Janë publikuar këtë të hënë rezultatet për studentet fitues të cilët presupozohet që janë ata ekselentët. 9.7 është mesatarja e studentëve fitues në degën Mjekësi e Përgjithshme të cilët do të jenë dhe mjekët e ardhshëm.

Në Universitetin e Mjekësisë mund të aplikojnë maturantët që kanë mesatare 8.5 ,por përveç mesatares për mjekësi te përgjithshme maturantet kalojnë një tjetër filtër siç është testimi i informatizuar ku janë përzgjedhur 436 me te mirët .

Për vitin 2025- 2026 aplikuan 2029 maturantë, u testuan 1202 dhe u përzgjodhën 436.

Por cilat janë degët më të preferuara në këtë universitet për maturantët që nuk e arrijnë degën mjekësi e përgjithshme? Sipas prof. dr. Xheladin Dracini është stomatologjia dhe farmacia.

Në degën stomatologji aplikuan 2739 dhe u pranuan 384. Në degën e farmacisë aplikuan 2327 dhe u pranuan 110.

Maturantët kanë të drejtë të ankimojnë rezultatin deri ne datën 27 gusht dhe në datën 29 gusht fillon regjistrimi i tyre pranë universiteteve.

The post Publikohen rezultatet e konkursit për mjekësinë, janë pranuar 436 aplikantë appeared first on Albeu.com.

Bashkitë në vend kanë nisur punën për emërimin e administratorëve dhe drejtorëvë të rinj pas urdhrit që dha kryeministri Edi Rama pak kohë për parë për “vetëpastrimin” e bashkive. Mësohet se Bashkia e Durrësit ka emëruar nënkryetarin e ri.

Këtë post tashmë e mban Egert Hoxha. Mësohet se ai është nga sektori i energjisë dhe se për më shumë se një vit drejtoi OSHEE Durrës. Hoxha gjithashtu ka qenë drejtor i kontrollit dhe zbatimit të standardeve në Drejtorinë e Përgjithshme të OSHEE-së, Tiranë.

Ai tashmë do të zëvëndësojë Renis Mullaj. Mullaj mori drejtimin e Spitalit rajonal Durrës pas fitimit të mandatit të deputetit nga drejtori i mëparshëm, Ani Dyrmishi. Edhe Bashkia e Cërrikut ka nisur lëvizjet e para duke bërë disa emërime.

The post EMRI/ Emërohet nënkryetari i ri i Bashkisë Durrës appeared first on Albeu.com.

Detaje të reja janë zbardhur nga vrasja e 36-vjeçares shqiptare, Marjola Nakoleci. Mësohet se fëmijët e saj të mitur ndonesë të pafuqishëm kundrejt babai të tyre kanë tentuar të shpëtojnë nënën nga duart e 40-vjeçarit. Mësohet se djali 13-vjeçar i familjes u përpoq të ndalonte babain që të mos i vriste nënën.

36-vjeçarja teska tentoi të largohej duke dalë nga pallati ku jetonin por 40-vjeçari e kapi dhe e goditi duke e vrarë. Djali i tyre mësohet se iu hodh në qafë babait dhe e tërhiqte për të mos e lejuar ta godiste me thikë.

Tentativa e të riut nuk pati sukses pasi babai i tij ishte më i fortë fizikisht dhe arriti të godiste bashkëshorten për vdekje dhe më pas u arratis. Edhe vajza u përpoq të ndihmonte nënën por nuk ia doli dhe pa me sytë e saj një masakër të rëndë që nuk do ta harrojë kurrë që u shkaktua nga vetë babai i saj.

Sipas saj debatet e mëparshme nuk kanë qenë kaq të mëdha sa ndodhi ditën fatale. Ajo u shpreh se babai i saj kishte nisur punë dhe ishte qetësuar. Ditën e ngjarjes çifti debatuan dhe sipas vajzës 36-vjeçarja i tha bashkëshortit që të ndahen.

Vajza shtoi se babai i saj veproi shpejt dhe e goditi me thikë 36-vjeçaren. Nëna sipas saj po bërtiste ndërsa ai e kapi nga flokët dhe e hodhi në tokë. Ajo shtoi se gjithçka ndodhi papritur dhe në sy të saj.

The post Djali 13-vjeçar tentoi të shpëtonte Marjola Nakolecin, iu hodh në qafë babait për ta ndaluar, 36-vjeçarja dha frymën e fundit në duart e vajzës appeared first on Albeu.com.

