Dashi

Jeta juaj ne çift do ketë disa pengesa te vogla gjate kësaj dite. Nuk do ndiheni mire ne krahët e atij qe keni ne krah dhe nuk do i shmangni dot debatet. Beqaret do mbyllen ne vetvete dhe nuk do pranojnë kurrsesi ftesat qe do iu bëhen. Ne planin financiar ka ardhur koha te bëni një riorganizim te situatës dhe te ulni për pak kohe shpenzimet.

Demi

Sot do ndizet drita jeshile ne jetën tuaj ne çift dhe mund t’i shprehni pa dorashka te gjitha ato qe ndieni. Atmosfera do jete aq e këndshme sa emocionet do jene te njëpasnjëshme. Beqaret do kenë disa takime te rëndësishme te cilat mund t’ua ndryshojnë te ardhmen. Financat nuk do jene ne gjendjen me te mire, prandaj bëni shume kujdes.

Binjaket

Duhet te tregoheni shume te duruar dhe te matur me partnerin tuaj gjate kësaj dite, përndryshe do lindin probleme te mëdha te cilat me zor do zgjidhen. Pranoni here pas here te toleroni. Beqareve do filloje t’iu rrahe zemra fort ne momentin qe ata me pak e presin. Financat do jene problematike. Nuk duhet tepruar me shpenzimet dhe ne rast nevoje duhet kërkuar ndihme.

Gaforrja

Harmonia do mbizotërojë gjate gjithë kësaj dite ne jetën tuaj ne çift. Do kuptoheni mjaft mire me atë qe keni ne krah dhe nuk do ndodhe asgjë e keqe. Beqaret do iu japin prioritet miqve dhe nuk do e kenë mendjen për te krijuar një lidhje. Sektori i te ardhurave do jete akoma me i privilegjuar se me pare. Do iu jepet mundësia edhe për te shlyer borxhet e marra prej kohesh.

Luani

Ne përgjithësi klima yjore do jete e ngrohte sot. Do ndiheni mjaft mire pranë partnerit tuaj dhe do argëtoheni pa fund. Gjithë kohen e lire ai do ua kushtoje juve. Beqaret nuk duhet te nxitohen te krijojnë menjëherë një lidhje me persona qe sapo i kane njohur sepse do kenë zhgënjime me vone. Ne planin financiar duhet te reflektoni mire para se te bëni çdo lloj shpenzimi.

Virgjeresha

Ndikimi i planetëve nuk do jete aspak negativ ne jetën tuaj ne çift sot. Do e dini mire se çfarë te bëni qe te ruani një klime sa me harmonike dhe te mos keni debate. Beqaret duhet te pranojnë ftesa, por jo te nxitohen për te marre vendime. Ne planin financiar do keni fat me shumice. Jo vetëm qe do kryeni te gjitha shpenzimet e menduara, por do hiqni edhe disa para mënjanë.

Peshorja

Do filloni te mendoni për projekte te përbashkëta me partnerin tuaj gjate kësaj dite dhe te bëni edhe plane për një te ardhme. Bashkëpunoni dhe bëni atë qe është me e mira e te dyve. Beqaret do e kenë te pamundur ta gjejnë princin e kaltër. Te ardhurat do jene delikate. Verifikoni njëherë situatën para se te kryeni çfarëdo lloj shpenzimi.

Akrepi

Ka mundësi qe qielli i dashurisë te jete i zymte gjate kësaj dite. Nuk do kuptoheni mire me atë qe keni ne krah dhe here pas here do debatoni fort. Beqaret do i joshin te gjithë personat qe do kenë pranë pa menduar se ata mund te jene ne një lidhje. Mos bëni gjera për te cilat te pendoheni shpejt. Financat do përkeqësohen për shkak te disa shpenzimeve te pamenduara qe keni kryer se fundmi.

Shigjetari

Nëse jeni te dashuruar do ndiheni te qete dhe nuk do keni probleme gjate kësaj dite. Si ju ashtu edhe partneri do tregoheni te kuptueshëm dhe do toleroni here pas here. Beqaret gjithashtu do jene me fat dhe do mund te ndryshojnë rrjedhën e jetës. Financat do vazhdojnë te jene ne te njëjtën situate si me pare. Nuk do ketë vështirësi.

Bricjapi

Ata qe janë ne një lidhje do kenë nevoje për me shume ngrohtësi dhe mbështetje nga partneri i tyre sot. Mund edhe t’ia kërkoni atij këtë pa druajte sepse ai do jete ne humor dhe do ua plotësojë dëshirat. Beqaret me shume gjase do takojnë personin qe kane ëndërruar gjithmonë. Nëse nuk tregoheni te matur ne planin financiar do keni probleme serioze.

Ujori

Sido qe te jene rrethanat ne jetën tuaj ne çift, sot do bëni çmos qe te qëndroni sa me afër partnerit tuaj dhe te flisni gjere e gjate për gjithçka. Ai nga ana tjetër do jete i gatshëm t’iu dëgjojë dhe t’iu mbështesë. Beqaret do kenë një dite emocionuese fale disa propozimeve emocionuese qe do iu bëhen. Ne planin financiar do keni mbështetjen e disa familjareve.

Peshqit

Lidhja me partnerin do vazhdoje te jete e forte edhe gjate kësaj dite. Do kaloni çaste romantike dhe mjaft emocionuese se bashku. Beqaret do kenë veçse mundësi për aventura kalimtare, ndërsa për dashuritë e mëdha dhe jetëgjata do iu duhet ende te presin. Ne planin financiar do jeni te vendosur dhe mjaft këmbëngulës qe ta përmirësoni sa me shpejt situatën.

The post Horoskopi 23 Korrik, ja çfarë kanë parashikuar yjet për ju appeared first on Albeu.com.

Që nga e premtja e kaluar deri më sot, gjashtë persona kanë humbur jetën në Italinë Jugore, për shkak të valës së fortë të të nxehtit, të cilën meteorologët e kanë quajtur “Deve”.

Ditën e sotme një burrë 60-vjeçar dhe një burrë 81-vjeçar vdiqën nga arresti kardiak ndërsa ndodheshin në plazh, shkruajnë mediat e huaja.

Në katër ditët e fundit, një turist 19-vjeçar austriak, dy burra, të moshës 71 dhe 66 vjeç, dhe një grua italiane 60-vjeçare, të cilët po kalonin pushimet në zonë, vdiqën gjithashtu nga arresti kardiak. Mjekët besojnë se shkaku kryesor i vdekjes, në të gjitha rastet, janë temperaturat e larta, të cilat tejkaluan 43 gradë Celsius.

Sipas parashikimeve, vala e të nxehtit pritet të fillojë të ulet nga mbrëmja e së enjtes, por në disa zona të Italisë jugore, temperaturat mund të mbeten më të larta se mesatarja për sezonin.

The post Temperaturat kaluan 43 gradë celsius, gjashtë persona humbin jetën nga vala e të nxehtit që goditi pjesën jugore të Italisë appeared first on Albeu.com.

Një aksident është regjistruar mbrëmjen e sotme në hyrje të Fushë-Arrëzit. Mësohet se një makinë pasi ka humbur kontrollin është përplasur me një lokal. Nga përplasja kanë mbetur të plagosur tre persona. Mes të plagosurve është zonja e lokalit.

Mësohet se ato kanë qenë para lokalit kur mjeti është aksidentuar me to. Zonja e lokalit është identifikuar me inicialet F.B. Të plagosurat janë transportuar drejt spitalit te Pukës dhe janë jashtë rrezikut për jetën. Shoferi është shoqëruar në Polici.

The post Aksident në Fushë-Arrëz, automjeti del nga rruga dhe përplas 3 gra para një lokali, dërgohen në spitalin e Pukës appeared first on Albeu.com.

Një plagosje me thikë ka ndodhur mbrëmjen e sotme në Vlorë. Konkretisht ngjarja ka ndodhur në fshatin Risili dhe i plagosur ka mbetur një 27-vjeçar.

Ky i fundit ka marrë plagë në bark dhe raportohet se është dërguar ne spitalin rajonal të qytetit të Vlorës. Ende nuk dihen rrethanat e plagosjes, ndërsa bëhet me dije se policia ka nisur hetimet për zbardhjen e ngjarjes dhe po merr në pyetje disa persona.

The post Plagosje me thikë në Vlorë, dërgohet në spital një 27-vjeçar appeared first on Albeu.com.

Pas masakrave të vazhdueshme ndaj civilëve të uritur, ministrat e jashtëm të 28 vendeve, nënshkruan një deklaratë të përbashkët ku i bëjnë thirrje Izraelit për një përfundim të menjëhershëm të luftës në Gaza.

Ata e deklaruan veten të gatshëm të ndërmarrin veprime të mëtejshme për të mbështetur një armëpushim të menjëhershëm dhe një rrugë politike drejt sigurisë dhe paqes në rajon.

Ata nuk specifikuan llojin e veprimeve ose masave, por konfirmuan një rritje të qartë të toneve të tyre ndaj Netanyahut.

Dokumenti rrjedh nga një iniciativë britanike. Ministri i Jashtëm David Lammy deklaroi se “Izraeli duhet të shpjegojë justifikimin ushtarak për të qëlluar fëmijët e uritur”.

Marrëveshja u nënshkrua nga 20 vende të Bashkimit Evropian (Italia, Austria, Belgjika, Qiproja, Danimarka, Estonia, Finlanda, Franca, Greqia, Irlanda, Letonia, Lituania, Luksemburgu, Malta, Holanda, Polonia, Portugalia, Sllovenia, Spanja dhe Suedia) dhe tetë vende jo-anëtare të BE-së (Australia, Kanadaja, Islanda, Norvegjia, Zelanda e Re, Mbretëria e Bashkuar, Zvicra dhe Japonia).

Marrëveshja përfshin gjithashtu Komisioneren Evropiane për Menaxhimin e Krizave, Hadja Lahbib, e cila ka patur në qendër të vëmendjes dhe punës së saj shpërndarjen e ndihmave.

