në momentin, që ata u ngjitën në një automjet BMË X1 që drejtohej nga babai i tyre, mësohet se forcat e policisë i prenë rrugën dhe informuan se ndaj tyre kishte një urdhër gjykate për kontrollin e banesave.

Burimet thanë se Xhovana dhe Alda Nikollit si dhe babait të tyre iu sekuestrua celulari. Më pas, ata u shoqëruan në banesat përkatëse ku edhe u ushtrua kontrolli. Të njëjtat burime konfirmuan se motrat Nikolli gjatë kontrollit hodhën akuza ndaj të penduarit të drejtësisë, Nuredin Dumani, duke e akuzuar si porositës të ngjarjes.

SPAK ka dyshime të forta se Xhovana Nikolli e fejuara e të penduarit të drejtësisë, Amarildo Nikolli dhe motra e saj Alda që ishte në një lidhje me Nuredin Dumani kanë dijeni se kush është personi që ka vendosur tritolin në derën e apartamentit të tyre, e po ashtu për emrin e urdhëruesit.

Shpërthimi në katin e 4 të pallatit në Lagjen Haxhias të Elbasanit ku banonin motrat Nikolli ndodhi më 14 korrik 2024. Nga shpërthimi dera e familjes Thomaraj u shemb duke lënë në plagosur djalin e madh Enean, i cili ndërroi jetë pas 4 muajsh në spitalin e Traumës.

The post Aksioni i SPAK në banesën e Xhovana e Alda Nikollit/ Policia i preu rrugën, iu sekuestruan edhe telefonat! Dy motrat akuza Nuredin Dumanit: Porositi sulmin me tritol! Në makinë ndodheshin me… appeared first on Gazeta Shqiptare Online.

Sekretari i Përgjithshëm i Ligës Botërore të Islamit, Muhamed Bin Abdulkerim El-Isa, ishte i pranishëm në faljen e namazit në sheshin Skënderbej në Tiranë.

Në një deklaratë për mediat, ai vlerësoi vlerat e tolerancës dhe bashkëjetesës ndërfetare në Shqipëri, duke theksuar se ky shembull duhet që ndiqet nga e gjitha bota.

“Sot e dimë shumë mirë se kemi konflikte në të katër anët e botës, që herë pas here burojnë nga divergjenca apo mendime të ndryshme, qasjeve të ndryshme që mund të jenë fetare, kulturore, politike dhe të tjera. Ndaj bota ka nevojë që të ndjekë shembullin e mrekullueshëm që jep shoqëria shqiptare nëpërmjet vlerave të saj, bashkëjetesës dhe tolerancës ndërfetare”, tha ai per mediat shqiptare.

Deklarata e plote 

Jam i lumtur që jam sot këtu me besimtarët myslimanë shqiptarë, për të ndarë gëzimin e Fitër Bajramit me të gjithë ju. Që arrita të ndaj me bashkëbesimtarët e mi mesazhet dhe faljen e namazit Fitër Bajramit. Ajo që desha të ndaja me ju dhe bashkëbesimtarët e mi, është rikujtimi i diçkaje që bota e di shumë mirë. Rikujtimi i faktit se shoqëria shqiptare, se populli shqiptar, ndan apo jeton një tolerancë dhe bashkëjetesë fetare që është për t’u lavdëruar në mbarë botën. Këto burojnë nga vlerat, nga morali që ky popull ka manifestuar brez pas brezi dhe ka arritur t’i përçojë edhe te brezat e sotshëm.

Sot e dimë shumë mirë se kemi konflikte në të katër anët e botës, që herë pas here burojnë nga divergjenca apo mendime të ndryshme, qasjeve të ndryshme që mund të jenë fetare, kulturore, politike dhe të tjera. Ndaj bota ka nevojë që të ndjekë shembullin e mrekullueshëm që jep shoqëria shqiptare nëpërmjet vlerave të saj, bashkëjetesës dhe tolerancës ndërfetare. Vlerat që përmendëm, vlerat e bashkëjetesës, neve në mbarë botën, si bashkëbesimtarë të vëllezërve dhe motrave shqiptarë, na bëjnë të lumtur, të gëzuar dhe mundohemi që t’i promovojmë ato. Mundohemi t’i reklamojmë ato kudo jemi. Prandaj kam edhe një thirrje së fundmi, që këto vlera të mrekullueshme që ju keni dhe manifestoni me shoqërinë tuaj, të bëjmë të pamundurën që të përhapen edhe te brezat dhe brezi i ri, në mënyrë që edhe ai të ecë në hapat e brezave të mëparshëm.

Ta dini që gjithashtu udhëheqja që keni, përsa i përket vlerave dhe shumllojshmërisë, bashkëjetesës fetare, është udhëheqje pothuajse e përkryer, e mrekullueshme, që ofron maksimumin e shërbimit të saj, që këto vlera të transmetohen, promovohen dhe konservohen te brezat e rinj.

The post Fitër Bajrami/ Mesazhi nga Tirana i Sekretarit të Përgjithshëm të Ligës Botërore të Islamit: Bota të ndjekë shembullin e Shqipërisë për tolerancën dhe bashkëjetesën fetare appeared first on Gazeta Shqiptare Online.

Operacionet e shpëtimit në Myanmar vazhdojnë në kushte shumë të vështira dhe me kalimin e orëve, shpresat për gjetjen e të mbijetuarve nën rrënoja zbehen.

