Një ngjarje e rëndë raportohet të ketë ndodhur në Livadhja të Vlorës ku një 49-vjeçar ka rënë në pranga të policisë, pasi ka goditur me gotë qelqi në fytyrë bashkëshorten e tij.

Kjo e fundit ka pësuar dëmtime në pjesën e fytyrës. Sakaq, hetimet po vijojnë për zbardhjen e plotë të rrethanave të rastit.

Njoftimi i Policisë:

Specialistët për Hetimin e Krimeve në Stacionin e Policisë Livadhja arrestuan shtetasin P. K., 49 vjeç, banues në fshatin Livadhja, Finiq, pasi dyshohet se ka goditur me një gotë qelqi në fytyrë bashkëshorten e tij, duke i shkaktuar dëmtime.

The post Qëlloi me gotë qelqi në fytyrë bashkëshorten e tij, arrestohet 49-vjeçari në Vlorë appeared first on Albeu.com.

Një aksident automobilistik është regjistruar mëngjesin e kësaj të marte, rreth orës 07:10, në aksin rrugor Shëngjin-Velipojë, në fshatin Rrjoll. Autoritetet policore raportojnë se shtetasi J. B., duke drejtuar automjetin e tij, dyshohet se ka humbur kontrollin dhe si pasojë makina ka dalë nga rruga dhe është përplasur me një dyqan. Si pasojë e aksidentit […]

The post Makina përplaset me dyqanin në aksin Shëngjin-Velipojë, plagosen 4 anëtarë të një familjeje appeared first on BoldNews.al.

Një realitet që shumë e njohin në heshtje: fëmija që sakrifikon, kujdeset dhe qëndron gjithmonë pranë, shpesh merret si i mirëqenë. Nuk bën zhurmë, nuk kërkon vëmendje dhe pikërisht për këtë, mbetet në hije.

Ndërkohë, fëmija më i largët, më i vështirë apo edhe më i ftohtë… trajtohet me më shumë ndjeshmëri. Me më shumë kujdes. E ndonjëherë, edhe me më shumë dashuri.

Ndoshta është faj, ndoshta ndjesë. Ndoshta thjesht mënyra se si prindërit përpiqen të balancojnë atë që nuk funksionon. Por barra mbi supet e atij që jep më shumë, është reale. Dhe shpesh… shumë e rëndë.

A ndihesh ndonjëherë si ai person që jep gjithmonë, por nuk shihet kurrë?

The post Studimi i ri: Prindërit priren të mbrojnë fëmijën që bën më pak për ta appeared first on iconstyle.al.

TIRANË, 16 korrik /ATSH/ Rreth 50 përfaqësues nga bashkitë, forcat e rendit, sistemi i drejtësisë, shërbimet sociale dhe shoqëria civile nga Kukësi dhe Dragashi u mblodhën sot në Kukës, për të forcuar bashkëpunimin në adresimin e dhunës në familje dhe dhunës me bazë gjinore.

Veprimtaria, e organizuar nga Prezenca e OSBE-së në Shqipëri dhe Misioni i OSBE-së në Kosovë, pason një takim të mëparshëm të mbajtur në dhjetor 2024 në Prizren, i cili shërbeu si një platformë për shkëmbimin e informacionit, përvojave dhe praktikave më të mira në trajtimin e rasteve të dhunës në familje.

Qëllimi i takimit të dytë ishte krijimi i një mekanizmi ndërkomunal për përmirësimin e parandalimit dhe të reagimit.

Përfundimi kryesor i veprimtarisë ishte nevoja për të formalizuar bashkëpunimin dhe për të hartuar një manual apo protokoll për adresimin e dhunës në familje dhe asaj me bazë gjinore ndërmjet juridiksioneve.

Fjalët përshëndetëse në hapje u mbajtën nga Kryetari i Prezencës së OSBE-së në Shqipëri, ambasadori Michel Tarran, kryetari i Misionit të OSBE-së në Shkup, ambasadori Kilan Wahl, prefekti i Kukësit, Dritan Baji, kryetari i komunës së Dragashit, Bexhet Xheladini dhe përfaqësuesja e Ministrisë së Shëndetësisë dhe Mbrojtjes Sociale të Shqipërisë, Edvina Murati.