Ministria e Mbrojtjes ka publikuar përditësimin së fundmi mbi situatën e zjarreve në vend. Sipas njoftimit, gjatë 24 orëve të fundit janë evidentuar 10 vatra zjarri: 6 prej tyre janë shuar plotësisht, 4 vijojnë të jenë aktive.

Sipas Qendrës Kombëtare Operacionale të Emergjencave Civile, në Pishë-Poro të Vlorës, zjarri i rënë në një terren ranor në fshatin Delisuf të njësisë administrative Novoselë është favorizuar nga era dhe ka marrë një shtrirje të madhe në drejtim të fshatit Pishë-Poro.

Terreni ranor nuk mundëson operimin me mjete zjarrfikëse edhe pse 3 automjete zjarrfikëse me 12 efektivë, 4 forca AdZM dhe 10 forca bashkiake ndodhen në zonë. Në mbështetje të forcave në terren kanë fluturuar nga Baza e Kuçovës katër helikopterë, dy të Forcës Ajrore shqiptare dhe dy të Emirateve të Bashkuara Arabe.

Vatrat e tjera aktive janë ato në Parkun Natyror Gërmenj, njësia administrative Leskovik të bashkisë Kolonjë, ku zjarri është riaktivizuar ditën e sotme në afërsi të piramidës 15. Në terren janë të angazhuar forcat zjarrfikëse nga MZSH Kolonjë.

Në fshatin Pezë Helmës, njësia administrative Pezë, bashkia Tiranë, vazhdon të jetë aktiv zjarri në disa vatra në një terren pa rrugëkalime dhe me bimësi të dendur që nuk mundëson ndërhyrjen e forcave zjarrfikëse. Në terren ndodhen në gatishmëri të pandërprerë 24 orë zjarrfikësit lokalë, kryesisht pranë disa banesave që ndodhen më afër zonës, por larg vetë vatrës së zjarrit.

Në fshatin Bogovë, njësia administrative Bogovë, bashkia Skrapar, është aktivizuar një vatër zjarri në një hangar ku më pas është shpërndarë në një sipërfaqe pyjore me pishë. Në vendngjarje po operojnë 3 grupe shërbimi nga MZSH Skrapar. Situata raportohet nën kontroll dhe nuk paraqet rrezik për banesat.

The post Situata e zjarreve në vend, Ministria e Mbrojtjes: 10 vatra në gjithë territorin, 4 ende aktive appeared first on Albeu.com.

Presidenti amerikan Donald Trump ka thënë se nuk ishte i kënaqur me sulmin izraelit gjatë natës ndaj një spitali në Gaza.

Sipas mediave të huaja, Trump mes të tjerash tha se nuk ishte më herët në dijeni të këtij sulmi.

“Nuk jam i kënaqur me këtë. Nuk dua ta shoh”, u ka thënë Trump gazetarëve në Shtëpinë e Bardhë.

“Në të njëjtën kohë, duhet t’i japim fund atij…makthi”, shtoi më tej Trump.

Siç kemi raportuar sot, të paktën 20 persona janë vrarë në një sulm ndaj Spitalit Nasser – përfshirë pesë gazetarë.

Ky është episodi më i fundit në një luftë që ka qenë një nga konfliktet më vdekjeprurëse për gazetarët.

The post Trump pas sulmit izraelit në spitalin në Gaza: Jam i pakënaqur, duhet t’i japim fund këtij makthi appeared first on Albeu.com.

Ditën e martë vendi ynë do të ndikohet nga kushte atmosferike të qëndrueshme. Moti parashikohet të jetë fillimisht me vranësira mesatare deri të dendura, të cilat gradualisht pas mesditës do të vijnë në shpërbërje.

Temperaturat maksimale do të arrijnë deri në 30 gradë celcius, ndërsa ato minimale në 11 gradë celcius.

Era do të fryjë me drejtim verilindje-veriperëndim me shpejtësi mesatare 8 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi deri në 12 m/s.

The post A do të ketë reshje shiu? Parashikimi i motit për ditën e nesërme, ja çfarë pritet të ndodhë me temperaturat appeared first on Albeu.com.