Deri më tani janë konfirmuar 1644 vdekje , ndërsa 3408 të lënduar dhe 139 të zhdukur. Në Bangkok, 17 persona kanë vdekur, 32 janë plagosur dhe 83 mbeten të zhdukur. Shumica janë në rrënojat e një rrokaqiell në ndërtim.

Tërmeti me magnitudë 7.7 goditi afër Mandalay në Mianmar qendrore, pasuar disa minuta më vonë nga një pasgoditje me magnitudë 6.7.

Lëkundjetr shkaktuan shembjen e ndërtesave, urave dhe infrastrukturës, ndërsa qyteti, i cili është gjithashtu i dyti më i madh në Mianmar, është shtëpia e mbi 1.7 milionë banorëve.

Mungesa serioze e furnizimeve mjekësore

Ndërsa përpjekjet e shpëtimit vazhdojnë me pengesa, OKB njoftoi se një mungesë e madhe e furnizimeve mjekësore po pengon përpjekjet e ndihmës.

Dëmet e shumta në infrastrukturën kritike, si rrugët dhe rrjetet e komunikimit, të kombinuara me luftimet e vazhdueshme midis qeverisë ushtarake, grupeve rebele dhe forcave të rezistencës së armatosur, po pengojnë reagimin e organizatave të ndihmës ndaj fatkeqësisë natyrore. Probleme ka edhe me infrastrukturën spitalore.

The post Tërmeti shkatërrues në Myanmar, mbi 1600 të vdekur, shuhen shpresat për të mbijetuar! Mungesa të mëdha në furnizimet mjekësore appeared first on Gazeta Shqiptare Online.

SHBA dhe Rusia lëshuan deklarata kontradiktore pas negociatave të fundit. Çfarë do të thotë kjo për të ardhmen e bisedimeve të mundshme të paqes midis Rusisë dhe Ukrainës?

Në fillim të javës në mbarim u ulën në tryezën e bisedimeve delegacionet amerikane dhe ruse në Arabinë Saudite (24.03.), me qëllim dhënien fund të luftës në Ukrainë. Specifika e takimit ishte sigurimi i një marrëveshje të veçantë armëpushimi në Detin e Zi, që do të lejonte rifillimin e eksporteve të grurit nga portet e Ukrainës. Bisedimet mes delegacioneve zgjatën 12 orë, një rekord. Por pavarësisht diskutimeve të gjata, asnjëri nga vendet nuk nxitoi të shpallte rezultate. Në vend që të lëshonin një deklaratë të përbashkët pas përfundimit të bisedimeve, SHBA dhe Rusia lëshuan deklarata të veçanta më pas, me ngjashmëri, po me ndryshime tek disa detaje thelbësore.

Kremlini e lidh marrëveshjen me heqjen e sanksioneve
Ukraina dhe Rusia arritën marrëveshje për armëpushim në Detin e Zi dhe koordinim të detajeve për ndalimin e goditjeve në infrastrukturën energjetike, tha Shtëpia e Bardhë. Kurse Kremlini lëshoi ​​një deklaratë duke konfirmuar se vendet ranë dakord për të garantuar sigurinë e lundrimit në Detin e Zi. U përmend gjithashtu se SHBA do të ndihmonte në rivendosjen e aksesit të mallrave bujqësore ruse në tregun global.

Kremlini tha se armëpushimi do të hyjë në fuqi vetëm pasi të jenë plotësuar disa kushte, nëse disa sanksione ndaj Rusisë hiqen pjesërisht. Në mënyrë të veçantë, Rusia po kërkon heqjen e kufizimeve ndaj kompanive të përfshira në eksportet e ushqimit dhe bankave që i mbështesin ato. Kremlini kërkon gjithashtu që të hiqen sanksionet ndaj anijeve me flamur rus që tregtojnë ushqime dhe plehra kimikë si dhe heqjen e kufizimeve për importet e pajisjeve bujqësore në Rusi.

Ndërsa Shtëpia e Bardhë u shpreh, se presidenti ukrainas Volodymyr Zelensky kishte rënë dakord për një armëpushim në Detin e Zi, pasi Rusia lëshoi

d​​eklaratën e saj, ai reagoi ashpër, duke akuzuar Moskën se gënjen për kushtet e negociatave. “Ka diçka për të cilën Kremlini po gënjen sërish: se gjoja heshtja në Detin e Zi varet nga çështja e sanksioneve”, tha Zelensky në fjalimin e tij drejtuar popullit ukrainas. Në realitet, tha ai, armëpushimi në Detin e Zi nuk ka qenë i lidhur me sanksionet kundër Rusisë. Presidenti ukrainas, Volodymyr Zelensky tha se heqja e sanksioneve ruse do të ishte një “katastrofë për diplomacinë”

Reduktohen rreziqet e përshkallëzimit
Sipas intepretimit të Shtëpisë së Bardhë, marrëveshja do të “eliminonte përdorimin e forcës” në Detin e Zi për livrimin e tregtisë detare. Në deklaratën e Shtëpisë së Bardhë përmendet gjithashtu se SHBA-ja do të “ndihmojë në rivendosjen e qasjes së Rusisë në tregun botëror për eksportet bujqësore dhe plehërore, në uljen e kostove të siguracionit detar dhe përmirësimin e aksesit në portet dhe sistemet e pagesave për transaksione të tilla”. Është e paqartë nëse kjo do të përfshinte një lehtësim të pjesshëm të sanksioneve.