Temat kryesore të agjendës përfshinin rolin e drejtësisë dhe të mbrojtjes sociale në luftën kundër dhunës në familje, sfidat në trajtimin e rasteve dhe strategjitë për forcimin e përgjigjes ndërjuridiksionale.

Koordinatorë nga Kukësi dhe Dragashi ndanë përvojat vendore, ndërsa misionet e OSBE-së theksuan rëndësinë e kornizave bashkëpunuese ndërmjet bashkive dhe përtej kufijve.

Me mbështetjen e Misionit të OSBE-së në Shkup, kjo nismë synon të shndërrohet në një platformë rajonale më të gjerë për veprim të përbashkët kundër dhunës në familje dhe dhunës me bazë gjinore. Ambasador Wahl ftoi që takimi i radhës të mbahet në Maqedoninë e Veriut.

1 nga 34

/gj.m//r.e//a.f/

The post OSBE nxit bashkëpunimin mes bashkive kundër dhunës në familje dhe asaj me bazë gjinore appeared first on Agjencia Telegrafike Shqiptare.

TIRANË, 15 korrik/ATSH/ Në njësinë 6 në kryeqytet u shpërndanë, dje dhe sot, 147 apartamente të reja për banorët e dëmtuar nga tërmeti dhe të shpronësuarve nga projektet e zhvillimit urban.

Ministria e Ekonomisë, Kulturës dhe Inovacionit në një postim në rrjetet sociale tha se “ky proces po zhvillohet me transparencë të plotë dhe në prani të qytetarëve përfitues. Ky është një tjetër hap i rëndësishëm në angazhimin tonë për të garantuar strehim dinjitoz për të gjithë ata që janë prekur nga projektet e zhvillimit urban”.

“Me përkushtim dhe vëmendje maksimale, po vijojmë me realizimin e çdo etape të këtij procesi, për të siguruar që asnjë qytetar të mos mbetet pas”, thekson MEKI.

1 nga 6

/k.s//r.e//a.f/

The post Tiranë, ndahen 147 apartamente të reja për të prekurit nga tërmeti dhe të shpronësuarit në njësinë 6 appeared first on Agjencia Telegrafike Shqiptare.

TIRANË, 15 korrik/ATSH/ Ministri i Mbrojtjes, Pirro Vengu i dorëzoi sot titullin “Dëshmor i Atdheut” familjes së kapitenit Arben Anamali, që humbi jetën disa ditë më parë teksa shpëtoi nga mbytja dy turistë të huaj në liqenin e Shkodrës.

Gjatë vizitës në familjen Anamali, ministri Vengu u shoqërua nga kryetari i bashkisë së Shkodrës, Benet Beci dhe prefektja Majlinda Angoni.

“Nderuam kujtimin e profesionistit të përkushtuar, mikut të dashur dhe prindit shembullor, që me aktin e tij fisnik u bashkua me heronjtë e pavdekshëm të Kombit. Sakrifica e Arbenit nuk është vetëm një shembull guximi, por një dëshmi e gjallë e shpirtit shqiptar që vendos jetën e tjetrit mbi të vetën prandaj nga sot ai rreshtohet mes “Dëshmorëve të Atdheut””, tha Vengu në një postim në rrjetet sociale.

Kapiteni i një anijeje turistike në liqenin e Shkodrës, Arben Anamali u mbyt më 8 korrik  gjatë përpjekjes për të shpëtuar dy turistë që kishin rënë në ujë. Trupi i pajetë i kapiten Anamalit u gjet më 10 korrik në liqenin e Shkodrës.

Kapiteni Arben Anamali u shpall “Dëshmor i Atdheut”.

1 nga 3

/k.s//a.f//r.e/

The post Arben Anamali u shpall “Dëshmor i Atdheut”, Vengu i dorëzon titullin familjes së kapitenit appeared first on Agjencia Telegrafike Shqiptare.