Fondacioni Humanitar i Gazës, një fondacion i dyshimtë i mbështetur nga SHBA-të dhe Izraeli dhe i mbrojtur nga mercenarë, tani është përgjegjës për shpërndarjen e ndihmave. Që kur filloi të funksionojë, ka pasur disa masakra midis njerëzve që presin në radhë për ushqim.

28 vendet anëtare kanë bërë thirrje që “të hiqen kufizimet dhe që OKB-ja dhe OJQ-të e tjera të rifillojnë punën e tyre në mënyrë të sigurt dhe efektive”. Ata gjithashtu e quajnë idenë e një “qyteti humanitar” “të papranueshme”: “Zhvendosja e përhershme e detyruar është një shkelje e së drejtës ndërkombëtare”.

Duke kundërshtuar edhe impulset e tjera ekspansioniste të Izraelit: “Ne kundërshtojmë fuqimisht çdo iniciativë që synon ndryshimin e territorit ose demografisë në Territoret e Pushtuara, ku ndërtimi i vendbanimeve po përshpejtohet dhe dhuna e kolonëve po rritet. Kjo duhet të ndalet.”

Gjithashtu dje, Papa Leoni i XIV bëri thirrje për “respektimin e ligjit humanitar, detyrimin për të mbrojtur civilët dhe vendet e shenjta, si dhe ndalimin e përdorimit pa dallim të forcës dhe transferimit me forcë të popullatave”, pasi foli në telefon me Presidentin e Autoritetit Kombëtar Palestinez, Mahmoud Abbas. Izraeli reagoi me zemërim ndaj shteteve firmosëse dhe tha se “Ato janë të shkëputura nga realiteti dhe po i dërgojnë mesazhin e gabuar Hamasit, i cili është përgjegjës vetëm për vazhdimin e luftës dhe vuajtjet nga të dyja palët. Në një moment kaq delikat në negociata, deklaratat e këtij lloji duhet të shmangen”, thuhej në një deklaratë nga Ministria e Jashtme.

Shtëpia e Bardhë përsëriti se “Donald Trump dëshiron që vrasjet të marrin fund, të negociohet një armëpushim dhe të lirohen të gjithë pengjet nga Gaza”. Presidenti amerikan, megjithatë, u “kap në befasi nga bombardimet në Siri dhe gjithashtu nga bombardimi i një kishe katolike në Gaza”.

The post Krimet ndaj civilëve në Gaza, 28 vende deklaratë të përbashkët kundër Izraelit appeared first on Albeu.com.

Ish-deputeti Ralf Gjoni ka komentuar këtë mbrëmje në emisionin “Now” me Erla Mëhillin përplasjen mes Adriatik Lapajt të “Shqipëria Bëhet” dhe Endrit Shabanit të “Nismës Thurje”. Ralf Gjoni shprehet se i ka miq të dy ndërsa nuk i kurseu kritikat dhe fjalët e ashpra ndaj tyre.

Sipas ish-deputetit, Lapaj dhe Shabani duhet ta lënë fare mandatin si parti pasi atë mandat e kanë përdhosur, e kanë shkelur e pështyrë dhe nuk ka më asnjë vlerë morale.

Gjoni theksoi se Lapaj dhe Shabani meritojnë t’ju japësh një lëpirëse pasi shfaqja e tyre është e tupshme dhe nuk kanë sjellë asgjë të re.

“Nuk i kam parë reagimet e asnjërit prej tyre. Endrin e kam shumë mik. Adriatikun e kam të njohur dhe kemi pasur shkëmbime pozitive. Uleshim në kohë të arta ku Adriatiku me “Nismën Thurje” diskutonim. Kemi kujtime bashkë me këta njerëz.

Të dy sot e hodhën poshtë. I kanë hypur sipër këtij mandati, e kanë shkelur, e kanë pështyrë, e kanë përdhosur, e kanë përdhunuar, mos të them ndonjë fjalë tjetër. Ky mandat nuk ka më vlerë morale.

Kushdo që të bëhet deputet apo deputete nga kjo listë, është i/e mbaruar. E di çfarë do të thotë të ngjitesh në atë foltore. Imagjinoj cinizmin dhe talljen e të gjithë të tjerëve.

Një nga aktet e mia që jam krenar, është kur i kam dalë me lëpirse socialistëve në parlament. Por unë sot duhet të kisha ardhur me dy lëpirse, për të dy këta. Turp e faqja e zezë.

Mandati nuk i takon as njërit dhe as tjetrit. Ngritën një fabul për të sjellë diçka të re dhe për të bindur zgjedhësit por këta moralisht po sillen si dy djem ose vajza të vogla Instagrami që zihen për një reel se kush e pozicionin më të bukur, mund të analizosh reagimet e tyre dhe kupton shumë për egocentrizmin, boshllqët psiko-shpirtërore që mund të kenë brenda vetes së tyre.

Menduan se duke vendosur 12 persona në listë të mbyllur me daja, teze, komshinj, menduan se kjo punë ishte kaq e thjeshtë sa 12 veta të japin dorëheqjen?

Moralisht ka rënë mandati, nuk e meriton asnjëri prej tyre. Sugjeroj që të gjithë të japin dorëheqjen dhe të lënë mandatin fare si parti.”-tha Gjoni.

The post Gjoni ‘masakron’ Lapajn dhe Shabanin: T’ju jap një lëpirëse të dyve! Përdhosën e pështynë mandatin appeared first on Albeu.com.

Kreu i Shqipëria Bëhet, Adriatik Lapaj ka folur mbrëmjen e sotme lidhur me koalicionin e tij zgjedhor në zgjedhjet e 11 majit. I ftuar në emisionin “Debat” në A2 CNN, Lapaj ka treguar se formulën me familjarët në listën e mbyllur e propozoi Endri Shabani. Lapaj u shpreh se mban përgjegjësi për këtë vendimmarrje dhe u kërkoi falje mbështetësve.

“Ne kemi qenë të angazhuar për hapjen e listave kemi shkuar edhe në Gjykatën Kushtetuese. Në distancë, e njëjta gjë vihej re edhe nga Nisma Thurje. Ajo që na ka bashkuar kanë qenë parimet e njëjta në lidhje me garën, meritokracinë e për listat e hapura. Hapin e parë e hodhëm në Gjykatën Kushtetuese ku shkuam për të kundërshtuam mbylljen e listave. Në këtë drejtim bashkëpunimi që ndodhi me këkrkesë të shumë qytetarëve u ul dhe diskutua me formulën që do të përdorej për të pasur koherencë në lidhje me listat e hapura. Është propozuar prej tij kjo formula me familjarët. Kam pasur hezitimet e mia, por tundimin total që t’u jepnim qytetarëve atë listën e hapur siç ishin angazhuar kjo jo për ti ikur përgjegjësisë por për të thënë të vërtetën. Ka shumë dëshmitarë por nuk ka problem. Mbaj përgjegjësi të plotë për atë vendimmarrje se po të mos kisha shprehur edhe unë konsensusin kjo nuk do kishte ndodhur”., tha Lapaj.

Ai u shpreh se ky vendim erdhi për shkak të ligjit, të cilin donin ta sfidonin se është i padrejtë, por edhe për shkak të miqësisë që kishte me Shabanin, e cila sipas tij nuk i rezultoi e duhura. Më tej gjatë fjalës së tij, Lapaj tha se Shabani ka prerë në besë 64 mijë votuesve dhe karrierës së tij 15-vjeçare si aktivist. Po ashtu ka treguar edhe mesazhet e fundit kur tentonte kompromis në emër të atyre që u besuan.

“Ligji është i padrejtë vjedh votat e qytetarëve. Ligji na ka vjedhur hapur 5 mandate. Këtë të fundit duan ta heqin me skuthllëk. Donim të sfidonim ligjin. Ky ka qenë një vendim me unanimitet i kryesisë sonë dhe nuk di për palën tjetër. Nëse do të kisha bindjen që nuk do të funksiononte, do të kisha këmbëngulur për jo. Ishte shumë e sinqertë nga ana jonë. Unë zotin Shabani nuk e njoha sot, kisha 12 vjet që e njihja, kisha shoqëri dhe përtej politikës dhe të jem i sinqertë dhe ky mund të jetë gabimi im personal për të cilin kërkoj falje atyre që na mbështetën. Në këtë pikë jam treguar me një nivel më të ulët kujdesi në raport me ç’ mund të bëja se kam menduar që përtej politikës është dhe marrëdhënia njerëzore në mes, e cila rezultoi jo e duhur. Ai i ka hyrë në hak 64 mijë njerëzve, 15 viteve të angazhimit tim pa ndërprerje si aktivist, 1 mijë aktivistëve tanë që kanë punuar në vend e diasporë dhe çdo shqiptari të ndershëm që ka pritur të ketë shpresë dhe që pritet në besë nga kjo që po ndodh. Komunikimi im ka qenë sot në orën 2:00 të mëngjesit”, u shpreh kreu i Shqipëria Bëhet.

The post “Familjarët në listën e mbyllur i propozoi Shabani”, Lapaj: Ai ka prerë në besë 64 mijë shqiptarë, miqësia me të nuk rezultoi e duhura appeared first on Albeu.com.

Burime të besueshme të medias mësojnë se sot, më 22 korrik 2025, janë arrestuar Meriton Mjekiqi dhe Rinor Mjekiqi, lidhur me një rast të lëndimit të rëndë trupor, që dyshohet të ketë ndodhur më 11 korrik 2025.

Sipas informatave që posedon media, të dyshuarit ishin në arrati prej datës së incidentit, por janë paraqitur sot rreth orës 15:00 në Stacionin Policor në Obiliq, ku janë intervistuar në prani të avokatëve mbrojtës.

Ngjarja ka të bëjë me një përleshje fizike ku si pasojë, viktima Egzon Grajqevci ka pësuar lëndime të rënda trupore.

Pas intervistimit dhe procedurave hetimore, Prokurori i Shtetit ka vendosur që ndaj Meriton dhe Rinor Mjekiqit të shqiptohet masa e ndalimit policor prej 48 orësh, thonë burimet e besueshme të Sinjalit.

Sinjali do t’ju mbajë të informuar për çdo zhvillim të ri rreth këtij rasti.