Ministri i Jashtëm rus Sergey Lavrov tha në komentet televizive të martën se Rusia dëshiron ta bazojë këtë iniciativë të re të Detit të Zi në marrëveshjen e mëparshme të grurit, por paralajmëroi se interesat ruse duhet të mbrohen.

Pavarësisht mosmarrëveshjeve të dukshme, ekspertët i thanë DW se palët e përfshira në negociata ka të ngjarë të arrijnë së shpejti një armëpushim në Detin e Zi. Analistja politike Alexandra Filippenko, studiuese lituaneze në Institutin e Studimeve për Kanadanë dhe Amerikën, beson se marrëveshja “është më e madhja e disa hapave të vegjël përpara”. “Nuk është një përparim i madh, por është një hap drejt reduktimit të rreziqeve të përshkallëzimit,” shtoi Filippenko.

Sipas OKB-së, marrëveshja e drithit me Ukrainën lehtësoi eksportin e 32 milionë tonë drithë në 45 vende në tre kontinente midis korrikut 2022 dhe korrikut 2023. Siç tha në atë kohë Sekretari i Përgjithshëm i OKB-së Antonio Guterres, marrëveshja ishte vendimtare për sigurinë globale të ushqimit.

Trump “nuk ka gjasa të fajësojë Putinin”
Thjesht fakti që Rusia lëshoi ​​një deklaratë të sajën me kushte të veçanta, e ka shtyrë presidentin e SHBA-së, Donald Trump, të akuzojë Presidentin rus Vladimir Putin se ka penguar një marrëveshje paqeje. Në një intervistë me rrjetin kabllor të lajmeve Newsmax, Trump tha se rusët “po e zvarrisin” një marrëveshje. Alexandra Filippenko i sheh deklaratat e Trump si një largim domethënës nga premtimet e tij të mëparshme për t’i dhënë fund konfliktit shpejt. “Në muajt e fundit, qëndrimi i Trump ndaj Putinit është zhvendosur nga admirimi i fshehtë, habia dhe besimi se Putini e respekton Trumpin dhe është gati të arrijë një marrëveshje të shpejtë, tani tek një qëndrim më i kujdesshëm dhe më skeptik,” vë në dukje Filippenko.

Kurse analisti politik Anton Barbashin beson se Donald Trump do të bëjë lëshime për Kremlinin. Sipas tij, Trump nuk ka ndërmend të kritikojë Putinin për mosgatishmërinë e tij për të bërë paqe.”SHBA po investon një sasi të konsiderueshme kohe për të arritur të paktën diçka, kështu që unë do të supozoja se ata do të vazhdojnë të përpiqen të përmbushin të paktën një pjesë të premtimeve të Rusisë në një farë mënyre përpara se të thonë se është faji i Putinit që asgjë nuk po funksionon,” tha Barbashin. Në fakt, situata duket mjaft e favorshme për Rusinë, sipas Barbashin. Sipas tij, një armëpushim në Detin e Zi nuk i kushton asgjë Rusisë.

Situata në Detin e Zi
Në një intervistë të fundit me Unionin Evropian të Transmetimeve, EBU, presidenti ukrainas, Zelensky tha se Ukraina kontrollon situatën në Detin e Zi. “Ata (rusët) nuk e kanë kontrolluar korridorin e Detit të Zi për një kohë të gjatë. Ne po luftojmë për të sepse është një hap drejt përfundimit të luftës. Ne kontrollojmë situatën në Detin e Zi”, tha Zelensky.

Alexander Paliy, një analist politik ukrainas, tha për DW se gjatë vitit të kaluar, Rusia u zmbraps në pjesën lindore të Detit të Zi dhe nuk ka qenë në gjendje të kryejë sulme në shkallë të gjerë në rajon. Ai tha se Ukraina e arriti këtë përmes përdorimit të dronëve detarë. Si rezultat, tregtia e grurit po funksionon në nivele pak a shumë të paraluftës, tha Paliy. Ai beson se një marrëveshje e re e grurit do të ishte më e dobishme për Rusinë.

“Ukraina mund t’i sulmojë anijet ruse të përfshira në eksportet e naftës ose eksportet e tjera në çdo moment. Megjithatë, (Ukraina) kujdeset për efekte mjedisore dhe pozicionet e vendeve si Turqia dhe SHBA janë të rëndësishme. Kjo është arsyeja pse Ukraina ka qenë shumë e kujdesshme” thekson Paliy.

Prania e Rusisë në Detin e Zi është vendimtare për të jo vetëm për tregtinë, por edhe, siç ka deklaruar vazhdimisht Kremlini, për sigurinë e vendit. Sipas ligjit ndërkombëtar, Rusia zotëron vetëm rreth 10% të vijës bregdetare të Detit të Zi. Megjithatë, nëpërmjet ndikimit të saj në rritje në rajon, Rusia kontrollon në mënyrë efektive rreth një të tretën e vijës bregdetare aktualisht.

Rusia ka prezencë ushtarake në Krime, të cilën e aneksoi ilegalisht në vitin 2014, dhe republika e Abkhazisë në rajonin e Kaukazit Jugor, që nuk njihet ndërkombëtarisht e ka bërë të mundur këtë prani. Në Rusi, forcat ushtarake të stacionuara në Abkhazi shihen si kyç për të garantuar sigurinë e kufijve jugorë rusë./DW

The post Analiza e DW: Pse Deti i Zi është vendimtar për armëpushimin Ukrainë-Rusi appeared first on Gazeta Shqiptare Online.