Elon Musk e trajtoi edhe një herë çështjen e niveleve të ulëta të lindjeve në Evropë në një postim në X, në të cilin ai ofroi një hartë që tregon numrin e lindjeve për vend në Kontinentin e Vjetër. Sipas manjatit të Afrikës së Jugut, Evropa “ose do të fillojë të ketë familje të mëdha ose do të vazhdojë të vdesë”. Kujtohet se të paktën dy herë në të kaluarën, Elon Musk i është drejtuar çështjes se niveleve të ulëta të lindjeve.

Either Europe starts having large families or it will keep dying https://t.co/UNX72ZRn98

— Elon Musk (@elonmusk) July 14, 2025

Sikurse shihet ne harte, edhe Shqiperia ka nivele te uleta te lindjes.

The post Elon Musk ngre alarmin: Europa po shkon drejt zhdukjes pa familje të mëdha appeared first on iconstyle.al.

Zjarri në banesën e Sulejman Doku në fshatin Berkanesh të Krujës, e ka shkrumbuar totalisht shtëpinë. Fatmirësisht nuk pati të lënduar, por vetëm dëme të konsiderueshme materiale. Sipas kryefamiljarit zjarri është diktuar nga fqinjët, të cilët kanë ndërhyrë për të larguar njërin nga djemtë invalid dhe familjarët e tjerë.

Ndonëse zjarrfikësit e Krujës kanë mbërritur menjëherë, ka qenë a pamundur të shpëtonin gjë. Sipas 81-vjeçarit Sulejman Doku, zjarri është shkaktuar nga energjia elektrike, ai bën thirrje për ndihmë dhe u kërkon institucioneve mundësi strehimi.

The post Shkrumbohet banesa në fshatin Berkanesh, 14 anëtarë të familjes kërkojnë ndihmë appeared first on Sot News | Lajme.

Rubinetet në apartamentet e tyre janë tharë.

“Kemi katër ditë që telefonojmë, por na thonë të njëjtën gjë: do ta raportojmë. Nuk merret asnjë masë konkrete”, thotë një banor.

Në rrugën “Hasan Vogli”, banorët thonë se uji në çezma vjen vetëm për pak minuta gjatë dorës, aq sa nuk arrin të mbushë as depozitat.

43 familje të këtij pallati janë të detyruar të blejnë ujë për të përmbushur nevojat bazike.

“Me bidonë, kemi bërë ankesa pa fund por kemi 4 ditë pa ujë.”

“Nuk dimë si ta përballojmë. Unë jam pensionist, me pensionin po blejë edhe ujë tani”, thonë banorët.

Problemi, sipas administratorit të pallatit, ka nisur para 20 ditësh, kur furnizimi me ujë nisi ndërprerje të shkurta, por situata u përkeqësua javën e fundit.

“Kemi 20 ditë, që njëherë kemi njëherë jo. Ndonjëherë vinte vetëm për 30 minuta. Por tani këto 4 ditë vjen vetëm për 12 minuta, ku nuk mbushen as depozitat. Jemi 43 familje, 7 biznese edhe 1 kopsht që s’kemi ujë”, shprehet administratori.

Shërbimi i Ujësjellës Kanalizime Tiranë tha se vetëm në këtë zonë po kryhen investime në linjat e amortizuara, çka ka sjellë edhe reduktimin në orar. Sipas UKT, nuk ka pasur mungesë furnizimi por vetëm reduktim, i cili pritet të zgjasë deri nga mesi i javës së ardhshme.

Të prekura janë edhe zonat e Saukut dhe Farkës. Pjesa më e madhe Tiranës furnizohet nga impianti i Bovillës, ndërsa 25% nga burimi i Selitës dhe Shën Mërisë.

The post 43 familje në ‘Selitë’ të Tiranës katër ditë pa ujë, qytetarët : Po e blejmë appeared first on Lapsi.al.