The post Lajmi i bujshëm, Meriton dhe Rinor Mjekiqi përfundojnë në pranga appeared first on Albeu.com.

Ministria e Punëve të Brendshme në Kosovë ka miratuar vendimin për hapjen e një pikëkalim të përkohshëm me Republikën e Maqedonisë së Veriut. Qendra Kombëtare për Menaxhim Kufitar ka ndarë vendimin e ministrisë.

Sipas vendimit kjo pikë do të quhet “Strazimiri” dhe se do të jetë pikë kufitare e kategorisë C dhe se do të hapet më 25 korrik. Gjithashtu është bërë me dije se kjo pikë kufitare do të përdoret deri më 25 shtator nga ora 80:00 deri më 20:00.

Vendimi:

Ministri i Ministrise se Punëve te Brendshme, në mbështetje tê nenit 10 paragrafi 2 dhe nenit 11 te Ligjit Nr. 06/L-113 për Organizimin dhe Funksionimin e Administratës Shtetërore dhe Agjencive të Pavarura (Gazeta Zyrtare Nr. 07, 01 mars 2019), nenin 11, paragrafi 1, nën paragrafi 1.5. i Ligjit Nr. 08/L-117 për Qeverine e Republikës sẽ Kosovës (Gazeta Zyrtare Nr. 34, 18 nëntor 2022), në bazë të nenit 28 te Ligjit Nr. 04/L-072 për Kontrollin dhe Mbikëqyrjen e Kufirit Shtetëror (Gazeta Zyrtare Nr. 2, 20 janar 2012), i ndryshuar dhe plotesuar me Ligjin Nr.

04/L-214 (Gazeta Zyrtare Nr. 33, 02 shtator 2012) dhe Ligjin Nr. 06/L-013 (Gazeta Zyrtare Nr.
4,23 prill 2018), nxjerrë:

VENDIM
1. Përcaktohet Pika e Kalimit Kufitar të trafikut rrugor ne Republikën e Kosovës.
2. Pika e Kalimit Kufitar sipas pikës 1. të ketij vendimi në mes te Republikës se Kosovës dhe
Republikës se Maqedonisë së Veriut percaktohet “Strazimiri”.
3. Pika e Kalimit Kufitar e percaktuar me këte Vendim ështe pike e kategorisë “C”.
4. Pika e Kalimit Kufitar e përcaktuar me këte Vendim ështe pike e përkohshme e kalimit kufitar, e hapur per qarkullim rrugor nga data 25.07.2025 deri me 25.09.2025, në orarin
08:00 – 20:00.
5. Pika e Kalimit Kufitar e pércaktuar me këte Vendim hapet per aktivitete dhe manifestime kulturore, shkencore, profesionale, sportive dhe/apo turistike.

The post Kosova hap një pikëkufitare të përkohshme me Maqedoninë e Veriut: I hapur për qarkullim deri në shtator appeared first on Albeu.com.

Shumë shtetas kinezë, por edhe kazakë, kanë krijuar kompani fiktive në Shqipëri dhe kanë përfituar miliona nga Bankers…

Dalin në dritë të tjera skandale nga “Bankers Petroleum”. Sot kompania e naftës kërcënoi shtetin se do të hedhë në Arbitrazh, por fakte tregojnë se shumë shtetas kinezë të lidhur me këtë kompani kanë përfituar miliona lekë. Përveç pagave të larta, drejtuesit duket se kanë përdorur skema fiktive për të kënaqur njerëzit pranë tyre, pse jo dhe veten.

Sipas dosjes së Prokurorisë së Fierit që ka siguruar “Pamfleti”, shumë shtetas kinezë, por edhe kazakë, kanë krijuar kompani fiktive në Shqipëri dhe kanë marrë shuma të mëdha parash.

“Megjithatë, ka një problem në lidhje me deklarimin e punonjësve, pasi të paktën dhjetë prej tyre janë regjistruar në listëpagesa si aktive 22 ditë, ndërkohë që nuk kanë qenë fizikisht në Shqipëri sipas të dhënave nga sistemi TIMS. Gjithashtu, administratori ka dalë nga Shqipëria në Korrik 2024 dhe nuk është kthyer më. Në lidhje me aktivitetin ekonomik, kompania ka pasur të ardhura dhe shpenzime të konsiderueshme gjatë vitit 2024, me një fitim neto mbi 135 milion lekë”, shprehet prokuroria në rastin e një kompanie.

Pjesë nga dosja

Nga hetimi ka rezultuar se dyshohet se një tjetër skemë me faturime fiktive vjen dhe në një fushë tjetër, konkretisht, disa shoqëri të themeluara në Shqipëri nga shtetas që vijnë nga Kina dhe Kazakistani, kryejnë faturime fiktive për shoqërinë “Bankers Petroleum Albania Ltd”, transferojnë fonde jashtë Shqipërisë, etj, të analizuara si më poshtë vijon:

1. Shoqëria “Qinglong Petroleum Technology and Engineering Company LLP” – Dega Shqipëri, është regjistruar në datën 14 dhjetor 2023, e cila ka kompaninë mëmë në Kazakistan dhe me pronësi (pronar përfitues) shoqërinë kineze “China International Zoom Material Co Limited me adresë: Richmond Commercial Building, Argyle Street, Yau Tsim Mong, Koëloon, Hong Kong dhe me adresë në Fier. Përfaqësuesi ligjor i saj është shtetasi Jiang Yijun, ndërsa administratori është shtetasi Junlin Sheng.

Kompania operon në sektorin e naftës, kryesisht me shërbime si çimentim, shpim, punim pusesh dhe teste të vajit. Ajo ka dy njësi qiraje me sipërfaqe të vogla, dhe aktiviteti i saj është përqendruar në këto shërbime specifike. Në aspektin e punësimit, gjatë periudhës Dhjetor 2023- Mars 2024 ishte vetëm administratori i punësuar. Ndërsa gjatë vitit 2024 u shtuan punonjës rinj deri në 24 punonjës në Mars 2025, shumica dërrmuese e të cilëve janë shtetas kinezë.

Megjithatë, ka një problem në lidhje me deklarimin e punonjësve, pasi të paktën dhjetë prej tyre janë regjistruar në listëpagesa si aktive 22 ditë, ndërkohë që nuk kanë qenë fizikisht në Shqipëri sipas të dhënave nga sistemi TIMS. Gjithashtu, administratori ka dalë nga Shqipëria në Korrik 2024 dhe nuk është kthyer më.

Në lidhje me aktivitetin ekonomik, kompania ka pasur të ardhura dhe shpenzime të konsiderueshme gjatë vitit 2024, me një fitim neto mbi 135 milion lekë. Faturimi është kryesisht me shoqërinë “Bankers Petroleum Albania Ltd”, ndërsa blerjet më të mëdha shërbimesh i bëhen fillimisht me shoqërinë “Albdrilling” sh.a dhe pastaj një shoqëri kineze në Kinë dhe kompani kizene me bazë në Abu Dhabi – BIN SHARRARA CHINA HORIZON DRILLING SERVICES LLC. Janë evidentuar anomali në faturim, përfshirë anulime masive të faturave dhe transaksione të mëdha blerjeje dhe shitjeje që nuk përputhen me vlera të shtuar reale, dyshohet se shërben për transferim fondesh jashtë vendit, shmangie tatimore dhe pastrim parash.

Ndërkohë, është konstatuar se shoqëria “Albdrilling” sh.a që ka qenë më parë nënkontraktore direkte e shoqërisë “Bankers Petroleum Albania Ltd”, tani ndërmjetësohet nga shoqëria “Qinglong Albania Ltd” në mënyrë që, krijohet një zinxhir i dyshimtë ndërmjetësimi, i cili mund të përdoret për të fryrë artificialisht çmimet dhe për të transferuar fitime në mënyrë të fshehtë. Në thelb, shoqëria “Qinglong Albania Ltd”, në Shqipëri, paraqitet si një entitet ndërmjetësimi i dyshuar fiktiv që shfrytëzohet për të justifikuar shpenzime dhe pagesa për persona që nuk janë në Shqipëri, por ne Kinë, për të faturuar shërbime me vlera të lartë, pa kryer realisht punën, dhe për të fshehur qarkullimin financiar, duke e kaluar atë nga shoqëria “Bankers Petroleum Albania Ltd”, përmes saj dhe më tej tek shoqēri kineze. Kjo skemë krijon mundësi për transferim të paligjshëm të fondeve jashtë vendit, shmangie tatimore dhe pastrim parash. Në përfundim, shoqëria “Qinglong Petroleum Technology and Engineering Company LLP”, në Shqipëri, është një kompani që dyshohet se është formuar me qëllim ndërmjetësimi fiktiv në kontratat e naftës, ka kryer blerje-shitje me fitime të mëdha pa krijuar vlerë reale.

Nga këqyrja e kësaj shoqërie konkludohet si vijon:

1- Krijohen dyshime për deklarime fiktive të marrëdhënieve të punës dhe pagesave.

Subjekti ka deklaruar në mënyrë sistematike punonjës (kryesisht shtetas kinez) si të punësuar me kohë të plotë dhe të pranishëm 22 ditë në muaj. Megjithatë, verifikimi në sistemin TIMS tregon se një numër i këtyre punonjësve nuk kanë qenë fizikisht në territorin e Shqipërisë, gjatë periudhës për të cilën deklarohen si të punësuar. Kjo situatë përbën shkelje të legjislacionit tatimor dhe të punësimit, me elementë të mundshëm të veprave penale si:

-Pastrim parash përmes justifikimit të rremë të pagave dhe transferime fondesh.

-Deklarim i rremë në dokumente zyrtare.

2- Aktivitet ekonomik i dyshimtë – mungesë reale e kapaciteteve teknike dhe njerëzore.

Subjekti nuk kishte asnjë punonjës real ose pajisje në janar-shkurt 2024, megjithatë ka deklaruar të ardhura të konsiderueshme për shërbime që në mënyrë të natyrshme kërkojnë staf dhe pajisje fizike në terren (shpim pusesh, çimentim, etj). Nga kontrolli fiskal rezulton se të gjitha shërbimet janë blerë nga nënkontraktori “Albdrilling” sh.a dhe të njëjtat janë faturuar pa vlerë të shtuar më tej tek “Bankers Petroleum Albania Ltd”. Shoqëria nuk zotëron asete, përveç një vlere minimale të deklaruar në fund të 2024 (rreth 36 milionë lekë),e papërputhshme me volumin e qarkullimit financiar dhe natyrën e veprimtarisë që deklaron.