Presidenti i SHBA-ve, Donald Trump ka deklaruar se ka pasur bisedë “absolutisht” reale rreth aneksimit të Grenlandës, e cila aktualisht është një territor gjysmëautonom danez.

“Ne do të marrim Grenlandën. Po, 100%, “tha Trump.

Ai shtoi se ka një “mundësi të mirë që ne mund ta bëjmë atë pa forcë ushtarake”, por se “Unë nuk heq asgjë nga tavolina”.

Deklarata e Trump vjen një ditë pasi Zëvendës Presidenti JD Vance vizitoi Grenlandën me gruan e tij, Usha, dhe foli me anëtarët e shërbimit në bazën hapësinore Pituffik, një bazë e Forcave Hapësinore të SHBA në bregun veriperëndimor të Grenlandës.

Ndërsa ishte atje, Vance tha: “Mesazhi ynë për Danimarkën është shumë i thjeshtë – ju nuk keni bërë një punë të mirë për Grenlandën”.

I pyetur se çfarë mesazhi do t’i dërgonte Rusisë dhe pjesës tjetër të botës blerja e Grenlandës, Trump tha: “Unë nuk mendoj vërtet për këtë. Nuk më intereson vërtet. Grenlanda është një temë shumë e veçantë, shumë e ndryshme. Është paqja ndërkombëtare. Është siguria dhe forca ndërkombëtare.”

The post Donald Trump i vendosur: Ne do ta marrim Grenlandën, 100%! Mundësi e mirë që ta bëjmë këtë pa forcë ushtarake, por… appeared first on Gazeta Shqiptare Online.

Kryeministri Edi Rama e ka nisur ndryshe këtë të diel. Me ndjekësit e tij në Facebook, kreu i qeverisë ka publikuar një video me kukulla të animuar, ku personazhe janë ai vetë, Sali Berisha, Adriatik Lapaj dhe Lulzim Basha.

Në këtë krjim me titull “Bufi dhe Tiku drejt Bashkimit” shfaqen personazhet e politikës, të cilët diskutojnë për Shqipërinë në Bashkimin Evropian, por mes ironive dhe sarkazmës me njeri tejtrin.

Rama thotë se zgjodhi ta publikojë këtë video në ditën Tradicionale të Teatrit të Kukullave.

“MIRËMËNGJES dhe duke i falenderuar dy të rinjtë që ma dërguan këtë krijim të bukur, për Bufin dhe shokët e tij, si edhe duke ua plotësuar dëshirën që ta ndaj me të gjithë ju, pikërisht në ditën tradicionale të Teatrit të Kukullave, ju uroj të diel të buzëqeshur”, shkruan Rama.

The post Kryeministri Rama publikon videon me personazhet e animuar të politikës: Për bufin dhe shokët e tij appeared first on Gazeta Shqiptare Online.

Edhe e diela e fundit e muajit mars do të jetë me mot të paqëndrueshëm, ku herë pas here nuk do të mungojnë reshjet e shiut.

Era do të fryjë me drejtim verilindje-veriperëndim me shpejtësi mesatare deri në 6m/s, ndërsa përgjatë vijës bregdetare e lugina era fiton shpejtësi deri në 10m/s .

Valëzimi në det do të arrijë deri në 1-2 ballë.

The post Edhe sot ditë e paqëndrueshme, priten reshje shiu. Si do të jetë moti dhe sa janë temperaturat appeared first on Gazeta Shqiptare Online.

Në orët e para të së dielës, 30 mars, u ndërrua ora. Në orën 02:00, akrepat e orës shkuan 60 minuta para.

Qëllimi i ndryshimit të orës është për të përfituar sa më shumë nga energjia diellore si dhe kursimi i energjisë elektrike.

Ora verore do të zgjasë deri të dielën e fundit të muajit tetor, kur akrepat do të kthehen 1 orë pas.

Ndryshimi i akrepave është një proces i unifikuar në gjithë Evropën, ora e shteteve evropiane ndryshon në të njëjtën kohë. Ndryshimi i saj u vendos si ligj evropian në vitin 1981.

The post Rikthehet ora verore, akrepat shkuan 60 minuta para appeared first on Gazeta Shqiptare Online.

Pas një muaj agjërimi dhe sakrifice besimtarët myslimane festoj sot Fiter Bajramin.

Mijëra besimtarët u mblodhën në sheshin “Skënderbej” në Tiranë për të kryer ritet dhe për të falur Namazin.

Në fjalën e tij kreu i Komunitetit Mysliman Shqiptar, Bujar Spahiu tha se sot kjo ditë i gjen të gjithë me zemra të mbushura plotë, duke theksuar se “sakrifica jonë është pranuar”.

“Jetojmë në një epokë ku vlerat e familjes po lëkunden, njeriu matet me atë që ka. Bajrami na kujton unitetitn, mëshirën dhe drejtësinë, ne jemi një komb. Kjo ditë është një urë mes asaj që kemi mësuar në Ramazan dhe atë që do të bëjmë pas tij. Lusim Zotin që ta ketë pranuar agjërimin, të na japë forcë për të përballuar sfidat e jetës”, tha Bujar Spahiu.

Fitër Bajrami është festa e cila bëhet pas mbarimit të muajit të Ramazanit. Emri Fitër Bajram vjen nga ajo se myslimanët para ditës së bajramit shpërndajnë lëmoshë, solidarizohen me të varfrit, kështu për ta festuar së bashku këtë festë.

Gazeta Shqiptare Online uron të gjithë besimtarët myslimanë gëzuar Fiter Bajramin.