Stina e verës është periudha ideale për të kaluar kohë cilësore me familjen dhe për të krijuar kujtime të paharrueshme. Por cilat janë disa nga vendet më të mira për pushime familjare këtë vit? Ekspertët e udhëtimeve sugjerojnë destinacionet që ofrojnë plazhe të mrekullueshme, aktivitete argëtuese për të gjitha moshat dhe ambiente të sigurta për fëmijët.

1. Greqia – Ishujt e qetë dhe plazhet kristal

Ishuj si Korfuzi, Rodi apo Zakynthos ofrojnë plazhe të sigurta, resorte familjare dhe shumë aktivitete ujore për fëmijët.

2. Italia – Kulturë dhe relaks në të njëjtin vend

Toskana, Sardenja apo bregdeti Amalfi ofrojnë peizazhe të mahnitshme, kuzhinë të shkëlqyer dhe ambiente miqësore për familjet.

3. Spanja – Argëtim për të gjithë

Costa Brava dhe Ishujt Kanarie janë destinacione të përsosura për pushime me diell, me parqe ujore dhe aktivitete për të vegjlit.

4. Turqia – Resorte all inclusive dhe historinë e pasur

Antalya dhe Bodrum janë zgjedhje të njohura për pushimet familjare, me resorte luksoze që ofrojnë çdo gjë të përfshirë dhe aktivitete për fëmijë.

Pavarësisht destinacionit që zgjidhni, më e rëndësishmja është të kaloni kohë të bukur së bashku dhe të shkëputeni nga rutina e përditshme.

The post Destinacionet më të mira për pushime familjare këtë verë appeared first on iconstyle.al.

Një aksident i rëndë rrugor është regjistruar ditën e sotme, rreth orës 14:50, në aksin “Shkodër–Lezhë”, ku janë përfshirë tre automjete dhe ka rezultuar me një viktimë dhe disa të plagosur.

Sipas informacionit paraprak të Policisë së Shkodrës, shtetasi T. K., 42 vjeç, dyshohet se ka humbur kontrollin e kamionit që po drejtonte, duke u përplasur fillimisht me automjetin e drejtuar nga A. S., 63 vjeç, dhe më pas me një tjetër automjet të drejtuar nga shtetasi Gj. B., 37 vjeç.

Si pasojë e përplasjes së fortë, 37-vjeçari Gj. B. ka ndërruar jetë në Spitalin Rajonal të Shkodrës, ndërsa bashkëshortja e tij, J. B., 32 vjeçe, dhe dy fëmijët e mitur që ndodheshin në të njëjtin automjet, janë plagosur dhe ndodhen jashtë rrezikut për jetën.

Në vendin e ngjarjes ndodhen forcat e Policisë Rrugore dhe grupi hetimor, të cilët po punojnë për të përcaktuar rrethanat dhe shkaqet e aksidentit.

The post Aksident tragjik në Shkodër/ Humb jetën 37-vjeçari, plagoset familja appeared first on Lapsi.al.

TIRANË, 3 korrik/ATSH/ Në bashkinë e Shijakut 21 familje përfituan kredi të butë në formë granti për blerjen e banesave sociale, në kuadër të thirrjes së hapur në dhjetor të 2024-s.

Të gjithë qytetarët aplikuan në e-Albania dhe rezultoi se 25 familje u regjistruan për të përfituar nga kjo mundësi.

Këshilli bashkiak i Shijakut miratoi sistemin e pikëzimit dhe procedurat për përzgjedhjen dhe nga këto aplikime 21 familje u kualifikuan për përfitim (4 familje hoqën dorë vetë).

Emrat e familjeve u votuan unanimisht në këshillin bashkiak.

Fondi Social ka siguruar fillimisht mbështetje për 6 familje, por duke qenë se kërkesa ishte më e madhe dhe të gjithë plotësuan kushtet, me vendim të këshillit bashkiak u bë kërkesë për ndihmë edhe për 15 familjet e tjera.

Bashkia Shijak bën të ditur se shumë shpejt do të jetë hapi i radhës i programit për aplikantët që janë të pastrehë, me qëllim sistemimin e çdo familjeje në Shijak.