3. Skemë e dyshimtë ndërmjetësimi mes “Bankers Petroleum Albania Ltd” dhe “Albdrilling” sh.a.

Më parë, shoqëria “Albdrilling” sh.a ka qenë nënkontraktore direkte e shoqërisë “Bankers Petroleum Albania Ltd”, ndërsa tani faturon të njëjtat shërbime përmes shoqërisë “Qinglong Petroleum Technology Ltd”, një shoqëri e sapo hapur pa kapacitet të dukshëm teknik ose njerëzor. Ky ndryshim ngre dyshime për ekzistencën e një strukture fiktive ndërmjetësimi, që mund të përdoret për:

-Të krijuar marzhe fiktive fitimi;

-Të transferuar fonde në mënyrë të pajustifikuar;

-Të justifikuar kontrata fiktive dhe punonjës joekzistentë.

4. Anomalitë në faturim dhe fiskalizim:

Gjatë muajit mars 2024 konstatohet një numër i madh anulimesh dhe korrigjimesh të faturave – veprim që në vēzhgim fiskal konsiderohet shenjë alarmi për manipulim dokumentacioni.

Faturat e shitjes mbartin përshkrime për shërbime që mund të realizohen vetëm përmes stafit të specializuar dhe pranisë fizike në terren, ç’ka bie ndesh me mungesën reale të punonjësve në Shqipëri sipas të dhënave të marra nga sistemi TIMS.

5. Mungesë e përfaqësuesit ligjor në territor:

Administratori ligjor Junlin Sheng nuk është i pranishëm në Shqipëri që nga korriku 2024, dhe ka rezultuar i punësuar njëkohësisht në një tjetër kompani që operon në të njëjtin sektor dhe është gjithashtu nënkontraktore e shoqërisë “Bankers Petroleum Albania Ltd”.

Kjo është në kundërshtim me parimet e përfaqësimit ligjor të një dege të huaj që operon në një sektor strategjik siç është ai i hidrokarbureve.

6. Mospërputhje mes blerjeve dhe shitjeve – mungesë vlerë të shtuar:

Në periudhën janar-mars 2024, shoqëria “Qinglong Petroleum Technology LTD” ka realizuar shitje në vlerën 161 milionë lekë, ndërkohë që ka blerë shërbimet përkatëse nga shoqëria “Albdrilling” sh.a për rreth 109 milionë lekë me një marzh fitimi të pashpjegueshëm, duke qenë se nuk ka as staf e as pajisje vetjake që të justifikojnë këtë shtesë vlere.

7. Ndryshim i strukturës së furnitorëve në fund të vitit 2024:

Në fund të vitit 2024 dhe vazhdon në vitin 2025 subjekti fillon të bashkëpunojë me furnitorë të rinj të huaj (si “BIN SHARRARA CHINA HORIZON DRILLING SERVICES LLC” nga Abu Dhabi dhe “Beijing Top Energy Technology Co. Ltd”), duke shtuar më tej kompleksitetin dhe natyrën ndërkombëtare të qarkullimeve financiare.

Këto ndryshime, të shoqëruara me mungesën e transparences dhe strukturë të paqartë operacionale, mund të përdoren për të fshehur origjinën dhe destinacionin e fondeve – indikator i mundshëm i pastrimit të parave.

Nga verifikimi i detajuar, shoqëria “Qinglong Petroleum Technology and Engineering Company LLP” duket se nuk ka pasur aktivitet real ekonomik dhe teknik në Shqipëri në fillim të vitit 2024, dhe ka funksionuar kryesisht si ndërmjetës financiar në një strukturë të dyshimtë të faturimit dhe raportimit tatimor, ku përfshihet edhe shoqëria “Bankers Petroleum Albania Ltd” dhe nënkontraktori i saj shoqëria “Albdrilling” sh.p.k. Bazuar në të gjitha të dhënat e mësipërme, Qinglong Petroleum Technology and Engineering Company LLP-Dega Shqipëri: Nuk ka pasur aktivitet real teknik në fazën fillestare të regjistrimit. Ka shfaqur sjellje të përsëritura që ngjajnë me struktura të pastrimit të parave, mashtrimit tatimor dhe ndërmjetësimit fiktiv.

Eshtë e lidhur me një rjet kompanish (kryesisht kineze dhe nga Lindja e Mesme) që mund të jenë pjesë e një skeme të evazionit dhe transferimit ndërkombëtar të kapitalit. Pronari përfitues, China International Zoom Material Co. Limited, është një kompani me seli në Hong Kong – një juridiksion që shpesh përdoret për strukturim korporativ me qëllime të errëta fiskale ose ligjore.

2. Shoqëria “Petrosolution” sh.p.k, me NIPT M12003039K, është regjistruar në tatime më datë 3.08.2021, me aksioner shtetasin kazakistanas Ramil Kimurov, i cili njëkohesisht ka regjistruar dhe subjektin “Black Gold Investment Company Limited”, me NIPT M11817011B”, më datë 17.06.2021, me objekt të aktivitetit:”Aktivitete të ndërmjetësimit për shitjen e karburantit, mineraleve, metaleve dhe kimikateve industrial”. Por, që nuk ka ushtruar aktivitet me kete te fundit dhe e ka kaluar Pasiv më datë 05.08.2024.

Bazuar ne ekstraktin e QKB rezulton se në datë 07.04.2023 është ndryshuar ortaku nga Ramil Kimurov dhe është shtuar ortaku “EXA PETROLEUM PTE. LTD” me zoterim kapitali 100% të shoqërise me aksioner shtetasit kinez Hou Joun dhe Chen Xinming. Shoqeria e huaj “EXA PETROLEUM PTE LTD”, është një kompani private e regjistruar në Singapor, e themeluar më 6 Dhjetor 2018. Ajo është regjistruar me numrin unik të entitetit (UEN) 201841018C dhe ka adresën zyrtare në: 10 Anson Road, #11-07, International Plaza, Singapore 079903, një adresë që zakonisht përdoret për kompani që mund të kenë zyra virtuale ose përfaqësime formale, por jo aktivitet fizik real në territor. Kjo lloj adrese përdoret shpesh nga kompani që nuk kanë një prani fizike të plotë në vend, por që kërkojnë të regjistrohen për qëllime administrative dhe ligjore.

Kompania mund të mos ketë një prani fizike të drejtpërdrejtë në vend. Kompania është aktive (“Live Company”), që do të thotë se nuk është e pezulluar, e mbyllur apo në likuidim. Kapitali i paguar është zero (USD 0.00) – si për aksionet ordinare, ashtu edhe për ato preferenciale. Kjo është jo e zakonshme për një kompani që pretendohet të operojë në një industri kapitale si ajo e naftës ose makinerive industriale. Kjo strukturë e kapitalit mund të sinjalizojë:

-Kompani formale “shell” (pa veprim real ekonomik);

-Përdorim të mundshëm për qëllime ndërmjetësimi financiar, kontraktor ose fiskal, dhe jo për prodhim të drejtpërdrejtë;

Shoqëria “EXA PETROLEUM PTE. LTD”, paraqet karakteristika të një subjekti formal të regjistruar në Singapor me aktivitet të kufizuar dhe kapital zero, pa shenja të qarta për operacione të mëdha reale. Lidhja e saj me sektorin e makinerive industriale mund të jetë vetëm në letër dhe dyshohet se përdoret për qarkullim fondesh ndërkombëtare në skema të ndërlidhura të industrisë së hidrokarbureve.

Shoqëria “Petro Solution” sh.p.k ka një lidhje të drejtpërdrejtë me shoqërinë “EXА Petroleum Pte. Ltd.”, pasi kjo e fundit, është aksionere e shoqërisë “Petro Solution” sh.p.k. Kjo lidhje tregon se shoqëria “EXA Petroleum Pte. Ltd.”, një kompani me seli në Singapor dhe me një adresë që duket se është virtuale, ka ndikim të drejtpërdrejtë në menaxhimin dhe pronësinë e shoqërisë “Petro Solution” sh.p.k në Shqipëri. Kjo situate, krijon dyshime për transparencën dhe qëndrueshmërinë e operacioneve të shoqërisë “Petro Solution” sh.p.k, duke qenë se EXA nuk ka aktivitet të dukshëm real ekonomik dhe i mungon prezenca fizike konkrete. Për më tepër, shoqëria “Petro Solution” sh.p.k rezulton të ketë marrë hua edhe nga shoqeria e huaj “Alb Talent Solution” dhe “Bankers Petroleum Albania Ltd”, pavarësisht se ka pasur rezultate me humbje financiare nga viti 2021-2023, gjë që tregon se ka një rjet të nderlikuar financimesh mes këtyre

kompanive të lidhura. Kjo strukturë financiare dhe aksioncrësh krijon dyshime për përdorim të skemave të ndërlikuara financiare që mund të synojnë shmangien e taksave, pastrim parash dhe manipulimin e raporteve financiare në sektorin e naftës në Shqipëri. Shoqëria “Petro Solution” sh.p.k ka përfituar transferta të konsiderueshme gjatë periudhës 2021-2023, nga Kina i janë transferuar 1,739,424 USD nga kompania “Hong Kong Loong Saphire Energy; 900,000 USD, hua, nga shoqëria “Bankers Petroleum Albania Ltd”. Në Tetor të vitit 2022 ka marrë hua nga shoqëria “Alb Talent Solution” në vlerën 1,000,000 USD. Gjithë këto hua, i jepen një shoqërie që rezulton me humbje dhe pa aktivitet.