The post Pas muajit të Ramazanit, besimtarët myslimanë festojnë sot Fitër Bajramin! Falja e namazit, në sheshin “Skënderbej” appeared first on Gazeta Shqiptare Online.

Dashi

Dita e sotme do jete me pozitive sot për ata qe janë ne një lidhje. Do e respektoni mendimin e tjetrit dhe do bashkëpunoni për gjithçka se bashku. Beqaret ka gjasa te fillojnë një histori dashurie te qete dhe te fshehte. E rëndësishme është qe ata vete do ndihen te plotësuar. Sektori i financave do jete me i privilegjuar se kurrë me pare. Do ndiheni shume me mire.
Demi

Nuk do ketë aspak tension dhe debate sot ne jetën tuaj ne çift. Merrini gjerat si t’iu vijnë dhe do ndiheni për mrekulli. Beqaret do kenë flirtime pa fund dhe aventura kalimtare. Ata qe dëshirojnë histori dashurie serioze duhet ende te presin edhe pak. Për financat gjithçka është e mundur. Ose do keni përmirësime te menjëhershme ose do rrënoheni tërësisht.

Binjaket

Dita e sotme do jete plot diell për te gjithë ata qe janë ne një lidhje. Do ndiheni te lumtur pranë atij qe dashuroni dhe do dëshironi te mos ndaheni asnjë çast prej tij. Beqaret do jene entuziaste dhe te gatshëm te bëjnë ndonjë çmenduri te vogël. Do gjeni persona me te cilët do ju përputhen mendimet. Ne planin financiar nuk duhet absolutisht te nxitoheni nëse nuk doni probleme.

Gaforrja

Dite mjaft euforike kjo e sotmja për ata qe janë ne një lidhje. Do merreni vesh edhe me shikime me partnerin tuaj dhe do planifikoni te ardhmen. Jeta intime gjithashtu do marre me tepër rëndësi. Beqaret do flirtojnë gjithë kohës dhe do jene te sjellshëm me personat rreth e rrotull. Ne mbrëmje mund te ketë edhe ftesa. Ne planin financiar mos bëni çmenduri sepse do vuani pasojat.

Luani

Ju pret nje dite e mrekullueshme sot juve qe jeni ne një lidhje. Do i harroni njëherë e mire te gjitha problemet qe keni pasur dhe do mendoni vetëm për ato qe do vijnë. Mund te merren edhe vendime sot. Beqaret do kalojnë një dite tërësisht te qete dhe pa gjera për t’u veçuar. Ne planin financiar situata do jete e qëndrueshme po shpenzuar me maturi.

Virgjeresha

Dite e kontrastuar dhe e paqëndrueshme kjo e sotmja për te dashuruarit. Asgjë nuk do shkoje ashtu si ju e keni dëshiruar. Beni durim dhe mos bini ne pesimizëm. Beqaret do mbyllen ne vetvete dhe nuk do preferojnë aspak te dëgjojnë për dashurinë. Financat fatmirësisht do i menaxhoni me kujdes dhe nuk do ketë asnjë problem.

Peshorja

Venusi do jete i pozicionuar keq sot ne jetën tuaj ne çift dhe do sjelle debate te shumta mes jush dhe partnerit. Asnjeri prej jush nuk do lëshojë pe. Beqaret do kenë mundësi me shumice te nisin një histori dashurie serioze, por duhet te bëjnë zgjedhjen e duhur. Ne planin financiar do iu dalin probleme te vogla te cilat duhet t’i rregulloni sa me pare.

Akrepi

Partneri do ju mbaje ne pëllëmbe te dorës gjate kësaj dite dhe ju do ndiheni me te lumtur se kurrë me pare. Do flisni për çdo teme me te. Beqaret do afrohen mjaft me dike te cilin dikur e shanin dhe as qe mendonin se mund ta kishin kaq te afërt. Financat do jene te turbullta, prandaj duhet shmangur çdo lloj shpenzimi apo çdo huadhënie. Kujdes!

Shigjetari

Bashkëpunim, mirëqenia dhe komunikim. Këto do jene fjalët kyçe qe do simbolizojnë jetën tuaj ne çift sot. Gjithçka do shkoje ashtu si ju e kishit dëshiruar ne çift. Beqareve do ju duhet shume kohe qe te mendohen te bëjnë zgjedhjen e duhur. Për problemet financiare mund te flisni vetëm me specialistet ose me miq qe marrin vesh nga kjo fushe.

Bricjapi

Nuk do jete një dite e lehte për t’u kaluar kjo e sotmja, kështu qe tregohuni te kujdesshëm kur te flisni për diçka me partnerin. Ai mund t’iu beje kritika te cilat nuk do iu pëlqejnë. Beqaret do e gjejnë ne mesdite personin e tyre ideal. Financat nuk do jene problematike, megjithatë ju duhet te shmangni çdo lloj shpenzimi te tepruar.

Ujori

Debatet ne çift do fillojnë te pakësohen sot dhe ju do jeni disi me te kthjellet. Mundohuni nga ana tjetër ta ndryshoni paksa rutinën dhe te bëni diçka me ndryshe se zakonisht. Beqareve do ju ndryshoje shpesh humori dhe as vete nuk do e dini çfarë do duan. Me pak durim dhe këmbëngulje mund te arrini t’i stabilizoni edhe financat.