Anëtarët e Presidencës trepalëshe të Bosnje-Hercegovinës, Zhelko Komshiq dhe Denis Beqiroviq, kanë refuzuar të përfshijnë në agjendën e Presidencës një iniciativë të anëtares, Zhelka Cvijanoviq për ta nominuar presidentin e Shteteve të Bashkuara, Donald Trump për Çmimin Nobel për Paqe, raporton Televizioni publik i Republikës Sërpska.

Cvijanoviq ka bërë të ditur më parë se ajo do ta nominojë Trumpin për Çmimin Nobel në Komitetin e Nobelit.

“Presidenti amerikan e meriton këtë nominim sepse, përmes angazhimit të tij diplomatik dhe autoritetit personal, ai ka arritur rezultate që kanë lënë gjurmë të rëndësishme në marrëdhëniet ndërkombëtare dhe kanë kontribuuar në stabilizimin e shumë krizave në botë”, ka thënë ajo në letrën e përgatitur për propozim.

Sipas saj, “mirënjohja për përpjekjet e tij dhe arritjet në fushën e paqes” arsyetojnë vendimin e Presidencës së Bosnje-Hercegovinës për ta nominuar presidentin Trump për Çmimin Nobel për Paqe.

Më 31 korrik 2023, SHBA-ja e ka futur Cvijanoviqin në listën e personave të sanksionuar, për shkak të kërcënimit të Marrëveshjes së Dejtonit për Paqe, si dhe të integritetit dhe sovranitetit të Bosnje-Hercegovinës.

Asambleja Kombëtare e Republikës Sërpska i ka miratuar dy ligje anti-Dejton, që kanë të bëjnë me mosrespektim të vendimeve të Gjykatës Kushtetuese të Bosnje-Hercegovinës dhe të Përfaqësuesit të Lartë, Christian Schmidt.

Të dyja ligjet janë pezulluar nga Schimdt, mirëpo autoritetet e Republikës Sërpska i kanë çuar përpara procedurat dhe kanë insistuar se nuk do t’i respektojnë vendimet e Përfaqësuesit të Lartë, çka ka thelluar edhe më shumë krizën institucionale në Bosnje-Hercegovinë.

Edhe presidenti i Republikës Sërpska, Millorad Dodik, i cili ka qenë propozuesi i ligjeve për mosrespektim të vendimeve të Gjykatës Kushtetuese, është nën sanksione amerikane.

SHBA-ja ka vendosur sanksione të reja kundër Dodikut më 5 janar 2022, përveç atyre të vitit 2017, për rrezikim të Marrëveshjes së Dejtonit.

Çmimi Nobel për Paqe është njëri prej pesë çmimeve Nobel.

Ai u ndahet individëve apo organizatave që kanë bërë kontribute të mëdha për paqen në botë, kryesisht përmes promovimit të vëllazërisë mes kombeve, çarmatosjes dhe paqes.

Çmimi e ka nismëtar Alfred Nobelin dhe është ndarë prej Komitetit Norvegjez të Nobelit prej vitit 1901. Ceremonia mbahet çdo vit, më 10 dhjetor, në Osllo.

Fituesit shpërblehen me medalje, diplomë dhe para të gatshme./rel

The post Bllokohet propozimi në Bosnje-Hercegovinë për nominimin e Trump për Çmimin Nobel appeared first on Albeu.com.

Në Bashkinë e Cërrikut ka nisur rikonstrukturimi dhe reformimi i stafit të pushtetit vendor, nismë kjo e ndërmarrë me urdhër të kryeministrit Edi Rama për një riorganizim të thelluar të strukturave drejtuese në vend.

Deri më tani janë emëruar në detyrë dy drejtues të njësive administrative nga 4 në total në Cërrik. Bëhet fjalë për njësinë administrative Klos ku Elis Duzha ka zëvendësuar Arjan Gribën. Ndërkohë në njësinë administrative Gostimë, Eneo Taçja ka pasuar në detyrë, Gëzim Kadiun. Të pandryshuar mbeten drejtuesit e njësive administrative Mollas dhe Shalës ku drejtues përkatësisht janë Xhevdet Sade dhe Brunilda Kurti.

Ndryshime janë bërë dhe në nivel drejtorish. Olti Bozi është emëruar në krye të drejtorisë së Shërbimeve Publik ndërsa në krye të Drejtorisë së Mbrojtjes nga Zjarri dhe Shpëtimit, është komanduar Florian Qosja.