Shoqëria ka kryer blerje me shoqërinë “Hong Kong Long Saphpphire Energy Limited” në vlerë prej 1,523,631,785 lekë. Shoqëria “Petro Solution” sh.p.k ka një lidhje të ngushtë me shoqërinë “Bankers Petroleum Albabia Ltd”, pasi ajo kryen kryesisht shitje ndaj shoqërisë Bankers dhe, blen shërbime ose mallra nga kompani kineze, duke bërë që paratë të transferohen në Kinë. Shoqëria “Petro Solution” sh.p.k, ka deklaruar rreth 100 punonjës, por pagat e larta i marrin kryesisht shtetasit kinezë, gjë që ngre dyshime mbi funksionimin real të kompanisë dhemënyrën e menaxhimit të fuqisë punětore. Kjo strukturë, duket si një mekanizëm për transferuar fitimet jashtë vendit dhe, për të shmangur taksat lokale, duke krijuar një rrjedhë financiare që përfundon në Kinë. Subjekti me dokumentet mund të jenë në rregull nga ana formale, por ajo që ka rëndësi është nëse aktiviteti real dhe financat e kompanisë reflektojnë një veprimtari të ligjshme dhe jo një skemë që mund të shërbejë për pastrim parash ose shmangie tatimore.

-Shoqëria “Petro Solution” sh.p.k deri në Dhjetor 2022 ka patur vetëm 1-2 punonjës të punësuar sipas listepagesave të deklaruara nga tatimpaguesi. Më pas, në Maj 2023 janë të punësuar 70 punonjës, por pagat me vlerat më të larta, i kanë shtetasit kinez. Nga verifikimi në sistemin TIMS rezultojnë problematika të punonjësve që deklarohen në listëpagesa sikur janë 22 ditë pune prezent, por realisht ata nuk janë në Shqipëri prej kohësh, konkretisht: shtetasi kinez Yankun Ëang me pozicion Drejtori Sigurie që merr pagë çdo muaj nga shoqëria “Petro Solution” sh.p.k nuk ka hyrë në Shqipëri që nga data 01.04.2024, pra, prej më shumë se një viti.

Po ashtu, shtetasi kinez Shibing Zhang -me profesion “mekanik për makineri industriale”, që paguhet çdo muaj me pagë të lartë dhe deklarohet sikur është prezent 22 ditë në muaj, nuk rezulton të ketë hyrë në Shqipëri që nga data 05.04.2024, pra, prej më shumë se një viti. Shoqëria “Petro Solution” sh.p.k paraqet të gjitha karakteristikat e një kompanie me funksion formal, e krijuar për qarkullim fondesh ndërkombëtare, me dyshime për veprimtari të parregullta financiare, punësim fiktiv dhe dyshime për pastrim parash dhe shmangie tatimore.

3. Shoqëria “Alb Talent Solution” sh.p.k, me NIPT M11608026U, regjistruar më datë 08.04.2021, aksioner i shoqërisë është shtetasi kazikistanas Dauren Zhamabayev, me administrator shtetasin kinez Tao Huang, që nga data 17.05.2023, me objekt aktiviteti: “Shërbime të këshillimit të biznesit; Trajnime; Hulumtime, sherbime dhe zgjidhje teknike;

Aktivitetet e kerkimit dhe promovimit te tregut; Sherbime transporti; Pajisje dhe furnizime materiale: Venie ne dispozicion e personelit; Import dhe eksport: Tregti dhe shërbime të tjera; Shpenzime të udhëtimit dhe i biletave të transportit për udhëtime pune, takime, hoteleri dhe gëllime turistike, sherbim organizim udhëtimesh, shërbime financiare, zinxhir furnizimi, logjistikë, shërbim tregtar, shërbim adm”.

Aksioneri i shoqërisë Dauren Zhamabayev ka regjistruar edhe një shoqëri tjetër më datë 06.08.2021, konkretisht shoqërinë “Global Energy Solution” sh.p.k, me NIPT M12006007L, e cila ka deklaruar me 0 deri ne vitin 2024. Pra, nuk ka kryer aktivitet vetëm ka qëndruar hapur si NIPT. Sipas sistemit Tims figuron që shtetasi Dauren Zhamabayev ka hyrë në Shqipëri, më datë 27.07.2021 dhe është larguar më datën 09.08.2021 dhe nuk rezulton të ketë hyrë më në Republikën e Shqipërisë. Ndërkohë, sipas listëpagesave të vetëdeklaruar nga subjekti ky shtetas ka qenë i regjistruar si “konsulent biznesi” dhe ka marrë pagë deri më datë 23.08.2023 në vlerën prej 194,000 lekë.

Pra, vlera e të ardhurave nga shoqëria “Bankers Petroleum Albania Ltd” është 1,556,227,341 lekë nga vlera totale e shitjeve që ka 1,556,227,341 lekë. Shoqëria “Alb Talent Solution” sh.p.k, gjatë muajit Nëntor 2021 ka përfituar transferta në shumën 151,772 USD nga shoqëria “PITC Training Center LLP”, dhe nga këto fonde të përfituara 100,000 USD i’a jep shoqërisë “Petro Solution Albania” sh.p.k. Po ashtu, i jep hua edhe shtetasit Mentor Kllari 18,000 euro, ku lidhja me të dhe qëllimi i dhënies së këtyre fondeve është i paqartë.

Gjatë periudhës Janar- Maj 2023 janë dërguar për paga, bonuse, rimbursim për punonjësit e kompanisë shtetas kinez në vlerën prej -990,751 USD. Po ashtu, i ka dhënë hua shoqërisë “Petro Solution” sh.p.k. Shoqëria në vitin 2021 është deklaruar me humbje dhe në vitin 2022 e më pas, me fitim. Gjithashtu, në raportet e kontrollit ku shoqëria “Bankers Petroleum Albania Ltd” ka kërkuar rimbursim TVSH-je dhe është kontrolluar nga inspektoret e kontrollit të Tatimpaguesve të Mëdhenj rezulton që në shumë kontrolle faturimet e shoqërisë “Alb Talent Solution” sh.p.k ka rezultuar se: “Nga verifikimi i blerjeve për shërbime të përfituara për të cilat është kredituar tvsh-ja, rezulton se shoqëria nuk disponon dokumentacion plotësues si kontrata specifike për secilin faturim, dokumentimin e negocijimit paraprak për të vendosur të përfitojë shërbimin nga kontraktori, produktin e këtij shërbimi të materializuar, ku të justifikojë qartë se këto shërbime i kanë shërbyer veprimtarisë ekonomike, cilës periudhë tatimore i takojnë këto shërbime, apo matshmëritë e këtyre shërbimeve duke qenë në kundërshtim me kërkesat e Ligjit Nr. 92/2014 “Për Tatimin mbi Vlerên e Shtuar në RSH”, i ndryshuar, neni 69.1, Udhëzimit Nr. 6, date 30.01.2015, i ndryshuar, neni 53 pika 3. Në këto kushte, TVSH-ja e kredituar për këto fatura, nuk njihet si e zbritshme në blerje. Referuar kërkesave të Ligjit 9920, date 19.05.2008 “Për Proçedurat Tatimore në RSH”, i ndryshuar, neni 68.2 dhe neni 115.1, shoqëria përveç uljes së TVSH-së zbritshme gjithashtu penalizohet. Kjo ndodh në mënyrë të përsëritur dhe me vlera mbi 2 milion USD në një kontroll”. /Pamfleti

The post DOSJA/ Skema si ‘Bankers’ zhvati shtetin, kinezët krijonin kompani fiktive për të marrë miliona; zbulohen transaksionet appeared first on Albeu.com.

Flakët kanë përfshirë pasditen e kësaj të marte një banesë në qytetin e Korçës. Burime për mediat bëjnë me dije se zjarri ka rënë në apartamentin e pozicionuar në zonën e quajtur si “Rruga e Ersekës”, ku si pasojë ka mbetur i lënduar pronari i shtëpisë i cili është dërguar me urgjencë në spitalin e Korçës.

Zjarrfikëset ndodhen në vendin e ngjarjes dhe po punojë për fikjen e flakëve, ndërkohë që të pranishëm janë edhe forcat e policisë të cilët po punojnë për zbardhjen dhe zbulimin e shkakut të zjarrit.

The post Zjarri shkrumbon banesën në Korçë, i zoti i shtëpisë dërgohet me urgjencë në spital appeared first on Albeu.com.

Kursi i këmbimit mes Euros dhe Lekut po thyen në ditët e fundit rekorde të reja historike.

Sipas kursi zyrtar të këmbimit të Bankës së Shqipërisë, monedha europiane u këmbye me 97.55 lekë, vlera më e ulët e regjistruar ndonjëherë.

Agjentët e tregut valutor shprehen se efekti i sezonit veror ka forcuar më shumë presionet rënëse mbi kursin e këmbimit të Euros, që janë të qëndrueshme prej vitesh në ekonominë shqiptare.

Një rritje e këtyre presioneve në këtë periudhë ishte e pritshme, duke pasur parasysh se pjesa e dytë e korrikut dhe fillimi i gushtit shënojnë edhe pikun e sezonit veror.

Pavarësisht se Banka e Shqipërisë që prej muajit maj ka ndërhyrë në treg, me blerje të herëpashershme të valutës, përsëri kursi i këmbimit ka pësuar një rënie të lehtë poshtë kufirit të 98 lekëve, duke regjistruar minimume të reja historike.

Burime nga tregu valutor shprehen se Banka e Shqipërisë ka vazhduar blerjet, madje ndërhyrja e fundit ka qenë jo më larg se dita e hënë.

Megjithatë, në rastin më të mirë kjo ndërhyrje e ka ngadalësuar rënien e Euros, por nuk ka mjaftuar për ta ringritur kursin e monedhës europiane.

Kursi i Euros pati rënë lehtë poshtë nivelit të 98 lekëve qysh në qershor, por ishte ringritur përsëri, kryesisht falë blerjeve periodike të Bankës së Shqipërisë.

Megjithatë, gjatë muajit korrik Euro ka rënë në mënyrë të qëndrueshëm poshtë këtij kufiri, që deri para pak javësh kishte qenë si një lloj objektivi kufi (megjithëse i padeklaruar ndonjëherë zyrtarisht), poshtë të cilit Banka e Shqipërisë nuk kishte lejuar rënien e kursit të Euros.