Peshqit

Partneri juaj do jete më me fat sot sepse ju do ja bëni ditën edhe me te bukur. Do e surprizoni atë ne çdo momente dhe do ndiheni edhe vete me te gëzuar. Beqaret nuk do kenë fat ne dashuri edhe pse nuk do ndalen se kërkuari atë. Ne planin financiar vështirësitë do jene me te mëdha se kurrë me pare. Shmangni çdo lloj shpenzimi te tejskajshëm.

The post Parashikimi i horoskopit 30 mars, ja çfarë kanë rezervuar yjet për ju sot appeared first on Gazeta Shqiptare Online.

Kreu i Partisë Demokratike, Sali Berisha, në një tryezë diskutimin për vlerësimin e reformës në drejtësi në Shqipërisë, është shprehur se kjo fushë projektuar në mënyrë të fshehtë nga fondacioni Shqipëria e Hapur.

Berisha gjithashtu u shpreh se shqiptarët, deri para se të niste zbatimi i reformës, kanë patur procese ligjore të pranueshme, teksa shton se sot një gjë e tillë u mohohet qytetarëve.

Berisha: Reforma në drejtësi në Shqipëri, të jemi të hapur, u projektua në mënyrë të fshehtë në një dokument të fshehtë të fondacionit Shoqëria e Hapur.

Dokument, i cili u bë publik në një nga këto likat e njohura, në të cilat ne pamë se ky fondacion kishte hartuar një strategji në të cilën përcaktonte ndryshime të thella, reformën e Kushtetutës, reformën e sistemit të drejtësisë dhe reformën elektorale.

Unë nuk do ndalem këtu tani në historikun 10-vjeçar, por është normale dhe ne kemi kërkuar ndihmën e miqve tanë, e fondacionit Adenauer që të studiohet ky realitet, që të mos pranohet si tabu, se tabutë janë fenomene tipike për diktaturat dhe autokracitë.

Për sistemin e lirë e demokratik janë reformat, ato të cilat janë konstantja e tij.

Por, në rast se bëjmë bilancin 10-vjeçar të kësaj reforme të realizuar nga ekstremi i majtë, cili është?

E para, është mohimi i të drejtës së shqiptarëve, jo me ligj, por me fakte dhe realitet, për të pasur një proces ligjor të drejtë.

Shqiptarët, kurrë që nga vitet ‘90 gjersa u zbatua ky proces, nuk kanë pasur një proces ligjor të përsosur, por kanë pasur një proces ligjor të pranueshëm.

Ky proces ligjor i pranueshëm, i ka bërë të mundur Shqipërisë, të anëtarësohet në Këshillin e Europës, të firmosë Marrëveshjen e Stabilizim-Asocimit, të firmosë marrëveshjen e liberalizimit të vizave, të marrë rekomandimin e KE për statusin e kandidatit dhe të bëhet anëtare e plotë e NATO-s.

Cilido që lexon raportet e KE, që unë i kam vlerësuar gjithnjë ato, këto raporte, për një vend që të progresojë, kishin dy kërkesa madhore, shteti ligjor funksionues, ekonomia e tregut funksionuese.

The post Vlerësimi i Reformës në Drejtësi, Berisha: Shqiptarët më parë kishin një proces ligjor jo të përsosur, por të pranueshëm! Sot u mohohet kjo e drejtë appeared first on Gazeta Shqiptare Online.

Një skandal ka prekur konsumatorët shqiptarë, pasi vetëm disa ditë më parë janë bllokuar në Portin e Durrësit 18.3 tonë fileto pulë e ngrirë, e importuar nga Brazili, pasi ka rezultuar se ishte e kontaminuar me salmonelë.

Ky mishi i përket kompanisë “AMG Food”, e cila është krijuar në dhjetor të vitit 2019 dhe është nën administrimin e Mondi Goxha. Filetoja e pulës e kontaminuar me salmonelë, një bakter ky shumë i rrezikshëm për shëndetin e njeriut, ndodhet në treg me emrin “diMal”.

Sipas njoftimit të Autoritetit Kombëtar të Ushqimit, institucioni ka ndërhyrë për gjurmimin,  verifikimin dhe bllokimin e produktit, por gjithashtu dhe për marrjen e masave administrative dhe ligjore ndaj “AMG Food”. Në këtë njoftim, AKU-ja deklaron se përgjigja e analizave për filetot e pulës kanë dalë që më 11 mars, por sot ka dalë me njoftimin zyrtar.

Raportohet se pavarësisht se AKU-ja ka dhënë urdhër për bllokimin e ngarkesës së mishit, kompania ka vijuar me hedhjen e produktit në treg.

Kompania do të hetohet për mosrespektimin e kritereve të gjurmueshmërisë dhe dhënien e informacionit të pasaktë.

Prokuroria sakaq po vijon me hetimet ndaj çështjes.

Njoftimi i AKU

Në kuadër të transparencës dhe informimit të publikut, si dhe në funksion të garantimit të sigurisë ushqimore dhe mbrojtjes së shëndetit të konsumatorëve, Autoriteti Kombëtar i

Ushqimit ka ndërmarrë një sërë masash të menjëhershme dhe të strukturuara për të adresuar një situatë të identifikuar para disa ditësh gjatë proceseve të kontrollit të produkteve ushqimore të importuara në Portin e Durrësit.

Referuar analizimit në ISUV në datën 21.03.2025, për prani të Salmonella Typhimurium në një mostër produkt pule (fileto e ngrirë), e importuar nga Brazili, AKU ka ndërhyrë në mënyrë të koordinuar me strukturat përgjegjëse për gjurmimin, verifikimin dhe bllokimin e produktit në fjalë, si dhe për marrjen e masave administrative dhe ligjore ndaj subjektit përgjegjës.