/k.s//a.f//r.e/

The post Shijak, 21 familje përfituan kredi të butë për blerjen e banesave sociale appeared first on Agjencia Telegrafike Shqiptare.

Deputeti i Partisë Socialiste, Petro Koçi thotë se Sali Berisha po zvarrit procesin për dosjen “Partizani”. Në një intervistë Koçi u shpreh se Berisha duhet të hetohet edhe për çështje të tjera, bashkë me familjen.

“Duhet përshëndetur SPAK dhe GJKKO në qëndrimin konsistent në rastet për figura të larta politike, si zotin Berisha dhe zotin Meta. Ka figura të tjera të PS, që janë nën hetim, në gjykim. Kemi angazhim institucional të rëndësishëm të këtyre dy institucioneve të drejtësisë së re. Procesi është sunduar nga një përpjekje e zotit Berisha për ta zvarritur procesin. Ai nuk iu bind gjykatës për t’u paraqitur para SPAK. Ne duhet të përshëndesim drejtësinë e re në përpjekjet e saj për të luftuar korrupsionin. Zoti Berisha ka çështje të tjera për të cilat duhet të hetohet, 21 janari, Gërdeci gjithashtu. E dhe shumë gjëra të tjera.”, theksoi ai.

The post “Berisha po zvarrit procesin e ‘Partizanit’”/ Petro Koçi: Të hetohet edhe për çështje të tjera, bashkë me familjen appeared first on Sot News | Lajme.

Këngëtari i njohur Arian Agushi ka ndarë pak minuta më parë një lajmi emocionues dhe të gëzueshëm me ndjekësit e tij.

Pas dy djemve, Ariani ka njoftuar se është bërë baba i një vajze të quajtur Emblema, një emër që simbolizon bukuri dhe vlerë të veçantë.

Këngëtari, në një postim emocional, shpreh mirënjohjen e tij për këtë dhuratë të shenjtë.

“Falënderimi i takon Allahut, Krijuesit të qiejve dhe tokës, Furnizuesit e Mëshirëplotit që sot prap na furnizoi e na gëzoi me një dhuratë të çmueshme, me një vajzë.

Unë dhe Ermira u bëmë prind për herë të tretë, e Guerili e Fronti u bënë me një motër. O Allah o Zoti im bëje rob falënderues dhe bëje më të mirë se sa ne e mendojmë,” ka shkruar ai, duke i dhënë emocion këtij momenti të veçantë.

Lindja e vajzës përfaqëson një moment të rëndësishëm në jetën e çdo prindi, dhe Arian Agushi nuk është përjashtim. Ai thekson rëndësinë e emrit Emblema, duke e shprehur atë si pasuri dhe simbol të dashurisë për familjen e tij. Këta moment të bukur janë çaste që do të mbahen mend përjetësisht.

“Çika e babit o gëzimi jonë, babi emrin po ta lo EMBLEMA, ruje dhe duje dhe dije që je gjë e çmuar dhe e paprekshme si emblema me tri shkronjat e arta,” ka vazhduar Ariani, duke shprehur dashurinë e tij të pakushtëzuar për vajzën e tij të re.

The post Këngëtari i njohur u bë sot baba me një vajzë, ja emri unik që çifti i ka vendosur të voglës së tyre appeared first on Sot News | Lajme.

Dhuna në familje mbetet një ndër format më të përhapura të dhunës në Shqipëri. Referuar statistikave të policisë çdo ditë rreth 7 persona denoncojnë dhunë në marrëdhëniet familjare.

Vetëm në gjysmën e parë të vitit 2025, janë regjistruar 1260 denoncime të kësaj natyre, duke e kthyer këtë fenomen në një alarm social. Denoncimet pasohen me urdhër mbrojtje të lëshuara nga gjykata për periudha të caktuara që variojnë nga një muaj deri në një vit, por kjo nuk e ndal dhunën.