Duket se presionet rënëse mbi kursin e këmbimit të Euros po vazhdojnë të jenë të pranishme edhe këtë vit, madje në një masë më të madhe se pritshmëritë e Bankës së Shqipërisë.

Megjithëse forcimi i Lekut me bazë vjetore është ngadalësuar ndjeshëm, kjo edhe falë ndërhyrjes së Bankës së Shqipërisë, sërish vlerësohet se kursi i këmbimit mund të vazhdojë të ndikojë në ecurinë e inflacionit të importuar dhe në objektivin e përgjithshëm të inflacionit, të Bankës së Shqipërisë.

Vazhdimi i forcimit të Lekut besohet të ketë qenë një nga faktorët që shtynë Bankën Qendrore të ulë normën bazë të interesit në 2.5%, në fillim të këtij muaji.

Përveç efektit të zakonshëm sezonal, të lidhur me pushimet verore, flukset hyrëse të valutës në ekonominë shqiptare ngelen të larta edhe nga investimet e huaja, sidomos në pasuri të paluajtshme.

Nga ana tjetër, edhe politika fiskale shtrënguese e qeverisë, e karakterizuar nga suficite të mëdha buxhetore, ka ndikuar në uljen e ofertës së Lekut dhe në forcimin e monedhës vendase.

Të dhënat paraprake treguan se buxheti e mbylli 6-mujorin 2025 me suficit në shumën e 33.5 miliardë lekëve, në rënie sidoqoftë me 35% krahasuar me suficitin e regjistruar në të njëjtën periudhë të një viti më parë./MONITOR

The post Zhvlerësimi i Euros thyen rekorde të reja këtë verë, pranë vlerës së 97.5 lekëve appeared first on Albeu.com.

Turqia do të ndërhyjë menjëherë për të ndaluar çdo përpjekje për të copëtuar Sirinë dhe për të parandaluar çdo përpjekje nga grupet e armatosura për të fituar autonomi pas përleshjeve në Sirinë jugore, tha Ministri i Jashtëm Hakan Fidan, i cili mbështet grupet xhihadiste që morën pushtetin në vend pas rënies së regjimit të Al-Assad.

Paralajmërimi i tij kundër copëtimit, në deklaratat për gazetarët në Ankara, ishte qartësisht i drejtuar Izraelit, pasi Turqia e konsideron këtë si qëllimin e saj përfundimtar në Siri.

Duke folur në një konferencë të përbashkët për shtyp me homologen e tij nga El Salvadori, Alexandra Hill, në Ankara, Fidan e bëri të qartë se Ankaraja është e hapur për dialog me të gjitha palët brenda Sirisë, për sa kohë që nuk ngrihet çështja e copëtimit të vendit.

“Diskutoni çfarë të doni, bëni çdo kërkesë, Turqia është e gatshme të kontribuojë. Por nëse tejkalohen kufijtë, ne nuk do të lejojmë veten të kërcënohemi”, theksoi ai.

Ministri i Jashtëm turk e akuzoi hapur Izraelin për minimin e paqes në rajon, duke pretenduar se kërkon shpërbërjen e Sirisë.

“Izraeli po ndjek një politikë destabilizimi të rajonit. Nuk dëshiron të shohë vende të qëndrueshme përreth tij dhe synon të ndajë Sirinë”, tha ai.

Duke iu referuar zhvillimeve në pjesën jugore të Sirisë, Fidan vuri në dukje se Ankaraja po i monitoron nga afër ngjarjet, të cilat u shkaktuan, siç tha ai, nga ndërhyrja izraelite.

The post Tensionet në Siri, Turqia paralajmëron Izraelin: Do ndërhyjmë ushtarakisht nëse tejkalohen kufijtë appeared first on Albeu.com.

Agjencia e Sigurisë dhe Inteligjencës e Kroacisë (SOA) vlerëson se marrëdhëniet ndërmjet Kosovës dhe Serbisë mbeten të paqëndrueshme dhe se, në këto rrethana, përshkallëzimi i tensioneve në Kosovë paraqet një rrezik të vazhdueshëm.

Në raportin e saj vjetor, SOA hedh dritë jo vetëm mbi situatën e sigurisë në Kroaci, por edhe mbi zhvillimet në Ballkanin Perëndimor – një rajon që, sipas saj, vazhdon të përballet me sfida të thella politike dhe të sigurisë, të lidhura ngushtë me çështjet e pazgjidhura ndërshtetërore.

Edhe pse BE-ja dhe SHBA-ja mbeten të përfshira në përpjekjet për stabilizim, raporti nënvizon se zgjidhja e këtyre çështjeve vazhdon të jetë e vështirë.

Kjo klimë pasigurie, sipas SOA-s, ndikon drejtpërdrejt edhe në procesin e integrimit evropian të rajonit, i cili po ec me ritme të ngadalta.

Kroacia sheh kërcënime të vazhdueshme në veri
Në vlerësimin e saj për Kosovën, SOA thekson ekzistencën e grupeve që synojnë destabilizimin e situatës në veri të vendit, ku shumica e popullsisë është serbe.

Si shembull për këtë, raporti përmend sulmin e armatosur të formacioneve serbe ndaj Policisë së Kosovës në fshatin Banjskë, më 24 shtator të vitit 2023, në të cilin mbeti i vrarë një polic.

Prishtina e ka akuzuar Beogradin për këtë sulm, ndërsa zyrtarët serbë kanë mohuar çdo përgjegjësi.

Raporti vëren se ende nuk është e qartë se si është organizuar ky formacion paraushtarak dhe si është armatosur me armë të rënda me origjinë ushtarake.

Për Millan Radoiçiqin, i cili ka marrë përgjegjësinë për organizimin e sulmit dhe ka qenë pjesëmarrës në të, raportohet se është larguar në Serbi, ku është marrë në pyetje, por ende pritet ngritja e procedurave penale kundër tij.

Raporti i SOA-s përmend edhe përpjekjet e autoriteteve të Kosovës për të shuar institucionet paralele serbe në veri, me qëllim forcimin e sovranitetit të shtetit dhe kufizimin e ndikimit të Beogradit në këtë zonë.

“Në rrethana të tilla, përshkallëzimi i tensioneve në Kosovë mbetet një rrezik i vazhdueshëm. Ndaj, rolin e garantuesit të sigurisë vazhdon ta luajë prania ushtarake e forcave ndërkombëtare”, përfundon SOA.

Balancimi strategjik i Serbisë
Për fqinjin verior të Kosovës, Serbinë, SOA thekson vazhdimësinë e politikës së balancimit midis Perëndimit, Rusisë dhe Kinës.

Kjo strategji përfshin edhe promovimin e konceptit të “botës serbe”, i cili synon bashkimin e serbëve në vendet fqinje – sidomos në Bosnje e Hercegovinë, Mal të Zi dhe Kosovë – nën ombrellën e unifikuar politike të Beogradit zyrtar.

Në nivelin e brendshëm, SOA vëren se Serbia ka përjetuar disa valë protestash antiqeveritare, të organizuara kryesisht nga studentët, të cilët kërkojnë demokratizim të shoqërisë, depolitizim të institucioneve shtetërore, forcim të lirisë së medias dhe luftë kundër korrupsionit.

Raporti thekson se – në një situatë të tillë të ndërlikuar, me polarizim shoqëror në rritje – mediat pranë strukturave qeverisëse përforcojnë një narrativ që identifikon armiq të jashtëm dhe të brendshëm.

Sipas raportit, kjo krijon një atmosferë të kërcënimit kombëtar dhe përdoret për të diskredituar protestat studentore.

Në këtë kontekst, Republika e Kroacisë përmendet si një “faktor i përhershëm antiserb”, thekson SOA.

Sfida të tjera
Agjencia kroate vëren se në Bosnje dhe Hercegovinë vazhdon paqëndrueshmëria politike, e shkaktuar nga mosmarrëveshjet midis entiteteve dhe komuniteteve për rregullimin kushtetues dhe politikën e jashtme.

Konflikti kryesor qëndron midis udhëheqjes së Republikës Sërpska dhe Përfaqësuesit të Lartë mbi juridiksionin.

SOA vlerëson se udhëheqja e Republikës Sërpska mbështet hapur shpërbërjen e Bosnje dhe Hercegovinës dhe kërkon mbështetje politike nga Rusia – gjë që do të vazhdojë të krijojë sfida serioze politike dhe të sigurisë.

Në Mal të Zi, sipas raportit, vazhdon po ashtu ndarja socio-politike mes opsionit proevropian dhe atij serb, i cili është njëkohësisht prorus dhe antiperëndimor.

Partitë radikale serbe janë pjesë e koalicionit aktual qeverisës, dhe megjithëse Qeveria malazeze synon të demonstrojë angazhim evropian, ndikimi i politikave nacionaliste dhe antiperëndimore të opsionit serb mund të pengojë integrimin evropian dhe t’i ndikojë negativisht marrëdhëniet me BE-në, vlerëson raporti i SOA-s.

Ai përmend edhe Kishën Ortodokse Serbe, që përveç rolit fetar, thotë se ka edhe ndikim të fuqishëm politik – kombëtar dhe rajonal.

Udhëheqësit e Kishës promovojnë konceptin e “botës serbe”, duke përfshirë veçanërisht Bosnje dhe Hercegovinën, Malin e Zi dhe Kosovën si pjesë të kësaj hapësire, vë në dukje raporti.

I njëjti paralajmëron, gjithashtu, se organizatat kriminale të Ballkanit Perëndimor, sidomos ato serbo-malazeze, janë shumë aktive në trafikimin e kokainës nga Amerika e Jugut drejt Evropës.

Roli destabilizues i Rusisë
Në një pjesë të raportit, SOA thekson edhe ndikimin e vazhdueshëm dhe destabilizues të Rusisë në Ballkanin Perëndimor.

Moska, sipas raportit, përdor një gamë mjetesh – sidomos lidhjet tradicionale me Serbinë – për të ruajtur dhe zgjeruar ndikimin e saj në rajon.

Agjencia vëren, gjithashtu, praninë aktive të shërbimeve ruse të inteligjencës në Serbi, të cilat, sipas SOA-s, përfshijnë edhe strehimin e agjentëve të larguar nga vendet perëndimore.