Është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale, për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

Autoriteti Kombëtar i Ushqimit siguron publikun se situata është në ndjekje të vazhdueshme dhe se çdo veprim është ndërmarrë në funksion të transparencës, sigurisë dhe mbrojtjes së shëndetit të qytetarëve.

Për çdo zhvillim të mëtejshëm, AKU do të vijojë të informojë në mënyrë të saktë dhe të përgjegjshme.

The post Skandali/ “AMG Food” shpërndau në treg 13.1 fileto pule me salmonelë, nuk zbatoi urdhrin e bllokimit të mishit appeared first on Gazeta Shqiptare Online.

E Ngarkuara me Punë e SHBA në Tiranë, Nancy VanHorn ka mirëpritur sot (28 mars) në ambasadë, Komandantin Alban Dervishi, të cilin e ka uruar për marrjen e komandës së USS Pearl Harbor.

Lajmi konfirmohet nga vetë ambasada amerikane, e cila përmes një postimi në rrjete sociale, njofton se VanHorn dhe Dervishi gjithashtu kanë diskutuar rëndësinë e partneritetit mes dy vendeve “për ta bërë Amerikën më të fortë”.

“E Ngarkuara me Punë Nancy VanHorn mirëpriti Komandantin Alban Dervishi në ambasadë për ta uruar për marrjen e komandës së USS Pearl Harbor këtë qershor dhe për të diskutuar rëndësinë e partneriteteve tona të mbrojtjes për ta bërë Amerikën më të fortë. Si pjesë e vizitës së tij, Komandant Dervishi, i shoqëruar nga personeli i Zyrës së Bashkëpunimit në fushën e Mbrojtjes, u takua edhe me Nënadmiral Adnand Agastra në Komandën e Forcës Detare ku pati mundësinë të merrte pjesë në disa nga aktivitetet atje”, njofton ambasada.

The post E Ngarkuara me Punë e SHBA uron Komandantin Alban Dervishi, për marrjen e komandës së USS Pearl Harbor: Ta bëjmë Amerikën më të fortë appeared first on Gazeta Shqiptare Online.

Drejtuesi politik i Partisë Demokratike në qarkun Lezhë, Agron Gjekmarkaj, ka zhvilluar një takim me qytetarët, nga ku është shprehur se forca e tij politike ka një program të qartë, e cila do mundësojë nxjerrjen e Lezhës nga ‘kolapsi’.

Lezha ka qytetarë që kërkojnë realitetin, jo mashtrime, është shprehur Gjekmarkaj, duke sulmuar edhe qeverinë, teksa thotë se qytetarët që vuajtën nga tërmeti ende presin kompensimet dhe mbështetjen e munguar.

“Sot, ne kemi një program të qartë dhe të vendosur, një plan emergjent që do ta nxjerrë Lezhën nga ky kolaps. Nuk mund të pranojmë më fasada të shndritshme dhe premtime të pambajtura! As lyerje fasadash pas tërmetit, as manipulime për vota! Lezha ka qytetarë që kërkojnë realitetin, jo mashtrime! Qytetarët që vuajtën nga tërmeti ende presin kompensimet dhe mbështetjen e munguar, ndërsa bashkia dhe qeveria i kanë lënë të vetëm, pa asnjë shpjegim të qartë.

Lezha është e mbytur nga trafiku, kaos në rrugët nacionale dhe asnjë investim në rrugët turistike. E po aq tallëse rruga Milot-Balldren.

Lezha nuk ka më kohë për humbje! Ne e dimë se qytetarët janë të lodhur nga dështimet dhe indiferenca e pushtetit. Ky qytet ka humbur mundësinë të zhvillohet dhe të ecë përpara gjatë këtyre 12 viteve. Ata që pyesin së kë do votonte Fishta, e dëshmojnë fort mirë seriozitetin e shqetësimeve”, tha ai.

Fjalimi i plotë:

Të nderuar qytetarë të Lezhës,

( Dy fjalë Ulsiut për Fishtën)

Po shoh disa pankarta që flasin për një fabrikë që jua ka bërë jeten të vështirë qytetarve të Lezhës! Aty shkruhet “Kancer”, po e tillë është. Me PD në pushtet ai problem do të zgjidhet, ua japë fjalën për këtë.

Lezha ka nevojë për një udhëheqje të re, një frymë të re dhe një angazhim të pakushtëzuar për të ardhmen e saj. Partia Demokratike, me listen e saj, me dy kandidatët e saj të angazhuar, znj. Lindita Metaliaj dhe z. Gjin Gjoni, është e gatshme të rikthejë shpresën dhe të sjellë drejtësi për qytetin tonë

Pas 12 viteve të qeverisjes së Rilindjes, Lezha ka mbetur në hije, pa ndihmën që meriton. Politikat diskriminuese dhe dështimi i një qeverie që ka privilegjuar interesat e grupeve të ngushta mbi të mirën e qytetarëve, e kanë lënë Lezhën pa zhillimin e merituar.

Bujqësia është shkatërruar, ekonomia ka rënë, shëndetësia është në kolaps dhe arsimi po shkatërrohet çdo ditë e më shumë. Kjo nuk është qeverisje,është një dështim i madh!