Ndërkohë në një kohë të shkurtër priten që në këtë bashki të emërohen dhe dy nënkryetarët e rinj ndërsa kryebashkiaku Andis Salla është shprehur se të gjitha emërimet në institucion janë duke u zhvilluar në transparencë të plotë.

The post Emërohen administratorë dhe drejtorë të rinj në Cërrik, ja emrat që do të marrin pozicionet drejtuese appeared first on Albeu.com.

Nga ekzaminimi mjeko-ligjor i kryer mbi trupin e Marjola Nakolecit është zbuluar se 36-vjeçarja ka gjetur vdekjen nga plagët e marra në gjoks. Mësohet se viktima kishte një plagë me mjet të mprehtë e cila i shkaktoi vdekjen.

Mediat greke raportojnë se shqiptarja kishte edhe plagë në qafë nga mjeti i përdorur nga autori i krimit. Ajo kishte plagë edhe në pjesë të tjera të trupit çka tregon se shqiptarja u përpoq të mbrohej. Pandeli Nakoleci është shprehur se ai e donte bashkëshorten e tij dhe se nuk donte ta lëndonte thjesht kishte qëllim ta trembte.

Sipas tij persona të tretë shkatërruan marrëdhënien e tyre gjë e cila e bëri që ai të humbte mendjen dhe të ndërmerrte një akt të tillë. Ai ka ngritur akuza se gruaja e tradhëtonte dhe se ajo i ka dërguar foto dhe video me partnerin e ri. 40-vjeçari ka deklaruar se 36-vjeçarja kishte humbur një fëmijë i cili sipas tij nuk ishte i tij por i partnerit tjetër të shqiptares.

Nga ana tjetër motra e Marjolës ka hedhur akuza ndaj kunatit të saj se ai ka abuzuar me 36-vjeçaren gjatë martesës. Sipas saj motra e saj duroi dhunë fizike dhe seksuale. Ajo shtoi se bashkëshorti i saj e përdhunonte dhe e linte shtatzënë, me qëllim që ta mbante robëreshë e të mos divorcohej. Motra e viktimës zbuloi se familja dinte për abuzimin, por nuk paraqiti asnjëherë denoncim tek autoritetet.

The post Plaga në gjoks ishte fatale/ Marjola Nakoleci mori disa prerje teksa tentoi t’i shpëtonte sulmit nga bashkëshorti, ja çfarë zbuloi ekspertiza mjeko-ligjore appeared first on Albeu.com.

Futbolli shqiptar ka humbur një tjetër figurë të njohur.

Bujar Tafaj, ish-portieri i Tiranës dhe një emër i respektuar i viteve ’60–’70, është ndarë nga jeta në moshën 81-vjeçare.

Tafaj ishte pjesë e një prej brezave më të spikatur të bardhebluve, me të cilët fitoi tre herë titullin kampion të Shqipërisë, duke u shquar për kontributin e tij të çmuar në sukseset e klubit. Përveç Tiranës, ai ka mbrojtur edhe ngjyrat e Pogradecit, duke lënë gjurmë edhe jashtë kryeqytetit.

Me ndarjen nga jeta të Bujar Tafajt, shuhet një tjetër figurë që ka lënë gjurmë në historinë e futbollit shqiptar, duke mbetur në kujtesën e sportdashësve si një prej portierëve të shquar të gjysmës së dytë të shekullit të kaluar.

The post Futbolli shqiptar në zi, ndahet nga jeta ish-portieri i njohur i Tiranës appeared first on Albeu.com.

Gjeografia e shtetasve të huaj që vijnë në Shqipëri për të punuar, bashkim familjar apo arsye të tjera sa vjen e po zgjerohet. INSTAT raportoi se shtetasit nga India dhe Italia kanë pasur numrin më të madh të aplikimeve për leje qëndrimi në 2024-n. Rritje shënuan dhe Amerika, Afrika dhe Oqeania.

Në fund të vitit 2024, numri i të huajve me leje qëndrimi në Shqipëri rezultoi 21.940, duke pësuar rritje me 2,2 %, krahasuar me vitin 2023, raportoi INSTAT. Nga këta gati 12 mijë janë për të punuar.

61,9 % e të huajve me leje qëndrimi dominohet nga meshkujt, kundrejt femrave me 38,1 %;

Grupmosha më e përfaqësuar është ajo 30–39 vjeç, me 24,6 % të të huajve gjithsej;

Sipas INSTAT, numri i aplikimeve për leje qëndrimi në Shqipëri, në vitin 2024 shënoi rritje prej 6,0 %, krahasuar me vitin 2023. Shtetasit nga Italia dhe India përbëjnë 28,8 % të aplikimeve.