Raporti thekson se nga territori serb operojnë edhe mjete hibride ruse dhe përmend në mënyrë të veçantë RT-në dhe Sputnik-un.

Këto media “shërbejnë për të përhapur narrativë prorusë dhe antiperëndimorë në Ballkanin Perëndimor”, thekson raporti.

“Demokraci e sigurt”
Për vetë Kroacinë, SOA vlerëson se është një “demokraci e sigurt dhe e qëndrueshme në një mjedis sfidues të sigurisë”.

Ajo thekson se ndryshimet e shpejta globale, zhvillimet teknologjike dhe pasojat e luftës në Ukrainë kanë ndikuar në përkeqësimin e sigurisë në Evropë.

Por Kroacia, aktualisht, nuk përballet me kërcënime serioze të drejtpërdrejta ndaj sigurisë kombëtare apo rendit demokratik kushtetues, konstaton SOA.

The post Shërbimet kroate: Përshkallëzimi i tensioneve në Kosovë, rrezik i vazhdueshëm appeared first on Albeu.com.

Ministria e Jashtme e Iranit tha të martën se rivendosja e sanksioneve do të krijonte ndërlikime të panevojshme dhe do të shtynte më tej zgjidhjen për programin bërthamor të Republikës Islamike.

Duke folur për mediat shtetërore në Nju Jork, zëvendësministri i Jashtëm i Iranit, Kazem Gharibabadi, kritikoi ashpër përpjekjet e Evropës për të rivendosur sanksionet ndaj Iranit përmes mekanizmit “kthim të menjëhershëm” të Planit të Përbashkët Gjithëpërfshirës të Veprimit të vitit 2015.

“JCPOA nuk është zbatuar për shtatë vjet dhe vendet evropiane i ndaluan detyrimet e tyre pasi Shtetet e Bashkuara u tërhoqën nga marrëveshja. Ata i përmbushën angazhimet e tyre sipas JCPOA-s dhe tani presin që Republika Islamike e Iranit të bëjë të njëjtën gjë?”, tha ai.

Mbretëria e Bashkuar, Franca, Gjermania, Kina dhe Rusia mbeten palë në marrëveshjen e Iranit të vitit 2015, ndërsa SHBA-të u tërhoqën nga marrëveshja në vitin 2018 gjatë mandatit të parë të Presidentit Trump. Irani thuhet se e ka zgjeruar ndjeshëm programin e tij të pasurimit bërthamor që nga tërheqja e SHBA-së.

Sipas mekanizmit të kthimit të menjëhershëm, pjesëmarrësit e JCPOA-s mund të rivendosin sanksione të rënda ndaj Iranit nëse përcaktojnë se Republika Islamike nuk i ka përmbushur detyrimet e saj. Britania, Franca dhe Gjermania njoftuan më parë këtë muaj se do të rivendosnin sanksionet sipas mekanizmit të rikthimit nëse nuk arrihet përparim në programin bërthamor të Iranit deri në fund të gushtit.

Zyrtarët iranianë dhe evropianë do të takohen këtë të premte në Stamboll për të diskutuar të ardhmen e programit bërthamor të Iranit. Gharibabadi tha se mezi pret të bëjë të qartë qëndrimin e Iranit mbi sanksionet në takimin e së premtes.

“Ne do të shprehim qëndrimin tonë në lidhje me komentet e E3 në lidhje me mekanizmin e rikthimit, të cilit ne besojmë se i mungon një bazë ligjore. Megjithatë, përpjekja jonë do të jetë të shohim nëse mund të gjejmë zgjidhje të përbashkëta për të menaxhuar situatën”, u shpreh ai.

Bisedimet e ardhshme shënojnë një ndryshim në fokus për Iranin, i cili më parë ka marrë pjesë në pesë raunde negociatash bërthamore me SHBA-në. Megjithatë, zyrtarët iranianë mund të kenë humbur besimin te negociatorët amerikanë pas luftës së muajit të kaluar, në të cilën bombarduesit amerikanë ndihmuan Izraelin të dëmtonte rëndë infrastrukturën bërthamore të Iranit.

Pas bllokimit të muajit të kaluar, Irani ka këmbëngulur se nuk do të rifillojë bisedimet me negociatorët amerikanë derisa të marrë garanci se Teherani është i sigurt nga sulmi.

Irani ka pezulluar gjithashtu bashkëpunimin me Agjencinë Ndërkombëtare të Energjisë Atomike, të cilën e thotë se luajti një rol në justifikimin e sulmeve parandaluese të Izraelit.

The post Irani paralajmëron Europën, zyrtari iranian: Hakmarrja me sanksione për programin bërthamor nuk ka bazë ligjore appeared first on Albeu.com.

Drejtoria Vendore e Policisë Durrës po vijon kontrollet në vijën bregdetare, në vijim të operacionit policor të koduar “Plazhi i lirë”, me qëllim lirimin e hapësirave publike.

Në kuadër të këtij operacioni u liruan hapësira të tjera në plazhin e Gjirit të Lalëzit, që ishin zënë në mënyrë të paligjshme.

Policia procedoi penalisht dy shtetas si dhe hoqi dhe sekuestroi 78 komplete me çadra dhe shezlongë.

Në vijim të veprimeve, u referuan materialet në Prokurori ku nisi procedimi në gjendje të lirë për shtetasit Ll. M., 66 vjeç dhe E. P., 36 të dy banues në Ishëm, Durrës.

Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror.

The post Lirohen hapësirat publike në plazhin e Gjirit të Lalëzit, procedohen dy shtetas appeared first on Albeu.com.

Një ngjarje e rëndë raportohet të ketë ndodhur në Livadhja të Vlorës ku një 49-vjeçar ka rënë në pranga të policisë, pasi ka goditur me gotë qelqi në fytyrë bashkëshorten e tij.

Kjo e fundit ka pësuar dëmtime në pjesën e fytyrës. Sakaq, hetimet po vijojnë për zbardhjen e plotë të rrethanave të rastit.

Njoftimi i Policisë:

Specialistët për Hetimin e Krimeve në Stacionin e Policisë Livadhja arrestuan shtetasin P. K., 49 vjeç, banues në fshatin Livadhja, Finiq, pasi dyshohet se ka goditur me një gotë qelqi në fytyrë bashkëshorten e tij, duke i shkaktuar dëmtime.

The post Qëlloi me gotë qelqi në fytyrë bashkëshorten e tij, arrestohet 49-vjeçari në Vlorë appeared first on Albeu.com.

Kreu i Lëvizjes “Shqipëria Bëhet”, Adriatik Lapaj në një konferencë për mediat komentoi përplasjen me Endri Shabanin, duke e ftuar atë në një duel politik.

Reagimi nga ana e kreut të Nismës Thurje nuk ka munguar, i cili shprehet se është ftuar në këtë duel me mjete të pabarabarta.

“Një përgjigje për deklaratën e sotme të Z. Adriatik Lapaj

Në mënyrë të përsëritur dhe fatkeqësisht për turpin e “politikës së re”, jam thirrur në një duel publik me mjete të pabarabarta nga Adriatik Lapaj.

Theksoj “me mjete të pabarabarta” sepse shpifja, gënjeshtra, fabrikimi i të vërtetës janë mjete që kanë një epërsi të caktuar mbi atë që nuk di dhe nuk do që t’i përdorë.

Adriatik Lapaj po shpif ndaj meje, po gënjen për mua dhe po përpiqet të fabrikojë një të vërtetë të tijën, duke u përpjekur të dalë i larë nga një çorbë që e ka gatuar vetë.

Unë nuk kam pasur, nuk kam dhe s’kam pse apo si të kem ndonjë qëllim për të penguar Adriatikun të hyjë në Parlament.

E kam bërë të qartë publikisht dhe privatisht me të, se për mua ai, apo kushdo tjetër që ai do (përfshi Greta Ambelin apo Kleana Xhuvelin), mund të shkojë dhe të marrë mandatin.

Nga ana tjetër, ia kam bërë të qartë po ashtu Adriatikut se unë nuk e bind dot dajën tim që të harrojë kërcënimet me jetë, apo dhunën publike dhe mediatike të frymëzuar, në mos porositur, nga Adriatiku.

Përpara se të kalohej në dhunë e kërcënime, Adriatiku është dëshmitar që jam ulur bashkë me të për t’i kërkuar dajës t’i hapë rrugën, dhe nuk ia kemi dalë.

Unë nuk jam Zeqiri dhe as dua të bëj avokatin e tij, por nuk kemi argumente as unë, as Adriatiku për ta bindur që ai të mos i kërkojë hesap Adriatikut për sa i përket fjalës së dhënë.

Kur kemi folur me Zeqirin, ai na ka thënë troç që nuk është politikan dhe premtimet i merr seriozisht. Prandaj edhe e kishte besuar Adriatikun kur thoshte se do të jepte dorëheqjen nëse do të ishte deputet i vetëm.

Kështu si shkuan gjërat, sidomos pas kërcënimeve nga njerëz të partisë së Adriatikut, ai ndihet edhe më i bindur që nuk duhet të dorëzohet përballë presionit, sepse sipas tij, Adriatiku është një gënjeshtar si çdo politikan i vjetër.

Ajo që unë nuk kuptoj është përse Adriatiku kërkon të më bëjë mua përgjegjës për vendimet individuale të dikujt që, po, është i afërmi im, por ka kokën e vet, kur Adriatiku vetë nuk mban përgjegjësi as për familjarët e tij që kërcënojnë në emër të tij.

Unë besoj njësoj si Adriatiku që ai s’ka përgjegjësi për vjehrrin që nuk e kaloi Vettingun. Por nuk është problemi im nëse ai beson që përgjegjësia e dikujt tjetër është e imja – dhe kjo nuk ka ku të rrijë!

Më vjen keq që një lider i ri si Adriatiku nuk merr asnjë përgjegjësi vetë për këtë teatër politik me familjarët, të cilin na e sugjeroi si një “gjetje gjeniale”. Ky truk ekstra-ligjor kishte padyshim risk, sepse varej te vullneti i atyre që pranonin të përdoreshin si “placeholders” (mbajtës rradhe). Prandaj edhe duhej menaxhuar me shumë kujdes.