Pas çdo shifre fshihet një histori, një nënë, një fëmijë, apo shpesh herë edhe të moshuar të cilët dhunohen nga personat që presupozohet t’iu ofronin dashuri dhe mbrojtje

Vetëm një ditë më parë në Tiranë përfunduan në derën e komisariatit një nënë 39-vjeçare pasi rezultoi se dhunonte të bijën e saj të mitur ndërsa në një rast tjetër një 31-vjeçar u arrestua pasi ushtroi dhunë ndaj xhaxhait dhe gjyshes së tij, si dhe u kishte dëmtuar disa pajisje.

Sipas të dhënave zyrtare, shumica e viktimave të dhunës janë gra dhe fëmijë, ndërsa në shumë raste dhuna ndodh në heshtje, pa u denoncuar çka tregon se shifra reale e këtij fenomeni mund të jetë edhe më e lartë.

The post Shifra tronditëse/ Çdo ditë 7 gra rrihen, në 6 muaj 1260 denoncime për dhunë në marrëdhënie familjare appeared first on Albeu.com.

Dhuna në familje mbetet një ndër format më të përhapura të dhunës në Shqipëri. Referuar statistikave të Policisë çdo ditë rreth 7 persona denoncojnë dhunë në marrëdhëniet familjare. Vetëm në gjysmën e parë të vitit 2025, janë regjistruar 1260 denoncime të kësaj natyre, duke e kthyer këtë fenomen në një alarm social. Denoncimet pasohen me […]

The post Në 6 muaj 1260 denoncime për dhunë në familje, çdo ditë rrihen 7 gra ose burra appeared first on BoldNews.al.

Ushtria izraelite ka ndërmarrë një valë të re sulmesh ajrore gjatë natës në Rripin e Gazës, duke shkaktuar vdekjen e pesë personave dhe zhvendosjen e qindra familjeve palestineze. Sipas burimeve spitalore, dhjetëra civilë të plagosur janë dërguar në Spitalin Al-Ahli në qytetin e Gazës.

Sipas dëshmitarëve, sulmet u përqendruan në lagjet lindore të qytetit – Shujaiya, Tuffah dhe Zeitoun – zona të populluara ku jetojnë mijëra banorë. Një nga goditjet ajrore ka përfshirë një shkollë në Zeitoun që shërbente si strehë për familjet e zhvendosura.

“Forcat Mbrojtëse të Izraelit na telefonuan dhe na paralajmëruan se duhet të evakuoheshim menjëherë,” tha Abeer Talba, një banore e Zeitounit me shtatë fëmijë. “Kjo është hera e shtatë që detyrohemi të largohemi. Jemi pa ushqim, pa ujë. Fëmijët e mi po vdesin urie.”

Pesë viktima të tjera u raportuan në kampin Al Shati, në perëndim të qytetit të Gazës, ku një tjetër sulm ajror ka goditur një ndërtesë banimi.

Ushtria izraelite kishte urdhëruar më herët banorët të largoheshin nga zonat veriore të Rripit, në pritje të një operacioni të gjerë. Megjithatë, shumë nga të zhvendosurit u drejtuan më në perëndim të qytetit në vend që të lëviznin drejt jugut, për shkak të pasigurisë së përgjithshme dhe mungesës së strehimit.

LEXONI GJITHASHTU:

• Trump mohon çdo kontakt me Iranin pas sulmeve: Nuk i ofrova asgjë Teheranit
• Një i armatosur hap zjarr në Idaho të SHBA-së, vret dy persona, plagoset një tjetër

The post Gaza: Qindra familje të zhvendosura nga sulmet izraelite, çfarë thonë dëshmitarët appeared first on Euronews Albania.

Gazetari Neritan Sejamini në emisionin “Thjesht” trajtoi temën e remitancave dhe ndikimit të tyre në ekonominë dhe financat e familjeve shqiptare. Sipas gazetarit shifrat tregojnë se edhe në 2025 shqiptarët mbajnë frymën gjallë vetëm nga paratë që ju dërgojnë familjarët emigrantë. “Pa këtë mbështetje dhjetëra mijëra qytetarë do të jetonin në varfëri të plotë”, tha Sejamini […]

The post Emigracioni sjell 2 mijë euro në vit për çdo familje shqiptare, 1/4 e tyre nuk ka me se jeton appeared first on BoldNews.al.