Europa zë pjesën më të madhe me 65,5 % (14.367 persona me leje qëndrimi), duke shënuar një rënie prej 5,6 %, krahasuar me 2023. Edhe Azia ka shënuar rritje të ndjeshme me 20,1 % (4.545 persona). Amerika, Afrika dhe Oqeania shënuan rritje me 23,4 % (3.028 persona).

Të huajt me origjinë nga Kosova, Italia dhe Turqia përbëjnë numrin më madh të të huajve me leje qëndrimi në Shqipëri;

Punësimi është arsyeja kryesore: 54,3 % e lejeve të qëndrimit ndjekur nga:
– bashkimi familjar: 24,5 %;
– arsye të tjera: 16,3 %;
– studimi: 4,0 %;
-qëllime humanitare: 0,9 %.

Në 2024 u identifikuan 1.540 të huaj të parregullt në territorin e Shqipërisë, duke shënuar një rënie të konsiderueshme, krahasuar me 6.630 në vitin 2023.

Në vitin 2024, të huajt me origjinë nga Kosova janë 4.592 banorë, duke shënuar një rritje me 23,7 %, krahasuar me 2023, ndërsa të huajt me leje qëndrimi në Shqipëri me origjinë nga Italia janë 3.763 banorë, duke shënuar një rritje me 11,5 %, krahasuar me 2023./MONITOR

The post Në Shqipëri ka rreth 22 mijë të huaj, 54% janë për punë, kryesojnë India e Italia, rritet Afrika appeared first on Albeu.com.

Presidenti i përkohshëm sirian, Ahmed al-Sharaa do mbajë fjalim në Asamblenë e Përgjithshme të OKB-së. Fjalimi i cili pritet të mbahet muajin tjetër, do të jetë i pari që mbahet në Asamble nga një president sirian.

Burimi, i cili preferoi të mbetet anonim për shkak se nuk ishte i autorizuar të fliste publikisht, theksoi se Sharaa do të jetë pjesëmarrës në Asamblenë dhe do t’i drejtohet me një fjalim delegacioneve të pranishme, raportoi gazeta The Times of Israel. Kjo do të jetë hera e parë që një president sirian mban një fjalim para këtij forumi ndërkombëtar që nga viti 1967.

Sharaa erdhi në pushtet pasi forcat rebele të drejtuara prej tij rrëzuan regjimin e mëparshëm të Bashar al-Assad në dhjetor të vitit të kaluar.

Në muajin maj të këtij viti, ai zhvilloi një takim në Riad me presidentin amerikan Donald Trump, i cili më pas deklaroi se Shtetet e Bashkuara planifikojnë të heqin sanksionet kundër Sirisë.

The post Pas 60 vitesh, një president sirian do mbajë fjalim në Asamblenë e Përgjithshme të OKB-së appeared first on Albeu.com.

Një zjarr ka përfshirë pyllin me pisha në zonën e hidrovorit, pranë lagunës së Nartës.

Nga pamjet, tymi i dendur ka mbuluar të gjithë zonën, ndërsa në vendngjarje kanë shkuar forcat zjarrfikëse të Vlorës me 7 punonjës, të cilët po punojnë për izolimin dhe shuarjen e flakëve.

Fatmirësisht, pasditja nuk shoqërohet me erë të fortë, gjë që ka ndihmuar në frenimin e përhapjes së zjarrit. Aktualisht, vatrat janë të izoluara, dhe nuk ka rrezik për përhapje të flakëve.

The post Zjarri përfshin pyllin me pisha pranë lagunës së Nartës appeared first on Albeu.com.

Familja Dhimaku në Delvinë ka hapur sot dyert e mortit pasi dy motrat Elvisa dhe Rozina, përkatësisht 22 dhe 20 vjeçe, humbën jetën mbrëmjen e djeshmë në një aksident tragjik në Sarandë. Sipas raportimeve, dy vajzat iu kishin marrë leje prindërve për të dalë për të pirë një kafe, bashkë me shoqen e tyre Antonela Zhupën, e cila ndodhet te spitali i Traumës.