Sot, ne kemi një program të qartë dhe të vendosur, një plan emergjent që do ta nxjerrë Lezhën nga ky kolaps. Nuk mund të pranojmë më fasada të shndritshme dhe premtime të pambajtura! As lyerje fasadash pas tërmetit, as manipulime për vota! Lezha ka qytetarë që kërkojnë realitetin, jo mashtrime! Qytetarët që vuajtën nga tërmeti ende presin kompensimet dhe mbështetjen e munguar, ndërsa bashkia dhe qeveria i kanë lënë të vetëm, pa asnjë shpjegim të qartë.

Lezha është e mbytur nga trafiku, kaos në rrugët nacionale dhe asnjë investim në rrugët turistike. E po aq tallëse rruga Milot-Balldren.

Lezha nuk ka më kohë për humbje! Ne e dimë se qytetarët janë të lodhur nga dështimet dhe indiferenca e pushtetit. Ky qytet ka humbur mundësinë të zhvillohet dhe të ecë përpara gjatë këtyre 12 viteve. Ata që pyesin së kë do votonte Fishta, e dëshmojnë fort mirë seriozitetin e shqetësimeve.

Po për çfarë qeverisje mund të flasim për rilindjen? Për një qeverisje që shikon vetëm interesat e ngushta dhe qëllimet e veta, duke lënë pas çdo mundësi zhvillimi për qytetarët e thjeshtë!

Dy fjalë Ulsiut për Fishtë se më ka cituar!

Po të isha përfaqësues i asaj partie do skuqesha ta permendja Fishtën e madh! Une jam rritur me librat e tij, lexuar e rilexuar, për shije njerzore e profesionale! Ati im shpirtëror At Zef Pllumi, nxënësi i tij i zgjedhur, më ka bindur që ai ishte Patrioti më i madh i ketij Kombi. Partia e Ulsiut i hoqi eshtrat nga varri dhe ja gjuajti në lumë, i ndaloi veprën, e shpalli armik! Duhet pak skuqje e turp për t’ja zënë emrin me gojë! E duan Fishtën patronazhist! Nuk e bëjnë dot. Nga atje i përqesh se as të “Gomari i Babatasit” nuk u gjen vend!

The post Gjekmarkaj në Lezhë: Kemi një program të qartë që do nxjerrë zonën nga ky kolaps! Ata që pyesin se kë do votonte Fishta, e dëshmojnë fort mirë seriozitetin e shqetësimeve appeared first on Gazeta Shqiptare Online.

Ardian Ismajli ishte pjesë e grumbullimit të Kombëtares shqiptare për ndeshjet ndaj Anglisë dhe Andorrës, por nuk zbriti në fushën e lojës në asnjë prej dy sfidave. Ai qëndroi në stol, në gatishmëri për trajnerin Silvinjo, por nuk iu dha asnjë minutë në fushën e lojës për shkak të situatës me një dëmtim që e shoqëroi që në fillimin e grumbullimit.

Ai dëmtim duket se do të lërë jashtë fushe përsëri për disa kohë mbrojtësin kuqezi, pasi klubi i Empolit ka bërë të qartë se lojtari nuk do të jetë në dispozicion për javët në vijim.

Sipas një njoftimi zyrtar të klubit, Ismajli ka probleme në kofshën e djathtë dhe ka nisur fazën e riaftësimit me stafin mjekësor të klubit. Kësisoj, ai do të mbetet jashtë për ndeshjet e radhës, shumë delikate për Empolin që është përfshirë në luftën për mbijetesë.

PANORAMASPORT.AL

The post Në stol për dy ndeshjet e Shqipërisë, Ismajli merr lajmin e keq pas kthimit në Itali appeared first on Gazeta Shqiptare Online.

Demokrati Belind Këlliçi, përmes një postimi në rrjete sociale, i ka bërë thirrje ministres së Bujqësisë dhe Zhvillimit Rural, Anila  që t’i japë përgjigje qytetarëve mbi ushqimin që konsumojnë, kjo pas skandalit me 27 ton mish të importuar nga Brazili, i cili rezultoi me salmonelë.

Lidhur me këtë skandal Këlliçi shkruan ne Facebook:

“Një denoncim urgjent i lidhur drejtpërdrejtë me shëndetin e qytetarëve shqiptarë!

Nga një investigim i emisionit Piranjat në SYRI TV, 27 tonë mish pule i importuar nga Brazili rezulton i infektuar me bakterin e Salmonelës, sipas analizave të kryera në ISUV.

Kjo sasi e mishit të importuar dyshohet se është hedhur në treg pa pritur rezultatin e analizave.
Kjo është një çështje urgjente!!!
Këtu nuk ka më as diskutime politike, bëhet fjalë për sigurinë ushqimore të qytetarëve.

Ministre Anila Denaj, jepini përgjigje qytetarëve mbi ushqimin që konsumojnë dhe mbani përgjegjësi për këtë krim kundër shëndetit!”

Autoriteti Kombëtar i Ushqimit, njoftoi se ka nisur procedurat e gjurmimit dhe bllokimit të një sasie mishi pule, i dyshuar me Salmonelë, që është importuar në vendin tonë nga Brazili, përmes Portit të Durrësit.

Sipas AKU, është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale.

Subjekti importues do të hetohet për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

The post Skandali i mishit me salmonelë, Këlliçi thirrje ministres Denaj: Jepni përgjigje qytetarëve mbi ushqimin që konsumojnë dhe mbani përgjegjësi për këtë krim kundër shëndetit appeared first on Gazeta Shqiptare Online.