Megjithatë, do të doja që ky absurd të mbaronte. Dhe personalisht, së bashku me ata familjarë që mendojnë si unë, e kam hapur krahun pa asnjë problem.

Motra e Adriatikut po bëhet deputete sot vetëm sepse njeriu im më i afërt ka pranuar t’ia lirojë vendin asaj.

Ndërsa Adriatikut do t’i lutesha që çfarë ka me dajën, të mos ma kërkojë mua, sepse për më tepër, sado qesharake të duket, dajës tim iu lut ta përfshinte në listë në minutën e fundit, kur nuk gjente dot kandidatë për të mbushur listat.

Unë nuk kam asnjë lidhje me këtë histori.

As jam deputet dhe as dua më të bëhem deputet.

Këtë e di Adriatiku dhe e dinë të gjithë ata që duhet ta dinë, me gojë dhe me shkrim.

Prandaj, mos më tërhiqni mua në një valle që duhet të mbyllet sa më parë. Jo për mua, por për të shpëtuar sadopak nga fytyra e zhgarravitur tashmë e ‘politikës së re’!”, shkruan Shabani.

The post “Jam thirrur në një duel publik me mjete të pabarabarta”, Shabani: Adriatik Lapaj po shpif ndaj meje, po përpiqet të fabrikojë një të vërtetë të tijën appeared first on Albeu.com.

SPAK ka dërguar për gjykim 29 persona, mes tyre drejtues dhe punonjës të Universitetit Bujqësor të Tiranës, si dhe përfaqësues të kompanive private, të akuzuar për shkelje në 9 tenderë publikë gjatë vitit 2022, me një vlerë totale prej 90 milionë lekësh.

Zyrtarë të UBT, mes tyre ish-zëvendësrektorët Romina Koto dhe Ilir Kapaj, si dhe Administratori Edmond Tërthorja, kanë bashkëpunuar për të ideuar projekte fiktive, duke përfshirë në këtë proces edhe kompanitë që do të shpalleshin fituese.

Dokumentet dhe specifikimet teknike për tenderët janë përgatitur në bashkëpunim me kompanitë fituese, çka bie në kundërshtim me ligjin.

Kompanitë fituese – “Krijon” sh.p.k, “Zero Group” sh.p.k dhe “Malvina Visoka PF” – kanë paraqitur oferta të falsifikuara, duke fryrë çmimet dhe duke simuluar konkurrencë fiktive.

Në disa raste, mallrat që më vonë u tenderuan, ishin marrë më parë nga universiteti, duke bërë që procedurat e prokurimit të jenë të gjitha formale, pra vetëm për të “justifikuar” blerjen.

Njoftimi i SPAK:

SPAK dërgon për gjykim 29 të pandehur për shkelje me tenderët e Universitetit Bujqësor të Tiranës

Prokuroria e Posaçme kundër Korrupsionit dhe Krimit të Organizuar paraqiti sot (22.07.2025) kërkesën për gjykim të procedimit penal nr.13/1 të vitit 2022 (i ndarë nga procedimi penal nr.13 të vitit 2022), në ngarkim të 27 personave, zyrtarë të Univeristetit Bujqësor të Tiranës (UBT) dhe dy personave, përfaqësues të operatorit ekonomik “Krijon” sh.p.k.

Zyrtarët e Universitetit Bujqësor të Tiranës janë akuzuar për veprën penale “Shkelje e barazisë së pjesëmarrësve në tendera apo ankande publike”, në bashkëpunim, parashikuar nga nenet 258 e 25 të Kodit Penal.
Ndërsa dy përfaqësuesit e operatorit ekonomik “Krijon” sh.p.k, akuzohen për kryerjen e veprës penale “Falsifikim i dokumenteve”, kryer në bashkëpunim, më shumë se një herë, parashikuar nga neni 186/2 i Kodit Penal.
Në kuadër të këtij procedimi penal janë hetuar 9 (nëntë) procedura prokurimi të zhvilluara në vitin 2022, me një vlerë të fondit limit 90.000.000 (nëntëdhjetë milionë) lekë.

Hetimet proaktive janë zhvilluar me metoda speciale, të cilat përfshijnë përgjimin e bisedave telefonike të zyrtarëve të UBT, vëzhgime dhe administrimin e dokumentacionit të procedurave të prokurimit me autoritet kontraktor, UBT.

Gjatë hetimit janë evidentuar shkelje ligjore të personave përgjegjës të stafit akademik në UBT, të pandehurit: Romina Koto dhe Ilir Kapaj në detyrën e zëvendës/rektorit, Bejo Bizhga, me detyrë Përgjegjës i Departamentit të Moduleve Paraklinike, që konsistojnë në ideimin e projekteve dhe sigurimin e fondeve pranë Agjencisë Kombëtare për Kërkimin Shkencor dhe Inovacionin (AKKSHI), si edhe veprime të kundraligjshme të kryera në bashkëpunim me titullarin e autoritetit kontraktor, të pandehurin Edmond Tërthorja, me detyrë Administrator i UBT-së.

Këta persona kanë përgatitur të dhëna fiktive të projekteve, me specifikime të përgatitura nga vetë operatorët ekonomik konkurrues dhe fitues në këto procedura prokurimi. Pas sigurimit të fondeve nga AKKSHI, kanë vijuar veprimet e kundraligjshme të autoritetit kontraktor, në fazën e përgatitjes dhe kryerjes së procedurave të prokurimit. Komisioni që përllogariti fondin limit dhe përgatiti specifikimet teknike ka bashkëpunuar në mënyrë të vazhdueshme dhe të paligjshme me njësinë e prokurimit dhe komisionin e vlerësimit të ofertave.

Gjatë hetimit janë evidentuar shkelje ligjore të anëtarëve të njësisë së prokurimit dhe komisionit të vlerësimit të ofertave nga të pandehurit: Amarildo Lleshi, Mehmet Qoshja, Altin Murto, Enkeleida Sallaku, Klara Jahollari, Agim Sefa, Arjan Buliqi, Serafin Skënderi, Ilir Kusi, Dritan Laçi, Azem Parllaku, Artur Koleci, Radion Dhromi, Blenard Spaho, Tedi Proda, Erjola Kopali, Klea Lekoçaj, Etleva Shore, Mimoza Shehu, Elvira Shtogu, Tone Vukaj, në bashkëpunim me titullarin e autoritetit kontraktor, të pandehurin, Edmond Tërthorja, të cilët kanë krijuar kushte dhe favorizuar shpalljen fitues të operatorëve ekonomikë “Krijon”sh.p.k, “Zero Group” sh.p.k, “Malvina Visoka PF”.

Gjatë hetimit rezultoi se të dhënat e përgatitjes së fondit limit, specifikimet teknike, termat e referencës, si dhe hartimi i dokumenteve standarde të tenderit, janë bërë nga zyrtarët përgjegjës të autoritetit kontraktor, në bashkëpunim me operatorët ekonomikë fitues “Krijon”sh.p.k, “Zero Group”sh.p.k, dhe “Malvina Visoka PF”.

Në të gjitha procedurat e prokurimit të mësipërm, operatorët ekonomikë fitues, “Krijon”sh.p.k, “Zero Group”sh.p.k, dhe “Malvina Visoka PF”, kanë siguruar oferta ekonomike të falsifikuara, në emër të shoqërive tregtare të tjera, që janë përdorur nga autoriteti kontraktor dhe kanë ndikuar në fryrjen e fondit limit, pa kryer asnjë studim tregu.

Janë evidentuar raste të kryerjes së procedurës së prokurimit me operator eknomik të paracaktuar fitues, për pajisje me mallra të tjera, të vëna në dispozicion të autoritetit kontraktor disa muaj para shpalljes së procedurave të prokurimit, (procedura prokurimi të zhvilluara pas administrimit më parë të këtyre paisjeve, për të cilat më pas, janë kryer procedurat fiktive të prokurimit dhe marrje e tyre në dorëzim).

Prokuroria e Posaçme kundër Korrupsionit dhe Krimit të Organizuar po kryen hetime të në kuadër të procedimit penal nr.13 të vitit 2022, për të evidentuar çdo fakt tjetër penal, përgjegjësinë e çdo personi tjetër, që ka vepruar me dokumentacionin e këtyre procedurave të prokurimit, si dhe fakte të tjera penale në kuadër të këtij procedimi penal.

The post EMRAT/ Abuzime me tenderët në Universitetin Bujqësor të Tiranës, SPAK çon në gjyq 29 persona appeared first on Albeu.com.

Presidentja e Kosovës, Vjosa Osmani, i është drejtuar Gjykatës Kushtetuese duke i kërkuar që të shqyrtojë konfliktim e kompetencave që janë krijuar si pasojë e moskonstituimit të Kuvendit të Kosovës.

Mosdakordësia e deputetëve ka bërë që 50 seanca plenare të ‘djegin’ konstituimin e Kuvendit të Kosovës. Presidentja Osmani i ka kërkuar Kushtetueses që të zgjidhë këtë konflikt në një kohë kur Parlamenti është jofunksional.

Presidentja e Kosovës u shpreh se nuk duket asnjë kompromis mes partive politike që mund t’i japë zgjidhje ngërçit për konstituimin e Kuvendit brenda 30 ditëve siç kishte urdhëruar Kushtetuesja.

“Sot, në përmbushje të përgjegjësisë sime kushtetuese, për të garantuar funksionimin demokratik dhe kushtetues të institucioneve të vendit kam paraqitur kërkesë në Gjykatën Kushtetuese të Republikës së Kosovës për të shqyrtuar konfliktin e kompetencave kushtetuese të krijuara nga moskonstituimi i Kuvendit të Kosovës. E paraqita këtë kërkesë pas një situate të paprecedentë në jetën institucionale të vendit tonë”, tha Presidentja Osmani.

The post Moskonstituimi i Kuvendit të Kosovës, Vjosa Osmani shkon në Kushtetuese: Po pengohet puna! Zgjidh konfliktin e kompetencave appeared first on Albeu.com.