Dy motrat kanë këmbëngulur të merrnin me vete dhe vëllain e tyre të vogël 10 vjeç, i cili është i sëmurë me leuçemi, por babai nuk e ka lejuar duke thënë se “është i lodhur”. Gjyshja e vajzave nga ana tjetër, i ka paralajmëruar mos të dalin nga shtëpia duke iu thënë se “kam parë një ëndërr të keqe”, por nuk ka mundur t’i ndalojë.

Ndërkohë, po mbrëmjen e djeshme, policia ka arrestuar në flagrancë edhe shkaktarin e aksidentit. Në pranga është vënë Kevi Norra, specialist në Ministrinë e Brendshme. Pas testit të alkoolit ka rezultuar se 23-vjeçari, drejtonte automjetin tip “Audi” në gjendje të dehur.

Policia e Sarandës bëri me dije se testi i parë i alkoolit tregoi nivelin 1.52 mg/l, ndërsa testi i dytë 1.42 mg/l. Duke tentuar një parakalim të gabuar, automjeti i tij është përplasur kokë më kokë më makinën tip “Lancia” në të cilën ishin tre vajzat. 23-vjeçari akuzohet për “Shkelje të rregullave të qarkullimit rrugor” dhe “Drejtim i automjetit në mënyrë të parregullt”.

The post Tragjedia në Sarandë/ Dy motrat u morën leje prindërve për të pirë kafe dhe kërkuan të merrnin vëllain e vogël, gjyshja i paralajmëroi të mos dilnin: Kam parë ëndërr të keqe appeared first on Albeu.com.

Shefi i ushtrisë izraelite, Eyal Zamir ka rritur tonin e paralajmërimeve të tij në lidhje me planin për të marrë kontrollin e plotë të qytetit të Gazës.

Ai i ka bërë thirrje kryeministrit Benjamin Netanyahu që të pranojë një marrëveshje armëpushimi, e cila do të mundësonte lirimi e pengjeve që ende mbahen.

“Ka një marrëveshje mbi tryezë, është marrëveshja e përmirësuar Witkoff, duhet ta pranojmë”, citoi televizioni izraelit “Channel 13” fjalët e Zamir drejtuar komandantëve gjatë një vizite në një bazë detare në Haifa.

Shefi i ushtrisë iu referua një propozimi të negociuar më parë nga i dërguari i posaçëm amerikan, Steve Witkoff, që parashikon një armëpushim 60-ditor, gjatë të cilit do të liroheshin 10 pengje izraelite të gjallë në këmbim të të burgosurve palestinezë.

“Ushtria ka krijuar kushtet për një marrëveshje mbi pengjet, tani kjo është në duart e Netanyahut”, shtoi ai.

The post Shefi i ushtrisë izraelite – Netanyahut: Ekziston një marrëveshje në tryezë për pengjet, duhet ta pranojmë appeared first on Albeu.com.

Dashi

Nëse jeni ne një lidhje duhet te harroni gjithçka qe keni kaluar me pare dhe te shihni me pozitivizëm drejt se ardhmes. partneri do jene te humor dhe i gatshëm te beje sakrifica ne mënyrë qe ju te ndiheni mire. Beqaret mund te fillojnë një histori dashurie romaneske. Merkuri do influencoje financat dhe do iu beje ju me te kujdesshëm se kurrë.

Demi

Përfitoni sa me shume nga ambienti i ngrohte qe mbizotëron ne jetën tuaj ne çift dhe flisni me partnerin për çdo gjë qe ju ka shqetësuar apo edhe për dëshirat qe keni. Beqaret nuk do jene ende ne humorin e duhur për te filluar një histori dashurie. Financat nuk do jene ne gjendjen me te mire, prandaj shmangni transaksionet e tejskajshme.

Binjaket

Dite goxha e qëndrueshme dhe pozitive kjo e sotmja për ata qe janë ne një lidhje. Nuk priten aspak probleme me partnerin sepse do i dini mire çfarë do ai. Beqaret edhe pse do kenë plot mundësi për te filluar lidhje pasionante duhet te tregohen disi me te arsyeshëm. Sektori i financave do jete i paqëndrueshëm. Ekuilibri do kërcënohet seriozisht.

Gaforrja

Klima ne çift do ngrohet mjaft gjate kësaj dite. Venusi do e shtoje pasionin dhe do kaloni momente te mrekullueshme me atë qe keni ne krah. Vazhdoni t’i shprehni sa te mundni ndjenjat. Beqaret do jene gati te fillojnë një lidhje edhe pse personat nuk do iu përshtaten ne çdo pike. Ne planin financiar duhet bere një riorganizim i te ardhurave.