Një qytetare nga Kavaja është drejtuar në emisionin “Stop” në Tv Klan, duke kërkuar ndihmë për të rifituar kujdestarinë e dy fëmijëve të saj, të moshës katër dhe nëntë vjeç.

Ajo rrëfen se është ndarë nga bashkëshorti pas 12 vitesh martesë, pasi ai nuk e lejonte të praktikonte fenë islame dhe ushtronte dhunë fizike dhe psikologjike ndaj saj.

Pas largimit nga banesa familjare, fillimisht fëmijët qëndruan me të. Por një muaj më vonë, ish-burri i mori me pretekstin e një takimi dhe nuk ia ktheu më. Qytetarja tregon se, ndonëse kërkoi zyrtarisht masë të përkohshme kujdestarie në Gjykatën e Tiranës, kërkesa e saj u refuzua.

Ndërkohë, të dyja palët kanë marrë urdhër mbrojtjeje, por sipas saj, nuk është kryer asnjë vlerësim psikologjik dhe gjykata ka vendosur që nëna t’i takojë fëmijët vetëm një ditë në javë – të premten.

Ajo shprehet se është e dëshpëruar, pasi nuk i sheh fëmijët shpesh, dhe kërkon që institucionet të ndërhyjnë për të rishikuar vendimin e kujdestarisë. Zonja ka denoncuar gjithashtu gjuhën fyese dhe kërcënuese të përdorur nga ish-burri, për të cilën thotë se ndikon negativisht edhe mbi fëmijët.

“Përshëndetje jam një qytetare e Kavajës. Jam e martuar prej 12 vitesh me një qytetar nga Kavaja, nga kjo martesë kam dy fëmijë të moshës nëntë dhe katër vjeç. Vitin e kaluar jemi ndarë fizikisht, unë jam larguar nga shtëpia bashkë me fëmijët, më datë 17 mars të vitit të kaluar. Arsyeja e ndarjes ka qenë se unë jam praktikante e fesë islame dhe ish-bashkëshorti im nuk më lejonte që ta praktikoja. Çështja arriti deri në dhunë fizike dhe psikologjike. Më përndiqte gjatë gjithë kohës , nuk më lejonte që të falesha dhe kjo pastaj çoi deri në ndarje.

Pas një muaji, ish-bashkëshorti i takonte fëmijët çdo ditë, i çonte dhe në shkollë. Me pretekstin se do të takonte kushërinj që kishin ardhur nga jashtë, i mori dhe nuk m’i ktheu më. Në atë moment unë nisa procedurat e divorcit. Hapa një kërkesë-pari në Gjykatën e Durrësit. Unë marr vesh që ai kishte hapur një kërkesë padi në Gjykatën e Tiranës më 11 maj të viti të kaluar. Bëj një kërkesë në Gjykatën e Tiranës për marrjen e masës së përkohshme për të marrë fëmijët, në kërkesën e parë gjyqtarja e refuzoi, në kërkesën e dytë nuk mora asnjë përgjigje. Nga momenti që i mori ish-bashkëshorti në fillim i kam takuar shumë rrallë, pasi kam shkuar një ditë në shtëpinë e tij për t’i takuar, pasi kisha më shumë se një muaj pa i takuar, në momentin që hyj brenda fëmijët më përqafojnë.

Motra e tij fillon që të më shajë dhe të më ofendojë dhe të dy më dhunojnë fizikisht në sy të fëmijëve, mora një urdhër-mbrojtje. Kurse ai dhe motra e vet marrin urdhër mbrojtje në të njëjtën ditë, në të njëjtën seancë. Seanca u bë shumë shpejt, nuk u caktua asnjë psikolog dhe asnjë raport psikologjik, as detaje nuk u morën dhe asgjë. Kërkoj nga emisioni “Stop” që të vërë institucionet në lëvizje, që unë të kryej procesin e divorcit dhe të marr kujdestarinë e fëmijëve, sepse më ka marrë shumë malli, më mungojnë shumë, kam mbi një vit që jam larg tyre”, tha mes lotësh qytetarja.