Luani

Venusi do jete aleati juaj me i forte ne planin financiar. Do ndiheni te lumtur pranë atij qe dashuroni dhe nuk do keni me çfarë te kërkoni tjetër. Beqaret duhet te përfitojnë nga mundësitë e mira qe do iu jepen për njohje. Gjithë jeta e tyre mund te ndryshoje përgjithmonë. Ne planin financiar nuk duhet hedhur asnjë hap i nxituar sepse do ketë shume probleme.

Virgjeresha

Jeta ne çift do jete goxha e paqëndrueshme sot. Asgjë nuk do shkoje si ju e kishit menduar dhe here pas here mund te keni edhe debate shume te forta. Beqaret do marrin ftesa, por nuk do jene ne humorin e duhur për te hedhur asnjë hap. Ne planin financiar me ne fund fati do jete ne anën tuaj. Jo vetëm qe do kryeni investimet e duhura, por do hiqni edhe disa para mënjanë.

Peshorja

Duke qene shume te zënë me pune dhe angazhime te tjera, pa dashje do e lini goxha pas dore jetën tuaj ne çift. Partneri mund te mërzitet dhe t’i hedhe sytë diku tjetër. Beqaret do jene sharmante dhe sensuale. Te gjithë do i kenë sytë nga ata dhe do mundohen t’i joshin pa fund. Financat nuk do jene ne gjendjen e duhur, por nuk është as koha për t’u përballur vete me to.

Akrepi

Marrëdhënia me partnerin do jete edhe me e ngrohte nga sa ju e prisnit. Do kuptoheni me te me se miri dhe nuk do keni asnjë debat. Beqaret do e lënë veten te lire dhe gjithçka do iu ndodhe si me magji. Shume gjera do ndryshojnë për ta. Ne planin financiar nuk duhet te kërkoni ndihme nga personat qe nuk mund t’iu ndihmojnë dot, por vetëm nga specialistet.

Shigjetari

Mos i qëndroni indiferente dhe mos e kritikoni ashpër partnerin tuaj sot sepse durimi i tij e ka një kufi dhe gjerat mund te marrin tatëpjetën. Gjithçka qe keni dertuar mund te shkatërrohen ne pak kohe. Beqaret do e kërkojnë ne çdo cep dashurinë, mirëpo nuk do jene aspak me fat. Ne planin financiar nuk duhen ndërmarrë rreziqe edhe sikur situata te jete e qëndrueshme.

Bricjapi

Zemra juaj do rrahe edhe me fort gjate kësaj dite. Partneri do iu surprizoje duke iu rikthyer edhe njëherë kohen e dikurshme se bashku me emocionet qe keni kaluar. Beqaret nuk rekomandohet te kryejnë ndonjë çmenduri dhe as te fillojnë aventura kalimtare. Financat duhen menaxhuar me sa me shume kujdes dhe maturi qe te mundeni.

Ujori

Dite e ndare ne dy pjese kjo e sotmja. Mëngjesi do filloje plot debate dhe zënka me partnerin, ndërsa duke filluar qe ne orët e pasdites situata do filloje dalëngadalë te përmirësohet. Mbrëmja do jete krejtësisht e ndryshme. Beqaret do kenë takime, por edhe dilema te mëdha. Financat nuk do jene te mira nëse kryeni shpenzime marramendëse.

Peshqit

Do tregoheni shume te dashur dhe lozonjare sot me atë qe keni ne krah dhe marrëdhënia mes jush do behet edhe me e zjarrte se me pare. Edhe beqaret do kenë fat ne dashuri dhe mund te hedhin hapat e para drejt krijimit te një lidhjeje serioze. Me financat mundohuni te tregoheni diplomate ne mënyrë qe te mos keni probleme dhe vështirësi me vone.

The post Horoskopi 25 Gusht, ja çfarë kanë parashikuar yjet për ju appeared first on Albeu.com.

Një tërmet me magnitudë 4.8 rihter goditi Turqinë perëndimore, në rajonin më të gjerë të Balikesirit. Tërmeti u ndje të dielën në mbrëmje në orën 21:58. Sipas Qendrës Sizmologjike Euro-Mesdhetare, epiqendra ishte 55 kilometra në juglindje të Balikesirit dhe thellësia fokale ishte 7 kilometra.

Vetëm 16 minuta më vonë, një tërmet me magnitudë 4.5 Rihter ndodhi pothuajse në të njëjtin vend, 58 kilometra në juglindje të Balikesirit. Thellësia fokale ishte 11 kilometra. Më 11 gusht, një tërmet me magnitudë 6.1 Rihter ndodhi në Turqinë lindore

The post Dy tërmete me magnitudë 4.8 dhe 4.5 rihter shkundin Turqinë brenda pak minutash, ja ku ishte epiqendra appeared first on Albeu.com.

Kryeministri izraelit Benjamin Netanyahu ka monitoruar nga qendra e komandës së Forcave Ajrore izraelite në Tel Aviv operacionet ajrore kundër rebelëve Houthi në Jemen, duke theksuar se Izraeli do të vazhdojë të godasë çdo kërcënim ndaj sigurisë së tij.

“Kushdo që na sulmon, do ta godasim. Kushdo që planifikon të na sulmojë, do ta godasim. Mendoj se i gjithë rajoni e kupton forcën dhe vendosmërinë e Izraelit,” deklaroi Netanyahu në një video-mesazh të shpërndarë nga zyra e tij.

Në të njëjtin mesazh, ai shtoi se “regjimi terrorist Houthi po mëson në mënyrën më të vështirë se do të paguajë dhe do të vazhdojë të paguajë një çmim të lartë për agresionin e tij kundër Izraelit.”

Deklaratat e Netanyahut vijnë pak pas njoftimit se Forcat Ajrore Izraelite (IAF) kanë goditur një kompleks ushtarak në kryeqytetin e Jemenit, Sana’a, ku ndodhet edhe pallati presidencial. Sipas autoriteteve izraelite, janë goditur gjithashtu një rezervuar karburanti dhe dy termocentrale.

Ministri i Mbrojtjes, Israel Katz, tha nga ana e tij se forcat izraelite “kanë shkatërruar pallatin presidencial të Houthi në Jemen dhe kanë goditur rezervuarët e karburantit dhe infrastrukturën energjetike.”

“Po vazhdojmë të zbatojmë një bllokadë ajrore dhe detare, dhe të godasim infrastrukturat që përdoren për të përkrahur terrorizmin e Houthi-ve. Për çdo raketë që lëshojnë kundër Izraelit, do të paguajnë shumëfish,” theksoi Katz.

The post Izraeli u hakmorr ndaj rebelëve Houthi, Netanyahu: Kushdo që na sulmon, do të goditet appeared first on Albeu.com.

Dy vajzat e reja që shihni në foto janë 22-vjeçarja Elvisa Dhimaku dhe 20- vjeçarja Rozina Dhimaku. Dy motrat Dhimaku mbrëmjen e sotme u aksidentuan në aksin Sarandë-Delvinë. Aksidenti i cili u kushtoi jetën. 22-vjeçarja mësohet se ishte shofere ndërsa motra e saj e vogël dhe një shoqe ishin pasagjere. Rozina mësohet se ishte studente për mjekësi.

Aksidentit tragjik i ka mbijetuar vetëm pasagjerja 24-vjeçare, Antonela Zhupa. Ajo ndodhet në spital ndërsa gjendja e saj nuk dihet ende. Ende nuk dihen shkaqet e këtij askidenti të rëndë ndërsa dyshohet se mjeti i viktimave është përplasur me një makinë tjetër e drejtuar nga Kevin Nora. Deri më tani nuk ka raportime se shoferi tjetër ka mbetur i plagosur.

The post Aksidenti tragjik në aksin Sarandë-Delvinë, këto janë dy motrat që u ndanë nga jeta, njëra studionte për mjekësi appeared first on Albeu.com.

Gjendet e vetëvarur në banesë një e mitur 15-vjecare.

Ngjarja ka ndodjur në fshatin Çukë të Sarandës.

E mitura mesohet se kishte ardhur për pushime nga Tirana tek disa të afërm të saj në Cuke.

Policia ka nisur hetimet per ngjarjen.

Trupi i viktimës është transportuar në morg.

The post Saranda nuk gjen qetësi, i jep fund jetës një vajzë 15-vjeçare/ Erdhi nga Tirana dhe ndodhej me pushime tek të afërmit appeared first on Albeu.com.