Nga bisedat e ish-bashkëshortit, kuptohet ndikimi i tij tek fëmijët dhe gjuhën ofenduese, që ai përdor ndaj nënës vazhdimisht. Madje ai shprehet, se do u thotë fëmijëve që e ëma ka pranuar, që ka të dashur e do të bëjë fëmijë të tjerë me të.

Ish-bashkëshorti: Ashtu je rritur ti, me tasa rrugëve, moj racë e sh…., moj racë e degjeneruar, që paske qenë ti. Moj palaço femër. Mos t’i japësh me tasa orizi rrugëve andej, moj të nxiftë Zoti surratin ty, moj idiote, moj injorante, që paske qenë ti… Do i them çunit, që ka thënë F*** kam dashnor, prandaj nuk ju dua juve më. Do bëj kalamaj të tjerë me dashnorin, do i them, që ka thënë.

Qytetarja: Është vendimi i gjykatës dhe ai lloj vendimi ka mbaruar që në dhjetor.

Ish-bashkëshorti: Do bëj tjetër unë, mos e vrit mendjen.

Qytetarja: Si do e bësh ti tjetrin?

Ish-bashkëshorti: Po ç’ke ti?

Qytetarja: A të vij t’i marr kalamajtë tani dhe të rrinë gjithë darkën me mua? Të flenë sonte te unë?

Ish-bashkëshorti: Me atë drejtim që ke ti, të futesh te kalamajtë? Po s’bën vaki ajo punë.

Qytetarja: Çfarë drejtimi kam unë?

Ish-bashkëshorti: Atë që ke, atë, që di.

Qytetarja: Fëmijët do rrinë me mua, se janë dhe fëmijët e mi.

Ish-bashkëshorti: Gjaku im rri me ty?

Qytetarja: Po janë dhe gjaku im ata.

Ish-bashkëshorti: Takimin me kalamajtë, do ta kesh një herë në dy javë ose një herë në muaj, si ta vendosë gjykata.

Qytetarja: Kush ta jep ty këtë siguri, që do marrësh kujdestarinë e fëmijëve, sepse ligjërisht kujdestaria më takon mua?

Ish-bashkëshorti: Nuk je e aftë për kujdestari, se je në rrugë të madhe.

Qytetarja: Unë jam shumë e aftë, sepse unë kam një shtëpi, unë punoj. Jam shumë mirë nga ana shëndetsore.

Nga shërbimi social Kavajë u tha se nuk kishin dijeni për përfundimin e urdhrit të mbrojtjes dhe do të ndërmjetësojnë, që fëmijët të takohen më shumë me nënën e tyre.

“Ne si zyrë e shërbimit social e Bashkisë Kavajës jemi të njohur me rastin e zonjës. Para disa kohësh kemi bërë disa takime të nënës me fëmijët, në prani të zotërisë. Duke qenë se nuk ishim në dijeni të urdhrit të mbrojtjes, u referuam nga ju për pretendimin që zonja ka, që të takojë më shpesh fëmijët e saj. Ne si zyrë e shërbimit social do të mundësojmë takime më të shpeshta me zotërinë dhe me zonjën, që të biem dakord që zonja të takojë fëmijët e saj më shpesh dhe jo vetëm ditën e premte siç ka qenë më parë”, tha shërbimi social Kavajë.

The post “Racë e degj*nerume”, pas ndarjes, ish-burri nuk ia kthen më fëmijët, nëna kërkon drejtësi appeared first on Albeu.com.

Bilbil Kanani, banor i lagjes nr. 2 në qytetin e Cërrikut, i është drejtuar emisionit investigativ “Tak Fak” për të denoncuar një problem serioz që po rëndon jetën e familjes së tij. Në katin e parë të pallatit ku jeton Bilbili ndodhet një kabinë elektrike me transformator brenda, ndërsa familja e tij jeton një kat […]

The post Banori ankohen për transformatorin elektrik në pallatin ku jetojnë: Rrezikohet jeta e familjeve appeared first on BoldNews.al.